ଆସିଲେନି ବନବିଭାଗ କର୍ମଚାରୀ,ଘରେ ପଶିଥିବା ଅହିରାଜକୁ ମାରିଦେଲେ ଲୋକେ

ରଣପୁର,୨୫।୧୦(ସ୍ବ.ପ୍ର.) : ବର୍ଷା ସମୟରେ ଘରେ ପଶିଗଲା ଅହିରାଜ। ଭୟଭୀତ ହୋଇଗଲେ ପରିବାର ସଦସ୍ୟ। ସ୍ନେକ୍‌ ହେଲ୍‌ପଲାଇନ ସଦସ୍ୟଙ୍କୁ ଫୋନ କରାଗଲେ ମଧ୍ୟ ମିଳିଲାନି ସହଯୋଗ। ଗୋପାଳପୁର ଫରେଷ୍ଟରଙ୍କୁ ଫୋନ କରିବାରୁ ସେ ଦୁର୍ବ୍ୟବହାର କରିଥିବା ଅଭିଯୋଗ ହେଉଛି। ବନବିଭାଗର କର୍ମଚାରୀଙ୍କୁ ଡାକି ୫ଘଣ୍ଟା ଅପେକ୍ଷା କରିବା ପରେ ନ ଆସିବାରୁ ସିଡ୍ୟୁଲ ୧ମାନ୍ୟତା ପ୍ରାପ୍ତ ଅହିରାଜକୁ ଲୋକେ ବାଧ୍ୟହୋଇ ମାରିଦେଲେ। ଏଭଳି ଘଟଣା ଘଟିଛି ନୟାଗଡ଼ ଜିଲା ରଣପୁର ବ୍ଲକ ଅଞ୍ଚଳରେ। ରଣପୁରରେ ବନବିଭାଗ ପକ୍ଷରୁ ଅହିରାଜ ସଚେତନତାର ବାର୍ତ୍ତା ଦେବା ପାଇଁ ବହୁ ଅର୍ଥ ବ୍ୟୟରେ ସୂଚନାଫଳକ ତିଆରି ହୋଇଛି। ସାପକୁ ନ ମାରିବା ପାଇଁ ଅନୁରୋଧ କରାଯାଇଛି। ବନବିଭାଗର ସହଯୋଗ ନେବା ପାଇଁ ଉଲ୍ଲେଖ ରହିଛି। କିନ୍ତୁ ଏଠାରେ ବନବିଭାଗ ଅସହଯୋଗ କରିବାରୁ ଲୋକେ ଜୀବନ ପ୍ରତି ବିପଦ ଆଶଙ୍କାରେ ଅହିରାଜକୁ ମାରି ଦେଇଛନ୍ତି। ଫଳରେ ରଣପୁରରେ ଅହିରାଜ ସଚେତନତା ବାଟବଣା ହୋଇଥିବା ଅଭିଯୋଗ ହେଉଛି।
ବନଖଣ୍ଡ ରଣପୁର ବ୍ଲକ କେରେଣ୍ଡାଟାଙ୍ଗୀ ପଞ୍ଚାୟତର ରାଇପଡା ଗଁା ମୁଣ୍ଡରେ ଚିରଞ୍ଜୀବୀ ପ୍ରଧାନଙ୍କ ଘର। ପରିବାର ପ୍ରତିପୋଷଣ ପାଇଁ ଚିରଞ୍ଜୀବୀ ରାଜ୍ୟ ବାହାରେ କାର୍ଯ୍ୟ କରୁଛନ୍ତି । ଘରେ ରୁହନ୍ତି ସ୍ତ୍ରୀ, ୮ବର୍ଷର ଝିଅ ଓ ୭୦ ବର୍ଷୀୟ ବୃଦ୍ଧା ମା’ । ଏପରିସ୍ଥଳେ ମଙ୍ଗଳବାର ଠାରୁ ବର୍ଷା ଆରମ୍ଭ ହୋଇଥିବାବେଳେ ରାତି ପ୍ରାୟ ୮ଟାରେ ତାଙ୍କ ଘର ଭିତରକୁ ୧୨ ଫୁଟ ଲମ୍ବର ଏକ ଅହିରାଜ ପଶି ଆସିଥିଲା । ପରିବାର ଲୋକେ ଭୟଭୀତ ହୋଇ ଗଁାଲୋକଙ୍କୁ ଡାକିଥିଲେ । ପାଟି ଶୁଣି ଆଜବେଷ୍ଟସ ଓରାରେ ସାପ ଗୁଡେଇ ହୋଇ ରହିଲା । ଘଟଣା ସମ୍ପର୍କରେ ରାତ୍ର ୯ଟାରେ ସ୍ନେକ ହେଲ୍‌ପଲାଇନ ଓ ରଣପୁର ବନବିଭାଗ କାର୍ଯ୍ୟାଳୟକୁ ଅବଗତ କରାଗଲା । ବନବିଭାଗର କର୍ମଚାରୀ ଆସିଲେ ନାହିଁ । ଗୋପାଳପୁର ଫରେଷ୍ଟରଙ୍କୁ ଫୋନ କରିବାରୁ ସେ ଦୁର୍ବ୍ୟବହାର କରିଥିବା ପରିବାର ସଦସ୍ୟ ଓ ଗଁାଲୋକ ଅଭିଯୋଗ କରିଛନ୍ତି। ସାପ ଧରିବା ଆମ କାର୍ଯ୍ୟ ନୁହେଁ ବୋଲି କହି ଫୋନ କାଟି ଦେଲେ । ସ୍ନେକ୍‌ ହେଲ୍‌ପ ଲାଇନ ସଦସ୍ୟ ତଥା ସାପଧରାଳି ଅଜୟ ପ୍ରଧାନଙ୍କୁ ଯୋଗାଯୋଗ କରାଯାଇଥିଲା । ହେଲେ ବନ ବିଭାଗର ସହଯୋଗ ନ ମିଳିବାରୁ ସେ ମଧ୍ୟ ଆସିପାରିଲେନି । ବାଧ୍ୟ ହୋଇ ଲୋକେ ରାତି ପ୍ରାୟ ଗୋଟାଏରେ ସାପକୁ ପିଟି ମାରିଦେଇଥିଲେ। ଏନେଇ ସାପ ଧରାଳି ଅଜୟ କୁହନ୍ତି ବନବିଭାଗ ଗାଡି ଯୋଗାଇଦେଇଥିଲେ ସେ ଯାଇ ସାପ ଧରିଥାନ୍ତେ । ବର୍ଷା ଯୋଗୁ ସେ ଗଁାକୁ ଯିବା ସମ୍ଭବ ନ ଥିଲା । ରଣପୁର ରେଞ୍ଜର ଶରତ ଚନ୍ଦ୍ର ଶତପଥୀ କୁହନ୍ତି, ମୁଁ ମଙ୍ଗଳବାର ଅନୁପସ୍ଥିତ ଥିଲି । ଜଙ୍ଗଲରେ ପାଟ୍ରୋଲିଂ କରୁଥିଲି । ଗୋପାଳପୁର ଫରେଷ୍ଟର ବିଚିତ୍ର ବେହେରା କୁହନ୍ତି, ପ୍ରବଳ ବର୍ଷା ହେଉଥିଲା । ଯିବା ସମ୍ଭବ ନ ଥିଲା । ପ୍ରକାଶଥାଉ କି ରଣପୁର ବନ ବିଭାଗ ପକ୍ଷରୁ ରାଇପଡା ଜଙ୍ଗଲର ଗୋପାଳପୁର-ଚାନ୍ଦପୁର ରାସ୍ତାର ରାଇପଡା ବିଟ୍‌ ନିକଟରେ ଅହିରାଜ ଉବାଚ ନାମରେ ସଚେତନତା ଫଳକ ନିର୍ମାଣ କରାଯାଇଛି। ସାପର ସୁରକ୍ଷା ପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ଚାଲିଛି । ହେଲେ ସିଡ୍ୟୁଲ ୧ ଅହିରାଜକୁ ବନବିଭାଗ ସୁରକ୍ଷା ଯୋଗାଇ ଦେଉ ନ ଥିବାରୁ ସାପ ବଂଶ ଲୋପ ପାଇବା ଆଶଙ୍କା ରହିଛି।


All Right Reserved By Dharitri.Com

ଖାଉଟି ଠକେଇ

ନବରଙ୍ଗପୁର ଜିଲାରେ ଖାଉଟି ଠକାମିର ଶିକାର ହେଉଛନ୍ତି। ଏବେ ବି ଜିଲାରେ ମାଣ ଓ ଅଡା କାରବାର ହାଟ ବଜାରରେ ଦେଖିବାକୁ ମିଳୁଛି। ଆଦିବାସୀ ଅଧ୍ୟୁଷିତ...

ଦୁର୍ଘଟଣାରେ ମୃତକ ପରିବାରକୁ କ୍ଷତିପୂରଣ ଦାବିରେ ରାସ୍ତାରୋକୋ

ଜି. ଉଦୟଗିରି, ୨୧ା୧( ଡି.ଏନ୍‌.ଏ.): ବୋଲେରୋ ଓ ଅଟୋ ଧକ୍କାରେ ସୋମବାର କନ୍ଧମାଳ ଜିଲା ଜି. ଉଦୟଗିରିର ନିଳିମା ମଲ୍ଲିକଙ୍କ ମୃତ୍ୟୁ ଘଟିଥିଲା। ତାଙ୍କ ପରିବାରକୁ...

ରାସ୍ତା ପାଲଟିଛି ଦୁର୍ଗମ: ଖମ୍ବ ପୋତି ପ୍ରତିବାଦ ଜଣାଇଲେ ଗ୍ରାମବାସୀ, ଜିଲାପାଳ ଦୃଷ୍ଟି ଦେବାକୁ ଦାବି

ବାଲିଆପାଳ, ୨୭ା୮(ଡି.ଏନ.ଏ.)-ବାଲିଆପାଳ ବ୍ଲକ ବଡାଶ ପଞ୍ଚାୟତ ଜଗାଇ ହାକାଣ୍ଡ ପୋଖରୀରୁ ମାଣିକ ସିମୁଳିଆସ୍ଥିତ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ(ବିନ୍ଦୁ ଧର୍ମ)ଆଶ୍ରମ ପର୍ଯ୍ୟନ୍ତ ରାସ୍ତା ଦୁର୍ଗମ ହୋଇପଡିଛି।...

ନୟାଗଡ଼ ପୌରପାଳିକା ଅଫିସରେ ରହୁନାହାନ୍ତି ୱାର୍ଡ ଅଫିସର

ନୟାଗଡ଼ ଅଫିସ,୧୧ା୧୨: ବିଭିନ୍ନ ସହରାଞ୍ଚଳରେ ପୌର ପ୍ରଶାସନର ପ୍ରତିନିଧିମାନଙ୍କ କାର୍ଯ୍ୟକାଳ ସରିଯାଇଥିବା ବେଳେ ସରକାରଙ୍କ ବିଭିନ୍ନ କାର୍ଯ୍ୟକ୍ରମକୁ ଅବ୍ୟାହତ ରଖିବା ପାଇଁ ଗୃହ ନିର୍ମାଣ ଓ...

ନୌସେନା ପକ୍ଷରୁ ଚିଲିକାରେ ନୌଚାଳନା ପ୍ରତିଯୋଗିତା: ତଟ ସୁରକ୍ଷାରେ ମତ୍ସ୍ୟଜୀବୀଙ୍କ ଭୂମିକା ଗୁରୁତ୍ୱପୂର୍ଣ୍ଣ, କମୋଡ଼ର ଋତୁରାଜ

ବାଲୁଗାଁ,୧୮ା୧୧(ଡ଼ି.ଏନ.ଏ.): ଚିଲିକା ତଥା ସମୁଦ୍ର ତଟ ସୁରକ୍ଷା ଦିଗରେ ମତ୍ସ୍ୟଜୀବୀଙ୍କ ଭୂମିକା ଗୁରୁତ୍ୱପୂର୍ଣ୍ଣ। ଜଳପଥରେ ସେମାନେ ହେଲେ କର୍ଣ୍ଣଧାର ତଥା ଆଖି ଓ କାନ ସଦୃଶ।...

ଟ୍ରାକ୍ଟର ଧକ୍କାରେ ଛାତ୍ରୀଙ୍କ ଜୀବନ ଗଲା, ଚାଳକଙ୍କ ଗିରଫ ଦାବିରେ ଥାନା ସମ୍ମୁଖରେ ବସିଲେ ଗ୍ରାମବାସୀ

ଛତ୍ରପୁର,୩ା୭(ଡି.ଏନ୍‌.ଏ.): ଗଞ୍ଜାମ ଜିଲା ଛତ୍ରପୁର ଥାନା ଅଧୀନ ଝରପୋଖରୀ ନିକଟ ରାସ୍ତାରେ  ବୁଧବାର ଏକ ସାଇକେଲକୁ ଟ୍ରାକ୍ଟର ଧକ୍କା ଦେବାରୁ ଜଣେ ଆଇଟିଆଇ ଛାତ୍ରୀଙ୍କ ଘଟଣାସ୍ଥଳରେ...

ପଟ୍ଟାଙ୍ଗୀରେ ପୁଣି ବାଜି ମାରିଲା ବିଜେଡି

କୋରାପୁଟ, ୨୩।୫(ସ୍ବ.ପ୍ର.)- କୋରାପୁଟ ଜିଲା ଅଧୀନ ପଟ୍ଟାଙ୍ଗୀ ବିଧାନସଭା ଆସନକୁ ପୁଣିଥରେ ହାତେଇଛି ବିଜେଡି। ଏହି ଆସନରେ ବିଜୁ ଜନତା ଦଳ ପ୍ରାର୍ଥୀ ପ୍ରିତମ ପାଢୀ...

ଧୂଳି ଉଡ଼ିବା ପ୍ରତିବାଦରେ ହଟିଂବାସୀଙ୍କ ରାଜପଥ ଅବରୋଧ

ଯୋଡ଼ା, ୨୫।୧୨(ଡି.ଏନ.ଏ.)-କେନ୍ଦୁଝର ଜିଲା ଯୋଡା ସହରର ୫୨୦ନଂ ଜାତୀୟ ରାଜପଥରେ ପ୍ରବଳ ମାତ୍ରାରେ ଧୂଳି ଉଡିବା ପ୍ରତିବାଦରେ ମଙ୍ଗଳବାର ଯୋଡା ଟଲକ ହଟିଂବାସୀ ୫୨୦ନଂ ଜାତୀୟ...

Leave a comment

Your email address will not be published. Required fields are marked *