ଉପକୂଳ ଓଡିଶା

ବୈଜୟନ୍ତଙ୍କ ନିର୍ବାଚନୀ ସତ୍ୟପାଠ ମାମଲାର  ଶୁଣାଣି ସୋମବାର

ବୈଜୟନ୍ତଙ୍କ ନିର୍ବାଚନୀ ସତ୍ୟପାଠ ମାମଲାର ଶୁଣାଣି ସୋମବାର

କେନ୍ଦ୍ରାପଡ଼ା ଅଫିସ, ୬।୫:କେନ୍ଦ୍ରାପଡ଼ା ଏସଡିଜେଏମ ନିହାର ରଞ୍ଜନ ସାହୁଙ୍କ କୋର୍ଟରେ ଗତ ମାର୍ଚ୍ଚ ୧୫ ତାରିଖରେ ଏମ୍‌ପି ବୈଜୟନ୍ତ ପଣ୍ଡାଙ୍କ ନାମରେ ହୋଇଥିବା ନିର୍ବାଚନୀ ସତ୍ୟପାଠ ମାମଲାର ଶୁଣାଣି ଆସନ୍ତା ସୋମବାରକୁ ଘୁଞ୍ଚି ଯାଇଛି । ୨୧୭/୧୮ର ଏହି ମାମଲାରେ କଟକ ଜିଲା ହରିଅନ୍ତା ଗ୍ରାମର ଭୋଟର ଗୋପାଳ ଚନ୍ଦ୍ର ଲେଙ୍କା ଏମପି ପଣ୍ଡାଙ୍କ ନିର୍ବାଚନୀ ସତ୍ୟପାଠରେ ସତ୍ୟତା ନ ଥିବା ଦର୍ଶାଇ ଅଭିଯୋଗ କରିଥିଲେ । ଏହି ମାମଲାର ଶୁଣାଣି ଶନିବାର ହେବାର ଥିଲା । ସୂଚନାଯୋଗ୍ୟ ଯେ, ଏହିପରି ଏକ ଅଭିଯୋଗ ସଦର ଥାନା ଅନ୍ତର୍ଗତ ଉଦୟନଗରସ୍ଥ ଦିଲୀପ ଦାସ ଏସଡିଜେଏମ ସାହୁଙ୍କ କୋର୍ଟରେ ଗତ ୧ ତାରିଖରେ କରିଛନ୍ତି । ଏହି ଅଭିଯୋଗକୁ ଏସଡିଜେଏମ ସାହୁ ଟାଉନ ଥାନାରେ ପଞ୍ଜିକୃତ କରି ତଦନ୍ତ ରିପୋର୍ଟ ଆସନ୍ତା ଜୁଲାଇ ୨୫ ତାରିଖ ସୁଦ୍ଧା ଦେବା ପାଇଁ ଥାନା ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ।

ଅଗ୍ନିକାଣ୍ଡରେ ୧୦ ବଖରା ଭସ୍ମୀଭୂତ

ବିରଜାକ୍ଷେତ୍ର, ୬।୫(ଡିଏନଏ)- ଯାଜପୁର ବ୍ଲକ ଜାହାନପୁର ପଞ୍ଚାୟତ କପିଳେଶ୍ୱର ଗ୍ରାମ ତେଲି ସାହିରେ ଅଗ୍ନିକାଣ୍ଡ ଘଟି ୧୦ ବଖରା ଭସ୍ମୀଭୁତ ହୋଇଯାଇଛି। ଫଳରେ ଜୟରାମ ବାରିକ, ବିନୋଦ ବାରିକ, ଆନନ୍ଦ ବାରିକ, କେଶବ ଦାସ, ଶତ୍ରୁଘ୍ନ ବାରିକ, ବିଟଳି ବାରିକ, ଉର୍ମିଳା ଦାସ, କାଳନ୍ଦୀ ବାରିକ, ଅଭୟ ବାରିକ, ପୂର୍ଣ୍ଣଚନ୍ଦ୍ର ବାରିକ ବାସହରା ହୋଇପଡ଼ିଛନ୍ତି। ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ। ତେବେ ନିଆଁର ବେଗ ପ୍ରଖର ଥିବାରୁ କୌଣସି ଆସବାବପତ୍ର ଉଦ୍ଧାର କରାଯାଇପାରି ନ ଥିଲା। ଯାଜପୁର ଓ ବିଞ୍ଝାରପୁର ଦମକଳବାହିନୀ ଆସି ଦୀର୍ଘ ୨ଘଣ୍ଟା ପରିଶ୍ରମ କରି ନିଆଁକୁ ଆୟତ୍ତ କରିଥିଲେ।

ବନ୍ଦ ହେଲା ସେତୁ ନିର୍ମାଣ କାର୍ଯ୍ୟ

ରତ୍ନଗିରି,୬।୫(ଡିଏନଏ) :ବରୀ ବ୍ଲକ ଅଧୀନସ୍ଥ ବାଲିବିଲି ପଞ୍ଚାୟତର ଡିହସାହି ନିକଟରେ ଦୁଧେଇ ନଦୀରେ ନିର୍ମାଣ ହେଉଥିବା ସେତୁ କାର୍ଯ୍ୟ ଅତ୍ୟନ୍ତ ନିମ୍ନମାନର ହେଉଥିବାରୁ ସ୍ଥାନୀୟ ଗ୍ରାମବାସୀ ଏହାକୁ ପ୍ରବଳ ବିରୋଧ କରିଛନ୍ତି। ଫଳରେ ଉକ୍ତ କାର୍ଯ୍ୟ ବନ୍ଦ ରହିଥିବା ଜଣାପଡିଛି। ସୂଚନା ଯେ, ଗତ ୫।୧୨।୨୦୧୧ରେ ଡିହସାହି ରାଜସ୍ବ ଗ୍ରାମକୁ ଯୋଗାଯୋଗ ନିମନ୍ତେ ସରକାରଙ୍କ ଗ୍ରାମ୍ୟ ଉନ୍ନୟନ ବିଭାଗ ତରଫରୁ ୪କୋଟି ୬୧ଲକ୍ଷ ୭୨୯ ଟଙ୍କା ମଞ୍ଜୁର ହୋଇଥିଲା। ସ୍ଥାନୀୟ ବିଧାୟକ ଦେବାଶିଷ ନାୟକ ଏହି ସେତୁ ନିର୍ମାଣ କାର୍ଯ୍ୟର ଶିଳାନ୍ୟାସ କରିଥିଲେ। ମନ୍ଥର ଗତିରେ କାର୍ଯ୍ୟ ଚାଲିଥିବାରୁ ଦୀର୍ଘ ୭ବର୍ଷ ମଧ୍ୟରେ ଏହି କାର୍ଯ୍ୟ ସମ୍ପୂର୍ଣ୍ଣ ହୋଇପାରିଲା ନାହିଁ।

ଅଭିଯୋଗକାରୀଙ୍କୁ କୋର୍ଟଚାଲାଣ ଘଟଣା

ସୁକିନ୍ଦା,୬।୫(ଡି.ଏନ.ଏ.)- ସୁକିନ୍ଦା ଥାନାରେ ଏତଲା ଦେବାକୁ ଆସିଥିବା ନୂଆ ଜାମୁପଶି ଗ୍ରାମର ନବଜ୍ୟୋତି ସାହୁଙ୍କୁ ଗିରଫ କରି କୋର୍ଟଚାଲାଣ କରିବା ଘଟଣାର ୩ ଦିନ ପରେ ପୂର୍ବରୁ ଆପୋଷ ବୁଝାମଣା ହୋଇଥିବା ଏକ ମାମଲାରେ ପୋଲିସ ଅଭିଯୋଗକାରୀଙ୍କ ବାପା ଓ ଦାଦାଙ୍କୁ ଛନ୍ଦିଥିବା ଜଣାପଡିଛି। ଏହା ସମ୍ପୂର୍ଣ୍ଣ ଆକ୍ରୋଶମୂଳକ ବୋଲି ଆଲୋଚନା ହେଉଛି। ଯାହାକୁ ନେଇ ଉକ୍ତ ଗ୍ରାମରେ ପ୍ରବଳ ଅସନ୍ତୋଷ ଦେଖାଦେଇଛି। ପ୍ରକାଶ ଯେ, ଜମି ବିବାଦକୁ ନେଇ ନୂଆ ଜାମୁପଶି ଗ୍ରାମର ନାରାୟଣ ଚନ୍ଦ୍ର ସାହୁଙ୍କ ପୁଅ ନବଜ୍ୟୋତି ଏବଂ ତାଙ୍କ ସମ୍ପର୍କୀୟ ଚୈତନ୍ୟ ସାହୁଙ୍କ ପୁଅ ଅରବିନ୍ଦଙ୍କ ବର୍ତ୍ତଣ୍ଡା ଗ୍ରାମର ଗଣେଶ୍ୱର ସାହୁଙ୍କ ସହିତ ପୂର୍ବରୁ ବିବାଦ ରହିଥିଲା।

ସାଧାରଣ ସେବାକେନ୍ଦ୍ରରୁ ମିଳିପାରୁନି ସେବା

ରସୁଲପୁର,୬।୫(ଡି.ଏନ୍‌.ଏ.):ସାଧାରଣ ଲୋକଙ୍କ ନିକଟରେ ବ୍ୟାଙ୍କସେବା ପହଞ୍ଚାଇବା ପ୍ରତିଶ୍ରୁତି ଏକ ପ୍ରକାର ଫେଲ୍‌ ମାରିଛି। ବିଶେଷକରି ଗ୍ରାମାଞ୍ଚଳରେ ଥିବା ସାଧାରଣ ସେବା କେନ୍ଦ୍ରଗୁଡିକ ନାନା ସମସ୍ୟା ମଧ୍ୟରେ ଗତି କରୁଛି। ଗ୍ରାହକଙ୍କୁ ଉଚିତ୍‌ ସେବା ମିଳି ପାରୁନାହିଁ। ବ୍ୟାଙ୍କ ସେବା ପାଇବା ଆଶାରେ ସାଧାରଣ ସେବା କେନ୍ଦ୍ରକୁ ଆସୁଥିବା ଗ୍ରାହକଙ୍କୁ ନିରାଶ ହେବାକୁ ପଡୁଛି। ଏଦିଗରେ ସେବା କେନ୍ଦ୍ର ପରିଚାଳକମାନେ ସମ୍ପୃକ୍ତ ବ୍ୟାଙ୍କ ଶାଖାକୁ ଜଣାଇଲେ ମଧ୍ୟ କୌଣସି ସହଯୋଗ କରାଯାଉ ନାହିଁ। ବିଭିନ୍ନ ଆଳ ଦେଖାଇ ବ୍ୟାଙ୍କ ପରିଚାଳକ ହଇରାଣ ହରକତ କରୁଛନ୍ତି ବୋଲି ଅଭିଯୋଗ ହୋଇଛି। ଏଭଳି ସମସ୍ୟା ରସୁଲପୁର ବ୍ଲକ ଅଧିନସ୍ଥ କୁଆଖିଆ ବଜାର ଏସ୍‌ବିଆଇ ଶାଖାରେ ଦେଖିବାକୁ ମିଳିଛି। ଏନେଇ ସେବାକେନ୍ଦ୍ର ପରିଚାଳକମାନେ ବ୍ୟାଙ୍କ ଆଞ୍ଚଳିକ ମୁଖ୍ୟ ପରିଚାଳକ, ଶାଖା ପରିଚାଳକଙ୍କ ନିକଟରେ ଅଭିଯୋଗ କରିଛନ୍ତି ।

ବିଦ୍ୟୁତ୍‌ ସଂଯୋଗରେ ରାଜନୀତି

ବିଦ୍ୟୁତ୍‌ ସଂଯୋଗରେ ରାଜନୀତି

ପାରାଦୀପ,୬।୫(ସ୍ବ.ପ୍ର.): ପାରାଦୀପ ପୌରାଞ୍ଚଳର ୧୯ ଓ୍ବାର୍ଡ ଓ ୨୫ ବସ୍ତିରେ ଥିବା ୧୭୪୦୦ ଝୁମ୍ପୁଡି ଘରକୁ ଅଦ୍ୟାବଧି ସରକାରୀ ଭାବେ ବିଦ୍ୟୁତ୍‌ ସଂଯୋଗ ହୋଇପାରିନାହିଁ। କେନ୍ଦ୍ର ଓ ରାଜ୍ୟର ଯୌଥ ଶାସନ ଏଠାରେ ବିଦ୍ୟୁତ୍‌ ସେବା ଯୋଗାଇବାରେ ଅନ୍ତରାୟ ସାଜିଥିଲା। ଦୀର୍ଘବର୍ଷର ଉଦ୍ୟମ ପରେ ପୌରପାଳିକା ପ୍ରଥମକରି ୬ନଂ ଓ୍ବାର୍ଡ ବାଉରିଆ ପାଳନ୍ଦା ବସ୍ତିରେ ଗତ ମାସ ୨୭ରେ ବିଦ୍ୟୁତ୍‌ ସେବା ପହଞ୍ଚାଇଛି। ଏଥିସହ ଚଳିତ ମାସ ୧ରେ ଷଣ୍ଢକୁଦ ବସ୍ତିରେ ବିଦ୍ୟୁତ୍‌ ସଂଯୋଗ କରାଯାଇଛି। ବର୍ତ୍ତମାନ ନୂତନ ସଂଯୋଗ ପ୍ରକ୍ରିୟା ଚାଲିଥିବାବେଳେ ସେଥିରେ ରାଜନୀତି ପଶିଛି।

ସରକାରୀ ନିୟମ ମାନୁନାହାନ୍ତି ବିଇଓ, ଚରମ ଚେତାବନୀ ଦେଲେ ଡିଇଓ

ଜଗତ୍‌ସିଂହପୁର ଅଫିସ,୬।୫: କୌଣସି ବେସରକାରୀ ଶିକ୍ଷାନୁଷ୍ଠାନ(୧ମରୁ ୮ମ ଶ୍ରେଣୀ) ଖୋଲିବାକୁ ହେଲେ ଅନୁମୋଦନ ପ୍ରମାଣପତ୍ର(ସାର୍ଟିଫିକେଟ୍‌ ଅଫ ରେକଗ୍‌ନାଇଜେଶନ୍‌) ବାଧ୍ୟତାମୂଳକ। କିନ୍ତୁ ଜଗତ୍‌ସିଂହପୁର ଜିଲାରେ ଏହା ପ୍ରହସନରେ ପରିଣତ ହୋଇଛି। ବ୍ଲକ ଶିକ୍ଷା ଅଧିକାରୀ(ବିଇଓ)ମାନେ ସରକାରୀ ନିର୍ଦ୍ଦେଶକୁ ଫୁ କରି ଦେଉଥିବାରୁ ଏଭଳି ସ୍ଥିତି ସୃଷ୍ଟି ହୋଇଛି। ବିଇଓମାନେ ଗତ ମାର୍ଚ୍ଚ ୩୧ ସୁଦ୍ଧା ବେସରକାରୀ ଶିକ୍ଷାନୁଷ୍ଠାନଗୁଡିକୁ ଯାଇ ତଦନ୍ତ କରିବା ସହ ଆବଶ୍ୟକ ପଦକ୍ଷେପ ଗ୍ରହଣ ପାଇଁ ସୁପାରିଶ କରିବା କଥା। କିନ୍ତୁ ଇତିମଧ୍ୟରେ ଜିଲାର ଜଣେ ବି ବିଇଓ ନିଜ ଅଞ୍ଚଳର ସମସ୍ତ ବେସରକାରୀ ପ୍ରାଥମିକ ବିଦ୍ୟାଳୟର ତଦନ୍ତ ରିପୋର୍ଟ ଜିଲା ଶିକ୍ଷା ଅଧିକାରୀ(ଡିଇଓ)ଙ୍କୁ ପ୍ରଦାନ କରିନାହାନ୍ତି। କେବଳ ବିରିଡ଼ି, ଏରସମା, ତିର୍ତ୍ତୋଲ, ରଘୁନାଥପୁର ବିଇଓମାନେ ଅଳ୍ପ କେତୋଟି ଶିକ୍ଷାନୁଷ୍ଠାନକୁ ଯାଇ ତଦନ୍ତ କରି ରିପୋର୍ଟ ଦେଇଛନ୍ତି।

୩ ଆନ୍ତଃରାଜ୍ୟ ଲୁଟେରା ଗିରଫ

୩ ଆନ୍ତଃରାଜ୍ୟ ଲୁଟେରା ଗିରଫ

ବିରଜାକ୍ଷେତ୍ର,୫।୫(ଡିଏନ୍‌ଏ)- ଯାଜପୁର ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଶନିବାର ୩ ଆନ୍ତଃରାଜ୍ୟ ଲୁଟେରାଙ୍କୁ ଗିରଫ କରିବା ସହିତ ସେମାନଙ୍କଠାରୁ ୨ଟି ବାଇକ୍‌, ୫ଟି ମୋବାଇଲ୍‌, ୫ଟି ପାସ୍‌ବୁକ୍‌ ଓ ଗାଡି ଡିକି ଭାଙ୍ଗିବା ଯନ୍ତ୍ର ଇତ୍ୟାଦି ଜବତ କରିଛି।

ଉଜ୍ଜ୍ୱଳା ଯୋଜନାରେ ୪୨ ଜଣଙ୍କୁ ଗ୍ୟାସ ବଣ୍ଟନ

ଉଜ୍ଜ୍ୱଳା ଯୋଜନାରେ ୪୨ ଜଣଙ୍କୁ ଗ୍ୟାସ ବଣ୍ଟନ

ବାଲିକୁଦା, ୫।୫(ସ୍ବ.ପ୍ର.): ବାଲିକୁଦା ବ୍ଲକ ଅନ୍ତର୍ଗତ ତରାସାହି ବୁଦ୍ଧେଶ୍ୱର ମହାଦେବଙ୍କ ପୀଠରେ ଶନିବାର ଉଜ୍ଜ୍ୱଳା ଯୋଜନାରେ ୪୨ ଜଣ ମହିଳାଙ୍କୁ ଗ୍ୟାସ ସିଲିଣ୍ଡର ଓ ଚୁଲା ବଣ୍ଟନ କରାଯାଇଛି।

 ଗ୍ରାମ ସ୍ବରାଜ ଅଭିଯାନ-୨୦୧୮ ଅନୁଷ୍ଠିତ

ଗ୍ରାମ ସ୍ବରାଜ ଅଭିଯାନ-୨୦୧୮ ଅନୁଷ୍ଠିତ

ମହାକାଳପଡ଼ା, ୫।୫(ଡି.ଏନ୍‌.ଏ.): ମହାକାଳପଡ଼ା ବ୍ଲକ ଅଧୀନ ବ୍ଲକ ପରିସର ମଧ୍ୟରେ ଗ୍ରାମ ସ୍ବରାଜ ଅଭିଯାନ -୨୦୧୮ ଅନୁଷ୍ଠିତ ହୋଇଯାଇଛି। ବିଡିଓ ରମେଶ ଚନ୍ଦ୍ର ସେଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ଅତନୁ ସବ୍ୟସାଚୀ ନାୟକ ଯୋଗ ଦେଇଥିଲେ।

ଏନ୍‌କାଉଣ୍ଟର: କୁଖ୍ୟାତ ଅପରାଧୀ ରବି ଦୋରା ଗୁରୁତର

ଏନ୍‌କାଉଣ୍ଟର: କୁଖ୍ୟାତ ଅପରାଧୀ ରବି ଦୋରା ଗୁରୁତର

ରଣପୁର, ୫।୫ (ଡି.ଏନ୍‌.ଏ.): ନୟାଗଡ ଜିଲା ରଣପୁର ଥାନା ଦର୍ପନାରଣପୁର ଫାଣ୍ଡି ବାପୁଜୀପଲି ପାହାଡ଼ରେ ଶୁକ୍ରବାର ରାତିରେ ପୋଲିସ ଏନ୍‌କାଉଣ୍ଟର କରିଛି। ଏଥିରେ କୋଟଘର ଗ୍ରାମର କୁଖ୍ୟାତ ଡକାୟତ ରବି ଦୋରାଙ୍କ ଡାହଣ ଗୋଡ଼ରେ ଗୁଳି ବାଜିଛି। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ନୟାଗଡ଼ ଡାକ୍ତରଖାନା ପରେ କଟକ ସ୍ଥାନାନ୍ତର କରାଯାଇଛି।

ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଗାଈ ମୃତ

ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଗାଈ ମୃତ

ମହାକାଳପଡ଼ା, ୫।୫ (ଡି.ଏନ୍‌.ଏ.): ମହାକାଳପଡ଼ା ବ୍ଲକ ଅଧୀନ ରାମନଗର ପଞ୍ଚାୟତ ରାମନଗର ବଜାର ନିକଟ ଏକ ଚାଷ ଜମିରେ ଶନିବାର ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଏକ ଗାଈର ମୃତ୍ୟୁ ଘଟିଛି। ଗ୍ରାମର ଅନିଲ ସିକ୍‌ଦାରଙ୍କ ଗାଈ ସକାଳୁ ଚରିବା ପାଇଁ ବିଲକୁ ଯାଇଥିବା ବେଳେ ଏହି ଅଘଟଣ ଘଟିଛି।

ଦନ୍ତା ଆକ୍ରମଣରେ ଚାଷୀ ମୃତ

ଦନ୍ତା ଆକ୍ରମଣରେ ଚାଷୀ ମୃତ

ତିଗିରିଆ,୫।୫(ଡି.ଏନ୍‌.ଏ.): କଟକ ଜିଲା ତିଗିରିଆ ଥାନା ଅନ୍ତର୍ଗତ ବଡନାଉପୁଟ ଗ୍ରାମପଞ୍ଚାୟତ ଶାଳିଜଙ୍ଗା ଗ୍ରାମର ଚାଷୀ ଶ୍ୟାମ ମହାନ୍ତି(୪୫)ଙ୍କର ଶନିବାର ହାତୀ ଆକ୍ରମଣରେ ମୃତ୍ୟୁ ଘଟିଛି।

ଜଗନ୍ନାଥପୁର ଗ୍ରାମରେ ଅଗ୍ନିକାଣ୍ଡ: ୨ ବଖରା ଧ୍ୱଂସ

ଜଗନ୍ନାଥପୁର ଗ୍ରାମରେ ଅଗ୍ନିକାଣ୍ଡ: ୨ ବଖରା ଧ୍ୱଂସ

ଯାଜପୁର ଅଫିସ,୫।୫: ଯାଜପୁର ଜିଲା ରସୁଲପୁର ବ୍ଲକ ଜଗନ୍ନାଥପୁର ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ମହେଶ୍ୱର ସ୍ବାଇଁଙ୍କ ୨ ବଖରା ପୋଡି ପାଉଁଶ ହୋଇଯାଇଛି। ଖବର ପାଇ ରସୁଲପୁର ଦମକଳ ବାହିନୀ ନିଆଁକୁ ଆୟତ୍ତ କରିଥିଲେ। ତେବେ ଅଗ୍ନି ବିପନ୍ନ ପରିବାର ଗରିବ ଶ୍ରେଣୀୟ ହୋଇଥିବାରୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।

ନୟାଗଡ଼ରେ ଏନ୍‌କାଉଣ୍ଟର ଅପରାଧୀ ସମେତ ଥାନା ଅଧିକାରୀ ଆହତ

ନୟାଗଡ଼ରେ ଏନ୍‌କାଉଣ୍ଟର ଅପରାଧୀ ସମେତ ଥାନା ଅଧିକାରୀ ଆହତ

ନୟାଗଡ ଅଫିସ,୫ା୫- ନୟାଗଡ଼ ଜିଲା ପୋଲିସ ତରଫରୁ ଶୁକ୍ରବାର ରାତି ୧୧ଟା ୧୦ ମିନିଟ ସମୟରେ ରଣପୁର ଥାନା ରାଜସୁନାଖଳା- ଦର୍ପନାରାୟଣପୁର ରାସ୍ତାର ବାପୁଜୀପଲ୍ଲୀ ପାହାଡ ନିକଟରେ ଏନ୍‌କାଉଣ୍ଟର ହୋଇଛି। ଏଥିରେ ଜଣେ କୁଖ୍ୟାତ ଅପରାଧୀ ରବି ଦୋରା ଗୁରୁତର ହୋଇଥିବାବେଳେ ଜଣେ ପୋଲିସ ଅଧିକାରୀ ଆହତ ହୋଇଛନ୍ତି। ଭୟଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ନିଷ୍କାସନ ସୁବିଧା ନାହିଁ, ମନ୍ଦିର ପରିସରରେ ଜମିରହୁଛି ପାଣିି

ଖଣ୍ଡପଡା,୫ା୫(ସ୍ବ.ପ୍ର.)- ଖଣ୍ଡପଡା ବ୍ଲକ କଣ୍ଟିଲୋ ପଞ୍ଚାୟତର ବାପୁଜୀନଗରସ୍ଥିତ ବଟେଶ୍ୱର ମହାଦେବ ମନ୍ଦିର ପାର୍ଶ୍ୱ ରାସ୍ତା ଓ ସ୍ଥାୟୀ ଗୃହଗୁଡିକ ଉଚ୍ଚରେ ରହିଥିବାରୁ ମନ୍ଦିର ପରିସରରୁ ପାଣି ନିଷ୍କାସନ ସମ୍ଭବ ହେଉନାହିଁ। ଏପରି କି ସାମାନ୍ୟ ବର୍ଷା ହେଲେ ମନ୍ଦିର ପରିସର ବର୍ଷାଜଳରେ ଭର୍ତ୍ତି ହୋଇଯାଉଛି । ପୂର୍ବରୁ ଗାନ୍ଧୀ ପାର୍କ ଦେଇ ଉଦ୍‌ବୃତ୍ତ ଜଳ ମାଳବନ୍ଧରେ ଥିବା ସ୍ଲୁଇସ୍‌ ଗେଟ ମାଧ୍ୟମରେ ମହାନଦୀକୁ ନିଷ୍କାସନ ହେବାର ସୁବିଧା ରହିଥିଲା ।

ନିଷ୍କାସନ ସୁବିଧା ନାହିଁ, ମନ୍ଦିର ପରିସରରେ ଜମିରହୁଛି ପାଣିି

ଖଣ୍ଡପଡା,୫ା୫(ସ୍ବ.ପ୍ର.)- ଖଣ୍ଡପଡା ବ୍ଲକ କଣ୍ଟିଲୋ ପଞ୍ଚାୟତର ବାପୁଜୀନଗରସ୍ଥିତ ବଟେଶ୍ୱର ମହାଦେବ ମନ୍ଦିର ପାର୍ଶ୍ୱ ରାସ୍ତା ଓ ସ୍ଥାୟୀ ଗୃହଗୁଡିକ ଉଚ୍ଚରେ ରହିଥିବାରୁ ମନ୍ଦିର ପରିସରରୁ ପାଣି ନିଷ୍କାସନ ସମ୍ଭବ ହେଉନାହିଁ। ଏପରି କି ସାମାନ୍ୟ ବର୍ଷା ହେଲେ ମନ୍ଦିର ପରିସର ବର୍ଷାଜଳରେ ଭର୍ତ୍ତି ହୋଇଯାଉଛି । ପୂର୍ବରୁ ଗାନ୍ଧୀ ପାର୍କ ଦେଇ ଉଦ୍‌ବୃତ୍ତ ଜଳ ମାଳବନ୍ଧରେ ଥିବା ସ୍ଲୁଇସ୍‌ ଗେଟ ମାଧ୍ୟମରେ ମହାନଦୀକୁ ନିଷ୍କାସନ ହେବାର ସୁବିଧା ରହିଥିଲା ।

ସରୀସୃପଙ୍କ ଅନ୍ତୁଡିଶାଳ ପାଲଟିଛି ବୃହତ୍‌ ଜଳାଶୟ

ସରୀସୃପଙ୍କ ଅନ୍ତୁଡିଶାଳ ପାଲଟିଛି ବୃହତ୍‌ ଜଳାଶୟ

ଖଣ୍ଡପଡା,୫ା୫(ସ୍ବ.ପ୍ର.)- ଖଣ୍ଡପଡା ବ୍ଲକ ସିଧାମୂଳା ପଞ୍ଚାୟତର ଅକୁରାବନ୍ଧ ଗ୍ରାମରେ ଅକୁରାସର ନାମରେ ରହିଛି ଏକ ବୃହତ୍‌ ଜଳାଶୟ। ଏକଦା ମଧୁର ମାଛ ପାଇଁ ଏହା ନୟାଗଡ ଜିଲାରେ ପ୍ରସିଦ୍ଧି ଲାଭ କରିଥିଲା। ନଦୀ ହେଉ ଅବା ବିଭିନ୍ନ ପୁଷ୍କରିଣୀର ମାଛ ତାହା ଯଦି ବଡ ହୋଇଥାଏ ତେବେ ଖାଇବାକୁ ସ୍ବାଦ ଲାଗି ନ ଥାଏ। କିନ୍ତୁ ଅକୁରାସରରେ ବଢୁଥିବା ମାଛ ୧୦କିଲୋରୁ ଊର୍ଦ୍ଧ୍ୱ ହୋଇଥିଲେ ମଧ୍ୟ ତାହା ଖାଇବାକୁ ସ୍ବାଦଯୁକ୍ତ ହୋଇଥାଏ।

ପ୍ରେମିକାଙ୍କୁ ପ୍ରତାରଣା ଘଟଣା: ପ୍ରେମିକ ଗିରଫ

ପ୍ରେମିକାଙ୍କୁ ପ୍ରତାରଣା ଘଟଣା: ପ୍ରେମିକ ଗିରଫ

କୋରେଇ,୫।୫(ସ୍ବ.ପ୍ର)- ପାଣିକୋଇଲି ଥାନା ଅଞ୍ଚଳର ଜଣେ ଯୁବତୀଙ୍କୁ ତାଙ୍କ ପ୍ରେମିକ ବିବାହର ପ୍ରଲୋଭନ ଦେଖାଇ ପ୍ରତାରଣା କରିଥିବା ନେଇ ବୁଧବାର ବିଳମ୍ବିତ ରାତିରେ ପାଣିକୋଇଲି ଥାନାରେ ଅଭିଯୋଗ ହୋଇଥିଲା।

୪ ବେଆଇନ ପଥର ବୋଝେଇ ଗାଡ଼ି ଜବତ

୪ ବେଆଇନ ପଥର ବୋଝେଇ ଗାଡ଼ି ଜବତ

ଚଣ୍ଡିଖୋଲ,୫।୫(ଡି.ଏନ.ଏ)ପୋଲିସ ଓ ବନ ବିଭାଗ ଦ୍ୱାରା ଭିନ୍ନ ଭିନ୍ନ ସ୍ଥାନରେ ଗୁରୁବାର ବିଳମ୍ବିତ ରାତିରେ ଚଢାଉ କରାଯାଇ ୪ଟି ଗାଡିକୁ ଜବତ କରି ଶୁକ୍ରବାର ତହସିଲଦାରଙ୍କୁ ହସ୍ତାନ୍ତର କରାଯାଇଛି। ବଡଚଣା ଥାନାଧିକାରୀ ଶରତଚନ୍ଦ୍ର ପାତ୍ର ଗୁରୁବାର ପାଟ୍ରୋଲିଂ କରୁଥିବାବେଳେ ୧୬ ନଂ. ଜାତୀୟ ରାଜପଥ ବନ୍ଦାଳ ଛକ ନିକଟରେ ୨ଟି ମାଙ୍କଡା ବୋଝେଇ ଟ୍ରକକୁ ଅଟକାଇ କାଗଜପତ୍ର ମାଗିଥିଲେ।

କବାଡିଆ ଗ୍ୟାରେଜ ଉପରେ ଚଢ଼ାଉ, ୩ ଗିରଫ

ଡୁବୁରୀ,୫।୫(ଡିଏନଏ)- ଚୋରା କାରବାରରେ ସମ୍ପୃକ୍ତ ଥିବା ଅଭିଯୋଗରେ ସ୍ଥାନୀୟ ବାରଗାଡିଆ ଓ ଡୁବୁରୀ ଛକରେ ଥିବା ୨ଟି କବାଡିଆ ଗ୍ୟାରେଜ ଉପରେ ଶୁକ୍ରବାର ଚଢାଉ କରିଛି କଳିଙ୍ଗନଗର ଥାନା ପୋଲିସ। ଗ୍ୟାରେଜ ୨ଟିରୁ ବିପୁଳ ପରିମାଣର ଚୋରି ସାମଗ୍ରୀ ଜବତ କରାଯିବା ସହ ଏହି କାରବାରରେ ସମ୍ପୃକ୍ତ ୩ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।

ତାଗିଦ୍‌ ସତ୍ତ୍ୱେ ଶୁଣୁନାହାନ୍ତି ଠିକାଦାର

କାଳିଆପାଣି,୫।୫(ଡିଏନଏ)ଆରଡି ବିଭାଗ ଅଧୀନରେ ମହୁଲଖାଲ ଗ୍ରାମ ନିକଟରେ ନିର୍ମାଣାଧୀନ ରାସ୍ତା ଗାର୍ଡୱାଲ (ସୁରକ୍ଷା ପ୍ରାଚୀର) କାର୍ଯ୍ୟ ନିମ୍ନମାନର ହେଉଥିବା ନେଇ ଗ୍ରାମବାସୀ ଏସ୍‌ଡିଓଙ୍କ ନିକଟରେ ଅଭିଯୋଗ କରିବା ସହିତ ବୁଧବାର କାର୍ଯ୍ୟ ବନ୍ଦ କରିଥିଲେ। ଏହାପରେ ଏସ୍‌ଡିଓ ଠିକାଦାରଙ୍କୁ ନିମ୍ନମାନର କାର୍ଯ୍ୟ ନ କରିବାକୁ ତାଗିଦ୍‌ କରିଥିଲେ। ମାତ୍ର ଶୁକ୍ରବାର ସମ୍ପୃକ୍ତ ଠିକାଦାର ପୁନଶ୍ଚ ଅନୁରୂପ ଭାବେ ନିମ୍ନମାନର କାର୍ଯ୍ୟ କରୁଥିବା ଦେଖିବାକୁ ମିଳିଥିଲା।

ଭ୍ୟାନ୍‌ ଦୁର୍ଘଟଣାରେ ଯୁବକ ମୃତ

ବିଞ୍ଝାରପୁର,୫।୫(ଡି.ଏନ.ଏ): ମାଁସଡା- ପ୍ରୀତିପୁର ରାସ୍ତାର ଜୋକେଇ ପୋଲ ନିକଟରେ ବିଞ୍ଝାରପୁର ଥାନା ଉତ୍ତରକୂଳ ପଞ୍ଚାୟତର ସୀମାଞ୍ଚଳ ନାୟକ(୨୫)ଙ୍କ ଶୁକ୍ରବାର ଏକ ଭ୍ୟାନ୍‌ ଦୁର୍ଘଟଣାରେ ମୃତ୍ୟୁ ହୋଇଛି।

ନାବାଳିକା ଉଦ୍ଧାର: ଅଭିଯୁକ୍ତ ଗିରଫ

ନାବାଳିକା ଉଦ୍ଧାର: ଅଭିଯୁକ୍ତ ଗିରଫ

ଧର୍ମଶାଳା,୫।୫(ଡି.ଏନ୍‌.ଏ.): ନାବାଳିକାଙ୍କୁ ଅପହରଣ ଅଭିଯୋଗରେ ଧର୍ମଶାଳା ଥାନା ଅନ୍ତର୍ଗତ ଫୁଲାଡି ଗ୍ରାମର ଅମର ମଲ୍ଲିକ(୨୮)ଙ୍କୁ ଶୁକ୍ରବାର ଧର୍ମଶାଳା ପୋଲିସ ଗିରଫ କରିବା ସହ ନାବାଳିକାଙ୍କୁ ଉଦ୍ଧାର କରିଛି।