କଂଗ୍ରେସ ଧରାଶାୟୀ

ଢେଙ୍କାନାଳ ଅଫିସ/ପରଜଙ୍ଗ(ଡି.ଏନ.ଏ.), ୨୫।୫- ସାଧାରଣ ନିର୍ବାଚନରେ ଭୟଙ୍କର ବିପର୍ଯ୍ୟୟର ସମ୍ମୁଖୀନ ହୋଇଛି କଂଗ୍ରେସ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ହାଓ୍ବା ଆଗରେ ଫେଲ୍‌ ମାରିଛି ବିପକ୍ଷ ଦଳର ସବୁ ରଣନୀତି। ଢେଙ୍କାନାଳ ଲୋକ ସଭା ନିର୍ବାଚନମଣ୍ଡଳୀରେ ଦଳ ଖାତା ଖୋଲିପାରିନାହିଁ। ଅଧିକାଂଶ ସ୍ଥାନରେ ଦଳୀୟ ପ୍ରାର୍ଥୀ ଅମାନତ ହରାଇଛନ୍ତି। ବିଶେଷ କରି ଢେଙ୍କାନାଳ ଜିଲାର ସମସ୍ତ ୪ ବିଧାନସଭା ଆସନରେ ଦଳର ଏପରି ନୈରାଶ୍ୟଜନକ ପ୍ରଦର୍ଶନରେ ମୁଣ୍ଡିଆଳମାନେ ଭାଷାଶୂନ୍ୟ ହୋଇପଡ଼ିଛନ୍ତି। କେଉଁ କାରଣରୁ ଦଳ ଏପରି ବିପର୍ଯ୍ୟୟର ସମ୍ମୁଖୀନ ହେଲା ତାକୁ ନେଇ ଆରମ୍ଭ ହୋଇଛି କାରଣ ଖୋଜା। ଅନ୍ୟପଟେ ବିଫଳତା ପରେ ଦଳୀୟ ପ୍ରାର୍ଥୀ ଇସ୍ତଫା ଦେବା ଆରମ୍ଭ କଲେଣି। ଆଉ କେତେଜଣ ନିର୍ବାଚନ ଲଢ଼ିବେନାହିଁ ବୋଲି ସ୍ପଷ୍ଟ କରିସାରିଲେଣି।
ଜିଲାରେ ମୁଖ୍ୟତଃ ଭାଜପା ଏବଂ ବିଜେଡି ମଧ୍ୟରେ ଟକ୍କର ହୋଇଥିଲା। ଢେଙ୍କାନାଳ ବିଧାନସଭା ଆସନରେ ଦଳୀୟ ପ୍ରାର୍ଥୀ ତଥା ପୂର୍ବତନ ବିଧାୟକ ନବୀନ ନନ୍ଦ ଭଲ ପ୍ରଦର୍ଶନ କରିବେ ବୋଲି ଆଶା ବାନ୍ଧିଥିଲେ। ହେଲେ ତାଙ୍କୁ ମାତ୍ର ୨୪,୭୮୮ ଭୋଟ ମଳିଥିବାବେଳେ ୩ୟ ସ୍ଥାନରେ ସନ୍ତୁଷ୍ଟ ହେବାକୁ ପଡ଼ିଛି। ଏଠାରୁ ବିଧାୟକ ଭାବେ ବିଜୟୀ ହୋଇଛନ୍ତି ବିଜେଡିର ସୁଧୀର କୁମାର ସାମଲ। ମୋଟ ୧ଲକ୍ଷ ୯୧ହଜାର ୨୦ଖଣ୍ଡ ଭୋଟରୁ ମଧ୍ୟରୁ ତାଙ୍କୁ ମିଳିଛି ୮୯,୫୩୬। ଏହା ହାରାହାରି ୪୬.୯୨%। ସେହିପରି ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ଭାଜପାର କୃଷ୍ଣଚନ୍ଦ୍ର ପାତ୍ର ୬୮,୮୯୬ (୩୬.୧୧%) ଭୋଟ ପାଇଛନ୍ତି।
ଫଳାଫଳ ପ୍ରକାଶ ପାଇବାପରେ କଂଗ୍ରେସ ଶିବିରରେ ନିରାଶ ଛାଇଯାଇଛି। ଅପରପକ୍ଷେ ଏପରି ପ୍ରଦର୍ଶନ ପରେ ଆଉ ନିର୍ବାଚନ ଲଢ଼ିବେ ନାହିଁ ବୋଲି ସ୍ପଷ୍ଟ କରିଛନ୍ତି ନବୀନ ନନ୍ଦ। ସେ କହିଛନ୍ତି ଏହା ତାଙ୍କର ଶେଷ ନିର୍ବାଚନ। ତାଙ୍କ ପାଖରେ କଳା ଟଙ୍କା ନାହିଁ। କୋଟି କୋଟି ଟଙ୍କା କିଏ, ଆମେ କିଏ। କଳା ଟଙ୍କା କାରବାର ଆମେ କରିପାରିବୁନି ା ତେଣୁ ଆଉ ନିର୍ବାଚନ ଲଢିବେ ନାହିଁ ବୋଲି ସେ ନିଷ୍ପତ୍ତି ନେଇଥିବା ସୂଚନା ଦେଇଛନ୍ତି। ତେବେ ଲୋକଙ୍କ ସ୍ବାର୍ଥ ପାଇଁ ଲଢେଇ ଜାରିରହିବ ବୋଲି ସେ କହିଛନ୍ତି। ନବୀନ ନନ୍ଦ ୨୦୦୦ରେ ଗଁଦିଆ ବିଧାନସଭା ଆସନରୁ ବିଜେଡି ବିଧାୟକ ଭାବେ ନିର୍ବାଚିତ ହୋଇଥିଲେ। ୨୦୦୯ରେ ଏନ୍‌ସିପିରୁ ଢେଙ୍କାନାଳ ବିଧାନସଭା ଆସନରୁ ବିଜୟୀ ହୋଇଥିଲେ। ପରବର୍ତ୍ତୀ ସମୟରେ ସେ ବିଜେଡିରେ ଯୋଗଦେଇଥିଲେ। ଚଳିତ ନିର୍ବାଚନ ପୂର୍ବରୁ ସେ ବିଜେଡିରୁ ଇସ୍ତଫା ଦେଇଥିଲେ। ସେ ଭାଜପାର ନିକଟତର ହେବାକୁ ଚେଷ୍ଟା କରିଥିଲେ। ବୈଜୟନ୍ତ ପଣ୍ଡାଙ୍କ ସହ ତାଙ୍କୁ ବିଭିନ୍ନ ସମୟରେ ସଭାସମିତିରେ ମଧ୍ୟ ଦେଖିବାକୁ ମିଳିଥିଲା। ସେ ଭାଜପାରେ ଯୋଗଦେଇପାରନ୍ତି ବୋଲି ଚର୍ଚ୍ଚା ଜୋର୍‌ ଧରିଥିଲା। ହେଲେ ଶେଷ ସମୟରେ ସେ କଂଗ୍ରେସରେ ମିଶି ବିଧାୟକ ପ୍ରାର୍ଥୀ ହୋଇଥିଲେ।
ପରଜଙ୍ଗ, ହିନ୍ଦୋଳ ଏବଂ କାମାକ୍ଷାନଗରରେ ମଧ୍ୟ ବିପର୍ଯ୍ୟୟରୁ ବର୍ତ୍ତିପାରିନି କଂଗ୍ରେସ। ହିନ୍ଦୋଳ ସଂରକ୍ଷିତ ଆସନରୁ ତ୍ରିନାଥ ବେହେରା ୯୩୬୬, କାମାକ୍ଷାନଗରରୁ ଭବାନୀ ଶଙ୍କର ମହାପାତ୍ର ୬୬୯୪ ଏବଂ ପରଜଙ୍ଗରୁ ଯଶସ୍ବିନୀ ରାଉତ ୬୭୯୫ ଭୋଟ ପାଇ ଅମାନତ ହରାଇଛନ୍ତି। ଏପରି ପ୍ରଦର୍ଶନ ପରେ ପରଜଙ୍ଗ ବିଧାନସଭାର ପୂର୍ବତନ ବିଧାୟକ ପ୍ରାର୍ଥୀ ସନ୍ତୋଷ କୁମାର ରାଉତ ଏବଂ ଚଳିତ ଥର ଏହି ଆସନରୁ ଲଢ଼ିଥିବା ତାଙ୍କ ସ୍ତ୍ରୀ ଯଶସ୍ବିନୀ ଇସ୍ତଫା ଦେଇଛନ୍ତି। ସେ ନିଜର ଇସ୍ତଫା ପତ୍ର ଜିଲା ସଭାପତି ଏବଂ ପିସିସି ଉପସଭାପତି ଡ. ଆର୍ଯ୍ୟକୁମାର ଜ୍ଞାନେନ୍ଦ୍ରଙ୍କ ନିକଟକୁ ପଠାଇଦେଇଥିବା କହିଛନ୍ତି। ଟିକେଟ ଚୟନରେ ବିଳମ୍ବ, ଦଳୀୟ କର୍ମୀଙ୍କ ବିରୋଧ, ପିସିସିର ଅସହଯୋଗ କାରଣରୁ ସେମାନେ ପରାଜୟ ଭୋଗିଲେ ବୋଲି ଏଥିରେ ଦର୍ଶାଇଛନ୍ତି। ସେହିପରି ୧୫ବର୍ଷ ପରେ ପ୍ରତ୍ୟକ୍ଷ ରାଜନୀତିରେ ପାଦ ରଖିଥିବା ପୁରୁଖା କଂଗ୍ରେସ ନେତା ତଥା କାମାକ୍ଷା ପ୍ରସାଦ ସିଂଦେଓ ଭୋଟରଙ୍କ ଆସ୍ଥାଭାଜନ ହୋଇପାରିନାହାନ୍ତି। ଲୋକ ସଭା ନିର୍ବାଚନରେ ତାଙ୍କର ପ୍ରଦର୍ଶନ ଅତ୍ୟନ୍ତ ନୈରାଶ୍ୟଜନକ ରହିଛି। ସେ ମାତ୍ର ୮୦,୩୪୯ ଖଣ୍ଡ ଭୋଟ ପାଇ ତୃତୀୟ ସ୍ଥାନରେ ଅଛନ୍ତି। ସାଧାରଣ ନିର୍ବାଚନରେ ଧୂଳିଚାଟିବା ପରେ ଦଳର ସ୍ଥିତି ଦୋହଲିଯାଇଛି। ଏହାକୁ ପୂରଣ କରିବାକୁ ଆଗାମୀ ଦିନରେ କ’ଣ କାର୍ଯ୍ୟପନ୍ଥା ଗ୍ରହଣ କରାଯାଉଛି, ତାହା ଦେଖିବାକୁ ବାକି ରହିଲା ବୋଲି ସାଧାରଣରେ ଆଲୋଚନା ହେଉଛି।


All Right Reserved By

ଅନୁଗୋଳରେ ରଜନୀକାନ୍ତ ୬୦୪୪ ଭୋଟରେ ଆଗରେ

ଅନୁଗୋଳ ଅଫିସ, ୨୩ା୫- ଅନୁଗୋଳ ବିଧାନସଭା ନିର୍ବାଚନମଣ୍ଡଳୀରେ ୨୩ ରାଉଣ୍ଡ ଶେଷ ସୁଦ୍ଧା ବିଜେଡିର ରଜନୀକାନ୍ତ ସିଂ ୬୦୪୪ ଭୋଟରେ ଭାଜପାର ପ୍ରତାପ ଚନ୍ଦ୍ର ପ୍ରଧାନଙ୍କଠାରୁ...

ବିଲମାଳରେ ପଡ଼ିଛି ଶିଶୁପୁତ୍ରର ମୃତଦେହ

ବଇଣ୍ଡା,୨୫।୫(ଡି.ଏନ.ଏ.): ଆଠମଲ୍ଲିକ ବ୍ଲକ ପାଇକସାହି ପଞ୍ଚାୟତ କଳାପାଟନାଳୀ ନିକଟସ୍ଥ ଅର୍ପତ ଘାଇ ବିଲମାଳରେ ଶନିବାର ଏକ ନବଜାତ ଶିଶୁ ପୁତ୍ରର ମୃତଦେହ ପଡ଼ିଥିବା ଦେଖିବାକୁ ମିଳିଛି।...

ମାନସିକ ବିକାରଗ୍ରସ୍ତ ଭଉଣୀଭାଇଙ୍କୁ ସହାୟତା

ଅନୁଗୋଳ ଅଫିସ, ୧୫।୫- ଅନୁଗୋଳ ପୌରପାଳିକା ୧୬ ନମ୍ବର ଓ୍ବାର୍ଡ  ସୌଭାଗ୍ୟନଗରର ମାନସିକ ବିକାରଗସ୍ତ ସରୋଜିନୀ ଓ ଭାଇ ପ୍ରଫୁଲ୍ଲ ବେହେରାଙ୍କୁ ଥଇଥାନ କରିବାକୁ ପ୍ରଶାସନ...

ଦେଢ଼ଲକ୍ଷରେ ମହାଲକ୍ଷ୍ମୀଙ୍କ ଆଜ୍ଞାମାଳ, ଲଡ଼ୁ ନିଲାମ

ତାଳଚେର, ୯ା୭(ନି.ପ୍ର.)- ତାଳଚେର ଭଜନସନ୍ଧ୍ୟା କମିଟି ପକ୍ଷରୁ ସୋମବାର ହେରା ପଞ୍ଚମୀ ଉପଲକ୍ଷେ ମା’ ମହାଲକ୍ଷ୍ମୀଙ୍କ ଆଜ୍ଞାମାଳ ଓ ଲଡୁ ନିଲାମ କରାଯାଇଥିଲା। ମୁଖ୍ୟଅତିଥି ଭାବେ...

ବିପୁଳ ପରିମାଣର କାଠ ଜବତ

ପାଲଲହଡା, ୨୨।୫ (ଡି.ଏନ.ଏ.)- ଦେବଗଡ଼ ଡିଭିଜନର ମୋବାଇଲ ସ୍କ୍ବାଡ୍‌ ମଙ୍ଗଳବାର ପାଲଲହଡା ଥାନା ଈଶ୍ୱରନଗର ଗ୍ରାମର ରମାକାନ୍ତ ବିଶ୍ୱାଳଙ୍କ ଘରେ ଚଢ଼ାଉ କରି ବିପୁଳ ପରିମାଣର...

ଶୈଳଶ୍ରୀକ୍ଷେତ୍ର ବାହୁଡ଼ିଲେ ମହାବାହୁ: ଆଜି ରଥ ଉପରେ ସୁନାବେଶ

ଅନୁଗୋଳ ଅଫିସ, ୧୩।୭ – ଶ୍ରୀଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ୯ ଦିନର ଲୀଳାଖେଳ ଶେଷ କରି ଶୈଳଶ୍ରୀକ୍ଷେତ୍ର ବାହୁଡ଼ି ଆସିଛନ୍ତି ମହାବାହୁ। ନିର୍ଦ୍ଧାରିତ ସମୟ...

ଢେଙ୍କାନାଳ ଲୋକ ସଭା, ଢେଙ୍କାନାଳ, ହିନ୍ଦୋଳ, କାମାକ୍ଷାନଗର ବିଧାନସଭା ଆସନରେ ବିଜେଡି ଆଗୁଆ

ଢେଙ୍କାନାଳ ଅଫିସ, ୨୩ା୫: ଆରମ୍ଭ ହୋଇଛି ସାଧାରଣ ନିର୍ବାଚନର ଅନ୍ତିମ ପର୍ବ ଭୋଟଗଣତି। ଆଉ ମାତ୍ର କେଇ ଘଣ୍ଟାର ଅପେକ୍ଷା ପରେ ଇଭିଏମ୍‌ରୁ ସ୍ପଷ୍ଟ ହେବ...

ଅନୁଗୋଳ ପୌର କାର୍ଯ୍ୟାଳୟରେ ଜିଲାପାଳ: ସଫେଇ ସାର୍ଟିଫିକେଟ ଆଣିବାକୁ ନିର୍ଦ୍ଦେଶ

ଅନୁଗୋଳ ଅଫିସ, ୩୦।୫: ଅନୁଗୋଳ ପୌରାଞ୍ଚଳରେ ପରିମଳ ଅବ୍ୟବସ୍ଥାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ପ୍ରଶାସକ ତଥା ଜିଲାପାଳ ମନୋଜ କୁମାର ମହାନ୍ତି। ବୁଧବାର ଜିଲାପାଳ...

selfi corner

Model This Week

Why Dharitri

Leave a comment

Your email address will not be published. Required fields are marked *