ବିଦ୍ୟାଳୟରୁ ବ୍ୟକ୍ତିଙ୍କ ମୃତଦେହ ଉଦ୍ଧାର ଘଟଣା: ପ୍ରେମିକାଙ୍କୁ ଉଠାଇ ଆଣିଲା ପୋଲିସ

ଜଗତ୍‌ସିଂହପୁର ଅଫିସ,୮ା୧୦: ବାଲିକୁଦା ଥାନା ଅଢଙ୍ଗ ପଞ୍ଚାୟତ ଦାଗାଁ ବିଦ୍ୟାଳୟ (ବାତ୍ୟା ଆଶ୍ରୟସ୍ଥଳ) ବିଲ୍ଡିଂରେ ଗତ ୫ତାରିଖ ରାତିରେ ସନ୍ଦେହଜନକ ଭାବେ ପୋଡ଼ି ହୋଇ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିଲା। ପ୍ରଥମେ ମୃତକଙ୍କ ପରିଚୟ ମିଳି ନ ଥିବାବେଳେ ଗତ ୭ତାରିଖରେ ତାଙ୍କ ସ୍ତ୍ରୀ ରଶ୍ମିତା ବାଲିକୁଦା ଥାନାରେ ଅଭିଯୋଗ କରିଥିଲେ। ଏହାପରେ ସେ ନୟାଗଡ଼ ଜିଲା ଚାନ୍ଦପୁର ଥାନା କାଞ୍ଚନପୁରର କୃଷ୍ଣଚନ୍ଦ୍ର ଚମ୍ପତିରାୟ ଓରଫ ସାଗର (୨୮) ବୋଲି ଜଣାପଡ଼ିଥିଲା। ସାଗର ଆତ୍ମହତ୍ୟା କରିଛନ୍ତି କି ତାଙ୍କୁ କେହି ହତ୍ୟା କରିଛନ୍ତି ତାହା ଏ ପର୍ଯ୍ୟନ୍ତ ରହସ୍ୟାବୃତ୍ତ ହୋଇ ରହିଛି। ତେବେ ସାଗରଙ୍କ ମୃତ୍ୟୁ ପାଇଁ ତାଙ୍କ ପ୍ରେମିକା ମଧୁ ଦାୟୀ ବୋଲି ରଶ୍ମିତା ଅଭିଯୋଗ କରିଛନ୍ତି। ରଶ୍ମିତାଙ୍କ ଅଭିଯୋଗ କ୍ରମେ ବାଲିକୁଦା ପୋଲିସ ଏକ ମାମଲା (ନଂ.୨୦୦/୧୯) ରୁଜୁ କରି ତଦନ୍ତ ଜାରି ରଖିଛି। ଏଥି ସହିତ ପୋଲିସ ମଧୁଙ୍କୁ କଟକରୁ ଉଠାଇ ଆଣି ଜଗତ୍‌ସିଂହପୁର ଥାନାରେ ପଚରାଉଚୁରା କରିଛି। ମଧୁଙ୍କ ବାପା ଓ ସାନ ଭଉଣୀଙ୍କୁ ମଧ୍ୟ ପୋଲିସ ପଚରାଉଚୁରା ଜାରି ରଖିଥିବାବେଳେ ଖବର ଲେଖାହେବା ପର୍ଯ୍ୟନ୍ତ କାହାରିକୁ ଗିରଫ କରାଯାଇ ନ ଥିବା ଜଣାପଡ଼ିଛି। ଜଗତ୍‌ସିଂହପୁର ଏସ୍‌ଡିପିଓ ପ୍ରକାଶ ଚନ୍ଦ୍ର ପାଲ ସୂଚନା ଦେଇଛନ୍ତି ଯେ, ଯେହେତୁ ମଧୁଙ୍କ ନାଁରେ ଅଭିଯୋଗ ହୋଇଛି; ତେଣୁ ପୋଲିସ ମଧୁ ଓ ତାଙ୍କ ପରିବାର ଲୋକଙ୍କୁ ପୃଥକ ଭାବେ ଡାକି ପଚରାଉଚୁରା କରି ଛାଡି ଦେଇଛି। ତଦନ୍ତରେ ହତ୍ୟା ସମ୍ପର୍କିତ ଅଧିକ କିଛି ତଥ୍ୟ ମିଳିନାହିଁ। ମିଳିଥିବା ସୂଚନା ଅନୁଯାୟୀ, ମଧୁଙ୍କ ସହ ସାଗରଙ୍କର ଫେସ୍‌ବୁକ୍‌ ଚାଟିଂରୁ ପ୍ରେମ ସମ୍ପର୍କ ଗଢି ଉଠିଥିଲା। ଏପରିକି ଉଭୟଙ୍କ ଫଟୋ ମଧ୍ୟ ପୋଲିସ ହାତକୁ ଆସିଛି। କିଛିଦିନ ପୂର୍ବରୁ ରଶ୍ମିତା ଏହା ଜାଣିବା ପରେ ମଧୁଙ୍କ ସହିତ ଏନେଇ ପାଟିତୁଣ୍ଡ ହୋଇଥିଲା। ତାଙ୍କ ସ୍ବାମୀଙ୍କୁ ଫୋନ ନ କରିବା ପାଇଁ ମଧୁଙ୍କୁ  ରଶ୍ମିତା ତାଗିଦ କରିଥିଲେ। ଗତ ୫ତାରିଖରେ ସାଗର ତାଙ୍କ କର୍ମକ୍ଷେତ୍ର ଅହମ୍ମଦାବାଦ ଯାଉଥିବା କହି ଘରୁ ବାହାରିଥିଲେ। କିନ୍ତୁ ଜଗତ୍‌ସିଂହପୁରରେ ପହଞ୍ଚତ୍ଥିଲେ। ଘରୁ ବାହାରିଲାବେଳେ ଅନ୍ୟମନସ୍କ ହୋଇ ନିଜ ମୋବାଇଲ ନେଇ ନ ଥିଲେ। କିନ୍ତୁ ବାହାରିବା ପୂର୍ବରୁ ମଧୁଙ୍କ ସହ ଫୋନରେ କଥା ହୋଇଥିଲେ। ମଧୁଙ୍କୁ ତାଙ୍କ ଗାଁରେ ସାକ୍ଷାତ କରିବାକୁ ଚାହୁଁଥିବା କହିଥିଲେ ସୁଦ୍ଧା ସେ  ରାଜି ହୋଇ ନ ଥିଲେ। ଯେହେତୁ ମଧୁ ବିବାହିତା ଓ କଟକରେ ସ୍ବାମୀଙ୍କ ପାଖରେ ରହୁଥିଲେ ତେଣୁ ଦଶହରାରେ କଟକ ଛାଡିହେବ ନାହିଁ ବୋଲି କହିଥିଲେ। ତେବେ ପ୍ରତି ଦଶହରାରେ ମଧୁ ଗାଁକୁ ଯାଉଥିବା ଜାଣି ସାଗର ସେଠାରେ ପହଞ୍ଚତ୍ଥିଲେ ବୋଲି ଅନ୍ୟ କେତେଜଣ ପ୍ରକାଶ କରିଛନ୍ତି। ସାଗର ଅହମ୍ମଦାବାଦରେ ଥିବା ଏକ ଲୁଗା କମ୍ପାନୀର ହିସାବ ରକ୍ଷକ ଭାବେ କାମ କରୁଥିଲେ। ଦରମା ପାଖାପାଖି ୨୫/୩୦ ହଜାର ଟଙ୍କା ପାଉଥିଲେ। ମଧୁଙ୍କ ସହ ତାଙ୍କ ପ୍ରେମ ସମ୍ପର୍କ ଗତ ନଭେମ୍ବରରୁ ଆରମ୍ଭ ହୋଇଥିଲା। ମଧୁ ଓ ରଶ୍ମିତାଙ୍କ ମଧ୍ୟରେ ପାଟିତୁଣ୍ଡ ହେବା ପରେ ମଧୁ ଏକପ୍ରକାର ବୁଝିଯାଇଥିଲେ। ତେଣୁ ସେ ସାଗରଙ୍କଠାରୁ ଦୂରତ୍ୱ ରକ୍ଷା କରୁଥିଲେ। ହେଲେ ସାଗର ଏକପ୍ରକାର ପ୍ରେମ ପାଗଳ ଥିଲେ। ସେ କୁଆଡେ ମଝିରେ ମଝିରେ ଭିଡିଓ କଲ ସମୟରେ ହାତ କାଟି ନିଜର ପ୍ରେମ ପ୍ରତିପାଦିତ କରିବାକୁ ଚେଷ୍ଟା କରୁଥିଲେ ବୋଲି ଚର୍ଚ୍ଚା ହେଉଛି। ମଧୁ ପାଖାପାଖି ୫ବର୍ଷ ହେବ ବିବାହ କରିଥିଲେ ସୁଦ୍ଧା ସେମାନଙ୍କର କୌଣସି ସନ୍ତାନ ନାହିଁ। କିନ୍ତୁ ସାଗରଙ୍କର ଏକ କନ୍ୟା ସନ୍ତାନ ଥିବା ଜଣାପଡ଼ିଛି।


All Right Reserved By Dharitri.Com

ତହସିଲ, ଜିଲାପାଳଙ୍କ ଅଫିସ୍‌ ଘେରିଲା କିଷାନ ସଂଘ

ବୌଦ୍ଧ,୧୧।୯(ସ୍ବ.ପ୍ର): ବୌଦ୍ଧ କୃଷି ପ୍ରଧାନ ଜିଲା ହୋଇଥିବା ବେଳେ ଚାଷୀମାନେ ବିଭିନ୍ନ ସମସ୍ୟାରେ ରହିଛନ୍ତି । ପ୍ରତିବର୍ଷ ସ୍ବଳ୍ପ ବର୍ଷା, ବନ୍ୟା, ରୋଗପୋକ ଉପଦ୍ରବରେ ଚାଷୀମାନେ...

ଭିମ୍‌ସାର, ଏସ୍‌ସିବି ନର୍ସିଂ କଲେଜ୭୦ ନୂତନ ପଦବୀକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ

ଭୁବନେଶ୍ୱର,୨୪।୬(ବ୍ୟୁରୋ): ବୁର୍ଲାସ୍ଥିତ ଭିମ୍‌ସାର ନର୍ସିଂ କଲେଜ ଓ କଟକ ଏସ୍‌ସିବି ନର୍ସିଂ କଲେଜ ପାଇଁ ୭୦ ନୂତନ ପଦବୀ ସୃଷ୍ଟି କରିବା ନିମନ୍ତେ ସୋମବାର ମୁଖ୍ୟମନ୍ତ୍ରୀ...

ପୋଲ ତଳକୁ ଖସିଲା ପିଡିଏସ୍‌ ଚାଉଳ ବୋଝେଇ ଟ୍ରକ୍‌ : ଡ୍ରାଇଭର ଆହତ

କୋରୁକୋଣ୍ଡା,୨୫।୮(ଡି.ଏନ୍‌.ଏ.) : ମାଲକାନଗିରି ଜିଲା କୋରୁକୋଣ୍ଡା ପୋଲ ନିକଟରେ ଏକ ଚାଉଳ ବୋଝେଇ ଟ୍ରକ ଖସିପଡ଼ିଥିବା ବେଳେ ଡ୍ରାଇଭର ଆହତ ହୋଇଛନ୍ତି। ମିିଳିଥିବା ସୂଚନା ଅନୁଯାୟୀ,...

ଉପଜିଲାପାଳଙ୍କୁ ଭେଟିଲେ ଗ୍ରାମବାସୀ

ଛେଣ୍ଡିପଦା,୧ା୮(ସ୍ବ.ପ୍ର) – ଅନୁଗୋଳ ଜିଲା ଛେଣ୍ଡିପଦା ବ୍ଲକ ପାତ୍ରପଡା ପଞ୍ଚାୟତ ବରମଳିହା ଗ୍ରାମକୁ ୧୫ ଦିନ ହେବ ଯାତାୟାତ ଠପ୍‌ ହୋଇଯାଇଛି। ଉକ୍ତ ରାସ୍ତାକୁ ଗ୍ରାମର...

ଆଗଭଳି ମିଳୁନି ତାଳପତ୍ର: ସଙ୍କଟରେ ତାଳପତ୍ର କାରିଗରଙ୍କ ଜୀବନ ଜୀବିକା

ଦିନ ଥିଲା ତାଳପତ୍ର କାରିଗର ଭଲ ଦି ପଇସା ରୋଜଗାର କରୁଥିଲେ। ଖରାଦିନେ ବିଞ୍ଚଣା ଆଉ ବର୍ଷାଦିନେ ପଖିଆ ବ୍ୟବହାର କରୁଥିଲେ ଲୋକେ। ଘରେ ଘରେ...

ବ୍ରାହ୍ମଣୀରୁ ମୃତଦେହ ଉଦ୍ଧାର ଘଟଣା: କେହି ଦେଇପାରିଲେନି ପ୍ରମାଣ

ଭୁବନ, ୧୫।୯(ଡି.ଏନ୍‌.ଏ.) – ଢେଙ୍କାନାଳ ଜିଲା ଭୁବନ ଥାନା ଓଢ଼ଣା-ମାଳପୁରା ଗ୍ରାମ ନିକଟରେ ପ୍ରବାହିତ ବ୍ରାହ୍ମଣୀ ନଦୀରୁ ଶୁକ୍ରବାର ମିଳିଥିବା ଗଳିତ ମୃତଦେହକୁ ନେଇ ଅଡୁଆ...

ମୃତ ଭାବି ଶ୍ମଶାନ ନେଉଥିଲେ ପରିବାର ଲୋକେ, କିନ୍ତୁ ଜୁଇରୁ ଫେରିଆସିଲେ ମୃତକ

ସୋରଡ଼ା,୧୩।୧୦(ଡି.ଏନ୍‌.ଏ.): କୁହାଯାଏ ନିମିଷେ ମାତ୍ର ଆୟୁଷ ଥିଲେ ଯମ ନେଇପାରେ ନାହିଁ। ଠିକ୍‌ ସେହିପରି ଏକ ଘଟଣା ଘଟିଛି ଗଞ୍ଜାମ ଜିଲା ସୋରଡ଼ା ବ୍ଲକ ଗୋପାଳପୁର...

ଆକର୍ଷଣ ସାଜିଛି ଏସ୍‌ଏଚ୍‌ଜି ମହିଳାଙ୍କ ପସରା

ଭୁବନେଶ୍ୱର,୯ା୧୨(ବ୍ୟୁରୋ): ରାଜଧାନୀ ଭୁବନେଶ୍ୱରରେ ପ୍ରଥମ ଥର ପାଇଁ ଆୟୋଜିତ ମିଶନ ଶକ୍ତି ମେଳାରେ ସମଗ୍ର ରାଜ୍ୟରୁ ଆସିଥିବା ସ୍ବଂୟ ସହାୟକ ଗୋଷ୍ଠୀର ମହିଳାମାନଙ୍କ ଦ୍ୱାରା ଉତ୍ପାଦିତ...

Leave a comment

Your email address will not be published. Required fields are marked *