ସମ୍ବଲପୁର

କ୍ଷତିପୂରଣ ଦାବି କଲେ ଚାଷୀ

କ୍ଷତିପୂରଣ ଦାବି କଲେ ଚାଷୀ

ବରଗଡ଼ ଅଫିସ୍‌,୩୦।୧୦: ବରଗଡ଼ ଜିଲା ଅଣଜଳସେଚିତ ପଦ୍ମପୁର ଉପଖଣ୍ଡ ପାଇକମାଳ ବ୍ଲକ ଛିନ୍ଦେଇକେଲାରେ ସ୍ବଳ୍ପ ବୃଷ୍ଟିପାତ ଏବଂ ଚକଡ଼ା ରୋଗପୋକ ଉପଦ୍ରବ ଯୋଗୁ ଧାନ ଫସଲ ସମ୍ପୂର୍ଣ୍ଣ ଉଜୁଡ଼ି ଯାଇଥିବା ଚାଷୀମାନେ ଅଭିଯୋଗ କରିଛନ୍ତି ।

ଜିଲାପାଳ ଅଫିସ ଆଗରେ ଧାରଣା

ଜିଲାପାଳ ଅଫିସ ଆଗରେ ଧାରଣା

ବରଗଡ଼ ଅଫିସ୍‌,୩୦।୧୦: ବରଗଡ଼ ଜିଲା ଭଟଲି ବ୍ଲକ ଅନ୍ତର୍ଗତ ବଉଲସିଂହାଠାରେ ନିର୍ମାଣାଧୀନ ଇଥାନଲ ପ୍ଲାଣ୍ଟରେ ନିୟୋଜିତ ଶ୍ରମିକଙ୍କୁ ସମ୍ପୃକ୍ତ ଠିକାସଂସ୍ଥା ଶୋଷଣ କରୁଥିବା ଅଭିଯୋଗ ହୋଇଛି ।

ଘରୋଇ ସଂସ୍ଥା ଠକିନେଲା ୪୦ଲକ୍ଷ

ଘରୋଇ ସଂସ୍ଥା ଠକିନେଲା ୪୦ଲକ୍ଷ

ବରଗଡ଼ ଅଫିସ୍‌,୩୦।୧୦: ବରଗଡ଼ ଜିଲାରେ ଅନେକ ଚାଷୀ ସମ୍ବଲପୁର ଜିଲା ହାତୀବାରିରେ ଥିବା ଏକ ଘରୋଇ ଦୁଗ୍ଧ ଉତ୍ପାଦନ ସଂସ୍ଥାର ଠକାମିରେ ପଡ଼ିଥିବା ଅଭିଯୋଗ ହୋଇଛି। 

ଝାରବନ୍ଧ ପରେ କଳିଆକୁଣ୍ଡଲରେ କିଡ୍‌ନୀ ରୋଗ ଆତଙ୍କ

ଝାରବନ୍ଧ ପରେ କଳିଆକୁଣ୍ଡଲରେ କିଡ୍‌ନୀ ରୋଗ ଆତଙ୍କ

ଜୁନାଗଡ,୩୦।୧୦(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକ ଚିଙ୍ଗୁଡିସର ପଞ୍ଚାୟତ ଝାରବନ୍ଧ ଗ୍ରାମରେ କିଡନୀ ରୋଗ ପରେ ଏବେ ବ୍ଲକର କଳିଆକୁଣ୍ଡଲ ସତନାମିପଡାରେ ମଧ୍ୟ ସେହି ରୋଗର ଆତଙ୍କ ଦେଖିବାକୁ ମିଳିଛି। 

ସହର ଭିତରକୁ ପଶିଲା ଭାରୀଯାନ, ଆକ୍ସନ କମିଟିର ବିକ୍ଷୋଭ

ସହର ଭିତରକୁ ପଶିଲା ଭାରୀଯାନ, ଆକ୍ସନ କମିଟିର ବିକ୍ଷୋଭ

ବଲାଙ୍ଗୀର ଅଫିସ, ୩୦।୧୦: ବଲାଙ୍ଗୀର ସହରରେ ବାଇପାସ୍‌ ରାସ୍ତା ନ ଥିବାରୁ ଦୁର୍ଘଟଣା ଏଡାଇବା ପାଇଁ ସକାଳ ୮ଟା ଠାରୁ ରାତି ୧୦ଟା ପର୍ଯ୍ୟନ୍ତ ସହର ଭିତରେ ଭାରୀଯାନ ଚଳାଚଳ ଉପରେ ଅଙ୍କୁଶ ଲଗାଯାଇଛି ।

୨ ହଜାର ହେକ୍ଟର ଜମିରେ ବ୍ୟାପକ କ୍ଷୟକ୍ଷତି

୨ ହଜାର ହେକ୍ଟର ଜମିରେ ବ୍ୟାପକ କ୍ଷୟକ୍ଷତି

କେସିଙ୍ଗା,୩୦।୧୦(ଡି.ଏନ.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକରେ ମାଟିଆଗୁଣ୍ଡି ପୋକ ବ୍ୟାପକ ଭାବେ ବ୍ୟପୁଛି । ଏଥିଯୋଗୁ ବ୍ଲକର ୨ ହଜାର ହେକ୍ଟରରୁ ଊର୍ଦ୍ଧ୍ୱ ଜମିରେ ଧାନ ଚାଷ ନଷ୍ଟ ହୋଇଛି ।

ଯାଦୁଖେଲ୍‌ ଦେଉଛେ ପେଟ୍‌କେ ଦାନା

ଯାଦୁଖେଲ୍‌ ଦେଉଛେ ପେଟ୍‌କେ ଦାନା

ଅତାବିରା,୩୦ା୧୦ (ଡି.ଏନ.ଏ)- ପେଟର ଲାଗି ନାଟ୍‌। କଥାରେ ଅଛେ ପେଟେ ଦାନା ପଡ଼ିଥିଲେ ସବୁ ଠିକ୍‌, ନାଇଁ ହେଲେ ବୁଧିବନା ହେଇଯାଏସି। 

ଦିବ୍ୟାଙ୍ଗ ଦମ୍ପତ୍ତିକେ ଦଇବ୍‌ ସାହା

ଦିବ୍ୟାଙ୍ଗ ଦମ୍ପତ୍ତିକେ ଦଇବ୍‌ ସାହା

ଅତାବିରା, ୩୦।୧୦ (ଡି.ଏନ.ଏ)- ଗଁ।   ଗଁଲିରେ ବାସ କରୁଥିବାର ଗରିବ୍‌ ଲୋକ୍‌ମାନକର ଲାଗି କେନ୍ଦ୍ର ଆର୍‌ ରାଏଜ୍‌ ସରକାର ଭିନେ ଭିନେ ଯୋଜ୍‌ନା କାଯ୍‌କାରି କରି କୋଟି କୋଟି ଟଁକା ଖରଚ୍‌ କରୁଛନ୍‌। ହେଲେ ବହୁତ୍‌ ଜାଗାରେ ହକ୍‌ଦାର ହିତାଧିକାରୀ ସରକାରକଁର ଇ ମହତ୍‌ ଯୋଜ୍‌ନାମାନକର ସୁଫଲ ନାଇଁ ପାଇପାରୁଥିବାର ଦେଖ୍‌ବାକେ ମିଲୁଛେ। 

ମଦ, ସଟ୍ଟାଖେଳ ବନ୍ଦ କରିବା ଦାବି: ମହିଳା ସଂଘ ପକ୍ଷରୁ ଦାବିପତ୍ର ପ୍ରଦାନ

ମଦ, ସଟ୍ଟାଖେଳ ବନ୍ଦ କରିବା ଦାବି: ମହିଳା ସଂଘ ପକ୍ଷରୁ ଦାବିପତ୍ର ପ୍ରଦାନ

କୋକସରା,୨୯।୧୦(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକରେ କାଉଡୋଳା ଗ୍ରାମରେ ଦୀର୍ଘ ଦିନରୁ ଅବାଧ ମଦକୋଠି ସହ ସଟ୍ଟାଖେଳ ଚାଲି ଆସୁଛି । ଏ ନେଇ ବିଭିନ୍ନ ସମୟରେ ଅଭିଯୋଗ ପରେ ମଧ୍ୟ ସ୍ଥାନୀୟ ପ୍ରଶାସନ ଅଣଦେଖା କରୁଛି ।

ବ୍ୟାପୁଛି ମାଟିଆଗୁଣ୍ଡି ପୋକ: ୨ ହଜାର ହେକ୍ଟର ଜମିରେ ବ୍ୟାପକ କ୍ଷୟକ୍ଷତି

ବ୍ୟାପୁଛି ମାଟିଆଗୁଣ୍ଡି ପୋକ: ୨ ହଜାର ହେକ୍ଟର ଜମିରେ ବ୍ୟାପକ କ୍ଷୟକ୍ଷତି

କେସିଙ୍ଗା,୨୯।୧୦(ଡି.ଏନ.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକରେ ମାଟିଆଗୁଣ୍ଡି ପୋକ ବ୍ୟାପକ ଭାବେ ବ୍ୟପୁଛି । ଏଥିଯୋଗୁ ବ୍ଲକର ୨ ହଜାର ହେକ୍ଟରରୁ ଊର୍ଦ୍ଧ୍ୱ ଜମିରେ ଧାନ ଚାଷ ନଷ୍ଟ ହୋଇଛି ।

ବ୍ଲକ କଂଗ୍ରେସର ଧାରଣା, ଦାବିପତ୍ର ପ୍ରଦାନ

ବ୍ଲକ କଂଗ୍ରେସର ଧାରଣା, ଦାବିପତ୍ର ପ୍ରଦାନ

କୋକସରା,୨୯।୧୦(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକରେ ବ୍ଲକରେ ମରୁଡି ଓ ଅନ୍ୟାନ୍ୟ ସମସ୍ୟା ପୂରଣ ନେଇ ସୋମବାର କୋକସରା ବ୍ଲକ କଂଗ୍ରେସ ପକ୍ଷରୁ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯିବ ସହ ଦାବିପତ୍ର ପ୍ରଦାନ କରାଯାଇଛି ।

ଜୁନାଗଡ଼ରେ ଭାଜପାର ବ୍ଲକ କାର୍ଯ୍ୟାଳୟ ଘେରାଉ : ବିଡିଓଙ୍କ ନାମଫଳକ ଭାଙ୍ଗିଲେ ଦଳୀୟ କର୍ମୀ

ଜୁନାଗଡ଼ରେ ଭାଜପାର ବ୍ଲକ କାର୍ଯ୍ୟାଳୟ ଘେରାଉ : ବିଡିଓଙ୍କ ନାମଫଳକ ଭାଙ୍ଗିଲେ ଦଳୀୟ କର୍ମୀ

ଜୁନାଗଡ,୨୯।୧୦(ଡି.ଏନ୍‌.ଏ)-
ବିଜେଡ଼ି ସରକାରଙ୍କ ପିସି ଦୁର୍ନୀତି, କଳାହାଣ୍ଡି ଜିଲା ପ୍ରତି ବୈମାତୃକ ମନୋଭାବ  ବିରୋଧରେ ସୋମବାର ଭାଜପା ପକ୍ଷରୁ ଜୁନାଗଡ ବ୍ଲକ କାର୍ଯ୍ୟାଳୟ ଘେରାଉ କରାଯାଇଛି। ଦଳୀୟ କର୍ମୀମାନେ ଲଙ୍କେଶ୍ୱରୀ ମନ୍ଦିରରୁ ଏକ ଶୋଭାଯାତ୍ରାରେ ସହର ପରିକ୍ରମା କରି ବ୍ଲକ କାର୍ଯ୍ୟାଳୟ ପରିସରକୁ ଆସିଥିଲେ। ସେଠାରେ ଜିଲାପରିଷଦ ଉପାଧ୍ୟକ୍ଷ ଭବସିନ୍ଦୁ ମଙ୍ଗରାଜଙ୍କ ନେତୃତ୍ୱରେ ଅନୁଷ୍ଠିତ ବିକ୍ଷୋଭରେ ପୂର୍ବତନ ମନ୍ତ୍ରୀ ହିମାଂଶୁ ଶେଖର ମେହେର, ପୂର୍ବତନ ବ୍ଲକ ଉପାଧ୍ୟକ୍ଷ ମନୋଜ କୁମାର ମେହେର, ବ୍ଲକ ଅଧ୍ୟକ୍ଷା ମାଝି, ଉପାଧ୍ୟକ୍ଷ ଟଙ୍କଧର ନାଏକ, ଜିଲା ସମ୍ପାଦକ ତଥା ଯୁବମୋର୍ଚ୍ଚା ପ୍ରଭାରୀ ରୁପେଶ କୁମାର ଜୈନ, ରାଜ୍ୟ ସମବାୟ ସେଲର ସଂଯୋଜକ କାଳିପ୍ରସାଦ ରାୟଗୁରୁ, ରାଜ୍ୟ କୃଷକ ମୋର୍ଚ୍ଚା ସଂଯୋଜକ ଅଜୟ ମିଶ୍ର, ଜାତୀୟ କାର୍ଯ୍ୟକାରିଣୀ ସଦସ୍ୟ ଭବେନ୍ଦ୍ର ପଣ୍ଡା, ବିଧାୟକ ପାର୍ଥୀ ଅନୀଲ କୁମାର ସିଂଦେଓ, ଜିଲାପରିଷଦ ସଭ୍ୟ କାଞ୍ଚନ ବାଗ, ଯାଜ୍ଞସିନି ମହାନନ୍ଦ, ଶର୍ମିଷ୍ଟା ମେହେର, ବରିଷ୍ଠ ସଦସ୍ୟ ଅଜୟ ପାଣିଗ୍ରାହୀ, ସତ୍ୟନାରାୟଣ ପଣ୍ଡା, ଜୁନାଗଡ ନଗର ସଭାପତି କାଳନ୍ଦ୍ରୀ ପାଣିଗ୍ରାହୀ ପ୍ରମୁଖ ଯୋଗଦେଇ ରାଜ୍ୟ ସରକାରଙ୍କ ଉଦାସୀନତା ଯୋଗୁ ଜିଲା ବିକାଶର ବହୁ ପଛରେ ରହିଥିବା ଅଭିଯୋଗ କରିଥିଲେ।

ହାଇକୋର୍ଟଙ୍କ ନିର୍ଦ୍ଦେଶ କ୍ରମେ କୋର୍ଟ କ୍ୟାମ୍ପ୍‌ ଆରମ୍ଭ : ବିଚାରାଧୀନ କଏଦୀଙ୍କ ଜାମିନ ଆବେଦନ ଉପରେ ହେବ ଶୁଣାଣି

ହାଇକୋର୍ଟଙ୍କ ନିର୍ଦ୍ଦେଶ କ୍ରମେ କୋର୍ଟ କ୍ୟାମ୍ପ୍‌ ଆରମ୍ଭ : ବିଚାରାଧୀନ କଏଦୀଙ୍କ ଜାମିନ ଆବେଦନ ଉପରେ ହେବ ଶୁଣାଣି

ସମ୍ବଲପୁର ଅଫିସ, ୨୯।୧୦(ବ୍ୟୁରୋ) : ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ୍‌ ସ୍ଥାପନ ଦାବିରେ ସମ୍ବଲପୁର ଜିଲା ଓକିଲ ସଂଘ ପକ୍ଷରୁ କାର୍ଯ୍ୟ ବନ୍ଦ ଆନ୍ଦୋଳନ ଜାରି ରହିଛି। ଓକିଲସମୂହ କୋର୍ଟ କଚେରିଠାରେ ଆନ୍ଦୋଳନରତ ରହିଛନ୍ତି। ଫଳରେ ଦୀର୍ଘଦିନ ହେଲା କୋର୍ଟ କାର୍ଯ୍ୟ ବନ୍ଦ ରହିଛି। ଦାବି  ଉପରେ ସରକାରୀସ୍ତରରେ ବିଚାର ନ ହେବା ପର୍ଯ୍ୟନ୍ତ ଆନ୍ଦୋଳନ ଅବ୍ୟାହତ ରଖିବାକୁ ଓକିଲମାନେ ଜିଦ୍‌ରେ ଅଟଳ ରହିଛନ୍ତି।

ଶୁଣିଲା ନାହିଁ ପ୍ରଶାସନ, ରାସ୍ତା ସଫା କଲେ ଗ୍ରାମବାସୀ

ଶୁଣିଲା ନାହିଁ ପ୍ରଶାସନ, ରାସ୍ତା ସଫା କଲେ ଗ୍ରାମବାସୀ

ଧମା,୨୯।୧୦(ଡି.ଏନ.ଏ) 
ସମ୍ବଲପୁର ଜିଲା ମାନେଶ୍ୱର ବ୍ଲକ ବତେମୁରାରୁ ବଦୁଆପାଲି ଗ୍ରାମକୁ ଯାଇଥିବା ୫ କିମି ଆରଡି ରାସ୍ତାର ଉଭୟ ପାର୍ଶ୍ୱରେ ଅନାବନା ଗଛଲତା, ଘାସ, ତସୁ  ଯୋଗୁ ଛୋଟବଡ଼ ଦୁର୍ଘଟଣା ହେଉଥିଲା। ବିଗତ ୮ଦିନ ମଧ୍ୟରେ ୪ ପୃଥକ ଦୁର୍ଘଟଣାରେ ଜଣଙ୍କ ଗୋଡ ଭାଙ୍ଗିଥିଲା।

କବରାପାଲିରେ ବିଜେଡିର ପଦଯାତ୍ରା

କବରାପାଲିରେ ବିଜେଡିର ପଦଯାତ୍ରା

ସମ୍ବଲପୁର,୨୯।୧୦(ବ୍ୟୁରୋ)
ସମ୍ବଲପୁର ଜିଲା ଯୁଯୁମୁରା ବ୍ଳକ କବରାପାଲି ଗ୍ରାମରେ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା ଓ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ରେଢ଼ାଖୋଲ ବିଧାୟକ ରୋହିତ ପୁଜାରୀଙ୍କ ସହ ଶତାଧିକ କର୍ମକର୍ତ୍ତା ଏଥିରେ ସାମିଲ୍‌ ହୋଇଥିଲେ। ଗ୍ରାମର ଶତାଧିକ ମହିଳା ଓ ପୁରୁଷ ସେମାନଙ୍କୁ ସ୍ବାଗତ କରିଥିଲେ। ପଦଯାତ୍ରା ଗ୍ରାମ ପରିକ୍ରମା କରିଥିଲା। ବିଧାୟକ ପୁଜାରୀ ଲୋକମାନଙ୍କ ସମସ୍ୟା ପଚାରି ବୁଝିଥିଲେ। ସମାଧାନର ପ୍ରତିଶ୍ରୁତି ଦେଇଥିଲେ। ପରେ ଯୁଯୁମୁରା ବ୍ଳକ ବିଜେଡି ସଭାପତି ବିନୋଦ ବଡ଼ପଣ୍ଡାଙ୍କ ଅଧ୍ୟକ୍ଷତାରେ ସଭା ହୋଇଥିଲା।

ଫୁଟବଲ ପଡ଼ିଆରୁ ଯୁବକଙ୍କ ମୃତଦେହ ଜବତ ଘଟଣା : ୨ ଗିରଫ, ୭ ଅଟକ, ଠେଙ୍ଗା, ଲୁହାଛଡ ଜବତ

ଫୁଟବଲ ପଡ଼ିଆରୁ ଯୁବକଙ୍କ ମୃତଦେହ ଜବତ ଘଟଣା : ୨ ଗିରଫ, ୭ ଅଟକ, ଠେଙ୍ଗା, ଲୁହାଛଡ ଜବତ

ରେଙ୍ଗାଲି, ୨୯।୧୦ (ଡି.ଏନ.ଏ.) 
ରେଙ୍ଗାଲି ବ୍ଲକ ଠେଲକୁଲି ଥାନା ଘିଚାମୁରା ପଞ୍ଚାୟତ ଗୁମୁକାରମା ଗ୍ରାମର ଫୁଟବଲ ପଡ଼ିଆରୁ ଯୁବକ ଶୁକଦେବ କିସାନ (୩୫)ଙ୍କ କ୍ଷତାକ୍ତ ମୃତଦେହ ଜବତ ଘଟଣାରେ ପୋଲିସ ୨ଜଣଙ୍କୁ ଗିରଫ କରିଥିବା ବେଳେ ୭ଜଣଙ୍କୁ ଅଟକ ରଖି ତଦନ୍ତ ଚଳାଇଛି। ମୃତକଙ୍କ ଭାଇ ସୁବାଷ କିସାନଙ୍କ ଲିଖିତ ଅଭିଯୋଗ କ୍ରମେ  ଥାନାରେ ଏକ ହତ୍ୟା ମାମଲା (ନଂ.୧୩୮/୧୮) ରୁଜୁ ହୋଇଛି। ଗିରଫ ଅଭିଯୁକ୍ତଦ୍ୱୟ ହେଲେ ନେହେରୁ କିସାନ, ଭୁଷ୍କା କିସାନ। 

ବଳମରେ କବାଡି ଟୁର୍ନାମେଣ୍ଟ, ଭିତରପଦ ଚାମ୍ପିୟନ

ବଳମରେ କବାଡି ଟୁର୍ନାମେଣ୍ଟ, ଭିତରପଦ ଚାମ୍ପିୟନ

ନାକଟିଦେଉଳ,୨୯।୧୦(ଡି.ଏନ.ଏ) 
ସମ୍ବଲପୁର ଜିଲା ନାକଟିଦେଉଳ ବ୍ଲକ ବଳମ ଗ୍ରାମର ୟଙ୍ଗଷ୍ଟାର ଯୁବକ ସଂଘର ଆନୁକୂଲ୍ୟରେ ସ୍ଥାନୀୟ ଖେଳପଡ଼ିଆଠାରେ ରବିବାର ଏକଦିବସୀୟ କବାଡ଼ି ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି। ଟୁର୍ନାମେଣ୍ଟରେ ସମୁଦାୟ ୮ କବାଡି ଦଳ ଅଂଶଗ୍ରହଣ କରିଥିଲେ। ଫାଇନାଲ ମ୍ୟାଚ ଭିତରପଦ ଏବଂ କାଦୋପଡା ମଧ୍ୟରେ ହୋଇଥିଲା। ଭିତରପଦ ୨୧ ପଏଣ୍ଟରେ କାଦୋପଡାକୁ ହରାଇ ଚାମ୍ପିୟନ ହୋଇଛି।

ଭେକଲ ମେମୋରିଆଲ ଏକଦିବସୀୟ ଫୁଟବଲ :  ଦେଓଗାଁ ରନର୍ସଅପ୍‌, ବାଲପୁର ଚାମ୍ପିୟନ

ଭେକଲ ମେମୋରିଆଲ ଏକଦିବସୀୟ ଫୁଟବଲ : ଦେଓଗାଁ ରନର୍ସଅପ୍‌, ବାଲପୁର ଚାମ୍ପିୟନ

ଧମା,୨୯।୧୦(ଡି.ଏନ.ଏ.) 
ମାନେଶ୍ୱର ବ୍ଳକ ଦେଓଗାଁର ଖେଳପ୍ରେମୀ ସ୍ବର୍ଗତ ଭେକଲ ଭୋଇଙ୍କ ସ୍ମୃତିରେ ପଞ୍ଚମଥର ପାଇଁ ଦେଓଗାଁ ମା’ ଝାଡେଶ୍ୱରୀ କ୍ଲବ ଆନୁକୂଲ୍ୟରେ ଏକଦିବସୀୟ ଫୁଟବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ମହାନଦୀ ତଟସ୍ଥ ଖେଳପଡ଼ିଆରେ ଆୟୋଜିତ ଓ ରାଜେନ୍ଦ୍ର ଭୋଇଙ୍କ ଦ୍ୱାରା ପରିଚାଳିତ ଏହି ପ୍ରତିଯୋଗିତାରେ ଦେଓଗାଁ, ଖଇରମାଲ, ଡାଲବ, ବାଲପୁର, ଭରୋ, ଧମା, ଲହଣ୍ଡା ଓ ସିନ୍ଦୁରପଙ୍କ ସମୁଦାୟ ୮ ଦଳ ଅଂଶଗ୍ରହଣ କରିଥିଲେ। ସେମି ଫାଇନାଲ ଖେଳ ବାଲପୁର ଓ ଧମା, ଦେଓଗାଁ ଓ ଲହଣ୍ଡା ମଧ୍ୟରେ ହୋଇଥିଲା। ଫାଇନାଲ୍‌ ଖେଳ ସମୟସୀମା ମଧ୍ୟରେ ଅମୀମାଂଶିତ ରହିଥିଲା। ଟ୍ରାଇବ୍ରେକରରେ ବାଲପୁର ଧମା ଦଳକୁ ୩-୨ ଗୋଲରେ ହରାଇ ଚାମ୍ପିୟନ ହୋଇଥିଲା।

ଭୀମଭୋଇ, ପଶ୍ଚିମ ଓଡ଼ିଶାର ବିଶ୍ୱସ୍ତରୀୟ ପ୍ରତିନିଧି

ଭୀମଭୋଇ, ପଶ୍ଚିମ ଓଡ଼ିଶାର ବିଶ୍ୱସ୍ତରୀୟ ପ୍ରତିନିଧି

ସମ୍ବଲପୁର,୨୯।୧୦(ବ୍ୟୁରୋ)- 
ଝରଣା ପାଣି ଓ ତୋରାଣି ପିଇ ସନ୍ଥ କବି ଭୀମଭୋଇ ପଶ୍ଚିମ ଓଡ଼ିଶାର ଐତିହ୍ୟ, ଭାଷା, ସାହିତ୍ୟ ଓ ସଂସ୍କୃତିକୁ ବିଶ୍ୱସ୍ତରରେ ପରିଚିତ କରାଇଛନ୍ତି। ତେଣୁ ସେ ବିଶ୍ୱସ୍ତରୀୟ  ପ୍ରତିନିଧି ହୋଇପାରିଛନ୍ତି। ସେତୁ ଆୟୋଜିତ ଊନବିଂଶ ପ୍ରଫେସର ଘନଶ୍ୟାମ ଦାଶ ବକୃତାମାଳାରେ ମୁଖ୍ୟ ବକ୍ତା ପ୍ରଫେସର ପବିତ୍ର ମୋହନ ନାୟକ ଏହା କହିଛନ୍ତି।

ବଙ୍ଗୀୟ ପରିଷଦର ବିଜୟା ସମ୍ମିଳନୀ

ବଙ୍ଗୀୟ ପରିଷଦର ବିଜୟା ସମ୍ମିଳନୀ

ସମ୍ବଲପୁର,୨୯।୧୦(ବ୍ୟୁରୋ) 
ସମ୍ବଲପୁର ବଙ୍ଗୀୟ ପରିଷଦର ବିଜୟା ସମ୍ମିଳନୀ ରବିବାର ରୋଟାରୀ କ୍ଲବଠାରେ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ସଭାପତି ଅଶୋକ ବକ୍ସିଙ୍କ ଅଧ୍ୟକ୍ଷତା ଓ ସମ୍ପାଦିକା ସୁତାପ୍ତା ମିତ୍ରଙ୍କ ପରିଚାଳନାରେ କାର୍ଯ୍ୟକ୍ରମ ହୋଇଥିଲା। ଇଷ୍ଟ୍‌କୋଷ୍ଟ ରେଲୱେ ସହାୟକ ବାଣିଜ୍ୟ ପ୍ରବନ୍ଧକ ଗୁରୁଦାସ ସରକାର ମୁଖ୍ୟ ଅତିଥି, ଜିଲା ମୁଖ୍ୟ ଚିକିତ୍ସାଧିକାରୀ ଡା. କଲ୍ୟାଣ କୁମାର ଗୁପ୍ତା, ଡା. କାଞ୍ଚନ ରାୟ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। 

ଉପସ୍ଥାନକୁ ନେଇ ଉତ୍ତେଜନା, ଜିଏମୟୁରେ ଛାତ୍ର ଆନ୍ଦୋଳନ

ଉପସ୍ଥାନକୁ ନେଇ ଉତ୍ତେଜନା, ଜିଏମୟୁରେ ଛାତ୍ର ଆନ୍ଦୋଳନ

ସମ୍ବଲପୁର,୨୯।୧୦(ବ୍ୟୁରୋ) 
ନଭେମ୍ବର ୧୨ ତାରିଖରୁ ଗଙ୍ଗାଧର ମେହେର ବିଶ୍ୱବିଦ୍ୟାଳୟ (ଜିଏମୟୁ)ରେ ସମସ୍ତ ସେମିଷ୍ଟାର ପରୀକ୍ଷା ହେବ। ସରକାରୀ ନିୟମାନୁସାରେ କଲେଜ କର୍ତ୍ତୃପକ୍ଷ ୭୫ ପ୍ରତିଶତ ଉପସ୍ଥାନ ଥିବା ଛାତ୍ରୀଛାତ୍ର ପରୀକ୍ଷା ଦେଇପାରିବେ ବୋଲି ସ୍ପଷ୍ଟ କରିଛନ୍ତି। ସେହିପରି ୬୦ ଓ ୬୫ ପ୍ରତିଶତ ଉପସ୍ଥାନ ଥିବା ଛାତ୍ରୀଛାତ୍ରମାନେ ଡାକ୍ତରୀ ସାର୍ଟିଫିକେଟ ଜମା କରିବାକୁ କୁହାଯାଇଛି। ଏହାକୁ ନେଇ ଉତ୍ତେଜନା ପ୍ରକାଶ ପାଇଛି।

ଧର୍ମଜାଗରଣ ପଦଯାତ୍ରାରେ ବାହାରିଥିବା ସନ୍ଥଙ୍କୁ ଭବ୍ୟ ସ୍ବାଗତ

ଧର୍ମଜାଗରଣ ପଦଯାତ୍ରାରେ ବାହାରିଥିବା ସନ୍ଥଙ୍କୁ ଭବ୍ୟ ସ୍ବାଗତ

ଦେଓଗାଁ,୨୯।୧୦(ଡି.ଏନ.ଏ)
ଭାରତକୁ ବିଶ୍ୱଗୁରୁର ରୂପ ଦେବା ତଥା ସ୍ବର୍ଗତ ଲକ୍ଷ୍ମଣାନନ୍ଦ ସରସ୍ବତୀଙ୍କ ସ୍ବପ୍ନକୁ ସାକାର କରିବା ଉଦ୍ଦେଶ୍ୟରେ ଜଲେସପଟା ଆଶ୍ରମରୁ ଗତ ଜୁନ ୧ ତାରିଖରୁ ବାହାରିଥିତ୍ବା ଧର୍ମଜାଗରଣ ପଦଯାତ୍ରାକୁ ବଲାଙ୍ଗୀର ଜିଲା ଦେଓଗାଁ ବ୍ଲକ ଜରାସିଂହା, ଦେଓଗାଁ ଓ ଗାଇବାହାଲଠାରେ ରବିବାର ସନ୍ଧ୍ୟାରେ ସ୍ବାଗତ କରାଯାଇଛି।  ଏହି ଅବସରରେ ପଦଯାତ୍ରାରେ ସାମିଲ୍‌ ବିଶ୍ୱ ହିନ୍ଦୁ ପରିଷଦ କେନ୍ଦ୍ରୀୟ ମାର୍ଗଦର୍ଶକ ମଣ୍ଡଳ ସଦସ୍ୟ ସନ୍ଥ ସ୍ବାମୀ ଜୀବନମୁକ୍ତାନନ୍ଦଙ୍କୁ ସମ୍ବର୍ଦ୍ଧିତ କରାଯାଇଥିଲା। ଜରାସିଂହା ବଜରଙ୍ଗ ଦଳ ପକ୍ଷରୁ ଏ ନେଇ ହନୁମାନ ମନ୍ଦିର ପରିସରରେ ପ୍ରବଚନ କାର୍ଯ୍ୟକ୍ରମ ହୋଇଥିଲା।

ସ୍ବାଧୀନତା ସଂଗ୍ରାମୀ ସ୍ମୃତି ଭବନଠାରେ ପୁସ୍ତକ ଉନ୍ମୋଚନ ଉତ୍ସବ

ସ୍ବାଧୀନତା ସଂଗ୍ରାମୀ ସ୍ମୃତି ଭବନଠାରେ ପୁସ୍ତକ ଉନ୍ମୋଚନ ଉତ୍ସବ

ସମ୍ବଲପୁର,୨୯।୧୦(ବ୍ୟୁରୋ) 
ପରିବେଶବିତ୍‌ ଦୁର୍ଗାପ୍ରସାଦ ନାଥଙ୍କ ରଚିତ ତିନୋଟି ପୁସ୍ତକର ଲୋକାର୍ପଣ  ଉତ୍ସବ ସ୍ବାଧୀନତା ସଂଗ୍ରାମୀ ସ୍ମୃତି ଭବନଠାରେ ଅନୁଷ୍ଠିତ ହୋଇଯାଇଛି। ଶ୍ରୀ ଜଗନ୍ନାଥ ସଂସ୍କୃତି ଓ ପରିକ୍ରମା, ବିବିଧ ପ୍ରବନ୍ଧ ଏବଂ କବିତା ସମାହାର ପୁସ୍ତକକୁ ଅତିଥିମାନେ ଉନ୍ମୋଚନ କରିଥିଲେ। ସାମାଜିକ କର୍ମୀ ଭାଗବତ ପ୍ରସାଦ ନନ୍ଦଙ୍କ ଅଧ୍ୟକ୍ଷତା ଏବଂ ସ୍ତମ୍ଭକାର ଶିବ ପ୍ରସାଦ ତ୍ରିପାଠୀଙ୍କ ସଂଯୋଜନାରେ ଉତ୍ସବ ହୋଇଥିଲା।

ଜିଲା ଶିକ୍ଷା ଅଫିସରେ ଆମ ସ୍ବର କାର୍ଯ୍ୟକ୍ରମ : ସାମାଜିକ ସୁରକ୍ଷା ଉପରେ ଛାତ୍ରୀଛାତ୍ର ମତ ରଖିଲେ

ଜିଲା ଶିକ୍ଷା ଅଫିସରେ ଆମ ସ୍ବର କାର୍ଯ୍ୟକ୍ରମ : ସାମାଜିକ ସୁରକ୍ଷା ଉପରେ ଛାତ୍ରୀଛାତ୍ର ମତ ରଖିଲେ

ସମ୍ବଲପୁର, ୨୯।୧୦ (ବ୍ୟୁରୋ)- ସମାଜର ସମସ୍ୟା ସମ୍ପର୍କରେ ଲେଖିବା ଓ କହିବାର ଆବଶ୍ୟକତାକୁ ଦୃଷ୍ଟିରେ ରଖି ସମ୍ବଲପୁର ଜିଲା ଶିକ୍ଷା ଅଫିସ ସଭା କକ୍ଷରେ ଓଡ଼ିଆ ମାଧ୍ୟମ ସ୍କୁଲର ଛାତ୍ରୀଛାତ୍ରମାନଙ୍କୁ ନେଇ ‘ଆମ ସ୍ବର’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ସାମାଜିକ ସୁରକ୍ଷା ଉପରେ ଛାତ୍ରୀଛାତ୍ରମାନେ ସେମାନଙ୍କ ବିଚାରଧାରା ବ୍ୟକ୍ତ କରିଥିଲେ। ଜିଲାପାଳ ସମର୍ଥ ବର୍ମା କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ପ୍ରତି ସ୍କୁଲରେ ଏହା ହେବା ଦରକାର ବୋଲି କହିଥିଲେ। ମୁଖ୍ୟ ଅତିଥି ସମ୍ବଲପୁର ବିଶ୍ୱବିଦ୍ୟାଳୟ କୁଳପତି ପ୍ରଫେସର ଦୀପକ ବେହେରା ସୂଚାଇଥିଲେ ଯେ, ପିଲାମାନଙ୍କ ମଧ୍ୟରେ ଛଳନା ନ ଥାଏ। ଏଣୁ ସେମାନେ ସ୍ପଷ୍ଟ ଓ ନିର୍ଭୀକ ଭାବେ ନିଜସ୍ବ ମତ ରଖିପାରିବେ। ଏହାଦ୍ୱାରା ବୟସ୍କମାନେ ଚେତିପାରିବେ। ଜିଲା ଶିକ୍ଷା ଅଧିକାରୀ ଡ. ପ୍ରମୋଦ କୁମାର ପଣ୍ଡା ସ୍ବାଗତ ଭାଷଣ ଓ କାର୍ଯ୍ୟକ୍ରମ ସମ୍ପର୍କରେ ଅବଗତ କରିଥିଲେ। ସର୍ବଶିକ୍ଷା ଅଭିଯାନ ଜିଲା ପ୍ରକଳ୍ପ ସଂଯୋଜିକା କଳ୍ପନା ପଣ୍ଡା ଧନ୍ୟବାଦ ଦେଇଥିଲେ। ବୁଢ଼ାରଜା ନୋଡାଲ ହାଇସ୍କୁଲର ଛାତ୍ରୀମାନେ ସ୍ବାଗତ ସଙ୍ଗୀତ ଗାନ କରିଥିଲେ। ଜିଲାର ବିଭିନ୍ନ ହାଇସ୍କୁଲରୁ ୩୮ ଛାତ୍ରୀଛାତ୍ର ଉପସ୍ଥିତ ରହିଥିଲେ। ସେମାନଙ୍କ ମଧ୍ୟରୁ ନୈତିକତାର ଅବକ୍ଷୟ ବିକାଶରେ ଅନ୍ତରାୟ ପ୍ରସଙ୍ଗରେ ବାଲିବନ୍ଧା ସରକାରୀ ଗାଲର୍‌ସ ହାଇସ୍କୁଲର ବର୍ଷାରାଣୀ ଶତପଥି, କେଜିଏମଏନ ସରକାରୀ ହାଇସ୍କୁଲର ଦେବେଶ କୁମାର ସାହୁ, ମହୁଲପାଲି ହାଇସ୍କୁଲର ଗୁଞ୍ଜନ ଦାଶ, ଗଡ଼ପୋଷ ସରକାରୀ ଏସଏସଡି ଗାଲର୍‌ସ ହାଇସ୍କୁଲର ଚନ୍ଦ୍ରିକା ଲାକ୍ରା, ବାମରା ହାଇସ୍କୁଲର ବୋଧାୟନ ମହାପାତ୍ର ୫ ଜଣଙ୍କୁ ତଥ୍ୟ ରଖିବାକୁ ଚୟନ କରାଯାଇଥିଲା ।