ଉପକୂଳ ଓଡିଶା

କାରଖାନାରେ ଦୁର୍ଘଟଣା ପ୍ରସଙ୍ଗ: ତଦନ୍ତର ନିରପେକ୍ଷତାକୁ ନେଇ ପ୍ରଶ୍ନ

ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.),୧୮।୩ କଳିଙ୍ଗନଗର ମେସ୍କୋ ଷ୍ଟିଲ କାରଖାନାରେ ଶନିବାର ପ୍ରି କାଷ୍ଟିଂ ମେଶିନ(ପିସିଏମ)ରେ କାର୍ଯ୍ୟ କରୁଥିବା ବେଳେ ଜଣେ ଶ୍ରମିକଙ୍କର ମୃତ୍ୟୁ ହୋଇଥିଲା। ଏହି ଘଟଣାକୁ ବାଟବଣା କରି ଭିନ୍ନ ମୋଡ ଦିଆଯାଉଥିବା ଅଭିଯୋଗ ହୋଇଛି। କାରଖାନା ଓ ବାଷ୍ପିତ୍ର ବିଭାଗର ତଦନ୍ତରେ ସ୍ବଚ୍ଛତା ଓ ନିରପେକ୍ଷତାକୁ ନେଇ କଳିଙ୍ଗନଗର ଶିଳ୍ପାଞ୍ଚଳର ବିଭିନ୍ନ ସଂଗଠନ ପକ୍ଷରୁ ସନ୍ଦେହ ପ୍ରକାଶ ପାଇଛି। ବିଶେଷ କରି ଏହି ବିଭାଗର ଜଣେ ଅଧିକାରୀ ଦୀର୍ଘବର୍ଷ ହେଲା ଗୋଟିଏ ଜାଗାରେ ଅବସ୍ଥାପିତ ଥିବାରୁ ତାଙ୍କ କାର୍ଯ୍ୟ ସ୍ବଚ୍ଛତା ନେଇ ଅଙ୍ଗୁଳି ନିର୍ଦ୍ଦେଶ ହୋଇଛି। କାରଖାନା କର୍ତ୍ତୃପକ୍ଷଙ୍କ ଅସାବଧାନତା ଓ ସୁରକ୍ଷା ଅଭାବରୁ ହୋଇଥିବା ଦୁର୍ଘଟଣାକୁ ଆକସ୍ମିକ ଦର୍ଶାଇ ମାମଲାକୁ ଅତି ହାଲୁକା ରୂପ ଦେଇ ରଫାଦଫା କରିବାକୁ ଉଦ୍ୟମ ହେଉଥିବା କର୍ମଚାରୀ ଓ ଶ୍ରମିକ ମହଲରେ ଆଲୋଚନା ହେଉଛି। ଏହି ସମ୍ବେଦନଶୀଳ ଦୁର୍ଘଟଣାର ଅନ୍ୟ ଏକ ସଂସ୍ଥା ଦ୍ୱାରା ନିରପେକ୍ଷ ତଦନ୍ତ କରି ବାସ୍ତବ ଚିତ୍ର ଲୋକଲୋଚନକୁ ଆଣିବାକୁ ଦାବି ହେଉଛି।

ଗୋଡ଼ି ବୋଝେଇ ଟ୍ରକ ଓଲଟି ଡ୍ରାଇଭର ମୃତ

ଗୋଡ଼ି ବୋଝେଇ ଟ୍ରକ ଓଲଟି ଡ୍ରାଇଭର ମୃତ

ନୟାଗଡ଼ ଅଫିସ, ୧୮।୩: ନୟାଗଡ଼ ଜିଲା ଇଟାମାଟି ଥାନା କରଡ଼ାବଣିଠାରେ ରବିବାର ସକାଳେ ଏକ ଗୋଡ଼ି ବୋଝେଇ ଟ୍ରକ ଓଲଟି ପଡିବା ଫଳରେ ଡ୍ରାଇଭରଙ୍କ ମୃତ୍ୟୁ ଘଟିଛି। ମୃତକ ହେଲେ ନୟାଗଡ଼ ବ୍ଲକ ଲକ୍ଷ୍ମୀପ୍ରସାଦ ପଞ୍ଚାୟତ ବୋଦାପଡା ଗ୍ରାମର ପ୍ରଶାନ୍ତ ଭୋଇ(୨୮)।

ମେସ୍କୋ ପିସିଏମ୍‌ରେ ଦୁର୍ଘଟଣା: ଅସାବଧାନତା ନେଲା ଶ୍ରମିକଙ୍କ ଜୀବନ

ଯାଜପୁର ଅଫିସ/କଳିଙ୍ଗନଗର(ଡି.ଏନ.ଏ.),୧୭।୩- କଳିଙ୍ଗନଗରସ୍ଥିତ ମେସ୍କୋ ଷ୍ଟିଲ କାରଖାନାର ପ୍ରି କାଷ୍ଟିଙ୍ଗ ମେଶିନ(ପିସିଏମ୍‌)ରେ ଅସାବଧାନତା କାରଣରୁ ଶନିବାର ମଧ୍ୟାହ୍ନରେ ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ମୃତ ଶ୍ରମିକ ଜଣକ ହେଲେ ଜଗତସିଂହପୁର ଜିଲା ତିର୍ତ୍ତୋଲ ଥାନା ଅନ୍ତର୍ଗତ ଭରାଳୋ ଗ୍ରାମର ସ୍ମୃତିରଞ୍ଜନ ବେହେରା। ସେ ହନୁମନ୍ଥ ଫ୍ରେବିକେଶନ ନାମକ ଏକ ଠିକାସଂସ୍ଥାରେ ଶ୍ରମିକ ଭାବେ କାର୍ଯ୍ୟ କରୁଥିଲେ। ସ୍ମୃତିରଞ୍ଜନଙ୍କ ମୃତ୍ୟୁ ଘଟଣାକୁ ନେଇ କାରଖାନାର କର୍ମଚାରୀ ଓ ଶ୍ରମିକ ମହଲରେ ଉତ୍ତେଜନା ପ୍ରକାଶ ପାଇଥିଲା। ଆଉ ଏହାକୁ ପ୍ରଶମିତ କରିବାକୁ ଯାଇ କମ୍ପାନୀ କର୍ତ୍ତୃପକ୍ଷ ମୃତକଙ୍କ ପରିବାରବର୍ଗଙ୍କୁ ଶୁଦ୍ଧିକ୍ରିୟା ପାଇଁ ୫୦ ହଜାର ଟଙ୍କା ଦେବା ସହିତ ୯ ଲକ୍ଷ ୫୦ ହଜାର ଟଙ୍କାର ଅନୁକମ୍ପା ଓ ପରିବାରର ଜଣେ ସଦସ୍ୟଙ୍କୁ ସ୍ଥାୟୀ ନିଯୁକ୍ତି ଦେବାକୁ ପ୍ରତିଶ୍ରୁତି ଦେଇଛନ୍ତି। ଏହି ଘଟଣାରେ କେନ୍ଦୁଝର ଜିଲାର ଅନିଲ କୁମାର ଜେନା ନାମକ ଜଣେ ଶ୍ରମିକ ଆହତ ହୋଇଥିବା ଶୁଣିବାକୁ ମିଳିଛି।

ମଦ ବିରୋଧୀ ଅଭିଯାନକୁ ମହିଳା ବ୍ୟବସାୟୀଙ୍କ ବିରୋଧ

ମଦ ବିରୋଧୀ ଅଭିଯାନକୁ ମହିଳା ବ୍ୟବସାୟୀଙ୍କ ବିରୋଧ

କାଳିଆପାଣି,୧୭।୩(ଡିଏନଏ) କାଳିଆପାଣି ଥାନା କାଙ୍କଡ଼ପାଳ ପଞ୍ଚାୟତରେ ମହିଳା ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ମଦ ବିରୋଧି ସଚେତନତା କାର୍ଯ୍ୟକ୍ରମ ଚାଲୁଥିବାବେଳେ ମଦ ବିକ୍ରି କରୁଥିବା ମହିଳାମାନେ ସେମାନଙ୍କୁ ବିରୋଧ କରି ଆକ୍ରମଣ କରିଥିବା ନେଇ ଶନିବାର ଥାନାରେ ଅଭିଯୋଗ ହୋଇଛି। ପ୍ରକାଶ ଯେ, ଆଦିବାସୀ ବହୁଳ ଖଣି ନିକଟସ୍ଥ ଗ୍ରାମଗୁଡ଼ିକରେ ମହିଳାମାନେ ସଚେତନ ହେବା ସହ ମଦ ବ୍ୟବସାୟକୁ ବିରୋଧ କରୁଛନ୍ତି।

ଅବଧି ସରିବା ପରେ ଆରମ୍ଭ ହେଲା ରାସ୍ତା କାର୍ଯ୍ୟ

ଅବଧି ସରିବା ପରେ ଆରମ୍ଭ ହେଲା ରାସ୍ତା କାର୍ଯ୍ୟ

କୋରେଇ,୧୭।୩(ସ୍ବ.ପ୍ର)- କୋରେଇ ବ୍ଲକ ଅନ୍ତର୍ଗତ ହଳଦୀଗଡିଆ ପଞ୍ଚାୟତରେ ମୁଖ୍ୟମନ୍ତ୍ରୀ ସଡ଼କ ଯୋଜନାରେ ପିଡବ୍ଲ୍ୟୁଡି ରାସ୍ତାରୁ ବନ୍ତଳା ଭାୟା ଖିଲିପଙ୍ଖା ରାସ୍ତା ୫।୫।୨୦୧୭ରେ ଆରମ୍ଭ ହୋଇ ୪।୨।୨୦୧୮ରେ ସରିବା କଥା। କିନ୍ତୁ ଅବଧି ପରେ ଏବେ ରାସ୍ତା କାମ ଏବେ ଆରମ୍ଭ ହୋଇଥିବା ଜଣାପଡ଼ିଛି।

ରାସ୍ତାପାର୍ଶ୍ୱରେ ମାଟି ଡମ୍ପିଂୟାର୍ଡ, ସମସ୍ୟାରେ ଗ୍ରାମବାସୀ

ରାସ୍ତାପାର୍ଶ୍ୱରେ ମାଟି ଡମ୍ପିଂୟାର୍ଡ, ସମସ୍ୟାରେ ଗ୍ରାମବାସୀ

କାଳିଆପାଣି,୧୭।୩(ଡିଏନଏ)- କ୍ରୋମାଇଟ ଖଣି ଅଞ୍ଚଳରେ କାର୍ଯ୍ୟ କରୁଥିବା ବିସି ମହାନ୍ତି ଖଣିର ମାଟି ଡମ୍ପିଂୟାର୍ଡକୁ ନେଇ ସ୍ଥାନୀୟ ଅଞ୍ଚଳବାସୀ ଆତଙ୍କିତ ହୋଇପଡ଼ିଛନ୍ତି। ପ୍ରକାଶ ଯେ, ଗତ ୪୦ବର୍ଷ ହେବ କଂସ ପଞ୍ଚାୟତର କମର୍ଦ୍ଦା ଗ୍ରାମ ନିକଟରେ ବିସି ମହାନ୍ତି କ୍ରୋମାଇଟ ଉତ୍ତୋଳନ ପାଇଁ ସରକାରଙ୍କ ନିକଟରୁ ଲିଜ ପାଇଥିଲା। ଟମକା-ମଙ୍ଗଳପୁର ରାସ୍ତା ଉଭୟ ପାର୍ଶ୍ୱରେ କ୍ରୋମାଇଟ ଉତ୍ତୋଳନ ପାଇଁ ଜମି ଲିଜ ପାଇଥିବାରୁ ଉଭୟ ପାର୍ଶ୍ୱରେ ଖଣି ଖୋଳି ଚାଲିଛି।

ଦାନପୁରରେ ୨ ଗୋରୁ ଗାଡି ଜବତ: ୫୪ ଗୋରୁ ଉଦ୍ଧାର, ୨ ମୃତ

ଦାନପୁରରେ ୨ ଗୋରୁ ଗାଡି ଜବତ: ୫୪ ଗୋରୁ ଉଦ୍ଧାର, ୨ ମୃତ

ଡେରାବିଶ, ୧୭।୩(ସ୍ବ.ପ୍ର.): କେନ୍ଦ୍ରାପଡା ଜିଲା ଅନ୍ତର୍ଗତ ଡେରାବିଶ ବ୍ଲକ ଦାନପୁରଠାରେ ଦୁଇଟି ଗୋରୁ ବୋଝେଇ ପିକ୍‌ଅପ୍‌ ଭ୍ୟାନକୁ ଶନିବାର ସଦର ଥାନା ପୋଲିସ ଜବତ କରିଛି। ଏଥିରେ ବେଆଇନଭାବେ ଚାଲାଣ ହେଉଥିବା ୫୪ ଗାଈ ଓ ବାଛୁରୀଙ୍କୁ ଉଦ୍ଧାର କରାଯାଇଥିବା ବେଳେ ୨ ବାଛୁରୀଙ୍କ ମୃତ୍ୟୁ ହୋଇଥିବା ଜଣାପଡିଛି। ଘଟଣାରେ ପୋଲିସ ୨ଜଣଙ୍କୁ ଅଟକ ରଖି ପଚରାଉଚରା କରୁଛି।

ବିଦ୍ୟୁତ୍‌ ଶର୍ଟ ସର୍କିଟରୁ ଦକ୍ଷବ୍ରହ୍ମପୁରରେ ଅଗ୍ନିକାଣ୍ଡ: ଜଳିଗଲା ୬ ବଖରା

ବିଦ୍ୟୁତ୍‌ ଶର୍ଟ ସର୍କିଟରୁ ଦକ୍ଷବ୍ରହ୍ମପୁରରେ ଅଗ୍ନିକାଣ୍ଡ: ଜଳିଗଲା ୬ ବଖରା

ଡେରାବିଶ, ୧୭।୩(ସ୍ବ.ପ୍ର.): କେନ୍ଦ୍ରାପଡା ଜିଲା ଅନ୍ତର୍ଗତ ଡେରାବିଶ ବ୍ଲକ ଦାନପୁର ପଞ୍ଚାୟତ ଦକ୍ଷବ୍ରହ୍ମପୁର ଗ୍ରାମରେ ଶନିବାର ଅପରାହ୍ନ ୨.୩୦ରେ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ପ୍ରାଣକୃଷ୍ଣ ନାୟକଙ୍କ ୬ ବଖରା ଘର ପୋଡି ପାଉଁଶ ହୋଇଯାଇଛି। ଏଥିସହ ଅଗ୍ନିକାଣ୍ଡରେ ଘରର ସମସ୍ତ ଆସବାବପତ୍ର ପୋଡି ନଷ୍ଟ ହୋଇଯାଇଛି।

କ୍ରେନ୍‌ ଯନ୍ତ୍ରାଂଶ ପଡ଼ି ଶ୍ରମିକ ମୃତ

କ୍ରେନ୍‌ ଯନ୍ତ୍ରାଂଶ ପଡ଼ି ଶ୍ରମିକ ମୃତ

ଯାଜପୁର ଅଫିସ,୧୭।୩: ଯାଜପୁର ଜିଲା କଳିଙ୍ଗନଗର ମେସ୍କୋ ଷ୍ଟିଲ କାରଖାନାରେ ଶନିବାର ମଧ୍ୟାହ୍ନରେ କ୍ରେନ୍‌ ଯନ୍ତ୍ରାଂଶ ପଡ଼ି ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ମୃତକ ହେଲେ ଜଗତ୍‌ସିଂହପୁର ଜିଲାର ମୃତ୍ୟୁଞ୍ଜୟ ବେହେରା। କ୍ରେନ୍‌ ଯନ୍ତ୍ରାଂଶ ପଡ଼ି ତାଙ୍କ ହାତ କଟିଯାଇଥିଲା।

ବସ୍ତିବାସିନ୍ଦାଙ୍କୁ ମିଳିବ ଜମି ପ୍ରମାଣପତ୍ର

ପାରାଦୀପ, ୧୬।୩ (ସ୍ବ.ପ୍ର.) ଓଡ଼ିଶା ସରକାର ୨୦୧୭ ସେପ୍ଟେମ୍ବର ୧୮ରେ ବିଜ୍ଞପ୍ତି ନଂ-୧୫୩୦ରେ ଘୋଷଣା କରିଥିଲେ ଯେ ରାଜ୍ୟର ସମସ୍ତ ବସ୍ତିବାସିନ୍ଦାଙ୍କୁ ଥଇଥାନ କରାଯିବ। ଭୂମି ଅଧିକାର ଅଧିନିୟମରେ ବସ୍ତି ଲୋକଙ୍କୁ ଜମି ପ୍ରମାଣପତ୍ର ମିଳିବ। ଉକ୍ତ ଆଇନ ଗେଜେଟରେ ପ୍ରକାଶ ପାଇବା ପରେ ଏବେ ସୁଦ୍ଧା ରାଜ୍ୟର ୯ଟି ବିଜ୍ଞପିତ ଅଞ୍ଚଳ/ପୌରପାଳିକାରେ ଏହା କାର୍ଯ୍ୟକାରୀ ହେଲାଣି। ସେଗୁଡିକ ମଧ୍ୟରେ ଗଞ୍ଜାମ ଜିଲାର ୮ଟି ଓ ପୁରୀର ଗୋଟିଏ ରହିଛି। ରାଜ୍ୟର ଅନ୍ୟ ଜିଲାରେ ଥିବା ପୌରସଂସ୍ଥାଗୁଡିକରେ ଏହି ଥଇଥାନ ନିୟମ କାର୍ଯ୍ୟକାରୀ କରିବା ପାଇଁ ପ୍ରକ୍ରିୟା ଜାରି ରହିଛି। ଏହି କ୍ରମରେ ଜଗତ୍‌ସିଂହପୁର ଜିଲାର ପାରାଦୀପ ପୌର ସଂସ୍ଥାରେ ଥଇଥାନ ପ୍ରକ୍ରିୟା ଆରମ୍ଭ ହୋଇଛି।

ଓଡ଼ିଶାର ପ୍ରଥମ ଫାଟକ ବିହୀନ ରେଳ ପ୍ରକଳ୍ପ: ଶେଷ ହେବା ନେଇ ଆଶଙ୍କା

ଓଡ଼ିଶାର ପ୍ରଥମ ଫାଟକ ବିହୀନ ରେଳ ପ୍ରକଳ୍ପ: ଶେଷ ହେବା ନେଇ ଆଶଙ୍କା

ଚଣ୍ଡିଖୋଲ,୧୬।୩(ଡି.ଏନ୍‌.ଏ)- ଓଡ଼ିଶାରେ ପ୍ରଥମ କରି ଫାଟକ ବିହୀନ ରେଳପଥ ନିର୍ମାଣ କରିବା ପାଇଁ ରେଳ ବିକାଶ ନିଗମ ଲିମିଟେଡ଼ କାର୍ଯ୍ୟ ଆରମ୍ଭ କରି ଶେଷ ପର୍ଯ୍ୟାୟରେ ଉପନୀତ ହୋଇଥିଲେ ମଧ୍ୟ ଏହା ଶେଷ ହେବା ନେଇ ଏବେ ଆଶଙ୍କା ସୃଷ୍ଟି ହୋଇଛି। ଏହାର ମୁଖ୍ୟ କାରଣ ହେଉଛି ଜମି ଅଧିଗ୍ରହଣ ସମସ୍ୟା। ହରିଦାସପୁର-ପାରାଦୀପ ରେଳ ପ୍ରକଳ୍ପ ଦୀର୍ଘ ୮୨କିଲୋମିଟର ୨୦୦ମିଟର ହେଉଛି ପ୍ରଥମ ଫାଟକ ବିହୀନ ରେଳପଥ। ଏହି ରେଳପଥ ନିର୍ମାଣ କରିବା ପାଇଁ ୧୯୯୭ ରୁ ୨୦୦୭ ମସିହା ପର୍ଯ୍ୟନ୍ତ ଜମି ଅଧିଗ୍ରହଣ କରିବାକୁ ନିର୍ଦ୍ଦେଶ ଥିଲା। ଦୀର୍ଘ ୧୦ବର୍ଷ ବିତିଯାଇଥିଲେ ମଧ୍ୟ ଜମି ଅଧିଗ୍ରହଣ ହୋଇପାରିଲା ନାହିଁ। ଏହା ମଧ୍ୟରେ ୨୦ବର୍ଷ ବିତିଗଲାଣି ଜମି ଅଧିଗ୍ରହଣ କାର୍ଯ୍ୟ ଶେଷ ହୋଇ ନ ଥିବା ବେଳେ ରେଳ ପ୍ରକଳ୍ପ କାର୍ଯ୍ୟ ୨୦କିଲୋମିଟର ଶେଷ ହୋଇସାରିଲାଣି। ଏହି ପ୍ରକଳ୍ପ ନିମନ୍ତେ ପୁନର୍ବାର ଅଧିକ ଜମିର ଆବଶ୍ୟକତା ଥିବା ହେତୁ ୧୧ଏକର ଅତିରିକ୍ତ ଜମିର ଆବଶ୍ୟକତା ରହିଛି। ସେଥିପାଇଁ ରେଳ ବିକାଶ ନିଗମ ଲିମିଟେଡ଼ ବା ଆର୍‌ଭିଏନ୍‌ଏଲ୍‌ ଏ ସମ୍ପର୍କରେ ୨୦୧୫ ମାର୍ଚ୍ଚରେ ରାଜ୍ୟ ସରକାରଙ୍କୁ ଚିଠି ଲେଖି ସୂନା ଦେଇଥିଲେ। ତେବେ ପ୍ରକଳ୍ପ କାର୍ଯ୍ୟ ଶେଷ ଅବସ୍ଥାକୁ ଆସିଥିଲେ ମଧ୍ୟ ଜମି ଅଧିଗ୍ରହଣ ହୋଇ ନ ପାରିବାରୁ ପ୍ରକଳ୍ପ କାର୍ଯ୍ୟ ସରିବା ନେଇ ଆଶଙ୍କା ଉପୁଜିଛି।

ସଂସ୍କୃତି, ପର୍ଯ୍ୟଟନ ସଚିବଙ୍କ ନଗଡ଼ା ଗସ୍ତ

ସଂସ୍କୃତି, ପର୍ଯ୍ୟଟନ ସଚିବଙ୍କ ନଗଡ଼ା ଗସ୍ତ

କାଳିଆପାଣି,୧୬।୩(ଡିଏନଏ)- ରାଜ୍ୟ ସରକାରଙ୍କ ସଂସ୍କୃତି ଓ ପର୍ଯ୍ୟଟନ ସଚିବ ମୋନା ଶର୍ମା ଗୁରୁବାର ଯାଜପୁର ଗସ୍ତରେ ଆସି ଜିଲାର ବିଭିନ୍ନ ପର୍ଯ୍ୟଟନସ୍ଥଳ ପରିଦର୍ଶନ କରି ବହୁ ଉନ୍ନୟନମୂଳକ କାର୍ଯ୍ୟର ତଦାରଖ ଓ ସମୀକ୍ଷା କରିଥିଲେ।

ନିର୍ବାହୀ ସାରାଂଶରେ ବିଭ୍ରାନ୍ତ ତଥ୍ୟ

ନିର୍ବାହୀ ସାରାଂଶରେ ବିଭ୍ରାନ୍ତ ତଥ୍ୟ

ଯାଜପୁର ଅଫିସ/ସୁକିନ୍ଦା (ଡି.ଏନ୍‌.ଏ.),୧୬।୩ ଯାଜପୁର ଜିଲା ସୁକିନ୍ଦା ତହସିଲ କାଞ୍ଚତ୍ଚୁଆଁଠାରେ ରାମ୍‌କି ଏନ୍‌ଭାଏରୋ ଇଞ୍ଜିନିୟର୍ସ ଲିମିଟେଡର ପ୍ରସ୍ତାବିତ ଓଡିଶା ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପର ସଂପ୍ରସାରଣ ନିମନ୍ତେ ପ୍ରସ୍ତୁତ ନିର୍ବାହୀ ସାରାଂଶ(ଏକ୍‌ଜିକ୍ୟୁଟିଭ ସମରି)ରେ ବିଭ୍ରାନ୍ତ ତଥ୍ୟ ରହିଛି। ଆଉ ଏହା ଜଣାପଡ଼ିବା ପରେ ଆସନ୍ତା ୨୨ତାରିଖରେ କାଞ୍ଚିଚୁଆଁର ପାଲାମଣ୍ଡପଠାରେ ହେବାକୁ ଥିବା ଜନଶୁଣାଣିକୁ ପ୍ରବଳ ବିରୋଧ କରିବାକୁ ପ୍ରଭାବିତ ଅଞ୍ଚଳବାସୀ ନିଷ୍ପତ୍ତି ନେଇଥିବା ସୂଚନା ମିଳିଛି। ନିର୍ବାହୀ ସାରାଂଶରେ ସ୍ଥାନୀୟ ନିଯୁକ୍ତି ୧୫୦ଜଣ ଓ ପରିବେଶ ସୁରକ୍ଷା ପାଇଁ ଜୈବ ଔଷଧୀୟ ଓ ସବୁଜ ବଳୟ ସୃଷ୍ଟି ସମ୍ପର୍କରେ ସରକାରଙ୍କୁ ଭୂଲ ତଥ୍ୟ ଦେଇ ଜନଶୁଣାଣି କରିବାକୁ ଯୋଜନା କରାଯାଉଥିବା ଅଭିଯୋଗ ହୋଇଛି।

ପ୍ରଶାସନର ଚଢ଼ାଉ ପ୍ରଭାବହୀନ

ପ୍ରଶାସନର ଚଢ଼ାଉ ପ୍ରଭାବହୀନ

ଚଣ୍ଡିଖୋଲ,୧୬।୩(ଡି.ଏନ୍‌.ଏ)- ଦୀର୍ଘଦିନ ହେବ ଦର୍ପଣ ତହସିଲ ଅଞ୍ଚଳରେ ବେଆଇନ ଭାବେ କୌଣସି ଲିଜ ନ ଥାଇ ମାଙ୍କଡା ଓ ମୋରମ ଖାଦାନ ବ୍ୟାପକ ଭାବେ ଚାଲୁଥିଲାବେଳେ ତହସିଲ କର୍ମଚାରୀ ଓ ବିଭାଗୀୟ ଅଧିକାରୀମାନେ ଏହାର ଲାଭ ଉଠାଉଛନ୍ତି। ଏ ସମ୍ପର୍କରେ ସବୁ ଜାଣି ଚୁପ୍‌ ରହୁଥିବା ନେଇ ସାଧାରଣରେ ଅସନ୍ତୋଷ ଦେଖାଯାଉଛି। ବେଆଇନ୍‌ ଖନନ ଯୋଗୁ କୋଟି କୋଟି ଟଙ୍କାର ରାଜସ୍ବ ହାନି ଘଟୁଥିବା ଅଭିଯୋଗ ହେଉଛି।

ଗ୍ୟାସ ଟାଙ୍କି ଫାଟି ଜଳିଗଲା ଘର

ଗ୍ୟାସ ଟାଙ୍କି ଫାଟି ଜଳିଗଲା ଘର

ଆଳି, ୧୬।୩(ଡି.ଏନ.ଏ): କେନ୍ଦ୍ରାପଡା ଜିଲା ଆଳି ତହସିଲ ଅନ୍ତର୍ଗତ ଅଲିହା ଗ୍ରାମରେ ଶୁକ୍ରବାର ଗ୍ୟାସ ଟ୍ୟାଙ୍କି ଫାଟିଯିବାରୁ ୨ ବଖରା ଘର ଜଳିଯାଇଛି। ଗ୍ରାମର ପିତାମ୍ବର ଗୋଛାୟତଙ୍କ ପରିବାର ସଦସ୍ୟ ରୋଷେଇ କରୁଥିବା ସମୟରେ ହଠାତ ଗ୍ୟାସ ଟାଙ୍କିଟି ଫାଟି ଯାଇଥିଲା। ଫଳରେ ନିଆଁ ଉଠି ଘର ସହିତ ନିକଟରେ ଥିବା ଏକ ନଡିଆ ଗଛ ପୋଡି ଯାଇଛି।

କୁମ୍ଭୀର ମୁହଁରୁ ଉଦ୍ଧାର କରିଥିଲେ ଦାଦାଙ୍କୁ: ସାହସୀ ବାଳକ ସିତୁଙ୍କୁ ବାଜିରାଉତ ସମ୍ମାନ

କୁମ୍ଭୀର ମୁହଁରୁ ଉଦ୍ଧାର କରିଥିଲେ ଦାଦାଙ୍କୁ: ସାହସୀ ବାଳକ ସିତୁଙ୍କୁ ବାଜିରାଉତ ସମ୍ମାନ

ରାଜନଗର,୧୬।୩(ଡି.ଏନ.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକ କଣ୍ଡିରା ଗ୍ରାମ ବାସୁଦେବ ବିଦ୍ୟାପୀଠର ନବମ ଶ୍ରେଣୀର ଛାତ୍ର ସିତୁ ମଲିକଙ୍କୁ ନିଜର ସାହସିକତା ପାଇଁ କଣ୍ଡିରା ପଞ୍ଚାୟତ ଓ ସ୍କୁଲ ତରଫରୁ ବାଜିରାଉତ ସମ୍ମାନରେ ସମ୍ବର୍ଦ୍ଧିତ କରାଯାଇଛି। କୁମ୍ଭୀର ମୁହଁରୁ ଦାଦାଙ୍କୁ ଉଦ୍ଧାର କରିବାକୁ ନେଇ ସିତୁଙ୍କୁ ମାନପତ୍ର ଏବଂ ଉପଢ଼ୌକନ ପ୍ରଦାନ କରାଯାଇଛି।

ନବନିର୍ମାଣ କୃଷକ ସଂଘ ପକ୍ଷରୁ ଧାରଣା

ନବନିର୍ମାଣ କୃଷକ ସଂଘ ପକ୍ଷରୁ ଧାରଣା

ଜଗତସିଂହପୁର ଅଫିସ, ୧୬।୩: ଜଗତସିଂହପୁର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ନବନିର୍ମାଣ କୃଷକ ସଂଘ ପକ୍ଷରୁ ଅନଶନ ଓ ଧାରଣା ଦିଆଯାଇଛି। ଉତ୍ପାଦିତ ଦ୍ରବ୍ୟର ଉଚିତ ମୂଲ୍ୟ, ୩୬ ଲକ୍ଷ ଚାଷୀ ପରିବାରକୁ ମାସିକ ୫ହଜାର ପେନ୍‌ସନ ଦାବିରେ ଏହି ଧାରଣା ଦିଆଯାଇଥିବା ଜଣାପଡିଛି।

ପୁଣ୍ୟ ବାଣ୍ଟିଲା ପୁଣ୍ୟତୋୟା

ପୁଣ୍ୟ ବାଣ୍ଟିଲା ପୁଣ୍ୟତୋୟା

ବିରଜାକ୍ଷେତ୍ର,୧୫।୩(ଡି.ଏନ୍‌.ଏ)- ବାରୁଣୀ ସ୍ନାନଯୋଗ ଅବସରରେ ଯାଜପୁର ସହର ଦେଇ ପ୍ରବାହିତ ହୋଇଥିବା ପୁଣ୍ୟତୋୟା ବୈତରଣୀ ନଦୀର ଦଶାଶ୍ୱମେଧ ଘାଟରେ ଗୁରୁବାର ରାଜ୍ୟ ତଥା ରାଜ୍ୟ ବାହାରୁ ୪୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁ ସ୍ନାନ କରି ପିତୃ ପୁରୁଷଙ୍କ ଉଦ୍ଦେଶ୍ୟରେ ପିଣ୍ଡ ଓ ତର୍ପଣ କରିଥିଲେ। ଗୁରୁବାର ତ୍ରୟୋଦଶୀ ତିଥି ଶତଭିଷା ନକ୍ଷତ୍ର ଏକତ୍ର ଯୋଗ ନ ଥିବାରୁ ଯାଜପୁର ସହରସ୍ଥିତ ବୈତରଣୀ ନଦୀକୂଳ ଦଶାଶ୍ୱମେଧ ଘାଟରେ ସାମାନ୍ୟ ବାରୁଣୀ ସ୍ନାନ ଯୋଗ ପଡ଼ିଥିଲା। ଦିବା ୮.୩୧ରୁ ଦିବା ୧୧.୪୯ ପର୍ଯ୍ୟନ୍ତ ଏହି ସ୍ନାନଯୋଗ ଥିଲା। ଦଶାଶ୍ୱମେଧ ଘାଟରେ ସ୍ନାନ ଯୋଗ ଥିବାରୁ ଗୁରୁବାର ପ୍ରାତଃରୁ ବୈତରଣୀ ନଦୀରେ ସ୍ନାନ ଓ ପିଣ୍ଡଦାନ କରିବା ପାଇଁ ଶ୍ରଦ୍ଧାଳୁଙ୍କ ଭିଡ଼ ଆରମ୍ଭ ହୋଇଥିଲା। ପ୍ରାତଃରୁ ଦିନ ୨ଟା ପର୍ଯ୍ୟନ୍ତ ଶ୍ରଦ୍ଧାଳୁମାନେ ସ୍ନାନକରି ପିଣ୍ଡଦାନ କରୁଥିବା ପରିଲକ୍ଷିତ ହୋଇଥିଲା। ଯାଜପୁର ଜିଲା ସମେତ ଭଦ୍ରକ, ବାଲେଶ୍ୱର, ମୟୂରଭଞ୍ଜ, କେନ୍ଦ୍ରାପଡ଼ା, କଟକ, ଖୋର୍ଦ୍ଧା, ଜଗତସିଂହପୁର, ବ୍ରହ୍ମପୁର, ନୟାଗଡ଼, ସମ୍ବଲପୁର ଜିଲା ସମେତ ବିଭିନ୍ନ ପ୍ରଦେଶରୁ ଭକ୍ତମାନେ ଆସି ବୈତରଣୀ ନଦୀର ଦଶାଶ୍ୱମେଧ ଘାଟରେ ସ୍ନାନ କରି ପିତୃପୁରୁଷଙ୍କ ଉଦ୍ଦେଶ୍ୟରେ ପିଣ୍ଡଦାନ କରିଥିଲେ। ଦଶାଶ୍ୱମେଧ ଘାଟର ଦୁଇ ପାର୍ଶ୍ୱରେ ଶ୍ରଦ୍ଧାଳୁମାନେ ସ୍ନାନ ଓ ପିଣ୍ଡଦାନ କରୁଥିବା ଦେଖିବାକୁ ମିଳିଥିଲା। ଶ୍ରଦ୍ଧାଳୁମାନେ ସ୍ନାନ ଓ ପିଣ୍ଡଦାନ କରି ସାରିବା ପରେ ବରାହ ଓ ଜଗନ୍ନାଥଙ୍କ ଦର୍ଶନ ସାରି ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ଦର୍ଶନ କରି ଆଶିଷ ଲାଭ କରିଥିଲେ। ଭକ୍ତମାନେ ପିତୃପୁରୁଷଙ୍କ ଉଦ୍ଦେଶ୍ୟରେ ପିଣ୍ଡଦାନ ସାରିବା ପରେ ଗରିବ ଓ ଅସହାୟ ବ୍ୟକ୍ତିଙ୍କୁ ଦାନ ଧର୍ମ କରୁଥିବା ଦେଖିବାକୁ ମିଳିଥିଲା। ବାରୁଣୀ ସ୍ନାନଯୋଗ ନିମନ୍ତେ ଯାଜପୁର ପୌର ପ୍ରଶାସନ ପକ୍ଷରୁ ଘାଟର ଦୁଇ ପାର୍ଶ୍ୱରେ ଶ୍ରଦ୍ଧାଳୁଙ୍କ ସ୍ନାନ ନିମନ୍ତେ ଅସ୍ଥାୟୀ ସୁରକ୍ଷା ବାଡ଼ା ନିର୍ମାଣ କରାଯିବା ସହ ମହିଳା ଶ୍ରଦ୍ଧାଳୁଙ୍କ ନିମନ୍ତେ ଅସ୍ଥାୟୀ ସ୍ନାନାଗାର ନିର୍ମାଣ କରାଯାଇଥିଲା ।

ଆନ୍ତଃରାଜ୍ୟ ସାଇବର ଅପରାଧୀ ଗିରଫ

ଆନ୍ତଃରାଜ୍ୟ ସାଇବର ଅପରାଧୀ ଗିରଫ

ବିରଜାକ୍ଷେତ୍ର,୧୫।୩(ଡି.ଏନ୍‌.ଏ) ୫୦ଲକ୍ଷରୁ ଊର୍ଦ୍ଧ୍ୱ ଟଙ୍କାର ଠକେଇ କରିଥିବା ଆନ୍ତଃରାଜ୍ୟ ସାଇବର କ୍ରାଇମ ଅଭିଯୁକ୍ତଙ୍କୁ ଯାଜପୁର ପୋଲିସ ଗିରଫ କରିଛି। ଏ ସମ୍ପର୍କରେ ଯାଜପୁର ଥାନା ପରିସରରେ ଗୁରୁବାର ଆୟୋଜିତ ଖବରଦାତା ସମ୍ମିଳନୀରେ ସୂଚନା ଦିଆଯାଇଛି। ଅଭିଯୁକ୍ତ ଜଣକ କେନ୍ଦ୍ରାପଡ଼ା ଜିଲା ପାଟକୁରା ଥାନା ପରକୁଳା ଗ୍ରାମର ଜିତେନ୍ଦ୍ର ସାହୁ ବୋଲି ପୋଲିସ ସୂଚନା ଦେଇଛି। ଘଟଣା ଅନୁଯାୟୀ, ୨୦୧୭ ସେପ୍ଟେମ୍ବର ୧୫ରେ କେହିଜଣେ ଯାଜପୁର ଥାନା ବୈଦ୍ୟରାଜପୁର ଗ୍ରାମର ଆଶାକର୍ମୀ ସଂଯୁକ୍ତା ନାୟକଙ୍କ ସ୍ବାମୀ କିଶୋର ବେହେରାଙ୍କୁ ଫୋନ୍‌ ଯୋଗେ ଜନନୀ ସୁରକ୍ଷା ଯୋଜନାରେ ରାଜ୍ୟ ସରକାରଙ୍କ ତରଫରୁ ୬ ହଜାର ୫୦୦ ଟଙ୍କା ସାହାଯ୍ୟ ପ୍ରଦାନ କରାଯିବ ବୋଲି କହି ବ୍ୟାଙ୍କ ଆକାଉଣ୍ଟର ନମ୍ବର ଓ ଓଟିପି ମାଗିନେଇଥିଲେ। କିଶୋର ଏଟିଏମ୍‌ ନମ୍ବର ଓ ଓଟିପି ନମ୍ବର ଦେବାର କିଛି ସମୟ ପରେ ତାଙ୍କ ଆକାଉଣ୍ଟରୁ ୧୧,୫୦୦ ଟଙ୍କା ଉଠାଣ ହୋଇଥିବା ମେସେଜ ଆସିଥିଲା। ଏ ନେଇ କିଶୋର ଯାଜପୁର ଥାନାରେ ଅଭିଯୋଗ କରିଥିଲେ। ଥାନା ପକ୍ଷରୁ ଏହି ଘଟଣା ଜିଲା ଆରକ୍ଷୀ ଅଧୀକ୍ଷକଙ୍କୁ ଜଣାଯିବା ପରେ ଏସ୍‌ପି ଚରଣ ସିଂ ମୀନାଙ୍କ ନିର୍ଦ୍ଦେଶକ୍ରମେ ତତ୍କାଳୀନ ଥାନାଧିକାରୀ ତଥା ବର୍ତ୍ତମାନର ଏସ୍‌ଡିପିଓ ପ୍ରଶାନ୍ତ କୁମାର ମଲ୍ଲଙ୍କ ନେତୃତ୍ୱରେ ଇନିସ୍‌ପେକ୍ଟର ରାକେଶ କୁମାର ତ୍ରିପାଠୀ, ଏସ୍‌ଆଇ ମାନସ ରଞ୍ଜନ ଚକ୍ର, କନଷ୍ଟେବଳ ହୃଦାନନ୍ଦ ସାହୁ, ହୋମଗାର୍ଡ଼ ପ୍ଲାଟୁନ କମାଣ୍ଡର ଉମାକାନ୍ତ ବେହେରା, ସାଇବର ସେଲ ପାଣିକୋଇଲିର ରଞ୍ଜନ କୁମାର ବେହେରା ପ୍ରମୁଖ ତଦନ୍ତ କରିଥିଲେ।

ସହରାଞ୍ଚଳ ବିକାଶରେ ରହୁନି ସମାନତା

ସହରାଞ୍ଚଳ ବିକାଶରେ ରହୁନି ସମାନତା

ଯାଜପୁର ଅଫିସ,୧୫।୩ ଯାଜପୁର ଜିଲାର ଦୁଇ ସହରାଞ୍ଚଳ ଉନ୍ନତି ପାଇଁ ବିଭିନ୍ନ ପଦକ୍ଷେପ ଉପରେ ସମାନତା ନ ରଖିବା ରାଜ୍ୟ ସରକାରଙ୍କ ଗୃହ ଓ ନଗର ଉନ୍ନୟନ ବିଭାଗର କାର୍ଯ୍ୟସ୍ବଚ୍ଛତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। ଜିଲା ସଦର ମହକୁମା ଯାଜପୁର ଟାଉନ ପୌରାଞ୍ଚଳର ଉନ୍ନତି ପାଇଁ ଏହି ବିଭାଗ ଭଣ୍ଡାର ଖୋଲି ଦେଇଛି। ସର୍ବଧର୍ମ ସମନ୍ବୟର ପ୍ରତୀକ ଏହି ବରାହ-ବିରଜା କ୍ଷେତ୍ରର ନବକଳେବରର ଆବଶ୍ୟକତା ରହିଛି ବୋଲି ଏହାକୁ ଜିଲାବାସୀ ସ୍ବାଗତ କରିଛନ୍ତି। ହେଲେ ଯାଜପୁର ସହର ଅପେକ୍ଷା ପ୍ରାୟ ୪ଗୁଣ ଅଧିକ ଲୋକସଂଖ୍ୟା ଥିବା ବ୍ୟାସନଗର ପୌରାଞ୍ଚଳକୁ ଉପେକ୍ଷା କରାଯାଉଥିବା ହେତୁ ଗୃହ ଓ ନଗର ଉନ୍ନୟନ ବିଭାଗକୁ ନିନ୍ଦା କରାଯାଉଛି। ଇତିମଧ୍ୟରେ ଯାଜପୁର ଟାଉନରେ ଏକ ବସ ଟର୍ମିନାଲ ନିର୍ମାଣ କରିବାକୁ ୪କୋଟି ୯୦ ଲକ୍ଷ ୯୯ ହଜାର ଟଙ୍କା ପ୍ରଶାସନିକ ମଞ୍ଜୁରୀ ମିଳିଛି। ମୁଖ୍ୟମନ୍ତ୍ରୀଙ୍କ ଆସନ୍ତା ଗସ୍ତ ବେଳକୁ ଯାଜପୁର ଟାଉନର ବିକାଶ ପାଇଁ ପ୍ରାୟ ୨୦୦କୋଟି ଟଙ୍କାର ଏକ ପ୍ୟାକେଜ ଘୋଷଣା ହେବ ବୋଲି କୁହାଯାଉଛି। କିନ୍ତୁ କଳିଙ୍ଗନଗର ଶିଳ୍ପାଞ୍ଚଳର ମୁଖଶାଳା ଭାବେ ପରିଚିତ ବ୍ୟାସନଗର ସହର ଶ୍ରୀହୀନ ହୋଇପଡିଛି। ସ୍ଥାନୀୟ ରାଜନେତାଙ୍କ ଦୁର୍ବଳ ନେତୃତ୍ୱ ଏହାର କାରଣ ବୋଲି ସାଧାରଣରେ ଚର୍ଚ୍ଚା ହେଉଛି।

ସଡ଼କ ଦୁର୍ଘଟଣା: ଡାକ୍ତରଙ୍କ ସମେତ ୩ ମୃତ

ସଡ଼କ ଦୁର୍ଘଟଣା: ଡାକ୍ତରଙ୍କ ସମେତ ୩ ମୃତ

ଚଣ୍ଡିଖୋଲ/ଛତିଆ,୧୫।୩(ଡି.ଏନ୍‌.ଏ.): ୧୬ ନଂ ଜାତୀୟ ରାଜପଥ ଯାଜପୁର ଜିଲା ବଡ଼ଚଣା ଥାନା ବନ୍ଦାଳୋ ଛକ ନିକଟରେ ବୁଧବାର ବିଳମ୍ବିତ ରାତ୍ରିରେ ଏକ ସଡ଼କ ଦୁର୍ଘଟଣାରେ ଡାକ୍ତରଙ୍କ ସମେତ ୩ ଜଣଙ୍କର ମୃତ୍ୟୁ ଘଟିଛି। ମୃତକ ମାନେ ହେଲେ କଟକ ସିଟି ହସ୍ପିଟାଲର ଡାକ୍ତର ପରେଶ କୁମାର ମହାପାତ୍ର, ତାଙ୍କର ସହଯୋଗୀ ପାଥୋଲୋଜିଷ୍ଟ ଭଦ୍ରକ ଅଞ୍ଚଳର ରାଜେନ୍ଦ୍ର ସାମନ୍ତ ଓ କଟକ ଚାଉଳିଆଗଞ୍ଜ ଅଞ୍ଚଳର ଦେବଦତ୍ତ ବିଶ୍ୱାଳ।

ଅଜଣା ଗାଡ଼ି ଧକ୍କାରେ ଯୁବକ ମୃତ

ଅଜଣା ଗାଡ଼ି ଧକ୍କାରେ ଯୁବକ ମୃତ

ଡେରାବିଶ, ୧୫।୩(ସ୍ବ.ପ୍ର.): କେନ୍ଦ୍ରାପଡା ଜିଲା ନିକିରାଇ ଥାନା ଡେରାବିଶ ବ୍ଲକ ଅଧୀନ ପଟ୍ଟାମୁଣ୍ଡାଇ କେନାଲ ବନ୍ଧର ମଙ୍ଗଳପୁରଠାରେ ଗୁରୁବାର ଅପରାହ୍ନରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କର ମୃତ୍ୟୁ ଘଟିଛି। ମୃତକ ହେଲେ ମଙ୍ଗଳପୁର ଗ୍ରାମର ଉମେଶ ଚନ୍ଦ୍ର ଦାସ(୪୫)।

ଚାନ୍ଦପୁର ଥାନା ଘେରାଉ

ଚାନ୍ଦପୁର ଥାନା ଘେରାଉ

ରଣପୁର, ୧୫।୩(ଡି.ଏନ.ଏ.): ନୟାଗଡ ଜିଲା ଚାନ୍ଦପୁର ଥାନା କେରଣ୍ଡାଟାଗି ପଞ୍ଚାୟତର ରାଣୀଗାଡିଆ କାଜୁ ଜଙ୍ଗଲକୁ ନିଲାମରେ ନେଇଥିବା ନକୁଳ ଭୁଜବଳଙ୍କ ନେତୃତ୍ୱରେ ୬୦ରୁ ଊର୍ଦ୍ଧ୍ୱ ଲୋକ ଗୁରୁବାର ଚାନ୍ଦପୁର ଥାନାକୁ ଘେରାଉ କରିବା ସହ ଧାରଣାରେ ବସିଛନ୍ତି।

ବାଲୁଗାଁରେ ବୋମା ବିସ୍ଫୋରଣ: ୨ ବଖରା କ୍ଷତିଗ୍ରସ୍ତ

ବାଲୁଗାଁରେ ବୋମା ବିସ୍ଫୋରଣ: ୨ ବଖରା କ୍ଷତିଗ୍ରସ୍ତ

ବାଲୁଗାଁ, ୧୫।୩(ଡି.ଏନ.ଏ.): ବାଲୁଗାଁ ସାମନ୍ତରାପୁର ବେହେରା ସାହିରେ ଗୁରୁବାର ପୂର୍ବାହ୍ନରେ ବାନାମ୍ବର ବେହେରା ନାମକ ବ୍ୟକ୍ତିଙ୍କ ଘରେ ବୋମା ବିସ୍ଫୋରଣ ଘଟି ୨ ବଖରା କ୍ଷତିଗ୍ରସ୍ତ ହୋଇଛି।