ସମ୍ବଲପୁର

ରେଳ ଧାରଣାରୁ ଅଚିହ୍ନା ଯୁବତୀଙ୍କ ମୃତଦେହ ଉଦ୍ଧାର

ସମ୍ବଲପୁର,୭।୭(ବ୍ୟୁରୋ):ସମ୍ବଲପୁର ଉପକଣ୍ଠ ଧନୁପାଲି ଥାନା ଅଧୀନ ସିଟି ଷ୍ଟେଶନ ନିକଟ ରେଳ ଧାରଣାରୁ ଶୁକ୍ରବାର ଜଣେ ଅଜଣା ଯୁବତୀଙ୍କ ମୃତଦେହକୁ ପୋଲିସ ଉଦ୍ଧାର କରିଛି। ତାଙ୍କ ବୟସ ଅନୁମାନିକ ୨୨/୨୩ ବର୍ଷ ଭିତରେ ହେବ ବୋଲି ପୋଲିସ ଅନୁମାନ କରୁଛି । ଏ ନେଇ ଥାନାରେ ୧୧/୧୮ରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ବ୍ୟବଛେଦ ପାଇଁ ଜିଲା ସଦର ଡାକ୍ତରଖାନରେ ମୃତଦେହକୁ ରଖାଯାଇଛି।

୯ରେ ମଞ୍ଚସ୍ଥ ହେବ ନାଟକ ‘ତପସ୍ବିନୀ’

୯ରେ ମଞ୍ଚସ୍ଥ ହେବ ନାଟକ ‘ତପସ୍ବିନୀ’

ସମ୍ବଲପୁର,୭।୭(ବ୍ୟୁରୋ)- ସ୍ବଭାବ କବି ଗଙ୍ଗାଧର ମେହେରଙ୍କ ରଚିତ ‘ତପସ୍ବିନୀ’ କାବ୍ୟର ନାଟ୍ୟ ରୂପାନ୍ତର ଆସନ୍ତା ୯ ତାରିଖ ସମ୍ବଲପୁର ଝାଡୁଆପଡା ଆରଣ୍ୟକ ମଞ୍ଚଠାରେ ମଞ୍ଚସ୍ଥ ହେବ । ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ସହଯୋଗରେ ସମ୍ବଲପୁର ଅଦୃଶ୍ୟ ନାଟ୍ୟ ଆଶ୍ରମ କଳାକାରମାନେ ତପସ୍ବିନୀ ନାଟକ ମଞ୍ଚସ୍ଥ କରିବେ । ଏଥିପାଇଁ ପ୍ରସ୍ତୁତି ଶେଷ ହୋଇଛି । ପରବର୍ତ୍ତୀ ସମୟରେ ସମ୍ବଲପୁର ବିଶ୍ୱବିଦ୍ୟାଳୟ ଓ ଭୁବନେଶ୍ୱର ରବୀନ୍ଦ୍ର ମଣ୍ଡପଠାରେ ମଞ୍ଚସ୍ଥ ହେବାକୁ ସ୍ଥିର ହୋଇଛି ।

ହାତୀପଲ ଉଜାଡିଦେଲେ ପହ୍ଲା

ହାତୀପଲ ଉଜାଡିଦେଲେ ପହ୍ଲା

ମାନେଶ୍ୱର,୭।୭(ଡି.ଏନ.ଏ.):ସମ୍ବଲପୁର ଜିଲା ସଦର ରେଞ୍ଜ ଯୁଯୁମୁରା ଅଞ୍ଚଳରେ ଗୁରୁବାର ରାତିରୁ ପ୍ରାୟ ୨୫ଟି ହାତୀ ପ୍ରବେଶ କରିଛନ୍ତି। ବଡମାଳ ଓ ଖଇରମାଳ ଗ୍ରାମରେ ପହ୍ଲା ନଷ୍ଟ କରି ଦେଇଛନ୍ତି । ପ୍ରାୟ ୧୫୦ ଏକରର ଧାନ ଜମିରେ ରୋଇବା ପାଇଁ ପକାଯାଇଥିବା ପହ୍ଲା ନଷ୍ଟ ହୋଇଛି ବୋଲି ଚାଷୀମାନେ ଅଭିଯୋଗ ହୋଇଛି । ବନ ବିଭାଗ କର୍ମଚାରୀ ପହଞ୍ଚି କ୍ଷୟକ୍ଷତି ଆକଳନ କରିଛନ୍ତି। ଶିବ ପ୍ରସାଦ ପ୍ରଧାନ, ଦିନବନ୍ଧୁ ପ୍ରଧାନ, ଖିରୋଦ ପ୍ରଧାନ, କିଶୋର ପ୍ରଧାନ ପ୍ରମୁଖ ଚାଷୀଙ୍କ ପହ୍ଲା ନଷ୍ଟ ହୋଇଛି। ପହ୍ଲା ପକାଇ ଚାଷ କରିବା ପାଇଁ ଆଉ ସମୟ ନାହିଁ । ତେଣୁ ଚାଷୀମାନେ ଚିନ୍ତାରେ ପଡିଛନ୍ତି । ଏ ସମ୍ପର୍କରେ ସଦର ରେଞ୍ଜର ଗୌରୀ ଦାସଙ୍କୁ ପଚାରିବାରୁ ହାତୀ ଘଉଡାଇବାକୁ ବିଭାଗ ପକ୍ଷରୁ ଚେଷ୍ଟା କରାଯାଉଛି । ବନ କର୍ମଚାରୀ ପାଟ୍ରୋଲିଂ କରିବା ସହ କାମରେ ନିୟୋଜିତ ରହିଛନ୍ତି। ତେବେ ବିଜେଡି ଜିଲା ସଭାପତି ପ୍ରମୋଦ ରଥ କ୍ଷୟକ୍ଷତି ନେଇ ପରିଦର୍ଶନ କରିବା ସହ କ୍ଷତିପୂରଣ ଦେବା ପାଇଁ ବନ ବିଭାଗ ଅଧିକାରଙ୍କ ସହ ଆଲୋଚନା କରିଛନ୍ତି। ସେହିପରି ଭାଜପା ରାଜ୍ୟ କାଯ୍ୟକାରିଣୀ ସଦସ୍ୟ ଗୋବିନ୍ଦ ଅଗ୍ରଓ୍ବାଲ ମଧ୍ୟ ପହଞ୍ଚି ଥିଲେ।

ସାମ୍ବାଦିକମାନେ ବିଲ୍‌ ଦାଖଲ କରି ବୀମା ଲାଭ ପାଇପାରିବେ

ସମ୍ବଲପୁର,୭।୭(ବ୍ୟୁରୋ):ରାଜ୍ୟ ସରକାର ସାମ୍ବାଦିକମାନଙ୍କ ପାଇଁ ସ୍ବାସ୍ଥ୍ୟବୀମା ଯୋଜନା କରିଛନ୍ତି। ବିଭିନ୍ନ ସହରରେ ଥିବା ଘରୋଇ ମେଡିକାଲର ଏକ ତାଲିକା ପ୍ରସ୍ତୁତ ହୋଇଛି। ହେଲେ ଗ୍ରାମାଞ୍ଚଳରେ କାର୍ଯ୍ୟରତ ସାମ୍ବାଦିକମାନଙ୍କ ପାଇଁ କିଛିଟା ସମସ୍ୟା ଦେଖା ଦେବ। ତେଣୁ ଯେ କୌଣସି ମେଡିକାଲରେ ଚିକିତ୍ସା ପରେ ଆବଶ୍ୟକ ବିଲ୍‌ ତଥା ଭାଉଚର ଆଦି ସମ୍ପୃକ୍ତ ବୀମା କମ୍ପାନୀରେ ଦାଖଲ କରି ଟଙ୍କା ଫେରସ୍ତ ନେଇ ପରିବେ । ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଦିଲୀପ ସାମନ୍ତରାୟ ପ୍ରେସ ବିବୃତ୍ତିରେ ଏହା ଜଣାଇଛନ୍ତି।

ଲୁହାପଙ୍କ ହାଇସ୍କୁଲରେ ବନୀକରଣ

ଲୁହାପଙ୍କ ହାଇସ୍କୁଲରେ ବନୀକରଣ

ରେଢ଼ାଖୋଲ,୭।୭(ସ୍ବ.ପ୍ର.):ରେଢ଼ାଖୋଲ ବ୍ଲକ୍‌ ଲୁହାପଙ୍କସ୍ଥିତ ହରିହରାନନ୍ଦ ହାଇସ୍କୁଲରେ ବନୀକରଣ ଓ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇ ଯାଇଛି। ପ୍ରଧାନ ଶିକ୍ଷକ କୈଳାସଚନ୍ଦ୍ର ବେହେରା ଏଥିରେ ଅଧ୍ୟକ୍ଷତା କରିଥିଲେ। ରେଢାଖୋଲ ରେଞ୍ଜ ଅଫିସର ପ୍ରଦୀପ ସେଠି, ଲୁହାପଙ୍କ ଫରେଷ୍ଟର ପ୍ରିୟଦର୍ଶୀ ପ୍ରଧାନ, ଫରେଷ୍ଟ ଗାର୍ଡ କିଶୋରଚନ୍ଦ୍ର ପ୍ରଧାନ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ଛାତ୍ରୀଛାତ୍ରଙ୍କ ସହ ମିଶି ସମସ୍ତେ ସ୍କୁଲ ପରିସରରେ ଚାରା ରୋପଣ କରିଥିଲେ।

ଚାଲାଣ ବେଳେ ୩୦ ଗୋରୁ ଉଦ୍ଧାର: ୩ ଅଭିଯୁକ୍ତ ଗିରଫ

ଚାଲାଣ ବେଳେ ୩୦ ଗୋରୁ ଉଦ୍ଧାର: ୩ ଅଭିଯୁକ୍ତ ଗିରଫ

ଧମା, ୭।୭(ଡି.ଏନ.ଏ.)-ସମ୍ବଲପୁର ଜିଲା ଧମା ଥାନା ଅଧୀନ ହାଟପଦା ଛକରେ ଶୁକ୍ରବାର ସକାଳ ୬ଟାରେ ଏକ ଗୋରୁ ବୋଝେଇ ଟ୍ରକ୍‌ (ଓଡି୦୫ଏଏଚ୍‌-୩୨୦୮) ଧରା ପଡିଛି। ଏଥିରୁ ୩୦ଟି ଗୋରୁଙ୍କୁ ଉଦ୍ଧାର କରାଯାଇଛି। ଏହି ଘଟଣାରେ ଚାଳକ ଶରତ ବେହେରା, ସତ୍ୟ ମଲ୍ଲିକ ଓ ପବନ ଗୋଚ୍ଛାୟତ ନାମକ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ତେବେ ଉଦ୍ଧାର ଗୋରୁପଲଙ୍କୁ ଗୋଶାଳାରେ ରଖାଯିବ ବୋଲି ଥାନା ଅଧିକାରୀ ରାଜେଶ୍ୱରୀ ଭୋଇ କହିଛନ୍ତି। ପୋଲିସ କହିଛି ଯେ, ଏହି ଗୋରୁ ଗୁଡିକୁ ସୋନପୁର ଜିଲା ବିନିକା ଅଞ୍ଚଳରୁ ଢେଙ୍କାନାଳ ଜିଲା ଭୁବନକୁ ଚାଲାଣ କରାଯାଉଥିଲା। ସନ୍ଦେହ ହେବାରୁ ପୋଲିସ ଟ୍ରକକୁ ଅଟକାଇ ପଚରାଉଚରା କରିଥିଲା। ଚାଷ କାମରେ ଲଗାଯିବ ବୋଲି ଅଭିଯୁକ୍ତମାନେ କହିଥିଲେ ବି ସେମାନଙ୍କ ଉତ୍ତର ସନ୍ଦେହ ସୃଷ୍ଟି କରିଥିଲା। ଗୋରୁ ଗୁଡିକୁ କଂସେଇଖାନାକୁ ନିଆଯାଉଥିଲା ବୋଲି ଅନୁମାନ କରାଯାଉଛି।

ନୂଆଁରମ୍ପେଲା ହାଇସ୍କୁଲରେ ବନ ମହୋତ୍ସବ

ନୂଆଁରମ୍ପେଲା ହାଇସ୍କୁଲରେ ବନ ମହୋତ୍ସବ

ରେଙ୍ଗାଲି, ୭।୭(ସ୍ବ.ପ୍ର.):ସ୍ଥାନୀୟ ନୂଆଁରମ୍ପେଲା ହାଇସ୍କୁଲରେ ବନ ମହୋତ୍ସବ ପାଳିତ ହୋଇଛି। ଏହି ଅବସରରେ ଏକ ସଭା ଆୟୋଜିତ ହୋଇଥିଲା। ବିଡିଓ ବେର୍ଣ୍ଣାଦେତ ଲାକ୍ରା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏହି ଉପଲକ୍ଷେ ପୂର୍ବରୁ ଅନୁଷ୍ଠିତ ଚିତ୍ରାଙ୍କନ ଓ ବକ୍ତୃତା ପ୍ରତିଯୋଗିତାରେ ସଫଳତା ପାଇଥିବା ଛାତ୍ରୀଛାତ୍ରଙ୍କୁ ପୁରସ୍କୃତ କରାଯାଇଛି। ପ୍ରଧାନ ଶିକ୍ଷୟିତ୍ରୀ ମାମୁନି ସାହୁ ଏଥିରେ ଅଧ୍ୟକ୍ଷତା କରିଥିଲାବେଳେ ଶିକ୍ଷକ କିଶୋର ପାଣିଗ୍ରାହୀ ଧନ୍ୟବାଦ ଦେଇଥିଲେ। ଏହି ଅବସରରେ ଛାତ୍ରୀଛାତ୍ର ଏକ ସଚେତନତା ଶୋଭାଯାତ୍ରାରେ ବାହାରିଥିଲେ। ସ୍କୁଲ ପରିସରରେ ବୃକ୍ଷରୋପଣ ମଧ୍ୟ କରାଯାଇଥିଲା।

ବଳଦ ଚୋରି ଅଭିଯୋଗରେ ୩ କୋର୍ଟ ଚାଲାଣ

ବାମରା,୭।୭(ସ୍ବ.ପ୍ର.):ବାମରା ବ୍ଲକ କେଶାଇବାହାଲ ପଞ୍ଚାୟତ ସୋଲବଗା ଗଁାରେ ବଳଦ ଚୋରି ଅଭିଯୋଗରେ ୩ ଜଣ ଗିରଫ ହୋଇଛନ୍ତି। ଏମାନେ ହେଲେ ଝାରସୁଗୁଡା ଜିଲା ଲଇକେରା ବ୍ଲକ ନୂଆଗଁାର ମଦନ ସୁନ୍ଦର ରଣା (୫୫), ସୋଲବଗାର ହେମସାଗର ରାଜକୁଆ (୨୬) ଓ ମୁଖ୍ୟ ଅଭିଯୁକ୍ତ କୁହାଯାଉଥିବା ମହେଶ୍ୱର ରାଜକୁଆ (୨୮)। ଏହି ଅଭିଯୁକ୍ତମାନଙ୍କୁ ମହୁଲପାଲି ପୋଲିସ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି।

କ୍ରୀଡା ପ୍ରତିଭା ଚୟନ ଶିବିର

କ୍ରୀଡା ପ୍ରତିଭା ଚୟନ ଶିବିର

ରେଢ଼ାଖୋଲ,୭।୭(ଡି.ଏନ.ଏ.):ରେଢ଼ାଖୋଲ ଭୀମ ଭୋଇ ମିନି ଷ୍ଟାଡିୟମରେ ଶୁକ୍ରବାର ଏନଏସିସ୍ତରୀୟ କ୍ରୀଡା ପ୍ରତିଭା ଚୟନ ଶିବିର ଅନୁଷ୍ଠିତ ହୋଇଛି। ରାଜ୍ୟ କ୍ରୀଡା ଛାତ୍ରାବାସରେ ଯୋଗଦାନ ନିମନ୍ତେ ଜିଲା ପ୍ରଶାସନ ଆନୁକୂଲ୍ୟରେ ଅନୁଷ୍ଠିତ ଏହି ଚୟନ ଶିବିରରେ ବିଭିନ୍ନ ବିଦ୍ୟାଳୟରୁ ୪୨ଜଣ ବାଳିକା ବାଳକ ଯୋଗ ଦେଇଥିଲେ। ଏମାନଙ୍କ ମଧ୍ୟରୁ ୫ଜଣ ଜିଲାସ୍ତରକୁ ମନୋନୀତ କରାଯିବ। ୧୨ ଓ ୧୨ ତାରିଖ ୨ ଦିନ ଧରି ଜିଲାସ୍ତରୀୟ କ୍ରୀଡାପ୍ରତିଭା ଚୟନ ହେବ। କ୍ରୀଡା ଶିବିରକୁ ଖେଳ ଶିକ୍ଷକ ସୁକାନ୍ତ ପ୍ରଧାନ, ନରେନ୍ଦ୍ର କୁମାର ଦେହୁରୀ, ପ୍ରକାଶ ପଣ୍ଡା, ବୀରେନ୍ଦ୍ର ବେହେରା ପରିଚାଳନା କରିଥିଲେ। ସମ୍ବଲପୁର କ୍ରୀଡା ଅଧିକାରୀ ଉପେନ୍ଦ୍ର ସେଠୀ, ସନ୍ତରଣ ପ୍ରଶିକ୍ଷକ ଆଶୁତୋଷ ନାଏକ ପ୍ରମୁଖ ଯୋଗ ଦେଇଥିଲେ। ଭକ୍ତ ବନ୍ଧୁ ବେହେରା ଓ ପୁଷ୍ପାଞ୍ଜଳି ସେଠ ଚୟନ ଶିବିରରେ ସହଯୋଗ କରିଥିଲେ।

ସାପ କାମୁଡାରେ ୪ର୍ଥ ଶ୍ରେଣୀ ଛାତ୍ରଙ୍କ ମୃତ୍ୟୁ

ରେଢ଼ାଖୋଲ, ୭।୭(ଡି.ଏନ.ଏ.):ସାପ କାମୁଡାରେ ଗୁରୁତର ହୋଇ ରେଢ଼ାଖୋଲ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣେ ସ୍କୁଲ ଛାତ୍ରଙ୍କ ମୃତ୍ୟୁ ଘଟିଛି। ମୃତ ଛାତ୍ର ଜଣକ ହେଲେ ସଗନ ମିର୍ଦ୍ଧା(୧୨)। ତାଙ୍କ ଘର ଅନୁଗୋଳ ଜିଲା କିଶୋରନଗର ଥାନା ପୁରୁଷୋତ୍ତମପୁର। ସେ ଗ୍ରାମର ପ୍ରାଥମିକ ସ୍କୁଲରେ ଚତୁର୍ଥ ଶ୍ରେଣୀରେ ପାଠ ପଢୁଥିଲେ। ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ପୋଲିସ ମୃତଦେହ ହସ୍ତାନ୍ତର କରିଛି। ଏ ନେଇ ରେଢ଼ାଖୋଲ ଥାନାରେ ଏକ ଅପମୃତ୍ୟୁ ମାମଲା (ନଂ.୧୦.୧୮) ରଜୁ ହୋଇଛି। ପୋଲିସ କହିଛି ଯେ, ସଗନ ଘରେ ଶୋଇଥିବାବେଳେ ଶୁକ୍ରବାର ସକାଳ ୫ଟାରେ ସାପ କାମୁଡି ଦେଇଥିବା ପରିବାର ଲୋକେ କହିଛନ୍ତି।

କାଦୁଅ ପଚ ପଚ ଚାରମାଳ-ବଂଶାଜାଲ ରାସ୍ତା:କୁଦୋପାଳ ନାଳ ଉପରେ ପୋଲ ନିର୍ମାଣ ଦାବି

କାଦୁଅ ପଚ ପଚ ଚାରମାଳ-ବଂଶାଜାଲ ରାସ୍ତା:କୁଦୋପାଳ ନାଳ ଉପରେ ପୋଲ ନିର୍ମାଣ ଦାବି

ରେଢାଖୋଲ, ୭।୭ (ସ୍ବ.ପ୍ର.):ସମ୍ବଲପୁର ଜିଲା ରେଢାଖୋଲ ବ୍ଲକ ବଂଶାଜାଲରୁ ଚାରମାଳ ରାସ୍ତା ଅବସ୍ଥା ଶୋଚନୀୟ ହୋଇପଡିଛି। ଏହି ରାସ୍ତାଟି ଖାଲଖମାରେ ପରିଣତ ହୋଇଛି। ଏବେ ବର୍ଷା ଋତୁରେ ଏହି ରାସ୍ତା କାଦୁଅରେ ପରିପୂର୍ଣ୍ଣ। ବଂଶାଜାଲ ପଞ୍ଚାୟତ ଅଧିବାସୀ ମୁଖ୍ୟତଃ ଚାରମାଳ ଡାକ୍ତରଖାନା, ଥାନା, ରେଂଜ ଅଫିସ, ବ୍ୟଙ୍କ, କଲେଜ, ଆରଆଇ ଅଫିସକୁ ଆସିବାକୁ ଏହି ରାସ୍ତା ଉପରେ ନିର୍ଭର କରିଥାନ୍ତି। ଏହି ରାସ୍ତାରେ ଆମ୍ବୁଲାନ୍ସ ଯାଇପାରି ନ ଥାଏ । ଲୋକେ ଚାରମାଳକୁ ୧୨ କି.ମି. ରାସ୍ତା ଅଧିକ ବୁଲି ବୁଲି ଯାଉଛନ୍ତି। ଅପରପକ୍ଷେ କୁଦୋପାଳ ନାଳ ଉପରେ ପୋଲ ନ ଥିବାରୁ ମଧ୍ୟ ବର୍ଷା ଦିନେ ଯାତାୟତ ସମ୍ଭବ ହୋଇ ନ ଥାଏ । ଏହି ରାସ୍ତା ମରାମତି ତଥା ସ୍ଥାୟୀ ନିର୍ମାଣ, କୁଦୋପାଳ ନାଳ ଉପରେ ପୋଲ ନିର୍ମାଣ ପାଇଁ ପ୍ରସାଶନ ଓ ରାଜନୈତିକ ପ୍ରତିନିଧିଙ୍କଠାରେ ଅଞ୍ଚଳବାସୀ ବହୁଥର ଅଭିଯୋଗ କରିଥିଲେ ସୁଦ୍ଧା ପ୍ରତିକାର କରାଯାଇନାହିଁ।

ଇନଟେକ୍‌ ଓ୍ବେଲରେ ଅଟକିଛି ପ୍ରକଳ୍ପ

ଇନଟେକ୍‌ ଓ୍ବେଲରେ ଅଟକିଛି ପ୍ରକଳ୍ପ

ନାକଟିଦେଉଳ,୭।୭(ଡି.ଏନ.ଏ.):ସମ୍ବଲପୁର ଜିଲା ନାକଟିଦେଉଳ ବ୍ଲକ ସଦର ମହକୁମାକୁ ସ୍ଥାନୀୟ ଟିକିରା ନଦୀରୁ ପାଇପରେ ପାଣି ଆସିବ। ଏଥିପାଇଁ ଯୋଜନା ହୋଇଛି। ଅର୍ଥ ମଞ୍ଜୁର ବି ହୋଇଛି। ହେଲେ ନଦୀରେ କେବଳ ଯାହା ଇନଯେକ୍‌ ଓ୍ବେଲ ତିଆରି ହୋଇଛି। ଏତିକିରେ ହିଁ ୪ ବର୍ଷ ହେଲା ଅଟକିଛି ପ୍ରକଳ୍ପ। ଫଳରେ ନଦୀରୁ ପାଣି ପାଇବାକୁ ଲୋକେ ଆଶା ନିରାଶାର ଦୋଛକିରେ ପଡିଛନ୍ତି। ତେବେ ପ୍ରକଳ୍ପ କାର୍ଯ୍ୟ ଶୀଘ୍ର ସରିବ ଆଉ ଲୋକେ ପାଣି ପାଇବେ ବୋଲି ପ୍ରଶାସନ ଏବଂ ଜନ ପ୍ରତିନିଧିମାନେ କେବଳ ଭଣ୍ଡାଇ ଚଲିଥିବା ଲୋକେ ଅଭିଯୋଗ କରିଛନ୍ତି।

ହାତୀ ଉପଦ୍ରବର ସ୍ଥାୟୀ ପ୍ରତିକାର କର

ହାତୀ ଉପଦ୍ରବର ସ୍ଥାୟୀ ପ୍ରତିକାର କର

ରେଢ଼ାଖୋଲ, ୭।୭(ଡି.ଏନ.ଏ.):ରେଢ଼ାଖୋଲ ବନଖଣ୍ଡର ବଡମାଳ ରେଞ୍ଜ ଅଞ୍ଚଳରେ କ୍ରମାଗତ ଭାବେ ହାତୀ ଉପଦ୍ରବ ଲାଗି ରହିଛି। ହାତୀ ଉପଦ୍ରବ କରି ଘର ଦ୍ୱାର ଭାଙ୍ଗିବା ସହିତ ବହୁ ଧନ ଜୀବନ ନଷ୍ଟ କରୁଛି। ଏ ଦିଗରେ ଅଭିଯୋଗ କରାଗଲେ ମଧ୍ୟ ବନ ବିଭାଗ କୌଣସି ପଦକ୍ଷେପ ନେଉନାହିଁ। ଏଭଳି ଅଭିଯୋଗ ନେଇ ଭାଜପା ଚାରମାଳ ମଣ୍ଡଳ ପକ୍ଷରୁ ବଡମାଳ ରେଞ୍ଜ ଅଧିକାରୀଙ୍କ କାର୍ଯ୍ୟାଳୟରେ ଦିନ ୧୦ଟାରୁ ୧୨ଟା ପର୍ଯ୍ୟନ୍ତ ଧାରଣା ଦିଆଯାଇଥିଲା। ହାତୀ ଉପଦ୍ରବର ସ୍ଥାୟୀ ପ୍ରତିକାର ଦାବିରେ ମୁଖ୍ୟ ବନ ସଂରକ୍ଷକଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ବଡମାଳ ରେଞ୍ଜ ଅଧିକାରୀ ରମେଶପ୍ରସାଦ କର୍ଣ୍ଣଙ୍କୁ ପ୍ରଦାନ କରାଯାଇଥିଲା। ଏଥିସହିତ ହାତୀ ଉପଦ୍ରବରେ କ୍ଷୟକ୍ଷତିର ଆକଳନ କରାଯାଇ ତୁରନ୍ତ କ୍ଷତିପୂରଣ ପ୍ରଦାନ କରାଯିବାକୁ ଦାବି ପତ୍ରରେ ଉଲ୍ଲେଖ କରାଯାଇଛି।

ସମ୍ବଲପୁରରେ ଡ୍ରେନ ନିର୍ମାଣ ପାଇଁ ଡିପିଆର ପ୍ରସ୍ତୁତ: ଖର୍ଚ୍ଚ ହେବ ୧୦୯ କୋଟି ଟଙ୍କା

ସମ୍ବଲପୁରରେ ଡ୍ରେନ ନିର୍ମାଣ ପାଇଁ ଡିପିଆର ପ୍ରସ୍ତୁତ: ଖର୍ଚ୍ଚ ହେବ ୧୦୯ କୋଟି ଟଙ୍କା

ସମ୍ବଲପୁର,୭।୭(ବ୍ୟୁରୋ):ସମ୍ବଲପୁର ସହରରେ ଭାଙ୍ଗି ପଡିଥିବା ଟ୍ରେନ ଗୁଡିକର ପୁନରୁଉଦ୍ଧାର କାମ ହେବ। ଏହାସହ ନୂଆ ଡ୍ରେନ ନିର୍ମାଣ ପାଇଁ ଜିଲା ପ୍ରଶାସନ ଯୋଜନା କରିଛି । ଏଥିପାଇଁ ଏକ ଟିମ୍‌ ଆସି ସହରର ସମସ୍ତ ପଡା ବୁଲିଛି। ଡ୍ରେନ ଗୁଡିକର ମାପ ନେଇ ବ୍ୟୟ ଅଟକଳ ପ୍ରସ୍ତୁତ କରାଯାଇଛି। ପ୍ରାୟ ୧୦୯ କୋଟି ଟଙ୍କାର ଅଟକଳ କରି ଅନୁମୋଦନ ପାଇଁ ସରକାରଙ୍କ ପାଖକୁ ପଠାଯାଇଛି। ତେବେ ଛୋଟ ବଡ ମିଶି ପ୍ରାୟ ୧୨୦ କି.ମି. ଡ୍ରେନ ନିର୍ମାଣ କରିବା ଲକ୍ଷ୍ୟ ରହିଥିବା ଓଡିଶା ସ୍ବେରେଜ ବୋର୍ଡ ସମ୍ବଲପୁର ପ୍ରକଳ୍ପ ନିର୍ଦ୍ଦେଶକ ବିରଞ୍ଚି ଦାସ ସୂଚନା ଦେଇଛନ୍ତି।

ସମ୍ବଲପୁରରେ ଏଥର ବି ଦେଖା ଦେଇପାରେ କୃତ୍ରିମ ବନ୍ୟା

ସମ୍ବଲପୁରରେ ଏଥର ବି ଦେଖା ଦେଇପାରେ କୃତ୍ରିମ ବନ୍ୟା

ସମ୍ବଲପୁର, ୭।୭(ବ୍ୟୁରୋ)-ସମ୍ବଲପୁର ସହର ପୁଣି ଚଳିତ ବର୍ଷ କୃତ୍ରିମ ବନ୍ୟାରେ ପ୍ରଭାବିତ ହେବାର ଆଶଙ୍କା ଦେଖା ଦେଇଛି। ବର୍ଷା ହେବା ପୂର୍ବରୁ ପୋତି ହୋଇଥିବା ନାଳ, ଛୋଟ ବଡ ଡ୍ରେନ ସଫା ନ ହେଲେ ସହରରେ ପରିସ୍ଥିତି ସାଙ୍ଘାତିକ ହୋଇପାରେ। ଜିଲା ପ୍ରଶାସନ ପକ୍ଷରୁ ଜରୁରୀ କାଳିନ ପରିସ୍ଥିତି ମୁକାବିଲା ପାଇଁ କେବଳ ବୈଠକ କରାଯାଇଛି । ହେଲେ ଅଧିକାରୀମାନେ ବାସ୍ତବ ସ୍ଥିତି ପରଖୁ ନାହାନ୍ତି। ବନ୍ୟା ପାଇଁ ମୁଖ୍ୟ କାରଣ ହେଉଥିବା ଧୋବିଯୋର ଓ ଟାଙ୍ଗନା ନାଳା ସଫେଇ କରାଯାଇ ନାହିଁ । ଏହା ସହ ରାସ୍ତା କଡରେ ଥିବା ଡ୍ରେନ ଓ ପଡା ଗୁଡିକରେ ଥିବା ଛୋଟ ବଡ ନାଳା ଗୁଡିକ ସଫା କରାଯାଇନାହିଁ ।

ଖତ ଖାଉଛି ନୂତନ ଟ୍ରାନ୍ସଫର୍ମର

ଖତ ଖାଉଛି ନୂତନ ଟ୍ରାନ୍ସଫର୍ମର

ଗୋଲାମୁଣ୍ଡା,୬।୭(ଡି.ଏନ.ଏ.)- କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ କେଗାଁ ଗ୍ରାମରେ ଦୀର୍ଘ ଦିନ ହେଲା ଲୋଭୋଲଟେଜ ତଥା ବିଦ୍ୟୁତ ସମସ୍ୟା ଲାଗି ରହିଛି । ଫଳରେ ସ୍ଥାନୀୟ ଅଞ୍ଚଳର ଉପଭୋକ୍ତା ଓ ବିଶେଷ କରି ଅଫିସଗୁଡ଼ିକରେ ଅସୁବିଧା ହେଉଛି ।

ବିଷାକ୍ତ ଛତୁଖାଇ ୫ ଅସୁସ୍ଥ

ବିଷାକ୍ତ ଛତୁଖାଇ ୫ ଅସୁସ୍ଥ

ଲାଞ୍ଜିଗଡ,୬।୭(ଡି.ଏନ.ଏ.)- କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ଅନ୍ତର୍ଗତ ବାତେରଲିମା ପଞ୍ଚାୟତ ଟୁରିଗୁଡା ଗାଁର ୫ଜଣ ବିଷାକ୍ତ ଛତୁଖାଇ ଗୁରୁତର ଅସୁସ୍ଥ ହୋଇଛନ୍ତି।

ଚାଷୀଙ୍କୁ ବିହନ ଯୋଗାଇବାରେ କୃଷି ବିଭାଗ ବିଫଳ, ପ୍ରତିବାଦରେ ଭାଜପାର ଧାରଣା

ଚାଷୀଙ୍କୁ ବିହନ ଯୋଗାଇବାରେ କୃଷି ବିଭାଗ ବିଫଳ, ପ୍ରତିବାଦରେ ଭାଜପାର ଧାରଣା

କୋକସରା,୬।୭(ଡି.ଏନ.ଏ.)- କଳାହାଣ୍ଡି ଜିଲାରେ ଧାନ ବିହନ ଅଭାବ ସମସ୍ୟା ଜାରି ରହିଛି। ଫଳରେ ଚାଷ କାର୍ଯ୍ୟ ଆଗେଇପାରୁ ନାହିଁ। ଚାଷ ସମୟ ଆରମ୍ଭ ହୋଇଥିବାରୁ ବିହନ ଅଭାବ ସମସ୍ୟା ଚାଷୀଙ୍କୁ ଚିନ୍ତାରେ ପକାଇ ଦେଇଛି।

ଫାଇନାନ୍ସ କମ୍ପାନୀ ମ୍ୟାନେଜରଙ୍କଠାରୁ ୭୦ହଜାର ଲୁଟ୍‌, ୨ ଗିରଫ

ଫାଇନାନ୍ସ କମ୍ପାନୀ ମ୍ୟାନେଜରଙ୍କଠାରୁ ୭୦ହଜାର ଲୁଟ୍‌, ୨ ଗିରଫ

ଉଲୁଣ୍ଡା, ୬ା୭(ଡି.ଏନ.ଏ.)ଏକ ଫାଇନାନ୍ସ କମ୍ପାନୀ ମ୍ୟାନେଜରଙ୍କଠାରୁ ଗୁରୁବାର ଘଟିଥିବା ଟଙ୍କା ଲୁଟ୍‌ ଘଟଣାରେ ସୁବର୍ଣ୍ଣପୁର ଜିଲା ଉଲୁଣ୍ଡା ଥାନା ପୋଲିସ ଶୁକ୍ରବାର ଦୁଇ ଜଣଙ୍କୁ ଗିରଫ କରଛି।

ବନ୍ଦେ ଉତ୍କଳ ଜନନୀକୁ ବିରୋଧ: ଜିପିଓଙ୍କୁ ଦାବିପତ୍ର ପ୍ରଦାନ

ବନ୍ଦେ ଉତ୍କଳ ଜନନୀକୁ ବିରୋଧ: ଜିପିଓଙ୍କୁ ଦାବିପତ୍ର ପ୍ରଦାନ

ଉଲୁଣ୍ଡା, ୬ା୭(ଡି.ଏନ.ଏ.) ସୁବର୍ଣ୍ଣପୁର ଜିଲା ଉଲୁଣ୍ଡା କୋସଲ ରାଜ୍ୟ ସମନ୍ବୟ ସମିତିର ଉଲୁଣ୍ଡା ଶାଖା ତରଫରୁ ବନ୍ଦେ ଉତ୍କଳ ଜନନୀକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରାଯାଇଛି।

ଓ୍ବେସ୍କୋ କର୍ତ୍ତୃପକ୍ଷଙ୍କ ଦାୟିତ୍ୱହୀନତା: ବିଦ୍ୟୁତ୍‌ ଖୁଣ୍ଟ ପଡ଼ି ସ୍ତ୍ରୀ ମୃତ, ସ୍ବାମୀ ଗୁରୁତର

ଓ୍ବେସ୍କୋ କର୍ତ୍ତୃପକ୍ଷଙ୍କ ଦାୟିତ୍ୱହୀନତା: ବିଦ୍ୟୁତ୍‌ ଖୁଣ୍ଟ ପଡ଼ି ସ୍ତ୍ରୀ ମୃତ, ସ୍ବାମୀ ଗୁରୁତର

ବରଗଡ଼ ଅଫିସ୍‌,୬।୭-ବରଗଡ଼ ସହରର ଗାନ୍ଧୀଛକରେ ଶୁକ୍ରବାର ଅପରାହ୍ନ ପ୍ରାୟ ଦେଢ଼ଟା ସମୟରେ ଏକ ଅଭାବନୀୟ ଘଟଣା ଘଟିଛି । ସହରର ରାସ୍ତା ପାର୍ଶ୍ୱସ୍ଥ ବିଦ୍ୟୁତ୍‌ ଖୁଣ୍ଟ ଓ ତାର ସ୍ଥାନାନ୍ତର କରାଯାଉଥିବାବେଳେ ହଠାତ୍‌ ଏକ ବିଦ୍ୟୁତ୍‌ ଖୁଣ୍ଟ ରାସ୍ତା ଉପରେ ପଡ଼ିଯିବାରୁ ସେହି ରାସ୍ତାରେ ଯାଉଥିବା ଜଣେ ମହିଳାଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ମୃତା ମହିଳା ହେଲେ ବରଗଡ଼ ଟାଉନ ଥାନା ଅନ୍ତର୍ଗତ କଟାପାଲି ଗ୍ରାମର ଶୁରୁବାଲି ବିଶ୍ୱାଳ । ସେହିପରି ମୃତା ମହିଳାଙ୍କ ସ୍ବାମୀ ରଞ୍ଜନ ବିଶ୍ୱାଳ ଗୁରୁତର ଆହତ ହୋଇ ବରଗଡ଼ ଜିଲା ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ତେବେ ଏହି ଦୁର୍ଘଟଣା ପାଇଁ ଓ୍ବେସ୍କୋ କର୍ତ୍ତୃପକ୍ଷଙ୍କ ଦାୟିତ୍ୱହୀନତାକୁ ଦାୟୀ କରି ସ୍ଥାନୀୟ ଲୋକେ ରାସ୍ତା ଅବରୋଧ କରିଥିଲେ । ଅତିରିକ୍ତ ଜିଲାପାଳ ସେଠାରେ ପହଞ୍ଚି ଆବଶ୍ୟକ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେବା ପରେ ରାସ୍ତା ଅ୍ରବରୋଧ ହଟିଥିଲା ।

ଇନ୍ଦ୍ରାବତୀ କେନାଲରୁ ଅନିଶ୍ଚିତା ଭିତରେ ଜଳ ସେଚନ ଆରମ୍ଭ: ପାଣି ଅଭାବରୁ ଗୋଟିଏ ଦିନ ପରେ ବନ୍ଦ

ଇନ୍ଦ୍ରାବତୀ କେନାଲରୁ ଅନିଶ୍ଚିତା ଭିତରେ ଜଳ ସେଚନ ଆରମ୍ଭ: ପାଣି ଅଭାବରୁ ଗୋଟିଏ ଦିନ ପରେ ବନ୍ଦ

ଜୟପାଟଣା, ୬।୭ (ଡି.ଏନ୍‌ .ଏ)-ଚଳିତ ବର୍ଷ ବର୍ଷା ଓ ଜଳ ସେଚନକୁ ନେଇ ଖରିଫ ଆରମ୍ଭରୁ ହିଁ ଚାଷୀ ଆଶଙ୍କାରେ ରହିଥିବା ବେଳେ ଶୁକ୍ରବାର ହାତୀ ବ୍ୟାରେଜରେ ଆବଶ୍ୟକ ଜଳ ପତ୍ତନ ନ ଥିବା ସତ୍ତ୍ୱେ ପ୍ରତିକାତ୍ମକ ଭାବରେ ଜଳ ସେଚନ ଆରମ୍ଭ କରାଯାଇଥିବା ଜଣାପଡ଼ିଛି।

ଜାତୀୟ ରାଜପଥ ଜବରଦଖଲ ଉଚ୍ଛେଦ

ଜାତୀୟ ରାଜପଥ ଜବରଦଖଲ ଉଚ୍ଛେଦ

ବରଗଡ଼ ଅଫିସ, ୬।୭-ଛଅ ନମ୍ବର ଜାତୀୟ ରାଜପଥ ଜବରଦଖଲ ଉଚ୍ଛେଦ ପ୍ରକ୍ରିୟା ଶୁକ୍ରବାର ପୁଣି ଆରମ୍ଭ ହୋଇଛି। ବରଗଡ଼ ସହର ଉପକଣ୍ଠ ବରାହଗୋଡ଼ା ନିକଟରେ ଏହା ଜାରି ରହିଛି। ରାଜପଥ ପାର୍ଶ୍ୱସ୍ଥ ଦୋକାନ କୋଠାଘର ବୋଲଡ଼େଜର ଲଗାଇ ହଟାଇ ଦିଆଯାଉଛି। ଅତିରିକ୍ତ ତହସିଲଦାର ଅନୁରାଗ ମିଶ୍ରଙ୍କ ଉପସ୍ଥିତିରେ ଜବରଦଖଲ ଉଚ୍ଛେଦ ଚାଲିଛି। ବରଗଡ଼ ଏସଡ଼ିପିଓ, ସଦର ଥାନା ଆଇଆଇସି ଓ ପୋଲିସ ଫୋର୍ସ ମୁତୟନ ଅଛନ୍ତି।

ପଲିଥିନ ବର୍ଜନ ପାଇଁ ସଚେତନତା

ପଲିଥିନ ବର୍ଜନ ପାଇଁ ସଚେତନତା

ବରଗଡ଼ ଅଫିସ୍‌,୬।୭ ବରଗଡ଼ ସହର ଉପକଣ୍ଠ ସିମେଣ୍ଟନଗର ବିକାଶ ସ୍କୁଲରେ ପଲିଥିନ ବର୍ଜନ ଉପରେ ଗୁରୁବାର ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କୋଶଲ ଟାଇମ ସହଯୋଗରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କୃଷିବିଜ୍ଞାନୀ ଡଃ ବିଭୁତି ଭୂଷଣ ମିଶ୍ର, ହସ୍ତତନ୍ତ ବିଶେଷଜ୍ଞ ରାମକୃଷ୍ଣ ମେହେର ଏବଂ କୋଶଲ ଟାଇମର ସମ୍ପାଦକ ସଞ୍ଜୀବ ମହାପାତ୍ର ଅତିଥି ଭାବେ ମଞ୍ଚାସୀନ ଥିଲେ।