Posted inUncategorized

ଥାନାରେ ପାରମ୍ପରିକ ଦଶହରା ପର୍ବ ପାଳନ, ମହୁଲି ମଦ ସହ ପହଞ୍ଚିଲା ଛେଳି

ଦାରିଙ୍ଗବାଡ଼ି,୮।୧୦(ଡି.ଏନ.ଏ.):କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଶାରଦୀୟ ପୂଜା ଧୁମ୍‌ଧାମ୍‌ରେ ପାଳନ କରାଯାଇଛି। ଏହି ଅବସରରେ ଦାରିଙ୍ଗବାଡ଼ି ଏବଂ ସିମନବାଡ଼ିଠାରେ ସ୍ବତନ୍ତ୍ର ପୁଜାମଣ୍ଡପ କରାଯାଇ ମା’ଦୁର୍ଗାଙ୍କ ମୃଣ୍ମୟୀ ମୁର୍ତ୍ତିରେ ପୂଜାର୍ଚ୍ଚନା କରାଯାଇଛି। ଉକ୍ତ ବ୍ଳକର ଦାରିଙ୍ଗବାଡ଼ି ଏବଂ ବ୍ରାହ୍ମଣୀଗାଁ ଥାନା ପରିସର ମଧ୍ୟରେ ମଧ୍ୟ ଦଶହରା ପୂଜା ପାଳନ କରାଯାଇଛିା ଦାରିଙ୍ଗବାଡ଼ି ଥାନାରେ ପାରମ୍ପରିକ ତଥା ଲୋକ ସଂସ୍କୃତିକୁ ନେଇ ନିଆରା ଢ଼ଙ୍ଗରେ ପାରମ୍ପରିକ ପୁଜାର୍ଚ୍ଚନା କରାଯାଇଛି ା ପ୍ରତିବର୍ଷ ଦଶହରା ଦିନ ଉକ୍ତ ବ୍ଳକର ଗ୍ରୀନବାଡ଼ି ପଞ୍ଚାୟତବାସୀ ଶତାଧିକ ମହିଳା ପୁରୁଷ ଗ୍ରାମରେ ସ୍ବତନ୍ତ୍ର ଭାବେ ମହୁଲିମଦ ପ୍ରସ୍ତୁତ କରି ମହୁଲି ମଦ ସହ ଏକ ଛେଳିକୁ ନେଇ ବିରାଟ ଶୋଭାଯାତ୍ରାରେ ଆସି ଥାନାରେ ପହଞ୍ଚିଥାନ୍ତି ା ଥାନା ପକ୍ଷରୁ ତାଙ୍କୁ ଫୁଲଚନ୍ଦନ ଦେଇ ସ୍ବାଗତ କରାଯାଏା କାହିଁ କେଉଁ କାଳରୁ ଏହି ପାରମ୍ପରିକ ପୁଜାର୍ଚ୍ଚନା କରାଯାଉଥିବା ଗ୍ରୀନବାଡ଼ି ବାସିନ୍ଦା କହିଛନ୍ତି। ପରେ ବାଦ୍ୟଯନ୍ତ୍ର ମହୁରୀ, ଢ଼ୋଲ ବାଦ୍ୟରେ ଏକ ଶୋଭାଯାତ୍ରାରେ ଗ୍ରୀନବାଡ଼ି ବାସୀ ଥାନା ଅଧିକାରୀଙ୍କ ସମେତ ଅନ୍ୟ ଅଧିକାରୀଙ୍କୁ ତାଙ୍କ ସରକାରୀ ବାସଭବନରୁ ଫୁଲଚନ୍ଦନ ଦେଇ ନୂତନ ବସ୍ତ୍ର ପିନ୍ଧିବାକୁ ଦେଇ ସ୍ବାଗତ କରି ଥାନା ପରିସର ମଧ୍ୟରେ କରାଯାଇଥିବା ପୂଜା ମଣ୍ଡପକୁ ନେଇ ଆସିଥାନ୍ତି ା ସେହିପରି ଆଇଆଇସି କୌଶିକ ମାଝୀ, ସବଇନ୍ସପେକ୍ଟର ଗୋପାଳକୃଷ୍ଣ ଆଗୁପାତ୍ର, ସୌମ୍ୟରଜଂନ ଜେନା ଏବଂ ଏଏସଆଇ ଆର.ଭିମୋରାଓ ରେଡ୍ଡିଙ୍କୁ ଗ୍ରୀନବାଡ଼ିବାସୀ ଶୋଭାଯାତ୍ରାରେ ତାଙ୍କୁ ତାଙ୍କ ବାସଭବନରୁ ପୂଜା ମଣ୍ଡପ ପର୍ଯ୍ୟନ୍ତ ଆଣିଥିଲେ। ପରେ ସେଠାରୁ ବିରାଟ ଶେଭାଯାତ୍ରାରେ ଗ୍ରୀନବାଡ଼ିବାସୀଙ୍କ ସହ ଥାନା ଅଧିକାରୀ ମାଝୀ ଓ ଅନ୍ୟ କର୍ମଚାରୀମାନେ ଜଳତୁଠକୁ ଯାଇ ଗଙ୍ଗା ପୂଜା କରି କଳସରେ ପାଣି ଉଠାଇ ପୁଜାମଣ୍ଡପକୁ ନେଇ ଆସିଥିଲେ। ସେଠାରେ ମା’ ଦୁର୍ଗାଙ୍କୁ ପୁଜାର୍ଚ୍ଚନା କରାଯିବା ସହ ଗ୍ରୀନବାଡ଼ି ବାସୀ ଆଣିଥିବା ମହୁଲୀମଦ ଏବଂ ଛେଳିକୁ ପୂଜା କରାଯାଇଥିଲା। ଛେଳିକୁ ବଳି ପୁଜା କରାଯାଉଥିଲା କିନ୍ତୁ ପର୍ଯ୍ୟାୟ କ୍ରମେ ଜନସଚେତନ ହେବା ପରେ ଏବେ କାକୁଡ଼ି କିମ୍ବା କଖାରୁ ବଳି ଚଢ଼ାଯାଇଥିଲା ବୋଲି ମୁଖ୍ୟପୂଜକ ବୁଲୁ ତ୍ରୀପାଠି କହିଛନ୍ତି। ଏଭଳି ପରମ୍ପରାକୁ ଦେଶ ସ୍ବାଧିନତା ପୂର୍ବରୁ ଶତାଧିକ ବର୍ଷ ହେଲା ଚାଲିଆସିଛି ତତ୍କାଳ ଥାନା ଅଧିକାରୀ ମା’ପାଟଖଣ୍ଡାଙ୍କ ପୂଜାର୍ଚ୍ଚନା ସହ ଏହି ପରମ୍ପରାକୁ ଆରମ୍ଭ କରିଥିବା ଗ୍ରୀନବାଡ଼ି ଗ୍ରାମର ସଂସ୍କୃତିପ୍ରେମୀ ତଥା କବି ବିଦେଶୀ ନାୟକ କହିଛନ୍ତିା


All Right Reserved By Dharitri.Com

Posted inUncategorized View All

‘ଗୋଟିଏ ଦେଶ, ଗୋଟିଏ ନିର୍ବାଚନ’ ବୈଠକ ଆରମ୍ଭ: ଆସିଲେନି ରାହୁଲ, ମାୟା, ମମତା

ନୂଆଦିଲ୍ଲୀ, ୧୯।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ‘ଗୋଟିଏ ଦେଶ, ଗୋଟିଏ ନିର୍ବାଚନ’ ମୁଦ୍ଦାକୁ ନେଇ ସର୍ବଦଳୀୟ ବୈଠକ ସଂସଦ ଭବନର ଲାଇବ୍ରେରୀରେ ଆରମ୍ଭ ହୋଇଛି।...

ମହାକାଳପଡ଼ାରେ କାଳବୈଶାଖୀ: ଜଣେ ମୃତ, ଜଳିଗଲା ୪ ବଖରା

ମହାକାଳପଡ଼ା.୧୮.୬(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ାରେ ମଙ୍ଗଳବାର ଅପରାହ୍ନରେ କାଳବୈଶାଖୀ ପ୍ରଭାବରେ ବର୍ଷା, ପବନ ସାଙ୍ଗକୁ ଘଡ଼ଘଡି ଓ ବଜ୍ରପାତ ହୋଇଛି। ଏଥିରେ ଜଣେ ଚାଷୀଙ୍କ ମୃତ୍ୟୁ...

ସିଟିଜେନଶିପ ଆମେଣ୍ଡମେଣ୍ଟ ବିଲ୍‌ ଲାଗୁ କରିବେନି ମମତା

କୋଲକାତା,୬।୧୨: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୁକ୍ରବାର କହିଛନ୍ତି ସିଟିଜେନଶିପ ଆମେଣ୍ଡମେଣ୍ଟ ବିଲ୍‌(ସିଏବି) ଓ ନ୍ୟାଶନାଲ ରେଜିଷ୍ଟର ଅଫ୍‌ ସିଟିଜେନ୍ସ(ଏନ୍‌ଆର୍‌ସି) ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ...

ଜୈସ-ଇ-ମହମ୍ମଦର ଅଣ୍ଡର ୱାଟର ଆକ୍ରମଣ ଯୋଜନା: ଟାର୍ଗେଟରେ ଶ୍ରୀମନ୍ଦିର, ବଢିଲା ସୁରକ୍ଷା

ପୁରୀ ଅଫିସ, ୨୭।୮: ଭାରତର ବିଭିନ୍ନ ସ୍ଥାନ ଉପରେ ଜଳମାର୍ଗ ମାଧ୍ୟମରେ ଆକ୍ରମଣ ଲାଗି ଆତଙ୍କବାଦୀ ସଙ୍ଗଠନ ଜୈସ-ଇ-ମହମ୍ମଦ ଅଣ୍ଡର ୱାଟର ୱିଙ୍ଗ ପ୍ରସ୍ତୁତ କରୁଥିବା...

କେନାଲ କୂଅକୁ ଖସିପଡିଲା ବାଇକ, ୩ ମୃତ

ଦିଗପହଣ୍ଡି,୨ା୧(ଡି.ଏନ୍‌.ଏ.)- ନୂଆବର୍ଷ ସନ୍ଧ୍ୟାରେ ଘଟିଛି ଦୁର୍ଘଟଣା। ଦିଗପହଣ୍ଡି ବ୍ଲକ କୋଟିନଡ଼ା-ଦେଉଳପେଡ଼ି କେନାଲ ରାସ୍ତା ବୁଲାଣିରେ ଥିବା ପୋତାଶଙ୍ଖ ନିକଟ କୂଅରେ ସନ୍ଧ୍ୟା ପ୍ରାୟ ସାଢେ ୭ଟାରେ...

ବଡୋଦରାରେ ପ୍ରବଳ ବନ୍ୟା: ଘରେ ପଶିଲା କୁମ୍ଭୀର, ୨୨ଟି ଟ୍ରେନ୍‌ ବାତିଲ୍‌

ବଡୋଦରା, ୨।୮: ଗୁଜରାଟରେ ପ୍ରବଳ ବର୍ଷା ଯୋଗୁ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଗତ ୧୨ ଘଣ୍ଟା ମଧ୍ୟରେ ରେକର୍ଡ ୫୫୪ମିଲିମିଟର ବର୍ଷା ହୋଇଥିବା ପାଣିପାଗ...

ଇଡ୍‌ଲି ଆମ୍ମା: ଯେଉଁମାନେ ଅସହାୟ ପେଟର ଭୋକକୁ ମା’ ଭଳି ବୁଝୁଛନ୍ତି

ଆଜିର ଏହି ଦରଦାମ୍‌ ବୃଦ୍ଧି ସମାଜରେ ଖାଦ୍ୟ ପଦାର୍ଥଠୁ ଆରମ୍ଭ କରି ସୌଖୀନ ଜିନିଷ ପର୍ଯ୍ୟନ୍ତ ସବୁକିଛିର ମୂଲ୍ୟ ଧୀରେ ଧୀରେ ବଢ଼ିବାରେ ଲାଗିଛି। ଦୁଇ...

Leave a comment

Your email address will not be published. Required fields are marked *