ଭାରତର ଏହି ୫ ସ୍ଥାନରେ ଅଛି ରାବଣ ମନ୍ଦିର

ସମଗ୍ର ଦେଶରେ ଏବେ ଶାରଦ ପୂଜାର ମାହୋଲ। ଚଳଚଞ୍ଚଳ ଗଁାଠୁ ସହର। ବିଭିନ୍ନ ପୂଜା ମଣ୍ଡପଗୁଡ଼ିକ ସୁନ୍ଦର ସୁନ୍ଦର ଆଲୋକମାଳା ଓ ସୁଉଚ୍ଚ ତୋରଣରେ ଝଲସୁଛି। ତେବେ ଏହି ନବରାତ୍ରିର ମୁଖ୍ୟ ଆକର୍ଷଣୀୟ ହେଉଛି ଦଶହରା। ଅସତ୍ୟ ଉପରେ ସତ୍ୟର ବିଜୟ ପର୍ବକୁ ଦଶମୀ ବା ଦଶହରା ଭାବେ ପାଳନ କରାଯାଏ। ନବରାତ୍ରିର ୯ଦିନ ପୂରା ହେବା ପରେ ଦଶମୀ ତିଥିରେ ମର୍ଯ୍ୟାଦା ପୁରୁଷୋତ୍ତମ ଭଗବାନ ରାମ ରାବଣଙ୍କୁ ବଧ କରି ମାତା ସୀତାଙ୍କୁ ତାଙ୍କ କବଳରୁ ଉଦ୍ଧାର କରିଥିଲେ। ଦଶାନନ ରାବଣ ଖ୍ୟାତନାମା ବିଦ୍ୱାନ୍‌ ଥିଲେ। କିନ୍ତୁ ସୀତାଙ୍କୁ ହରଣ କରିବା ପରେ ସମସ୍ତେ ତାଙ୍କୁ ରାକ୍ଷସ ବୋଲି ବିବେଚନା କରିଥିଲେ। ହେଲେ ତାଙ୍କର ବିଦ୍ୱାନତା ଯୋଗୁ ଭାରତର ଏଭଳି ସ୍ଥାନ ରହିଛି, ଯେଉଁଠାରେ ରାବଣଙ୍କ ମନ୍ଦିର ରହିଥିବା ବେଳେ ତାଙ୍କୁ ଭଗବାନ ରୂପେ ପୂଜା କରାଯାଏ।
କୋଲାର: କର୍ନାଟକ କୋଲାରର ମାଲବଲ୍ଲୀରେ ରାବଣଙ୍କ ଏକ ମନ୍ଦିର ରହିଛି। ରାବଣ ଭଗବାନ ଶିବଙ୍କ ପରମ ଭକ୍ତ ଥିବା ଯୋଗୁ କୋଲାରରେ ରାବଣଙ୍କ ପୂଜା କରାଯାଏ। କୋଲାରରେ ଲଙ୍କେଶ୍ୱର ମହୋତ୍ସବ ସମୟରେ ରାବଣଙ୍କର ପୂଜାର୍ଚ୍ଚନା କରାଯାଇ ତାଙ୍କର ଏକ ଶୋଭାଯାତ୍ରା ବାହାରିଥାଏ। ଏହି ଶୋଭାଯାତ୍ରାରେ ରାବଣଙ୍କ ସହ ଭଗବାନ୍‌ ଶିବଙ୍କ ମୂର୍ତ୍ତିକୁ ମଧ୍ୟ ସହର ପରିକ୍ରମା କରାଯାଇଥାଏ।
ବିଦିଶା: ମଧ୍ୟପ୍ରଦେଶ ରାଜ୍ୟ ବିଦିଶାରେ ରାବଣଙ୍କ ସ୍ତ୍ରୀ ମନ୍ଦୋଦରୀଙ୍କ ଜନ୍ମସ୍ଥାନ। ଏଠାରେ ରାବଣଙ୍କ ୧୦ ଫୁଟ ଉଚ୍ଚତାର ଏକ ପ୍ରତିମା ରହିଛି। ବିଦିଶାରେ ଲୋକମାନେ ଦଶହରା ଦିନ ରାବଣଙ୍କୁ ପୂଜା କରିଥାନ୍ତି। ଏଥିସହ ବିବାହ କାର୍ଯ୍ୟ ହେଉ କି ଅନ୍ୟ ଶୁଭକାର୍ଯ୍ୟରେ ଲୋକେ ଏହି ମୂର୍ତ୍ତିକୁ ପୂଜାର୍ଚ୍ଚନା କରି ଆଶୀର୍ବାଦ ଭିକ୍ଷା କରିଥାନ୍ତି।
ମନ୍ଦସୌର: ମଧ୍ୟପ୍ରଦେଶର ମନ୍ଦସୌରରେ ତିଆରି ହୋଇଥିବା ପ୍ରଥମ ମନ୍ଦିର ହେଉଛି ରାବଣ ମନ୍ଦିର। ଏଠାରେ ରାବଣଙ୍କ ରୁଣ୍ଡି ନାମକ ଏକ ବିଶାଳ ମୂର୍ତ୍ତିକୁ ପୂଜା କରାଯାଇଥାଏ। ଏହି ମନ୍ଦିରରେ ପୂଜା କରିବା ସମୟରେ ମହିଳାମାନେ ମୁଣ୍ଡରେ ଓଢ଼ଣା ପକାଇଥାନ୍ତି। ପୌରାଣିକ କିମ୍ବଦନ୍ତୀ ଅନୁସାରେ ଏହା ମନ୍ଦୋଦରୀଙ୍କ ବାପଘର ଥିବାରୁ ରାବଣଙ୍କୁ ମନ୍ଦସୌରର ଜ୍ୱାଇଁ ବୋଲି ମାନି ନିଆଯାଏ। ମନ୍ଦୋଦରୀଙ୍କ ନାମରେ ଏହି ସ୍ଥାନକୁ ନାମିତ କରାଯାଇଛି।
ବୈଜନାଥ କସବା: ପୌରାଣିକ ମତାନୁସାରେ ବୈଜନାଥ କସ୍‌ବାରେ ରାବଣ ଭଗବାନ ଶିବଙ୍କ କଠୋର ତପସ୍ୟା କରିଥିଲେ। ଏଠାରେ ରାବଣଙ୍କ କୌଣସି ମନ୍ଦିର ନ ଥିଲେ ମଧ୍ୟ ତାଙ୍କର ପୂଜା କରାଯାଇଥାଏ। ହିମାଚଳ ପ୍ରଦେଶର ଏହି ସ୍ଥାନରେ ରାବଣଙ୍କ କୁଶପୁତ୍ତଳିକାକୁ କେହି ଦାହ କରୁ ନ ଥିବା ଜଣାପଡ଼ିଛି।
ଦଶାନନ: କାନପୁରର ଶିବାଲା ଅଞ୍ଚଳରେ ଥିବା ଦଶାନନଙ୍କ ମନ୍ଦିର ବର୍ଷରେ ଥରେ ମାତ୍ର ଖୋଲିଥାଏ। ଦଶହରା ଦିନ ଏହି ମନ୍ଦିରରେ ରାବଣଙ୍କ ମୂର୍ତ୍ତିକୁ ଶୃଙ୍ଗାର କରାଯାଇ ଆଳତି କରାଯାଇଥାଏ। ଏଠାରେ କେବଳ ଦଶହରା ଦିନ ପୂଜା କରିବା ପାଇଁ ଅନୁମତି ମିଳିଥାଏ। ୧୯୮୦ରୁ ଏହି ମନ୍ଦିର ତିଆରି କରାଯାଇଥିବା ବେଳେ ପୂଜାର୍ଚ୍ଚନା ପାଇଁ ବହୁ ସଂଖ୍ୟାରେ ଲୋକେ ଏଠାକୁ ଆସିଥାନ୍ତି। ଏହି ମନ୍ଦିରରେ ତେଲରେ ଦୀପ ଜଳାଇଲେ ଲୋକଙ୍କ ମନସ୍କାମନା ପୂରଣ ହୋଇଥାଏ ବୋଲି ବିଶ୍ୱାସ ରହିଛି।


All Right Reserved By

ବ୍ୟାଙ୍କକ-ଥାଇଲାଣ୍ଡରୁ ମୋ ପାଇଁ ଗାଳି ଇମ୍ପୋର୍ଟ କରିପାର କିନ୍ତୁ ଦେଶକୁ ବିରୋଧ କର ନାହିଁ: ମୋଦି

ଚଣ୍ଡିଗଡ଼,୧୫।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ହରିୟାଣା ଗସ୍ତ କରିଛନ୍ତି। ହରିୟାଣାର ଚରଖି-ଦାଦରିରେ ଜନସଭାକୁ ସମ୍ବୋଧିତ କରି ମୋଦି କହିଛନ୍ତି, ନିର୍ବାଚନ ରାଲି ପାଇଁ ମୁଁ...

ମହିଳାଙ୍କ ପେଟରୁ ବାହାରିଲା ଦେଢ କିଲୋ ଓଜନର ଗହଣା

କୋଲକତା,୨୫।୭: ପଶ୍ଚିମବଙ୍ଗର ବୀରଭୂମୀ ଅଞ୍ଚଳରେ ଥିବା ଏକ ସରକାରୀ ହସ୍ପିଟାଲରେ ଜଣେ ମହିଳାଙ୍କ ସର୍ଜରୀ ପରେ ତାଙ୍କ ପେଟରୁ ପାଖାପାଖି ଦେଢ କିଲୋଗ୍ରାମ ଗହଣା ଓ...

ନିୟନ୍ତ୍ରଣ ରେଖାରେ ହାଇ ଆର୍ଲଟ: ଆତଙ୍କବାଦୀଙ୍କୁ ଭାରତରେ ଅନୁପ୍ରବେଶ କରାଇବା ଷଡ଼ଯନ୍ତ୍ର ରଚିଛି ପାକିସ୍ତାନ

ଶ୍ରୀନଗର,୧୮।୮: ଜମ୍ମୁ-କଶ୍ମୀର ନିୟନ୍ତ୍ରଣ ରେଖାରେ ହାଇ ଆର୍ଲଟ ଜାରି ହୋଇଛି। ପାକିସ୍ତାନ ଅସ୍ତ୍ରବିରତି ଉଲ୍ଲଂଘନ ବାହାନାରେ ଆତଙ୍କବାଦୀ ଅନୁପ୍ରବେଶ ପାଇଁ ଉଦ୍ୟମ ଜାରି ରଖିଥିବା ଭାରତୀୟ...

ଆବଶ୍ୟକ ପଡ଼ିଲେ ନିୟନ୍ତ୍ରଣ ରେଖା ଅତିକ୍ରମ କରିବେ ଭାରତୀୟ ସେନା: ପାକିସ୍ତାନକୁ ଚେତାବନୀ ଦେଲେ ବିପିନ୍‌ ରାଓ୍ବତ

ନୂଆଦିଲ୍ଲୀ,୩୦।୯: ଭାରତ-ପାକିସ୍ତାନ ନିୟନ୍ତ୍ରଣ ରେଖାରେ ସୀମାପାର ଅନୁପ୍ରବେଶ ଉଦ୍ୟମ ଏବଂ ଆତଙ୍କବାଦୀ କାର୍ଯ୍ୟକଳାପକୁ ଆଉ ସହ୍ୟ କରାଯିବ ନାହିଁ। ଆବଶ୍ୟକ ପଡ଼ିଲେ ଭାରତୀୟ ସେନା ନିୟନ୍ତ୍ରଣ...

ସ୍ବପ୍ନ ପୂରଣ କଲେ ଶିକ୍ଷକ: ଅବସର ଗ୍ରହଣ ପରେ ହେଲିକପ୍ଟରରେ ଗାଁକୁ ଫେରିଲେ

ଅଲଓ୍ବର,୧।୯: ରାଜସ୍ଥାନ ଅଲଓ୍ବରର ରମେଶ ଚାନ୍ଦ ମିନା ନାମକ ଜଣେ ଶିକ୍ଷକ ତାଙ୍କ ସ୍ବପ୍ନ ପୂରଣ କରିବା ଲାଗି ହେଲିକପ୍ଟରରେ ଯାତ୍ରା କରିଛନ୍ତି। କଥା ହେଲା...

ଭାଜପା ନେତାଙ୍କ ଘରୁ ମିଳିଲା ସ୍ବର୍ଣ୍ଣ ପଦକ ବିଜେତା ରେସଲରଙ୍କ ମୃତଦେହ

ଲକ୍ଷ୍ନୌ, ୧୫।୭: ଉତ୍ତର ପ୍ରଦେଶର ଅବଧ ଅଞ୍ଚଳର ମିଡିଆ ପ୍ରଭାରୀ ରୁଖସାନା ନକବୀଙ୍କ ଘରୁ ଜଣେ ସ୍ବର୍ଣ୍ଣ ପଦକ ବିଜେତା ରେସଲର ରେଶମ ସିଂ(୨୬)ଙ୍କ ମୃତଦେହ...

ଛାତ ଉପରେ ୪୦ ପ୍ରକାର ଆମ୍ବ କିସମ ଚାଷ କରି କୃଷି ବିଭାଗର ଦୃଷ୍ଟି ଆକର୍ଷଣ କଲେ ଜୋସେଫ୍‌

କୋଚି,୧୯।୫: ନିଜ ଛାତ ଉପରେ ୪୦ ପ୍ରକାରର ଆମ୍ବ ଗଛ ଲଗାଇ ଏବେ କୃଷି ବିଭାଗର ଦୃଷ୍ଟି ଆକର୍ଷଣ କରିଛନ୍ତି କୋଚି ବାସିନ୍ଦା ଜୋସେଫ୍‌। ୨ଶହ...

ବିଶ୍ୱର ପ୍ରସିଦ୍ଧ ବାମହାତୀ

ଆଜି ଅନ୍ତର୍ଜାତୀୟ ବାମହାତୀ ଦିବସ । ଏହି ଅବସରରେ ବାମହାତୀମାନେ ସମ୍ମୁଖୀନ ହେଉଥିବା ସମସ୍ୟା ବିଷୟରେ ବିଶ୍ୱବ୍ୟାପୀ ସଚେତନତା ସୃଷ୍ଟି କରାଯାଏ। ୧୯୭୬ରେ ଆମେରିକାର ଡିନ୍‌...

selfi corner

Model This Week

Why Dharitri

Leave a comment

Your email address will not be published. Required fields are marked *