ଉପକୂଳ ଓଡିଶା
ଶିକ୍ଷିତ ଯୁବତୀଯୁବକଙ୍କୁ ହତାଶ କରିଛି ନୀରବତା
ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.),୮।୪ କଳିଙ୍ଗନଗର ଶିଳ୍ପାଞ୍ଚଳରେ ସ୍ଥାନୀୟ ନିଯୁକ୍ତି ତାଲିକାର ତଦନ୍ତ ପ୍ରତିଶ୍ରୁତି ଦବି ରହିଛି। ଫଳରେ ଯାଜପୁର ଜିଲାର ଶିକ୍ଷିତ ଯୁବତୀଯୁବକ ତାଙ୍କ ଅଧିକାର ପାଇବାରୁ ବଞ୍ଚିତ ହୋଇଛନ୍ତି। ବିଡମ୍ବନା ଯେ, ଅଧିକାଂଶ ଗଣମାଧ୍ୟମ ସମେତ ସବୁ ରାଜନୈତିକ ଦଳର ନେତା, ଶ୍ରମିକ ସଂଗଠନ, ସାମାଜିକ କର୍ମୀ ପ୍ରମୁଖ ମଧ୍ୟ ନୀରବି ଯାଇଛନ୍ତି। ସ୍ଥାନୀୟ ନିଯୁକ୍ତିକୁ ନେଇ ଆନ୍ଦୋଳନ ସତେ ଯେପରି ହଜିଯାଇଛି। ଶିଳ୍ପ କମ୍ପାନୀ ଆଗରେ ସମସ୍ତେ ମୁଣ୍ଡ ବିକ୍ରି କରି ଦେଇଥିବା ଭଳି ମନେ ହେଉଛି। କେବଳ ଠିକା ଶ୍ରମିକ ଭାବେ କେତେଜଣ ସ୍ଥାନୀୟ ଲୋକଙ୍କୁ ଅସ୍ଥାୟୀ ଭାବେ ନିଯୁକ୍ତି ଦେଇ ଶିଳ୍ପାୟନର ଉଦ୍ଦେଶ୍ୟ ପୂରଣ ହୋଇଛି ବୋଲି ବିଭିନ୍ନ ସଭାସମିତିରେ ରାଜନେତା ଓ ଶ୍ରମିକ ସଂଗଠନ ପକ୍ଷରୁ ଭାଷଣ ଦିଆଯାଉଛି। କିନ୍ତୁ ବାସ୍ତବରେ ବିଭିନ୍ନ କ୍ଷେତ୍ରରେ ଜିଲାର ପ୍ରାୟ ୫୦ ହଜାର ଶିକ୍ଷିତ ବେକାର ଯୁବତୀଯୁବକ ନିଯୁକ୍ତି ଆଶାରେ ଏବେ ବି ଅପେକ୍ଷାରେ ରହିଛନ୍ତି।
ପଥ ହୁଡ଼ିଛି ପ୍ରସୂତି ଯୋଜନା
ଯାଜପୁରରୋଡ,୮।୪(ନି.ପ୍ର.) ରାଜ୍ୟ ଓ କେନ୍ଦ୍ର ସରକାର ଗର୍ଭବତୀ ମହିଳାଙ୍କ ପାଇଁ ଜନନୀ ସୁରକ୍ଷା ଯୋଜନା, ମାତୃମଙ୍ଗଳ ଇତ୍ୟାଦି ଯୋଜନା ପ୍ରଣୟନ କରିଛନ୍ତି। ଏହି ଯୋଜନା ଜରିଆରେ ଗର୍ଭବତୀ ମହିଳାଙ୍କୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ମାଗଣାରେ ଔଷଧ ଯୋଗାଇ ଦିଆଯିବା ସହ ସ୍ବାସ୍ଥ୍ୟ ପରୀକ୍ଷା କରାଯାଇଥାଏ। ଏଥିସହିତ ଅଙ୍ଗନଓ୍ବାଡି କେନ୍ଦ୍ର ଜରିଆରେ ଗର୍ଭବତୀ ମହିଳାଙ୍କୁ ପୁଷ୍ଟିସାର ଖାଦ୍ୟ ଯୋଗାଇ ଦିଆଯାଇଥାଏ। ବହୁ ସମୟରେ ଔଷଧ ଗୁଡ଼ିକ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପଡ଼ିରହି ଅବଧି ଶେଷ ହୋଇଯାଉଥିଲେ ମଧ୍ୟ ତାହା ଗର୍ଭବତୀ ମହିଳାଙ୍କୁ ଦିଆଯାଉନାହିଁ। ଏଥିସହ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପ୍ରସୂତି ପାଇଁ ସୁବିଧା ନ ଥିବାରୁ ନର୍ସିଂହୋମର ସାହାରା ନେବାକୁ ପଡୁଛି, ଫଳରେ ସେମାନଙ୍କ ପରିବାରକୁ ଅଧିକ ଖର୍ଚ୍ଚାନ୍ତ ହେବାକୁ ପଡୁଛି। ଏଭଳି ଦୃଷ୍ଟାନ୍ତ ଦେଖିବାକୁ ମିଳିଛି ଯାଜପୁର ରୋଡ ଓ କୋରେଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ।
ପୋଖରୀ କୂଳରେ ଖେଳିବା କାଳ ହେଲା, ପାଣିରେ ବୁଡି ଶିଶୁପୁତ୍ର ମୃତ
ମହାକାଳପଡା,୮।୪(ଡି.ଏନ୍.ଏ): କେନ୍ଦ୍ରାପଡା ଜିଲା ମହାକାଳପଡା ବ୍ଲକର ବରିପାଳ ପଞ୍ଚାୟତ ବରିପାଳ ଗ୍ରାମରେ ରବିବାର ଏକ ଅଭାବନୀୟ ଘଟଣା ଘଟିଛି। ଘର ନିକଟ ପୋଖରୀ କୂଳରେ ଖେଳୁଥିବା ବେଳେ ଗ୍ରାମର ଜନ୍ମଞ୍ଜୟ ପ୍ରଧାନଙ୍କ ପାଞ୍ଚବର୍ଷର ଶିଶୁପୁତ୍ର ଅରୁଙ୍କର ପାଣିରେ ବୁଡ଼ି ମୃତ୍ୟୁ ଘଟିଛି।
ଲେଭଲ୍ କ୍ରସିଂ ରାସ୍ତା ବନ୍ଦକୁ ବିରୋଧ
କୁଜଙ୍ଗ,୭।୪(ସ୍ବ.ପ୍ର.) କଟକ-ପାରାଦୀପ ରେଳ ଲାଇନ୍ର କୁଜଙ୍ଗ ବ୍ଲକ ଫତେପୁର ନିକଟରେ ଥିବା ଲେଭେଲ୍ କ୍ରସିଂ ଉପରେ ରାସ୍ତା ବନ୍ଦ କରିବାକୁ ରେଳ ବିଭାଗର ପ୍ରଚେଷ୍ଟା ଫେଲ୍ ମାରିଛି। ଶନିବାର ସ୍ଥାନୀୟ ଲୋକଙ୍କ ବିରୋଧ ଯୋଗୁ ରେଳବାଇ ଅଧିକାରୀ ଓ ଜିଲା ପ୍ରଶାସନ ଫେରି ଆସିଛନ୍ତି।
୭ ମାସ ସମସ୍ୟାର ସମ୍ମୁଖୀନ ହୁଅନ୍ତି ମତ୍ସ୍ୟଜୀବୀ
ମହାକାଳପଡା, ୭।୪ (ଡିଏନଏ) ମତ୍ସ୍ୟଚାଷର ବିକାଶ ପାଇଁ ସରକାର ଅନେକ ପ୍ରୋତ୍ସାହନ କରୁଛନ୍ତି ବୋଲି ଡିଣ୍ଡିମ ପିଟୁଛନ୍ତି। ଏଥିପାଇଁ ସରକାରୀ ତହବିଲକୁ ଅନେକ ଟଙ୍କା ଖର୍ଚ୍ଚ କରାଯାଉଛି ବୋଲି କୁହାଯାଉଛି। ମାତ୍ର ମହାକାଳପଡା ବ୍ଲକର ଉପକୂଳ ଅଞ୍ଚଳରେ ଚାଷୀଙ୍କ କୌଣସି ଉନ୍ନତି ପରିଲକ୍ଷିତ ହେଉନାହିଁ। ଅପରପକ୍ଷେ ବିଭିନ୍ନ କଟକଣା ଯୋଗୁ ସେମାନଙ୍କ ସମସ୍ୟା ବୃଦ୍ଧି ପାଇବାରେ ଲାଗିଛି ବୋଲି ଅଭିଯୋଗ ହେଉଛି।
ପୋଲ ନିର୍ମାଣରେ ବିଳମ୍ବ, ଲୋକେ ହନ୍ତସନ୍ତ
ଡେରାବିଶ,୭।୪(ସ୍ବ.ପ୍ର.) କଟକ-ଚାନ୍ଦବାଲି ରାସ୍ତାର ଚାନ୍ଦୋଳ ବଜାରରେ ନିର୍ମାଣାଧୀନ ପୋଲ କାର୍ଯ୍ୟ ଶେଷ ହେବାରେ ଅହେତୁକ ବିଳମ୍ବ ହେଉଛି । ଫଳରେ ଏହି ସ୍ଥାନରେ ବାରମ୍ବାର ଦୁର୍ଘଟଣା ଘଟୁଥବାରୁ ସାଧାରଣରେ ଅସନ୍ତୋଷ ଦେଖାଦେଇଛି।
ରୋଜଗାରର ମାଧ୍ୟମ ପାଲଟିଛି ମହୁଲ
କାଳିଆପାଣି,୭।୪(ଡିଏନଏ)- ବସନ୍ତ ଋତୁ ଆଗମନରେ ଆଦିବାସୀ ଅଞ୍ଚଳରେ ଏକ ପ୍ରମୁଖ ବ୍ୟବସାୟ ଭାବେ ଉଭା ହୋଇଥାଏ ମହୁଲ। ଜଙ୍ଗଲ ଜାତ ଦ୍ରବ୍ୟ ମଧ୍ୟରୁ ମହୁଲ ଫୁଲ ଅନ୍ୟତମ ଲାଭକାରୀ ଦ୍ରବ୍ୟ। ଆଦିବାସୀ ବହୁଳ ଜିଲାରେ ଗାଁଠାରୁ ଆରମ୍ଭ କରି ସହର ପର୍ଯ୍ୟନ୍ତ ଏହି ମହୁଲକୁ ନେଇ ଉତ୍ସୁକତା ଓ ଚଞ୍ଚଳତା ଦେଖାଦେଇଥାଏ। ଏବେ ମହୁଲ ଫୁଲର ଋତୁ ଆରମ୍ଭ ହୋଇଯାଇଥିବା ବେଳେ ଛୁଆଠାରୁ ବୁଢା ଯାଏ ରାତି ନ ପାହୁଣୁ ଟୋକେଇ ଧରି ମହୁଲ ଗଛ ମୂଳରେ ପହଞ୍ଚତ୍ ଯାଉଥିବା ଦେଖିବାକୁ ମିଳୁଛି। ମହୁଲ ଫୁଲ ଗୋଟାଇବା ବେଳେ ସତେ ଯେପରି ପ୍ରତିଯୋଗିତା ଲାଗିଥିବା ଭଳି ମନେ ହୋଇଥାଏ। ବିଶେଷ କରି ଯାଜପୁର ଜିଲାର ଦାନଗଦୀ ଓ ସୁକିନ୍ଦା ବ୍ଲକର କୁହିକା, କାଙ୍କଡ଼ପାଳ, ରାଁସୋଳ, କାଳିଆପାଣି, ଚିଙ୍ଗୁଡ଼ିପାଳ, କଂସ, ଦେଉଳକଣ, ଚିତିରି ପରି ପଞ୍ଚାୟତରେ ବସବାସ କରୁଥିବା ଲୋକେ ମହୁଲ ସଂଗ୍ରହ କରିଥାନ୍ତି। ୩ ମାସ ମହୁଲ ଗଛ ଉପରେ ସେମାନେ ନିର୍ଭର କରି ଚଳିଥାନ୍ତି। ସଂଗ୍ରହ କରିଥିବା ମହୁଲ ମଧ୍ୟରୁ କିଛି ନିଜ ପାଇଁ ରଖି ବଳକା ମହୁଲକୁ ନିକଟସ୍ଥ ହାଟ ବଜାରରେ ବିକ୍ରି କରି ବେଶ ଦୁଇ ପଇସା ରୋଜଗାର କରିଥାନ୍ତି। ସାଧାରଣତଃ ଶୁଖିଲା ମହୁଲରୁ ମହୁଲି ପ୍ରସ୍ତୁତ କରାଯାଇଥାଏ।
ଅଲୋଡ଼ା ହେଉଛନ୍ତି ପୁରୁଖା
ଯାଜପୁର ଅଫିସ,୭।୪ ଯାଜପୁର ଜିଲାର ଧର୍ମଶାଳା ନିର୍ବାଚନ ମଣ୍ଡଳୀରେ ଶାସକ ବିଜେଡିରେ ପରିବାରବାଦ ରାଜନୀତି ମୁଣ୍ଡ ଟେକୁଛି। ଯୁବକଙ୍କ ହାତରେ ସଂଗଠନର ଦାୟିତ୍ୱ ଦେବାକୁ ଏଭଳି ପ୍ରୟାସ କରାଯାଉଥିବା କୁହାଯାଉଥିବାବେଳେ କେତେକ ପୁରୁଖା ବିଜେଡି କର୍ମୀ ଏହାକୁ ସହଜରେ ଗ୍ରହଣ କରିପାରୁ ନାହାନ୍ତି। ବିଧାୟକ ପ୍ରଣବବଳବନ୍ତ ରାୟ ପରିବାରବାଦ ରାଜନୀତିରେ ବିଶ୍ୱାସ କରୁଥିବା ନୀତିକୁ ଦୋହରାଉଥିବା ଆଲୋଚନା ହେଉଛି। ଯାହାକି ସଦ୍ୟ ରସୁଲପୁର ବ୍ଲକ ବିଜେଡିରେ ଘଟିଥିବା ରାଜନୈତିକ ସମୀକରଣରୁ ଏହା ଏକ ପ୍ରକାର ସ୍ପଷ୍ଟ ହୋଇଛି।
ଜଳସମ୍ପଦ ସୁରକ୍ଷା ନୈରାଶ୍ୟଜନକ
ଯାଜପୁର ଅଫିସ,୭।୪ ଜଳସମ୍ପଦର ସୁରକ୍ଷା ଓ ସଂରକ୍ଷଣ ବ୍ୟବସ୍ଥାକୁ ଯାଜପୁର ଜିଲା ପ୍ରଶାସନ ଗୁରୁତ୍ୱ ଦେଉନାହିଁ। ଶିଳ୍ପବହୁଳ ଯାଜପୁର ଜିଲାରେ ଭୂତଳ ଜଳସ୍ତର କ୍ଷିପ୍ରଗତିରେ ହ୍ରାସ ଘଟୁଥିଲେ ମଧ୍ୟ କାହାରି ଟିକେ ଚିନ୍ତା ନାହିଁ। ଫଳରେ ଖରା ମାସରେ ଜିଲାର ୮୦ଭାଗ ନଳକୂପରୁ ଆବଶ୍ୟକ ପାଣି ମିଳୁନାହିଁ। ଏପରି କି ମାର୍ଚ୍ଚ ମାସ ନ ହେଉଣୁ କୂଅ, ପୋଖରୀ ଆଦି ଜଳଉତ୍ସ ଶୁଖି ଯାଉଛି। ମହାମତ୍ାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା(ଏମ୍ଜିଏନ୍ଆର୍ଇଜିଏସ୍)ରେ ପାରମ୍ପରିକ ଜଳଉତ୍ସର ପୁନରୁଦ୍ଧାର ଏବଂ ଜଳ ସମ୍ପଦର ସୁରକ୍ଷା ପ୍ରକଳ୍ପ ବହୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। କର୍ମନିଯୁକ୍ତି ସହ ଏହି ପ୍ରକଳ୍ପ ଭୂତଳ ଜଳସ୍ତର ବୃଦ୍ଧି ସହିତ ଜଳ ସଂରକ୍ଷଣ ବ୍ୟବସ୍ଥାକୁ ସହଯୋଗ କରି ଆସୁଛି। କିନ୍ତୁ ୨୦୧୮-୧୯ବର୍ଷ ପାଇଁ ଜିଲାର ବରୀ, ଦଶରଥପୁର ଓ ରସୁଲପୁର ବ୍ଲକ ପ୍ରଶାସନକୁ ବାଦ୍ଦେଲେ ଅନ୍ୟ ୭ଟି ବ୍ଲକ ପକ୍ଷରୁ ଏମ୍ଜିଏନ୍ଆର୍ଇଜିଏସ୍ ଉପରେ ବାର୍ଷିକ ଯୋଜନା ଦାଖଲ ହୋଇପାରି ନାହିଁ। ଏହିକ୍ରମରେ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା (ଡିଆର୍ଡିଏ)ର ପ୍ରକଳ୍ପ ନିର୍ଦ୍ଦେଶକ ବ୍ରଜଗୋପାଳ ଆଚାର୍ଯ୍ୟ ତାଙ୍କ ପତ୍ରସଂଖ୍ୟା ୧୭୯୪/୬।୪।୨୦୧୮ରେ ବିଞ୍ଝାରପୁର, ବଡ଼ଚଣା, ଦାନଗଦୀ, ଧର୍ମଶାଳା, ଯାଜପୁର, କୋରେଇ ଓ ସୁକିନ୍ଦା ବ୍ଲକର ସହକାରୀ ନିର୍ବାହୀ ଯନ୍ତ୍ରୀ/ସହକାରୀ ପ୍ରକଳ୍ପ ଅଧିକାରୀ(ଏପିଓ)ମାନଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି। ପତ୍ର ପାଇବାର ୩ ଦିନ ମଧ୍ୟରେ ସନ୍ତୋଷଜନକ ଉତ୍ତର ନ ମିଳିଲେ କାହିଁକି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ ବୋଲି ସେ ଚେତାବନୀ ଦେଇଛନ୍ତି।
ଶାନ୍ତିପୂର୍ଣ୍ଣଭାବେ ଓ୍ବାର୍ଡସଭ୍ୟ ନିର୍ବାଚନ ଶେଷ
ନିଶ୍ଚିନ୍ତକୋଇଲି,୭।୪(ସ୍ବ.ପ୍ର.): ନିଶ୍ଚିନ୍ତକୋଇଲି ବ୍ଲକ ଓ୍ବାର୍ଡସଭ୍ୟ ନିର୍ବାଚନ ଶାନ୍ତିପୂର୍ଣ୍ଣଭାବେ ଶେଷ ହୋଇଛି। ବ୍ଲକର ୨୮ ପଞ୍ଚାୟତର ୪୧ ଓ୍ବାର୍ଡରେ ନିର୍ବାଚନ ପାଇଁ ବିଜ୍ଞପ୍ତି ଜାରି ହୋଇଥିଲା। ତନ୍ମଧ୍ୟରୁ ୧୨ଟିରେ ଏକକ ପ୍ରାର୍ଥୀ ଥିବାରୁ ସେମାନେ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିଲେ।
ଅବକାରୀ ବିଭାଗ ପକ୍ଷରୁ ଚଢ଼ାଉ: ୪ ହଜାର ଲିଟର ମଦ ପୋଚ ଜବତ
ରଣପୁର,୭।୪(ସ୍ବ.ପ୍ର.): ନୟାଗଡ଼ ଜିଲା ରଣପୁର ବ୍ଲକ କନ୍ଦରାସିଙ୍ଗି ଗ୍ରାମରେ ଅବକାରୀ ବିଭାଗ ପକ୍ଷରୁ ଶନିବାର ସକାଳେ ଚଢ଼ାଉ କରାଯାଇଛି। ୪ ହଜାର ଲିଟର ମଦ ପୋଚ, ୪୦ ଲିଟର ଦେଶୀମଦ ଓ ମଦ ରନ୍ଧା ପାଇଁ ରଖାଯାଇଥିବା ସାମଗ୍ରୀ ଜବତ କରାଯାଇଛି।
ଲୋଡିଂ ବ୍ୟବସ୍ଥାରେ ପ୍ରଭାବଶାଳୀଙ୍କ ରାଜୁତି
କାଳିଆପାଣି,୬।୪(ଡିଏନଏ) ସୁକିନ୍ଦା କ୍ରୋମାଇଟ୍ ଖଣି ଅଞ୍ଚଳରେ କ୍ରୋମ ପରିବହନ କ୍ଷେତ୍ରରେ ପ୍ରଭାବଶାଳୀଙ୍କ ରାଜୁତି ଚାଲିଥିବା ଅଭିଯୋଗ ହୋଇଆସୁଛି। ଯାହାକି ହାଇକୋର୍ଟଙ୍କ ନିର୍ଦ୍ଦେଶ ନ୍ତଫାଷ୍ଟ କମ୍ ଫାଷ୍ଟ ଲୋଡିଂ’ ବ୍ୟବସ୍ଥାକୁ ଅଣଦେଖା କରିବା ଓ ନିଜ ଖଣି ପାଇଁ କମ୍ପାନୀ ନିଜସ୍ବ ପାର୍କିଂ ୟାର୍ଡ କରିବା ନିର୍ଦ୍ଦେଶ ପ୍ରଶାସନ ଫାଇଲ ତଳେ ଚାପି ହୋଇ ଯାଉଥିବା ଦେଖିବାକୁ ମିଳୁଛି। ଦୁଇ ଦଶନ୍ଧି ଧରି ଏକଚାଟିଆ ଭାବେ ଲେବର ବ୍ୟାଚ ଲୋଡିଂ ଚାଲୁ ରହିଥିବା ବେଳେ ୨୦୦୯ରେ କେତେଜଣ ଟ୍ରକ ମାଲିକଙ୍କ ଅଭିଯୋଗର ଶୁଣାଣି କରି ହାଇକୋର୍ଟ ଅଗଷ୍ଟ ୧୮ରେ ନ୍ତଫାଷ୍ଟ କମ୍ ଫାଷ୍ଟ ଲୋଡିଂ’ ରାୟ ପ୍ରକାଶ କରିଥିଲେ। କୋର୍ଟଙ୍କ ନିର୍ଦ୍ଦେଶକ୍ରମେ ଯାଜପୁର ଜିଲାପାଳ, ଜିଲା ଆରକ୍ଷୀ ଅଧୀକ୍ଷକ, ଡେପୁଟୀ ଡାଇରେକ୍ଟର ମାଇନ୍ସ, ଅତିରିକ୍ତ ଜିଲାପାଳ କଳିଙ୍ଗନଗର, ଉପଜିଲାପାଳ, ସୁକିନ୍ଦା ତହସିଲଦାର, କାଳିଆପାଣି ଥାନା ଓ ସମସ୍ତ ଖଣି ମୁଖ୍ୟଙ୍କୁ ହାଇକୋର୍ଟ ନିର୍ଦ୍ଦେଶର ନକଲ ପଠାଇଥିଲେ।
ଅଙ୍ଗନଓ୍ବାଡି କେନ୍ଦ୍ରକୁ ଯୋଗାଣ ହେଉଛି ନିମ୍ନମାନର ଛତୁଆ
ଯାଜପୁରରୋଡ,୬।୪(ନି.ପ୍ର.) ଶିଶୁ ଏବଂ ଗର୍ଭବତୀ ମହିଳାଙ୍କୁ ଠିକ୍ ଭାବେ ଖାଦ୍ୟ ନ ମିଳିବା ଫଳରେ ପିଲାମାନେ ରକ୍ତହୀନତା ରୋଗର ଶିକାର ହୋଇଥାନ୍ତି। ଏଥିପାଇଁ ସରକାର ମାଗଣାରେ ଅଙ୍ଗନଓ୍ବାଡି କେନ୍ଦ୍ର ଜରିଆରେ ଶିଶୁ ଏବଂ ଗର୍ଭବତୀ ମହିଳାଙ୍କୁ ଛତୁଆ ଯୋଗାଇଦେଇଥାନ୍ତି। ମାତ୍ର ଏହି ଛତୁଆ ବଣ୍ଟନରେ ବହୁ ସମୟରେ ଅନିୟମିତତା ଦେଖାଯାଇଥାଏ। ଏଥିସହିତ ବହୁ ଅଙ୍ଗନଓ୍ବାଡି କେନ୍ଦ୍ରରେ ନିମ୍ନମାନର ଛତୁଆ ବଣ୍ଟନ କରାଯାଉଥିବା ଦେଖିବାକୁ ମିଳୁଛି । ଏଭଳି ଉଦାହରଣ ଦେଖିବାକୁ ମିଳିଛି କୋରେଇ ବ୍ଲକରେ।
ନିମ୍ନମାନର ପିଡିଏସ୍ ଚାଉଳ ପର୍ଦ୍ଦାଫାଶ ଘଟଣା
ଯାଜପୁର ଅଫିସ,୬।୪ ଯାଜପୁର ଓ ଭଦ୍ରକ ଜିଲାର ବିଭିନ୍ନ ଗୋଦାମରେ ବ୍ୟବହାର ଅନୁପଯୋଗୀ ବିଆର୍ଏଲ(ବିଲୋ ରିଜେକ୍ସନ ଲିମିଟେଡ)ଚାଉଳ ମହଜୁଦ ପର୍ଦ୍ଦାଫାଶ ପରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ତପତ୍ରତା ପ୍ରକାଶ ପାଇଛି। ଯାଜପୁର ଜିଲାପାଳ ରଞ୍ଜନ କୁମାର ଦାସଙ୍କ ସୁପାରିଶକ୍ରମେ ଯୋଗାଣ ବିଭାଗର ଯୁଗ୍ମସଚିବ ଶକୁନ୍ତଳା ବିନ୍ଧାଣୀ ସମ୍ପୃକ୍ତ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପ୍ରକ୍ରିୟା ଆରମ୍ଭ କରିଛନ୍ତି। ଏହି କ୍ରମରେ ତାଙ୍କ ପତ୍ରସଂଖ୍ୟା ୬୯୦୭/୫।୪।୨୦୧୮ରେ ଜିଲା ଯୋଗାଣ ବିଭାଗର ୪ ଜଣ ଅଧିକାରୀଙ୍କ ନାମରେ ଅଭିଯୋଗ ଫର୍ଦ୍ଦ(ଡ୍ରାଫ୍ଟ ଚାର୍ଜେସ) ତୁରନ୍ତ ଦାଖଲ କରିବାକୁ ଜିଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି। ସମ୍ପୃକ୍ତ ଅଧିକାରୀମାନେ ହେଲେ ଧାନସଂଗ୍ରହ ନୀରିକ୍ଷକ ପେଙ୍କୁଇନ ସାମନ୍ତରାୟ, ଧାନମଣ୍ଡଳ ଗୋଦାମର ଅଧିକ୍ଷକ ଶ୍ୟାମସୁନ୍ଦର ସାହୁ, ଧାନ ସଂଗ୍ରହ ଏସିଏସଓ ବସନ୍ତ କୁମାର ବେହେରା ଓ ସଦର ଏସିଏସଓ ପି.ସି. ସେଠୀ।
ନିଶ୍ଚିନ୍ତକୋଇଲି ବ୍ଲକର ୨୪ଟି ଓ୍ବାର୍ଡ ସଭ୍ୟ ନିର୍ବାଚନ ଶେଷ, ୭୨ ପ୍ରତିଶତ ମତଦାନ ସୂଚନା
ନିଶ୍ଚିତକୋଇଲି, ୬।୪(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକର ୪୧ଟି ପଞ୍ଚାୟତର ୨୪ ଟି ଓ୍ବାର୍ଡ ସଭ୍ୟ ନିର୍ବାଚନ ଶୁକ୍ରବାର ଶେଷ ହୋଇଛି। ଏଥିରେ ବ୍ଲକର ୭୨ ପ୍ରତିଶତ ମତଦାତା ନିଜର ଭୋଟ ଦେଇଥିବା ଜଣାପଡିଛି।
ରଣପୁର ଓଡ଼ିଶା ଗ୍ରାମ୍ୟବ୍ୟାଙ୍କରୁ ସଶସ୍ତ୍ର ଡକାୟତି: ୨୫୦ ପ୍ୟାକେଟ ସୁନା ସହ ନଗଦ ୮୦ ହଜାର ଲୁଟିନେଲେ
ନୟାଗଡ ଅଫିସ/ରଣପୁର,୬।୪(ସ୍ବ.ପ୍ର.):ନୟାଗଡ ଜିଲା ରଣପୁର ବ୍ଲକ ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ ଶାଖାରୁ ଶୁକ୍ରବାର ଅପରାହ୍ନ ସାଢ଼େ ୧ଟା ସମୟରେ ସଶସ୍ତ୍ର ଡକାୟତି ହୋଇଛି। ୬ଜଣ ଡକାୟତ ୨ଟି ମୋଟରସାଇକେଲରେ ଆସି ବ୍ୟାଙ୍କରେ ପଶିଥିଲେ। ପ୍ରଥମେ ସେମାନେ ପିଅନକୁ ମାଡ ମାରି ଆହତ କରିବା ସହ ୨୫୦ ପ୍ୟାକେଟ ସୁନା, ନଗଦ ୮୦ହଜାର ଟଙ୍କା ନେବା ସହ ବ୍ୟାଙ୍କ ମ୍ୟାନେଜର, କ୍ୟାଶିୟରଙ୍କ ତିନୋଟି ମୋବାଇଲ ଏବଂ ବ୍ୟାଙ୍କ ସମସ୍ତ କର୍ମଚାରୀଙ୍କୁ ଗୋଟିଏ ଘରେ ଚାବି ପକାଇ ଫେରାର ହୋଇଯାଇଛନ୍ତି।
ଭିଜିଲାନ୍ସ ଜାଲରେ ସେସୁ ଜେଇ
ରରଣପୁର, ୬।୪(ସ୍ବ.ପ୍ର.): ନୟାଗଡ ଜିଲା ରଣପୁର ସେସୁ ବିଦ୍ୟୁତ୍ ବିଭାଗରେ କାର୍ଯ୍ୟରତ ଜେଇ ସ୍ବାଧିନ କୁମାର ସାହୁ ଶୁକ୍ରବାର ଭିଜିଲାନ୍ସ ଜାଲରେ ଧରାପଡିଛନ୍ତି। ସ୍ବାଧୀନ ଏକ ଏୟାରଟେଲ ଟାଓ୍ବାରରେ ବିଦ୍ୟୁତ୍ ସଂଯୋଗ କରିବା ପାଇଁ ଏୟାରଟେଲର ସୁପରଭାଇଜରଙ୍କଠାରୁ ୨ହଜାର ଟଙ୍କା ଲାଞ୍ଚ ନେଉଥିବା ବେଳେ ଖୋର୍ଦ୍ଧା-ନୟାଗଡ ଭିଜିଲାନ୍ସ ଅଧିକାରୀ କାର୍ଯ୍ୟାଳୟରେ ପହଞ୍ଚି ତାଙ୍କୁ ଗିରଫ କରିଛନ୍ତି।
ବିଦ୍ୟାଳୟ ନ ଛାଡ଼ିବାକୁ ଅଭିଭାବକଙ୍କ ଚେତାବନୀ
ବିଞ୍ଝାରପୁର,୫।୪(ଡି.ଏନ.ଏ.) ବିଞ୍ଝାରପୁର ବ୍ଲକ ଘଣ୍ଟିଆଳି ପଞ୍ଚାୟତର କାଣ୍ଡିସାହି ପ୍ରାଥମିକ ବିଦ୍ୟାଳୟରେ ଶିକ୍ଷକ ନ ଥିବାରୁ ଛାତ୍ରୀଛାତ୍ର ବିଦ୍ୟାଳୟ ଛାଡିବେ ବୋଲି ଅଭିଭାବକ ଚେତାବନୀ ଦେଇଛନ୍ତି। ସୂଚନାନୁଯାୟୀ, ଉକ୍ତ ଅଞ୍ଚଳରେ ପ୍ରାଥମିକ ଶିକ୍ଷା ପାଇଁ ସ୍ଥାନୀୟ ଗ୍ରାମବାସୀଙ୍କ ଉଦ୍ୟମରେ ୧୯୪୫ରେ ଏକ ବିଦ୍ୟାଳୟ ପ୍ରତିଷ୍ଠା ହୋଇଥିଲା। ୭୩ ବର୍ଷର ଏହି ପ୍ରାଥମିକ ବିଦ୍ୟାଳୟରେ ମାତ୍ର ଜଣେ ଶିକ୍ଷକ ଶିକ୍ଷାଦାନ କରୁଥିଲେ। ଶ୍ରେଣୀଗୃହ ନ ଥିବାରୁ ଛାତ୍ରୀଛାତ୍ର ଆଞ୍ଚଳିକ ସାଧନ କେନ୍ଦ୍ରର ସଂଯୋଜକ(ସିଆରସିସି)ଙ୍କ କାର୍ଯ୍ୟାଳୟରେ ପାଠ ପଢୁଥିତ୍ବା ଦେଖିବାକୁ ମିଳିଛି।
ଚେକ୍ଡ୍ୟାମ ସ୍ଥାୟିତ୍ୱକୁ ନେଇ ଆଶଙ୍କା
ଡୁବୁରୀ,୫।୪( ଡି.ଏନ୍.ଏ.)- ଗଣ୍ଡାନାଳ ଦେଇ ବୋହି ଯାଉଥିବା ପାଣିକୁ କୃଷି ଓ ଅନ୍ୟାନ୍ୟ କାର୍ଯ୍ୟରେ ବିନିଯୋଗ କରିବା ପାଇଁ ଚେକ୍ଡ୍ୟାମ୍ ନିର୍ମାଣ ହୋଇଛି। ତେବେ ପ୍ରାୟ ୪୨ ଲକ୍ଷ ଟଙ୍କା ବ୍ୟୟ ଅଟକଳରେ ନିର୍ମାଣ ହୋଇଥିବା ୨ଟି ଚେକ୍ଡ୍ୟାମ୍ର ସ୍ଥାୟିତ୍ୱ ନେଇ ଏବେ ଆଶଙ୍କା ସୃଷ୍ଟି ହୋଇଛି।
କ୍ଷୁଦ୍ର ଜଳସେଚନ କେନାଲ କଂକ୍ରିଟ କାର୍ଯ୍ୟରେ ଦୁର୍ନୀତି
ସୁକିନ୍ଦା,୫।୪(ଡି.ଏନ.ଏ.) ସୁକିନ୍ଦା ବ୍ଲକ ଅନ୍ତର୍ଗତ ଦୁଧୂଯୋରୀ ପଞ୍ଚାୟତର ଦାମୋଦରପୁର ଗ୍ରାମରେ ଚାଲିଥିବା କ୍ଷୁଦ୍ର ଜଳସେଚନ ବିଭାଗର କେନାଲ କଂକ୍ରିଟ କାର୍ଯ୍ୟରେ ବ୍ୟପକ ଦୁର୍ନୀତି ହେଉଥିବା ପରିଲକ୍ଷିତ ହୋଇଛି। କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଥିବା ବେଳେ ଉକ୍ତ କାର୍ଯ୍ୟ ସମ୍ପାଦନ ସମୟରେ ସେଠାରେ କୌଣସି ବିଭାଗୀୟ ଯନ୍ତ୍ରୀଙ୍କ ଉପସ୍ଥିତି ଦେଖିବାକୁ ମିଳି ନ ଥିଲା। ଏହି କାରଣରୁ କାର୍ଯ୍ୟରେ ସମ୍ପୃକ୍ତ ଠିକାଦାର ବ୍ୟାପକ ଦୁର୍ନୀତି କରିବାର ସୁବର୍ଣ୍ଣ ସୁଯୋଗ ପାଇଥିବା ଜଣାପଡିଛି। ପ୍ରକାଶ ଯେ, କ୍ଷୁଦ୍ର ଜଳସେଚନ ବିଭାଗ ଦ୍ୱାରା ପୂର୍ବରୁ ନିର୍ମିତ କେନାଲଗୁଡିକ ବିନା ସିମେଣ୍ଟ କଂକ୍ରିଟରେ ହୋଇଥିଲା। ଫଳରେ ସେଗୁଡିକର ଅନେକ ସ୍ଥାନରେ ମରାମତି ଆବଶ୍ୟକ ହୋଇଥିଲା।
ନକ୍ସାରେ ସୀମିତ କେଏନ୍ଡିଏର ବିକାଶ
ଯାଜପୁର ଅଫିସ,୫।୪ କଳିଙ୍ଗ ନଗର ଉନ୍ନୟନ ପ୍ରାଧିକରଣ (କେଏନ୍ଡିଏ)ର ବିକାଶ ଯୋଜନାରେ ମନ୍ଥରତା ସହରବାସୀଙ୍କୁ ବ୍ୟଥିତ କରିଛି। ସରକାରଙ୍କ ଦ୍ୱାରା କଳିଙ୍ଗନଗର ସହରର ବିକାଶ ପାଇଁ ପ୍ରସ୍ତୁତ କନମ୍ପ୍ରେହେନସିଭ ଡେଭଲପମେଣ୍ଟ ପ୍ଲାନ (ସିଡିପି) ଅନୁମୋଦିତ ହେବାର ଅଢେଇ ବର୍ଷ ଅତିକ୍ରାନ୍ତ ହୋଇସାରିଥିଲେ ହେଁ ତାହା କେବଳ ନକ୍ସାରେ ସୀମିତ ରହିଛି। ଇତିମଧ୍ୟରେ ସିଡିପି ସଂକ୍ରାନ୍ତରେ ପ୍ରଥମ କ୍ଷମତାସମ୍ପନ୍ନ(ଏମ୍ପାୱାର) କମିଟି ବୈଠକ ଅନୁଷ୍ଠିତ ହୋଇଯାଇଛି। ବୈଠକର ବିବରଣୀକୁ ନେଇ ଗୃହ ଓ ନଗର ଉନ୍ନୟନ ବିଭାଗର ଯୁଗ୍ମସଚିବ ତାଙ୍କ ପତ୍ରସଂଖ୍ୟା ୮୪୪୧/୩ା୪ା୨୦୧୮ରେ ସମ୍ପୃକ୍ତ ବିଭାଗଙ୍କୁ ସୂଚିତ କରିବା ସହିତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି। ବୈଠକରେ କେଏନ୍ଡିଏସ୍ତରୀୟ ସମନ୍ବୟ କମିଟି ଓ ଉପଦେଷ୍ଟା କମିଟି ଗଠନ କରିବା ସହିତ ସିଡିପି ଭିତ୍ତିଭୂମି ଉନ୍ନୟନ ପାଣ୍ଠି (ସିଆଇଡିଏଫ) ପାଇଁ ସ୍ବତନ୍ତ୍ର ବ୍ୟାଙ୍କ ଖାତା ଖୋଲିବାକୁ ଦୃଢୋକ୍ତି ପ୍ରକାଶ ପାଇଛି।
ସେସୁର ଦାୟିତ୍ୱହୀନତା: ବିଦ୍ୟୁତ ଆଘାତରେ ୨ ମଇଁଷି ମୃତ
ପାରାଦୀପ, ୫।୪(ସ୍ବ.ପ୍ର.): ପାରାଦୀପର ଷଣ୍ଡକୁଦ ବସ୍ତିରେ ଗୁରୁବାର ବିଦ୍ୟୁତ୍ ଆଘାତରେ ଦୁଇଟି ମଇଁଷିଙ୍କର ମୃତ୍ୟୁ ଘଟିଛି। ସେହିଭଳି ଅନ୍ୟ ୧୫ ମଇଁଷି ଓ ୪ଜଣ ମଇଁଷିଆଳ ବିଦ୍ୟୁତ ଆଘାତ ପାଇଥିଲେ ହେଁ ଅଳ୍ପକେ ବର୍ତ୍ତିଯାଇଛନ୍ତି।
ଜାତୀୟ ନୌବାଣିଜ୍ୟ ଦିବସ ପାଳିତ
ପାରାଦୀପ, ୫।୪(ସ୍ବ.ପ୍ର.): ପାରାଦୀପ ପୋର୍ଟ ଟ୍ରଷ୍ଟ ପକ୍ଷରୁ ଗୁରୁବାର ୫୫ତମ ଜାତୀୟ ନୌବାଣିଜ୍ୟ ଦିବସ ପାଳିତ ହୋଇଯାଇଛି। ଏହି ଅବସରରେ ବନ୍ଦର ନିଷିଦ୍ଧାଞ୍ଚଳର ଓ୍ବେଟ ବେସିନ୍ଠାରେ ଏକ ଉତ୍ସବର ଆୟୋଜନ କରାଯାଇଥିଲା। ଏଥିରେ ବନ୍ଦର ଉପସଂରକ୍ଷକ କ୍ୟାପ୍ଟେନ ଅତୁଲ୍ୟ କୁମାର ମହାପାତ୍ର ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥିଭାବେ ଅଧ୍ୟକ୍ଷ ରିଙ୍କେଶ ରାୟ ଯୋଗଦେଇଥିଲେ।
ପଥର ଖାଦାନରେ ଟ୍ରାକ୍ଟର ଓଲଟି ଶ୍ରମିକ ମୃତ
ଯାଜପୁର ଅଫିସ/ଧର୍ମଶାଳା, ୫।୪(ଡି.ଏନ୍.ଏ.): ଧର୍ମଶାଳା ଥାନା ଅନ୍ତର୍ଗତ ବାଜବାଟୀ କଳାପଥର ୫ନଂ ଖାଦାନରେ ଗୁରୁବାର ସକାଳ ୮ଟାରେ ଏକ ଟ୍ରାକ୍ଟର ଓଲଟି ପଡିବାରୁ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ସେ ହେଲେ ଚିତ୍ରକୂଳ ଗ୍ରାମର ଦାସରଥି ଘଡାଇ(୩୨)। ଖବର ପାଇ ଧର୍ମଶାଳା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଯାଜପୁର ପଠାଇଛି ବୋଲି ଥାନାଧିକାରୀ ଉମାକାନ୍ତ ନାୟକ ସୂଚନା ଦେଇଛନ୍ତି।