ଉପକୂଳ ଓଡିଶା

କାର୍‌ ଧକ୍କାରେ ବୃଦ୍ଧ ମୃତ: କ୍ଷତିପୂରଣ ଦାବିରେ ରାସ୍ତାରୋକୋ

କାର୍‌ ଧକ୍କାରେ ବୃଦ୍ଧ ମୃତ: କ୍ଷତିପୂରଣ ଦାବିରେ ରାସ୍ତାରୋକୋ

ନିଶ୍ଚିନ୍ତକୋଇଲି,(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକ କୋଲଣପୁର ନିକଟରେ ବୁଧବାର କାର୍‌ ଧକ୍କାରେ ବୃଦ୍ଧଙ୍କ ମୃତ୍ୟୁ ଘଟିଛି। ସେ ହେଲେ କୋଲଣପୁର ପଞ୍ଚାୟତ ଦିଙ୍ଗେଶ୍ୱର ଗ୍ରାମର କୁଞ୍ଜବିହାରୀ ପାତ୍ର(୬୫)।

ହାଇଓ୍ବା ଚାପାରେ ଯୁବତୀ ମୃତ

ହାଇଓ୍ବା ଚାପାରେ ଯୁବତୀ ମୃତ

ଯାଜପୁର ଅଫିସ, ୧୧।୪: ଯାଜପୁର ଜିଲା କୁଆଖିଆ- ବରୁଆଁ ରାସ୍ତାର କବିରପୁର ହାଇସ୍କୁଲ ପାଖରେ ବୁଧବାର ମଧ୍ୟାହ୍ନରେ ହାଇୱା ଚାପାରେ ଜଣେ ଯୁବତୀଙ୍କ ମୃତ୍ୟୁ ଘଟିଛି। ସେ ହେଲେ ଯାଜପୁର ସଦର ଥାନା ଅନ୍ତର୍ଗତ ଝାଲପଡା ଗ୍ରାମର ମନୀଷା ଭୋଇ(୨୦)।

ଡକାୟତି ଯୋଜନା ପଣ୍ଡ: ୪ ଗିରଫ

ଡକାୟତି ଯୋଜନା ପଣ୍ଡ: ୪ ଗିରଫ

ଓଡଗାଁ, ୧୧।୪(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ଥାନା ଦୂତିକେଶ୍ୱର ମହାଦେବଙ୍କ ମନ୍ଦିର ନିକଟରେ ଡକାୟତି ନିମନ୍ତେ ଯୋଜନା କରୁଥିବା ବେଳେ ସ୍ଥାନୀୟ ପୋଲିସ ୪ ଜଣଙ୍କୁ ଗିରଫ କରିଛି। ଜଣେ ଫେରାର ହେବାରେ ସଫଳ ହୋଇଛନ୍ତି।

ପ୍ରଧାନ ଶିକ୍ଷୟିତ୍ରୀଙ୍କ ନିଲମ୍ବନ ପ୍ରତ୍ୟାହାର ଦାବିରେ ଛାତ୍ରୀଛାତ୍ରଙ୍କ ଧାରଣା

ପ୍ରଧାନ ଶିକ୍ଷୟିତ୍ରୀଙ୍କ ନିଲମ୍ବନ ପ୍ରତ୍ୟାହାର ଦାବିରେ ଛାତ୍ରୀଛାତ୍ରଙ୍କ ଧାରଣା

ରଘୁନାଥପୁର,୧୧।୪(ଡି.ଏନ୍‌.ଏ.): ରଘୁନାଥପୁର ବ୍ଲକ ରେତୁଆସ୍ଥିତ ବୃନ୍ଦାବନ ଚନ୍ଦ୍ର ବିଦ୍ୟାମନ୍ଦିର ପ୍ରଧାନ ଶିକ୍ଷୟିତ୍ରୀ ରୁକ୍‌ସାନା ତବସୁମ୍‌ଙ୍କ ନିଲମ୍ବନ ପ୍ରତ୍ୟାହାର ଓ ପୁନଃ ନିଯୁକ୍ତି ଦାବିରେ ବିଦ୍ୟାଳୟର ଶତାଧିକ ଛାତ୍ରୀଛାତ୍ର ବୁଧବାର ଗେଟ୍‌ ସମ୍ମୁଖରେ ଧାରଣାରେ ବସିଥିଲେ।

ତାଲିକାରେ ନାମ ନଥିତ୍ବା ପରିବାରଙ୍କ ଚେତାବନୀ : ଆମ ବିନା ମା’ପଞ୍ଚୁବରାହୀ ଯିବେ ନାହିଁ ବଗପାଟିଆ

ତାଲିକାରେ ନାମ ନଥିତ୍ବା ପରିବାରଙ୍କ ଚେତାବନୀ : ଆମ ବିନା ମା’ପଞ୍ଚୁବରାହୀ ଯିବେ ନାହିଁ ବଗପାଟିଆ

ରାଜନଗର,୧୦।୪(ଡି.ଏନ୍‌.ଏ.) ଆଗାମୀ ଜୁନ୍‌ ସୁଦ୍ଧା କେନ୍ଦ୍ରାପଡା ଜିଲା ରାଜନଗର ବ୍ଲକ ଅନ୍ତର୍ଗତ ବଙ୍ଗୋପସାଗର ତଟବର୍ତ୍ତୀ ସାତଭାୟାର ୫୭୧ ପରିବାରଙ୍କୁ ବଗପାଟିଆରେ ଥଇଥାନ କରିବା ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି। ଏହି ନିର୍ଦ୍ଦେଶକ୍ରମେ ଥଇଥାନ ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚତ୍ଛି। ତେବେ ସାତଭାୟାର ୧୫୦ ପରିବାର ଏହି ଥଇଥାନ ପ୍ରକ୍ରିୟାରୁ ବଞ୍ଚତ୍ତ ହୋଇଛନ୍ତି ।

ଜଳପଥ ଅବରୋଧ କରିଛି କଳିଙ୍ଗ କାଲସିନର କାର୍ବନ କମ୍ପାନୀ

ପାରାଦୀପ,୧୦।୪(ସ୍ବ.ପ୍ର.) ପାରାଦୀପର ଦୋଛକି ନିକଟରେ ଥିବା କଳିଙ୍ଗ କାଲସିନର କାର୍ବନ କମ୍ପାନୀ ପାଇଁ ପୁଣି ଅଡୁଆ ପରିସ୍ଥିତି ସୃଷ୍ଟି ହୋଇଛି। ଗତବର୍ଷ ଉକ୍ତ କମ୍ପାନୀକୁ ଅତ୍ୟଧିକ ପ୍ରଦୂଷଣ ପାଇଁ ଏନ୍‌ଜିଟି (ନ୍ୟାଶନାଲ ଗ୍ରୀନ୍‌ ଟ୍ରିବ୍ୟୁନାଲ) କ୍ଲୋଜର ନୋଟିସ ଦେବା ପରେ ତାହା ବନ୍ଦ ରହିଛି। ଉକ୍ତ କାରଖାନାକୁ ପୁଣି କାର୍ଯ୍ୟକ୍ଷମ କରିବାକୁ କର୍ତ୍ତୃପକ୍ଷ ସାନି ଆବେଦନ କରିବା ପରେ ୨ଥର ଜନଶୁଣାଣି ହୋଇଥିଲା। ଏହା ଏବେ ବିଚାରାଧୀନ ଅଛି। ଏଭଳି ପରିସ୍ଥିତିରେ କମ୍ପାନୀ ବିରୋଧରେ ଆଉ ଏକ ମାମଲା ଯୋଡ଼ିହୋଇଛି। ଏହି କମ୍ପାନୀ ସରକାରୀ ପତିତ କିସମ ଓ ପାଣିଜୋର ନଦୀକୁ ଅବରୋଧ କରି ପାଚେରି ବୁଲାଇଛି ବୋଲି ସ୍ଥାନୀୟ ଉଦୟବଟ ବାସିନ୍ଦା ନବଘନ ପରିଡ଼ା, ଗୋପବନ୍ଧୁ ପରିଡ଼ା, ଅଜିତ କୁମାର ଦାସ, ହରେକୃଷ୍ଣ ମଲ୍ଲ, ବିଷ୍ଣୁଚରଣ ସାହୁ, ବୃନ୍ଦାବନ ଦାସ ପ୍ରମୁଖ ହାଇକୋର୍ଟରେ ଅଭିଯୋଗ କରିଥିଲେ। ଏନେଇ ନଂ. ୧୬୦/୧୮ରେ ଏକ ମକଦ୍ଦମା ରୁଜୁ ହୋଇଛି।

ପୋଡ଼ିଯାଉଛି ପାନପତ୍ର, ଚିନ୍ତାରେ ଚାଷୀ

ପୋଡ଼ିଯାଉଛି ପାନପତ୍ର, ଚିନ୍ତାରେ ଚାଷୀ

କୁଜଙ୍ଗ,୧୦।୪(ସ୍ବ.ପ୍ର.) ତୈଳ ବିଶୋଧନାଗାର ବିଷାକ୍ତ ଗ୍ୟାସ୍‌ ଓ ଶିଳ୍ପ ଜନିତ ପ୍ରଦୂଷଣ ଏବେ ପାନଚାଷୀଙ୍କ ଚିନ୍ତା ବଢାଇ ଦେଇଛି। ସ୍ଥାନୀୟ ଢିଙ୍କିଆ ପଞ୍ଚାୟତର ତ୍ରିଲୋଚପୁର ଗ୍ରାମରେ ବିଶୋଧାନଗାର ଓ ଅନ୍ୟ ଶିଳ୍ପ କାରଖାନାର ପ୍ରଦୂଷଣ ଯୋଗୁ ପାନଚାଷ ବିଶେଷ ଭାବେ କ୍ଷତିଗ୍ରସ୍ତ ହେଉଥିବା ଚାଷୀମାନେ ଅଭିଯୋଗ କରିଛନ୍ତି।

ବିଷାକ୍ତ ଫଳଖାଇ  ୬ ଛାତ୍ରୀଛାତ୍ର ଅସୁସ୍ଥ

ବିଷାକ୍ତ ଫଳଖାଇ ୬ ଛାତ୍ରୀଛାତ୍ର ଅସୁସ୍ଥ

ପଟ୍ଟାମୁଣ୍ଡାଇ,୧୦।୪(ସ୍ବ.ପ୍ର.) ପଟ୍ଟାମୁଣ୍ଡାଇ ବ୍ଲକ କଖାରୁଣୀ ପଞ୍ଚାୟତ ଅନ୍ତର୍ଗତ ତଳପଡା ହରିଜନ ସାହି ପ୍ରକଳ୍ପ ପ୍ରାଥମିକ ବିଦ୍ୟାଳୟରେ ମଙ୍ଗଳବାର ପୂର୍ବାହ୍ନ ୧୦ଟା ବେଳେ ବିଷାକ୍ତ ଫଳଖାଇ ବିଦ୍ୟାଳୟର ୬ଜଣ ଛାତ୍ରୀଛାତ୍ର ଅସ୍‌ୁସ୍ଥ ହୋଇପଡିଥିଲେ। ତୁରନ୍ତ ସେମାନଙ୍କୁ ଚିକିତ୍ସା ନିମନ୍ତେ ପଟ୍ଟାମୁଣ୍ଡାଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଚିକିତ୍ସାପରେ ସମସ୍ତେ ସ୍‌ୁସ୍ଥ ହୋଇ ଘରକୁ ଫେରିଯାଇଛନ୍ତି।

ପକ୍କାଘର ଯୋଗାଇଦେବାକୁ ପ୍ରଶାସନର ପ୍ରତିଶ୍ରୁତି

କାଳିଆପାଣି,୧୦।୪(ଡି.ଏନ୍‌.ଏ.) କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ପ୍ରଧାନମନ୍ତ୍ରୀ ଆବାସ ଯୋଜନା ମାଧ୍ୟମରେ ଯୋଗାଇ ଦିଆଯାଉଥିବା ଗୃହରେ ଜମିପଟ୍ଟା ପ୍ରତିବନ୍ଧକ ସାଜିଥିବା ଖଣି ଅଞ୍ଚଳର ଏକ ପଞ୍ଚାୟତ ରିପୋର୍ଟରୁ ଜଣାପଡିଛି । ଯାଜପୁର ଜିଲା ସୁକିନ୍ଦା ବ୍ଲକ ଖଣି ପ୍ରଭାବିତ ୪ ପଞ୍ଚାୟତରେ ଆଗାମୀ ଦୁଇବର୍ଷ ଭିତରେ ସ୍ଥାନୀୟବାସୀଙ୍କୁ ପକ୍କାଗୃହ ଯୋଗାଇଦେବା ପାଇଁ ପ୍ରଶାସନ ପକ୍ଷରୁ ଧାର୍ଯ୍ୟ କରାଯାଇଛି । ଏ ନେଇ ବିଗତ ବର୍ଷ ଖଣି ଅଞ୍ଚଳର ସମସ୍ତ ଗ୍ରାମରେ ମାତ୍ର ୫ ପ୍ରତିଶତ ପକ୍କାଘର ନିର୍ମାଣ କରାଯାଇଛି ।

ଗୃହ ଉଦ୍‌ଘାଟନ କାର୍ଯ୍ୟକ୍ରମକୁ ଲୋକପ୍ରତିନିଧି, ଅଧିକାରୀଙ୍କୁ ମନା

ଗୃହ ଉଦ୍‌ଘାଟନ କାର୍ଯ୍ୟକ୍ରମକୁ ଲୋକପ୍ରତିନିଧି, ଅଧିକାରୀଙ୍କୁ ମନା

ଯାଜପୁର ଅଫିସ,୧୦।୪ ଯାଜପୁର ଜିଲାରେ ଥିବା ଦୁଇ କେନ୍ଦ୍ରୀୟ ବିଦ୍ୟାଳୟରେ ରାଜନୈତିକ ପଶାଖେଳ ଆରମ୍ଭ ହୋଇଛି । କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ଏହି ବିଦ୍ୟାଳୟ କର୍ତ୍ତୃପକ୍ଷ ରାଜ୍ୟ ସରକାରଙ୍କ କୌଣସି ଅଧିକାରୀ କିମ୍ବା ଲୋକ ପ୍ରତିନିଧିଙ୍କୁ ଖାତିର କରୁନାହାନ୍ତି । ଫଳରେ କେନ୍ଦ୍ରୀୟ ବିଦ୍ୟାୟଳରେ ପାଠ ପଢୁଥିବା ଛାତ୍ରୀଛାତ୍ରଙ୍କ ଭବିଷ୍ୟତକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଯାହାଫଳରେ ବିଦ୍ୟାଳୟର ପ୍ରଚଳିତ ନିର୍ଦ୍ଦେଶନାମା ଅନୁସାରେ ଅଧ୍ୟକ୍ଷ ପଦବୀରେ ରହୁଥିବା ଜିଲାପାଳ ରଞ୍ଜନ କୁମାର ଦାସ ତାଙ୍କ ପଦବୀରୁ ଇସ୍ତଫା ପ୍ରଦାନ କରିଛନ୍ତି। ମଙ୍ଗଳବାର ଦଶରଥପୁର ବ୍ଲକ ଅକରପଦା ଗ୍ରାମରେ କେନ୍ଦ୍ରିୟ ବିଦ୍ୟାଳୟର ନିଜସ୍ବ ନୂତନ କୋଠାର ଉଦ୍‌ଘାଟନ ଉସତ୍ବରେ ଏହାର ପ୍ରଭାବ ଦେଖିବାକୁ ମିଳିଥିଲା। ଯାଜପୁର ବିଧାୟକ ପ୍ରଣବପ୍ରକାଶ ଦାସ, ଜିଲାପାଳ ଦାସ ଓ ଏମ୍‌ପି ରୀତା ତରାଇ କାର୍ଯ୍ୟକ୍ରମରେ ଉପସ୍ଥିତ ନ ଥିଲେ। କେନ୍ଦ୍ର ମନ୍ତ୍ରୀ ଜୁଏଲ ଓରାମ ମୁଖ୍ୟଅତିଥି ଭାବରେ ଯୋଗଦେଇ ନୂତନ ଗୃହର ଉଦ୍‌ଘାଟନ କରିଥିଲେ। ଅଥଚ ରାଜ୍ୟ ସରକାରଙ୍କ ପକ୍ଷରୁ ବିଧାୟକ, ଏମ୍‌ପି ଓ ଜିଲାପାଳଙ୍କୁ ନିମନ୍ତ୍ରଣ ହୋଇଥିଲେ ହେଁ ସେମାନେ କାର୍ଯ୍ୟକ୍ରମରେ ଯୋଗଦେଇ ନ ଥିଲେ। ଏଭଳିସ୍ଥିତିରେ ଜିଲାପାଳ ଅଧ୍ୟକ୍ଷ ପଦବୀରୁ ଇସ୍ତଫା ଦେବା ଫଳରେ କେନ୍ଦ୍ରୀୟ ବିଦ୍ୟାଳୟରେ ନାମ ଲେଖା ପ୍ରକ୍ରିୟାରେ ବାଧା ସୃଷ୍ଟି ହୋଇଛି।

ରାଇସ୍‌ ମିଲ୍‌ରୁ ବାହାରୁଛି ବିଷାକ୍ତ ପାଣି

ରାଇସ୍‌ ମିଲ୍‌ରୁ ବାହାରୁଛି ବିଷାକ୍ତ ପାଣି

ଯାଜପୁର ଅଫିସ/ଛତିଆ (ଡି.ଏନ.ଏ.),୧୦।୪ ଯାଜପୁର ଜିଲାରେ କାର୍ଯ୍ୟକ୍ଷମ ରାଇସ ମିଲ୍‌ ଗୁଡିକରେ ଉନ୍ନତମାନର ଇଟିପି କାର୍ଯ୍ୟକାରୀ କରିବାରେ ଅନିୟମିତତା ଯୋଗୁ ଯାଜପୁର ଜିଲା ବଡ଼ଚଣା ବ୍ଲକରେ ଜଳ ଓ ବାୟୁ ପ୍ରଦୂଷଣ ଉତ୍କଟ ହୋଇଛି। ୧୬ନମ୍ବର ଜାତୀୟ ରାଜପଥର କଟକ ଓ ଯାଜପୁର ଜିଲା ସୀମାନ୍ତକୁ ଲାଗି ରହିଥିବା ଏକ ରାଇସ ମିଲ୍‌ରୁ ନିର୍ଗତ ବିଷାକ୍ତ ପାଣି ସଫେଇ ନାଳର ଜଳକୁ ଜହର କରୁଛି । ଏହି ସଫେଇ ନାଳ ପାଣି ଗେଙ୍ଗୁଟୀ ନଦୀରେ ମିଶୁଥିବାରୁ ନଦୀଜଳ ଉପରେ ନିର୍ଭର କରୁଥିବା ପ୍ରାୟ ୧୦ଟି ଜନବସତି ସର୍ବାଧିକ ପ୍ରଭାବିତ ହେଉଛନ୍ତି। ଏହାବାଦ ରଙ୍ଗିଦାସପୁର ଛକରେ ଥିବା ଶୀତଳ ଭଣ୍ଡାରର ପଚାପାଣିର ଉକତ୍ଟ ଗନ୍ଧରେ ୨ଟି ଗ୍ରାମର ଲୋକେ ଅସ୍ତବ୍ୟସ୍ତ ହେଉଥିବା ଅଭିଯୋଗ ହେଉଛି। ତେବେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବିଭାଗର କେଉଁ ଆଞ୍ଚଳିକ କାର୍ଯ୍ୟାଳୟ ଅଧୀନରେ ଏହି ରାଇସ ମିଲ ଓ ଶୀତଳଭଣ୍ଡାର ରହିଛି ତାକୁ ନେଇ ବିବାଦ ରହିଥିବାରୁ କୌଣସି ପ୍ରତିକାର ବ୍ୟବସ୍ଥା ହୋଇପାରୁ ନ ଥିବା ସୂଚନା ମିଳିଛି।

ବିଜେଡିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ

ବିଜେଡିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ

ଜଗତ୍‌ସିଂହପୁର ଅଫିସ,୧୦।୪: ସ୍ଥାନୀୟ ଏକ ମଣ୍ଡପ ପରିସରରେ ଜଗତ୍‌ସିଂହପୁର ଜିଲା ବିଜେଡି ପକ୍ଷରୁ ମଙ୍ଗଳବାର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଜିଲା ବିଜେଡି ସଭାପତି ବିଷ୍ଣୁ ଦାସ, ଜିଲା ଯୋଜନା ବୋର୍ଡ ଅଧ୍ୟକ୍ଷ ତଥା ବିଧାୟକ ପ୍ରଶାନ୍ତ ମୁଦୁଲି ପ୍ରମୁଖ ଉପସ୍ଥିତ ଥିଲେ।

ଦଳ ଛାଡିଲେ ଭାଜପା, ଆପ ଓ କଂଗ୍ରେସ ନେତା

କେନ୍ଦ୍ରାପଡା ଅଫିସ,୯।୪-ସୋମବାର ଭୁବନେଶ୍ୱରସ୍ଥ ନବୀନ ନିବାସରେ ମୁଖ୍ୟମନ୍ତ୍ରୀଙ୍କ ଉପସ୍ଥତିରେ କେନ୍ଦ୍ରାପଡା ବିଧାନସଭା ନିର୍ବାଚନମଣ୍ଡଳୀର ଭାଜପା, ଆପ, ଜନତା ଦଳ ଓ କଂଗ୍ରେସର ୩୯ ନେତା ଓ କର୍ମୀ ବିଜେଡିରେ ସାମିଲ ହୋଇଛନ୍ତି । ଏଥିରେ ଅଛନ୍ତି କେନ୍ଦ୍ରାପଡା ମ୍ୟୁନିସିପାଲିଟିର ପୂର୍ବତନ କାଉନସିଲର, ବିଭିନ୍ନ ପୂଜା କମିଟି ,ସଂଗଠନର କର୍ମକର୍ତ୍ତା ଓ ସାମାଜିକ କର୍ମୀ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେଡିରେ ଯୋଗ ଦେଇଥିବା ସମସ୍ତ କର୍ମୀଙ୍କୁ ସ୍ବାଗତ କରିବା ସହ ଏହାଦ୍ୱାରା ଦଳ ଅଧିକ ମଜଭୁତ ହେବ ବୋଲି କହିଛନ୍ତି । ନିର୍ବାଚନମଣ୍ଡଳୀର ଏହି ମିଶ୍ରଣ ପର୍ବ ସ୍ଥାନୀୟ ଅଞ୍ଚଳରେ ଯେତିକି ଆଲୋଡନ ଖେଳାଇବା କଥା, ତାହା ହୋଇ ପାରିନାହିଁ । କଂଗ୍ରେସ ଦଳର ଜନୈକ ପୂର୍ବତନ କାଉନସିଲରଙ୍କ ସମେତ ଅନ୍ୟ କେତେଜଣ ବିଜେଡିରେ ସାମିଲ ପାଇଁ ଗତ ରାତିରେ ସମସ୍ତ ପ୍ରସ୍ତୁତି ସାରିଥିବା ବେଳେ ହଠାତ୍‌ ଏଥିରୁ ଓହରି ଆସିବା ଘଟଣା ଏହି ମିଶ୍ରଣ ପର୍ବକୁ ଫିକା ପକାଇ ଦେଇଛି । ଏହି ଘଟଣା ନିର୍ବାଚନମଣ୍ଡଳୀର ରାଜନୈତିକ ବାତାବରଣକୁ ଦିନସାରା ଉଷ୍ମ ରଖିଛି। ଏହା ପଛରେ କେନ୍ଦ୍ରାପଡା ବିଧାନସଭା ନିର୍ବାଚନମଣ୍ଡଳୀ ପାଇଁ ନେତୃତ୍ୱ ପରିବର୍ତ୍ତନ ହେବାକୁ ଥିବା ଏକ କାରଣ ବୋଲି ରାଜନୈତିକ ବିଶେଷଜ୍ଞମାନେ ମତ ଦେଇଛନ୍ତି ।

ସମର୍ଥକ ବନାମ ଦାୟାଦ

ପାରାଦୀପ,୯।୪(ସ୍ବ.ପ୍ର.) ପାରାଦୀପ ନିର୍ବାଚନମଣ୍ଡଳୀ ବିଜେଡି ରାଜନୀତିରେ ଏବେ ଏକ ନୂଆ ସମୀକରଣ ଦେଖିବାକୁ ମିଳିଛି। ବିଧାୟକ ଦାମ ରାଉତଙ୍କ ସମର୍ଥକ ଓ ତାଙ୍କ ପୁଅଙ୍କ ସମର୍ଥକଙ୍କ ମଧ୍ୟରେ ଛକାପଞ୍ଝା ରାଜନୀତି ଆରମ୍ଭ ହୋଇଛି। ଏହି ଘଟଣା କିଛିଦିନ ହେଲା ଚାଲିଥିଲେ ହେଁ ବାହାରକୁ ସେତେ ଜଣାପଡୁ ନ ଥିଲା। ତେବେ ରବିବାର ରାତିରେ ପାରାଦୀପରେ ଅନୁଷ୍ଠିତ ଦୁଇଟି କ୍ରିକେଟ୍‌ ଟୁର୍ନାମେଣ୍ଟ ଉଦ୍‌ଯାପନ ଉତ୍ସବରେ ଏହା ସ୍ପଷ୍ଟ ହୋଇଛି।

ଋଣ ଯୋଗାଣରେ ପାତରଅନ୍ତର

ଯାଜପୁର ଅଫିସ,୯। ୪ ଗ୍ରାମାଞ୍ଚଳ ତଥା ସହରାଞ୍ଚଳର ଉଦ୍ୟୋଗୀଙ୍କ ଦ୍ୱାରା ଲଘୁ ଉଦ୍ୟୋଗ ସ୍ଥାପନ ପାଇଁ ଗଠିତ ଲଘୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ) ବିଭାଗ ପକ୍ଷରୁ ପ୍ରଣୀତ ବିଭିନ୍ନ ଯୋଜନା ପ୍ରକୃତ ଆବଶ୍ୟକ କରୁଥିବା ଲୋକଙ୍କୁ ମିଳୁ ନାହିଁ। ଏହା ଏବେ ଥିଲାବାଲାଙ୍କ ପାଇଁ ଉଦ୍ଦିଷ୍ଟ ହୋଇଛି। ଖିଲାପି ସାବିତ୍ରୀ ରାଇସ୍‌ ମିଲ୍‌କୁ ୫୦ଲକ୍ଷ ଟଙ୍କା ଯୋଗାଇ ଦେବା ଘଟଣାରୁ ଏହା ସ୍ପଷ୍ଟ ହୋଇଛି । ୨୦୧୭-୧୮ ଆର୍ଥିକ ବର୍ଷରେ ଲକ୍ଷ୍ୟଧାର୍ଯ୍ୟ ହାସଲ ହୋଇଥିବା ନେଇ ଯାଜପୁର ଜିଲା ଶିଳ୍ପ କେନ୍ଦ୍ର ପକ୍ଷରୁ ଖୁସି ପ୍ରକଟ କରାଯାଉଛି। ଜିଲାର ୧୦ଟି ବ୍ଲକ ଓ ୨ଟି ପୌରାଞ୍ଚଳରେ ଧାର୍ଯ୍ୟଲକ୍ଷ୍ୟ ୨,୨୧୦ ମଧ୍ୟରୁ ୨,୨୨୨ ଜଣଙ୍କୁ ଏମ୍‌ଏସ୍‌ଏମ୍‌ଇ-ଜିଆଇପିରେ ସାମିଲ କରାଯାଇଛି। ହେଲେ ଏଥିରେ ସାମଗ୍ରୀକ ଶିଳ୍ପ ବିକାଶକୁ ତ୍ୱରାନ୍ବିତ କରିବା ପରିବର୍ତ୍ତେ ଉକ୍ତ ଯୋଜନା କେବଳ ଧନୀଶ୍ରେଣୀର ଲୋକଙ୍କ କାମରେ ଲାଗୁଛି। ଫଳରେ ଜିଲାର ଶିଳ୍ପ ବିକାଶ ପାଇଁ ଗୁରୁଦାୟିତ୍ୱ ବହନ କରୁଥିବା ଶିଳ୍ପକେନ୍ଦ୍ର, ବ୍ୟାଙ୍କ/ଆର୍‌ଆର୍‌ବି, କେଭିଆଇସି ଓ କେଭିଆଇବି ଆବଶ୍ୟକତା ଅନୁଯାୟୀ ସକ୍ରିୟ ହେଉ ନ ଥିବା ଯୋଗୁ ଜିଲାରେ ଶିଳ୍ପ ବିକାଶର ଗତି ଦିନକୁ ଦିନ ମନ୍ଥର ହେବାରେ ଲାଗିଛି।

୩ମାସରେ କଂକ୍ରିଟ ଧାନଖଳା ଫାଟି ଆଁ

୩ମାସରେ କଂକ୍ରିଟ ଧାନଖଳା ଫାଟି ଆଁ

ସୁକିନ୍ଦା,୯। ୪(ଡି.ଏନ.ଏ.)- ସୁକିନ୍ଦା ବ୍ଲକ ଅନ୍ତର୍ଗତ ବନ୍ଧଗାଁଠାରେ ନବ ନିର୍ମିତ କଂକ୍ରିଟ ଧାନ ଖଳା ବ୍ୟବହାର ପୂର୍ବରୁ ବ୍ୟବହାର ଅନୂପଯୋଗୀ ହୋଇପଡ଼ିଥିବା ଦେଖିବାକୁ ମିଳିଛି। ନିର୍ମାଣର ମାତ୍ର ୩ମାସ ନ ଯାଉଣୁ ଉକ୍ତ ଖଳାର ଚାରିପାଖ ଫାଟି ଆଁ କରିଥିବା ପରିଲକ୍ଷିତ ହୋଇଛି। ପ୍ରକାଶ ଯେ, ଚାଷୀଙ୍କ ନିମନ୍ତେ ରାଜ୍ୟ ଏବଂ କେନ୍ଦ୍ର ସରକାର ଅନେକ ପ୍ରକଳ୍ପ ତଥା ଯୋଜନା ପ୍ରସ୍ତୁତ କରି ତଦନୁଯାୟୀ ବିଭିନ୍ନ ବିଭାଗକୁ କାର୍ଯ୍ୟ ବଣ୍ଟନ କରିଛନ୍ତି। ସେଥିରୁ ଚାଷୀଙ୍କୁ ସୁବିଧାରେ ଅମଳକ୍ଷମ କରାଇବା ପାଇଁ ପଞ୍ଚାୟତଗୁଡିକରେ କଂକ୍ରିଟ ଧାନ ଖଳା ନିର୍ମାଣ କରାଯାଉଛି। ଏହା ଦ୍ୱାରା ଚାଷୀମାନେ ଅଦିନିଆ ବର୍ଷା ପରେ ମଧ୍ୟ ଅମଳ ଜନିତ ଅସୁବିଧାରେ ନ ପଡି ସୁବିଧାରେ ଉକ୍ତ ଖଳାରେ ଅମଳ କରିପାରିବେ।

ଭିଜିଲାନ୍ସ ଜାଲରେ ଡାଟାଏଣ୍ଟ୍ରି ଅପରେଟର

ଭିଜିଲାନ୍ସ ଜାଲରେ ଡାଟାଏଣ୍ଟ୍ରି ଅପରେଟର

ଜଗତ୍‌ସିଂହପୁର ଅଫିସ,୯।୪: ଜଗତ୍‌ସିଂହପୁର ଜିଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ ଡାଟାଏଣ୍ଟ୍ରି ଅପରେଟର ଅରବିନ୍ଦ କାନୁନ୍‌ଗୋ ସୋମବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। ସୂଚନାନୁଯାୟୀ, ଏରସମା ଥାନା ପଞ୍ଚୁପଲୀର ଶିବାନୀ ଆଚାର୍ଯ୍ୟ ତାଙ୍କ ଦିବ୍ୟାଙ୍ଗ ମାମୁଙ୍କ ଜୀବିକା ପ୍ରମାଣପତ୍ର ବାହାର କରିବା ପାଇଁ ସିଡିଏମ୍‌ଓଙ୍କ କାର୍ଯ୍ୟାଳୟକୁ ଆସିଥିଲେ।

ବିଇଓ ଲାଞ୍ଚ ମାଗିବା ଭିଡିଓ ଭାଇରାଲ

ବିଇଓ ଲାଞ୍ଚ ମାଗିବା ଭିଡିଓ ଭାଇରାଲ

ନୟାଗଡ଼ ଅଫିସ, ୯।୪: ନୟାଗଡ଼ ଜିଲା ଖଣ୍ଡପଡ଼ା ବ୍ଲକ ଶିକ୍ଷା ଅଧିକାରୀ(ବିଇଓ) ୨ ଶିକ୍ଷକଙ୍କଠାରୁ ଏରିୟର୍‌ ବିଲ୍‌ ପାସ୍‌ କରାଇଦେବା ପାଇଁ ୪ ହଜାର ଟଙ୍କା ଲାଞ୍ଚ ମାଗୁଥିବା ଏକ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହୋଇଛି।

କେନ୍ଦ୍ରୀୟ ବିଦ୍ୟାଳୟର ପ୍ରବେଶ ଉତ୍ସବ

କେନ୍ଦ୍ରୀୟ ବିଦ୍ୟାଳୟର ପ୍ରବେଶ ଉତ୍ସବ

ପାରାଦୀପ, ୯।୪ (ସ୍ବ.ପ୍ର.): ପାରାଦୀପ କେନ୍ଦ୍ରୀୟ ବିଦ୍ୟାଳୟରେ ସୋମବାର ପୂର୍ବାହ୍ନରେ ପ୍ରଥମ ଶ୍ରେଣୀ ଛାତ୍ରୀଛାତ୍ରଙ୍କ ପାଇଁ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରଥମ ଶ୍ରେଣୀରେ ସିଲେକ୍ସନ୍‌ ହୋଇଥିବା ଛାତ୍ରୀଛାତ୍ରଙ୍କ ପାଇଁ ବିଦ୍ୟାଳୟ ପରିସରରେ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ପାରାଦୀପ କପ୍‌ ଟୁର୍ନାମେଣ୍ଟ: ନୌଶିପ୍‌ ଭାଇଜାଗ୍‌ ଚାମ୍ପିୟନ୍‌

ପାରାଦୀପ କପ୍‌ ଟୁର୍ନାମେଣ୍ଟ: ନୌଶିପ୍‌ ଭାଇଜାଗ୍‌ ଚାମ୍ପିୟନ୍‌

ପାରାଦୀପ, ୯।୪ (ସ୍ବ.ପ୍ର.): ପାରାଦୀପ ଭେଟେରାନ କ୍ରିକେଟ୍‌ କାଉନସିଲ ପକ୍ଷରୁ ଚାଲିଥିବା ପାରାଦୀପ କପ୍‌ ଟୁର୍ନାମେଣ୍ଟରେ ଭାଇଜାଗ୍‌ର ନୌଶିପ୍‌ କ୍ରିକେଟ କ୍ଲବ ଚାମ୍ପିୟନ୍‌ ହୋଇଛି। ସ୍ଥାନୀୟ ନୂଆବଜାରସ୍ଥିତ ଗୋପବନ୍ଧୁ ଷ୍ଟାଡିୟମ୍‌ଠାରେ ରବିବାର ବିଳମ୍ବିତ ରାତିରେ ଉକ୍ତ ୨୦-୨୦ ଫାଇନାଲ ମ୍ୟାଚ୍‌ ଅନୁଷ୍ଠିତ ହୋଇଥିଲା।

ନୋଳିଆଙ୍କ ପାଇଁ ସ୍ବତନ୍ତ୍ର ଅକ୍ସନ ହଲ୍‌

ପାରାଦୀପ,୮।୪(ସ୍ବ.ପ୍ର.) ପାରାଦୀପ ମାଛଧରା ବନ୍ଦର ପରିସରରେ ପାରମ୍ପରିକ ମତ୍ସ୍ୟଜୀବୀଙ୍କ ପାଇଁ ସ୍ବତନ୍ତ୍ର ଅକ୍ସନ ହଲ୍‌ ନିର୍ମାଣ କରିବାକୁ ଶନିବାର ଜାଗା ଚିହ୍ନଟ ହୋଇଛି। ୫୦ ମିଟର ଲମ୍ବ ଓ ୨୦ ମିଟର ପ୍ରସ୍ଥ ବିଶିଷ୍ଟ ଏହି ଅକ୍ସନ ହଲ୍‌ ବନ୍ଦରର ଦକ୍ଷିଣ ପାର୍ଶ୍ୱ ମହାନଦୀ ସଂଲଗ୍ନ ଜାଗାରେ ହେବ। ଏଥିସହ ଡ୍ରାଏଡକ୍‌ (ଟ୍ରଲର ମରାମତି ସ୍ଥାନ) ସ୍କିପ୍‌ ଓ୍ବେ, ଉପକୂଳ ସୁରକ୍ଷାରେ ନିୟୋଜିତ ସରକାରୀ ପାଟ୍ରୋଲିଂ ବୋଟ୍‌ ରହିବା ପାଇଁ ଜାଗା ଚିହ୍ନଟ ହୋଇଛି। ଏହି ସବୁ ପ୍ରକଳ୍ପ ପାଇଁ ଜାଗା ଚିହ୍ନଟ କରିବା ନିମନ୍ତେ ମତ୍ସ୍ୟ ବିଭାଗର ଯୁଗ୍ମ ନିର୍ଦ୍ଦେଶକ (ଉପକୂଳ) ପ୍ରତାପ ରଞ୍ଜନ ରାଉତ, କାର୍ଯ୍ୟ ନିର୍ବାହୀ ଯନ୍ତ୍ରୀ ନଳିନୀକାନ୍ତ ପାଢି ପରିଦର୍ଶନରେ ଆସିଥିଲେ। ଦିନତମାମ ସେମାନେ ବନ୍ଦର ମଧ୍ୟରେ ଟ୍ରଲର ମାଲିକ ସଂଘର କର୍ମକର୍ତ୍ତା, ପାରମ୍ପରିକ ମତ୍ସ୍ୟଜୀବୀ ପ୍ରତିନିଧିଙ୍କ ସହ ଆଲୋଚନା କରି ଉପରୋକ୍ତ ନିଷ୍ପତ୍ତି ନେଇଥିଲେ।

କୃଷି କାର୍ଯ୍ୟାଳୟର ନୂତନ ଗୃହରେ ପଡ଼ିଛି ତାଲା

କୃଷି କାର୍ଯ୍ୟାଳୟର ନୂତନ ଗୃହରେ ପଡ଼ିଛି ତାଲା

ଏରସମା,୮।୪(ସ୍ବ.ପ୍ର.) ଏରସମା ବ୍ଲକ ଅନ୍ତର୍ଗତ କୃଷି ସୂଚନା ଓ ପରାମର୍ଶ କେନ୍ଦ୍ରର ନୂତନ ଗୃହ ଉଦ୍‌ଘାଟନ ପରଠାରୁ ତାଲାପଡି ରହିଛି। ଇତିମଧ୍ୟରେ ୩ବର୍ଷ ବିତିଥିଲେ ମଧ୍ୟ ଏହା ବ୍ୟବହୃତ ହୋଇପାରୁନାହିଁ। ଏକ ବିପଦସଙ୍କୁଳ ପୁରୁଣା ଗୃହରେ ଏହି କାର୍ଯ୍ୟାଳୟ ଚାଲିଛି। ଏହାକୁ କାର୍ଯ୍ୟକ୍ଷମ କରିବାକୁ ବିଭିନ୍ନ ମହଲରୁ ଦାବି ହୋଇଆସୁଥିଲେ ମଧ୍ୟ କେହି ସେଥିପ୍ରତି ଦୃଷ୍ଟି ଦେଉନାହାନ୍ତି।

ବିନା ଏନ୍‌ଓସିରେ ଚାଲିଛି ବେସରକାରୀ ବିଦ୍ୟାଳୟ

ଜଗତ୍‌ସିଂହପୁର ଅଫିସ,୮।୪ ରାଜ୍ୟରେ ବେସରକାରୀ ଶିକ୍ଷାନୁଷ୍ଠାନ ସଂଖ୍ୟା ବଢି ଚାଲିଛି। ଏହି ଅନୁସାରେ ଜଗତ୍‌ସିଂହପୁର ଜିଲାରେ ମଧ୍ୟ ଏହି ବିଦ୍ୟାଳୟ ସଂଖ୍ୟା ବଢୁଛି। ତେବେ ଏସବୁ ବିଦ୍ୟାଳୟ ମନଇଛା ଖୋଲିପାରିବ ନାହିଁ ବୋଲି ସରକାରୀ ନିର୍ଦ୍ଦେଶ ଥିଲେ ସୁଦ୍ଧା ତାହା ପ୍ରହସନରେ ପରିଣତ ହୋଇଛି। ବେସରକାରୀ ଶିକ୍ଷାନୁଷ୍ଠାନ (୧ମରୁ ୮ମ ଶ୍ରେଣୀ ପର୍ଯ୍ୟନ୍ତ) ଖୋଲିବାକୁ ହେଲେ ଏନ୍‌ଓସି (ନୋ ଅବଜେକ୍ସନ୍‌ ସାର୍ଟିଫିକେଟ୍‌) ବାଧ୍ୟତାମୂଳକ। କିନ୍ତୁ ଜଗତ୍‌ସିଂହପୁର ଜିଲା ବିଶେଷକରି ଜିଲା ମୁଖ୍ୟାଳୟରେ ଏକାଧିକ ବିଦ୍ୟାଳୟ ଏନ୍‌ଓସି ପାଇ ନ ଥିଲେ ସୁଦ୍ଧା ସେଗୁଡିକ ଉପରେ କଟକଣା ଲଗାଯାଉନାହିଁ।

ଶାବଳରେ ପିଟି ଭାଇକୁ ହତ୍ୟା

ରାଜକନିକା, ୮।୪(ଡି.ଏନ୍‌.ଏ.)- ରାଜକନିକା ଥାନା ଅନ୍ତର୍ଗତ ବାଘବୁଦା ଗ୍ରାମରେ ରବିବାର ଅପରାହ୍ନରେ ଏକ ଅଭାବନୀୟ ଘଟଣା ଘଟିଛି। ନିଜ ବଡଭାଇକୁ ଶାବଳରେ ପିଟି ସାନଭାଇ ହତ୍ୟା କରିବା ପରେ ଥାନାରେ ଆତ୍ମ ସମର୍ପଣ କରିଛନ୍ତି।