ଉପକୂଳ ଓଡିଶା

ବଙ୍ଗୋପସାଗରର ଉପକୂଳ ଅଞ୍ଚଳରେ ହାଇ ଆଲର୍ଟ, ବଢିପାରେ ୨ରୁ ୩ ମିଟର ଉଚ୍ଚରେ ଜୁଆର

ବଙ୍ଗୋପସାଗରର ଉପକୂଳ ଅଞ୍ଚଳରେ ହାଇ ଆଲର୍ଟ, ବଢିପାରେ ୨ରୁ ୩ ମିଟର ଉଚ୍ଚରେ ଜୁଆର

ମହାକାଳପଡ଼ା,୨୨।୪(ଡି.ଏନ୍‌.ଏ)- ରବିବାରଠାରୁ ମଙ୍ଗଳବାର ବଙ୍ଗୋପସାଗରରେ ୨ରୁ ୩ ମିଟର ଉଚ୍ଚରେ ଜୁଆର ବଢିବାର ଆଶଙ୍କା ଯୋଗୁ ଉପକୂଳ ଅଞ୍ଚଳରେ ହାଇ ଆଲର୍ଟ ଜାରି କରାଯାଇଛି। ୨ରୁ ୩ ମିଟର ଉଚ୍ଚ ସାମୁଦ୍ରିକ ଢେଉ ସ୍ଥଳଭାଗ ମୁହାଁ ହେବାର ସମ୍ଭାବନା ଥିବାରୁ ଉପକୂଳ ତଥା ତଳ ଅଞ୍ଚଳରେ ବ୍ୟାପକ ଜଳ ପ୍ରବେଶ କରିବାକୁ ନେଇ ରାଜ୍ୟ ସରକାରଙ୍କ ପକ୍ଷରୁ ବିପର୍ଯ୍ୟନ୍ତ ଉଚ୍ଚପଦସ୍ଥ ଅଧିକାରୀଙ୍କୁ ସଚେତନ କରାଯାଇଛି।

 ମହାନଦୀ ବଞ୍ଚାଅ କାର୍ଯ୍ୟକ୍ରମ

ମହାନଦୀ ବଞ୍ଚାଅ କାର୍ଯ୍ୟକ୍ରମ

ପାରାଦୀପ,୨୨।୪(ସ୍ବ.ପ୍ର.)- ବିଜେଡି ପକ୍ଷରୁ ରବିବାର ଭୁବନେଶ୍ୱରଠାରେ ମହାନଦୀ ବଞ୍ଚାଅ ନେଇ ଏକ କାର୍ଯ୍ୟକ୍ରମ ଆୟୋଜିତ ହୋଇଛି।

ଉତ୍କଳ ସାହିତ୍ୟ ସମାଜର ସାରସ୍ବତ ସମାରୋହ

ଉତ୍କଳ ସାହିତ୍ୟ ସମାଜର ସାରସ୍ବତ ସମାରୋହ

ପାରାଦୀପ,୨୨।୪(ସ୍ବ.ପ୍ର.)- ସ୍ଥାନୀୟ ନୂଆବଜାର ନିକଟସ୍ଥ ପୋଟ କ୍ଳବ ପରିସରରେ ରବିବାର ଉତ୍କଳ ସାହିତ୍ୟ ସମାଜ ଜଗତସିଂହପୁର ଜିଲା ଶାଖାର ସାରସ୍ବତ ସମାରୋହ ଓ କବି ସମ୍ମିଳନୀ ଅନୁଷ୍ଠିତ ହୋଇଛି।

ମୃଗତନ୍ଦ୍ରା ତ୍ରୈମାସିକ ସାହିତ୍ୟ ପତ୍ରିକାର ଉନ୍ନବିଂଶ ବାର୍ଷିକୋତ୍ସବ

ମୃଗତନ୍ଦ୍ରା ତ୍ରୈମାସିକ ସାହିତ୍ୟ ପତ୍ରିକାର ଉନ୍ନବିଂଶ ବାର୍ଷିକୋତ୍ସବ

ଯାଜପୁର ରୋଡ଼,୨୨।୪(ନି.ପ୍ର.)- ସ୍ଥାନୀୟ ମଧୁସୂଦନ ଶିଶୁ ମନ୍ଦିର ପରିସରରେ ରବିବାର ‘ମୃଗତନ୍ଦ୍ରା’ ତ୍ରୈମାସିକ ସାହିତ୍ୟ ପତ୍ରିକାର ଉନ୍ନବିଂଶ ବାର୍ଷିିକୋତ୍ସବ ଅନୁଷ୍ଠିତ ହୋଇଛି। ଅଧ୍ୟାପକ ସତ୍ୟବ୍ରତ ଦାସ ମୁଖ୍ୟବକ୍ତା ଭାବେ ଯୋଗଦେଇ ସମ୍ପ୍ରତି ସାହିତ୍ୟ କ୍ଷେତ୍ରରେ ପାଠକର ରୁଚି ସମ୍ପର୍କରେ ଆଲୋଚନା କରିଥିଲେ।

ଭାଜପା ଛାଡିଲେ ଜିଲା ପରିଷଦ ସଦସ୍ୟ

ଭାଜପା ଛାଡିଲେ ଜିଲା ପରିଷଦ ସଦସ୍ୟ

ଯାଜପୁର ଅଫିସ/ବରୀ,୨୨।୪: ପୂର୍ବତନ ଜିଲା ପରିଷଦ ସଦସ୍ୟ ତଥା ବରି ବ୍ଲକ ଅଧ୍ୟକ୍ଷ ନିଳମଣି ସାମଲ ରବିବାର ଭାଜପାରୁ ଇସ୍ତଫା ଦେଇଛନ୍ତି। ଏହାପରେ ସେ ବିଜେଡିର ଏକ ଶିବିରରେ ଉପସ୍ଥିତ ଥିବା ଦେଖିବାକୁ ମିଳିଛି।

ରାସ୍ତା ଉଦ୍‌ଘାଟନ

ରାସ୍ତା ଉଦ୍‌ଘାଟନ

ଯାଜପୁର ଅଫିସ,୨୨।୪: ଯାଜପୁର ଜିଲା କୋରେଇ ବ୍ଲକ ତୁଲତି ଗ୍ରାମ ପଞ୍ଚାୟତର କଅଗାଁରୁ ଗୋପୀନାଥପୁର ରାସ୍ତା ରବିବାର ଶୁଭାରମ୍ଭ ହୋଇଛି।

ସଚେତନତା କାର୍ଯ୍ୟକ୍ରମ

ସଚେତନତା କାର୍ଯ୍ୟକ୍ରମ

ଯାଜପୁର,୨୨।୪(ଡି.ଏନ୍‌.ଏ.): ସୁନ୍ଦରଗଡ ଜିଲା ବଡଗାଁ ଆଇଟିଆଇର ୬୦ ଜଣ ଛାତ୍ରୀଛାତ୍ର ସ୍ବେଚ୍ଛାକୃତ ରକ୍ତଦାନ, ସଡକ ସୁରକ୍ଷା, ଜାତୀୟ ସଂହତି, ପରିବେଶ ସୁରକ୍ଷା, ମଧୁମେହ ମୁକ୍ତ ସମାଜ ଗଠନର ପ୍ରମୁଖ ବିଷୟ ଉପରେ ସଚେତନତା ସୃଷ୍ଟି କରିବା ଲକ୍ଷ୍ୟ ନେଇ ମାର୍ଚ୍ଚ ମାସ ୨୬ରୁ ଆରମ୍ଭ ହୋଇଥିବା ଏହି ଅଭିଯାନ ରବିବାର ଯାଜପୁରରେ ପହଞ୍ଚିଥିଲା।

ନଦୀପଠାକୁ ନେଇ ନାବାଳିକାଙ୍କୁ ବଳାତ୍କାର, ନାବାଳକଙ୍କ ନାମରେ ମାମଲା

ନଦୀପଠାକୁ ନେଇ ନାବାଳିକାଙ୍କୁ ବଳାତ୍କାର, ନାବାଳକଙ୍କ ନାମରେ ମାମଲା

ମାର୍ଶାଘାଇ,୨୨।୪(ଡି.ଏନ୍‌.ଏ.): କେନ୍ଦ୍ରାପଡା ଜିଲା ମାର୍ଶାଘାଇ ଥାନା ତିଖିରୀ ଗ୍ରାମରେ ଜଣେ ୪ ବର୍ଷର ଶିଶୁକନ୍ୟାକୁ ସେହି ଗ୍ରାମର ଜଣେ ନାବାଳକ ବଳାତ୍କାର କରିଥିବା ନେଇ ରବିବାର ଅଭିଯୋଗ ହୋଇଛି। ଶିଶୁକନ୍ୟାଙ୍କ ଖୁଡୀ ଏନେଇ ଅଭିଯୋଗ କରିବା ପରେ ମାର୍ଶାଘାଇ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ଏଟିଏମ୍‌ ବନ୍ଦ, ଟଙ୍କା ପାଇଁ ଲୋକେ ହନ୍ତସନ୍ତ

ଏଟିଏମ୍‌ ବନ୍ଦ, ଟଙ୍କା ପାଇଁ ଲୋକେ ହନ୍ତସନ୍ତ

ନୟାଗଡ଼ ଅଫିସ,୨୨। ୪- ନୟାଗଡ଼ ଜିଲାର ବିଭିନ୍ନ ସ୍ଥାନ ସମେତ ସହରରେ ଥିବା ସମସ୍ତ ଏଟିଏମ୍‌ରେ ଟଙ୍କା ନ ଥିବା ଯୋଗୁ ଲୋକମାନେ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଟଙ୍କା ନ ଥିବାରୁ ସମସ୍ତ ଏଟିଏମ୍‌ ବନ୍ଦ କରି ଦିଆଯାଇଛି। ଏହାର ପ୍ରତିବାଦରେ ଶନିବାର ରାଜ୍ୟର ଥିବା ସମସ୍ତ ବ୍ୟାଙ୍କ୍‌ ଆଗରେ ବିଜେଡ଼ି ପକ୍ଷରୁ ଶାନ୍ତିପୂର୍ଣ୍ଣ ଭାବେ ଧାରଣା ଦିଆଯିବ ବୋଲି କୁହାଯାଇଥିଲା। ରାଜ୍ୟର ବିଭିନ୍ନ ବ୍ୟାଙ୍କ ଆଗରେ ପୂର୍ବାହ୍ନ ୧୦ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଧାରଣା ଦିଆଯାଇଥିଲେ ମଧ୍ୟ ନୟାଗଡ଼ ସହରର କୌଣସି ବ୍ୟାଙ୍କ୍‌ ଆଗରେ ଧାରଣା ଦିଆଯାଇ ନ ଥିବା ଦେଖିବାକୁ ମିଳିଥିଲା।

ଆଖି ବୁଜିଲେ ଅଭିଯୁକ୍ତ କାଳିଆ

ନୟାଗଡ଼ ଅଫିସ/ଦଶପଲ୍ଲା (ଡି.ଏନ୍‌.ଏ.),୨୨। ୪- ନୟାଗଡ଼ ଜିଲା ଦଶପଲ୍ଲା ଥାନା ମଧ୍ୟଖଣ୍ଡ ଫାଣ୍ଡିରେ କିରୋସିନ ଢାଳି ନିଆଁରେ ପୋଡିହୋଇ ଗୁରୁତର ଅବସ୍ଥାରେ ଚିକିତ୍ସିତ ହେଉଥିବା ଅଭିଯୁକ୍ତ କାଳିଆ କାଠୁଆଙ୍କ ଶୁକ୍ରବାର ରାତିରେ ମୃତ୍ୟୁ ଘଟିଛି। ଏହି ଘଟଣାକୁ ନେଇ ଶନିବାର ଭାଜପା ବିଧାୟକ ରବି ନାୟକ ବିଧାନସଭାରେ ପ୍ରଶ୍ନକରି ମୁଖ୍ୟମନ୍ତ୍ରୀଙ୍କଠାରୁ ଉତ୍ତର ଚାହିଁଥିବା ବେଳେ ଭାଜପା ପକ୍ଷରୁ ହଟ୍ଟଗୋଳ କରାଯାଇଥିଲା। ଘଟଣାରେ ୨ କନଷ୍ଟେବଳଙ୍କୁ ନିଲମ୍ବନ କରିଛନ୍ତି ନୟାଗଡ଼ ଏସ୍‌ପି।

ଦୋଷୀ ପ୍ରାର୍ଥୀଙ୍କୁ ଚ୍ୟାଲେଞ୍ଜ କଲେ ସଦସ୍ୟା

ପାରାଦୀପ,୨୨। ୪(ସ୍ବ.ପ୍ର.)ପାରାଦୀପ ବନ୍ଦରରେ କାର୍ଯ୍ୟରତ ପୁରୁଣା ଆଇପିଟି (ଇଣ୍ଟା ପୋର୍ଟ ଟ୍ରାନ୍ସପୋର୍ଟ) ସଂଘର କର୍ମକର୍ତ୍ତା ନିର୍ବାଚନକୁ ନେଇ ବିବାଦ ସୃଷ୍ଟି ହୋଇଛି। ଆସନ୍ତା ୨୯ରେ ଏହି ନିର୍ବାଚନ ହେବାକୁ ଥିବାବେଳେ ସିସିଆଇ (କମ୍ପିଟିଶନ କମିଶନ ଇଣ୍ଡିଆ) ସିସିଆଇ ଦ୍ୱାରା ଅଭିଯୁକ୍ତ ଓ ଦୋଷୀ ସାବ୍ୟସ୍ତ ହୋଇଥିବା ସଭାପତି, ସମ୍ପାଦକଙ୍କ ପ୍ରାର୍ଥୀତ୍ୱକୁ ନେଇ ଜଣେ ମହିଳା ସଦସ୍ୟା ଆପତ୍ତି ଉଠାଇଛନ୍ତି। ଏପରିକି ସେ କୁଜଙ୍ଗ କୋର୍ଟରେ ଏ ସମ୍ପର୍କରେ ମାମଲା (ନଂ.୧୧୩/୧୮) ରୁଜୁ କରିବା ସତ୍ତ୍ୱେ ନିର୍ବାଚନ ଅଧିକାରୀ ପ୍ରାର୍ଥିତ୍ୱକୁ ସ୍ବୀକାର କରିବା ସମ୍ପର୍କରେ ସଦସ୍ୟା ଜଣଙ୍କ ଗଣମାଧ୍ୟମରେ ମୁହଁ ଖୋଲିଛନ୍ତି।

୧୧ ପରିବାରକୁ ତଡ଼ିଦେଲେ ଗ୍ରାମବାସୀ

୧୧ ପରିବାରକୁ ତଡ଼ିଦେଲେ ଗ୍ରାମବାସୀ

ଏରସମା,୨୨। ୪(ସ୍ବ.ପ୍ର.)ଏରସମା ଥାନା ଅନ୍ତର୍ଗତ ଆମ୍ବିକି ପଞ୍ଚାୟତ ଗଙ୍ଗା ବେଲାରୀ ଗ୍ରାମର ବିକାଶ ସେନାପତିଙ୍କୁ ଅପହରଣ ପରେ ହତ୍ୟା କରାଯିବା ଘଟଣା ଭିନ୍ନ ମୋଡ଼ ନେଉଛି। ଏହି ଘଟଣାରେ ଗିରଫ ୪ ଅଭିଯୁକ୍ତଙ୍କ ପରିବାର ସମେତ ମୋଟ ୧୧ ପରିବାରଙ୍କୁ ଉତ୍ତ୍ୟକ୍ତ ଗ୍ରାମବାସୀ ଗାଁରୁ ତଡ଼ି ଦେଇଛନ୍ତି। ଫଳରେ ଗ୍ରାମରୁ ବିତାଡିତ ପରିବାରଗୁଡିକର ମାତା ସେନାପତି, ଲିଲିମା ସେନାପତି, ଭାରତୀ ସାହୁ, ଶାନ୍ତି ସେନାପତି, ସତୀ ସେନାପତି, ବୁଦ୍ଧି ସେନାପତି, କାନ୍ଦୁରୀ ସେନାପତି ପ୍ରମୁଖ ପିଲାଛୁଆଙ୍କୁ ଧରି ଶନିବାର ଏରସମା ଥାନାର ଦ୍ୱାରସ୍ଥ ହୋଇଛନ୍ତି। ଏହି ଘଟଣାକୁ ନେଇ ଗ୍ରାମରେ ଉତ୍ତେଜନା ଲାଗି ରହିଛି। ଆଇଆଇସି ବିଚିତ୍ରାନନ୍ଦ ସେଠୀଙ୍କ ନେତୃତ୍ୱରେ ଗ୍ରାମରେ ପୋଲିସ ପାଟ୍ରୋଲିଂ କଡାକଡି କରାଯାଇଛି। ଅନ୍ୟପକ୍ଷରେ ଏହି ଘଟଣାରେ ଅଭୟଚାନ୍ଦପୁର ଥାନାରେ ଏକ ହତ୍ୟା ମାମଲା (ନଂ.୩୮/୧୮) ରୁଜୁ ହୋଇଛି।

ପାଇକା ସେତୁ ଦାବି ଜୋର ଧରିଲା

ମାର୍ଶାଘାଇ ,୨୨। ୪(ଡିଏନଏ)-ମାର୍ଶାଘାଇ ଥାନା ଅନ୍ତର୍ଗତ ତିଖିରି-ଜିଲାନାସୀ ନିକଟରେ ପାଇକା ନଦୀ ଉପରେ ପ୍ରସ୍ତାବିତ ସେତୁ ନିର୍ମାଣ ଦାବି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିବା ପାଇଁ ଗଁ। ଠାରୁ ଭୁବନେଶ୍ୱର ପର୍ଯ୍ୟନ୍ତ ବାଇକ ଶୋଭାଯାତ୍ରା କରିବା ପାଇଁ ନିଷ୍ପତ୍ତି ହୋଇଛି। ନିକଟରେ ତିଖିରିର ପାଇକା ନଦୀଘାଟ କୂଳରେ ଏ ନେଇ ଆଞ୍ଚଳିକ ଯୁବ ସମୁହ ତରଫରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। କେନ୍ଦ୍ରାପଡା ଏବଂ ଜଗତସିଂହପୁର ଜିଲାକୁ ସଂଯୋଗୀକରଣ ନିମନ୍ତେ ତିଖିରୀ ଏବଂ ଜିଲାନାସୀ ଗ୍ରାମପଞ୍ଚାୟତ ଅନ୍ତର୍ଗତ ପାଇକା ନଦୀ ଉପରେ ଏକ ସେତୁ ନିର୍ମାଣ କରିବା ପାଇଁ ଅଞ୍ଚଳବାସୀଙ୍କ ତରଫରୁ ବହୁବାର ଦାବି ହୋଇଆସିଛି। ଏହି ଦାବି ନେଇ ୨୦୧୫ ଡିସେମ୍ବର ୨୦ରେ ଏକ ସମାବେଶ କରାଯାଇଥିଲା।

ଶିଳ୍ପ ବିବାଦ ଅଭିଯୋଗ ଅଧିକ, ପଞ୍ଜୀକରଣ ନୂ୍ୟନ

ଯାଜପୁର ଅଫିସ,୨୨।୪ଶିଳ୍ପ ସମୃଦ୍ଧ ଯାଜପୁର ଜିଲା ଶ୍ରମ ବିଭାଗରେ ଶିଳ୍ପ ବିବାଦ ସମ୍ବନ୍ଧୀୟ ଅଭିଯୋଗ ଅଧିକ। ହେଲେ ମାମଲା ପଞ୍ଜୀକରଣ ନ୍ୟୁନ। ୨୦୧୨-୧୩ରୁ ୨୦୧୭-୧୮ ବର୍ଷ ଶେଷ ସୁଦ୍ଧା ୮୯ଟି ଶିଳ୍ପ ବିବାଦ ଅଭିଯୋଗ ହୋଇଥିବାବେଳେ ସେଥିରୁ ମାତ୍ର ୪୪ଟି ମାମଲାକୁ ଗ୍ରହଣ କରାଯାଇଛି। ଏପରି କି ମାତ୍ର ୨୭ଟି ମାମଲାର ସମାଧାନ ହୋଇଛି। ଅନ୍ୟପକ୍ଷେ ବିଭିନ୍ନ କାରଣ ଦର୍ଶାଇ ୨୮ଟି ଅଭିଯୋଗ ଉପରେ ବୁଝାମଣା ବିଫଳ ହୋଇଥିବା ତଥ୍ୟ ସରକାରଙ୍କ ନିକଟରେ ଦାଖଲ ହୋଇଛି। ଅବଶିଷ୍ଟ ୨ଟି ମାମଲା ବିଚରାଧିନ ଅଛି।

ଅନାଥ ପିଲାଙ୍କ ଥଇଥାନ ପାଇଁ ହାତ ବଢ଼ାଇଲା ଶିଶୁ ସୁରକ୍ଷା ୟୁନିଟ

ଯାଜପୁର ଅଫିସ/କୋରେଇ(ସ୍ବ.ପ୍ର.),୨୨। ୪ଯାଜପୁର ଜିଲା କୋରାଇ ବ୍ଲକର ଗୋଳେଇପୁର ପଞ୍ଚାୟତର ମା’ବାପା ଛେଉଣ୍ଡ ତିନିଜଣ ପିଲାଙ୍କୁ ଶନିବାର ଯାଜପୁର ଶିଶୁ ସୁରକ୍ଷା ୟୁନିଟ ଥଇଥାନ କରିଛି। ସାନବିରୁହଁ। ଗ୍ରାମର ଧ୍ରୁବ ମାଝୀଙ୍କ ଝିଅ ପାକୁ ମାଝୀ ୨୦୧୬ ମସିହାରେ ମୃତ୍ୟୁବରଣ କରିଥିଲେ ।

ଚୋରା କାଠ ଡିପୋରେ ଚଢ଼ାଉ: ଲକ୍ଷାଧିକ ଟଙ୍କାର କାଠ ଜବତ

ଚୋରା କାଠ ଡିପୋରେ ଚଢ଼ାଉ: ଲକ୍ଷାଧିକ ଟଙ୍କାର କାଠ ଜବତ

ଦଶରଥପୁର/ଯାଜପୁରରୋଡ,୨୨। ୪(ଡିଏନ୍‌ଏ/ନି.ପ୍ର.)ବନ ବିଭାଗ କଟକ ଓ ବନ ବିଭାଗ(ଭିଜିଲାନ୍ସ) କଟକ ପକ୍ଷରୁ ଯାଜପୁର ପୋଲିସ ସହାୟତାରେ ଦଶରଥପୁର ବ୍ଲକର କାଟିଆ ଛକଠାରୁ ମାତ୍ର କିଛି ଦୂରରେ ଥିବା ଏକ କାଠ ଡିପୋ ଉପରେ ମିଳିତ ଚଢ଼ାଉ କରାଯାଇଥିଲା। ଚଢାଉ ସମୟରେ ଏହି ଡିପୋରୁ ଲକ୍ଷାଧିକ ଟଙ୍କାର ଚୋରା କାଠ ଜବତ ହୋଇଥିବା ବିଭାଗୀୟ ଅଧିକାରୀମାନେ ସୂଚନା ଦେଇଛନ୍ତି। ପ୍ରକାଶ ଯେ, ଦଶରଥପୁର ବ୍ଲକ ଗୋପାଳପୁର ପଞ୍ଚାୟତ ବିଭୂତିପୁର ବଡବସ୍ତିର ସେକ୍‌ ଇବ୍ରାହିମ ଏକ ଡିପୋ କରି ଦୀର୍ଘଦିନ ହେଲା ଚୋରା କାଠ ବ୍ୟବସାୟ କରିଆସୁଥିଲେ।

ଚିକିତ୍ସାରେ ଅବହେଳା ଅଭିଯୋଗ: ରାସ୍ତାରୋକୋ

ଚିକିତ୍ସାରେ ଅବହେଳା ଅଭିଯୋଗ: ରାସ୍ତାରୋକୋ

ମହାକାଳପଡା, ୨୧।୪ (ଡି.ଏନ.ଏ.) ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇ କଟକ ବଡ ଡାକ୍ତରଖାନାରେ ଚିକିତ୍ସାଧୀନ ଥିବା ମହାକାଳପଡା ବ୍ଲକର ଜଣେ ଯୁବକଙ୍କ ଶୁକ୍ରବାର ବିଳମ୍ବିତ ରାତିରେ ମୃତ୍ୟୁ ଘଟିଛି। ଚିକିତ୍ସାରେ ଅବହେଳା ହୋଇଥିବା ଅଭିଯୋଗକରି ଶନିବାର ପରିବାର ଓ ସମ୍ପର୍କୀୟଙ୍କ ତରଫରୁ ବଉଳକଣୀଠାରେ ରାସ୍ତାରୋକ ହୋଇଥିଲା।

ଚୋରା ମଦ ଜବତ: ୧ ଗିରଫ

କଳିଙ୍ଗ ନଗର,୨୧।୪(ଡି.ଏନ୍‌.ଏ)- ଚୋରା ମଦ ବ୍ୟବସାୟ ଅଭିଯୋଗରେ ଦାନଗଦୀ ପୋଲିସ ଶନିବାର ରାଣିପଡ଼ା ଗ୍ରାମର ସଚି ନାୟକ(୪୦)ଙ୍କୁ ଗିରଫ କରି ୬ ଲିଟର ମଦ ଜବତ କରିଛି।

କାଠୁଆ ନାବାଳିକା ବଳାତ୍କାର, ହତ୍ୟା ଘଟଣା: ସଚେତନ ନାଗରିକ ମଞ୍ଚ ପକ୍ଷରୁ କ୍ୟାଣ୍ଡେଲ ଶୋଭାଯାତ୍ରା

ବିଞ୍ଝାରପୁର,୨୧।୪(ଡି.ଏନ.ଏ)- ଜମ୍ମୁକଶ୍ମୀରର କାଠୁଆ ଜିଲାରେ ଜନୈକା ନାବାଳିକାଙ୍କୁ ବଳାତ୍କାର ଓ ହତ୍ୟା ଘଟଣାକୁ ବିଞ୍ଝାରପୁର ସଚେତନ ନାଗରିକ ମଞ୍ଚ ତୀବ୍ର ନିନ୍ଦା କରିବା ସହ ଶନିବାର ଏହାର ପ୍ରତିବାଦରେ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଛି।

ମଣ୍ଡାଡିହ ସ୍କୁଲ ମଧ୍ୟାହ୍ନ ଭୋଜନ ବନ୍ଦ : ବିଇଓଙ୍କୁ ଘେରିଲେ ଗ୍ରାମବାସୀ

ମଣ୍ଡାଡିହ ସ୍କୁଲ ମଧ୍ୟାହ୍ନ ଭୋଜନ ବନ୍ଦ : ବିଇଓଙ୍କୁ ଘେରିଲେ ଗ୍ରାମବାସୀ

ନୂଆଗାଁ,୨୧।୪ (ଡି,ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକ ଜାକେଡା ପଞ୍ଚାୟତର ମଣ୍ଡାଡିହ ପ୍ରାଥମିକ ବିଦ୍ୟାଳୟରେ ଗତ ୬ଦିନ ଧରି ମଧ୍ୟାହ୍ନ ଭୋଜନ ବନ୍ଦ ହୋଇଛି। ଏ ନେଇ ଗ୍ରାମବାସୀ ପ୍ରଧାନଶିକ୍ଷକଙ୍କୁ ଦାୟୀ କରିଛନ୍ତି। ଶନିବାର ଜାକେଡା ସରପଞ୍ଚ ଓ ମଣ୍ଡାଡିହ ଗ୍ରାମବାସୀ ନୂଆଗାଁ ବ୍ଲକ ଶିକ୍ଷାଧିକାରୀଙ୍କୁ ଘେରି ପ୍ରଧାନଶିକ୍ଷକଙ୍କ ବଦଳି ଦାବି କରିଛନ୍ତି।

ଉଜ୍ଜ୍ୱଳା ଯୋଜନାରେ ଗ୍ୟାସ ବଣ୍ଟନ

ଧର୍ମଶାଳା,୨୧।୪(ଡି.ଏନ୍‌.ଏ.)- ଧର୍ମଶାଳା ବ୍ଲକ ଅନ୍ତର୍ଗତ ଉତରପ୍ରତାପ ପଞ୍ଚାୟତ ନିଳକଣ୍ଠପୁର ଗ୍ରାମରେ ଶୁକ୍ରବାର ଉଜ୍ଜ୍ୱଳା ଦିବସ ଅବସରରେ ସାମାଜିକ କର୍ମୀ ଦିଲୀପ କୁମାର ଜେନାଙ୍କ ସଭାପତିତ୍ୱରେ ବଣ୍ଟନ ମେଳା ଅନୁଷ୍ଠିତ ହୋଇଛି।

ଏଟିଏମ୍‌ରେ  ଟଙ୍କା ସମସ୍ୟା: ବ୍ୟାଙ୍କ ସମ୍ମୁଖରେ  ବିଜେଡିର ଧାରଣା

ଏଟିଏମ୍‌ରେ ଟଙ୍କା ସମସ୍ୟା: ବ୍ୟାଙ୍କ ସମ୍ମୁଖରେ ବିଜେଡିର ଧାରଣା

ଆଳି,୨୧।୪(ଡି.ଏନ୍‌.ଏ.)- ବ୍ୟାଙ୍କଗୁଡିକର ଏଟିମ୍‌ରେ ଟଙ୍କା ନଥିବାରୁ ଲୋକେ କିଛି ଦିନ ହେବ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି। ଏହାକୁ ବିରୋଧ କରି ଆଳି ବ୍ଲକର ଭାରତୀୟ ଷ୍ଟେଟବ୍ୟାଙ୍କ ସମ୍ମୁଖରେ ଶନିବାର ବିଜେଡି ପକ୍ଷରୁ ଧାରଣା ଦିଆଯାଇଛି।

ବ୍ୟାଙ୍କ ସମ୍ମୁଖରେ ଧାରଣା ଦେଲେ ବିଜେଡି କର୍ମୀ

ବ୍ୟାଙ୍କ ସମ୍ମୁଖରେ ଧାରଣା ଦେଲେ ବିଜେଡି କର୍ମୀ

ବିରଜାକ୍ଷେତ୍ର,୨୧।୪(ଡି.ଏନ୍‌.ଏ)- କେନ୍ଦ୍ର ସରକାରଙ୍କ ଆର୍ଥିକ ପରିଚାଳନାରେ ଅପାରଗତାକୁ ନେଇ ବିଜେଡ଼ି ପକ୍ଷରୁ ଶନିବାର ବିଭିନ୍ନ ବ୍ୟାଙ୍କ ସମ୍ମୁଖରେ ପ୍ରତିବାଦ କରାଯିବା ସହ କିଛି ସମୟ ପାଇଁ ଧାରଣା ଦିଆଯାଇଛି। ଏଟିଏମ୍‌ରେ ଟଙ୍କା ନ ଥିବାରୁ ସାଧାରଣଜନତା ହଇରାଣ ହେଉଛନ୍ତି। ଏ ନେଇ ବିଜେଡ଼ି ନେତାମାନେ କେନ୍ଦ୍ର ସରକାରଙ୍କୁ ତୀବ୍ର ସମାଲୋଚନା କରିଛନ୍ତି।

୩ କଳା ପଥର ବୋଝେଇ ଗାଡ଼ି ଜବତ

ଚଢେଇଧରା,୨୧।୪(ଡି.ଏନ୍‌.ଏ.)- ବନବିଭାଗ ଓ ଭିଜିଲାନ୍ସ ଟିମ୍‌ ମିଳିତ ହୋଇ ଶନିବାର ଭୋରୁ ୫୩ନଂ ଜାତୀୟ ରାଜପଥ ଚଢେଇଧରା ଓ ତାରିଣୀ ଛକ ନିକଟରୁ ଗୋଟିଏ ଟ୍ରିପର ଓ ୨ଟି ଟ୍ରାକ୍ଟରକୁ ଜବତ କରିଥିଲେ ।