ଉପକୂଳ ଓଡିଶା

ଡେରାବିଶରେ ଗଡ଼ିଲା ପରୀ ରଥ

ଡେରାବିଶରେ ଗଡ଼ିଲା ପରୀ ରଥ

ଡେରାବିଶ, ୬।୬(ସ୍ବ.ପ୍ର.)-ଶିଶୁ ନିର୍ଯାତନା ରୋକିବା ପାଇଁ ରାଜ୍ୟବ୍ୟପୀ ଚାଲିଥିବା ସଚେତନତା କାର୍ଯ୍ୟକ୍ରମ ‘ପରି ପାଇଁ କଥାଟିଏ’ ମଙ୍ଗଳବାରଠାରୁ କେନ୍ଦ୍ରାପଡ଼ା ଜିଲାରେ ଆରମ୍ଭ ହୋଇଛି।

ବିଶ୍ୱ ପରିବେଶ ଦିବସ ପାଳିତ

ବିଶ୍ୱ ପରିବେଶ ଦିବସ ପାଳିତ

ଡେରାବିଶ, ୬।୬ (ସ୍ବ.ପ୍ର.)-ଡେରାବିଶ ବ୍ଲକ ଖମୋଳ ପଞ୍ଚାୟତ ଡାଳିଜୀସ୍ଥିତ ଆଞ୍ଚଳିକ ଜନକଲ୍ୟାଣ ସମିତି ପକ୍ଷରୁ ସ୍ଥାନୀୟ ବାଗ୍‌ଦେବୀ ସଂସ୍କୃତ ମହାବିଦ୍ୟାଳୟଠାରେ ବିଶ୍ୱ ପରିବେଶ ଦିବସ ମଙ୍ଗଳବାର ପାଳିତ ହୋଇଯାଇଛି।

କୋରାଇରେ ଆବାସ ଯୋଜନା କାର୍ଯ୍ୟାଦେଶ ବଣ୍ଟନ

କୋରାଇରେ ଆବାସ ଯୋଜନା କାର୍ଯ୍ୟାଦେଶ ବଣ୍ଟନ

ଯାଜପୁରରୋଡ଼, ୬।୬ (ନି.ପ୍ର.)-କୋରାଇ ବ୍ଲକର ପାଣିକୋଇଲିଠାରେ ପ୍ରଧାନମନ୍ତ୍ରୀ ଆବାସ ଯୋଜନାର ୬୦ଜଣ ହିତାଧିକାରୀଙ୍କୁ କାର୍ଯ୍ୟାଦେଶ ବଣ୍ଟନ କରାଯାଇଛି।

ମାଛ ଧରିବା ବେଳେ କୁମ୍ଭୀର ଆକ୍ରମଣରେ ମତ୍ସଜୀବୀ ଆହତ

ମାଛ ଧରିବା ବେଳେ କୁମ୍ଭୀର ଆକ୍ରମଣରେ ମତ୍ସଜୀବୀ ଆହତ

ମହାକାଳପଡା,୬।୬(ଡି.ଏନ୍‌.ଏ.): କେନ୍ଦ୍ରାପଡା ଜିଲା ମହାକାଳପଡା ବ୍ଲକ ବତୀଘର ପଞ୍ଚାୟତର ବଡଟୁବି ଗ୍ରାମର କିନା ମଣ୍ଡଳ(୩୦) ବୁଧବାର କୁମ୍ଭୀର ଆକ୍ରମଣରେ ଆହତ ହୋଇଛନ୍ତି।

ଜୁଆ ଆଡ୍ଡା ଉପରେ ଚଢାଉ, ୬ ଗିରଫ

ଜୁଆ ଆଡ୍ଡା ଉପରେ ଚଢାଉ, ୬ ଗିରଫ

କୃଷ୍ଣପ୍ରସାଦ,୬ା୬(ଡି.ଏନ.ଏ.)- ରଜ ପର୍ବ ନିକଟ ହୋଇଆସୁଥିବା ବେଳେ ପୁରୀ ଜିଲା କୃଷ୍ଣପ୍ରସାଦ ବ୍ଲକର ଅଧିକାଂଶ ଗ୍ରାମରେ ଜୁଆଖେଳ ଜୋର ଧରିଛି ା କୃଷ୍ଣପ୍ରସାଦ ପୋଲିସ ମଙ୍ଗଳବାର ବିଶେଷ ସୂତ୍ରରୁ ଖବରପାଇ ଆଇଆଇସି ଦିଲୀପ କୁମାର ସ୍ବାଇଁଙ୍କ ନେତୃତ୍ୱରେ ଏକ ଟିମ୍‌ ବଜ୍ରକୋଟ ନିକଟ ବାଉଁଶ ଜଙ୍ଗଲ ଜୁଆ ଆଡ୍ଡା ଉପରେ ଚଢାଉ କରିଥିଲା। ଟିମ୍‌ ସେଠାରୁ ୬ଜଣଙ୍କୁ ଗିରଫ କରିଥିବାବେଳେ ସେମାନଙ୍କ ନିକଟରୁ ୧୩୫୦ଟଙ୍କା ଓ ଜୁଆ ସାମଗ୍ରୀ ଜବତ କରିଛି ା ଗିରଫମାନେ ହେଲେ ଭରତ ପାହାଣ, ପ୍ରକାଶ କାଣ୍ଡି, ଅକ୍ଷୟ ପାହାଣ, ବାନାମ୍ବର ପାହାଣ, ଶଙ୍କର ପାହାଣ ଓ ସନ୍ତୋଷ ପଣ୍ଡା। ସେମାନଙ୍କ ନାମରେ ଥାନାରେ ୩୪/୧୮ରେ ଏକ ମାମଲା ରୁଜୁ ହୋଇଛି। ବୁଧବାର ଏମାନଙ୍କୁ କୋର୍ଟ ଚାଲାଣ କରାଯିବ ବୋଲି ଆଇଆଇସି ସ୍ବାଇଁ କହିଛନ୍ତି।

ବୋଲଗଡ ବ୍ଲକ : ୧୪ ହଜାର ୪୫୦ ହେକ୍ଟର ଜମିରେ ହେବ ଧାନ ଚାଷ

ବୋଲଗଡ,୬ା୬(ଡି.ଏନ.ଏ.)-ସମ୍ପ୍ରତି ବୋଲଗଡ ବ୍ଲକ ଅଞ୍ଚଳରେ ବର୍ଷା ଆରମ୍ଭ ହୋଇଛି । ଏ ବର୍ଷ ମୌସୁମୀ ବର୍ଷା ଠିକ୍‌ ରହିବ ବୋଲି କୁହାଯାଉଥିବାରୁ ଚାଷୀ ମନରେ ଆଶା ସଞ୍ଚାର ହୋଇଛି ା ଏଥିନେଇ ଅଞ୍ଚଳର ପ୍ରାୟ ୧୮ ହଜାର ଚାଷୀ ପରିବାର ତପତ୍ର ହେଲେଣି । କୃଷି ବିଭାଗର ସୂଚନା ଅନୁସାରେ ବ୍ଲକରେ ଚଳିତବର୍ଷ ୧୪ହଜାର ୪୫୦ ହେକ୍ଟର ଜମିରେ ଧାନ ଚାଷ ହେବା ପାଇଁ ଲକ୍ଷ୍ୟ ରହିଛି । ବୋଲଗଡ କୃଷି କାର୍ଯ୍ୟାଳୟ ସୂତ୍ରରୁ ମିଳିଥିବା ତଥ୍ୟ ଅନୁଯାୟୀ ଗତବର୍ଷ ପ୍ରାୟ ୧୨ ହଜାର ହେକ୍ଟର ଜମିରେ ଅଧିକ ଅମଳକ୍ଷମ ଧାନ ଓ ୨ ହଜାର ହେକ୍ଟର ଜମିରେ ଦେଶୀ ଧାନ ଚାଷ ହୋଇଥିଲା । ଏବର୍ଷ ଅଧିକ ଜମିରେ ଅଧିକ ଅମଳକ୍ଷମ ଧାନ ଚାଷ କରାଯିବାକୁ ଲକ୍ଷ୍ୟ ରଖାଯାଇଛି। ବିଶେଷ କରି ଅଧିକ ଜମିରେ ରୁଆଧାନ ଚାଷ ପାଇଁ କୃଷି ବିଭାଗ ପକ୍ଷରୁ ଗୁରୁତ୍ୱ ଦିଆଯିବ । ସୂଚନାଯୋଗ୍ୟ ବ୍ଲକରେ ୩ ହଜାର ୩୧୬ ହେକ୍ଟର ଢିପ ଜମି, ୭ହଜାର ୧୯୭ ହେକ୍ଟର ମଧ୍ୟମ କିସମ ଓ ୪ହଜାର ୨୫୪ ହେକ୍ଟର ଖାଲୁଆ ଜମି ରହିଛି । ଖାଲୁଆ ଜମିଗୁଡିକରେ ଚାଷୀମାନେ ପ୍ରାୟତଃ ଧାନ ବୁଣାବୁଣି କରିଥାନ୍ତି। ପ୍ରାୟ ୧୪ହଜାର ହେକ୍ଟର ଜମିରେ ଧାନଚାଷ କରାଯିବା ପରେ ବଳକା ଜମିରେ ଅଣଧାନ ଚାଷ ଯଥା ମକା, ବରୁଗୁଡି, ବର୍ଷାଦିନିଆ ମୁଗ, ବିରି, ଆଖୁ ଓ ଅନ୍ୟାନ୍ୟ ପନିପରିବା ଫସଲ କାରଯିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି ା ଧାନଚାଷ ପାଇଁ ଆବଶ୍ୟକ ପରିମାଣର ବିହନ ଚାଷୀମାନଙ୍କୁ ଯୋଗାଇବା ପାଇଁ ବିଭାଗ ପକ୍ଷରୁ ଚେଷ୍ଟା ଜାରି ରହିଥିବା ପିଚୁକୁଳି ସହକାରୀ କୃଷି ଅଧିକାରୀ ସୀତା ରନତ୍ମାଳା ଦାସ କହିଛନ୍ତି।

ଅର୍ଥାଭାବ: ଛାତ୍ରୀଙ୍କ ପାଠ ପଢାରେ ଡୋରି ବନ୍ଧା ହେବ

ଭାପୁର,୬ା୬(ଡି.ଏନ୍‌.ଏ.)- ଅର୍ଥାଭାବରୁ ମାଟ୍ରିକ ପରୀକ୍ଷାରେ ଏ-୧ ଗ୍ରେଡ ପାଇଥିବା ଜଣେ ମେଧାବୀ ଛାତ୍ରୀଙ୍କ ପାଠପଢାରେ ଡୋରି ବନ୍ଧା ହେବ। ଫଳରେ ଭବିଷ୍ୟତରେ ଆଇଏଏସ୍‌ ଅଫିସର ହେବାର ସ୍ବପ୍ନ ଦେଖୁଥିବା ଛାତ୍ରୀଙ୍କ ଭବିଷ୍ୟତ ଅନ୍ଧାର ହେବାକୁ ଯାଉଛି। ଏଭଳି ଏକ ଘଟଣା ଭାପୁର ବ୍ଲକ ଅଞ୍ଚଳରେ ଦେଖିବାକୁ ମିଳିଛି। ଶାଳପଡ଼ା ପଞ୍ଚାୟତ ମିଟୁଆଣି ଗ୍ରାମର ସନ୍ତୋଷ କୁମାର ପଣ୍ଡାଙ୍କ ଝିଅ ଜ୍ୟୋତିର୍ମୟୀ କବିରାଜ ବୈଦ୍ୟନାଥ ଉଚ୍ଚ ବିଦ୍ୟାଳୟର ଛାତ୍ରୀ ଥିବାବେଳେ ମାଟ୍ରିକ ପରୀକ୍ଷାରେ ୫୪୫ ନମ୍ବର ରଖି ଏ-୧ ଗ୍ରେଡ ହାସଲ କରିଥିଲେ। ମୂଲ ଲାଗି ପରିବାର ଚଳାଉଥିବା ବାପା ଝିଅକୁ ଭଲ କଲେଜରେ ବିଜ୍ଞାନ ବିଭାଗରେ ପଢାଇବା ଅସମ୍ଭବ ହୋଇପଡିଛି। ବଦାନ୍ୟ ବ୍ୟକ୍ତି ବା ଅନୁଷ୍ଠାନ ଏଥିପାଇଁ ସାହାଯ୍ୟ କିଲେ କିମ୍ବା ସରକାରୀ ପ୍ରୋତ୍ସାହନ ମିଳିଲେ ଛାତ୍ରୀଙ୍କ ସ୍ବପ୍ନ ସାକାର ହେବ ବୋଲି ବୁଦ୍ଧିଜୀବୀମାନେ କହିଛନ୍ତି।

ଷ୍ଟାଡିୟମରେ ନିର୍ମାଣ ହେବ ଖୋଲା ବ୍ୟାୟାମ ଶାଳା

ଓଡ଼ଗଁା, ୬ା୬(ସ୍ବ.ପ୍ର.)- ଓଡ଼ଗାଁ ମିନି ଷ୍ଟାଡିୟମ ପରିସରରେ ଏକ ଓପନ୍‌ ଜିମ୍‌ (ଖୋଲା ବ୍ୟାୟାମ ଶାଳା) ସହିତ ଶୌଚାଳୟ ନର୍ମାଣ ନିମନ୍ତେ ଟେଣ୍ଡର ଆହ୍ବାନ କରାଯାଇଥିବା ଜଣାଯାଇଛି ା ଓପନ୍‌ ଜିମ୍‌ରେ ସର୍ବସାଧାରଣଙ୍କ ଦୈନିକ ବ୍ୟାୟାମ ନିମନ୍ତେ କେତେକ ଆନୁଷଙ୍ଗିକ ଉପକରଣ ସହ ଓପନ୍‌ ଜିମ୍‌ ଓ ଶୌଚାଳୟ ନିମନ୍ତେ ରାଜ୍ୟ କ୍ରୀଡା ଓ ଯୁବ ସେବା ବିଭାଗ ଆନୁକୂଲ୍ୟରେ ୧୫ ଲକ୍ଷ ଟଙ୍କା ଅନୁଦାନ ମଞ୍ଜୁର ହୋଇଥିବା ଜିଲା କ୍ରୀଡା ଅଧିକାରୀଙ୍କ କାର୍ଯ୍ୟାଳୟ ତଥା ବ୍ଲକ କାର୍ଯ୍ୟାଳୟ ତରଫରୁ ସୂଚନା ମିଳିଛି ା

ଦଶପଲ୍ଲାରେ ଗଡିଲା ପରୀ ରଥ

ଦଶପଲ୍ଲାରେ ଗଡିଲା ପରୀ ରଥ

ଦଶପଲ୍ଲା,୬ା୬(ଡି.ଏନ.ଏ.)- ମଙ୍ଗଳବାର ଦଶପଲ୍ଲାରେ ପରୀ ରଥ ପହଞ୍ଚତ୍ବା ପରେ ବିପୁଳ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା। ସ୍ଥାନୀୟ ତ୍ରିନାଥ ବଜାରଠାରୁ ଏକ ଶୋଭାଯାତ୍ରା ବାହାରି ନଗର ପରିକ୍ରମା କରି ଗାନ୍ଧୀ ପଡିଆ ପର୍ଯ୍ୟନ୍ତ ଯାଇଥିଲା। ସେଠାରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ଏଥିରେ ନୟାଗଡ ଏସ୍‌ପି ଆଶିଷ କୁମାର ସିଂ, ଅତିରିକ୍ତ ଏସ୍‌ପି ଦିଲୀପ କୁମାର ସାହାଣୀ, ନୟାଗଡ ଏସଡିପିଓ ଜୟରାମ ଶତପଥୀ, ଦଶପଲ୍ଲା ଥାନା ଆଇଆଇସି ବିଶ୍ୱଜିତ୍‌ ରାଉତରାୟ, ସ୍ଥାନୀୟ ବିଧାୟକ ପୂର୍ଣ୍ଣଚନ୍ଦ୍ର ନାୟକ, ବ୍ଲକ ଅଧ୍ୟକ୍ଷା ସୁନନ୍ଦା ସାହୁ, ଏନ୍‌ଏସି ଅଧ୍ୟକ୍ଷା ବବିତା ସାହୁଙ୍କ ସମେତ ଅଙ୍ଗନଓ୍ବାଡି କର୍ମୀ ଓ ବହୁ ଜନସାଧାରଣ ଯୋଗଦାନ କରିଥିଲେ ା ଶିଶୁ ଯୌନ ନିର୍ଯାତନା କିଭଳି ରୋକାଯାଇପାରିବ ସେଥିପାଇଁ ଜନସଚେତନା ନିମନ୍ତେ ବକ୍ତାମାନେ ମତ ଦେଇଥିଲେ। ପରେ ପ୍ରସଙ୍ଗ ଆଧାରିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ା ପରୀ ରଥ ବୁଧବାର ଟାକେରା ଓ ବାଣିଗୋଛା ଅଞ୍ଚଳ ଭ୍ରମଣ କରିବବୋଲି ଜଣାପଡିଛି।

ଖୋ ଖୋ ଖେଳାଳି ମନୋନୟନ ୮ରେ

ନୟାଗଡ଼ ଅଫିସ,୬ା୬- ଆସନ୍ତା ୮ ତାରିଖରେ ନୟାଗଡ଼ ଜିଲା ଆଥ୍‌ଲେଟିକ ଆସୋସିଏଶନ ଆନୁକୂଲ୍ୟରେ ଜିଲାସ୍ତରୀୟ ଖୋ ଖୋ ଖେଳାଳି ମନୋନୟନ କାର୍ଯ୍ୟକ୍ରମ ଅନୁଷ୍ଠିତ ହେବ। ସହରସ୍ଥିତ ବ୍ରଜେନ୍ଦ୍ର ହାଇସ୍କୁଲ ଖେଳପଡିଆଠାରେ ସକାଳ ୬ଟା ୩୦ ମିନିଟ ସମୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଆସୋସିଏଶନ ସମ୍ପାଦକ ରବି ନାରାୟଣ ପ୍ରଧାନ ଜଣାଇଛନ୍ତି। ଏଠାରେ ମନୋନୀତ ଖେଳାଳିମାନେ ଜିଲା ତରଫରୁ ଆଗାମୀ ଦିନରେ ରାଜ୍ୟ ପ୍ରତିଯୋଗିତାରେ ଅଂଶଗ୍ରହଣ କରିବେ।

ଯୋଗଦେଲେ ନୂତନ ଡିଇଓ

ନୟାଗଡ଼ ଅଫିସ,୬ା୬- ୪ମାସ ଖାଲି ରହିବା ପରେ ମଙ୍ଗଳବାର ନୟାଗଡ଼ରେ ନୂତନ ଜିଲା ଶିକ୍ଷା ଅଧିକାରୀ (ଡିଇଓ) ଭାବେ ଅଭୟ କୁମାର ମଲ୍ଲିକ କାର୍ଯ୍ୟରେ ଯୋଗଦେଇଛନ୍ତି। ମଲ୍ଲିକ ପୂର୍ବରୁ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟର ଉପନିର୍ଦ୍ଦେଶକ ଭାବେ କାର୍ଯ୍ୟରତ ଥିଲେ। କାର୍ଯ୍ୟରେ ଯୋଗଦେବା ପରେ ଜିଲାର ବିଭିନ୍ନ ବିଦ୍ୟାଳୟର ପ୍ରଧାନ ଶିକ୍ଷକଙ୍କ ତରଫରୁ ତାଙ୍କୁ ସମ୍ବର୍ଦ୍ଧନା ଦିଆଯାଇଥିଲା। ଏହି ଅବସରରେ ଜିଲାରେ କିପରି ଶିକ୍ଷାର ଉନ୍ନତି କରାଯିବ ସେ ଦିଗରେ ଡିଇଓ ନିଜର ମତ ରଖିଥିଲେ। ପ୍ରକାଶ ଯେ, ଜାନୁୟାରୀ ୨୭ ତାରିଖରେ ଜିଲା ଶିକ୍ଷା ଅଧିକାରିଣୀ ସୁପ୍ରିୟା ମଲ୍ଲିକଙ୍କ ବଦଳି ହୋଇଥିଲା। ବିଦ୍ୟାଳୟ ଓ ଗଣିଶିକ୍ଷା ବିଭାଗ ତରଫରୁ ମଲ୍ଲିକଙ୍କୁ ବଲାଙ୍ଗୀର ଜିଲା ଡିଆଇଇଟି (ଡିଷ୍ଟ୍ରିକ୍ଟ ଇନଷ୍ଟିଚ୍ୟୁଟ ଅଫ ଏଜୁକେସନ୍‌ ଆଣ୍ଡ ଟ୍ରେନିଂ)ର ଅଧ୍ୟକ୍ଷା ଭାବେ ବଦଳି କରାଯାଇଥିଲା। ତାଙ୍କ ସ୍ଥାନରେ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟର ଉପନିର୍ଦ୍ଦେଶକ ସ୍ନେହମୟୀ ସେନାପତିଙ୍କୁ ନିଯୁକ୍ତି ଦିଆଯାଇଥିଲା। ହେଲେ ୪ମାସ ବିତିଯାଇଥିଲେ ମଧ୍ୟ ସେ କାର୍ଯ୍ୟରେ ଯୋଗଦାନ କରି ନ ଥିଲେ।

ଭିନ୍ନକ୍ଷମ ଯୁବତୀଙ୍କୁ ବଳାତ୍କାର :ଅଭିଯୁକ୍ତ ଫେରାର, ଥାନାରେ ମାମଲା

ଭିନ୍ନକ୍ଷମ ଯୁବତୀଙ୍କୁ ବଳାତ୍କାର :ଅଭିଯୁକ୍ତ ଫେରାର, ଥାନାରେ ମାମଲା

ରଣପୁର,୬ା୬(ସ୍ବ.ପ୍ର.)- ନାବାଳିକା ଓ ମହିଳାଙ୍କ କ୍ଷେତ୍ରରେ ଘଟୁଥିବା ଅପରାଧ, ହିଂସାକାଣ୍ଡକୁ ପ୍ରତିହିତ କରିବା ପାଇଁ ପୋଲିସ ବିଭାଗ ତରଫରୁ ବୁଲାଯାଉଛି ପରୀ ରଥ। ହେଲେ ଏଥିରେ ଲୋକଙ୍କ ମାନସିକତାର କୌଣସି ପରିବର୍ତ୍ତନ ଦେଖିବାକୁ ମିଳୁନାହିଁ। ନୟାଗଡ଼ ଜିଲା ଚାନ୍ଦପୁର ଅଞ୍ଚଳରେ ସୋମବାର ଜଣେ ବାଳିକାଙ୍କୁ ବଳାକତ୍ାର କରାଯାଇଥିବାବେଳେ ମଙ୍ଗଳବାର ସମାନ ଏକ ଘଟଣା ଦେଖିବାକୁ ମିଳିଛି। ଜଣେ ଭିନ୍ନକ୍ଷମ ଯୁବତୀଙ୍କୁ ଜୋର ଜବରଦସ୍ତ ରାସ୍ତାରୁ ଉଠାଇନେଇ ବଳାତ୍କାର କରାଯାଇଛି। ଚାନ୍ଦପୁର ଥାନା ଜଙ୍କିଆ ପଞ୍ଚାୟତ ଅଞ୍ଚଳରେ ଏଭଳି ଘଟଣା ଘଟିଛି। ଏ ନେଇ ଯୁବତୀଙ୍କ ମାଆ ଚାନ୍ଦପୁର ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଦଫା ୩୭୬ ଓ କେସ ନଂ. ୬୩/୧୮ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଯୁବତୀଙ୍କୁ ଡାକ୍ତରୀ ମାଇନା ପାଇଁ ପୋଲିସ ରଣପୁର ସରକାରୀ ଡାକ୍ତରଖାନାକୁ ପଠାଇଛି ା

୫ମ ଦିବସରେ ଗ୍ରାଉଣ୍ଡ ଶଟ୍‌ କ୍ରିକେଟ ଟୁର୍ନାମେଣ୍ଟ :୧୪ ରନ୍‌ରେ ହାପି କ୍ଲବ ବିଜୟୀ

୫ମ ଦିବସରେ ଗ୍ରାଉଣ୍ଡ ଶଟ୍‌ କ୍ରିକେଟ ଟୁର୍ନାମେଣ୍ଟ :୧୪ ରନ୍‌ରେ ହାପି କ୍ଲବ ବିଜୟୀ

ନୟାଗଡ଼ ଅଫିସ,୬ା୬- ନୟାଗଡ ପୁରୁଣା ସହରଠାରେ ଜଗନ୍ନାଥ କ୍ରିକେଟ କ୍ଲବ ଆନୁକୂଲ୍ୟରେ ଗ୍ରାଉଣ୍ଡ ଶଟ୍‌ କ୍ରିକେଟ ଟୁର୍ନାମେଣ୍ଟ ଚାଲୁରହିଛି। ମଙ୍ଗଳବାର ପଞ୍ଚମ ଦିବସରେ ହାପି କ୍ଲବ ଓ ସ୍ମାର୍ଟ ଇଲେଭେନ ଦଳ ମଧ୍ୟରେ ମ୍ୟାଚ୍‌ ଅନୁଷ୍ଠିତ ହୋଇଥିଲା। ଏଥିରେ ହାପି କ୍ଲବ ବିଜୟୀ ହୋଇଥିଲା। ଟସ୍‌ ଜିତି ହାପି କ୍ଲବ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର୍‌ରେ ୫ ଉଇକେଟ ବିନିମୟରେ ୭୧ ରନ୍‌ ସଂଗ୍ରହ କରିଥିଲା ା ଜବାବରେ ସ୍ମାର୍ଟ ଇଲେଭେନ୍‌ ଟିମ୍‌ ୧୦ ଓଭରରେ ୫ ଉଇକେଟ ହରାଇ ମାତ୍ର ୫୭ ରନ ସଂଗ୍ରହ କରିଥିଲା। ଫଳରେ ହାପି କ୍ଲବ ୧୪ ରନ୍‌ରେ ବିଜୟୀ ହୋଇଥିଲା। ଦୀପକ କୁମାର ଜେନା ମ୍ୟାନ ଅଫ ଦି ମ୍ୟାଚ୍‌ ବିବେଚିତ ହୋଇଥିଲେ। ଶୈଳେନ୍ଦୁ ପଟ୍ଟନାୟକ ଓ ଚନ୍ଦ୍ରକାନ୍ତ ସାହୁ ଖେଳ ପରିଚାଳନା କରିଥିଲା। ଆୟୋଜକ କ୍ଲବ୍‌ର ସମସ୍ତ ସଦସ୍ୟ ସହଯୋଗ କରିଥିଲେ।

ନିମ୍ନମାନର ଛତୁଆ ଯୋଗାଣ:ଡିଡବ୍ଲ୍ୟୁଓଙ୍କୁ ଅଭିଯୋଗ କଲେ ହିତାଧିକାରୀ

ନିମ୍ନମାନର ଛତୁଆ ଯୋଗାଣ:ଡିଡବ୍ଲ୍ୟୁଓଙ୍କୁ ଅଭିଯୋଗ କଲେ ହିତାଧିକାରୀ

ନୟାଗଡ଼ ଅଫିସ,୬ା୬- ନୟାଗଡ଼ ଜିଲା ନୂଆଗାଁ ବ୍ଲକର ହିତାଧିକାରୀଙ୍କୁ ନିମ୍ନମାନର ଛତୁଆ ଯୋଗାଣ ହେଉଥିବା ଅଭିଯୋଗ ହୋଇଛି। ନୂଆଗାଁ ପଞ୍ଚାୟତର ସରପଞ୍ଚଙ୍କ ସହ ହିତାଧିକାରୀମାନେ ମଙ୍ଗଳବାର ଜିଲା ସମାଜ ମଙ୍ଗଳ ଅଧିକାରୀ (ଡିଡବ୍ଲ୍ୟୁଓ)ଙ୍କୁ ଏହି ଅଭିଯୋଗ କରି ପଦକ୍ଷେପ ନେବାକୁ ଦାବି କରିଛନ୍ତି। ସେମାନଙ୍କ ଅଭିଯୋଗ ଅନୁଯାୟୀ, ଦିନେ କି ଦୁଇଦିନ ନୁହେଁ ୪ମାସ ହେଲା ଏଭଳି ଛତୁଆ ବଣ୍ଟନ ହେଉଛି। ଯୋଗାଣ ହେଉଥିବା ଛତୁଆରୁ କଳା ବାଲି, ଚୋକଡ଼, ଗହମ ଡାଙ୍ଗ ବାହାରୁଛି। ଏ ନେଇ ବାରମ୍ବାର ନୂଆଗାଁ ସିଡ଼ିପିଓଙ୍କଠାରେ ଅଭିଯୋଗ କଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହେଉନାହିଁ। ଥରକରେ ମାସଯାକର୨ ପ୍ୟାକେଟ ଛତୁଆ ବଣ୍ଟନ କରାଯାଉଛି। ଏହି ଛତୁଆ ଦଶପଲ୍ଲା ବ୍ଲକ ଅଞ୍ଚଳରେ ପ୍ରସ୍ତୁତ ହେଉଥିଲେ ମଧ୍ୟ ସେଠାକୁ କୌଣସି ଅଧିକାରୀ ତଦାରଖ ପାଇଁ ଯାଉନାହାନ୍ତି। ଫଳରେ ଉକ୍ତ ଛତୁଆକୁ ଖାଇ ଗର୍ଭବତୀ ବା କୋମଳମତି ଶିଶୁମାନଙ୍କ ସ୍ବାସ୍ଥ୍ୟ ଖରାପ ହେବା ଆଶଙ୍କା ରହିଛି।

ନୟାଗଡ଼ ପୋଲିସ ଟ୍ରେନିଂ ସ୍କୁଲ:ବର୍ଷେ ହେଲା ଆସିନାହାନ୍ତି ପିଲା

ନୟାଗଡ଼ ପୋଲିସ ଟ୍ରେନିଂ ସ୍କୁଲ:ବର୍ଷେ ହେଲା ଆସିନାହାନ୍ତି ପିଲା

ନୟାଗଡ଼ ଅଫିସ,୬ା୬- ନୟାଗଡ଼ କଲେଜ ନିକଟରେ ଥିବା ପିଟିଏସ୍‌ (ପୋଲିସ ଟ୍ରେନିଂ ସ୍କୁଲ)କୁ ବର୍ଷେ ହେଲା ତାଲିମ ନେବା ପାଇଁ ପିଲାମାନେ ଆସି ନାହାନ୍ତି। ରାଜ୍ୟର ଏହା ଏକ ପୁରାତନ ଟ୍ରେନିଂ ସ୍କୁଲ ହୋଇଥିବାବେଳେ ତାଲିମ ପାଇଁ ଏଠାକୁ ପିଲା ନ ଆସିବା ଘଟଣା ରାଜ୍ୟ ସରକାରଙ୍କ କାର୍ଯ୍ୟଦକ୍ଷତା ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି। ଏଭଳି ସ୍ଥିତିରେ ଏଠାରେ କାର୍ଯ୍ୟରତ କର୍ମଚାରୀ ବସି ରହି ଦରମା ନେଉଥିବାରୁ ସରକାରୀ ରାଜକୋଷରୁ ଟଙ୍କା ଅପଚୟ ହେବା ସାର ହେଉଥିବା ଜିଲାବ୍ୟାପୀ ଚର୍ଚ୍ଚା ହେଉଛି। ଖାଲି ସେତିକି ନୁହେଁ, ୨ବର୍ଷ ହେଲା ଏହି ସ୍କୁଲର କେହି ଅଧ୍ୟକ୍ଷ ନାହାନ୍ତି। ୩ ଜୁଲାଇ ୨୦୧୬ରେ ଟ୍ରେନିଂ ସ୍କୁଲର ଅଧ୍ୟକ୍ଷ ବିନୋଦ ଦାସ ମେସ୍‌ ମ୍ୟାନେଜର ଦାୟିତ୍ୱରେ ଥିବା ଏଏସ୍‌ଆଇ ରାମକୃଷ୍ଣ ଶତପଥୀଙ୍କଠାରୁ ୭୫ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ। ଏହା ପରଠାରୁ ଅଧ୍ୟକ୍ଷ ପଦବୀ ଖାଲିପଡ଼ିଛି। ଜିଲା ଆରକ୍ଷୀ ଅଧୀକ୍ଷକ (ଏସ୍‌ପି) ଏହି ଦାୟିତ୍ୱରେ ଅଛନ୍ତି। ଏସ୍‌ପି ନିଜ କାର୍ଯ୍ୟରେ ବ୍ୟସ୍ତ ରହୁଥିବା ହେତୁ ସ୍କୁଲର କର୍ମଚାରୀମାନେ ମନଇଚ୍ଛା କାର୍ଯ୍ୟ କରୁଥିବା ଭଳି ଗୁରୁତର ଅଭିଯୋଗ ହେଉଛି। ଅନ୍ୟପଟେ ପିଟିଏସ୍‌କୁ ଭରସା କରି ଆଖପାଖ ଅଞ୍ଚଳରେ କେତେକ ଦୋକାନ ଖୋଲିଥିଲା। ବ୍ୟବସାୟୀମାନେ ଏଥିରୁ ସେମାନଙ୍କ ଗୁଜୁରାଣ ମେଣ୍ଟାଉଥିଲେ। ହେଲେ ତାଲିମ ପାଇଁ ପିଲା ଆସୁ ନ ଥିବାରୁ ବର୍ତ୍ତମାନ ସେହିସବୁ ଦୋକାନଗୁଡ଼ିକ ବନ୍ଦ ହୋଇଗଲାଣି।

୨ଟି ଉଠାଜଳସେଚନ ପ୍ରକଳ୍ପ ଅଚଳ

ଖଣ୍ଡପଡା,୬ା୬(ସ୍ବ.ପ୍ର.)-ଖଣ୍ଡପଡା ସହର ନିକଟସ୍ଥ ସୁନାମୁହିଁ ନଦୀପଠାର ଉଭୟ ପାର୍ଶ୍ୱରେ ଥିବା ୨ଟି ଉଠାଜଳସେଚନ ପ୍ରକଳ୍ପ ଗତ ୫ ବର୍ଷ ଧରି ସମ୍ପୂର୍ଣ୍ଣ ଅଚଳ ଅବସ୍ଥାରେ ପଡିରହିଛି ା ଫଳରେ ଏ ନେଇ ସ୍ଥାନୀୟ ଅଞ୍ଚଳର ଚାଷୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି ାଉଠାଜଳସେଚନ ବିଭାଗ କନିଷ୍ଠଯନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଲକ୍ଷାଧିକ ଟଙ୍କା ବ୍ୟୟରେ ଉକ୍ତ ପ୍ରକଳ୍ପ ୨ଟି ନଦୀପଠାରେ ସ୍ଥାପିତ ହୋଇଥିଲା ା ପ୍ରାୟ ୧୦୦ ଏକରରୁ ଊର୍ଦ୍ଧ୍ୱ ଚାଷ ଜମିକୁ ଜଳସେଚିତ କରିବାର ଲକ୍ଷ୍ୟ ନେଇ ଗତ ୫ ବର୍ଷ ତଳେ କାର୍ଯ୍ୟାରମ୍ଭ କରିଥିବା ଉକ୍ତ ପ୍ରକଳ୍ପ ୨ଟି ସମୟାନୁକ୍ରମେ ରକ୍ଷଣାବେକ୍ଷଣ ଅଭାବରୁ ଏବେ ଅଚଳ ଅବସ୍ଥାରେ ପଡିରହିଛି ା ଖଣ୍ଡପଡା ଅଞ୍ଚଳର ଚାଷୀମାନେ ବାରମ୍ବାର ଏ ସମ୍ପର୍କରେ ଖଣ୍ଡପଡା ଉଠାଜଳସେଚନ ବିଭାଗ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ ହେଁ କୌଣସି ସୁଫଳ ମିଳୁନଥିବା ଅଭିଯୋଗ ହେଉଛି ା

ପରିବେଶ ପାଇଁ ବୃକ୍ଷ ରୋପଣ, ଜଙ୍ଗଲ ସୁରକ୍ଷା ଜରୁରୀ

ପରିବେଶ ପାଇଁ ବୃକ୍ଷ ରୋପଣ, ଜଙ୍ଗଲ ସୁରକ୍ଷା ଜରୁରୀ

ଖଣ୍ଡପଡା,୬ା୬(ସ୍ବ.ପ୍ର.)-ପରିବେଶ ସୁରକ୍ଷା ପାଇଁ ବୃକ୍ଷରୋପଣ ଓ ଜଙ୍ଗଲ ସୁରକ୍ଷା ଜରୁରୀ ହୋଇପଡିଛି ା ମଙ୍ଗଳବାର ବିଶ୍ୱ ପରିବେଶ ଦିବସ ସାରା ଦେଶରେ ପାଳନ କରାଯାଉଛି ା ମାତ୍ର ବିଶ୍ୱ ପରିବେଶ ଦିବସ ପାଳନ କେବଳ ଜିଲା ହେଡ କ୍ୱାଟରରେ ପାଳନ କରା ନଯାଇ ବିଭିନ୍ନ ଗ୍ରାମାଞ୍ଚଳରେ କରାଗଲେ ଏହାର ପ୍ରଭାବ ଅଧିକ ହେବ ବୋଲି ଗଛ ସାର୍‌ ଭାବେ ପରିଚିତ ପରିବେଶବିତ୍‌ ଅନ୍ତର୍ଯ୍ୟାମୀ ସାହୁ ମତବ୍ୟକ୍ତ କରିଛନ୍ତି। ଏ ନେଇ ସେ ଜଙ୍ଗଲ ବିଭାଗର ଉଚ୍ଚ କର୍ତ୍ତୃପକ୍ଷଙ୍କ ସହିତ ଜିଲା ପ୍ରଶାନର ଦୃଷ୍ଟି ଆକର୍ଷଣ କରିଥିବା ଜଣାପଡିଛି ା ଏହି ଅବସରରେ ସାହୁ ଜଗନ୍ନାଥ ସଂସ୍କୃତିର ଆଦି ଦେବତା ଶ୍ରୀନୀଳମାଧବ ଜୀଉଙ୍କ ଆଦ୍ୟ ସେବକ ବିଶ୍ୱାବସୁଙ୍କ ଗ୍ରାମ ଭାବରେ ପରିଚିତ ଧାନଚେଙ୍ଗଡା ପଞ୍ଚାୟତ ଅନ୍ତର୍ଗତ କାଳିଆପଲ୍ଲୀ ଗ୍ରାମରେ ବୃକ୍ଷରୋପଣ କରିଛନ୍ତି। ମା’ ସାତ ଭଉଣୀ, ମା’ ଦୁଲଣା ଦେବୀ, ମା’ଲଳିତା ଦେବୀ ଓ ବିଶ୍ୱାବସୁ ମହିଳା ସ୍ବୟଂ ସହାୟକ ଗୋଷ୍ଠୀର ମହିଳାମାନଙ୍କ ସହଯୋଗରେ ଗଛସାର ସ୍ଥାନୀୟ ଲଳିତା ଦେବୀ ଓ ବିଶ୍ୱାବସୁ ଉଦ୍ୟାନରେ ବିଭିନ୍ନ ଫଳପ୍ରଦାନକାରୀ ଆମ୍ବ, ଜାମୁ ଓ ଅନ୍ୟାନ୍ୟ ଚାରା ରୋପଣ କରି ଏହାର ସୁରକ୍ଷା ପାଇଁ ପ୍ରଚେଷ୍ଟା ଜାରି ରଖିବେ ବୋଲି ଶପଥ ନେଇଛନ୍ତି ା ପ୍ରକାଶ ଥାଉକି ଗତ ୧୯୯୬ ମସିହାରେ ବିଶ୍ୱାବସୁ ଉଦ୍ୟାନ ଓ ଲଳିତା ଦେବୀ ଉଦ୍ୟାନରେ ରୋପଣ କରାଯାଇଥିବା ଫଳପ୍ରଦାନ କାରୀ ଆମ୍ବ ଓ ପଣସ ଗଛରେ ଚଳିତ ବର୍ଷ ପ୍ରଚୁର ଫଳ ଆସିଥିବାରୁ ଗ୍ରାମବାସୀଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି ା

କଂସା ପିତ୍ତଳ କାରିଗରମାନଙ୍କ ତ୍ରିଦିବସୀୟ ତାଲିମ ଶିବିର ଉଦ୍‌ଯାପିତ :କାଠ କୋଇଲା ପରିବର୍ତ୍ତେ ଗ୍ୟାସ୍‌ ଫର୍ନେସ ବ୍ୟବହାର ଉପରେ ଗୁରୁତ୍ୱ

କଂସା ପିତ୍ତଳ କାରିଗରମାନଙ୍କ ତ୍ରିଦିବସୀୟ ତାଲିମ ଶିବିର ଉଦ୍‌ଯାପିତ :କାଠ କୋଇଲା ପରିବର୍ତ୍ତେ ଗ୍ୟାସ୍‌ ଫର୍ନେସ ବ୍ୟବହାର ଉପରେ ଗୁରୁତ୍ୱ

ଖଣ୍ଡପଡ଼ା,୬ା୬(ସ୍ବ.ପ୍ର)-ପାରମ୍ପରିକ ହିଟିଂ ଆଣ୍ଡ ବିଟିଂ ପଦ୍ଧତିରେ କାଠ କୋଇଲା ଜାଳେଣି ମାଧ୍ୟମରେ ପ୍ରସ୍ତୁତ ହେଉଥିବା କଂସା ପିତ୍ତଳ ବାସନ ସାମଗ୍ରୀ ପାଇଁ କାରିଗରମାନେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି ା ଏହି କାଠ କୋଇଲା ଜାଳେଣି ପାଖରେ କାରିଗରମାନେ ବସି ଅଧିକ ସମୟ କାର୍ଯ୍ୟ ସମ୍ପାଦନ କରୁଥିବାରୁ ଏହି ଜାଳେଣି ଧୂଆଁ ପ୍ରଭାବରେ କାରିଗରମାନେ ବିଭିନ୍ନ ରୋଗରେ ଆକ୍ରାନ୍ତ ହେଉଥିବାବେଳେ ଅନେକେ ପ୍ରାଣ ହରାଉଥିବା ଜଣାଯାଇଛି ା ହସ୍ତଶିଳ୍ପ କାରିଗରମାନଙ୍କ ହିତ ତଥା ସୁରକ୍ଷା ଦୃଷ୍ଟିରୁ କାଠ କୋଇଲା ପରିବର୍ତ୍ତେ ଗ୍ୟାସ ଫର୍ନେସ ବ୍ୟବହାର ଉପରେ ନୟାଗଡ ଜିଲାପାଳ ଏନ୍‌. ଥିରୁମାଲା ନାୟକ ଗୁରୁତ୍ୱ ଦେଇଛନ୍ତି। କଣ୍ଟିଲୋଠାରେ ଅନୁଷ୍ଠିତ ତ୍ରିଦିନାତ୍ମକ ତାଲିମ ଶିବିରର ସୋମବାର ଉଦ୍‌ଯାପନୀ ଦିବସରେ ଜିଲାପାଳ ନାୟକ ମୁଖ୍ୟଅତିଥି ଭାବେ ଯୋଗଦେଇଥିଲେ ା ଅଧିକ ଦାମ୍‌ରେ କ୍ରୟ କରାଯାଉଥିବା କାଠ କୋଇଲା ଜାଳେଣି ଦ୍ୱାରା କଂସା ପିତ୍ତଳ କଞ୍ଚାମାଲକୁ ତରଳାଇ ନୂତନ ସାମଗ୍ରୀ ପ୍ରସ୍ତୁତ କରିବାରେ ଅଧିତ୍କ ପରିଶ୍ରମ ସହ ଅର୍ଥ ବ୍ୟୟ କରିବାକୁ ପଡିଥାଏ ା ତେବେ ଏହି ପାରମ୍ପରିକ କାର୍ଯ୍ୟଶୈଳୀକୁ ପରିବର୍ତ୍ତନ କରି ନୂତନ ବୈଷୟିକ ଜ୍ଞାନକୌଶଳରେ କାର୍ଯ୍ୟ ସମ୍ପାଦନ କରିବା ପାଇଁ ଏହି ଶିବିରରେ ଗୁରୁତ୍ୱ ଆରୋପ କରାଯାଇଥିଲା।

ପଟ୍ଟାମୁଣ୍ଡାଇ ସବ୍‌-ଡିଭିଜନ ପ୍ରତିଷ୍ଠା ଦାବି:ଜୋର ଧରିଲା  ସଂଗ୍ରାମରେ ସାମିଲ ହେବାକୁ ଛାତ୍ରନେତାଙ୍କ ଶପଥ

ପଟ୍ଟାମୁଣ୍ଡାଇ ସବ୍‌-ଡିଭିଜନ ପ୍ରତିଷ୍ଠା ଦାବି:ଜୋର ଧରିଲା ସଂଗ୍ରାମରେ ସାମିଲ ହେବାକୁ ଛାତ୍ରନେତାଙ୍କ ଶପଥ

ପଟ୍ଟାମୁଣ୍ଡାଇ,୬ା୬(ସ୍ବ.ପ୍ର.):ପଟ୍ଟାମୁଣ୍ଡାଇଠାରେ ରାଜସ୍ବ ସବ୍‌ଡିଭିଜନ ପ୍ରତିଷ୍ଠା ପାଇଁ ବିଭିନ୍ନ ରାଜନୈତିକ ଦଳ, ଗଣ ସଙ୍ଗଠନ, ବୁଦ୍ଧିଜୀବୀମାନଙ୍କ ପକ୍ଷରୁ ଦାବି ଜୋର ଧରିଛି। ଏହି ପରିପ୍ରେକ୍ଷୀରେ ପଟ୍ଟାମୁଣ୍ଡାଇ-ରାଜନଗର ବିକାଶ ପରିଷଦର ସ୍ଥାନୀୟ କାଯର୍ର୍‌ୟାଳୟଠାରେ ମଙ୍ଗଳବାର ଏକ ଛାତ୍ର ସମାବେଶ ଅନୁଷ୍ଠିତ ହୋଇଥିଲା। ଏହି ସମାବେଶରେ ପଟ୍ଟାମୁଣ୍ଡାଇ ଅଞ୍ଚଳରେ ଥିବା ବିଭିନ୍ନ କଲେଜର ଛାତ୍ରନେତାମାନେ ଯୋଗଦେଇ ପଟ୍ଟାମୁଣ୍ଡାଇକୁ ସବ୍‌ଡିଭିଜନ ମାନ୍ୟତା ପ୍ରଦାନ ପାଇଁ ଚାଲିଥିବା ସଂଗ୍ରାମରେ ସାମିଲ ହେବାକୁ ଶପଥ ନେଇଥିଲେ। ଆଗାମୀ ଦିନରେ ଆବଶ୍ୟକ ପଡିଲେ ସମସ୍ତ କଲେଜର ଛାତ୍ରୀଛାତ୍ରମାନେ ଆନ୍ଦୋଳନରେ ସାମିଲ ହେବାକୁ ଛାତ୍ରନେତାମାନେ ଆହ୍ବାନ ଦେଇଥିଲେ।ବିକାଶ ପରିଷଦ ଆବାହକ ଆଡଭୋକେଟ କ୍ଷୀରୋଦ ପ୍ରଧାନ ସମାବେଶରେ ସଭାପତିତ୍ୱ କରି ସବ୍‌ଡିଭିଜନ ଆନ୍ଦୋଳନକୁ ଆଗେଇ ନେବାକୁ ଆହ୍ବାନ ଦେଇଥିଲେ। ବିକାଶ ପରିଷଦ ପ୍ରତିଷ୍ଠାତା ବରିଷ୍ଠ ରାଜନେତା ବିଜୟ କେତନ ସ୍ବାଇଁ ଉଦ୍‌ବୋଧନ ଦେଇ ଛାତ୍ରୀଛାତ୍ରମାନେ ପଟ୍ଟାମୁଣ୍ଡାଇ ସ୍ବାଭିମାନ ବଜାୟ ରଖିବା ପାଇଁ ଆଗେଇ ଆସିବାକୁ ପରାମର୍ଶ ଦେଇଥିଲେ। ଅନ୍ୟମାନଙ୍କ ମଧ୍ୟରେ ବିକାଶ ପରିଷଦ ଉପଦେଷ୍ଟା ପ୍ରଫୁଲ୍ଲ କୁମାର ଦାଶ, ପ୍ରଦୀପ ପରିଡା, ସୁଶାନ୍ତ ପାତ୍ର, ଦିଲୀପ ସାହୁ ପ୍ରମୁଖ ବକ୍ତବ୍ୟ ରଖିଥିଲେ। ଏହି ଅବସରରେ ଆଗାମୀ ଦିନରେ ସବ୍‌ଡିଭିଜନ ଆନ୍ଦୋଳନକୁ ଆଗେଇ ନେବା ପାଇଁ ଏକ ଛାତ୍ର କ୍ରିୟାନୁଷ୍ଠାନ କମିଟି ଗଠିତ ହୋଇଥିଲା।

ସମବାୟ କମିଶନରଙ୍କ ଗରଦପୁର ଗସ୍ତ

ସମବାୟ କମିଶନରଙ୍କ ଗରଦପୁର ଗସ୍ତ

ପାଟକୁରା, ୬।୬ (ଡି.ଏନ୍‌.ଏ.):ରାଜ୍ୟ ସମବାୟ ବିଭାଗର କମିଶନର ରଞ୍ଜନା ଚୋପ୍ରା କେନ୍ଦ୍ରାପଡ଼ା ଜିଲାପାଳ ରେଘୁ ଜୀ.ଙ୍କ ସହ ମଙ୍ଗଳବାର ଗରଦପୁର ବ୍ଲକ ଅଞ୍ଚଳ ଗସ୍ତ କରି ବିଭିନ୍ନ ଉନ୍ନୟନ ଯୋଜନାର ଅଗ୍ରଗତି ସମୀକ୍ଷା କରିଛନ୍ତି। କମିଶନର ପ୍ରଥମେ ବେଡ଼ାରୀଠାରେ ନିର୍ମାଣାଧୀନ ୯ କୋଟି ଟଙ୍କାର ୨୩/୧୧ କେଭି ସବ୍‌ଷ୍ଟେସନ କାର୍ଯ୍ୟ ଅନୁଧ୍ୟାନ କରିବା ସହ ତୁରନ୍ତ କାର୍ଯ୍ୟ ଶେଷ କରିବାକୁ ନିର୍ଦ୍ଦେଶ ଦେଇଥିଲେ। ପରେ ନୈନ୍ଦିପୁରଠାରେ ନିର୍ମାଣ ହୋଇଥିବା ମାର୍କେଟିଂ ଫେଡ଼େରେଶନ୍‌ର ଦୋକାନ ଘରଗୁଡ଼ିକ ବୁଲି ଦେଖିଥିଲେ। ଏହାର କାର୍ଯ୍ୟକାରିତାରେ ବିଳମ୍ବ ହେଉଥିବା ଓ ଘର ଗୁଡ଼ିକ ଅନେକ ବର୍ଷ ହେବ ପଡ଼ି ରହିଥିବା ଯୋଗୁ କମିଶନର ବିରକ୍ତି ପ୍ରକାଶ କରିଥିଲେ। ଗରଦପୁରଠାରେ ନିର୍ମାଣ ଶ୍ରମିକ ଓ ଭିନ୍ନକ୍ଷମ ହିତାଧିକାରୀଙ୍କୁ ଦେଖା କରି ସେମାନଙ୍କ ସୁବିଧା ଅସୁବିଧା ପଚାରି ବୁଝିଥିଲେ।

ବେଆଇନ ବାଲି ଚାଲାଣ ବେଳେ ଚଢ଼ାଉ:୩ ଟ୍ରାକ୍ଟର ଜବତ, ୧୫ ହଜାର ଟଙ୍କା ଜରିମାନା ଆଦାୟ

ଆଳି, ୬।୬ (ଡି.ଏନ୍‌.ଏ.):ଆଳି ଅଞ୍ଚଳରୁ ଦୈନିକ ବେଆଇନ ବାଲିଚାଲାଣ କରାଯାଉଥିବା ବେଳେ ମଙ୍ଗଳବାର ତହସିଲଦାର ଚଢ଼ାଉ କରି ୩ଟି ନମ୍ବର ବିହୀନ ଟ୍ରାକ୍ଟର ଜବତ କରିଛନ୍ତି। ଏଥିସହ ସେମାନଙ୍କଠାରୁ ୧୫ହଜାର ଟଙ୍କା ଜରିମାନା ଆଦାୟ କରାଯାଇଛି। ପ୍ରକାଶ ଯେ, ଆଳି ଥାନା ଅଧୀନ ଟୁଙ୍ଗା ପଞ୍ଚାୟତ ଖରସ୍ରୋତା ନଦୀର ଲେଙ୍କାଡିହା ବାଲିପଠାରୁ ବେଆଇନ ଭାବେ ବାଲି ଉଠାଣ ହେଉଥିଲା। ଖବରପାଇ ଆଳି ତହସିଲଦାର ଅଶ୍ୱିନୀ କୁମାର ଭୂୟାଁ ପୋଲିସ ସହ ଘଟଣାସ୍ଥଳରେ ପହଞ୍ଚତ୍ ଥିଲେ। ଘଟଣାସ୍ଥଳରୁ ୩ ଟି ବାଲି ବୋଝେଇ ଟ୍ରାକ୍ଟର ଜବତ କରିବା ସହ ଡ୍ରାଇଭରଙ୍କୁ ଗିରଫ କରାଯାଇଥିଲା। ଜବତ ହୋଇଥିବା ଗାଡିରେ ନମ୍ବର ନଥିବା ବେଳେ ଏହା ରାଜକନିକା ହାବଳଗଣ୍ଡ ପାଟଣା ଅଞ୍ଚଳର ବୋଲି ଜଣାପଡିଛି। ଅପରାହ୍ନରେ ଗାଡି ମାଲିକମାନେ ତହସିଲଦାରଙ୍କୁ ଭେଟିବା ପରେ ତହସିଲଦାର ଭୂୟଁା ସେମାନଙ୍କଠାରୁ ୧୫ ହଜାର ଟଙ୍କା ଜରିମାନା ଆଦାୟ କରିଥିଲେ। ଚଢାଉ ସମୟରେ ତହସିଲଦାରଙ୍କ ସହ ଆଳି ଥାନା ଏସଆଇ ପ୍ରମୋଦ ସିଂ, ଆର ଆଇ ଶରତ ସେଠୀ ଓ ଅନ୍ୟ ପୋଲିସ କର୍ମଚାରୀ ସାମିଲ ଥିଲେ।

ବୁଦାମୂଳରୁ ଉଦ୍ଧାରହେଲା ପୁଣି ଏକ ଶିଶୁ କନ୍ୟା

ବୁଦାମୂଳରୁ ଉଦ୍ଧାରହେଲା ପୁଣି ଏକ ଶିଶୁ କନ୍ୟା

ଧର୍ମଶାଳା, ୬।୬(ଡି.ଏନ୍‌.ଏ):ପୁଣି ଅଲୋଡ଼ା ହୋଇଛି ଶିଶୁକନ୍ୟା। ଧର୍ମଶାଳା ଥାନା ମିର୍ଜାପୁର ପଞ୍ଚାୟତ ସାଲେପୁର ଗ୍ରାମର ଏକ ବାଉଁଶ ବୁଦାମୂଳରୁ ମଙ୍ଗଳବାର ପୂର୍ବାହ୍ନ ୧୦ଟାରେ ଏକ ନବଜାତ ଶିଶୁ କନ୍ୟା ଉଦ୍ଧାର ହୋଇଛି। ଗତ ବର୍ଷ ଧର୍ମଶାଳା ବ୍ଳକର ଜେନାପୁର ଥାନା ଅନ୍ତର୍ଗତ ଶ୍ୟାମସୁନ୍ଦରପୁର ଗ୍ରାମ ନିକଟରୁ ଏକ ସଦ୍ୟଜାତ କନ୍ୟାକୁ ନିକଟସ୍ଥ ଏକ ଖତ ଗଦାରୁ ଉଦ୍ଧାର କରାଯାଇଥିଲା। ଏବେ ଆଉ ଏକ ନବଜାତ ଶିଶୁ କନ୍ୟାକୁ କେହି ବିନା ଲୁଗାପଟାରେ ପକାଇ ଦେଇ ଚାଲିଯାଇଥିବା ଦେଖିବାକୁ ମିଳିଛି। ସାଲେପୁର ଗ୍ରାମର କୁଶ ସେଠୀଙ୍କ ସ୍ତ୍ରୀ ନୟନୀ ପ୍ରଥମେ ଶିଶୁର କାନ୍ଦ ଶୁଣି ଥିଲେ। ପରେ ଏହି ଖବର ପ୍ରଚାରିତ ହେବା ପରେ ଗ୍ରାମର ଶତାଧିକଲୋକ ରୁଣ୍ଡ ହୋଇଯାଇଥିଲେ। ଏନେଇ ଯାଜପୁର ଶିଶୁ ସୁରକ୍ଷା ବିଭାଗକୁ ଖବର ଦିଆଯାଇଥିଲା। ଶିଶୁ ସୁରକ୍ଷା ପକ୍ଷରୁ ମିହିର କୁମାର ଜେନା, ପଦ୍ମ ଚରଣ ସାମନ୍ତ ରାୟ, ରବୀନ୍ଦ୍ର ନାଥ ସେଠୀ ଘଟଣାସ୍ଥଳରେ ପହଞ୍ଚତ୍ ସ୍ଥାନୀୟ ଆଶାକର୍ମୀ ଓ ଏଏନ୍‌ଏମ୍‌ କର୍ମୀଙ୍କ ଉପସ୍ଥିତିରେ ଶିଶୁକୁ ଉଦ୍ଧାର କରି ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିସତ୍ା ପାଇଁ ଭତ୍ତି କରିଥିଲେ। ଧର୍ମଶାଳା ଶିଶୁର ସ୍ବାସ୍ଥ୍ୟାବସ୍ଥା ଭଲ ଅଛି ଓ ଓଜନ ୨କିଗ୍ରା ୮ଶହ ଗ୍ରାମ ରହିଛି। ସକାଳ ୮ଟାରୁ ୮.୩୦ ମଧ୍ୟରେ ଶିଶୁଟି ଜନ୍ମ ହୋଇଥିବା ନେଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ମାନସ ରଞ୍ଜନ ସ୍ବାଇଁ ସୂଚନା ଦେଇଛନ୍ତି।

ବିନା ଡାକ୍ତରରେ ଚାଲିଛି ୧୨ ପିଏଚ୍‌ସି

ଯାଜପୁର ଅଫିସ,୬ା୬:ଯାଜପୁର ଜିଲାର ବିକାଶ ହେଉଛି। ଏଠାକାର ଲୋକମାନେ ସବୁପ୍ରକାର ମୌଳିକ ସେବା ପାଇପାରୁଛନ୍ତି ବୋଲି ରାଜନୈତିକ ନେତୃମଣ୍ଡଳୀ ବିଭିନ୍ନସ୍ତରରେ କହି ଚାଲିଛନ୍ତି। ମାତ୍ର ଜିଲାର ସ୍ବାସ୍ଥ୍ୟ ସେବାକୁ ଲକ୍ଷ୍ୟ କଲେ ଏହା କେବଳ ବାହୁସ୍ଫୋଟ ଛଡ଼ା ଆଉ କିଛି ନୁହେଁ ବୋଲି ଅନୁଭବ ହେଉଛି। ଜିଲାରେ ମୋଟ ୧୩୩ ଡାକ୍ତର ପଦବୀ ରହିଥିବାବେଳେ ୯୬ପଦବୀ ଖାଲି ପଡ଼ିଛି। ପୁଣି ଗତ ୯ବର୍ଷ ହେଲା ଆଇସିୟୁ ଅଚଳ ହୋଇପଡିଛି। ଏଭଳି ଭାବରେ ଜିଲା ସଦର ଡାକ୍ତରଖାନା ସମେତ ଗ୍ରାମାଞ୍ଚଳର ସ୍ବାସ୍ଥ୍ୟସେବାକୁ ଅବଲୋକନ କଲେ ଜିଲାର ବିକାଶ କେତେ ତାହା ସ୍ପଷ୍ଟ ମନେ ହୋଇଯାଉଛି।ଯାଜପୁର ସହରର ରାସ୍ତାଘାଟ ଚଉଡ଼ା ହେଉଛି ଓ କୁସୁମା ପୋଖରୀ ସୌନ୍ଦର୍ଯ୍ୟର ଗାଥା କୁହାଯାଉଛି। ହେଲେ ବିଡମ୍ବନା ଯେ, ଯାଜପୁର ସହରରେ ଥିବା ଜିଲା ମୁଖ୍ୟ ଚିକିସତ୍ାଳୟରେ ୬୩ ଡାକ୍ତର ପଦବୀରୁ ମାତ୍ର ୧୧ଜଣ ଡାକ୍ତର ଥିବା ଜଣାପଡିଛି। ତେବେ ଜିଲା ବାହାରୁ ୭ଜଣ ଓ ଜିଲାର ବିଭିନ୍ନ ଚିକିତ୍ସାଳୟରୁ ଆଉ ୪ଜଣ ଡାକ୍ତର ପର୍ଯ୍ୟାୟକ୍ରମେ ଜିଲା ମୁଖ୍ୟ ଚିକିତ୍ସାଳୟକୁ ଆସି ରୋଗୀମାନଙ୍କ ଚିକିତ୍ସା କରୁଥିବା ଦେଖିବାକୁ ମିଳିଛି। ଆହୁରି ମଧ୍ୟ ଜିଲାର ୧୨ଟି ପ୍ରାଥମିକ ଚିକିତ୍ସା କେନ୍ଦ୍ରରେ ଆଦୌ ଡାକ୍ତର ନ ଥିବା ସରକାରୀ ତଥ୍ୟରୁ ଜାଣିବାକୁ ମିଳିଛି। ମିଳିଥିବା ସୂଚନା ମୁତାବକ ଜିଲାର ହଳଦୀଢିଅ, ବରୀ ଶହୀଦ ପୀଠ, ବାରଖାଇ, ଡୁବୁରି, ଉତ୍ତଙ୍ଗରା, ହାତିବାରି, ଅହିୟାସ, କୟାଁଗୋଲା, ଅରାବଳ, ଗଡ଼ମଧୁପୁର, ରାମଚନ୍ଦ୍ରପୁର ଓ ଆଦମପୁର ପ୍ରାଥମିକ ଚିକିସତ୍ାକେନ୍ଦ୍ର(ପିଏଚ୍‌ସି)ରେ କେହି ଡାକ୍ତର ନାହାନ୍ତି।

ଖଣି ଅଞ୍ଚଳରେ ବ୍ୟାପକ ଅବ୍ୟବସ୍ଥା

ଖଣି ଅଞ୍ଚଳରେ ବ୍ୟାପକ ଅବ୍ୟବସ୍ଥା

କାଳିଆପାଣି,୬ା୬(ଡି.ଏନ୍‌.ଏ):ଓଡ଼ିଶା ଖଣି ନିଗମ ଦ୍ୱାରା ପରିଚାଳିତ ଦକ୍ଷିଣ କାଳିଆପାଣି ଖଣିରେ କୌଣସି ସୁବିଧା ନ ଥିବାରୁ କ୍ରୋମାଇଟ ଲୋଡ଼ିଂ କରିବାକୁ ଆସୁଥିବା ଡ୍ରାଇଭର ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ମଙ୍ଗଳବାର ଖଣି ଅଞ୍ଚଳରେ ଥିବା ଶ୍ରମିକ ଆବଶ୍ୟକତାଠାରୁ ଅଧିକ କ୍ରେମାଇଟ ଲୋଡିଂ କରିଦେଇଥିଲେ। ଫଳରେ ଡ୍ରାଇଭର ଜଣକ କଣ୍ଟାରେ ଓଜନ କରି ପୁନଶ୍ଚ ଅନଲୋଡ଼ କରିବାକୁ ଆସିଥିଲେ। କେହି ହେଲପର୍‌ ନ ଥିବାରୁ ଡ୍ରାଇଭର ଏକା ଅନଲୋଡ଼ କରିଥିଲେ। ଫଳରେ ଅଧିକ ଗୁଳଗୁଳି ଯୋଗୁ ବେହୋସ ହୋଇ ଡ୍ରାଇଭର ଟ୍ରକ୍‌ ଡାଲାରୁ ତଳକୁ ଖସି ପଡ଼ିଥିଲେ। ସ୍ଥାନୀୟ ଟ୍ରକ୍‌ ଡ୍ରାଇଭର ତାଙ୍କୁ ଟାଟା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛନ୍ତି। ଏ ନେଇ ଟ୍ରକ୍‌ ଡ୍ରାଇଭରମାନେ ୩ ଘଣ୍ଟା ଖଣିରୁ କ୍ରେମାଇଟ୍‌ ପରିବହନ ଠପ କରିଦେବା ସହ ମୁଖ୍ୟ ଗେଟ୍‌ ସମ୍ମୁଖରେ ଧାରଣା ଦେଇଥିଲେ। ଅଭିଯୋଗ ଅନୁଯାୟୀ, ଖଣି ଭିତରକୁ କ୍ରୋମାଇଟ ଲୋଡିଂ କରିବାକୁ ଯାଉଥିବା ଡ୍ରାଇଭରଙ୍କୁ ଖଣି ନିଗମ ପକ୍ଷରୁ ପାନୀୟ ଜଳ, ବିଶ୍ରାମାଗାର, କ୍ୟାଣ୍ଟିନ ଆଦି ସୁବିଧା ଯୋଗାଇ ଦିଆଯାଉ ନାହଁି।