ଥାଇ ପାର୍କ ଗଜରାଜଙ୍କ ମୃତ୍ୟୁଯନ୍ତା

ବ୍ୟାଙ୍କକ, ୧୦ା୧୦ : ହାତୀଙ୍କ ସୁରକ୍ଷା ଲାଗି ବିଶ୍ୱବ୍ୟାପୀ ଅନେକ ପଦକ୍ଷେପ ହାତକୁ ନିଆଯାଉଛି। ସେମାନଙ୍କ ରହିବା, ଖାଇବା, ସ୍ବାସ୍ଥ୍ୟାବସ୍ଥା ସହ ମୁକ୍ତ ଭ୍ରମଣ ଓ ସୁରକ୍ଷିତ ଜୀବନଯାପନ ଲାଗି ବିଭିନ୍ନ ଦେଶ ଭିନ୍ନ ଭିନ୍ନ ପଦକ୍ଷେପ ଗ୍ରହଣ କରୁଛନ୍ତି। ତଥାପି ସେମାନଙ୍କ ସୁରକ୍ଷା ଶତ ପ୍ରତିଶତ ସମ୍ଭବ ହୋଇପାରିନାହିଁ। କେତେବେଳେ ଶିକାରୀଙ୍କ ଲୋଲୁପ ଦୃଷ୍ଟିର ସେମାନେ ଶିକାର ହେଉଛନ୍ତି ତ ପୁଣି କେତେବେଳେ ସେମାନଙ୍କ ଅସାବଧାନତା ତାଙ୍କୁ ମୃତ୍ୟୁମୁଖକୁ ଟାଣିଆଣୁଛି। ଥାଇଲାଣ୍ଡର ଖାଓ ୟାଇ ଜାତୀୟ ପାର୍କରେ ୧୧ ହାତୀଙ୍କ ମୃତ୍ୟୁ ଘଟିବା ପରିବେଶବିତ୍‌ଙ୍କୁ ଆଶ୍ଚର୍ଯ୍ୟ କରିଛି। ଏଠାରେ ଥିବା ଏକ ଜଳପ୍ରପାତର ନିମ୍ନଭାଗରେ ହାତୀଙ୍କ ମରଶରୀର ପଡ଼ିଥିବା ଦେଖାଯିବା ପରେ ସରକାରଙ୍କ ତରଫରୁ ଗଜରାଜଙ୍କ ସୁରକ୍ଷା ଲାଗି ଚିନ୍ତା ବଢ଼ିଯାଇଛି। ହେଲ୍ସ ଆବିସ୍‌ ନାମକ ଏହି ଜଳପ୍ରପାତର ନିମ୍ନ ଅବବାହିକାରେ ପୂର୍ବରୁ ୬ ହାତୀଙ୍କ ମୃତ୍ୟୁ ଘଟିଥିବାବେଳେ ପୁଣି ବୁଧବାର ୫ ହାତୀଙ୍କ ମୃତଦେହ ଠାବ କରାଯାଇଛି। ଖାଦ୍ୟ ଅନ୍ବେଷଣରେ ହେଉ ଅବା ପାଣି ପିଇବା ଲାଗି ହେଉ, ସେମାନେ ଜଳପ୍ରପାତକୁ ଆସି ଜଳସ୍ରୋତରେ ଭାସିଯାଇ ପ୍ରାଣ ହରାଉଥିବା ଜଣାପଡ଼ିଛି। ଆଉମାତ୍ର ଦୁଇଟି ହାତୀ ରହିଥିବା ଜଣାପଡିଛି।
ହାତୀ ମୃତ୍ୟୁକୁ ରୋକିବା ଲାଗି ଏବେ ଥାଇଲାଣ୍ଡ ସରକାର ପାର୍କ ଚାରିପଟେ ବାଡ଼ର ବ୍ୟବସ୍ଥା କରିବା ସହ ଡ୍ରୋନ୍‌ ସହାୟତାରେ ସେମାନଙ୍କ ଗତିବିଧି ଉପରେ ନଜର ରଖିବା ଲାଗି ପଦକ୍ଷେପ ଗ୍ରହଣ କରିଛନ୍ତି। ଉତ୍ତର-ପୂର୍ବ ବ୍ୟାଙ୍କକସ୍ଥିତ ପାର୍କର ଚାରିପଟେ ପ୍ରାୟ ୧୨୦ କି.ମି. ସୁରକ୍ଷା ବ୍ୟବସ୍ଥାକୁ ସରକାର କଡ଼ାକଡ଼ି କରିଛନ୍ତି। ଏଭଳି ମୃତ୍ୟୁଠାରୁ ଦୂରେଇ ରଖାଯିବା ଲାଗି ହାତୀଙ୍କ ପାଇଁ ପ୍ରଚୁର ଖାଦ୍ୟ ଓ ପାନୀୟ ଉତ୍ସ ବ୍ୟବସ୍ଥା ଉପରେ ଅଧିକାରୀମାନେ ପଦକ୍ଷେପ ଗ୍ରହଣ କରିଛନ୍ତି। ଚାରିପଟ ବାଡ଼ କରାଯିବା ଓ ବ୍ୟାରିକେଡ୍‌ ବ୍ୟବସ୍ଥା କରାଯିବା ଲାଗି ବ୍ୟବସ୍ଥା କରାଯାଉଥିବା ପରିବେଶ ମନ୍ତ୍ରୀ ବରଉତ୍‌ ଶିଳ୍ପା-ଆର୍ଚ୍ଚା ପ୍ରକାଶ କରିଛନ୍ତି। ହାତୀ ହେଉଛନ୍ତି ଥାଇଲାଣ୍ଡର ଜାତୀୟ ପଶୁ। ଜଙ୍ଗଲ ଧ୍ୱଂସ ଯୋଗୁ ଏମାନେ ଖାଦ୍ୟ ଅନ୍ବେଷଣରେ ଆସି ଏଭଳି ଭୟଙ୍କର ମୃତ୍ୟୁର ଶିକାର ହେଉଥିବା ସେ କହିଛନ୍ତି। ଚଳିତବର୍ଷ ଥାଇଲାଣ୍ଡରେ ମରୁଡ଼ି ଦେଖାଦେଇଥିଲା। ପ୍ରାଣୀମାନେ ଜଙ୍ଗଲ ମୁହାଁ ହେବା ପରିବର୍ତ୍ତେ ଖାଦ୍ୟ ଲାଗି ଜନବସତି ଆଡ଼କୁ ମାଡ଼ିଆସିବା ସ୍ବାଭାବିକ। ଏହାକୁ ଏଡ଼ାଇବା ଲାଗି ସରକାରଙ୍କ ପକ୍ଷରୁ ଅନେକ ପଦକ୍ଷେପ ଗ୍ରହଣ କରାଯାଇଥିବା ସେ ମତ ଦେଇଛନ୍ତି।


All Right Reserved By Dharitri.Com

ଭାରତୀୟ ଘଷି ବିକ୍ରି ହେଉଛି ଆମେରିକାରେ, ପ୍ୟାକେଟ୍‌ର ଦାମ୍‌ ରହିଛି…

ଦୃଢ଼ ଇଚ୍ଛାଶକ୍ତି ଥିଲେ ମଣିଷ ସବୁ ଅସମ୍ଭବକୁ ସମ୍ଭବ କରିପାରେ। ଆମେରିକାର ଜଣେ ବ୍ୟକ୍ତି ଏମିତି କିଛି ଖାସ୍‌ କରି ଦେଖାଇଛନ୍ତି, ଜାଣିଲେ ଆଶ୍ଚର୍ଯ୍ୟ ହେବେ।...

ଚଳନ୍ତା କାର ଉପରେ ବସିଲା ହାତୀ: ଭିଡ଼ିଓ ଭାଇରାଲ

ବ୍ୟାଙ୍କକ୍‌,୬।୧୧: ଥାଇଲାଣ୍ଡରେ ଥିବା ଖାଓ ୟାଇ ଜାତୀୟ ଉଦ୍ୟାନରେ ଏକ ଚଳନ୍ତା କାର ଉପରେ ହାତୀ ବସିବାକୁ ପ୍ରୟାସ କରୁଥିବା ଦୃଶ୍ୟ ଏବେ ସୋସିଆଲ୍‌ ମିଡ଼ିଆରେ...

ମୟୂର ସମ୍ପର୍କରେ ଜାଣିଛନ୍ତି କି ଏସବୁ କଥା

ମୟୂର ଆମର ଜାତୀୟ ପକ୍ଷୀ। ପୁଚ୍ଛ ପାଇଁ ଏହା ଖୁବ୍‌ ସୁନ୍ଦର ଦେଖାଯାଏ। ବର୍ଷା ଦେଖିଲେ ପୁଚ୍ଛ ମେଲାଇ ନୃତ୍ୟ କରିଥାଏ। ଆମେ ଏତିକି ଜାଣିଛେ...

ଏମ୍‌ବିଏ ଛାତ୍ରୀଙ୍କ ଟ୍ରାଫିକ୍‌ ମ୍ୟାନେଜ୍‌ମେଣ୍ଟ

ଇନ୍ଦୋର: ମଧ୍ୟ ପ୍ରଦେଶରେ ଜଣେ ଏମ୍‌ବିଏ ଛାତ୍ରୀଙ୍କ ଭିଡିଓ ଏବେ ଭାଇରାଲ ହେବାରେ ଲାଗିଛି। ଏହି ଛାତ୍ରୀ ଜଣକ ଟ୍ରାଫିକ୍‌ ପୋଷ୍ଟରେ ଲୋକଙ୍କୁ ଭିନ୍ନ ଢଙ୍ଗରେ...

ରାସ୍ତାରେ ବର୍ଷିଲା ଟଙ୍କା

ଓ୍ବାଶିଂଟନ, ୧୨।୭: ଆମେରିକାର ନର୍ଥ ଆଟଲାଣ୍ଟାର ଇଣ୍ଟରଷ୍ଟେଟ୍‌ ହାଇଓ୍ବେ ନମ୍ବର ୨୮୫ରେ ଡଲାର ବର୍ଷା ହେଉଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଲୋକମାନେ...

ଶ୍ରୀଲଙ୍କା ବିସ୍ଫୋରଣ: ସନ୍ଦିଗ୍ଧଙ୍କ ନାଁ ସହ ଭୁଲରେ ଆମେରିକା ମୁସଲମାନ ମହିଳାଙ୍କ ଫଟୋ ଲଗାଇଲା ପୋଲିସ

କଲମ୍ବୋ,୨୬।୪: ଇଷ୍ଟର ସନ୍‌ ଡେ’ରେ ଶ୍ରୀଲଙ୍କାରେ ହୋଇଥିବା ସିରିଏଲ ବୋମା ବିସ୍ଫୋରଣ ସାରା ବିଶ୍ୱକୁ ଥରାଇ ଦେଇଥିଲା। ଏଥିରେ ଶ୍ରୀଲଙ୍କା ପୋଲିସ ମଧ୍ୟ ଅଡୁଆରେ ପଡିଯାଇଥିଲା।...

ବିବାହର ୭୧ ବର୍ଷ ପରେ ଏକାଠି ହେଲା ପତ୍ନୀପତିଙ୍କ ମୃତ୍ୟୁ

ବର୍ଲିନ,୧୮।୭: ଜର୍ମାନୀରେ ରହୁଥିବା ଜଣେ ବୃଦ୍ଧ ଦମ୍ପତିଙ୍କ ପ୍ରେମ କାହାଣୀ ଏବେ ଖବର ପାଲଟି ଯାଇଛି। ଦୀର୍ଘ ୭୧ ବର୍ଷର ବୈବାହିକ ଜୀବନ ଅତିବାହିତ କରିବା...

ଆମେରିକାରେ ପାଳନ ହେଲା ଅନ୍ତର୍ଜାତୀୟ ଯୋଗ ଦିବସ

ଓ୍ବାଶିଂଟନ,୧୭।୬: ଆସନ୍ତା ୨୧ତାରିଖରେ ବିଶ୍ୱ ବ୍ୟାପୀ ଅନ୍ତର୍ଜାତୀୟ ଯୋଗ ଦିବସ ପାଳନ କରାଯାଉଥିବା ବେଳେ ଆମେରିକାରେ ରବିବାର ଏହି ଦିବସକୁ ବିଭିନ୍ନ ବର୍ଗର ଲୋକେ ପାଳନ...

Leave a comment

Your email address will not be published. Required fields are marked *