Posted inଖେଳ

ବିଶ୍ୱ ଆଥଲେଟିକ୍ସ ଚାମ୍ପିୟନଶିପ୍‌

ଅଲିମ୍ପିକ୍ସ ପରେ ଟ୍ରାକ୍‌ ଆଣ୍ଡ ଫିଲ୍ଡ ଦୃଷ୍ଟିକୋଣରୁ ଦ୍ୱିତୀୟ ସର୍ବବୃହତ୍‌ କ୍ରୀଡ଼ା ମହାକୁମ୍ଭର ମାନ୍ୟତା ପାଇଥିବା ବିଶ୍ୱ ଆଥଲେଟିକ୍ସ ଚାମ୍ପିୟନଶିପ୍‌ ଏଥର କାତାର ରାଜଧାନୀ ଦୋହାରେ ଅନୁଷ୍ଠିତ ହୋଇଛି। ପ୍ରତି ଦୁଇବର୍ଷରେ ଥରେ ଆୟୋଜିତ ହେଉଥିବା ଏହି ମେଗା ଇଭେଣ୍ଟର ୧୭ତମ ସଂସ୍କରଣରେ ପୁଣି ଥରେ ଆମେରିକାର ଆଧିପତ୍ୟ ଦେଖିବାକୁ ମିଳିଛି। କେବଳ ଟ୍ରାକ୍‌ ଆଣ୍ଡ ଫିଲ୍ଡ ଇଭେଣ୍ଟ ଖେଳାଯାଉଥିବାରୁ ଏହି କ୍ରୀଡ଼ା ମହାକୁମ୍ଭରେ ସଫଳତା ପାଇବା ନିଶ୍ଚିତ ଭାବେ କଷ୍ଟକର। ଆମେରିକା ୧୪ ସ୍ବର୍ଣ୍ଣ, ୧୧ ରୌପ୍ୟ ଓ ୪ ବ୍ରୋଞ୍ଜ ପଦକ ସହ ମୋଟ ୨୯ଟି ପଦକ ହାସଲ କରି ପଦକ ତାଲିକାର ଶୀର୍ଷରେ ରହିଛି। ସେହିପରି ଆଫ୍ରିକୀୟ ଦେଶ କେନିଆ ୫ ସ୍ବର୍ଣ୍ଣ, ୨ ରୌପ୍ୟ ଓ ୪ ବ୍ରୋଞ୍ଜ ସହ ମୋଟ ୧୧ ପଦକ ପାଇ ତାଲିକାର ଦ୍ୱିତୀୟ ସ୍ଥାନରେ ରହିଛି। ଅନ୍ୟପଟେ କେନ୍ଦ୍ରୀୟ ଆମେରିକୀୟ ଦେଶ ଜାମାଇକା ୩ ସ୍ବର୍ଣ୍ଣ, ୫ ରୌପ୍ୟ ଓ ୪ ବ୍ରୋଞ୍ଜ୍‌ ପଦକ ସହ ମୋଟ ୧୨ଟି ପଦକ ହାସଲ କରି ତାଲିକାର ତୃତୀୟ ସ୍ଥାନରେ ରହିଛି। ଅଲିମ୍ପିକ୍ସରେ ଜବରଦସ୍ତ ସଫଳତା ହାସଲ କରୁଥିବା ଚାଇନା ଏଥର ଚତୁର୍ଥ ସ୍ଥାନରେ ରହିଛି। ଚାଇନା ୩ଟି ଲେଖାଏ ସ୍ବର୍ଣ୍ଣ, ରୌପ୍ୟ ଓ ବ୍ରୋଞ୍ଜ୍‌ ପଦକ ଜିତି ମୋଟ ୯ଟି ପଦକ ପାଇଛି। ଅନ୍ୟତମ ଆଫ୍ରିକୀୟ ଦେଶ ଇଥିଓପିଆ ୨ ସ୍ବର୍ଣ୍ଣ, ୫ ରୌପ୍ୟ ଓ ଗୋଟିଏ ବ୍ରୋଞ୍ଜ୍‌ ପଦକ ସହ ମୋଟ ୮ଟି ପଦକ ପାଇ ପଞ୍ଚମ ସ୍ଥାନରେ ରହିଛି। ସବୁଥର ଭଳି ଭାରତ ଏଥର ମଧ୍ୟ ବିନା ପଦକରେ ଘରକୁ ଫେରିଛି। ଯଦିଓ କେତୋଟି ଇଭେଣ୍ଟରେ ଭାରତୀୟ ଖେଳାଳିମାନେ ଉନ୍ନତ ପ୍ରଦର୍ଶନ କରିଥିଲେ। ୨୦୯ଟି ଦେଶର ୧୯୭୨ଜଣ ଆଥଲେଟ ଏଥିରେ ଅଂଶଗ୍ରହଣ କରିଥିଲେ। ଏମାନଙ୍କ ମଧ୍ୟରେ ୧୦୫୪ ପୁରୁଷ ଓ ୯୧୮ଜଣ ମହିଳା ଆଥଲେଟ ସାମିଲ ଥିଲେ। ୨୪ଟି ପୁରୁଷ ଓ ମହିଳା ଇଭେଣ୍ଟ ଓ ଗୋଟିଏ ମିକ୍ସ ଇଭେଣ୍ଟରେ ଆଥଲେଟମାନେ ପ୍ରତିଯୋଗିତାରେ ଅବତୀର୍ଣ୍ଣ ହୋଇଥିଲେ। ଏହି ଚାମ୍ପିୟନଶିପର ପ୍ରଦର୍ଶନ ସର୍ବକାଳୀନ ଶ୍ରେଷ୍ଠ ସାବ୍ୟସ୍ତ ହୋଇଛି। ଗତ ୨୦୧୭ ଚାମ୍ପିୟନଶିପ୍‌କୁ ଏହା ପଛରେ ପକାଇଛି। ଏଥର ୩ଟି ବିଶ୍ୱ ରେକର୍ଡ ସହ ୬ଟି ଚାମ୍ପିୟନଶିପ୍‌ ରେକର୍ଡ ଭଙ୍ଗ ହୋଇଛି। ମୋଟ ୪୩ଟି ଦେଶ ପଦକ ତାଲିକାରେ ସ୍ଥାନ ପାଇଛନ୍ତି। ସେହିପରି ୬୮ଟି ଦେଶରୁ ଅତିକମ୍‌ରେ ଜଣେ ଲେଖାଏ ଆଥଲେଟ୍‌ ଶ୍ରେଷ୍ଠ ୮ଟି ସ୍ଥାନରେ ରହି ଅଭିଯାନ ଶେଷ କରିଛନ୍ତି। ଇଣ୍ଟରନ୍ୟାଶନାଲ ଆସୋସିଏଶନ ଆଥଲେଟିକ ଫେଡେରେଶନ (ଆଇଏଏଏଫ୍‌) ସ୍କୋରିଂ ତାଲିକା ଅନୁସାରେ ଶ୍ରେଷ୍ଠ ପୁରୁଷ ଆଥଲେଟ ବିବେଚିତ ହୋଇଛନ୍ତି ଆମେରିକୀୟ ଶଟ୍‌ପୁଟର ଜୋଶେଫ୍‌ ମାଥିଆସ କୋଭାକ୍ସ। ସେ ଶଟ୍‌ପୁଟ୍‌ରେ ସ୍ବର୍ଣ୍ଣ ପଦକ ଜିତିଛନ୍ତି। ସେହିପରି ଶ୍ରେଷ୍ଠ ମହିଳା ଆଥଲେଟ ବିବେଚିତ ହୋଇଛନ୍ତି ଜର୍ମାନୀ ଲଙ୍ଗ ଜମ୍ପର ମାଲାଇକା ମିହାମ୍ବୋ। ଏଥର ବିଶ୍ୱ ଚାମ୍ପିୟନଶିପ୍‌ରେ ସବୁଠାରୁ ଚର୍ଚ୍ଚିତ ଆଥଲେଟ ଥିଲେ ଅମେରିକୀୟ ଧାବକ ଖ୍ରୀଷ୍ଟିଆନ କୋଲମେନ। ସେ ୧୦୦ମିଟର ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଥିଲେ। ସେ ୯.୭୬ ସେକେଣ୍ଡ ନେଇ ଏହି ସଫଳତା ପାଇଥିଲେ। ଅନ୍ୟତମ ଆମେରିକୀୟ ଧାବକ ଜଷ୍ଟିନ୍‌ ଗାଟଲିନ ୯. ୮୯ ସେକେଣ୍ଡ ସମୟ ନେଇ ରୌପ୍ୟ ଓ କାନାଡ଼ାର ଆନ୍ଦ୍ରେ ଡି ଗ୍ରାସି ୯.୯୦ ସେକେଣ୍ଡ ସମୟ ନେଇ ବ୍ରୋଞ୍ଜ ପଦକ ଜିତିଥିଲେ। ସେହିପରି ମହିଳା ୧୦୦ ମି. ଦୌଡ଼ରେ ଜାମାଇକାର ସେଲି- ଆନ- ଫ୍ରାଜର- ପ୍ରାଇସ୍‌ ୧୦.୭ ସେକେଣ୍ଡ ସମୟ ନେଇ ସ୍ବର୍ଣ୍ଣ ପଦକ ହାସଲ କରି ଶ୍ରେଷ୍ଠ ପ୍ରଦର୍ଶନ କରି ବେଶ୍‌ ଚର୍ଚ୍ଚିତ ହୋଇଥିଲେ।ରେକର୍ଡ ଦୃଷ୍ଟିକୋଣରୁ ଦେଖିବାକୁ ଗଲେ ଏହି ବିଶ୍ୱ ଚାମ୍ପିୟନଶିପ୍‌ରେ ସର୍ବକାଳୀନ ଶ୍ରେଷ୍ଠ ପ୍ରଦର୍ଶନ ହୋଇଛି। ୩ ବିଶ୍ୱରେକର୍ଡ, ୬ ଚାମ୍ପିୟନଶିପ୍‌ ରେକର୍ଡ ସମେତ ଗୋଟିଏ ୨୦ ବର୍ଷରୁ କମ୍‌ ବିଶ୍ୱ ରେକର୍ଡ, ୨୧ଟି ଏରିଆ ରେକର୍ଡ, ୮୬ଟି ଜାତୀୟ ରେକର୍ଡ ସୃଷ୍ଟି ହୋଇଛି। ଆମେରିକୀୟ ଧାବିକା ଆଲିସନ ଫେଲିକ୍ସ ମୋଷ୍ଟ ଡେକୋରେଟ୍‌ ଆଥଲେଟ୍‌ ବିବେଚିତ ହୋଇଛନ୍ତି। ମହିଳା ଓ ମିକ୍ସଡ ୪ ଗୁଣା ୪୦୦ ରିଲେ ରେସ୍‌ରେ ସେ କ୍ୟାରିୟରରେ ମୋଟ ୧୩ଟି ସ୍ବର୍ଣ୍ଣ ପଦକ ଜିତିଛନ୍ତି।
ଏଥର ବିଶ୍ୱ ଚାମ୍ପିୟନଶିପ୍‌ରେ କେତେକ ତାରକା ଆଥଲେଟ ଅନୁପସ୍ଥିତ ରହିଥିଲେ। ଆଘାତ ସମସ୍ୟା ଏହାର ମୁଖ୍ୟ କାରଣ ଥିଲା। ଏମାନଙ୍କ ମଧ୍ୟରେ ସାମିଲ ରହିଛନ୍ତି ଜର୍ମାନୀର ଲିସା ମେୟର, ଲଉରା ମୁଲେର ଓ ମାରି ଲେରେନ୍ସ ଜଙ୍ଗ୍‌ଫ୍ଲେଇସ୍କ, ଗ୍ରିଗର ଟ୍ରାବେର। ସେହିପରି ଅନ୍ୟମାନଙ୍କ ମଧ୍ୟରେ ବେଲଜିୟମର ୨, ଇଟାଲୀ, ପୋଲାଣ୍ଡ ଓ ଲାଟଭିଆର ଜଣେ ଲେଖାଏ ଆଥଲେଟ ଅନୁପସ୍ଥିତ ଥିଲେ। ଭାରତର ୪୦୦ମିଟର ଧାବିକା ହିମା ଦାସ ମଧ୍ୟ ଅନୁପସ୍ଥିତ ଥିଲେ।
ଭାରତୀୟ ଆଥଲେଟମାନେ ପଦକ ଜିତିବେ ବୋଲି ଆଶା କରାଯାଉ ନ ଥିଲା। ତାହା ମଧ୍ୟ ହୋଇଛି। ଭାରତ ମିକ୍ସଡ ୪ ଗୁଣା ୪୦୦ ରିଲେ ଟିମ୍‌ ଇଭେଣ୍ଟରେ ଫାଇନାଲରେ ପ୍ରବେଶ କରି ୨୦୨୦ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଥିଲେ। ତେବେ ବାକି ଆଥଲେଟମାନେ ବିଫଳ ହୋଇଥିଲେ। ପ୍ରଥମ ତଥା ଏକମାତ୍ର ଭାରତୀୟ ଭାବେ ମହିଳା ଲଙ୍ଗ୍‌ ଜମ୍ପର ଅଞ୍ଜୁ ବବି ଜର୍ଜ ୨୦୦୩ ବିଶ୍ୱ ଚାମ୍ପିୟନଶିପ୍‌ରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଥିଲେ।


All Right Reserved By Dharitri.Com

Posted inଖେଳ View All

ବାଂଲାଦେଶ ଅଧିନାୟକ ପଦ ଛାଡ଼ିବେ ମୋର୍ତାଜା

ଢାକା,୫ା୩- ଜିମ୍ବାଓ୍ବେ ବିପକ୍ଷ ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ୍‌ ପରେ ବାଂଲାଦେଶ ଦିନିକିଆ ଦଳର ଅଧିନାୟକ ପଦରୁ ମଶ୍ରଫି ମୋର୍ତାଜା ବିଦାୟ ନେବେ। ୨୦୨୩...

ୱାର୍ଲଡ ଟୁର୍‌ ଫାଇନାଲ୍ସ: ପରାଜୟରୁ ସିନ୍ଧୁଙ୍କ ଅଭିଯାନ

ଗୁଆଙ୍ଗଝୋଉ, ୧୨।୧୨ (ପି.ଟି.)- ଡିଫେଣ୍ଡିଂ ଚାମ୍ପିୟନ ପି.ଭି. ସିନ୍ଧୁ ଏଠାରେ ଆରମ୍ଭ ହୋଇଥିବା ବର୍ଷର ଅନ୍ତିମ ବ୍ୟାଡ୍‌ମିଣ୍ଟନ ପ୍ରତିଯୋଗିତା ବିଡବ୍ଲ୍ୟୁଏଫ୍‌ ୱାର୍ଲଡ ଟୁର୍‌ ଫାଇନାଲ୍ସରେ ପରାଜୟରୁ...

ବାଂଲାଦେଶ ଖେଳାଳିଙ୍କ ପ୍ରତିକ୍ରିୟାକୁ ଗୁରୁତର ସହ ନେଲା ଆଇସିସି

ପୋଚେଫ୍ସଷ୍ଟ୍ରୁମ,୧୦।୨(ପି.ଟି.)- ୧୯ ବର୍ଷରୁ କମ୍‌ ବିଶ୍ୱକପ୍‌ ଫାଇନାଲରେ ଭାରତକୁ ୩ ଉଇକେଟରେ ହରାଇ ଚାମ୍ପିୟନ ହେବା ପରେ ବାଂଲାଦେଶ ଦଳର ଖେଳାଳିମାନେ ଭାବପ୍ରବଣ ହୋଇ ଅତ୍ୟଧିକ...

ଜାତୀୟ କ୍ରୀଡ଼ା ପୁରସ୍କାର: ଚୟନ କମିଟିରେ ମେରୀକମ୍‌, ବାଇଚୁଙ୍ଗ୍‌

ନୂଆଦିଲ୍ଲୀ, ୮।୮ (ପି.ଟି.)- ଚଳିତ ବର୍ଷ ଜାତୀୟ କ୍ରୀଡ଼ା ପୁରସ୍କାର ଚୟନ ଲାଗି ଗୋଟିଏ ମାତ୍ର କମିଟି ଗଠନ କରାଯାଇଛି। ଯେଉଁଥିରେ ୬ଥର ବିଶ୍ୱ ଟାଇଟଲ...

ଭାରତ-ଅଷ୍ଟ୍ରେଲିଆ ମ୍ୟାଚ୍‌ ଦେଖିବାକୁ ଷ୍ଟାଡିୟମରେ ପହଞ୍ଚିଲେ ବିଜୟ ମାଲ୍ୟା

ଲଣ୍ଡନ, ୯।୬: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଓଭାଲରେ ଚାଲିଥିବା ବିଶ୍ୱକପ ମ୍ୟାଚ୍‌ ଦେଖିବାକୁ ଯାଇଛନ୍ତି ପଳାତକ ବ୍ୟବସାୟୀ ବିଜୟ ମାଲ୍ୟା। ଭାରତର ବିଭିନ୍ନ ବ୍ୟାଙ୍କ୍‌ରୁ...

ପୂର୍ବତନ କ୍ରିକେଟରଙ୍କ ଆତ୍ମହତ୍ୟା

ଚେନ୍ନାଇ, ୧୬।୮: ପୂର୍ବତନ ଭାରତୀୟ ଓପ୍‌ନର ଭି. ବି. ଚନ୍ଦ୍ରଶେଖର ଗୁରୁବାର ସନ୍ଧ୍ୟାରେ ମାଇଲାପୋରସ୍ଥିତ ନିଜ ବାସଭବନରେ ଆତ୍ମହତ୍ୟା କରିଛନ୍ତି। ତାଙ୍କ ମରଶରୀର ଫ୍ୟାନ୍‌ରେ ଝୁଲନ୍ତା...

ପାକିସ୍ତାନ ପକ୍ଷରୁ ଖେଳିବାରେ ଇର୍ଫାନ ବୟୋଜେଷ୍ଠ ପେସର

ସିଡ୍‌ନୀ,୩।୧୧- ୧୯୯୨ରେ ଇମ୍ରାନ ଖାଁଙ୍କ ପରେ ବୟୋଜେଷ୍ଠ ପେସର ଭାବେ ମହମ୍ମଦ ଇର୍ଫାନ ପାକିସ୍ତାନ ପକ୍ଷରୁ ଅନ୍ତର୍ଜାତୀୟ ମ୍ୟାଚ୍‌ ଖେଳିଛନ୍ତି। ଏଠାରେ ପାକିସ୍ତାନ ଓ ଅଷ୍ଟ୍ରେଲିଆ...

ଡେଲ୍‌ ପୋଟ୍ରୋଙ୍କ ଆଣ୍ଠୁରେ ପୁଣି ଅସ୍ତ୍ରୋପଚାର

ପ୍ୟାରିସ, ୨୮ା୧ (ଏଏଫ୍‌ପି)- ମାୟାମିଠାରେ ପୂର୍ବତନ ୟୁଏସ୍‌ ଓପନ ଚାମ୍ପିୟନ ଜୁଆନ ମାର୍ଟିନ ଡେଲ୍‌ ପୋଟ୍ରୋଙ୍କ ଡାହାଣ ଆଣ୍ଠୁରେ ସୋମବାର ଆସ୍ତ୍ରୋପଚାର ହୋଇଛି। ଆର୍ଜେଣ୍ଟିନାର ଏହି...

Leave a comment

Your email address will not be published. Required fields are marked *