Posted inଜାତୀୟ

ସୁପ୍ରିମକୋର୍ଟରେ ଶୁଣାଣି ବେଳେ ହାଇଡ୍ରାମା

ନୂଆଦିଲ୍ଲୀ,୧୭ା୧୦ (ପି.ଟି./ଆଇଏଏନ୍‌ଏସ୍‌): ରାଜନୈତିକ ଦୃଷ୍ଟିରୁ ଦେଶର ସର୍ବାଧିକ ସମ୍ବେଦନଶୀଳ ଅଯୋଧ୍ୟା ମାମଲାର ଶୁଣାଣି ସୁପ୍ରିମକୋର୍ଟରେ ଶେଷ ହୋଇ ରାୟ ସଂରକ୍ଷିତ ରଖାଯାଇଛି। ୫ ବିଚାରପତିଙ୍କୁ ନେଇ ଗଠିତ ସାମ୍ବିଧାନିକ ପୀଠରେ ବୁଧବାର ଏହାର ଚୂଡ଼ାନ୍ତ ବିଚାର ବେଳେ କୋର୍ଟରୁମ୍‌ରେ ହାଇଡ୍ରାମା ଦେଖିବାକୁ ମିଳିଛି। ରାମ ଜନ୍ମଭୂମି-ବାବ୍ରି ମସ୍‌ଜିଦ୍‌ ଜମି ବିବାଦ ମାମଲାର ଶୁଣାଣି ପାଇଁ କୋର୍ଟରୁମ୍‌ରେ ଗହଳି ଲାଗି ରହିଥିଲା। ବିଚାର ଶେଷ ହେବାକୁ ଥିବାବେଳେ ହିନ୍ଦୁ ଓ ମୁସ୍‌ଲିମ୍‌ ପକ୍ଷ ଓକିଲଙ୍କ ମଧ୍ୟରେ ଖୁବ୍‌ କଥା କଟାକଟି ହୋଇଥିଲା। ଅଖିଳ ଭାରତ ହିନ୍ଦୁ ମହାସଭା ପକ୍ଷରୁ ମାମଲା ପରିଚାଳନା କରୁଥିବା ବରିଷ୍ଠ ଆଇନଜୀବୀ ବିକାଶ ସିଂ ରାମଙ୍କ ଜନ୍ମସ୍ଥାନ ଚିହ୍ନିତ ଏକ ମାନଚିତ୍ର ଅଦାଲତରେ ଦାଖଲ କରିଥିଲେ। ମୁସ୍‌ଲିମ ପକ୍ଷ ଓକିଲ ରାଜୀବ ଧଓ୍ବନ ଉକ୍ତ ମ୍ୟାପ୍‌କୁ ଚିରି ଦେଇଥିଲେ। ତାଙ୍କର ଏଭଳି ଆଚରଣକୁ ନେଇ ସମସ୍ତେ ଚକିତ ହୋଇଯାଇଥିଲେ। ଏପରି କାର୍ଯ୍ୟ ଚଳିବ ନାହିଁ ବୋଲି ସିଜେଆଇ ରଞ୍ଜନ ଗୋଗୋଇ ଅସନ୍ତୋଷ ବ୍ୟକ୍ତ କରିଥିଲେ।
ପ୍ରଥମାର୍ଦ୍ଧରେ ଶୁଣାଣି ବେଳେ ହିନ୍ଦୁ ପକ୍ଷମାନେ ଯୁକ୍ତି ବାଢ଼ିଥିଲେ, ଯେଉଁ ସ୍ଥାନରେ ମସ୍‌ଜିଦ ଛିଡ଼ା ହୋଇଛି ତାକୁ ହିନ୍ଦୁମାନେ ପବିତ୍ରସ୍ଥଳ ବୋଲି ବିବେଚନା କରନ୍ତି। ତେଣୁ ଐତିହାସିକ ଭୁଲକୁ ସୁଧାରିବା ପାଇଁ ସେମାନେ ଅଦାଲତଙ୍କୁ ଅନୁରୋଧ କରିଥିଲେ। ଏହାକୁ ନେଇ ଧଓ୍ବନ୍‌ କହିଥିଲେ, ୧୯୯୨ ଡିସେମ୍ବର ୫ ପୂର୍ବରୁ ଯେଉଁଠି ମସ୍‌ଜିଦ ରହିଥିଲା ସେଠାରେ ପୁଣି ମସ୍‌ଜିଦ ଗଢ଼ାଯାଉ ବୋଲି ମୁସ୍‌ଲିମ ପକ୍ଷ ଚାହାନ୍ତି। ଭଙ୍ଗାଯାଇଥିବା ବିଲ୍ଡିଂ ଆମର। ଏହାର ପୁନଃ ନିର୍ମାଣ ଅଧିକାର ମଧ୍ୟ ଆମର। ଏଥିରେ ଅନ୍ୟ କାହାର ଅଧିକାର ନାହିଁ ବୋଲି ସେ ଯୁକ୍ତି ବାଢ଼ିଥିଲେ। ଏପରି କି ସେ ଜଣେ ହିନ୍ଦୁ ପକ୍ଷ ଓକିଲଙ୍କ ବିରୋଧରେ (ଯିଏକି ବାବ୍ରି ମସ୍‌ଜିଦ ଏକ ଇସ୍‌ଲାମିକ୍‌ ଢ଼ାଞ୍ଚା ନ ଥିଲା ବୋଲି ଯୁକ୍ତି ବାଢ଼ିଥିଲେ) ଅପ୍ରୀତିକର ଭାଷା ମଧ୍ୟ ପ୍ରୟୋଗ କରିଥିଲେ। ସଲତନେଟ୍‌ ୧୨୦୬ରେ ଆରମ୍ଭ ହୋଇଥିଲା। ଇସ୍‌ଲାମ ହେଉଛି ଜାତି ବ୍ୟବସ୍ଥା ଦ୍ୱାରା ପ୍ରଭାବିତ ଲୋକଙ୍କ ପାଇଁ ଏକ ଅତ୍ୟନ୍ତ ଆକର୍ଷଣୀୟ ଆସ୍ଥା ବୋଲି ଧଓ୍ବନ କହିଥିଲେ।

ଦ୍ୱିତୀୟ ଦୀର୍ଘତମ ଶୁଣାଣି

ଅଯୋଧ୍ୟା ମାମଲାର ଶୁଣାଣି ହେଉଛି ସୁପ୍ରିମକୋର୍ଟ ଇତିହାସରେ ଦ୍ୱିତୀୟ ଦୀର୍ଘତମ ଶୁଣାଣି। କେଶବାନନ୍ଦ ଭାରତୀଙ୍କ ଶୁଣାଣି ୬୮ ଦିନ ଧରି ଚାଲିଥିବାବେଳେ ଆଧାର ମାମଲାର ବିଚାର ୩୮ ଦିନ ଚାଲିଥିଲା। ରାମ ଜନ୍ମଭୂମି-ବାବ୍ରି ମସ୍‌ଜିଦ ମାମଲାରେ ଆଲ୍ଲାହାବାଦ ହାଇକୋର୍ଟଙ୍କ ୨୦୧୦ ରାୟକୁ ଚ୍ୟାଲେଞ୍ଜ କରି ୧୪ଟି ପିଟିଶନ ସର୍ବୋଚ୍ଚ ଅଦାଲତରେ ଦାଏର କରାଯାଇଥିଲା। ରାମ ଲାଲାଙ୍କ ପକ୍ଷରୁ ବରିଷ୍ଠ ଆଇନଜୀବୀ କେ. ପରାଶରନ୍‌ ଏବଂ ସି.ଏସ୍‌. ବିଦ୍ୟାନାଥନ୍‌ ଲଢ଼ୁଥିବାବେଳେ ନିର୍ମୋହୀ ଆଖଡ଼ା ପକ୍ଷରୁ ଏସ୍‌.କେ. ଜୈନ୍‌ ମାମଲା ପରିଚାଳନା କରୁଥିଲେ। ସେହିପରି ରାଜୀବ ଧଓ୍ବନଙ୍କ ସହ ମୀନାକ୍ଷୀ ଆରୋରା ଓ ଶେଖର ନାଫାଡେ ସୁନ୍ନି ଓ୍ବାକଫ୍‌ ବୋଡ୍‌ ଏବଂ ମୁସ୍‌ଲିମ୍‌ ପକ୍ଷମାନଙ୍କ ପ୍ରତିନିଧିତ୍ୱ କରୁଥିଲେ। ଏହି ପକ୍ଷମାନେ ଶୁଣାଣି ବେଳେ ଐତିହାସିକ, ପରିବ୍ରାଜକ ଭୌଗୋଳିକ ସୂଚୀପତ୍ର ଓ ବ୍ରିଟିଶ ଶାସନ ଅମଳରେ ପ୍ରସ୍ତୁତ ଦସ୍ତାବିଜ ଆଧାରରେ ପ୍ରସ୍ତୁତ ରିପୋର୍ଟ ବିବରଣୀ ନିଜ ନିଜ ଦାବି ସପକ୍ଷରେ ଅଦାଲତରେ ଉପସ୍ଥାପନ କରିଥିଲେ। ସେହିପରି ଭାରତର ପ୍ରତ୍ନତତ୍ତ୍ୱ ବିଭାଗ (ଏଏସ୍‌ଆଇ) ରିପୋର୍ଟର ମଧ୍ୟ ଅବତାରଣା କରିଥିଲେ।

ବିଦେଶ ଗସ୍ତ ବାତିଲ କଲେ ସିଜେଆଇ

ସିଜେଆଇ ରଞ୍ଜନ ଗୋଗୋଇ ତାଙ୍କର ବିଦେଶ ଗସ୍ତକୁ ବୁଧବାର ବାତିଲ କରିଦେଇଛନ୍ତି। ସେ ନଭେମ୍ବର ୧୭ରେ ଅବସର ନେବା ପୂର୍ବରୁ କେତେକ ଦକ୍ଷିଣ ଆମେରିକୀୟ, ମଧ୍ୟପ୍ରାଚ୍ୟ ଓ ଅନ୍ୟ ରାଷ୍ଟ୍ରକୁ ଗସ୍ତ କରିବାର କାର୍ଯ୍ୟକ୍ରମ ଥିଲା। ଅଯୋଧ୍ୟା ମାମଲାର ରାୟ ପ୍ରକାଶ ପାଇବାକୁ ଥିବାରୁ ଏହାକୁ ବାତିଲ କରିଦେଇଥିବା କୁହାଯାଉଛି। ଜଷ୍ଟିସ୍‌ ଗୋଗୋଇ ଗତବର୍ଷ ଅକ୍ଟୋବର ୩ରେ ଭାରତର ୪୬ତମ ପ୍ରଧାନ ବିଚାରପତି ଭାବେ ଶପଥ ନେଇଥିଲେ।


All Right Reserved By Dharitri.Com

ଶିବସେନା-ଭାଜପା ଗଠନ କରନ୍ତୁ ସରକାର: ପାଓ୍ବାର

ମୁମ୍ବାଇ,୬।୧୧: ମହାରାଷ୍ଟ୍ରରେ ସରକାର ଗଠନ ନେଇ ଅଙ୍କକଷା ଛିଡୁନି। ଏପରିସ୍ଥଳେ ଏନ୍‌ସିପି ମୁଖ୍ୟ ଶରଦ ପାଓ୍ବାର ବୁଧବାର ଏକ ଖବରଦାତା ସମ୍ମିଳନୀରେ କହିଛନ୍ତି ଯେ, ଶିବସେନା-ଭାଜପା...

ଶ୍ରୀନଗର ମସ୍‌ଜିଦ ଉପରେ ନଜର: ଏକାଠି ହେବାକୁ ମେହବୁବାଙ୍କ ଆହ୍ବାନ

ଶ୍ରୀନଗର,୩୦ା୭(ପି.ଟି.)-ଜମ୍ମୁ-କଶ୍ମୀର ପୋଲିସ ପକ୍ଷରୁ ଶ୍ରୀନଗରରେ ଥିବା ମସ୍‌ଜିଦ ସମ୍ପର୍କରେ ତଥ୍ୟ ସଂଗ୍ରହ କରିବା ଲାଗି ୫ ଏସ୍‌ପିଙ୍କୁ ନିର୍ଦ୍ଦେଶ ଦିଆଯାଇଛି। ନିଜ ନିଜ ଅଞ୍ଚଳରେ ଥିବା...

ବଲିଉଡ୍‌ ଫେଷ୍ଟିଭାଲରେ ସମ୍ମାନିତ ହେବେ ବୋମନ ଇରାନୀ

ମୁମ୍ବାଇ: ବଲିଉଡ୍‌ ଅଭିନେତା ବୋମନ ଇରାନୀଙ୍କୁ ଭାରତୀୟ ଫିଲ୍ମରେ ତାଙ୍କର ଉଲ୍ଲେଖନୀୟ ଅବଦାନ ଯୋଗୁ ନରଓ୍ବେରେ ଆୟୋଜିତ ହେଉଥିବା ୧୭ତମ ବଲିଉଡ୍‌ ଫେଷ୍ଟିଭାଲରେ ସମ୍ମାନିତ କରାଯିବ।...

ଅବିବାହିତା କନ୍ୟା ରଖିପାରିବେନି ମୋବାଇଲ୍‌ ଫୋନ୍‌: ଧରା ପଡ଼ିଲେ ପିତାଙ୍କୁ ଦେବାକୁ ପଡ଼ିବ ଦେଢ଼ଲକ୍ଷ ଜରିମାନା

ଅହମ୍ମଦାବାଦ୍‌,୧୭।୭: ଗୁଜରାଟର ବନାସକାଣ୍ଠା ଅନ୍ତର୍ଗତ ଦନ୍ତିଓ୍ବାଡ଼ାରେ ଅବିବାହିତା କନ୍ୟା ମୋବାଇଲ୍‌ ଫୋନ୍‌ ରଖିପାରିବେନି ବୋଲି ନିୟମ ପ୍ରଚଳନ ହୋଇଛି। ଏହାକୁ ସ୍ଥାନୀୟ ଠାକୁର ସମ୍ପ୍ରଦାୟ ପକ୍ଷରୁ...

ଭାଜପାରେ ପାଦ ଦେଉ ଦେଉ ବଢିଲା ଦୁଷ୍ୟନ୍ତଙ୍କ ସୁରକ୍ଷା

ଚଣ୍ଡିଗଡ଼,୨୬।୧୦: ହରିୟାଣାରେ ଏବେ ଭାରତୀୟ ଜନତା ପାର୍ଟି(ଭାଜପା) ଜନନାୟକ ଜନତା ପାର୍ଟି(ଜେଜେପି) ସହ ମେଣ୍ଟ କରି ସରକାର ଗଠନ କରିବାକୁ ଯାଉଛି। କାରଣ ହରିୟାଣାର ବିଧାନସଭା...

ମା’ଙ୍କୁ ନିଦ ଲାଗିଯାଇଥିବା ବେଳେ ହସ୍ପିଟାଲରେ ଶିଶୁ ସହ ଘଟିଲା ଏଭଳି ଘଟଣା

ମୁମ୍ବାଇ,୧୪।୬: ମୁମ୍ବାଇର ଏକ ହସ୍ପିଟାଲରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ହସ୍ପିଟାଲରେ ଜଣେ ମା’ଙ୍କୁ ନିଦ ଲାଗିଯାଇଥିବା ବେଳେ ଏହାର ସୁଯୋଗ ନେଇ ଜଣେ ଦୁର୍ବୃତ୍ତ...

ମହାରାଷ୍ଟ୍ରରେ ଡଙ୍ଗାବୁଡ଼ି ୯ ମୃତ,୧୬ ଉଦ୍ଧାର

ମୁମ୍ବାଇ,୮।୮: ମହାରାଷ୍ଟ୍ରର ପୁଣେରେ ଗୁରୁବାର ଏକ ବଡ଼ ଦୁର୍ଘଟଣା ଘଟିଛି। ସାଙ୍ଗଲୀ ଜିଲା ପାଲୁସ ବ୍ଲକର ଭାମନାଲ ନିକଟରେ ବନ୍ୟା ଘେରରେ ଥିବା ଲୋକଙ୍କୁ ଉଦ୍ଧାର...

୨୦୨୩ରେ ଇସ୍ରୋ ଆରମ୍ଭ କରିବ ଶୁକ୍ର ମିଶନ

ନୂଆଦିଲ୍ଲୀ,୧୮।୫: ଇସ୍ରୋ ପକ୍ଷରୁ ୨୦୨୩ରେ ଶୁକ୍ର ମିଶନ ଆରମ୍ଭ କରାଯିବାର ଯୋଜନା କରାଯାଇଛି। ଶୁକ୍ରକୁ ଯାଉଥିବା ସ୍ପେସ୍‌କ୍ରାଫ୍ଟରେ ୨୦ରୁ ଅଧିକ ଉପକରଣର ଉପଯୋଗ କରାଯିବ ବୋଲି...

Leave a comment

Your email address will not be published. Required fields are marked *