ଧନଦାତ୍ରୀଙ୍କ ଧରାବତରଣକୁ ଅପେକ୍ଷା

ଢେଙ୍କାନାଳ ଅଫିସ, ୧୦।୧୦ – ଧରାବତରଣ କରିବେ ଧନଦାତ୍ରୀ। ପରମ୍ପରା ଏବଂ ଐତିହ୍ୟକୁ ଜାବୁଡ଼ି ଧରିଥିବା ଏହି ମହାଜାଗତିକ ପର୍ବର ସାକ୍ଷୀ ରହିବେ ହଜାର ହଜାର ଶ୍ରଦ୍ଧାଳୁ। ପୂଜାକୁ ଆଉ ମାତ୍ର ୩ଦିନ ବାକି ଥିବାବେଳେ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ। ଆଉ ଏସବୁ ଭିତରେ ମା’ଙ୍କ ଅପେକ୍ଷାରେ ଏକାକାର ହୋଇପଡ଼ିଛନ୍ତି ସହରବାସୀ। ଚଳିତ ବର୍ଷ ଜବାହରଚୌକ ପୂଜା ପ୍ରତିଷ୍ଠାନ ୭୫ବର୍ଷ ଏବଂ କୋରିଅଁାସ୍ଥିତ ସ୍ବପ୍ନେଶ୍ୱର ବଜାର ୫୦ବର୍ଷ ପୂର୍ତ୍ତି ପାଳନ କରିବ। ଏହାକୁ ଆହୁରି ଖାସ୍‌ କରିବାକୁ ପୂଜା କମିଟି ଦିନରାତି ଏକ୍‌ କରିଦେଇଛନ୍ତି। ଏ ବର୍ଷ ୩୮ ପୂଜା ମଣ୍ଡପରେ ମା’ଙ୍କ ଆବାହନ କରାଯାଉଛି। ୧୩ ତାରିଖ ରାତିରୁ ପୂଜା ଆରମ୍ଭ ହୋଇ ୨୩ ତାରିଖ ଯାଏ ଚାଲିବ। ୨୪ରେ ଭସାଣି ପାଇଁ ନିଷ୍ପତ୍ତି ହୋଇଛି।


ପୂଜାରେ ସାଜସଜ୍ଜାକୁ ନେଇ ଚାଲିଛି ପ୍ରତିଯୋଗିତା। ଐତିହ୍ୟ, ସଂସ୍କୃତି, ପୌରାଣିକ କଥାବସ୍ତୁ ଆଧାରରେ ଅଧିକାଂଶ ପୂଜା ମଣ୍ଡପରେ ସାଜସଜ୍ଜା ଚାଲିଛି। ତଦନୁଯାୟୀ ମା’ଙ୍କ ମୃଣ୍ମୟୀ ପ୍ରତିମା ମଧ୍ୟ ପ୍ରସ୍ତୁତ କରାଯାଉଛି। ମିନାବଜାର, କୈବଲ୍ୟ ବଜାର, ଗଣେଶ ବଜାର ପୂଜାମଣ୍ଡପରେ ମା’ଙ୍କ ଚାନ୍ଦିମେଢ଼ ଆକର୍ଷଣ ସାଜିବ। ଲକ୍ଷ୍ମୀ ବଜାରରେ ମା’ଙ୍କର ଅଳଙ୍କାର ସାଙ୍ଗକୁ ପୌରାଣିକ କଥାବସ୍ତୁକୁ ନେଇ ପ୍ରସ୍ତୁତ କଳାକୁଞ୍ଜ ମୁଖ୍ୟ ଆକର୍ଷଣ ପାଲଟିବ। ଜବାହରଚୌକ ପୂଜା କମିଟି ପକ୍ଷରୁ ପ୍ରସ୍ତୁତ ପେଣ୍ଡାଲରେ ସ୍ବର୍ଣ୍ଣ ମନ୍ଦିରରେ ବିଜେ ହେବେ ସ୍ବର୍ଣ୍ଣଲକ୍ଷ୍ମୀ। ଆନନ୍ଦ ବଜାରରେ ରାଜମହଲ ମଧ୍ୟରେ ମା’ଙ୍କ ଆବିର୍ଭାବକୁ ନେଇ ପ୍ରସ୍ତୁତି ଆଗେଇ ଚାଲିଛି। ବାଜିଚୌକ ପୂଜା ମଣ୍ଡପରେ ହିରଣ୍ୟ କଶ୍ୟପୁ ବଧ ଦୃଶ୍ୟ ପ୍ରଦର୍ଶିତ ହେବ। ମହାବୀର ବଜାର ପକ୍ଷରୁ ଲକ୍ଷ୍ମୀଙ୍କ ମାନଭଞ୍ଜନକୁ ମଣ୍ଡପରେ ସ୍ଥାନିତ କରାଯାଇଛି। ଶ୍ରୀଗୁଣ୍ଡିଚା ଯାତ୍ରା ସାରି ମହାପ୍ରଭୁ ଶ୍ରୀମନ୍ଦିରକୁ ପ୍ରବେଶ ବେଳେ ଅଭିମାନିନୀ ଲକ୍ଷ୍ମୀଙ୍କୁ ମାନଭଞ୍ଜନ କରୁଥିବା ଦୃଶ୍ୟ ଚଳିତବର୍ଷ ପ୍ରମୁଖ ଆକର୍ଷଣ ସାଜିବ ବୋଲି କମିଟି ପକ୍ଷରୁ କୁହାଯାଇଛି।
ମୂର୍ତ୍ତିକୁ ବାଦ୍‌ ଦେଲେ ସାଜସଜ୍ଜା, ତୋରଣକୁ ମଧ୍ୟ ପ୍ରତି ପୂଜା କମିଟି ଅଗ୍ରାଧିକାର ଦେଉଛନ୍ତି। ଗଣେଶ ବଜାର ପକ୍ଷରୁ କେରଳର ମ୍ୟାକ୍ସିକମ୍‌ ଘାସରେ ତୋରଣ ପ୍ରସ୍ତୁତ କରାଯିବ। କାଞ୍ଚନ ବଜାରରେ ମନ୍ଦିର ସଦୃଶ ତୋରଣ ଶୋଭା ପାଇବ। ସେହିପରି ଅତ୍ୟାଧୁନିକ ରଙ୍ଗିନ ଆଲୋକମାଳରେ ସହରକୁ ଆଲୋକିତ କରିବାକୁ ପ୍ରୟାସ ଜାରି ରହିଛି। ପୂଜା ଅବସରରେ ପ୍ରଶାସନ ପକ୍ଷରୁ ସ୍ଥାନୀୟ ମହିଷାପାଟ ପଡ଼ିଆରେ ପ୍ରଥମଥର ପାଇଁ ସରସମେଳାର ଆୟୋଜନ କରାଯାଉଛି। ଏହାକୁ ନେଇ ମଧ୍ୟ ପ୍ରସ୍ତୁତି ପାଖାପାଖି ସରିଲାଣି।
ଅନ୍ୟପଟେ ପୂଜା ଉତ୍ସବ ଜମି ଆସୁଥିବାବେଳେ ବର୍ଷା ସବୁକିଛି ବିଗାଡ଼ିଦେବା ଆଶଙ୍କା ସୃଷ୍ଟି କରିଛି। ତୁହାକୁ ତୁହା ବର୍ଷା ଯୋଗୁ କାମରେ ବାଧା ସୃଷ୍ଟି ହେଉଛି। ତଥାପି ନିର୍ଦ୍ଧାରିତ ସମୟ ମଧ୍ୟରେ କାମ ସାରିବାକୁ କାରିଗରମାନେ ଦିନରାତି କାମ କରୁଛନ୍ତି।


All Right Reserved By

ମନ୍ତ୍ରଧ୍ୱନିରେ କମ୍ପୁଛି କାମାକ୍ଷାନଗର

କାମାକ୍ଷାନଗର, ୮।୧୦(ନି.ପ୍ର.)-ଆଜି ପବିତ୍ର ଦଶହରା। ମନ୍ତ୍ରଧ୍ୱନି, ଚଣ୍ଡୀପାଠ, ହୋମଯଜ୍ଞରେ କମ୍ପୁଛି ପୂଜାମଣ୍ଡପ। ମା’ଙ୍କ ଏହି ଶାରଦୀୟ ମହୋତ୍ସବରେ ନିଜକୁ ସାମିଲ କରିଛି କାମାକ୍ଷାନଗର। ସୋମବାର ମହାନବମୀ...

ଜରାଜୀର୍ଣ୍ଣ ଅବସ୍ଥାରେ ଗାନ୍ଧୀପାର୍କ

ଆଠମଲ୍ଲିକ, ୩୦।୭(ଡି.ଏନ.ଏ.)ଜନସାଧାରଣଙ୍କ ଚିତ୍ତବିନୋଦନ ଏବଂ ଅଞ୍ଚଳର ସୌନ୍ଦର୍ଯ୍ୟ ବୃଦ୍ଧି କରିବାକୁ ଆଠମଲ୍ଲିକ ସହର ପ୍ରବେଶ ଦ୍ୱାରରେ ନିର୍ମାଣ ହୋଇଥିଲା ଗାନ୍ଧୀପାର୍କ। ହେଲେ ପରିଚାଳନାଗତ ଅବ୍ୟବସ୍ଥାରୁ ଏହା...

ପ୍ରେମିକର ବର୍ବରକାଣ୍ଡ: ପ୍ରେମିକାଙ୍କ ବେକ କାଟିଦେଲେ

କାମାକ୍ଷାନଗର, ୨୧।୮(ଡି.ଏନ୍‌.ଏ.): ପ୍ରେମିକାଙ୍କୁ ପିଛା କରି ସୁନ୍ଦରଗଡ଼ରୁ ଚାଲିଆସିଲେ ଢେଙ୍କାନାଳ। ରାତାରାତି ତାଙ୍କୁ ଧରି ଫେରାର ହୋଇଯିବାକୁ କରିଥିଲେ ଯୋଜନା। ହେଲେ ଏଥିରେ ଯୁବତୀ ଜଣକ...

ମେଡିକାଲରେ ୪ ମାସରେ ୮ ଥର ଠକେଇ: ରୋଗୀଙ୍କଠାରୁ ୮ଶହ ନେଇଗଲେ ଦଲାଲ

ଅନୁଗୋଳ ଅଫିସ, ୪।୯ – ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ମଙ୍ଗଳବାର ପୁଣି ଜଣେ ରୋଗୀ ଦଲାଲଙ୍କ ଠକାମିର ଶିକାର ହୋଇଛନ୍ତି। ଏହାକୁ ମିଶାଇ ଗତ...

ସମଗ୍ର ଶିକ୍ଷା କାର୍ଯ୍ୟକ୍ରମ ସମୀକ୍ଷା, ଢେଙ୍କାନାଳ ଜିଲାକୁ ଶିକ୍ଷାରେ ଅଗ୍ରଣୀ କରିବାକୁ ଆହ୍ବାନ

ଢେଙ୍କାନାଳ ଅଫିସ, ୩୦।୭-ଢେଙ୍କାନାଳ ସମଗ୍ର ଶିକ୍ଷା କାର୍ଯ୍ୟାଳୟ ସଭାଗୃହରେ ସୋମବାର ଶିକ୍ଷା ବ୍ୟବସ୍ଥା ସମ୍ପର୍କିତ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲାପାଳ ଭୂମେଶ ଚନ୍ଦ୍ର...

ଶାଶୁଙ୍କୁ ବୋହୂ ମାଡ଼ ମାରିବା ଘଟଣା: ଥାନାରେ ସମାଧାନ ହେଲା ମାମଲା

ପରଜଙ୍ଗ, ୧୦।୮(ଡି.ଏନ୍‌.ଏ.) – ଢେଙ୍କାନାଳ ପରଜଙ୍ଗ ଥାନା ଗେହ୍ଲେଇକାଟେଣୀ ଗ୍ରାମର ବୃଦ୍ଧା ପାରେଇ ନାୟକଙ୍କୁ ବୋହୂ ସବିତା ଗଁା ଦାଣ୍ଡରେ ମାଡ଼ ମାରୁଥିବା ଭିଡ଼ିଓ ଭାଇରାଲ...

ହାଟରୁ ଧରାପଡ଼ିଲେ ୩ ପକେଟମାର ନିର୍ଧୂମ ଛେଚିଲେ, ପୋଲିସ ଜିମାଦେଲେ

ଭାପୁର, ୨୯।୯(ଡି.ଏନ୍‌.ଏ.)-ଢେଙ୍କାନାଳ ସଦର ଥାନା ଭାପୁର ମେଡିକାଲ ଛକ ନିକଟ ପରିବା ହାଟରୁ ରବିବାର ପକେଟମାର କରୁଥିବା ୩ଜଣଙ୍କୁ ସ୍ଥାନୀୟ ଲୋକେ ଧରି ପୋଲିସ ଜିମା...

ଉଛୁଳିଲା ଗମ୍ଭାରିଆ ଯୋର

ପରଜଙ୍ଗ, ୨୪।୮(ଡି.ଏନ.ଏ.) ଢେଙ୍କାନାଳ ଜିଲା ପରଜଙ୍ଗ ବ୍ଲକ ଗେଙ୍ଗୁଟିଆ ପଞ୍ଚାୟତ ଅନ୍ତର୍ଗତ କୁଲେଇ ଗ୍ରାମ ନିକଟରେ ଥିବା ଗମ୍ଭାରିଆ ଯୋର ଲଘୁଚାପଜନିତ ଲଗାଣ ବର୍ଷାରେ ଉଛୁଳିଛି।...

selfi corner

Model This Week

Why Dharitri

Leave a comment

Your email address will not be published. Required fields are marked *