ସମ୍ବଲପୁର

ବିଶାଲଖିଣ୍ଡା ହାଇସ୍କୁଲ ରୌପ୍ୟ ଜୟନ୍ତୀ ଉତ୍ସବ ପ୍ରସ୍ତୁତି ବୈଠକ

ବିଶାଲଖିଣ୍ଡା ହାଇସ୍କୁଲ ରୌପ୍ୟ ଜୟନ୍ତୀ ଉତ୍ସବ ପ୍ରସ୍ତୁତି ବୈଠକ

ସମ୍ବଲପୁର, ୫।୯ (ବ୍ୟୁରୋ)- ସମ୍ବଲପୁର ଜିଲା ବିଶାଲଖିଣ୍ଡା ହାଇସ୍କୁଲ ରୌପ୍ୟ ଜୟନ୍ତୀ ଉତ୍ସବ ପ୍ରସ୍ତୁତି ବୈଠକ ସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି । ଜୟନ୍ତୀ କମିଟି ସଭାପତି ଜ୍ୟୋତି ବରାଇଙ୍କ ଅଧ୍ୟକ୍ଷତାରେ ସଭା ହୋଇଥିଲା । ଆସନ୍ତା ନଭେମ୍ବର ୧୭ ଓ ୧୮ ତାରିଖ ୨ଦିନ ଧରି ଉତ୍ସବ ପାଳନ କରାଯିବ ବୋଲି ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି । ଏତତ୍‌ବ୍ୟତିତ୍‌ ଜୟନ୍ତୀର ବିଭିନ୍ନ କାର୍ଯ୍ୟକ୍ରମ ବିଷୟରେ ସଭ୍ୟମାନେ ଆଲୋଚନା କରିଥିଲେ ।

ପ୍ଲାଷ୍ଟିକ ଫ୍ରି ଓଡିଶା ଅଭିଯାନରେ ବୁଢ଼ାରଜା ନୋଡାଲ ହାଇସ୍କୁଲ ସାମିଲ ହେଲା

ପ୍ଲାଷ୍ଟିକ ଫ୍ରି ଓଡିଶା ଅଭିଯାନରେ ବୁଢ଼ାରଜା ନୋଡାଲ ହାଇସ୍କୁଲ ସାମିଲ ହେଲା


ସମ୍ବଲପୁର, ୫।୯ (ବ୍ୟୁରୋ)- ଧରିତ୍ରୀ ଓ ଓଡିଆ ପୋଷ୍ଟ ମିଳିତ ଆନୁକୂଲ୍ୟରେ ଆରମ୍ଭ ହୋଇଥିବା ପ୍ଲାଷ୍ଟିକ୍‌ ଫ୍ରି ଅଭିଯାନରେ ସମ୍ବଲପୁର ବୁଢ଼ାରଜା ନୋଡାଲ ହାଇସ୍କୁଲ ସାମିଲ ହୋଇଛ। ଛାତ୍ରୀଛାତ୍ର ଓ ଶିକ୍ଷୟିତ୍ରୀ, ଶିକ୍ଷକ, କର୍ମଚାରୀମାନେ ପ୍ରାର୍ଥନା ସମୟରେ ପ୍ଲାଷ୍ଟିକ୍‌ ମୁକ୍ତ ଓଡିଶା ପାଇଁ ଶପଥ ନେଇଛନ୍ତି । ସାମୂହିକ ପ୍ରାର୍ଥନା, ଗୁରୁବନ୍ଦନା, ଜାତୀୟ ସଂଗୀତ ଗାନ କରାଯାଇଥିଲା । ଏହାପରେ ସ୍କୁଲର ସପ୍ତମ ଶ୍ରେଣୀ ଛାତ୍ରୀ ସନ୍ତୋଷିନୀ ମହାନ୍ତି, ଷଷ୍ଠ ଶ୍ରେଣୀ ଛାତ୍ରୀ ଅଞ୍ଚଳ ସୁଆଲ ଓ ସ୍ନେହମୟୀ ପ୍ରଧାନ ଏବଂ ଦଶମ ଶ୍ରେଣୀ ଛାତ୍ରୀ ମୋନାଲିସା ପ୍ରଧାନ ଓ ସ୍ମୃତିଶ୍ରୀ ସାହୁ ନୀତିବାଣୀ ପାଠ କରିଥିଲେ ।

କଚେରି ଛକ ସୌନ୍ଦର୍ଯ୍ୟକରଣ ପ୍ରସଙ୍ଗ: ବେଜବରୁଆଙ୍କ ବାସଭବନ ଭାଙ୍ଗିବା ଦାବି

କଚେରି ଛକ ସୌନ୍ଦର୍ଯ୍ୟକରଣ ପ୍ରସଙ୍ଗ: ବେଜବରୁଆଙ୍କ ବାସଭବନ ଭାଙ୍ଗିବା ଦାବି

ସମ୍ବଲପୁର,୫।୯ (ବ୍ୟୁରୋ)- ସମ୍ବଲପୁର କଚେରୀ ଛକ- ଚାଉଁରପୁର ମହାନଦୀ ଉପରେ ଅତ୍ୟାଧୁନିକ ଦ୍ୱିତୀୟ ସେତୁ ନିର୍ମାଣ ହୋଇଛି । ତେଣୁ କଚେରି ଛକ ଅଞ୍ଚଳକୁ ସୌନ୍ଦର୍ଯ୍ୟକରଣ କରାଯାଉଛି । ଏହି ସ୍ଥଳରେ ଅହମିଆ କବି ଲକ୍ଷ୍ମୀନାଥ ବେଜବରୁଆଙ୍କ ସାଧନା ଗୃହ ରହିଛି । ଏହାକୁ ସ୍ମାରକୀ ଭାବେ ନିର୍ମାଣ କରିବାକୁ ଯୋଜନା ହୋଇଛି । କାମ ମଧ୍ୟ ଆରମ୍ଭ ହୋଇଛି । ଏହାଦ୍ୱାରା କଚେରି ଛକ ସୌନ୍ଦର୍ଯ୍ୟକରଣରେ ପ୍ରତିବନ୍ଧକ ସୃଷ୍ଟି ହୋଇଛି ।

ସ୍କୁଲ ଫାଟକରେ ତାଲା ପକାଇଦେଲେ ଛାତ୍ରୀଛାତ୍ର

ସ୍କୁଲ ଫାଟକରେ ତାଲା ପକାଇଦେଲେ ଛାତ୍ରୀଛାତ୍ର

ସ୍କୁଲ ଫାଟକରେ ତାଲା ପକାଇଦେଲେ ଛାତ୍ରୀଛାତ୍ର
ଝାରସୁଗୁଡା ଅଫିସ, ୫।୯-ତାଳପଟିଆ ହାଇସ୍କୁଲର ଗଣିତ ଶିକ୍ଷୟିତ୍ରୀଙ୍କ ବଦଳି ପରେ ସେହି ପଦ ଖାଲି ପଡିଛି। ଏଣୁ ତୁରନ୍ତ ଏହାକୁ ପୂରଣ କରିବାକୁ ବୁଧବାର ଗୁରୁଦିବସ ଭଳି ଏକ ଗୁରୁତ୍ୱପୂର୍ଣ୍ଣ ଦିନରେ ଛାତ୍ରୀଛାତ୍ର ଆନ୍ଦୋଳନକୁ ଓହ୍ଲାଇଛନ୍ତି।

ପୋଲିସ ବିରୋଧରେ ତାତିଲେ ଲୋକେ

ପୋଲିସ ବିରୋଧରେ ତାତିଲେ ଲୋକେ

ବେଲପଡା, ୫।୯ (ଡି.ଏନ.ଏ.)-ବଲାଙ୍ଗୀର ଜିଲା ବେଲପଡା ଥାନା ପୋଲିସ ପ୍ରତି ସ୍ଥାନୀୟ ଲୋକ ବିଭିନ୍ନ କାରଣକୁ ନେଇ ଖପ୍ପା ହୋଇଛନ୍ତି। ଏହାକୁ ନେଇ ଲୋକେ ଥାନା ସମ୍ମୁଖରେ ରାସ୍ତା ଅବରୋଧ କରିଛନ୍ତି।

ଚକ୍ଷୁଦାନ ପକ୍ଷ ଅବସରରେ ସଚେତନତା ରାଲି

ଚକ୍ଷୁଦାନ ପକ୍ଷ ଅବସରରେ ସଚେତନତା ରାଲି

ସୋନପୁର,୫।୯(ନି.ପ୍ର.):ଅଗଷ୍ଟ ୨୫ ତାରିଖରୁ ସେପ୍ଟେମ୍ବର ୮ ତାରିଖ ପର୍ଯ୍ୟନ୍ତ ୩୩ତମ ଜାତୀୟ ଚକ୍ଷୁଦାନ ପକ୍ଷ ପାଳିତ ହେଉଅଛି। ଏହି ଅବସରରେ ମଙ୍ଗଳବାର ସୁବର୍ଣ୍ଣପୁର ଜିଲା ମୁଖ୍ୟ ଚିକିତ୍ସାଳୟଠାରେ ଚକ୍ଷୁ ବିଭାଗ ପକ୍ଷରୁ ଏକ ସଚେତନତା ରାଲିର ଆୟୋଜନ କରାଯାଇଥିଲା। ଜିଲା ମୁଖ୍ୟ ଚିକିତ୍ସା ଓ ଜନସ୍ବାସ୍ଥ୍ୟ ଅଧିକାରୀ ଡାକ୍ତର ବିଜୟଲକ୍ଷ୍ମୀ ଗୁରୁ ମୁଖ୍ୟ ଅତିଥି ଭାବେ ଯୋଗଦେଇ ସଚେତନତା ରାଲିର ଶୁଭାରମ୍ଭ କରିଥିଲେ। ଅନ୍ୟମାନଙ୍କ ମଧ୍ୟରେ ଡିଏମଓ ଏମଏସ ଡାକ୍ତର ପ୍ରଦୀପ କୁମାର ଗୁରୁ, ଡିପିଏମ ଡିବିସିଏସ ଡାକ୍ତର ସଞ୍ଜିବ କୁମାର କର, ଡିପିଏମ ଏନଏଚଏମ ମୌସୁମୀ ମିଶ୍ର, ସହକାରୀ ଜିଲା ଜନସ୍ବାସ୍ଥ୍ୟ ଯୋଗାଯୋଗ ଅଧିକାରୀ ପ୍ରଦ୍ୟୁମ୍ନ କୁମାର ସାହୁ, ତାରିଣି ପାତ୍ର ଓ ଅବିନାଶ ହୋତା ପ୍ରମୁଖ ଉପସ୍ଥିତ ଥିଲେ । ସମୀର ନାଏକ ଓ ପ୍ରମୋଦ ସାହୁ କାଯର୍‌ୟକ୍ରମକୁ ଆୟୋଜନ କରିଥିଲେ। 

୭ରୁ ଜାତୀୟ ସବଜୁନିୟର ଜୁଡୋ ଚାମ୍ପିୟନଶିପ୍‌: ୬ ଖେଳାଳିଙ୍କ ହିମାଚଳପ୍ରଦେଶ ଯାତ୍ରା

୭ରୁ ଜାତୀୟ ସବଜୁନିୟର ଜୁଡୋ ଚାମ୍ପିୟନଶିପ୍‌: ୬ ଖେଳାଳିଙ୍କ ହିମାଚଳପ୍ରଦେଶ ଯାତ୍ରା

ସମ୍ବଲପୁର,୫।୯ (ବ୍ୟୁରୋ):ଜାତୀୟ ସବ୍‌ଜୁନିୟର ଜୁଡ଼ୋ ଚାମ୍ପିୟାନଶିପ୍‌ ୨୦୧୭-୧୮ ୭ରୁ ୧୧ ତାରିଖ ପର୍ଯ୍ୟନ୍ତ ହିମାଚଳପ୍ରଦେଶ ଉନ୍ନାଠାରେ ଅନୁଷ୍ଠିତ ହେବ। ଏଥିରେ ସମ୍ବଲପୁର ଜିଲାରୁ ୬ ଜୁଡୋ ଖେଳାଳି ଭାଗ ନେବେ। ସେମାନେ ମଙ୍ଗଳବାର ରାତିରେ ହିମାଚଳପ୍ରଦେଶ ଯାତ୍ରା କରିଛନ୍ତି। ଏ ନେଇ ଜିଲାପାଳ ସମର୍ଥ ବର୍ମା ଖେଳାଳୀଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ।

ସାଇବର୍‌ କ୍ରାଇମ : ଯୁବକ ଠକେଇର ଶିକାର

ସାଇବର୍‌ କ୍ରାଇମ : ଯୁବକ ଠକେଇର ଶିକାର

ଧମା,୫।୯(ଡି.ଏନ.ଏ.) :ଜଣେ ଯୁବକ ସାଇବର୍‌ କ୍ରାଇମର ଶୀକାର ହୋଇଛନ୍ତି। ହ୍ବାଟସ୍‌ଆପ୍‌ ମାଧ୍ୟମରେ ତାଙ୍କଠାରୁ ଜଣେ ଦୁର୍ବୃତ୍ତ ୧୬ ହଜାର ଟଙ୍କା ଠକି ନେଇଛନ୍ତି। ବିଗତ ଦିନରେ ଧମା ଥାନା ଅନ୍ତର୍ଗତ ବଡ଼ମାଳ, କରହଜୋଲା, ବଦୁଆପାଲି, ଅର୍ଡା ଆଦି ଗ୍ରାମର ଲୋକେ ସଚେତନତାର ଅଭାବ ଯୋଗୁ ଠକେଇର ଶିକାର ହୋଇସାରିଥିବା ବେଳେ ବରଗାଁର ଯୁବକ ଗୋବିନ୍ଦ ମିରିଗଙ୍କୁ ଲଟେରି ଟଙ୍କା ଉଠିଥିବା ନଁାରେ ଭକୁଆ ବନାଇ ଦିଆଯାଇଛି। 

ସହଯୋଗ ନଗରରେ ନନ୍ଦୋତ୍ସବ: ନୃତ୍ୟ ଗୀତରେ ମୁଖରିତ ରାଧାକୃଷ୍ଣ ମନ୍ଦିର ପରିସର

ସହଯୋଗ ନଗରରେ ନନ୍ଦୋତ୍ସବ: ନୃତ୍ୟ ଗୀତରେ ମୁଖରିତ ରାଧାକୃଷ୍ଣ ମନ୍ଦିର ପରିସର

ସମ୍ବଲପୁର,୫।୯(ବ୍ୟୁରୋ):ସାଇଶିକ୍ଷା ପରିଷଦ ଓ ରାଧାକୃଷ୍ଣ ମନ୍ଦିର କମିଟି ମିଳିତ ଆୟୋଜନରେ ସହଯୋଗ ନଗରରେ ନନ୍ଦୋତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସରରେ ସହଯୋଗନଗରଠାରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ସାଇଶିକ୍ଷା ପରିଷଦ ଅଧ୍ୟକ୍ଷ ନନ୍ଦକିଶୋର ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ। ପୂର୍ବତନ ମନ୍ତ୍ରୀ ଜୟନାରାୟଣ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ମନ୍ଦିର ପରିଚାଳନା କମିଟି ସଭାପତି ଅତନୁ କୁମାର ଘୋଷ ସ୍ବାଗତ ଭାଷଣ ଓ ସମ୍ପାଦକ ରଞ୍ଜନ ପାତ୍ର ସୂଚନା ପ୍ରଦାନ କରିଥିଲେ। ଶୁଭଶ୍ରୀ ବିଶ୍ୱାଳ, ଶୁଭଶ୍ରୀ ବାରିକ, ପ୍ରିତିନନ୍ଦା ମିଶ୍ର, ରଶ୍ମିରେଖା ସାହୁ, ରାଜକୁମାର ଜାଲ ପ୍ରମୁଖ ଭଜନ ଗାନ କରିଥିଲେ। ସାଇଶିକ୍ଷା ପରିଷଦ ପ୍ରଶିକ୍ଷାର୍ଥୀମାନେ ନୃତ୍ୟ ନାଟିକା କ୍ରିଷ୍ଣା ମଞ୍ଚସ୍ଥ କରିଥିଲେ। ଏହି ଅବସରରେ ଲଣ୍ଡନରେ ଲୋକଗୀତ ଓ ଲୋକନୃତ୍ୟ ପରିବେଷଣ କରି ଫେରିଥିବା ଉକିଆ କଳାକାରଙ୍କୁ ସମ୍ବର୍ଦ୍ଧିତ କରାଯାଇଥିଲା ।

୨ ମହିଳା କ୍ରୀଡାବିତଙ୍କ ମାଲେସିଆ ଗସ୍ତ: ୭ରୁ ଏସିଆ ପାସିଫିକ୍‌ ମାଷ୍ଟର୍ସ କ୍ରୀଡ଼ା

୨ ମହିଳା କ୍ରୀଡାବିତଙ୍କ ମାଲେସିଆ ଗସ୍ତ: ୭ରୁ ଏସିଆ ପାସିଫିକ୍‌ ମାଷ୍ଟର୍ସ କ୍ରୀଡ଼ା

ସମ୍ବଲପୁର,୫।୯(ବ୍ୟୁରୋ) :ମାଲେସିଆର ପେନାଙ୍କ ସହରରେ ପ୍ରଥମ ଏସିଆ ପାସିଫିକ୍‌ ମାଷ୍ଟର୍ସ କ୍ରୀଡ଼ା ପ୍ରତିଯୋଗିତା ଚଳିତ ମାସ ୭ରୁ ୧୫ ତାରିଖ ପର୍ଯ୍ୟନ୍ତ ହେବ। ଏଥିପାଇଁ ସମ୍ବଲପୁରରୁ ରେଖା ଦେ ଓ ନମିତା ପଟେଲ ମାଲେସିଆ ଯାତ୍ରା କରିଛନ୍ତି। ଜିଲାପାଳ ସମର୍ଥ ବର୍ମାଙ୍କ ପ୍ରଚେଷ୍ଟାରେ ୨ କ୍ରୀଡାବିତ୍‌ଙ୍କୁ ୪୦ ହଜାର ଟଙ୍କା ଲେଖାଏଁ ଆର୍ଥିକ ସହାୟତା ପ୍ରଦାନ କରାଯାଇଛି। ସେହିପରି ଏସ୍‌ପି ସଞ୍ଜିବ ଅରୋରା ମଧ୍ୟ ସହଯୋଗ କରିଛନ୍ତି। ମାଷ୍ଟର୍ସ ଗେମ୍ସ ଫେଡେରେଶନର ସାଧାରଣ ସମ୍ପାଦକ ଶିବ ମିଶ୍ରଙ୍କ ତତ୍ତ୍ବାବଧାନରେ ଖେଳାଳିମାନେ ଯାତ୍ରା କରିଛନ୍ତି।

୭ରେ ବିଧାନସଭା ସମ୍ମୁଖରେ ଧାରଣା ଦେବେ କୃଷକ ସାଥୀ

୭ରେ ବିଧାନସଭା ସମ୍ମୁଖରେ ଧାରଣା ଦେବେ କୃଷକ ସାଥୀ

ରେଢ଼ାଖୋଲ,୫।୯(ଡି.ଏନ.ଏ.) :ଓଡ଼ିଶା ରାଜ୍ୟ କୃଷକ ସାଥୀ ମହାସଂଘ ଆସନ୍ତା ୭ ତାରିଖରେ ବିଧାନସଭା ସମ୍ମୁଖରେ ଗଣଧାରଣା ଦେବାକୁ ନେଇଥିବା ନିଷ୍ପତ୍ତିକୁ ସମ୍ବଲପୁର ସଂଘ ସ୍ବାଗତ କରିଛି। ଏଥିସହ ଏହି ଗଣଧାରଣାରେ ସାମିଲ ହେବାକୁ ଅଣ୍ଟା ଭିଡ଼ିଛି। ସମ୍ବଲପୁର କୃଷକ ସାଥୀ ମହାସଂଘର ରେଢ଼ାଖୋଲ ଭୀମଭୋଇ କଲ୍ୟାଣ ମଣ୍ଡପଠାରେ ଅନୁଷ୍ଠିତ ବୈଠକରେ ଏ ସଂକ୍ରାନ୍ତରେ ନିଷ୍ପତ୍ତି ହୋଇଛି। ରେଢ଼ାଖୋଲ ବ୍ଲକ କୃଷକ ସାଥୀ ସଂଘର ସଭାପତି ଉମାଚରଣ ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ରାଜ୍ୟ ପ୍ରତିନିଧି ଅନନ୍ତ ପଣ୍ଡା, ସମ୍ବଲପୁର ଜିଲା ସଭାପତି ପ୍ରଦୀପ ପଟେଲ, ସମ୍ପାଦକ ରାଜାରାମ ନାଥଙ୍କ ସମେତ ଜିଲାର ସମସ୍ତ ବ୍ଲକର କୃଷକ ସାଥୀ ଯୋଗ ଦେଇଥିଲେ। ବୈଠକରେ କୃଷକ ସାଥୀମାନଙ୍କ ବିଭିନ୍ନ ସମସ୍ୟା ଉପରେ ଆଲୋଚନା ହୋଇଥିଲା।

ସାମାଜିକ ସୁରକ୍ଷା ଭତ୍ତା ବୃଦ୍ଧି ଦାବି

ସାମାଜିକ ସୁରକ୍ଷା ଭତ୍ତା ବୃଦ୍ଧି ଦାବି

ରେଢ଼ାଖୋଲ,୫।୯(ଡି.ଏନ.ଏ.):ସାମାଜିକ ସୁରକ୍ଷା ଭତ୍ତା ବୃଦ୍ଧି କରାଯିବାକୁ ରେଢ଼ାଖୋଲ ଆମ ଆଦମୀ ପାର୍ଟି ଲୁହାପଙ୍କ ପଞ୍ଚାୟତ ଶାଖା ପକ୍ଷରୁ ଦାବି କରାଯାଇଛି। ଏ ନେଇ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସରପଞ୍ଚ ଅଶ୍ୱିନୀ କୁମାର ପ୍ରଧାନଙ୍କୁ ପ୍ରଦାନ କରାଯାଇଛି। ଆମ୍‌ ଆଦମୀ ପାର୍ଟି ପକ୍ଷରୁ ଦାବି କରାଯାଇଛି ଯେ ବାର୍ଦ୍ଧକ୍ୟ, ବିଧବା, ଦିବ୍ୟାଙ୍ଗ ଓ ଅସହାୟ ଅବିବାହିତ ମହିଳାମାନଙ୍କୁ  ରାଜ୍ୟ  ସରକାର ମାସକୁ ୩ଶହ ଟଙ୍କା ପ୍ରଦାନ କରୁଛନ୍ତି।  ଦରଦାମରେ ବୃଦ୍ଧି ଘଟିଥିବାରୁ ଦୈନନ୍ଦିନ ଗୁଜୁରାଣ ମେଣ୍ଟାଇବା ଉକ୍ତ ଟଙ୍କାରେ ସମ୍ଭବ ହୋଇପାରୁନାହିଁ। 

୨ ମାସରେ ପ୍ରଧାନମନ୍ତ୍ରୀ ରାସ୍ତା ବେହାଲ

୨ ମାସରେ ପ୍ରଧାନମନ୍ତ୍ରୀ ରାସ୍ତା ବେହାଲ

ସମ୍ବଲପୁର,୫।୯(ବ୍ୟୁରୋ) :ରାଜ୍ୟ ଓ କେନ୍ଦ୍ର ସରକାର ଗମନାଗମନ ସୁବିଧା ପାଇଁ ବିଭିନ୍ନ ଯୋଜନାରେ ରାସ୍ତା ନିର୍ମାଣ କରୁଛନ୍ତି। ହେଲେ ନିର୍ମାଣର କିଛିଦିନ ପରେ ରାସ୍ତାଗୁଡିକ ଖରାପ ହେବାରେ ଲାଗିଛି । ରାସ୍ତାର ରକ୍ଷଣାବେକ୍ଷଣ ବିଭାଗର ଯେତିକି ଦାୟିତ୍ୱ ରହିଥାଏ ସେତିକି ଗ୍ରାମବାସୀ ତଥା ଅଞ୍ଚଳବାସୀଙ୍କ ମଧ୍ୟ ରହୁଛି।  ଅନେକ ସ୍ଥାନରେ  ଲୋକଙ୍କ ସଚେତନ ଅଭାବ ଯୋଗୁ ରାସ୍ତାଗୁଡିକ ଖରାପ ହେବାକୁ ବସୁଛି । ଯୁଯୁମୁରା ବ୍ଲକ  ଜାତୀୟ ରାଜପଥ ୫୫ଠାରୁ  ବସିଆପଡା ରାସ୍ତା ନିର୍ମାଣ ଦୁଇମାସ ପରେ ରାସ୍ତା ବେହାଲ ହୋଇପଡ଼ିଥିବା ଏହାର ଜ୍ୱଳନ୍ତ ଉଦାହରଣ।

ଭୂଷଣ କାରଖାନାରେ କର୍ମଚାରୀଙ୍କ ଧାରଣା

ଭୂଷଣ କାରଖାନାରେ କର୍ମଚାରୀଙ୍କ ଧାରଣା

ରେଙ୍ଗାଲି,୫।୯(ଡି.ଏନ.ଏ.):ଭୂଷଣ ଷ୍ଟିଲ ଆଣ୍ଡ ପାୱାର ପ୍ଲାଣ୍ଟରେ କାର୍ଯ୍ୟରତ ଜମିହରାଙ୍କ ଉପଯୁକ୍ତ ଦରମା ବୃଦ୍ଧି ହେଉ ନଥିବାରୁ କାର୍ଯ୍ୟବନ୍ଦ ଆନ୍ଦୋଳନ ହୋଇଛି। ଜମିହରା କର୍ମଚାରୀମାନେ  କାର୍ଯ୍ୟବନ୍ଦ କରି କାରଖାନର ମୁଖ୍ୟ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ। ଭୂଷଣ ଷ୍ଟିଲର ୩୦୧ ଜମିହରାଙ୍କୁ ୨୦୦୫ରେ ନିଯୁକ୍ତି ଦିଆଯାଇଥିଲା। ୩ ବର୍ଷରେ ଥରେ ସେମାନଙ୍କ ଦରମା ବୃଦ୍ଧି ପ୍ରତିଶ୍ରୁତି ଦିଆଯାଇଥିଲା। ମାତ୍ର ୨୦୧୩ରୁ ସେମାନଙ୍କ ଦରମା ବୃଦ୍ଧି ହୋଇନାହିଁ।  ଏ ନେଇ କର୍ମଚାରୀମାନେ ଗତ ୨୭ ତାରିଖରେ ସମ୍ବଲପୁର ଏଡିଏମଙ୍କୁ ଦାବିପତ୍ର ଦେଇଥିଲେ।

ଜିଲାପାଳ ଅଫିସ ସମ୍ମୁଖରେ ବାଇକ ପାର୍କିଂ : ଦିବ୍ୟାଙ୍ଗ,ବୃଦ୍ଧଙ୍କୁ ସମସ୍ୟା

ଜିଲାପାଳ ଅଫିସ ସମ୍ମୁଖରେ ବାଇକ ପାର୍କିଂ : ଦିବ୍ୟାଙ୍ଗ,ବୃଦ୍ଧଙ୍କୁ ସମସ୍ୟା

ସମ୍ବଲପୁର,୫।୯(ବ୍ୟୁରୋ):ସମ୍ବଲପୁର ଜିଲାରେ ବେଆଇନ ଗାଡି ପାର୍କିଂ, ଟ୍ରାଫିକ ନିୟମ ପାଳନରେ ଅବହେଲା ନେଇ ପୋଲିସ ପକ୍ଷରୁ ଜରିମାନା ଆଦାୟ ହେଉଛି। ଏ ଦିଗରେ ପୋଲିସ ଓ ବିଭିନ୍ନ ଅନୁଷ୍ଠାନ ପକ୍ଷରୁ ସଚେତନତା ମଧ୍ୟ ସୃଷ୍ଟି କରାଯାଉଛି। ହେଲେ ଏହାର ପ୍ରଭାବ ଜନସାଧାରଣ ଉପରେ ପଡୁନଥିବା ଜଣାପଡୁଛି। ଜିଲାପାଳଙ୍କ ଅଫିସ ସମ୍ମୁଖରେ ଏହାର ଜ୍ୱଳନ୍ତ  ଉଦାହରଣ ଦେଖିବାକୁ ମିଳିଛି। ଜିଲାପାଳ ଅଫିସକୁ କାମରେ ଆସିଥିବା ଲୋକେ ବାଇକ୍‌ ବାହାରେ ପାର୍କିଂ କରିଥିଲେ। ଘଣ୍ଟା ଘଣ୍ଟା ଧରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକାଧିକ ବାଇକ୍‌ ଛିଡ଼ା ହୋଇ ରହିଥିଲା। ଫଳରେ ଅଭିଯୋଗ ଓ ଅନ୍ୟ କାମ ପାଇଁ ଜିଲାପାଳଙ୍କ ଅଫିସକୁ ଆସିଥିବା ଦିବ୍ୟାଙ୍ଗ ଓ ବୃଦ୍ଧମାନଙ୍କ ପାଇଁ ଏହା ସମସ୍ୟା ହୋଇଥିଲା। ସେମାନେ ଅଫିସ୍‌ ଗେଟ ମଧ୍ୟ ଦେଇ ବହୁ କଷ୍ଟରେ ଯିବା ଆସିବା କରୁଥିଲେ। ଏଠାରେ ସୂଚାଇ ଦିଆଯିବା ଜରୁରୀ ଯେ, କାର୍ଯ୍ୟାଳୟ ବାହାର ଗେଟ୍‌ ସମ୍ମୁଖରେ ପାର୍କିଂ ହୋଇଥିବା ବାଇକ୍‌ଗୁଡିକ ସଚେତନ ଓ ଉଚ୍ଚଶିକ୍ଷତ ଲୋକଙ୍କର। 

ସମସ୍ୟା ବଢାଉଛି ହିଣ୍ଡାଲ୍‌କୋ କମ୍ପାନୀ

ସମସ୍ୟା ବଢାଉଛି ହିଣ୍ଡାଲ୍‌କୋ କମ୍ପାନୀ

ସମ୍ବଲପୁର,୫।୯(ବ୍ୟୁରୋ):ହୀରାକୁଦସ୍ଥିତ ହିଣ୍ଡାଲ୍‌କୋ କମ୍ପାନୀ ସ୍ଥାନୀୟ ଅଞ୍ଚଳବାସୀଙ୍କ ସମସ୍ୟା ବଢ଼ାଇଛି। କମ୍ପାନୀର ଫ୍ଲୋରାଇଡ ଗ୍ୟାସ ଓ ଫ୍ଲାଏ ଆଶ୍‌ ଚାଷୀଙ୍କ ଫସଲ ନଷ୍ଟ କରୁଛି। ବାତାବରଣ ପ୍ରଦୂଷିତ ହୋଇଚାଲିଛି। ଜନଅସନ୍ତୋଷ ଦିନକୁ ଦିନ ମାତ୍ରାଧିକ ହେବାରେ ଲାଗିଛି। ଏ ନେଇ କମ୍ପାନୀ କର୍ତ୍ତୃପକ୍ଷଙ୍କ ସହ ତୁତୁ ମେଁମେଁ ଜାରି ରହିଛି। ପ୍ରତିବାଦ, ବିରୋଧ ଓ ଆନ୍ଦୋଳନ ମଧ୍ୟ ହେଉଛି। ହେଲେ ଏହାର ସମାଧାନର କୌଣସି ବାଟ ବାହାରି ପାରି ନାହିଁ। ପ୍ରଶାସନ ଓ ପ୍ରଦୂଷଣ ବିଭାଗ ଚୁପ୍‌ ବସି ରହିଥିବାରୁ କମ୍ପାନୀ ପ୍ରଦୂଷଣ ରୋକିବା ଦିଗରେ ଧ୍ୟାନ ଦେଉନଥିବା ଅଞ୍ଚଳବାସୀ କହିଛନ୍ତି। 

ଅନଲାଇନ ସପିଂରେ ଲିକ୍‌ ହେଉଛି ତଥ୍ୟ: ବ୍ଲାକ୍‌ମେଲ୍‌, ଠକାମିର ଶିକାର ହେଉଛନ୍ତି ଗ୍ରାହକ

ଅନଲାଇନ ସପିଂରେ ଲିକ୍‌ ହେଉଛି ତଥ୍ୟ: ବ୍ଲାକ୍‌ମେଲ୍‌, ଠକାମିର ଶିକାର ହେଉଛନ୍ତି ଗ୍ରାହକ

ସମ୍ବଲପୁର,୫।୯(ବ୍ୟୁରୋ):ଇଣ୍ଟରନେଟ୍‌ ସୁଦୂରପ୍ରସାରୀ ହୋଇପାରିଛି। ବିଶ୍ୱର ପ୍ରତିଟି କୋଣ ଅନୁକୋଣ, ଘରୋଇ ଓ ସରକାରୀ କାର୍ଯ୍ୟାଳୟଠୁଁ ଆରମ୍ଭ କରି ଶିକ୍ଷାନୁଷ୍ଠାନ, ବ୍ୟବସାୟ ପ୍ରତିଷ୍ଠାନ, ଏନ୍‌ଜିଓ ଏଥିସହ ଯୋଡ଼ି ହୋଇଯାଇଛି। ତଥ୍ୟ ଆଦାନ ପ୍ରଦାନ, ଫଟୋ, ଭିଡିଓ ଅପ୍‌ଲୋଡ଼, ଡାଉନଲୋଡର ଏହା ଏକ ସୁବ୍ୟବସ୍ଥିତ ମାଧ୍ୟମ ହୋଇପାରିଥିବାରୁ ଅନ୍‌ଲାଇନର ଚାହିଦା ବଢ଼ିଛି। ନେଟ୍‌ଓ୍ବର୍କିଂ ସିଷ୍ଟମ୍‌ରେ ଅପ୍‌ଗ୍ରେଡ଼େଶନ ସହ ଇଣ୍ଟରନେଟ୍‌ ଅଧିକ ୟୁଜର୍ସ ଫ୍ରେଣ୍ଡଲି ହୋଇପାରିଥିବାରୁ ଅନ୍‌ଲାଇନ ଜରିଆରେ ସମସ୍ତ ସୁବିଧା ଲୋକଙ୍କ ନିକଟରେ ପହଞ୍ଚତ୍ପାରୁଛି। ଏହାକୁ ଦୃଷ୍ଟିରେ ରଖି ଅନ୍‌ଲାଇନରେ ମାର୍କେଟିଂ ଓ ସପିଂଗ୍‌ର ଏକ ନୂଆ ଟ୍ରେଣ୍ଡ୍‌ ସୃଷ୍ଟି ହୋଇଛି। ଦିନକୁ ଦିନ ଏହାର କ୍ରେଜ୍‌ ବୃଦ୍ଧି ପାଇବାରେ ଲାଗିଛି। ତେଲ, ସାବୁନଠୁଁ ଆରମ୍ଭ କରି ପନିପରିବା ଏବଂ କପଡ଼ା ଆଦି ଛୋଟ ବଡ଼ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଲୋକେ ଅନ୍‌ଲାଇନରେ କିଣୁଛନ୍ତି। ଫ୍ଳିପ୍‌ କାର୍ଡ, ଆମାଜନ, ଜବଙ୍ଗ, ଲାଇମ ରୋଡ, ମିନ୍ତ୍ରା, ହୋମ ସଫ-୧୮, ସ୍ନାପ ଡିଲ ଆଦି ଏକାଧିକ ଅନ୍‌ଲାଇନ ଟ୍ରେଡିଂ ଓ ସପିଂଗ୍‌ କମ୍ପାନୀ ଅନ୍‌ଲାଇନରେ ନିଜସ୍ବ ମାର୍କେଟିଂ ସାଇଟ୍‌ ଖୋଲିଛନ୍ତି। ଏହି ଅନ୍‌ଲାଇନ କାରବାର ସାଧାରଣରେ ଗ୍ରହଣୀୟ ହୋଇପାରିଛି।

‘ପ୍ଲାଷ୍ଟିକ ଫ୍ରି ଓଡ଼ିଶା’ ଅଭିଯାନରେ ସାମିଲ ହେଲେ କୁନି ପିଲା

‘ପ୍ଲାଷ୍ଟିକ ଫ୍ରି ଓଡ଼ିଶା’ ଅଭିଯାନରେ ସାମିଲ ହେଲେ କୁନି ପିଲା

ବାମରା, ୫।୯(ସ୍ବ.ପ୍ର.)-ସମ୍ବଲପୁର ଜିଲା ବାମରାସ୍ଥିତ ଷ୍ଟେଶନ ବସ୍ତି ନୋଡାଲ ପ୍ରାଥମିକ ବିଦ୍ୟାଳୟର କୁନି କୁନି ଛାତ୍ରୀଛାତ୍ର ଧରିତ୍ରୀ ଏବଂ ଓଡ଼ିଶା ପୋଷ୍ଟ ପକ୍ଷରୁ ଚାଲିଥିବା ‘ପ୍ଲାଷ୍ଟିକ ଫ୍ରି ଓଡ଼ିଶା’ ଅଭିଯାନରେ ସାମିଲ ହୋଇଛନ୍ତି। ସେମାନେ ପଲିଥିନ ବ୍ୟବହାର ନ କରିବାକୁ ଶପଥ ନେଇଛନ୍ତିି। ଉକ୍ତ ବିଦ୍ୟାଳୟର ପ୍ରାୟ ୧୫୦୦ ଛାତ୍ରୀଛାତ୍ର ବାମରାର ବିଜୁ ପଟ୍ଟନାୟକ ଛକ, ବ୍ଲକ ଛକ, ବସ୍‌ଷ୍ଟାଣ୍ଡ, ସିସାଲ ଫାର୍ମ, ଗୋବିନ୍ଦପୁର ଅଞ୍ଚଳ ବୁଲି ସ୍ବଚ୍ଛ ଭାରତ, ସୁସ୍ଥ ଭାରତ, ପଲିଥିନ ମୁକ୍ତ ପରିବେଶ ପାଇଁ ବାର୍ତ୍ତା ଦେଇଛନ୍ତି। ବିଦ୍ୟାଳୟ ପରିସରରେ ଛାତ୍ରୀ ନିବେଦିତା ବାଗଝରିଆ ଓ ଛାତ୍ର ଅସିତ ବୁଡା ସମସ୍ତଙ୍କୁ ପଲିଥନ ବ୍ୟବହାର ନ କରିବା ଓ ସ୍ବଚ୍ଛ ଭାରତ ନିର୍ମାଣ ପାଇଁ ଶପଥ ପାଠ କରାଇଛନ୍ତି।

‘ପ୍ଲାଷ୍ଟିକ ଫ୍ରି ଓଡ଼ିଶା’ ଅଭିଯାନରେ ସାମିଲ ହେଲେ ଛାତ୍ରୀଛାତ୍ର, ଶିକ୍ଷୟିତ୍ରୀ ଶିକ୍ଷକ

‘ପ୍ଲାଷ୍ଟିକ ଫ୍ରି ଓଡ଼ିଶା’ ଅଭିଯାନରେ ସାମିଲ ହେଲେ ଛାତ୍ରୀଛାତ୍ର, ଶିକ୍ଷୟିତ୍ରୀ ଶିକ୍ଷକ

ସମ୍ବଲପୁର, ୫।୯(ବ୍ୟୁରୋ)-ଦିନକୁ ଦିନ ପଲିଥିନର ବହୁଳ ବ୍ୟବହାର ଯୋଗୁ ପରିବେଶ ପ୍ରଦୂଷଣର ସୀମା ଟପି ଯାଉଛି । ଏହା ଆଗାମୀ ପିଢି ପାଇଁ ଚିନ୍ତା ଆଉ ଉଦ୍‌ବେଗଜନକ ବିଷୟ। ଆମେ ପଲିଥିନ ମୋହରୁ ବର୍ତ୍ତି ପାରୁନୁ। ଖାଦ୍ୟ, ପନିପରିବା, ଫଳମୂଳ, ଲୁଗାପଟା ଆଦି ଯାହା ବି କିଣୁଛୁ ସେଥିରେ ନିଶ୍ଚୟ ଖଣ୍ଡିଏ ପଲିଥନ ଘରକୁ ଆସୁଛି। ପରେ ତାହାକୁ ଅତି ବେପରୁଆ ଭାବେ ନାଳ, ନର୍ଦ୍ଦମା, ରାସ୍ତାରେ ଫିଙ୍ଗି ଦେଉଛୁ। ଫଳରେ ଏଥିଯୋଗୁ ପରିବେଶ ପ୍ରଦୂଷଣ ସହ ନାନା ସମସ୍ୟା ସୃଷ୍ଟି କରୁଛି। ଡ୍ରେନରେ ପଲିଥିନ ଜାମ୍‌ ହୋଇ ପାଣି ନିଷ୍କାସନ ହୋଇପାରୁନି। ଏଣୁ ଆମକୁ ସଚେତନ ହେବାକୁ ପଡିବ ବୋଲି ସମ୍ବଲପୁର ଜିଲାର ବିଭିନ୍ନ ଶିକ୍ଷା ଅନୁଷ୍ଠାନରେ ଛାତ୍ରୀଛାତ୍ରଙ୍କୁ ଶିକ୍ଷକମାନେ ବୁଝାଇବା ସହ ସମସ୍ତେ ପଲିଥିନରୁ ଦୂରେଇ ରହିବାକୁ ଶପଥ ନେଇଛନ୍ତି।

କଲେଜ ଛାତ୍ରୀଛାତ୍ରଙ୍କୁ ଅସଦାଚରଣର ଭିଡିଓ ଭାଇରାଲ: ଖୋଲାରେ ବୁଲୁଛନ୍ତି ଅଭିଯୁକ୍ତ

କଲେଜ ଛାତ୍ରୀଛାତ୍ରଙ୍କୁ ଅସଦାଚରଣର ଭିଡିଓ ଭାଇରାଲ: ଖୋଲାରେ ବୁଲୁଛନ୍ତି ଅଭିଯୁକ୍ତ

ଝାରସୁଗୁଡା ଅଫିସ,୫।୯- ଝାରସୁଗୁଡା ଜିଲାରେ ଘୂରି ବୁଲୁଥିବା ଜଣେ କଲେଜ ଛାତ୍ରୀ ଓ ଛାତ୍ରଙ୍କୁ ଅସଦାଚରଣ ଏବଂ ଲୁଟ୍‌ପାଟ୍‌ ଭାଇରାଲ ଭିଡିଓର ଖୋଳତାଡ କରିଛି ପୋଲିସ। ହେଲେ ଅଭିଯୋଗକାରୀ ନ ଥିବାରୁ ମାମଲା ରୁଜୁ ହୋଇନାହିଁ। ଅଭିଯୁକ୍ତମାନେ ଛାତ୍ରୀଛାତ୍ରଙ୍କୁ ଅସଦ୍‌ ବ୍ୟବହାର କରିବା ସହ ସେମାନଙ୍କଠାରୁ ୧୫ଶହ ଟଙ୍କା ଏବଂ ଗୋଟିଏ ମୋବାଇଲ ମଧ୍ୟ ଲୁଟି ନେଇଛନ୍ତି। ଅନ୍ୟପକ୍ଷରେ ଏହି ଭିଡିଓ ଭାଇରାଲ ହେବା ପରେ ପରିବାର ଲୋକେ ଛାତ୍ରୀଙ୍କ କଲେଜ ଯିବା ବନ୍ଦ କରି ଦେଇଛନ୍ତି। ଗୋଟିଏ ପଟେ ସମ୍ପୂର୍ଣ୍ଣ ନିର୍ଦ୍ଦୋଷ ଥିବା ଛାତ୍ରୀଛାତ୍ର ଏବଂ ତାଙ୍କ ପରିବାର ସମ୍ମାନ କ୍ଷୂର୍ଣ୍ଣ ହେବା ଭୟରେ ନୀରବ ରହିଛନ୍ତି। ଅନ୍ୟପକ୍ଷରେ ଲୁଟ୍‌ ଏବଂ ଦୁର୍ବ୍ୟବହାର କରିଥିବା ଅସାମାଜିକ ଯୁବକ ବୁଲୁଛନ୍ତି। ଏହା ଉକ୍ତ ଯୁବକଙ୍କୁ ପରବର୍ତ୍ତୀ ଅପରାଧିକ କାର୍ଯ୍ୟ ପାଇଁ ପ୍ରୋତ୍ସାହିତ କରିବ ବୋଲି ଲୋକେ କହୁଛନ୍ତି। ସୂଚନାଯୋଗ୍ୟ, ବ୍ରଜରାଜନଗରଠାରୁ ଅନତିଦୂରରେ ଝାରସୁଗୁଡା ଜିଲାର ଏକ ପ୍ରମୁଖ କଲେଜର ଛାତ୍ରୀ ଓ ଛାତ୍ରଙ୍କୁ ଅସଦାଚାରଣ କରାଯିବା ସହ ଲୁଟ୍‌ କରାଯାଇଥିଲା। ଏହି ଘଟଣାର ଭିଡିଓ ସୁଟିଂ କରି ଭାଇରାଲ କରାଯାଇଥିଲା।

ଆଇଁଷ ଗନ୍ଧରେ ସ୍କୁଲ ପିଲା ଅଣନିଶ୍ୱାସୀ

ଆଇଁଷ ଗନ୍ଧରେ ସ୍କୁଲ ପିଲା ଅଣନିଶ୍ୱାସୀ

ଲଖନପୁର,୫।୯(ଡି.ଏନ୍‌.ଏ.)-ଝାରସୁଗୁଡା ଜିଲା ଲଖନପୁର ବ୍ଲକ୍‌ ବନ୍ଧବାହାଲ କଲୋନୀ ପରିସରରେ ଥିବା ହାଇସ୍କୁଲ୍‌ ସମ୍ମୁଖରେ ପ୍ରତିଦିନ ମାଛ ମାର୍କେଟ୍‌ ବସୁଛି। ଏହି ମାଛ ମାର୍କେଟ୍‌ ଦ୍ୱାରା ସ୍କୁଲ୍‌ ପରିସରରେ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି। ଏହାର କୁପ୍ରଭାବ ସିଧାସଳଖ ସ୍କୁଲ୍‌ ଛାତ୍ରୀଛାତ୍ରଙ୍କ ଉପରେ ପଡୁଛି, ଫଳରେ ସ୍କୁଲ୍‌ରେ ଶିକ୍ଷାଦାନ ବାଧାପ୍ରାପ୍ତ ହେଉଛି। ଏହାକୁ ବିରୋଧ କରି ସ୍କୁଲ୍‌ର ସମସ୍ତ ଶିକ୍ଷୟତ୍ରୀ, ଶିକ୍ଷକମାନେ ମାଛ ମାର୍କେଟ୍‌କୁ ଯାଇ ସ୍କୁଲ୍‌ ସମ୍ମୁଖରେ ମାଛ ବିକ୍ରି ନ କରିବା ପାଇଁ ବ୍ୟବସାୟୀଙ୍କୁ ଅନୁରୋଧ କରିଛନ୍ତି। ଏହାକୁ କେତେକ ବ୍ୟବସାୟୀ ଗ୍ରହଣ କରି ଅନ୍ୟତ୍ର ଚାଲିଯାଇଛନ୍ତି। ଆଉ କେତେକ ବ୍ୟବସାୟୀ ଉଠୁ ନାହାନ୍ତି। ଏହାକୁ ନେଇ ସ୍କୁଲ୍‌ ଶିକ୍ଷକ ଓ ବ୍ୟବସାୟୀଙ୍କ ମଧ୍ୟରେ କଥା କଟାକଟି ହୋଇ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। ଖବର ପାଇ ସ୍ଥାନୀୟ ବାସିନ୍ଦା ଓ ଅଭିଭାବକମାନେ ପହଞ୍ଚି ଶିକ୍ଷକଙ୍କୁ ସମର୍ଥନ ଜଣାଇ ସ୍କୁଲ୍‌ ସମ୍ମୁଖରୁ ମାଛ ମାର୍କେଟ୍‌ ହଟିବା ପାଇଁ ଦାବି କରିଥିଲେ। 

ରାତାରାତି ବଦଳୁଛି ସରକାରୀ ଅଫିସ ଠିକଣା

ରାତାରାତି ବଦଳୁଛି ସରକାରୀ ଅଫିସ ଠିକଣା

ଝାରସୁଗୁଡା ଅଫିସ,୫।୯- ରାତାରାତି ବଦଳିଯାଉଛି ସରକାରୀ ଅଫିସର ଠିକଣା। କେତେବେଳେ କେଉଁଠିକି ସ୍ଥାନାନ୍ତର ହେଉଛି ତାର ସୂଚନା ଲୋକଙ୍କ ପାଖରେ ପହଞ୍ଚିପାରୁନାହିଁ। ଫଳରେ ଲୋକ ପୁରୁଣା ଠିକଣାରେ ଯାଇ ଅପେକ୍ଷା କରୁଛନ୍ତି ଏବଂ ଦୀର୍ଘ ସମୟ ଅପେକ୍ଷା କରିବା ପରେ ନିରାଶ ହୋଇ ଫେରୁଛନ୍ତି। ଏପରି ଦେଖିବାକୁ ମିଳିଛି ଝାରସୁଗୁଡା ଜିଲା ଜନ ସ୍ବାସ୍ଥ୍ୟ ଯାନ୍ତ୍ରିକ ବିଭାଗ(ପିଏଚ୍‌ଇଡି) ଅଫିସରେ। ଗତ କେତେମାସ ହେବ ପିଏଚ୍‌ଇଡି ଅଫିସ ପାହାଡିମନ୍ଦିର ଠିକଣାରୁ ସ୍ଥାନାନ୍ତର ହୋଇସାରିଛି। 

ରେମଣ୍ଡା ହାଇସ୍କୁଲ କୋଠା ଉଦ୍‌ଘାଟିତ, କଲ୍ୟାଣ ମଣ୍ଡପ ପାଇଁ ଭୂମିପୂଜା

ରେମଣ୍ଡା ହାଇସ୍କୁଲ କୋଠା ଉଦ୍‌ଘାଟିତ, କଲ୍ୟାଣ ମଣ୍ଡପ ପାଇଁ ଭୂମିପୂଜା

ଲଖନପୁର,୫।୯(ଡି.ଏନ୍‌.ଏ.)-ଓଡିଶା ବିଦ୍ୟୁତ ଉତ୍ପାଦନ ନିଗମ (ଓପିଜିସି)ସିଏସ୍‌ଆର୍‌ ପାଣ୍ଠି ବିନିଯୋଗରେ ନିର୍ମିତ ହୋଇଥିବା ରେମଣ୍ଡା ହାଇସ୍କୁଲ୍‌ କୋଠାକୁ ବରଗଡ ଏମ୍‌ପି ପ୍ରଭାସ ସିଂ ଉଦ୍‌ଘାଟନ କରିଛନ୍ତି। ସେହିଭଳି  ତିଲିଆ ଗ୍ରାମରେ ୨୬ଲକ୍ଷ ଟଙ୍କା ବ୍ୟୟ ଅଟକଳରେ ନିର୍ମାଣ ହେବାକୁ ଥିବା କଲ୍ୟାଣ ମଣ୍ଡପର ଭୂମିପୂଜା କରିଛନ୍ତି। ଏହି ଅବସରରେ ଓପିଜିସି ଅଧିକାରୀ ସୁକାନ୍ତ ମହାପାତ୍ର, ମନୋଜ ଦାସ, ତିଲିଆ ସରପଞ୍ଚ ଠଣସୁନ୍ଦର ସାହୁ, ମନବୋଧ ପ୍ରଧାନ, ପ୍ରସନ୍ନ ବିଶ୍ୱାଳ, ରେମଣ୍ଡା ସରପଞ୍ଚ ଦମୟନ୍ତୀ ଦାନୀ, ସମିତି ସଭ୍ୟା ସୁରେଖା ଖମାରୀ, ନାଏବ ସରପଞ୍ଚ ଡଲି ବେହେରା, ଜନ୍ମେଜୟ ପ୍ରଧାନ, ରାଧାକାନ୍ତ ମାଝି, ପ୍ରଧାନ ଶିକ୍ଷକ ହୀରାଲାଲ୍‌ ସାହୁ ପ୍ରମୁଖ ଯୋଗ ଦେଇଥିଲେ। ସ୍କୁଲ୍‌କୁ ପାନୀୟ ଜଳ ଓ ବିଦ୍ୟୁତ ସଂଯୋଗ ପାଇଁ ସ୍କୁଲ୍‌ କର୍ତ୍ତୃପକ୍ଷ ଏମ୍‌ପିଙ୍କ ଦୃଷ୍ଟି ଆକର୍ଷଣ କରିଥିଲେ।     

ବେଲପାହାଡ଼ରେ ଉଦ୍‌ଘାଟିତ ହେଲା ଆହାର କେନ୍ଦ୍ର

ବେଲପାହାଡ଼ରେ ଉଦ୍‌ଘାଟିତ ହେଲା ଆହାର କେନ୍ଦ୍ର

ବେଲପାହାଡ଼,୫।୯(ଡ଼ି.ଏନ୍‌.ଏ)-ଝାରସୁଗୁଡା ଜିଲା ବେଲପାହାଡ଼ ଗରିଧରଲାଲ ଉଚ୍ଚ ବିଦ୍ୟାଳୟ ନିକଟରେ ଏକ ଆହାର କେନ୍ଦ୍ର ଉଦ୍‌ଘାଟିତ ହୋଇଛି। ବରଗଡ଼ ଏମ୍‌ପି ପ୍ରଭାସ ସିଂ ମୁଖ୍ୟ ଅତିଥି ଭାବରେ ଯୋଗ ଦେଇ ଏହି ଆହାର କେନ୍ଦ୍ରର ଉଦ୍‌ଘାଟନ କରିଥିଲେ। ଝାରସୁଗୁଡ଼ା ଜିଲାପାଳ ବିଭୂତିଭୂଷଣ ପଟ୍ଟନାୟକ, ବେଲପାହାଡ଼ ପୌରାଧ୍ୟକ୍ଷ ପର୍ଶୁରାମ ସାହୁ, ପୂର୍ବତନ ବିଧାୟକ ଅନୁପ କୁମାର ସାଏ ଓ ବ୍ରଜରାଜନଗର ବିଧାୟିକାଙ୍କ ପ୍ରତିନିଧି ଅନିଲ କୁମାର ନାୟକ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ତେବେ ବିଭିନ୍ନ କାରଣରୁ ବେଲପାହାଡ଼ରେ ଆହାର କେନ୍ଦ୍ର ଆରମ୍ଭ ହେବାରେ ବିଳମ୍ବ ଘଟିଛି ବୋଲି ଜିଲାପାଳ ପ୍ରକାଶ କରିଥିଲେ।