ସମ୍ବଲପୁର

ହୁମା ମନ୍ଦିର ଘାଟରେ ଗାଧୋଉଥିବାବେଳେ ଯୁବକ ନିଖୋଜ

ହୁମା ମନ୍ଦିର ଘାଟରେ ଗାଧୋଉଥିବାବେଳେ ଯୁବକ ନିଖୋଜ

ଧମା,୨୪।୯(ଡି.ଏନ.ଏ.) 
ଧମା ଥାନା ଅନ୍ତର୍ଗତ ହୁମା ମନ୍ଦିର ଘାଟରେ ଗାଧୋଉଥିବାବେଳେ ଜଣେ ଯୁବକ ନିଖୋଜ ହୋଇଯାଇଛନ୍ତି। ସନ୍ଧ୍ୟା ପର୍ଯ୍ୟନ୍ତ ଧମା ପୋଲିସ ଓ ଅଗ୍ନିଶମ ବିଭାଗ ଖୋଜାଖୋଜି ଚଳାଇଥିଲେ ହେଁ ଯୁବକଙ୍କ ସନ୍ଧାନ ମିଳିପାରି ନାହିଁ। ସନ୍ଧ୍ୟା ହୋଇଯିବାରୁ ଉଦ୍ଧାର କାର୍ଯ୍ୟ ବନ୍ଦ ରହିଥିବା ଧମା ଥାନାଧିକାରୀ ରାଜେଶ୍ୱରୀ ଭୋଇ କହିଛନ୍ତି । 

ଜଳଖିଆ ଦୋକାନୀଙ୍କୁ ମାରପିଟ, ୪ ଦୋକାନରେ ଭଙ୍ଗାରୁଜା : ଅଇଁଠାପାଲି ଥାନା ଅଞ୍ଚଳରେ ଉତ୍ତେଜନା

ଜଳଖିଆ ଦୋକାନୀଙ୍କୁ ମାରପିଟ, ୪ ଦୋକାନରେ ଭଙ୍ଗାରୁଜା : ଅଇଁଠାପାଲି ଥାନା ଅଞ୍ଚଳରେ ଉତ୍ତେଜନା

ସମ୍ବଲପୁର୨୪।୯(ବ୍ୟୁରୋ) 
ସମ୍ବଲପୁର ଜିଲା ଅଇଁଠାପାଲି ଥାନା ଫାଟକରେ ଥିବା ଜଳଖିଆଦୋକାନୀ ଗୋପାଳ ଚନ୍ଦ୍ର ସାହୁଙ୍କୁ ମାର୍‌ପିଟ ଅଭିଯୋଗ ହୋଇଛି। ଏଥି ସହ ନିକଟରେ ଥିବା ୪ ଦୋକାନରେ ଭାଙ୍ଗାରୁଜା ହୋଇଛି। ଏହାର ପ୍ରତିବାଦରେ ଫାଟକ ଅଞ୍ଚଳ ବଣିକ ସଂଘ ପକ୍ଷରୁ ଅଇଁଠାପାଲି-ଲକ୍ଷ୍ମୀଟକିଜ ରାସ୍ତା ୧ ଘଣ୍ଟା ଧରି ଅବରୋଧ କରାଯାଇଛି। ଏହି ଘଟଣାରେ ଅଭିଯୁକ୍ତ ବିକାଶ ମୁଣ୍ଡା ଓ ତାଙ୍କ ୪ ସହଯୋଗୀଙ୍କୁ ଶୀଘ୍ର ଗିରଫ କରାଯିବାକୁ ବିକ୍ଷୋଭକାରୀମାନେ ଦାବି କରିଛନ୍ତି।

ଇନରହ୍ବିଲ୍‌ ସମ୍ବଲପୁର ହେଣ୍ଡଲୁମ୍‌ ସିଟି ପକ୍ଷରୁ ପୁରସ୍କାର ବିତରଣ ଉତ୍ସବ

ଇନରହ୍ବିଲ୍‌ ସମ୍ବଲପୁର ହେଣ୍ଡଲୁମ୍‌ ସିଟି ପକ୍ଷରୁ ପୁରସ୍କାର ବିତରଣ ଉତ୍ସବ

ସମ୍ବଲପୁର,୨୪।୯(ବ୍ୟୁରୋ) 
ଇନରହ୍ବିଲ୍‌ କ୍ଲବ ଅଫ୍‌ ସମ୍ବଲପୁର ହେଣ୍ଡଲୁମ୍‌ ସିଟି ପକ୍ଷରୁ ପୁରସ୍କାର ବିତରଣ ଉତ୍ସବ ରବିବାର ଅନୁଷ୍ଠିତ ହୋଇଯାଇଛି। କ୍ଲବ ଲିଟେରେସି କମିଟି ଅଧ୍ୟକ୍ଷା ସୁନିତା ରଥଙ୍କ ପରିଚାଳନାରେ କାର୍ଯ୍ୟକ୍ରମ ହୋଇଥିଲା । ଏଥିରେ ପୂର୍ବତନ ରୋଟାରୀ କ୍ଲବ ଡିଷ୍ଟିକ୍‌ ଗଭର୍ଣ୍ଣର ଡ. ପ୍ରମୋଦ ରଥ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। କ୍ଲବ ସଭାନେତ୍ରୀ ସୁଜାତା ପାଢ଼ୀ, ସମ୍ପାଦିକା ସୂର୍ଯ୍ୟକାନ୍ତୀ ମେହେର ଉତ୍ସବ ପରିଚାଳନାରେ ପ୍ରମୁଖ ଭୂମିକା ଗ୍ରହଣ କରିଥିଲେ।

ଟ୍ରକ ଡ୍ରାଇଭରଙ୍କୁ ଲୁଟ୍‌ ଘଟଣା : ୩ ଗିରଫ

ଟ୍ରକ ଡ୍ରାଇଭରଙ୍କୁ ଲୁଟ୍‌ ଘଟଣା : ୩ ଗିରଫ

ରେଙ୍ଗାଲି,୨୪।୯(ଡି.ଏନ.ଏ.) 
ସମ୍ବଲପୁର ଜିଲା ରେଙ୍ଗାଲି ବ୍ଲକ ଠେଲକୁଲି ଥାନାଞ୍ଚଳ ଲପଙ୍ଗା ନିକଟରେ ଶନିବାର ବିଳମ୍ବିତ ରାତିରେ ଘଟିଥିବା ଟ୍ରକ୍‌ ଡ୍ରାଇଭରଙ୍କୁ ଲୁଟ୍‌ ଘଟଣାରେ ପୋଲିସ ୩ଜଣଙ୍କୁ ଗିରଫ କରିଛି। ସେମାନଙ୍କ ନିକଟରୁ ଚୋରା ବାଇକ, ଭୁଜାଲି, ୨ ଛୁରା ଆଦି ମାରଣାସ୍ତ୍ର ସମେତ ମୋବାଇଲ, ୧୯୦୦ ଟଙ୍କା ଜବତ କରିଛି। ଅଭିଯୁକ୍ତମାନଙ୍କୁ କୋର୍ଟଚାଲାଣ କରାଯାଇଛି। 

ନାବାଳିକାଙ୍କୁ ପ୍ରତାରଣା, ଅଭିଯୁକ୍ତ ଗିରଫ

ନାବାଳିକାଙ୍କୁ ପ୍ରତାରଣା, ଅଭିଯୁକ୍ତ ଗିରଫ

ଜମନକିରା,୨୪।୯(ଡି.ଏନ୍‌.ଏ.) 
ବିବାହର ପ୍ରତିଶ୍ରୁତି ଦେଇ ୫ ବର୍ଷ ଧରି ଶାରୀରିକ ସମ୍ପର୍କ ପରେ ପ୍ରତାରଣା। ସମ୍ବଲପୁର ଜିଲା ଜମନକିରା ଥାନାରେ ହୋଇଛି ଏଭଳି ଅଭିଯୋଗ। ପୀଡ଼ିତା ନାବାଳିକାଙ୍କ ଲିଖିତ ଅଭିଯୋଗ କ୍ରମେ ପୋଲିସ ଅଭିଯୁକ୍ତ ଯୁବକ (୨୫)ଙ୍କୁ ଗିରଫ କରିଛି। ଏ ନେଇ ଜମନକିରା ଥାନାରେ ଏକ ମାମଲା (ନଂ. ୧୩୧/୧୮) ରୁଜୁ ହୋଇଛି।

କାର୍ଯ୍ୟକ୍ଷମ ହେଲା ବହୁମୁଖୀ ଇନ୍‌ଡୋର ହଲ୍‌

କାର୍ଯ୍ୟକ୍ଷମ ହେଲା ବହୁମୁଖୀ ଇନ୍‌ଡୋର ହଲ୍‌

ସୋନପୁର,୨୪।୯(ନି.ପ୍ର.) ସୁବର୍ଣ୍ଣପୁରର ବହୁମୁଖୀ ଇନଡୋର ହଲ କାର୍ଯ୍ୟକ୍ଷମ ହୋଇଛି। ଖେଳାଳିମାନେ ଏଣିକି ଏହାକୁ ବ୍ୟବହାର କରି ପାରିବେ। ୧କୋଟି ୬୬ଲକ୍ଷ ଟଙ୍କା ବ୍ୟୟରେ ନିର୍ମିତ ଏହି ଅତ୍ୟାଧୁନିକ ହଲରେ ମାଲେସିଆର କାଠରେ ନିର୍ମିତ ୩ଟି ବ୍ୟାଡମିଣ୍ଟନ କୋର୍ଟ ରହିଛି।

ସର୍ପାଘାତରେ  ଛାତ୍ର ମୃତ୍ୟୁ ଘଟଣା: ପରିବାରଙ୍କୁ ମିଳିଲା ଆର୍ଥିକ ସହାୟତା

ସର୍ପାଘାତରେ ଛାତ୍ର ମୃତ୍ୟୁ ଘଟଣା: ପରିବାରଙ୍କୁ ମିଳିଲା ଆର୍ଥିକ ସହାୟତା

ବୀରମହାରାଜପୁର, ୨୪ା୯(ଡି.ଏନ.ଏ.) ସର୍ପାଘାତରେ ମୃତ୍ୟୁବରଣ କରିଥିବା ସୁବର୍ଣ୍ଣପୁର ଜିଲା ବୀରମହାରାଜପୁର କଲେଜର ଛାତ୍ର ସଞ୍ଜୟ ବଢେଇଙ୍କ ପରିବାରଙ୍କୁ ସରକାରଙ୍କ ତରଫରୁ ୪ଲକ୍ଷ ଟଙ୍କାର ଆର୍ଥିକ ସହାୟତା ମିଳିଛି।

ନାରୀଶିକ୍ଷା, ସ୍ବଚ୍ଛତା ଉପରେ ଗୁରୁତ୍ୱ

ନାରୀଶିକ୍ଷା, ସ୍ବଚ୍ଛତା ଉପରେ ଗୁରୁତ୍ୱ

ସୋନପୁର,୨୪।୯(ନି.ପ୍ର.) ସୋନପୁର ଟାଉନହଲଠାରେ ସୁବର୍ଣ୍ଣପୁର ଜିଲା କୁଲତା ସମାଜ ପକ୍ଷରୁ ୧୬ତମ ନୂଆଁଖାଇ ଭେଟଘାଟ ରବିବାର ଅନୁଷ୍ଠିତ ହୋଇଯାଇଛି। ସମାଜର ଜିଲା ସଭାପତି ପ୍ରଦ୍ୟୁମ୍ନ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଦେବାର୍ଚ୍ଚନ ସାହୁ ମୁଖ୍ୟଅତିଥି ଭାବେ ଯୋଗଦେଇଥିଲେ। 

ମହିଚଲା ମାଇନର କେନାଲ ସଫା କେଲେ ଚାଷୀ

ମହିଚଲା ମାଇନର କେନାଲ ସଫା କେଲେ ଚାଷୀ

ଜୁନାଗଡ,୨୩।୯(ଡି.ଏନ୍‌.ଏ)- କଳାହାଣ୍ଡି ଜିଲା ଜୁନାଗଡ଼ ବ୍ଲକ ମହିଚଲା ମାଇନର କେନାଲ ଦୀର୍ଘଦିନ ହେବ ସଫା ନ ହୋଇ ଅଳିଆ, ଆବର୍ଜନାରେ ପଡି ରହିଥିଲା। ଫଳରେ ତଳ ଅଞ୍ଚଳକୁ ଠିକ୍‌ ମାତ୍ରାରେ ପାଣି ନ ଆସିବାରୁ ଚାଷ କାମରେ ବାଧାପ୍ରାପ୍ତ ହେଉଥିଲା। ସ୍ଥାନୀୟ ଚାଷୀ ଏ ସମ୍ପର୍କରେ ପାଣି ପଞ୍ଚାୟତ କର୍ତ୍ତୃପକ୍ଷ ଓ  ବିଭାଗୀୟ ଅଧିକାରୀଙ୍କୁ ଜଣାଇଥିଲେ ମଧ୍ୟ କିଛି ସୁଫଳ ମିଳି ନ ଥିଲା। ଶେଷରେ ସ୍ଥାନୀୟ ଚାଷୀମାନେ ଏକତ୍ର ହୋଇ କେନାଲ ସଫେଇ କାମ ଆରମ୍ଭ କରିଛନ୍ତି। 

ଗୋପାଳନ ଓ ଦୁଗ୍ଧ ଉତ୍ପାଦକ ଦକ୍ଷତା ଶିବିର

ଗୋପାଳନ ଓ ଦୁଗ୍ଧ ଉତ୍ପାଦକ ଦକ୍ଷତା ଶିବିର

ଭବାନୀପାଟଣା,୨୩।୯(ଡି.ଏନ୍‌.ଏ.)- ସଦର ବ୍ଲକ ଅଧୀନ ବୋର୍ଡା ପଞ୍ଚାୟତ କାର୍ଯ୍ୟାଳୟ ସଭାଗୃହଠାରେ ଜିଲା ପ୍ରାଣୀ ସମ୍ପଦ ବିଭାଗ ଓ ଆତ୍ମାର ସହଯୋଗରେ ଗୋପାଳନ ଓ ଦୁଗ୍ଧ ଉପତ୍ାଦକ ଦକ୍ଷତା ଶିବିର ଅନୁଷ୍ଠିତ ହୋଇଯାଇଛି। ଭବାନୀପାଟଣା ଭିଏଏସ୍‌ ଡ. କେଦାରନାଥ ଖମାରୀଙ୍କ ଅଧ୍ୟକ୍ଷତାରେ ଆୟୋଜିତ ଶିବିରରେ ବୋର୍ଡା ପଞ୍ଚାୟତ ସରପଞ୍ଚ ରୀନାରାଣୀ ଜାଲ, ଅଗ୍ରଣୀ ଚାଷୀ ଶାନ୍ତନୁ କୁମାର ବେହେରା, ବିକେଏନ୍‌ ଦୁଗ୍ଧ ସଂଘର ସମିତି ପରିଦର୍ଶକ ଲିଙ୍ଗରାଜ ବାଘରା, ଭିଏଏସ୍‌ ମୌସୁମୀ ତରାୟୀ, ଯାଜ୍ଞସେନୀ ମେହେର ପ୍ରମୁଖ ଯୋଗଦେଇ ଗୋପାଳକମାନେ ଆଧୁନିକ ପ୍ରଣାଳୀ ଗୋ ପାଳନ କରି କମ୍‌ ପରିଶ୍ରମରେ ଅଧିକ ଦୁଗ୍ଧ ଉପତ୍ାଦନ କରି ଲାଭବାନ ହୋଇପାରିବେ ବୋଳି କହିଥିଲେ।

ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ

ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ

ସୁନ୍ଦରଗଡ଼,୨୩।୯(ଡି.ଏନ୍‌.ଏ.)- ସଡ଼କ ସୁରକ୍ଷା ସପ୍ତାହ ପାଳନ ଅବସରରେ ସ୍ଥାନୀୟ ସରକାରୀ ମହାବିଦ୍ୟାଳୟଠାରେ ସଡ଼କ ସୁରକ୍ଷା ସଚେତନତା ସମ୍ପର୍କିତ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଜିଲା ପରିବହନ ଅଧିକାରୀ ରାମନିବାସ ସିରିକା ଯୋଗଦେଇ ଛାତ୍ରୀଛାତ୍ରମାନଙ୍କୁ ସଡ଼କ ସୁରକ୍ଷା ସମ୍ପର୍କରେ ସୂଚନା ଦେବା ସହ ଗାଡି ଚଳାଚଳ ସମୟରେ ରାସ୍ତାର ନିୟମ ପାଳନ କରିବାକୁ କହିଥିଲେ।

ଦୁମାଙ୍ଗଦିରିରେ ରାଜୀ କରମା ମହୋତ୍ସବ

କୁଆଁରମୁଣ୍ଡା,୨୩।୯(ଡି.ଏନ.ଏ.)- ସୁନ୍ଦରଗଡ଼ ଜିଲା କୁଆଁରମୁଣ୍ଡା ବ୍ଲକ ଅଧୀନ ଦୁମାଙ୍ଗଦିରିରେ ଆଦିବାସୀମାନଙ୍କ ରାଜୀ କରମା ମହୋତ୍ସବ ଧୁମ୍‌ଧାମ୍‌ରେ ପାଳିତ ହୋଇଯାଇଛି। ଏଥିରେ ମୁଖ୍ୟ ଅତିଥିଭାବେ କୁଆଁରମୁଣ୍ଡା ଲ୍ୟାମ୍ପ୍ସ ପରିଚାଳନା ନିର୍ଦ୍ଦେଶକ ରଣଜିତ୍‌ ଲାକ୍ରା ଯୋଗଦେଇଥିଲେ।

ଆଇନ ସଚେତନତା ଶିବିର

ଆଇନ ସଚେତନତା ଶିବିର

ରେଢ଼ାଖୋଲ,୨୩।୯(ଡି.ଏନ୍‌.ଏ.)- ସମ୍ବଲପୁର ଜିଲା ରେଢ଼ାଖୋଲ ତାଲୁକ ଆଇନ ସେବା ପ୍ରାଧିକରଣ ସମିତି ପକ୍ଷରୁ ସ୍ଥାନୀୟ ମହିଳା ମହାବିଦ୍ୟାଳୟଠାରେ ରବିବାର ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ତାଲୁକ ଆଇନ ସେବା ପ୍ରାଧିକରଣ ସମିତି ଅଧ୍ୟକ୍ଷ ତଥା ସବ୍‌ଜଜ୍‌ ବାସୁଦେବ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଏସିଡ୍‌ ଆକ୍ରମଣର ପିଡିତା ଓ ସେମାନଙ୍କ ପାଇଁ ଥିବା ଆଇନଗତ ସାହାର୍ଯ୍ୟ ଓ କ୍ଷତିପୂରଣ ଉପରେ ସଚେତନ କରାଯାଇଥିଲା। 

ଉଦ୍ୟୋଗୀ ବିକାଶ କାର୍ଯ୍ୟକ୍ରମ ଉଦ୍‌ଯାପିତ

ଉଦ୍ୟୋଗୀ ବିକାଶ କାର୍ଯ୍ୟକ୍ରମ ଉଦ୍‌ଯାପିତ

ସମ୍ବଲପୁର,୨୩।୯(ବ୍ୟୁରୋ)- ସମ୍ବଲପୁର ଆଞ୍ଚଳିକ ଶିଳ୍ପ କେନ୍ଦ୍ର ଦ୍ୱାରା ଆୟୋଜିତ ଉଦ୍ୟୋଗୀ ବିକାଶ କାର୍ଯ୍ୟକ୍ରମ ଉଦ୍‌ଯାପିତ ହୋଇଯାଇଛି । କାର୍ଯ୍ୟକ୍ରମରେ ୩୦ଜଣ ତାଲିମଦାତାଙ୍କୁ ତାଲିମ ପ୍ରଦାନ କରାଯାଇଥିଲା ।

ମେଦିନୀପୁର ବ୍ରିଜ୍‌ ମଝିରେ ବଢ଼େ ଗାଡ୍‌: ମରାମତି ଅଭାବୁ ଦୁଇଫାଲର ବାଡା ଭାଂଗ୍‌ଲା

ମେଦିନୀପୁର ବ୍ରିଜ୍‌ ମଝିରେ ବଢ଼େ ଗାଡ୍‌: ମରାମତି ଅଭାବୁ ଦୁଇଫାଲର ବାଡା ଭାଂଗ୍‌ଲା

ଭବାନୀପାଟଣା,୨୨।୯(ଡି.ଏନ୍‌.ଏ.)- ଭବାନୀପାଟଣା-ଛତିକୁଡା ମୁଖିଆ ରାସ୍‌ତା ମେଦିନୀପୁରଠାନେ ଥିବାର ପୁର୍‌ନା ବ୍ରିଜ ମଝିରେ ମରାମତି ଅଭାବୁ ଗୁଟେ ବଢ଼େ ଗାଡ୍‌ ହେଇଛେ। ଏନ୍‌ତା କି ବ୍ରିଜର ଦୁଇଫାଲେ ଥିବାର ବାଡା ବି ଭାଂଗିଯାଇଛେ। ବ୍ରିଜରେ ହେଇଥିବାର ଗାଡେ ପଡ଼ି ଝନ୍‌ ପଁାଚେ ସାତେ ଖଁଡ଼ିଆଖବରା ହେଇଥିବାର ବି ଜନାଯାଇଛେ। ଗଲା ୨୦ ତାରିଖ୍‌ ରାତି ବର୍‌ଷାରେ ବ୍ରିଜ୍‌ର କଂକ୍ରିଟ୍‌ ସିମେଟ ଧସି ବଢ଼େ ଗାଡ୍‌ ହେଇଛେ। 

ବିଦ୍ୟୁତ୍‌ ଆଘାତରେ ଯୁବକ ମୃତ, ଉତ୍ତେଜନା

ବିଦ୍ୟୁତ୍‌ ଆଘାତରେ ଯୁବକ ମୃତ, ଉତ୍ତେଜନା

ବରଗଡ଼ ସଦର ଥାନା ଅଧୀନ ବନବାସପାଲି ଗ୍ରାମରେ ରବିବାର ବିଦ୍ୟୁତ୍‌ ଆଘାତରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଭାତବିଡ଼ା ଗ୍ରାମର କୁମର ରଣା(୩୩)। କୁମର ଏକ ବିଦ୍ୟୁତ୍‌ ଖୁଣ୍ଟରେ ଚଢି ମରାମତି କରୁଥିଲେ। ସେତିକିବେଳେ କରେଣ୍ଟ ଲାଗି ତାଙ୍କର ମୃତ୍ୟୁ ଘଟିଥିଲା। ଅନ୍ୟପକ୍ଷେ କେହି ଜଣେ ବିଦ୍ୟୁତ୍‌ ସଂଯୋଗ କରି ଦେବାରୁ ଏଭଳି ଅଘଟଣ ଘଟିଥିବା ଅଭିଯୋଗ ହୋଇଛି। ଘଟଣାକୁ ନେଇ ବନବାସପାଲି ଗ୍ରାମରେ ଉତ୍ତେଜନା ପ୍ରକାଶ ପାଇଛି। 

ଭାଲୁ ଆକ୍ରମଣରେ ବୃଦ୍ଧ ଗୁରୁତର

ଭାଲୁ ଆକ୍ରମଣରେ ବୃଦ୍ଧ ଗୁରୁତର

ବରଗଡ଼ ଅଫିସ୍‌,୨୩।୯- ଦାନ୍ତ ଘଷିବା ପାଇଁ କାଠି ଭାଙ୍ଗିଯାଇ ଥିବାବେଳେ ରବିବାର ବରଗଡ଼ ଜିଲା ଭଟଲି ଥାନା ଖଜରିଆ ଗ୍ରାମର ସୀତାରାମ ରାଉତ(୫୫) ଭାଲୁ ଆକ୍ରମଣର ଶିକାର ହୋଇଥିଲେ। ଫଳରେ ତାଙ୍କ ହାତ, ଗୋଡ଼ ସହିତ ଶରୀର ବିଭିନ୍ନ ସ୍ଥାନରେ ଗୁରୁତର ଆଘାତ ଲାଗିଛି । ତାଙ୍କୁ ଗୁରୁତର ଅବସ୍ଥାରେ ବରଗଡ଼ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ବୃଦ୍ଧଜଣକ ନିହାତି ଗରୀବ ଶ୍ରେଣୀର ହୋଇଥିବା ଯୋଗୁ ତାଙ୍କୁ ଆବଶ୍ୟକ ଚିକିତ୍ସା ସମେତ ସରକାରୀ ସୁବିଧା ସୁଯୋଗ ଯୋଗାଇ ଦେବା ପାଇଁ ସାଧାରଣରେ ମତପ୍ରକାଶ ପାଇଛି ।

ନିଆରା ଶ୍ରଦ୍ଧାଞ୍ଜଳି: ନୃସିଂହନାଥ ଭୋଗ, ଚନ୍ଦନ ବୃକ୍ଷଚାରା ଅର୍ପଣ କଲେ ଦମ୍ପତି

ନିଆରା ଶ୍ରଦ୍ଧାଞ୍ଜଳି: ନୃସିଂହନାଥ ଭୋଗ, ଚନ୍ଦନ ବୃକ୍ଷଚାରା ଅର୍ପଣ କଲେ ଦମ୍ପତି

ବରଗଡ଼ ଅଫିସ୍‌,୨୩।୯- ବରଗଡ଼ ଜିଲା ବହୁମୁଖୀ ପ୍ରତିଭା ସ୍ବର୍ଗତ ଶାନ୍ତନୁ ବିଶ୍ୱାଳଙ୍କ ଗଙ୍ଗାଶ୍ରାଦ୍ଧ ଅବସରରେ ରବିବାର ସ୍ଥାନୀୟ ମିଳନ ମଣ୍ଡପରେ ସ୍ମୃତିସଭା ଅନୁଷ୍ଠିତ ହୋଇଯାଇଛି । ପୂର୍ବତନ ମନ୍ତ୍ରୀ ପ୍ରକାଶ ଚନ୍ଦ୍ର ଦେବତା, ଶିକ୍ଷାବିତ ଅଗ୍ନି ପ୍ରଧାନ, ପଦ୍ମପୁର ବିଧାୟକ ପ୍ରଦୀପ ପୁରୋହିତ, ନାରଦ ନୈଷ୍ଟିକ, ଗୋପାଳ ଅଗ୍ରୱାଲ, ଡା. ସରୋଜ କୁମାର ଯୋଶୀ, ଚାଷୀନେତା ଲିଙ୍ଗରାଜ, ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ପୂର୍ବତନ ବିଧାୟକ ସାଧୁ ନେପାକ, ରାଜ୍ୟ ଭାଜପା ଉପସଭାପତି ଅଶ୍ୱିନୀ ଷଡ଼ଙ୍ଗୀ ପ୍ରମୁଖ ସ୍ମୃତିସଭାରେ ମଞ୍ଚାସୀନ ଥିବାବେଳେ ବରଗଡ଼ ସାମ୍ବାଦିକ ସଂଘର ଯୁଗ୍ମ ସମ୍ପାଦକ ରମଣୀ ରଞ୍ଜନ ବେହେରା କାର୍ଯ୍ୟକ୍ରମ ସଂଯୋଜନା କରିଥିଲେ । 

ବିଜେଡିର ନୂଆଁଖାଇ ଭେଟ୍‌ଘାଟ୍‌ ପ୍ରସ୍ତୁତି

ବିଜେଡିର ନୂଆଁଖାଇ ଭେଟ୍‌ଘାଟ୍‌ ପ୍ରସ୍ତୁତି

ଅତାବିରା, ୨୩।୯ (ଡି.ଏନ.ଏ)- ବିଜେଡି ପକ୍ଷରୁ ନୂଆଁଖାଇ ଭେଟ୍‌ଘାଟ୍‌ ପ୍ରସ୍ତୁତି ବୈଠକ ସହରାଟିକ୍ରାଠାରେ ଅନୁଷ୍ଠିତ ହୋଇଯାଇଛି । ଏଥିରେ ରାଜ୍ୟ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ, ଦୁର୍ଗାପ୍ରସାଦ ଛୁରିଆଙ୍କ ସହ ଦଳୀୟ କର୍ମକର୍ତ୍ତା ଉପସ୍ଥିତି ରହି ନୂଆଁଖାଇ ଭେଟ୍‌ଘାଟ୍‌ ସଂକ୍ରାନ୍ତରେ ଆଲୋଚନା କରିଥିଲେ।

ନୂଆଁଖାଇ ଭେଟଘାଟ୍‌ରେ ମାରାଥନ ଦୌଡ଼

ନୂଆଁଖାଇ ଭେଟଘାଟ୍‌ରେ ମାରାଥନ ଦୌଡ଼

ରିଷିଡା,୨୩।୯(ଡି.ଏନ.ଏ)- କଳାହାଣ୍ଡି ଜିଲା ରିଷିଡ଼ାସ୍ଥିତ ଜ୍ୟୋତିବିକାଶ ଯୁବକ ସଂଘ ପକ୍ଷରୁ ରବିବାର ପୂର୍ବାହ୍ନରେ ନୂଆଁଖାଇ ଭେଟ୍‌ଘାଟ୍‌ ଉପଲକ୍ଷେ ମାରାଥନ୍‌ ଦୌଡ଼ ଅନୁଷ୍ଠିତ ହୋଇଥିଲା। ଯୁବନେତା ଶରତ କୁମାର ସାହୁ ଏହାର ଉଦ୍‌ଘାଟନ କରିଥିଲେ।

ଦଧିବାମନ ମନ୍ଦିରରେ ଅନ୍ତମୁଖି ପୂଜା

ଦଧିବାମନ ମନ୍ଦିରରେ ଅନ୍ତମୁଖି ପୂଜା

ଭଟଲି,୨୩।୯(ଡି.ଏନ୍‌.ଏ.)- ବରଗଡ଼ ଜିଲା ଭଟଲି ଦଧିବାମନ ମନ୍ଦିରରେ ରବିବାର ଅନ୍ତମୁଖି ପୂଜା ଅନୁଷ୍ଠିତ ହୋଇଯାଇଛି। ଭଗବାନ କୃଷ୍ଣଙ୍କୁ ପୂଜାର୍ଚ୍ଚନା ପରେ ଦଧିବାମନଙ୍କୁ ପୂଜାର୍ଚ୍ଚନା କରାଯାଇଥିଲା। ପରେ ବ୍ରାହ୍ମଣ ବରଣ କରାଯାଇଥିଲା। ରୋହିତ ରଥ, ବିଷ୍ଣୁ କୁମାର ରଥ, ରାଜା ଦାଶ, ସୁବ୍ରତ ଷଡଙ୍ଗୀ, ବାଙ୍କି ବିହାରି ମିଶ୍ର, ନାରାୟଣ ଦାଶ, ସୁଦାମ ଶତପଥୀ ପ୍ରମୁଖ ଉପସ୍ଥିତ ରହି ୧୨ସ୍କନ୍ଦ ଗୀତା ପାଠ କରିଥିଲେ। ପରେ ଗ୍ରାମ ପରିକ୍ରମା ପୂର୍ବକ ଅନନ୍ତ ପୂଜା କରାଯାଇଥିଲା।

ଭାଲୁ ଆକ୍ରମଣରେ ଯୁବକ ଗୁରୁତର

ଭାଲୁ ଆକ୍ରମଣରେ ଯୁବକ ଗୁରୁତର

ରେଢାଖୋଲ,୨୩।୯(ଡି.ଏନ୍‌.ଏ.)- ଭାଲୁ ଆକ୍ରମଣରେ ରେଢାଖୋଲ ଥାନା ଅଧୀନ କାଦୋବାହାଲ ଗ୍ରାମର ରଞ୍ଜିତ ନାଏକ(୨୫) ଗୁରୁତର ଆହତ ହୋଇଛନ୍ତି। ତାଙ୍କ ଛାତିରେ ଗଭୀର ଆଘାତ ଲାଗିଛି। ପରିବାର ଲୋକେ ତାଙ୍କୁ ଉଦ୍ଧାର କରି ରେଢାଖୋଲ ଡାକ୍ତରଖାନାରେ ଭର୍ତ୍ତି କରିଛନ୍ତି।

ଜିଲା ପୋଲିସ ପକ୍ଷରୁ ସ୍ଥାପିତ ହେବ ଶହୀଦ ଗୋବିନ୍ଦ ପ୍ରଧାନଙ୍କ ପ୍ରତିମୂର୍ତ୍ତି

ଜିଲା ପୋଲିସ ପକ୍ଷରୁ ସ୍ଥାପିତ ହେବ ଶହୀଦ ଗୋବିନ୍ଦ ପ୍ରଧାନଙ୍କ ପ୍ରତିମୂର୍ତ୍ତି

ବୌଦ୍ଧ,୨୩।୯(ସ୍ବ.ପ୍ର.)- ଶହୀଦଙ୍କୁ ସମ୍ମାନ ଜଣାଇବା ପାଇଁ ଦୀର୍ଘ ୮ ବର୍ଷ ପରେ ଜିଲା ପୋଲିସ ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି। ବୌଦ୍ଧ ବ୍ଲକ ଅନ୍ତର୍ଗତ ତେତେଲେଙ୍ଗା ଗ୍ରାମର ଗୋବିନ୍ଦ ପ୍ରଧାନ ସିଆର୍‌ପିଏଫ କନେଷ୍ଟବଳ ଭାବେ କାର୍ଯ୍ୟରତ ଥିବାବେଳେ ୨୦୧୦ରେ ଛତିଶଗଡ଼ ରାଜ୍ୟରେ ମାଓବାଦୀଙ୍କ ସହିତ ଗୁଳିବିନିମୟରେ ଶହୀଦ ହୋଇଥିଲେ। ତାଙ୍କର ପ୍ରତିମୂତ୍ତି ସେହି ଗ୍ରାମର ବିଦ୍ୟାଳୟ ପରିସରରେ ସ୍ଥାପନ କରାଯିବାକୁ ଜିଲା ପୋଲିସ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି। 

କରଞ୍ଜକଟା ପଞ୍ଚାୟତରେ ଦୁର୍ନୀତି: ଜିଲାପାଳଙ୍କ ନିକଟରେ ଫେରାଦ ହେଲେ ଅଭିଯୋଗକାରୀ

କରଞ୍ଜକଟା ପଞ୍ଚାୟତରେ ଦୁର୍ନୀତି: ଜିଲାପାଳଙ୍କ ନିକଟରେ ଫେରାଦ ହେଲେ ଅଭିଯୋଗକାରୀ

ତଳଗାଁ,୨୩।୯ (ଡି.ଏନ.ଏ)- ବୌଦ୍ଧ ଜିଲା ହରଭଙ୍ଗା ବ୍ଳକର ନୂତନ ଭାବେ  କରଞ୍ଜକଟା ପଞ୍ଚାୟତ ଗଠିତ ହୋଇଛି। ନୂତନ ପଞ୍ଚାୟତ ହେବାରୁ ପଞ୍ଚାୟତବାସୀ ଗାଁଗୁଡିକର ଉନ୍ନତି  ହେବା ନେଇ ଆଶା ରଖିଥିଲେ । କିନ୍ତୁ ଉନ୍ନତିକରଣ ହେବା ପରିବର୍ତ୍ତେ ବ୍ୟାପକ ଅର୍ଥ ତୋଷାରପାତ ହେବା ସହ ବିଭିନ୍ନ କାର୍ଯ୍ୟରେ ଅନିୟମିତତା ହୋଇଥିବା ନେଇ  ଗତ ମେ ୨୩ତାରିଖରେ ଗ୍ରାମର କେତେଜଣ ସଚେତନ ବ୍ୟକ୍ତି  ହରଭଙ୍ଗା ବ୍ଳକ ବିଡିଓଙ୍କୁ ଲିଖିତ ଅଭିଯୋଗ କରିଥିଲେ  ା