ଜଗତ୍‌ସିଂହପୁର ଜିଲାରେ ଶଙ୍ଖନାଦ

ଜଗତ୍‌ସିଂହପୁର ଅଫିସ, ୨୪।୫ : ୨୦୧୯ ନିର୍ବାଚନ ଫଳାଫଳକୁ ନେଇ ଲାଗି ରହିଥିବା କଳ୍ପନାଜଳ୍ପନାର ଅନ୍ତ ଘଟିଛି। ଜଗତ୍‌ସିଂହପୁର ଲୋକସଭା ଆସନ ସମେତ ଜିଲାର ୪ ବିଧାନସଭା ନିର୍ବାଚନମଣ୍ଡଳୀରେ ଶୁଭିଛି ଶଙ୍ଖ ନାଦ। ଜଗତ୍‌ସିଂହପୁର ଏମ୍‌ପି ହୋଇଛନ୍ତି ଡା. ରାଜଶ୍ରୀ ମଲ୍ଲିକ। ଗୁରୁତ୍ୱପୂର୍ଣ୍ଣ ଜଗତ୍‌ସିଂହପୁର ବିଧାନସଭା ଆସନରୁ କଂଗ୍ରେସ ପ୍ରାର୍ଥୀ ହୋଇଥିବା ବିରୋଧୀ ଦଳ ଉପନେତା ଚିରଞ୍ଜୀବ ବିଶ୍ୱାଳ ପରାଜିତ ହୋଇଛନ୍ତି। ବିଶ୍ୱାଳଙ୍କ ପରାଜୟରେ କଂଗ୍ରେସ ଶିବିରରେ ନୈରାଶ୍ୟ ଭାବ ଦେଖାଯାଇଥିବା ବେଳେ ବିଜେଡି ଶିବିର ଉତ୍ସାହିତ ହୋଇପଡିଛି। ବିଜେଡି ପ୍ରାର୍ଥୀ ପ୍ରଶାନ୍ତ ମୁଦୁଲି ପ୍ରଥମ ଥର ପାଇଁ ଏହି ନିର୍ବାଚନମଣ୍ଡଳୀରୁ ପ୍ରାର୍ଥୀ ହୋଇ ପାଖାପାଖି ୯ ହଜାର ଭୋଟ ବ୍ୟବଧାନରେ ବିଶ୍ୱାଳଙ୍କୁ ପରାଜିତ କରିବା କଥାକୁ ନେଇ ଆଲୋଚନା ସରଗରମ ହୋଇଛି। ମୁଦୁଲିଙ୍କ ବିଜୟରେ ସାରା ନିର୍ବାଚନମଣ୍ଡଳୀରେ ବିଜେଡି ପକ୍ଷରୁ ଉତ୍ସବ ପାଳନ ଆରମ୍ଭ ହୋଇଛି। ଜଗତ୍‌ସିଂହପୁର ବିଧାନସଭା ଆସନରୁ ୫ ଥର ବିଧାୟକ ହୋଇଥିବା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ବିଷ୍ଣୁ ଚରଣ ଦାସ ଏଥର ପ୍ରଥମଥର ତିର୍ତ୍ତୋଲରୁ ବିଜେଡି ପ୍ରାର୍ଥୀ ହୋଇ ଜିତିଛନ୍ତି। ସେହିପରି ବାଲିକୁଦା-ଏରସମାରେ ବିଜେଡି ପ୍ରାର୍ଥୀ ରଘୁନନ୍ଦନ ଦାସ ଓ ପାରାଦୀପ ବିଧାନସଭା ଆସନରୁ ପ୍ରଥମ ଥର ପାଇଁ ବିଜେଡି ପ୍ରାର୍ଥୀ ହୋଇଥିବା ସମ୍ବିତ ରାଉତରାୟ ବିଧାୟକ ହେବାର ଗୌରବ ହାସଲ କରିଛନ୍ତି। କିନ୍ତୁ ବରିଷ୍ଠ ନେତା ଦାମୋଦର ରାଉତ ବାଲିକୁଦା-ଏରସମା ବିଧାନସଭା ଆସନରେ ଭାଜପା ପ୍ରାର୍ଥୀ ହୋଇ ତୃତୀୟ ସ୍ଥାନରେ ରହିଛନ୍ତି।
ସୂଚନା ଅନୁଯାୟୀ, ଜଗତ୍‌ସିଂହପୁର ଓ ପାରାଦୀପ ବିଧାନସଭା ନିର୍ବାଚନ ମଣ୍ଡଳୀ ଫଳାଫଳ ଘୋଷଣା ସରିଛି। ଖବର ଲେଖାହେବା ସୁଦ୍ଧା ତିର୍ତ୍ତୋଲ ଓ ବାଲିକୁଦା-ଏରସମା ବିଧାନସଭା ନିର୍ବାଚନମଣ୍ଡଳୀ ଭୋଟ ଗଣତି ଚାଲିଥିଲା। ଘୋଷିତ ଫଳାଫଳ ମଧ୍ୟରୁ ଜଗତ୍‌ସିଂହପୁର ବିଧାନସଭା ଆସନରେ ବିଜେଡି ପ୍ରାର୍ଥୀ ମୁଦୁଲିଙ୍କୁ ପୋଷ୍ଟାଲ ବାଲାଟ୍‌ ବାଦ୍‌ ୬୭,୧୬୯ ଓ କଂଗ୍ରେସର ବିଶ୍ୱାଳଙ୍କୁ ୫୮,୨୯୯ ଭୋଟ ମିଳିଥିଲା। ଭାଜପାର ସତ୍ୟବ୍ରତ ମହାପାତ୍ର ୨୭,୪୪୮ ଭୋଟ ପାଇଥିଲେ। ନିର୍ବାଚନ ମଣ୍ଡଳୀରେ ମୋଟ ଉପରେ ୨୪ ରାଉଣ୍ଡ ଗଣତି ହୋଇଥିଲା। ଏହି ଫଳାଫଳ ଅନୁଯାୟୀ କଂଗ୍ରେସ ଠାରୁ ବିଜେଡି ପ୍ରାର୍ଥୀଙ୍କୁ ଅଧିକ ୮,୮୭୦ ଭୋଟ ମିଳିଥିଲା। ସେହିପରି ପାରାଦୀପ ବିଧାନସଭା ଆସନରେ ପୋଷ୍ଟାଲ ବାଲାଟ୍‌ ବାଦ୍‌ ବିଜେଡି ପ୍ରାର୍ଥୀ ସମ୍ବିତ ରାଉତରାୟଙ୍କୁ ୬୯,୩୪୪, କଂଗ୍ରେସର ଅରିନ୍ଦମ ସର୍ଖେଲ ୪୮,୫୪୨ ଓ ଭାଜପାର ସମ୍ପଦ ସ୍ବାଇଁଙ୍କୁ ୩୪,୫୬୩ ଭୋଟ ମିଳିଛି। ଏଥିରେ କଂଗ୍ରେସର ସର୍ଖେଲଙ୍କଠାରୁ ବିଜେଡିର ରାଉତରାୟ ୨୦,୮୦୨ ଖଣ୍ଡ ଅଧିକ ଭୋଟ ପାଇ ବିଜୟୀ ହୋଇଛନ୍ତି। କିନ୍ତୁ ତାଙ୍କ ପିତା ବରିଷ୍ଠ ନେତା ଦାମୋଦର ରାଉତ ବାଲିକୁଦା-ଏରସମା ଆସନରୁ ଭାଜପା ପ୍ରାର୍ଥୀ ହୋଇ କେବଳ ହାରି ନାହାନ୍ତି ନିଜର ଦମ୍ଭ ରଖିପାରିନାହାନ୍ତି। ତିର୍ତ୍ତୋଲ ବିଧାନସଭା ଆସନରେ ଫଳାଫଳ ଘୋଷଣା ହୋଇ ନ ଥିଲେ ସୁଦ୍ଧା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ଦାସ ଜିତିବା ସମ୍ଭାବନା ଅଧିକ ଦେଖାଯାଉଛି। କାରଣ ୨୪ ରାଉଣ୍ଡ ଗଣତି ସୁଦ୍ଧା ଦାସ ୫୮,୨୧୨, ଭାଜପାର ରମାକାନ୍ତ ଭୋଇ ୩୩,୨୫୦ ଓ କଂଗ୍ରେସର ଦେବୀ ପ୍ରସାଦ ମଲ୍ଲିକଙ୍କୁ ୧୪,୧୫୮ ଭୋଟ ମିଳିଛି। ଏହି ଫଳାଫଳ ଦେଖିଲେ ଜଣାଯାଏ ବିଜେଡି ଓ କଂଗ୍ରେସ ମଧ୍ୟରେ ବ୍ୟବଧାନ ୨୪,୯୬୨ ରହିଛି। ବାଲିକୁଦା-ଏରସମା ନିର୍ବାଚନମଣ୍ଡଳୀରେ ୨୩ ରାଉଣ୍ଡ ଗଣତି ସୁଦ୍ଧା ବିଜେଡିର ରଘୁନନ୍ଦନ ଦାସଙ୍କୁ ୪୫,୧୯୨, କଂଗ୍ରେସର ଲଲାଟେନ୍ଦୁ ମହାପାତ୍ର ୨୦,୩୯୬ ଓ ଭାଜପାର ଦାମୋଦର ରାଉତଙ୍କୁ ୧୮,୪୪୪ ଭୋଟ ମିଳିଛି। ଏଥିରୁ ଜଣାଯାଏ କଂଗ୍ରେସଠାରୁ ବିଜେଡି ପ୍ରାର୍ଥୀ ୨୪,୭୯୬ ଭୋଟରେ ଆଗୁଆ ରହିଛନ୍ତି। ଏହି ସଂଖ୍ୟା ଦେଖିଲେ ବିଜେଡି ପ୍ରାର୍ଥୀ ଜିତିବା ସମ୍ଭାବନା ଅଧିକ ଥିବା ଆକଳନ କରାଯାଉଛି। ଜଗତ୍‌ସିଂହପୁର ଏମ୍‌ପି ସଟ୍‌ରେ ମଧ୍ୟ କଂଗ୍ରେସର ପ୍ରତିମା ମଲ୍ଲିକଙ୍କଠାରୁ ବିଜେଡି ପ୍ରାର୍ଥୀ ୫୦ ହଜାରରୁ ଅଧିକ ଭୋଟରେ ଆଗୁଆ ଥିବାରୁ ସେ ଜିତିବା ସମ୍ଭାବନା ରହିଛି। ତେବେ ଚୂଡାନ୍ତ ଫଳାଫଳ ଘୋଷଣା ହୋଇନାହିଁ।


All Right Reserved By Dharitri.Com

ସମର୍ଥନରେ ଶୋଭାଯାତ୍ରା

ଭୁବନେଶ୍ୱର, ୨୧ା୧୨(ବ୍ୟୁରୋ): ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ବିରୋଧ କରି ଦେଶ ସାରା ଆନ୍ଦୋଳନର ନିଅଁ। ଜଳୁଥିବାବେଳେ ଏହାକୁ କେତେକ ସଙ୍ଗଠନ ସମର୍ଥନ ଜଣାଇଛନ୍ତି। ଏହି...

‘ଧରିତ୍ରୀ’ ପ୍ରଭାବ: ଖବର ପ୍ରକାଶନ ପରେ ଲୁଣାବନ୍ଧ ଘାଇ ମରାମତି ଆରମ୍ଭ

କାକଟପୁର,୧୭।୮(ଡି.ଏନ୍‌.ଏ.): ପୁରୀ ଜିଲା କାକଟପୁର ଓ ଅସ୍ତରଙ୍ଗ ବ୍ଲକ ଅଞ୍ଚଳ ଦେଇ ପ୍ରବାହିତ ଦେବୀ ନଦୀରେ ବନ୍ୟାଜଳ ବୃଦ୍ଧି ପାଇବାରେ ଲାଗିଛି। ଶୁକ୍ରବାର ଲୁଣାବନ୍ଧର ଚତୁରା...

‘ଫନୀ’ କ୍ଷୟକ୍ଷତିଜନିତ ରିପୋର୍ଟ ଉନ୍ମୋଚିତ : ପୁନରୁଦ୍ଧାର ପାଇଁ ଆବଶ୍ୟକ ୨୯,୩୧୫ କୋଟି ଟଙ୍କା

ଭୁବନେଶ୍ୱର,୬।୮(ବ୍ୟୁରୋ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ମଙ୍ଗଳବାର ସଚିବାଳୟରେ ସାମୁଦ୍ରିକ ଝଡ଼ ଫନୀ ବାତ୍ୟାଜନିତ କ୍ଷୟକ୍ଷତି ଓ ପୁନରୁଦ୍ଧାର ସମ୍ପର୍କିତ ରିପୋର୍ଟ ଉନ୍ମୋଚନ ହୋଇଛି। ଭାରତରେ...

ବିଶ୍ବବିଦ୍ୟାଳୟର ପରୀକ୍ଷା ନିୟନ୍ତ୍ରକ, କୁଳସଚିବ ଓ ବିତ୍ତ ନିୟନ୍ତ୍ରକଙ୍କ ବୈଠକ: ୪୫ ଦିନରେ ପ୍ରକାଶ ପାଇବ ପରୀକ୍ଷାଫଳ

ଭୁବନେଶ୍ୱର, ୨୯।୮(ବ୍ୟୁରୋ): ପରୀକ୍ଷାରେ ସଂସ୍କାର ଆଣିବାକୁ ଅଣ୍ଟା ଭିଡିଛି ଉଚ୍ଚ ଶିକ୍ଷା ବିଭାଗ। ଠିକ୍‌ ସମୟରେ କୋର୍ସ ସାରିବା ସହ ପରୀକ୍ଷା ପରିଚାଳନା ଓ ଫଳ...

ଥମୁନି ହାତୀ ଉପଦ୍ରବ: ମଞ୍ଚାରେ କଟୁଛି ରାତି

କେନ୍ଦୁଝର,୧୪।୮( ସ୍ବ.ପ୍ର.)-ଦିନରେ କଠିନ ପରିଶ୍ରମ ଓ ରାତିରେ ହାତୀ ପାଇଁ ଉଜାଗର । ଏଭଳି କଷ୍ଟ ଯନ୍ତ୍ରଣାରେ ଗରିବ ଚାଷୀ ମାନେ ଦିନ ଓ ରାତି...

ପ୍ରମିଳାଙ୍କ ତାତ୍ସଲ୍ୟ: କହିଲେ ‘କିଏ କାହା ବନ୍ଧୁବାନ୍ଧବଙ୍କୁ ନେଇ ଯିବା ବେଳେ କ’ଣ ଭାଜପାକୁ ପଚାରିବେ’

ଭୁବନେଶ୍ୱର,୨୯।୧୧(ବ୍ୟୁରୋ): ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀଙ୍କ ସହ ମହିଳା ଯିବା ପ୍ରସଙ୍ଗରେ କ୍ଲିନ୍‌ଚିଟ୍‌ ମିଳିବାକୁ ନେଇ ଭାଜପା ସରକାରଙ୍କୁ କଟାକ୍ଷ କରିବାକୁ...

ବ୍ରଜରାଜନଗରରେ କିଶୋର ମହାନ୍ତି ଆଗୁଆ

ବ୍ରଜରାଜନଗର,୨୩।୫: ୫ମ ରାଉଣ୍ଡ ଗଣତି ଶେଷ ସୁଦ୍ଧା ବ୍ରଜରାଜନଗର ବିଧାନସଭା ଆସନରେ ବିଜେଡି ପ୍ରାର୍ଥୀ କିଶୋର ମହାନ୍ତି ଆଗୁଆ ରହିଛନ୍ତି। କିଶୋର ୧୦୬୬୩ ଭୋଟ ପାଇଥିବାବେଳେ...

ଜନସମ୍ପର୍କ ପଦଯାତ୍ରାରେ ନବୀନଙ୍କ ଘୋଷଣା: ବିଜେଡିି ଆରମ୍ଭ କରିବ ସମାଜସେବା ଓ୍ବିଙ୍ଗ୍‌

ଭୁବନେଶ୍ୱର,୨।୧୦(ବ୍ୟୁରୋ): ବିଜୁ ଜନତା ଦଳରେ ସୋସିଆଲ ସର୍ଭିସ ବା ସମାଜସେବା ଓ୍ବିଙ୍ଗ ଆରମ୍ଭ କରିବ। ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ଘୋଷଣା କରିଛନ୍ତି।...

Leave a comment

Your email address will not be published. Required fields are marked *