ଭାରତକୁ ବିଶ୍ୱ ଲିଡର କରିବ ସଂସ୍କାରଧାରା

ଅର୍ଥନୀତିରେ ପରିବର୍ତ୍ତନ ଧାରା ଆଣିବା ଲାଗି ବିଭିନ୍ନ ଗଠନମୂଳକ ପଦକ୍ଷେପ ନେବା ଉପରେ ଦେଶର ଶିଳ୍ପ ଜଗତ ଗୁରୁତ୍ୱାରୋପ କରିଛି। ଦେଶର ପ୍ରମୁଖ ଶିଳ୍ପ ନେତାମାନେ କେନ୍ଦ୍ରରେ ଏନ୍‌ଡିଏ ସରକାର ଶାସନ କ୍ଷମତାକୁ ଫେରିଥିବାରୁ ଖୁସି ବ୍ୟକ୍ତ କରିଛନ୍ତି। ସଂସ୍କାର ଧାରା ଭାରତକୁ ବିଶ୍ୱ ଲିଡର କରି ଗଢି ତୋଳିବ ବୋଲି ଏହି ଲିଡରମାନେ ନିଜର ପ୍ରତିକ୍ରିୟାରେ କହିଛନ୍ତି। ଶିଳ୍ପ କ୍ୟାପଟେନ ଏ ନେଇ ରଖିଥିବା ପ୍ରତିକ୍ରିୟା…

ଦେଶରେ ଗଣତାନ୍ତ୍ରିକ ଢାଞ୍ଚା ଦୃଢ ରହିଛି। ଦେଶ ଗଠନରେ ଲୋକମାନେ ନିଜର ଯୋଗଦାନ ରଖୁଛନ୍ତି। ଦେଶରେ ପରବର୍ତ୍ତୀ ପିଢି ବିକାଶ ଲାଗି ଭିତ୍ତିଭୂମି ଅଭିବୃଦ୍ଧି, ଶ୍ରମ ଶକ୍ତିକୁ ପୁନଃକୁଶଳୀ କରି ଗଢି ତୋଳିବା ଏବଂ ଟେକ୍ନୋଲୋଜିର ଆଦୃତି ବଢାଇବାକୁ ହେବ।
-ଗୌତମ ଆଦାନୀ, ଆଦାନୀ ଗ୍ରୁପ ଅଧ୍ୟକ୍ଷ
ଭାଜପାର ଏହି ବିଜୟ ଲୋକଙ୍କ ମୋଦିଙ୍କ ପ୍ରତି ରହିଥିବା ଭରସାକୁ ପ୍ରତିଫଳିତ କରୁଛି। ସରକାର ଗ୍ରହଣ କରିଥିବା ସଂସ୍କାର ପ୍ରକ୍ରିୟା, ଅଭିବୃଦ୍ଧି,ନିଯୁକ୍ତି ଏବଂ ଲୋକଙ୍କ ଉନ୍ନତ ଜୀବନଧାରାକୁ ଏହା ସୂଚାଉଛି। ସେହିଭଳି ଏକ ଉନ୍ନତ ଭାରତ ଗଠନ ଲାଗି ମୋଦିଙ୍କୁ ଲକ୍ଷ୍ୟକୁ ଲୋକ ସହଯୋଗ କରୁଥିବା ନିର୍ବାଚନ ଫଳାଫଳ ଦର୍ଶାଉଛି।
– ଏନ୍‌.ଚନ୍ଦ୍ରଶେକରନ, ଅଧ୍ୟକ୍ଷ ଟାଟା ସନ୍ସ
ଅଭିବୃଦ୍ଧି ଧାରାକୁ ପୁନର୍ଜିବିତ କରିବା ଲାଗି ସରକାର କାର୍ଯ୍ୟ କରିବେ। ବିଭିନ୍ନ ଜଟିଳ ପ୍ରସଙ୍ଗର ସମାଧାନ, ନିଯୁକ୍ତି ସୃଷ୍ଟି, ସରଳ ଟିକସ ଆଇନ ଭଳି ପ୍ରଗତିଶୀଳ ପଦକ୍ଷେପ ବିଶ୍ୱ ବାଣିଜ୍ୟ କ୍ଷେତ୍ରରେ ଭାରତର ସ୍ଥିତିକୁ ଆହୁରି ଦୃଢ କରିବ। ସେହିଭଳି ଘରୋଇ ଶିଳ୍ପର ସୁରକ୍ଷା ସହ ସହଯୋଗପୂର୍ଣ୍ଣ ସ୍ଥିତି ସୃଷ୍ଟି,ଖଣି, ତୈଳ ଏବଂ ଗ୍ୟାସ କ୍ଷେତ୍ରରେ ଏଫଡିଆଇ ବୃଦ୍ଧି କରିବାକୁ ପଦକ୍ଷେପ ଗ୍ରହଣ କରାଯିବ।
– ଅନିଲ ଅଗ୍ରଓ୍ବାଲ, ବେଦାନ୍ତ ରିସୋର୍ସେସ ଅଧ୍ୟକ୍ଷ
ନିର୍ବାଚନ ଜିତିବା ପରେ ମୋଦି ବିଶ୍ୱର ଜଣେ ଶକ୍ତିଶାଳୀ ଲିଡର ହୋଇ ପାରିଛନ୍ତି।
-ଆନନ୍ଦ ମହିନ୍ଦ୍ରା, ଅଧ୍ୟକ୍ଷ,ମହିନ୍ଦ୍ରା ଆଣ୍ଡ ମହିନ୍ଦ୍ରା ଗ୍ରୁପ
ଅର୍ଥନୀତିକୁ ଏକ ନୂଆ ସ୍ତରକୁ ନେବାରେ ମୋଦିଙ୍କର ନେତୃତ୍ୱ ସହାୟକହେବ।
-ଚନ୍ଦ୍ରଜିତ ବାନାର୍ଜୀ,ସିଆଇଆଇ, ଡିଜି
ବିଶ୍ୱ ନୀତି ନିର୍ଦ୍ଧାରଣ କ୍ଷେତ୍ରରେ ଭାରତ ଏକ ପ୍ରମୁଖ ପ୍ରଭାବଶାଳୀ ଦେଶ ହେବ। ଅର୍ଥନୀତି ଏକ ନୂଆ ସ୍ତରରେ ପହଞ୍ଚିବ।
-ସଜ୍ଜନ ଜିନ୍ଦଲ, ଜେଏସ୍‌ଡବ୍ଲ୍ୟୁ ଗ୍ରୁପ ଅଧ୍ୟକ୍ଷ
ମୋଦି ସଂସ୍କାରକୁ ପ୍ରୋତ୍ସାହିତ କରିଥିବା ବେଳେ ଏବେ ଯାଏ ପ୍ରକ୍ରିୟା ଶେଷ ହୋଇ ନାହିଁ। ଲୋକଙ୍କ ଭରସା ଜିତିବାରେ ମୋଦି ସଫଳ ହୋଇଛନ୍ତି।
– ଆର୍‌.ସି. ଭାର୍ଗଭ, ଅଧ୍ୟକ୍ଷ, ମାରୁତି ସୁଜୁକି ଇଣ୍ଡିଆ ଲିମିଟେଡ
ଶିଳ୍ପ କ୍ଷେତ୍ର ଲାଗି ପ୍ରଗତିଶୀଳ ନିଷ୍ପତ୍ତି ଏବଂ ମେକ୍‌ ଇନ ଇଣ୍ଡିଆରେ ଡୁଇଂ ବିଜନେସକୁ ନୂଆ ସରକାର ପ୍ରୋତ୍ସାହିତ କରିବେ ବୋଲି ଆଶାବାଦୀ ।
-ଆନନ୍ଦ କ୍ରିପାଳୁ, ଏମ୍‌ଡି ତଥା ସିଇଓ, ଡିଏଜିଓ ଇଣ୍ଡିଆ
ଲୋକଙ୍କ ସମର୍ଥନ ଯୋଗୁ ସରକାରଙ୍କ ଉତ୍ତରଦାୟିତ୍ୱ ବଢିଛି। ସରକାର ଗ୍ରହଣ କରିବାକୁ ଥିବା ଅର୍ଥନୈତିକ ଏବଂ ସାମାଜିକ ନିଷ୍ପତ୍ତି ଦେଶର ଅଭିବୃଦ୍ଧିକୁ ଆଗାମୀ ୫ ବର୍ଷରେ ୬ରୁ ୧୦% ବଢାଇବାରେ ସହାୟତା କରିବ।
-ରାଜୀବ ତଲଓ୍ବାର, ସଭାପତି, ପିଏଚ୍‌ଡି, ସିସିଆଇ
ଦେଶକୁ ଶାସନ କରିବା ଲାଗି ଲୋକମାନେ ସେମାନଙ୍କ ଲୋକପ୍ରିୟ ଲିଡରକୁ ବାଛିଛନ୍ତି। ସାଧାରଣ ନିର୍ବାଚନ ତାର ପ୍ରତିଫଳନ।
-ହର୍ଷ ଗୋଏଙ୍କା, ଆର୍‌ପିଜି ଏଣ୍ଟରପ୍ରାଇଜେସ
ସରକାରଙ୍କ ନିବେଶ କମିଥିବା ବେଳେ ଶୀଘ୍ର ବଜେଟ ଆସିବାର ଅଛି। ଗତ ଆର୍ଥତ୍କ ବର୍ଷର ଚତୁର୍ଥ ତ୍ରୈମାସରୁ ଏହା ଧିମା ରହିଛି।
-ପଓ୍ବନ ଗୋଏଙ୍କା, ଏମ୍‌ଡି, ମହିନ୍ଦ୍ରା ଆଣ୍ଡ ମହିନ୍ଦ୍ରା ଗ୍ରୁପ
ଦୃଢ ଏବଂ ସ୍ଥାୟୀ ସରକାର ବିଦେଶୀ ପୁଞ୍ଜି ବଢାଇବାରେ ସହାୟକ ହେବ। ଘରୋଇ ଫାର୍ମଗୁଡିକର ଆତ୍ମବିଶ୍ୱାସ ପୁଣି ଫେରିଛି। ବର୍ତ୍ତମାନ ବ୍ୟବହାର ଏବଂ ନିବେଶର ଏକ ଚକ୍ରଣ ଦେଖିବାକୁ ମିଳିଛି।
– ବିକେ ଗୋଏଙ୍କା, ଆସୋଚାମ ସଭାପତି
ଦେଶର ପରିବର୍ତ୍ତନ ଲାଗି ଏହା ଏକ ସମୟ। ସେହିଭଳି ସଂସ୍କାର ପ୍ରକ୍ରିୟାକୁ ଦୃଢୀଭୂତ କରିବାକୁ ହେବ। ଜୀବନ କାଳ ମଧ୍ୟରେ ଭାରତକୁ ଏକ ସୁପର ପାଓ୍ବାର ହେବା ଦେଖିବାକୁ ଚାହଁୁଛି। ମୋଦିଙ୍କୁ ହୃଦୟଭରା କୃତଜ୍ଞତା।
– ଉଦୟ କୋଟାକ, ବ୍ୟାଙ୍କର
ନିବେଶ ଧାରା ବଢାଇବା ସହ ଟ୍ରାକକୁ ଆଣିବାର ସମୟ ଆସିଛି। ବ୍ୟବହାର ବଢିଲେ ଏହା ଅଭିବୃଦ୍ଧିକୁ ପ୍ରୋତ୍ସାହିତ କରିବ। ଏହା ନିଯୁକ୍ତି ସୃଷ୍ଟି କରିବା ସହ ଗ୍ରାମାଞ୍ଚଳର ଅସୁବିଧାକୁ ଦୁର କରିବ।
-ସନ୍ଦିପ ସୋମାନି, ଫିକି ସଭାପତି
ନୂଆ ସରକାରଙ୍କ ବିତ୍ତିୟ ସଂସ୍କାର ଧାରା ଠିକ ରଖିବାର ଆବଶ୍ୟକତା। ଏଭଳି ପଦକ୍ଷେପ ଭାରତକୁ ଏକ ଗ୍ଲୋବାଲ ଅର୍ଥନୀତି ଭାବେ ଗଢି ତୋଳିବ।
– ପ୍ରତାପ ରେଡ୍ଡି , ଅଧ୍ୟକ୍ଷ, ଆପୋଲୋ ହସ୍ପିଟାଲ୍ସ, ଗ୍ରୁପ


All Right Reserved By Dharitri.Com

ଲଜିଷ୍ଟିକ୍ସ ଲାଗି ସ୍ବତନ୍ତ୍ର ବିଭାଗ ଗଠନ ପ୍ରସ୍ତାବ

ନୂଆଦିଲ୍ଲୀ,୨୯-୫: ଏନ୍‌ଡିଏ ସରକାରଙ୍କ ଦ୍ୱିତୀୟ ଇନିଂସ ଆରମ୍ଭ ହେବାକୁ ଯାଉଥିବା ବେଳେ ବାଣିଜ୍ୟ ମନ୍ତ୍ରଣାଳୟ ପକ୍ଷରୁ ୧୦୦ ଦିନର ଏଜେଣ୍ଡା ପ୍ରସ୍ତୁତ କରାଯାଇଛି। ବ୍ୟବସାୟ ସୁବିଧା...

ଏୟାର ଏସିଆର ଟ୍ରାଭେଲ ଫେୟାର ଆଜିଠାରୁ

ଭୁବନେଶ୍ୱର,୨-୮-ପର୍ଯ୍ୟଟନ ବିକାଶ ଲାଗି ଏୟାର ଏସିଆ ପକ୍ଷରୁ ଏକ ଟ୍ରାଭେଲ ଫେୟାର ଶୁକ୍ରବାରଠାରୁ ଭୁବନେଶ୍ୱରରେ ଅନୁଷ୍ଠିତ ହେଉଛି। ଏହା ତିନିଦିନ ବ୍ୟାପି ସ୍ଥାନୀୟ ଏସ୍‌ପ୍ଲାନେଡ ଓ୍ବାନ...

ମୋଦିଙ୍କ ନିର୍ବାଚନୀ ପ୍ରତିଶ୍ରୁତି; ଅର୍ଥନୀତିକୁ ମିଳିବ ୧୦୦ ଲକ୍ଷ କୋଟି

ନୂଆଦିଲ୍ଲୀ,୨୬-୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଏନ୍‌ଡିଏ ସରକାର ଖୁବଶୀଘ୍ର ଦ୍ୱିତୀୟ କାର୍ଯ୍ୟକାଳ ସମ୍ଭାଳିବାକୁ ଯାଉଛିି। ନୂଆ ସରକାର ଗଠନ ପରେ ଭାଜପାର ନିର୍ବାଚନୀ ପ୍ରତିଶ୍ରୁତି...

ଥମାସ କୁକ୍‌ ଦେବାଳିଆ ଯୋଗୁ ପ୍ରଭାବିତ ହେବ ଭାରତର ପର୍ଯ୍ୟଟନ ଶିଳ୍ପ

ନୂଆଦିଲ୍ଲୀ,୨୫-୯: ବିଶ୍ୱର ସର୍ବବୃହତ ପର୍ଯ୍ୟଟନ ସେବା ଯୋଗାଣକାରୀ କମ୍ପାନୀ ବ୍ରିଟେନର ଥମାସ କୁକ୍‌ ରାତାରାତି ନିଜକୁ ଦେବାଳିଆ ଘୋଷଣା କରିବା ଦ୍ୱାରା ସାରାବିଶ୍ୱର ପର୍ଯ୍ୟଟନ ଶିଳ୍ପ...

ପିଏଫ୍‌ ଆକାଉଣ୍ଟରେ ମିଳିବ ୮.୬୫% ସୁଧ

ନୂଆଦିଲ୍ଲୀ,୩୧-୮: ଚାକିରିରତ କର୍ମଚାରୀଙ୍କ ପାଇଁ ଖୁସୀଖବର। ଭବିଷ୍ୟନିଧି ଆକାଉଣ୍ଟ(ପିଏଫ ଆକାଉଣ୍ଟ)ରେ ୨୦୧୮-୧୯ ଆର୍ଥିକ ବର୍ଷ ପାଇଁ ୮.୬୫% ସୁଧ ହାର ମିଳିବ। କେନ୍ଦ୍ର ଶ୍ରମ ମନ୍ତ୍ରୀ...

ଗାଡ଼ିରେ ଫାଷ୍ଟଟାଗ ଲାଗି ନଥିଲେ;ଟୋଲ୍‌ରେ ଆଦାୟ ହେବ ଡବଲ ଜରିମାନା

ନୂଆଦିଲ୍ଲୀ,୨୧-୭: ଜାତୀୟ ରାଜପଥ ବ୍ୟବହାର କରୁଥିବା ଗାଡ଼ିଚାଳକଙ୍କ ଜରୁରୀ ଖବର। ଡିସେମ୍ବର ପହିଲା ପୂର୍ବରୁ ଗାଡ଼ିରେ ଫାଷ୍ଟଟାଗ୍‌ ଲଗାଇ ନେବା ଭଲ ହେବ। ନଚେତ୍‌ ଡିସେମ୍ବର...

୨୩୪୮କୋଟି ଜାଲିଆତି ମାମଲା: ଭୂଷଣ ଷ୍ଟିଲ ଅଧ୍ୟକ୍ଷଙ୍କ ବିରୋଧରେ ଲୁକ୍‌ଆଉଟ ସର୍କୁଲାର ଜାରି

ନୂଆଦିଲ୍ଲୀ,୨୫-୪: କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ୨୩୪୮ କୋଟି ଟଙ୍କାର ବ୍ୟାଙ୍କ ଜାଲିଆତି ମାମଲାରେ ଭୂଷଣ ପାଓ୍ବାର ଆଣ୍ଡ ଷ୍ଟିଲ୍‌ ଲିମିଟେଡର ଅଧ୍ୟକ୍ଷ ସଞ୍ଜୟ ସିଂଘଲ ଏବଂ...

ବିକ୍ରି ହେବ ଏୟାର ଇଣ୍ଡିଆର ୧୦୦% ଅଂଶଧନ

ନୂଆଦିଲ୍ଲୀ,୨୧-୧୦: ସରକାର ରାଷ୍ଟ୍ରାୟତ୍ତ ଏୟାର ଇଣ୍ଡିଆର ୧୦୦% ଅଂଶଧନ ବିକ୍ରି ନେଇ ଯୋଜନା ରଖିଛନ୍ତି। ଏଥି ଲାଗି ପ୍ରକ୍ରିୟା ଆରମ୍ଭ କରାଯାଇଛି। ଏହି ଧାରାରେ ଆସନ୍ତା...

selfi corner

Model This Week

Why Dharitri

Leave a comment

Your email address will not be published. Required fields are marked *