ଉପକୂଳ ଓଡିଶା

ମିଥ୍ୟା ବିଲ୍‌ରେ କୋଟି କୋଟି ଟଙ୍କା ହରିଲୁଟ୍‌

ବରୀ,୨୪।୩ (ସ୍ବ.ପ୍ର)- ବରୀ ବ୍ଲକରେ ବିଭିନ୍ନ ପଞ୍ଚାୟତର ଉନ୍ନୟନ କାର୍ଯ୍ୟ ନାମରେ ମିଥ୍ୟା ବିଲ କରାଯାଇ କୋଟିକୋଟି ଟଙ୍କା ହରିଲୁଟ କରି ନିଆଯାଇଛି। ଏନେଇ ଭିଜିଲାନ୍ସ ବିଭାଗରେ ଅଭିଯୋଗ ହୋଇଛି। ନିର୍ଦ୍ଦିଷ୍ଟ ଏକ ପଞ୍ଚାୟତରେ ଭିଜିଲାନ୍ସ ତଦନ୍ତ ଆରମ୍ଭ କରି ତଦନ୍ତ ଫାଇଲରେ ନାଲି ଫିତା ବାନ୍ଧିଦେଇ ନୀରବ ରହିଯାଇଛି। ଭିଜିଲାନ୍ସ ତଦନ୍ତରେ ଶିଥିଳତା ପଡିଯିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏସବୁ ତଦନ୍ତ କରାଯାଇ ଫର୍ଦ୍ଦାଫାଶ ହେଲେ ସତ୍ୟାସତ୍ୟ ଲୋକଲୋଚନକୁ ଆସିଯିବ ବୋଲି ଜଣାପଡିଛି।

ଟ୍ରେନ୍‌ ଧକ୍କାରେ ଛାତ୍ର ମୃତ

ଟ୍ରେନ୍‌ ଧକ୍କାରେ ଛାତ୍ର ମୃତ

ଯାଜପୁର ରୋଡ,୨୪।୩(ନି.ପ୍ର.): ଯାଜପୁର ରୋଡ ଲେବୁଲ କ୍ରସିଂରେ ଶନିବାର ଟ୍ରେନ୍‌ ଧକ୍କାରେ ଜଣେ ଛାତ୍ରଙ୍କ ମୃତ୍ୟୁ ଘଟିଛି। ସେ ହେଲେ ଆଲୋକ ଦେହୁରୀ(୧୮)।

ଗୋଡ଼ିଆପଲ୍ଲୀ ଛକରେ ବୋମାମାଡ଼

ଗୋଡ଼ିଆପଲ୍ଲୀ ଛକରେ ବୋମାମାଡ଼

ବେଗୁନିଆ, ୨୪।୩(ଡି.ଏନ୍‌.ଏ.): ଖୋର୍ଦ୍ଧା ଜିଲା ବେଗୁନିଆ ଥାନା ଅନ୍ତର୍ଗତ ଗୋଡ଼ିଆପଲ୍ଲୀ ଛକ ନିକଟରେ ଶନିବାର ଭୋର ୫ଟାରେ ବୋମାମାଡ ହୋଇଛି।

ଆଜି ମୁଖ୍ୟମନ୍ତ୍ରୀଙ୍କ ଯାଜପୁର ଗସ୍ତ

ଆଜି ମୁଖ୍ୟମନ୍ତ୍ରୀଙ୍କ ଯାଜପୁର ଗସ୍ତ

ଯାଜପୁର ଅଫିସ, ୨୪।୩: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ସନ୍ଧ୍ୟା ୬ଟାରେ ଯାଜପୁର ଗସ୍ତ କରିବାର କାର୍ଯ୍ୟକ୍ରମ ରହିଛି। ଯାଜପୁର ପୌରପାଳିକାର ୧୫୦ ବର୍ଷ ଓ ଜିଲା ଗଠନର ୨୫ ବର୍ଷ ପୂର୍ତ୍ତି ମହୋତ୍ସବରେ ସେ ଯୋଗଦେବେ। ଏହି ଅବସରରେ କୁସୁମା ପୋଖରୀର ଲୋକାର୍ପଣ ଏବଂ ବାଳାଶ୍ରମ ପଡିଆରେ ଆୟୋଜିତ ମହୋତ୍ସବକୁ ମୁଖ୍ୟମନ୍ତ୍ରୀ ଉଦ୍‌ଘାଟନ କରିବେ।

ରୂପେକାର୍ଡରୁ ବଞ୍ଚତ୍ତ ୨୧ହଜାର ଚାଷୀ

ରସୁଲପୁର,୨୩।୩(ଡି.ଏନ୍‌.ଏ.) ରସୁଲପୁର ବ୍ଲକ ଅଧୀନ କଟକ କେନ୍ଦ୍ରୀୟ ସମବାୟ ବ୍ୟାଙ୍କ, କୁଆଖିଆ ଶାଖାର ଟାଳଟୁଳ ନୀତି ଯୋଗୁ ବ୍ଲକ ଅଞ୍ଚଳର ୨୧ ହଜାର ଚାଷୀ ରୂପେ କାର୍ଡରୁ ବଞ୍ଚତ୍ତ ହୋଇଛନ୍ତି ।ସମଗ୍ର ଜିଲାର ୧୦ଟି ବ୍ଲକରୁ ୯ଟି ବ୍ଲକ ସମେତ ବ୍ୟାସନଗର ଓ ଯାଜପୁର ଭଳି ଦୁଇଟି ମୁନିସିପାଲିଟି ଅଧୀନ ଚାଷୀମାନଙ୍କୁ ରୂପେକାର୍ଡ ମିଳିଛି । କେବଳ ରସୁଲପୁର ବ୍ଲକର ଚାଷୀମାନେ ରୂପେକାର୍ଡରୁ ବଞ୍ଚିତ ହୋଇଛନ୍ତି । ଏଥିପାଇଁ କଟକ କେନ୍ଦ୍ରୀୟ ବ୍ୟାଙ୍କକୁ ଦାୟୀ କରାଯାଉଛି । ଚଳିତବର୍ଷ ଏହି କାର୍ଡରୁ ବଞ୍ଚତ୍ତ ଚାଷୀମାନେ ବିଭିନ୍ନ ସରକାରୀ ସୁବିଧା ସୁଯୋଗ ଓ ରିହାତିରୁ ବଞ୍ଚିତ ହେବା ଏକ ପ୍ରକାର ସ୍ପଷ୍ଟ ହୋଇଛି। ସମବାୟ ସମିତିରେ ପଞ୍ଜୀକୃତ ଚାଷୀଙ୍କୁ ତୁରନ୍ତ ରୂପେକାର୍ଡ ପ୍ରଦାନ ପାଇଁ ଚାଷୀଙ୍କ ମହଲରେ ଦାବି ହେଉଛି ରୂପେ କାର୍ଡ ପ୍ରସ୍ତୁତି ପ୍ରକ୍ରିୟାରେ ଅବହେଳା କରିଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ଦାବି ହୋଇଛି। ଏହି ବ୍ଲକର ୨୮ଟି ପଞ୍ଚାୟତକୁ ୧୧ଟି ପ୍ରାଥମିକ କୃଷି ସେବା ସମବାୟ ସମିତି(ପାକ୍ସ)ରେ ବିଭକ୍ତ କରାଯାଇଛି।କୃଷକମାନେ ନାମ ପଞ୍ଜୀକରଣ କରି ପାକ୍ସର ସଦସ୍ୟତା ଗ୍ରହଣ କରିଛନ୍ତି ।ସମିତି ପକ୍ଷରୁ ସଦସ୍ୟଙ୍କୁ କିଷାନ କ୍ରେଡିଟ୍‌ କାର୍ଡ ପ୍ରଦାନ କରାଯାଇଛି ଏହି କ୍ରମରେ ରସୁଲପୁର ପାକ୍ସରେ ୧୯୭୨ଜଣ, ସିଂହାପୁରରେ-୨୦୩୧,ମୁଗୁପାଳରେ-୧୯୧୮, ବଡକଇଁଚିରେ-୨୨୬୦, ପହଁଗାରେ-୨୧୫୫,ନରସିଂହପୁର-୧୧୬୨, ଓଡିଶୋରେ-୨୩୯୯, ବଡକଇଁଚିରେ-୧୪୫୫,ପ୍ରଥମାଖଣ୍ଡିରେ-୧୮୭୦, ସାମନ୍ତରାପୁର ପାକ୍ସରେ-୧୯୬୩ଜଣ ଚାଷୀ ନାମ ପଞ୍ଜୀକରଣ କରିଛନ୍ତି ।

ବେଆଇନ ବ୍ଲାଷ୍ଟିଂରେ ଫାଟିଲା କାନ୍ଥ

ଡୁବୁରୀ,୨୩।୩(ଡିଏନଏ) କଳିଙ୍ଗନଗର ଥାନା ଅନ୍ତର୍ଗତ ବାଘୁଆପାଳଠାରେ ଚାଲିଥିବା ରେଳ ପ୍ରକଳ୍ପ କାମରେ ନିୟୋଜିତ ଏକ ଠିକା ସଂସ୍ଥା ପ୍ରଶାସନର ନିର୍ଦ୍ଦେଶକୁ ବେଖାତିର କରି ଶୁକ୍ରବାର ଦିନ ଦ୍ୱିପ୍ରହରରେ ବେଆଇନ ବ୍ଲାଷ୍ଟିଂ କରିଛି। ଯଦ୍ଦ୍ବାରା ବାଘୁଆପାଳ ଗ୍ରାମର ଅନେକ ଲୋକଙ୍କ ଘର କାନ୍ଥ ଫାଟିଯିବା ସହ ଗାଁ କ୍ଲବ ଘର ଓ ଲକ୍ଷ୍ମୀ ମଣ୍ଡପ ଗୃହ ଭୁଶୁଡ଼ି ପଡ଼ିବା ଆଶଙ୍କା ଦେଖାଦେଇଛି। ଏ ନେଇ ସମ୍ପୃକ୍ତ ଅଞ୍ଚଳରେ ଉତ୍ତେଜନା ଦେଖାଦେଇଛି। ଉତ୍ତ୍ୟକ୍ତ ଲୋକେ ରେଳ ପ୍ରକଳ୍ପ କାର୍ଯ୍ୟ ବନ୍ଦ କରିଦେଇଛନ୍ତି। ଏହି ପରିପ୍ରେକ୍ଷୀରେ ଶନିବାର ଅଞ୍ଚଳବାସୀଙ୍କ ପକ୍ଷରୁ ଏକ ବୈଠକ ଡକାଯାଇ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି ଜଣାଯାଇଛି।

ନଗଡ଼ାରେ ପୁଣି ୩ ଶିଶୁ ଅପପୁଷ୍ଟିର ଶିକାର

ନଗଡ଼ାରେ ପୁଣି ୩ ଶିଶୁ ଅପପୁଷ୍ଟିର ଶିକାର

କାଳିଆପାଣି,୨୩।୩(ଡିଏନଏ) କେବେ ଅପପୁଷ୍ଟି ତ ଆଉ କେତେବେଳେ ଶିଶୁ ଶ୍ରମିକ ନିୟୋଜନକୁ ନେଇ ବିବାଦ ଘେରରେ ରହିଆସିଛି ଯାଜପୁର ଜିଲା ସୁକିନ୍ଦା ବ୍ଲକର ନଗଡ଼ା ଗ୍ରାମ। ରାଜ୍ୟ ଓ ଜିଲା ପ୍ରଶାସନ ନଗଡ଼ାକୁ ଆଦର୍ଶ ଗ୍ରାମରେ ପରିଣତ କରିବା ପାଇଁ ଉଦ୍ୟମ କରୁଥିଲେ ହେଁ ଉକ୍ତ ଗ୍ରାମବାସୀ ଏଯାବତ୍‌ ସଚେତନ ହୋଇ ନ ଥିବା ପରିତାପର ବିଷୟ। ସେଠାରେ ବସବାସ କରୁଥିବା ଜୁଆଙ୍ଗଙ୍କ ଜୀବନ ଶୈଳୀରେ କୌଣସି ପରିବର୍ତ୍ତନ ହୋଇ ନ ଥିବା ପରିଲକ୍ଷିତ ହୋଇଛି। କୌଣସି ରୋଗ ହେଲେ ସେମାନେ ମେଡିକାଲ ଯିବାକୁ ଭୟ କରୁଥିବା ବେଳେ ସେମାନଙ୍କୁ ଜବରଦସ୍ତି ଡାକ୍ତରଖାନାରେ ଭର୍ତ୍ତି କଲେ ଲୁଚି ପଳାଇ ଆସୁଛନ୍ତି। ଔଷଧ ଖାଇ ଭଲ ହେବା ବଦଳରେ କୁକୁଡ଼ା ବଳି ଦେବା ଓ ଝଡ଼ାଫୁଙ୍କାରେ ବିଶ୍ୱାସ କରୁଥିବା ଦେଖିବାକୁ ମିଳିଛି। ବିନୁ ପଧାନଙ୍କ ସ୍ତ୍ରୀଙ୍କ ଜ୍ୱର ଭଲ ନ ହେବାରୁ ସେ ଔଷଧ ନ ଖାଇ କୁକୁଡ଼ା ବଳି ଦେଇଥିବା ଭଳି ଘଟଣା କିଛିଦିନ ପୂର୍ବେ ଦେଖିବାକୁ ମିଳିଥିଲା। ସେହିପରି ନଗଡ଼ାରେ ଆଉ ୩ ଶିଶୁ ଅପପୁଷ୍ଟିର ଶିକାର ହୋଇଥିବା ଜଣାପଡ଼ିଛି।

ନାବାଳିକାଙ୍କୁ ହତ୍ୟା ଘଟଣା:ଦୋଷ ସ୍ବୀକାର କଲେ ଅଭିଯୁକ୍ତ

ଏରସମା,୨୩।୩(ସ୍ବ.ପ୍ର.): ଏରସମା ଥାନା ଅନ୍ତର୍ଗତ ଗଡ଼ହରିଶପୁର ଗ୍ରାମରେ ନାବାଳିକାଙ୍କୁ ବଳାତ୍କାର ପରେ ହତ୍ୟା ଘଟଣାରେ ଗିରଫ ଅଭିଯୁକ୍ତ ଲବ ମାନ୍ନା ଓରଫ କାଳିଆ ନିଜ ଦୋଷ ସ୍ବୀକାର କରିଥିବା ଶୁକ୍ରବାର ପୋଲିସ ସୂଚନା ଦେଇଛି

ସେବା ନିବୃତ୍ତ ହେଲା ସୁଚେତା କ୍ରିପାଳିନୀ

ସେବା ନିବୃତ୍ତ ହେଲା ସୁଚେତା କ୍ରିପାଳିନୀ

ପାରାଦୀପ,୨୩।୩(ସ୍ବ.ପ୍ର.): ଭାରତୀୟ ତଟରକ୍ଷୀ ବାହିନୀରେ ୨୦ବର୍ଷ ଧରି କାର୍ଯ୍ୟ କରିବା ପରେ ଶୁକ୍ରବାର ସୂର୍ଯ୍ୟାସ୍ତରେ ସେବାରୁ ନିବୃତ୍ତ ହୋଇଛି ପାଟ୍ରୋଲିଂ ଜାହାଜ ଆଇସିଜିଏସ୍‌ ସୁଚେତା କ୍ରିପାଳିନୀ।

ବେତଭାର ଦେଉଛି ଜରୁରିକାଳୀନ ସେବା

ବେତଭାର ଦେଉଛି ଜରୁରିକାଳୀନ ସେବା

ମହାକାଳପଡା, ୨୩।୩ (ଡି.ଏନ୍‌.ଏ.) ଉଭୟ କେନ୍ଦ୍ର ଓ ରାଜ୍ୟ ସରକାର ଗ୍ରାମାଞ୍ଚଳର ଉନ୍ନତି ପାଇଁ ଉଦ୍ୟମ କରୁଛନ୍ତି ବୋଲି କହିହେଉଛନ୍ତି। ଏଥିପାଇଁ ସରକାରୀ ତହବିଲରୁ ବିପୁଳ ଅଞ୍ଚ ଖର୍ଚ୍ଚ ହେଉଛି। ମାତ୍ର ଗ୍ରାମlଞ୍ଚଳର ବିକାଶ କେତେ ହେଉଛି ସେ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି। ଏହାର ଏକ ଉଦାହରଣ ଦେଖିବାକୁ ମିଳିଛି ମହାକାଳପଡା ବ୍ଲକ ଜମ୍ବୁ ପଞ୍ଚାୟତ ଅନ୍ତର୍ଗତ କଣ୍ଡରାପାଟିଆ ଗ୍ରାମରେ। ନଦୀନାଳ ଘେରା ଏହି ଗ୍ରାମରେ ଏବେବି ବିକାଶ ପହଞ୍ଚତ୍ପାରି ନାହିଁ। ଗ୍ରାମରେ ୮୦ ପରିବାର ବସବାସ କରୁଥିବା ବେଳେ ଏଠାକାର ଲୋକସଂଖ୍ୟା ପ୍ରାୟ ୫୦୦ରୁ ଊର୍ଦ୍ଧ୍ୱ ହେବ। ଗ୍ରାମର ପୂର୍ବରେ ବଙ୍ଗୋପସାଗର କୂଳ ସଂରକ୍ଷିତ ଘଞ୍ଚ ଜଙ୍ଗଲ, ଉତ୍ତରରେ ଘଞ୍ଚ ଜଙ୍ଗଲ, ପଶ୍ଚିମରେ ଚିଙ୍ଗୁଡିଘେରି ଓ ଦକ୍ଷିଣରେ ୧ କିଲୋମିଟର ଗଲାପରେ ପଡେ ଉତ୍ତର ଜମ୍ବୁ ଗ୍ରାମ। ସ୍ବାଧୀନତାର ୭୦ ବର୍ଷ ପରେ ବି ଗ୍ରାମକୁ ରାସ୍ତା ପହଞ୍ଚତ୍ ପାରି ନାହିଁ। ଗାଁକୁ ରାସ୍ତା ନ ଥିବାରୁ ସେଠାରେ ଆବଶ୍ୟକ ସମୟରେ ଜରୁରିକାଳୀନ ସେବା ପହଞ୍ଚତ୍ ପାରେନି

ଲୋପ ପାଉଛି ଔଷଧୀୟ ବୃକ୍ଷ

ଆଳି, ୨୩।୩ (ଡି.ଏନ.ଏ.) ଆଗରୁ ଗ୍ରାମାଞ୍ଚଳ ଲୋକେ ବିଭିନ୍ନ ପ୍ରକାର ଔଷଧୀୟ ଗଛ ଲଗାଇ ତାର ଚେର, ଫୁଲ ଓ ଫଳରୁ ବିଭିନ୍ନ ରୋଗର ଉପଶମ ପାଇପାରୁଥିଲେ। ଏହାଦ୍ୱାରା ବହୁସ୍ଥାନରେ ଜଙ୍ଗଲ ସୃଷ୍ଟି ହେବା ସହ ଲୋକମାନେ ମଧ୍ୟ ଉପକୃତ ହେଉଥିଲେ। ମାତ୍ର ମେଡିକାଲ ସାଇନ୍ସରେ ଉନ୍ନତି ଘଟିବା ପୂର୍ବରୁ ଏବେ ସହରାଞ୍ଚଳଠାରୁ ଗ୍ରାମାଞ୍ଚଳ ପର୍ଯ୍ୟନ୍ତ ସବୁଠି ସମସ୍ତ ପ୍ରକାର ଔଷଧ ଉପଲବ୍ଧ ହେଉଛି। ଫଳରେ ଲୋକମାନେ ବହୁ ଔଷଧୀୟ ଗଛ ଲଗାଇବା ଅପେକ୍ଷା ସେଗୁଡିକୁ କାଟି ପଦା କରୁଥିବା ଦେଖାଯାଉଛି।

ଘରେ ପଶି ଆକ୍ରମଣ: ୩ ଗୁରୁତର

ଘରେ ପଶି ଆକ୍ରମଣ: ୩ ଗୁରୁତର

ରଣପୁର,୨୩।୩(ଡି.ଏନ୍‌.ଏ.): ନୟାଗଡ ଜିଲା ରଣପୁର ଥାନା ଦ୍ରାପଣରଣପୁର ଫାଣ୍ଡି ଅନ୍ତର୍ଗତ ଗୋପୀନାଥପୁର ସାହିରେ ରଣପୁର ବ୍ଲକ ବିଜେଡି ସଭାପତି ଓ ତାଙ୍କ ପରିବାର ଲୋକେ ଗୁରୁବାର ରାତିରେ ଉକ୍ତ ଗ୍ରାମର ଜନୈକ ଯୁବକଙ୍କ ଘରେ ପଶି ଆକ୍ରମଣ କରିଥିବା ଅଭିଯୋଗ ହୋଇଛି।

ପାଣି ପାଇଁ ରାସ୍ତାରୋକୋ

ପାଣି ପାଇଁ ରାସ୍ତାରୋକୋ

ନୟାଗଡ଼ ଅଫିସ,୨୩।୩: ନୟାଗଡ଼ ଜିଲା ଶରଣକୂଳ ନରେନ୍ଦ୍ରପୁର ଗ୍ରାମର ଲୋକମାନେ ପାଣି ପାଇଁ ଶୁକ୍ରବାର ରାସ୍ତାରୋକୋ କରିଛନ୍ତି। ଉକ୍ତ ଗ୍ରାମଦେଇ ଯାଇଥିବା ୨୧ ନଂ. ରାଜପଥ ଓଡ଼ଗାଁ ରାସ୍ତାରେ ମାଠିଆ, ଗରା, ବାଲତି ରଖି ମହିଳାମାନେ ରାସ୍ତାରୋକୋ କରିଛନ୍ତି।

ଷ୍ଟିଭେଡର୍ସ ଶ୍ରମିକଙ୍କ ବଦଳି ଘଟଣାକୁ ନେଇ ପୋର୍ଟରେ ଅଚଳାବସ୍ଥା

ଷ୍ଟିଭେଡର୍ସ ଶ୍ରମିକଙ୍କ ବଦଳି ଘଟଣାକୁ ନେଇ ପୋର୍ଟରେ ଅଚଳାବସ୍ଥା

ପାରାଦୀପ, ୨୩।୩(ସ୍ବ.ପ୍ର.) ପାରାଦୀପ ବନ୍ଦରରେ ଏକ ଷ୍ଟିଭେଡର୍ସ କମ୍ପାନୀର ଜଣେ ଶ୍ରମିକଙ୍କୁ ବଦଳି ସହ ଗେଟପାସ୍‌ ରଦ୍ଦ ଘଟଣାକୁ ନେଇ ଗୁରୁବାର ମଧ୍ୟରାତ୍ରରୁ ଅଚଳାବସ୍ଥା ସୃଷ୍ଟି ହୋଇଛି। ଷ୍ଟିଭେଡର୍ସ ଶ୍ରମିକମାନେ କାର୍ଯ୍ୟ ବନ୍ଦ କରିଥିବାରୁ ପୋର୍ଟ ବନ୍ଦ ରହିଛି।

ଅଂଶୁଘାତ ନେଲା ଜୀବନ, ବିଲରେ କାମ କରିବା ବେଳେ ଟଳି ପଡିଲେ ଚାଷୀ

ଅଂଶୁଘାତ ନେଲା ଜୀବନ, ବିଲରେ କାମ କରିବା ବେଳେ ଟଳି ପଡିଲେ ଚାଷୀ

ଭାପୁର, ୨୩।୩(ଡି.ଏନ୍‌.ଏ.): ନୟାଗଡ ଜିଲା ଫତେଗଡ ଥାନା ବାଘୁଆପଲୀ ପଞ୍ଚାୟତ ସୁଆମଢ଼ିପି ଗ୍ରାମର ସନାତନ ପାତ୍ର(୬୨)ଙ୍କର ଶୁକ୍ରବାର ଅଂଶୁଘାତରେ ମୃତ୍ୟୁ ଘଟିଛି। ସେ ତାଙ୍କ ପୁଅ ସହ ବିଲରେ ମୁଗ ଉପାଡୁଥିବା ସମୟରେ ଖରା ଓ ଗୁଳୁଗୁଳି ଯୋଗୁ ଅସୁସ୍ଥ ହୋଇ ପଡିଥିଲେ।

ଟ୍ରେନ୍‌ରେ କଟି ମହିଳା ମୃତ

ଟ୍ରେନ୍‌ରେ କଟି ମହିଳା ମୃତ

ନୟାଗଡ଼ ଅଫିସ, ୨୩।୩: ନୟାଗଡ଼ ଷ୍ଟେଶନ ନିକଟ ରେଲ ଲାଇନ୍‌ରୁ ଶୁକ୍ରବାର ସକାଳେ ଜନୈକ ମହିଳାଙ୍କ ମୃତଦେହ ଉଦ୍ଧାର ହୋଇଛି। ତାଙ୍କ ପରିଚୟ ମିଳିପାରି ନାହିଁ। ତେବେ ସେ ଆତ୍ମହତ୍ୟ କରିଥିବା ସନ୍ଦେହ କରାଯାଉଛି।

ମହିଳାଙ୍କ ମୃତ୍ୟୁକୁ ନେଇ ଉତ୍ତେଜନା

ମହିଳାଙ୍କ ମୃତ୍ୟୁକୁ ନେଇ ଉତ୍ତେଜନା

ଜଗତ୍‌ସିଂହପୁର ଅଫିସ,୨୨।୩- ଗୁରୁବାର ସ୍ଥାନୀୟ ଏକ ବେସରକାରୀ ନର୍ସିଂହୋମ ସମ୍ମୁଖରେ ଅଭାବନୀୟ ଘଟଣା ଘଟିଛି। ଏହି ହସ୍ପିଟାଲରେ ତ୍ରୁଟିପୂର୍ଣ୍ଣ ଚିକିତ୍ସା କାରଣରୁ ଜଣେ ମହିଳାଙ୍କ ମୃତ୍ୟୁ ଘଟିଥିବା ଅଭିଯୋଗ କରି ତାଙ୍କ ପରିବାର ଲୋକେ ମୃତଦେହ ରଖି ଆନ୍ଦୋଳନ କରିଛନ୍ତି। ମୃତ ମହିଳା ହେଲେ ତିର୍ତ୍ତୋଲ ଥାନା ଅନ୍ତର୍ଗତ ବଉଳାଙ୍ଗ ଗ୍ରାମର ଅଞ୍ଜୁକ୍ତା ସାହୁ ଓରଫ ଟିକି(୨୫)। ବିନା ଡାକ୍ତରରେ ହସ୍ପିଟାଲ ମାଲିକ ୩ ଜଣ ନର୍ସଙ୍କ ସହାୟତାରେ ମହିଳାଙ୍କ ପ୍ରସବ କରାଇଥିଲେ। ତ୍ରୁଟିପୂର୍ଣ୍ଣ ଚିକିତ୍ସା ଯୋଗୁ ମହିଳା ଗୁରୁତର ହୋଇପଡିଥିଲେ। ହସ୍ପିଟାଲ ମାଲିକ ନିଜ ଉପରୁ ଦୋଷ ଛଡାଇବା ପାଇଁ ଅଞ୍ଜୁକ୍ତାଙ୍କୁ କଟକ ସ୍ଥାନାନ୍ତର ବ୍ୟବସ୍ଥା କରିଥିଲେ। ସେଠାରେ ଗୁରୁବାର ସକାଳେ ମହିଳାଙ୍କ ମୃତ୍ୟୁ ହୋଇଯାଇଥିଲା। ଏହା ପରେ ମହିଳାଙ୍କ ଶାଶୁଘର ଓ ବାପଘର ଲୋକେ ବିଚଳିତ ହୋଇପଡିଥିଲେ। ଅପରାହ୍ନରେ ମୃତଦେହ ଆଣି ଉକ୍ତ ହସ୍ପିଟାଲ ସମ୍ମୁଖ ମୁଖ୍ୟ ରାସ୍ତାରେ ରଖି ଆନ୍ଦୋଳନ କରିଥିଲେ। ଏହି ଆନ୍ଦୋଳନରେ ବହୁ ସଂଖ୍ୟକ ଲୋକ ସ୍ବତଃ ସାମିଲ ହୋଇଥିଲେ। ହସ୍ପିଟାଲ ମାଲିକଙ୍କୁ ତୁରନ୍ତ ଗିରଫ କରିବା ସହ ନର୍ସିଂହୋମ ଉଚ୍ଛେଦ ଓ ମୃତ ମହିଳାଙ୍କ ପରିବାରକୁ କ୍ଷତିପୂରଣ ପ୍ରଦାନ କରିବାକୁ ସେମାନେ ଦାବି କରିଥିଲେ।

ବିରୋଧ ଯୋଗୁ ଫସର ଫାଟିଲା ରାମକି ଜନଶୁଣାଣି

ବିରୋଧ ଯୋଗୁ ଫସର ଫାଟିଲା ରାମକି ଜନଶୁଣାଣି

ସୁକିନ୍ଦା,୨୨।୩(ଡି.ଏନ.ଏ.) ସୁକିନ୍ଦା ବ୍ଲକ ଅନ୍ତର୍ଗତ ଦୁଧୁଯୋରୀ ପଞ୍ଚାୟତର କଞ୍ଚିଚୁଆ ଗ୍ରାମଠାରେ ଥିବା ରାମକି କମ୍ପାନୀ ନିଜର ଔଷଧିୟ ପରିଚାଳନା ସୁବିଧାର ସମ୍ପ୍ରସାରଣ ନିମନ୍ତେ ଗୁରୁବାର ଏକ ଜନଶୁଣାଣିର ଆୟୋଜନ କରିଥିଲା। ମାତ୍ର ଏହି ଜନଶୁଣାଣି ଫସର ଫାଟିଥିବା ବେଳେ ଏହାକୁ ନେଇ ଏକ ରାଜନୈତିକ ନାଟକ ଚାଲିଥିବା ଦେଖିବାକୁ ମିଳିଥିଲା। ପ୍ରକାଶ ଯେ, ରାମକି କମ୍ପାନୀ କଞ୍ଚିଚୁଆଠାରେ ଉପରୋକ୍ତ ସମ୍ପ୍ରସାରଣ ପାଇଁ କଞ୍ଚିଚୁଆ ଗ୍ରାମ ନିକଟରେ ଖାତା ନଂ. ୬୧ ଅନ୍ତର୍ଗତ ପ୍ଲଟ ନଂ. ୪୨୦/୬୪୮/୧ରେ ସମ୍ପ୍ରସାରଣ ନିମନ୍ତେ ଜନଶୁଣାଣି ହେବ ବୋଲି ରାଜ୍ୟ ପ୍ରଦୂଷଣ ବୋର୍ଡ ପକ୍ଷରୁ ପ୍ରକାଶିତ ବିଜ୍ଞପ୍ତିରେ ଉଲ୍ଲେଖ ଥିଲା। ଏହି ଅନୁଯାୟୀ ଗୁରୁବାର ଉକ୍ତ ସ୍ଥାନରେ ଜନଶୁଣାଣି ଆରମ୍ଭ ହୋଇଥିଲା। ଜନଶୁଣାଣିରେ ରାଜ୍ୟ ପ୍ରଦୂଷଣ ବୋର୍ଡର କଳିଙ୍ଗନଗର ଶାଖାର ଅନୁପ ମଲ୍ଲିକ, କଳିଙ୍ଗନଗର ଏଡିଏମ ଅବଦୁଲ କଲିମ ଏବଂ କମ୍ପାନୀ ତରଫରୁ ପ୍ରକଳ୍ପ ପରିଚାଳକ ପ୍ରଦୀପ୍ତ କୁମାର ଧଳ ଉପସ୍ଥିତ ଥିଲେ। ଶୁଣାଣି ଆରମ୍ଭ ହେବା ମାତ୍ରେ ସେଠାରେ ଉପସ୍ଥିତ ଥିବା ଆଖପାଖ ପଞ୍ଚାୟତର ୫ଜଣ ସରପଞ୍ଚ ଏବଂ ସେମାନଙ୍କ ସମର୍ଥକମାନେ ଏହାକୁ ବିରୋଧ କରିବା ଆରମ୍ଭ କରିଦେଇଥିଲେ। କମ୍ପାନୀ ଦେଇଥିବା ପ୍ରତିଶ୍ରୁତିକୁ ପାଳନ କରି ନ ଥିବା ତଥା ପ୍ରଦୂଷଣକୁ କମାଇବା ସ୍ଥାନରେ ବଢାଉଥିବା ଦର୍ଶାଇ ସେମାନେ ଏହି ସମ୍ପ୍ରସାରଣକୁ ବିରୋଧ କରିଥିବା କହିଥିଲେ। ଏହାଦ୍ୱାରା ଉକ୍ତ ଜନଶୁଣାଣି ସଫଳ ହୋଇପାରି ନ ଥିଲା।

ରାସ୍ତା ନିର୍ମାଣରେ ଅନିୟମିତତା

କୋରେଇ,୨୨।୩(ସ୍ବ.ପ୍ର)- କୋରେଇ ବ୍ଲକ ଅନ୍ତର୍ଗତ ଗୌରପୁର ପଞ୍ଚାୟତର ଜଇଁନ୍ତିରା ଗ୍ରାମରେ ପଞ୍ଚାୟତିରାଜ ବିଭାଗ ଓଡ଼ିଶା ସରକାରଙ୍କ ଚତୁର୍ଦ୍ଦଶ ଅର୍ଥ କମିଶନ୍‌ ଯୋଜନାରେ ଏକ ରାସ୍ତା ନିର୍ମାଣ ହେଉଛି। ଆର୍ଥିକ ବର୍ଷ ୨୦୧୭-୧୮ରେ ୪ଲକ୍ଷ ବ୍ୟୟ ଅଟକଳରେ ଧଳ ସାହିଠାରୁ ଆରଡି ରାସ୍ତା ପର୍ଯ୍ୟନ୍ତ ରାସ୍ତା କାମ ଓ ଡ୍ରେନ ନିର୍ମାଣ ପାଇଁ ଏହି ଟଙ୍କା ଆସିଛି।

ଗ୍ରାମବାସୀ ସୃଷ୍ଟି କଲେ ଜଙ୍ଗଲ

ଗ୍ରାମବାସୀ ସୃଷ୍ଟି କଲେ ଜଙ୍ଗଲ

ଯାଜପୁରରୋଡ,୨୨।୩(ନି.ପ୍ର.)- କଥାରେ ଅଛି ବୃକ୍ଷ ହିଁ ଜୀବନ। ମାତ୍ର ବର୍ତ୍ତମାନ ଲୋକେ ବଡ଼ ବଡ଼ କୋଠାଘର ନିର୍ମାଣ କରିବା ପାଇଁ ଗଛଗୁଡ଼ିକୁ କାଟି ଦେଉଛନ୍ତି। ଫଳରେ ଜଙ୍ଗଲ ନଷ୍ଟ ହୋଇଯାଉଛି। ଏହାଦ୍ୱାରା ବନ୍ୟଜନ୍ତୁମାନେ ଦିନକୁ ଦିନ ଲୋପ ପାଇବାକୁ ବସିଲେଣି। ଏଥିପାଇଁ ଚାରିଆଡେ ବୃକ୍ଷରୋପଣ ପାଇଁ ବିଭିନ୍ନ ସଚେତନତା ବାର୍ତ୍ତା ଦିଆଯାଉଛି। ଚାରିଆଡେ ବୃକ୍ଷରୋପଣ କରି ଜଙ୍ଗଲ ସୃଷ୍ଟି କରିବା ପାଇଁ ଲୋକଙ୍କୁ ବିଭିନ୍ନ ବାର୍ତ୍ତା ଦିଆଯାଉଥିବାବେଳେ ଏଭଳି ୩ଟି ଗ୍ରାମ ରହିଛି, ଯାହାର ଲୋକମାନେ ନିଜେ ସଚେତନ ହୋଇ ବୃକ୍ଷରୋପଣ କରିବା ସହ ଜଙ୍ଗଲକୁ ସୁରକ୍ଷା ଦେଉଛନ୍ତି। ଫଳରେ ଏଠାରେ ଦିନକୁ ଦିନ ବନ୍ୟଜନ୍ତୁଙ୍କ ସଂଖ୍ୟ ବୃଦ୍ଧି ପାଇବା ସହ ଜଙ୍ଗଲ ମାଫିଆମାନେ ଗଛଗୁଡ଼ିକୁ କାଟି ନେବାରେ ସକ୍ଷମ ହେଉଛନ୍ତି। ଏହି ଜଙ୍ଗଲଟି ୨୦ନଂ ଜାତୀୟ ରାଜପଥ ରଗଡ଼ି ନିକଟରେ ରହିଛି, ଯାହାର ନାମ କେବିକେ ଜଙ୍ଗଲ। ଏହି ଜଙ୍ଗଲଟି ଯାଜପୁର ଓ କେନ୍ଦୁଝର ଜିଲା ସୀମାନ୍ତରେ ରହିଛି। ଏହି ଜଙ୍ଗଲର ପରିଧି ୧୦ କିଲୋମିଟର ପରିସରରେ ରହିଛି। କୋରେଇ ବ୍ଲକର କିଆପଦା ଏବଂ କେନ୍ଦୁଝର ଜିଲାର ବେଗୁନିଆଢ଼ଇ, କରଡ଼ାପାଳ ଗ୍ରାମବାସୀ ଏକାଠି ହୋଇ ଏହି ଜଙ୍ଗଲକୁ ସୁରକ୍ଷା ଦେଉଛନ୍ତି।

ଚେକ୍‌ ଡ୍ୟାମ୍‌ ଜଳଶୂନ୍ୟ, ଚାଷୀ ପ୍ରଭାବିତ

ଚେକ୍‌ ଡ୍ୟାମ୍‌ ଜଳଶୂନ୍ୟ, ଚାଷୀ ପ୍ରଭାବିତ

ରସୁଲପୁର,୨୨।୩(ଡି.ଏନ୍‌.ଏ.) ରସୁଲପୁର ବ୍ଲକରେ କୋଟିଏରୁ ଊର୍ଦ୍ଧ୍ୱ ଟଙ୍କା ବ୍ୟୟରେ ଚେକ୍‌ ଡ୍ୟାମ ନିର୍ମାଣ ହୋଇଛି। ଏହି ଡ୍ୟାମ୍‌ ଗୁଡିକ ଯୋଜନା ମୁତାବକ ହୋଇନାହିଁ। ଫଳରେ ଏହା ଚାଷୀଙ୍କ କାମରେ ଲାଗୁନି। ଖରା ଆରମ୍ଭରୁ ଏହି ବ୍ଲକ ଅଧୀନ ଚେକ୍‌ ଡ୍ୟାମ୍‌ଗୁଡିକ ଜଳଶୂନ୍ୟ ହୋଇପଡ଼ିଛି। ଖରାଦିନରେ ଚାଷୀଙ୍କ କ୍ଷେତକୁ ଜଳସେଚନ ପାଇଁ ଉଦ୍ଦିଷ୍ଟ ଡ୍ୟାମରୁ ପାଣି ନ ପାଇ ଚାଷୀଙ୍କ ଫସଲ କ୍ଷେତ ପ୍ରଭାବିତ ହୋଇଛି। ଚେକ୍‌ ଡ୍ୟାମ ନିର୍ମାଣ ଦ୍ୱାରା ଚାଷୀଙ୍କ ହିତ ବଦଳରେ ଠିକାଦାର ଲାଭବାନ ହେଉଥିବା ନେଇ ଚାଷୀଙ୍କ ମହଲରେ ଆଲୋଚନା ହେଉଛି।

ବିଜେଡିକୁ ଅଡ଼ୁଆ ହୋଇପାରେ ଗୋଷ୍ଠୀ କନ୍ଦଳ

ଯାଜପୁର ଅଫିସ,୨୨।୩ ପୌର ନିର୍ବାଚନ ପାଇଁ ବ୍ୟାସନଗର ପୌର ପରିଷଦର ୱାର୍ଡ ପୁନର୍ଗଠନ ଓ ସ୍ଥାନ ସଂରକ୍ଷଣ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ବିଭିନ୍ନ ରାଜନୈତିକ ଦଳ ପକ୍ଷରୁ ତପତ୍ରତା ପ୍ରକାଶ ପାଇଛି। ସେଥିରୁ ଯାଜପୁର ଜିଲାର କୋରେଇ ନିର୍ବାଚନ ମଣ୍ଡଳୀ ଅନ୍ତର୍ଗତ ୨୬ଟି ୱାର୍ଡ ବିଶିଷ୍ଟ ବ୍ୟାସନଗର ପୌର ପରିଷଦରେ ଲାଗି ରହିଥିବା ଛକାପଞ୍ଝା ବିଜେଡି ପାଇଁ କ୍ଷତିକାରକ ହେବ ଓ ଗୋଷ୍ଠୀ କନ୍ଦଳ ତେଜିବାର ଆଶଙ୍କା ରହିଛି ବୋଲି ରାଜନୈତିକ ସମୀକ୍ଷକମାନେ ଅନୁମାନ କରିଛନ୍ତି। କିନ୍ତୁ ବିରୋଧୀ ଦଳ ଏଠାରେ ସେତେଟା ସକ୍ରିୟ ନ ଥିବାରୁ ବିଜେଡି ମଇଦାନରେ ତିଷ୍ଠି ରହିବ ବୋଲି କୁହାଯାଉଛି।

ଗାଡି ରଖାକୁ କେନ୍ଦ୍ର କରି ଆକ୍ରମଣ: ଉଭଣୀ-ଭାଇ ଗିରଫ

ଗାଡି ରଖାକୁ କେନ୍ଦ୍ର କରି ଆକ୍ରମଣ: ଉଭଣୀ-ଭାଇ ଗିରଫ

ରଣପୁର, ୨୨।୩(ଡି.ଏନ୍‌.ଏ.): ନୟାଗଡ଼ ଜିଲା ରଣପୁର ଏନ୍‌ଏସି ଅନ୍ତର୍ଗତ ହଂସର ଓ୍ବାର୍ଡରେ ଗୁରୁବାର ସକାଳେ ଭଉଣୀଭାଇଙ୍କ ଆକ୍ରମଣରେ ଚତ୍ତରଞ୍ଜନ ସାହୁ(୨୨) ଗୁରୁତର ଆହତ ହୋଇଛନ୍ତି। ଅଭିଯୁକ୍ତ ଭଉଣୀ, ଭାଇ ହେଲେ ମଞ୍ଜୁବାଳା ବେହେରା ଓ ଅମର ବେହେରା।

ହିତାଚି ଧକ୍କାରେ ଜଣେ ମୃତ

ହିତାଚି ଧକ୍କାରେ ଜଣେ ମୃତ

ଭାପୁର, ୨୨।୩(ଡି.ଏନ୍‌.ଏ.): ନୟାଗଡ଼ ଜିଲା ଫତେଗଡ ଥାନା ପଥରଚକଡ଼ା ବାଲି ଘାଟରେ ଗୁରୁବାର ଭୋରରେ ହିତାଚି ଧକ୍କାରେ ଜଣଙ୍କ ମୃତ୍ୟୁ ଘଟିଛି। ସେ ହେଲେ ବିଜୟ କୁମାର ଦାସ(୪୫)। ତାଙ୍କ ଘର କଣ୍ଟିଲୋ ଗ୍ରାମର ମୁଣ୍ଡିସାହିରେ।