ଉପକୂଳ ଓଡିଶା

ଉଜ୍ଜ୍ୱଳା ଯୋଜନାରେ ୪୨ ଜଣଙ୍କୁ ଗ୍ୟାସ ବଣ୍ଟନ

ଉଜ୍ଜ୍ୱଳା ଯୋଜନାରେ ୪୨ ଜଣଙ୍କୁ ଗ୍ୟାସ ବଣ୍ଟନ

ବାଲିକୁଦା, ୫।୫(ସ୍ବ.ପ୍ର.): ବାଲିକୁଦା ବ୍ଲକ ଅନ୍ତର୍ଗତ ତରାସାହି ବୁଦ୍ଧେଶ୍ୱର ମହାଦେବଙ୍କ ପୀଠରେ ଶନିବାର ଉଜ୍ଜ୍ୱଳା ଯୋଜନାରେ ୪୨ ଜଣ ମହିଳାଙ୍କୁ ଗ୍ୟାସ ସିଲିଣ୍ଡର ଓ ଚୁଲା ବଣ୍ଟନ କରାଯାଇଛି।

 ଗ୍ରାମ ସ୍ବରାଜ ଅଭିଯାନ-୨୦୧୮ ଅନୁଷ୍ଠିତ

ଗ୍ରାମ ସ୍ବରାଜ ଅଭିଯାନ-୨୦୧୮ ଅନୁଷ୍ଠିତ

ମହାକାଳପଡ଼ା, ୫।୫(ଡି.ଏନ୍‌.ଏ.): ମହାକାଳପଡ଼ା ବ୍ଲକ ଅଧୀନ ବ୍ଲକ ପରିସର ମଧ୍ୟରେ ଗ୍ରାମ ସ୍ବରାଜ ଅଭିଯାନ -୨୦୧୮ ଅନୁଷ୍ଠିତ ହୋଇଯାଇଛି। ବିଡିଓ ରମେଶ ଚନ୍ଦ୍ର ସେଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ଅତନୁ ସବ୍ୟସାଚୀ ନାୟକ ଯୋଗ ଦେଇଥିଲେ।

ଏନ୍‌କାଉଣ୍ଟର: କୁଖ୍ୟାତ ଅପରାଧୀ ରବି ଦୋରା ଗୁରୁତର

ଏନ୍‌କାଉଣ୍ଟର: କୁଖ୍ୟାତ ଅପରାଧୀ ରବି ଦୋରା ଗୁରୁତର

ରଣପୁର, ୫।୫ (ଡି.ଏନ୍‌.ଏ.): ନୟାଗଡ ଜିଲା ରଣପୁର ଥାନା ଦର୍ପନାରଣପୁର ଫାଣ୍ଡି ବାପୁଜୀପଲି ପାହାଡ଼ରେ ଶୁକ୍ରବାର ରାତିରେ ପୋଲିସ ଏନ୍‌କାଉଣ୍ଟର କରିଛି। ଏଥିରେ କୋଟଘର ଗ୍ରାମର କୁଖ୍ୟାତ ଡକାୟତ ରବି ଦୋରାଙ୍କ ଡାହଣ ଗୋଡ଼ରେ ଗୁଳି ବାଜିଛି। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ନୟାଗଡ଼ ଡାକ୍ତରଖାନା ପରେ କଟକ ସ୍ଥାନାନ୍ତର କରାଯାଇଛି।

ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଗାଈ ମୃତ

ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଗାଈ ମୃତ

ମହାକାଳପଡ଼ା, ୫।୫ (ଡି.ଏନ୍‌.ଏ.): ମହାକାଳପଡ଼ା ବ୍ଲକ ଅଧୀନ ରାମନଗର ପଞ୍ଚାୟତ ରାମନଗର ବଜାର ନିକଟ ଏକ ଚାଷ ଜମିରେ ଶନିବାର ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଏକ ଗାଈର ମୃତ୍ୟୁ ଘଟିଛି। ଗ୍ରାମର ଅନିଲ ସିକ୍‌ଦାରଙ୍କ ଗାଈ ସକାଳୁ ଚରିବା ପାଇଁ ବିଲକୁ ଯାଇଥିବା ବେଳେ ଏହି ଅଘଟଣ ଘଟିଛି।

ଦନ୍ତା ଆକ୍ରମଣରେ ଚାଷୀ ମୃତ

ଦନ୍ତା ଆକ୍ରମଣରେ ଚାଷୀ ମୃତ

ତିଗିରିଆ,୫।୫(ଡି.ଏନ୍‌.ଏ.): କଟକ ଜିଲା ତିଗିରିଆ ଥାନା ଅନ୍ତର୍ଗତ ବଡନାଉପୁଟ ଗ୍ରାମପଞ୍ଚାୟତ ଶାଳିଜଙ୍ଗା ଗ୍ରାମର ଚାଷୀ ଶ୍ୟାମ ମହାନ୍ତି(୪୫)ଙ୍କର ଶନିବାର ହାତୀ ଆକ୍ରମଣରେ ମୃତ୍ୟୁ ଘଟିଛି।

ଜଗନ୍ନାଥପୁର ଗ୍ରାମରେ ଅଗ୍ନିକାଣ୍ଡ: ୨ ବଖରା ଧ୍ୱଂସ

ଜଗନ୍ନାଥପୁର ଗ୍ରାମରେ ଅଗ୍ନିକାଣ୍ଡ: ୨ ବଖରା ଧ୍ୱଂସ

ଯାଜପୁର ଅଫିସ,୫।୫: ଯାଜପୁର ଜିଲା ରସୁଲପୁର ବ୍ଲକ ଜଗନ୍ନାଥପୁର ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ମହେଶ୍ୱର ସ୍ବାଇଁଙ୍କ ୨ ବଖରା ପୋଡି ପାଉଁଶ ହୋଇଯାଇଛି। ଖବର ପାଇ ରସୁଲପୁର ଦମକଳ ବାହିନୀ ନିଆଁକୁ ଆୟତ୍ତ କରିଥିଲେ। ତେବେ ଅଗ୍ନି ବିପନ୍ନ ପରିବାର ଗରିବ ଶ୍ରେଣୀୟ ହୋଇଥିବାରୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।

ନୟାଗଡ଼ରେ ଏନ୍‌କାଉଣ୍ଟର ଅପରାଧୀ ସମେତ ଥାନା ଅଧିକାରୀ ଆହତ

ନୟାଗଡ଼ରେ ଏନ୍‌କାଉଣ୍ଟର ଅପରାଧୀ ସମେତ ଥାନା ଅଧିକାରୀ ଆହତ

ନୟାଗଡ ଅଫିସ,୫ା୫- ନୟାଗଡ଼ ଜିଲା ପୋଲିସ ତରଫରୁ ଶୁକ୍ରବାର ରାତି ୧୧ଟା ୧୦ ମିନିଟ ସମୟରେ ରଣପୁର ଥାନା ରାଜସୁନାଖଳା- ଦର୍ପନାରାୟଣପୁର ରାସ୍ତାର ବାପୁଜୀପଲ୍ଲୀ ପାହାଡ ନିକଟରେ ଏନ୍‌କାଉଣ୍ଟର ହୋଇଛି। ଏଥିରେ ଜଣେ କୁଖ୍ୟାତ ଅପରାଧୀ ରବି ଦୋରା ଗୁରୁତର ହୋଇଥିବାବେଳେ ଜଣେ ପୋଲିସ ଅଧିକାରୀ ଆହତ ହୋଇଛନ୍ତି। ଭୟଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ନିଷ୍କାସନ ସୁବିଧା ନାହିଁ, ମନ୍ଦିର ପରିସରରେ ଜମିରହୁଛି ପାଣିି

ଖଣ୍ଡପଡା,୫ା୫(ସ୍ବ.ପ୍ର.)- ଖଣ୍ଡପଡା ବ୍ଲକ କଣ୍ଟିଲୋ ପଞ୍ଚାୟତର ବାପୁଜୀନଗରସ୍ଥିତ ବଟେଶ୍ୱର ମହାଦେବ ମନ୍ଦିର ପାର୍ଶ୍ୱ ରାସ୍ତା ଓ ସ୍ଥାୟୀ ଗୃହଗୁଡିକ ଉଚ୍ଚରେ ରହିଥିବାରୁ ମନ୍ଦିର ପରିସରରୁ ପାଣି ନିଷ୍କାସନ ସମ୍ଭବ ହେଉନାହିଁ। ଏପରି କି ସାମାନ୍ୟ ବର୍ଷା ହେଲେ ମନ୍ଦିର ପରିସର ବର୍ଷାଜଳରେ ଭର୍ତ୍ତି ହୋଇଯାଉଛି । ପୂର୍ବରୁ ଗାନ୍ଧୀ ପାର୍କ ଦେଇ ଉଦ୍‌ବୃତ୍ତ ଜଳ ମାଳବନ୍ଧରେ ଥିବା ସ୍ଲୁଇସ୍‌ ଗେଟ ମାଧ୍ୟମରେ ମହାନଦୀକୁ ନିଷ୍କାସନ ହେବାର ସୁବିଧା ରହିଥିଲା ।

ନିଷ୍କାସନ ସୁବିଧା ନାହିଁ, ମନ୍ଦିର ପରିସରରେ ଜମିରହୁଛି ପାଣିି

ଖଣ୍ଡପଡା,୫ା୫(ସ୍ବ.ପ୍ର.)- ଖଣ୍ଡପଡା ବ୍ଲକ କଣ୍ଟିଲୋ ପଞ୍ଚାୟତର ବାପୁଜୀନଗରସ୍ଥିତ ବଟେଶ୍ୱର ମହାଦେବ ମନ୍ଦିର ପାର୍ଶ୍ୱ ରାସ୍ତା ଓ ସ୍ଥାୟୀ ଗୃହଗୁଡିକ ଉଚ୍ଚରେ ରହିଥିବାରୁ ମନ୍ଦିର ପରିସରରୁ ପାଣି ନିଷ୍କାସନ ସମ୍ଭବ ହେଉନାହିଁ। ଏପରି କି ସାମାନ୍ୟ ବର୍ଷା ହେଲେ ମନ୍ଦିର ପରିସର ବର୍ଷାଜଳରେ ଭର୍ତ୍ତି ହୋଇଯାଉଛି । ପୂର୍ବରୁ ଗାନ୍ଧୀ ପାର୍କ ଦେଇ ଉଦ୍‌ବୃତ୍ତ ଜଳ ମାଳବନ୍ଧରେ ଥିବା ସ୍ଲୁଇସ୍‌ ଗେଟ ମାଧ୍ୟମରେ ମହାନଦୀକୁ ନିଷ୍କାସନ ହେବାର ସୁବିଧା ରହିଥିଲା ।

ସରୀସୃପଙ୍କ ଅନ୍ତୁଡିଶାଳ ପାଲଟିଛି ବୃହତ୍‌ ଜଳାଶୟ

ସରୀସୃପଙ୍କ ଅନ୍ତୁଡିଶାଳ ପାଲଟିଛି ବୃହତ୍‌ ଜଳାଶୟ

ଖଣ୍ଡପଡା,୫ା୫(ସ୍ବ.ପ୍ର.)- ଖଣ୍ଡପଡା ବ୍ଲକ ସିଧାମୂଳା ପଞ୍ଚାୟତର ଅକୁରାବନ୍ଧ ଗ୍ରାମରେ ଅକୁରାସର ନାମରେ ରହିଛି ଏକ ବୃହତ୍‌ ଜଳାଶୟ। ଏକଦା ମଧୁର ମାଛ ପାଇଁ ଏହା ନୟାଗଡ ଜିଲାରେ ପ୍ରସିଦ୍ଧି ଲାଭ କରିଥିଲା। ନଦୀ ହେଉ ଅବା ବିଭିନ୍ନ ପୁଷ୍କରିଣୀର ମାଛ ତାହା ଯଦି ବଡ ହୋଇଥାଏ ତେବେ ଖାଇବାକୁ ସ୍ବାଦ ଲାଗି ନ ଥାଏ। କିନ୍ତୁ ଅକୁରାସରରେ ବଢୁଥିବା ମାଛ ୧୦କିଲୋରୁ ଊର୍ଦ୍ଧ୍ୱ ହୋଇଥିଲେ ମଧ୍ୟ ତାହା ଖାଇବାକୁ ସ୍ବାଦଯୁକ୍ତ ହୋଇଥାଏ।

ପ୍ରେମିକାଙ୍କୁ ପ୍ରତାରଣା ଘଟଣା: ପ୍ରେମିକ ଗିରଫ

ପ୍ରେମିକାଙ୍କୁ ପ୍ରତାରଣା ଘଟଣା: ପ୍ରେମିକ ଗିରଫ

କୋରେଇ,୫।୫(ସ୍ବ.ପ୍ର)- ପାଣିକୋଇଲି ଥାନା ଅଞ୍ଚଳର ଜଣେ ଯୁବତୀଙ୍କୁ ତାଙ୍କ ପ୍ରେମିକ ବିବାହର ପ୍ରଲୋଭନ ଦେଖାଇ ପ୍ରତାରଣା କରିଥିବା ନେଇ ବୁଧବାର ବିଳମ୍ବିତ ରାତିରେ ପାଣିକୋଇଲି ଥାନାରେ ଅଭିଯୋଗ ହୋଇଥିଲା।

୪ ବେଆଇନ ପଥର ବୋଝେଇ ଗାଡ଼ି ଜବତ

୪ ବେଆଇନ ପଥର ବୋଝେଇ ଗାଡ଼ି ଜବତ

ଚଣ୍ଡିଖୋଲ,୫।୫(ଡି.ଏନ.ଏ)ପୋଲିସ ଓ ବନ ବିଭାଗ ଦ୍ୱାରା ଭିନ୍ନ ଭିନ୍ନ ସ୍ଥାନରେ ଗୁରୁବାର ବିଳମ୍ବିତ ରାତିରେ ଚଢାଉ କରାଯାଇ ୪ଟି ଗାଡିକୁ ଜବତ କରି ଶୁକ୍ରବାର ତହସିଲଦାରଙ୍କୁ ହସ୍ତାନ୍ତର କରାଯାଇଛି। ବଡଚଣା ଥାନାଧିକାରୀ ଶରତଚନ୍ଦ୍ର ପାତ୍ର ଗୁରୁବାର ପାଟ୍ରୋଲିଂ କରୁଥିବାବେଳେ ୧୬ ନଂ. ଜାତୀୟ ରାଜପଥ ବନ୍ଦାଳ ଛକ ନିକଟରେ ୨ଟି ମାଙ୍କଡା ବୋଝେଇ ଟ୍ରକକୁ ଅଟକାଇ କାଗଜପତ୍ର ମାଗିଥିଲେ।

କବାଡିଆ ଗ୍ୟାରେଜ ଉପରେ ଚଢ଼ାଉ, ୩ ଗିରଫ

ଡୁବୁରୀ,୫।୫(ଡିଏନଏ)- ଚୋରା କାରବାରରେ ସମ୍ପୃକ୍ତ ଥିବା ଅଭିଯୋଗରେ ସ୍ଥାନୀୟ ବାରଗାଡିଆ ଓ ଡୁବୁରୀ ଛକରେ ଥିବା ୨ଟି କବାଡିଆ ଗ୍ୟାରେଜ ଉପରେ ଶୁକ୍ରବାର ଚଢାଉ କରିଛି କଳିଙ୍ଗନଗର ଥାନା ପୋଲିସ। ଗ୍ୟାରେଜ ୨ଟିରୁ ବିପୁଳ ପରିମାଣର ଚୋରି ସାମଗ୍ରୀ ଜବତ କରାଯିବା ସହ ଏହି କାରବାରରେ ସମ୍ପୃକ୍ତ ୩ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।

ତାଗିଦ୍‌ ସତ୍ତ୍ୱେ ଶୁଣୁନାହାନ୍ତି ଠିକାଦାର

କାଳିଆପାଣି,୫।୫(ଡିଏନଏ)ଆରଡି ବିଭାଗ ଅଧୀନରେ ମହୁଲଖାଲ ଗ୍ରାମ ନିକଟରେ ନିର୍ମାଣାଧୀନ ରାସ୍ତା ଗାର୍ଡୱାଲ (ସୁରକ୍ଷା ପ୍ରାଚୀର) କାର୍ଯ୍ୟ ନିମ୍ନମାନର ହେଉଥିବା ନେଇ ଗ୍ରାମବାସୀ ଏସ୍‌ଡିଓଙ୍କ ନିକଟରେ ଅଭିଯୋଗ କରିବା ସହିତ ବୁଧବାର କାର୍ଯ୍ୟ ବନ୍ଦ କରିଥିଲେ। ଏହାପରେ ଏସ୍‌ଡିଓ ଠିକାଦାରଙ୍କୁ ନିମ୍ନମାନର କାର୍ଯ୍ୟ ନ କରିବାକୁ ତାଗିଦ୍‌ କରିଥିଲେ। ମାତ୍ର ଶୁକ୍ରବାର ସମ୍ପୃକ୍ତ ଠିକାଦାର ପୁନଶ୍ଚ ଅନୁରୂପ ଭାବେ ନିମ୍ନମାନର କାର୍ଯ୍ୟ କରୁଥିବା ଦେଖିବାକୁ ମିଳିଥିଲା।

ଭ୍ୟାନ୍‌ ଦୁର୍ଘଟଣାରେ ଯୁବକ ମୃତ

ବିଞ୍ଝାରପୁର,୫।୫(ଡି.ଏନ.ଏ): ମାଁସଡା- ପ୍ରୀତିପୁର ରାସ୍ତାର ଜୋକେଇ ପୋଲ ନିକଟରେ ବିଞ୍ଝାରପୁର ଥାନା ଉତ୍ତରକୂଳ ପଞ୍ଚାୟତର ସୀମାଞ୍ଚଳ ନାୟକ(୨୫)ଙ୍କ ଶୁକ୍ରବାର ଏକ ଭ୍ୟାନ୍‌ ଦୁର୍ଘଟଣାରେ ମୃତ୍ୟୁ ହୋଇଛି।

ନାବାଳିକା ଉଦ୍ଧାର: ଅଭିଯୁକ୍ତ ଗିରଫ

ନାବାଳିକା ଉଦ୍ଧାର: ଅଭିଯୁକ୍ତ ଗିରଫ

ଧର୍ମଶାଳା,୫।୫(ଡି.ଏନ୍‌.ଏ.): ନାବାଳିକାଙ୍କୁ ଅପହରଣ ଅଭିଯୋଗରେ ଧର୍ମଶାଳା ଥାନା ଅନ୍ତର୍ଗତ ଫୁଲାଡି ଗ୍ରାମର ଅମର ମଲ୍ଲିକ(୨୮)ଙ୍କୁ ଶୁକ୍ରବାର ଧର୍ମଶାଳା ପୋଲିସ ଗିରଫ କରିବା ସହ ନାବାଳିକାଙ୍କୁ ଉଦ୍ଧାର କରିଛି।

ବଳପୂର୍ବକ ରେଳପଥ ଜମି ଅଧିଗ୍ରହଣକୁ ବିରୋଧ

ଡୁବୁରୀ,୫।୫(ଡିଏନଏ)ସୁକିନ୍ଦା-ଅନୁଗୋଳ-ଡୁବୁରୀ ରେଳପଥ ନିର୍ମାଣ ପାଇଁ ବଳପୂର୍ବକ ଜମି ଅଧିଗ୍ରହଣକୁ ସ୍ଥାନୀୟ ଚାଷୀ ବିରୋଧ କରିଛନ୍ତି। ଏ ନେଇ କ୍ଷତିଗ୍ରସ୍ତ ଚାଷୀ ଶନିବାର ଗ୍ରୀଷ୍ମ ସତ୍ୟାଗ୍ରହରେ ବସିବେ ବୋଲି ଚେତାବନୀ ଦେଇଛନ୍ତି।

ବିଜୁଳି ଆଲୁଅ ନ ଥିବା ଗାଁ କେନ୍ଦୁଆକଣ

ବିଜୁଳି ଆଲୁଅ ନ ଥିବା ଗାଁ କେନ୍ଦୁଆକଣ

ଯାଜପୁର ଅଫିସ/ସୁକିନ୍ଦା (ଡି.ଏନ.ଏ.),୫।୫ ରାଜୀବ ଗାନ୍ଧୀ ଗ୍ରାମୀଣ ବିଦ୍ୟୁତିକରଣ ଯୋଜନାକୁ ଦୀନଦୟାଲ ଉପାଧ୍ୟାୟ ଗ୍ରାମ ଜ୍ୟୋତି ଯୋଜନା ନାମରେ ରୁପାନ୍ତରିତ କରାଯାଇଛି। ୨୦୧୫ ଜୁଲାଇ ୨୫ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଯୋଜନାକୁ ପାଟନାଠାରେ ଉଦ୍‌ଘାଟନ କରିଥିଲେ। ୨୦୧୮ସୁଦ୍ଧା ପ୍ରତ୍ୟେକ ଗ୍ରାମାଞ୍ଚଳକୁ ବିଦ୍ୟୁତ୍‌ ଆଲୁଅ ପହଞ୍ଚାଇବା ଏହି ଯୋଜନାର ମୂଳ ଲକ୍ଷ୍ୟ ଥିଲା।

୨ବର୍ଷ ହେଲା ମିଳିନାହିଁ ବର୍ଦ୍ଧିତ ମଜୁରି

୨ବର୍ଷ ହେଲା ମିଳିନାହିଁ ବର୍ଦ୍ଧିତ ମଜୁରି

ଯାଜପୁର ଅଫିସ,୫।୫ କଳିଙ୍ଗନଗରସ୍ଥିତ ନୀଳାଚଳ ଇସ୍ପାତ ନିଗମ ଲିଃ (ଏନ୍‌ଆଇଏନ୍‌ଏଲ)ରେ କାର୍ଯ୍ୟରତ ଠିକା ଶ୍ରମିକ(ଜବ ଅନ୍‌ କଣ୍ଟ୍ରାକ୍ଟ)ମାନେ ଗତ ୨ବର୍ଷ ହେଲା ବର୍ଦ୍ଧିତ ସର୍ବନିମ୍ନ ମଜୁରି ପାଇ ନାହାନ୍ତି। ଏ ନେଇ ଶ୍ରମିକ ମହଲରେ ଉତ୍ତେଜନା ପ୍ରକାଶ ପାଇବା ସହିତ ଶୁକ୍ରବାର କୋକ୍‌ଓଭେନ କାର୍ଯ୍ୟାଳୟ ପରିସରରେ ଆସିଷ୍ଟାଣ୍ଟ ଜେନେରାଲ ମ୍ୟାନେଜର ଓ ଆସିଷ୍ଟାଣ୍ଟ ମ୍ୟାନେଜର(ମାନବ ସମ୍ବଳ)ଙ୍କୁ ଘରାଉ କରିଥିଲେ। ତେବେ ଆସନ୍ତା ୧୦ ତାରିଖ ମଧ୍ୟରେ ଶ୍ରମିକଙ୍କ ବର୍ଦ୍ଧିତ ଦରମା ଉପରେ ବିଚାର କରାଯିବ ବୋଲି ପ୍ରତିଶ୍ରୁତି ଦେବା ପରେ ଘେରାଉ ପ୍ରଶମିତ ହୋଇଥିଲା।

କଟକଣା ସତ୍ତ୍ୱେ ସମୁଦ୍ରରେ ଚାଲିଛି ଡଙ୍ଗା

କଟକଣା ସତ୍ତ୍ୱେ ସମୁଦ୍ରରେ ଚାଲିଛି ଡଙ୍ଗା

ପାରାଦୀପ,୫ା୫(ସ୍ବ.ପ୍ର.): ସମୁଦ୍ରରେ ମାଛବଂଶ ବୃଦ୍ଧି ନିମନ୍ତେ ୨ ମାସ ମାଛ ମାରିବା ବନ୍ଦ କରିବାକୁ ସରକାରୀ ଭାବେ କଟକଣା ଜାରି କରାଯାଇଛି। ଏହି କଟକଣା ଅନୁଯାୟୀ, ଏପ୍ରିଲ୍‌ ୧୫ରୁ ଜୁନ୍‌ ୧୫ ପର୍ଯ୍ୟନ୍ତ ସମୁଦ୍ରରେ ମାଛଧରା ଟ୍ରଲର ଓ ଡଙ୍ଗା ଚଳାଚଳ ନିଷେଧ। କିନ୍ତୁ କଟକଣା ଜାରି ହୋଇଥିବା ସତ୍ତ୍ୱେ ଏବେ ୨ରୁ ୪ଟି ମାଛଧରା ଡଙ୍ଗା ସମୁଦ୍ରରେ ବୁଲୁଥିବା ଦେଖିବାକୁ ମିଳୁଛି। ସେହି ଡଙ୍ଗାରେ ମାଛ ବଦଳରେ ଚାଲିଛି ଚୋରା ମୋବାଇଲ ସିମ୍‌କାର୍ଡ ଓ ତେଲ ବେପାର।

ହଜିଲାଣି ୟୁଗୋସ୍ଲୋଭିଆ କଲୋନୀ

ହଜିଲାଣି ୟୁଗୋସ୍ଲୋଭିଆ କଲୋନୀ

ପାରାଦୀପ,୫ା୫(ସ୍ବ.ପ୍ର.): ପାରାଦୀପ ବନ୍ଦର ବୟସାନୁସାରେ ଯେତିକି ସଫଳତା ହାସଲ କରୁଛି ସେହି ଅନୁପାତରେ ସମ୍ପ୍ରସାରିତ ହେଉଛି। ଏଭଳି ସମ୍ପ୍ରସାରଣ ଫଳରେ ବନ୍ଦରାଞ୍ଚଳରେ ଥିବା ସର୍ବ ପୁରାତନ ୟୁଗୋସ୍ଲୋଭିଆ କଲୋନୀ ହଜିିବାକୁ ବସିଲାଣି।

ଜଗନ୍ନାଥ ସଂସ୍କୃତିର ପ୍ରଚାର କରିବାକୁ କହିଲେ କଂସ ମହାରାଜ

ଜଗନ୍ନାଥ ସଂସ୍କୃତିର ପ୍ରଚାର କରିବାକୁ କହିଲେ କଂସ ମହାରାଜ

କୁଜଙ୍ଗ,୫ା୫(ସ୍ବ.ପ୍ର.): କୁଜଙ୍ଗ ପ୍ରେସ କ୍ଲବ ପକ୍ଷରୁ ଆୟୋଜିତ ଲୋକ ମହୋତ୍ସବର ଦ୍ୱିତୀୟ ସନ୍ଧ୍ୟାରେ ପ୍ରସିଦ୍ଧ ବରଗଡ଼ ଧନୁଯାତ୍ରାର କଂସ ମହାରାଜ ଯୋଗଦେଇ ନିଜର ଦରବାର ଚଳାଇବା ସହ କେତେକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିବାକୁ ସ୍ଥାନୀୟ ପ୍ରଶାସନ ଓ ଜନସାଧାରଣଙ୍କୁ ନିର୍ଦ୍ଦେଶ ଦେଇଛନ୍ତି। ଏହି ଅବସରରେ ସେ ଅଞ୍ଚଳର ଖବରଦାତାମାନଙ୍କୁ ଜଗନ୍ନାଥ ସଂସ୍କୃତିର ମହାନତାକୁ ବିଶ୍ୱ ବ୍ୟାପୀ ପ୍ରଚାର କରିବାକୁ ନିର୍ଦ୍ଦେଶ ଦେଇଥିଲେ।

ସାଲେପୁର ଶିଶୁକନ୍ୟା ବଳାତ୍କାର, ହତ୍ୟା ମାମଲା: ଅଭିଯୁକ୍ତଙ୍କୁ ୨ଦିନିଆ ରିମାଣ୍ଡରେ ନେବ ପୋଲିସ

ସାଲେପୁର ଶିଶୁକନ୍ୟା ବଳାତ୍କାର, ହତ୍ୟା ମାମଲା: ଅଭିଯୁକ୍ତଙ୍କୁ ୨ଦିନିଆ ରିମାଣ୍ଡରେ ନେବ ପୋଲିସ

କଟକ ଅଫିସ, ୪।୫- ସାଲେପୁର ଶିଶୁକନ୍ୟା ବଳାତ୍କାର ଓ ହତ୍ୟା ମାମଲାରେ ଅଭିଯୁକ୍ତ ମହମ୍ମଦ ମୁସ୍ତାକ(୨୫)ଙ୍କୁ ସାଲେପୁର ପୋଲିସ ୨ଦିନିଆ ରିମାଣ୍ଡରେ ଆଣିବ। ପୋକ୍‌ସୋ ସମ୍ପର୍କିତ ମାମଲାର ବିଚାର କରୁଥିବା ସ୍ବତନ୍ତ୍ର କୋର୍ଟ ପୋଲିସକୁ ଏ ନେଇ ଶୁକ୍ରବାର ଅନୁମତି ପ୍ରଦାନ କରିଛନ୍ତି। ଶନିବାର ମଧ୍ୟାହ୍ନରୁ ପୋଲିସ ମୁସ୍ତାକଙ୍କୁ ରିମାଣ୍ଡରେ ଆଣି ପଚରାଉଚରା କରିବ ଏବଂ ସୋମବାର ମଧ୍ୟାହ୍ନରେ କୋର୍ଟରେ ହାଜର କରିବ ବୋଲି ନିର୍ଦ୍ଦେଶ ଦିଆଯାଇଛି।

ବୈଜୟନ୍ତଙ୍କ ନିର୍ବାଚନୀ ମିଥ୍ୟା ସତ୍ୟପାଠ ଘଟଣା: ଥାନାରେ ମାମଲା ରୁଜୁ

ବୈଜୟନ୍ତଙ୍କ ନିର୍ବାଚନୀ ମିଥ୍ୟା ସତ୍ୟପାଠ ଘଟଣା: ଥାନାରେ ମାମଲା ରୁଜୁ

କେନ୍ଦ୍ରାପଡା ଅଫିସ, ୪।୫-ଗୁରୁବାର କେନ୍ଦ୍ରାପଡା ଏସଡିଜେଏମ ନିହାର ରଞ୍ଜନ ସାହୁଙ୍କ ନିର୍ଦ୍ଦେଶ ଅନୁଯାୟୀ ଏମପି ବୈଜୟନ୍ତ ପଣ୍ଡାଙ୍କ ନାମରେ ହୋଇଥିବା ନିର୍ବାଚନୀ ସତ୍ୟପାଠ ମାମଲାକୁ ଶୁକ୍ରବାର ଟାଉନ ଥାନାରେ ପଞ୍ଜୀକୃତ କରାଯାଇଛି । ୬୭/୧୮ରେ ଏହି ମାମଲା ପଞ୍ଜୀକୃତ କରାଯାଇଛି। ଏହାର ତଦନ୍ତ ରିପୋର୍ଟ ଥାନା କର୍ତ୍ତୃପକ୍ଷ ଆସନ୍ତା ଜୁଲାଇ ୨୫ ତାରିଖ ସୁଦ୍ଧା ଦେବା ପାଇଁ ଏସଡିଜେଏମ ସାହୁ ନିର୍ଦ୍ଦେଶ ଦେଇଥିଲେ ।