ବ୍ୟାଙ୍କ ଧର୍ମଘଟ ଯୋଗୁ ବନ୍ଦ ରହିଲା ରାଜ୍ୟର ୪୨୦୦ ଶାଖା

ମୁମ୍ବାଇ, ଭୁବନେଶ୍ୱର(ବ୍ୟୁରୋ)୨୩-୧୦:ସରକାରଙ୍କ ମେଗା ବ୍ୟାଙ୍କ ମିଶ୍ରଣ ପଦକ୍ଷେପକୁ ବିରୋଧ କରି ସାରା ଦେଶରେ ବ୍ୟାଙ୍କ କର୍ମଚାରୀଙ୍କ ଧର୍ମଘଟ ଯୋଗୁ ମଙ୍ଗଳବାର ବ୍ୟାଙ୍କିଙ୍ଗ ସେବା ପ୍ରଭାବିତ ହୋଇଛି। ଧର୍ମଘଟର ପ୍ରଭାବ ରାଜଧାନୀ ଭୁବନେଶ୍ୱର ସମେତ ରାଉରକେଲା, କଟକ, ସମ୍ବଲପୁର, ବାଲେଶ୍ୱର ଏବଂ ବାରିପଦା ଭଳି ରାଜ୍ୟର ପ୍ରମୁଖ ସହର ଗୁଡିକରେ ଦେଖାଯାଇଛି। ଏସ୍‌ବିଆଇ କର୍ମଚାରୀ ସଂଘ ଧାରଣାକୁ ନୈତିକ ସମର୍ଥନ ଜଣାଇଥିଲେ ମଧ୍ୟ ଧର୍ମଘଟରେ ସାମିଲ ହୋଇ ନ ଥିଲା। ମଙ୍ଗଳବାର ଖୋଲାଥିବା ବିଭିନ୍ନ ବ୍ୟାଙ୍କ ସାମ୍ନାରେ କର୍ମଚାରୀମାନେ ପିକେଟିଂ କରିବା ସହ ଶାଖାଗୁଡିକୁ ବନ୍ଦ କରିଥିଲେ। ଏହି ସମୟରେ ଏଟିଏମ୍‌ ବନ୍ଦ ବନ୍ଦ କରାଯାଇଥିଲା। ସମବାୟ ଏବଂ ଗ୍ରାମ୍ୟ ବ୍ୟାଙ୍କକୁ ଛାଡି ଦେଲେ ରାଜ୍ୟର ପ୍ରାୟ ୪,୨୦୦ ଶାଖା ଧର୍ମଘଟ ଯୋଗୁ ବନ୍ଦ ହୋଇଥିବା ନିଖିଳ ଓଡ଼ିଶା ବ୍ୟାଙ୍କ କର୍ମଚାରୀ ଆସୋସିଏଶନ ସାଧାରଣ ସମ୍ପାଦକ ପ୍ରଫୁଲ୍ଲ ତ୍ରିପାଠୀ ସୂଚନା ଦେଇଛନ୍ତି।
ତ୍ରିପାଠୀ କହିଛନ୍ତି ଯେ, ଧର୍ମଘଟରେ ରାଜ୍ୟର ୧୦ ହଜାର କର୍ମଚାରୀ ସାମିଲ ହୋଇଥିଲେ। ସରକାରଙ୍କୁ ଲିଖିତ ଭାବେ ବ୍ୟାଙ୍କିଙ୍ଗ୍‌ ସମସ୍ୟା ସମ୍ପର୍କରେ ଦାବି ରଖାଯିବ। କର୍ମଚାରୀଙ୍କ ନିଜସ୍ବ ଦାବିକୁ ଏଥିରେ ସାମିଲ କରାଯାଇନାହିଁ। ବ୍ୟାଙ୍କ ମିଶ୍ରଣ ଦ୍ୱାରା ଲୋକଙ୍କ ସ୍ବାର୍ଥ ବ୍ୟାହତ ହେଉଛି। ଏସ୍‌ବିଆଇ ସହ ଏହାର ସହାୟକ ବ୍ୟାଙ୍କ ମିଶ୍ରଣ ଦ୍ୱାରା ପ୍ରାୟ ୯,୫୦୦ ଶାଖା ଏବଂ ୩୦୦୦ ଏଟିଏମ୍‌ ବନ୍ଦ କରିଦିଆଗଲା। ୫ ହଜାର କର୍ମଚାରୀ ସ୍ବେଚ୍ଛାକୃତ ଭାବେ ଅବସର ନେଲେ। ସରକାର ବ୍ୟାଙ୍କ ମିଶ୍ରଣ ଦ୍ୱାରା ବଡ ଲୋନ ସହ ସଂସ୍କାର କଥା କହୁଛନ୍ତି। ବ୍ୟାଙ୍କଗୁଡିକର ବଡ ଲୋନ କେବଳ କର୍ପୋରେଟ ନେଉଛନ୍ତି ଯାହାର ୭୦% ଏବେ ଏନ୍‌ପିଏ ହୋଇଛି। ବ୍ୟାଙ୍କ ବଡ ହେଲେ ସାଧାରଣ ଲୋକଙ୍କୁ ଉପେକ୍ଷିତ ଓ ଅଣଦେଖା କରାଯିବାର ସମ୍ଭାବନାକୁ ଏଡାଇ ଦିଆଯାଇ ନ ପାରେ।
ଚଳିତ ବର୍ଷ ଅଗଷ୍ଟରେ ୧୦ ରାଷ୍ଟ୍ରାୟତ୍ତ ବ୍ୟାଙ୍କ ମିଶ୍ରଣ ଦ୍ୱାରା ୪ ବଡ ବ୍ୟାଙ୍କ ଗଠନ ନେଇ ସରକାର ଘୋଷଣା କରିଥିଲେ। ଏସ୍‌ବିଆଇ ସହ ଏହାର ସହାୟକ ବ୍ୟାଙ୍କଗୁଡିକର ମିଶ୍ରଣ ଏବଂ ବ୍ୟାଙ୍କ ଅଫ୍‌ ବରୋଦା ସହ ଦେନା ଏବଂ ବିଜୟା ବ୍ୟାଙ୍କ ମିଶ୍ରଣ ହେବା ଫଳରେ ଏହାର ପ୍ରଭାବ ଦେଖାଯାଇଛି। ଏଭଳି ପ୍ରକ୍ରିୟାରେ ବର୍ତ୍ତମାନ ସୁଦ୍ଧା ୩ ହଜାର ବ୍ୟାଙ୍କ ଶାଖା ବନ୍ଦ ହୋଇଛି ଅଲ୍‌ ଇଣ୍ଡିଆ ବ୍ୟାଙ୍କ ଏମ୍ପ୍ଲଇଜ ଆସୋସିଏଶନ(ଏଆଇବିଇଏ) ପକ୍ଷରୁ ସୂଚନା ରହିଛି।
ବଡ ବଡ ବାଣିଜ୍ୟ ଗୋଷ୍ଠୀର ସ୍ବାର୍ଥକୁ ଗୁରୁତ୍ୱ ଦେଇ ସରକାର ବ୍ୟାଙ୍କ ମିଶ୍ରଣ ନେଇ ଯୋଜନା କରିଛନ୍ତି। ଏହି ଗୋଷ୍ଠୀ ବ୍ୟାଙ୍କଗୁଡ଼ିକରୁ ଅର୍ଥ ଲୁଟ କରୁଛନ୍ତି। ବୃହତ୍ତ ପରିମାଣର ଋଣ ନେଇ ଏହାକୁ ପୈଠ କରୁ ନ ଥିବାରୁ ବ୍ୟାଙ୍କରେ ଅନାଦାୟ ଋଣ (ଏନ୍‌ପିଏ) ପରିମାଣ ବଢୁଥିବା ସଂଘ ପକ୍ଷରୁ ଦାବି କରାଯାଇଛି। ଏଭଳି ବିଭିନ୍ନ ଦାବିକୁ ନେଇ ଏଆଇବିଇଏ ଏବଂ ବ୍ୟାଙ୍କ ଏମ୍ପ୍ଲଇ ଫେଡେରେଶନ ଅଫ୍‌ ଇଣ୍ଡିଆ(ବିଇଏଫ୍‌ଆଇ) ଦିନିକିଆ ଧର୍ମଘଟକୁ ଓହ୍ଲାଇଥିଲେ।
ଏହାବାଦ ସଂଘ ପକ୍ଷରୁ କୁହାଯାଇଛି ଯେ, ସରକାର ଛୋଟଛୋଟ ବ୍ୟାଙ୍କଗୁଡିକୁ ବନ୍ଦ କରିଦେଉଛନ୍ତି। ଏଭଳିସ୍ଥିତିରେ ଘରୋଇକ୍ଷେତ୍ର ବ୍ୟାଙ୍କ ସ୍ମଲ ଫାଇନାନ୍ସ ବ୍ୟାଙ୍କଗୁଡ଼ିକୁ ଲାଇସେନ୍ସ ପ୍ରଦାନ କରାଯାଉଛି। ଏହା ଦ୍ୱାରା ବ୍ୟାଙ୍କିଙ୍ଗକୁ ଘରୋଇକରଣ କରାଯାଉଛି। ଗତ ମାସରେ ବ୍ୟାଙ୍କ ଅଫିସର ସଂଘଗୁଡିକ ପକ୍ଷରୁ ୨ ଦିନିଆ ଧର୍ମଘଟ ଡାକରା ଦିଆଯାଇଥିଲା। ସରକାରଙ୍କ ସହ ଆଲୋଚନା ପରେ ଏହି ଧର୍ମଘଟ ପ୍ରତ୍ୟାହାର କରାଯାଇଥିବା ଜଣାପଡିଛି।


All Right Reserved By Dharitri.Com

ଜେଇଇ ଆଡଭାନ୍ସରେ ଆକାଶ ଛାତ୍ରୀଛାତ୍ରଙ୍କ ସଫଳତା

ଭୁବନେଶ୍ୱର,୧୫-୬:ଚଳିତ ବର୍ଷର ଜେଇଇ ଆଡଭାନ୍ସରେ ଆକାଶ କୋଚିଂ ପ୍ରତିଷ୍ଠାନର ଛାତ୍ରୀଛାତ୍ର ସଫଳତା ହାସଲ କରିଛନ୍ତି। ସର୍ବଭାରତୀୟ ର଼୍ୟାଙ୍କ ୫୧ ସହ ପ୍ରତିଷ୍ଠାନର ଛାତ୍ର ସାୟନ୍ତନ ଧର...

ଟ୍ରେଡ ଡିଲ୍‌ ଲାଗି ଆମେରିକା-ଚାଇନାର ସହମତି

ନୂଆଦିଲ୍ଲୀ,୧୪-୧୨: ପ୍ରଥମ ପର୍ଯ୍ୟାୟ ଟ୍ରେଡ ଡିଲ ଲାଗି ଆମେରିକା ଏବଂ ଚାଇନା ସହମତି ପ୍ରକାଶ କରିଛନ୍ତି। ଏହି ଚୁକ୍ତି ସମ୍ପାଦିତ ହେଲେ ଗତ ୧୭ ମାସ...

କ୍ରେଡାଇ ଓଡ଼ିଶା ପକ୍ଷରୁ ବାତ୍ୟା ପ୍ରଭାବିତଙ୍କୁ ସହାୟତା

ଭୁବନେଶ୍ୱର,୨୯-୬ -କ୍ରେଡାଇ ଓଡ଼ିଶା ପକ୍ଷରୁ ବାତ୍ୟା ପ୍ରଭାବିତ ଲୋକଙ୍କ ପୁନର୍ବାସ ଲାଗି ଗୃହ ନିର୍ମାଣ ସାମଗ୍ରୀ ପ୍ରଦାନ କରାଯାଇଛି। ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ ରାଉତଙ୍କ...

କ୍ଷୁଦ୍ର ବ୍ୟବସାୟୀଙ୍କ ଭାଗ୍ୟ ବଦଳାଇ ଦେଲେ ଜ୍ୟାକ୍‌ ମା

ବେଜିଂ,୨୯-୭: ଚାଇନାର ସବୁଠାରୁ ଧନବାନ ବ୍ୟକ୍ତି ତଥା ଇ-କମର୍ସ କମ୍ପାନୀ ଆଲିବାବାର ପ୍ରତିଷ୍ଠାତା ଅଧ୍ୟକ୍ଷ ଜ୍ୟାକ୍‌ ମା ଦେଶର କ୍ଷୁଦ୍ର ବ୍ୟବସାୟୀଙ୍କ ଭାଗ୍ୟ ବଦଳାଇ ଦେଇଛନ୍ତି।...

ବଜାଜର ୨ ନୂଆ ମଡେଲ ବଜାରରେ

ଭୁବନେଶ୍ୱର, ୧୯-୭: ବଜାଜ ଅଟୋ ପକ୍ଷରୁ ନୂଆ ପ୍ଲାଣ୍ଟିନା ୧୧୦ ଏଚ୍‌-ଗିୟର ଏବଂ ସିଟି ୧୧୦ ମଡେଲ ବଜାରକୁ ଆସିଛି। ହାଇଓ୍ବେ ରାଇଡିଂକୁ ନଜରରେ ରଖି...

ମୋଦି ସରକାରଙ୍କ ୧୦୦ ଦିନ;ନିବେଶକଙ୍କୁ ୧୪ ଲକ୍ଷ କୋଟି କ୍ଷତି

ମୁମ୍ବାଇ, ୧୦-୯: କେନ୍ଦ୍ରରେ ଦ୍ୱିତୀୟ ଥର କ୍ଷମତାକୁ ଫେରିଥିବା ନରେନ୍ଦ୍ର ମୋଦିଙ୍କ ନେତୃତ୍ୱାଧିନ ଏନ୍‌ଡିଏ ସରକାର ତା’ର ୧୦୦ ଦିନ ପୂରଣର ସଫଳତାକୁ ବଖାଣୁଛି। ତେବେ...

ଫନୀ ପ୍ରଭାବିତଙ୍କୁ ଏଚ୍‌ପିସିଏଲ୍‌ ଦେଲା ୫ କୋଟି

ଭୁବନେଶ୍ୱର,୨୨।୫: ଫନୀ ପ୍ରଭାବିତ ଅଞ୍ଚଳଗୁଡିକ ଲାଗି ହିନ୍ଦୁସ୍ଥାନ ପେଟ୍ରୋଲିୟମ କର୍ପୋରେଶନ ଲିମିଟେଡ(ଏଚ୍‌ପିସିଏଲ୍‌) ପକ୍ଷରୁ ୫ କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଛି। କମ୍ପାନୀର ଏଲ୍‌ପିଜି...

ଆଇଟି ସେକ୍ଟରରେ ଦରମା ତାରତମ୍ୟ;କର୍ମଚାରୀଙ୍କଠୁ ୪୫୫ ଗୁଣା ଅଧିକ ପାଆନ୍ତି ଓ୍ବିପ୍ରୋ ସିଇଓ

ନୂଆଦିଲ୍ଲୀ,୨୭-୭: ଦେଶର ସୂଚନା ପ୍ରଯୁକ୍ତି(ଆଇଟି) କ୍ଷେତ୍ରରେ ଶୀର୍ଷ କମ୍ପାନୀଗୁଡ଼ିକର ସିଇଓ ତଥା କର୍ମଚାରୀଙ୍କ ମଧ୍ୟରେ ବେତନ ତାରତମ୍ୟ କ୍ରମାଗତ ବଢ଼ିଚାଲିଛି। ଆର୍ଥିକ ବର୍ଷ ୨୦୧୮-୧୯ରେ ଏହି...

Leave a comment

Your email address will not be published. Required fields are marked *