ଶ୍ରେଷ୍ଠ ପାଞ୍ଚ: ଦେବଗଡ଼ର ଜନଜାତି ସମ୍ପ୍ରଦାୟ

କିଷାନ

କିଷାନ

କିଷାନ ଜନଜାତି ଦେବଗଡ଼ ଜିଲାର ଜଙ୍ଗଲ ତଥା ପାହାଡ଼ିଆ ସୀମାବର୍ତ୍ତୀ ଅଞ୍ଚଳରେ ବସବାସ କରନ୍ତି। ଚାଷ ସହିତ ଜଙ୍ଗଲରୁ ମହୁ, ମହୁଲ, ଝୁଣା, ଲାଖ ଆଦି ସଂଗ୍ରହ କରି ଗୁଜୁରାଣ ମେଣ୍ଟାଇଥାନ୍ତି। ଅବସର ସମୟରେ ବିଭିନ୍ନ ଉତ୍ସବ ପାଳନ କରିଥାନ୍ତି। ଚାଙ୍ଗୁ ବାଦ୍ୟଯନ୍ତ୍ର ବଜାଇ ମିଳିତ ଭାବେ ମନ ଖୁସିରେ ଗୀତ ଗାଇଥାନ୍ତି।

 ମୁଣ୍ଡା

ମୁଣ୍ଡା

ମୁଣ୍ଡା ଜନଜାତି ଦେବଗଡ଼ ଜିଲାର ଜଙ୍ଗଲରେ ବସବାସ କରିଥାନ୍ତି। ଚାଷକାମ, ଜଙ୍ଗଲରୁ ଫଳମୂଳ ସଂଗ୍ରହ କରି ତଥା ନିକଟବର୍ତ୍ତୀ ଗାଁରେ ମୂଲଲାଗି ପରିବାର ପୋଷଣ କରିଥାନ୍ତି।

ଭୂୟାଁ

ଭୂୟାଁ

ଭୂୟାଁ ଜନଜାତି ଜଙ୍ଗଲ ନିକଟବର୍ତ୍ତୀ ଗାଁରେ ମୂଲଲାଗି ପେଟ ପୋଷିଥାନ୍ତି। ଖଜୁରି ଓ ତାଳ ତାଡି ସଂଗ୍ରହ କରି ବିକିବା, ଜଙ୍ଗଲଜାତ ଦ୍ରବ୍ୟ ସଂଗ୍ରହ କରି ଗୁଜୁରାଣ ମେଣ୍ଟାଇଥାନ୍ତି।

ଓରାମ୍‌

ଓରାମ୍‌

ଓରାମ୍‌ ଜନଜାତି ଦେବଗଡ଼ ଜିଲାର ପାହାଡ଼ିଆ ଅଞ୍ଚଳରେ ବସବାସ କରନ୍ତି। ଦେବୀ କରମାଶୁଣୀଙ୍କ ପୂଜା ଏହି ଜନଜାତିଙ୍କର ମୁଖ୍ୟ ଉତ୍ସବ। ଏହି ଅବସରରେ ଧାଙ୍ଗଡା-ଧାଙ୍ଗଡି ହାତ ଧରାଧରି ହୋଇ କରମା ନାଚ କରିଥାନ୍ତି।

ଗୋଣ୍ଡ

ଗୋଣ୍ଡ

ଗୋଣ୍ଡ ଜନଜାତି ସମ୍ପ୍ରଦାୟ ଦେବଗଡ଼ର ପାହାଡ଼ିଆ ଅଞ୍ଚଳରେ ବସବାସ କରନ୍ତି। ପୌଷ ଓ ଚୈତ୍ର ମାସରେ ସେମାନେ ବିଭିନ୍ନ ମେଳା ମହୋତ୍ସବରେ ସମୟ କାଟିଥାନ୍ତି। ଚାଷକାମ ଓ ଜଙ୍ଗଲଜାତ ଦ୍ରବ୍ୟ ସଂଗ୍ରହକରି ନିକଟସ୍ଥ ବଜାରରେ ବିକ୍ରିକରି ଗୁଜୁରାଣ ମେଣ୍ଟାଇଥାନ୍ତି।