ସମ୍ବଲପୁର

ସୁଲାହିରେ ମଦ ବିକ୍ରି ବନ୍ଦ ହେଉ: ଦାବିପତ୍ର ଦେଲେ ମହିଳା

ସୁଲାହିରେ ମଦ ବିକ୍ରି ବନ୍ଦ ହେଉ: ଦାବିପତ୍ର ଦେଲେ ମହିଳା

କିର୍ମିରା,୭।୯(ଡି.ଏନ୍‌.ଏ.)- ଝାରସୁଗୁଡା ଜିଲା ସୁଲାହି ପଞ୍ଚାୟତରେ ସମ୍ପୂର୍ଣ୍ଣ ମଦ ବିକ୍ରି ବନ୍ଦ ପାଇଁ ସ୍ବୟଂ ସହାୟକ ଗୋଷ୍ଠୀ ଅଣ୍ଟା ଭିଡ଼ିଛି। ଏ ଦିଗରେ ସହଯୋଗ ପାଇଁ ମହିଳାମାନେ ଜିଲାପାଳଙ୍କୁ ନିବେଦନ କରିଛନ୍ତି। ସୁଲାହି ପଞ୍ଚାୟତ ଅଞ୍ଚଳରେ ବ୍ୟାପକ ମଦ କାରବାର ଯୋଗୁ ଘରୋଇ ହିଂସା ବଢ଼ିବା ସହ ଅପମୃତ୍ୟୁ ଏବଂ ଅପରାଧିକ କାର୍ଯ୍ୟକଳାପ ବୃଦ୍ଧି ପାଉଛି। ଏହାର ପ୍ରଭାବରେ କିଶୋରମାନେ ପଥଭ୍ରଷ୍ଟ ହେବାରେ ଲାଗିଛନ୍ତି। 

ସ୍ବୟଂ ସହାୟକ ଗୋଷ୍ଠୀର ସଫଳତା ପରିବାରକୁ ସମ୍ପନ୍ନ କରେ

ସ୍ବୟଂ ସହାୟକ ଗୋଷ୍ଠୀର ସଫଳତା ପରିବାରକୁ ସମ୍ପନ୍ନ କରେ

ରାଉରକେଲା ଅଫିସ,୭।୯- ରାଜ୍ୟରେ ଦ୍ରୁତ ସଂଗଠିତ ହେଉଥିବା ସ୍ବୟଂ ସହାୟକ ଗୋଷ୍ଠୀଙ୍କ ସଫଳତା ଏକ ଶୁଭଲକ୍ଷଣ ବୋଲି ରାଉରକେଲା ବିଧାୟକ ଦିିଲୀପ ରାୟ ମତ ପ୍ରକାଶ କରିଛନ୍ତି। ଏହା ଦ୍ୱାରା ମହିଳାମାନେ ନିଜେ ସ୍ବାବଲମ୍ବୀ ହେବା ସହ ପାରିବାରିକ ସ୍ଥିତି ସୁଧାରି ପାରୁଛନ୍ତି। ଏନେଇ ଗୋଷ୍ଠୀ ସଦସ୍ୟଙ୍କୁ ଠିକ୍‌ ମାର୍ଗଦର୍ଶନ ଓ ତାଲିମ ପ୍ରଦାନ ଉପରେ ରାୟ ଗୁୁରୁତ୍ୱାରୋପ କରିଥିଲେ।

ଘୁଙ୍ଗିଯୋର ପୋଲ ଉପରେ ୪ଫୁଟ ପାଣି

ଘୁଙ୍ଗିଯୋର ପୋଲ ଉପରେ ୪ଫୁଟ ପାଣି

ଅମରପାଲି, ୭।୯ (ଡି.ଏନ.ଏ.):ଲଗାଣ ବର୍ଷା ଯୋଗୁଁ ସୁବର୍ଣ୍ଣପୁର ବୀରମହାରାଜପୁର ଅଞ୍ଚଳ ଜଳାର୍ଣ୍ଣବ ହୋଇଯାଇଛି। ବୁଧବାର ରାତିଠାରୁ ହୋଇଥିବା ପ୍ରବଳ ବର୍ଷାରେ ବିଭିନ୍ନ ନାଳ ଓ ଯୋର ଫୁଲି ଉଠିଛି। ଏହିକ୍ରମରେ ଲୁତୁରପଙ୍କ ଓ ଭୁତିଆପାଲି ମଝିରେ ଥିବା ଘୁଙ୍ଗିଯୋର ପୋଲ ଉପରେ ପାଣି ପ୍ରବାହିତ ହେଉଛି। ଅପରାହ୍ନ ୨ଟାରୁ ବର୍ଷା ବଢିବା ଯୋଗୁଁ ଧିରେଧିରେ ପୋଲ ଉପରେ ମଧ୍ୟ ଜଳସ୍ତର ବଢିବାରେ ଲାଗିଥିଲା। ସନ୍ଧ୍ୟା ୫ଟା ବେଳକୁ ପୋଲ ଉପରେ ପ୍ରାୟ ୪ଫୁଟ ଉଚ୍ଚରେ ପାଣି ଯାଉଥିଲା। ଫଳରେ ପୋଲର ଉଭୟ ପାର୍ଶ୍ୱରେ ଶହଶହ ଗାଡିମୋଟର ଅଟକି ଯାଇଥିଲା।

ଫାଟୁଆ ରୋଗ୍‌ କବ୍‌ଜାରେ ପଶୁସଁପଦ୍‌

ଫାଟୁଆ ରୋଗ୍‌ କବ୍‌ଜାରେ ପଶୁସଁପଦ୍‌

ସିଂଘିଯୁବା,୭ା୯(ଡି.ଏନ.ଏ): ସୁବର୍ଣ୍ଣପୁର ଜିଲା ଅଏଁଲାଛାଟ ହେଉଛେ ବିନିକା ବ୍ଲକ୍‌ର ସୀମାନା। ଗଁାର ୨ଟା ଓ୍ବାର୍ଡରେ ପାଖାପାଖି ୭ରୁ ଜହ ଲୋକ୍‌ ବାସ୍‌ କରୁଛନ୍‌। ଇ ଗଁାଟା ଯେହେତୁ ଅଣ ଜଲ୍‌ସେଚିତ ଅଂଚଲ୍‌ ସେଥିର୍‌ଲାଗି ଗଁାର ଲୋକ୍‌ ଚାଷ୍‌ବାସ ଲାଗି ବର୍‌ଷା ପାଏନ୍‌ ଉପ୍‌ରେ ନିର୍‌ଭର କର୍‌ସନ୍‌। ଇତାର ବାହାରେ ଗଁାର ଲୋକ୍‌ ଗୋପାଲନ୍‌ ବି କରୁଛନ୍‌। ହିସାବ୍‌ରୁ ଜନାଯାଇଛେ ଯେ ଗଁାରେ ୧୪୦ ଟା ବଲଦ୍‌ ଆର୍‌ ୨ଶହ ଗାଏ ଅଛନ୍‌। ହେଲେ ଏହେଦେ ଇ ଗଁାରେ ଗାଏ ବଲଦ୍‌, ଛେଲ୍‌ମେଢ଼ିକୁ ହେଉଥିବାର ଫାଟୁଆ ରୋଗ୍‌ ମହାମାରୀ ରୁପ୍‌ ନେଲାନ। ବଡ଼ଭାରି ଇ ରୋଗ୍‌ଟା ବର୍‌ଷା ଦିନେ ହେଉଥିଲାବେଲେ ଡେଗା ରୋଗ୍‌ ବି ଆଏ। ଯେନ୍‌ଥିର୍‌ଲାଗି ରୋଗ୍‌ଟା ଇ ପଡାରୁ ସେ ପଡ଼ାକେ ଡେଗି ଅଏଁଲାଛାଟ୍‌ ଗଁା ସାରା ବହପି ଗଲାନ। ପଶୁ ସଁପଦ୍‌ର ସୁରକ୍ଷା ଲାଗି ଇ ରୋଗ୍‌ର ପର୍‌ତିଷେଧକ୍‌ ଟୀକା ୪ ମାସ୍‌ ଆଗ୍‌ରୁ ଦିଆଯାଏସି, ହେଲେ ଅଏଁଲାଛାଟ ଗଁାରେ ଟୀକାକରନ୍‌ ନାଇଁ ହେଇ। ଯେନ୍‌ଥିର୍‌ଲାଗି ଏହେଦେ ରୋଗ୍‌ଟା ଗଁା ଯାକର ଗାଏ ବଲଦ୍‌, ଛେଲ୍‌ମେଢ଼ିକୁ ଚରିଗଲାନ। ଇ ରୋଗ୍‌ରେ ଗଁାର ୬ଟା ବଲଦ୍‌, ୩ଟା ଗାଏର ଜୀବନ୍‌ ବି ଗଲାନ। 

ସପ୍ତପୁରୀ ଅମାବାସ୍ୟା:  ସୁବର୍ଣ୍ଣପୁରର ଭିନ୍ନ ଆକର୍ଷଣ ଲଙ୍କାପୋଡି

ସପ୍ତପୁରୀ ଅମାବାସ୍ୟା: ସୁବର୍ଣ୍ଣପୁରର ଭିନ୍ନ ଆକର୍ଷଣ ଲଙ୍କାପୋଡି

ସୋନପୁର, ୭।୯(ନି.ପ୍ର.):ଆସନ୍ତା ରବିବାର ଭାଦ୍ରବ ମାସ ସପ୍ତପୁରୀ ଅମାବାସ୍ୟା। କେଉଁ ଆବହମାନ କାଳରୁ ଜିଲାରେ ପାଳିତ ହୋଇଆସୁଛି ଗଣପର୍ବ ଲଙ୍କାପୋଡି। ସୁବର୍ଣ୍ଣପୁରର ସଂସ୍କୃତି ଓ ପରମ୍ପରା ବହୁ ପ୍ରାଚୀନ। ରାମାୟଣରେ ହନୁମାନଙ୍କ ଲଙ୍କାପୋଡି ସ୍ମୃତିକୁ ଉଜ୍ଜୀବିତ କରି ରଖିବା ପାଇଁ ପାଳିତ ହୋଇ ଆସୁଛି ଏଭଳି ଉତ୍ସବ। ଏହି ବିରଳ ଉତ୍ସବ ଅନ୍ୟ କୌଣସିଠାରେ ପାଳନ ହେଉ ନ ଥିବା ବେଳେ ଏଠାରେ ଏହି ଭିନ୍ନ ପରମ୍ପରା ଅତୁଟ ରହି ଆସିଛି। ଗାଁରୁ ସହର ପର୍ଯ୍ୟନ୍ତ ସବୁଠି ସପ୍ତପୁରୀ ଅମାବାସ୍ୟା ଅପରାହ୍ନରେ ପୁରା ଉଆଁସ ବା ଟଣ୍ଟେଇ ଉଆଁସ ପାଳିତ ହେଉଥିବା ବେଳେ ରାତିରେ ଲଙ୍କାପୋଡି ଉତ୍ସବ ଅନୁଷ୍ଠିତ ହୁଏ। ରବିବାର ଅମାବାସ୍ୟା ଥିବାରୁ ସୋନପୁରର ବିଭିନ୍ନ ପଡା, ଛକରେ ଟେରାକୋଟା ହନୁମାନ ଓ କାଠ ନିର୍ମିତ ବିଭିନ୍ନ ପଶୁଙ୍କ କଣ୍ଢେଇ ବିକ୍ରି ପସରା ମେଲିଲାଣି।

ଆସୁଛେ ପୁରା ଉଅଁାସ: ମାଟିର ଖେଲ୍‌ନା ତିଆରିବାରେ ବାଇ କୁମ୍ଭାର ସମାଜ

ଆସୁଛେ ପୁରା ଉଅଁାସ: ମାଟିର ଖେଲ୍‌ନା ତିଆରିବାରେ ବାଇ କୁମ୍ଭାର ସମାଜ

ଭବାନୀପାଟଣା,୭।୯(ଡି.ଏନ.ଏ.): ଆଏବାର ରଏବାର ୯ ତାରିଖ୍‌ ଛୋଟ୍‌ ଛୋଟ୍‌ ପିଲାମାନ୍‌କର ଭିତ୍‌ରେ ଭାବ୍‌ ଦିଆନିଆ ଆର୍‌ ଫିଦିନିଅଁା ଜୀବନଯାପନ୍‌ ଶଇଲି ଶିଖ୍‌ବାର ଉଦେଶ୍‌ରେ ପଶ୍ଚିମ ଓଡ଼ିଶାରେ ପାଲନ୍‌ ହେସି ପୁରା ଉଅଁାସ ପରବ୍‌। କେନ୍‌ ରାଜା ରାଜୁଡା ଅମ୍‌ଲୁ ଚାଲି ଆସୁଛେ ଇ ପରବ୍‌। ସାନ୍‌ ସାନ୍‌ ଟୁକେଲମାନେ ଘର୍‌କରା ସାଜୋସାମାନ୍‌ ଯେନ୍‌ତା କି ମାଟିର କୁଁଢ଼ି, କଁାଚି ଧରି ଖେଲୁଥିଲି ବେଲେ ପିଲାମାନେ ଯୁଧ୍‌ର ପର୍‌ତିକ୍‌ ହିସାବେ କାଠ୍‌ ଆର୍‌ ମାଏଟ୍‌ ତିଆରି ଘୁଡା, ହାତୀ ଧରି ରାସ୍‌ତାରେ ଘିଚ୍‌ସନ୍‌।  ଉଛବ୍‌ଟା ଆଏବାର ରଏବାର ୯ ତାରିଖ୍‌ରେ ପଡୁଥିଲା ବେଲେ ଇ ସବୁ ସାମାନ୍‌ ତିଆରି ଆର୍‌ ବିକ୍‌ରିବଟାରେ ଲାଗିପଡ଼ିଛନ୍‌ ଭବାନୀପାଟଣା ଆର୍‌ ଆସର ପାସର ଅଂଚଲ୍‌ର କୁମ୍ଭାର ପରିବାରମାନେ। ବଛର୍‌କ ଥରେ ଇ ପରବ୍‌ ପାଲନ୍‌ ହେଉଥିଲା ବେଲେ ସବୁ ସମାଜର ଛୁଆମାନେ ଇ ପରବ୍‌ ମନାସନ୍‌। ଯେନ୍‌ଥିର୍‌ଲାଗି ବଡ଼ଭାରି ମାଟିର କୁଁଢ଼ି, କଁାଚି, ହାତୀ, ଘୁଡା ବିକ୍‌ରି ହେସି ଆର୍‌ କୁମ୍ଭାର ପରିବାରମାନେ ଇ ସମିଆରେ ଭଲ୍‌ ଦୁଇପଏସା ରୁଜ୍‌ଗାର କର୍‌ସନ୍‌।

ସହଯୋଗର ହାତ ବଢାଇଲେ କିଛି ସହୁରୁଦ୍‌ ଲୋକ୍‌

ସହଯୋଗର ହାତ ବଢାଇଲେ କିଛି ସହୁରୁଦ୍‌ ଲୋକ୍‌

ପାଇକମାଲ, ୭ା୯(ଡି.ଏନ.ଏ.):ବରଗଡ ଜିଲା ପାଇକମାଲ ବ୍ଲକ୍‌ ଲଖମରା ପଁନ୍‌ଚେତ କୁଲାଣ୍ଡି ଗଁାର ନୀଳମଣି ଭୋଇ ବିନ୍ଧ୍ୟବାସିନୀ ମହାବିଦ୍ୟାଲୟନେ ପାଠ୍‌ ପଢ଼ୁଥିଲେ। ହେଲେ ଟଁକା ପଏସାର ବଡ଼ଭାରି ଅଭାବ୍‌ ଲାଗି ସେ ପାଠ୍‌ପଢ଼ା ଛାଡିଦେବାର ବାବ୍‌ଦେ ଅଧ୍ୟକ୍ଷକୁଁ ଜନେଇଥିଲେ। ତାକର କଥା ଶୁନି କଲେଜର କେତେ କରମ୍‌ଚାରୀ ତାହାକୁ ସହଯୋଗ୍‌ର ହାତ୍‌ ବଢ଼େଇଥିଲେ। ଯେନ୍‌ଥିର୍‌ଲାଗି ତାକର ପାଠ୍‌ପଢ଼ା ବଂଦ୍‌ ହେଉନ୍‌ ହେଉନ୍‌ ରହିଗଲା। ଏହେଦେ ସେ ମନ୍‌ବଲ ମଜ୍‌ବୁତ୍‌ କରି ପଢ଼ାପଢ଼ିରେ ଲାଗ୍‌ବାର ସଂଗେ ଭବିଷତ୍‌ରେ ଗୁଟେ ଭଲ୍‌ ଚାକ୍‌ରି କର୍‌ମି ବଲି କହିଛନ୍‌। ସୂଚନ୍‌ନା ହିସାବେ, ନୀଳମଣି ଭୋଇ ଚଲ୍‌ତିବଛର୍‌ ଯୁକ୍ତ ୩ କଲେଜରେ ପାଠ୍‌ ପଢ଼ୁଥିଲେ। ତଁାକର ବାପା ବଳରାମ ଭୋଇ(୪୨) କିଡ୍‌ନୀ ରୋଗ୍‌ରେ ପୀଡିତ୍‌ ଅଛନ୍‌। 

ଶିବିରରେ ୪ଶହ ରୋଗୀଙ୍କ ସ୍ବାସ୍ଥ୍ୟ ପରୀକ୍ଷା

ଶିବିରରେ ୪ଶହ ରୋଗୀଙ୍କ ସ୍ବାସ୍ଥ୍ୟ ପରୀକ୍ଷା

ଲୋଇସିଂହା,୭।୯(ଡି.ଏନ.ଏ.)-ବଲାଙ୍ଗୀର ଜିଲା ଲୋଇସିଂହା କେନ୍ଦୁପତ୍ର ରେଞ୍ଜ ପକ୍ଷରୁ ସାନଟିକା ଗ୍ରାମରେ ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର ଗୁରବାର ଅନୁଷ୍ଠିତ ହୋଇଯାଇଛି ା ଶିବିରରେ କେନ୍ଦୁପତ୍ର ତୋଳାଳି, ବନ୍ଧାଳିଙ୍କ ସମେତ ୪ଶହ ସାଧାରଣ ଜନତା ସ୍ବାସ୍ଥ୍ୟ ପରୀକ୍ଷା କରାଯାଇ  ଔଷଧ ପ୍ରଦାନ କରାଯାଇଥିଲା। କେନ୍ଦୁପତ୍ର ତୋଳାଳି ଓ ବନ୍ଧାଳି କଲ୍ୟାଣ ପାଣ୍ଠି ଆନୁକୂଲ୍ୟରେ ଆୟାଜିତ ଶିବିରକୁ ଲୋଇସିଂହା କେନ୍ଦୁପତ୍ର ରେଞ୍ଜ ଅଫିସର ବିରଞ୍ଚତ୍ ମିଶ୍ର, ଝାରବନ୍ଧଲି ରେଞ୍ଜ ଅଫିସର ଧିଲାଲ ମୁଗ୍ରୀ ଶିବିରକୁ ଉଦ୍‌ଘାଟନ କରିଥିଲେ ା

ଧାନଚାଷରେ ଅଜଣା ରୋଗ

ଧାନଚାଷରେ ଅଜଣା ରୋଗ

ଦେଓଗାଁ,୭।୯(ଡି.ଏନ.ଏ.) 
ବଲାଙ୍ଗୀର ଜିଲା ସଦର ବ୍ଲକ ଅନ୍ତର୍ଗତ କୁଠୁର୍ଲାରେ ଏବେ ଧାନଚାଷରେ ଅଜଣା ରୋଗକୁ ନେଇ ଚାଷୀ ଚିନ୍ତିତ ହୋଇପଡିଛନ୍ତି। ବିଭାଗକୁ ଅଭିଯୋଗ କଲେ ସୁଦ୍ଧା ସମସ୍ୟାର ସମାଧାନ ଉପରେ ପଦକ୍ଷେପ ନେବା ତ ଦୂରର କଥା ପରାମର୍ଶ ମଧ୍ୟ୍ୟ ଦିଆଯାଉ ନଥିବାରୁ ଚାଷୀ ମହଲରେ ଅସନ୍ତୋଷ ଦେଖାଦେଇଛି ା ସମ୍ପୃକ୍ତ ବିଭାଗୀୟ ଅଧିକାରୀମାନେ କ୍ଷେତ୍ର ପରିଦର୍ଶନ କରୁ ନ ଥିବା ବେଳେ କୌଣସି ସରକାରୀ ଯୋଜନା ଉପରେ ସୂଚନା ମଧ୍ୟ ଦେଉ ନ ଥିବା ଚାଷୀମାନେ ଅଭିଯୋଗ କରିଛନ୍ତି ା ଚଳିତବର୍ଷ ବିଳମ୍ବ ହେଲେ ମଧ୍ୟ ସ୍ବାଭାବିକ ବୃଷ୍ଟିପାତ ହେବାଦ୍ୱାରା ଚାଷ ଠିକ୍‌ ହୋଇଥିଲା। 

ବିଜୁ ଯୁବ ବାହିନୀଙ୍କୁ ଟୋପି, ଜର୍ସି ବଣ୍ଟନ

ବିଜୁ ଯୁବ ବାହିନୀଙ୍କୁ ଟୋପି, ଜର୍ସି ବଣ୍ଟନ

ସିନାପାଲି,୬।୯(ଡି.ଏନ.ଏ.): ନୂଆପଡା ଜିଲା ସିନାପାଲି ବ୍ଲକ ପରିସରରେ ବ୍ଲକ୍‌ ବିଜୁ ଯୁବ ବାହିନୀ ତରଫରୁ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଯୁବ ବାହିନୀ ସଦସ୍ୟମାନଙ୍କୁ ଟୋପି ଓ ଜର୍ସି ବଣ୍ଟନ କରାଯାଇଥିଲା ।

ନୂଆପଡାରେ ଜାତୀୟ ପୁଷ୍ଟି ସପ୍ତାହ: ଶେଷ ଅପପୁଷ୍ଟି ଦୂର ହେବା ଯାଏଁ ଉଦ୍ୟମ ହେବା ଦରକାର

ନୂଆପଡାରେ ଜାତୀୟ ପୁଷ୍ଟି ସପ୍ତାହ: ଶେଷ ଅପପୁଷ୍ଟି ଦୂର ହେବା ଯାଏଁ ଉଦ୍ୟମ ହେବା ଦରକାର

ନୂଆପଡା ଅଫିସ,୬ା୯- କେବଳ ଯେ ପୁଷ୍ଟି ହୀନତା କାର୍ଯ୍ୟକ୍ରମକୁ ଦିନକରେ କିମ୍ବା ସପ୍ତାହରେ ସୀମିତ ନ କରି ଏହାକୁ ସବୁବେଳେ ଆମରି କାର୍ଯ୍ୟ ଧାରାରେ ସାମିଲ କରିବା ଦରକାର ।

କାନ୍ଥ ପଡି ଗର୍ଭବତି ମହିଳା ଗୁରୁତର

କାନ୍ଥ ପଡି ଗର୍ଭବତି ମହିଳା ଗୁରୁତର

ପଲମ,୬।୯(ଡି.ଏନ.ଏ.): କଳାହାଣ୍ଡି ଜିଲା ନର୍ଲା ବ୍ଲକ୍‌ ଅଧୀନ ଗିଗିନା ପଞ୍ଚାୟତ ସିନାଙ୍ଗ ଗ୍ରାମରେ ଲଘୁଚାପଜନିତ ପ୍ରବଳ ବର୍ଷାରେ ଘର କାନ୍ଥ ଭୁଶୁଡ଼ି ପଡ଼ିଛି । ଏଥିରେ ଗ୍ରାମର ଜିନା ହରପାଲ (୨୮) ଜଣେ ଗର୍ଭବତି ମହିଳା ଗୁରୁତର ଆହତ ହୋଇଛନ୍ତି ।

ଲାଞ୍ଜିଗଡ଼ ଦୁର୍ଗାପୂଜା କମିଟି ନୂତନ କର୍ମକର୍ତ୍ତା

ଲାଞ୍ଜିଗଡ଼ ଦୁର୍ଗାପୂଜା କମିଟି ନୂତନ କର୍ମକର୍ତ୍ତା

ଲାଞ୍ଜିଗଡ଼,୬।୯(ଡି.ଏନ.ଏ.): କଳାହାଣ୍ଡି ଜିଲା ଲାଞ୍ଜିଗଡସ୍ଥିତ ଦୁର୍ଗାପୂଜା ନୂତନ କମିଟି ଗଠନ ସହିତ ଏହାର କର୍ମକର୍ତ୍ତ ଚୟନ ପାଇଁ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ସଭାପତି ଭାବେ ବିନୋଦ ଗଉଡ, ସମ୍ପାଦକ ଭାବେ ଶ୍ରୀମୁଖ ଅଗସ୍ତି, କୋଷାଧ୍ୟକ୍ଷ ସୁମନ୍ତ ଦଳବେହେରା ପ୍ରମୁଖ ମନୋନୀତ ହୋଇଛନ୍ତି। 

ବିଜ୍ଞାନ ମେଳାରେ ୫୪ ପ୍ରକଳ୍ପ ପ୍ରଦର୍ଶିତ

ବିଜ୍ଞାନ ମେଳାରେ ୫୪ ପ୍ରକଳ୍ପ ପ୍ରଦର୍ଶିତ

କଲମପୁର,୬।୯(ଡି.ଏନ.ଏ.): କଳାହାଣ୍ଡି ଜିଲା କଲମପୁର ଦ୍ରୋଣାଚାର୍ଯ୍ୟ ଇଂରାଜୀ ମାଧ୍ୟମ ବିଦ୍ୟାଳୟରେ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ମେଳାକୁ ବିଦ୍ୟାଳୟ ଅଧ୍ୟକ୍ଷ ସୁଧୀର ରଞ୍ଜନ ସାହୁ ଉଦ୍‌ଘାଟନ କରିଥିଲେ । 

ସମ୍ପୂର୍ଣ୍ଣ ଫସଲ ବୀମା ରାଶି ଦାବି ନେଇ ଭେଡେନରେ ବନ୍ଦ ପାଳିତ

ସମ୍ପୂର୍ଣ୍ଣ ଫସଲ ବୀମା ରାଶି ଦାବି ନେଇ ଭେଡେନରେ ବନ୍ଦ ପାଳିତ

ଭେଡେନ, ୬।୯(ଡି.ଏନ.ଏ.)- ସମ୍ପୂର୍ଣ୍ଣ ଫସଲ ବୀମା ପ୍ରଦାନ ଦାବିରେ ଗତ ୭ ଦିନ ଧରି ଚାଲିଥିବା ଭେଡେନେରେ ଚାଷୀ ଆନ୍ଦୋଳନ ଗୁରୁବାର ତୀବ୍ର ରୂପ ଧାରଣ କରିଛି। ପୂର୍ବ ଘୋଷଣା ମୁତାବକ ଗୁରୁବାର ଭେଡେନରେ ଚାଷୀମାନେ ବନ୍ଦ ପାଳନ କରିଛନ୍ତି। ଚାଷୀମାନେ ଶୋଭାଯାତ୍ରାରେ ଯାଇ ଭେଡେନର ସମସ୍ତ ସରକାରୀ ଅଫିସ, ବ୍ୟାଙ୍କ, ବ୍ଲକ, ତହସିଲ କାର୍ଯ୍ୟାଳୟ  ବନ୍ଦ କରିଥିଲେ। ଏହାସହ ସମସ୍ତ ସ୍କୁଲ, କଲେଜ, ଦୋକାନ ବଜାର ତଥା 

ପଥରରେ ଛେଚି ବୃଦ୍ଧଙ୍କୁ ହତ୍ୟା

ପଥରରେ ଛେଚି ବୃଦ୍ଧଙ୍କୁ ହତ୍ୟା

ବାଲିଶଙ୍କରା,୬।୯(ଡି.ଏନ.ଏ.)
ତଳସରା ଥାନା ଅନ୍ତର୍ଗତ ବାଲିଶଙ୍କରା କୁରେଇମୁଣ୍ଡା ଗ୍ରାମରେ ଗଣ୍ଡଗୋଳରେ ଉତ୍‌କ୍ଷିପ୍ତ ହୋଇ ୨ଯୁବକ ଜଣେ ବୃଦ୍ଧାଙ୍କୁ ବୁଧବାର ହତ୍ୟା କରିଛନ୍ତି। ମୃତକ ଜଣଙ୍କ ହେଲେ ପପିନ୍ଧର ସିଂ(୪୫)। ପ୍ରକାଶ ଯେ, କୌଣସି ବିଷୟକୁ ନେଇ ୨ଯୁବକଙ୍କ ସହ ପପିିନ୍ଧରଙ୍କ ବଚସା ହୋଇଥିଲା । ଏଥିରେ ଉତ୍‌କ୍ଷିପ୍ତ ହୋଇ ନିକଟରେ ଥିବା ଏକ ପଥରରେ ୨ଯୁବକ ତାଙ୍କୁ ଛେଚି ଦେବାରୁ ସେ ତଳେ ପଡିଯାଇଥିଲେ । ପରେ ସ୍ଥାନୀୟ ଗ୍ରାମବାସୀ ପପିନ୍ଧରଙ୍କ 

ବଢୁଛି ହାତୀ ଉପଦ୍ରବ

ବଢୁଛି ହାତୀ ଉପଦ୍ରବ

ବଡଗାଁ, ୬।୯(ଡି.ଏନ.ଏ.)
ବଡଗାଁ ଫରେଷ୍ଟ ରେଞ୍ଜ ଅଞ୍ଚଳରେ ୬ମାସ ହେବ ଆଡ୍ଡା ଜମାଇଥିବା ହାତୀ ପଲ ଧାନ ଚାଷ ନଷ୍ଟ କରି ଚାଲିଛନ୍ତି । ମହାବୀର ପର୍ବତରେ ୩ଟି ଶାବକ ଓ ୧୪ଟି ବଡ ହାତୀ ଥିବା ଏହି ପଲ ରାତି ହେଲେ ପର୍ବତରୁ ଓହ୍ଲାଇ ଚାଷ ହୋଇଥିବା ବିଲରେ ଦଳି ମକଚି ନଷ୍ଟ କରୁଛନ୍ତି। ପ୍ରାୟ ୨୫ ଦିନ ହେବ ପର୍ବତରେ ଆସ୍ଥାନ ଜମାଇଥିବା ହାତୀପଲ କିଛି ଦିନ ପୂର୍ବେ ପର୍ବତ ତଳି ସାଲେପାଲି ଗ୍ରାମର ୱାର୍ଡମେମ୍ବର ମଧୂ କମାରଙ୍କ ପାଚେରୀ ଓ 

ବର୍ଷା ହେଲେ ଶ୍ରେଣୀଗୃହରୁ ଗଳୁଛି ପାଣି

ବର୍ଷା ହେଲେ ଶ୍ରେଣୀଗୃହରୁ ଗଳୁଛି ପାଣି

ବଡଗାଁ, ୬।୯(ଡି.ଏନ.ଏ.)
ସୁନ୍ଦରଗଡ ଜିଲା ବଡଗାଁ ବ୍ଲକ ଅନ୍ତର୍ଗତ ଇତମା ପଞ୍ଚାୟତର ଝାରମୁଣ୍ଡା ଗ୍ରାମସ୍ଥିତ ୟୁ.ପି. ସ୍କୁଲର ୫ଟି ଶ୍ରେଣୀଗୃହ ମଧ୍ୟରୁ ୩ରେ ପାଣି ଗଳୁଥିବା ଓ ସ୍କୁଲ ପରିସର ସନ୍ତସନ୍ତିଆ ଏବଂ ଅପରିଷ୍କାର ଥିବା ସମ୍ପର୍କିତ ଖବର ଗତମାସ ୩୦ ତାରିଖ ଧରିତ୍ରୀରେ ପ୍ରକାଶ ପାଇଥିଲା । ବର୍ତ୍ତମାନ ଆଉ ଏକ ସ୍କୁଲରଛାତରୁ ପାଣି ଗଳୁଥିବା ଦୃଷ୍ଟିକୁ ଆସିଛି । କୁସ୍ତୁନା ଗ୍ରାମସ୍ଥିତ ଉଚ୍ଚ ପ୍ରାଥମିକ ସ୍କୁଲର ଛାତରୁ ପାଣି ଗଳୁଥିବା ଦୃଷ୍ଟିକୁ ଆସିଛି। କୁସ୍ତୁନା ଗ୍ରାମସ୍ଥିତ ଉଚ୍ଚ

କନଷ୍ଟେବଳଙ୍କ ଆକସ୍ମିକ ମୃତ୍ୟୁ

କନଷ୍ଟେବଳଙ୍କ ଆକସ୍ମିକ ମୃତ୍ୟୁ

ସୁନ୍ଦରଗଡ,୬।୯(ଡି.ଏନ୍‌.ଏ.) 
ଟାଉନ ଥାନାରେ କାର୍ଯ୍ୟରତ ଜଣେ କନଷ୍ଟେବଳଙ୍କ ବୁଧବାର ଆକସ୍ମିକ ଭାବେ ମୃତ୍ୟୁ ଘଟିଛି । ମୃତକ ହେଲେ ରାଜେନ୍ଦ୍ର ମାଝୀ (୪୮) । ସେ ମଙ୍ଗଳବାର ରାତିରେ ଥାନାରେ ଡ୍ୟୁଟି ସାରି ସକାଳେ କ୍ୱାଟରକୁ ଫେରୁଥିବାବେଳେ ହଠାତ୍‌ ଅସୁସ୍ଥ ଅନୁଭବ କରିଥିଲେ। ପରେ ତାଙ୍କୁ ସଙ୍ଗେ ସଙ୍ଗେ ସୁନ୍ଦରଗଡ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇ ପରିବାର  ଲୋକଙ୍କୁ ଖବର ଦିଅଯାଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ଅପରାହ୍ନ 

ଟଙ୍କିକିଆ ଚାଉଳ ପାଇଁ ୨୭ହଜାର ଆବେଦନକାରୀ

ଟଙ୍କିକିଆ ଚାଉଳ ପାଇଁ ୨୭ହଜାର ଆବେଦନକାରୀ

ସମ୍ବଲପୁର,୬।୯(ଡି.ଏନ.ଏ.)
ରାଜ୍ୟରେ ଅନାହାର ମୃତ୍ୟୁ ରୋକିବା ନେଇ ସରକାର ନିଜସ୍ବ ଖାଦ୍ୟ ସୁରକ୍ଷା ଯୋଜନା ହାତକୁ ନେଇଛନ୍ତି। କେନ୍ଦ୍ର ଖାଦ୍ୟ ସୁରକ୍ଷା ଆଇନରୁ ବାଦ୍‌ ପଡ଼ିଥିବା ଗରିବ ପରିବାରଙ୍କୁ ଏଥିରେ ସାମିଲ୍‌ କରାଯିବ। ଏପରି ସ୍ଥଳେ ୩୬ଲକ୍ଷ ହିତାଧିକାରୀଙ୍କୁ ଟଙ୍କାଟିଏ ଚାଉଳ ବଣ୍ଟନ ଲକ୍ଷ୍ୟଧାର୍ଯ୍ୟ ହୋଇଛି। ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀଠାରୁ ଏହି ଯୋଜନା କାର୍ଯ୍ୟକାରୀ ହେବ। ଏହି ପରିପ୍ରେକ୍ଷୀରେ ଜିଲାପାଳମାନଙ୍କୁ ରିପୋର୍ଟ ପ୍ରସ୍ତୁତ କରିବାକୁ 

ସରକାର, ବୀମା କମ୍ପାନୀ ଚକ୍ରବ୍ୟୁହରେ କ୍ଷତିଗ୍ରସ୍ତ ଚାଷୀ

ସରକାର, ବୀମା କମ୍ପାନୀ ଚକ୍ରବ୍ୟୁହରେ କ୍ଷତିଗ୍ରସ୍ତ ଚାଷୀ

ସମ୍ବଲପୁର,୬।୯(ଡି.ଏନ.ଏ.)- ସମ୍ବଲପୁର ଜିଲା ଚାଷୀ ଏବେ ସରକାର ଓ ବୀମା କମ୍ପାନୀର ଚକ୍ରବ୍ୟୁହରେ ପେଶି ହୋଇଛନ୍ତି। ସରକାରଙ୍କ ଭୁଲ ରିପୋର୍ଟ ଥିବା ଦର୍ଶାଇ ବୀମା କମ୍ପାନୀ ଫସଲ ବୀମା ଟଙ୍କା ପ୍ରଦାନ କରୁନାହାନ୍ତି। ଅନ୍ୟପଟେ ଜିଲା ପ୍ରଶାସନ ପକ୍ଷରୁ ବୀମା କମ୍ପାନୀକୁ ଚାଷୀଙ୍କୁ ଶୀଘ୍ର ଫସଲ ବୀମା ଟଙ୍କା ପ୍ରଦାନ କରିବାକୁ ତାଗିଦ୍‌ କରାଯାଉଛି। ଅପରପକ୍ଷେ, ସେପ୍ଟେମ୍ବର ୫ରୁ ଅନଲାଇନରେ ବୀମା କରିଥିବା ଚାଷୀଙ୍କ ଟଙ୍କା କେନ୍ଦ୍ର 

ନାକଟୀଦେଉଳ କଲେଜର ପ୍ରତିଷ୍ଠା ଦିବସ

ନାକଟୀଦେଉଳ କଲେଜର ପ୍ରତିଷ୍ଠା ଦିବସ

ନାକଟୀଦେଉଳ, ୬।୯(ଡି.ଏନ.ଏ.)
ସମ୍ବଲପୁର ଜିଲା ନାକଟିଦେଉଳ ମହାବିଦ୍ୟାଳୟର ୩୬ତମ ପ୍ରତିଷ୍ଠା ଦିବସ ସମାରୋହ ତଥା ଗୁରୁ ଦିବସ ବୁଧବାର କଲେଜ ପରିସରରେ ପାଳିତ ହୋଇଯାଇଛି। କନିଷ୍ଠ ମହାବିଦ୍ୟାଳୟର ଅଧ୍ୟକ୍ଷ କନ୍ଦର୍ପ ରାଉଳଙ୍କ ଅଧ୍ୟକ୍ଷତାରେ ଆୟୋଜିତ ଏହି ପ୍ରତିଷ୍ଠା ଦିବସ ସମାରୋହରେ ମୁଖ୍ୟ ଅତିଥି ଭାବେ ରେଢାଖୋଲ ଉପଜିଲାପାଳ ବିଶି କେଶନ ଦେହୁରୀ ଯୋଗ ଦେଇଥିଲେ। ମୁଖ୍ୟବକ୍ତା ରେଢାଖୋଲ ଭୀମଭୋଇ ମହାବିଦ୍ୟାଳୟର ଅବସରପ୍ରାପ୍ତ 

ଖର୍ଲା ନଦୀରୁ ଯୁବକଙ୍କ ମୃତଦେହ ଉଦ୍ଧାର: ସାମାଜିକ ବାସନ୍ଦ ଯୋଗୁ ଶବ ନେଲେ ନି ପରିବାର

ଖର୍ଲା ନଦୀରୁ ଯୁବକଙ୍କ ମୃତଦେହ ଉଦ୍ଧାର: ସାମାଜିକ ବାସନ୍ଦ ଯୋଗୁ ଶବ ନେଲେ ନି ପରିବାର

ସମ୍ବଲପୁର/କୁଚିଣ୍ଡା, ୬।୯(ବ୍ୟୁରୋ/ଡି.ଏନ.ଏ.)
ସମ୍ବଲପୁର ଜିଲା କୁଚିଣ୍ଡା ଥାନା ପୋଲିସ ଖଲର୍‌ଲା ନଦୀରେ ଭାସୁଥିବା ଜଣେ ଯୁବକଙ୍କ ମୃତଦେହକୁ ଉଦ୍ଧାର କରିଛି। ମୃତକଜଣକ ହେଲେ ମହୁଲପାଲି ଥାନା ଗୋଛରା ଗ୍ରାମ ଅନ୍ଧାରୀପାଲି ଗ୍ରାମର ଅଶୋକ ମୋଦି। ଏ ନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ଅଶୋକ ୨ ତାରିଖ ଦିନ ନଦୀକୁ ଗାଧୋଇବାକୁ  ଯାଇଥିବା ବେଳେ ପାଣିରେ ଭାସି ଯାଇଥିଲେ। ପରିବାର ପକ୍ଷରୁ ଥାନାରେ ଏ ସମ୍ପର୍କରେ ଅଭିଯୋଗ 

ଗର୍ଭବତୀ, ପ୍ରସୂତିଙ୍କୁ ନିମ୍ନମାନର ଛତୁଆ ବଣ୍ଟନ ଅଭିଯୋଗ

ଗର୍ଭବତୀ, ପ୍ରସୂତିଙ୍କୁ ନିମ୍ନମାନର ଛତୁଆ ବଣ୍ଟନ ଅଭିଯୋଗ

ସମ୍ବଲପୁର,୬।୯(ବ୍ୟୁରୋ) 
ଗର୍ଭବତୀ ଓ ପ୍ରସୂତିଙ୍କ ଲାଗି ଯୋଜନା କାର୍ଯ୍ୟକାରୀ ହୋଇଛି। ଗର୍ଭବତୀ ହେବାଠାରୁ ପିଲା ଜନ୍ମ ନେବା ପର୍ଯ୍ୟନ୍ତ ସମସ୍ତ ସୁବିଧା ସରକାରଙ୍କ ପକ୍ଷରୁ ଯୋଗାଇ ଦିଆଯାଉଛି। ପୁଷ୍ଟିକର ଖାଦ୍ୟ ଭାବେ ମାସିକ ୪ କେଜି ୯୦୦ ଗ୍ରାମ ଛତୁଆ ସହ ବାଦାମ ଲଡୁ ଦିଆଯିବାକୁ ବ୍ୟବସ୍ଥା ହୋଇଛି। ହେଲେ ଛତୁଆ ପ୍ରସ୍ତୁତି ନେଇ ସରକାରଙ୍କ ଦ୍ୱାରା ଧାର୍ଯ୍ୟ ଚିନାବାଦାମ, ଚିନି, ଗହମ ଆଦି ସାମଗ୍ରୀର ଭାଗମାପ ଠିକ୍‌ ରହୁ ନ ଥିବାରୁ ହିତାଧିକାରୀମାନେ ଏହାକୁ