ସମ୍ବଲପୁର

ଡିଆଇଇଟିରେ ସମୂହ ସଫେଇ

ଡିଆଇଇଟିରେ ସମୂହ ସଫେଇ

ସମ୍ବଲପୁର,୮।୧୦(ବ୍ୟୁରୋ)
ସମ୍ବଲପୁର ଅଇଁଠାପାଲିସ୍ଥିତ ଜିଲା ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନ(ଡିଆଇଇଟି)ଠାରେ ରବିବାର ସମୂହ ସଫେଇ କାର୍ଯ୍ୟକ୍ରମ କରାଯାଇଛି। ନ୍ୟାଶନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଓପନ୍‌ ସ୍କୁଲିଂ ଅଧୀନ ଡିପ୍ଲୋମା ଏଲିମେଣ୍ଟାରୀ ଏଜୁକେଶନ ପାଠ୍ୟକ୍ରମଭୁକ୍ତ ପ୍ରାୟ ୨ଶହ ଅଣ ତାଲିମପ୍ରାପ୍ତ ବେସରକାରୀ ଶିକ୍ଷୟତ୍ରୀ, ଶିକ୍ଷକ ଏଥିରେ ସାମିଲ ହୋଇଥିଲେ। ଅଧ୍ୟକ୍ଷା ଡ.ଗୀତାଞ୍ଜଳୀ ଭୋଇଙ୍କ ପରିଚାଳନାରେ କାର୍ଯ୍ୟକ୍ରମ ହୋଇଥିଲା।

ଭ୍ରଷ୍ଟାଚାର ବିରୋଧୀ ନାଟକ ମଞ୍ଚସ୍ଥ

ଭ୍ରଷ୍ଟାଚାର ବିରୋଧୀ ନାଟକ ମଞ୍ଚସ୍ଥ

ସମ୍ବଲପୁର,୮।୧୦(ବ୍ୟୁରୋ): ସମ୍ବଲପୁର ଅଦୃଶ୍ୟ ନାଟ୍ୟ ଆଶ୍ରମ ପକ୍ଷରୁ ପୁରୀଠାରେ ଭ୍ରଷ୍ଟାଚାର ବିରୋଧୀ ସଚେତନଧର୍ମୀ ହଲୱା ନାଟକ ମଞ୍ଚସ୍ଥ ହୋଇଛି। ରମାଶୀଷ ତ୍ରିପାଠୀଙ୍କ ରଚନା ଓ ଅସିତ୍‌ କୁମାର ଶତପଥିଙ୍କ ନିର୍ଦ୍ଦେଶନାରେ ଗିରିଜା ଶଙ୍କର ମିଶ୍ର ସଙ୍ଗୀତ ପରିଚାଳନା ଓ ପ୍ଲାବନ ମିଶ୍ର ଆଲୋକର ଫୋକସ୍‌ ସମ୍ପାଦନା କରିଥିଲେ।

ମଦ ବିରୋଧୀ ମହିଳା ସମାବେଶ

ମଦ ବିରୋଧୀ ମହିଳା ସମାବେଶ

ନାକଟିଦେଉଳ,୮।୧୦(ଡି.ଏନ.ଏ.)  ସମ୍ବଲପୁର ଜିଲା ନାକଟିଦେଉଳ ବ୍ଲକ ମାଓବାଦୀ ପ୍ରଭାବିତ ଆଦିବାସୀବହୁଳ କିସିଣ୍ଡା ଓ ଗିରିଶ୍ଚନ୍ଦ୍ରପୁର ଗ୍ରାମପଞ୍ଚାୟତରେ ରବିବାର ମଦ ବିରୋଧୀ ମହିଳା ସମାବେଶ ହୋଇଥିଲା। ରେଢ଼ାଖୋଲ ଉପଖଣ୍ଡକୁ ସମ୍ପୂର୍ଣ୍ଣ ମଦମୁକ୍ତ ଦାବିରେ ଉଭୟ ପଞ୍ଚାୟତର ମହିଳାମାନେ ରାଜରାସ୍ତାକୁ ଓହ୍ଲାଇଥିଲେ। ରେଢ଼ାଖୋଲ ବିକାଶ ମଞ୍ଚ ପକ୍ଷରୁ ଏ ନେଇ ଏକ ବୈଠକ କରାଯାଇଥିଲା। ବିକାଶ ମଞ୍ଚର ସଭାପତି ଲକ୍ଷ୍ମୀନାରାୟଣ ଖିଲାରୀ ଏଥିରେ ଅଧ୍ୟକ୍ଷତା କରିଥିଲେ।

ଜାତୀୟ ଚିତ୍ରାଙ୍କନ ପ୍ରତିଯୋଗିତା

ଜାତୀୟ ଚିତ୍ରାଙ୍କନ ପ୍ରତିଯୋଗିତା

ସମ୍ବଲପୁର,୮।୧୦(ବ୍ୟୁରୋ) 
ରାଜ୍ୟ ଶିଶୁ କଲ୍ୟାଣ ପରିଷଦ ପକ୍ଷରୁ ଜାତୀୟ ଚିତ୍ରାଙ୍କନ ପ୍ରତିଯୋଗିତା ରବିବାର ବୁଢ଼ାରଜା ନୋଡ଼ାଲ ହାଇସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି। ସମ୍ବଲପୁର ଜିଲା ଶିଶୁ ସୁରକ୍ଷା ବିଭାଗ ପରିଚାଳନାରେ ହୋଇଥିବା ଚିତ୍ରାଙ୍କନରେ ନାଲି, ସବୁଜ, ଧଳା ଓ ହଳଦିଆ ବର୍ଗରେ ପ୍ରତିଯୋଗୀମାନେ ଭାଗ ନେଇଥିଲେ। ଧଳା ବର୍ଗରେ ଜ୍ୟୋତିରାଦିତ୍ୟ ମହାନ୍ତି ପ୍ରଥମ, ସ୍ବାଗତ ଖାଖା ଦ୍ୱିତୀୟ, ପୂର୍ଣ୍ଣିମା ବାଘ ତୃତୀୟ ସ୍ଥାନ ଅଧିକାର କରିଥିଲେ।

ବିଜୁ ଯୁବ ବାହିନୀ ଆୟୋଜିତ ଗ୍ରାମୀଣ ଫୁଟବଲ ଟୁର୍ନାମେଣ୍ଟ

ବିଜୁ ଯୁବ ବାହିନୀ ଆୟୋଜିତ ଗ୍ରାମୀଣ ଫୁଟବଲ ଟୁର୍ନାମେଣ୍ଟ

ବୀରମହାରାଜପୁର,୮।୧୦(ଡି.ଏନ.ଏ.)
ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ବିଜୁ ଯୁବ ବାହିନୀ ଆନୁକୂଲ୍ୟରେ ଏକ ଗ୍ରାମୀଣ ଫୁଟବଲ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି। ହିଲୁଙ୍ଗ ଗ୍ରାମ ପଞ୍ଚାୟତସ୍ତରୀୟ ଏହି ଏକ ଦିବସୀୟ ଟୁର୍ନାମେଣ୍ଟ ସ୍ଥାନୀୟ ଲାତୁରପେଟ ଖେଳପଡ଼ିଆରେ ରବିବାର ହୋଇଥିଲା। ଏଥିରେ ୬ ଗ୍ରାମୀଣ ଫୁଟବଲ ଟିମ ଭାଗ ନେଇଥିଲେ। ଫାଇନାଲ ମ୍ୟାଚରେ ହିଲୁଙ୍ଗ ଦଳ ବିଜୟୀ ହୋଇଥିଲା।

ଗଡ଼ପୋଷରେ ସ୍ବଚ୍ଛ ଭାରତ ଅଭିଯାନ

ଗଡ଼ପୋଷରେ ସ୍ବଚ୍ଛ ଭାରତ ଅଭିଯାନ

ବାମରା,୮।୧୦(ସ୍ବ.ପ୍ର)
ବାମରା ବ୍ଳକ୍‌ ଗଡ଼ପୋଷରେ ସ୍ବଚ୍ଛ ଭାରତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବରିଷ୍ଠ ନାଗରିକ ମଞ୍ଚ ଗଡ଼ପୋଷର ଆହ୍ବାନ କ୍ରମେ ସ୍ଥାନୀୟ ଯୁବଗୋଷ୍ଠୀ, ମହିଳା ସମିତି ଓ ସ୍ବେଚ୍ଛାସେବୀମାନେ ସାପ୍ତାହିକ ହାଟରେ ଏକଜୁଟ ହୋଇ ସ୍ବଚ୍ଛତା ଉପରେ ସଚେତନ ସଭା କରିଥିଲେ। ମଞ୍ଚର ସଭାପତି ଉମେଶ ଚନ୍ଦ୍ର ନାଏକଙ୍କ ସଭାପତିତ୍ୱରେ ସାଧାରଣ ସମ୍ପାଦକ ସରୋଜ କୁମାର ସିହ୍ନା ମଞ୍ଚ ପରିଚାଳନା କରିଥିଲେ।

ଯୋଗ୍ୟ ହିତାଧିକାରୀଙ୍କୁ ରାଶନକାର୍ଡ ବଣ୍ଟନ

ଯୋଗ୍ୟ ହିତାଧିକାରୀଙ୍କୁ ରାଶନକାର୍ଡ ବଣ୍ଟନ

ଜୁନାଗଡ଼,୮।୧୦(ସ୍ବ.ପ୍ର)
ଜାତୀୟ ଖାଦ୍ୟ ସୁରକ୍ଷା ଆଇନରୁ ବଞ୍ଚତ୍ତ କଳାହାଣ୍ଡି ଜିଲା ଜୁନାଗଡ ବ୍ଲକ ଓ ଏନଏସିର ପ୍ରାୟ ୭ ହଜାର ଯୋଗ୍ୟ ହିତାଧିକାରୀଙ୍କୁ ଚିହ୍ନଟ କରି ରାଜ୍ୟ ସରକାର ନିଜସ୍ବ ଖାଦ୍ୟ ସୁରକ୍ଷା ଆଇନ ବଳରେ ରାଶନ କାର୍ଡ ପ୍ରଦାନ କରିବାକୁ ପ୍ରସ୍ତୁତ ହୋଇଛନ୍ତି। ଏହି ପରିପ୍ରେକ୍ଷୀରେ ସୋମବାର ଜୁନାଗଡ଼ ନିୟନ୍ତ୍ରିତ ବଜାର କମିଟି ପରିସରରେ କାର୍ଡ ବଣ୍ଟନ କାର୍ଯ୍ୟକ୍ରମ ହୋଇଥିଲା। ରାଜ୍ୟ ସଭା ସଦସ୍ୟ ତଥା ଓଲିଉଡ ଅଭିନେତା ଅନୁଭବ ମହାନ୍ତି ମୁଖ୍ୟ  ଅତିଥି ଭାବେ ଯୋଗଦେଇ ବ୍ଲକର ୩୧୯ ଓ ବିଜ୍ଞାପିତ ଅଞ୍ଚଳ ପରିଷଦର ୩୦ଜଣଙ୍କୁ ଖାଦ୍ୟ ସୁରକ୍ଷା କାର୍ଡ ପ୍ରଦାନ କରିଥିଲେ।

୩୯୯୧ ହିତାଧିକାରୀଙ୍କୁ ରାଶନ କାର୍ଡ଼ ବଣ୍ଟନ

୩୯୯୧ ହିତାଧିକାରୀଙ୍କୁ ରାଶନ କାର୍ଡ଼ ବଣ୍ଟନ

ଭେଡ଼େନ,୮।୧୦(ଡ଼ି.ଏନ.ଏ.) 
ବରଗଡ଼ ଜିଲା ଭେଡ଼େନ ବ୍ଳକ ଅଫିସ ପରିସରରେ ସୋମବାର ରାଜ୍ୟ ସରକାରଙ୍କ ନିଜସ୍ବ ଖାଦ୍ୟ ସୁରକ୍ଷା ଯୋଜନାଭୁକ୍ତ ହିତାଧିକାରୀମାନଙ୍କୁ ଖାଉଟି କାର୍ଡ଼ ବଣ୍ଟନ କରାଯାଇଛି। ଭେଡ଼େନ ବିଡ଼ିଓ ମୁରଲୀଧର ନାୟକଙ୍କ ସଭାପତିତ୍ୱରେ ହୋଇଥିବା ଏହି କାର୍ଯ୍ୟକ୍ରମରେ ରାଜ୍ୟ ହସ୍ତତନ୍ତ ଓ ବୟନଶିଳ୍ପ ରାଜ୍ୟ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ ମୁଖ୍ୟ ଅତିଥି ଭାବେ ଯୋଗଦେଇ ୩୯୯୧ ହିତାଧିକାରୀଙ୍କୁ କାର୍ଡ଼ ବଣ୍ଟନ କରିଥିଲେ।

ଧବଳମୁଖୀ ବେଶରେ ମା’ ସମଲେଶ୍ୱରୀ

ଧବଳମୁଖୀ ବେଶରେ ମା’ ସମଲେଶ୍ୱରୀ

ବରଗଡ଼ ଅଫିସ୍‌,୮।୧୦-
ବରଗଡ଼ର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ୱରୀଙ୍କ ଶାରଦୀୟ ନବଦିନାତ୍ମକ ପୂଜନୋତ୍ସବ ପାଇଁ ପ୍ରସ୍ତୁତି ପର୍ବ ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି । ଏହି କ୍ରମରେ ସୋମବାର ମହାଳୟା ଅବସରରେ ମା’ ସମଲେଶ୍ୱରୀ ଧବଳମୁଖୀ ବେଶରେ ଦର୍ଶନ ଦେଇଛନ୍ତି । ଦେବୀଙ୍କୁ ଏହି ବେଶରେ ଦର୍ଶନ କଲେ ଗଙ୍ଗା ଦର୍ଶନର ସୌଭାଗ୍ୟ ପ୍ରାପ୍ତି ହୋଇ ବୋଲି ବିଶ୍ୱାସ ରହିଛି। ଏଣୁ ମନ୍ଦିର ପରିସରରେ ଶ୍ରଦ୍ଧାଳୁଙ୍କ ଗହଳି ଦେଖାଦେଇଛି।

ପାଉଁଶ ବୋଝେଇ ଭାରିଯାନ ଚଳାଚଳରେ ଅତିଷ୍ଠ ଅଞ୍ଚଳବାସୀ

ପାଉଁଶ ବୋଝେଇ ଭାରିଯାନ ଚଳାଚଳରେ ଅତିଷ୍ଠ ଅଞ୍ଚଳବାସୀ

କୋଲାବିରା,୮।୧୦(ଡି.ଏନ.ଏ.) 
କୋଲାବିରା ଦେଇ ଯାଇଥିବା ଜାତୀୟ ରାଜପଥ ନଂ ୪୯ରେ ଦୈନିକ ଶତାଧିକ ପାଉଁଶ ବୋଝେଇ ଓଭରଲୋଡ଼ ଗାଡ଼ି ଚଳାଚଳ ସମସ୍ୟା ସୃଷ୍ଟି କରିଛି। ପାଉଁଶ ଉଡ଼ି ବାୟୁ ମଣ୍ଡଳ ପ୍ରଦୂଷିତ ହେବାରେ ଲାଗିଛି। ବିଶେଷକରି କୋଲାବିରା, ସମାସିଂହା ଗ୍ରାମର ଲୋକେ ଏହାଦ୍ୱାରା ଅଧିକ ପ୍ରଭାବିତ ହେଉଛନ୍ତି। ଏକାସଙ୍ଗେ ୮ରୁ୧୦ ଭାରି ଯାନ ରାଜପଥ ପାର୍ଶ୍ୱ ଜନବସତି ମଧ୍ୟ ଦେଇ ଯାତାୟତ କରୁଥିବାରୁ ଟ୍ରାଫିକ ଅସଜଡ଼ା ହୋଇପଡ଼ିଛି।

ଅଜଗର ସାପ ଉଦ୍ଧାର

ଅଜଗର ସାପ ଉଦ୍ଧାର

ବଡ଼ଗଁ।,୮।୧୦,(ଡି.ଏନ୍‌.ଏ.) : 
ସୁନ୍ଦରଗଡ଼ ଜିଲା ବଡ଼ଗଁ। ନିକଟ କିଞ୍ଜିରକେଲା ଗ୍ରାମରେ ସୋମବାର ପୂର୍ବାହ୍ନରେ ଜଣେ ବ୍ୟକ୍ତି ଏକ ୪ ଫୁଟ ଲମ୍ବର ଅଜଗର ସାପ ଧରି ବିଭିନ୍ନ ପଡ଼ାରେ ଲୋକଙ୍କୁ ଦେଖାଉଥିବା ସୂଚନା ପାଇ ଫରେଷ୍ଟ ଗାର୍ଡ ଜୟ ନାରାୟଣ ପ୍ରଧାନ, ବନ କର୍ମଚାରୀ କ୍ଷୀରୋଦ ନାଏକ, ଜନ୍ମଜୟ ବାଗ୍‌, ଅନିମେଶ ଷଡ଼ଙ୍ଗୀ ଘଟଣାସ୍ଥଳରେ ପହଞ୍ଚି ସାପକୁ ଉଦ୍ଧାର କରିଥିଲେ।

କଂଗ୍ରେସର ଜୋନସ୍ତରୀୟ କର୍ମକର୍ତ୍ତା ସମ୍ମିଳନୀ

କଂଗ୍ରେସର ଜୋନସ୍ତରୀୟ କର୍ମକର୍ତ୍ତା ସମ୍ମିଳନୀ

ବଲାଙ୍ଗୀର,୮।୧୦,(ଡି.ଏନ୍‌.ଏ.) : 
ବଲାଙ୍ଗୀର ଜିଲା ଲୋଇସିଂହା ନିର୍ବାଚନ ମଣ୍ଡଳୀର ତିନୋଟି ବ୍ଲକ ଆଗଲପୁର, ଲୋଇସିଂହା, ପୁଇଁନ୍ତଲା ବ୍ଲକର ସକ୍ରିୟ କଂଗ୍ରେସ କର୍ମୀମାନଙ୍କୁ ନେଇ ସ୍ଥାନୀୟ ସାନ କନ୍ଦପାଲିଠାରେ ଏକ କର୍ମକର୍ତ୍ତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ପୁଇଁନ୍ତଲା ବ୍ଲକ ସଭାପତି ଉମାକାନ୍ତ ସାହୁଙ୍କ ସଭାପତିତ୍ୱରେ ହୋଇଥିବା ଏହି ସମ୍ମିଳନୀରେ ଲୋଇସିଂହା ନିର୍ବାଚନ ମଣ୍ଡଳୀର ଆବାହକ ମନମୋହନ ପଟେଲ ସ୍ବାଗତ ଭାଷଣ, ଅତିଥି ପରିଚୟ ପ୍ରଦାନ କରିଥିଲେ। ମୁଖ୍ୟ ଅତିଥି ବିରୋଧୀ ଦଳ ନେତା ନରସିଂହ ମିଶ୍ର କହିଥିଲେ ଯେ ଯୁବକ ଏବଂ କୃଷକମାନଙ୍କ ଉନ୍ନତି ବିନା ଦେଶର ବିକାଶ ଅସମ୍ଭବ।କେନ୍ଦ୍ରର ଭାଜପା ଏବଂ ରାଜ୍ୟର ବିଜେଡି ସରକାର କିନ୍ତୁ ରାଜ୍ୟର ଯୁବଗୋଷ୍ଠୀ ଓ କୃଷକ ସମାଜକୁ ପ୍ରତାରଣା କରିଚାଲିଛି। ଏବେ ସମୟ ଆସିଛି, ଏହାର ଜବାବ୍‌ ଦେବାକୁ। ଏଣୁ ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଉଭୟ ସରକାରଙ୍କ ବିରୋଧରେ ଜନମତ ସୃଷ୍ଟି କରିବାକୁ ସେ କର୍ମୀମାନଙ୍କୁ ଆହ୍ବାନ ଦେଇଥିଲେ।

ମୁଁ ହିରୋ ମୁଁ ଓଡ଼ିଶା କାର୍ଯ୍ୟକ୍ରମ

ମୁଁ ହିରୋ ମୁଁ ଓଡ଼ିଶା କାର୍ଯ୍ୟକ୍ରମ

କେସିଙ୍ଗା,୮।୧୦(ଡି.ଏନ.ଏ.)
କଳାହାଣ୍ଡି ଜିଲା କେସିଙ୍ଗା ବ୍ଲକ୍‌ କଶୃପଡ଼ା ଗ୍ରାମସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ସୋମବାର ମୁଁ ହିରୋ ମୁଁ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ରାଜ୍ୟ ହାଉସିଂ ବୋର୍ଡ ଅଧ୍ୟକ୍ଷ ଭୂପିନ୍ଦର ସିଂହ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ।

କାଳୀବାଡି ଦୂର୍ଗାପୂଜା ଶତବାର୍ଷିକୀରେ ରୋଡ଼ ଶୋ, ବିବିଧ ପ୍ରତିଯୋଗିତା

କାଳୀବାଡି ଦୂର୍ଗାପୂଜା ଶତବାର୍ଷିକୀରେ ରୋଡ଼ ଶୋ, ବିବିଧ ପ୍ରତିଯୋଗିତା

ସମ୍ବଲପୁର,୮।୧୦(ବ୍ୟୁରୋ) 
କାଳୀବାଡି ଦୁର୍ଗାପୂଜା ଶତବାର୍ଷିକୀ ସାଂସ୍କୃତିକ କାର୍ଯ୍ୟକ୍ରମ ଉତ୍ସବ ରବିବାର ରାତିରେ ଉଦ୍‌ଘାଟିତ ହୋଇଯାଇଛି। ରାଜ୍ୟ ସଭା ସଦସ୍ୟ ପ୍ରସନ୍ନ ଆଚାର୍ଯ୍ୟ ମୁଖ୍ୟ ଅତିଥି, ବିଧାୟିକା ରାସେଶ୍ୱରୀ ପାଣିଗ୍ରାହୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଐତିହାସିକ ସମ୍ବଲପୁର ସହର ଭାଇଚାରାର ପ୍ରତୀକ ଅଟେ। ପୂର୍ବରୁ ମଧ୍ୟ ସମ୍ବଲପୁର ଜିଲା ଅନ୍ୟ ଜିଲାଗୁଡିକୁ ଭାତୃତ୍ୱ ଭାବ ଦେଖାଇ ଶ୍ରେଷ୍ଠ ସ୍ଥାନରେ ରହି ଆସିଛି। ଏହି ଧାରା ବଜାୟ ରଖିବାର ଆବଶ୍ୟକତା ରହିଛି। ଏହି ମାଟିର ସଂସ୍କୃତି ମହାନ ଅଟେ। ସେହିପରି ଲୋକନୃତ୍ୟ ଓ ଲୋକଗୀତର ପଟାନ୍ତର ନାହିଁ । କାଳୀବାଡ଼ି ଦୂର୍ଗାପୂଜାରେ ବିବିଧତାରେ ଏକତା ଦେଖିବାକୁ ମିଳିଛି ବୋଲି ଅତିଥିମାନେ କହିଥିଲେ।

ହିଲୁଙ୍ଗ ଗଁ।ରେ ଏଲ୍‌ପିଜି ପଞ୍ଚାୟତ

ହିଲୁଙ୍ଗ ଗଁ।ରେ ଏଲ୍‌ପିଜି ପଞ୍ଚାୟତ

ବୀରମହାରାଜପୁର,୮।୧୦(ଡି.ଏନ.ଏ.)
ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ୍‌ ହିଲୁଙ୍ଗ ସେବା ସମବାୟ ସମିତି କାର୍ଯ୍ୟାଳୟ ପରିସରରେ ଏଲ୍‌ପିଜି ପଞ୍ଚାୟତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କମନ ସର୍ଭିସ୍‌ ସେଣ୍ଟର ହିଲୁଙ୍ଗ ଆନୁକୂଲ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ଅଶୋକ କୁମାର ମହାକୁର ମୁଖ୍ୟ ଅତିଥି, ବରିଷ୍ଠ ସାମ୍ବାଦିକ ଯୁଗଳ କିଶୋର ମିଶ୍ର, କମନ ସର୍ଭିସ ସେଣ୍ଟର ଜିଲା ସଂଯୋଜକ ରଜନୀ ରଞ୍ଜନ ସାହୁ, ଏଲ୍‌ପିଜିର ଏଡିଏନ୍‌ଓ କୃଷ୍ଣଚନ୍ଦ୍ର ନାୟକ, ସ୍ଥାନୀୟ ଇଣ୍ଡିଆନ ଗ୍ୟାସ ଏଜେନ୍ସିର ମାଲିକ ଦିଲୀପ କୁମାର ମେହେର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ସରକାରଙ୍କ ଉଜ୍ଜ୍ୱଳା ଗ୍ୟାସ ସମ୍ପର୍କରେ କହିଥିଲେ

କାଠ ବୋଝେଇ ଟ୍ରକ୍‌ ଜବତ, ଅଭିଯୁକ୍ତ ଫେରାର

କାଠ ବୋଝେଇ ଟ୍ରକ୍‌ ଜବତ, ଅଭିଯୁକ୍ତ ଫେରାର

ଜମନକିରା,୮। ୧୦: ସମ୍ବଲପୁର ଜିଲା ଜମନକିରା ବ୍ଲକ ବାମଣ୍ଡା ବନାଞ୍ଚଳ ବନଖଣ୍ଡ ବଡ଼ରମା ରେଞ୍ଜ ପକ୍ଷରୁ ଚଢ଼ାଉ କରାଯାଇ  ରବିବାର ବିଳମ୍ବିତ ରାତିରେ ଏକ ଟାଟା ୪୦୭ ଟ୍ରକ୍‌ ସହ ୧୯ ଖଣ୍ଡ ଶାଳ ଗଣ୍ଡି ଜବତ କରାଯାଇଛି। ଅଭିଯୁକ୍ତମାନେ ଫେରାର  ହୋଇଯାଇଥିବା ରେଞ୍ଜ ଅଧିକାରୀ ନୀଳାଦ୍ରିନାଥ ସାହୁ ପ୍ରକାଶ କରିଛନ୍ତି।

ବିଦ୍ୟୁତ ବିଭ୍ରାଟର ପ୍ରତିବାଦବେଳେ ପୋଲିସର ଲାଠିଚାର୍ଜ: ୧୦ ଯୁବକ ଅଟକ

ବିଦ୍ୟୁତ ବିଭ୍ରାଟର ପ୍ରତିବାଦବେଳେ ପୋଲିସର ଲାଠିଚାର୍ଜ: ୧୦ ଯୁବକ ଅଟକ

ବରଗଡ ଅଫିସ୍‌, ୮।୧୦: ବରଗଡ ସହରରେ ବିଦ୍ୟୁତ ବିଭ୍ରାଟ ଚରମସୀମାରେ ପହଞ୍ଚିଛି। ଏହାର ପ୍ରତିବାଦରେ ରବିବାର ବିଳମ୍ବିତ ରାତିରେ ସ୍ଥାନୀୟ ଗ୍ରୀଡକୋ ଅଫିସକୁ ଯାଇ ଅଞ୍ଚଳର କିଛି ଯୁବକ ପ୍ରତିବାଦ କରିଥିଲେ।

ଦିଲ୍ଲୀ ଜେଏନ୍‌ୟୁରେ ନୂଆଁଖାଇ ଭେଟଘାଟ

ଦିଲ୍ଲୀ ଜେଏନ୍‌ୟୁରେ ନୂଆଁଖାଇ ଭେଟଘାଟ

ସୁନ୍ଦରଗଡ,୮।୧୦(ଡି.ଏନ୍‌.ଏ.)-ଦିଲ୍ଲୀ ଜବାହରଲାଲ ନେହେରୁ ବିଶ୍ୱ ବିଦ୍ୟାଳୟ (ଜେଏନୟୁ)ରେ ନୂଆଖାଇ ଭେଟଘାଟ -୨୦୧୮ ଅନୁଷ୍ଠିତ ହୋଇଯାଇଛି । ପଦ୍ମଶ୍ରୀ ଜିତେନ୍ଦ୍ର ହରିପାଲ ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ମୟୂରୀ ଅନୁଷ୍ଠାନର ପରିଚାଳକ ଉଦ୍ଧବ ଭିତ୍ରିଆଙ୍କୁ ସମ୍ମାନିତ କରାଯାଇଥିଲା । 

ରାଜ୍ୟପାଳଙ୍କ ଗସ୍ତକୁ ନେଇ ପ୍ରସ୍ତୁତି ବୈଠକ

ରାଜ୍ୟପାଳଙ୍କ ଗସ୍ତକୁ ନେଇ ପ୍ରସ୍ତୁତି ବୈଠକ

ସୁନ୍ଦରଗଡ, ୮।୧୦ (ଡି.ଏନ୍‌.ଏ.)-ରାଜ୍ୟପାଳ ପ୍ରଫେସର ଗଣେଶି ଲାଲ ମଙ୍ଗଳବାର ଦିନିକିଆ ସୁନ୍ଦରଗଡ ଗସ୍ତରେ ଆସୁଛନ୍ତି। ସୁନ୍ଦରଗଡ଼ ସରକାରୀ କଲେଜ ଛାତ୍ରୀଛାତ୍ର ଓ ଅଧ୍ୟାପକ, ଅଧ୍ୟାପିକାମାନଙ୍କ ସହିତ ସେ ଭାବ ଆଦାନ ପ୍ରଦାନ କରିବାର କାର୍ଯ୍ୟକ୍ରମ ରହିଛି । 

ଇଣ୍ଟରନେଟ, ମୋବାଇଲ ଏବେ ବଡ଼ ନିଶା

ଇଣ୍ଟରନେଟ, ମୋବାଇଲ ଏବେ ବଡ଼ ନିଶା

ବଡଗାଁ,୮।୧୦(ଡି.ଏନ.ଏ.)-ସୁନ୍ଦରଗଡ ଜିଲା ବଡଗାଁସ୍ଥିତ ଶିଳ୍ପ ତାଲିମ କେନ୍ଦ୍ର (ଆଇଟିସି) ସଭାଗୃହରେ ଚଳନା ମୁଣ୍ଡା ଶାଖା ବ୍ରହ୍ମା କୁମାରୀ ଆଶ୍ରମ ପକ୍ଷରୁ ରାଜଯୋଗ ଦ୍ୱାରା ନିଶାମୁକ୍ତ କର୍ମଶାଳା ଅନୁଷ୍ଠିତ ହୋଇଛି। 

ଦୁହ୍ଲାପୁରରେ ନିଶାମୁକ୍ତି ଅଭିଯାନ

ଦୁହ୍ଲାପୁରରେ ନିଶାମୁକ୍ତି ଅଭିଯାନ

କୁଆଁରମୁଣ୍ଡା,୮।୧୦(ଡି.ଏନ.ଏ.)-ଓଡିଶା-ଝାଡଖଣ୍ଡ ସୀମାର ସୁନ୍ଦରଗଡ଼ ଜିଲା ରାଏବୋଗା ଥାନା ଅନ୍ତର୍ଗତ ଦୁହ୍ଲାପୁର ଗ୍ରାମରେ ନିଶାମୁକ୍ତି ଅଭିଯାନର ଶୁଭାରମ୍ଭ କରାଯାଇଛି । ମ୍‌ନିଶା ସେବନ ଦ୍ୱାରା ସମାଜରେ ଘଟୁଥିବା ବିଭିନ୍ନ ପ୍ରକାରର ହିଂସା, ଅପରାଧ ଇତ୍ୟାଦି ସମ୍ପର୍କରେ ଶୋଭାଯାତ୍ରାକାରୀ ମହିଳାମାନେ ସ୍ଲୋଗାନମାନ ଦେଇଥିଲେ।

ବିଜୁ ଶ୍ରମିକ ସାମ୍ମୁଖ୍ୟର ଜିଲା ସମ୍ମିଳନୀ ପାଇଁ ପାଚିକା ସାମ୍ମୁଖ୍ୟର ବୈଠକ

ବିଜୁ ଶ୍ରମିକ ସାମ୍ମୁଖ୍ୟର ଜିଲା ସମ୍ମିଳନୀ ପାଇଁ ପାଚିକା ସାମ୍ମୁଖ୍ୟର ବୈଠକ

ବଡଗାଁ, ୮।୧୦ (ଡି.ଏନ.ଏ)- ସୁନ୍ଦରଗଡ ଜିଲା ବଡଗାଁସ୍ଥିତ ପୂର୍ତ୍ତ ଡାକବଙ୍ଗଳାଠାରେ ଜିଲା ମଧ୍ୟାହ୍ନ ଭୋଜନ ପାଚିକା ସାମୁଖ୍ୟର ବଡଗାଁ ବ୍ଲକ କମିଟି ବୈଠକ ଅନୁଷ୍ଠିତ ହୋଇଛି। ଏଥିରେ ସାମୁଖ୍ୟର ସଭାନେତ୍ରୀ ଗୀତା କୁଜୁର ଅଧ୍ୟକ୍ଷତା କରିଥିଲେ।

ଓଡିଶା ଭାଷାକୁ ବଞ୍ଚାଇବାକୁ ଉଦ୍ୟମ ଆବଶ୍ୟକ

ଓଡିଶା ଭାଷାକୁ ବଞ୍ଚାଇବାକୁ ଉଦ୍ୟମ ଆବଶ୍ୟକ

ରାଜଗାଙ୍ଗପୁର, ୮।୧୦ (ଡି.ଏନ.ଏ.)- ସୁନ୍ଦରଗଡ ଜିଲା ରାଜଗାଙ୍ଗପୁର ସହରର ବିଜୁ ପଟ୍ଟନାୟକ କଲ୍ୟାଣ ମଣ୍ଡପଠାରେ ଉତ୍କଳ ସମ୍ମିଳନୀର କେନ୍ଦ୍ରୀୟ କମିଟି ତରଫରୁ ଚତୁର୍ଥ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି ।

ଓଡ଼ିଶା ଇତିହାସ କଂଗ୍ରେସର ଆଞ୍ଚଳିକ ଅଧିବେଶନ

ଓଡ଼ିଶା ଇତିହାସ କଂଗ୍ରେସର ଆଞ୍ଚଳିକ ଅଧିବେଶନ

ରାଉରକେଲା ଅଫିସ, ୮।୧୦ (ଡି.ଏନ୍‌.ଏ.)-ରାଉରକେଲା ସ୍ବୟଂଶାସିତ ସରକାରୀ ମହାବିଦ୍ୟାଳୟଠାରେ ଓଡିଶା ଇତିହାସ କଂଗ୍ରେସର ତୃତୀୟ ଆଞ୍ଚଳିକ ଅଧିବେଶନ ରବିବାର ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଇତିହାସ ବିଭାଗ ଓ ଓଡିଶା ଇତିହାସ କଂଗ୍ରେସର ମିଳିତ ଆନୁକୂଲ୍ୟରେ ଏହି ଅଧିବେଶନ ଆୟୋଜିତ ହୋଇଥିଲା। ଏହି ଅବସରରେ ‘ପଶ୍ଚିମ ଓଡିଶାରେ କୃଷକ ଓ ଆଦିବାସୀ ଆନ୍ଦୋଳନ’ ଶୀର୍ଷକ ଆଲୋଚନା ଚକ୍ର ଆନୁଷ୍ଠିତ ହୋଇଥିଲା ।