ଉପକୂଳ ଓଡିଶା

ସୋସିଆଲ୍‌ ମିଡିଆରେ ଚର୍ଚ୍ଚା: ବିଜେଡିକୁ ଯିବେ ରାଜନଗର ବିଧାୟକ

ରାଜନଗର,୧୩।୩(ଡି.ଏନ୍‌.ଏ.)- ରାଜନଗର ବିଧାୟକ ଅଂଶୁମାନ ମହାନ୍ତି ଓ ଜିଲାର ବରିଷ୍ଠ କଂଗ୍ରେସ ନେତା ଗଣେଶ୍ୱର ବେହେରା କଂଗ୍ରେସର ହାତ ଛାଡି ବିଜେଡିରେ ସାମିଲ ହୋଇପାରନ୍ତି ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛନ୍ତି। ଏନେଇ ରାଜନଗରରେ ରାଜନୈତିକ ଉଷ୍ମତା ବୃଦ୍ଧି ପାଇବାରେ ଲାଗିଛି।

ଜିଲା ବିପର୍ଯ୍ୟୟ ପରିଚାଳନା କମିଟି ବୈଠକ

ଜିଲା ବିପର୍ଯ୍ୟୟ ପରିଚାଳନା କମିଟି ବୈଠକ

ଯାଜପୁର ଅଫିସ,୧୩। ୩ ଜିଲା ପ୍ରଶାସନ ପକ୍ଷରୁ ମଙ୍ଗଳବାର ଜିଲାପାଳଙ୍କ ସମ୍ମିଳନୀ କକ୍ଷରେ ଜିଲା ବିପର୍ଯ୍ୟୟ ପରିଚାଳନା କମିଟି କର୍ତ୍ତୃପକ୍ଷଙ୍କ ରୌଦ୍ରତାପ, ଅଂଶୁଘାତ, ଜଳ ଓ ବିଜୁଳି କଷ୍ଟ ନିବାରଣ ନିମନ୍ତେ ପୂର୍ବ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ବିଭିନ୍ନ ଜନଗହଳି ସ୍ଥାନଗୁଡ଼ିକରେ ବିଗତ ବର୍ଷଭଳି ଜଳଛତ୍ର ଖୋଲିବା, ଚଳିତ ବର୍ଷ ମହାମତ୍ା ଗାନ୍ଧୀ ଜାତୀୟ ନିଶ୍ଚିତ କର୍ମ ନିଯୁକ୍ତ ଯୋଜନାରେ ଏହି ଜଳଛତ୍ରଗୁଡିକୁ ପରିଚାଳନା ହେବାକୁ ଥିବାରୁ ସେଥିପାଇଁ ଉପଯୁକ୍ତ ପଦକ୍ଷେପ ନେବା, ଜିଲା ଜରୁରୀ ବିଭାଗ ତରଫରୁ ୨୪ଘଣ୍ଟିଆ ନିୟନ୍ତ୍ରଣ କକ୍ଷ କାର୍ଯ୍ୟ କରିବା, ବ୍ଲକ, ତହସିଲ ଓ ଅନ୍ୟାନ୍ୟ ଲାଇନ୍‌ ଡିପାର୍ଟମେଣ୍ଟଗୁଡ଼ିକ ଅନୁରୂପ ଭାବେ ନିୟନ୍ତ୍ରଣ କକ୍ଷ ଖୋଲିବାକୁ ବୈଠକରେ ନିଷ୍ପତ୍ତି ହୋଇଛି ।

ନାବାଳିକାଙ୍କୁ ଉଲଗ୍ନ କରି ଫଟୋ ଉଠା ଅଭିଯୋଗରେ ୭ ଗିରଫ

ମହାକାଳପଡା,୧୩।୩(ଡି.ଏନ୍‌.ଏ.)- ଜଣେ ନାବାଳିକାଙ୍କୁ ଉଲଗ୍ନ କରି ଫଟୋ ଉଠାଇବା ଅଭିଯୋଗରେ ଜମ୍ବୁ ମେରାଇନ୍‌ ଥାନା ପୋଲିସ ମଙ୍ଗଳବାର ୭ ଜଣ ଅଭିଯୁକ୍ତଙ୍କୁ ଗିରଫକରି କୋର୍ଟ ଚାଲାଣ କରିଛି। କେନ୍ଦ୍ରାପଡା ଜିଲା ମହାକାଳପଡା ବ୍ଲକ ଅନ୍ତର୍ଗତ ରାମନଗର ପଞ୍ଚାୟତରେ ଏଭଳି ଅଭାବନୀୟ ଘଟଣା ଘଟିଛି।

ଖଣି ଅଞ୍ଚଳରେ ହେବ ପାନୀୟ ଜଳ ମେଗା ପ୍ରକଳ୍ପ

ଖଣି ଅଞ୍ଚଳରେ ହେବ ପାନୀୟ ଜଳ ମେଗା ପ୍ରକଳ୍ପ

କାଳିଆପଣି ୧୩।୩(ଡିଏନ୍‌ଏ)- ଖଣି ଅଞ୍ଚଳରେ ଜଳ ସଙ୍କଟ ଦୂର ହେବ । ଏଥିପାଇଁ ଖୁବ୍‌ଶୀଘ୍ର ୧୨୫କୋଟି ଟଙ୍କା ବ୍ୟୟ ବରାଦରେ ଏକ ମେଗାଜଳ ପ୍ରକଳ୍ପ ନିର୍ମାଣ କରାଯିବ ବୋଲି ମଙ୍ଗଳବାର ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡ଼େଇ ପ୍ରକାଶ କରିଛନ୍ତି। ଗ୍ରୀଷ୍ମ ପ୍ରବାହ ବଢୁଥିବା ବେଳେ ଖଣି ସଂଲଗ୍ନ ଗ୍ରାମ ଗୁଡ଼ିକରେ ଜଳସ୍ତର ନିମ୍ନଗାମୀ ହେବାରେ ଲାଗିଛି। ଫଳରେ ଜଳ ସଙ୍କଟ ଦେଖାଯିବାର ବହୁ ସମ୍ଭାବନା ସୃଷ୍ଟି କରିଛି। ଆଉ ଏହାକୁ ମୁକାବିଲା କରିବାକୁ ସୁକିନ୍ଦା ବିଧାୟକ ଘଡ଼େଇଙ୍କ ଅଧ୍ୟକ୍ଷତାରେ ଖଣି ନିଗମ ଅତିଥିଶାଳାରେ ଏକ ବୈଠକ ଅନୁଷ୍ଠିତ ହୋଇଥିଲା। କେନ୍ଦ୍ର ସରକାରଙ୍କ ନିର୍ଦ୍ଦେଶକ୍ରମେ ରାଜ୍ୟ ସରକାର ଖଣିଜ ଓ କାରଖାନା ରହିଥିବା ଅଞ୍ଚଳରେ ଡିଏମ୍‌ଏଫ୍‌ ଫଣ୍ଡ ଗଠନ କରିଛନ୍ତି।

ତେଜରାତି ଦୋକାନରୁ ଚୋରି

ତେଜରାତି ଦୋକାନରୁ ଚୋରି

ନିଶ୍ଚିନ୍ତକୋଇଲି,୧୩।୩(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକ ନେମାଳ ଥାନା ଅନ୍ତର୍ଗତ ନଗସପୁର ବଜାରରେ ଥିବା ଏକ ତେଜରାତି ଦୋକାନରୁ ସୋମବାର ବିଳମ୍ବିତ ରାତିରେ ଚୋରି ହୋଇଛି। ଚୋରମାନେ ଆଜବେଷ୍ଟସ୍‌ ଭାଙ୍ଗି ଦୋକାନରେ ଥିବା ଟିଭି, ନଗଦ ୮୦ ହଜାର ଟଙ୍କା ଏବଂ ବହୁ ସାମଗ୍ରୀ ଚୋରେଇ ନେଇଛନ୍ତି।

ସ୍ଥାୟୀ ବିଡିଓ ନିଯୁକ୍ତି ଦାବିରେ ଆମରଣ ଅନଶନ

ସ୍ଥାୟୀ ବିଡିଓ ନିଯୁକ୍ତି ଦାବିରେ ଆମରଣ ଅନଶନ

ଯାଜପୁର ଅଫିସ,୧୩।୩: ଯାଜପୁର ଜିଲା ବରୀ ବ୍ଲକରେ ସ୍ଥାୟୀ ବିଡିଓ ନିଯୁକ୍ତି ଦାବିରେ ମଙ୍ଗଳବାର ଲୋକ ପ୍ରତିନିଧିମାନେ ଆମରଣ ଅନଶନ ଆରମ୍ଭ କରିଛନ୍ତି। ସେମାନେ ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୁଖରେ ଅନଶନରେ ବସିଛନ୍ତି।

ତେଲ କଡ଼େଇରୁ ନିଆଁ ଲାଗି ୨ ବଖରା ଭସ୍ମ

ତେଲ କଡ଼େଇରୁ ନିଆଁ ଲାଗି ୨ ବଖରା ଭସ୍ମ

ଓଡ଼ଗାଁ, ୧୩।୩(ସ୍ବ.ପ୍ର.): ରୋଷେଇ କରିବା ବେଳେ ମଙ୍ଗଳବାର ସକାଳ ସାଢେ ୮ ଟାରେ ତେଲ କଡ଼େଇରୁ ନିଆଁ ଲାଗି ଓଡ଼ଗାଁ ତହସିଲ ପାଇକ ବାଙ୍କତରା ଗ୍ରାମର ଦୁଇ ବଖରା ଜଳିଯାଇଛି। ସୁରେନ୍ଦ୍ର ନାୟକଙ୍କ ଘରେ ରୋଷେଇ ଚାଲିଥିବା ବେଳେ ଅଗ୍ନିକାଣ୍ଡ ଘଟିଥିଲା। ଏଥିରେ ଘରର ସମସ୍ତ ଆସବାବପତ୍ର ସହ ଜଳିଯାଇଛି। ସ୍ଥାନୀୟ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି।

୬ ଲକ୍ଷରୁ ଊର୍ଦ୍ଧ୍ୱ ଅଲିଭ୍‌ ରିଡ୍‌ଲେଙ୍କ ସମୂହ ଅଣ୍ଡାଦାନ ଜାରି

ରାଜନଗର,୧୨।୩(ଡି.ଏନ୍‌.ଏ.) ରାଜନଗର ବ୍ଲକ ଗହୀରମଥା ସାମୁଦ୍ରିକ ଅଭୟାରଣ୍ୟ ଅନ୍ତର୍ଗତ ବାବୁବାଲି ଦ୍ୱୀପରେ ଅଲିଭ୍‌ ରିଡ୍‌ଲେଙ୍କ ସମୂହ ଅଣ୍ଡାଦାନ ପକ୍ରିୟା ଜାରି ରହିଛି । ମାର୍ଚ୍ଚ ୫ରୁ ଆରମ୍ଭ ହୋଇଥିବା ଏହି ସମୂହ ଅଣ୍ଡାଦାନ ପ୍ରକ୍ରିୟାରେ ରବିବାର ରାତି ସୁଦ୍ଧା ୬ଲକ୍ଷ ୬୦ ହଜାର ୩୨୦ ମା’ କଇଁଛ ସାମିଲ ହୋଇଛନ୍ତି। ଫଳରେ ଏହା ୧୮ ବର୍ଷର ରେକର୍ଡ ସହ ସମକ୍ଷକ ହୋଇଛି। ଏହି ପ୍ରକ୍ରିୟା ଆଉ ୨ଦିନ ଚାଲିବ ବୋଲି ବନବିଭାଗ ସୂତ୍ରରୁ ଜଣାପଡିଛି।

ଜଟିଳ ରୂପ ନେଲାଣି ରକ୍ତାଭାବ

ଜଗତ୍‌ସିଂହପୁର ଅଫିସ,୧୨।୩ ଜଗତ୍‌ସିଂହପୁର ଜିଲା ମୁଖ୍ୟ ଚିକିତ୍ସାଳୟ ରକ୍ତ ଭଣ୍ଡାରରେ ରକ୍ତ ଅଭାବ ପରିଲକ୍ଷିତ ହୋଇଛି। ସୋମବାର ସନ୍ଧ୍ୟା ସୁଦ୍ଧା ଏହି ରକ୍ତ ଭଣ୍ଡାରରେ ମାତ୍ର ୧୧ ୟୁନିଟ୍‌ ରକ୍ତ ରହିଛି, ଯାହାକି ଚିନ୍ତାର ବିଷୟ। କାରଣ ଏହି ଭଣ୍ଡାରରେ ବିଭିନ୍ନ ଗ୍ରୁପ୍‌ର ଅନ୍ତତଃ ୨୦ ୟୁନଟ୍‌ (ନେଗେଟିଭ୍‌ ଗ୍ରୁପ୍‌ ଛାଡି) ରକ୍ତ ସଦାସର୍ବଦା ମହଜୁତ ରହିବା କଥା। ଦୁର୍ଘଟଣା କିମ୍ବା ଅନ୍ୟ କୌଣସି ଜରୁରୀ ଚିକିତ୍ସା ଦରକାର ହେଲେ ଯେପରି ରକ୍ତ ଅଭାବ ଅନୁଭୂତ ନ ହୁଏ, ସେଥିପାଇଁ ଆଗୁଆ ପଦକ୍ଷେପ ନିଆଯିବା ଉଚିତ। କିନ୍ତୁ ବ୍ଲଡ ବ୍ୟାଙ୍କ ଅଧିକାରୀଙ୍କ ଦୂରଦୃଷ୍ଟି ଅଭାବ ଓ ଅନ୍ୟାନ୍ୟ କାରଣରୁ ଏବେଠାରୁ ରକ୍ତ ଅଭାବ ଦେଖାଦେଲାଣି। ଆଗକୁ ପରିସ୍ଥିତି ଅଧିକ ଜଟିଳ ହେବା ଆଶଙ୍କା ରହିଛି। ଗ୍ରୀଷ୍ମ ଯୋଗୁ ରକ୍ତଦାନ ପ୍ରଭାବିତ ହୋଇଛି। ପୂର୍ବପରି ଆଉ ରକ୍ତଦାନ କେନ୍ଦ୍ର କରାଯାଉ ନ ଥିବାବେଳେ ସ୍ବେଚ୍ଛାକୃତ ରକ୍ତଦାନ ପାଇଁ କେହି ସେଭଳି ଆଗଭର ହେଉନାହାନ୍ତି। ଏଥିପାଇଁ ରକ୍ତ ସଂଗ୍ରହରେ ଗୁରୁତର ବାଧା ସୃଷ୍ଟି ହୋଇଛି। ସବୁଠାରୁ ବଡ଼ କଥା ହେଲା ଏବେ ପ୍ରତ୍ୟହ ୮ରୁ ୧୦ ଜଣ ରୋଗୀଙ୍କ ପାଇଁ ରକ୍ତ ଆବଶ୍ୟକ ହେଉଛି, ଯାହାକି ମିଳୁନାହିଁ। ବିଶେଷକରି ନିୟମିତ ବ୍ୟବଧାନରେ ଥାଲାସେମିଆ, ଆନେମିଆ ରୋଗୀ ରକ୍ତ ଆବଶ୍ୟକ କରୁଥିବାବେଳେ ନ ମିଳିବା ଚିନ୍ତାର କାରଣ ହୋଇଛି। ସେମାନେ ରକ୍ତ ନ ପାଇ ଅଧିକ ଅସୁସ୍ଥ ହୋଇପଡୁଛନ୍ତି।

ଅଟୋ ଚାଳକଙ୍କ ଗଳା କାଟି ହତ୍ୟା

ପଟ୍ଟାମୁଣ୍ଡାଇ,୧୨।୩(ସ୍ବ.ପ୍ର.) ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ଡାମରପୁର ଗ୍ରାମର ଅଟୋ ଚାଳକ ରଶ୍ମିକାନ୍ତ ଦାସ (୨୫)ଙ୍କୁ ରବିବାର ବିଳମ୍ବିତ ରାତିରେ ସେହି ଗ୍ରାମର ୩ ଜଣ ଯୁବକ ଧାରୁଆ ବ୍ଲେଡରେ ଗଳା କାଟି ହତ୍ୟା କରିଛନ୍ତି । ଏହି ଘଟଣାରେ ଉକ୍ତ ଗ୍ରାମର ୨ ଜଣ ଯୁବକଙ୍କୁ ପୋଲିସ ଥାନାରେ ଅଟକ ରଖି ପଚରାଉଚୁରା କରୁଛି ।

ଅଶ୍ଳୀଳ ଭିଡିଓ ଭାଇରାଲ୍‌ ଘଟଣା: ୨ ଅଭିଯୁକ୍ତ ଛାତ୍ର କୋର୍ଟ ଚାଲାଣ

ଡେରାବିଶ, ୧୨।୩ (ସ୍ବ.ପ୍ର.) ଡେରାବିଶସ୍ଥିତ ଏକ ପଲିଟେକ୍‌ନିକ୍‌ କଲେଜର ଜଣେ ନାବାଳିକା ଛାତ୍ରୀଙ୍କ ଅଶ୍ଳିଳ ଭିଡିଓ ଭାଇରାଲ ହେବା ଘଟଣାରେ ପୋଲିସ ୨ ଜଣ ଛାତ୍ରଙ୍କୁ ସୋମବାର କୋର୍ଟ ଚାଲାଣ କରିଛି। ଅଭିଯୁକ୍ତ ଦ୍ୱୟ ହେଲେ କଟକ ଜିଲା ଆଠଗଡ଼ ଥାନା ଅଞ୍ଚଳର ସୌମ୍ୟରଞ୍ଜନ ବେହେରା (୨୦) ଓ ନିକିରେଇ ଥାନା ଅଞ୍ଚଳର ତାପସ କୁମାର ରଣା (୧୯)। ସୌମ୍ୟ ଭୁବନେଶ୍ୱରସ୍ଥିତ ଏକ ଘରୋଇ ଇଂଜିନିୟରିଂ କଲେଜରେ ତୃତୀୟ ବର୍ଷର ଛାତ୍ର ହୋଇଥିବା ବେଳେ ତାପସ ଡେରାବିଶ ଥାନା ଅଞ୍ଚଳର ଏକ ପଲିଟେକ୍‌ନିକ୍‌ କଲେଜରେ ପାଠ ପଢ଼ନ୍ତି। ଅପରପକ୍ଷେ ପୋଲିସ ପକ୍ଷରୁ ସମ୍ପୃକ୍ତା ଛାତ୍ରୀଙ୍କ ଡାକ୍ତରୀ ପରୀକ୍ଷା କରାଯିବା ସହ ତାଙ୍କ ବୟାନ ରେକର୍ଡ କରାଯାଇଛି।

କ୍ଷତିପୂରଣ ମିଳିବାରେ ଅଡ଼ୁଆ

କ୍ଷତିପୂରଣ ମିଳିବାରେ ଅଡ଼ୁଆ

ପାରାଦୀପ,୧୨।୩(ସ୍ବ.ପ୍ର.) ‘ଅପରାଧ ପାଇଁ ଗୋଟିଏ ବାଟ, ସେଥିରୁ ମୁକୁଳିବା ପାଇଁ ଶହେ ବାଟ’ ବୋଲି କଥିତ ଅଛି। ସେହି ନ୍ୟାୟରେ ଏବେ ବ୍ୟବସାୟୀକ ଭାରିଯାନ ବୀମାକ୍ଷେତ୍ରରେ ଥିବା ବର୍ଗୀକରଣ ବ୍ୟବସ୍ଥା ଚାଲିଛି, ଯାହାର ଫାଇଦା ନେଉଛନ୍ତି ଅସାଧୁ ଲୋକମାନେ। ଏହାଦ୍ୱାରା ଗାଡ଼ିମାଲିକମାନେ ବୀମାରାଶି କ୍ଷେତ୍ରରେ ଯଦିଓ କିଛିଟା ଲାଭ ପାଉଛନ୍ତି, କିନ୍ତୁ ସେହି ଗାଡି ଦୁର୍ଘଟଣାରେ ମୃତାହତ ଲୋକ କ୍ଷତିପୂରଣ ଅର୍ଥ ପାଇବାରେ ବଳି ପଡୁଛନ୍ତି। କୋର୍ଟର ବିଚାର ବ୍ୟବସ୍ଥାରେ ବୀମା କମ୍ପାନୀ ଓକିଲମାନେ ଛୋଟମୋଟ କାରଣ ଦର୍ଶାଇ ବୀମା ଅର୍ଥକୁ ସଙ୍କୁଚିତ କରିଦେଉଛନ୍ତି। ଏମିତି ଏକାଧିକ ଘଟଣା ବିଭିନ୍ନ ସ୍ଥାନରେ ଦେଖିବାକୁ ମିଳୁଛି।

କଣ୍ଟିଲୋ ଅଶ୍ଳୀଳ ଭିଡିଓ ଭାଇରାଲ୍‌ ଘଟଣା: ୫ ଅଭିଯୁକ୍ତ ଗିରଫ

ନୟାଗଡ଼ ଅଫିସ,୧୨।୩ ନୟାଗଡ଼ ଜିଲା କଣ୍ଟିଲୋ ଅଞ୍ଚଳର ଛାତ୍ରୀଛାତ୍ରଙ୍କ ଅଶ୍ଳୀଳ ଭିଡିଓ ଭାଇରାଲ୍‌ ଘଟଣାରେ ମୁଖ୍ୟ ଅଭିଯୁକ୍ତଙ୍କ ସମେତ ୫ ଜଣଙ୍କୁ ଗିରଫ କରାଯାଇଛି। ଏ ନେଇ ସୋମବାର ଏକ ଖବରଦାତା ସମ୍ମିଳନୀରେ ଏସ୍‌ପି ଆଶିଷ କୁମାର ସିଂ ସୂଚନା ଦେଇଛନ୍ତି। ଭାଇରାଲ୍‌ ହୋଇଥିବା ଭିଡିଓର ମୁଖ୍ୟ ଅଭିଯୁକ୍ତ ପବିତ୍ର କୁମାର ନାୟକ (୨୨) ଓ ଏହି ଭିଡିଓ ଭାଇରାଲ୍‌ କରିବାରେ ସହଯୋଗ କରିଥିବା ଅନ୍ୟ ୪ ଜଣ ଲିପୁନ ନାୟକ(୧୯), ରବି ରାଉତ(୨୮), ତପନ କୁମାର ଦାସ (୨୨) ଓ କାଳିଆ ବେହେରା (୧୯)ଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ସମସ୍ତ ଅଭିଯୁକ୍ତଙ୍କ ଘର ଖଣ୍ଡପଡ଼ା ବ୍ଲକ ସିଧାମୂଳା ଗ୍ରାମରେ ହୋଇଥିବା ବେଳେ ସେମାନଙ୍କ ମଧ୍ୟରୁ ରବି ରାଉତ ଜଣେ ଭିନ୍ନକ୍ଷମ ଯୁବକ। ପୋଲିସ ୫ ଜଣଙ୍କ୍‌ଠାରୁ ୫ଟି ମୋବାଇଲ୍‌ ଜବତ କରିଛି। ସେହିଭଳି ଏହି ଭିଡିଓ ଭାଇରାଲ୍‌ ଘଟଣାରେ ସମୀର ନାମକ ଜଣେ ଯୁବକ ଫେରାର୍‌ ଥିବା ପୋଲିସ ସୂଚନା ଦେଇଛି।

ଧରୁଛି ଉପର ମହଲା, ଖସାଉଛି ଯୋଗାଣ ବିଭାଗ

ଯାଜପୁର ଅଫିସ,୧୨।୩ ଚଳିତ ମାସ ପ୍ରଥମ ସପ୍ତାହରେ ଯାଜପୁର ଜିଲାର ଷଠିପୁର ଅଞ୍ଚଳରୁ କିରୋସିନ ଭର୍ତ୍ତି ଜାର ଜବତ ଘଟଣା ପରେ ଚୋରା କାରବାରରେ ଜିଲା ଯୋଗାଣ ବିଭାଗର ସିଧାସଳଖ ସମ୍ପର୍କର ପର୍ଦ୍ଦାଫାଶ ହୋଇଛି। ଏହାବାଦ ନିକଟ ଅତୀତରେ ଯାଜପୁର ଜିଲା ବଡ଼ଚଣା ବ୍ଲକ ଭୁଷଣ୍ଡପୁରର ଏକ ସରକାରୀ ଖୁଚୁରା ବିକ୍ରୟ କେନ୍ଦ୍ରରେ ନିମ୍ନମାନର ଚାଉଳ ବଣ୍ଟନ ଏବଂ ଭଦ୍ରକ ଜିଲାରୁ ପାଣିକୋଇଲି ଗୋଦାମକୁ ଆସିଥିବା ବ୍ୟବହାର ଅନୁପଯୋଗୀ ବିଆରଏଲ (ବିଲୋ ରିଜେକ୍ସନ ଲିମିଟେଡ) ଚାଉଳ ସଂକ୍ରାନ୍ତରେ ଉପର ମହଲାର ପର୍ଦ୍ଦାଫାସ ପରେ ଯୋଗାଣ ବିଭାଗର ସାଧୁତା ନେଇ ପ୍ରଶ୍ନବାଚୀ ସୃଷ୍ଟି କରିଛି। ଏଭଳି ଅନିୟମିତତାରେ ସମ୍ପୃକ୍ତ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ରିପୋର୍ଟ ଦେବାକୁ ଉପର ମହଲସ୍ତରରେ ନିର୍ଦ୍ଦେଶ ହେଉଥିଲେ ହେଁ ଜିଲା ଯୋଗାଣ ବିଭାଗ ଅତି ଚାଲାକି ଭାବେ ଖସାଇ ଚାଲିଛି।

ମିଳିଲା ପୋଖରୀରୁ ଉଦ୍ଧାର ମୃତଦେହର ପରିଚୟ

କେନ୍ଦ୍ରାପଡ଼ା ଅଫିସ,୧୨।୩: କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଗୋପ ଛକ ନିକଟସ୍ଥ ଏକ ପରିତ୍ୟକ୍ତ ପୋଖରୀରୁ ରବିବାର ସନ୍ଧ୍ୟାରେ ଉଦ୍ଧାର କରାଯାଇଥିବା ମୃତଦେହ ସୋମବାର ଚିହ୍ନଟ ହୋଇଛି। ମୃତକ ହେଲେ କର୍ନାଟକ ରାଜ୍ୟର ବିଜାପୁର ଜିଲା ସିନ୍ଦ୍ରମା ଗ୍ରାମର ଶୁଭପ୍ପା।

ମିନିଟ୍ରକ୍‌ ଦୁର୍ଘଟଣା: ୨ ମୃତ, ୧ ଗୁରୁତର

ମିନିଟ୍ରକ୍‌ ଦୁର୍ଘଟଣା: ୨ ମୃତ, ୧ ଗୁରୁତର

କେନ୍ଦ୍ରାପଡ଼ା, ୧୨।୩: କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ କଟକ-ଚାନ୍ଦବାଲି ରାଜ୍ୟ ରାଜପଥର ଜଜାଙ୍ଗସ୍ଥିତ ଏସ୍‌ପି କାର୍ଯ୍ୟାଳୟ ସମ୍ମୁଖରେ ରବିବାର ବିଳମ୍ବିତ ରାତିରେ ଏକ ୪୦୭ ମିଟିଟ୍ରକ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୨ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି।

ଷଣ୍ଢ ଆକ୍ରମଣରେ ବୃଦ୍ଧ ମୃତ

ଯାଜପୁର ଅଫିସ,୧୨।୩: ଯାଜପୁର ଜିଲା ରସୁଲପୁର ବ୍ଲକ ଓଡିଶୋ ପଞ୍ଚାୟତ ଅନ୍ତର୍ଗତ ମେଳକ ଗ୍ରାମରେ ସୋମବାର ଏକ ଷଣ୍ଢ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଛି। ବୃଦ୍ଧ ଜଣକ ହେଲେ ମେଳକ ଗ୍ରାମର ଚନ୍ଦ୍ରମଣି ନନ୍ଦି(୭୫)।

ଜିଲାପାଳଙ୍କ ଦ୍ୱିମାସିକ ଅଭିଯୋଗ ଶୁଣାଣି ଶିବିର

ଜିଲାପାଳଙ୍କ ଦ୍ୱିମାସିକ ଅଭିଯୋଗ ଶୁଣାଣି ଶିବିର

ଓଡ଼ଗାଁ, ୧୨।୩(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ବ୍ଲକରେ ସୋମବାର ଜିଲାପାଳ ଅରିନ୍ଦମ ଡାକୁଆଙ୍କ ଦ୍ୱିମାସିକ ଅଭିଯୋଗ ଶୁଣାଣି ଶିବିବର ଅନୁଷ୍ଠିତ ହୋଇଛି। ଓଡ଼ଗାଁ ବିଜ୍ଞାପିତ ଅଞ୍ଚଳ ସମେତ ୩୬ ପଞ୍ଚାୟତରୁ ଲୋକମାନେ ସେମାନଙ୍କ ଭତ୍ତା, ରାଶନକାର୍ଡ, ମୋ କୁଡିଆ ଆଦି ସମ୍ପର୍କରେ ଅଭିଯୋଗ ପଞ୍ଜୀକୃତ କରିଛନ୍ତି। ମୁଖ୍ୟତଃ ପୋଲଗାଁ ପଞ୍ଚାୟତର ପାଣିଭଣ୍ଡାର ଗ୍ରାମର ଶତାଧିକ ଭତ୍ତା ହିତାଧିକାରୀ ପଞ୍ଚାୟତ କାର୍ଯ୍ୟାଳୟ ପରିବର୍ତ୍ତେ ସେମାନଙ୍କ ଗାଁରେ ଭତ୍ତା ବଣ୍ଟନ କରିବାକୁ ଦାବି କରିଆସୁଥିଲେ।

ଅବହେଳିତ ବୈତରଣୀ ରୋଡ ରେଳଷ୍ଟେଶନ

ଅବହେଳିତ ବୈତରଣୀ ରୋଡ ରେଳଷ୍ଟେଶନ

କୋରେଇ,୧୧।୩(ସ୍ବ.ପ୍ର) କୋରେଇ ବ୍ଲକ ଅନ୍ତର୍ଗତ ବୈତରଣୀ ରୋଡ ରେଳଷ୍ଟେଶନ ଜିଲାର ସର୍ବ ପୁରାତନ ରେଳଷ୍ଟେଶନ। ଏହି ପୁରାତନ ଷ୍ଟେଶନଟି ଏ ପର୍ଯ୍ୟନ୍ତ ଅବହେଳିତ ହୋଇ ରହିଥିବାରୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଏହାର ସମାଧାନ ପାଇଁ ଅଞ୍ଚଳବାସୀ ବିଭିନ୍ନ ସମୟରେ ରେଳ ବିଭାଗର ଉଚ୍ଚ ଅଧିକାରୀଙ୍କ ନିକଟରେ ଦାବି କରି ଆସିଛନ୍ତି ଓ ବିଭିନ୍ନ ସମୟରେ ଆନ୍ଦୋଳନାମତ୍କ ପନ୍ଥା ଅବଲମ୍ବନ କରିଛନ୍ତି। ବିଭାଗୀୟ ଅଧିକାରୀ ପ୍ରତିଶ୍ରୁତି ଦେଇ ଏପର୍ଯ୍ୟନ୍ତ କୌଣସି ସମାଧାନ କରି ନ ଥିବା ଅଭିଯୋଗ ହୋଇଛି।

ବାଲି, ପଥରର ଅଭାବ ରିପୋର୍ଟ ହାସ୍ୟାସ୍ପଦ

ବାଲି, ପଥରର ଅଭାବ ରିପୋର୍ଟ ହାସ୍ୟାସ୍ପଦ

ଯାଜପୁର ଅଫିସ,୧୧।୩ ପ୍ରଧାନମନ୍ତ୍ରୀ ସଡ଼କ ଯୋଜନା (ପିଏମଜିଏସୱାଇ)ରେ ଯାଜପୁର ଜିଲାର ଗ୍ରାମ୍ୟ ନିର୍ମାଣ ଡିଭିଜନ-୨ ଅଧୀନରେ ୨୦୧୭-୧୮ ଆର୍ଥିକ ବର୍ଷରେ ୪୪ଟି ପ୍ରକଳ୍ପ ହାତକୁ ନିଆଯାଇଛି। ଏହି ପ୍ରକଳ୍ପ ମାଧ୍ୟମରେ ୯୩.୩୮୦ କି.ମି. ଲମ୍ବ ରାସ୍ତା ନିର୍ମାଣର ଲକ୍ଷ୍ୟ ରହିଛି। ହେଲେ ଚଳିତ ଆର୍ଥତ୍କ ବର୍ଷ ଶେଷ ହେବାକୁ ଆଉ ମାତ୍ର ୨୦ ଦିନ ବାକି ରହିଥିବାବେଳେ ମାତ୍ର ୧୨ଟି ପ୍ରକଳ୍ପରେ ୬୩.୦୪୪ କି.ମି. ରାସ୍ତା ନିର୍ମାଣ ହୋଇଥିବା ରିପୋର୍ଟରେ ଜଣାପଡ଼ିଛି। ଲଘୁ ଖଣିଜ ଦ୍ରବ୍ୟ ଅଭାବରୁ ୧୭ଟି ପ୍ରକଳ୍ପ ନିର୍ମାଣରେ ସମସ୍ୟା ଦେଖା ଦେଇଥିବା ବିଭାଗ ପକ୍ଷରୁ ସଫେଇ ଦିଆଯାଇଛି। ଯାଜପୁର ଜିଲାରେ ହଜାରରୁ ଊର୍ଦ୍ଧ୍ୱ ବେଆଇନ ବାଲି ଖାଦାନ ଚାଲିଛି। ୫୦୦ରୁ ଊର୍ଦ୍ଧ୍ୱ ବେଆଇନ କଳାପଥର ଖାଦାନରୁ ପଥର ଲୁଟ ହେଉଛି। ଖାଦାନ ମାଲିକ ଗୋଷ୍ଠୀ ଓ ମାଫିଆ ଗୋଷ୍ଠୀ ମଧ୍ୟରେ ରୟାଲଟି ଆଦାୟକୁ ନେଇ ସଂଘର୍ଷ ହେଉଛି। ଗତ ଦେଢ ବର୍ଷ ମଧ୍ୟରେ ବେଆଇନ ପଥର ଖାଦାନରେ ୧୨ଜଣ ଶ୍ରମିକଙ୍କ ମୃତ୍ୟୁ ହୋଇସାରିଛି। ଅଥଚ ବାଲି, ମୋରମ, ପଥର ଅଭାବରୁ ପିଏମଜିଏସୱାଇ ରାସ୍ତା ନିର୍ମାଣରେ ବାଧା ସୃଷ୍ଟି ହେଉଥିବା ରିପୋର୍ଟ ହାସ୍ୟାସ୍ପଦ ଓ ସମ୍ପୂର୍ଣ୍ଣ ମିଥ୍ୟା ବୋଲି କୁହାଯାଉଛି। ନିଜ ଦୋଷ ଦୁର୍ବଳତା ଲୁଚାଇବାକୁ ଏହା ପୂର୍ବ ପ୍ରସ୍ତୁତି ବୋଲି ମତ ପ୍ରକାଶ ପାଉଛି।

ହେଲମେଟ ଚେକିଂରେ କାର୍ଯ୍ୟ ସୀମିତ

ଚଣ୍ଡିଖୋଲ,୧୧।୩(ଡି.ଏନ୍‌.ଏ.) ଯାଜପୁର ଜିଲାର ଏକମାତ୍ର ଟ୍ରାଫିକ୍‌ ଥାନା ଚଣ୍ଡିଖୋଲଠାରେ ସ୍ଥାପିତ ହୋଇଛି। ଦୀର୍ଘ ୪ ବର୍ଷ ତଳୁ ଏହି ଥାନା ଏକ ଭଡ଼ା ଘରେ ଚାଲିଥିଲା ତେଣୁ ଡିସେମ୍ବର ୧୫ରେ ବିଧିବଦ୍ଧ ଭାବେ ଏକ ବିଶାଳ ନିଜସ୍ବ ଗୃହରେ ଏହି ଥାନାକୁ ଉଦ୍‌ଘାଟନ କରାଯାଇଥିଲା। ଚଣ୍ଡିଖୋଲ ଛକ ୩ଟି ଜାତୀୟ ରାଜପଥର ସଂଯୋଗସ୍ଥଳ ହୋଇଥିବାରୁ ଏହି ସ୍ଥାନରେ ଟ୍ରାଫିକ୍‌ର ଗୁରୁତ୍ୱକୁ ଉପଲବ୍ଧି କରି ରାଜ୍ୟ ପୋଲିସ ମହା ନିର୍ଦ୍ଦେଶକ ଏହାକୁ ଉଦ୍‌ଘାଟନ କରିଥିଲେ। ଯାହା ଜିଲାରେ ଟ୍ରାଫିକ୍‌ ବ୍ୟବସ୍ଥାକୁ ଶୃଙ୍ଖଳିତ କରିବା ସହ ନିୟମ ଭଙ୍ଗକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଘୋଷଣା କରାଯାଇଥିଲା। ଏହି ଥାନାଟି ଜଣେ ଇନ୍ସପେକ୍ଟରଙ୍କ ତତ୍ତ୍ୱାବଧାନରେ ରହିଥିବାବେଳେ ୩୭ ଜଣ କର୍ମଚାରୀ ଓ ସରକାରୀ ଗାଡ଼ି ଯୋଗାଇ ଦିଆଯାଇଛି। ୩ଟି ଜାତୀୟ ରାଜପଥର ୧୫୫କିଲୋମିଟର ପରିସୀମା ମଧ୍ୟରେ ଟ୍ରାଫିକ୍‌ ବ୍ୟବସ୍ଥାକୁ ସୁସଙ୍ଗତ କରିବା ପାଇଁ ଏହି ଥାନାକୁ କ୍ଷମତା ପ୍ରଦାନ କରାଯାଇଛି। ତେବେ ଥାନା ଉଦ୍‌ଘାଟନ ହେବାର ୩ ମାସ ବିତି ଯାଇଥିଲେ ମଧ୍ୟ ତାହା କାର୍ଯ୍ୟକାରୀ ହୋଇ ନ ଥିବା ନେଇ ସାଧାରଣରେ ଅଭିଯୋଗ ହୋଇଛି।

ଅଜଣା ବାଇକକୁ ଜାଳିଦେଲେ ଦୁର୍ବୃତ୍ତ

ଅଜଣା ବାଇକକୁ ଜାଳିଦେଲେ ଦୁର୍ବୃତ୍ତ

ଆଳି,୧୧।୩(ଡି.ଏନ୍‌.ଏ): କେନ୍ଦ୍ରାପଡା ଜିଲା ଆଳି ଥାନା ଅନ୍ତର୍ଗତ ଅରବିନ୍ଦ ଉଚ୍ଚ ପ୍ରାଥମିକ ବିଦ୍ୟାଳୟ ନିକଟରେ ରବିବାର ଗୋଟିଏ ଅଜଣା ବାଇକ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ।

କଲେଜ ଛାତ୍ରୀଙ୍କ ଅଶ୍ଳୀଳ ଭିଡିଓ ଭାଇରାଲ କରି ୨ ଛାତ୍ର ଅଟକ

କଲେଜ ଛାତ୍ରୀଙ୍କ ଅଶ୍ଳୀଳ ଭିଡିଓ ଭାଇରାଲ କରି ୨ ଛାତ୍ର ଅଟକ

ଡେରାବିଶ,୧୧।୩(ଡି.ଏନ୍‌.ଏ): କେନ୍ଦ୍ରାପଡା ଜିଲା ଡେରାବିଶ ଥାନା ଅନ୍ତର୍ଗତ ସରକାରୀ ପଲିଟେକ୍‌ନିକ୍‌ କଲେଜର ଜନୈକା ଛାତ୍ରୀଙ୍କ ଅଶ୍ଳୀଳ ଭିଡିଓ ସୋସିଆଲ ମିଡିଆରେ ଭାଇରାଲ କରିବା ଘଟଣାରେ ପୋଲିସ ୨ ଛାତ୍ରଙ୍କୁ ଅଟକ ରଖିଛି।

କଣ୍ଟିଲୋ ଭିଡିଓ ଭାଇରାଲ ଘଟଣାର ମୁଖ୍ୟ ଅଭିଯୁକ୍ତ ଅଟକ

ନୟାଗଡ଼ ଅଫିସ,୧୧।୩: ନୟାଗଡ଼ ଜିଲା କଣ୍ଟିଲୋ ମହାବିଦ୍ୟାଳୟର ଛାତ୍ରୀଛାତ୍ରଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ ଘଟଣାର ଅଭିଯୁକ୍ତ ଛାତ୍ରଙ୍କୁ ଶନିବାର ବିଳମ୍ବିତ ରାତିରେ ଖଣ୍ଡପଡ଼ା ପୋଲିସ ଅଟକ ରଖିଛି। ରବିବାର ତାଙ୍କର ଡାକ୍ତରିମାଇନା କରାଯିବା ସହ ତାଙ୍କୁ ପଚରାଉଚୁରା ଜାରି ରଖିଛି। ସୂଚନାଯୋଗ୍ୟ, ଭିଡିଓ ଭାଇରାଲ ହେବାପରେ ନାବାଳିକା ଛାତ୍ରୀଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା।