ସମ୍ବଲପୁର

ନିରୀହ ଶିଶୁର ସ୍ବାସ୍ଥ୍ୟବସ୍ଥା ସହାୟତା ଦାବି

ସରଣ୍ଡା,୬।୮(ଡି.ଏନ.ଏ.) ଗୋଟିଏ ପରିବାରର ୩ଜଣଙ୍କ ଅଜଣା ରୋଗରେ ମୃତ୍ୟୁ ଘଟଣାରେ ଭେଡେନ ବ୍ଲକରେ ଆତଙ୍କ ଖେଳିଯାଇଥିବା ବେଳେ ପରିବାରର ଆଉ ଜଣେ ନିରୀହ ଶିଶୁପୁତ୍ର ଷଷ୍ଟି ଶିକା ସେହି ରୋଗରେ ଆକ୍ରାନ୍ତ ହୋଇଛନ୍ତି।

ସରକାରୀ ବାଳିକା ଉଚ୍ଚ ବିଦ୍ୟାଳୟର ୫୨ତମ ପ୍ରତିଷ୍ଠା ଦିବସ

ପଦ୍ମପୁର,୬।୮(ଡି.ଏନ.ଏ.) ପଦ୍ମପୁର ସରକାରୀ ବାଳିକା ଉଚ୍ଚ ବିଦ୍ୟାଳୟର ୫୨ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ପ୍ରଧାନ ଶିକ୍ଷୟିତ୍ରୀ ସେବାଶ୍ରୀ ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉପକୋଷାଗାର ଅଧିକାରୀ ସଂଗ୍ରାମ କେଶରୀ ଭୋଇ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସ୍କୁଲ କମିଟିର ସଭାପତି ସଞ୍ଜୟ କୁମାର ବଦିହାର, ମନୋରଞ୍ଜନ ସିଂ ବରିହା ଓ ଗୋବିନ୍ଦ ପ୍ରସାଦ ଅଗ୍ରୱାଲ, ପଦ୍ମପୁର ବ୍ଲକ ଶିକ୍ଷା ଅଧିକାରୀ ସୁନୀଲ ମୁଣ୍ଡା, ପାଇକମାଲ ବ୍ଳକ ଶିକ୍ଷା ଅଧିକାରୀ ଚୁଡାମଣି ବାରିକ ପ୍ରମୁଖ ଅତିଥି ଭାବେ ମଞ୍ଚାସୀନ ଥିଲେ।

ମହୁଲପାଲିରେ ମାଗଣା ସ୍ବାସ୍ଥ୍ୟ ଶିବିର

ମହୁଲପାଲିରେ ମାଗଣା ସ୍ବାସ୍ଥ୍ୟ ଶିବିର

ପଦ୍ମପୁର,୬।୮(ଡି.ଏନ.ଏ.) ପଦ୍ମପୁର ବ୍ଲକ ଅନ୍ତର୍ଗତ ମହୁଲପାଲିଠାରେ ସୋମବାର ମାଗଣା ସ୍ବାସ୍ଥ୍ୟ ପରିକ୍ଷା ଶିବିର ଅନୁଷ୍ଠିତ ହୋଇଯାଇଛି। ଭୀମସାର ବୁର୍ଲା ମେଡିସିନ୍‌ ବିଭାଗର ଡା. ଶଙ୍କର ରାମ ଚନ୍ଦାନୀଙ୍କ ସହଧର୍ମିଣୀ ତଥା ଦାନ୍ତ ବିଭାଗ ଡାକ୍ତର ଶିଖା ରାମଚନ୍ଦାନୀ ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରିବା ସହ ମାଗଣାରେ ଔଷଧ ବିତରଣ କରିଥିଲେ।

ଦିନକର କାହାଣୀ ଖବରକାଗଜ ଦେଉଛି ରୋଜଗାର

ଦିନକର କାହାଣୀ ଖବରକାଗଜ ଦେଉଛି ରୋଜଗାର

ସିନାପାଲି,୬।୮(ଡି.ଏନ.ଏ.) ନୂଆପଡା ଜିଲା ସିନାପାଲିର ପୀତାମ୍ବର ଦୁରିଆ। ସିନାପାଲି ଅଞ୍ଚଳରେ ସମସ୍ତେ ସ୍ନେହରେ ତାଙ୍କୁ ଡାକନ୍ତି ମେଛା। ଦାଦନ ଶ୍ରମିକ ଭାବେ ଆନ୍ଧ୍ରପ୍ରଦେଶକୁ କାମ କରିବାକୁ ଯାଉଥିଲେ। ହେଲେ ନିର୍ଯାତନା ସହି ନ ପାରି ଏଠାକୁ ଫେରି ଆସି ଖବରକାଗଜ ବିକ୍ରି କରିବା ଆରମ୍ଭ କଲେ। ବର୍ତ୍ତମାନ ଖବରକାଗଜ ବିକ୍ରୀ ତାଙ୍କୁ ଦେଖାଇଛି ରୋଜଗାରର ରାସ୍ତା। ଏବେ ସେ ଏହି ବ୍ୟବସାୟକୁ ପେଷାରେ ପରିଣତ କରିଛନ୍ତି।

ଛାତ୍ରୀଛାତ୍ରଙ୍କ ପକ୍ଷରୁ ପଲିଥିନ ମୁକ୍ତ ସଚେତନତା ଶୋଭାଯାତ୍ରା

ଛାତ୍ରୀଛାତ୍ରଙ୍କ ପକ୍ଷରୁ ପଲିଥିନ ମୁକ୍ତ ସଚେତନତା ଶୋଭାଯାତ୍ରା

କୋକସରା,୬।୮(ଡି.ଏନ.ଏ.) କଳାହାଣ୍ଡି ଜିଲା ଧର୍ମଗଡ ବ୍ଲକ ବେହେରାଠାରେ ପଲିଥିନ ମୁକ୍ତ ସଚେତନତା ଶୋଭାଯାତ୍ରା ଶନିବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ଛାତ୍ରୀଛାତ୍ର ପଲିଥିନ ବ୍ୟବହାର ଦ୍ୱାରା ହୋଇଥିବା ବିଭିନ୍ନ ରୋଗର କାରଣ ଓ ପ୍ରଭାବ ବିଷୟରେ ସଚେତନତା ବାର୍ତ୍ତା ଦେଇଥିଲେ। ବେହେରା ଦନ୍ତେଶ୍ୱରୀ ହାଇସ୍କୁଲ ଇକୋକ୍ଲବ ତରଫରୁ ଏହି ସଚେତନତା ଶୋଭାଯାତ୍ରା କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏଥିରେ ବିଦ୍ୟାଳୟର ଶତାଧିକ ଛାତ୍ରୀଛାତ୍ର ସାମିଲ ହୋଇ ଗଁା ପରିକ୍ରମା କରିଥିଲେ।

ସୁବର୍ଣ୍ଣପୁରରେ କୋସଲ ବିଶ୍ୱବିଦ୍ୟାଳୟ ଦାବି

ସୁବର୍ଣ୍ଣପୁରରେ କୋସଲ ବିଶ୍ୱବିଦ୍ୟାଳୟ ଦାବି

ସୋନପୁର,୬।୮(ନି.ପ୍ର.)- କୋଶଲି/ସମ୍ବଲପୁରୀ ଭାଷା ସଁସ୍‌କୁର୍‌ତିର ମୁର୍‌ଧନିଅଁା କବି ସତ୍ୟନାରାୟଣ ବହିଦାରକଁର ଜନମ୍‌ମାଏଟ୍‌ ସୁବର୍ଣ୍ଣପୁରରେ ସୁବର୍ଣ୍ଣା ନାରୀ ଜାଗରଣ କେନ୍ଦ୍ର ପରିସର୍‌ରେ ରଏବାର କବିକଁର ଜୟନ୍ତୀ ପାଲିତ ହେଇଯାଇଛେ। କୋଶଲ ସାହିତ୍ୟ ସଂସ୍କୃତି ଏକାଡେମୀ ଆର୍‌ କୋଶଲ ହେରିଟେଜ ଟ୍ରଷ୍ଟ ତର୍‌ଫୁ ଇ କାଯ୍‌କରମ୍‌ ଆୟୋଜିତ୍‌ ହେଇଥିଲା। ଅନୁଷ୍‌ଠିତ୍‌ ସଭାରେ କବିକଁର ଫଟୁଥି ଫୁଲମାଲ୍‌ ଦେଲା ଉତାରୁ ବକ୍‌ତାମାନେ ସାରସ୍ବତ କୁର୍‌ତି ଆର୍‌ ଅମଲିନ୍‌ ସୁଁର୍‌ତିକେ ଶୋର କରି ଶର୍‌ଧାସୁମନ୍‌ ଅର୍‌ପନ୍‌ କରିଥିଲେ। ସ୍ବର୍ଗତ୍‌ ବହିଦାରକଁର ଗୁଟେ ଆବକ୍ଷ ପର୍‌ତିମୂର୍‌ତି ସୁବର୍ଣ୍ଣପୁର ସହରର ଗୁଟେ ମୁଖିଆ ଛକ୍‌ରେ ଥାପନ୍‌ କର୍‌ବାକେ କୋଶଲ ସାହିତ୍ୟ ସଂସ୍କୃତି ଏକାଡେମୀ ତର୍‌ଫୁ ଘୋଷନା କରାଯାଇଥିଲା। କୋଶଲି ସାହିତିଅ, ସଁସ୍‌କୁର୍‌ତି, ଭାଷା ଆର୍‌ ସଭିଅତାର ଗୁଟେ ମୁଖିଆ ଠାନ୍‌ ହେଉଛେ ସୁବର୍ଣ୍ଣପୁର, ଦିନେ କୋଶଲ ରାଏଜ୍‌ର ରାଜ୍‌ଧାନୀ ବି ଥିଲା ସୁବର୍ଣ୍ଣପୁର।

କୃଷକ ପଲ୍ଲୀ ଯୁବକ ସଂଘର ଚାରାରୋପଣ

କୃଷକ ପଲ୍ଲୀ ଯୁବକ ସଂଘର ଚାରାରୋପଣ

ବରପାଲି, ୬।୮ (ଡି.ଏନ.ଏ.) ବରପାଲି ବ୍ଲକ ରେମତା ପଞ୍ଚାୟତର କୃଷକ ପଲ୍ଲୀ ଯୁବକ ସଂଘ ଆନୁକୂଲ୍ୟରେ ଶନିବାର, ରବିବାର ଦୁଇଦିନ ଧରି ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସଭାପତି ନରେଶ ଗଡ଼ତିଆଙ୍କ ତତ୍ତ୍ବାବଧାନରେ ଆୟୋଜିତ କାର୍ଯ୍ୟକ୍ରମରେ ୨୦ ଉତ୍ସାହୀ ଯୁବକ କୃଷକପଲ୍ଲୀରୁ ବରପାଲି ଜଗନ୍ନାଥ ନଗର ପର୍ଯ୍ୟନ୍ତ ବିଭିନ୍ନ କିସମ ବୃକ୍ଷର ୪ଶହ ଚାରା ରୋପଣ କରିଥିଲେ।

ଅଜଣା ଗାଡ଼ି ଧକ୍କାରେ ୨ ବାଇକ ଆରୋହୀ ମୃତ

ଅଜଣା ଗାଡ଼ି ଧକ୍କାରେ ୨ ବାଇକ ଆରୋହୀ ମୃତ

ଅତାବିରା,୬।୮(ଡି.ଏନ.ଏ.)- ସଡକ ଦୁର୍ଘଟଣାରେ ଗୁରୁତର ଆହତ ବରଗଡ଼ ଜିଲା ଅତାବିରା ଥାନା ତଥା ଗୋଡଭଗା ଫାଣ୍ଡି ଅନ୍ତର୍ଗତ ଗୋଡ଼ଭଗା-ତୁରୁମ ୫୪ ନମ୍ବର ରାଜ୍ୟ ରାଜପଥ ଦୁଲମପୁର, ରଙ୍ଗିଆଟିକ୍ରାର ୨ ଯୁବକଙ୍କ ବୁର୍ଲାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ମୃତ ଯୁବକଦ୍ୱୟ ହେଲେ ଦିଲୀପ ବୁଡେକ (୨୯) ଓ ପର୍ଶୁରାମ ବୁଡେକ (୨୩)। (ନଂ.ଓଡି ୧୭ ଜି-୭୬୮୩) ବାଇକରେ ରବିବାର ରାତି ପ୍ରାୟ ୧୧ଟା ସମୟରେ ରାଜପତ ଦେଇ ଘରକୁ ଫେରୁଥିବା ବେଳେ ଏକ ଗାଡି ତାଙ୍କୁ ଧକ୍କା ଦେଇ ଫେରାର ହୋଇଯାଇଥିବା ଜଣାପଡ଼ିଛି। ସ୍ଥାନୀୟ ପୋଲିସ ଓ ପରିବାର ଲୋକେ ଯୁବକଦ୍ୱୟଙ୍କୁ ଲହୁଲୁହାଣ ଅବସ୍ଥାରେ ଉଦ୍ଧାର କରି ବୁର୍ଲା ଡାକ୍ତରଖାନାକୁ ନେଇଥିଲେ।

ଥମୁନି ହାତୀ ଉପଦ୍ରବ, ପୁଣି ଭାଙ୍ଗିଲେ ଘର, ଉଜାଡ଼ିଲେ ଫସଲ

ଥମୁନି ହାତୀ ଉପଦ୍ରବ, ପୁଣି ଭାଙ୍ଗିଲେ ଘର, ଉଜାଡ଼ିଲେ ଫସଲ

ନୂଆଗାଁ,୬।୮(ଡି.ଏନ.ଏ.) ସୁନ୍ଦରଗଡ଼ ଜିଲା ନୂଆଗାଁ ବ୍ଲକ ବିଶ୍ରା ରେଞ୍ଜ୍‌ ପଞ୍ଚାୟତ ଅନ୍ତର୍ଗତ ସାନକୁଲାଗଜ ଗ୍ରାମରେ ରବିବାର ରାତିରେ ଏକ ହାତୀ ଉତ୍ପାତ କରି ଗାଁ ଲୋକଙ୍କୁ ଆତଙ୍କିତ କରିଥିଲା। ରାତି ସାରି ଝିପିଝିପି ବର୍ଷା ଲାଗି ରହିଥିବା ବେଳେ ହାତୀ ଗର୍ଜନ କରି କମ୍ପମାନ କରୁଥିଲା। ଭୟରେ ଗ୍ରାମବାସୀ ତାଟି କବାଟ ପକାଇ ଘର ମଧ୍ୟରେ ରହିଥିଲେ। ହେଲେ ଭୋକିଲା ହାତୀ ଖାଦ୍ୟ ଅନ୍ବେଷଣରେ ଗଁା ଦାଣ୍ଡ ଚକ୍କର ମାରୁଥିଲା। ଫିରୁ ବଡାଇକଙ୍କ ଘର ଆଡ଼କୁ ମାଡ଼ି ଆସିଥିଲା। ଶୁଣ୍ଢ ଓ ପଦାଘାତରେ କାନ୍ଥ ଭାଙ୍ଗି ଘରେ ଥିବା ଧାନ, ଚାଉଳ ସବୁ ଖାଇ ଦେଇଥିଲା। ବର୍ଷା ରାତିରେ ଫିରୁ ନିକଟ ପାଖ ପଡ଼ୋଶୀଙ୍କ ଘରକୁ ଦୌଡ଼ି ପଳାଇ ଆସି ଜୀବନ ବଞ୍ଚାଇଥିଲେ। ହାତୀର ଉକ୍ତ ଉଗ୍ର ରୂପ ଓ ଉପଦ୍ରବ ପରେ ଗ୍ରାମବାସୀ ଭୟଭୀତ ହୋଇପଡ଼ିଥିବା ଜଣାଇଛନ୍ତି। ଗ୍ରାମବାସୀଙ୍କ କହିବାନୁଯାୟୀ, ହାତୀ ଘର ଭାଙ୍ଗି ଧାନ ଚାଉଳ ଖାଇବା ପରେ ମଧ୍ୟ ଚୁପ୍‌ ରହିନଥିଲା। ଗଁା ଲୋକେ ନିଜ ନିଜ ଜମିରେ ଲଗାଇଥିବା ବାଇଗଣ, ଟମାଟୋ ଆଜି ଚାରାଗୁଡ଼ିକୁ ମାଡିଦଳି ନଷ୍ଟ କରିଥିଲା।

ନାବାଳକ ନିଖୋଜ ଘଟଣା : ପୋଲିସର ନିଷ୍କ୍ରିୟତା ନେଇ ଥାନା ସମ୍ମୁଖରେ ବିକ୍ଷୋଭ

ନାବାଳକ ନିଖୋଜ ଘଟଣା : ପୋଲିସର ନିଷ୍କ୍ରିୟତା ନେଇ ଥାନା ସମ୍ମୁଖରେ ବିକ୍ଷୋଭ

ଟିଟିଲାଗଡ଼,୬।୮(ଡ଼ି.ଏନ.ଏ.) ବଲାଙ୍ଗୀର ଜିଲା ଟିଟିଲାଗଡ଼ ଲୁଥୁରବନ୍ଧ ଗ୍ରାମବାସୀ ଏକ ନାବାଳକ ନିଖୋଜ ଘଟଣାରେ ପୋଲିସର ନିଷ୍କ୍ରିୟତାକୁ ନେଇ ଥାନା ସମ୍ମୁଖରେ ବିକ୍ଷୋଭ କରିଛନ୍ତି। ଏଥିସହ ଉପଜିଲାପାଳଙ୍କୁ ଏ ସମ୍ପର୍କିତ ଏକ ଦାବିପତ୍ର ଦେଇଛନ୍ତି। ସେଥିରେ ନିଖୋଜ ଦୁଲେଶ୍ୱର ବାଗଙ୍କୁ ଖୋଜି ବାହାର କରିବାରେ ପୋଲିସ ଗମ୍ଭୀର ନ ଥିବା ଦର୍ଶାଯାଇଛି। ତୁରନ୍ତ ଏ ଦିଗରେ କାର୍ଯ୍ୟାନୁଷ୍ଠାନସ୍ବରୂପ ଦୁଲେଶ୍ୱରଙ୍କୁ ଉଦ୍ଧାର କରାଯାଇ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରିବାକୁ ଦାବି ହୋଇଛି।

ସାଇନିଂଷ୍ଟାର ପରୀକ୍ଷାରେ ଭାଗନେଲେ ୯୦୭ ପରୀକ୍ଷାର୍ଥୀ

ସାଇନିଂଷ୍ଟାର ପରୀକ୍ଷାରେ ଭାଗନେଲେ ୯୦୭ ପରୀକ୍ଷାର୍ଥୀ

ବରଗଡ଼ ଅଫିସ,୬।୮- ବରଗଡ଼ ଶିକ୍ଷା ଜିଲା ଆନୁକୂଲ୍ୟରେ ଆସନ୍ତା ମାଟ୍ରିକ ପରୀକ୍ଷାରେ ଉନ୍ନତ ପରୀକ୍ଷାଫଳକୁ ଦୃଷ୍ଟିରେ ରଖି ରବିବାର ଚଳିତବର୍ଷର ସାଇନିଂ ଷ୍ଟାର ଛାତ୍ରୀଛାତ୍ରଙ୍କ ପାଇଁ ଜିଲାର ୧୩ଟି ପରୀକ୍ଷାକେନ୍ଦ୍ରରେ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଯାଇଛି।

ଘରୋଇ ସଂସ୍ଥାରୁ ୧୪ଲକ୍ଷ ହେରଫେର

ଘରୋଇ ସଂସ୍ଥାରୁ ୧୪ଲକ୍ଷ ହେରଫେର

ବରଗଡ଼ ଅଫିସ,୬।୮- ନଗଦ ଅର୍ଥ ପରିଚାଳନା କରୁଥିବା ଏକ ଘରୋଇ ସଂସ୍ଥା (ରେଡ଼ିଏଣ୍ଟ କ୍ୟାସ ମ୍ୟାନେଜମେଣ୍ଟ ସର୍ଭିସ ପ୍ରାଇଭେଟ ଲିଃ)ର ୧୪ଲକ୍ଷ ଟଙ୍କା ହେରଫେର ଘଟଣା ବରଗଡ଼ ସହରରେ ଚର୍ଚ୍ଚାର ବିଷୟ ହୋଇଛି। ସଂସ୍ଥାର କର୍ତ୍ତୃପକ୍ଷ ଏ ନେଇ ବରଗଡ଼ ଟାଉନ ଥାନାରେ ଏତଲା ଦେବାପରେ ପୋଲିସ ଗତ ୩ ଦିନ ତଳେ ଶୁକ୍ରବାର ଦଫା ୪୦୯ରେ ଏକ ମାମଲା(ନଂ-୩୭୭ ତା-୦୩/୦୮/୨୦୧୮) ରୁଜୁ କରିଛି। ଏହା ସହିତ ସଂସ୍ଥାର ଜଣେ କର୍ମଚାରୀ ବରଗଡ଼ ସଦର ବ୍ଲକ ଅନ୍ତର୍ଗତ ନିଲେଶ୍ୱର ପଞ୍ଚାୟତ ବାଗଡ଼ିଆର ମନବୋଧ ମହାନନ୍ଦଙ୍କୁ ଥାନାକୁ ଡାକି ଘଟଣା ସମ୍ପର୍କରେ ପଚରାଉଚୁରା କରାଯାଉଛି। ତେବେ ତାଙ୍କୁ ଏପର୍ଯ୍ୟନ୍ତ ଅଟକ କିମ୍ବା ଗିରଫ କରାଯାଇ ନଥିବା ତଦନ୍ତକାରୀ ଅଧିକାରୀ ଟାଉନ ଥାନା ଆଇଆଇସି ବିଭୂତି ଭୂଷଣ ଭୋଇ କହିଛନ୍ତି। ପ୍ରକାଶ ଯେ, ଉପରୋକ୍ତ ସଂସ୍ଥା ଅଧୀନରେ ଜଣେ ଏଜେଣ୍ଟ ଭାବେ ମନବୋଧ କାମ କରୁଥିଲେ। ବିଭିନ୍ନ ସଂସ୍ଥାରୁ ନଗଦ ଅର୍ଥ ସଂଗ୍ରହ କରି ରେଡ଼ିଏଣ୍ଟ କ୍ୟାସ ମ୍ୟାନେଜମେଣ୍ଟ ସର୍ଭିସ ପ୍ରାଇଭେଟ ଲିଃର ଆକାଉଣ୍ଟରେ ଜମା କରିବା ଦାୟିତ୍ୱ ମନବୋଧଙ୍କୁ ଦିଆଯାଇଥିଲା। ଏପରି ସ୍ଥଳେ ଗତ ଜୁଲାଇ ୧୧ ଓ ୧୨ତାରିଖରେ ଏଲ ଆଣ୍ଡ୍‌ ଟି ସଂସ୍ଥାରୁ ୧୪ଲକ୍ଷ ଟଙ୍କା ସଂଗୃହୀତ ହୋଇଥିଲା। ମନବୋଧ ତାହା ରେଡ଼ିଏଣ୍ଟ କ୍ୟାସ ମ୍ୟାନେଜମେଣ୍ଟ ସର୍ଭିସ ପ୍ରାଇଭେଟ ଲିଃର ଆକାଉଣ୍ଟରେ ଏପର୍ଯ୍ୟନ୍ତ ଜମା କରି ନ ଥିବା ନେଇ ସଂସ୍ଥା କର୍ତ୍ତୃପକ୍ଷ ଟାଉନ ଥାନାରେ ଏତଲା ଦେଇଥିଲେ। ଏତଲା କ୍ରମେ ମାମଲା ରୁଜୁ କରି ପୋଲିସ ଗତ ୩ ତାରିଖରୁ ଏହାର ଖୋଲତାଡ଼ ଆରମ୍ଭ କରିଛି ।

୨ ଜିଲାକୁ ସଂଯୋଗ କରୁଥିବା ବ୍ରିଜ୍‌ ରାସ୍ତାକୁ ଉପେକ୍ଷା

୨ ଜିଲାକୁ ସଂଯୋଗ କରୁଥିବା ବ୍ରିଜ୍‌ ରାସ୍ତାକୁ ଉପେକ୍ଷା

ଅତାବିରା, ୬।୮(ଡି.ଏନ.ଏ.) ଗ୍ରାମାଞ୍ଚଳ ରାସ୍ତାର ଉନ୍ନତୀକରଣ ପାଇଁ ବିଭିନ୍ନ ଯୋଜନା ମାଧ୍ୟମରେ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି। ମାତ୍ର ଦାୟିତ୍ୱରେ ଥିବା ଅଧିକାରୀ, କର୍ମଚାରୀ, ଜନପ୍ରତିନିଧିଙ୍କ ଦାୟିତ୍ୱହୀନତା ଯୋଗୁ ରାସ୍ତାବସ୍ଥା ଶୋଚନୀୟ ହୋଇପଡ଼ୁଛି। ବାରମ୍ବାର ଅଭିଯୋଗ ସତ୍ତ୍ୱେ ରାସ୍ତା ମରାମତି ହୋଇ ନ ପାରି ବିପଦସଙ୍କୁଳ ଅବସ୍ଥାରେ ଦୀର୍ଘ ଦିନ ଧରି ପଡ଼ି ରହୁଛି। ଫଳରେ ଛୋଟ ବଡ଼ ଦୁର୍ଘଟଣାରୁ ଜୀବନ ହାନି ଭଳି ଘଟଣାମାନ ଘଟୁଛି। ଲଘୁଚାପଜନିତ ବର୍ଷାରୁ ସୃଷ୍ଟ ବନ୍ୟାରେ ଦୁର୍ବଳ ପାଲଟିଥିବା ବରଗଡ ଓ ସମ୍ବଲପୁର ଜିଲାକୁ ସଂଯୋଗ କରୁଥିବା ଡାଲବି-କୁଲେରଯୋର ଓ ଡାଲବ-କୁଲେରଯୋର ବ୍ରିଜ ରାସ୍ତାର ଦୁରାବସ୍ଥା ଏହାର ଉଦାହରଣ। ଅତାବିରା, ଭେଡ଼େନ, ଧନକଉଡ଼ା ବ୍ଲକ ଅଧୀନ କୁଲୁତାଟୁକୁରା, ଡାଲବ, କର୍ଡୋଲା ୩ ବ୍ଲକ ଓ ୩ ପଞ୍ଚାୟତ ଅଧୀନ ଏହି ୨ରାସ୍ତା ଦୟନୀୟ ଅବସ୍ଥାରେ ରହିଥିଲେ ମଧ୍ୟ ବ୍ଲକ ବିଡିଓ, ସରପଞ୍ଚମାନଙ୍କ ଏଥିପ୍ରତି ନିଘା ନାହିଁ। ପଞ୍ଚାୟତ, ବ୍ଲକ କର୍ତ୍ତୃପକ୍ଷଙ୍କ ସମେତ ସ୍ଥାନୀୟ ବିଧାୟିକା ତଥା ରାଜ୍ୟ ହସ୍ତତନ୍ତ ଓ ବୟନ ଶିଳ୍ପମନ୍ତ୍ରୀ ସ୍ନେହାଙ୍ଗିନୀ ଛୁରିଆଙ୍କ ପ୍ରତିଶ୍ରୁତି ପାଣିର ଗାର ହୋଇଛି।

ଦୀର୍ଘଦିନର ଦାବି ପୂରଣ ହେଲା : ଗଁ।କୁ ମଳିଲା କଂକ୍ରିଟ ରାସ୍ତା

ଦୀର୍ଘଦିନର ଦାବି ପୂରଣ ହେଲା : ଗଁ।କୁ ମଳିଲା କଂକ୍ରିଟ ରାସ୍ତା

ଭେଡ଼େନ,୬।୮(ଡ଼ି.ଏନ.ଏ.) ବରଗଡ଼ ଜିଲା ଭେଡ଼େନ ବ୍ଳକ ଅଏଁଲାପାଲି ଗ୍ରାମପଞ୍ଚାୟତର ଦନ୍ତାଗୋଠ ଓ ରଙ୍ଗାଟିକ୍ରା ଗାଁ । ଗାଁର ଜନସଂଖ୍ୟା ପାଖାପାଖି ୩୦୦। ଚାଷ ବାସ ଉପରେ ନିର୍ଭରଶୀଳ ଏହି ଗାଁର ବାସିନ୍ଦାମାନଙ୍କ କେବଳ ଏକମାତ୍ର ପ୍ରମୁଖ ଅଭିଯୋଗ ରହିଥିଲା। ତାହା ଥିଲା ଗାଁକୁ ସ୍ଥାୟୀ ପକ୍କା ରାସ୍ତା। କ୍ଷେତର ହିଡ଼ ଥିଲା ଯାତାୟାତର ଏକମାତ୍ର ମାଧ୍ୟମ। ବିପଦ ଆପଦ ସମୟରେ କଚ୍ଚା ହିଡ଼ ରାସ୍ତା ଦେଇ ଗାଁକୁ ଯାଇପାରୁ ନ ଥିଲା ଚାରିଚକିଆ। ଗର୍ଭବତୀଙ୍କ ପ୍ରସବ ସମୟ ଓ ବାହାଘର କାର୍ଯ୍ୟକ୍ରମ ଉପନୀତ ହେଲେ ଗ୍ରାମବାସୀଙ୍କୁ ଚିନ୍ତା ମାରି ଗୋଡ଼ାଉଥିଲା। ଛାତ୍ରୀଛାତ୍ର କିମ୍ବା ଅଙ୍ଗନୱାଡ଼ି ଶିଶୁଙ୍କର ବର୍ଷା ଦିନେ ସ୍କୁଲକୁ ଯିବା ଦୁର୍ବିସହ ହୋଇପଡ଼ୁଥିଲା। ‘ଧରିତ୍ରୀ’ରେ ରାସ୍ତା ଦୁରବସ୍ଥା ସମ୍ପର୍କିତ ସମସ୍ୟାଶୀର୍ଷକ ଖବର ଥରେ ନୁହେଁ ଅନେକଥର ପ୍ରକାଶ ପାଇଥିଲା। ଏଥି ସହ ବାରମ୍ବାର ଦାବି ଉପସ୍ଥାପନ ସହ ଗ୍ରାମବାସୀ ତଥା ପ୍ରଶାସନର ଦ୍ୱାରସ୍ଥ ମଧ୍ୟ ହୋଇଥିଲେ। ଏସବୁ ପରେ ଯାଇ ଗାଁ ଉପରେ ସ୍ଥାନୀୟ ବିଧାୟିକା ତଥା ମନ୍ତ୍ରୀ ସ୍ନେହାଙ୍ଗିନୀ ଛୁରିଆଙ୍କର କୃପା ହୋଇଥିଲା। କଂକ୍ରିଟ ରାସ୍ତା ପାଇଁ ପଶ୍ଚିମ ଓଡ଼ିଶା ବିକାଶ ପରିଷଦ ପାଣ୍ଠିରୁ ୧୦ ଲକ୍ଷ ଟଙ୍କା ଏବଂ ଗୋପବନ୍ଧୁ ଗ୍ରାମୀଣ ଯୋଜନାରୁ ୪ ଲକ୍ଷ ଟଙ୍କା ଅନୁଦାନ ମଞ୍ଜୁର ହେଲା। ଭେଡ଼େନ ବ୍ଳକ ପ୍ରଶାସନ ଦ୍ୱାରା ଆରମ୍ଭ ହେଲା ଗାଁକୁ କଂକ୍ରିଟ ରାସ୍ତା ନିର୍ମାଣ । ଦୁଇ ଦିନ ହୋଇଛି ରାସ୍ତା ନିର୍ମାଣ ସମ୍ପୂର୍ଣ୍ଣ ହେଲା। ଏଥିସହ ଗଁ। ଲୋକଙ୍କ ଦୀର୍ଘଦିନର ଆଶା ପୂରଣ ହେଲା।

ସ୍କୁଲ କୋଠାଘର ବିପଦସଙ୍କୁଳ : ବାରଣ୍ଡାରେ ଚାଲିଛି ପାଠପଢ଼ା

ସ୍କୁଲ କୋଠାଘର ବିପଦସଙ୍କୁଳ : ବାରଣ୍ଡାରେ ଚାଲିଛି ପାଠପଢ଼ା

ସୋହେଲା,୬।୮(ଡି.ଏନ.ଏ.) ସରକାର ସର୍ବଶିକ୍ଷା ଅଭିଯାନରେ ଶିକ୍ଷା ପାଇଁ ଅନେକ ଯୋଜନା କରୁଛନ୍ତି। କିନ୍ତୁ ସୋହେଲା ବ୍ଲକରେ ଅନେକ ସ୍କୁଲର କୋଠାଘର ବିପଦପୂର୍ଣ୍ଣ ଅବସ୍ଥାରେ ରହିଛି। ନୂତନ କୋଠାଘର ନିର୍ମାଣ କରାଯାଉନାହିଁ। ଫଳରେ ବାଧ୍ୟ ହୋଇ କୋମଳମତି ଶିଶୁ ଓ ପିଲାମାନେ ବିପଦସଙ୍କୁଳ ଶ୍ରେଣୀ କୋଠରୀରେ ବସି ପାଠ ପଢ଼ୁଛନ୍ତି।ବରଗଡ ଜିଲା ସୋହେଲା ବ୍ଲକ ଅନ୍ତର୍ଗତ ଗର୍ଭଣା ଗ୍ରାମର ଟିଓୟୁପି ସ୍କୁଲ ଏହାର ଜ୍ୱଳନ୍ତ ଉଦାହରଣ। ଷଷ୍ଠ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଏହି ସ୍କୁଲରେ ୪ଟି ଶ୍ରେଣୀ କୋଠରୀ ରହିଛି। ତନ୍ମଧ୍ୟରୁ ଗୋଟିକରେ ଅଫିସ କାମ ଚାଲିଥିବା ବେଳେ ବାକି କୋଠରୀଗୁଡ଼ିକରେ ପାଠପଢ଼ା ହୋଇଥାଏ। ଏଥିରୁ ଦୁଇଟି ଜରାଜୀର୍ଣ୍ଣ ଅବସ୍ଥାରେ ରହିଛି। ଛାତ ଦୁର୍ବଳ ହୋଇଯାଇଥିବାରୁ ଲୁହାଛଡ ସବୁ ଦେଖାଯାଉଛି। ଛାତରୁ ସିମେଣ୍ଟ ଅତଡା ଖସୁଛି। ବର୍ଷା ହେଲେ ପାଣି ଗଳୁଛି। ଶ୍ରେଣୀ କୋଠରୀରେ ବସି ପାଠ ପଢ଼ିବା ବିପଦଜ୍ଜନକ ବୋଲି ଅଭିଭାବକମାନେ ଅଭିଯୋଗ କରିଛନ୍ତି। ସ୍କୁଲର ଏପରି ଦୁରବସ୍ଥା ଦେଖିବା ପରେ ବିଇଓ ଅଫିସ ପକ୍ଷରୁ ଚିଠି ନମ୍ବର ୧୭୭୩/ତା.୧୧/୧୨/୨୦୧୫ରେ କୋଠାଘର ଭଙ୍ଗାଯିବାକୁ ନିର୍ଦ୍ଦେଶ ହୋଇଥିଲା। ତେବେ ଆଜି ପର୍ଯ୍ୟନ୍ତ ତାହା ହୋଇପାରିନାହିଁ। ଏବେ ବର୍ଷା ହେଉଥିବାରୁ କୋଠରୀ ମଧ୍ୟରେ ପାଣି ଚାଲୁଛି। ଏଣୁ ସ୍କୁଲ ବାରଣ୍ଡାରେ ପିଲାମାନେ ବସି ପାଠ ପଢ଼ୁଛନ୍ତି।

ଡାକ୍‌ତରି ପଢ଼ାରେ ଟଁକା ବାଧକ୍‌

ଡାକ୍‌ତରି ପଢ଼ାରେ ଟଁକା ବାଧକ୍‌

ନୂଆପଡା ଅଫିସ/ବୋଡେନ,୬ା୮: ମୁଲ୍‌ହୁ ଜମିବାଡି ନାଇଁ। ନିହାତି ଗରିବ୍‌ ପରିବାର, ହାତ୍‌ ଚଲ୍‌ଲେ ପେଟ୍‌କେ ଦାନା ଯାଉଛେ। ବାପ୍‌ ପର୍‌ହର ଘରେ ଗୁତି ଖଟ୍‌ଲେ ଯାଇ ଦୁଇବେଲା ଖାଏବାକେ ମିଲୁଛେ। ଇଆଡେ ମା’ ମାନ୍‌ସିକ୍‌ ରୋଗ୍‌ରେ ପଡ଼ି ଦୁଖ୍‌ପାଉଛନ୍‌।

ଦର୍‌ମରା ଅବସ୍‌ତାରେ ପଡ଼ିଛନ୍‌ ରାଜପତି

ଦର୍‌ମରା ଅବସ୍‌ତାରେ ପଡ଼ିଛନ୍‌ ରାଜପତି

ଲାଠୋର,୬।୮(ଡି.ଏନ୍‌.ଏ.)- ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ୍‌ ଲାଠୋର ଗଁାରେ ଗଲା ୫ ଦିନ୍‌ ହେଲା ଦର୍‌ମରା ଅବସ୍‌ତାରେ ପଡ଼ିରହିଛନ୍‌ ଝନେ ଶହେ ବଛ୍‌ରିଆ ବୁଢ଼ୀ। ତାହାକୁ ସରକାରୀ ସାହାଯ୍‌ର ଦର୍‌କାର ଥିବାର ଗଁାବାସୀ ଅଭିଯୋଗ୍‌ କରିଛନ୍‌।

ଶିଶୁ ମୁହଁରେ ପଶିଗଲା ଚଟୁ ବେଣ୍ଟ

ଶିଶୁ ମୁହଁରେ ପଶିଗଲା ଚଟୁ ବେଣ୍ଟ

କୋଲାବିରା,୬।୮(ଡି.ଏନ୍‌.ଏ.)-ଝାରସୁଗୁଡ଼ା ଜିଲା କୋଲାବିରା ଅଞ୍ଚଳରେ ରବିବାର ଏକ ଦୁଃଖଦ ଘଟଣା ଦେଖିବାକୁ ମିଳିଛି। ଖେଳୁଥିବା ସମୟରେ ଜଣେ ୨ ବର୍ଷ ଶିଶୁର ମୁହଁରେ ଏକ ଆଲୁମିନିୟମ ଚଟୁ ବେଣ୍ଟ ପଶି ଯାଇଛି। ସେହି ବେଣ୍ଟକୁ ବାହାର କରିବା ପାଇଁ ତୁରନ୍ତ ତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି ।

ସହଯୋଗ୍‌ର ହାତ୍‌ ଖୁଜୁଛେ ଦୁଖି ପରିବାର

ସହଯୋଗ୍‌ର ହାତ୍‌ ଖୁଜୁଛେ ଦୁଖି ପରିବାର

ଖପ୍ରାଖୋଲ, ୬ା୮(ଡି.ଏନ.ଏ.): ସରକାର ଗରିବ, ଅସାହା, ନିଅଁାସି, ଛେଉଁଡ୍‌, ଭିନ୍ନକ୍ଷମ ମାନ୍‌କର ସୁରକ୍ଷା ଆର୍‌ ଥଇଥାନ୍‌ ଲାଗି ବହୁତ୍‌ଟେ ଯୋଜ୍‌ନା କାଯ୍‌କାରୀ କରୁଛନ୍‌। ହେଲେ କେତେ ଜାଗାରେ ପର୍‌ଶାସନିକ୍‌ ଅବହେଲା ଲାଗି ଇ ଯୋଜ୍‌ନାମାନ୍‌ ବାଟ୍‌ବନା ହେଉଥିବାର ଦେଖ୍‌ବାକେ ମିଲୁଛେ।

ବର୍ଷାରେ ଧୋଇଗଲା ପୋଲ, ଯାତାୟାତ ବାଧାପ୍ରାପ୍ତ

ବର୍ଷାରେ ଧୋଇଗଲା ପୋଲ, ଯାତାୟାତ ବାଧାପ୍ରାପ୍ତ

ଜୁନାଗଡ,୬।୮(ଡି.ଏନ.ଏ./ସ୍ବ.ପ୍ର.) କଳାହାଣ୍ଡି ଜିଲା ଜୁନାଗଡ ବ୍ଲକ ଅନ୍ତର୍ଗତ ମାଟି ଗାଁଠାରୁ ଡୁଡୁଙ୍ଗଗୁଡାକୁ ଯାଇଥିବା ପ୍ରଧାନମନ୍ତ୍ରୀ ରାସ୍ତା ମଧ୍ୟରେ ଥିବା ପୋଲ ଗତ ବର୍ଷାରେ ଧୋଇଯାଇଛି । ଫଳରେ ସ୍ଥାନୀୟ ଲୋକଙ୍କ ଯାତାୟାତରେ ଅସୁବିଧା ଦେଖାଦେଇଛି।

ମୁଖ୍ୟ ଡାକ୍ତରଖାନାରୁ ସ୍ବାମୀ ନିଖୋଜ,ଫେରିବା ବାଟକୁ ଚାହିଁ ବସିଛନ୍ତି ସ୍ତ୍ରୀ

ମୁଖ୍ୟ ଡାକ୍ତରଖାନାରୁ ସ୍ବାମୀ ନିଖୋଜ,ଫେରିବା ବାଟକୁ ଚାହିଁ ବସିଛନ୍ତି ସ୍ତ୍ରୀ

ବରଗଡ଼ ଅଫିସ୍‌,୬।୮- ବରଗଡ଼ ଜିଲା ମୁଖ୍ୟ ଡାକ୍ତରଖାନାରେ ଚିକିତ୍ସାଧୀନ ଥିବା ଜଣେ ଅସୁସ୍ଥ ଶନିବାର ସନ୍ଧ୍ୟାରୁ ନିଖୋଜ ହୋଇଯାଇଛନ୍ତି। ସେ ହେଲେ ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ଥାନା ଚିନାଜୁରୀ ଗ୍ରାମର ବଟୁ ଜାଲ(୬୦)। ପରିବାର ଲୋକେ ଖୋଜାଖୋଜି କରୁଥିଲେ ହେଁ ଖବର ଲେଖାହେବା

କିଡନୀ ବେମାରି ନେଉଛି ଜୀବନ

କିଡନୀ ବେମାରି ନେଉଛି ଜୀବନ

ଅମରପାଲି,୬।୮(ଡି.ଏନ.ଏ.) ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ କୋଟସମଲାଇ ପଞ୍ଚାୟତର ସୁନାପାଲି, ସାରସଦାଦର ଓ ଖଜୁରିଆପାଲି ଗ୍ରାମରେ କିଡନୀ ବେମାରି ଆତଙ୍କ ସୃଷ୍ଟି କରିଛି। ଏହି ରୋଗରେ ଗତ ୩ବର୍ଷ ଭିତରେ ୧୫ଜଣଙ୍କ ମୃତ୍ୟୁ ହୋଇସାରିଥିବା ବେଳେ ୧୦ଆକ୍ରାନ୍ତ ହୋଇ ବିଭିନ୍ନ ସ୍ଥାନରେ ଚିକିତ୍ସିତ ହେଉଛନ୍ତି।

ଶିଶୁମନ୍ଦିରରେ ଜ୍ଞାନ ବିଜ୍ଞାନ ମେଳା, ୨୦୦ ପ୍ରକଳ୍ପ ପ୍ରଦର୍ଶିତ

ବିଜେପୁର,୫।୮(ଡି.ଏନ.ଏ.) ବରଗଡ଼ ଜିଲା ବିଜେପୁର ସରସ୍ବତୀ ଶିଶୁ ବିଦ୍ୟା ମନ୍ଦିରରେ ଜ୍ଞାନ ବିଜ୍ଞାନ ମେଳା ଶନିବାର ଅନୁଷ୍ଠିତ ହୋଇଯାଇଛି। ଯୁଗ୍ମ ସମ୍ପାଦକ ପାଣ୍ଡବ ପଧାନ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ପ୍ରଧାନାଚାର୍ଯ୍ୟ ପ୍ରଦୀପ କୁମାର ସାହୁ, ସହ-ପ୍ରଧାନାଚାର୍ଯ୍ୟ ସଦାନନ୍ଦ ପଧାନ ମଞ୍ଚାସୀନ ଥିଲେ। ଗୁରୁମା ମନ୍ଦାକିନୀ ସାହୁ ଉଦ୍‌ଘାଟନୀ ସଭାକୁ ସଂଯୋଜନା କରିଥିଲେ।

ସାଇକେଲଷ୍ଟାଣ୍ଡରେ ଚାଲିଛି ଅଙ୍ଗନୱାଡି କେନ୍ଦ୍ର

ସାଇକେଲଷ୍ଟାଣ୍ଡରେ ଚାଲିଛି ଅଙ୍ଗନୱାଡି କେନ୍ଦ୍ର

ନୂଆପଡା ଅଫିସ,୫ା୮: ସରକାର ସବୁବେଳେ ପ୍ରାକ୍‌ ବିଦ୍ୟାଳୟ ଶିକ୍ଷା ଉପରେ ଗୁରୁତ୍ୱ ଦେଉଥିବା କୁହାଯାଉଛି । ପ୍ରଶାସନିକ ଅପାରଗତା ଯୋଗୁ ଗ୍ରାମାଞ୍ଚଳରେ ଏ ସବୁର ପରିଚାଳନା ଠିକ୍‌ ଭାବରେ ହୋଇପାରୁ ନ ଥିବା ଦେଖିବାକୁ ମିଳିଛି। ଫଳରେ ଅବ୍ୟବସ୍ଥା ଭିତରେ କେନ୍ଦ୍ର ସବୁ ଚାଲିଛି । ଏଥିତ୍ରେ ସବୁ ନୀତି ନିୟମର ବ୍ୟତିକ୍ରମ ହେଉଥିବା ପରିଲକ୍ଷିତ ହେଉଛି । ନୂଆପଡା ଜିଲା ସଦରଠାରୁ ମାତ୍ର ୧୫କିମି ଦୂର କୋମନା ବ୍ଲକ ଅନ୍ତର୍ଗତ ସିଆଲଟି ଗ୍ରାମପଞ୍ଚାୟତ ସଦର ଗାଁରେ ପ୍ରାକ ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ଏକ ପ୍ରକାର ଭୁଶୁଡି ପଡିଛି ।