ଜବରଦଖଲ ଉଚ୍ଛେଦ ପାଇଁ ସର୍ଭେ ଆରମ୍ଭ

ପୁରୁଣା ଭୁବନେଶ୍ୱର,୧୬।୧୦ (ଡି.ଏନ.ଏ.):ପୁରୀ ଶ୍ରୀମନ୍ଦିର ଭଳି ଏକାମ୍ର କ୍ଷେତ୍ର ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱରୁ ଜବରଦଖଲ ହଟାଯିବ। ସୌନ୍ଦର୍ଯ୍ୟକରଣ ପାଇଁ ଯୋଜନାମାନ ହେବ। ଅଧିକରୁ ଅଧିକ ପର୍ଯ୍ୟଟକ ଆସିବେ। ଏହି ଐତିହ୍ୟ କ୍ଷେତ୍ରକୁ ବିଶ୍ୱ ମାନଚିତ୍ରରେ ସ୍ଥାନ ଦେବାକୁ ପ୍ରଥମେ ମନ୍ଦିର ଚତୁଃପାର୍ଶ୍ୱରୁ ଏବଂ ଠାକୁରଙ୍କ ବିଭିନ୍ନ ଅଞ୍ଚଳରେ ଥିବା ଜମି ଜବରଦଖଲ ଉଚ୍ଛେଦ ହେବ। ଏଥିପାଇଁ ରାଜ୍ୟ ସରକାରଙ୍କ ବିଭିନ୍ନ ବିଭାଗ ପକ୍ଷରୁ ଉଦ୍ୟମ ମଙ୍ଗଳବାର ଆରମ୍ଭ ହୋଇଛି, ଯାହାକୁ ବିଭିନ୍ନ ମହଲରେ ପ୍ରଶଂସା କରାଯାଇଛି। ପୂର୍ବ ନିର୍ଦ୍ଧାରିତ ଯୋଜନା ଅନୁସାରେ, ପୂର୍ବାହ୍ନ ୧୦ଟାରେ ଶ୍ରୀଲିଙ୍ଗରାଜ ମନ୍ଦିର ଟ୍ରଷ୍ଟବୋର୍ଡ ଅଧିକାରୀ ପ୍ରଦୀପ କୁମାର ସାହୁ ଏବଂ ଅନ୍ୟ ଅଧିକାରୀ, ବିଏମ୍‌ସି, ବିଡ଼ିଏ, ଜିଏର ପ୍ରମୁଖ ଅଧିକାରୀମାନେ ମନ୍ଦିର ସମ୍ମୁଖରୁ ୩୧୬ ନମ୍ବର ପୁରୀ-ଭୁବନେଶ୍ୱର ଜାତୀୟ ରାଜପଥ ଗ୍ୟାରେଜ ଛକ ପର୍ଯ୍ୟନ୍ତ ରାସ୍ତାର ଉଭୟପାର୍ଶ୍ୱ ମାପଚୁପ କରିଥିଲେ। ବେଆଇନ ଭାବେ ଏହି ଅଞ୍ଚଳରେ ଗଢି ଉଠିଥିବା ଘର ଓ ବ୍ୟବସାୟ ପ୍ରତିଷ୍ଠାନର ନିର୍ଦ୍ଦିଷ୍ଟ ଦୂରତା ମଧ୍ୟରେ ଚିହ୍ନ ଦେଇଥିଲେ। କେଉଁଠି ଶ୍ରୀଲିଙ୍ଗରାଜଙ୍କ ଜମିରେ ତ କେଉଁଠି ସରକାରୀ ଜମିରେ ଏହି ବେଆଇନ ନିର୍ମାଣ ହୋଇଥିବା ଜଣାପଡିଥିଲା। ପରେ ମନ୍ଦିର ଚତୁଃପାର୍ଶ୍ୱ କୋଟିତୀର୍ଥ ଲେନ, ବିନ୍ଦୁସାଗର ଚତୁଃପାର୍ଶ୍ୱରେ ଥିବା ଜବରଦଖଲକୁ ଚିହ୍ନଟ କରାଯାଇଥିଲା।

ଜବରଦଖଲ ଉଚ୍ଛେଦ ହେଲେ ପର୍ଯ୍ୟଟକ ଆକୃଷ୍ଟ ହେବେ
ଜବରଦଖଲ ଉଚ୍ଛେଦ ପ୍ରକ୍ରିୟା ଭଲ କଥା। ଏଥିରେ ପାତରଅନ୍ତର କରା ନ ଯାଉ। ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ସହ କୋଟିତୀର୍ଥ ଲେନ୍‌ର ଉଭୟପାର୍ଶ୍ୱରେ ଥିବା ବେଆଇନ ନିର୍ମାଣ ଓ ଜବରଦଖଲ ଉଚ୍ଛେଦ କରିବା ଦରକାର। ଏହାଦ୍ୱାରା ପୁରୀ ଭଳି ଏହି ସ୍ଥାନର ସୌନ୍ଦର୍ଯ୍ୟ ପର୍ଯ୍ୟଟକଙ୍କୁ ଆକୃଷ୍ଟ କରିବ।
-ଦିଲୀପ କୁମାର ମହାପାତ୍ର, ସ୍ଥାନୀୟ ବାସିନ୍ଦା
ଉଚ୍ଛେଦ ପ୍ରକ୍ରିୟା ପଦକ୍ଷେପ ସ୍ବାଗତଯୋଗ୍ୟ
ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱରେ ୮୦୦ ବେଆଇନ ଘର ଓ ୩୦୦ ଦୋକାନ ରହିଛି। ଜବରଦଖଲରେ ଜନପ୍ରତିନିଧି, ପ୍ରଭାବଶାଳୀ ବ୍ୟକ୍ତି, ଗଣମାଧ୍ୟମ ବ୍ୟକ୍ତି ଯିଏ ବି ଥାନ୍ତୁ, ସମସ୍ତଙ୍କ ପାଇଁ ନିୟମ ସମାନ ରହୁ। ପୁରୀ ଶ୍ରୀମନ୍ଦିର ଭଳି ଏଠାରେ ସ୍ବତନ୍ତ୍ର ଆଇନ ରହୁନାହିଁ। ଉଚ୍ଛେଦ ପ୍ରକ୍ରିୟା ସ୍ବାଗତଯୋଗ୍ୟ। ଏହାଦ୍ୱାରା ପର୍ଯ୍ୟଟକଙ୍କ ଆଗମନ ବୃଦ୍ଧି ପାଇବ।
-ଗୋପାଳ ଚନ୍ଦ୍ର ବଟୁ, ସ୍ଥାନୀୟ ବାସିନ୍ଦା
ମନ୍ଦିର ଚତୁଃପାର୍ଶ୍ୱ ସଫାସୁତରା ରହିବା ଦରକାର
ବହୁତ ଜାଗା ବୁଲିଛୁ। ତେଣୁ ଶ୍ରୀଲିଙ୍ଗରାଜ ମନ୍ଦିର ମଧ୍ୟ ବୁଲି ଆସିଥିଲୁ। ଜବରଦଖଲ ଉଚ୍ଛେଦ ହଟାଇ ମନ୍ଦିର ଚତୁଃପାର୍ଶ୍ୱ ସଫା ସୁତରା ରହିବା ଦରକାର। ଐତିହ୍ୟସ୍ଥଳର ଏଣେତେଣେ ଅପରିସ୍କାର ଯୋଗୁ ପର୍ଯ୍ୟଟକମାନେ ପରିସ୍ରା କରୁଛନ୍ତି, ଯାହା ସୌନ୍ଦର୍ଯ୍ୟକରଣରେ ପ୍ରତିକୂଳ ଅବସ୍ଥା ସୃଷ୍ଟି କରୁଛି। ସରକାରଙ୍କ ପଦକ୍ଷେପ ସ୍ବାଗତଯୋଗ୍ୟ।
-ମଦନ ଗୁପ୍ତା, ପର୍ଯ୍ୟଟକ, କଲିକତା
ଜବରଦଖଲକାରୀ ସରକାରଙ୍କୁ ସହଯୋଗ କରନ୍ତୁ
ଶ୍ରୀଲିଙ୍ଗରାଜ ମନ୍ଦିର ପାରିପାର୍ଶ୍ୱିକ ଉନ୍ନତୀକରଣ ସହ ପଣ୍ଡା, ପଢିହାରୀମାନଙ୍କ ଧର୍ମ ସଂସ୍କୃତିର ଜ୍ଞାନ ବଢାଇବା ଦିଗରେ କାର୍ଯ୍ୟ କରାଯିବା ଦରକାର। ଏହାଦ୍ୱାରା ପର୍ଯ୍ୟଟନସ୍ଥଳର ମହାତ୍ମ୍ୟ ପ୍ରକୃତ ମାତ୍ରାରେ ପ୍ରତିପାଦିତ ହେବ। ଜବରଦଖଲ ଉଚ୍ଛେଦ ଦ୍ୱାରା ସ୍ଥାନୀୟ ବାସିନ୍ଦାଙ୍କ ପରୋକ୍ଷରେ ଉନ୍ନତ ହେବ। ସେଥିଲାଗି ଜବରଦଖଲରେ ଥିବା ବ୍ୟକ୍ତି ସରକାରଙ୍କୁ ସହଯୋଗ କରନ୍ତୁ।
-ଲିଙ୍ଗରାଜ ସେଠୀ, ସୂଚନା ଓ ପ୍ରଯୁକ୍ତି ବିଦ୍ୟା ଗବେଷକ
ଐତିହ୍ୟସ୍ଥଳର ବିକାଶ ହେବ
ଅତୀତରେ ଠାକୁରଙ୍କ ନୀତିକାନ୍ତି ସହ ପ୍ରତ୍ୟକ୍ଷ ଭାବେ ଜଡିତ ଜାଗାଗୁଡିକ ଜବରଦଖଲକୁ ନେଇ ପ୍ରତିବାଦ କରିଛୁ। ବିଳମ୍ବରେ ହେଲେ ମଧ୍ୟ ସମସ୍ତ ବିଭାଗର ଉଦ୍ୟମକୁ ପ୍ରଶଂସା କରିବା ଦରକାର। ତେଣୁ ସମସ୍ତେ ଏହି କାର୍ଯ୍ୟରେ ସହଯୋଗ କଲେ ଐତିହ୍ୟ ସ୍ଥଳର ବିକାଶ ହେବ।
-ଭୀଷ୍ମ ନାରାୟଣ ନାୟକ, ଆଇନଜୀବୀ


All Right Reserved By Dharitri.Com

ତୁଟିଲା ସରକାରୀ ବସ୍‌ଷ୍ଟାଣ୍ଡ ଅଡ଼ୁଆ

ଅନୁଗୋଳ ଅଫିସ, ୨୧।୯ – ଅନୁଗୋଳରେ ନିର୍ମାଣ ଚାଲିଥିବା ଅତ୍ୟାଧୁନିକ ସରକାରୀ ବସ୍‌ଷ୍ଟାଣ୍ଡ ସମ୍ମୁଖରେ ଥିବା କେତୋଟି ଦୋକାନକୁ ନେଇ ସୃଷ୍ଟି ହୋଇଥିବା ବିବାଦର ସମାଧାନ...

ଭାଉଜଙ୍କୁ ଅସଦାଚରଣ, ଆକ୍ରମଣ ମାମଲା:ଜେଲ ଗଲେ ଦିଅର

ଦିଗପହଣ୍ଡି,୮ା୭(ଡି.ଏନ.ଏ.)- ଦିଗପହଣ୍ଡି ପୋଲିସ ସୋମବାର ନିମଖଣ୍ଡିପେଣ୍ଠ ଗ୍ରାମର ଅକ୍ଷୟ କୁମାର କର ଓରଫ ବିଟ୍ଟୁଙ୍କୁ ଗିରଫ କରି କୋର୍ଟଚାଲାଣ କରିଛି। ଗତ ମେ ୧୭ ରାତି...

ବାଇକ୍‌-ଟ୍ରକ୍‌ ମୁହାଁମୁହିଁ ଧକ୍କା: ଜଣେ ମୃତ, ଜଣେ ଗୁରୁତର; କ୍ଷତିପୂରଣ ଦାବିରେ ରାସ୍ତାରୋକୋ

ବୌଦ୍ଧ,୧୪।୧୨(ସ୍ବ.ପ୍ର.): ବୌଦ୍ଧ ସହରର ବ୍ରିଜ୍‌ ଛକ ନିକଟରେ ଶନିବାର ସକାଳେ ବାଇକ୍‌ ସହ ଏକ ଟ୍ରକ୍‌ ମୁହାଁମୁହିଁ ଧକ୍କା ହେବା ଫଳରେ ଜଣଙ୍କ ମୃତ୍ୟୁ ଘଟିଥିବା...

ଦୁର୍ଘଟଣାପ୍ରବଣ ସ୍ଥାନରେ ଲାଗିବ ସିସିଟିଭି

କଳିଙ୍ଗନଗର, ୨୭ା୯(ଡି.ଏନ୍‌.ଏ.)- ଯାଜପୁର କ୍ଲଷ୍ଟର ଡେଭଲପ୍‌ମେଣ୍ଟ ଲିମିଟେଡ (ଜେସିଡିଏଲ୍‌) ପକ୍ଷରୁ ଗୁରୁବାର ଯାଜପୁର କ୍ଲଷ୍ଟର କାର୍ଯ୍ୟାଳୟରେ ଏକ ବୈଠକ ଅନୁଷ୍ଠିତ ହୋଇଯାଇଛି। କଳିଙ୍ଗନଗର ଅତିରିକ୍ତ ଆରକ୍ଷୀ...

ଜଗତ୍‌ସିଂହପୁର ଜିଲାରେ କୁକୁର ବନ୍ଧ୍ୟାକରଣ ଯୋଜନା ପ୍ରହସନ: କାମରେ ଲାଗୁନି ୧୮ ଲକ୍ଷର ଅନୁଦାନ

ଜଗତ୍‌ସିଂହପୁର ଅଫିସ, ୧୮ା୭: ଜଗତ୍‌ସିଂହପୁର ଜିଲାରେ ଏବେ ବୁଲା କୁକୁରଙ୍କ ଉତ୍ପାତ ଚିନ୍ତାର କାରଣ ହୋଇଛି। ରାତିଅଧ ହେଉ ଅବା ଦ୍ୱିପ୍ରହରରେ ଲୋକେ ରାସ୍ତାରେ ନିରାପଦରେ...

ବିଜେଡି ପ୍ରତିଷ୍ଠା ଦିବସରେ ବିନା ହେଲ୍‌ମେଟରେ ବାଇକ୍‌ ରାଲି: ୨୫ ଜଣଙ୍କ ନାମରେ ଚାଲାଣ କାଟିଲା ପୋଲିସ

ଭୁବନେଶ୍ୱର, ୩୧ା୧୨(ବ୍ୟୁରୋ)- ବିଜେଡି ପ୍ରତିଷ୍ଠା ଦିବସରେ ବିନା ହେଲ୍‌ମେଟରେ ବାଇକ ରାଲି ମହଙ୍ଗା ପଡ଼ିଛି। କମିଶନରେଟ ପୋଲିସ ସିସି ଟିଭି ଫୁଟେଜକୁ ଯାଞ୍ଚ କରି ପ୍ରାଥମିକ...

ମେଡିକାଲ କଲେଜ ଅଧୀକ୍ଷକଙ୍କୁ ଘେରାଉ କଲା ଭଞ୍ଜସେନା

ବାରିପଦା ଅଫିସ,୨୨।୮- ମୟୂରଭଞ୍ଜ ଜିଲାବାସୀଙ୍କ ବହୁ ଦିନର ଦାବି ଓ ଆନ୍ଦୋଳନ ପରେ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ପ୍ରତିଷ୍ଠା ହୋଇଥିଲା। କିନ୍ତୁ ଏହି...

ବାପ୍‌ କିଡ଼୍‌ନୀ ରୁଗୀ, ଝି’ ହୁରୁଦ୍‌ରୋଗ୍‌ରେ ପୀଡ଼ିତ: ଚିକିସତ୍ା ସାହାଯ୍‌ ଲାଗି ଜିଲାପାଲକୁଁ ଗୁହାରି

ବରଗଡ଼ ଅଫିସ୍‌,୨୮।୫-ବରଗଡ଼ ଜିଲା ବରଡୋଲ ପଁଚେତ ଅଧୀନ ପିପିଲିପାଲି ବନ୍ଧପାଲି ଗଁ।ର ରାଜେଶ ରାଓ। ସେ ଝନେ ନିହାତି ଗରିବ୍‌, କୁଲି ମଜୁରି କରି ନିଜର...

Leave a comment

Your email address will not be published. Required fields are marked *