ଶ୍ରେଷ୍ଠ ପାଞ୍ଚ: ଓଡ଼ିଶାର ଖରା ଦିନିଆ ପାନୀୟ

ଲସି

ଲସି

ଖରା ଦିନେ ଓଡ଼ିଶାରେ ଲସିର ଚାହିଦା ଅଧିକ ରହିଥାଏ। ଦହିରେ ଚିନି, ନଡ଼ିଆ, ବରଫ, ରାବିଡ଼ି ପକାଇ ଲସି ପ୍ରସ୍ତୁତ କରାଯାଇଥାଏ। ଏହା ବେଶ୍‌ ସ୍ବାଦଯୁକ୍ତ।

ଦହି ପାଣି

ଦହି ପାଣି

ବସା ଦହିରେ ପାଣି ମିଶାଇ ଦହି ପାଣି ଏବଂ ଘୋଳ ଦହି ପ୍ରସ୍ତୁତ କରାଯାଇଥାଏ। ଏହା ଶରୀର ଜଳୀୟ ଅଂଶକୁ ସନ୍ତୁଳିତ କରିଥାଏ। ଏଥିରେ ଲୁଣ, ଜିରା ଗୁଣ୍ଡ, ଗୋଲମରିଚ ଗୁଣ୍ଡ ଆଦି ପକାଯାଇଥାଏ।

ପଇଡ଼ ପାଣି

ପଇଡ଼ ପାଣି

ଖରାଦିନେ ଓଡ଼ିଶାରେ ପଇଡ଼ର ଚାହିଦା ଅଧିକ ରହିଥାଏ। ପଇଡ଼ ପାଣି ପେଟକୁ ଥଣ୍ଡା ରଖିଥାଏ। ଏଥିରେ ଥିବା ଅନ୍ୟ ଉପାଦାନ ସ୍ବାସ୍ଥ୍ୟ ପାଇଁ ଉପଯୋଗୀ ସାବ୍ୟସ୍ତ ହୋଇଥାଏ।

ପୋଦିନା ପାଣି

ପୋଦିନା ପାଣି

ପୋଦିନା ପତ୍ରକୁ ବାଟି ଥଣ୍ଡାପାଣିରେ ମିଶାଇ ଏଥିରେ ଚିନି ଲୁଣ ଓ ଲେମ୍ବୁ ମିଶାଇ ପିଇଲେ ଖରାଦିନେ ପେଟ ଥଣ୍ଡା ରହିଥାଏ।

ଲେମ୍ବୁ ସର୍ବତ

ଲେମ୍ବୁ ସର୍ବତ

ଖରାଦିନେ ଲେମ୍ବୁ ସର୍ବତ ପିଇଲେ ଶରୀରରେ ଜଳୀୟ ଅଂଶ ସନ୍ତୁଳିତ ହୋଇଥାଏ। ପାଣିରେ ଲେମ୍ବୁ, ଲୁଣ ଚିନି ମିଶାଇ ଲେମ୍ବୁ ସର୍ବତ ପ୍ରସ୍ତୁତ କରାଯାଇଥାଏ।