ଯୁବକ ଜୀବନ୍ତ ଜଳିଯିବା ଘଟଣା: ମୃତ୍ୟୁ ପାଇଁ ପ୍ରେମିକା ହିଁ ଦାୟୀ

ବାଲିକୁଦା,୧୦ା୧୦(ସ୍ବ.ପ୍ର.): ଜଗତ୍‌ସିଂହପୁର ଜିଲା ବାଲିକୁଦା ଥାନା ଅଢ଼ଙ୍ଗା ଦେବଗ୍ରାମ ବିଦ୍ୟାଳୟର ଶିଡିଘର ଛାତରେ ଗତ ୫ ତାରିଖରେ ଜୀବନ୍ତ ଜଳିଯାଇ ମୃତ୍ୟୁବରଣ କରିଥିବା ଯୁବକଙ୍କ ପରିଚୟ ମିଳିଛି। ମୃତ ଯୁବକ ହେଲେ ନୟାଗଡ଼ ଜିଲା ଚାନ୍ଦପୁର ଥାନା ଅଧୀନ କାଞ୍ଚନପୁରର କୃଷ୍ଣଚନ୍ଦ୍ର ଚମ୍ପତ୍ତିରାୟ(୨୮)ଓରଫ ସାଗର। ସାଗରଙ୍କ ମୃତ୍ୟୁ ଖବର ପାଇ ୬ ତାରିଖରେ ତାଙ୍କ ପରିବାର ଲୋକେ ଜଗତ୍‌ସିଂହପୁରରେ ପହଞ୍ଚିଥିଲେ। ୭ ତାରିଖରେ ସାଗରଙ୍କ ସ୍ତ୍ରୀ ରଶ୍ମିତା ଓ ବାପା, ମା’ବାଲିକୁଦା ଥାନାରେ ପହଞ୍ଚତ୍ ସାଗରଙ୍କ ମୃତ୍ୟୁ ପାଇଁ ତାଙ୍କ ପ୍ରେମିକା ହିଁ ଦାୟୀ ବୋଲି ଅଭିଯୋଗ କରିଛନ୍ତି। ପୋଲିସ ଅଭିଯୋଗ ପାଇବା ପରେ ସମ୍ପୃକ୍ତା ପ୍ରେମିକା ଓ ତାଙ୍କ ପରିବାର ଅନ୍ୟ ସଦସ୍ୟଙ୍କୁ ଆଣି ପଚରା ଉଚରା କରିଛି। ପୋଲିସ ପ୍ରାଥମିକ ତଦନ୍ତରୁ ସାଗର ବିବାହିତ ହେଲେ ମଧ୍ୟ ପ୍ରେମରେ ଅନ୍ଧହୋଇ ନିଜ ଦେହରେ ନିଆଁ ଲଗାଇ ଆତ୍ମହତ୍ୟା କରିଛି ବୋଲି ପ୍ରକାଶ କରିଛି। ତଥାପି ଘଟଣାର ପ୍ରକୃତ କାରଣ ସ୍ପଷ୍ଟ ହୋଇନାହିଁ।
ସାଗରଙ୍କ ସ୍ତ୍ରୀ ରଶ୍ମିତା ଅଭିଯୋଗରେ ଦର୍ଶାଇଛନ୍ତି, ତାଙ୍କ ସ୍ବାମୀ ଅହମ୍ମଦାବାଦର ଏକ ଘରୋଇ କମ୍ପାନୀରେ କମ୍ପ୍ୟୁଟର ଆସିଷ୍ଟାଣ୍ଟ୍‌ ଭାବେ କାମ କରୁଥିଲେ। ସେ ବିବାହିତ ଓ ତାଙ୍କର ୫ ବର୍ଷର ଝିଅଟିଏ ଅଛି। ସାଗରଙ୍କ ମୃତଦେହ ନିକଟରେ ରକ୍ତରେ ଯେଉଁ ମହିଳାଙ୍କ ନାମ ଲେଖା ହୋଇଥିଲା ସେ ହେଉଛନ୍ତି ଦେବଗ୍ରାମର। ସେ ମୋ ସ୍ବାମୀଙ୍କ ସହ ଫେସବୁକ୍‌ରେ ଫ୍ରେଣ୍ଡଶିପ କରି ବାରମ୍ବାର ତାଙ୍କ ମୋବାଇଲକୁ ଫୋନ କରୁଥିଲେ। ଏକଥା ଜାଣିବା ପରେ ମୁଁ ସେ ମହିଳାଙ୍କୁ ଫୋନ କରିବା ପାଇଁ ମନା କରିଥିଲି। ଯେଉଁଥିପାଇଁ ଆମ ସ୍ବାମୀ, ସ୍ତ୍ରୀଙ୍କ ଭିତରେ ଝଗଡା ଲାଗିଥିଲା। ୫ ତାରିଖରୁ ମୋ ସ୍ବାମୀ କମ୍ପାନୀକୁ ଯାଉଛି କହି ଘରୁ ଆସିଥିଲେ। କିନ୍ତୁ ୬ ତାରିଖରେ ତାଙ୍କର ମୃତ୍ୟୁ ଖବର ଆମେ ପାଇଲୁ। ମହିଳାଙ୍କ ଗାଁ ବିଦ୍ୟାଳୟରୁ ଯେହେତୁ ତାଙ୍କ ମୃତଦେହ ମିଳିଥିଲା ତେଣୁ ତାଙ୍କୁ ହତ୍ୟା କରାଯାଇଥିବା ସେ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଆଧରରେ ପୋଲିସ ୨୦୦/୧୯ରେ ଏକ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ପ୍ରାଥମିକ ତଦନ୍ତରୁ ଜଣାପଡ଼ିଛି, ଦେବଗ୍ରାମର ସମ୍ପୃକ୍ତା ମହିଳା ୫ ବର୍ଷ ହେବ କଟକରେ ବିବାହ କରିଛନ୍ତି। ଘରେ ତାଙ୍କ ମା’ବାପାଙ୍କ ସହିତ ଦୁଇ ଅବିବାହିତ ଭଉଣୀ ମଧ୍ୟ ରୁହନ୍ତି। ପୋଲିସ ୭ ତାରିଖରେ ପ୍ରଥମେ ମହିଳାଙ୍କ ବାପା ଓ ଦୁଇ ଭଉଣୀଙ୍କୁ ଡାକି ପଚରା ଉଚରା କରିଛି। ମହିଳାଙ୍କ ବାପାଙ୍କ କହିବା ଅନୁଯାୟୀ ଝିଅର ସାଙ୍ଗ ହିସାବରେ ସାଗର ତାଙ୍କ ଘରକୁ ପୂର୍ବରୁ ଦୁଇ ଥର ଆସିଛନ୍ତି। କିନ୍ତୁ ୫ ତାରିଖରେ ତାଙ୍କ ଘରକୁ ଆସିନାହାନ୍ତି। ଅନ୍ୟପକ୍ଷରେ ପୋଲିସର ଆଉ ଏକ ଟିମ୍‌ କଟକ ଯାଇ ସମ୍ପୃକ୍ତା ମହିଳା ରହୁଥିବା କାଠଗୋଲା ସାହିରେ ଚଢାଉ କରିବା ସହ ମହିଳାଙ୍କୁ ଆଣି ଏକ ଅଜ୍ଞାତ ସ୍ଥାନରେ ପଚରା ଉଚରା ଜାରି ରଖିଛି। ମହିଳା ମଧ୍ୟ ପୋଲିସ ଆଗରେ ଫେସ୍‌ ବୁକରେ ସାଗର ସହିତ ଫ୍ରେଣ୍ଡଶିପକୁ ସ୍ବୀକାର କରିଛନ୍ତି। ସେ କହିଛନ୍ତି, ସାଗର ମୋତେ ବାରମ୍ବାର ପ୍ରେମ ନିବେଦନ କରୁଥିଲେ। ମୁଁ ଯେହେତୁ ଜଣେ ବିବାହିତା ସେଥିପାଇଁ ତାଙ୍କୁ ବାରଣ କରୁଥିଲି। ମାତ୍ର ସେ ଅଧିକାଂଶ ସମୟରେ ପାଗଳହୋଇ ଭିଡିଓ କଲିଂ ଦ୍ୱାରା ନିଜର ହାତ କାଟି ରକ୍ତ ଦେଖାନ୍ତି। ତୁମେ ମୋ ପଖକୁ ନ ଆସିଲେ ମୁଁ ଆତ୍ମହତ୍ୟା କରିଦେବି ବୋଲି ଧମକ ମଧ୍ୟ ଦିଅନ୍ତି। ୫ ତାରିଖରେ ସାଗର ଫୋନ କରି ତାଙ୍କ ସହିତ ଅହମ୍ମଦାବାଦ ଯିବାକୁ ଜିଦ କରିଥିଲୋ। ନ ହେଲେ ଆତ୍ମହତ୍ୟା କରିଦେବି ବୋଲି ଧମକ ଦେଇଥିଲେ ବୋଲି ସମ୍ପୃକ୍ତା ମହିଳା ଏସଡିପିଓ ପ୍ରକାଶ ଚନ୍ଦ୍ର ପାଲଙ୍କ ଆଗରେ ଏକଥା ପ୍ରକାଶ କରିଛନ୍ତି। ଯେଉଁଥି ପାଇଁ ସାଗର ପ୍ରେମରେ ଅନ୍ଧ ହୋଇ ଆତ୍ମହତ୍ୟା କରିଥାଇ ପାରନ୍ତି ବୋଲି ପୋଲିସ ପ୍ରାଥମିକ ସୂଚନା ପ୍ରଦାନ କରିଛି।


All Right Reserved By Dharitri.Com

କରୋନା ଲାଗି ଭୁବନେଶ୍ୱର ବିମାନ ବନ୍ଦରରେ ଯାତ୍ରୀଙ୍କ ସ୍ବାସ୍ଥ୍ୟ ପରୀକ୍ଷା

ଭୁବନେଶ୍ୱର,୨୭।୧(ବ୍ୟୁରୋ): କରୋନା ଭୂତାଣୁ ପାଇଁ ଭୁବନେଶ୍ୱର  ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରେ ସୋମବାର ଯାତ୍ରୀଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଛି। ବିଦେଶରୁ ମୁଖ୍ୟତଃ ଚାଇନାରୁ ଆସୁଥିବା ଯାତ୍ରୀଙ୍କଠାରେ...

ସରକାରୀ ସହାୟତାରୁ ବଞ୍ଚିତ ଦିବ୍ୟାଙ୍ଗ ଛାତ୍ରୀ

ବନ୍ତ, ୨୭।୧୦(ଡି.ଏନ୍‌.ଏ.)-ଭିନ୍ନକ୍ଷମ ପ୍ରମାଣପତ୍ରରେ ତଥ୍ୟଗତ ତ୍ରୁଟି ରହିବା ଯୋଗୁ ଭଦ୍ରକ ଜିଲା ବନ୍ତ ବ୍ଲକ ନିଳୋକ ଗ୍ରାମର ସୁରେଶ ଚନ୍ଦ୍ର ଦ୍ୱିବେଦୀଙ୍କ ଝିଅ ବର୍ଷାରାଣୀ(୧୩) ସରକାରୀ...

ନୀଳଗିରି ଉପଖଣ୍ଡ ଚିକିତ୍ସାଳୟର ୫୦ ଶଯ୍ୟା ବିଶିଷ୍ଟ ଗୃହ ନିର୍ମାଣର ଶିଳାନ୍ୟାସ କଲେ କେନ୍ଦ୍ରମନ୍ତ୍ରୀ, ବିଧାୟକ

ସଜନାଗଡ଼,୨୧।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଉପଖଣ୍ଡ ଚିକିତ୍ସାଳୟ ୫୦ ଶଯ୍ୟା ବିଶିଷ୍ଟ ଅର୍ନ୍ତବିଭାଗ ଓ ବର୍ହିବିଭାଗ ଗୃହ ନିର୍ମାଣର ଶୁଭ ଶିଳାନ୍ୟାସ କରିଛନ୍ତି କେନ୍ଦ୍ରମନ୍ତ୍ରୀ ଓ...

ଧରାହେଲେ ଆଉ ୨ ବ୍ରାଉନସୁଗାର ବେପାରୀ

ଭୁବନେଶ୍ୱର,୭।୨(ବ୍ୟୁରେ): ରାଜଧାନୀ ପାଲଟିଛି ବ୍ରାଉନସୁଗାର କାରବାରର ପେଣ୍ଠସ୍ଥଳ। ବିଗତ କିଛି ମାସ ହେବ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ଓ କମିଶନରେଟ ପୋଲିସ ସ୍ପେଶାଲ ଡ୍ରାଇଭ୍‌ ଚଳାଇଛି। ଇତିମଧ୍ୟରେ...

ଉଜୁଡ଼ିଲା ଫସଲ ଓ ଧୋଇଗଲା ରାସ୍ତା

ଗଣିଆ,୧୭।୮(ଡି.ଏନ.ଏ.)- ଛାଡିଯାଇଛି ବନ୍ୟାଜଳ ା ହେଲେ ଉଜୁଡିଯାଇଛି ଏକର ଏକର ଚାଷ ଜମି ା ଧୋଇଯାଇଛି ରାସ୍ତାଘାଟ ା ଫଳରେ ବହୁ ଚାଷୀ ଉଜୁଡା ଫସଲକୁ...

ଲଗାଣ ବର୍ଷାରେ ଭାଙ୍ଗିଲା ଘର, ପଡ଼ୋଶୀଙ୍କ ବାରଣ୍ଡାରେ ଆଶ୍ରୟ ନେଲେ ବୃଦ୍ଧ ଦମ୍ପତି

କୋଟଗଡ଼, ୧୨। ୯(ଡି.ଏନ୍‌.ଏ.): ସରକାରଙ୍କ ତରଫରୁ ବାସହୀନଙ୍କୁ ଗୃହ ଯୋଗାଇ ଦେବା ଉଦ୍ଦେଶ୍ୟରେ ବିଭିନ୍ନ ଯୋଜନା କାର୍ଯ୍ୟକାରୀ ହେଉଛି। ହେଲେ କନ୍ଧମାଳ ଜିଲା କୋଟଗଡ ବ୍ଳକ...

ସାତପଡ଼ାରୁ କୋଣାର୍କ ପାଟ୍ରୋଲିଂ କଡ଼ାକଡ଼ି

ପୁରୀ ଅଫିସ, ୮ା୧୨ ପୁରୀ ସମେତ କୋଣାର୍କ, ଚିଲିକା, ଚନ୍ଦ୍ରଭାଗା ଆଦି ବିଭିନ୍ନ ପର୍ଯ୍ୟଟନସ୍ଥଳୀକୁ ବର୍ଷତମାମ୍‌ ଦେଶ ବିଦେଶର ପର୍ଯ୍ୟଟକ ଆସିଥାନ୍ତି। ପର୍ଯ୍ୟଟନ ଋତୁରେ ପର୍ଯ୍ୟଟକଙ୍କ...

କନ୍ଦରପୁର ବଜାର କମିଟି ସଭାପତିଙ୍କୁ ମରଣାନ୍ତକ ଆକ୍ରମଣ ଘଟଣା: ଅଭିଯୁକ୍ତଙ୍କୁ ଗିରଫ ଦାବିରେ ଥାନା ଘେରାଉ

କଟକ ସଦର,୧୬।୫(ଡି.ଏନ୍‌.ଏ.): କମିଶନରେଟ ପୋଲିସ ବ୍ୟବସ୍ଥା ଅନ୍ତର୍ଗତ କନ୍ଦରପୁର ବଜାର କମିଟି ସଭାପତି ସ୍ମୃତି ରଞ୍ଜନ ପ୍ରଧାନ(୪୩)ଙ୍କୁ ମଙ୍ଗଳବାର ରାତିରେ ମରଣାନ୍ତକ ଆକ୍ରମଣ କରାଯାଇଥିଲା। ଘଟଣାରେ...

Leave a comment

Your email address will not be published. Required fields are marked *