ସମ୍ବଲପୁର

କୌଶଳ ମେଳା ପ୍ରସ୍ତୁତି ବୈଠକ

କୌଶଳ ମେଳା ପ୍ରସ୍ତୁତି ବୈଠକ

ଭବାନୀପାଟଣା,୫।୫(ଡି.ଏନ୍‌.ଏ.)- ଯୁବତୀଯୁବକଙ୍କ ପାଇଁ ଭାରତ ସରକାରଙ୍କ ପକ୍ଷରୁ ଆଜୀବିକା ଏବଂ କୌଶଳ ମେଳା କଳାହାଣ୍ଡି ଜଲାର ୫ଟି ବ୍ଲକ ଯଥା ଧର୍ମଗଡ଼, କର୍ଲାମୁଣ୍ଡା, ଗୋଲାମୁଣ୍ଡା, କଲମପୁର, ନର୍ଲାଠାରେ ଅନୁଷ୍ଠିତ ହେବ। ଭାରତ ସରକାରଙ୍କର ଗରିବ କଲ୍ୟାଣ ଯୋଜନାକୁ ଆଗକୁ ବଢ଼ାଇବା ନେଇ ମେଳା ମାଧ୍ୟମରେ ବିଭିନ୍ନ କାର୍ଯ୍ୟକ୍ରମ ବିଷୟରେ ସଚେତନତା ସୃଷ୍ଟି କରାଯିବ ବୋଲି ଆଇଏଲ୍‌ ଏଣ୍ଡ ଏଫ୍‌ଏସ୍‌ ସ୍କିଲ ଡେଭ୍‌ଲପ୍‌ମେଣ୍ଟ କର୍ପୋରେଶନର ଷ୍ଟେଟ୍‌ କୋଅର୍ଡିନେଟର ବସନ୍ତ କୁମାର ସାହୁ ଏବଂ ସୁଭାଶିଷ ସେଠୀ ଏକ ଖବରଦାତା ସମ୍ମିଳନୀରେ ପ୍ରକାଶ କରିଥିଲେ।

ମାଓବାଦୀ ଭୟ: ତ୍ରିଲୋଚନପୁର ଗାଁର ୧୦ପରିବାର ଭିଟାମାଟି ଛାଡିଲେ

ମାଓବାଦୀ ଭୟ: ତ୍ରିଲୋଚନପୁର ଗାଁର ୧୦ପରିବାର ଭିଟାମାଟି ଛାଡିଲେ

ଭବାନୀପାଟଣା,୫।୫(ଡି.ଏନ୍‌.ଏ.)- ମାଓବାଦୀ ଭୟରେ କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ବିଜେପୁର ଥାନା ଅଧୀନ ତ୍ରିଲୋଚନପୁର ଗ୍ରାମର ୧୦ରୁ ଊର୍ଦ୍ଧ୍ୱ ପରିବାର ଗାଁ ଛାଡି ଚାଳିଯାଇଥିବା ଜଣାପଡିଛି। ସୂଚନା ଯୋଗ୍ୟ, ତ୍ରିଲୋଚନପୁର ମାଓବାଦୀ ପ୍ରବାବିତ ଅଞ୍ଚଳ ଭାବେ ଜଣାଶୁଣା। କଛିଦିନ ତଳେ ମାଓବାଦୀ ପୋଲିସ ଇନ୍‌ଫର୍ମର ସନ୍ଦେହରେ ଗୋଟିଏ ପରିବାରର ଦୁଇ ଭାଇ ଅଜିତ ପଟ୍ଟନାୟକ ଓ ଡିଟନ ପଟ୍ଟନାୟକଙ୍କୁ ହତ୍ୟା କରିଥିଲେ। ଏନେଇ ଅଞ୍ଚଳର ଲୋକେ ଭୟଭୀତ ଅବସ୍ଥାରେ ରହୁଥିଲେ। ସେହିପରି ମାଓବାଦୀମାନେ ଗତ ଫେବୃୟାରୀରେ ଭବାନୀଟାଣାର ସୁପର କ୍ଲାସ ଠିକାଦାର ଶିବଶଙ୍କର ଦାସଙ୍କୁ ଗୁଳିକରି ହତ୍ୟା କରିଥିଲେ। ଗତ ମାସ ୨୦ ତାରିଖରେ ତ୍ରିଲୋଚନପୁର ଅଞ୍ଚଳର ଜଣେ ଗ୍ରାମରକ୍ଷୀଙ୍କ ସମେତ ୪ଜଣ ଗ୍ରାମବାସୀଙ୍କୁ ମାଓବାଦୀମାନେ ଗାଁରୁ ଉଠେଇ ନେଇ ଜଙ୍ଗଲରେ ନିସ୍ତୁକ ମାଡମାରି ପରେ ଛାଡିଦେଇଥିଲେ। ଏନେଇ ଗାଁରେ ଏକ ପ୍ରକାର ଭୟର ବାତାବରଣ ଲାଗି ରହିଥିଲା।

ବର ୧୭କୁ କନିଆ ୨୭: ବିବାହକୁ ରୋକିଲା ଶିଶୁ ସୁରକ୍ଷା ୟୁନିଟ୍‌

ବର ୧୭କୁ କନିଆ ୨୭: ବିବାହକୁ ରୋକିଲା ଶିଶୁ ସୁରକ୍ଷା ୟୁନିଟ୍‌

ଦେବଗଡ଼, ୫।୫(ସ୍ବ.ପ୍ର.)- ଦେବଗଡ଼ ଜିଲାର ବାରକୋଟ ବ୍ଲକରେ ଶୁକ୍ରବାର ଏକ ଆଇନ-ବିରୁଦ୍ଧ ବିବାହ କାର୍ଯ୍ୟକ୍ରମକୁ ବନ୍ଦ କରିବାରେ ଜିଲା ଶିଶୁ ସୁରକ୍ଷା ୟୁନିଟ ସଫଳ ହୋଇଛି। ବାଲ୍ୟ ବିବାହ ଉପରେ ସମ୍ପୂର୍ଣ୍ଣ ରୋକ୍‌ ଲଗାଇବାକୁ ଯାଇ ଜିଲାରେ ଶିଶୁ ସୁରକ୍ଷା ୟୁନିଟ୍‌ ପକ୍ଷରୁ ଚାଲିଥିବା କାର୍ଯ୍ୟାନୁଷ୍ଠାନ ନେଇ ବିବାହକୁ ନିଷ୍ଫଳ କରି ଦିଆଯାଇଛି।

ସ୍ତ୍ରୀଙ୍କୁ ତଣ୍ଟି ଚିପି ହତ୍ୟା ଅଭିଯୋଗ, ସ୍ବାମୀ ଅଟକ

ସ୍ତ୍ରୀଙ୍କୁ ତଣ୍ଟି ଚିପି ହତ୍ୟା ଅଭିଯୋଗ, ସ୍ବାମୀ ଅଟକ

ନୂଆପଡ଼ା ଅଫିସ/କୋମନା,୫।୫- ଜଣେ ମହିଳାଙ୍କୁ ତାଙ୍କ ସ୍ବାମୀ ତଣ୍ଟି ଚିପି ହତ୍ୟା କରିଛନ୍ତି। ମୃତ ମହିଳାଙ୍କ ପରିବାର ଲୋକେ ଏଭଳି ଅଭିଯୋଗ ଆଣିଛନ୍ତି। ଘଟଣା ଘଟିଛି ନୂଆପଡ଼ା ଜିଲା କୋମନା ଥାନା ଅଧୀନ ସିହିନାମୁଣ୍ଡା ଗାଁରେ। ଏ ନେଇ ପୋଲିସ ଦଫା ୩୦୨,୩୦୪(ଖ),୩୪,୪୯୮(କ), ୪ଡିପି ଆକ୍ଟରେ ଏକ ହତ୍ୟା ମାମଲା ରୁଜୁ କରିସ୍ବାମୀ ପ୍ରସନ୍ନ କୁମାର ହଂସଙ୍କୁ ଥାନାରେ ଅଟକ ରଖି ପଚରାଉଚୁରା ଚଳାଇଛି।

ଅଙ୍ଗ ନଦୀବନ୍ଧ ଯୋଜନାକୁ ବିରୋଧ: ଇଚ୍ଛାମୃତ୍ୟୁ ଆଦେଶ ପାଇଁ ରାଷ୍ଟ୍ରପତିଙ୍କୁ ଲେଖିଲେ ଚିଠି

ଅଙ୍ଗ ନଦୀବନ୍ଧ ଯୋଜନାକୁ ବିରୋଧ: ଇଚ୍ଛାମୃତ୍ୟୁ ଆଦେଶ ପାଇଁ ରାଷ୍ଟ୍ରପତିଙ୍କୁ ଲେଖିଲେ ଚିଠି

ବରଗଡ଼ ଅଫିସ୍‌,୫।୫- ବରଗଡ଼ ଜିଲା ପଦ୍ମପୁର ଉପଖଣ୍ଡ ପୂଝାରୀପାଲିଠାରେ ପ୍ରସ୍ତାବିତ ଅଙ୍ଗ ନଦୀବନ୍ଧ ଯୋଜନା ତଥା ବୃହତ୍‌ ଜଳସେଚନ ପ୍ରକଳ୍ପକୁ ନେଇ ପୁଣି ଅସନ୍ତୋଷ ତେଜି ଉଠିଛି। ଏହି ପ୍ରକଳ୍ପ ଦ୍ୱାରା ବିସ୍ଥାପିତ ହେଉଥିବା ଲୋକେ ବିସ୍ଥାପନ ପରିବର୍ତ୍ତେ ଇଚ୍ଛାମୃତ୍ୟୁ ପାଇଁ ଆଦେଶ ପ୍ରଦାନ କରିବାକୁ ନିବେଦନ କରିଛନ୍ତି। ଏହି ପରିପ୍ରେକ୍ଷୀରେ ଅଞ୍ଚଳର ଶତାଧିକ ଚାଷୀ ଶନିବାର ବରଗଡ଼ ମୁଖ୍ୟ ଡାକଘରକୁ ଆସି ଡାକ ଦ୍ୱାରା ରାଷ୍ଟ୍ରପତିଙ୍କୁ ଚିଠି ଲେଖିଛନ୍ତି। ଉକ୍ତ ପ୍ରକଳ୍ପ ଦ୍ୱାରା ବିସ୍ଥାପିତ ହେବାକୁ ଥିବା ଅଞ୍ଚଳର ସମୁଦାୟ ୩୦ହଜାର ଲୋକେ ରାଷ୍ଟ୍ରପତିଙ୍କ ନିକଟକୁ ଏଭଳି ଇଚ୍ଛାମୃତ୍ୟୁ ଆଦେଶ ପ୍ରଦାନ ଲାଗି ଚିଠି ଲେଖିବାର କାର୍ଯ୍ୟକ୍ରମ ରହିଛି ବୋଲି ଅଙ୍ଗ ନଦୀବନ୍ଧ ଯୋଜନା ପ୍ରତିରୋଧ କମିଟି ପକ୍ଷରୁ ସୂଚନା ଦିଆଯାଇଛି।

ବର୍ଷେ ହେଲା ପଡ଼ିରହିଛି ପାଉଣା: କାର୍ଯ୍ୟାଳୟ ଘେରାଉ ଚେତାବନୀ

ବର୍ଷେ ହେଲା ପଡ଼ିରହିଛି ପାଉଣା: କାର୍ଯ୍ୟାଳୟ ଘେରାଉ ଚେତାବନୀ

ନୂଆପଡ଼ାଅଫିସ,୫।୫- ସରକାର କେନ୍ଦୁପତ୍ର ତୋଳାଳିମାନଙ୍କୁ ଆବଶ୍ୟକ ସୁବିଧା ସୁଯୋଗ ଯୋଗାଇଦେବାକୁ ପଦକ୍ଷେପ ନେଇଛନ୍ତି। ଆର୍ଥିକ ଦୃଷ୍ଟିରୁ ସେମାନଙ୍କୁ ସ୍ବାବଲମ୍ବୀ କରିବା ପାଇଁ ଯୋଜନା କାର୍ଯ୍ୟକାରୀ କରିଛନ୍ତି। ଏହାସତ୍ତ୍ୱେ କେନ୍ଦୁପତ୍ର ସଂଗ୍ରହରେ ନିୟୋଜିତ ଶ୍ରମିକମାନେ ପାରିଶ୍ରମିକ ପାଇପାରୁ ନ ଥିବା ଅଭିଯୋଗ ଆସିଛି। ଅଭିଯୋଗ ଅନୁସାରେ, ନୂଆପଡ଼ା ଜିଲା ଖରିଆରରୋଡ଼ କେନ୍ଦୁପତ୍ର ରେଞ୍ଜ ଅଧୀନ ଶରଧାପୁର ଆଦିବାସୀ ବହୁଳ ଗାଁରେ କେନ୍ଦୁପତ୍ର ବିଭାଗ ପକ୍ଷରୁ ଫଡ଼ି ଘର ନିର୍ମାଣ କରାଯାଇଛି। ଗ୍ରାମର ଅଧିକାଂଶ ଲୋକେ ମୂଲ, ମଜୁରି କରିଥାନ୍ତି। କାମ ଧନ୍ଦା ନ ମିଳିଲେ ରାଜ୍ୟ ବାହାରକୁ ଦାଦନ ଖଟି ଯାଇଥାନ୍ତି। ଏଣୁ ଗ୍ରାମରେ କେନ୍ଦୁପତ୍ର କାମରେ ଶ୍ରମିକମାନଙ୍କୁ ଥଇଥାନ କରାଯାଉଛି। ଶ୍ରମିକମାନେ ବାର୍ଷିକ ୫ରୁ ୧୦ହଜାର ଟଙ୍କା ପାଇଥାନ୍ତି। ଗାଁର ୫୦ରୁ ଊର୍ଦ୍ଧ୍ୱ ପରିବାର ଏଥିରେ ସାମିଲ ହୋଇଛନ୍ତି। ଅଥଚ, ୨୦୧୭ବର୍ଷରେ କାମ କରିଥିବା କେତେକ ଶ୍ରମିକ ଆଜି ଯାଏଁ ପ୍ରାପ୍ୟ ପାଇ ନାହାନ୍ତି।

ଚୁଡାପାଲି ହାଇସ୍କୁଲରେ ଆରମ୍ଭ ହେବ ଯୁକ୍ତଦୁଇ ବିଜ୍ଞାନ ପାଠ

ବଲାଙ୍ଗୀର ଅଫିସ,୫।୫- ବଲାଙ୍ଗୀର ସଦର ବ୍ଲକ ଅଧୀନ ଚୁଡ଼ାପାଲି ହାଇସ୍କୁଲରେ ବହୁପ୍ରତୀକ୍ଷିତ ଯୁକ୍ତଦୁଇ ବିଜ୍ଞାନ ବିଭାଗ ଖୋଲିବା ପାଇଁ ଅନୁମତି ମିଳିଥିବା ଜଣାପଡିଛି । ଆଦିବାସୀ ଓ ହରିଜନ ବିଭାଗ ପକ୍ଷରୁ ପରିଚାଳିତ ହାଇସ୍କୁଲକୁ ଅପଗ୍ରେଡ କରାଯାଇଛ। ଓଡ଼ିଶା ସରକାରଙ୍କ ଆଦିବାସୀ ଓ ହରିଜନ କଲ୍ୟାଣ ବିଭାଗ ପତ୍ର ସଂଖ୍ୟା ୧୧୧/୧-୦୫-୨୦୧୮(ଇଡିଏନ୍‌-ଆଇ(ସି)୨/୧୬) ଅନୁସାରେ ଏହି ସ୍ବୀକୃତି ପ୍ରଦାନ କରାଯାଇଥିବା ଜଣାପଡିଛି। ଯୁକ୍ତଦୁଇ ବିଜ୍ଞାନ ବିଭାଗ ପାଇଁ ଅଧ୍ୟକ୍ଷ ଓ ଅଧ୍ୟାପକ ନିଯୁକ୍ତି ପାଇଁ ମଧ୍ୟ ଅର୍ଥ ବିଭାଗ ମଞ୍ଜୁରୀ ପ୍ରଦାନ କରିଥିବାରୁ ଚଳିତ ଶିକ୍ଷାବର୍ଷଠାରୁ ଏହି ହାଇସ୍କୁଲରେ ଯୁକ୍ତଦୁଇ ବିଜ୍ଞାନ ପାଠପଢା ଆରମ୍ଭ ହେବାର ଆଶା ଉଜ୍ଜୀବିତ ହୋଇଛି। ଚୁଡାପାଲି ହାଇସ୍କୁଲରେ ଯୁକ୍ତଦୁଇ ବିଭାଗ ଖୋଲିବା ପାଇଁ ଅଞ୍ଚଳବାସୀ ଓ ଆଦିବାସୀ ସଂଘ ଦୀର୍ଘ ଦିନରୁ ଦାବି କରିଆସୁଥିଲା। ବଲାଙ୍ଗୀର ବିଧାୟକ ତଥା ବିରୋଧୀଦଳ ନେତା ନରସିଂହ ମିଶ୍ର ମଧ୍ୟ ଏହି ନ୍ୟାଯ୍ୟ ଦାବିକୁ ରାଜ୍ୟ ସରକାରଙ୍କୁ ଜଣାଇଥିଲେ।

ସ୍କୁଲରେ ଚାଲିଛି ଠିକାଦାରଙ୍କ କ୍ୟାମ୍ପ

ସ୍କୁଲରେ ଚାଲିଛି ଠିକାଦାରଙ୍କ କ୍ୟାମ୍ପ

ଲୋଇସିଂହା,୫।୫(ଡି.ଏନ୍‌.ଏ.)-ଲୋଇସିଂହା ହରେକୃଷ୍ଣ ମହତାବ ହାଇସ୍କୁଲ ପରିସରରେ ଜଣେ ଠିକାଦାର ଦୀର୍ଘ ଦିନ ହେଲା ଏକ କ୍ୟାମ୍ପ କରି ରହିଥିବା ଅଭିଯୋଗ ହୋଇଛି। ସ୍କୁଲ ପରିସରରେ ଠିକାଦାରଙ୍କ ଶ୍ରମିକମାନେ ଡେରା ପକାଇଥିବା ନେଇ ଅସନ୍ତୋଷ ପ୍ରକାଶ ପାଇଛି। ସ୍ଥାନୀୟ ଲୋକଙ୍କ କହିବା ମୁତାବକ, ଲୋଇସିଂହା ହାଇସ୍କୁଲର ୨ ମହଲା ବିଶିଷ୍ଟ ଅତିରିକ୍ତ ଶ୍ରେଣୀ କୋଠା କାମ ଶେଷ ହୋଇଛି। ହେଲେ କୋଠା କାମରେ ନିୟୋଜିତ ରାଜ୍ୟ ତଥା ରାଜ୍ୟ ବାହାରର ରାଜ ମିସ୍ତ୍ରି ଓ ଶ୍ରମିକମାନେ ସ୍କୁଲ ପରିସରରେ କ୍ୟାମ୍ପ କରି ରହି ଆସୁଛନ୍ତି। ଏପରି କି କାମରେ ବ୍ୟବହାର ହେଉଥିବା ସିମେଣ୍ଟ ଓ ଅନ୍ୟାନ୍ୟ ସାମଗ୍ରୀଗୁଡିକ ରଖାଯାଇଛି। ଫଳରେ ଛାତ୍ରୀଛାତ୍ରମାନେ ବୁଲିବା ଖେଳିବାରେ ଅସୁବିଧାର ସମ୍ମୁଖୀନ ହେଉଛନ୍ତି।

ପଦ୍ମପୁରରେ ପୁଞ୍ଜିଲାଲଙ୍କ ସ୍ବାସ୍ଥ୍ୟ ପରୀକ୍ଷା, ତଦନ୍ତ ପାଇଁ ନିଆଗଲା ରାୟପୁର

ପଦ୍ମପୁରରେ ପୁଞ୍ଜିଲାଲଙ୍କ ସ୍ବାସ୍ଥ୍ୟ ପରୀକ୍ଷା, ତଦନ୍ତ ପାଇଁ ନିଆଗଲା ରାୟପୁର

ପଦ୍ମପୁର,୫।୫(ଡି.ଏନ୍‌.ଏ.)-ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାର ମୁଖ୍ୟ ଅଭିଯୁକ୍ତ ତଥା ମାଷ୍ଟରମାଇଣ୍ଡ ପୁଞ୍ଜିଲାଲ ମେହେରଙ୍କୁ କ୍ରାଇମବ୍ରାଞ୍ଚ ଟିମ୍‌ ଶନିବାର ସକାଳ ପ୍ରାୟ ସାଢ଼େ ୭ଟାରେ ପାଟଣାଗଡ଼ରୁ ଆଣି ପଦ୍ମପୁର ଉପଖଣ୍ଡ ଡାକ୍ତରଖାନାରେ ସ୍ବାସ୍ଥ୍ୟ ପରୀକ୍ଷା କରାଇଛି। ଦାୟୀତ୍ୱରେ ଥିବା ଡ. ରାଜକିଶୋର ନାଏକ ସ୍ବାସ୍ଥ୍ୟ ପରୀକ୍ଷା କରିଥିଲେ। ପରେ କ୍ରାଇମବ୍ରାଞ୍ଚ ଟିମ୍‌ ପୁଞ୍ଜିଲାଲଙ୍କୁ ଧରି ରାୟପୁର ଯାଇଥିବା ପଦ୍ମପୁର ଆଇଆଇସି କେ. ପ୍ରିୟଙ୍କା ରାଉତରାୟ ସୂଚନା ଦେଇଛନ୍ତି।

ବାହାର ରାଜ୍ୟର ସିକ୍ୟୁରିଟି ସଂସ୍ଥା ପାଉଛନ୍ତି ଟେଣ୍ଡର

ବାହାର ରାଜ୍ୟର ସିକ୍ୟୁରିଟି ସଂସ୍ଥା ପାଉଛନ୍ତି ଟେଣ୍ଡର

ରାଉରକେଲା ଅଫିସ,୫।୫-ଶିଳ୍ପନଗରୀ ରାଉରକେଲାରେ ଅନେକ ବ୍ୟବସାୟିକ ସଂସ୍ଥା ରହିଛି । ସେହିପରି ସହର ସମେତ ଏହାର ଚତୁପାର୍ଶ୍ୱରେ ରହିଛି ଛୋଟ ବଡ଼ ବହୁ ଶିଳ୍ପ ସଂସ୍ଥା। ଏହା ସହ ରହିଛି ରାଷ୍ଟ୍ରାୟତ ଉଦ୍ୟୋଗ। ଏହି ସଂସ୍ଥାଗୁଡିକ ରାଉରକେଲାରେ କାର୍ଯ୍ୟ କରୁଥିବା ସିକ୍ୟୁରିଟି ସଂସ୍ଥାକୁ ଠିକା ଦେଉ ନାହାନ୍ତି । ରାଜ୍ୟ ବାହାରର ସଂସ୍ଥାକୁ ଠିକା ଦେଉଛନ୍ତି। ସେହିପରି ଠିକା ନେଉଥିବା ସଂସ୍ଥା ରାଜ୍ୟ ବାହାରୁ ସୁରକ୍ଷା କର୍ମୀ ଆଣୁ ନାହାନ୍ତି। ଆମରି ଅଞ୍ଚଳର ପିଲାମାନଙ୍କୁ ନେଉଛନ୍ତି। ହେଲେ ସେମାନଙ୍କୁ ଶୋଷଣ କରୁଛନ୍ତି। ସିକ୍ୟୁରିଟି ଗାର୍ଡମାନଙ୍କୁ ଯେଉଁ ପରିମାଣର ମଜୁରି ଦେବା କଥା ତାହା ସେମାନେ ଦେଉ ନାହାନ୍ତି। ଫଳରେ ଆମ ରାଜ୍ୟର ଯୁବକମାନେ ଶୋଷିତ ହେଉଛନ୍ତି। ରାଜ୍ୟ ବାହାରର ସିକ୍ୟୁରିଟି ସଂସ୍ଥା ଲାଭବାନ ହେଉଛି।

ସେବା ଜୀବନକୁ ମହତ୍ତର କରେ

ସେବା ଜୀବନକୁ ମହତ୍ତର କରେ

ବଲାଙ୍ଗୀର ଅଫିସ,୫।୫- ବଲାଙ୍ଗୀର ରୋଟାରୀ ଇଲାଇଟ୍‌ କ୍ଳବର ପ୍ରତିଷ୍ଠା ଦିବସ ସ୍ଥାନୀୟ ସାମ୍ବାଦିକ ଭବନଠାରେ ପାଳିତ ହୋଇଯାଇଛି। କ୍ଳବ ସଭାପତି ସୌମେନ୍ଦ୍ର ପରିଚ୍ଛାଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ମୁଖ୍ୟଅତିଥି ଭାବେ ପ୍ରଫେସର ମଧୁସୂଦନ ପତି, ସମ୍ମାନିତ ଅତିଥି ଭାବେ ବୁର୍ଲା ଭିମସାରର ଡାକ୍ତର ଶଙ୍କର ରାମଚନ୍ଦାନୀ, ପୂର୍ବତନ ସଭାପତି ନରେନ୍ଦ୍ର ସାହୁ, ପ୍ରତିଷ୍ଠାତା ସଦସ୍ୟ ଧର୍ମେନ୍ଦ୍ର ନନ୍ଦ ମଞ୍ଚାସୀନ ଥିଲେ। ସେବା କିଭଳି ଜୀବନକୁ ମହତ୍ତର କରେ ଏବଂ ସେବା ମାଧୟମରେ ମଣିଷ କିଭଳି ଆତ୍ମତୃପ୍ତି ଲାଭ କରେ ଏନେଇ ପ୍ରଫେସର ପତି ତାଙ୍କ ବକ୍ତବ୍ୟରେ କହିଥିଲେ।

କଣ୍ଟାବାଞ୍ଜିରେ ଆଇପିଏଲ୍‌ ବେଟିଂ

କଣ୍ଟାବାଞ୍ଜିରେ ଆଇପିଏଲ୍‌ ବେଟିଂ

ବଲାଙ୍ଗୀର ଅଫିସ, ୫।୫-ବଲାଙ୍ଗୀର ଜିଲାର କଣ୍ଟାବାଞ୍ଜି ସହରରେ ଚାଲିଥିବା ଆଇପିଏଲ ବେଟିଂ ଏବଂ ସଟ୍ଟାଗଦି ଉପରେ ବଲାଙ୍ଗୀର ପୋଲିସର ସ୍ପେଶାଲ ସ୍କ୍ବାଡ ଏବଂ କଣ୍ଟାବାଞ୍ଜି ପୋଲିସ ଶୁକ୍ରବାର ସକାଳେ ଚଢ଼ାଉ କରି ୩ ଜଣଙ୍କୁ ଗିରଫ କରିଛି। ସେମାନଙ୍କଠାରୁ ୧୧ ଲକ୍ଷ ୧୭ ହଜାର ୭ ଶହ ଟଙ୍କା, ୧୧ଟି ମୋବାଇଲ ଫୋନ୍‌, ୪ଟି ଲାପ୍‌ଟପ୍‌ ଓ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି। ଏସ୍‌ପି କେ. ଶିବା ସୁବ୍ରମଣି ଜିଲା ପୋଲିସ କାର୍ଯ୍ୟାଳୟ ସମ୍ମିଳନୀ କକ୍ଷରେ ଅନୁଷ୍ଠିତ ଖବରଦାତା ସମ୍ମିଳନୀରେ ଏ ନେଇ ସୂଚନା ପ୍ରଦାନ କରିଛନ୍ତି

ପ୍ରଧାନମନ୍ତ୍ରୀ ଆବାସ, ବିଜୁପକ୍କାଘର ସପନ୍‌  ଭଂଗା କୁରିଆରେ ବିତୁଛେ ଜୀବନ୍‌

ପ୍ରଧାନମନ୍ତ୍ରୀ ଆବାସ, ବିଜୁପକ୍କାଘର ସପନ୍‌ ଭଂଗା କୁରିଆରେ ବିତୁଛେ ଜୀବନ୍‌

ଜୁନାଗଡ,୫।୫(ଡି.ଏନ.ଏ.)- ଚିଦାନନ୍ଦ ବଗର୍ତ୍ତୀ(୪୨)କଁର ପରିବାର କହେଲେ ମାଏଝି ମଙ୍ଗଲେ (୩୭), ପୁଓ ଭାଗୀରଥି(୯) ଆର୍‌ ଝି ଡଲି(୩)। ଚିଦାନନ୍ଦ ଫିଦିନ୍‌ କୁଲିମଜୁରି କରି ଯାହା କମାନି କର୍‌ସନ୍‌ ସେଥ୍‌ରେ ତାକର ପରିବାର ଚଲୁଛେ। ଯେନ୍‌ଦିନ କିଛି କାମ୍‌ବୁତା ନାଇଁ ମିଲ୍‌ଲା ସେଦିନ କୁଟୁମ୍‌ଟାକେ ଉପାସେ ରହେବାକେ ପଡ୍‌ସି। ପନ୍‌ଚେତ୍‌ ତର୍‌ଫୁ ମାସିକ୍‌ ୧୫ କେ.ଜି. ଚାଉଲ୍‌କେ ଛାଡିଦେଲେ ଆର୍‌ କେହେନ୍‌ସି ପର୍‌କାର ସରକାରୀ ସାହାଯ୍‌ ନାଇଁ ପାଏବାର। ଘର୍‌ ଡିହି ଖଁଡ୍‌କ ବାଦ୍‌ ଦେଲେ ତାକର ସଁପତି ବଲି ବି ଆର୍‌ କିଛି ନାଇଁ। ଏହେଦେ ଖରାଦିନ୍‌ ବିଲି ଦୁଖେ କଷ୍‌ଟେ ଚଲି ଯାଉଛୁଁ, ଆଗ୍‌କେ ବର୍‌ଷା ଦିନ୍‌ ମାଡି ଆସୁଛେ ସେ ସମିଆରେ କେନ୍‌ନେ ମୁଡ୍‌ ରଖ୍‌ମୁଁ କହତ ଘାଏ ବଲି ବଡ଼ାଟେ ଦୁଖ୍‌ମନା ହେଇ ଦୁଇ ମାଏଝି ମୁନୁଷ୍‌ କହିଥିଲେ।

୧୦ ମାସ ହେଲା ପଞ୍ଚାୟତରେ ତାଲା: ଉନ୍ନୟନ କାମ ସମ୍ପୂର୍ଣ୍ଣ ଠପ୍‌

୧୦ ମାସ ହେଲା ପଞ୍ଚାୟତରେ ତାଲା: ଉନ୍ନୟନ କାମ ସମ୍ପୂର୍ଣ୍ଣ ଠପ୍‌

ଲାଞ୍ଜିଗଡ଼,୫।୫(ଡି.ଏନ.ଏ.)- ଦୁଆର ମୁହଁରେ ପ୍ରଶାସନକୁ ପହଞ୍ଚାଇବାର ଲକ୍ଷ୍ୟ ନେଇ ତଥା ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥାରେ ସୁଧାର ଆଣିବାକୁ ପଞ୍ଚାୟତ ଉପରେ କ୍ଷମତା ଦିଆଯାଇଛି । ପଞ୍ଚାୟତକୁ ଅଧିକ କ୍ଷମତା ଦିଆଯିବା ପରେ ଉନ୍ନୟନ କାର୍ଯ୍ୟଗୁଡିକ ମଧ୍ୟ ତ୍ୱରାନ୍ବିତ ହୋଇପାରିଥିବା ଲକ୍ଷ୍ୟ କରାଯାଇଛି । କିନ୍ତୁ ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥାରେ ସୁଧାର ଓ କ୍ଷମତାସମ୍ପନ୍ନ ହେବା ସତ୍ତ୍ୱେ ଦୀର୍ଘ ୧୦ ମାସ ହେଲା ପଞ୍ଚାୟତ କାର୍ଯ୍ୟାଳୟରେ ତାଲା ଝୁଲିବା ଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ କାନକୁଟ୍ରୁ ପଞ୍ଚାୟତରେ । ବ୍ଲକର ଏକ ଦୁର୍ଗମ ଅଞ୍ଚଳ ଭାବେ ପରିଚିତ ।

ଝାରସୁଗୁଡା ବିମାନବନ୍ଦର ପାଇଲା ଡିଜିସିଏ ଲାଇସେନ୍ସ

ଝାରସୁଗୁଡା ବିମାନବନ୍ଦର ପାଇଲା ଡିଜିସିଏ ଲାଇସେନ୍ସ

ଝାରସୁଗୁଡା ଅଫିସ,୫।୫ ଝାରସୁଗୁଡା ଜିଲାବାସୀଙ୍କ ପାଇଁ ଖୁସିର ଖବର । ଓଡ଼ିଶାର ଦ୍ୱିତୀୟ ବିମାନବନ୍ଦର ଭାବେ ଝାରସୁଗୁଡା ବିମାନବନ୍ଦର ଶୁକ୍ରବାର ଲାଇସେନ୍ସ ପାଇଛି । ଡାଇରେକ୍ଟର ଜେନେରାଲ ଅଫ ସିଭିଲ ଏଭିଏସନ (ଡିଜିସିଏ) ତରଫରୁ ଝାରସୁଗୁଡା ବିମାନବନ୍ଦରକୁ ଏହି ଲାଇସେନ୍ସ ପ୍ରଦାନ କରାଯାଇଛ । ଏ ନେଇ ଶୁକ୍ରବାର ସନ୍ଧ୍ୟାରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରାଳୟର ଯୁଗ୍ମସଚିବ ଉଷା ପାଢୀ ଟ୍ବିଟ୍‌ କରିଛନ୍ତି । ବିମାନ ଚଳାଚଳ ପାଇଁ ଝାରସୁଗୁଡା ବିମାନବନ୍ଦର ଲାଇସେନ୍ସ ପାଇଥିବାରୁ ସେ ନିଜର ଖୁସିବ୍ୟକ୍ତ କରିବା ସହ ବିମାନ ସେବା ଆରମ୍ଭ ତ୍ୱରାନ୍ବିତ ହେବ ବୋଲି କହିଛନ୍ତି ।

ଝାରସୁଗୁଡା ଜିଲା: କଷ୍ଟମ ଚାଉଳ ସଂଗ୍ରହ ଶୀଥିଳ

ଝାରସୁଗୁଡା ଅଫିସ,୫।୫ କଷ୍ଟମ ମିଲିଂ ପାଇଁ ୨୦୧୭-୧୮ ଖରିଫ୍‌ ଋତୁରେ ଚାଷୀଙ୍କଠାରୁ ମିଲର୍ସ ନେଇଥିବା ଧାନର ପ୍ରତି ବଦଳରେ ଚାଉଳ ସଂଗ୍ରହ ହାର ଶୀଥିଳ ପଡିଛି । ଚଳିତ ଖରିଫ୍‌ ଋତୁର ଚାଉଳ ସଂଗ୍ରହର ଶେଷ ତାରିଖ ସୁଦ୍ଧା ସଂଗ୍ରହ ହାର ନିରୁତ୍ସାହଜନକ ରହିଥିବା ଯୋଗାଣ ନିଗମର ପରିଚାଳନା ନିର୍ଦ୍ଦେଶକ ସୂଚାଇଛନ୍ତି । ଏହାସହ ଚାଉଳ ସଂଗ୍ରହ କ୍ଷେତ୍ରରେ ଜାରି ରହିଥିବା ନିରୁତ୍ସାହ ପ୍ରଦର୍ଶନର କାରଣ ୩ ଦିନ ଭିତରେ ଜଣାଇବାକୁ ସିଏସ୍‌ଓଙ୍କୁ କୁହାଯାଇଛ ।

ଦୃଢମନା ଧନେଶ୍ୱର: ପରିଣତ ବୟସରେ କମ୍ପ୍ୟୁଟର ଚାଳନା

ଝାରସୁଗୁଡା ଅଫିସ,୫।୫ ସରକାରୀ କାର୍ଯ୍ୟାଳୟରେ ଏପରି କେତେକ କର୍ମଚାରୀ ଅଛନ୍ତି, ଯେଉଁମାନେ ଆଜିଯାଏଁ କାଗଜ କଲମରେ ହିସାବ ନିକାଶ କରନ୍ତି । କମ୍ପ୍ୟୁଟର ସୁବିଧା ଥିଲେ ମଧ୍ୟ ସେସବୁଠାରୁ ଦୂରରେ ରହିବାକୁ ପସନ୍ଦ କରନ୍ତି । କାରଣ ଅତି ସରଳ, ଇଚ୍ଛାଶକ୍ତି ଏବଂ ଉଦ୍ୟମର ଅଭାବ । ସେହି କାର୍ଯ୍ୟାଳୟରେ ଜଣେ ଏପରି କର୍ମଚାରୀ ଅଛନ୍ତି ଯିଏ ନିଜ ଇଚ୍ଛା ଏବଂ ଉଦ୍ୟମରେ ଅନ୍ୟ ପାଇଁ କମ୍ପ୍ୟୁଟର ବ୍ୟବହାର ଦିଗରେ ଉଦାହରଣ ହୋଇପାରନ୍ତି ।

ମେ ୧୪ରୁ ଖୋଲିବ ଡାଳୁଅ ମଣ୍ଡି

ମେ ୧୪ରୁ ଖୋଲିବ ଡାଳୁଅ ମଣ୍ଡି

ଝାରସୁଗୁଡା ଅଫିସ,୫।୫ ଅଭାବୀ ବିକ୍ରି ରୋକିବା ପାଇଁ ସରକାର ମଣ୍ଡି ମାଧ୍ୟମରେ ଧାନ ବିକ୍ରି ବ୍ୟବସ୍ଥା କରିଛନ୍ତି। ଫଳରେ ଚାଷୀ ଉପତ୍ାଦିତ ଫସଲର ସର୍ବନିମ୍ନ ସହାୟକ ମୂଲ୍ୟ ପାଇପାରିବ। ଖରିଫ୍‌ ଋତୁ ଫସଲ କିଣାବିକା ପାଇଁ ଝାରସୁଗୁଡା ଜିଲାରେ ମଣ୍ଡି ବ୍ୟବସ୍ଥା ରହିଥିଲା । ଗତବର୍ଷ ଠାରୁ ଡାଳୁଅ ଧାନ ବିକ୍ରୟ ପାଇଁ ଜିଲାରେ ମଣ୍ଡି ଖୋଲାଯାଇଛି ।

ଅମଳ ସମୟରେ ଉଜୁଡ଼ୁଛି ଫସଲ

ଅମଳ ସମୟରେ ଉଜୁଡ଼ୁଛି ଫସଲ

ବରଗଡ଼ ଅଫିସ୍‌,୫।୫ ବରଗଡ଼ ଜିଲା ଚାଷୀଙ୍କୁ ସମସ୍ୟା ପିଛା ଛାଡ଼ୁନାହିଁ । କେତେବେଳେ ଚକଡ଼ା ରୋଗପୋକ ଫସଲ ନଷ୍ଟ କରି ଦେଉଛି ତ ଆଉ କେବେ କାଳବୈଶାଖୀରେ ଚାଷୀଙ୍କ ଫସଲ ଧୂଳିସାତ୍‌ ହୋଇ ଯାଉଛି। ସେହିପରି ନକଲି ବିହନ, କୀଟନାଶକ ଯୋଗୁ ମଧ୍ୟ ଚାଷୀଙ୍କ ଫସଲ କ୍ଷତିଗ୍ରସ୍ତ ହେଉଛି ।

ସାମର୍ଥ୍ୟ-୨୦୧୮ ଉଦ୍‌ଯାପିତ

ସାମର୍ଥ୍ୟ-୨୦୧୮ ଉଦ୍‌ଯାପିତ

ବରଗଡ଼ ଅଫିସ୍‌,୫।୫ ବରଗଡ଼ ନିଶାମଣି ସ୍କୁଲରେ ଦ୍ୱିତୀୟ ପର୍ଯ୍ୟାୟ ସାମର୍ଥ୍ୟ ପ୍ରଶିକ୍ଷଣ ଶିବିର(ଓଡ଼ିଆ) ଉଦ୍‌ଯାପିତ ହୋଇଯାଇଛି ା ଉଦ୍‌ଯାପନୀ ସଭାରେ ପ୍ରଦୀପ କୁମାର ଦାଶ ସଭାପତିତ୍ୱ କରି ସାମର୍ଥ୍ୟ ପ୍ରଶିକ୍ଷଣର ଉପାଦେୟତା ଉପରେ ଆଲୋକପାତ କରିଥିଲେ ।

ଆଦର୍ଶ ବିଦ୍ୟାଳୟର ସାଂସ୍କୃତିକ ସନ୍ଧ୍ୟା ପରବ ଉଦ୍‌ଯାପିତ

ଆଦର୍ଶ ବିଦ୍ୟାଳୟର ସାଂସ୍କୃତିକ ସନ୍ଧ୍ୟା ପରବ ଉଦ୍‌ଯାପିତ

ଭେଡ଼େନ,୫।୫(ଡ଼ି.ଏନ.ଏ) ଭେଡ଼େନ ବ୍ଲକ ଅନ୍ତର୍ଗତ ରୁଷୁଡ଼ା ସ୍ଥିତ ପ୍ରାଦେଶିକ ଆଦର୍ଶ ବିଦ୍ୟାଳୟର ଦ୍ୱିତୀୟ ବାର୍ଷିକୋତ୍ସବ ସାଂସ୍କୃତିକ ସନ୍ଧ୍ୟା ପରବ ଉଦ୍‌ଯାପିତ ହୋଇଛି । ବିଦ୍ୟାଳୟ ପରିଚାଳନା ସମିତି ସଭାପତି ସୁରେନ୍ଦ୍ର କର୍ମୀଙ୍କ ସଭାପତିତ୍ୱରେ ହୋଇଥିବା ବାର୍ଷିକୋତ୍ସବରେ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ ମୁଖ୍ୟ ଅତିଥି, ରାଜ୍ୟପାଳ ପୁରସ୍କାରପ୍ରାପ୍ତ ଶିକ୍ଷକ ଧର୍ମରାଜ ପ୍ରଧାନ ମୁଖ୍ୟବକ୍ତା

କ୍ଷତିପୂରଣ ସହାୟତା ଦାବି: ଜିଲା ଯୋଜନା ବୋର୍ଡ଼ ଅଧ୍ୟକ୍ଷଙ୍କୁ ଭେଟିଲେ ଚାଷୀ

କ୍ଷତିପୂରଣ ସହାୟତା ଦାବି: ଜିଲା ଯୋଜନା ବୋର୍ଡ଼ ଅଧ୍ୟକ୍ଷଙ୍କୁ ଭେଟିଲେ ଚାଷୀ

ବରଗଡ଼ ଅଫିସ୍‌,୫।୫ କାଳବୈଶାଖୀରେ ଫସଲକ୍ଷତି ନେଇ ଚାଷୀଙ୍କ ଆର୍ଥିକ, ମାନସିକ ସ୍ଥିତି ଦୋହଲି ପଡ଼ିଛି । ଚାଷକାର୍ଯ୍ୟରେ ବିନିଯୋଗ କରିଥିବା ଋଣ, କରଜ ପରିଶୋଧ ତ ଦୂରର କଥା, ପରିବାର ଗୁଜୁରାଣ ମେଣ୍ଟାଇବା ଚିନ୍ତା ଏବେ ଚାଷୀଙ୍କୁ ଘାରିଛି । ଏଭଳି ସ୍ଥିତିରେ କ୍ଷତିପୂରଣ ସହାୟତା ହିଁ ଚାଷୀଙ୍କ ପାଇଁ ଏକମାତ୍ର ଭରସା ପାଲଟିଛି। ଫଳରେ କ୍ଷତିପୂରଣ ସହାୟତା ମିଳିବା ଆଶା ନେଇ ଚାଷୀମାନେ ସ୍ଥାନୀୟ ବିଧାୟକ, ଜିଲାପାଳଙ୍କୁ ଗୁହାରୀ କରୁଥିବା ଦେଖିବାକୁ ମିଳୁଛି ।

ମଦଭାଟି ବନ୍ଦ କରିବାକୁ ଦାବି: ଜିଲାପାଳଙ୍କୁ ଫେରାଦ

ମଦଭାଟି ବନ୍ଦ କରିବାକୁ ଦାବି: ଜିଲାପାଳଙ୍କୁ ଫେରାଦ

ବରଗଡ଼ ଅଫିସ୍‌,୫।୫ ବରଗଡ଼ ଜିଲା ପଦ୍ମପୁର ଉପଖଣ୍ଡ ଛୋଟଅନକି ପଞ୍ଚାୟତ ଅନ୍ତର୍ଗତ ବଡ଼ଅନକି ଗ୍ରାମକୁ ମଦମୁକ୍ତ କରିବା ପାଇଁ ଗ୍ରାମବାସୀ ଅଣ୍ଟା ଭିଡିଛନ୍ତି । ଏହି ପରିପ୍ରେକ୍ଷୀରେ ଗ୍ରାମରେ ଥିବା ମଦଭାଟିକୁ ବନ୍ଦ କରିବା ଦାବି ନେଇ ଶୁକ୍ରବାର ଗ୍ରାମର ମହିଳାମାନେ ଜିଲାପାଳଙ୍କୁ ଫେରାଦ ହୋଇଥିଲେ ।

ଚାଷୀଙ୍କ ଚରମ ନିଷ୍ପତ୍ତି: ପରିଚୟପତ୍ର ରବ୍ଦ ପାଇଁ ଜିଲାପାଳଙ୍କୁ ଲେଖିଲେ

ଚାଷୀଙ୍କ ଚରମ ନିଷ୍ପତ୍ତି: ପରିଚୟପତ୍ର ରବ୍ଦ ପାଇଁ ଜିଲାପାଳଙ୍କୁ ଲେଖିଲେ

ବରଗଡ଼ ଅଫିସ୍‌,୫।୫ ବରଗଡ଼ ଜିଲାରେ ଗତ ୩୦ତାରିଖରେ ହୋଇଥିବା କାଳବୈଶାଖୀରେ ବ୍ୟାପକ ଫସଲକ୍ଷତି ହୋଇଛି । ଏଥିରେ ଚାଷୀଙ୍କ ରବିଧାନ ଫସଲ ସମ୍ପୂର୍ଣ୍ଣ ଭାବେ ଉଜୁଡ଼ି ଯାଇଛି । ଏଭଳି ପରିସ୍ଥିତିରେ ଜିଲାର ବରପାଲି ବ୍ଲକ ଅନ୍ତର୍ଗତ ଲେଣ୍ଡା ଗ୍ରାମର ଚାଷୀମାନେ ଚରମ ନିଷ୍ପତ୍ତି ନେଇଛନ୍ତି ।