ଉପକୂଳ ଓଡିଶା

ରଣପୁର ରଥଯାତ୍ରା ପ୍ରସ୍ତୁତି ବୈଠକ: ଅପରାହ୍ନ ୨ଟାରେ ରଥଟଣା

ରଣପୁର ରଥଯାତ୍ରା ପ୍ରସ୍ତୁତି ବୈଠକ: ଅପରାହ୍ନ ୨ଟାରେ ରଥଟଣା

ରଣପୁର,୬ା୭ (ସ୍ବ.ପ୍ର.)- ଦ୍ୱୀତିୟ ଶ୍ରୀକ୍ଷେତ୍ର ଭାବେ ପରିଚିତ ନୟାଗଡ଼ ଜିଲା ରଣପୁର ଜଗନ୍ନାଥ ମନ୍ଦିରରେ ଚଳିତବର୍ଷ ତିନି ଠାକୁରଙ୍କ ରଥଯାତ୍ରା କିଭଳି ଶୃଙ୍ଖଳାର ସହ ସମ୍ପନ୍ନ ହେବ ସେ ନେଇ ଏକ ପ୍ରସ୍ତୁତି ବୈଠକ ଗୁରୁବାର ଅନୁଷ୍ଠିତ ହୋଇଥିଲା। ରଣପୁର ବ୍ଲକ କାର୍ଯ୍ୟାଳୟ ପରିସର ସଭାଗୃହରେ ଅନୁଷ୍ଠିତ ବୈଠକରେ ସ୍ଥାନୀୟ ବିଧାୟକ ରବିନାରାୟଣ ମହାପାତ୍ର ସଭାପତିତ୍ୱ କରିଥିଲେ।

ପରିବେଶ ପ୍ରଦୂଷଣ ନିୟନ୍ତ୍ରଣ ବୋର୍ଡ ପ୍ରମାଣପତ୍ର ଅବଧି ଶେଷ : ସିଲ୍‌ ହେଲା ୩ କାରଖାନା

ପରିବେଶ ପ୍ରଦୂଷଣ ନିୟନ୍ତ୍ରଣ ବୋର୍ଡ ପ୍ରମାଣପତ୍ର ଅବଧି ଶେଷ : ସିଲ୍‌ ହେଲା ୩ କାରଖାନା

ଓଡ଼ଗାଁ,୬ା୭(ସ୍ବ.ପ୍ର.)-ନୟାଗଡ ଜିଲା ଓଡ଼ଗାଁ ତହସିଲ ଅନ୍ତର୍ଗତ ବିଭିନ୍ନ ସ୍ଥାନରେ ଥିବା ତିନୋଟି କାରଖାନାକୁ ପରିବେଶ ପ୍ରଦୂଷଣ ନିୟନ୍ତ୍ରଣ ବୋର୍ଡ ଦ୍ୱାରା ମିଳିଥିବା ପ୍ରମାଣ ପତ୍ର ଅବଧି ଶେଷହୋଇଥିବା କାରଣରୁ ପ୍ରଶାସନ ଗୁରୁବାର ସିଲ କରିଛି । ସେଗୁଡିକ ହେଲା ଆଖୁପଦରସ୍ଥିତ ଶ୍ରୀରାମ ଗୋଲ୍ଡ ଶୋରିଷ ତେଲ ପ୍ରସ୍ତୁତ କରୁଥିବା ଶ୍ରୀରାମ ଫୁଡ୍‌ ପ୍ରଡକ୍ଟସ, କଦଳୀବନ୍ଧ ସ୍ଥିତ କନକ ଷ୍ଟୋନ ଇଣ୍ଡଷ୍ଟ୍ରି (କ୍ରଶର) ଏବଂ ମା ମଙ୍ଗଳା ଆଗ୍ରୋ ଇଣ୍ଡଷ୍ଟ୍ରି ରୋହିବାଙ୍କ ।

ଏନ୍‌କାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଚଗଲା ଗୁରୁତର: ଟିଟୋ ଗ୍ୟାଙ୍ଗ ସହ ସମ୍ପୃକ୍ତ ଥିବା ନେଇ ପୋଲିସର ସୂଚନା

ଏନ୍‌କାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଚଗଲା ଗୁରୁତର: ଟିଟୋ ଗ୍ୟାଙ୍ଗ ସହ ସମ୍ପୃକ୍ତ ଥିବା ନେଇ ପୋଲିସର ସୂଚନା

ନୟାଗଡ ଅଫିସ/ରଣପୁର(ସ୍ବ.ପ୍ର.),୬।୭-ନୟାଗଡ଼ ଜିଲା ପୋଲିସ ତରଫରୁ ଗୁରୁବାର ବିଳମ୍ବିତ ରାତିରେ ଏନ୍‌କାଉଣ୍ଟର ହୋଇଛି। ଏଥିରେ ଦୁର୍ଦ୍ଦାନ୍ତ ଅପରାଧୀ ବଳରାମ ମଲ୍ଲିକ(୩୫) ଓରଫ ଚଗଲା ଗୁରୁତର ହୋଇଛନ୍ତି। ଚଗଲାଙ୍କ ଘର କଟକ ଜିଲା ନିଆଳି ଥାନା ରାଣିଓଳା ଗ୍ରାମରେ। ତାଙ୍କ ନାମରେ ରାଜ୍ୟର ବିଭିନ୍ନ ଥାନାରେ ୯୦ରୁ ଊର୍ଦ୍ଧ୍ୱ ମାମଲା ଥିବା ପୋଲିସ ସୂଚନା ଦେଇଛି।

ପ୍ରତିଶ୍ରୁତି ପୂରଣ କରିବାକୁ ଖଣି, ଶିଳ୍ପ ବାଧ୍ୟ

ଯାଜପୁର ଅଫିସ,୬ା୭- ଶିଳ୍ପାନୁଷ୍ଠାନ ଓ ଖଣିମାଲିକମାନେ ପାରିପାର୍ଶ୍ୱିକ ଉନ୍ନୟନକୁ ଗୁରୁତ୍ୱ ଦେବା ଆବଶ୍ୟକ। ଜନ ସହଯୋଗରେ ଶିଳ୍ପ ଗଢି ଉଠିଛି। ତେଣୁ କାରଖାନା ପ୍ରତିଷ୍ଠା ସମୟରେ ଯେଉଁସବୁ ପ୍ରତିଶ୍ରୁତି ଦିଆଯାଇଛି ତାକୁ ପୂରଣ କରିବାକୁ ବାଧ୍ୟ। ସେମାନେ କେବଳ କଥା ବା କାଗଜରେ ତାହାକୁ ନ ଦର୍ଶାଇ ବାସ୍ତବରେ ଉତ୍ତରଦାୟୀ ଭାବେ କାର୍ଯ୍ୟ କରିବାକୁ ଜିଲାପାଳ ରଞ୍ଜନ କୁମାର ଦାସ ତାଗିଦ କରିଛନ୍ତି।

ମହିଳା ସଶକ୍ତିକରଣର ନୂଆ ଅଧ୍ୟାୟ: ଭୋଟ ଗଣତିରେ ବି ମହିଳା ସାମିଲ

ମହିଳା ସଶକ୍ତିକରଣର ନୂଆ ଅଧ୍ୟାୟ: ଭୋଟ ଗଣତିରେ ବି ମହିଳା ସାମିଲ

ଯାଜପୁର ଅଫିସ,୬ା୭- ଯାଜପୁର ଜିଲା ୩୦ ନମ୍ବର ଜୋନ ଜିଲାପରିଷଦ ଉପନିର୍ବାଚନ ପରିଚାଳନାରେ ମହିଳା ଅଧିକାରୀମାନେ ଇତିହାସ ସୃଷ୍ଟି କରିଥିବାବେଳେ ଭୋଟ ଗଣତିରେ ମଧ୍ୟ ଏକ ନୂଆ ଫର୍ଦ୍ଦ ଯୋଡ଼ି ହୋଇଯାଇଛି । ଗୁରୁବାର ପୂର୍ବାହ୍ନରେ ଯାଜପୁର ବ୍ଲକ ପରିସରରେ ଅନୁଷ୍ଠିତ ଭୋଟ ଗଣତିରେ ୬ଟି ଗଣତି ଟେବୁଲ କରାଯାଇଥିଲା। ସେଥିରୁ ଗୋଟିଏ ଗଣତି ଟେବୁଲରେ କେବଳ ମହିଳାଙ୍କ ଦ୍ୱାରା ଭୋଟ ଗଣତି କରାଯାଇଥିଲା।

ଅଧାପନ୍ତରିଆ ମିଲିଟାରୀ ଛକରୁ ଦମକଳ କେନ୍ଦ୍ର ରାସ୍ତା ଆରମ୍ଭ ହେବ

ଯାଜପୁର ଅଫିସ,୬ା୭- ବହୁ ପ୍ରତୀକ୍ଷିତ କଳିଙ୍ଗନଗର ମିଲିଟାରୀ ଛକଠାରୁ ଦମକଳ କେନ୍ଦ୍ର ଯାଏ ଅଧାପନ୍ତରିଆ ୪ ଲେନ ବିଶିଷ୍ଟ ରାସ୍ତା ନିର୍ମାଣ ଶେଷ କରିବାକୁ ସୁପରକ୍ଲାସ ଠିକାଦାର ଏବିଏସ ଇଞ୍ଜିନିୟରିଂ ଆଣ୍ଡ ଡେଭଲପର୍ସ କମ୍ପାନୀକୁ ଟେଣ୍ଡର ମିଳିଛି। ୩୧ା୫ା୨୦୧୮ତାରିଖରେ ପୂର୍ତ୍ତ ବିଭାଗୀୟ ଟେଣ୍ଡର କମିଟି ବୈଠକରେ ଏହି ନିଷ୍ପତ୍ତି ହୋଇଛି । ୪

ନିର୍ବାଚନୀ ହିଂସା, ୪ ଆହତ

ବିରଜାକ୍ଷେତ୍ର,୬ା୭(ଡିଏନ୍‌ଏ)- ଯାଜପୁର ଜିଲା ୩୦ନଂ ଜୋନ ଜିଲାପରିଷଦ ସଭ୍ୟ ପଦ ନିମନ୍ତେ ହୋଇଥିବା ଉପନିର୍ବାଚନରେ ବିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ଏହି ବିଜୟରେ ଉଲ୍ଲସିତ ହୋଇ ମହେଶ୍ୱରପୁର ପଞ୍ଚାୟତର ଶାସକ ଦଳର କର୍ମୀମାନେ ଗୁରୁବାର ସନ୍ଧ୍ୟାରେ ଶୋଭାଯାତ୍ରାରେ ଯାଉଥିବା ବେଳେ ନିର୍ବାଚନୀ ହିଂସା ଦେଖାଦେଇଥିଲା। ଫଳରେ ୪ଜଣ ଆହତ ହୋଇଥିବା ଜଣାପଡ଼ିଛି।

ଯାଜପୁର ୩୦ନମ୍ବର ଜୋନ୍‌ ଉପନିର୍ବାଚନ ଫଳାଫଳ: ବିଜେଡି ପ୍ରାର୍ଥୀ ବିଶ୍ୱପ୍ରତାପ ବିଜୟୀ

ଯାଜପୁର ୩୦ନମ୍ବର ଜୋନ୍‌ ଉପନିର୍ବାଚନ ଫଳାଫଳ: ବିଜେଡି ପ୍ରାର୍ଥୀ ବିଶ୍ୱପ୍ରତାପ ବିଜୟୀ

ଯାଜପୁର ଅଫିସ, ୬ା୭- ଯାଜପୁର ଜିଲା ୩୦ନମ୍ବର ଜୋନରେ ବୁଧବାର ହୋଇଥିବା ଉପନିର୍ବାଚନର ଫଳଫଳ ଗୁରୁବାର ପ୍ରକାଶ ପାଇଛି। ଏଥିରେ ବିଜେଡି ପ୍ରାର୍ଥୀ ବିଶ୍ୱପ୍ରତାପ ମିଶ୍ର ବିଜୟୀ ହୋଇଛନ୍ତି। ବିଶ୍ୱପ୍ରତାପ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପା ପ୍ରାର୍ଥୀ ମନ୍ମଥ ବରାଳଙ୍କୁ ୬ହଜାରରୁ ଊର୍ଦ୍ଧ୍ୱ ଭୋଟରେ ପରାସ୍ତ କରିଛନ୍ତି।

ବିବାହ ପାଇଁ  ମନା କରିବାରୁ ଆତ୍ମହତ୍ୟା ଉଦ୍ୟମ: ଚିକିତ୍ସାଳୟରେ ହେଲା ପ୍ରେମୀଯୁଗଳଙ୍କ ବିବାହ

ବିବାହ ପାଇଁ ମନା କରିବାରୁ ଆତ୍ମହତ୍ୟା ଉଦ୍ୟମ: ଚିକିତ୍ସାଳୟରେ ହେଲା ପ୍ରେମୀଯୁଗଳଙ୍କ ବିବାହ

ଯାଜପୁର ରୋଡ,୬ା୭(ନି.ପ୍ର)- ଦୀର୍ଘ ୨ବର୍ଷର ଥିଲା ପ୍ରେମ ସମ୍ପର୍କ। ମାତ୍ର ଅଚାନକ ବିବାହ ପାଇଁ ମନା କରିଦେଇଥିଲେ ଯୁବକ। ଫଳରେ ଯୁବତୀ ଜଣକ ଜୀବନ ହାରିବାକୁ ମନସ୍ଥ କରି ନିଶା ବଟିକା ଖାଇଦେଇଥିଲେ। ତାଙ୍କୁ ଅଚେତ ଅବସ୍ଥାରେ ଯାଜପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କ ଚିକିତ୍ସା କରାଯିବା ପରେ ସେ ଭଲ ପାଉଥିବା ଯୁବକଙ୍କ ସହିତ ପୋଲିସ ଉପସ୍ଥିତିରେ ଗୁରୁବାର ତାଙ୍କ ବିବାହ ଅନୁଷ୍ଠିତ ହୋଇଛି।

ଡକାୟତି ଉଦ୍ୟମ, ଜଣେ ଆହତ

ବିରଜାକ୍ଷେତ୍ର,୬ା୭(ଡିଏନ୍‌ଏ)- ଏକ ଫାଇନାନ୍ସ କମ୍ପାନୀରେ କାମ କରୁଥିବା ୨ଜଣ ଯୁବକ ଲୋକଙ୍କଠାରୁ ଟଙ୍କା ଆଦାୟ କରି ଫେରୁଥିବା ବେଳେ ଗୁରୁବାର ୨୩ଜଣ ଡକାୟତ ତାଙ୍କଠାରୁ ଲୁଟ ଉଦ୍ୟମ କରିଥିଲେ।

ରୋଗିଣା ବୃଦ୍ଧାଙ୍କୁ ଘରୁ କାଢ଼ି ଦେଲା ପ୍ରଶାସନ: ଋଣ ଖିଲାପକାରୀଙ୍କ ଘରେ ଝୁଲାଇଲା ତାଲା

କୋରେଇ,୬ା୭(ସ୍ବ.ପ୍ର.)- ମା’ଙ୍କୁ ନ ନେଇ ପରିବାର ଲୋକେ ଘରେ ଏକା ଛାଡ଼ି ଚାଲିଗଲେ। ଏହାପରେ ପ୍ରଶାସନ ମଧ୍ୟ ଭୁଲିଗଲା ମାନବିକତା। ୭୫ ବର୍ଷୀୟ ରୋଗିଣା ବୃଦ୍ଧାଙ୍କୁ ଘରୁ ବାହାର କରିଦେଇ ଋଣଖିଲାପକାରୀଙ୍କ ଘରେ ମାଜିଷ୍ଟ୍ରେଟ ଓ ପୋଲିସ ଫୋର୍ସଙ୍କ ଉପସ୍ଥିତିରେ ତାଲା ଝୁଲାଇ ଦିଆଗଲା। ଏଭଳି ଅମାନବୀୟ ଘଟଣା କୋରେଇ ଥାନା ଅନ୍ତର୍ଗତ ତଳଗଡ଼ ପଞ୍ଚାୟତ ହରିଚନ୍ଦନପୁର ଗ୍ରାମରେୁ ଗୁରୁବାର ଦେଖିବାକୁ ମିଳିଛି।

୨ବର୍ଷ ପରେ ବି ସରିଲା ନାହିଁ ଜମି ଅଧିଗ୍ରହଣ: ବାଇପାସ ନିର୍ମାଣ ନେଇ ଅନିଶ୍ଚିତତା

୨ବର୍ଷ ପରେ ବି ସରିଲା ନାହିଁ ଜମି ଅଧିଗ୍ରହଣ: ବାଇପାସ ନିର୍ମାଣ ନେଇ ଅନିଶ୍ଚିତତା

ଦଶରଥପୁର,୬ା୭(ଡିଏନ୍‌ଏ)- ବିଭାଗୀୟ ଅଧିକାରୀଙ୍କ ଅବହେଳା ଓ ଦାୟିତ୍ୱହୀନତା ଯୋଗୁ କନିକାପଡ଼ାର ଦିହୁଡିସାହିଠାରୁ ଥାଲକୁଡି ପର୍ଯ୍ୟନ୍ତ ହେବାକୁ ଥିବା ବାଇପାସ ନିର୍ମାଣ ନେଇ ଅନିଶ୍ଚିତତା ଦେଖାଦେଇଛି। ବାଇପାସ ନିର୍ମାଣ ଲାଗି ଆବଶ୍ୟକ ହେଉଥିବା କନିକାପଡା ପଞ୍ଚାୟତର ଜମି ଅଧିଗ୍ରହଣ ବର୍ତ୍ତମାନ ଅସମ୍ଭବ ହୋଇପଡିଛି। କନିକାପଡ଼ା ପଞ୍ଚାୟତ ପାଇଁ ସେଟେଲମେଣ୍ଟ କରାଯାଇ ନ ଥିବା ବେଳେ ଜମି ହିତାଧିକାରୀଙ୍କୁ ପଟ୍ଟା ନ ମିଳିବା ଏହାର ପ୍ରମୁଖ କାରଣ ହୋଇଛି।

ସୁପର ସ୍ପେଶିଆଲିଟି ହସ୍‌ପିଟାଲ ନ ହେଲେ ଶିଳ୍ପ ବନ୍ଦ : ଗାଁକୁ ଗାଁ ବ୍ୟାପୁଛି ଆନ୍ଦୋଳନର ବାର୍ତ୍ତା

ସୁପର ସ୍ପେଶିଆଲିଟି ହସ୍‌ପିଟାଲ ନ ହେଲେ ଶିଳ୍ପ ବନ୍ଦ : ଗାଁକୁ ଗାଁ ବ୍ୟାପୁଛି ଆନ୍ଦୋଳନର ବାର୍ତ୍ତା

କୁଜଙ୍ଗ,୬।୭(ସ୍ବ.ପ୍ର.): କୁଜଙ୍ଗ, ପାରାଦୀପ ଓ ପାରାଦୀପ ଶିଳ୍ପ ପ୍ରଭାବିତ ଗ୍ରାମଗୁଡିକରେ ଏବେ ସୁପର ସ୍ପେଶିଆଲିଟି ହସ୍‌ପିଟାଲ ପ୍ରତିଷ୍ଠା ପାଇଁ ଜୋରଦାର ଆଲୋଚନା ଚାଲିଛି। ପାରାଦୀପରେ ଗଢି ଉଠିଥିବା ଶିଳ୍ପ ସଂସ୍ଥା ଦ୍ୱାରା ସବୁଜ ବନାନୀ ନଷ୍ଟ ହେବା ସହିତ ଏବେ ଗାଁ ଗାଁରେ ପ୍ରଦୂଷଣ ଜନିତ ସ୍ବାସ୍ଥ୍ୟ ସମସ୍ୟା ଦେଖାଦେଉଛି। ପାରାଦୀପ ବନ୍ଦର ସମେତ ବନ୍ଦରକୁ ଭିତ୍ତିକରି ଗଢିଉଠିଥିବା ସମସ୍ତ ଶିଳ୍ପ ସଂସ୍ଥାମାନେ ସେମାନଙ୍କ ପାରିପାର୍ଶ୍ୱିକ ଉନ୍ନୟନ ପାଣ୍ଠିରୁ ଅର୍ଥ ଖର୍ଚ୍ଚ କରି ତୁରନ୍ତ କୁଜଙ୍ଗ ବ୍ଲକର ଭୂତମୁଣ୍ଡାଇ କିମ୍ବା ଅନ୍ୟ କୌଣସି ସ୍ଥାନରେ ସୁପର ସ୍ପେଶିଆଲିଟି ହସ୍‌ପିଟାଲ ନିର୍ମାଣ କରାଯିବାକୁ ଦାବି ହେଉଛି।

ମଲ୍ଟି ସ୍ପେଶିଆଲିଟି ହସ୍ପିଟାଲକୁ ନେଇ ତେଜୁଛି ବିବାଦ:  ଦାମ କହିଲେ କୁଜଙ୍ଗ, ପାରାଦୀପରେ ପ୍ରତିଷ୍ଠାର ଆବଶ୍ୟକ ନାହିଁ

ମଲ୍ଟି ସ୍ପେଶିଆଲିଟି ହସ୍ପିଟାଲକୁ ନେଇ ତେଜୁଛି ବିବାଦ: ଦାମ କହିଲେ କୁଜଙ୍ଗ, ପାରାଦୀପରେ ପ୍ରତିଷ୍ଠାର ଆବଶ୍ୟକ ନାହିଁ

ଜଗତ୍‌ସିଂହପୁର ଅଫିସ,୬।୭- ରାଜ୍ୟର ୨୦ଟି ଜିଲାରେ ମଲ୍ଟି ସ୍ପେଶିଆଲିଟି ହସ୍ପିଟାଲ ହେବ ବୋଲି ଗତ ମାସ ଶେଷ ସପ୍ତାହରେ ରାଜ୍ୟ ସରକାର ଘୋଷଣା କରିଛନ୍ତି। ତେବେ ଏହି ତାଲିକାରୁ ଜଗତ୍‌ସିଂହପୁର ଜିଲା ବାଦ ପଡିଥିବାରୁ ପ୍ରତିକ୍ରିୟା ପ୍ରକାଶ ପାଇଛି। କେତେକ ସଙ୍ଗଠନ ଜଗତ୍‌ସିଂହପୁର ଜିଲାରେ ୨୧ ତମ ସୁପର ସ୍ପେଶିଆଲିଟି ହସ୍ପିଟାଲ ହେଉ ବୋଲି ଦାବି କରିଛନ୍ତି।

ପଲ୍ଲିସଭା ନିୟମ ଉଲ୍ଲଂଘନ ନେଇ ବିଡିଓଙ୍କୁ ଅଭିଯୋଗ

ଡେରାବିଶ, ୬।୭ (ସ୍ବ.ପ୍ର.): ଡେରାବିଶ ବ୍ଲକ ରତାଦିଆ ଖଣ୍ଡସାହି ପଞ୍ଚାୟତରେ ଗତ ସୋମବାର ଓ ମଙ୍ଗଳବାର ବିଭିନ୍ନ ପ୍ରକଳ୍ପ ନିମନ୍ତେ ସୋରସିଆ, ରତାଦିଆ, କମିଲୋଦାସପୁର ଗ୍ରାମରେ ପଲ୍ଲିସଭା ଅନୁଷ୍ଠିତ ହୋଇଥିଲା। ମାତ୍ର ଏଥିରେ ପଲ୍ଳିସଭା ନିୟମ ଉଲ୍ଲଂଘନ କରାଯାଇଥିବା ନେଇ ଗ୍ରାମବାସୀ ମଙ୍ଗଳବାର ବିଡିଓଙ୍କୁ ଭେଟି ଅଭିଯୋଗ କରିଛନ୍ତି।

ରୋଜଗାର ଦେଇଛି ଚାଷ, ପରିଚୟ ଦେଇଛି ବଂଶୀ

ରୋଜଗାର ଦେଇଛି ଚାଷ, ପରିଚୟ ଦେଇଛି ବଂଶୀ

ଚାଷ କରି ପରିବାର ଚଳାଇବା ସହ ବଂଶୀ ବଜାଇବାର ଅଭ୍ୟାସ ତାଙ୍କୁ ଏକ ନିଆରା ପରିଚୟ ଦେଇଛି। ପିଲାଦିନୁ ସଙ୍ଗୀତ ନିଶା ଥିବା ବେଳେ ପେଟ ପୋଷିବା ପାଇଁ ଚାଷ କାର୍ଯ୍ୟ ଆପଣେଇ ନେଇଛନ୍ତି। ଜଣେ ସଫଳ ଚାଷୀଭାବେ ଅଞ୍ଚଳରେ ସେ ଜଣାଶୁଣା ଥିବା ବେଳେ ଖୁବ୍‌ ସୁନ୍ଦର ବଂଶୀ ବାଦକ ଭାବେ ତାଙ୍କୁ ସମସ୍ତେ ଜାଣନ୍ତି। ଏହା ହେଉଛି ପଟ୍ଟାମୁଣ୍ଡାଇ ପୌରାଞ୍ଚଳ୨୦ ନଂ. ଓ୍ବାର୍ଡ ବେଳତଳ-ପେଟା ଉପର ଗ୍ରାମର ସନ୍ତୋଷ କୁମାର ମଲ୍ଲକଙ୍କ କାହାଣୀ।

ଆଳି ଥାନାରେ ୬୯ ତମ ବନ ମହୋତ୍ସବ

ଆଳି ଥାନାରେ ୬୯ ତମ ବନ ମହୋତ୍ସବ

ଆଳି, ୬।୭ (ଡି.ଏନ୍‌.ଏ.): ଓଡିଶା ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ନିର୍ଦ୍ଦେଶ କ୍ରମେ ରାଜନଗର ବନ ବିଭାଗ ପକ୍ଷରୁ ଆଳି ଥାନା ପରିସରରେ ୬୯ ତମ ବନମହୋତ୍ସବ ଗୁରୁବାର ପୂର୍ବାହ୍ନରେ ଅନୁଷ୍ଠିତ ହୋଇଯାଇଛି। ଏଥିରେ କେନ୍ଦ୍ରାପଡା ଅତିରିକ୍ତ ଏସ୍‌ପି ବିକାଶ ଦାସ ମୁଖ୍ୟଅତିଥି ଭାବେ ଯୋଗଦେଇ ଚାରା ରୋପଣ କରି କାର୍ଯ୍ୟକ୍ରମ ଶୁଭାରମ୍ଭ କରିଥିଲୋ।

ଟ୍ୟାପରୁ ଗୋଳିଆ ପାଣି ବାହାରୁଛି

ଯାଜପୁରରୋଡ,୫।୭(ନି.ପ୍ର.)-ବ୍ୟାସନଗର ପୌର ପରିଷଦର ୧୩ ନଂ ଓ୍ବାର୍ଡର ରାଧାନାଥ ମାର୍ଗ ନିକଟରେ ଜନସ୍ବାସ୍ଥ୍ୟ ବିଭାଗର ପାଣି ଟ୍ୟାପ୍‌ରୁ ଗୋଳିଆ ପାଣି ବାହାରୁଛି ।ଏ

ବାଟବଣା ବସୁନ୍ଧରା ଯୋଜନା, ଭୂମିହୀନ ତାଲିକାରେ ବହୁ ଅନୁପ୍ରବେଶକାରୀ

କେନ୍ଦ୍ରାପଡା ଅଫିସ, ୫।୭-କେନ୍ଦ୍ରାପଡ଼ା ଜିଲାରେ ଫେଲ୍‌ ମାରିଛି ବସୁନ୍ଧରା ଯୋଜନା। ଅନେକ ଭୂମିହୀନ ଜିଲା ଓ ବ୍ଲକ ପ୍ରଶାସନର ଦ୍ୱାରସ୍ଥ ହୋଇ ନିରାଶ ହେଉଥିବା ବେଳେ କେତେଜଣ ଦଲାଲମାଙ୍କ ହାବୁଡ଼ରେ ପଡି ଅଯଥାରେ ଖର୍ଚ୍ଚାନ୍ତ ହେଉଛନ୍ତି। ଏଭଳି ଏକ ଅଭିଯୋଗ ମିଳିଛି ମହାକାଳପଡ଼ା ବ୍ଲକ ଜମ୍ବୁ ଅଞ୍ଚଳରୁ। ସ୍ଥାନୀୟ ଅଞ୍ଚଳର ଜନୈକ ବ୍ୟକ୍ତି ଭୂମିହୀନ ଜମି ପାଇଁ ଆବେଦନ କରିବାକୁ ବ୍ଲକ କାର୍ଯ୍ୟାଳୟ ଆସିଥିବା ବେଳେ ଜଣେ ଆର୍‌ଆଇ ତାଙ୍କୁ ପଟ୍ଟା ଯୋଗାଇ ଦେବେ କହି ପାଖାପାଖି ୧ ଲକ୍ଷ ଟଙ୍କା ନେଇଛନ୍ତି। ପ୍ରଥମେ ୭୦ ହଜାର ଟଙ୍କା ନେଇ ମିଥ୍ୟା ପଟ୍ଟା ଦେବା ସହ ପରବର୍ତ୍ତୀ ମୁହୂର୍ତ୍ତରେ ୨୦ ହଜାର ଟଙ୍କା ନେଇ ମିଥ୍ୟା ପାଉତି ମଧ୍ୟ କାଟିଛନ୍ତି।

ଅଭୟଙ୍କ ଗିରଫ ଦାବିରେ ଉପଜିଲାପାଳଙ୍କୁ ସ୍ମାରକପତ୍ର

ଅଭୟଙ୍କ ଗିରଫ ଦାବିରେ ଉପଜିଲାପାଳଙ୍କୁ ସ୍ମାରକପତ୍ର

ଆଠଗଡ଼,୫।୭(ସ୍ବ.ପ୍ର.): ଆଠଗଡ଼ ନିର୍ବାଚନମଣ୍ଡଳୀର ବିଜେଡି ଯୁବ ସଂଗଠକ ଅଭୟ ବାରିକଙ୍କ ଗିରଫ ଦାବିକରି ଗୁରୁବାର ଆଠଗଡ଼ ଆଦିବାସୀ-ହରିଜନ ଉନ୍ନୟନ ସାମୁକ୍ଷ୍ୟ ପକ୍ଷରୁ ଉପଜିଲାପାଳଙ୍କୁ ସ୍ମାରକପତ୍ର ପ୍ରଦାନ କରାଯାଇଛି।

ମେଗା ପାନୀୟ ଜଳ ପ୍ରକଳ୍ପ ନେଇ ସମୀକ୍ଷା ବୈଠକ

ମେଗା ପାନୀୟ ଜଳ ପ୍ରକଳ୍ପ ନେଇ ସମୀକ୍ଷା ବୈଠକ

ମହାକାଳପଡା,୫।୭(ଡି.ଏନ.ଏ.)-ମହାକାଳପଡା ବ୍ଲକ କାର୍ଯ୍ୟାଳୟ ସଭାଗୃହଠାରେ ମେଗା ପାନୀୟ ଜଳ ପ୍ରକଳ୍ପ ନିର୍ମାଣ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଏହି ପ୍ରକଳ୍ପ କାର୍ଯ୍ୟକାରୀ ହେଲେ ମାର୍ଶାଘାଇ ଓ ମହାକାଳପଡା ବ୍ଲକର ୩୫ ପଞ୍ଚାୟତର ୨ ଶହ ଗ୍ରାମର ଜନସାଧାରଣ ବିଶୁଦ୍ଧ ପାନୀୟ ଜଳ ପାଇପାରିବେ ।

ଆଦର୍ଶ ବିଦ୍ୟାଳୟ ସମସ୍ୟା ଶୁଣିଲେ ଶାସନ ସଚିବ

କେନ୍ଦ୍ରାପଡା ଅଫିସ,୫।୭-ଗତ ଜୁନ ୧୭ ତାରିଖରୁ କେନ୍ଦ୍ରାପଡା ବ୍ଲକ ତରାଣ୍ଡୋ ଠାରେ ଆଦର୍ଶ ବିଦ୍ୟାଳୟ କାର୍ଯ୍ୟକାରୀ ହେଉଛି । ୧୬୦ ଛାତ୍ରୀଛାତ୍ରଙ୍କ ପାଇଁ ଉର୍ଦ୍ଦିଷ୍ଟ ଏହି ବିଦ୍ୟାଳୟ କାର୍ଯ୍ୟକାରୀ ହୋଇଥିଲେ ମଧ୍ୟ ଭିତ୍ତିଭୂମିର ଅଭାବ ରହିଛି ।

ମାଛ ମାଂସ ବ୍ୟବସାୟୀଙ୍କ ଥଇଥାନ ଦାବି

କେନ୍ଦ୍ରାପଡା ଅଫିସ, ୫।୭-କେନ୍ଦ୍ରାପଡା ସହରର ଭଗେଶ୍ୱରପୁର କେନାଲ କୂଳରେ ମାଛ ମାଂସ ବ୍ୟବସାୟ କରୁଥିବା ବ୍ୟବସାୟୀମାନେ ଜିଲାପାଳଙ୍କୁ ସୋମବାର ଏକ ଦାବିପତ୍ର ପ୍ରଦାନ କରି ସେମାନଙ୍କ ଥଇଥାନ ଦାବି କରିଛନ୍ତି ।

ଅଙ୍ଗନଓ୍ବାଡି କର୍ମୀଙ୍କୁ ଦୁର୍ବ୍ୟବହାର ଅଭିଯୋଗ

ରାଜନଗର,୫।୭(ଡି.ଏନ.ଏ.)-ରାଜନଗର ବ୍ଲକ ସାନବଡ-ଗୋପାଳପୁର ପଞ୍ଚାୟତ କୁଶାଇଲୋ ଗ୍ରାମର ଅଙ୍ଗନଓ୍ବାଡି କେନ୍ଦ୍ରର କର୍ମୀ ସ୍ବର୍ଣ୍ଣଲତା ପରିଡାଙ୍କୁ ସେହି ଗ୍ରାମର ଜଣେ ବ୍ୟକ୍ତି ଦୁର୍ବ୍ୟବହାର ପ୍ରଦର୍ଶନ କରିଥିବା ନେଇ ରାଜନଗର ସିଡିପିଓଙ୍କ ନିକଟରେ ଅଭିଯୋଗ ହୋଇଥିଲା ।