ଉପକୂଳ ଓଡିଶା

କାର୍‌ ଧକ୍କାରେ ସାଇକେଲ ଆରୋହୀ ମୃତ

କାର୍‌ ଧକ୍କାରେ ସାଇକେଲ ଆରୋହୀ ମୃତ

ବାଲୁଗାଁ,୭ା୯ (ଡି.ଏନ୍‌.ଏ.)- ବାଲୁଗାଁ ଥାନା ନୂଆଗଡ଼ ଓଭରବ୍ରିଜ୍‌ ବାଇପାସ୍‌ ରାସ୍ତାରେ ଗୁରୁବାର ଅପରାହ୍ନରେ ଏକ କାର ସହ ସାଇକେଲ ଧକ୍କା ହେବା ଫଳରେ ସାଇକେଲ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ସେ ହେଲେ ନାଭାଲ ଫାଣ୍ଡି ଅନ୍ତର୍ଗତ ବ୍ରଜରାଜପୁର ଗ୍ରାମର ଅଭି ପଲେଇ (୫୫) ା ଅଭି ଦୈନନ୍ଦିନ ଭଳି ସାଇକେଲ ଯୋଗେ ବାଲୁଗାଁରୁ ନିଜ ଗ୍ରାମକୁ ଫେରୁଥିବା ସମୟରେ ଭୁବନେଶ୍ୱରରୁ ବ୍ରହ୍ମପୁର ଅଭିମୁଖେ ଯାଉଥିବା ଏକ କାର ତାଙ୍କୁ ଧକ୍କା ଦେଇଥିଲା ା ଏଥିରେ ଅଭିଙ୍କ ମୃତ୍ୟୁ ଘଟିଥିବାବେଳେ କାରଟି ଭାରସାମ୍ୟ ହରାଇ ବିଲ ମଧ୍ୟରେ ପଶି ଯାଇଥିଲା ା  ପୋଲିସ୍‌ ୧୦୫/୧୮ରେ ଏକ ମାମଲା ରୁଜୁ କରି କାର ଡ୍ରାଇଭରଙ୍କୁ ଗିରଫ କରିଥିବା ଜଣାଯାଇଛି ା

ରାସ୍ତାରେ ଶିକ୍ଷକ, ଘରେ ଛାତ୍ରୀଛାତ୍ର: ୧୭ ତାରିଖରେ ମାଟ୍ରିକ୍‌  ପ୍ରିଟେଷ୍ଟ ପରୀକ୍ଷା

ରାସ୍ତାରେ ଶିକ୍ଷକ, ଘରେ ଛାତ୍ରୀଛାତ୍ର: ୧୭ ତାରିଖରେ ମାଟ୍ରିକ୍‌ ପ୍ରିଟେଷ୍ଟ ପରୀକ୍ଷା

ନୟାଗଡ଼ ଅଫିସ,୭ା୯-ନୟାଗଡ଼ ବ୍ଲକ ଖୁଣ୍ଟୁବନ୍ଧ ପଞ୍ଚାୟତ ଅଶ୍ୱସ୍ତପଡ଼ା ଗ୍ରାମସ୍ଥିତ ଦୁର୍ଗାଚରଣ ଉଚ୍ଚ ବିଦ୍ୟାଳୟ ୧୯୮୬ ମସିହାରେ ପ୍ରତିଷ୍ଠିତ। ଏହି ବ୍ଲକଗ୍ରାଣ୍ଟ ଉଚ୍ଚ ବିଦ୍ୟାଳୟରେ ଅଷ୍ଟମରୁ ଦଶମ ଶ୍ରେଣୀ ଯାଏ  ୫୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ପାଠ ପଢୁଛନ୍ତି। ଗୁରୁବାର  ଅପରାହ୍ନରେ ବିଦ୍ୟାଳୟରେ ତାଲା ପଡ଼ିଥିବା ଦେଖିବାକୁ ମିଳିଲା। ପଚାରିବାରୁ  ଜଣାପଡ଼ିଲା ଆନ୍ଦୋଳନ ପାଇଁ ଶିକ୍ଷକମାନେ ଯାଇଥିବାରୁ ଏହିଭଳି ଅବ୍ୟବସ୍ଥା ଦେଖାଦେଇଛି। ଚଳିତମାସ ୧୭ ତାରିଖରେ ପ୍ରିଟେଷ୍ଟ ପରୀକ୍ଷା ଥିବାରୁ ଦଶମ ଶ୍ରେଣୀ ଛାତ୍ରୀଛାତ୍ରମାନେ ଘରେ ବସି ପଢ଼ୁଥିବାର ଦେଖିବାକୁ ମିଳିଥିଲା।  ରାସ୍ତାରେ ଶିକ୍ଷକମାନେ  ସେମାନଙ୍କ ଦାବି ପାଇଁ ବସିଥିବା ବେଳେ ପାଠ ପାଇଁ ପିଲାମାନେ ନାହିଁ ନଥିବା ହଇରାଣ ହେଉଛନ୍ତି। ସେମାନଙ୍କୁ ପଚାରିବାରୁ  ପରୀକ୍ଷା କିପରି ଦେବେ ସେ ନେଇ ଆଶଙ୍କାରେ ଥିବା ପ୍ରକାଶ କରିଥିଲେ।

ଦଶପଲ୍ଲା-ଚକାପାଦ ଅଞ୍ଚଳକୁ ଯୋଗାଯୋଗ ବିଚ୍ଛିନ୍ନ:ପୁଣି ଧୋଇଗଲା ପୋଲ

ଦଶପଲ୍ଲା-ଚକାପାଦ ଅଞ୍ଚଳକୁ ଯୋଗାଯୋଗ ବିଚ୍ଛିନ୍ନ:ପୁଣି ଧୋଇଗଲା ପୋଲ

ଦଶପଲ୍ଲା,୭।୯(ଡି.ଏନ.ଏ.)-ନୟାଗଡ ଜିଲା ଦଶପଲ୍ଲା ବ୍ଲକ କୁଜାମେଣ୍ଢି ପଞ୍ଚାୟତର କଙ୍କଣମେଣ୍ଢି ନିକଟରେ ଥିବା ପୋଲଟି ନିକଟରେ ଭୁଶୁଡି ପଡି ମରାମତି ହୋଇଥିବାବେଳେ ଗୁରୁବାର ପୁଣି ଧୋଇଯାଇଛି। ଫଳରେ ଦଶପଲ୍ଲାରୁ ଚକାପାଦ ଅଞ୍ଚଳକୁ  ଯୋଗାଯୋଗ ବିଚ୍ଛିନ୍ନ ହୋଇପଡିଛି। 

ରାଜ୍ୟ ଶିଶୁ ଅଧିକାର ଓ ସୁରକ୍ଷା ଆୟୋଗ ସଦସ୍ୟାଙ୍କ ନୟାଗଡ଼ ଗସ୍ତ

ରାଜ୍ୟ ଶିଶୁ ଅଧିକାର ଓ ସୁରକ୍ଷା ଆୟୋଗ ସଦସ୍ୟାଙ୍କ ନୟାଗଡ଼ ଗସ୍ତ

ନୟାଗଡ଼ ଅଫିସ,୭ା୯-ରାଜ୍ୟ ଶିଶୁ ଅଧିକାର ଓ ସୁରକ୍ଷା ଆୟୋଗର ସଦସ୍ୟା ମନ୍ଦାକିନୀ କର ଏବଂ ଦିବ୍ୟା ଶାଶ୍ୱତୀ ଗୁରୁବାର ନୟାଗଡ ଗସ୍ତରେ ଆସି ଜିଲାର ଶିଶୁ ସୁରକ୍ଷା ସମ୍ପର୍କୀୟ ବିଭିନ୍ନ ବ୍ୟବସ୍ଥାର ତଦାରଖ ଓ ସମୀକ୍ଷା କରିଛନ୍ତି ା ଗସ୍ତକାଳରେ ସଦସ୍ୟାମାନେ ଜିଲାପାଳ ଡ. ଏନ. ତିରୁମାଲା ନାୟକ, ଅତିରିକ୍ତ ଜିଲାପାଳ ପ୍ରସନ୍ନ କୁମାର ଦାଶ ଏବଂ ଏପିଡି ସନ୍ତୋଷୀ ସାହୁଙ୍କ ସହ ସାକ୍ଷାତ୍‌ କରି  ବିଭିନ୍ନ ବିଷୟରେ ଆଲୋଚନା କରିଥିଲେ ା ସଦସ୍ୟାଦ୍ୱୟ ଜିଲା କାର୍ଯ୍ୟାଳୟ ପରିସରରେ ଥିବା ଶିଶୁ ସୁରକ୍ଷା ୟୁନିଟ୍‌ ଏବଂ ଶିଶୁ ମଙ୍ଗଳ ସମିତିର କାର୍ଯ୍ୟାଳୟ ପରିଦର୍ଶନ କରିଥିଲେ ା

ଜନଶୁଣାଣିରେ ଖବରଦାତାଙ୍କୁ ଦୁର୍ବ୍ୟବହାର ଘଟଣା:୧୦ରୁ ବ୍ଲକ ସମ୍ମୁଖରେ ଧାରଣା

ଜନଶୁଣାଣିରେ ଖବରଦାତାଙ୍କୁ ଦୁର୍ବ୍ୟବହାର ଘଟଣା:୧୦ରୁ ବ୍ଲକ ସମ୍ମୁଖରେ ଧାରଣା

କାଳିଆପାଣି, ୭ା୯(ଡି.ଏନ୍‌.ଏ.)- ସୁକିନ୍ଦା ବ୍ଲକରେ ମହାତ୍ମାଗାନ୍ଧୀ ନିଶ୍ଚିତ ଗ୍ରାମ୍ୟ କର୍ମ ନିଯୁକ୍ତି ଯୋଜନାର ଜନଶୁଣାଣିରେ ବ୍ଲକ ଅଧ୍ୟକ୍ଷାଙ୍କ ଖବରଦାତାଙ୍କ ପ୍ରତି ଦୁର୍ବ୍ୟବହାର ପ୍ରତିବାଦରେ ସୋମବାରଠାରୁ ବ୍ଳକ କାର୍ଯ୍ୟଳୟ ସମ୍ମୁଖରେ ଧାରଣାରେ ବସିବା ନେଇ ଖବରଦାତାମାନେ ଚେତାବନି ଦେଇଛନ୍ତି। ଏନେଇ ଗୁରୁବାର ଖବରଦାତାଙ୍କ ପକ୍ଷରୁ ବିଡ଼ିଓ, ତହସିଲଦାର ଓ ଥାନାଅଧିକାରୀଙ୍କୁ ଲିଖିତ ଭାବେ ଜଣାଇଛନ୍ତି। ନିକଟରେ ସୁକିନ୍ଦା ବ୍ଲକ ପକ୍ଷରୁ ମନରେଗା ଜନଶୁଣାଣୀ କାର୍ଯ୍ୟକ୍ରମ କରାଯାଇଥିଲା। କାର୍ଯ୍ୟକ୍ରମରେ ସମସ୍ତ ଖବରଦାତାଙ୍କୁ ଯୋଗ ଦେବା ପାଇଁ ବିଡ଼ିଓ ନିମନ୍ତ୍ରଣ କରିଥିଲେ। କିନ୍ତୁ ବ୍ଲକ ଅଧ୍ୟକ୍ଷା ଏହାକୁ  ବିରୋଧ କରିବା ସହ ଖବରଦାତାଙ୍କୁ ଅସମ୍ମାନ କରି କାର୍ଯ୍ୟକ୍ରମରୁ ବାହାରିଯିବାକୁ କହିଥିଲେ। 

ଅଧୀକ୍ଷଣ ଓ ନିର୍ବାହୀ ଯନ୍ତ୍ରୀଙ୍କ ବନ୍ୟାଞ୍ଚଳ ଗସ୍ତ

ଅଧୀକ୍ଷଣ ଓ ନିର୍ବାହୀ ଯନ୍ତ୍ରୀଙ୍କ ବନ୍ୟାଞ୍ଚଳ ଗସ୍ତ

ଧର୍ମଶାଳା, ୬।୯(ଡି.ଏନ୍‌.ଏ.)- ଓଡିଶାର ଦ୍ୱିତୀୟ ବୃହତ୍ତମ ନଦୀ ବ୍ରାହ୍ମଣୀରେ ପ୍ରମଥ  ବନ୍ୟା ଆସିବାରୁ ଗୁରୁବାର ଜଳସେଚନ ବିଭାଗ ଅଧୀକ୍ଷଣ ଯନ୍ତ୍ରୀ ଓ ଜାରକା ଜଳସେଚନ ଡିଭିଜନ ନିର୍ବାହୀ ଯନ୍ତ୍ରୀ ନଦୀ ବନ୍ଧର ସୁରକ୍ଷା ନେଇ ବନ୍ୟାଞ୍ଚଳ ଗସ୍ତ କରିଛନ୍ତି ା ଗୁରୁବାର ଅଧୀକ୍ଷଣ ଯନ୍ତ୍ରୀ ବିଜୟ କୁମାର ମିଶ୍ର, ନିର୍ବାହୀ ଯନ୍ତ୍ରୀ ବାମାପ୍ରସାଦ ବିଶ୍ୱାଳ ଓ ସହକାରୀ ଯନ୍ତ୍ରୀ କାମଦେବ ଦାସ ପ୍ରମୁଖ ବ୍ରାହ୍ମଣୀ ନଦୀ ପାର୍ଶ୍ୱ କବାଟବନ୍ଧସ୍ଥିତ କେନ୍ଦ୍ରୀୟ ଜଳ ଆୟୋଗ କାର୍ଯ୍ୟାଳୟ, ଜେନାପୁର ଓ ପଙ୍କପାଳସ୍ଥିତ ଗଜରିଡିଂ ସେଣ୍ଟର ପରିଦର୍ଶନ କରିଥିଲେ ା ପରେ ଜାରକା କାର୍ଯ୍ୟାଳୟଠାରେ ଅଧୀକ୍ଷଣ ଯନ୍ତ୍ରୀ ନଦୀ ବନ୍ଧ ସୁରକ୍ଷା ନେଇ ଏକ ସମୀକ୍ଷା କରିଥିଲେ ା ଦୁର୍ବଳ ନଦୀବନ୍ଧ ସ୍ଥାନଗୁଡିକରେ  ମହଜୁଦଥିବା ଆବଶ୍ୟକୀୟ ବାଲିବସ୍ତା, ବାଉଁଶ ତଲେଇ, ବହ୍ଲା ସମ୍ପର୍କରେ ପଚାରି ବୁଝିଥିଲେ ା

ନୂତନ ଅଙ୍ଗନଓ୍ବାଡ଼ି ଗୃହ ହୋଇପାରୁନି ହସ୍ତାନ୍ତର:  ପରିତ୍ୟକ୍ତ ଘର ବାରଣ୍ଡାରେ ପାଠ ପଢୁଛନ୍ତି ଛାତ୍ରୀଛାତ୍ର

ନୂତନ ଅଙ୍ଗନଓ୍ବାଡ଼ି ଗୃହ ହୋଇପାରୁନି ହସ୍ତାନ୍ତର: ପରିତ୍ୟକ୍ତ ଘର ବାରଣ୍ଡାରେ ପାଠ ପଢୁଛନ୍ତି ଛାତ୍ରୀଛାତ୍ର

ଡୁବୁରୀ, ୭ା୯(ଡି.ଏନ୍‌.ଏ.)- ଦାନଗଦୀ ବ୍ଲକ ଅନ୍ତର୍ଗତ ନଡିଆଭଙ୍ଗା ପଞ୍ଚାୟତ ଧମଣାଗାଡିଆ(ରଙ୍ଗାହୁଡି)ରେ ଥିବା ଅଙ୍ଗନଓ୍ବାଡ଼ି କେନ୍ଦ୍ରର ପିଲାମାନେ ପରିତ୍ୟକ୍ତ ଘର ବାରଣ୍ଡାରେ ପାଠ ପଢୁଥିବା ଅଭିଯୋଗ ହୋଇଛି। କେନ୍ଦ୍ରର ନିଜସ୍ବ ଗୃହ ୧ ବର୍ଷରୁ ଊର୍ଦ୍ଧ୍ୱ ହେବ ନିର୍ମାଣ ହୋଇ ପଡିରହଛି। ହେଲେ ବିଭାଗକୁ ହସ୍ତାନ୍ତର ହୋଇ ନ ଥିବାରୁ ଅଦ୍ୟାବଧି  ପାଠପଢା ଆରମ୍ଭ ହୋଇପାରୁ ନାହଁି। ଏଭଳି ସ୍ଥିତିରେ ପରିତ୍ୟକ୍ତ ଘର ବାରଣ୍ଡାରେ ବିପଦପୂର୍ଣ୍ଣ ଭାବେ ୩୦ ଜଣ ପିଲା ପଢୁଥିବା ବେଳେ  ମଧ୍ୟାହ୍ନଭୋଜନରେ ଅନେକ ସମସ୍ୟା ଦେଖା ଦେଉଛି। ଏ ନେଇ ବାରମ୍ବର ଅଭିଯୋଗ ହୋଇଥିଲେ ମଧ୍ୟ ବିଭାଗୀୟ କର୍ତ୍ତୃପକ୍ଷ କୌଣସି ପଦକ୍ଷେପ ନେଇ ନ ଥିବା ଗ୍ରାମବାସୀ  ଅଭିଯୋଗ କରିଛନ୍ତି।

ମାଳମାଳ ବେଆଇନ୍‌ ଚିଙ୍ଗୁଡ଼ି ଘେରୀ: ଅସ୍ବାସ୍ଥ୍ୟକର ହେଉଛି ଗ୍ରାମୀଣ ପରିବେଶ

ମାଳମାଳ ବେଆଇନ୍‌ ଚିଙ୍ଗୁଡ଼ି ଘେରୀ: ଅସ୍ବାସ୍ଥ୍ୟକର ହେଉଛି ଗ୍ରାମୀଣ ପରିବେଶ

କୁଜଙ୍ଗ,୭ା୯(ସ୍ବ.ପ୍ର.): ସ୍ଥାନୀୟ ବାଲିତୁଠ ଅଞ୍ଚଳରେ ଏବେ ମାଳମାଳ ବେଆଇନ ଚିଙ୍ଗୁଡ଼ି ଘେରୀ ଗଢିଉଠିଛି। ପରିବେଶ ମଞ୍ଜୁରୀ ପାଇ ନ ଥିବା ଏହି ଚିଙ୍ଗୁଡ଼ି ଘେରୀ ଫଳରେ ଗ୍ରାମାଞ୍ଚଳ ପରିବେଶ କ୍ରମଶ ପ୍ରଦୂଷିତ ହେଉଛି। ଜଳ ଉତ୍ସଗୁଡ଼ିକ ମଧ୍ୟ ଭୀଷଣଭାବେ ପ୍ରଭାବିତ ହେଉଛି। ଫଳରେ ଏବେ ସ୍ଥାନୀୟ ଗ୍ରାମଗୁଡିକରେ ପରିବେଶ ଅତ୍ୟନ୍ତ ଅସ୍ବାସ୍ଥ୍ୟକର ହୋଇପଡିଛି। ଏନେଇ ବିଭିନ୍ନ ସମୟରେ ଜଗତ୍‌ସିଂହପୁର ଜିଲାପାଳ, ଏରସମା ତହସିଲଦାରଙ୍କ ନିକଟରେ ଅଭିଯୋଗ କରାଯାଇଛି। ମାତ୍ର ଏନେଇ ପ୍ରଶାସନିକସ୍ତରରେ କୌଣସି ପଦକ୍ଷେପ ଗ୍ରହଣ କରାଯାଇନାହିଁ। ଅନ୍ୟପକ୍ଷରେ ଏହି ବେଆଇନ ଚିଙ୍ଗୁଡ଼ି ଘେରୀ ଯୋଗୁ ପାରମ୍ପରିକ ଚାଷ ବିଲୁପ୍ତ ହେବାରେ ଲାଗିଛି। କେବଳ ରାସ୍ତା ଏବଂ ଘରବାଡ଼ିକୁ ଛାଡ଼ିଦେଲେ ବାକି ଚାରିଆଡେ ଚିଙ୍ଗୁଡ଼ି ଘେରୀ ନିର୍ମାଣ କରାଯାଇଛି, ଯାହାକି ଗ୍ରାମାଞ୍ଚଳ ଲୋକଙ୍କ ପାଇଁ ସମସ୍ୟା ସୃଷ୍ଟି କରିଛି।

ବ୍ୟାଟେରୀ ଓ ଆଲମୁନିୟମ୍‌ ତାର ଜବତ, ଜଣେ ଗିରଫ

ବ୍ୟାଟେରୀ ଓ ଆଲମୁନିୟମ୍‌ ତାର ଜବତ, ଜଣେ ଗିରଫ

ଧର୍ମଶାଳା, ୬।୯(ଡି.ଏନ୍‌.ଏ.)- ଧର୍ମଶାଳା ବ୍ଳକ ଜେନାପୁର ଥାନା ଅନ୍ତର୍ଗତ ବାରକଣା ଗ୍ରାମରୁ ଚୋରି ହୋଇଥିବା ୨ଟି ଟ୍ରାକ୍ଟର ବ୍ୟାଟେରୀ ସହ ୪୦କେଜି ଆଲୁମିନିୟମ୍‌ ତାରକୁ ପୋଲିସ ଜବତ କରିଛି। 

ସାପ କାମୁଡାରେ ଜଣେ ମୃତ

ସାପ କାମୁଡାରେ ଜଣେ ମୃତ

ଧର୍ମଶାଳା, ୬।୯(ଡି.ଏନ୍‌.ଏ.)- ଧର୍ମଶାଳା ବ୍ଳକ ବଡ଼ମାଏମା ପଞ୍ଚାୟତ ଅଧୀନସ୍ତ ଅନନ୍ତପୁର ଗ୍ରାମରେ ବୁଧବାର ସାର୍ପାଘାତରେ ଜଣଙ୍କର ମୃତ୍ୟୁ ହୋଇଛି। ମୃତକ ଜଣଙ୍କ ନରହରି ସାହାଣୀ (୫୪)। ସେ ଦିନମଜୁରିଆ  ଭାବେ କାମକରି ପରିବାର ପ୍ରତିପୋଷଣ କରନ୍ତି। 

ଭୁସୁଡ଼ିଲା ପଥପ୍ରାପ୍ତ ସୁବିଧା କେନ୍ଦ୍ରର  ପ୍ରବେଶ ରାସ୍ତା

ଭୁସୁଡ଼ିଲା ପଥପ୍ରାପ୍ତ ସୁବିଧା କେନ୍ଦ୍ରର ପ୍ରବେଶ ରାସ୍ତା

ଡୋରବିଶ, ୬।୯(ସ୍ବ.ପ୍ର.)-ଡେରାବିଶ ବ୍ଲକ ଦାନପୁର ପଞ୍ଚାୟତ ଅଧୀନ କେଶରପୁର ଠାରେ ଗତ ଜୁଲାଇ ୩୧ ତାରିଖରେ ରାଜ୍ୟ ସରକାରଙ୍କ ପକ୍ଷରୁ ନବନିର୍ମିତ ପଥପ୍ରାନ୍ତ ସୁବିଧା କେନ୍ଦ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଲୋକାର୍ପିତ ହୋଇଥିଲା ।

ବହୁ ଗ୍ରାମ ଜଳବନ୍ଦୀ, ଚାଷ ଜମିରେ ୩ ଫୁଟ ଉଚ୍ଚର ପାଣି

ବହୁ ଗ୍ରାମ ଜଳବନ୍ଦୀ, ଚାଷ ଜମିରେ ୩ ଫୁଟ ଉଚ୍ଚର ପାଣି

ଡୋରବିଶ, ୬।୯(ସ୍ବ.ପ୍ର.)-ଲଘୁଚାପଜନିତ ଲଗାଣ ବର୍ଷା ବୁଧବାର ଠାରୁ ଆରମ୍ଭ ହୋଇଛି ।  ଫଳରେ ଡେରାବିଶ ବ୍ଲକ ଅଧୀନସ୍ଥ ୨୬ ଗୋଟି ପଞ୍ଚାୟତରେ ବହୁ ଗ୍ରାମ ଜଳମଗ୍ନ ହେବା ସହ ବିଭିନ୍ନ ଗ୍ରାମରେ ଗୁରୁବାର ସନ୍ଧ୍ୟା ସୁଦ୍ଧା ଲୋକେ ଜଳବନ୍ଦୀ ହୋଇଛନ୍ତି ।

ବର୍ଷାରେ ଭାଙ୍ଗିଲା ଘର : ଠାକୁରାଣୀ ମଣ୍ଡପରେ ଆଶ୍ରୟ ନେଲେ ବୃଦ୍ଧା

ବର୍ଷାରେ ଭାଙ୍ଗିଲା ଘର : ଠାକୁରାଣୀ ମଣ୍ଡପରେ ଆଶ୍ରୟ ନେଲେ ବୃଦ୍ଧା

ପାଟକୁରା,୬।୯(ଡି.ଏନ.ଏ.)-ଗତ ୨ ଦିନ ହେଲା ବର୍ଷା ଲାଗି ରହିଛି ା ପାଟକୁରା ଓ ଏହାର ଆଖପାଖ ଅଞ୍ଚଳ ଜଳାର୍ଣ୍ଣବ ହୋଇଯାଇଛି । ପ୍ରବଳ ବର୍ଷାରେ ଗୁରୁବାର ଗରଦପୁର ବ୍ଲକ ଅଧୀନ ବେଡାରୀ ଗ୍ରାମର ସଜନୀ ବଓ୍ବୋ (୮୫) ରହୁଥିବା ଘର କାନ୍ଥ ଭୁସୁଡି ପଡିଛି । 

ବର୍ଷାରେ ବେହାଲ କେନ୍ଦ୍ରାପଡା

ବର୍ଷାରେ ବେହାଲ କେନ୍ଦ୍ରାପଡା

କେନ୍ଦ୍ରାପଡା ଅଫିସ, ୬।୯-ଗତ ଦୁଇ ଦିନ ଧରି କେନ୍ଦ୍ରାପଡା ଜିଲାରେ ଚଳିତବର୍ଷର ରେକର୍ଡ ପରିମାଣର ବର୍ଷା ହୋଇଛି । ଜିଲାରେ ସର୍ବମୋଟ ୨୪୪୫ ମିଲିମିଟର ବର୍ଷା ହୋଇଥିବା ବେଳେ ୯ଟି ବ୍ଲକ ଅଞ୍ଚଳରେ ହାରାହାରି ୨୭୧ ମିଲିମିଟର ବର୍ଷା ହୋଇଥିବା ଜିଲା ଜରୁରୀକାଳୀନ ବିଭାଗ ପକ୍ଷରୁ ସୂଚନା ମିଳିଛି । 

ପୂଜ୍ୟପୂଜା ପରମ୍ପରା ବଜାୟ ରଖିବାକୁ ଆହ୍ବାନ

ପୂଜ୍ୟପୂଜା ପରମ୍ପରା ବଜାୟ ରଖିବାକୁ ଆହ୍ବାନ

ପଟ୍ଟାମୁଣ୍ଡାଇ,୬।୯(ସ୍ବ.ପ୍ର.)-ପୂଜାପୂଜ୍ୟର ପରମ୍ପରା ବଜାୟ ରଖିବା ସହିତ ପ୍ରତିଭାମାନଙ୍କୁ  ଉଚିତ ସମ୍ମାନ ଜଣାଇବା ପାଇଁ ଏ ଜାତି ସର୍ବଦା ଜାଗ୍ରତ ରହିଛି। ପୂଜ୍ୟପୂଜାର ବ୍ୟତିକ୍ରମ ଘଟିଲେ କିମ୍ବା ପ୍ରତିଭାମାନଙ୍କ ଉପଯୁକ୍ତ ସମ୍ମାନ ଦେବାରେ ଊଣା କଲେ ଅବକ୍ଷୟମୁଖୀ ସମାଜକୁ ସୁଚାରୁରୂପେ ସଠିକ ମାର୍ଗରେ ପରିଚାଳିତ କରିବା ଅସମ୍ଭବ ହୋଇପଡ଼ିବ ବୋଲି ବକ୍ତାମାନେ ମତପୋଷଣ କରିଥିଲେ। 

ଚେକଡ୍ୟାମ୍‌ ବନ୍ଦ, ଚାଷ ଜମିରେ ଆଣ୍ଠୁଏ ପାଣି

ଚେକଡ୍ୟାମ୍‌ ବନ୍ଦ, ଚାଷ ଜମିରେ ଆଣ୍ଠୁଏ ପାଣି

ପାଟକୁରା, ୬।୯ (ଡି.ଏନ୍‌.ଏ.)-ଗରଦପୁର ବ୍ଲକ ବେଡାରୀ ପଞ୍ଚାୟତ ବେଡାରୀ ଜାମୁଗଛଠାରେ ନିର୍ମାଣ ହୋଇଥିବା ଚେକ୍‌ ଡ୍ୟାମ୍‌କୁ ଡ୍ରେନେଜ୍‌ ଡିଭିଜନ୍‌ ପକ୍ଷରୁ ବନ୍ଦ କରାଯାଇଛି। ଫଳରେ ବେଡାରୀ ଗହୀର ପାଟରେ ଶତାଧିକ ଏକର ଚାଷଜମିରୁ ବର୍ଷାଜଳ ନିଷ୍କାସିତ ହୋଇପାରୁନାହିଁ। 

ମା’ ମାଟିଆ ମଙ୍ଗଳା ପାଠାଗାରରେ ଗୁରୁ ସମ୍ବର୍ଦ୍ଧନା ଉତ୍ସବ

ମା’ ମାଟିଆ ମଙ୍ଗଳା ପାଠାଗାରରେ ଗୁରୁ ସମ୍ବର୍ଦ୍ଧନା ଉତ୍ସବ

ରାଜନଗର, ୬।୯(ଡି.ଏନ.ଏ.)-ରାଜନଗର ବ୍ଲକ ଚାନ୍ଦିବାଉଁଶମୂଳଠାରେ ଥିବା ମା’ ମାଟିଆ ପାଠାଗାରରେ ବୁଧବାର ଗୁରୁଦିବସ ଅବସରରେ ଅବସରପ୍ରାପ୍ତ ଶିକ୍ଷକ ୍‌ ମାନଙ୍କୁ ସମ୍ବର୍ଦ୍ଧିତ କରାଯାଇଛି। 

ପଟ୍ଟାମୁଣ୍ଡାଇରେ ବର୍ଷା ବିତ୍ପାତ, ଜନଜୀବନ ପ୍ରଭାବିତ

ପଟ୍ଟାମୁଣ୍ଡାଇରେ ବର୍ଷା ବିତ୍ପାତ, ଜନଜୀବନ ପ୍ରଭାବିତ

ପଟ୍ଟାମୁଣ୍ଡାଇ,୬।୯ (ସ୍ବ.ପ୍ର.)-ଲଘୁଚାପଜନିତ ଲଗାଣ ବର୍ଷାରେ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି। ମଙ୍ଗଳବାର ରାତି ୩ଟାଠାରୁ ଅନବରତ ଭାବରେ ମୂଷଳଧାରାରେ ବର୍ଷା ଲାଗି ରହିଛି।

କବିତା ପାଠୋତ୍ସବ ଓ ସାହିତ୍ୟ ଆସର

କବିତା ପାଠୋତ୍ସବ ଓ ସାହିତ୍ୟ ଆସର

ପଟ୍ଟାମୁଣ୍ଡାଇ,୬।୯(ସ୍ବ.ପ୍ର.)-ସୁସ୍ଥ ସମାଜ ଗଠନ ନିମନ୍ତେ ସାହିତ୍ୟର ଭୂମିକା ଉଲ୍ଲେଖନୀୟ । ସଂସ୍କାର, ସଂସ୍କୃତି ତଥା ଧର୍ମକୁ ଉଜ୍ଜୀବିତ କରି ରଖିଥିବା ସାହିତ୍ୟ ହିଁ ଜନମାନସକୁ ସଠିକ ଭାବରେ ପରିଚାଳିତ କରିଥାଏ ବୋଲି କବି ଓ ସାହିତି୍ୟକମାନେ ମତପୋଷଣ କରିଥିଲେ। 

ନଦୀରେ ଜଳସ୍ତର ବୃଦ୍ଧି ଯୋଗୁ ନଦୀକୂଳବାସୀ ଆତଙ୍କିତ

ନଦୀରେ ଜଳସ୍ତର ବୃଦ୍ଧି ଯୋଗୁ ନଦୀକୂଳବାସୀ ଆତଙ୍କିତ

ରାଜକନିକା ,୬।୯(ଡି.ଏନ.ଏ)-ଗତ କିଛି ଦିନ ଧରି ଲଘୁଚାପଜନିତ ଲଗାଣ  ବର୍ଷା ହେବା  ଫଳରେ ରାଜକନିକା ଅଞ୍ଚଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଦୋକାନ ବଜାରଗୁଡିକ ବନ୍ଦ ରହିଛି ।ରାସ୍ତାଘାଟଗୁଡିକ ବେହାଲ ହୋଇ ପଡିଛି । 

ଡେରାବିଶର ବିଭିନ୍ନ ଶିକ୍ଷାନୁଷ୍ଠାନରେ ଗୁରୁଦିବସ

ଡେରାବିଶର ବିଭିନ୍ନ ଶିକ୍ଷାନୁଷ୍ଠାନରେ ଗୁରୁଦିବସ

ଡେରାବିଶ, ୬ା୯(ସ୍ବ.ପ୍ର.)-ସେପ୍ଟେମ୍ବର ୫ ତାରିଖ ସାରା ଦେଶରେ ଗୁରୁଦିବସ ଭାବେ ପାଳନ କରାଯାଉଛି ା ଏହି ଅବସରରେ ଡେରାବିଶ ବ୍ଲକ ଅଧୀନସ୍ଥ ୨୬ ଗୋଟି ପଞ୍ଚାୟତରେ ଥିବା ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟରେ ବୁଧବାର ଛାତ୍ରୀଛାତ୍ରଙ୍କ ଦ୍ୱାରା ଗୁରୁଦିବସ ପାଳିତ ହୋଇଯାଇଛି ା

କେନ୍ଦ୍ରାପଡା କ୍ରେଡିଟ୍‌ କୋ-ଅପରେଟିଭ ସୋସାଇଟି ତରଫରୁ ଅସହାୟଙ୍କୁ  ସହାୟତା ପ୍ରଦାନ

କେନ୍ଦ୍ରାପଡା କ୍ରେଡିଟ୍‌ କୋ-ଅପରେଟିଭ ସୋସାଇଟି ତରଫରୁ ଅସହାୟଙ୍କୁ ସହାୟତା ପ୍ରଦାନ

ମାର୍ଶାଘାଇ ,୬।୯(ଡିଏନଏ)-କେନ୍ଦ୍ରାପଡା ଜିଲା ମାର୍ଶାଘାଇ ବ୍ଲକ ଅନ୍ତର୍ଗତ ମଣିକୁଣ୍ଡା ପଞ୍ଚାୟତ କଷୋଟିବାଲି ଗ୍ରାମର ଅସହାୟ ମାଆ ଝିଅଙ୍କୁ କେନ୍ଦ୍ରାପଡା କ୍ରେଡିଟ୍‌ କୋ-ଅପରେଟିଭ ସୋସାଇଟି ତରଫରୁ ସଭାପତି ପ୍ରମୋଦ କୁମାର ସାହୁ  ବୁଧବାର ୫ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରିଛନ୍ତି। 

ଚିତ୍ରୋତ୍ପଳା ନଦୀବନ୍ଧ କୁଳତୁଠି ଗ୍ରାମ ନିକଟରେ ଧସିଲା

ଚିତ୍ରୋତ୍ପଳା ନଦୀବନ୍ଧ କୁଳତୁଠି ଗ୍ରାମ ନିକଟରେ ଧସିଲା

ପାଟକୁରା,୬।୯(ଡି.ଏନ.ଏ.)-ଲଘୁଚାପଜନିତ ପ୍ରବଳ ବର୍ଷା ଯୋଗୁ ଗୁରୁବାର ଗରଦପୁର ବ୍ଲକ ବେଡାରୀ ଗ୍ରାମ ପଞ୍ଚାୟତ  ଅଧୀନ ଚିତ୍ରୋତ୍ପଳା ନଦୀବନ୍ଧର କୁଳତୁଠି ଗ୍ରାମ ନିକଟରେ ଗ୍ରାମ ପାର୍ଶ୍ୱକୁ ୩ ଗୋଟି ସ୍ଥାନରେ ଧସିଯାଇଛି ।

ବର୍ଷାରେ ୪  ପରିବାରର ଘର କାନ୍ଥ ଭାଙ୍ଗିଲା

ବର୍ଷାରେ ୪ ପରିବାରର ଘର କାନ୍ଥ ଭାଙ୍ଗିଲା

ଯାଜପୁର ଅଫିସ,୬।୯-ଗତ ୨ ଦିନ ହେଲା ଲଗାଣ ବର୍ଷା ଲାଗି ରହିଛି ା ଗୁରୁବାର ମଧ୍ୟାହ୍ନରେ ଯାଜପୁର ଜିଲା ବରୀ ବ୍ଲକର ୪ ପରିବାରର ଘର କାନ୍ଥ ଭାଙ୍ଗିଯାଇଛି ।