ସମ୍ବଲପୁର

ସାବିତ୍ରୀ ବ୍ରତ ପାଇଁ ଫଳ ବଜାରରେ ତାତି

ସାବିତ୍ରୀ ବ୍ରତ ପାଇଁ ଫଳ ବଜାରରେ ତାତି

ଭବାନୀପାଟଣା, ୧୩।୫ (ଡ.ଏନ.ଏ.)-ମୁହଁ ଦେଇ ହେଉନାହିଁ ଫଳ ବଜାରରେ। ସାବିତ୍ରୀ ପୂଜା ଅବ୍ୟବହିତା ପୂର୍ବରୁ ବଜାରରେ ସବୁ ଫଳ ଅମୂଲମୂଲ ହୋଇଛି । ଆମ୍ବ ୧୦୦ ଟଙ୍କା, କମଳା, ସେଓ ଓ ଅଙ୍ଗୁର ଭଳି ଆଗଧାଡିରେ ଫଳ ସବୁ ୧୫୦ ଟପିବାକୁ ବସିଛି।

ମହିଳା ସୁରକ୍ଷା ଚିନ୍ତା ଜନକ ବିଷୟ ହୋଇଛି

ମହିଳା ସୁରକ୍ଷା ଚିନ୍ତା ଜନକ ବିଷୟ ହୋଇଛି

ଭବାନୀପାଟଣା, ୧୩।୫(ଡି.ଏନ୍‌.ଏ.)-ସ୍ଥାନୀୟ ହୋଟେଲ ହିନ୍ଦପ୍ଲାଜାଠାରେ ଭାରତୀୟ ଜନତା ପାର୍ଟି, କଳାହାଣ୍ଡି ର ସଭାପତି ପ୍ରଦୀପ୍ତ ନାଏକଙ୍କ ଅଧ୍ୟକ୍ଷତାରେ ଜିଲା ମହିଳା ମୋର୍ଚ୍ଚା ତରଫରୁ ମହିଳା ସୁରକ୍ଷା ସମ୍ବନ୍ଧିତ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି ।

ବ୍ରାହ୍ମଣ ସମାଜ ଏକାଠି ହେଉ

ବ୍ରାହ୍ମଣ ସମାଜ ଏକାଠି ହେଉ

ଭବାନୀପାଟଣା, ୧୩।୫(ଡି.ଏନ୍‌.ଏ.)-କଳାହାଣ୍ଡି ଜିଲାରେ ବସବାସ କରୁଥିବା ସମସ୍ତ ବ୍ରାହ୍ମଣମାନଙ୍କୁ ନେଇ କଳାହାଣ୍ଡି ବ୍ରାହ୍ମଣ ସମାଜ ଗଠିତ ହୋଇଛି। ଆଜି ସ୍ଥାନୀୟ ହୋଟେଲ ଭାଗିରଥୀ ଇନ୍‌ଠାରେ ବରିଷ୍ଠ ଆଇନଜୀବୀ ଜଗନ୍ନାଥ ମୁଣ୍ଡଙ୍କ ସଭାପତିତ୍ୱରେ କଳାହାଣ୍ଡି ବ୍ରାହ୍ମଣ ସମାଜର ଏକ ବୈଠକ ଅନୁଷ୍ଠିତ ହୋଇଥିଲା ।

ଭବାନୀପାଟଣାରେ ଆନ୍ତର୍ଜାତିକ ସେବିକା ଦିବସ ପାଳିତ

ଭବାନୀପାଟଣାରେ ଆନ୍ତର୍ଜାତିକ ସେବିକା ଦିବସ ପାଳିତ

ଭବାନୀପାଟଣା, ୧୩।୫(ଡି.ଏନ୍‌.ଏ.)-ସ୍ଥାନୀୟ ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ସରକାରୀ ଏଏନ୍‌ଏମ୍‌ ଟ୍ରେନିଂ ସ୍କୁଲଠାରେ ସ୍କୁଲ ପ୍ରିନ୍‌ସପାଲ ତିଳୋତ୍ତମା ମହାନ୍ତିଙ୍କ ଅଧ୍ୟକ୍ଷତାରେ ଅନ୍ତର୍ଜାତୀୟ ସେବିକା ଦିବସ ପାଳିତ ହୋଇଯାଇଛି।

ରାଉରକେଲାରେ ଆଇପିଏଲ ପାଇଁ ବେଟିଂ: ୯. ୪ ଲକ୍ଷ ଟଙ୍କା ଜବତ, ୩ ଗିରଫ

ରାଉରକେଲାରେ ଆଇପିଏଲ ପାଇଁ ବେଟିଂ: ୯. ୪ ଲକ୍ଷ ଟଙ୍କା ଜବତ, ୩ ଗିରଫ

ରାଉରକେଲା ଅଫିସ,୧୩।୫-ଆଇପିଏଲ ପାଇଁ ବେଟିଂ କରିବା ଅଭିଯୋଗରେ ପ୍ଲାଣ୍ଟ ସାଇଟି ଥାନା ପୋଲିସ ରବିବାର ୩ ଜଣଙ୍କୁ ଗିରଫ କରିଛି । ସେମାନେ ହେଲେ ନାଲା ରୋଡର ମହମ୍ମଦ ପରଭେଜ ଆଲମ, ମହମ୍ମଦ ମକସୁଦ ଆଲମ ଓ ଉତ୍ତମ ସାହୁ ା ପୋଲିସ ସେମାନଙ୍କଠାରୁ ୯ଲକ୍ଷ ୪ ହଜାର ଟଙ୍କା, ଲାପଟପ, ମୋବାଇଲ ଓ କାଲକୁଲେଟର ଜବତ କରିଛି ।

ବରଗଡ଼ ପୋଲିସର ଦାଦାଗିରି, ଇନ୍ଦ୍ରଚନ୍ଦ୍ର ମାନୁ ନାହାନ୍ତି ଖାକି ବର୍ଦ୍ଦି ପିନ୍ଧା ପୋଲିସ ବାବୁ:  ଟ୍ରାଫିକ ନିୟନ୍ତ୍ରଣ ନାଁରେ ଯୁବକଙ୍କୁ ନିସ୍ତୁକ ମାଡ଼

ବରଗଡ଼ ପୋଲିସର ଦାଦାଗିରି, ଇନ୍ଦ୍ରଚନ୍ଦ୍ର ମାନୁ ନାହାନ୍ତି ଖାକି ବର୍ଦ୍ଦି ପିନ୍ଧା ପୋଲିସ ବାବୁ: ଟ୍ରାଫିକ ନିୟନ୍ତ୍ରଣ ନାଁରେ ଯୁବକଙ୍କୁ ନିସ୍ତୁକ ମାଡ଼

ବରଗଡ଼ ଅଫିସ୍‌,୧୩।୫-ବରଗଡ଼ ଜିଲା ପୋଲିସ ଟ୍ରାଫିକ ନିୟନ୍ତ୍ରଣକୁ ବର୍ତ୍ତମାନ ଅଧିକ ଗୁରୁତ୍ୱ ଦେଉଛି । ମାତ୍ର କେତେକ ବିଭାଗୀୟ କର୍ମଚାରୀଙ୍କ ଦାଦାଗିରିିକୁ ନେଇ ଜିଲା ପୋଲିସକୁ ବଦନାମ ସହିବାକୁ ପଡ଼ିଛି। ବରଗଡ଼ ସହରରେ ଶନିବାର ରାତି ପ୍ରାୟ ସାଢ଼େ ୭ଟାରେ ଟ୍ରାଫିକ ନିୟନ୍ତ୍ରଣ କରିବାକୁ ଯାଇ କେତେକ ପୋଲିସ କର୍ମଚାରୀ ସହରର ଗୌଡ଼ପଡ଼ା ଛକ ନିବାସୀ ଅମିତ ସାହୁ ନାମକ ଜଣେ ଯୁବକଙ୍କୁ ନିସ୍ତୁକ ମାଡ଼ ମାରିଛନ୍ତି । ପୋଲିସ ମାଡ଼ରେ ଅମିତଙ୍କ ପିଠି ସମେତ ବିଭିନ୍ନ ସ୍ଥାନରେ ଆଘାତ ଲାଗିଛି । ଜିଲା ମୁଖ୍ୟ ଡାକ୍ତରଖାନାରେ ଚିକିତ୍ସା ପାଇଁ ତାଙ୍କୁ ଭର୍ତ୍ତି କରାଯାଇଛି । ଘଟଣାଟି ପ୍ରଘଟ ହେବା ପରେ ସ୍ଥାନୀୟ ଟାଉନ ଥାନାରେ ଉତ୍ତେଜନା ପ୍ରକାଶ ପାଇଛି । ଶତାଧିକ ଲୋକ ଥାନା ସମ୍ମୁଖରେ ଭିଡ଼ ଜମାଇ ମାଡ଼ ମାରିଥିବା ପୋଲିସ କର୍ମଚାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ।

ପରିତ୍ୟକ୍ତ କୂଅରେ ଗଳିପଡିଲେ ବାଇକ ସହ ଯୁବକ, ରାତାରାତି ବାଇକ୍‌ ଉଭାନ

ପରିତ୍ୟକ୍ତ କୂଅରେ ଗଳିପଡିଲେ ବାଇକ ସହ ଯୁବକ, ରାତାରାତି ବାଇକ୍‌ ଉଭାନ

ବୀରମହାରାଜପୁର, ୧୩।୫ (ଡି.ଏନ.ଏ)- ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ଅଧିନସ୍ଥ କେନଝରିଆପାଲି ଗାଁ ନିକଟ ରାସ୍ତାକଡରେ ଥିବା ଏକ ପରିତ୍ୟକ୍ତ କୂଅରେ ଚଳନ୍ତା ବାଇକ ସହ ଜଣେ ଯୁବକ ପଡି ଗୁରୁତର ହୋଇଛନ୍ତି। ଆହତ ଯୁବକ ଜଣକ ହେଲେ ଉଲୁଣ୍ଡା ବ୍ଳକ ବମରାଜ ଗ୍ରାମର ବାବୁଲା ସୁନା (୨୫) । ଶନିବାର ବିଳମ୍ବିତ ରାତିରେ ବାବୁଲା ଏକ ବାଇକ ଯୋଗେ ମୁର୍ଷୁଣ୍ଢୀ ପଞ୍ଚାୟତର ବଙ୍କିଆରୁ ନିଜ ଘରକୁ ଫେରୁଥିଲେ। ହେଲେ କେନଝରିଆପାଲି ଗାଁ ମୁଣ୍ଡ ବୁଲାଣି ରାସ୍ତାରେ ଭାରସାମ୍ୟ ହରାଇ କୂଅ ଭିତରକୁ ଗଳି ପଡିଥିଲେ।

ନାରୀବନ୍ଦୀ ନିକେତନରେ ମହିଳା ଅନ୍ତେବାସୀ ନେଲେ ଯୋଗ ତାଲିମ

ନାରୀବନ୍ଦୀ ନିକେତନରେ ମହିଳା ଅନ୍ତେବାସୀ ନେଲେ ଯୋଗ ତାଲିମ

ସମ୍ବଲପୁର, ୧୩।୫ (ବ୍ୟୁରୋ)- ସମ୍ବଲପୁର ନାରୀବନ୍ଦୀ ନିକେତନରେ ଯୋଗ ଶିବିର ରବିବାର ପୂର୍ବାହ୍ନରେ ଉଦ୍‌ଯାପିତ ହୋଇଯାଇଛି । ଜେଲ ସୁପରିଣ୍ଟେଣ୍ଡେଣ୍ଟ ବାସନ୍ତିଲତା ସିଂ, ସହ କାରାପାଳିକା ଅସିମା ମିଶ୍ରଙ୍କ ପରିଚାଳନାରେ ଶିବିର ଆୟୋଜିତ ହୋଇଥିଲା । ଆର୍ଟ ଅଫ ଲିଭିଙ୍ଗ ଯୋଗ ପ୍ରଶିକ୍ଷିକା ଜୟଶ୍ରୀ ପଣ୍ଡା ଓ ସୁନନ୍ଦା ପଣ୍ଡା ୧୪ଜଣଙ୍କ ଅନ୍ତେବାସୀଙ୍କୁ ପ୍ରଶିକ୍ଷଣ ଦେଇଥିଲେ ।

୯୪ ୟୁନିଟ ରକ୍ତ ସଂଗ୍ରହ

୯୪ ୟୁନିଟ ରକ୍ତ ସଂଗ୍ରହ

ସମ୍ବଲପୁର, ୧୩।୫ (ବ୍ୟୁରୋ)-ସମ୍ବଲପୁର ସୋସିଆଲ ଷ୍ଟାର କ୍ଲବର ନୂତନ କୋଠା ରବିବାର ସରକାରୀ ହିନ୍ଦୀ ହାଇସ୍କୁଲ ନିକଟରେ ଉଦ୍‌ଘାଟିତ ହୋଇଯାଇଛି । ସମ୍ବଲପୁର ବିଧାୟିକା ରାସେଶ୍ୱରୀ ପାଣିଗ୍ରାହୀ ମୁଖ୍ୟଅତିଥି, ଜିଲାପାଳ ସମର୍ଥ ବର୍ମା, ଇଂ. ଅଶୋକ ଜଲାନ, ଜିଲା ରେଡକ୍ରସ ଉପାଧ୍ୟକ୍ଷା ଡା. ଦୀପ୍ତିବାଳା ପଟ୍ଟନାୟକ, ସମ୍ପାଦକ ଜୟ ଜର୍ଜ ମୁଖ୍ୟଅତିଥି ଭାବେ ଯୋଗଦେଇ କୋଠାର ଶୁଭ ଉଦଘାଟନ କରିଥିଲେ । ଏହି ଅବସରରେ ରକ୍ତଦାନ ଶିବିର ଆୟୋଜିତ ହୋଇଥିଲା ।

ନାକଟିଦେଉଳ ଅଞ୍ଚଳରେ କାଳବୈଶାଖୀ ଯୋଗୁ ବ୍ୟାପକ କ୍ଷୟକ୍ଷତି

ନାକଟିଦେଉଳ ଅଞ୍ଚଳରେ କାଳବୈଶାଖୀ ଯୋଗୁ ବ୍ୟାପକ କ୍ଷୟକ୍ଷତି

ନାକଟିଦେଉଳ, ୧୩।୫ (ଡି.ଏନ.ଏ)- ସମ୍ବଲପୁର ଜିଲା ନାକଟିଦେଉଳ ବ୍ଲକ ଅଞ୍ଚଳରେ କାଳବୈଶାଖୀରେ ବ୍ୟାପକ କ୍ଷୟକ୍ଷତି ହୋଇଛି । ଶନିବାର ରାତିରେ ହୋଇଥିବା ଏହି କାଳବୈଶାଖୀ ଯୋଗୁ ପ୍ରବଳ ବେଗରେ ପବନ ବୋହିବା ସହ ବର୍ଷା ଏବଂ କରାମାଡ ହୋଇଥିଲା । ପବନର ବେଗ ଏତେ ମାତ୍ରାରେ କ୍ଷୀପ୍ର ଥିଲା ଯେ, ବଡ ବଡ ଆମ୍ବ ଗଛ ସବୁ ଭାଙ୍ଗିଯିବା ସହ ଘର ଛାତରୁ ଟାଇଲ, ଆଜବେଷ୍ଟସ ଏବଂ ନଡା ଆଦି ଉଡି ଯାଇ ତଳେ ପଡିଛି ।

୧୮ ବର୍ଷ ହେଲା ପ୍ରତିଶ୍ରୁତିରେ ଅଟକିଛି ରେଢ଼ାଖୋଲ ସହରକୁ ମହାନଦୀରୁ ପାନୀୟ ଜଳ ଯୋଗାଣ

୧୮ ବର୍ଷ ହେଲା ପ୍ରତିଶ୍ରୁତିରେ ଅଟକିଛି ରେଢ଼ାଖୋଲ ସହରକୁ ମହାନଦୀରୁ ପାନୀୟ ଜଳ ଯୋଗାଣ

ରେଢ଼ାଖୋଲ,୧୩।୫(ଡି.ଏନ.ଏ.)-ସମ୍ବଲପୁର ଜିଲା ରେଢ଼ାଖୋଲ ସହରକୁ ମହାନଦୀରୁ ବିଶୁଦ୍ଧ ପାନୀୟ ଜଳ ଯୋଗାଣ ଗତ ୧୮ ବର୍ଷ ହେବ ପ୍ରତିଶ୍ରୁତିରେ ରହିଛି। ହେଲେ ଏବେ ମଧ୍ୟ ରେଢ଼ାଖୋଲବାସୀ ମହାନଦୀରୁ ବିଶୁଦ୍ଧ ପାନୀୟ ଜଳ ପାଇବାକୁ ଆଶାବାନ୍ଧି ରହିଛନ୍ତି। ବଣ ପାହାଡ ଘେରା ରେଢାଖୋଲ ସହରରେ ପାନୀୟ ଜଳ ସମସ୍ୟା ଦିର୍ଘ ବର୍ଷଧରି ଲାଗିରହିଛି। ସଂପ୍ରତି ମାର୍ଚ୍ଚ ମାସରୁ ଉତ୍ତାପ ବୃଦ୍ଧି ସହିତ ପାନୀୟ ଜଳ ସମସ୍ୟା ବୃଦ୍ଧିପାଇଲାଣି। ମହାନଦୀରୁ ପାନୀୟ ଜଳ ଯୋଗାଇ ଦେବାକୁ ଦିର୍ଘ ବର୍ଷ ହେବ ରେଢ଼ାଖୋଲ ବାସୀ ଦାବି କରିଆସୁଛନ୍ତି। ଦୀର୍ଘଦିନର ଦାବି ପରେ ଗତ ୨୦୦୧ରେ ରେଢ଼ାଖୋଲ ବିଧାନ ସଭା ପାଇଁ ଅନୁଷ୍ଠିତ ଉପନିର୍ବାଚନ ସମୟରେ ସ୍ଥାନୀୟ କଦମ୍ବ ପଡିଆରେ ଏକ ନିର୍ବାଚନୀ ସଭାରେ ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇ ଖୁବ ଶିଘ୍ର ରେଢ଼ାଖୋଲ ସହରବାସୀଙ୍କୁ ମହାନଦୀରୁ ପାନୀୟ ଜଳ ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ। ଏହି ପ୍ରତିଶୃତି ପରେ ରେଢ଼ାଖୋଲବାସୀ ମହାନଦୀରୁ ପାନୀୟ ଜଳ ପାଇବାକୁ ଦୃଢ ନିଶ୍ଚିତ ହୋଇଥିଲେ। ଇତିମଧ୍ୟରେ ୩ଟି ବିଧାନସଭା ଓ ୩ଟି ପଞ୍ଚାୟତ ନିର୍ବାଚନ ସହ ରେଢ଼ାଖୋଲ ଏନଏସି ନିର୍ବାଚନ ଅନୁଷ୍ଠିତ ହୋଇଯାଇଛି।

ଏସଟି, ଏସସି କ୍ରିୟାନୁଷ୍ଠାନ କମିଟି ଗଠନ ପାଇଁ ସଭା

ଏସଟି, ଏସସି କ୍ରିୟାନୁଷ୍ଠାନ କମିଟି ଗଠନ ପାଇଁ ସଭା

କର୍ଲାମୁଣ୍ଡା, ୧୩।୫ (ଡି.ଏନ.ଏ.)-କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ସଦର ପଞ୍ଚାୟତ ରାଜୀବ ଗାନ୍ଧୀ ସେବାକେନ୍ଦ୍ର ନିକଟରେ ଥିବା କାଜୁବାଦାମ ବଗିଚାଠାରେ ଏସ୍‌ଟି, ଏସ୍‌ସି ବର୍ଗର ଜନସାଧାରଣଙ୍କୁ ନେଇ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି।

ହାର୍ଡକୋର ମାଓବାଦୀ ନେତା ରାକେଶ, ସଞ୍ଜୀବ ନିହତ

ହାର୍ଡକୋର ମାଓବାଦୀ ନେତା ରାକେଶ, ସଞ୍ଜୀବ ନିହତ

ବେଲପଡା, ୧୩।୫ (ଡି.ଏନ.ଏ.)-ବଲାଙ୍ଗୀର ଜିଲା ବେଲପଡା ଥାନା ଡୁଡୁକାମାଲ ଜଙ୍ଗଲରେ ମାଓବାଦୀଙ୍କ ସଭା ଚାଲିଥିଲାବେଳେ ଦୁଇ ମାଓବାଦୀ ନେତା ନିହତ ହୋଇଛନ୍ତି। ବଲାଙ୍ଗୀର ଏସ୍‌ପି କେ. ଶିବା ସୁବ୍ରମଣିଙ୍କ ନେତୃତ୍ୱରେ ସିଆରପିଏଫ, ବିଏଫଏଫ ଜବାନଙ୍କ ମିଳିତ କୁମ୍ବି ଅପରେସନ ଚାଲିଥିଲା। ଏହି ସମୟରେ ମାଓବାଦୀ ଓ ସିଆରପିଏଫ ଜବାନଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଏଥିରେ ୨ ଛତିଶଗଡି ହାର୍ଡକାର ମାଓବାଦୀ ନେତା ଓଡିଶା ନୂଆପଡା ଡିଭିଜନ ଦାୟିତ୍ୱରେ ଥିବା ରାକେଶ ଓ ନୂଆପଡା ଜୋନ କମାଣ୍ଡର ସଞ୍ଜୀବ ନିହତ ହୋଇଛନ୍ତି।

ରେଢ଼ାଖୋଲ ଏନଏସିର ଉନ୍ନତୀକରଣ ପାଇଁ ୧.୯୫ କୋଟି ମଞ୍ଜୁର  ପ୍ରତି ଓ୍ବାର୍ଡ ପିଛା ୧୫ ଲକ୍ଷ ଖର୍ଚ୍ଚ ହେବ, ଏନଏସି ବଦଳରେ ବ୍ଲକ ମାଧ୍ୟମରେ ହେବ କାମ

ରେଢ଼ାଖୋଲ ଏନଏସିର ଉନ୍ନତୀକରଣ ପାଇଁ ୧.୯୫ କୋଟି ମଞ୍ଜୁର ପ୍ରତି ଓ୍ବାର୍ଡ ପିଛା ୧୫ ଲକ୍ଷ ଖର୍ଚ୍ଚ ହେବ, ଏନଏସି ବଦଳରେ ବ୍ଲକ ମାଧ୍ୟମରେ ହେବ କାମ

ରେଢ଼ାଖୋଲ,୧୩।୫(ଡି.ଏନ.ଏ.) : ସମ୍ବଲପୁର ଜିଲା ରେଢ଼ାଖୋଲ ଏନଏସିର ଉନ୍ନତୀକରଣ ପାଇଁ ୧ କୋଟି ୯୫ ଲକ୍ଷ ଟଙ୍କା ଅନୁଦାନ ମଞ୍ଜୁର ହୋଇଛି। ଏହି ଅନୁଦାନ ରାଶିରୁ ଏନଏସିର ପ୍ରତି ଓ୍ବାର୍ଡକୁ ୧୫ ଲକ୍ଷ ଟଙ୍କା ଲେଖାଏଁ ପ୍ରଦାନ କରାଯାଇଛି। ସହରାଞ୍ଚଳ ବିକାଶ ପାଇଁ ସରକାର ନେଇଥିବା ସ୍ବତନ୍ତ୍ର ପଦକ୍ଷେପ ପରିପ୍ରେକ୍ଷୀରେ ଏହି ଅନୁଦାନ ଯୋଗାଇ ଦିଆଯାଇଛି। ୱାର୍ଡରେ ରାସ୍ତା, ଡ୍ରେନ, କମ୍ୟୁନିଟି ସେଣ୍ଟର ଓ ଅନ୍ୟାନ୍ୟ ଉନ୍ନତି କାର୍ଯ୍ୟରେ ଏହା ବିନିଯୋଗ ହେବ। ଏଥିପାଇଁ କାଉନସିଲରମାନେ କେଉଁ କେଉଁ କାର୍ଯ୍ୟ କରାଯିବ ତାଲିକା ପ୍ରଦାନ କରିଛନ୍ତି। ହେଲେ ସହରରେ ଏହି କାମ ହେବାକୁ ଥିବା ବେଳେ ଏନଏସି ବଦଳରେ ବ୍ଲକ୍‌ ମାଧ୍ୟମରେ କାର୍ଯ୍ୟ କରାଯିବାକୁ ନିଷ୍ପତ୍ତି ହୋଇଛି।

ସୁନ୍ଦରଗଡ ଜିଏନ୍‌ଏମ୍‌ ଟ୍ରେନିଂ ସ୍କୁଲରେ ଅନ୍ତର୍ଜାତୀୟ ସେବିକା ଦିବସ: ଚିକିତ୍ସା କ୍ଷେତ୍ରରେ ନର୍ସିଂର ସ୍ଥାନ ଗୁରୁତପୂର୍ଣ୍ଣ

ସୁନ୍ଦରଗଡ ଜିଏନ୍‌ଏମ୍‌ ଟ୍ରେନିଂ ସ୍କୁଲରେ ଅନ୍ତର୍ଜାତୀୟ ସେବିକା ଦିବସ: ଚିକିତ୍ସା କ୍ଷେତ୍ରରେ ନର୍ସିଂର ସ୍ଥାନ ଗୁରୁତପୂର୍ଣ୍ଣ

ସୁନ୍ଦରଗଡ, ୧୩।୫ (ଡି.ଏନ୍‌.ଏ.)-ଚିକିତ୍ସା କ୍ଷେତ୍ରରେ ନର୍ସିଂର ଗୁରୁତ୍ୱପୂର୍ଣ୍ଣ ସ୍ଥାନ ରହିଛି। ତେଣୁ ନର୍ସିଂ ଶିକ୍ଷା ଗ୍ରହଣ କରୁଥିବା ଶିକ୍ଷାର୍ଥୀମାନେ ଶୃଙ୍ଖଳିତ ହେବା ଆବଶ୍ୟକ। କଠୋର ପରିଶ୍ରମ ସହ ପ୍ରଶିକ୍ଷଣ ସମୟରେ ଉତ୍ତମ ଜ୍ଞାନ ଆହରଣ କରିବା ଜାରୁରି। ନିଜକୁ ଜଣେ ଦକ୍ଷ ସେବିକା ଭାବେ ପ୍ରତିପାଦିତ କରି ସମାଜ ତଥା ରାଷ୍ଟ୍ର ନିର୍ମାଣରେ ବ୍ରତୀ ହେବାକୁ ପଡିବ। ଶଙ୍କରାସ୍ଥିତ ସୁନ୍ଦରଗଡ ଜିଏନ୍‌ ଏମ୍‌ ଟ୍ରେନିଂ ସ୍କୁଲରେ ଅନ୍ତର୍ଜାତୀୟ ସେବିକା ଦିବସ ପାଳନ ଅବସରରେ ଆୟୋଜିତ ସମାରୋହରେ ଯୋଗଦେଇ ଅତିଥିମାନେ ଏହି ମତବ୍ୟକ୍ତ କରିଛନ୍ତି।

ସିଆରପିଏଫ ଗୁଳିରେ ପିଏଲଏଫଆଇ ଏରିଆ କମାଣ୍ଡର ମୃତ, ୨ ସଦସ୍ୟ ଗିରଫ

ସିଆରପିଏଫ ଗୁଳିରେ ପିଏଲଏଫଆଇ ଏରିଆ କମାଣ୍ଡର ମୃତ, ୨ ସଦସ୍ୟ ଗିରଫ

କୁଆଁରମୁଣ୍ଡା,୧୩।୫(ଡିଏନଏ)-ସୁନ୍ଦରଗଡ଼ ଜିଲା ଓଡିଶା-ଝାଡଖଣ୍ଡ ସୀମାବର୍ତ୍ତୀ ଝାଡଖଣ୍ଡ ରାଜ୍ୟର ସିମଡ଼େଗା ଜିଲା ସିଆରଜୋର ଜଙ୍ଗଲରେ ସିଆରପିଏଫ ଯବାନ ଓ ପିଏଲଏଫଆଇ ମଧ୍ୟରେ ଗୁଳି ବିନିମୟ ହୋଇଛି। ଏଥିରେ ପିଏଲଏଫଆଇ ଏରିଆ କମାଣ୍ଡର ଲୁଥର ଡାଙ୍ଗ(୩୨)ଙ୍କ ମୃତ୍ୟୁ ଘଟିଛି। ଏହା ସହ ତାଙ୍କର ୨ ଜଣ ସହଯୋଗୀ ପ୍ରଫୁଲ୍ଲ କିସପଟ୍ଟା(୨୮) ଓ ପ୍ରମୋଦ ଲାକ୍ରା(୨୯) ଧରା ପଡିଛନ୍ତି। ମୃତ ଲୁଥରଙ୍କ ନିକଟରୁ ଗୋଟିଏ କାରବାଇନ ବନ୍ଧୁକ ସହ ବିପୁଳ ପରିମାଣର ଗୁଳିଗୋଳା ଜବତ ହୋଇଛି। ସେହିପରି ପ୍ରଫୁଲ୍ଲ ଓ ପ୍ରମୋଦଙ୍କ ନିକଟରୁ ଗୋଟିଏ ଲେଖାଏଁ ଡିବିବିଏଲ ବନ୍ଧୁକ ସହ ଅନ୍ୟାନ୍ୟ ସାମଗଈ ଜବତ ହୋଇଛି। ମୃତ ଲୁଥର ହେଉଛନ୍ତି ସୁନ୍ଦରଗଡ଼ ଜିଲା କୁଆଁରମୁଣ୍ଡା ବ୍ଲକ ରାଏବୋଗା ଥାନା ଅଧୀନ ମଝାପଡ଼ା ଗ୍ରାମର। ପ୍ରଫୁଲ୍ଲ ଓ ପ୍ରମୋଦଙ୍କ ଘର ଲେଫ୍ରିପଡ଼ା ଥାନା ଲେଫ୍ରିପଡ଼ା ଗ୍ରାମରେ ବୋଲି ପୋଲିସ କହିଛି।

କର୍ମଚାରୀଙ୍କୁ ୧୪ ମାସର ଦରମା ମିଳିନି: ପ୍ରତିବାଦରେ ବିଏସ୍‌ଏଲ୍‌ କମ୍ପାନୀ ସମ୍ମୁଖରେ ଗଣଧାରଣା

କର୍ମଚାରୀଙ୍କୁ ୧୪ ମାସର ଦରମା ମିଳିନି: ପ୍ରତିବାଦରେ ବିଏସ୍‌ଏଲ୍‌ କମ୍ପାନୀ ସମ୍ମୁଖରେ ଗଣଧାରଣା

କୁଆଁରମୁଣ୍ଡା,୧୩।୫(ଡି.ଏନ.ଏ.)-ଏସିଆ ମହାଦେଶର ବୃହତ୍ତମ ଚୂନପଥର ଖଣି ଭାବେ ପରିଚିତ ବିଶ୍ରା ଷ୍ଟୋନ ଲିଃ କମ୍ପାନୀ ଏବେ କର୍ମଚାରୀ ଓ ଶ୍ରମିକମାରଣ ନୀତି ଅନୁସରଣ କରିବାରେ ଲାଗିଛି। ଫଳରେ କର୍ମଚାରୀ ଓ ଶ୍ରମିକମାନଙ୍କ ପରିବାର ନାହିଁ ନ ଥିବା ହଇରାଣ ହେଉଛନ୍ତି। କର୍ମଚାରୀମାନଙ୍କୁ ୧୪ ମାସର ହେଲା ଦରମା ମିଳିନି। ଏଣୁ ସେମାନେ ଘୋର ଅସୁବିଧା ଦେଇ ଗତି କରୁଛନ୍ତି। ଖାଇବା ଖର୍ଚ୍ଚ ଓ ପିଲାମାନଙ୍କ ପାଠପଢା ଦେଇ ନ ପାରି ଲୋକ ହସା ହେଉଛନ୍ତି। ଏହାର ପ୍ରତିବାଦରେ କମ୍ପାନୀ କର୍ମଚାରୀ ଧାରଣା ଦେଇଥିଲେ।

ଚର୍ଚ୍ଚାରେ ବ୍ଲକ ଉପାଧ୍ୟକ୍ଷଙ୍କ ଇସ୍ତଫା

ଚର୍ଚ୍ଚାରେ ବ୍ଲକ ଉପାଧ୍ୟକ୍ଷଙ୍କ ଇସ୍ତଫା

ବଡଗଁ।, ୧୩।୫(ଡି.ଏନ.ଏ.)-ସୁନ୍ଦରଗଡ ଜିଲା ବଡଗଁ। ବ୍ଲକର ଉପାଧ୍ୟକ୍ଷ ସାରଥି ପାଣ୍ଡେ ଗତ ୯ ତାରିଖ ପଞ୍ଚାୟତ ସମିତି ବୈଠକରେ ବିଡିଓ ସୁଶାନ୍ତ କୁମାର ସିଂଙ୍କୁ ଇସ୍ତଫାପତ୍ର ପ୍ରଦାନ କରିଥିଲେ। ବିଡିଓ ସିଂ ଇସ୍ତଫାପତ୍ର ଗ୍ରହଣ ନ କରି ତାଙ୍କୁ ବୁଝାଇବାକୁ ଚେଷ୍ଟା କରିଥିଲେ। ହେଲେ ସେ ଶୁଣି ନ ଥିଲେ। ଏହାପରେ ପାଣ୍ଡେ ବ୍ଲକକୁ ଡାକ ଯୋଗେ ଇସ୍ତଫା ପତ୍ର ପଠାଇ ଦେଇଥିଲେ। ତେବେ ଏହି ଇସ୍ତଫାପତ୍ର ପ୍ରଦାନକୁ ନେଇ ଚର୍ଚ୍ଚା ଜୋର ଧରିଛି।

ଝାରସୁଗୁଡା-ରାୟପୁର ମଧ୍ୟରେ ବିଦ୍ୟୁତ ତାର ସଂଯୋଗ କରୁଛି ଓଜିପିଟିଏଲ କମ୍ପାନୀ: ଟାଓ୍ବାର ନିର୍ମାଣକୁ ଗ୍ରାମବାସୀଙ୍କ ବିରୋଧ, ପୋଲିସ ଉପସ୍ଥିତିରେ କାମ ହେଲା

ଝାରସୁଗୁଡା-ରାୟପୁର ମଧ୍ୟରେ ବିଦ୍ୟୁତ ତାର ସଂଯୋଗ କରୁଛି ଓଜିପିଟିଏଲ କମ୍ପାନୀ: ଟାଓ୍ବାର ନିର୍ମାଣକୁ ଗ୍ରାମବାସୀଙ୍କ ବିରୋଧ, ପୋଲିସ ଉପସ୍ଥିତିରେ କାମ ହେଲା

ହେମଗିର, ୧୩।୫ (ଡି.ଏନ.ଏ)-ହେମଗିରି ବ୍ଲକ ଅନ୍ତର୍ଗତ ସୁମରା ପଞ୍ଚାୟତରେ ଥିବା ବାଞ୍ଜିକଛାର, କୁଆଘୁଘର, କୋଡାଲିଝରିଆ ପ୍ରଭୃତି ଗ୍ରାମରେ ଉଚ୍ଚଶକ୍ତି ସମ୍ପନ୍ନ ବିଦ୍ୟୁତ ଖୁମ୍ବ ପୋତିବାକୁ ଗ୍ରାମବାସୀ ବିରୋଧ କରିଛନ୍ତି। ହେଲେ ପୋଲିସ ଲଗାଇ କାମ କରାଯାଇଛି।

ମାନେଶ୍ୱର-ଜୟନ୍ତପୁର ରାସ୍ତାରେ ଭାରିଯାନ ଚଳାଚଳକୁ ନେଇ ଅସନ୍ତୋଷ

ମାନେଶ୍ୱର-ଜୟନ୍ତପୁର ରାସ୍ତାରେ ଭାରିଯାନ ଚଳାଚଳକୁ ନେଇ ଅସନ୍ତୋଷ

ମାନେଶ୍ୱର, ୧୩।୫ (ଡି.ଏନ.ଏ)-ମାନେଶ୍ୱରରୁ ଜୟନ୍ତପୁର ରାସ୍ତା ଦେଇ ପୂର୍ତ୍ତ ବିଭାଗର ସଙ୍କୁଚିତ ରାସ୍ତାରେ ଭାରିଯାନ ଚଳାଚଳକୁ ନେଇ ଅସନ୍ତୋଷ ଦେଖା ଦେଇଛି। ଅନେକ ସମୟରେ ଟ୍ରାଫିକ ସମସ୍ୟା ଦେଖା ଦେଉଛି। ଟ୍ରକ୍‌ଗୁଡିକ ଲମ୍ବା ଲାଇନରେ ଛିଡା ହୋଇ ରହୁଛି। ଏଥିଯୋଗୁ ସାଇକେଲ, ବାଇକ୍‌ ଆଦି ଅତିକ୍ରମ କରିବା କଠିନ ହୋଇ ପଡୁଛି। ଟ୍ରକ ଗୁଡିକ ଦ୍ରୁତ ଗତିରେ ଯିବାଦ୍ୱାରା ଦୁର୍ଘଟଣା ଘଟିବା ଆଶଙ୍କା ରହୁଛି।

ଯୁଯୁମୁରା ଫରେଷ୍ଟ ଅଫିସରୁ ଶାଗୁଆନ ଗଣ୍ଡି ଉଭାନ ଘଟଣା: କର୍ମଚାରୀଙ୍କୁ ଘଣ୍ଟ ଘୋଡାଉଛି ବନ ବିଭାଗ

ଯୁଯୁମୁରା ଫରେଷ୍ଟ ଅଫିସରୁ ଶାଗୁଆନ ଗଣ୍ଡି ଉଭାନ ଘଟଣା: କର୍ମଚାରୀଙ୍କୁ ଘଣ୍ଟ ଘୋଡାଉଛି ବନ ବିଭାଗ

ସମ୍ବଲପୁର,୧୩।୫(ବ୍ୟୁରୋ)-ସମ୍ବଲପୁର ବନଖଣ୍ଡ ସଦର ରେଞ୍ଜ ଯୁଯୁମୁରା ଫରେଷ୍ଟ ଅଫିସରୁ ସାଗୁଆନ ଗଣ୍ଡି ଉଭାନ ହୋଇଥିଲା । ଏହାକୁ ନେଇ ସ୍ଥାନୀୟ ଲୋକ ଅଭିଯୋଗ କଲାପରେ ୨୦୧୭ ଡିସେମ୍ବର ୬ ତାରିଖ ଧରିତ୍ରୀରେ ଖବର ପ୍ରକାଶ ପାଇଥିଲା। ଖବର ପ୍ରକାଶ ପରେ ଡିଏଫଓ ସଞ୍ଜୀବ କୁମାର ଏସିସିଏଫଙ୍କୁ ତଦନ୍ତ ଦାୟିତ୍ୱ ଦେଇଥିଲେ। ହେଲେ ଇତି ମଧ୍ୟରେ ରିପୋର୍ଟ ଦେବାକୁ ୫ ମାସ ହେଲା ବିଳମ୍ବ ହୋଇସାରିଛି।

ପ୍ରେମୀଯୁଗଳଙ୍କ ଅତ୍ମହତ୍ୟା

ପ୍ରେମୀଯୁଗଳଙ୍କ ଅତ୍ମହତ୍ୟା

ସୋହେଲା,୧୩।୫(ଡି.ଏନ୍‌.ଏ.): ବରଗଡ଼ ଜିଲା ସୋହେଲା ଥାନା ସୀମାନ୍ତ ଗ୍ରିଂଜେଲ ଗ୍ରାମରେ ରବିବାର ଏକ ଅଭାବନୀୟ ଘଟଣା ଘଟିଛି। ମହୁଲ ଗଛରେ ଫାଶୀ ଲଗାଇ ଏକ ପ୍ରେମୀଯୁଗଳ ଆତ୍ମହତ୍ୟା କରିଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ପାନୀୟ ଜଳ ପ୍ରକଳ୍ପ ଅମୃତ ଧାରା ଅଚଳ

ପାନୀୟ ଜଳ ପ୍ରକଳ୍ପ ଅମୃତ ଧାରା ଅଚଳ

ଅତାବିରା,୧୨।୫(ଡି.ଏନ୍‌.ଏ.)- ବରଗଡ ଜିଲା ଅତାବିରା ବ୍ଲକ ଅଧୀନ ଗୋଡଭଗା-ତୁରୁମ ୫୪ ନମ୍ବର ରାଜ୍ୟ ରାଜପଥସ୍ଥିତ ଲରମ୍ଭା କଲେଜ ଛକଠାରେ ଅଞ୍ଚଳବାସୀଙ୍କ ପାନୀୟ ଜଳ ସୁବିଧା ପାଇଁ ପାନୀୟ ଜଳ ପ୍ରକଳ୍ପ ଅମୃତ ଧାରା ନିର୍ମାଣ କରାଯାଇଥିଲା। ରାସ୍ତା ଦେଇ ଯିବା ଆସିବା କରୁଥିବା ବାଟୋଇମାନେ ଶୋଷ ମେଣ୍ଟାଉଥିଲେ। ବର୍ତ୍ତମାନ ଦିନକୁ ଦିନ ତାତି ବଢ଼ିବାରେ ଲାଗିଛି। ଜନ ଜୀବନ ଅସ୍ତବ୍ୟସ୍ତ ହୋଇପଡୁଛି। ଲୋକେ ପାନୀୟଜଳ ପାଇଁ ଡହଳବିକଳ ହେଉଛନ୍ତି। କେନାଲ ପାଣି ବନ୍ଦ ହୋଇ ଗଲାଣି, ବନ୍ଧ ପୋଖରୀ କୂଅର ଜଳସ୍ତର କମିଗଲାଣି।

ବୀରମହାରାଜପୁର କଲେଜରେ ଡିଗ୍ରୀ ସାର୍ଟିଫିକେଟ୍‌ ବଣ୍ଟନ ଉତ୍ସବ

ବୀରମହାରାଜପୁର,୧୨। ୫(ଡି.ଏନ୍‌.ଏ)- ରାଜ୍ୟ ସରକାରଙ୍କ ଉଚ୍ଚ ଶିକ୍ଷା ବିଭାଗର ନୂତନ ବ୍ୟବସ୍ଥା ଅନୁଯାୟୀ ସମ୍ବଲପୁର ବିଶ୍ୱ ବିଦ୍ୟାଳୟ ଅଧୀନ ବୀରମହାରାଜପୁର କଲେଜରେ ଶନିବାର ଡିଗ୍ରୀ ସାର୍ଟିଫିକେଟ ପ୍ରଦାନ ଉତ୍ସବ ଅନୁଷ୍ଠିତ ହୋଇଯାଇଛି। ୨୦୧୩ରୁ ୨୦୧୭ ମଧ୍ୟରେ କଲେଜରୁ ଉତ୍ତିର୍ଣ୍ଣ ହୋଇଥିବା ସ୍ନାତକ ଛାତ୍ରୀଛାତ୍ରଙ୍କ ମଧ୍ୟରୁ ୧୦୦ଜଣଙ୍କୁ ସାର୍ଟିଫିକେଟ ବଣ୍ଟନ କରାଯାଇଥିଲା। ଏହି ଉପଲକ୍ଷେ ଭାରପ୍ରାପ୍ତ ଅଧ୍ୟକ୍ଷ ହୃଷୀକେଶ ପ୍ରଧାନଙ୍କ ସଭାପତିତ୍ୱରେ ଆୟୋଜିତ ସ୍ବତନ୍ତ୍ର ସମାରୋହରେ ସୁବର୍ଣ୍ଣପୁର ଜିଲା ଉଚ୍ଚଶିକ୍ଷା ପରାମର୍ଶ ଦାତା(ଡିଏଲସି) ଡ. ପ୍ରଫୁଲ୍ଲ କୁମାର ରଥ ମୁଖ୍ୟଅତିଥି ଭାବରେ ଯୋଗଦେଇ ପୁରାତନ ଛାତ୍ରୀଛାତ୍ରମାନଙ୍କୁ ଉଦ୍‌ବୋଧନ ଦେଇଥିଲେ।