ଉପକୂଳ ଓଡିଶା

ବେଆଇନ ମଦ ବିକ୍ରିକୁ ବିରୋଧ: ଦଳିତ ମହିଳାଙ୍କ ରାସ୍ତା ଅବରୋଧ

ବେଆଇନ ମଦ ବିକ୍ରିକୁ ବିରୋଧ: ଦଳିତ ମହିଳାଙ୍କ ରାସ୍ତା ଅବରୋଧ

ବେଗୁନିଆ, ୨୯।୮(ଡି.ଏନ୍‌.ଏ.): ଖୋର୍ଦ୍ଧା ଜିଲା ବେଗୁନିଆ ଥାନା ଗେଡିଆପଲି ବଜାର ନିକଟରେ ବହୁ ଦିନଧରି ବେଆଇନ ଭାବେ ମଦ ବିକ୍ରି ହୋଇ ଆସୁଛି। 

ପଞ୍ଚାୟତରେ ଉନ୍ନୟନମୂଳକ କାର୍ଯ୍ୟ ତଦାରଖ

ବିଞ୍ଝାରପୁର, ୨୯ା୮(ଡି.ଏନ.ଏ)- ବିଞ୍ଝାରପୁର ବ୍ଲକ ପ୍ରଶାସନ ମଙ୍ଗଳବାର ଅରେଇ ପଞ୍ଚାୟତ କାର୍ଯ୍ୟାଳୟରେ ଚଢାଉ କରି ବିଭିନ୍ନ ଉନ୍ନୟନମୂଳକ ପ୍ରକଳ୍ପ କାର୍ଯ୍ୟ ତଦାରଖ କରିବା ସହ ପ୍ରକଳ୍ପଗୁଡିକୁ ବୁଲିଦେଖିଛନ୍ତି। ଅରେଇ ପଞ୍ଚାୟତ ସରପଞ୍ଚଙ୍କ ବିରୋଧରେ ଗ୍ରାମବାସୀ ଜିଲା ପ୍ରଶାସନ ନିକଟରେ ଅଭିଯୋଗ କରିଥିଲେ ା ଅଭିଯୋଗକୁ ଭିତ୍ତି କରି ଜିଲାପ୍ରଶାସନ ପକ୍ଷରୁ ତଦନ୍ତ ପାଇଁ ବ୍ଲକ ପ୍ରଶାସନକୁ ନିର୍ଦ୍ଦେଶ ଦିଆଯାଇଥିଲା। ବିଡିଓ ଦାମୋଦର ଖଣ୍ଟିିଆ, ପଞ୍ଚାୟତ ଅଧିକାରୀ ସତ୍ୟ ରଞ୍ଜନ ମିଶ୍ର, ସହକାରୀ ଯନ୍ତ୍ରୀ ରଞ୍ଜନ କୁମାର ସାମଲ, କନିଷ୍ଠଯନ୍ତ୍ରୀ ପ୍ରଶାନ୍ତ ଘଡେଇ, ଅତିରିକ୍ତ ବିଡିଓ ଜ୍ଞାନେନ୍ଦ୍ର ଲେଙ୍କା ପ୍ରମୁଖ ଏହି ଯାଞ୍ଚବେଳେ ଉପସ୍ଥିତ ଥିଲେ ା 

ବିଧାୟିକାଙ୍କୁ ସ୍ବାଗତ ସମ୍ବର୍ଦ୍ଧନା

ବିଧାୟିକାଙ୍କୁ ସ୍ବାଗତ ସମ୍ବର୍ଦ୍ଧନା

ବିଞ୍ଝାରପୁର, ୨୯ା୮(ଡି.ଏନ୍‌.ଏ)-  ବିଞ୍ଝାରପୁର ବିଧାୟିକା ପ୍ରମିଳା ମଲ୍ଲିକଙ୍କୁ ୨୦୧୪ ବର୍ଷ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶ୍ରେଷ୍ଠ ବିଧାୟିକାଭାବେ ପଣ୍ଡିତ ନୀଳକଣ୍ଠ ସମ୍ମାନରେ ସମ୍ମାନିତ କରିଛନ୍ତି। ଏ ନେଇ ବିଧାୟିକାଙ୍କୁ ବ୍ଲକର ବିଭିନ୍ନ ମହଲରୁ ସ୍ବାଗତ ଓ ଶୁଭେଚ୍ଛା ଜ୍ଞାପନ କରାଯିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଯାଇଛି। ଏ ନେଇ ମଙ୍ଗଳବାର ତାଉଁତରା, ମଇଁନ୍ଦା, ବିଞ୍ଝାରପୁର ଓ ମଁାସଡାଠାରେ ଦଳୀୟ ନେତା ଓ କର୍ମୀମାନେ ମଲ୍ଲିକଙ୍କୁ ସ୍ବାଗତ କରିବା ସହିତ ସମ୍ବର୍ଦ୍ଧିତ କରିଛନ୍ତି। ତାଉଁତରାଠାରେ ଯୁବ ବିଜେଡି ସଭାପତି କାମଦେବ ଧଳଙ୍କ ନେତୃତ୍ୱରେ, ବିଞ୍ଝାରପୁରଠାରେ ଯୁବ ବିଜେଡି ସମ୍ପାଦକ ସୁଖରଞ୍ଜନ ପରିଡା, ମଁାସଡା ଗ୍ରାମ ବ୍ଲକଛକଠାରେ ସରପଞ୍ଚ ରାମଚନ୍ଦ୍ର ବେହେରାଙ୍କ ନେତ୍‌ୃତ୍ୱରେ ସ୍ବାଗତ ସମ୍ବର୍ଦ୍ଧନା କରାଯାଇଥିଲା ା

ସସ୍ମିତା ମୃତ୍ୟୁ ମାମଲା:ପରିବାର ଲୋକଙ୍କୁ ଭେଟିଲା ମହିଳା,କିନ୍ନର ସଙ୍ଘ

ସସ୍ମିତା ମୃତ୍ୟୁ ମାମଲା:ପରିବାର ଲୋକଙ୍କୁ ଭେଟିଲା ମହିଳା,କିନ୍ନର ସଙ୍ଘ

ସୁକିନ୍ଦା, ୨୯ା୮(ଡି.ଏନ୍‌.ଏ.)- ସୁକିନ୍ଦା ଥାନା ଅନ୍ତର୍ଗତ ମଙ୍ଗଳପୁର ଗ୍ରାମର ସସ୍ମିତା ନାୟକଙ୍କୁ କୋରେଇ ଥାନା ଅନ୍ତର୍ଗତ କୋରାବନ୍ଦୀ ଗ୍ରାମସ୍ଥିତ ଶ୍ୱଶୁର ଘର ଲୋକ ଗତ ୧୩ରେ ପୋଡି ମାରିଦେଇଥିବା ଅଭିଯୋଗ ହୋଇଥିଲା ା ଘଟଣାରେ ସସ୍ମିତାଙ୍କ ସ୍ବାମୀ ସାନ୍ତନୁ ସାମଲ ଏବଂ ଶ୍ୱଶୁର ଚନ୍ଦ୍ରମଣି ସାମଲ ଗିରଫ ହୋଇ ଜେଲରେ ଅଛନ୍ତି। ତେବେ ଏହି ଘଟଣାପରେ ଆଜି ଯାଜପୁର ଜିଲ୍ଲା କିନ୍ନର ସଙ୍ଘ ସଭାପତି କାଜଲ ଏବଂ ମଙ୍ଗଳପୁର ମହିଳା ସଙ୍ଘ କର୍ମକର୍ତ୍ତା ମୃତ ସସ୍ମିତାଙ୍କ ପରିବାରକୁ ଭେଟି ସାନ୍ତ୍ୱନା ଜଣାଇଛନ୍ତି।

 ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ:ସେବାଶ୍ରମରେ ଜିଲା ପ୍ରଶାସନ ପକ୍ଷରୁ ଚଢାଉ

ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ:ସେବାଶ୍ରମରେ ଜିଲା ପ୍ରଶାସନ ପକ୍ଷରୁ ଚଢାଉ

ବିଞ୍ଝାରପୁର, ୨୯ା୮(ଡି.ଏନ୍‌.ଏ.)- ଉତ୍ତର ପ୍ରଦେଶ ଓ ବିହାରରେ ଥିବା ବିଭିନ୍ନ ସେବାଶ୍ରମରେ ଯୌନ ନିର୍ଯାତନା ଘଟଣାରେ ସୁପ୍ରିମକୋର୍ଟ ସେବାଶ୍ରମଗୁଡିକର ଯାଞ୍ଚ ପାଇଁ ସମସ୍ତ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଏ ନେଇ ମଙ୍ଗଳବାର ଯାଜପୁର ଜିଲା ପ୍ରଶାସନ ପକ୍ଷରୁ ଜିଲାରେ ଥିବା ବିଭିନ୍ନ ସେବାଶ୍ରମଗୁଡିକରେ ଚଢାଉ କରାଯାଇଛି। ପ୍ରଥମେ ବିଞ୍ଝାରପୁର ବ୍ଲକ ଅଳକୁଣ୍ଡ ପଞ୍ଚାୟତ ନୂଆଗାଁରେ ଥିବା ବଳଦେବ ଜୀଉ ସେବାଶ୍ରମରେ ଚଢାଉ କରାଯାଇଥିଲା। ସେଠାରେ ରହିଥିବା ୫୪ ଜଣ ଶିଶୁ ଓ ଅନ୍ୟାନ୍ୟ ଅସହାୟ ବାଳିକା ଓ ବାଳକଙ୍କୁ ଆଶ୍ରମର ବ୍ୟବସ୍ଥା ସମ୍ବନ୍ଧରେ ପଚାରିବୁଝିବା ସହ ଆଶ୍ରମର ପରିବେଶ ଯାଞ୍ଚ କରାଯାଇଥିଲା।

ମଦ ଜବତ, ଜଣେ ଗିରଫ

 ଧର୍ମଶାଳା, ୨୯ା୮(ଡି.ଏନ୍‌.ଏ.)- ଧର୍ମଶାଳା ଥାନା ଅନ୍ତର୍ଗତ ଜାରକାଠାରେ ଚୋରାମଦ ନେଇ ଯାଉଥିବା ଜଣେ ବ୍ୟବସାୟୀଙ୍କୁ ମଙ୍ଗଳବାର ପୋଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣଙ୍କ ସାଲେପୁର ଗ୍ରମାର ଦୁର୍ଯ୍ୟୋଧନ ନାୟକ । ଦୁର୍ଯ୍ୟୋଧନ ଜାରକାରୁ ବେଆଇନଭାବେ ବିଦେଶୀ ମଦ ନେଇଯାଉଥିବାବେଳେ ପୋଲିିସ ତାଙ୍କୁ ଜାରକାଠାରେ ଗିରଫ କରିବା ସହ ୨୫ ବୋତଲ ମଦ ଜବତ କରିଥିଲା। ଏ ନେଇ ଏକ ମାମଲା (୩୩୯/୧୮) ରୁଜୁ କରି ଦୁର୍ଯ୍ୟୋଧନଙ୍କୁ ଚଣ୍ଡିଖୋଲ କୋର୍ଟକୁ ଚାଲାଣ କରିଥିବା ପୋଲିସ କହିଛି। 

ଶିକ୍ଷୟିତ୍ରୀଙ୍କ ଅମତ୍ହତ୍ୟା

 ଧର୍ମଶାଳା, ୨୯ା୮ (ଡି.ଏନ୍‌.ଏ.)- ଧର୍ମଶାଳା ଥାନା ଅନ୍ତର୍ଗତ ଶାନ୍ତି ବଜାରଠାରେ ରହୁଥିବା ଜଣେ ଶିକ୍ଷୟିତ୍ରୀ ମଙ୍ଗଳବାର ସକାଳେ ଦେହରେ କିରୋସିନ ଢାଳି ନିଆଁ ଲଗାଇ ଆମତ୍ହତ୍ୟା କରିଥିବା ଅଭିଯୋଗ ହୋଇଛି। ମୃତ ଶିକ୍ଷୟିତ୍ରୀ ଜଣଙ୍କ ସରୋଜିନୀ ଦାସ ା ସେ ଅଚ୍ୟୁତପୁରସ୍ଥିତ ଦାମୋଦର ହାଇସ୍କୁଲରେ ଶିକ୍ଷୟିତ୍ରୀ ଥିଲେ। ଏନେଇ ଧର୍ମଶାଳା ପୋଲିସ ଏକ ଅପମୃତ୍ୟୁ ମାମଲା (୨୬/୧୮)  ରୁଜୁ କରି ଶବ ବ୍ୟବଚ୍ଛେଦ ପାଇଁ ବଡ଼ଚଣା ପଠାଇଥିବା ବେଳେ ଘଟଣାର ଅଧିକ ତଦନ୍ତ କରାଯାଉଥିବା ଥାନା ଅଧିକାରୀ ଉମାକାନ୍ତ ନାୟକ କହିଛନ୍ତି। ସରୋଜିନୀ ମାନସିିକ ରୋଗୀ ହୋଇଥିବାରୁ ଏପରି କରିଥିବା ପରିବାର ଲୋକେ କହିିଛନ୍ତି। 

ଭାଙ୍ଗିପଡିଲା ହାଇମାଷ୍ଟ ଲାଇଟ୍‌ ଖୁଣ୍ଟ: ଅଳ୍ପକେ ବର୍ତ୍ତିଲେ କାର ଚାଳକ

ଭାଙ୍ଗିପଡିଲା ହାଇମାଷ୍ଟ ଲାଇଟ୍‌ ଖୁଣ୍ଟ: ଅଳ୍ପକେ ବର୍ତ୍ତିଲେ କାର ଚାଳକ

ପାରାଦୀପ,୨୯ା୮(ସ୍ବ.ପ୍ର): ପାରାଦୀପ ପୌର ପାଳିକା ପକ୍ଷରୁ ସ୍ଥାନୀୟ ହନୁମାନ ମନ୍ଦିର ପାଖରେ ଗତବର୍ଷ ଲଗାଯାଇଥିବା ହାଇମାଷ୍ଟ ଲାଇଟ୍‌ ଖୁଣ୍ଟଟି ମଙ୍ଗଳବାର ସନ୍ଧ୍ୟାରେ ହଠାତ୍‌ ଭାଙ୍ଗି ପଡିଛି। କେତେଜଣ ଦୁର୍ବୃତ୍ତ ବିଦ୍ୟୁତ୍‌ ଖୁଣ୍ଟ ମୂଳରେ ଥିବା ନଟ୍‌ ବୋଲ୍ଟ ଖୋଲି ନେଇଯିବା ଦ୍ୱାରା ଏଭଳି ଘଟିଛି। ୧୭ ମିଟର ଉଚ୍ଚତା ବିଶିଷ୍ଟ ଏହି ଖୁଣ୍ଟ ମୂଳ ଭାଙ୍ଗି ଏକ କାର ଉପରେ ପଡିଥିଲା। ସୌଭାଗ୍ୟବସତଃ କାରରେ ଥିବା ଚାଳକ ଓ ଅନ୍ୟ ୨ଜଣ ଅଳ୍ପକେ ବର୍ତ୍ତିଯାଇଛନ୍ତି। ଖୁଣ୍ଟ ପଡିବାବେଳେ ପ୍ରଥମେ ମନ୍ଦିର ପାଚେରି ଓ ପାଖରେ ଥିବା ଗଛରେ ବାଡେଇ ହେବାରୁ ସେମାନେ ଅଳ୍ପକେ ବର୍ତ୍ତିଯାଇଥିଲେ। ପରେ କ୍ରେନ୍‌ ସାହାଯ୍ୟରେ ଖୁଣ୍ଟକୁ ଅପସାରଣ କରାଯାଇଛି। ପ୍ରାୟ ୫ଲକ୍ଷ ଟଙ୍କାର ଏହି ଲାଇଟ୍‌ ସମ୍ପୂର୍ଣ୍ଣ ରୂପେ ନଷ୍ଟ ହୋଇଯାଇଛି। 

ଥାନାରୁ ଚମ୍ପଟ ଯୁବକଙ୍କ ମୃତ୍ୟୁ ଘଟଣା:ଅଭିଯୁକ୍ତ ପୋଲିସ ଅଧିକାରୀଙ୍କ ଗିରଫ ଦାବି

ମହାକାଳପଡା,୨୯।୮(ଡି.ଏନ୍‌.ଏ.)- ମହାକାଳପଡା ଥାନା ହାଜତରୁ ଫେରାର ହେବାପରେ ରବିବାର ସନ୍ଦେହଜନକ ଅବସ୍ଥାରେ ଅବିନାଶ ପାଇଟାଳ(୨୩) ଓରଫ ମୂଷାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା। ଅପରପକ୍ଷେ  ଚୋରି ଅଭିଯୋଗରେ ମୂଷାଙ୍କୁ ପୋଲିସ ଥାନା ହାଜତରେ ପିଟିପିଟି ମାରି ଦେଇଥିତ୍ବା ନେଇ ମୃତକଙ୍କ ପରିବାର ପକ୍ଷରୁ ଅଭିଯୋଗ ହୋଇଥିଲା। ଏହି ଘଟଣା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି। ମହାକାଳପଡା ଥାନା ଅଧିକାରୀ ଶ୍ୟାମଘନ ବେହେରାଙ୍କୁ ତୁରନ୍ତ ଗିରଫ କରିବା ପାଇଁ   ମହାକାଳପଡା ନିର୍ବାଚନ ମଣ୍ଡଳୀର କଂଗ୍ରେସ ପିସିସି ସଭ୍ୟ ଉମାକାନ୍ତ ନାୟକ ସୋମବାର ଦାବି କରିଛନ୍ତି।

ହାଜତରୁ ଫେରାର ଯୁବକଙ୍କ ମୃତ୍ୟୁ ଘଟଣା:ପୋଲିସ ବିରୋଧରେ ତେଜୁଛି ଜନ ଅସନ୍ତୋଷ

କେନ୍ଦ୍ରାପଡ଼ା ଅଫିସ୍‌, ୨୯।୮:ମହାକାଳପଡ଼ା ଥାନା ହାଜତରୁ ଶନିବାର ରାତିରେ ଫେରାର ହୋଇ ଯାଇଥିବା ଅବିନାଶ ପାଇଟାଳ(୨୩) ନାମକ ଜନୈକ ଯୁବକଙ୍କ ଝୁଲନ୍ତା ମୃତଦେହ ଥାନାଠାରୁ ମାତ୍ର ୨୦୦ ମିଟର ଦୂରରୁ ଗତ ରବିବାର ଉଦ୍ଧାର କରାଯାଇଥିଲା। ପୋଲିସ ମାଡ଼ରେ ଅବିନାଶଙ୍କ ମୃତ୍ୟୁ ହୋଇଥିବା ପରିବାର ପକ୍ଷରୁ ଅଭିଯୋଗ ହେବା ପରେ ଏ ନେଇ ଧୀରେଧୀରେ ଜନ ଅସନ୍ତୋଷ ତେଜୁଛି। ଯୁବ ଗୋଷ୍ଠୀ, ରାଜନୈତିକ କର୍ମକର୍ତ୍ତାଙ୍କଠାରୁ ଆରମ୍ଭ କରି ବହୁ ସାମାଜିକ ଅନୁଷ୍ଠାନ ଏହା ବିରୋଧରେ ସ୍ବର ଉଠାଉଛନ୍ତି। ଏହି ଘଟଣାରେ ଥାନାଧିକାରୀ ଶ୍ୟାମଘନ ବେହେରାଙ୍କ ନିଲମ୍ବନ ସତ୍ତ୍ୱେ ଏଭଳି ବର୍ବରୋଚିତ କାଣ୍ଡରେ ସମ୍ପୃକ୍ତ ଅନ୍ୟ କର୍ମଚାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଓ ନିଲମ୍ବିତ ଥନାଧିକାରୀଙ୍କୁ ଗିରଫ ପାଇଁ ବିଭିନ୍ନ ଅନୁଷ୍ଠାନ ଦାବି କରିଛନ୍ତି। 

କାଟଣା ପଞ୍ଚାୟତର ସରପଞ୍ଚକୁ ମାଡ ଅଭିଯୋଗ

ରାଜକନିକା ,୨୯।୮( ଡି.ଏନ.ଏ) ; ରାଜକନିକା ଥାନା ଅନ୍ତର୍ଗତ କାଟଣା ପଞ୍ଚାୟତର ସରପଞ୍ଚ ନିରାକାର  ସେଠୀ ସୋମବାର ଅପରାହ୍ନରେ ଡାହଣଗିରି ଗାଁରୁ ବ୍ଲକ କାର୍ଯ୍ୟାଳୟକୁ   ଆସୁଥିବା ବେଳେ ସଂଘବନ୍ଧ ଆକ୍ରମଣର ଶିକାର ହୋଇଛନ୍ତି।କେତେଜଣ ଅସମାଜିକ ବ୍ୟକ୍ତି ଆୟତନ ଗ୍ରାମର ଶେଷ ମୁଣ୍ଢରେ ତାଙ୍କୁ ମିଳତିଭାବେ  ଆକ୍ରମଣ କରି ନିକଟସ୍ଥ ପାଣ୍ଡରୁକୋଲି ଗ୍ରାମକୁ ନେଇ ମାଡମାରିବା ସହ ଗୋଡହାତ ବାନ୍ଧି ଦେଇଥିଲେ । 

ଅଜଣା ଗାଡ଼ି ଧକ୍କାରେ ଯୁବକ ମୃତ

ଅଜଣା ଗାଡ଼ି ଧକ୍କାରେ ଯୁବକ ମୃତ

ଡେରାବିଶ, ୨୯।୮ (ସ୍ବ.ପ୍ର.):ଡେରାବିଶ ଥାନା ଏଣ୍ଡର ପଞ୍ଚାୟତ ଅଧୀନ ନୀଳକଣ୍ଠପୁର(୧) ଗ୍ରାମର ପୀତାମ୍ବର ସ୍ବାଇଁଙ୍କ ପୁଅ ରଞ୍ଜନ କୁମାର (୪୫)ଙ୍କର ମଙ୍ଗରବାର ଏକ ଅଜଣା ଗାଡି ଧକ୍କାରେ ମୃତ୍ୟୁ ଘଟିଛି। ଏ ନେଇ ପରିବାର ପକ୍ଷରୁ ଥାନାରେ ହୋଇଥିବା ଅଭିଯୋଗକୁ ଭିତ୍ତି କରି ପୋଲିସ ୭/୧୮ନଂ.ରେ ଏକ ମାମଲା ରୁଜୁ କରିଛି।

ଘରୁ ଉଠାଇ ନେଇ ନାବାଳିକାଙ୍କୁ ଗଣବଳାତ୍କାର ଅଭିଯୋଗ

ଘରୁ ଉଠାଇ ନେଇ ନାବାଳିକାଙ୍କୁ ଗଣବଳାତ୍କାର ଅଭିଯୋଗ

ଆଳି, ୨୯।୮ (ଡି.ଏନ.ଏ.):ଆଳି ଥାନା ଅଞ୍ଚଳର ଜନୈକା ନାବାଳିକା(୧୬)ଙ୍କୁ ୩ ଜଣ ଯୁବକ ଉଠାଇ ନେଇ ଗଣ ବଳାତ୍କାର କରିଥିବା ତାଙ୍କ ଜେଜେବାପା ମଙ୍ଗଳବାର ଥାନାରେ ମୌଖିକ ଅଭିଯୋଗ କରିଛନ୍ତି। ମିଳିଥିବା ସୂଚନା ଅନୁସାରେ, ରବିବାର ରାତିରେ ଖାଇସାରି ସମ୍ପୃକ୍ତା ନାବାଳିକା ଘରେ ଶୋଇଥିବା ବେଳେ ରାତି ପ୍ରାୟ ସାଢ଼େ ୩ଟା ସୁଦ୍ଧା ସେ ଘରେ ନ ଥିବା ପରିବାର ଲୋକେ ଜାଣିପାରିଥିଲେ। ତେବେ ସେ ନିଖୋଜ ହୋଇଯାଇଥିବା ନେଇ ସୋମବାର ତାଙ୍କ ଜେଜେବାପା ଆଳି ଥାନାରେ ଅଭିଯୋଗ କରିଥିଲେ। ଏ ନେଇ ୧୧୯/୧୮ ନଂ.ରେ ଏକ ମାମଲା ରୁଜୁ ହୋଇଥିଲା। 

ସ୍ବଚ୍ଛ ଭାରତ ଅଭିଯାନ ପାଇଁ ସଚେତନତା କାର୍ଯ୍ୟକ୍ରମ

ସ୍ବଚ୍ଛ ଭାରତ ଅଭିଯାନ ପାଇଁ ସଚେତନତା କାର୍ଯ୍ୟକ୍ରମ


ପାଟକୁରା,୨୮।୮(ଡି.ଏନ୍‌.ଏ)- ଗରଦପୁର ପଞ୍ଚାୟତର ସ୍ବଚ୍ଛ ଭାରତ ଅଭିଯାନ ପକ୍ଷରୁ ମଙ୍ଗଳବାର ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ମଦ ଜବତ, ଜଣେ ଗିରଫ


ଛତିଆ,୨୮ ।୮(ଡି.ଏନ୍‌.ଏ)- ଚେରାମଦ ବିକ୍ରି ଅଭିଯୋଗରେ ବୈରୀ ପୋଲିସ୍‌ ମଙ୍ଗଳବାର ଜଣଙ୍କୁ ଗିରଫ କରିଛି। ଅଭିଯୁକ୍ତ ହେଲେ ମଙ୍ଗଲ ମୁଣ୍ଡା(୪୦)। ଏଥିସହ ତାଙ୍କଠାରୁ ୨୦ ଲିଟର ଦେଶୀ ମଦ ଜବତ କରିଛି। ଜଣେ ବ୍ୟକ୍ତି ଚୋରା ମଦ ନେଇ ଯାଉଥିବା କୌଣସି ସୂତ୍ରରୁ ଖବରପାଇ ଥାନା ଅଧିକାରୀ ନିରଞ୍ଜନ ଶବର କାର୍ଯ୍ୟାନୁଷ୍ଠାନ ପାଇଁ ଏସ୍‌ଆଇ ଅକ୍ଷୟ ବେହେରାଙ୍କୁ ନିର୍ଦ୍ଦେଶ ଦେଇଥିଲେ। 

ଗାଁ ରେ ପଶିଲେ ହାତୀ

ଗାଁ ରେ ପଶିଲେ ହାତୀ


ଛତିଆ,୨୮ ।୮(ଡି.ଏନ୍‌.ଏ)- ବଡଚଣା ବ୍ଲକ୍‌ ବରୁଣିଆ ଗ୍ରାମ ମଧ୍ୟରେ ହାତୀ ପଶିବାରୁ ଗ୍ରାମବାସୀ ଆତଙ୍କିତ ହୋଇପଡ଼ିଛନ୍ତି । କିଛିଦିନ ହେବ ସେହି ଅଞ୍ଚଳରେ ହାତୀ ଆତଙ୍କ ଲାଗି ରହିଛି । ପ୍ରତିଦିନ ହାତୀ ଧାନ ବିଲ ମଧ୍ୟ ନଷ୍ଟ କରୁଛନ୍ତି। ବଡଚଣା ବ୍ଲକ୍‌ ଅନ୍ତର୍ଗତ ପାରିଆ ପଞ୍ଚାୟତ ବରୁଣିଆ ଗ୍ରାମ ମଧ୍ୟରେ ସୋମବାର ରାତିରେ ଦୁଇଟି ହାତୀ ପଶି ଗ୍ରାମ ମଧ୍ୟରେ ଆତଙ୍କ ଖେଳାଇ ଥିଲେ ।

ଯୁବକଙ୍କ ସନ୍ଦେହଜନକ ମୃତ୍ୟୁ

ଯୁବକଙ୍କ ସନ୍ଦେହଜନକ ମୃତ୍ୟୁ


ମାର୍ଶାଘାଇ,୨୮।୮(ଡି.ଏନ୍‌.ଏ)- ମାର୍ଶାଘାଇ ଥାନା ଅଞ୍ଚଳ ବାଲଣା ଗ୍ରାମର ଅବିନାଶ ପାଇଟାଳ ଓରଫ ମୂଷା(୨୩) ମହାକାଳପଡା ଥାନା ପୋଲିସ ହେପାଜତରେ ଥିବାବେଳେ ମଙ୍ଗଳବାର ତାଙ୍କର ମୃତ୍ୟୁ ଘଟିଛି। ପୋଲିସ ମୂଷାକୁ ପିଟିପିଟି ମାରିଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି। କେନ୍ଦ୍ରାପଡ଼ା ଜିଲା କଂଗ୍ରେସର ଏକ ଟିମ୍‌ ମଙ୍ଗଳବାର ବାଲଣାସ୍ଥିତ ମୃତକଙ୍କ ଘରେ ପହଞ୍ଚି ତାଙ୍କ ପରିବାରକୁ ସାନ୍ତ୍ୱନା ଦେଇଥିଲେ। 

ବାଇକ୍‌ ଧକ୍କାରେ ବୃଦ୍ଧା ଗୁରୁତର

ବାଇକ୍‌ ଧକ୍କାରେ ବୃଦ୍ଧା ଗୁରୁତର

 
ମହାକାଳପଡ଼ା,୨୮।୮(ଡି.ଏନ୍‌.ଏ)- ମହାକାଳପଡ଼ା ବ୍ଲକ ଅଧୀନ ଜମ୍ବୁ-ମାର୍ଶାଘାଇ ମୁଖ୍ୟ କେନାଲ ବନ୍ଧ ରୂପାଲି ଛକଠାରେ ମଙ୍ଗଳବାର ବାଇକ୍‌ ଧକ୍କାରେ ଗୁରୁତର ହୋଇଛନ୍ତି। ସେ ହେଲେ ବଉଳକଣୀ ପଞ୍ଚାୟତ ତୋଷିଆ ବେଲାରୀ ଗ୍ରାମର ପଲଟା ମାଝୀ(୬୦)।

ଖଣି ଉପନିର୍ଦ୍ଦେଶକଙ୍କ ସହ ଆଲୋଚନା କଲେ ଟ୍ରକ୍‌ ମାଲିକ

ଖଣି ଉପନିର୍ଦ୍ଦେଶକଙ୍କ ସହ ଆଲୋଚନା କଲେ ଟ୍ରକ୍‌ ମାଲିକ

ଯାଜପୁରରୋଡ,୨୮।୮(ନି.ପ୍ର.)- ଜିପିଏସ୍‌ ଅଚଳ ଯୋଗୁ ଯାଜପୁର ଜିଲା ଟ୍ରକ୍‌ ମାଲିକମାନେ ପରିବହନରୁ ବଞ୍ଚିତ ହେଉଛନ୍ତି। ଫଳରେ ଖଣିମାଲିକ କ୍ଷତି ସହିବା ସହ ପରିବହନ ଏକ ପ୍ରକାର ଠପ୍‌ ହୋଇଯାଇଛି। 

ମହଙ୍ଗା ପଡ଼ିଲା ମାଲିକ ଝିଅକୁ ପ୍ରେମ: ଯୁବକଙ୍କ ଉଲଗ୍ନ ଭିଡିଓ ଭାଇରାଲ

ମହଙ୍ଗା ପଡ଼ିଲା ମାଲିକ ଝିଅକୁ ପ୍ରେମ: ଯୁବକଙ୍କ ଉଲଗ୍ନ ଭିଡିଓ ଭାଇରାଲ

ରାଜନଗର,୨୮।୮(ଡି.ଏନ୍‌.ଏ.): ମାଲିକ ଝିଅକୁ ପ୍ରେମ କରିବା ଜଣେ ଯୁବକଙ୍କୁ ମହଙ୍ଗା ପଡ଼ିଛି। ଘଟଣାଟି ଘଟିଛି କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ତାଳଚୁଆ ଥାନା ଅଞ୍ଚଳରେ। 

ମିଳିତ ଜନଶୁଣାଣି ଶିବିରରେ ୧୧୧ ଅଭିଯୋଗର ଶୁଣାଣି

ମିଳିତ ଜନଶୁଣାଣି ଶିବିରରେ ୧୧୧ ଅଭିଯୋଗର ଶୁଣାଣି

ରାଜନଗର,୨୮ା୮(ଡି.ଏନ୍‌.ଏ.)-  ରାଜନଗର ବ୍ଲକ ରାଜୀବଗାନ୍ଧୀ ସେବାକେନ୍ଦ୍ର ସଭାଗୃହରେ ସୋମବାର କେନ୍ଦ୍ରାପଡା ଜିଲାପାଳ ଓ ଏସ୍‌ପିଙ୍କ ମିଳିତ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଶିବିରରେ  ମୋଟ ୧୧୧ଟି ଅଭିଯୋଗର ଶୁଣାଣି ହୋଇଥିଲା। ସେଥିମଧ୍ୟରୁ ୧୬ ସାମୂହିକ ଓ ୯୫ବ୍ୟକ୍ତିଗତ ଅଭିଯୋଗ ଥିଲା। ଜିଲାପାଳ ଦାଶରଥି ଶତପଥୀଙ୍କ ପୌରୋହିତ୍ୟରେ ଆୟୋଜିତ  ଏହି ଜନଶୁଣାଣି ଶିବିରରେ ବ୍ଲକ ଅନ୍ତର୍ଗତ ୨୯ ପଞ୍ଚାୟତର ରାସ୍ତାଘାଟ ନିର୍ମାଣ, ଚାଷୀମାନଙ୍କ ମୌଳିକ ସମସ୍ୟା, ଷଣ୍ଢଙ୍କ ଉପଦ୍ରବ, ସ୍ବଚ୍ଛ ଭାରତ ଅଭିଯାନ,  ରାଜନଗର ତହସିଲରେ କର୍ମଚାରୀଙ୍କ ଦୌରାମତ୍‌ୟ, ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିନ୍ତ କର୍ମନିଯୁକ୍ତି  ଯୋଜନା ଓ  ଗ୍ରାମୀଣ ଆବାସିକ ଗୃହ ବଣ୍ଟନ ଯୋଜନା ସମ୍ପର୍କିତ ଅଭିଯୋଗଗୁଡିକର ଶୁଣାଣି  ହୋଇଥିଲା।

ଦୋକାନରେ ଆଣ୍ଠୁଏ ପାଣି : ଚିନ୍ତାରେ ବ୍ୟବସାୟୀ

ଆଳି,୨୮।୮(ଡି.ଏନ.ଏ.)-ଲଘୁଚାପ ପ୍ରଭାବରୁ ଗତ ରବିବାରଠାରୁ ଆଳି ବ୍ଲକରେ ଲଗାଣ ବର୍ଷା ଆରମ୍ଭ ହୋଇଛି। ମାତ୍ର ବର୍ଷାପାଣି ନିଷ୍କାସନର ବ୍ୟବସ୍ଥା ନଥିବାରୁ ଲୋକେ ନାନା ସମସ୍ୟାର ସମ୍ମୁଖୀନ ହେଉଛନ୍ତି। ରବିବାର ସନ୍ଧ୍ୟାରୁ  ଆଳି ଅଞ୍ଚଳର ପ୍ରମୁଖ ବ୍ୟବସାୟ ପେଣ୍ଠସ୍ଥଳୀ ଆଳି ନୂଆବଜାରର ମହାବୀର ବଜାରରେ ବର୍ଷାପାଣି ପ୍ରବେଶ କରିଛି। ଏହାର ସ୍ଥାୟୀ ପ୍ରତିକାର ଦାବିକରି ବ୍ୟବସାୟୀମାନେ ସୋମବାର ତହସିଲଦାରଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି।

ପୋଲିସର ଲାଞ୍ଚଖୋର ମନୋବୃତ୍ତି:ଜିଲାରେ ବିଗୁଡୁଛି ଆଇନଶୃଙ୍ଖଳା

ପୋଲିସର ଲାଞ୍ଚଖୋର ମନୋବୃତ୍ତି:ଜିଲାରେ ବିଗୁଡୁଛି ଆଇନଶୃଙ୍ଖଳା

କେନ୍ଦ୍ରାପଡ଼ା ଅଫିସ୍‌, ୨୮।୮:ପୋଲିସର କାର୍ଯ୍ୟକାରିତା ଉପରେ ପ୍ରଶ୍ନବାଚୀ ସୃଷ୍ଟି କରିବା ସହ ଏ ନେଇ ଅନେକ ସମୟରେ  କେନ୍ଦ୍ରାପଡ଼ା ଜିଲାବାସୀ ଆଇନକୁ ନିଜ ହାତକୁ ନେବାକୁ ଶ୍ରେୟ ମଣୁଛନ୍ତି। ପୁଞ୍ଜୀଭୂତ ରାଗ ରୋଷକୁ ପ୍ରକାଶ କରିବା ଆଳରେ ଜାତୀୟ ଅଥବା ବ୍ୟକ୍ତିଗତ ସମ୍ପତ୍ତିକୁ ନଷ୍ଟ କରୁଛନ୍ତି। ଏହାଦ୍ୱାରା ଆନ୍ଦୋଳନକାରୀଙ୍କ ସମେତ ଏଥିରେ ଆଦୌ ସମ୍ପୃକ୍ତ ନଥିବା ଲୋକେ ମଧ୍ୟ କେତେକାଂଶରେ କ୍ଷତିଗ୍ରସ୍ତ ହେଉଛନ୍ତି। ଗତ ୪ବର୍ଷ ମଧ୍ୟରେ ଅନେକ ଘଟଣାକୁ ନେଇ ଜିଲା ପୋଲିସ ଓ ସାଧାରଣ ଜନତା ମୁହାଁମୁହିଁ ହୋଇଛନ୍ତି। ରାଜକନିକା ଥାନା ଅଧୀନ ନମତରା, ସହରର ତିନିମୁହାଣି ଛକ ଓ ମହାକାଳପଡ଼ାରେ ଏଭଳି ଘଟଣା ଘଟିଥିବା ନଜିର ରହିଛି। ୨୦୧୩ରୁ ଜିଲାରେ ଆମ ପୋଲିସ କାର୍ଯ୍ୟକ୍ରମ ଆରମ୍ଭ ହୋଇଥିଲେ ବି ଏହା ଲୋକଙ୍କ ଆସ୍ଥାଭାଜନ ହୋଇପାରିନାହିଁ। 

ସେପ୍ଟେମ୍ବର ୫ରୁ ମଧ୍ୟାହ୍ନଭୋଜନ ବନ୍ଦ

ସେପ୍ଟେମ୍ବର ୫ରୁ ମଧ୍ୟାହ୍ନଭୋଜନ ବନ୍ଦ

କେନ୍ଦ୍ରାପଡା ଅଫିସ, ୨୮।୮:ନିଖିଳ ଓଡିଶା ମଧ୍ୟାହ୍ନ ଭୋଜନ ପାଚିକା ସହାୟିକା ସଂଘ କେନ୍ଦ୍ରାପଡ଼ା ବ୍ଲକ କମିଟି ପକ୍ଷରୁ ବିଇଓଙ୍କ କାର୍ଯ୍ୟାଳୟ ସମ୍ମୁଖରେ ସୋମବାର ଗଣଧାରଣା ଦିଆଯାଇଥିଲା। ଏଥିସହ ବ୍ଲକ ସଭାନେତ୍ରୀ ମଞ୍ଜୁଲତା ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରତିବାଦ ସଭାରେ ଉତ୍‌ଥାପିତ ସମସ୍ୟାର ସମାଧାନ ନହେଲେ ଆସନ୍ତା ସେପ୍ଟେମ୍ବର ୫ ତାରିଖଠାରୁ ମଧ୍ୟାାହ୍ନ ଭୋଜନକୁ ବନ୍ଦ କରି ଦିଆଯିବ ବୋଲି ଚେତାବନୀ ଦିଆଯାଇଥିଲା।