ସମ୍ବଲପୁର

ଚପଲ ଗୋଦାମରେ ଅଗ୍ନିକାଣ୍ଡ

ବଲାଙ୍ଗୀର ଅଫିସ, ୧୨।୭- ବଲାଙ୍ଗୀର ସରକାରୀ ବସଷ୍ଟାଣ୍ଡ ନିକଟରେ ଥିବା ନରେଶ ଫୁଟୱେର ଦୋକାନ ଉପରେ ଥିବା ଚପଲ ଗୋଦାମରେ ବୁଧବାର ସନ୍ଧ୍ୟାରେ ସଟ୍‌ସର୍କିଟ ଯୋଗୁ ନିଆଁ ଲାଗିଯାଇଥିଲା। ଦୋକାନ ମାଳିକଙ୍କ ସହ କର୍ମଚାରୀମାନେ ତତ୍‌କ୍ଷଣାତ୍‌ ବିଦ୍ୟୁତ୍‌ ବିଚ୍ଛିନ୍ନ କରି ନିଆଁ ଲିଭାଇ ଦେଇଥିବାରୁ ଏକ ବଡଧରଣର ବିପଦ ଟଳିଥିଲା । ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ ।

ବାଳିକା ହାଇସ୍କୁଲରେ ବୃକ୍ଷ ଚାରାରୋପଣ

ବାଳିକା ହାଇସ୍କୁଲରେ ବୃକ୍ଷ ଚାରାରୋପଣ

ବଡଗାଁ, ୧୨।୭ (ଡି.ଏନ.ଏ)- ସୁନ୍ଦରଗଡ ଜିଲା ବଡଗାଁ ବନାଞ୍ଚଳ କାର୍ଯ୍ୟାଳୟ ପକ୍ଷରୁ ବୁଧବାର ପୂର୍ବାହ୍ନରେ ଭୋଇପାଲି ସରବତୀଦେବୀ ବାଳିକା ଉଚ୍ଚ ବିଦ୍ୟାଳୟରେ ବନ ମହୋତ୍ସବ ପାଳିତ ହୋଇଛି। ଏହି ଉପଲକ୍ଷେ ଆୟୋଜିତ ସଚେତନତା ସଭାରେ ବନ ବିଭାଗ ଅଧିନରେ କାର୍ଯ୍ୟକରୁଥିବା ଏଫଏମୟୁର ସଂଯୋଜକ ସବିତା ସ୍ବାଇଁ, ଦୀପକ ପଟେଲ ଓ ସ୍କୁଲର ପ୍ରଧାନ ଶିକ୍ଷୟିତ୍ରୀ ଅଶ୍ରୁ ପ୍ରଧାନ ଛାତ୍ରୀମାନଙ୍କୁ ବୃକ୍ଷ ରୋପଣ କରିବାକୁ ଉତ୍ସାହିତ କରିଥିଲେ।

ଜିଲାରେ ଭୋଟ କେନ୍ଦ୍ର ପୁନର୍ଗଠନ ପାଇଁ ସମୀକ୍ଷା ବୈଠକ

ଜିଲାରେ ଭୋଟ କେନ୍ଦ୍ର ପୁନର୍ଗଠନ ପାଇଁ ସମୀକ୍ଷା ବୈଠକ

ସୁନ୍ଦରଗଡ଼, ୧୨।୭(ଡି.ଏନ୍‌.ଏ) -ଜିଲାରେ ନୂତନ ଭୋଟ କେନ୍ଦ୍ର ସ୍ଥାପନ ଓ ସ୍ଥାୟୀ ଭୋଟ କେନ୍ଦ୍ରଗୁଡିକରେ ନାମ ଓ ସ୍ଥାନ ପରିବର୍ତ୍ତନ ପାଇଁ ବୁଧବାର ଜିଲାର ସମସ୍ତ ରାଜନୈତିକ ଦଳମାନଙ୍କୁ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲାପାଳ ସୁରେନ୍ଦ୍ର କୁମାର ମୀନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଜିଲାର ଉପଜିଲାପାଳମାନେ ୨୨୫ଟି ନୂତନ ଭାବେ ଭୋଟ କେନ୍ଦ୍ର ସ୍ଥାପନ ଓ ୧୬୦ଟି ସ୍ଥାୟୀ ଭୋଟ କେନ୍ଦ୍ରଗୁଡିକର ନାମ ଓ ସ୍ଥାନ ପରିବର୍ତ୍ତନ ପାଇଁ ପ୍ରସ୍ତାବ ଉପସ୍ଥାପନ କରିଥିଲେ।

ବିଧାୟକଙ୍କ ଦ୍ୱାରା  ୩ କୋଟିର ବିଭିନ୍ନ ଉନ୍ନୟନ କାର୍ଯ୍ୟର ଶିଳାନ୍ୟାସ, ଉଦ୍‌ଘାଟନ

ବିଧାୟକଙ୍କ ଦ୍ୱାରା ୩ କୋଟିର ବିଭିନ୍ନ ଉନ୍ନୟନ କାର୍ଯ୍ୟର ଶିଳାନ୍ୟାସ, ଉଦ୍‌ଘାଟନ

ହେମଗିର, ୧୨।୭ (ଡି.ଏନ.ଏ)- ସୁନ୍ଦରଗଡ଼ ସଦର ବିଧାୟକ ଯୋଗେଶ କୁମାର ସିଂଙ୍କ ଦ୍ୱାରା ପ୍ରାୟ ତିନି କୋଟି ଟଙ୍କାର ବିଭିନ୍ନ ଉନ୍ନୟନ କାର୍ଯ୍ୟର ଶିଳାନ୍ୟାସ ଓ ଉଦ୍‌ଘାଟନ କରାଯାଇଛି। ବିଧାୟକ ସିଂ ହେମଗିର ବ୍ଲକର କନିକା ପହଞ୍ଚିଲା ପରେ ଜୁଲୁମବାହାଲକୁ ଏକ ରାସ୍ତାକାମର ଶିଳାନ୍ୟାସ କରିଥିଲେ।

ଉତ୍ତରପ୍ରଦେଶର ନାବାଳିକା ଷ୍ଟେଶନରୁ ଉଦ୍ଧାର

ଉତ୍ତରପ୍ରଦେଶର ନାବାଳିକା ଷ୍ଟେଶନରୁ ଉଦ୍ଧାର

ଝାରସୁଗୁଡା ଅଫିସ,୧୨।୭-ଝାରସୁଗୁଡା ରେଲୱେ ଷ୍ଟେଶନରୁ ଜନୈକା ୧୬ ବର୍ଷିୟା ବାଳିକାଙ୍କୁ ଉଦ୍ଧାର କରାଯାଇଛି। ରେଳ ସୁରକ୍ଷା ବଳ (ଆରପିଏଫ୍‌) କର୍ମଚାରୀ ନାବାଳିକାଙ୍କୁ ଉଦ୍ଧାର କରି ଚାଇଲ୍ଡଲାଇନକୁ ହସ୍ତାନ୍ତର କରିଥିଲେ। ନାବାଳିକା ଜଣକ ଉତ୍ତରପ୍ରଦେଶରୁ ରାଉରକେଲା ପାନପୋଷ ସ୍ପୋର୍ଟସ୍‌ ହଷ୍ଟେଲରେ ହୋଇଥିବା ଖେଳ ପ୍ରତିଯୋଗିତାରେ ଭାଗ ନେବାକୁ ଆସିଥିଲେ।

ଜାତୀୟ ରାଜପଥ ବିଭାଗ ନୀରବ, ପ୍ରଶାସନ ଅସହାୟ: ଦୁର୍ଦ୍ଦଶା ଭୋଗୁଛନ୍ତି ସାଧାରଣ ଜନତା

ଜାତୀୟ ରାଜପଥ ବିଭାଗ ନୀରବ, ପ୍ରଶାସନ ଅସହାୟ: ଦୁର୍ଦ୍ଦଶା ଭୋଗୁଛନ୍ତି ସାଧାରଣ ଜନତା

କୁଆଁରମୁଣ୍ଡା,୧୨।୭(ଡି.ଏନ.ଏ.)-ଆଦିବାସୀ ବହୁଳ ସୁନ୍ଦରଗଡ଼ ଜିଲାର କୁଆଁରମୁଣ୍ଡା ବ୍ଲକ ମଧ୍ୟ ଦେଇ ୨୩ ନମ୍ବର ଜାତୀୟ ରାଜପଥ ଝାଡଖଣ୍ଡ ଓ ବିହାରକୁ ସଂଯୋଗ କରୁଛି। ପ୍ରତିଦିନ ଏହି ରାଜପଥରେ ଝାଡଖଣ୍ଡ, ବିହାର ଓ ଅନ୍ୟାନ୍ୟ ରାଜ୍ୟକୁ ଶତାଧିକ ଟ୍ରକ, ଟ୍ରେଲର, ବସ ଇତ୍ୟାଦି ଯାତାୟାତ କରୁଛି।

ଜଙ୍ଗଲରୁ ସୁପରଭାଇଜରଙ୍କ ମୃତଦେହ ଉଦ୍ଧାର: ହତ୍ୟା ସନ୍ଦେହ

ଜଙ୍ଗଲରୁ ସୁପରଭାଇଜରଙ୍କ ମୃତଦେହ ଉଦ୍ଧାର: ହତ୍ୟା ସନ୍ଦେହ

ହେମଗିର, ୧୨।୭ (ଡି.ଏନ.ଏ)-ସୁନ୍ଦରଗଡ଼ ଜିଲା ହେମଗିର ଥାନା ଅନ୍ତର୍ଗତ ବାଲିଯୋରି ଜଙ୍ଗଲରୁ ବୁଧବାର ସକାଳେ ଜଣେ ସୁପରଭାଇଜରଙ୍କ ମୃତଦେହ ଉଦ୍ଧାର କରାଯାଇଛି। ତାଙ୍କ ନାମ କୁଲଦୀପ ମଲିକ (୫୨)। ତାଙ୍କ ଘର ହରିୟାଣାର ରୋତକ ଥାନା ଅନ୍ତର୍ଗତ ଖରାୱାର ଗ୍ରାମରେ ବୋଲି ଜଣାପଡିଛି।

ବଡ଼ଗାଁ ବ୍ଲକରେ ନିମ୍ନମାନର ଷ୍ଟ୍ରିଟ୍‌ ଲାଇଟ ଯୋଗାଣ: ସପ୍ତାହେ ମଧ୍ୟରେ ଖରାପ

ବଡ଼ଗାଁ ବ୍ଲକରେ ନିମ୍ନମାନର ଷ୍ଟ୍ରିଟ୍‌ ଲାଇଟ ଯୋଗାଣ: ସପ୍ତାହେ ମଧ୍ୟରେ ଖରାପ

ବଡ଼ଗାଁ, ୧୨।୭ (ଡି.ଏନ.ଏ)- ସୁନ୍ଦରଗଡ଼ ଜିଲା ବଡ଼ଗାଁ ବ୍ଲକ ଅଞ୍ଚଳର ପଞ୍ଚାୟତ ଅଧୀନ ବିଭିନ୍ନ ଗ୍ରାମରେ ସିଏଫ୍‌ସି ପାଣ୍ଠିରୁ ଲଗାଯାଇଥିବା ଷ୍ଟ୍ରିଟ୍‌ ଲାଇଟ କେଉଁଠି ୨ଦିନ ତ କେଉଁଠି ସପ୍ତାହେ ଜଳିଲା ପରେ ଖରାପ ହୋଇଯାଇଥିଲା। ଏହା ଯୋଗାଇ ଦେଇଥିବା ଯୋଗାଣକାରୀ ସଂସ୍ଥାର କର୍ମଚାରୀଙ୍କୁ ପଞ୍ଚାୟତ ପ୍ରତିନିଧିମାନେ ଏ ସମ୍ପର୍କରେ ଜଣାଇଛନ୍ତି।

ଚେକ ବୁକ ଇସ୍ୟୁକୁ ନେଇ ଉଠିଲା ପ୍ରଶ୍ନ

ଚେକ ବୁକ ଇସ୍ୟୁକୁ ନେଇ ଉଠିଲା ପ୍ରଶ୍ନ

ରାଉରକେଲା ଅଫିସ,୧୨। ୭ ଚିକିତ୍ସା କେନ୍ଦ୍ର ନିର୍ମାଣ କରାଯାଇନି। ଅଥଚ କେନ୍ଦ୍ର ନାଁରେ ବ୍ୟାଙ୍କ ଚେକ ବୁକ ଆସି ଫେରି ଯାଉଛି। ଏହା କେମିତି ସମ୍ଭବ ହେଉଛି ସେ ନେଇ ସାଧାରଣ ଲୋକଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି। ବ୍ୟାଙ୍କ କର୍ତ୍ତୃପକ୍ଷଙ୍କୁ ମେଡିକାଲ କର୍ତ୍ତୃପକ୍ଷ ଠିକଣା ନ ଦେଲେ ଆବଶ୍ୟକୀୟ କାଗଜପତ୍ର ପହଞ୍ଚେ ନାହିଁ।

ଗଛରେ ମହିଳାଙ୍କ ଝୁଲନ୍ତା ମୃତଦେହ: ପାରିବାରିକ କଳହରୁ ଆତ୍ମହତ୍ୟା ସନ୍ଦେହ

ଗଛରେ ମହିଳାଙ୍କ ଝୁଲନ୍ତା ମୃତଦେହ: ପାରିବାରିକ କଳହରୁ ଆତ୍ମହତ୍ୟା ସନ୍ଦେହ

ଝାରସୁଗୁଡା ଅଫିସ/ଲଇକେରା(ଡି.ଏନ୍‌.ଏ),୧୨।୭- ଝାରସୁଗୁଡା ଜିଲା ଲଇକେରା ବ୍ଲକର ଜଣେ ମହିଳା ବୁଧବାର ଭୋରରୁ ବେକର ଶାଢୀ ବାନ୍ଧି ଆତ୍ମହତ୍ୟା କରିଛନ୍ତି। ସେ ହେଲେ ଲଇକେରା ବ୍ଲକ ଖୁନ୍ତାମାଲ ବଜାରପଡାର ନିରଞ୍ଜନ ଖର୍ସେଲଙ୍କ ସ୍ତ୍ରୀ ଗୋମତୀ ଖର୍ସେଲ(୨୭)।

ବନ୍ଧ୍ୟାକରଣ ଜନସଂଖ୍ୟା ନିୟନ୍ତ୍ରଣର ଏକମାତ୍ର ଆଧାର: ପୁରୁଷ ପଛରେ, ମହିଳା ଆଗରେ

ବନ୍ଧ୍ୟାକରଣ ଜନସଂଖ୍ୟା ନିୟନ୍ତ୍ରଣର ଏକମାତ୍ର ଆଧାର: ପୁରୁଷ ପଛରେ, ମହିଳା ଆଗରେ

ଝାରସୁଗୁଡ଼ା ଅଫିସ, ୧୨।୭- ଝାରସୁଗୁଡ଼ା ଜିଲା ଚିକିତ୍ସା ବିଭାଗ ତରଫରୁ ବୁଧବାର ପାଳନ ହୋଇଛି ବିଶ୍ୱ ଜନସଂଖ୍ୟା ଦିବସ। ଜନସଂଖ୍ୟା ନିୟନ୍ତ୍ରଣ ପାଇଁ ସରକାରଙ୍କ ବହୁବିଧ ଯୋଜନା ରହିଛି। ତେବେ ଏହାର ନିୟନ୍ତ୍ରଣ କିପରି ହୋଇପାରିବ ସେ ବାବଦରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା।

ଆରୋହାନୁମାନ ତାଲିମ, ବୃକ୍ଷରୋପଣ କାର୍ଯ୍ୟକ୍ରମ

ଆରୋହାନୁମାନ ତାଲିମ, ବୃକ୍ଷରୋପଣ କାର୍ଯ୍ୟକ୍ରମ

ଜୁନାଗଡ,୧୧।୭(ଡି.ଏନ.ଏ.)- କଳାହାଣ୍ଡି ଜିଲା ଜୁନାଗଡ ବ୍ଲକ ଚିଚୈଗୁଡା ଜୁନିୟର କଲେଜରେ ଯୁବ ରେଡକ୍ରସ ବିଭାଗ ପକ୍ଷରୁ ଏକ ଦିବସୀୟ ଆରୋହାନୁମାନ ତାଲିମ ଓ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ମଦମୁକ୍ତ ପଞ୍ଚାୟତ ପାଇଁ  ମହିଳାଙ୍କ ସମାବେଶ

ମଦମୁକ୍ତ ପଞ୍ଚାୟତ ପାଇଁ ମହିଳାଙ୍କ ସମାବେଶ

ସିନାପାଲି,୧୧।୭(ଡି.ଏନ.ଏ.)- ନୂଆପଡ଼ା ଜିଲା ସିନାପାଲି ବ୍ଲକସ୍ଥିତ ସୀମାନ୍ତ କୁସୁମଯୋର ଗ୍ରାମପଞ୍ଚାୟତକୁ ମଦମୁକ୍ତ କରିବା ପାଇଁ ମହିଳାଙ୍କ ଏକ ସମାବେଶ ବୁଧବାର ଆୟୋଜିତ ହୋଇଯାଇଛି । ଅପରାହ୍ନ ୧ଟାରେ ଗ୍ରାମପଞ୍ଚାୟତ ନିକଟରେ ଶତାଧିକ ମହିଳା ଏକତ୍ର ହୋଇ ସଚେତନ ସଭା କରିଥିଲେ । ପରେ କୁସୁମଯୋର ଗ୍ରାମପଞ୍ଚାୟତ ବ୍ରହ୍ମଣିଗୁଡ଼ା କୁସୁମଯୋର କସେଇପାଣି ଗ୍ରାମ ପରିକ୍ରମା କରିଥିଲେ ।

ଜିଲାସ୍ତରୀୟ ବିଶ୍ୱ ଜନସଂଖ୍ୟା ଦିବସ ପାଳିତ

ଜିଲାସ୍ତରୀୟ ବିଶ୍ୱ ଜନସଂଖ୍ୟା ଦିବସ ପାଳିତ

ଭବାନୀପାଟଣା,୧୧।୭(ଡି.ଏନ.ଏ.)- ଜିଲା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ବୁଧବାର ଜିଲାସ୍ତରୀୟ ବିଶ୍ୱ ଜନସଂଖ୍ୟା ଦିବସ ଜିଲା ସ୍ବାସ୍ଥ୍ୟ ବିଭାଗ ସମ୍ମିଳନୀ କକ୍ଷରେ ପାଳିତ ହୋଇଯାଇଛି।

ଭାଲୁପତ୍ରା ପାର୍ଶଲ ବୋମା ବିସ୍ଫୋରଣ ଘଟଣାରେ ପୋଲିସ ହାତ ଖାଲି: ପରିବାର ଭୟଭୀତ

ଭାଲୁପତ୍ରା ପାର୍ଶଲ ବୋମା ବିସ୍ଫୋରଣ ଘଟଣାରେ ପୋଲିସ ହାତ ଖାଲି: ପରିବାର ଭୟଭୀତ

ସରଣ୍ଡା,୧୦।୭(ଡି.ଏନ.ଏ.)-ବରଗଡ଼ ଜିଲା ଅତାବିରା ଥାନା ଭାଲୁପତ୍ରା ଗ୍ରାମରେ ପାର୍ଶଲ ବୋମା ବିସ୍ଫେରଣା ଘଟଣାକୁ ମଙ୍ଗଳବାର ୭୨ଘଣ୍ଟା ବିତିଛି । ହେଲେ ପର୍ଦ୍ଦାଫାଶ ହେଲାନି ଘଟଣା । ପୋଲିସ ହାତ ଖାଲି ପଡ଼ିଛି । ତଦନ୍ତ ଚାଲିଛି ବୋଲି କୁହାଯାଉଛି । ଅଭିଯୁକ୍ତ ଧରା ପଡ଼ୁ ନ ଥିବାରୁ ପରିବାର ଲୋକଙ୍କ ସହ ଗ୍ରାମବାସୀ ଭୟଭୀତ ହୋଇ ପଡ଼ିଛନ୍ତି । ବୋମା ବିସ୍ଫୋରଣରେ ଆହତ ହୋଇ ଆନ୍ଧ୍ର ପ୍ରଦେଶର ୱାଲଟିୟର ଏଲବି ପ୍ରସାଦ ହସପିଟାଲରେ ଥିବା ଚାବା ନାଗଭୂଷଣଙ୍କ ଆଖିରେ ଅସ୍ତ୍ରୋପ୍ରଚାର ପରେ ବି ସ୍ପଷ୍ଟ ଦେଖାଯାଉ ନାହିଁ। ଏଠି ପରିବାରରେ ରନ୍ଧାବଡ଼ା ବନ୍ଦ। କିଏ, କାହିଁକି ଓ କେଉଁଥିପାଇଁ ନାଗଭୂଷଣଙ୍କୁ ଟାର୍ଗେଟ କଲା ତାହା ଏବେ ବି ରହସ୍ୟ ।

ସାରନା ଛକ ରାସ୍ତା ବନ୍ଦ ପ୍ରସଙ୍ଗ: ପୁରୁଣା ରାସ୍ତା ଛାଡବାକୁ ଦାବି

ରାଉରକେଲା ଅଫିସ,୧୧।୭-ଏବେ ଦେଓଗଁା ସାରନା ଛକ ଅସ୍ଥାୟୀ ରାସ୍ତା ଦେଇ ଦକ୍ଷିଣ ରାଉରକେଲା ବାସିନ୍ଦାଙ୍କ ଯାତାୟତ ଜାରି ରହିଥିବା ବେଳେ ଏହାକୁ ଆଦିବାସୀ ମୂଳବାସୀ ବଞ୍ଚାଅ ମଞ୍ଚ ପକ୍ଷରୁ ବିରୋଧ କରାଯାଇଛି। ପୂର୍ବପରି ଏହି ରାସ୍ତାକୁ ସ୍ଥାୟୀ କରାଯିବା ନେଇ ଦାବି କରିଛି ମଞ୍ଚ। ଏ ନେଇ ଜଲଦା ବି ବ୍ଲକ ଆମ୍ବେଦକର କ୍ଲବ ପରିସରରେ ବେନେଡିକ ଲାକ୍ରାଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ବୀରମିତ୍ରପୁର ବିଧାୟକ ଜର୍ଜ ତିର୍କୀ ଯୋଗଦେଇ କହିଥିଲେ ଆଦିବାସୀ ମୂଳବାସୀଙ୍କ ଜମି ଦାନ ଫଳରେ ଆଜି ଷ୍ଟିଲ ପ୍ଲାଣ୍ଟ ନିର୍ମାଣ କରାଯାଇ ପାରିଛି। ମୂଳବାସୀଙ୍କୁ ତାଙ୍କ ଭିଟାମାଟିରୁ ଉଚ୍ଛେଦ କରି ଜଙ୍ଗଲ ଭିତରକୁ ପଠାଇ ଦିଆଯାଇଛି। ଜଲଦା ଏବିସି ୩ଟି ବ୍ଲକର କଲୋନୀରେ ଆଉ କିଛି ବିସ୍ଥାପିତଙ୍କୁ ଥଇଥାନ କରାଯାଇଛି। ଏମାନଙ୍କ ମୁଖ୍ୟ ରାସ୍ତା ହେଉଛି ଦେଓଗଁା ସାରନା ଛକ ହେକେଟ ରୋଡ।

ଲାଞ୍ଚ ନେଇ ଏମ୍‌ସିଏଲ୍‌ ମ୍ୟାନେଜର ଫସିଲେ

ଲାଞ୍ଚ ନେଇ ଏମ୍‌ସିଏଲ୍‌ ମ୍ୟାନେଜର ଫସିଲେ

ଝାରସୁଗୁଡା ଅଫିସ,୧୧।୭-ଝାରସୁଗୁଡା ଜିଲା ବ୍ରଜରାଜନଗରସ୍ଥିତ ଏମସିଏଲର ଓରିଏଣ୍ଟ କ୍ଷେତ୍ରର ଜଣେ ଖଣି ମ୍ୟାନେଜରଙ୍କୁ ଟଙ୍କା ମୋହ ମହଙ୍ଗା ପଡିଛି । ଜଣେ ଅପରେଟରଙ୍କଠାରୁ ୧୦ ହଜାର ଟଙ୍କା ଲାଞ୍ଚ ନେଇ ସିବିଆଇ ଫାସରେ ଫସି ଯାଇଛନ୍ତି ।

  ଦରମା, ଭତ୍ତା, ହାତପାଣ୍ଠି ମାଗିଲେ ସରପଞ୍ଚ

ଦରମା, ଭତ୍ତା, ହାତପାଣ୍ଠି ମାଗିଲେ ସରପଞ୍ଚ

ଦେବଗଡ,୧୧।୭ (ସ୍ବ.ପ୍ର.)-ଦେବଗଡ଼ ଜିଲା ସରପଞ୍ଚ ସଂଘ ତରଫରୁ ୮ ଦଫା ଦାବି ନେଇ ଜିଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଦିଆଯାଇଛି। ସଂଘର ସଭାପତି ତରଣୀସେନ ପ୍ରଧାନ ଏବଂ ସମ୍ପାଦକ ବିରଞ୍ଚି ବେହେରାଙ୍କ ନେତ୍ୱତରେ ସ୍ଥାନୀୟ ଗୋପାଳଜୀ ମନ୍ଦିରରୁ ଜିଲାର ୩ ବ୍ଲକର ସମସ୍ତ ସରପଞ୍ଚ ଏକାଠି ହେଇଥିଲେ। ସେମାନେ ଏକ ଶୋଭାଯାତ୍ରରେ ବାହାରି ନଗର ପରିକ୍ରମା କରିଥିଲେ। ଶେଷରେ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାରାବାଜି କରିବା ସହ ବିକ୍ଷୋଭ ପର୍ଦଶନ କରିଥିଲେ।

ଘର ଲୋକେ ମୋବାଇଲ କିଣି ନ ଦେବାରୁ ଷଷ୍ଠ ଶ୍ରେଣୀ ଛାତ୍ରଙ୍କ ଆତ୍ମହତ୍ୟା

ଘର ଲୋକେ ମୋବାଇଲ କିଣି ନ ଦେବାରୁ ଷଷ୍ଠ ଶ୍ରେଣୀ ଛାତ୍ରଙ୍କ ଆତ୍ମହତ୍ୟା

ପାଟଣାଗଡ,୧୧।୭ (ଡି.ଏନ.ଏ.) ମୋବାଇଲ ପାଇଁ ବର୍ତ୍ତମାନ ସାରା ଦୁନିଆ ପାଗଳ ପ୍ରାୟ। ନାବାଳକଙ୍କଠୁ ଆରମ୍ଭ କରି ବୃଦ୍ଧ ପର୍ଯ୍ୟନ୍ତ ସମସ୍ତେ ମୋବାଇଲ ଧରିବାରେ ବ୍ୟସ୍ତ । ଏଥିରୁ ବାଦ୍‌ ପଡୁ ନାହାନ୍ତି କୋମଳମତି ସ୍କୁଲ ଛାତ୍ରୀଛାତ୍ର । ତେବେ ମୋବାଇଲ ପାଇଁ ବଲାଙ୍ଗୀର ଜିଲା ପାଟଣାଗଡ ଲରମ୍ଭା ଥାନା ଅନ୍ତର୍ଗତ ଖପ୍ରାଖୋଲ ବ୍ଲକ ଡଙ୍ଗିଆବାହାଲ ଗ୍ରାମର ଜଣେ ଛାତ୍ର ଜୀବନ ହାରିଛନ୍ତି । ବାରମ୍ବାର ମା’ଙ୍କୁ ସେ ଏକ ମୋବାଇଲ କିଣିଦେବାକୁ କହିଥିଲେ । ହେଲେ ଏହା ନ ପାଇବାରୁ ଶେଷରେ ସେ ଆତ୍ମହତ୍ୟା କରିଛନ୍ତି। ମୃତ ଛାତ୍ର ଜଣକ ହେଲେ କେଶବ ବରିହା। ସେ ଷଷ୍ଠ ଶ୍ରେଣୀର ଛାତ୍ର ଥିଲେ।

ରିଆମାଳ: ୫ ବର୍ଷ ପରେ ବିଇଓ ନିଯୁକ୍ତ ହେଲେ

ରିଆମାଳ: ୫ ବର୍ଷ ପରେ ବିଇଓ ନିଯୁକ୍ତ ହେଲେ

ରିଆମାଳ,୧୧।୭ (ଡି.ଏନ.ଏ.)-ଦେବଗଡ ଜିଲା ରିଆମାଳ ବ୍ଲକ୍‌ ଶିକ୍ଷା ଅଧିକାରୀ ପଦ ଦୀର୍ଘ ୫ ବର୍ଷ ଧରି ଖାଲି ପଡିଥିଲା। ଏବେ ଏହି ସମସ୍ୟାର ସମାଧାନ ହୋଇଛି। ବୁଧବାର ବିଇଓ ଭାବେ କୈଳାସ ପ୍ରସାଦ ପ୍ରଧାନ ଯୋଗ ଦେଇଛନ୍ତି।

ପ୍ରସ୍ତାବିତ ମଦଭାଟି ବନ୍ଦ ପାଇଁ ମହିଳାମାନେ ଜିଲାପାଳଙ୍କ ଦ୍ୱାରସ୍ଥ

ପ୍ରସ୍ତାବିତ ମଦଭାଟି ବନ୍ଦ ପାଇଁ ମହିଳାମାନେ ଜିଲାପାଳଙ୍କ ଦ୍ୱାରସ୍ଥ

ଦେବଗଡ,୧୧।୭ (ସ୍ବ.ପ୍ର.)-ଦେବଗଡ ରିଆମାଲ ବ୍ଲକ ଅଧୀନ ପଲସମା ମୌଜାରେ ପ୍ଲଟ ନଂ-୫୦/୩୩୬୪, ଖାତା ନଂ-୧୯୦/୯ରେ ପ୍ରସ୍ତାବିତ ନୂତନ ମଦଭାଟି ସ୍ଥାପନକୁ ବିରୋଧ କରି ସମ୍ପୃକ୍ତ ପଲସାମା, ବାଘବର ଏବଂ ଉଟୁନିଆ ପଞ୍ଚାୟତର ଗ୍ରାମର ମହିଳା ସଂଘ ସଦସ୍ୟା ବୁଧବାର ଦେବଗଡ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ସେମାନେ ଭାରପ୍ରାପ୍ତ ଜିଲାପାଳ ତଥା ଅତିରିକ୍ତ ଜିଲାପାଳ ଧରମ ହଁ।ସଦାଙ୍କୁ ଦାବିପତ୍ର ପ୍ରଦାନ କରିଥିଲେ।

ଉନ୍ନୟନ କାମରେ ଦୁର୍ନୀତି ହୋଇଥିବା ଲୋକଙ୍କ ଅଭିଯୋଗ

ଉନ୍ନୟନ କାମରେ ଦୁର୍ନୀତି ହୋଇଥିବା ଲୋକଙ୍କ ଅଭିଯୋଗ

କର୍ଲାମୁଣ୍ଡା, ୧୧।୭ (ଡି.ଏନ.ଏ)- କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଯୋରାଡବରା ପଞ୍ଚାୟତରେ ଉନ୍ନୟନ କାର୍ଯ୍ୟରେ ଅନିୟମିତତା ଓ ଦୁର୍ନୀତି। ଏ ନେଇ ଗ୍ରାମବାସୀ କଳାହାଣ୍ଡି ଭିଜିଲାନ୍ସର ଦ୍ୱାରସ୍ଥ ହୋଇଛନ୍ତି। ଏହି ପଞ୍ଚାୟତରେ ଦୁର୍ନୀତି ହୋଇଥିବା ନେଇ ଯୋରାଡବରା ଗ୍ରାମର ଭୀମ ଭୋଇ ଗତ ବର୍ଷ ନଭେମ୍ବର ୧୮ରେ ସୂଚନା ଅଧିକାର ଆଇନ ବଳରେ ତଥ୍ୟ ପାଇବାକୁ ଆବେଦନ କରିଥିଲେ। ତଦନୁଯାୟୀ ଯୋରାଡବରା ପଞ୍ଚାୟତ ଜନସୂଚନା ଅଧିକାରୀଙ୍କ ପତ୍ର ସଂଖ୍ୟା-୭ରେ ଗତ ଜାନୁୟାରୀ ୧୬ରେ ତଥ୍ୟ ମିଳିଥିଲା।

ପୁରୀ ରଥର ବ୍ରେକ୍‌ ସଂଯୋଗ  ପାଇଁ ବ୍ରଜରାଜନଗରରୁ ଗଲେ ୫ ଜଣିଆ ଟିମ୍‌

ପୁରୀ ରଥର ବ୍ରେକ୍‌ ସଂଯୋଗ ପାଇଁ ବ୍ରଜରାଜନଗରରୁ ଗଲେ ୫ ଜଣିଆ ଟିମ୍‌

ଝାରସୁଗୁଡା ଅଫିସ, ୧୧।୭ ଆଉ ତିନିଦିନ ପରେ ବିଶ୍ୱପ୍ରସିଦ୍ଧ ପୁରୀ ରଥଯାତ୍ରା। ଭକ୍ତଙ୍କ ସୁରକ୍ଷିତ ଏବଂ ଶୃଙ୍ଖଳିତ ଦର୍ଶନ ପାଇଁ ସେବାୟତଙ୍କ ପ୍ରସ୍ତୁତି, କାରିଗରଙ୍କ ଉଦ୍ୟମ, ପ୍ରଶାସନିକ ବିଧି ବ୍ୟବସ୍ଥା ଅନ୍ତିମ ପର୍ଯ୍ୟାୟ ଉପନୀତ ହୋଇଛି। ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଲା ପୁରୀ ବଡଦାଣ୍ଡରେ ଭକ୍ତଙ୍କ ସୁରକ୍ଷା ଦାୟିତ୍ୱ ଝାରସୁଗୁଡା ଜିଲା ଉପରେ ନ୍ୟସ୍ତ। ରଥଯାତ୍ରାରେ ଭକ୍ତଙ୍କ ସୁରକ୍ଷାକୁ ନିଶ୍ଚିତ କରିବା ପାଇଁ ଝାରସୁଗୁଡା ଜିଲା ବ୍ରଜରାଜନଗର ପୌରାଞ୍ଚଳରୁ ଏକ ଟିମ୍‌ ମଙ୍ଗଳବାର ରାତିରେ ପୁରୀ ଗସ୍ତ କରିଛନ୍ତି। ପ୍ରତ୍ୟେକ ବର୍ଷ ତିନିରଥ ପାଇଁ ବ୍ରଜରାଜନଗରରେ ବ୍ରେକ୍‌ ପ୍ରସ୍ତୁତ କରାଯାଉଛି। ଏ ବର୍ଷ ମଧ୍ୟ ରଥର ବ୍ରେକ୍‌ ନିର୍ମାଣ କାମ ଶେଷ ହୋଇଛି। ଇଂ. ଅଶ୍ୱିନୀ କୁମାର ମିଶ୍ରଙ୍କ ନେତୃତ୍ୱରେ ଏକ ୫ ଜଣିଆ ଟିମ୍‌ ମଙ୍ଗଳବାର ଝାରସୁଗୁଡାରୁ ବାହାରି ପୁରୀ ଅଭିମୁଖେ ଯାଇଛନ୍ତି। ଚଳିତବର୍ଷ କିନ୍ତୁ ବ୍ରେକ୍‌ରେ କୌଣସି ପରିବର୍ତ୍ତନ କରାଯାଇ ନ ଥିବା ଇଂ. ମିଶ୍ର କହିଛନ୍ତି।

ସ୍ମାର୍ଟ ସିଟି ଓ ସ୍ବେରେଜ ପ୍ରକଳ୍ପ ସମୀକ୍ଷା

ସ୍ମାର୍ଟ ସିଟି ଓ ସ୍ବେରେଜ ପ୍ରକଳ୍ପ ସମୀକ୍ଷା

ରାଉରକେଲା ଅଫିସ,୧୧।୭ ସ୍ମାର୍ଟ ସିଟି ରାଉରକେଲା ଓ ଏହାର ସ୍ବେରେଜ୍‌ ପ୍ରକଳ୍ପର ଅଗ୍ରଗତି ନେଇ ମଙ୍ଗଳବାର ଅପରାହ୍ନରେ ଆୟୋଜିତ ବୈଠକରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଯୋଗଦେଇ ସମୀକ୍ଷା କରିଥିଲେ। ଆର୍‌ଏମ୍‌ସି କାଉନସିଲ ହଲରେ ଅନୁଷ୍ଠିତ ବୈଠକରେ ଏନେଇ ଆଲୋଚନା ହୋଇଥିଲା। ସ୍ମାର୍ଟ ସିଟି ସିଇଓ ରଶ୍ମିତା ପଣ୍ଡା ଏହି ଅବସରରେ ମନ୍ତ୍ରୀ ଓରାମଙ୍କୁ ଉପରୋକ୍ତ କାମର ଅଗ୍ରଗତି ନେଇ ଅବଗତ କରାଇଥିଲେ। ଇତିମଧ୍ୟରେ ସୁରକ୍ଷିତ ରାଉରକେଲା ପ୍ରକଳ୍ପ ମାଧ୍ୟମରେ ୧୨୦୦ ଏଲ୍‌ଇଡି ଲାଇଟ ଲଗାଯିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି। ବର୍ତ୍ତମାନ ସୁଦ୍ଧା ୯ହଜାର ଏଲ୍‌ଇଡି ଲଗାଯାଇ ସାରିଲାଣି। ଅବଶିଷ୍ଟ ଚଳିତ ମାସ ଶେଷ ସୁଦ୍ଧା ଲଗାଯିବ।