ଉପକୂଳ ଓଡିଶା

ଖୋଳା ନାଳ ସେତୁ ଉଦ୍‌ଘାଟିତ

ଖୋଳା ନାଳ ସେତୁ ଉଦ୍‌ଘାଟିତ

ମହାକାଳପଡ଼ା, ୧୧।୫ (ଡି.ଏନ୍‌.ଏ.):ମହାକାଳପଡ଼ା ବ୍ଲକ ବତୀଘର ପଞ୍ଚାୟତ ଦେଇ ପ୍ରବାହିତ ମହାନଦୀ ଶାଖା ଖୋଳା ନାଳଠାରେ ପ୍ରାୟ ୩କୋଟି ଟଙ୍କା ବ୍ୟୟରେ ନିର୍ମିତ ସେତୁକୁ ସ୍ଥାନୀୟ ବିଧାୟକ ଅତନୁ ସବ୍ୟସାଚୀ ନାୟକ ଗୁରୁବାର ଉଦ୍‌ଘାଟନ କରିଛନ୍ତି। ଏଥିସହ ବଡ଼ଟୁବିଠାରେ ୮କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ଗ୍ରାମଉନ୍ନୟନ ରାସ୍ତାକୁ ବିଧାୟକ ମହାନ୍ତି ଶିଳାନ୍ୟାସ କରିଛନ୍ତି। ପରେ ବତୀଘର ପଞ୍ଚାତର ଦକ୍ଷିଣଖୋଳାସ୍ଥିତ ଜ୍ଞାନମୟୀ ହଇସ୍କୁଲର ନୂତନ ଗୃହକୁ ବିଧାୟକ ଉଦ୍‌ଘାଟନ କରିଥିଲେ। ଏହି ଅବସରରେ ଦକ୍ଷୀଣଖୋଳାଠାରେ ମତ୍ସ୍ୟଗଙ୍ଗା ପୂଜା କମିଟି ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ବିଧାୟକ ମହାନ୍ତି ଯୋଗଦେଇ ଅଞ୍ଚଳର ଉନ୍ନତି ଦିଗରେ ବିଭିନ୍ନ ପଦକ୍ଷେପ ନେବା ଲାଗି ପ୍ରତିଶ୍ରୁତି ଦେଇଥିଲେ। ଏଥିସହ ପଞ୍ଚାୟତର ୩୨ଜଣଙ୍କୁ ବିଧବା ଭତ୍ତା ପ୍ରଦାନ କରିବା ସହ ୨୦ ଜଣ ହିତାଧିକାରୀଙ୍କୁ ଆବାସ ଯୋଜନାରେ ଗୃହ ନିର୍ମାଣ ପାଇଁ କାର୍ଯ୍ୟାଦେଶ ବଣ୍ଟନ କରିଥିଲେ।

କୌଳିକ ବୃତ୍ତିରୁ ଫେରାଉଛନ୍ତି ମୁହଁ

ଯାଜପୁରରୋଡ,୧୧।୫(ନି.ପ୍ର):ଯୁଗ ବଦଳୁଛି। ତା’ସହ ବଦଳୁଛି ଲୋକଙ୍କ ପସନ୍ଦ, ନାପସନ୍ଦ। ପାରମ୍ପରିକ ସଭ୍ୟତାରୁ ମୁହଁ ଫେରାଇ ଏବେ ପ୍ରାୟ ସମସ୍ତେ ଆଧୁନିକ ସମାଜ ଆଡ଼କୁ ମୁହାଁଉଛନ୍ତି। କୌଳିକ ବୃତ୍ତିକୁ ଜାବୁଡି ଧରିଥିବା କେତେକ ସମ୍ପ୍ରଦାୟ ଏବେ ସେଥିରୁ ଓହରି ଅନ୍ୟ କିଛି ବୃତ୍ତି କରି ନିଜ ପେଟ ପୋଷିବାକୁ ଚିନ୍ତା କରୁଛନ୍ତି। ଅଳ୍ପ କେତେକ ପରିବାର ନିଜର କୌଳିକ ବୃତ୍ତିକୁ ବଂଶାନୁଗତ ବେଉସା ଭାବି ଜାବୁଡି ଧରିଛନ୍ତି। କିନ୍ତୁ ଅନ୍ୟ ବ୍ୟବସାୟ ନ କଲେ କେବଳ କୌଳିକ ବୃତ୍ତିକୁ ଜାବୁଡ଼ି ଧରି ପରିବାର ପ୍ରତିପୋଷଣ କରିବା କଷ୍ଟକର ହୋଇପଡ଼ୁଛି ବୋଲି ସେମାନେ କୁହନ୍ତି। ଯେଉଁଠାରେ କୌଳିକ ବୃତ୍ତି ବଞ୍ଚତ୍ଛି ସେଠାରେ ସାମଗ୍ରୀ ନିର୍ମାଣର କୌଶଳ ବଦଳିଯାଇଛି। ନିର୍ମାଣରେ ବ୍ୟବହୃତ ହେଉଛି ଆଧୁନିକ ଯନ୍ତ୍ରପାତି। ବଢ଼େଇ ହାତଟଣା କରତ ରନ୍ଦା, ବଟାଳି ପରିବର୍ତ୍ତେ ବିଦ୍ୟୁତ୍‌ ଯନ୍ତ୍ରପାତି ବ୍ୟବହାର କରୁଛନ୍ତି। କମାର ଶାଳରେ ହାତଟଣା ପଙ୍ଖା ପରିବର୍ତ୍ତେ ମୋଟର ବ୍ୟବହାର କରାଯାଇ ଆଞ୍ଚକୁ ପବନ ଯୋଗାଇ ଦିଆଯାଉଛି। ନଳୁଆ ଶବର ଓ କେଳାଙ୍କ ମଧ୍ୟରୁ କେତେଜଣ ନିଜର କୌଳିକ ବୃତ୍ତି ଛାଡି ଚାଷ କାମ କରିବା ସହିତ ଆଉ କେତେଜଣ ଭିକ୍ଷା ବୃତ୍ତିକୁ ଆପଣାଇ ନେଇଛନ୍ତି। ଶବରଙ୍କ ପିଲାମାନେ ବିଭିନ୍ନ ଖଣି ଖାଦାନରେ କାର୍ଯ୍ୟ କରୁଥିବା ମଧ୍ୟ ଦେଖିବାକୁ ମିଳୁଛି ।

ଅନୁଗୋଳ ତାପମାତ୍ରା ମାପକ ଯନ୍ତ୍ର ଭରସା

ଯାଜପୁର ଅଫିସ,୧୧।୫:ଶିଳ୍ପସମୃଦ୍ଧ ଯାଜପୁର ଜିଲାରେ ଦୀର୍ଘ ୪ବର୍ଷ ହେଲା ତାପମାତ୍ରା ମାପକ ଯନ୍ତ୍ର ଅଚଳ ରହିଛି । ଫଳରେ ଜିଲାର ତାପମାତ୍ରା ରିପୋର୍ଟ ଅସ୍ପଷ୍ଟ ରହୁଛି। ସମୁଦ୍ରକୂଳରୁ ପ୍ରାୟ ୩୦/୩୫ କି.ମି. ଦୂର ଜିଲା ସଦରମହକୁମା ଅଞ୍ଚଳରେ ଅସହ୍ୟ ଗୁଳୁଗୁଳି ଲୋକଙ୍କ ଜନଜୀବନକୁ ବହୁମାତ୍ରାରେ ପ୍ରଭାବିତ କରୁଛି । ଏହିକ୍ରମରେ ସମୁଦ୍ରକୂଳଠାରୁ ପ୍ରାୟ ୧୫୦ କି.ମି. ଦୂରରେ ଥିବା ଅନୁଗୋଳ ଜିଲାର ତାପମାତ୍ରା ଯନ୍ତ୍ର ଉପରେ ଭରସା କରି ଯାଜପୁର ଜିଲାର ତାପମାତ୍ରା ରିପୋର୍ଟ ପ୍ରସ୍ତୁତ ହେବା ଖବରକୁ ଲୋକେ ସହଜରେ ଗ୍ରହଣ କରି ପାରୁନାହାନ୍ତି। ଗୁରୁବାର ରସୁଲପୁର ବ୍ଲକ ବଡକଇଁଚି ପଞ୍ଚାୟତର ଗୋପିନାଥପୁର ଗ୍ରାମର ଦିନମଜୁରିଆ ଶ୍ରମିକ ରମଜାନ ଖାନଙ୍କ ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଗତ ୫ବର୍ଷ ମଧ୍ୟରେ ଜିଲାରେ ଅଂଶୁଘାତରେ ସରକାରୀ ଭାବେ ୨୦ଜଣଙ୍କ ମୃତ୍ୟୁ ହୋଇଥିବା ରିପୋର୍ଟ ହୋଇଛି । କିନ୍ତୁ ବାସ୍ତବରେ ୫୦ରୁ ଊର୍ଦ୍ଧ୍ୱ ଲୋକଙ୍କ ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଜିଲାର ବେଆଇନ ପଥର ଖାଦାନର ଭୂସ୍ବର୍ଗ ଭାବେ ପରିଚିତ ଧର୍ମଶାଳା ବ୍ଲକ ଏବଂ ରନତ୍ଗର୍ଭା ସୁକିନ୍ଦା ଖଣି ଓ କଳିଙ୍ଗନଗର ଶିଳ୍ପାଞ୍ଚଳରେ ସର୍ବାଧିକ ଅଂଶୁଘାତଜନିତ ଆକ୍ରାନ୍ତ ହେଉଥିବା ଜଣାପଡିଛି।

ଅଭିଯୋଗର ୭ ଦିନ ପରେ ବି ନିଆଯାଇନାହିଁ କାର୍ଯ୍ୟାନୁଷ୍ଠାନ

ବିରଜାକ୍ଷେତ୍ର,୧୧।୫(ଡି.ଏନ୍‌.ଏ) :ବିବାହର ପ୍ରଲୋଭନ ଦେଖାଇ ଯାଜପୁର ଥାନା ଅକରପଡ଼ା ପଞ୍ଚାୟତର ଠକୁନ ଜେନା ପ୍ରେମିକାଙ୍କ ସହ ଶାରୀରିକ ସମ୍ପର୍କ ରଖିଥିଲେ। ଯୁବତୀ ଜଣକ ହେଉଛନ୍ତି ଯାଜପୁର ପୌରାଞ୍ଚଳ ଦେବୀଦ୍ୱାର ଗ୍ରାମର। ପରେ ଠକୁନ ବିବାହକୁ ପ୍ରତ୍ୟାଖ୍ୟାନ କରିବାରୁ ପ୍ରେମିକା ମେ ୨ରେ ଯାଜପୁର ଥାନାରେ ଅଭିଯୋଗ କରିଥିଲେ। ଏ ନେଇ ଯାଜପୁର ଥାନା ପକ୍ଷରୁ ୩ରେ ଏକ ମାମଲା (ନଂ.୧୧୧/୧୮) ରୁଜୁ କରାଯାଇ ପୀଡ଼ିତାଙ୍କ ଡାକ୍ତରୀ । ମଇନା କରାଯାଇଛି। ତେବେ ଅଭିଯୋଗର ୭ ଦିନ ବିତିଯାଇଥିଲେ ସୁଦ୍ଧା ପୋଲିସ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇନାହିଁ।ପ୍ରକାଶ ଯେ, ଏପ୍ରିଲ ୨୬ରେ ଠକୁନ ପ୍ରେମିକାଙ୍କୁ ବିବାହ କରିବାକୁ କହି ଘରୁ ନେଇ ଜାହାନପୁର ପଞ୍ଚାୟତ ତ୍ରିଲୋଚନପଡ଼ା ମୌଜା ତାଳହୁଡ଼ାରେ ୨ ଦିନ ରଖି ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ। ପରେ ୨୮ରେ ପ୍ରେମିକାଙ୍କୁ ତାଙ୍କ ଘରେ ଛାଡ଼ିଦେଇ ବିବାହ କରିବାକୁ ମନା କରିଦେଇଥିଲେ । ପୀଡ଼ିତାଙ୍କ ପରିବାର ଲୋକେ ଯେତେ ବୁଝାଶୁଝା କରିଥିଲେ ମଧ୍ୟ ଠକୁନ ଶୁଣି ନ ଥିଲେ। ଶେଷରେ ବାଧ୍ୟହୋଇ ୩୦ରେ ଠକୁନଙ୍କ ଘର ଆଗରେ ଧାରଣା ଦେଇଥିଲେ। ତେବେ ଯାଜପୁର ପୋଲିସ ସମିତି ସଦସ୍ୟ ଓ ଜନ ପ୍ରତିନିଧିଙ୍କ ଚାପରେ ଅଭିଯୁକ୍ତଙ୍କୁ ଗିରଫ କରିବାରେ ବିଳମ୍ବ କରୁଛି ବୋଲି ପୀଡ଼ିତାଙ୍କ ପରିବାରବର୍ଗ ଅଭିଯୋଗ କରନ୍ତି । ଅପରପକ୍ଷରେ ଅଭିଯୁକ୍ତ ଜଣକ ନାବାଳକ ବୋଲି ଜଣାପଡ଼ିଛି।

ଅଧିକ ଯୌତୁକ ଦାବିରେ ମହିଳାଙ୍କୁ ହତ୍ୟା ଉଦ୍ୟମ ଅଭିଯୋଗ

ଅଧିକ ଯୌତୁକ ଦାବିରେ ମହିଳାଙ୍କୁ ହତ୍ୟା ଉଦ୍ୟମ ଅଭିଯୋଗ

ଧର୍ମଶାଳା,୧୧।୫(ଡିଏନ୍‌ଏ):ଧର୍ମଶାଳା ଥାନା ଅନ୍ତର୍ଗତ ବ୍ରହ୍ମବରଦା ଗ୍ରାମର ଜଣେ ସଂଖ୍ୟାଲଘୁ ମହିଳାଙ୍କୁ ତାଙ୍କ ଶାଶୁଘର ଲୋକେ ଅଧିକ ଯୌତୁକ ଦାବି କରି ବିଷ ପିଆଇ ମାରିଦେବାକୁ ଉଦ୍ୟମ କରିଥିବା ଗୁରୁବାର ଥାନାରେ ଅଭିଯୋଗ ହୋଇଛି। ପୋଲିସ ଏକ ମାମଲା ରୁଜୁ କରିବା ସହିତ ମହିଳାଙ୍କ ଯାଆଙ୍କୁ ଅଟକ ରଖି ତଦନ୍ତ କରୁଛି। ପାଣିକୋଇଲି ଥାନା ଅନ୍ତର୍ଗତ ସଗଡି ଗ୍ରାମର ମିର୍ଜା ଅବଦୁଲ ରକିବ୍‌ ବେଗ୍‌ଙ୍କ ଭଉଣୀ ସରବରୀ ବେଗମ୍‌ ଗତ ୨୦୧୫ ମସିହା ନଭେମ୍ବର ୪ରେ ବ୍ରହ୍ମବରଦା ଗ୍ରାମର ସେକ୍‌ ମୁକ୍ତାର ଅଲ୍ଲୀଙ୍କୁ ମୁସଲିମ ସମ୍ପଦାୟ ରୀତିନୀତି ଅନୁସାରେ ବିବାହ ଦେଇଥିଲେ। ବର ପକ୍ଷରୁ ଦାବି ମୁତାବକ ଯୌତୁକ ଦିଆଯାଇଥିଲା। ମାତ୍ର ଅଧିକ ଆଉ ୫୦ ହଜାର ଟଙ୍କା ସହ ଏକ କଲର ଟିଭି ପାଇଁ ଶାଶୁଘର ଲୋକେ ଦାବି କରି ସରବରୀଙ୍କ ଉପରେ ଅତ୍ୟାଚାର କରୁଥିଲେ।

ଅବ୍ୟବସ୍ଥାରେ ଜେନାପୁର ଉପଡାକଘର

ଯାଜପୁର ଅଫିସ,୧୧।୫:ଯାଜପୁର ଜିଲାର ଧର୍ମଶାଳା ବ୍ଲଟ ଅନ୍ତର୍ଗତ ଜେନାପୁର ଉପଡାକଘରରେ ବର୍ତ୍ତମାନ ନାନା ସମସ୍ୟା ଲାଗି ରହିଛି । ଫଳ ସ୍ବରୂପ ଜନ ଅସନ୍ତୋଷ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ବ୍ରିଟିଶ ଅମଳରୁ ଏହା ଜଳସେଚନ ବିଭାଗ ଗୃହରେ ଭଡା ସୂତ୍ରରେ ଚାଲୁଛି । ଅଦ୍ୟାବଧି ଡାକଘରର କର୍ମଚାରୀ ଓ ଗ୍ରାହକଙ୍କ ପାଇଁ କୌଣସି ବ୍ୟବସ୍ଥା କରାଯାଇ ନାହିଁ । ଏଠାରେ କର୍ମଚାରୀଙ୍କ ପାଇଁ ଏକ ଶୌଚାଳୟର ନିହାତି ଆବଶ୍ୟକ ଥିଲେ ମଧ୍ୟ ତାହା ନ ଥିବାରୁ କର୍ମଚାରୀମାନେ ନାନା ସମସ୍ୟାର ସମ୍ମୁଖୀନ ହେଉଛନ୍ତି । ଏଠାରେ ରହିବାର କୌଣସି ସୁବିଧା ନ ଥିବାରୁ ବିଭିନ୍ନ ସମୟରେ ସେମାନେ ବହୁ ଅସୁବିଧା ମଧ୍ୟ ଭୋଗୁଛନ୍ତି । ସାଧାରଣରେ ଡାକ ବିଭାଗ ଏକ ବିଶ୍ୱସ୍ତ ସଂସ୍ଥା ଭାବେ ପରିଚିତ, ହେଲେ ଗ୍ରାହକଙ୍କ ବସିବା ଓ ଲେଖିବା ପାଇଁ ଏଠାରେ ଗୋଟିଏ ଭଲ ଜାଗା ନାହିଁ ।

ମହାନଦୀରୁ ମା’ ସହ ୩ ସନ୍ତାନଙ୍କ ମୃତଦେହ ଉଦ୍ଧାର

ମହାନଦୀରୁ ମା’ ସହ ୩ ସନ୍ତାନଙ୍କ ମୃତଦେହ ଉଦ୍ଧାର

କୁଜଙ୍ଗ,୧୦ା୫(ସ୍ବ.ପ୍ର.): ଗୁରୁବାର ଅପରାହ୍ନରେ କୁଜଙ୍ଗରେ ଏକ ଅଭାବନୀୟ ଘଟଣା ଘଟିଛି। ସ୍ଥାନୀୟ ଜଗନ୍ନାଥପୁର ଗ୍ରାମର ବିଶ୍ୱମ୍ବର ସେଠୀ ନାମକ ଯୁବକ ଗତ ମାସକ ତଳେ ଏକ ସଡ଼କ ଦୁର୍ଘଟଣାରେ ମୃତ୍ୟୁବରଣ କରିଥିଲେ।

ସାଇମାଙ୍ଗଲ୍ୟ ଟ୍ରଷ୍ଟ ପକ୍ଷରୁ ମିନି ମାରାଥନ୍‌ ଆରମ୍ଭ

ସାଇମାଙ୍ଗଲ୍ୟ ଟ୍ରଷ୍ଟ ପକ୍ଷରୁ ମିନି ମାରାଥନ୍‌ ଆରମ୍ଭ

ମହାକାଳପଡ଼ା,୧୦ା୫(ଡି.ଏନ୍‌.ଏ.)- ମହାକାଳପଡ଼ା ବ୍ଲକ ଅଧୀନ ପାଟଳିପଙ୍କ ଗ୍ରାମରେ ସାଇମାଙ୍ଗଲ୍ୟ ଆଧ୍ୟାମତ୍ିକ ଚାରିଟେବୁଲ ଟ୍ରଷ୍ଟ ପକ୍ଷରୁ ଗୁରୁବାର ଏକ ମିନି ମାରାଥନ୍‌ କାର୍ଯ୍ୟକ୍ରମ ଆରମ୍ଭ ହୋଇଯାଇଛି।

ମାନସିକ ବିକାରଗ୍ରସ୍ତ ନାବାଳିକାଙ୍କୁ ବଳାତ୍କାର: ଅଭିଯୁକ୍ତ ଗିରଫ

ମାନସିକ ବିକାରଗ୍ରସ୍ତ ନାବାଳିକାଙ୍କୁ ବଳାତ୍କାର: ଅଭିଯୁକ୍ତ ଗିରଫ

ନୟାଗଡ଼ ଅଫିସ, ୧୦।୫: ନୟାଗଡ ଇଟାମାଟି ଥାନା ଅଞ୍ଚଳରେ ମାନସିକ ବିକାରଗ୍ରସ୍ତ ନାବାଳିକାକୁ ଉକ୍ତ ଗ୍ରାମର ବ୍ରଜବନ୍ଧୁ ସାହୁ (୪୮) ବଳାତ୍କାର କରିଥିବା ଅଭିଯୋଗ ହୋଇଥିଲା। ଏହି ଘଟଣାରେ ଇଟାମାଟି ଥାନା ପୋଲିସ ଗୁରୁବାର ଅଭିଯୁକ୍ତଙ୍କୁ ଗିରଫ କରିଛି।

 ତହସିଲ କାର୍ଯ୍ୟାଳୟ ଘେରାଉ

ତହସିଲ କାର୍ଯ୍ୟାଳୟ ଘେରାଉ

ଚଣ୍ଡିଖୋଲ,୧୦।୫(ଡି,ଏନ,ଏ) ଯାଜପୁର ଜିଲା ଅନ୍ତର୍ଗତ ଦର୍ପଣ ତହସିଲରେ ବ୍ୟାପକ ଅନିୟମିତତା ଓ ଲଘୁଖଣିଜ ଦ୍ରବ୍ୟ ଲୁଟ ବିରୋଧରେ ବଡ଼ଚଣା ଭାଜପା ତରଫରୁ ଗୁରୁବାର ତହସିଲ କାର୍ଯ୍ୟାଳୟ ଘେରାଉ କରାଯାଇଛି। ଜିଲା ଭାଜପା ସଭାପତି ଗୌତମ ରାୟଙ୍କ ପୌରହିତ୍ୟରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା ।

ଭୂମିହୀନଙ୍କୁ ପଟ୍ଟାପ୍ରଦାନ ଦାବିରେ ତହସିଲ ଅଫିସ ସମ୍ମୁଖରେ ବିକ୍ଷୋଭ

ଭୂମିହୀନଙ୍କୁ ପଟ୍ଟାପ୍ରଦାନ ଦାବିରେ ତହସିଲ ଅଫିସ ସମ୍ମୁଖରେ ବିକ୍ଷୋଭ

ଯାଜପୁର ରୋଡ, ୧୦।୫(ଡି.ଏନ୍‌.ଏ.): ଓଡ଼ିଶା ଦଳିତ ଅଧିକାର ମଞ୍ଚ କୋରେଇ ଶାଖା ପକ୍ଷରୁ କୋରେଇ ଭୂମିହୀନଙ୍କୁ ଘରପଟ୍ଟା ପ୍ରଦାନ ଦାବିରେ ବ୍ଲକର ୨୮ଟି ପଞ୍ଚାୟତ ଶତାଧିକ ମହିଳା ଓ ପୁରୁଷ ଗୁରୁବାର ବ୍ୟାସନଗର ତହସିଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି।

ଦିନ ମଜୁରିଆଙ୍କ ଅଂଶୁଘାତରେ ମୃତ୍ୟୁ ଅଭିଯୋଗ

ଯାଜପୁର ଅଫିସ,୧୦।୫: ଯାଜପୁର ଜିଲା ରସୁଲପୁର ବ୍ଲକ ବଡକଇଁଚି ପଞ୍ଚାୟତର ଗୋପିନାଥପୁର ଗ୍ରାମର ଦିନ ମଜୁରିଆ ରମଜାନ ଖାନ(୬୨)ଙ୍କ ଗୁରୁବାର ଅପରାହ୍ନରେ ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି।

ବ୍ୟାଙ୍କରୁ ଟଙ୍କା ଉଠାଇ ଫେରିବା ବେଳେ ଲୁଟ

ବ୍ୟାଙ୍କରୁ ଟଙ୍କା ଉଠାଇ ଫେରିବା ବେଳେ ଲୁଟ

ଯାଜପୁର ଅଫିସ,୧୦।୫: ଯାଜପୁର ଜିଲା ସୁକିନ୍ଦା ଥାନା ଅନ୍ତର୍ଗତ ହାତିବାଡି ରାସ୍ତାର ଆମ୍ପୋଲବା ପେଟ୍ରୋଲ ପମ୍ପ ନିକଟରେ ଗୁରୁବାର ମଧ୍ୟାହ୍ନରେ ଲୁଟ ଅଭିଯୋଗ ହୋଇଛି। ୨ଜଣ ଦୁର୍ବୃତ୍ତ ପଲସର ଗାଡିରେ ଆସି ପତି ପତ୍ନୀଙ୍କ ଠାରୁ ୨୫ ହଜାର ଟଙ୍କା ଲୁଟ କରି ଫେରାର ହୋଇ ଯାଇଛନ୍ତି।

ଯୁବକଙ୍କ ମୃତଦେହ ଉଦ୍ଧାର

ଯୁବକଙ୍କ ମୃତଦେହ ଉଦ୍ଧାର

ଛତିଆ, ୧୦।୫(ଡି.ଏନ୍‌.ଏ.): ଯାଜପୁର ଜିଲା ବୈରୀ ଥାନା ଅନ୍ତର୍ଗତ ସମିଆ ପଞ୍ଚାୟତ ଚମ୍ପାପୁର ଗ୍ରାମର ଏକ ବିଲରୁ ଗୁରୁବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି।

ଶ୍ରୀରଘୁନାଥଜୀଉଙ୍କ ପୀଠରେ ଚନ୍ଦନ ଯାତ୍ରା ଉଦ୍‌ଯାପିତ

ଶ୍ରୀରଘୁନାଥଜୀଉଙ୍କ ପୀଠରେ ଚନ୍ଦନ ଯାତ୍ରା ଉଦ୍‌ଯାପିତ

ଓଡ଼ଗାଁ,୧୦ା୫(ସ୍ବ.ପ୍ର.)-ଓଡ଼ଗାଁରେ ବିଜେ ଶ୍ରୀରଘୁନାଥଜୀଉଙ୍କ ୨୧ ଦିନ ବ୍ୟାପୀ ଚନ୍ଦନ ଯାତ୍ରା ବୁଧବାର ପୂର୍ବାହ୍ନରେ ଉଦ୍‌ଯାପିତ ହୋଇଛି। ଅକ୍ଷୟ ତୃତୀୟା ଠାରୁ ଆରମ୍ଭ ହୋଇଥିବା ଏହି ଯାତ୍ରା ଅବସରରେ ପ୍ରତ୍ୟହ ସନ୍ଧ୍ୟାରେ ଶ୍ରୀଜୀଉମାନେ ସ୍ବତନ୍ତ୍ର ବିମାନରେ ପଟୁଆରରେ ମନ୍ଦିରରୁ ବାହାରି ପଦ୍ମସାଗରକୁ ଯାଇ ନୌକାବିହାର କରିଥିଲେ। ଏହି ଯାତ୍ରାର ଅନ୍ତିମ ଦିବସକୁ ଭଉଁରି କୁହାଯାଏ ।

ନିରାକାରପୁରରେ ଚନ୍ଦନ ଯାତ୍ରା ଶେଷ

ନିରାକାରପୁରରେ ଚନ୍ଦନ ଯାତ୍ରା ଶେଷ

ନିରାକାରପୁର,୧୦ା୫(ଡି.ଏନ୍‌.ଏ.)- ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତରେ ଥିବା ରାମମନ୍ଦିରରେ ଶ୍ରୀରାମ ଦୟା ପରିଷଦ ଆନୁକୂଲ୍ୟରେ ପ୍ରଭୁ ଶ୍ରୀରାମଚନ୍ଦ୍ରଙ୍କ ଚନ୍ଦନଯାତ୍ରା ଶେଷ ହୋଇଛି। ପବିତ୍ର ଅକ୍ଷୟ ତୃତୀୟାଠାରୁ ଆରମ୍ଭ ହୋଇଥିବା ଏହି ପର୍ବ ମଙ୍ଗଳବାର ଭଉଁରିରେ ଶେଷ ହୋଇଛି।

ଗୋରୁ ଚୋରଙ୍କ ପଥର ମାଡ଼ରେ ଯୁବକଙ୍କ ମୁଣ୍ଡ ଫାଟିଲା

ଗୋରୁ ଚୋରଙ୍କ ପଥର ମାଡ଼ରେ ଯୁବକଙ୍କ ମୁଣ୍ଡ ଫାଟିଲା

ନିରାକାରପୁର,୧୦ା୫(ଡି.ଏନ୍‌.ଏ.)- ମଙ୍ଗଳବାର ମଧ୍ୟରାତ୍ରରେ ଖୋର୍ଦ୍ଧା ଜିଲା ନିରାକାରପୁର ଥାନା ଅଞ୍ଚଳରେ ଗୋରୁ ଚୋରଙ୍କ ଟେକା ମାଡ଼ରେ ଜଣେ ଯୁବକ ଗୁରୁତର ହୋଇଛନ୍ତି। ସେ ହେଲେ ଏହି ଥାନା ଅନ୍ତର୍ଗତ ପାଣ୍ଡବପାଟଣା ଗ୍ରାମର ଚିତ୍ତରଞ୍ଜନ ବେହେରା।

କାଳବୈଶାଖୀ: ବ୍ୟାପକ କାଜୁ ଫସଲ ନଷ୍ଟ

ଟାଙ୍ଗୀ(ଖୋର୍ଦ୍ଧା),୧୦ା୫ (ଡି.ଏନ.ଏ.)- ଗତ ୨ ତାରିଖ ମଧ୍ୟରାତ୍ରିରେ ହୋଇଥିବା କାଳବୈଶାଖୀ ପ୍ରଭାବରେ ଟାଙ୍ଗୀ ଅଞ୍ଚଳରେ ବ୍ୟାପକ କାଜୁ ଫସଲ କ୍ଷୟକ୍ଷତି ହୋଇଛି। ଫଳରେ ଏହି ଫସଲ କରି ପରିବାର ଚଳାଉଥିବା ଚାଷୀମାନେ ଭାଙ୍ଗିପଡିଛନ୍ତି। ଖରିଫ ଓ ରବି ଚାଷରେ ବିଭିନ୍ନ ପ୍ରକାର ରୋଗପୋକ ଲାଗି ଫସଲ କ୍ଷୟକ୍ଷତି ହେଉଛି।

ଦିନକର କାହାଣୀ : ଟାଏକୋଣ୍ଡୋ ପ୍ରଶିକ୍ଷକ ଦିବ୍ୟ ରଞ୍ଜନ ବରାଡ଼

ଦିନକର କାହାଣୀ : ଟାଏକୋଣ୍ଡୋ ପ୍ରଶିକ୍ଷକ ଦିବ୍ୟ ରଞ୍ଜନ ବରାଡ଼

ଦଶବର୍ଷ ବୟସରୁ ବାପାଙ୍କୁ ହରାଇ ମା’ ଓ ସାନ ଭାଇଙ୍କ ବୋଝ ମୁଣ୍ଡାଇ ଆସିଥିବା ୨୮ ବର୍ଷୀୟ ବାଇକ ମେକାନିକ ତଥା ଟାଏକୋଣ୍ଡୋ ପ୍ରଶିକ୍ଷକ ଦିବ୍ୟରଞ୍ଜନ ବରାଡ ସମ୍ପ୍ରତି ସାମାଜିକ ଶୃଙ୍ଖଳା ପ୍ରତି କାର୍ଯ୍ୟ କରିବାକୁ ଅଣ୍ଟା ଭିଡିଛନ୍ତି । ନୟାଗଡ ଜିଲା ଓଡଗଁ। ଦଲକ ସାହି ବାସିନ୍ଦା ଦିବ୍ୟରଞ୍ଜନ ପରିବାରର ଆର୍ଥିକ ଦୁରବସ୍ଥା ପାଇଁ ଦଶମ ଶ୍ରେଣୀରୁ ପାଠପଢାରେ ଡୋରି ବାନ୍ଧିଥିଲେ । ମାମୁଙ୍କ ପ୍ରଚେଷ୍ଟାରୁ ସେ ଭୁବନେଶ୍ୱରର ଏକ ବାଇକ ଗ୍ୟାରେଜରେ ରହି ଜଣେ ସଫଳ ବାଇକ ମେକାନିକ ହୋଇପାରିଛନ୍ତି । ଏତଦ୍‌ ବ୍ୟତୀତ ପିଲାଦିନେ ବାପାଙ୍କ ପ୍ରେରଣାରେ ସେ ସ୍ବଳ୍ପ ଦିନ ନିମନ୍ତେ ନୟାଗଡରେ ଟାଏକୋଣ୍ଡୋ ପ୍ରଶିକ୍ଷଣ ନେଇଥିଲେ ।

ବିଦ୍ୟୁତ୍‌ ଆଲୋକ ପାଲଟିଛି ସାତସପନ

ବିଦ୍ୟୁତ୍‌ ଆଲୋକ ପାଲଟିଛି ସାତସପନ

ନୂଆଗାଁ,୧୦ା୫ (ଡି.ଏନ.ଏ.)- ପ୍ରତ୍ୟେକ ଗ୍ରାମକୁ ବିଦ୍ୟୁତ୍‌ ଯୋଗାଇ ଦିଆଯାଉଛି ବୋଲି ଦେଶର ପ୍ରଧାନମନ୍ତ୍ରୀ ଡିଣ୍ଡିମ ପିଟୁଛନ୍ତି। ହେଲେ ନୟାଗଡ଼ ଜିଲା ନୂଆଗାଁ ବ୍ଲକରେ ଏହାର ବ୍ୟତିକ୍ରମ ପରିଲକ୍ଷିତ ହୋଇଛି। ଏହି ବ୍ଲକ ଅନ୍ତର୍ଗତ ଜାକେଡା ପଞ୍ଚାୟତର ବଡଜିରି, ସାନଜିରି ଓ ତୁକୁଡା ଗ୍ରାମବାସୀଙ୍କ ପାଇଁ ବିଦ୍ୟୁତ୍‌ ଆଲୋକ ସାତସପନ ପାଲଟିଛି।

ରାହୁଳା ନଦୀବନ୍ଧ ନିର୍ମାଣରେ ଅନିୟମିତତା

ବରୀ,୧୦ା୫(ସ୍ବ.ପ୍ର) ବରୀ ଜଳସମ୍ପଦ ସବଡିଭିଜନ୍‌ ଅଧୀନରେ ରହିଛି ରାହୁଳା ନଦୀବନ୍ଧ। ଏହି ନଦୀବନ୍ଧ ମରାମତି ନାଁରେ ପ୍ରତିବର୍ଷ ଲକ୍ଷ ଲକ୍ଷ ଟଙ୍କା ଆସୁଛି। ବନ୍ଧର ସ୍ଥାୟୀତ୍ୱ ରହୁ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବନ୍ଧ ମରାମତି ଓ ଉଚ୍ଚା କରାଯିବା ପାଇଁ ଏବେ ୧୯ଲକ୍ଷ ଟଙ୍କା ଆସିଥିବା ଜଣାପଡିଛି। ତାହା ପୁଣି ରାହୁଳାଠାରୁ ରଜାପୁର ପୋଲ ପର୍ଯ୍ୟନ୍ତ ୧୪୫୦ ମିଟର ଲମ୍ବ ନିର୍ମାଣ ହେବ ବୋଲି ରେକର୍ଡ ରହିଛି।

କାଗଜ କଲମରେ ସୀମିତ ଜଳସେଚନ ତଥ୍ୟ

କାଗଜ କଲମରେ ସୀମିତ ଜଳସେଚନ ତଥ୍ୟ

ଯାଜପୁର ଅଫିସ,୧୦ା୫ ଯାଜପୁର ଜିଲାରେ ଗତ ଖରିଫ୍‌ରେ ୬୪,୭୭୮ ହେକ୍ଟର ଜମିକୁ ବିଭିନ୍ନ ଜଳ ଉତ୍ସ ମାଧ୍ୟମରେ ଜଳସେଚନ କରାଯାଇଥିବାବେଳେ ଚଳିତବର୍ଷ ୮୨,୦୩୯.୧୧ ହେକ୍ଟର ଜମିରେ ଜଳସେଚନର ଲକ୍ଷ୍ୟ ରଖାଯାଇଛି।

ଅଲୋଡ଼ା ହୋଇଛି ଶହୀଦ ସ୍ମାରକୀ ଭବନ

ଅଲୋଡ଼ା ହୋଇଛି ଶହୀଦ ସ୍ମାରକୀ ଭବନ

ଯାଜପୁର ଅଫିସ,୧୦ା୫ ଯାଜପୁର ଜିଲା ବରୀ ଲୋକଙ୍କ ଭାବାବେଗକୁ ସମ୍ମାନ ଜଣାଇ ପ୍ରାୟ ୬୦ଲକ୍ଷ ଟଙ୍କା ବ୍ୟୟରେ ନିର୍ମିତ ଶହୀଦ ସ୍ମାରକୀ ଭବନ ଏବେ ଅଲୋଡ଼ା ହୋଇ ପଡ଼ିଛି। ଭବନରେ ନିର୍ମିତ ୧୨ଟି ପିଣ୍ଡି, ୬ଟି ଶୌଚାଳୟ, ଗୋଟିଏ ରୋଷେଇ ଗୃହ, ୫ଟି ବିଶ୍ରାମ କକ୍ଷ ସରକାରୀ ଉଦାସୀନତା ଯୋଗୁ ଭୂତକୋଠି ପାଲଟିଛି। ଏପରି କି ସ୍ମୃତିପୀଠରେ ଶହୀଦଙ୍କ ପ୍ରତିମୂର୍ତ୍ତି ସ୍ଥାପନ ମଧ୍ୟ ଏଯାବତ୍‌ ହୋଇପାରିଲା ନାହିଁ ।

ଆଦର୍ଶ ଶିକ୍ଷକଙ୍କ ଦେହାନ୍ତ, କନ୍ୟା ଦେଲେ ମୁଖାଗ୍ନି

ଆଦର୍ଶ ଶିକ୍ଷକଙ୍କ ଦେହାନ୍ତ, କନ୍ୟା ଦେଲେ ମୁଖାଗ୍ନି

କୁଜଙ୍ଗ,୧୦ା୫(ସ୍ବ.ପ୍ର): ସାଧାରଣତଃ ଶବଦାହ ସମୟରେ ଝିଅ ଓ ମହିଳାମାନଙ୍କୁ ଶ୍ମଶାନକୁ ଯିବାକୁ ବାରଣ କରାଯାଇଥାଏ। କୌଣସି ବ୍ୟକ୍ତିଙ୍କ ମୃତ୍ୟୁ ଘଟିଲେ ପୁତ୍ର ମୁଖାଗ୍ନି ଦିଅନ୍ତି। ମାତ୍ର ଜଗତ୍‌ସିଂହପୁର ଜିଲା କୁଜଙ୍ଗ ବ୍ଲକରେ ଜଣେ ଝିଅ ନିଜ ପିତାଙ୍କୁ ମୁଖାଗ୍ନି ଦେଇଛନ୍ତି। ଏହି ବ୍ଲକ୍‌ ମଙ୍ଗରାଜପୁର ନିବାସୀ ତଥା କପିଳେଶ୍ୱର ଉଚ୍ଚ ବିଦ୍ୟାଳୟ, ଖୁରୁସିଆର କାର୍ଯ୍ୟକାରୀ ପ୍ରଧାନ ଶିକ୍ଷକ ପୂର୍ଣ୍ଣ ସାହୁ(୫୬)ଙ୍କ ମଙ୍ଗଳବାର ପରଲୋକ ହୋଇଥିଲା।