ଉପକୂଳ ଓଡିଶା

ସଚେତନତା ଅଭାବରୁ ରାସ୍ତା ପାଲଟିଛି ଖୋଲା ଶାୈଚାଳୟ

ସଚେତନତା ଅଭାବରୁ ରାସ୍ତା ପାଲଟିଛି ଖୋଲା ଶାୈଚାଳୟ

ଛତିଆ,୨୭।୩(ଡି.ଏନ୍‌.ଏ.) ଗମନାଗମନର ସୁବିଧା ହେଲେ ଅଞ୍ଚଳର ବିକାଶ ଘଟିବ। ସେହି ଲକ୍ଷ୍ୟରେ ସରକାର ଗ୍ରାମାଞ୍ଚଳରେ ସବୁଦିନିଆ କଂକ୍ରିଟ ସଡ଼କ ନିର୍ମାଣ କରୁଛନ୍ତି। ଏପରି କି ଗ୍ରାମାଞ୍ଚଳର ପରିବେଶ ସୁସ୍ଥ ଓ ନିର୍ମଳ ରଖିବା ପାଇଁ ସ୍ବଛ ଭାରତ ମାଧ୍ୟମରେ ପାଇଖାନା ମଧ୍ୟ ନିର୍ମାଣ କରାଯାଉଛି। ହେଲେ ଲୋକଙ୍କ ସଚେତନତା ଅଭାବ ଯୋଗୁ ସେମାନେ ଏହାର ସଦ୍‌ଉପଯୋଗ କରିପାରୁ ନାହାନ୍ତି।

ପୁନଃ ମରାମତି ନାମରେ ପୁଣି ଠକିଲେ ଠିକାଦାର

ପୁନଃ ମରାମତି ନାମରେ ପୁଣି ଠକିଲେ ଠିକାଦାର

ସୁକିନ୍ଦା,୨୭।୩(ଡି.ଏନ.ଏ.) ସୁକିନ୍ଦା ବ୍ଲକ ଅନ୍ତର୍ଗତ ସୁକିନ୍ଦାଠାରୁ ପାଟପୁର ପର୍ଯ୍ୟନ୍ତ ନବ ନିର୍ମିତ ପିଚୁ ରାସ୍ତାରେ ନିର୍ମାଣର ୩ଦିନ ମଧ୍ୟରେ ପିଚୁ ଉଠିଯିବା ଘଟଣା ‘ଧରିତ୍ରୀ’ରେ ଖବର ପ୍ରକାଶିତ ହେବା ପରେ ବିଭାଗର ନିଦ ଭାଙ୍ଗିଥିଲା। ବିଭାଗୀୟ ତାଗିଦ୍‌ ପରେ ସମ୍ପୃକ୍ତ ଠିକାଦାର ସୋମବାର ଉକ୍ତ ରାସ୍ତାର ପୁନଃ ମରାମତି କରିଥିଲେ। ତେବେ ଏହି ମରାମତି ମଧ୍ୟ ”ଧର୍ମକୁ ଆଖି ଠାର“ ସଦୃଶ ହୋଇଛି । ମାତ୍ର ୩ଟି ସ୍ଥାନରେ କିଛି ମାତ୍ରାରେ ବଜୁରୀ ମିଶା ପିଚୁ ବିନା ମେଶିନରେ ଢାଳିଦେଇ ତାହାକୁ ଝାଡୁ ମାରିଦେଇ କାର୍ଯ୍ୟ ଶେଷ କରିଦେଇଥିବା ଦେଖିବାକୁ ମିଳିଛି।

ବେଆଇନ ଭାବେ ଚାଲିଛି ୩୦ରୁ ଊର୍ଦ୍ଧ୍ୱ ମାଙ୍କଡ଼ା ଖାଦାନ

ବେଆଇନ ଭାବେ ଚାଲିଛି ୩୦ରୁ ଊର୍ଦ୍ଧ୍ୱ ମାଙ୍କଡ଼ା ଖାଦାନ

ଚଣ୍ଡିଖୋଲ, ୨୭।୩(ଡି.ଏନ୍‌.ଏ)- ଦର୍ପଣ ତହସିଲ ଅଧୀନରେ ଚାଲୁଥିବା ବେଆଇନ ଖାଦାନ ଥମିବାର ନାଁ ଧରୁନି। ଯେଉଁଥିପାଇଁ କୋଟି କୋଟି ଟଙ୍କାର ରାଜସ୍ବ କ୍ଷତି ହୋଇଚାଲୁଛି। ଏହି ତହସିଲ ଅଧୀନ ପଶ୍ଚିମ ବଡ଼ଚଣା କୁହାଯାଉଥିବା ବିଭିନ୍ନ ସ୍ଥାନରେ ୩୦ରୁ ଊର୍ଦ୍ଧ୍ୱ ମାଙ୍କଡା ଖାଦାନ ଚାଲିଥିଲାବେଳେ ସେଥିମଧ୍ୟରୁ ଗୋଟିଏ ବି ଲିଜ ଦିଆଯାଇନାହଁି। ଦୈନିକ ରାତିରେ ମାଫିଆମାନେ ଶହଶହ ଟ୍ରିପ୍‌ ମାଙ୍କଡା ଖନନ କରି ବାହାରକୁ ଚାଲାଣ କରୁଛନ୍ତି। ଏପରିକି ବୈରୀ ଥାନା ଠାରୁ ମାତ୍ର ୫ଶହ ମିଟର ଦୂରରେ ଦୁଇଟି ଖାଦାନ ଚାଲୁଥିଲାବେଳେ ପୋଲିସ ସବୁଦେଖି ଚୁପ୍‌ ଅଛି। ଏ ପଯର୍‌ୟନ୍ତ ତହସିଲ ପକ୍ଷରୁ କୌଣସି ଖାଦାନ ଉପରେ ଚଢାଉ କରାଯାଇ ନାହିଁ। କେବଳ ରାସ୍ତାରେ ଯାଉଥିବା କିଛି ଗାଡିକୁ ଧରି ସେମାନଙ୍କ ନିକଟରୁ ଜରିମାନା ଆଦାୟ କରି ତହସିଲଦାର ତାଙ୍କ କାମ ସାରିଦେଇଛନ୍ତି।

ଆର୍‌ଡବ୍ଲ୍ୟୁଏସ୍‌ଏସ୍‌ଙ୍କୁ ଚିଠି ଲେଖିଲେ ୩ ବିଧାୟକ

ଯାଜପୁର ଅଫିସ,୨୭।୩ ଖରା ମାସ ଆସିଲେ ଲୋକ ପ୍ରତିନିଧିଙ୍କ ପାଣି ଚିନ୍ତା ମୁଣ୍ଡରେ ପଶେ। ବାହାଘର ବେଳେ ବାଇଗଣ ରୂଆ ନ୍ୟାୟରେ ଯାଜପୁର, ବଡ଼ଚଣା ଓ ଧର୍ମଶାଳାର ବିଧାୟକମାନେ ଶେଷ ମୁହୁର୍ତ୍ତରେ ନିଜ ନିଜ ଅଞ୍ଚଳରେ ଜଳଯୋଗାଣ ପ୍ରକଳ୍ପକୁ ତ୍ୱରାନ୍ବିତ କରିବାକୁ ବିଭାଗ ନିକଟରେ ଦାବି କରୁଛନ୍ତି। ଯାଜପୁର ଜିଲାରେ ମାତ୍ର ୫ ପ୍ରତିଶତ ପରିବାରଙ୍କୁ ପାଇପ ଯୋଗେ ଜଳଯୋଗାଣ ହେଉଛି। ତେଣୁ ଲୋକଙ୍କୁ କିପରି ଭାବେ ଖରାଦିନରେ ଜଳକ୍ଲିଷ୍ଟରୁ ରକ୍ଷା କରାଯାଇପାରିବ ସେଥିପାଇଁ ଉପରୋକ୍ତ ୩ବିଧାୟକ ଗ୍ରାମ୍ୟ ଜଳଯୋଗାଣ ଓ ପରିମଳ (ଆରଡବ୍ଲୁଏସଏସ) ବିଭାଗର ଇଞ୍ଜିନିୟର-ଇନ-ଚିଫଙ୍କୁ ପତ୍ର ଲେଖିଛନ୍ତି। ଧର୍ମଶାଳା ବିଧାୟକ ପ୍ରଣବ କୁମାର ବଳୱନ୍ତ ରାୟ ନଳକୂପ ସ୍ଥଳେ ୧୦୦ ମିନି ପାଇପ ଜଳଯୋଗାଣ ପ୍ରକଳ୍ପ, ଯାଜପୁର ବିଧାୟକ ପ୍ରଣବପ୍ରକାଶ ଦାସ ୪୫ଟି ଗ୍ରାମ୍ୟ ଜଳଯୋଗାଣ ପ୍ରକଳ୍ପ ଏବଂ ବଡଚଣା ବିଧାୟକ ତଥା ସରକାରୀ ଦଳର ମୁଖ୍ୟ ସଚେତକ ଅମରପ୍ରସାଦ ଶତପଥି କେଲୁଅ ଓ ବିରୁପା ନଦୀରୁ ୧୧ଟି ଗ୍ରାମ୍ୟ ପାଇପ ଜଳଯୋଗାଣର ପ୍ରକଳ୍ପ କରିବାକୁ ଅନୁରୋଧ କରିଛନ୍ତି। ହେଲେ ବିଡମ୍ବନା ଯେ, ପୂର୍ବରୁ ୩/୪ ବର୍ଷ ତଳେ ଅନୁମୋଦିତ ହୋଇଥିବା ଅନେକ ପ୍ରକଳ୍ପ ସମ୍ପୂର୍ଣ୍ଣ ହୋଇ ପାରି ନ ଥିବାବେଳେ ଶେଷ ହୋଇଥିବା କେତେକ ପ୍ରକଳ୍ପରୁ ମଧ୍ୟ ଲୋକେ ପାନୀୟ ଜଳପାଇ ପାରୁ ନାହାନ୍ତି। ଆଉ ଏଭଳି କାର୍ଯ୍ୟରେ ନିଜ ସମର୍ଥକଙ୍କ ସମ୍ପୃକ୍ତି ଥିବାରୁ ସେ ନେଇ ବିଧାୟକମାନେ କୌଣସି ପ୍ରଶ୍ନ କିମ୍ବା ଦାବି ଉପସ୍ଥାପନ କରିପାରୁ ନାହାନ୍ତି । ଯଦ୍ୱାରା ସମ୍ପୃକ୍ତ ଲୋକେ ଶୁଦ୍ଧ ପାଣି ପାଇଁ ଡହଳବିକଳ ହେଉଛନ୍ତି । କେତେକ ନଳକୂପଗୁଡିକରୁ ଆଇରନ ଓ ଫ୍ଲୋରାଇଡ ମିଶ୍ରିତ ପାଣି ବାହାରୁ ଥିବାରୁ ତାହା ପାନୀୟ ଉପଯୋଗୀ ହୋଇପାରୁ ନାହିଁ । ଖରାମାସରେ ଭୂତଳ ଜଳସ୍ତର ନିମ୍ନଗାମୀ ହେଉଥିବାରୁ ଅଧିକାଂଶ ନଳକୂପରୁ ପାଣି ବାହାରୁ ନ ଥିବାରୁ ଲୋକେ ନଦୀନାଳ, ପୋଖରୀ ପାଣି ବ୍ୟବହାର କରିବାକୁ ବାଧ୍ୟ ହେଉଛନ୍ତି।

ପୋଖରୀରେ ବୁଡି ଦୁଇ ଶିଶୁକନ୍ୟା ମୃତ, ଗୁମି ଗ୍ରାମରେ ଶୋକର ଛାୟା

ପୋଖରୀରେ ବୁଡି ଦୁଇ ଶିଶୁକନ୍ୟା ମୃତ, ଗୁମି ଗ୍ରାମରେ ଶୋକର ଛାୟା

ନୂଆଗାଁ, ୨୭।୩(ଡି.ଏନ୍‌.ଏ.): ନୟାଗଡ଼ ଜିଲା ନୂଆଗାଁ ବ୍ଲକ ଗୁମି ଗ୍ରାମରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଛି। ଗ୍ରାମର ଦୁଇଜଣ ଶିଶୁକନ୍ୟା ପୋଖରୀରେ ବୁଡି ପ୍ରାଣ ହରାଇଛନ୍ତି।

ନଦୀରେ ବୁଡ଼ି ଜଣେ ମୃତ

ନଦୀରେ ବୁଡ଼ି ଜଣେ ମୃତ

ଡେରାବିଶ,୨୭।୩(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ସଦର ଥାନା ଅନ୍ତର୍ଗତ ଉଦୟନଗର ନିକଟ ଗୋବରୀ ନଦୀରେ ବୁଡ଼ି ଜଣେ ବ୍ୟକ୍ତିଙ୍କର ମୃତ୍ୟ ଘଟିଛି। ମଙ୍ଗଳବାର ସକାଳୁ ତାଙ୍କ ମୃତଦେହ ଉଦ୍ଧାର କରାଯାଇଛି।

ବୋଲେରୋ-ଟ୍ରକ୍‌ ଧକ୍କା: ୯ ଗୁରୁତର

ବୋଲେରୋ-ଟ୍ରକ୍‌ ଧକ୍କା: ୯ ଗୁରୁତର

ରଣପୁର,୨୭।୩(ସ୍ବ.ପ୍ର.): ନୟାଗଡ଼ ଜିଲା ଚାନ୍ଦପୁର ଥାନା କନ୍ଧନୟାଗଡ଼ ବାଇପାସଠାରେ ମଙ୍ଗଳବାର ପୂର୍ବାହ୍ନ ୯ଟାରେ ଏକ ବୋଲେରୋ ଓ ଟ୍ରକ୍‌ ମଧ୍ୟରେ ଧକ୍କା ହୋଇଛି।

ଭିଜିଲାନ୍ସ ଜାଲରେ ଭିଏଲ୍‌ଡବ୍ଲ୍ୟୁ

ଭିଜିଲାନ୍ସ ଜାଲରେ ଭିଏଲ୍‌ଡବ୍ଲ୍ୟୁ

ବିରଜାକ୍ଷେତ୍ର,୨୭।୩(ଡି.ଏନ୍‌.ଏ.): ଯାଜପୁର ଜିଲା ବିଞ୍ଝାରପୁର ବ୍ଲକ ଅନ୍ତର୍ଗତ ଅଳକୁଣ୍ଡ ପଞ୍ଚାୟତର ଭିଏଲ୍‌ଡବ୍ଲ୍ୟୁ ସୁବାସ ଚନ୍ଦ୍ର ସାମଲ ମଙ୍ଗଳବାର ଲାଞ୍ଚ ନେଉଥିବା ବେଳେ ଯାଜପୁର ଭିଜିଲାନ୍ସ ହାତରେ ଧରାପଡିଛନ୍ତି।

୬୦ରୁ ଊର୍ଦ୍ଧ୍ୱ ନଳକୂପ ଅଚଳ

ଯାଜପୁର ରୋଡ଼,୨୬।୩(ନି.ପ୍ର.)- ଯାଜପୁର ଜିଲା କୋରେଇ ବ୍ଲକର ୨୮ ପଞ୍ଚାୟତରୁ ୧୦ଟିରେ ଗ୍ରୀଷ୍ମଋତୁ ଆରମ୍ଭରୁ ଜଳକ୍ଲୀଷ୍ଟ ଦେଖାଦେଲାଣି। ନଳକୂପଗୁଡ଼ିକରେ ଆବଶ୍ୟକ ମୁତାବକ ପାଣି ବାହାରୁ ନାହିଁ। ଏହି ବ୍ଲକର ଅସନଝର, କାଚରା ସାହି, ପଚ୍ଛିକୋଟ, ଅନ୍ଧାରି, ତଳଗଡ଼, କନ୍ତର, ତରାକୋଟ, ପାଟରଙ୍ଗା ପ୍ରଭୃତି ପଞ୍ଚାୟତରେ ନଳକୂପରୁ ପାଣି ବାହାରୁ ନାହିଁ। ଲୋକେ ପାନୀୟ ଜଳ ପାଇଁ ଅନ୍ୟ ଗ୍ରାମକୁ ଯାଉଛନ୍ତି। ଏହା ବ୍ୟତୀତ ପୁଷ୍କରିଣୀର ଜଳଗୁଡ଼ିକ ଦୂଷିତ ହେଉଥିବାରୁ ପାନୀୟ ପାଇଁ ଉପଯୋଗୀ ନୁହେଁ। ଅସନଝର, ସୋଲବନ୍ଦୀ, ଓସ୍ତପାଳ, ଆଇଚପୁର, ଗୋଦରାପାଳ, କଡ଼ମା, କଇଁଆ, ମାଦଳା, ରାଉତପଡ଼ା ଓ କେଳାସାହି ପ୍ରଭୃତି ଗ୍ରାମରେ ଥିବା ନଳକୂପଗୁଡ଼ିକରୁ ଲୁଣିଆ ପାଣି ବାହାରୁଛି। ଜନପ୍ରତିନିଧିମାନେ ଏଥିପ୍ରତି ଦୃଷ୍ଟି ଦେଉନାହାନ୍ତି। କୋରେଇ ବ୍ଲକଠାରୁ କଳିଙ୍ଗନଗର ଶିଳ୍ପାଞ୍ଚଳ ୧୫ କି.ମି ଦୂରରେ ଅବସ୍ଥିତ। ଫଳରେ ଶିଳ୍ପସଂସ୍ଥାଗୁଡ଼ିକ ଭୂତଳ ଜଳରାଶି ବ୍ୟବହାର କରୁଥିବାରୁ କୋରେଇ ବ୍ଲକ ବ୍ୟାସନଗର ମ୍ୟୁନିସିପାଲିଟିରେ ଭୂତଳ ଜଳସ୍ତର ହ୍ରାସ ପାଇଥିବାରୁ ନଳକୂପରେ ପାଣି ଆସୁନାହିଁ। ଏହି ବ୍ଲକରେ ପାନୀୟ ଜଳ ପ୍ରକଳ୍ପ ଆବଶ୍ୟକ ମୁତାବକ ନ ଥିବାରୁ ନଳକୂପ ଉପରେ ଲୋକମାନେ ନିର୍ଭର କରିଥାନ୍ତି। ୬୦ରୁ ଊର୍ଦ୍ଧ୍ୱ ନଳକୂପ ଅଚଳ ହୋଇପଡ଼ିଛି।

ଚାରି ବର୍ଷରେ ୭୫ପ୍ରତିଶତ ବୀମାଭୁକ୍ତ

ଯାଜପୁର ଅଫିସ,୨୬।୩ ଦାରିଦ୍ର୍ୟ ସୀମାରେଖା ତଳେ ବାସ କରୁଥିବା ଲୋକଙ୍କ ନିମନ୍ତେ ୨୦୧୩ ଡିସେମ୍ବର ମାସରୁ ରାଷ୍ଟ୍ରୀୟ ସ୍ବାସ୍ଥ୍ୟ ବୀମା ଯୋଜନା (ଆର୍‌ଏସ୍‌ବିଆଇ)ଆରମ୍ଭ ହୋଇଛି । ମାତ୍ର ଏହି ଯୋଜନାରେ ସାମିଲ କରିବା ପାଇଁ କରାଯାଉଥିବା ଲକ୍ଷ୍ୟଧାର୍ଯ୍ୟ ଶତପ୍ରତିଶତ ପୂରଣ ହୋଇ ପାରୁନାହିଁ। ଯାଜପୁର ଜିଲାରେ ଲକ୍ଷ୍ୟଧାର୍ଯ୍ୟ ୨,୫୯,୧୧୮ରୁ ମାତ୍ର ୧,୯୩,୮୪୩ଜଣ ହିତାଧିକାରୀ ଏହି ଯୋଜନାରେ ସାମିଲ ହୋଇଛନ୍ତି। ଯାହାକି ୭୪.୮୦ ପ୍ରତିଶତ। ଗତ ୨୦୧୭ ସେପ୍ଟେମ୍ବର ମାସ ପରେ ବିଭିନ୍ନ କାରଣରୁ ଏହି ଯୋଜନାରେ ପଞ୍ଜିକରଣ କାର୍ଯ୍ୟରେ ଶିଥିଳତା ପଡ଼ିଯାଇଛି। ଯୋଜନା ଆରମ୍ଭ ହେବାର ୪ବର୍ଷ ବିତି ଯାଇଥିଲେ ହେଁ ଜିଲାର ବହୁ ବିପିଏଲ ଗରିବ ପରିବାରଙ୍କୁ ଏହି ଯୋଜନାରେ ଅନ୍ତର୍ଭୁକ୍ତ ନ କରିବା ଦୁର୍ଭାଗ୍ୟଜନକ ବୋଲି ବୁଦ୍ଧିଜୀବୀମହଲରେ ଆଲୋଚନା ହେଉଛି। ଜିଲାର ଆଭ୍ୟନ୍ତରିଣ ଅଞ୍ଚଳର ଗରିବ ଲୋକଙ୍କ ପାଖକୁ ଏହି ଯୋଜନାର ସଫଳତା ପହଞ୍ଚି ପାରି ନ ଥିବାରୁ ମାଗଣା ଚିକିସତ୍।ସେବା ପାଇବାରୁ ସେମାନେ ବଞ୍ଚିତ ହେଉଛନ୍ତି। ରନତ୍ଗର୍ଭା ସୁକିନ୍ଦା ଖଣି ଅଞ୍ଚଳରେ ବହୁ ଶ୍ରମିକ ଓ ଗରିବ ପରିବାର ଏହି ଯୋଜନାର ସଫଳତା ପାଇ ପାରି ନ ଥିବା ଜଣାପଡ଼ିଛି।

ଚୋରା ଶାଗୁଆନ କାଠ ଜବତ

କେନ୍ଦ୍ରାପଡା ଅଫିସ,୨୬।୩: କେନ୍ଦ୍ରାପଡା ଜିଲା ମାର୍ଶାଘାଇ ବ୍ଲକ ବଡପାଳ ଗ୍ରାମରେ ସୋମବାର ବନ ବିଭାଗ ପକ୍ଷରୁ ଚଢାଉ କରାଯାଇଥିଲା। ସେଠାରେ ଗଚ୍ଛିତ ଥିବା ବିପୁଳ ପରିମାଣର ମୂଲ୍ୟବାନ୍‌ ଚୋରା ଶାଗୁଆନ କାଠକୁ ବନ ବିଭାଗ କର୍ମଚାରୀ ଜବତ କରିବା ସହ ଟ୍ରକ୍‌ରେ ଲଦି କେନ୍ଦ୍ରାପଡା ଜିଲା ବନ ବିଭାଗକୁ ନେଇଯାଇଛନ୍ତି।

ଟ୍ରେନ୍‌ରେ କଟି ଯୁବକ ମୃତ

ଯାଜପୁର ଅଫିସ,୨୬।୩: ଯାଜପୁର-କେନ୍ଦୁଝର ରୋଡ ରେଳ ଷ୍ଟେଶନ ଓଭରବ୍ରିଜ ନିକଟରୁ ସୋମବାର ସକାଳେ ଜଣେ ଯୁବକଙ୍କ ମୃତଦେହକୁ ଜିଆର୍‌ପି ଉଦ୍ଧାର କରିଛି। ଟ୍ରେନ୍‌ରେ କଟି ଯୁବକଙ୍କ ମୃତ୍ୟୁ ହୋଇଥିବା ଜଣାପଡିଛି।

ଫାଇଲ ତଳେ ଆବାସ ଯୋଜନା ଦୁର୍ନୀତି

ଚଣ୍ଡିଖୋଲ,୨୫। ୩(ଡି.ଏନ.ଏ) ଗରିବ ଲୋକଙ୍କୁ ବାସଗୃହ ଯୋଗାଇ ଦେବାପାଇଁ ରାଜ୍ୟ ଓ କେନ୍ଦ୍ର ସରକାର ପକ୍ଷରୁ ବିଭିନ୍ନ ଯୋଜନା ମାନ ପ୍ରଣୟନ କରାଯାଉଛି। ପ୍ରଧାନମନ୍ତ୍ରୀ ଆବାସ ଯୋଜନା ଓ ବିଜୁ ପକ୍କାଘର ଯୋଜନାରେ ଉପଯୁକ୍ତ ହିତାଧିକାରୀଙ୍କୁ ଚୟନ କରି ସେମାନଙ୍କୁ ଗୃହ ଯୋଗାଇ ଦେବାର ନିୟମ ରହିଛି। ବଡ଼ଚଣା ବ୍ଲ୍ଳକର ୪୩ଟି ପଞ୍ଚାୟତରେ ୨୦୧୬-୧୭ ଆର୍ଥତ୍କ ବର୍ଷରେ ୨୪ଶହ ହିତାଧିକାରୀ ଚିହ୍ନଟ କରାଯାଇଥିଲା। ସେମାନଙ୍କ ମଧ୍ୟରୁ ଯେଉଁମାନେ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ ହେବେ ସେମାନଙ୍କୁ ୧ ଲକ୍ଷ ୩୦ ହଜାର ଟଙ୍କାର ରାଶି ପ୍ରଦାନ କରାଯିବ। ଯଦି ହିତାଧିକାରୀ ୬ ମାସ ମଧ୍ୟରେ ସେମାନଙ୍କର କାଯର୍‌ୟ ସମ୍ପୂର୍ଣ୍ଣ କରିବେ ସେମାନଙ୍କୁ ଅଧିକ ୨୦ ହଜାର ଟଙ୍କାର ସହାୟତା ରାଶି ପ୍ରଦାନ କରାଯିବ। ସେଥିମଧ୍ୟରୁ ୧୬ ହଜାର ୫ଶହ ଟଙ୍କା ମହାମତ୍। ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍‌ଜିଏନ୍‌ଆରଇଜିଏସ୍‌) ମାଧ୍ୟମରେ ମିଳିବ। ଏହି ଟଙ୍କାକୁ ହିତାଧିକାରୀଙ୍କ ନିକଟରୁ ଅଭିନବ ଉପାୟରେ ଠକେଇ ହେଉଛି। ଏ ସମ୍ପର୍କରେ ବାରମ୍ବାର ଅଭିଯୋଗ ହେଉଥିଲେ ମଧ୍ୟ ଏହାର ବ୍ଲକ ପ୍ରଶାସନ ଫାଇଲ ତଳେ ଚାପି ହୋଇଯାଉଥିବା ଅଭିଯୋଗ ହୋଇଛି।

ଅଙ୍କୁଶ ବିହୀନ ଘରୋଇ ଶିକ୍ଷାନୁଷ୍ଠାନ

ଯାଜପୁର ଅଫିସ,୨୫। ୩ ଯାଜପୁର ଜିଲାରେ ଶିଳ୍ପାନୁଷ୍ଠାନ ପ୍ରତିଷ୍ଠା ହେବା ପରେ ଛତୁ ଫୁଟିଲା ଭଳି ଘରୋଇ ଶିକ୍ଷାନୁଷ୍ଠାନ ଗଢି ଉଠିଛି। ହେଲେ ଏହି ଶିକ୍ଷାନୁଷ୍ଠାନଗୁଡିକ ଉପରେ ପ୍ରଶାସନର କୌଣସି ଅଙ୍କୁଶ ରହୁନାହିଁ। ବିନା ଭିତ୍ତିଭୂମିରେ କେତେକ ସ୍ଥାନରେ ଘରୋଇ ସ୍କୁଲ ଓ କଲେଜ ପ୍ରତିଷ୍ଠା କରାଯାଉଥିବାରୁ ଛାତ୍ରୀଛାତ୍ରମାନେ ଅସୁବିଧାର ସମ୍ମୁଖୀନ ହେଉଛନ୍ତି ଓ ଏହା ସହିତ ପ୍ରଶାସନିକସ୍ତରରେ ବିଶୃଙ୍ଖଳା ପରିଲକ୍ଷିତ ହେଉଛି। ଯାଜପୁର ଜିଲାରେ ୧୦୦ରୁ ଅଧିକ ଘରୋଇ, ଆବାସିକ ସ୍କୁଲ ଏବଂ କଲେଜ ରହିଛି। ପୂର୍ବରୁ ଓ ବର୍ତ୍ତମାନ ସ୍ବୀକୃତି ପାଉଥିବା ରାଜ୍ୟର ସମସ୍ତ ବେସରକାରୀ କଲେଜ ଓ ସ୍କୁଲଗୁଡିକର ଯାଞ୍ଚ କରାଯିବାକୁ ବିଭିନ୍ନ ସମୟରେ ମନିଟରିଂ ଟିମ ଗଠନ କରାଯାଉଛି। କିନ୍ତୁ ଠିକ ଭାବେ ଏହାର ଯାଞ୍ଚ ହେଉ ନ ଥିବା ଅଭିଯୋଗ ହେଉଛି।

ଅନାହାରରେ ଦିନ କାଟୁଛନ୍ତି ବିଦ୍ୟାଙ୍ଗ ପରିବାର

ଅନାହାରରେ ଦିନ କାଟୁଛନ୍ତି ବିଦ୍ୟାଙ୍ଗ ପରିବାର

ବରୀ,୨୫। ୩(ଡି.ଏନ.ଏ.) ଲୋକଙ୍କୁ ସମସ୍ତ ସୁବିଧା ଯୋଗାଇ ଦେବା ପାଇଁ ସରକାର ବିଭିନ୍ନ ଯୋଜନା ଲାଗୁ କରୁଛନ୍ତି। ଫଳରେ ଦାରିଦ୍ର୍ୟ ସୀମାରେଖା ତଳେ ବସବାସ କରୁଥିବା ଲୋକଙ୍କୁ ଆବଶ୍ୟକୀୟ ମୌଳିକ ସୁବିଧା ଉପଲବ୍ଧ ହୋଇପାରିବ। ଲୋକଙ୍କୁ ବାସଗୃହ, ଭତ୍ତା, ଚାଉଳ ଭଳି ସମସ୍ତ ସୁବିଧା ସରକାରଙ୍କ ପକ୍ଷରୁ ଲାଗୁ କରାଯାଉଛି। ଏହାସତ୍ତ୍ୱେ ଉପଯୁକ୍ତ ହିତାଧିକାରୀ ଏହାର ଲାଭ ଉଠାଇପାରୁନାହାନ୍ତି। ଯଦ୍ଦ୍ବାରା ସରକାରଙ୍କ ବିଭିନ୍ନ ଯୋଜନା ବିଫଳ ହେଉଥିବା ଜଣାପଡ଼ୁଛି। ସରକାରଙ୍କ ପକ୍ଷରୁ ସମସ୍ତ ସୁବିଧା ଉପଲବ୍ଧ ହେଉଥିବାବେଳେ ବିଭିନ୍ନ ସମୟରେ ବହୁ ଲୋକ ଅନାହାରର ଶିକାର ହେଉଥିବା ଜଣାପଡ଼ିଥାଏ । ସରକାରଙ୍କଠାରୁ ମିଳୁଥିବା ମାସିକ ଭତ୍ତା ଏବଂ କିଛି ଚାଉଳ ପରିବାର ଭରଣ ପୋଷଣ ସମ୍ଭବ ହୋଇ ନ ଥାଏ। ଫଳରେ ମାସର କିଛି ଦିନ ଖାଇବାକୁ ପାଉଥିବାବେଳେ ଆଉ କିଛିଦିନ ଉପାସରେ ଭାଗ୍ୟକୁ ନିନ୍ଦି ରହିଯାଉଥିବାର ଦେଖିବାକୁ ମିଳୁଛି। ଏଭଳି ଏକ ଛବି ଦେଖିବାକୁ ମିଳିଛି ବରୀ ବ୍ଲକ ଅଧୀନ ବାଲିବିଲ ଗ୍ରାମପଞ୍ଚାୟତର ୨ ନଂ ଓ୍ବାର୍ଡର ଦିବ୍ୟାଙ୍ଗ ବିଷ୍ଣୁ ମଲ୍ଲିକଙ୍କ ପରିବାରରେ।

ନିର୍ମାଣର ୩ଦିନ ଗଲାନି, ରାସ୍ତାରୁ ଉଠିଲା ପିଚୁ

ନିର୍ମାଣର ୩ଦିନ ଗଲାନି, ରାସ୍ତାରୁ ଉଠିଲା ପିଚୁ

ସୁକିନ୍ଦା,୨୫। ୩(ଡି.ଏନ.ଏ.) ସୁକିନ୍ଦା ବ୍ଲକ ଅନ୍ତର୍ଗତ ସୁକିନ୍ଦାଠାରୁ ପାଟପୁର ଯାଏ ନବନିର୍ମିତ ରାସ୍ତାକୁ ୩ଦିନ ପୂରୁଣୁ ରାସ୍ତାରୁ ପିଚୁ ଉଠିଯାଇଥିବା ଦେଖିବାକୁ ମିଳିଛି। ଏହା ଠିକାଦାରଙ୍କ ଅତ୍ୟଧିକ ମୁନାଫାଖୋର ନୀତି ଓ ବିଭାଗୀୟ ଦୁର୍ନୀତିକୁ ସିଧା ସଳଖ ପଦାରେ ପକାଇଛି। ପ୍ରକାଶ ଯେ, ଉକ୍ତ ରାସ୍ତା ପ୍ରାୟ ୧୫ବର୍ଷ ପୂର୍ବରୁ ପ୍ରଧାନମନ୍ତ୍ରୀ ସଡକ ଯୋଜନାରେ ପିଚୁ ହୋଇଥିବା ବେଳେ ଏହା ସ୍ଥାନେ ସ୍ଥାନେ ଖଣ୍ଡିଆ ହୋଇ ଗର୍ତ୍ତମାନ ସୃଷ୍ଟି ହୋଇଥିଲା। ବାରମ୍ବାର ସ୍ଥାନୀୟ ଲୋକଙ୍କ ଦାବି ପରେ କିଛିଦିନ ତଳେ ଏହାର ମରାମତି କାର୍ଯ୍ୟ ଆରମ୍ଭ ହୋଇଥିଲା। ଗ୍ରାମ୍ୟ ଉନ୍ନୟନ ବିଭାଗର ନିୟମାନୁସାରେ ଏହି ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାର ମରାମତି ପାଇଁ ୬୦ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଥିଲା।

ରାଜନଗରରେ ୨ ପାନୀୟ ଜଳ ପ୍ରକଳ୍ପର ଶିଳାନ୍ୟାସ

ରାଜନଗରରେ ୨ ପାନୀୟ ଜଳ ପ୍ରକଳ୍ପର ଶିଳାନ୍ୟାସ

ରାଜନଗର, ୨୫।୩(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ କେରୁଆଁପାଳ ଓ ଖମାରସାହି ପଞ୍ଚାୟତର ଦୁଇଟି ପାନୀୟ ଜଳ ପ୍ରକଳ୍ପକୁ ରାଜନଗର ବିଧାୟକ ଅଂଶୁମାନ ମହାନ୍ତି ରବିବାର ଶିଳାନ୍ୟାସ କରିଛନ୍ତି।

ଶ୍ରୀରାମ ନବମୀ ଉତ୍ସବକୁ ନେଇ କଳସ ଶୋଭାଯାତ୍ରା

ଶ୍ରୀରାମ ନବମୀ ଉତ୍ସବକୁ ନେଇ କଳସ ଶୋଭାଯାତ୍ରା

ରାଜନଗର, ୨୫।୩(ଡି.ଏନ୍‌.ଏ.): କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ସଂସାରଫଳ ଗ୍ରାମସ୍ଥିତ ପଞ୍ଚମୁଖୀ ହନୁମାନ ପୀଠରେ ପବିତ୍ର ଶ୍ରୀରାମ ନବମୀ ଉତ୍ସବ ରବିବାର ଆରମ୍ଭ ହୋଇଛି।

ହାଇଓ୍ବାକୁ ଧକ୍କା ଦେଲା ବାଇକ୍‌: ମା’, ପୁଅ ଗୁରୁତର

ହାଇଓ୍ବାକୁ ଧକ୍କା ଦେଲା ବାଇକ୍‌: ମା’, ପୁଅ ଗୁରୁତର

ଡେରାବିଶ,୨୫।୩(ସ୍ବ.ପ୍ର): ଡେରାବିଶ ବ୍ଲକ ଅଧୀନ ୫ନଂ(କ) ଜାତୀୟ ରାଜପଥର ପଞ୍ଚୁପାଣ୍ଡବ ଛକ ନିକଟରେ ରବିବାର ଅପରାହ୍ନରେ ଏକ ଦୁର୍ଘଟଣା ଘଟିଛି। ହାଇଓ୍ବାକୁ ପଛପଟୁ ଏକ ବାଇକ୍‌ ଧକ୍କା ଦେବାରୁ ବାଇକ୍‌ରେ ଯାଉଥିବା ମା’ ଓ ପୁଅ ଗୁରୁତର ହୋଇଛନ୍ତି। ସେମାନେ ହେଲେ ଯାଜପୁରର ରମା ସାହୁ(୫୦) ଓ ତାଙ୍କ ପୁଅ ଚନ୍ଦ୍ରଶେଖର ସାହୁ(୨୨)।

ସାନ ତେରଗାଁରୁ ହରିଣ ଉଦ୍ଧାର

ସାନ ତେରଗାଁରୁ ହରିଣ ଉଦ୍ଧାର

ମହାକାଳପଡା,୨୫।୩(ଡି.ଏନ.ଏ.): ମହାକାଳପଡା ବ୍ଲକ ଅଧୀନ ତେରଗାଁ ପଞ୍ଚାୟତର ସାନ ତେରଗାଁ ଗ୍ରାମରେ ରବିବାର ଅପରାହ୍ନରେ ଏକ ଅଣ୍ଡିରା ହରିଣକୁ ଗ୍ରାମବାସୀ ଉଦ୍ଧାର କରିଥିଲେ।

ବନ୍ଦର ପଣ୍ୟ କାରବାର

ବନ୍ଦର ପଣ୍ୟ କାରବାର

ପାରାଦୀପ,୨୪।୩(ସ୍ବ.ପ୍ର.) ୧୯୬୨ ଜାନୁୟାରୀ ୩ରୁ କାର୍ଯ୍ୟକ୍ଷମ ହୋଇଥିବା ପାରାଦୀପ ବନ୍ଦର ସର୍ବକାଳୀନ ରେକର୍ଡ ସୃଷ୍ଟି କରିଛି। ଶନିବାର ମଧ୍ୟରାତ୍ରୀ ସୁଦ୍ଧା ବନ୍ଦରରେ ଚଳିତ ଆର୍ଥିକ ବର୍ଷରେ ମୋଟ୍‌ ସର୍ବାଧିକ ୧୦୦ ମିଲିୟନ ମେଟ୍ରିକ ଟନ୍‌ ପଣ୍ୟ କାରବାର ହୋଇଛି। ଚଳିତ ଆର୍ଥିକ ବର୍ଷ ଶେଷ ହେବାକୁ ଆଉ ସପ୍ତାହେ ବାକିଥିବାବେଳେ ଏହି ମାଇଲ ଖୁଣ୍ଟ ଛୁଇଁବା ବନ୍ଦର କର୍ତ୍ତୃପକ୍ଷଙ୍କୁ ଉତ୍ସାହିତ କରିଛି। ଏଥିପାଇଁ ଶନିବାରଠାରୁ ବନ୍ଦର ପ୍ରଶାସନ ୭ଦିନ ଉତ୍ସବ ପାଳନ କରିବାକୁ ସ୍ଥିର କରିଛି। ଏହି କ୍ରମରେ ରବିବାରଠାରୁ ୩ଦିନ ପର୍ଯ୍ୟନ୍ତ ପୋର୍ଟ ହସ୍‌ପିଟାଲରେ ସମସ୍ତ ରୋଗୀଙ୍କୁ ମାଗଣା ଚିକିତ୍ସା ପ୍ରଦାନ କରିବାକୁ ଘୋଷଣା କରାଯାଇଛି।

ନଡିଆଗଛ ଲଗାଇବା ଆଳରେ ୮୭ ଲକ୍ଷ ଟଙ୍କା ହରିଲୁଟ ଅଭିଯୋଗ

ନଡିଆଗଛ ଲଗାଇବା ଆଳରେ ୮୭ ଲକ୍ଷ ଟଙ୍କା ହରିଲୁଟ ଅଭିଯୋଗ

ରାଜକନିକା ,୨୪।୩(ଡି.ଏନ୍‌.ଏ.) କଟକ ଚାନ୍ଦବାଲି ରାସ୍ତା ପ୍ରଶସ୍ତୀକରଣ ନାମରେ ରାଜକନିକା ରାସ୍ତା କଡର ଉଭୟ ପାର୍ଶ୍ୱରେ ଲାଗିଥିବା ଶତାଧିକ ନଡିଆଗଛ କାଟି ଦିଆଯାଇଛି। ଏଥିସହ ନଡିଆ ଗଛ ଲଗାଇବା ନାମରେ ବିଶ୍ୱ ବ୍ୟାଙ୍କରୁ ଅଣାଯାଇଥିବା ୮୭ ଲକ୍ଷ ଟଙ୍କା ହରିଲୁଟ୍‌ କରାଯାଇଥିବା ଅଭିଯୋଗ କରି ଶନିବାର ସ୍ବେଚ୍ଛାସେବୀ ସଂଗଠନ ପକ୍ଷରୁ ଆମରଣ ଅନଶନ କରାଯାଇଛି।

ମହାନଦୀ ବନ୍ଦର ପାଇଁ ପ୍ରସ୍ତୁତ ହେଉଛନ୍ତି ରାଜ୍ୟ ସରକାର

କେନ୍ଦ୍ରାପଡା ଅଫିସ,୨୪।୩ କେନ୍ଦ୍ରାପଡା ଜିଲା ମହାକାଳପଡା ବ୍ଲକ ଆଖଡା ସାହି ନିକଟରେ ପ୍ରାୟ ୩୦୦ ହେକ୍ଟର ପରିମିତ ସ୍ଥାନରେ ମହାନଦୀ ବନ୍ଦର ନିର୍ମାଣ ପାଇଁ ପ୍ରସ୍ତୁତ ହେଉଛନ୍ତି ରାଜ୍ୟ ସରକାର । ଏହି ନଦୀ ଭିତ୍ତିକ ବନ୍ଦର ପାଇଁ ୨୧୧୦ କୋଟି ଟଙ୍କା ବ୍ୟୟ ହେବ ବୋଲି ପ୍ରାରମ୍ଭିକ ଆକଳନ କରାଯାଇଛି । ଗତ ସୋମବାର ସଚ୍ଚିବାଳୟଠାରେ ଭିତ୍ତିଭୂମି ସମ୍ପର୍କରେ ଅନୁଷ୍ଠିତ ଏକ ବୈଠକ ପରେ ମୁଖ୍ୟ ସଚିବ ଆଦିତ୍ୟ ପ୍ରସାଦ ପାଢୀ ଗଣମାଧ୍ୟମକୁ ଏହି ସୂଚନା ଦେଇଛନ୍ତି । ଏହି ସୂଚନା ଅନୁଯାୟୀ, ଆସନ୍ତା ଅଗଷ୍ଟ ୧୮ ସୁଦ୍ଧା ନିଲାମ ପ୍ରକ୍ରିୟା ଚୂଡାନ୍ତ ହୋଇ ଅକ୍ଟୋବର ମାସରେ କାର୍ଯ୍ୟାରମ୍ଭ ପାଇଁ ପ୍ରକ୍ରିୟା ଆରମ୍ଭ ହୋଇଛି ।

୩୦୦ ଲୋକଙ୍କ ଶୋଷ ମେଣ୍ଟାଉଛି ଗୋଟିଏ ନଳକୂପ

୩୦୦ ଲୋକଙ୍କ ଶୋଷ ମେଣ୍ଟାଉଛି ଗୋଟିଏ ନଳକୂପ

ବିଞ୍ଝାରପୁର,୨୪।୩(ଡି.ଏନ୍‌.ଏ.) ସରକାର ସ୍ବଚ୍ଛ ପାନୀୟ ଜଳ ଯୋଗାଇ ଦେବା ପାଇଁ କୋଟି କୋଟି ଟଙ୍କ ଖର୍ଚ୍ଚ କରୁଥିବାବେଳେ ବେଳେବେଳେ ଏହା ଦିଗହରା ହେଉଥିବା ପରିଲକ୍ଷିତ ହୁଏ। ଫଳରେ ଲୋକମାନେ ପାନୀୟ ଜଳ ନ ପାଇ ବହୁ ଅସୁବିଧାର ସମ୍ମୁଖୀନ ହୁଅନ୍ତି। ଏଭଳି ଘଟଣା ଦେଖିବାକୁ ମିଳିଛି ବିଞ୍ଝାରପୁର ବ୍ଲକ କଏଣା-ରଘୁନାଥପୁର ପଞ୍ଚାୟତ ପ୍ରହ୍ଲାଦପୁର ଦଳିତ ସାହିରେ ।