ସମ୍ବଲପୁର

ଡକାୟତ ଗିରଫ: ୨ ପିସ୍ତଲ, ୩ ବାଇକ, ମୁଖା ଜବତ

ଡକାୟତ ଗିରଫ: ୨ ପିସ୍ତଲ, ୩ ବାଇକ, ମୁଖା ଜବତ

ଲହୁଣୀପଡା, ୧୮।୧୦ (ଡି.ଏନ.ଏ)- ସୁନ୍ଦରଗଡ଼ ଜିଲା ଲହୁଣୀପଡା ଥାନା ପୋଲିସ ବୁଧବାର ଜଣେ ଡ଼କାୟତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏହି ଥାନା ଅନ୍ତର୍ଗତ ଗମଲେଇ ହାଟରେ ଡକାୟତ ଦଳ ଡକାୟତି ଯୋଜନା କରୁଥିବାବେଳେ ପୋଲିସ ଖବରପାଇ ଅତର୍କିତ ଭାବେ ଚଢ଼ାଉ କରିଥିଲା

ଛତ୍‌ର ଯାତ୍ରା, ଲକ୍ଷାଧିକ ବଳି ପଡ଼ିଲା: ପଶୁପକ୍ଷୀ ରକ୍ତରେ ଧୋଇ ହେଲା ରାଜରାସ୍ତା

ଛତ୍‌ର ଯାତ୍ରା, ଲକ୍ଷାଧିକ ବଳି ପଡ଼ିଲା: ପଶୁପକ୍ଷୀ ରକ୍ତରେ ଧୋଇ ହେଲା ରାଜରାସ୍ତା

ଭବାନୀପାଟଣା,୧୮।୧୦(ଡି.ଏନ.ଏ.): କଳାହାଣ୍ଡିର ଇଷ୍ଟଦେବୀ ମା’ ମାଣିକେଶ୍ୱରୀଙ୍କ ବିଶ୍ୱ ପ୍ରସିଦ୍ଧ ତଥା ଗଣପର୍ବ ଛତର ବିଜୟ ଯାତ୍ରା ବୁଧବାର ଶେଷ ହୋଇଛି। ଏହି ଯାତ୍ରାରେ ଲକ୍ଷାଧିକ ପଶୁପକ୍ଷୀଙ୍କ ବଳି ପଡିଛି ା ସେଥିପାଇଁ ଭବାନୀପାଟଣା ସହରର ପ୍ରାୟ ୩ କି.ମି. ରାଜରାସ୍ତା ଓ ଉପରାସ୍ତା ବଳି ରକ୍ତରେ ଧୋଇ ହୋଇଯାଇଛି ା ବଳି ବନ୍ଦ ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ମଧ୍ୟ ଲୋକଙ୍କ ବିଶ୍ୱାସ ଓ ପରମ୍ପରାକୁ ଜିଲା ପ୍ରଶାସନ ମୁଣ୍ଡପାତି ସହି ନେଇଛି ା ଗତବର୍ଷ ତୁଳନାରେ ଚଳିତ ବର୍ଷ ଅଧିକ ବଳି ପଡ଼ିଥିବା ଜଣାପଡିଛି ା

ଆନ୍ଧ୍ରପ୍ରଦେଶର ମେହେବୁବ ନଗରଠାରେ ବନ୍ଧା ପଡିଛନ୍ତି ୧୭ ଦାଦନ ଶ୍ରମିକ

ଆନ୍ଧ୍ରପ୍ରଦେଶର ମେହେବୁବ ନଗରଠାରେ ବନ୍ଧା ପଡିଛନ୍ତି ୧୭ ଦାଦନ ଶ୍ରମିକ

ମଣ୍ଡଲ, ୧୭।୧୦ (ଡି.ଏନ.ଏ)- ଦାଦନ ରୋକିବା ପାଇଁ ସରକାର ବର୍ଷକୁ ୧୦୦ଦିନର କାମ ଯୋଗାଇ ଦେବା ପାଇଁ ଆରମ୍ଭ କରିଛନ୍ତି ନିଶ୍ଚିତ କର୍ମ ନିଯୁକ୍ତି  ଯୋଜନା। କିନ୍ତୁ ଏହି ଯୋଜନାରେ ଶ୍ରମିକ ମାନଙ୍କୁ ୧୦୦ ଦିନର କାମ ମିଳୁନଥିବାରୁ ଏବଂ ତାଙ୍କର ପାରିଶ୍ରମିକ ପାଉଣା ମାସ ମାସ, ବର୍ଷ ବର୍ଷ ଧରି ବିଳମ୍ବ ହେବାରୁ ଶ୍ରମିକମାନେ ବାଧ୍ୟ ହୋଇ ନିଜ ପେଟପାଟଣା ପାଇଁ ବାହାରରାଜ୍ୟକୁ ଦାଦନ ଖଟିବାକୁ ବାଧ୍ୟ ହୋଇ ଯାଉଛନ୍ତି । ଦାଦନ ଶ୍ରମିକର ଦୁଃଖୀ ଅନ୍ତ ହେଉନାହିଁ କି ଦାଦନ ଶ୍ରମିକର ସମସ୍ୟା 

ଜୁଆ ଖେଳି ପୋଲିସ ଫାସରେ ଫସିଗଲେ

ଜୁଆ ଖେଳି ପୋଲିସ ଫାସରେ ଫସିଗଲେ

ବିଜେପୁର, ୧୭।୧୦ (ଡି.ଏନ.ଏ)- ବରଗଡ ଜିଲା ବିଜେପୁର ଥାନା ଅନ୍ତର୍ଗତ ଟି.ଗଣ୍ଡପାଲି ଗ୍ରାମରେ ଦୁର୍ଗାପୂଜା ଅବସରରେ ଚାଲିଥିବା ଏକ ଜୁଆଖେଳ ଉପରେ ପୋଲିସ ଚଢ଼ାଉ କରି ୪ଜଣଙ୍କୁ ଗିରଫ କରିଛି । ସେମାନେ ହେଲେ ଏହି ଥାନାର ଟି.ଗଣ୍ଡାପାଲିର ମଗଶୀର ସାହୁ (୪୭), ଚୁଡାମଣି ସାହୁ (୪୦), ସୋନପୁର ଜିଲା ଡୁଙ୍ଗୁରିପାଲି ଥାନା ଅଧିନ ଗର୍ଜନ ଗ୍ରାମର ବିଷ୍ଣୁ ସାହୁ (୪୩) ଏବଂ ରାମପୁର ଥାନା ଅନ୍ତର୍ଗତ ମାୟାବର୍ହା ଗ୍ରାମର ଜୀବର୍ଦ୍ଧନ ସାହୁ (୬୫) । 

ଧରିତ୍ରୀରେ ଖବର ପ୍ରକାଶ ପରେ ଶିକୁଳିରୁ ମୁକୁଳିଲେ ଲିଲିମା

ଧରିତ୍ରୀରେ ଖବର ପ୍ରକାଶ ପରେ ଶିକୁଳିରୁ ମୁକୁଳିଲେ ଲିଲିମା

ବରଗଡ଼ ଅଫିସ୍‌,୧୭।୧୦-
ବରଗଡ଼ ଜିଲା ଅତାବିରା ବ୍ଲକ ଅନ୍ତର୍ଗତ ଟାଙ୍ଗରପାଲି ପଞ୍ଚାୟତ ଅଧୀନ ରେଙ୍ଗାଲପାଲି ଝୁମ୍ପୁଡ଼ିପଡ଼ାରେ ମାନସିକ ରୋଗରେ ଆକ୍ରାନ୍ତ ଲିଲିମା ଭରାସାଗରଙ୍କୁ ପରିବାର ଲୋକେ ଶିକୁଳୀରେ ବାନ୍ଧି ରଖିଥିବା ଖବର ଧରିତ୍ରୀରେ ପ୍ରକାଶ ପାଇବା ପରେ ତାଙ୍କୁ ସହଯୋଗର ହାତ ବଢ଼ିଛି । ବୁଧବାର ଲିଲିମା ଶିକୁଳିରୁ ମୁକ୍ତ ହୋଇଛନ୍ତି । ତାଙ୍କ ଗୋଡ଼ରେ ବନ୍ଧା ଯାଇଥିବା ଶିକୁଳିକୁ ଖୋଲି ଦିଆଯାଇଛି ଏବଂ ଚିକିତ୍ସା ପାଇଁ ଲିଲିମାଙ୍କୁ ଭୀମସାର, ବୁର୍ଲା ଡାକ୍ତରଖାନାର ମାନସିକ ରୋଗ ବିଭାଗରେ ଭର୍ତ୍ତି କରାଯାଇଛି । ଚିକିତ୍ସା ପରେ ଲିଲିମା ମାନସିକ ରୋଗରୁ ମଧ୍ୟ ନିଶ୍ଚିତଭାବେ ମୁକ୍ତ ହେବେ ବୋଲି ସଭିଁଏ ଆଶା ବାନ୍ଧିଛନ୍ତି ।

ବିକାଶ ନୁହେଁ, ବରଂ ଦୁର୍ନୀତି

ବିକାଶ ନୁହେଁ, ବରଂ ଦୁର୍ନୀତି

ନୂଆଗାଁ,୧୭।୧୦(ଡି.ଏନ୍‌.ଏ.)

ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା (ପିଏମ୍‌ଜିଏସ୍‌ୱାଇ) ଗ୍ରାମାଞ୍ଚଳରେ ରାସ୍ତାଘାଟର ବିକାଶରେ ଏକ ପ୍ରମୁଖ ଭୂମିକା ଗ୍ରହଣ କରିଆସୁଛି। ଏଥିପାଇଁ ଗ୍ରାମ୍ୟ ଉନ୍ନୟନ ବିଭାଗ ମାଧ୍ୟମରେ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି। ହେଲେ ବିଭାଗରେ କାର୍ଯ୍ୟରତ କେତେଜଣ ଦୁର୍ନୀତିଖୋର କର୍ମଚାରୀଙ୍କ ଦ୍ୱାରା ବିପୁଳ ପିସି କରାବାର ଯୋଗୁ ଏହି ଯୋଜନାରେ ଅତ୍ୟନ୍ତ ନିମ୍ନମାନର କାମ ହେଉଥିବା ପରିଲକ୍ଷିତ ହେଉଛି। ଠିକାଦାର ଓ ବିଭାଗୀୟ ଅଧିକାରୀଙ୍କ ସଲାସୁତୁରା ଯୋଗୁ କାର୍ଯ୍ୟ ସମ୍ପୂର୍ଣ୍ଣ ନିମ୍ନମାନର ହେଉଥିବା ଅଭିଯୋଗ ହେଉଛି। ସୁନ୍ଦରଗଡ଼ ଜିଲା ନୂଆଗାଁ ବ୍ଲକ ଅନ୍ତର୍ଗତ ପୁରୁଣାପାଣି ନିକଟ ପୁରୁଣାପାଣି-ମୁଙ୍ଗଟୋଲି ରାସ୍ତା ଏହାର ଜ୍ୱଳନ୍ତ ଉଦାହରଣ। ମାତ୍ର ବର୍ଷକ ପୂର୍ବେ ନିର୍ମାଣ ହୋଇଥିବା ଏହି ରାସ୍ତାର ଅଧିକାଂଶ ସ୍ଥାନରେ ଏବେ ପିଚୁ ଉଠିଯାଇଛି।

ଦୋକାନୀ, ବ୍ୟାଙ୍କ କେହି ନେଉନାହାନ୍ତି ୧, ୨ ଟଙ୍କିଆ ମୁଦ୍ରା

ଦୋକାନୀ, ବ୍ୟାଙ୍କ କେହି ନେଉନାହାନ୍ତି ୧, ୨ ଟଙ୍କିଆ ମୁଦ୍ରା

କୁତ୍ରା/ରାଜଗାଙ୍ଗପୁର, ୧୭।୧୦ (ଡି.ଏନ.ଏ)- ସୁନ୍ଦରଗଡ ଜିଲା କୁତ୍ରା ଓ ରାଜଗାଙ୍ଗପୁର ଥାନା ଅଞ୍ଚଳରେ ଏକଟଙ୍କିଆ ଓ ଦୁଇ ଟଙ୍କିଆ ମୁଦ୍ରାକୁ ଦୋକାନୀମାନେ ନେଉ ନାହାନ୍ତି।

ବୀରମହାରାଜପୁରରେ ନିୟନ୍ତ୍ରଣ ହରାଇଛି ଟ୍ରାଫିକ ସମସ୍ୟା

ବୀରମହାରାଜପୁରରେ ନିୟନ୍ତ୍ରଣ ହରାଇଛି ଟ୍ରାଫିକ ସମସ୍ୟା

ବୀରମହାରାଜପୁର, ୧୭।୧୦(ଡି.ଏନ.ଏ)
ସୁବର୍ଣ୍ଣପୁର ଜିଲାର ବୀରମହାରାଜପୁର ଉପଖଣ୍ଡ ମାନ୍ୟତା ପାଇବାର ଦୀର୍ଘ ୩୧ବର୍ଷ ବିତିଯାଇଥିଲେ ସୁଦ୍ଧା ଏବେବି ରହିଛି ଗ୍ରାମ ପଞ୍ଚାୟତ ଶାସନାଧିନ। ବିଭିନ୍ନ କାରଣରୁ ଏହାର ସଦର ମହକୁମା ପୌରାଞ୍ଚଳରେ ପରିଣତ ହୋଇପାରିନାହିଁ। ତେବେ କ୍ରମବଦ୍ଧିଷ୍ଣ ଜନସଂଖ୍ୟା ସାଙ୍ଗକୁ ପ୍ରତ୍ୟେକ କ୍ଷେତ୍ରରେ କାର୍ଯ୍ୟ ପରିସର ବୃଦ୍ଧି ପାଇଥିବାରୁ ଟ୍ରାଫିକ ସମସ୍ୟା ଦିନକୁ ଦିନ ଗୁରୁତର ହେବାରେ ଲାଗିଛି। ବିଗତ ୩୦ବର୍ଷ ଭିତରେ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାଳୟ ଖୋଲିବା ସହ ଛୋଟବଡ ବ୍ୟବସାୟିକ ପ୍ରତିଷ୍ଠାନ ଗଢ଼ି ଉଠିଛି। 

ହଜିଯାଉଛେ ଧୁନ୍‌କେଲ ସୋର

ହଜିଯାଉଛେ ଧୁନ୍‌କେଲ ସୋର

ଜାମଟିକ୍ରା, ୧୭।୧୦ (ଡି.ଏନ.ଏ)- 
ସମିଆର ଗତି ସଂଗେ ବହୁତ୍‌ ଜିନିସ ବଦ୍‌ଲି ଯାଉଛେ। ଆଘ ଏନ୍‌ତା ଶାରଦୀୟ ପୂଜା ଅବ୍‌ଛରରେ ଗଁା ଗଁାରେ ଶୁନ୍‌ବାକେ ମିଲୁଥିଲା ଭିନେ ଭିନେ ରକମର ବଜାର ଶବଦ୍‌। ସେ ଭିତ୍‌ରୁ ଧୁନ୍‌କେଲ ହେଉଛେ ସବୁଠାନୁ ଅଲଗ୍‌। ଦିନ୍‌ଥିଲା ସାମାଜିକ୍‌ ଜୀବନ୍‌କେ ସରସ ସୁଁଦର କରିଥିବାର ଧୁନ୍‌କେଲ ସୋର ଅଏଜ୍‌ ତାର ପରିଚଏ ଖୁଜୁଛେ। ଅଶିନ୍‌ ମାସେ ଗୁଟେ ଘରେ ଦୁର୍ଗା ଆର୍‌ କେତେ ଦେବୀଦେବାକଁର ଚିତ୍‌ର ଅଁକା ଯାଉଥିଲା। ସେଟାକେ କୁଠି ବଲୁଥିଲେ। ଆଘ ପିଠଉଥି ଚିତ୍‌ର ଅଁାକୁଥିଲେ। ଏହେଦେ ସମିଆ ବଦିଲ୍‌ବାର ସଂଗେ ନାନା ପରକାର ରଂଗ୍‌ଥି ଚିତ୍‌ରା ଯାଉଛେ। ମହାଷ୍ଟମୀ ତିଥିନେ ଦିନର ଦୁଇପହରେ ଧଁାଗ୍‌ରି ଟୁକେଲମାନେ ଆସି କୁଠିରେ ଠୋଲ୍‌ ହେଇ ଧିଆନ୍‌ରେ ବସୁଥିଲେ। ପଛେ ଝନେ ଧୁନ୍‌କେଲ ବଜାବାର ସଂଗେ ଗୀତ୍‌ ଗାଉଥିଲେ। ଇ ଧୁନ୍‌କେଲ ସୋର ଆର୍‌ ଗୀତ୍‌ରେ ଧଁାଗ୍‌ରି ଟୁକେଲମାନେ ଧିଆନ୍‌ରେ ଦେବୀ ପାର୍ବତୀକୁଁ ଆବାହନ କରୁଥିଲେ। 

ମଉଲିକ୍‌ ସୁବିଧାରୁ ବଁଚିତ୍‌ ଫତକାବାହାଲି ଗଁାବାସୀ

ମଉଲିକ୍‌ ସୁବିଧାରୁ ବଁଚିତ୍‌ ଫତକାବାହାଲି ଗଁାବାସୀ

ପଲମ,୧୭।୧୦(ଡି.ଏନ.ଏ.): 
କେନ୍ଦ୍ର ଆର୍‌ ରାଏଜ୍‌ ସରକାର ଗଁା ଗଁଲିର ବିକାଶର କଥା କହି ଡିଂଗ୍‌ରା ପିଟୁଛନ୍‌। ହେଲେ କଳାହାଣ୍ଡି ଜିଲାରେ ସବୁ ପର୍‌ଚାର ପର୍‌ସାରରେ ସୀମିତ ଥିବାର ଦେଖ୍‌ବାକେ ମିଲୁଛେ। ଆଏଜ୍‌ ବି କଲାହାଣ୍ଡି ଜିଲାର ବହୁତ୍‌ଟେ ଗଁାବାସୀ ବିକାଶର ଉଜାଲା ଦେଖି ନୁହେପାରନ୍‌। ଇଥିର ଗୁଟେ ଫଟିକ୍‌ ଉଦାହରନ୍‌ ହେଉଛେ ନର୍ଲା ବ୍ଲକ୍‌ର ଫତକାବାହାଲି ଗଁା।

କର୍ଲାମୁଣ୍ଡା ବ୍ଲକ୍‌: ବଡ୍‌ ବଡିଆକର କବ୍‌ଜାରେ ଆବାସ ଯୋଜ୍‌ନା

କର୍ଲାମୁଣ୍ଡା ବ୍ଲକ୍‌: ବଡ୍‌ ବଡିଆକର କବ୍‌ଜାରେ ଆବାସ ଯୋଜ୍‌ନା

କର୍ଲାମୁଣ୍ଡା,୧୭।୧୦(ଡି.ଏନ.ଏ.): 
ରାଏଜ୍‌ ଆର୍‌ କେନ୍ଦ୍ର ସରକାର ନିସାହା ଗରିବ୍‌, ନିଅଁାସିମାନକୁ ଘର ଯୁଗେଇ ଦେବାର ଲାଗି ବିଜୁ ପକ୍କାଘର, ମୋ କୁଡିଆ, ପ୍ରଧାନମନ୍ତ୍ରୀ ଆବାସ ଲେଖେଁ ଯୋଜ୍‌ନା କାଯ୍‌କାରି କରୁଛନ୍‌। ହେଲେ ବହୁତ୍‌ ଜାଗାରେ ଯୋଜ୍‌ନାର ସୁଫଲ ହକ୍‌ଦାର ହିତାଧିକାରୀକଁର ପାସେ ପୁହୁଁଚି ନାଇଁପାରବାର।  ଏନ୍‌ତା ପରିସ୍‌ଥିତି କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ୍‌ରେ ଦେଖ୍‌ବାକେ ମିଲିଛେ। ଇ ବ୍ଲକ୍‌ର ପୋରକେଲା ପଁନ୍‌ଚେତର ଖରଝୁରା ଗଁାର ବାସିନ୍‌ଦା ହେଉଛନ୍‌ ସେବତୀ ଧରୁଆ।

ଥଇଥାନ ପାଇଁ ଜିଲାପାଳଙ୍କୁ ଗୁହାରୀ

ଥଇଥାନ ପାଇଁ ଜିଲାପାଳଙ୍କୁ ଗୁହାରୀ

ବରଗଡ଼ ଅଫିସ୍‌,୧୭।୧୦-
ନାଁ ତାଙ୍କର ଗୋବିନ୍ଦ ଚନ୍ଦ୍ର କୁମ୍ଭାର । ବରଗଡ଼ ଜିଲା ସାନ ବାଉଁସେନ ଗ୍ରାମରେ ତାଙ୍କ ଘର । ସେ ଜଣେ ଉଚ୍ଚଶିକ୍ଷିତ ଯୁବକ । ସ୍ନାତକ ତାଙ୍କର ଯୋଗ୍ୟତା । ନିହାତି ଗରୀବ ଶ୍ରେଣୀର ପରିବାରର ପୁଅ ହୋଇଥିଲେ ମଧ୍ୟ ସେ ଜଣେ ହୋମଗାର୍ଡ଼ଭାବେ ନିଯୁକ୍ତି ପାଇ ପରିବାର ପୋଷଣ କରୁଥିଲେ । ତେବେ ପରେ ଏକ ସାଇକେଲ ଚୋରି କେଶରେ ଛନ୍ଦି ହୋଇ ପଡ଼ିଥିଲେ ଏବଂ ହୋମଗାର୍ଡ଼ ଚାକିରି ହରାଇଥିଲେ ଗୋବିନ୍ଦ। 

ସମଲେଶ୍ୱରୀଙ୍କ ମହାଗୌରୀ ବେଶ

ସମଲେଶ୍ୱରୀଙ୍କ ମହାଗୌରୀ ବେଶ

ବରଗଡ଼ ଅଫିସ୍‌,୧୭।୧୦-
ଶାରଦୀୟ ନବରାତ୍ର ପୂଜାରେ ବରଗଡ଼ ସହରର ଶକ୍ତିପୀଠଗୁଡ଼ିକ ଚଳଞ୍ଚଳ ହୋଇ ପଡ଼ିଛି । ଏହି ଅବସରରେ ମଙ୍ଗଳବାର ଅଧିଷ୍ଠାତ୍ରୀ ଦେବୀ ସମଲେଶ୍ୱରୀ ମହାଗୌରୀ ବେଶରେ ଦର୍ଶନ ଦେଇଥିଲେ । ଏହି ବେଶରେ ଦେବୀଙ୍କୁ ଦର୍ଶନ କଲେ ପାପ ଖଣ୍ଡନ ହୁଏ ବୋଲି ଭକ୍ତଙ୍କ ବିଶ୍ୱାସ ରହିଛି ।

ଛାତ୍ରୀନିବାସରେ ଅସଦାଚରଣ ମାମଲାର କାର୍ଯ୍ୟାନୁଷ୍ଠାନ ଦାବି କଲେ ବିଭିନ୍ନ ସଂଗଠନ

ଛାତ୍ରୀନିବାସରେ ଅସଦାଚରଣ ମାମଲାର କାର୍ଯ୍ୟାନୁଷ୍ଠାନ ଦାବି କଲେ ବିଭିନ୍ନ ସଂଗଠନ

ବରଗଡ଼ ଅଫିସ୍‌,୧୭।୧୦-
ବରଗଡ଼ ସହରରେ ରହିଥିବା ଏକ ଘରୋଇ ଛାତ୍ରୀନିବାସରେ ଗତ ସେପ୍ଟେମ୍ବର ୨୧ତାରିଖ ଛାତ୍ରୀନିବାସର ପରିଚାଳକ ସେଠାରେ ରହୁଥିବା ଅନ୍ତେବାସିନୀ ତଥା କଲେଜ ଛାତ୍ରୀଙ୍କୁ ଅସଦାଚରଣ କରିଥିବା ନେଇ ଟାଉନ ଥାନାରେ ଅଭିଯୋଗ ହୋଇଥିଲା। ଏ ନେଇ ପୋଲିସ ପରିଚାଳକ ସୁଧାଂଶୁ ପାଢ଼ୀ(୬୦)ଙ୍କ ବିରୋଧରେ ଦଫା ୩୫୪, ୩୫୪(କ) ଆଇପିସି ଏବଂ ୧୨ପିସିଏସ୍‌ଓ ଆକ୍ଟରେ ଏକ ମାମଲା ରୁଜୁ କରିଛି । ତେବେ  ଜିଲା ବାହାର ଡାକ୍ତରଖାାନାରେ ପରିଚାଳକ ପାଢ଼ୀ ଚିକିତ୍ସାଧିନ ଥିବା ପୋଲିସ କହୁଥିବା ବେଳେ ଏହା ସହଜରେ ଗ୍ରହଣୀୟ ହୋଇପାରୁ ନାହିଁ । ଏହାକୁ ନେଇ ମଙ୍ଗଳବାର ପଶ୍ଚିମ ଓଡ଼ିଶାର ବରଗଡ଼, ବଲାଙ୍ଗୀର, ଝାରସୁଗୁଡ଼ା ଆଦି ଅଞ୍ଚଳର ଆଦିବାସୀ କଲ୍ୟାଣ ସମିତି, ଗୋଁଡ଼ ମହାସଭା ସଂଗଠନର କର୍ମକର୍ତ୍ତାମାନେ ବରଗଡ଼ ଏସ୍‌ପି ମୁକେଶ କୁମାର ଭାମୁଙ୍କୁ ଫେରାଦ ହୋଇ ଅଭିଯୁକ୍ତଙ୍କୁ ଗିରଫ କରି ତୁରନ୍ତ ଜେଲ ପଠାଇବାକୁ ଦାବି କରିଥିଲେ। ଏସ୍‌ପି ସେମାନଙ୍କ ଦାବି ଶୁଣି ବାସ୍ତବରେ ଅଭିଯୁକ୍ତ ଚିକିତ୍ସାଧିନ ଅଛନ୍ତି ନା ନାହଁ, ସେ ସମ୍ପର୍କରେ ଅନୁଧ୍ୟାନ ପାଇଁ ଏକ ମେଡ଼ିକାଲ ବୋର୍ଡ଼ ଗଠନ କରାଯାଇ ସପ୍ତାହକ ମଧ୍ୟରେ ବିହିତ କାର୍ଯାନୁଷ୍ଠାନ ନିଆଯିବ ବୋଲି କହିଥିଲେ। ଏଥିରେ ସଂଗଠନର କର୍ମକର୍ତ୍ତାମାନେ ସହମତି ପ୍ରକାଶ କରିଥିବାବେଳେ ଆସନ୍ତା ୭ଦିନ ମଧ୍ୟରେ ଅଭିଯୁକ୍ତଙ୍କୁ ଗିରଫ କରା ନ ଗଲେ ଆନ୍ଦୋଳନକମୁ ଜୋରଦାର କରାଯିବ ବୋଲି ଚେତାବନୀ ଦେଇଛନ୍ତି ।

ସ୍ବଳ୍ପ ବୃଷ୍ଟିପାତ ସାଙ୍ଗକୁ ରୋଗପୋକ ଉପଦ୍ରବ: ଚାଷୀକୁ ଚିନ୍ତା, ଉଜୁଡ଼ୁଛି କପା ଫସଲ

ସ୍ବଳ୍ପ ବୃଷ୍ଟିପାତ ସାଙ୍ଗକୁ ରୋଗପୋକ ଉପଦ୍ରବ: ଚାଷୀକୁ ଚିନ୍ତା, ଉଜୁଡ଼ୁଛି କପା ଫସଲ

ବରଗଡ଼ ଅଫିସ୍‌,୧୭।୧୦-
ବରଗଡ଼ ଜିଲା ପଦ୍ମପୁର ଉପଖଣ୍ଡ ମରୁଡ଼ି ପ୍ରପୀଡ଼ିତ। ଏ ଅଞ୍ଚଳକୁ କେନାଲ ପାଣି ବ୍ୟବସ୍ଥା ନାହିଁ । ବର୍ଷା ଉପରେ ହିଁ ଅଞ୍ଚଳର ଚାଷବାସ ନିର୍ଭର କରିଥାଏ । ସେହିପରି ଚେକ୍‌ଡ୍ୟାମ କିମ୍ବା ଉଠାଜଳସେଚନ ପ୍ରକଳ୍ପରୁ ଚାଷଜମିକୁ ପାଣି ଯୋଗାଡ଼ ହୁଏ । ତେବେ ଚେକ୍‌ଡ୍ୟାମ ନାମକୁ ମାତ୍ର ହୋଇଥିବାବେଳେ ବିଦ୍ୟୁତ୍‌ ସେବା ବ୍ୟାହତ ଯୋଗୁ ଉଠାଜଳସେଚନ ପ୍ରକଳ୍ପ ଅଚଳ ହୋଇପଡ଼ିଛି । ସେହିପରି ଏଥର ବର୍ଷା ମଧ୍ୟ ସ୍ବାଭାବିକ ବୃଷ୍ଟିପାତଠାରୁ ବହୁ ଦୂରରେ ରହିଛି। ମୁଖ୍ୟତଃ ସ୍ବଳ୍ପ ବୃଷ୍ଟିପାତ ପଦ୍ମପୁର ଉପଖଣ୍ଡର ଚାଷକୁ ପ୍ରଭାବିତ କରିଛି। ସ୍ବାଭାବିକ ବର୍ଷାଠାରୁ ଏପର୍ଯ୍ୟନ୍ତ ଏହି ଉପଖଣ୍ଡର ବିଜେପୁରରେ ୨.୯୬, ପଦ୍ମପୁରରେ ୨୮.୨୭, ସୋହେଲାରେ ୩୧.୯୬, ଗାଇସିଲେଟରେ ୧୨.୯୬ ଏବଂ ଝାରବନ୍ଧରେ ୪.୬୦ ପ୍ରତିଶତ କମ୍‌ ବର୍ଷା ହୋଇଛି। ତେବେ ସ୍ବଳ୍ପ ବୃଷ୍ଟିପାତ କେବଳ ଧାନ ଫସଲକୁ ପ୍ରଭାବିତ କରିଛି, ତାହା ନୁହେଁ । ବିକଳ୍ପ ଫସଲଭାବେ ଅଞ୍ଚଳର ଚାଷୀମାନେ କପାଚାଷକୁ ଆଦରି ନେଇଥିବା ବେଳେ ତାହା ମଧ୍ୟ ଏଥିରେ ପ୍ରଭାବିତ ହୋଇଛି। ଏହା ସହିତ କପା ଫସଲରେ ରୋଗପୋକ ଉପଦ୍ରବ ଚାଷୀଙ୍କୁ ଚିନ୍ତାରେ ପକାଇଛି।

୯ ଟ୍ରକ୍‌ ପୋଡ଼ିଦେଲେ ମାଓବାଦୀ

୯ ଟ୍ରକ୍‌ ପୋଡ଼ିଦେଲେ ମାଓବାଦୀ

ରାଉରକେଲା,୧୭।୧୦-ଓଡ଼ିଶା-ଝାଡ଼ଖଣ୍ଡ ସୀମାନ୍ତବର୍ତ୍ତୀ ଲୋହାରଦଗା ଅଞ୍ଚଳରେ ମଙ୍ଗଳବାର ଘଟିଛି ଲାଲ୍‌ ତାଣ୍ଡବ। ୧୦ ସଶସ୍ତ୍ର ମାଓବାଦୀ ୯ଟି ବକ୍ସାଇଟ ବୋଝେଇ ଟ୍ରକ୍‌ରେ ନିଅଁା ଲଗାଇ ଦେଇଛନ୍ତି। 

ଘରୁ ଡାକି ନେଇ ନାବାଳିକାଙ୍କୁ ଗଣବଳାତ୍କାର

ଘରୁ ଡାକି ନେଇ ନାବାଳିକାଙ୍କୁ ଗଣବଳାତ୍କାର

ରାଉରକେଲା ଅଫିସ/ବେଦବ୍ୟାସ,୧୭।୧୦(ଡି.ଏନ୍‌.ଏ.)-ରାଉରକେଲା ବ୍ରାହ୍ମଣୀତରଙ୍ଗ ଥାନା ଅଞ୍ଚଳରେ ଜଣେ ନାବାଳିକା ଗଣବଳାତ୍କାରର ଶିକାର ହୋଇଛନ୍ତି। ତାଙ୍କୁ ଘରୁ ଡାକି ନେଇ ୪ ଜଣ ଯୁବକ ବଳାତ୍କାର କରିଥିବା ଥାନାରେ ଅଭିଯୋଗ ହୋଇଛି। 

ଅସହାୟ ବୃଦ୍ଧାଙ୍କ ଶବସତ୍କାର କଲେ ମନ୍ତ୍ରୀ ସୁଶାନ୍ତ ସିଂହ

ଅସହାୟ ବୃଦ୍ଧାଙ୍କ ଶବସତ୍କାର କଲେ ମନ୍ତ୍ରୀ ସୁଶାନ୍ତ ସିଂହ

ସୋହେଲା,୧୭।୧୦(ଡି.ଏନ.ଏ.)- ଆଜି ବି ବଞ୍ଚିଛି ମାନବିକତା । ବରଗଡ ଜିଲାର ସୋହେଲା ସାହୁଟିକିରାଠାରେ କିଛିମାସ ହେବ ମାଟି ଭୁଏ ନାମ୍ନୀ ଜଣେ ବୃଦ୍ଧା ଏକ କୁଡିଆରେ ଆଶ୍ରୟ ନେଇଥିଲେ ।

ଟ୍ରକ୍‌ ସହ ଧକ୍କା ହେଲା ବୋଲେରୋ, ୧୦ ଯାତ୍ରୀଙ୍କ ଜୀବନ ଚାଲିଗଲା

ଟ୍ରକ୍‌ ସହ ଧକ୍କା ହେଲା ବୋଲେରୋ, ୧୦ ଯାତ୍ରୀଙ୍କ ଜୀବନ ଚାଲିଗଲା

ନୂଆପଡା ଅଫିସ,୧୭।୧୦-ନୂଆପଡା ସହରର ମାତ୍ର ୪/୫ କି.ମି ଦୂର ୩୫୩ ନଂ. ଜାତୀୟ ରାଜପଥର ସିଲଦା ନାଲା ନିକଟରେ ବିଳମ୍ବିତ ରାତିରେ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ୧୦ ଜଣ ତୀର୍ଥ ଯାତ୍ରୀଙ୍କ ମୃତ୍ୟୁ ଘଟିଛି। ଛତିଶଗଡ଼ ରାଜ୍ୟ ମହାସମୁଦ ଜିଲା ସାଁକରା ଗାଁରୁ ଏମାନେ ନୂଆପଡା ଜିଲା କୋମନାରେ ଥିବା ବୈଷ୍ଣୋଦେବୀ ମନ୍ଦିରକୁ ମା’ଙ୍କୁ ଦର୍ଶନ ଲାଗି ଆସିଥିଲେ। ଫେରିବା ବେଳେ ଏହି ଦୁର୍ଘଟଣା ଘଟିଥିଲା। ଟ୍ରକ୍‌ ସହ ମୁହଁାମୁହିଁ ପିଟି ହୋଇଯିବାରୁ ବୋଲେରୋରେ ଥିବା ୯ ଜଣ ତୀର୍ଥ ଯାତ୍ରୀଙ୍କ ସମେତ ଚାଳକଙ୍କ ଜୀବନ ଦୀପ ମଧ୍ୟ ଲିଭି ଯାଇଛି।

ଭାଇଜିଉଁନ୍ତିଆରେ ଶୁଭ ମନାସିବାକୁ ଜେଲରେ ପହଞ୍ଚିଲେ କଏଦୀମାନଙ୍କ ଭଉଣୀ

ଭାଇଜିଉଁନ୍ତିଆରେ ଶୁଭ ମନାସିବାକୁ ଜେଲରେ ପହଞ୍ଚିଲେ କଏଦୀମାନଙ୍କ ଭଉଣୀ

ସମ୍ବଲପୁର,୧୭।୧୦(ବ୍ୟୁରୋ)-ମଙ୍ଗଳବାର ସରିଛି ଭାଇଜିଉଁନ୍ତିଆ ପାଇଁ ଉପବାସ। ବ୍ରତ ରଖିଥିବା ଭଉଣୀମାନେ ବୁଧବାର ଦୁବ ଛୁଇଁଲା ପରେ ଭାଇମାନଙ୍କ ଶୁଭ ମନାସିଛନ୍ତି।

ସାନପୋଡାଗୁଡା ଦୁର୍ଗାପୂଜା ରୌପ୍ୟ ଜୟନ୍ତୀ, ଘୁମୁରା ପ୍ରତିଯୋଗୀତା ଅନୁଷ୍ଠିତ

ସାନପୋଡାଗୁଡା ଦୁର୍ଗାପୂଜା ରୌପ୍ୟ ଜୟନ୍ତୀ, ଘୁମୁରା ପ୍ରତିଯୋଗୀତା ଅନୁଷ୍ଠିତ

କୋକସରା,୧୬।୧୦(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ ସାନପୋଡାଗୁଡାଠାରେ ଦୁର୍ଗାପୂଜାର ୨୫ ବର୍ଷ ପୂର୍ତ୍ତି ଅବସରରେ ଦଶାବତାର ଦୁର୍ଗାପୂଜା ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ପୂଜା କମିଟି ପକ୍ଷରୁ ଘୁମୁରା ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ଦୁର୍ଗା ପୂଜା କମିଟି ସଭାପତି ହରେକୃଷ୍ଣ ନାଏକଙ୍କ ସଭାପତିତ୍ୱରେ ମୁଖ୍ୟଅତିଥି ଭାବେ କଳାହାଣ୍ଡି ଜିଲା ଭାଜପା ଉପସଭାପତି ବଦ୍ରୀନାରାୟଣ ପଟ୍ଟନାୟକ ଯୋଗଦେଇ ଘୁମୁରା ପ୍ରତିଯୋଗୀତା ଉଦ୍‌ଘାଟନ କରିଥିଲେ ।

ନଦୀବାଲିରୁ ନିଖୋଜ ବାଳକର ମୁଣ୍ଡ ଗଣ୍ଡି ଅଲଗା ମୃତଦେହ ଉଦ୍ଧାର: ବଳି ଚର୍ଚ୍ଚା ଜୋର ଧରିଲା

ନଦୀବାଲିରୁ ନିଖୋଜ ବାଳକର ମୁଣ୍ଡ ଗଣ୍ଡି ଅଲଗା ମୃତଦେହ ଉଦ୍ଧାର: ବଳି ଚର୍ଚ୍ଚା ଜୋର ଧରିଲା

ବଲାଙ୍ଗୀର ଅଫିସ/ବଙ୍ଗୋମୁଣ୍ଡା, ୧୬ା୧୦(ଡି.ଏନ୍‌.ଏ.): ତିନିଧରି ନିଖୋଜ ଥିବା ଜଣେ ୯ ବର୍ଷର ବାଳକଙ୍କ ମୁଣ୍ଡ ଗଣ୍ଡି ଅଲଗା ଥିବା ମୃତଦେହ ଉନ୍ଦେର ନଦୀ ବାଲିରେ ଅଧା ପୋତା ଅବସ୍ଥାରେ ମଙ୍ଗଳବାର ଉଦ୍ଧାର ହୋଇଛି ।  ଟିଟିଲାଗଡ ଏସଡିପିଓଙ୍କ ଉପସ୍ଥିତିରେ ସିନ୍ଧେକେଲା ପୋଲିସ ଟିମ୍‌ ଉକ୍ତ ମୃତଦେହକୁ ଉଦ୍ଧାର କଲାପରେ ବ୍ୟବଚ୍ଛେଦ ପାଇଁ ପଠାଇଛି ।

ପାଟଖଣ୍ଡା ଯାତରା : ତେଲନଦୀ ପଠା ହେଲା ରକ୍ତ ରଞ୍ଜିତ

ପାଟଖଣ୍ଡା ଯାତରା : ତେଲନଦୀ ପଠା ହେଲା ରକ୍ତ ରଞ୍ଜିତ

ରିଷିଡ଼ା,୧୬।୧୦(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ପୌରକେଲାଠାରେ ସୋମବାର ପ୍ରସିଦ୍ଧ ପାଟଖଣ୍ଡା ଯାତରା ଅନୁଷ୍ଠିତ ହୋଇଯାଇଛି । ଏଥିରେ ୭ଟି ବୋଦା ଓ ଗରରା ବଳି ଦିଆଯାଇଛି ।

ମୋଟର ପମ୍ପ ଚୋରି ଅଭିଯୋଗ: ୩ ଯୁବକ ଗିରଫ

ମୋଟର ପମ୍ପ ଚୋରି ଅଭିଯୋଗ: ୩ ଯୁବକ ଗିରଫ

ବିଜେପୁର,୧୬।୧୦(ଡି.ଏନ.ଏ.): ବରଗଡ ଜିଲା ବିଜେପୁର ପୋଲିସ ମୋଟର ପମ୍ପ ଚୋରି ଅଭିଯୋଗରେ ୩ଜଣ ଯୁବକଙ୍କୁ ଗିରଫ କରି ମଙ୍ଗଳବାର ସୋହେଲା କୋର୍ଟଙ୍କୁ ଚାଲାଣ କରିଛି ।