ଭାରତର ମନ୍ଥର ଅଭିବୃଦ୍ଧି ଚିନ୍ତାଜନକ: ନୋବେଲ ବିଜେତା ଅଭିଜିତ ବାନାର୍ଜୀ

ନୂଆଦିଲ୍ଲୀ,୧୫-୧୦: ଭାରତରେ ବର୍ତ୍ତମାନ ମାନ୍ଦାବସ୍ଥା ଲାଗି ରହିଥିବା ବେଳେ ଏହାକୁ ନେଇ ଅର୍ଥନୀତିଜ୍ଞ ମାନେ ଚିନ୍ତା ପ୍ରକଟ କରୁଛନ୍ତି। ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ରଘୁରାମ ରାଜନ ନିକଟରେ ଏହି ପ୍ରସଙ୍ଗକୁ ନେଇ ଉଦ୍‌ବେଗ ପ୍ରକାଶ କରିଥିଲେ। ଦେଶର ଜିଡ଼ିପି ଅଭିବୃଦ୍ଧିରେ ମନ୍ଥରତା ଅତ୍ୟନ୍ତ ଚିନ୍ତାଜନକ ପ୍ରସଙ୍ଗ ବୋଲି ନୋବେଲ ବିଜେତା ଅର୍ଥନୀତିଜ୍ଞ ଅଭିଜିତ ବାନାର୍ଜୀ ଗଣମାଧ୍ୟମକୁ ସାକ୍ଷାତକାରରେ କହିଛନ୍ତି।
ସେ କହିଛନ୍ତି ଯେ, ଭାରତର ଅର୍ଥନୀତି ବର୍ତ୍ତମାନ ଅସ୍ଥିର ସ୍ଥିତିରେ ଥିବାରୁ ସରକାର ବିଭିନ୍ନ ନୀତି ଉପରେ କାର୍ଯ୍ୟ କରିବାର ଆବଶ୍ୟକତା ରହିଛି। ବର୍ତ୍ତମାନ ଉପଲବ୍ଧ ଥିବା ଡାଟା ମୁତାବକ ଦେଶର ଅର୍ଥ ବ୍ୟବସ୍ଥା ଶୀଘ୍ର ଉନ୍ନତ ସ୍ଥିତିକୁ ଫେରିବ ବୋଲି ପ୍ରତିଶ୍ରୁତି ଦେଇ ହେବ ନାହିଁ। ଗତ ୬ ବର୍ଷରେ ଅନ୍ତତଃ ପକ୍ଷେ କିଛି ଅଭିବୃଦ୍ଧି ସାଧିତ ହୋଇଥିବା ଦେଖାଯାଇଥିଲା। ମାତ୍ର ବର୍ତ୍ତମାନର ସ୍ଥିତି ସମ୍ପୂର୍ଣ୍ଣ ଅଲଗା ହୋଇପଡିଛି। ସରକାର ଏମିତି ନୀତି ଆଣିବା ଆବଶ୍ୟକ ଯାହା ପ୍ରକୃତରେ କାମ କରିବ। କିଛି ନୀତି କାମ ଦେବ ବୋଲି ସେ କଥା କଳ୍ପନା କରିବା ଏବଂ ଏହାର ବାସ୍ତବତା ଦୁଇଟି ଭିନ୍ନ ପ୍ରସଙ୍ଗ। ବିଶ୍ୱ ସ୍ତରରେ ଦାରିଦ୍ର୍ୟ ବିରୋଧରେ ଲଢେଇ ପାଇଁ ନିଜର ଯୋଗଦାନ ଲାଗି ବାନାର୍ଜୀ ସୋମବାର ୨୦୧୯ର ଅର୍ଥନୀତି ନୋବେଲ ଲାଭ କରିଛନ୍ତି। ବିଭିନ୍ନ ଦିଗକୁ ବିଚାର କରି ଭାରତ ସରକାର ସତର୍କତା ଅବଲମ୍ବନ କରନ୍ତୁ ବୋଲି ସେ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି, ଭାରତରେ ରାଜନୈତିକ ଉଦ୍ଦେଶ୍ୟ ଜଡିିତ ଥିବାରୁ କୌଣସି ନୀତି ଘୋଷଣା ବେଳେ ଅନେକ ଆଗ୍ରହ ଦେଖାଯାଇଥାଏ। ନୀତି ଘୋଷଣା କରିବା ପରେ ଏହା ସାଧାରଣତଃ ଭଲ ବୋଲି ବିଚାର କରାଯାଏ। କୌଣସି ନୀତି ଆସିବାକୁ ଥିଲେ ଏହା ଠିକ୍‌ ଭାବେ କାମ କରିବ କି ନାହିଁ ତାର ସତର୍କତା ସହ ତର୍ଜମା ହେବାର ଆବଶ୍ୟକତା ରହିଛି। ଏହା ପରେ ଯାଇ ଏହାକୁ ଲାଗୁ କରାଯିବ କି ନାହିଁ ବିଚାର କରାଯିବା ଆବଶ୍ୟକ। ମାତ୍ର ବର୍ତ୍ତମାନ ଏହା ହେଉ ନାହିଁ। ପ୍ରକୃତ ପକ୍ଷେ କଣ ହୋଇଛି ତାକୁ ଦେଖାଯାଉ ନାହିଁ। ଦେଶର ନୀତି ନିର୍ଦ୍ଧାରକମାନେ ଏଭଳି ପ୍ରସଙ୍ଗକୁ ଆଂଶିକ ଭାବେ ଦେଖୁଛନ୍ତି। ଜିଏସ୍‌ଟି ଠିକ୍‌ ଭାବେ ଲାଗୁ ହୋଇ ଥିବା ପ୍ରସଙ୍ଗକୁ ନେଇ ଅର୍ଥମନ୍ତ୍ରୀ ନିର୍ମଳା ସୀତାରାମନ ନିକଟରେ କହିଥିଲେ ଯେ, ଏହା ଅସୁବିଧା ସୃଷ୍ଟି କରିଥିଲେ ମଧ୍ୟ ଦେଶର ଆଇନ ହୋଇ ସାରିଛି। ଅର୍ଥମନ୍ତ୍ରୀଙ୍କ ଏହି ବିବୃତ୍ତି ପରେ ବାନାର୍ଜି ନିଜର ମତ ରଖିଥିବା ଜଣାପଡ଼ିଛି।
୨୦୧୭ରେ ସରକାରଙ୍କ ବିମୁଦ୍ରୀକରଣ ପଦକ୍ଷେପକୁ ନେଇ ମଧ୍ୟ ବାନାର୍ଜୀ ନିଜର ପ୍ରତିକ୍ରିୟା ରଖିଥିଲେ। ଭାରତରେ ବିମୁଦ୍ରୀକରଣ ଲାଗୁ ପଛର ଯୁକ୍ତିକୁ ସେ ବୁଝି ପାରୁ ନ ଥିବା କହିଥିଲେ। ୫୮ ବର୍ଷୀୟ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ ଏହି ଆଲୁମିନି ଉପା ସରକାରଙ୍କ ସମୟରେ ଲାଗୁ ହୋଇଥିବା ଜାତୀୟ ଗ୍ରାମୀଣ ନିଶ୍ଚତ କର୍ମନିଯୁକ୍ତି ଯୋଜନା(ଏନ୍‌ଆର୍‌ଇଜିଏ)କୁ ପ୍ରଶଂସା କରିଛନ୍ତି। ସେହିଭଳି ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା, ପିଏମ୍‌ କିଷାନ ଯୋଜନାକୁ ମଧ୍ୟ ସେ ପ୍ରଶଂସା କରିଛନ୍ତି। ୨୦୧୪ ପରଠାରୁ ଗ୍ରାମୀଣ ଆୟରେ ଅନେକ ମାତ୍ରାରେ ହ୍ରାସ ଘଟିଥିବା ସେ ମତ ରଖିଛନ୍ତି। ରିୟଲ ଇଷ୍ଟେଟ ଭଳି କ୍ଷେତ୍ରଗୁଡିକରେ ଅଣକୁଶଳି ନିଯୁକ୍ତି ବେଶି ହେଉଥିବାରୁ ନିର୍ମାଣ କ୍ଷେତ୍ରରେ ମାନ୍ଦାବସ୍ଥା ଦେଖା ଦେଲେ ଗ୍ରାମୀଣ ଆୟ ମଧ୍ୟ ପ୍ରଭାବିତ ହେବ ବୋଲି ସେ ପ୍ରକାଶ କରିଛନ୍ତି। ଭାରତୀୟ ଅର୍ଥ ବ୍ୟବସ୍ଥା ଲାଗି ନିକଟରେ ସେ କେତେକ ପରାମର୍ଶ ଦେଇଥିଲେ। ନିଯୁକ୍ତି ସୃଷ୍ଟି ଯୋଜନା ଏବଂ ବେତନ ବୃଦ୍ଧି ଦ୍ୱାରା ଲୋକଙ୍କ ନିକଟକୁ ଅର୍ଥ ପ୍ରଦାନ, କୃଷକଙ୍କ ଆୟ ବୃଦ୍ଧି ଭଳି ପ୍ରସଙ୍ଗ ଉପରେ ଗୁରୁତ୍ୱାରୋପ କରିଛନ୍ତି।


All Right Reserved By Dharitri.Com

ଇଣ୍ଡିଆନ ଅଏଲର ସ୍ବଚ୍ଛତା ପକ୍ଷ

ଭୁବନେଶ୍ୱର,୧୫-୭: ସ୍ବଚ୍ଛତା ପକ୍ଷ ଉପଲକ୍ଷେ ରାଷ୍ଟ୍ରାୟତ୍ତ ଇଣ୍ଡିଆନ ଅଏଲ ପକ୍ଷରୁ ପୁରୀ ବଡଦାଣ୍ଡରେ ସ୍ବଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରଥଯାତ୍ରା ଅବସରରେ କମ୍ପାନୀ ପକ୍ଷରୁ ଗୁଣ୍ଡିଚା...

ଫୋବର୍‌ସ ତାଲିକା:୨୦୦୦ ଶୀର୍ଷ କମ୍ପାନୀଙ୍କ ମଧ୍ୟରେ ୫୭ ଭାରତୀୟ ସାମିଲ

ନୂଆଦିଲ୍ଲୀ,୧୫-୬: ପ୍ରଖ୍ୟାତ ଫୋବର୍‌ସ ପତ୍ରିକା ପକ୍ଷରୁ ବିଶ୍ୱର ଶୀର୍ଷ ୨୦୦୦ କମ୍ପାନୀଙ୍କ ଏକ ତାଲିକା ପ୍ରକାଶ କରାଯାଇଛି। ଏଥିରେ ରିଲାଏନ୍ସ ଇଣ୍ଡଷ୍ଟ୍ରିଜ ସମେତ ୫୭ ଭାରତୀୟ...

ବିଶ୍ୱ ସ୍ତରରେ ବଢିବେ ୨୫ ଲକ୍ଷ ବେକାରୀ

ଜାତିସଂଘ,୨୨-୧: ସାରା ବିଶ୍ୱରେ ବେକାରୀ ସମସ୍ୟା ଏବେ ଉତ୍କଟ ହେଉଛି। ୨୦୨୦ରେ ବେକାରୀ ହାର ବଢିବା ସହ ଏହି ସଂଖ୍ୟାରେ ଆଉ ୨୫ ଲକ୍ଷ ବେକରୀ...

ବର୍ଷକ ଭିତରେ ଆସିବ ନୂଆ ଇ-କମର୍ସ ପଲିସି

ନୂଆଦିଲ୍ଲୀ,୨୬-୬: କେନ୍ଦ୍ର ସରକାର ଆସନ୍ତା ଏକ ବର୍ଷ ଭିତରେ ନୂଆ ରାଷ୍ଟ୍ରୀୟ ଇ-ବାଣିଜ୍ୟ (ଇ-କମର୍ସ) ନୀତି ଜାରି କରିବେ। ଏହାଦ୍ୱାରା ଇଣ୍ଟରନେଟ୍‌ ଜରିଆରେ ଅନ୍‌ଲାଇନରେ ହେଉଥିବା...

ନିଗମ ହେବ ରାଏବରେଲୀ କୋଚ୍‌ ଫ୍ୟାକ୍ଟ୍ରି

ଲକ୍ଷ୍ନୌ,୧୭-୭: ରୋଲିଂ ଷ୍ଟକର ୮ ଉତ୍ପାଦନ ୟୁନିଟକୁ ରେଲ୍‌ଓ୍ବେ ନିଗମୀକରଣ କରିବାକୁ ଯୋଜନା ରଖିଛି। ଏହା ରାଏବରେଲୀସ୍ଥିତ ମଡର୍ନ କୋଚ୍‌ ଫ୍ୟାକ୍ଟ୍ରି(ଏମ୍‌ସିଏଫ୍‌)ଠାରୁ ଆରମ୍ଭ ହେବ। ୧୦...

୯୦,୩୯୫ କୋଟି ଋଣ ପ୍ରଦାନର ସମ୍ଭାବନା

ଭୁବନେଶ୍ୱର,୨୮-୧: ବର୍ଷ ୨୦୨୦-୨୧ ଲାଗି ରାଜ୍ୟର ଅଗ୍ରାଧିକାର କ୍ଷେତ୍ରଗୁଡିକୁ ପ୍ରାୟ ୯୦,୩୯୫ କୋଟି ଟଙ୍କାର ଋଣ ଯୋଗାଣ ନେଇ ସମ୍ଭାବନା ରହିଛି। ବ୍ୟାଙ୍କଗୁଡିକ ଏ ଦିଗରେ...

ପାସେଞ୍ଜର ଯାନର ରିଟେଲ ବିକ୍ରି ୧୧% ବୃଦ୍ଧି

ନୂଆଦିଲ୍ଲୀ,୨୦-୧୧: ଚଳିତ ବର୍ଷ ଅକ୍ଟୋବରରେ ପାସେଞ୍ଜର ଯାନର ରିଟେଲ ବିକ୍ରିରେ ୧୧% ବୃଦ୍ଧି ଘଟି ୨.୪୮ ଲକ୍ଷ ୟୁନିଟ ରହିଛି। ଗତ ବର୍ଷ ସମାନ ସମୟ...

ଭାରତରେ ରିଟେଲ ଷ୍ଟୋର୍‌ ଖୋଲିବ ଆପଲ୍‌

ନୂଆଦିଲ୍ଲୀ,୩୦-୮: ମହଙ୍ଗା ଫୋନ ଏବଂ ସଫ୍ଟଓ୍ବେର ତିଆରି କରୁଥିବା ଆମେରିକା କମ୍ପାନୀ ଆପଲ୍‌ ଭାରତରେ ଏହାର ରିଟେଲ ଷ୍ଟୋର୍‌ ଖୋଲିବାକୁ ନେଇ ଉତ୍ସୁକ ବୋଲି କହିଛି।...

Leave a comment

Your email address will not be published. Required fields are marked *