ସମ୍ବଲପୁର

ମହିଳା, ଶିଶୁ ଡେକ୍ସର ଉନ୍ନତି ଦାବି

ମହିଳା, ଶିଶୁ ଡେକ୍ସର ଉନ୍ନତି ଦାବି

ରାଉରକେଲା ଅଫିସ୍‌ ୧୭।୭ - ଭାଜପା ମହିଳା ମୋର୍ଚ୍ଚା ପୂର୍ବତନ ସଭାନେତ୍ରୀ ସ୍ମିତା ନାୟକଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ଉଦିତନଗର ଥାନା ଅଧିକାରୀ ସଂଗ୍ରାମ କେଶରୀ ସ୍ବାଇଁଙ୍କୁ ସାକ୍ଷାତ କରି ମହିଳା, ଶିଶୁ ଡେକ୍ସର ଉନ୍ନତି ପାଇଁ ଦାବି କରିଛନ୍ତି। ଉଦିତନଗର ଥାନା ପାର୍ଶ୍ୱରେ ରାଉରକେଲାର ସମସ୍ତ ସରକାରୀ ପ୍ରଶାସନିକ କାର୍ଯ୍ୟାଳୟ ଥିବାରୁ ଏହାର ମହିଳା ଓ ଶିଶୁ ଡେକ୍ସ ପ୍ରକୋଷ୍ଠରେ ଟେବୁଲ, ଚେୟାରର ବ୍ୟବସ୍ଥା କରିବା ସହ ଫ୍ୟାନ୍‌ ଲଗାଇବା ପାଇଁ ଥାନା ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ।

ସ୍ବଧାର ଗୃହକୁ ଗଲେ ପ୍ରତାରିତା ନାବାଳିକା

ଲୋଇସିଂହା,୧୭।୭(ଡି.ଏନ.ଏ)- ଗୋଟିଏ କମ୍ପାନୀରେ ୬ ମାସ ଏକାଠି କାମ କଲୁ।ଏହି ସମୟରେ ଉଭୟଙ୍କ ମଧ୍ୟରେ ଭଲ ବନ୍ଧୁତା ସ୍ଥାପନ ହୋଇଥିଲା ା ବିବାହ ପ୍ରତିଶ୍ରୁତି ଦେଇ ମୋତେ ତାଙ୍କ ଗାଁକୁ ଆଣୁଥିଲେ। କିନ୍ତୁ ଲୋଇସିଂହା ରେଲୱେ ଷ୍ଟେଶନରେ ଓହ୍ଲାଇବା ପରେ ମୋବାଇଲ ଲୁଟି ଚାଲି ଯାଇଥିବା ରାୟଗଡା ଜିଲା କୁଟସିଂ ଥାନା ଅନ୍ତର୍ଗତ ଜନୈକା ନାବାଳିକା ଲୋଇସିଂହା ଥାନାରେ ଅଭିଯୋଗ କରିଛନ୍ତି। ପୋଲିସ ସୂଚନା ମୁତାବକ, ରାୟଗଡ଼ା ଜିଲା କୁଟସିଂ ଥାନା ଅଧୀନ ଏକ ଗ୍ରାମର ଜନୈକା ନାବାଳିକା ୬ ମାସ ତଳେ ତାମିଲନାଡୁକୁ ଦାଦନ ଖଟିବାକୁ ଯାଇଥିଲେ।

ଫସଲବୀମା ପ୍ରଦାନରେ ବିଳମ୍ବ, ଚାଷୀଙ୍କ ଜାତୀୟ ରାଜପଥ ଅବରୋଧ

ଫସଲବୀମା ପ୍ରଦାନରେ ବିଳମ୍ବ, ଚାଷୀଙ୍କ ଜାତୀୟ ରାଜପଥ ଅବରୋଧ

ସୋହେଲା,୧୭।୭(ଡି.ଏନ୍‌.ଏ.)- ଫସଲ ବୀମା ରାଶି ପ୍ରଦାନ ଦାବି କରି ଜୟ କିଷାନ ଆନ୍ଦୋଳନର କର୍ମକର୍ତ୍ତା ଏବଂ ପଶ୍ଚିମ ଓଡ଼ିଶା କୃଷକ ସଂଗଠନ ସମନ୍ବୟ ସମିତିର ମିଳିତ ଉଦ୍ୟମରେ ସୋହେଲା-ବରଗଡ଼ ୬ନମ୍ବର ଜାତୀୟ ରାଜପଥ ଦଶମାଇଲ ଛକଠାରେ ମଙ୍ଗଳବାର ସକାଳ ପ୍ରାୟ ୮ଟାରେ ରାସ୍ତାରୋକୋ ଆନ୍ଦୋଳନ କରାଯାଇଥିଲା। ଫଳରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା। ବର୍ଷା ସତ୍ତ୍ୱେ ଶତାଧିକ ଚାଷୀ ରାସ୍ତାରେ ବସି ଧାରଣା ଦେଇଥିଲେ। ଗତବର୍ଷ ମରୁଡି କ୍ଷୟକ୍ଷତି ଆକଳନ ରିପୋର୍ଟ ସରକାର ବୀମା କମ୍ପାନୀକୁ ଦେଇଥିଲେ ମଧ୍ୟ ଆଜି ପର୍ଯ୍ୟନ୍ତ ଚାଷୀମାନଙ୍କୁ ଫସଲ ବୀମା ରାଶି ଦେବାରେ ବୀମା କମ୍ପାନୀ ଅହେତୁକ ବିଳମ୍ବ କରୁଥିବାରୁ ଚାଷୀମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା।

ବୁର୍ଡା-ନଅଗାଁ(ଖ) ରାସ୍ତା ଶୋଚନୀୟ

ବୁର୍ଡା-ନଅଗାଁ(ଖ) ରାସ୍ତା ଶୋଚନୀୟ

ଲୋଇସିଂହା,୧୭।୭(ଡି.ଏନ.ଏ)-ବଲାଙ୍ଗୀର ଜିଲା ଲୋଇସିଂହା ବ୍ଲକ ଅଧୀନ ବୁର୍ଡାରୁ ନଆଗାଁ(ଖ)କୁ ଯାଇଥିବା ରାସ୍ତା ବିପଦସଙ୍କୁଳ ହୋଇପଡିଛି। ଅଞ୍ଚଳବାସୀଙ୍କ ପାଇଁ ଯାତାୟତ ଅନୁପଯୋଗୀ ହୋଇପଡିଛି। ଏହି ରାସ୍ତାର ଉନ୍ନତୀକରଣ ପାଇଁ ଜିଲା ପ୍ରଶାସନଠାରୁ ରାଜନେତାଙ୍କ ପର୍ଯ୍ୟନ୍ତ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବାରୁ ଅଞ୍ଚଳବାସୀଙ୍କ ମଧ୍ୟରେ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବଲାଙ୍ଗୀର-ବରଗଡ଼ ୨୬ ନଂ ଜାତୀୟ ରାଜପଥ ବୁର୍ଡାଠାରୁ ଆଗଲପୁର ବ୍ଲକ ନଅଗାଁ(ଖ)କୁ ମାତ୍ର ୨ କି.ମି. ରାସ୍ତା। ଗ୍ରାମାଞ୍ଚଳ ଲୋକଙ୍କ ସାମାଜିକ, ଅର୍ଥନୈତିକ ବୃଦ୍ଧି ପାଇଁ ଉନ୍ନତ ରାସ୍ତାର ଅବଶ୍ୟକ ରହିଛି। କିନ୍ତୁ ସ୍ବାଧିନତାର ଦୀର୍ଘ ବର୍ଷ ପରେ ମଧ୍ୟ ଏହି ରାସ୍ତା ଅବହେଳିତ ହୋଇପଡିଛି।

ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ

ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ

ପାଟଣାଗଡ, ୧୭।୭ (ଡି.ଏନ.ଏ.)- ବଲାଙ୍ଗୀର ଜିଲା ପାଟଣାଗଡ ଉପଖଣ୍ଡ ଲରମ୍ଭା ଥାନା ଅଧୀନ ଇନ୍ଦପୁର ଗ୍ରାମରେ ସୋମବାର ରାତିରେ ଏକ ଅଘଟଣ ଘଟିଛି। ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ କିଆଫୁଲ ବରିହାଙ୍କ ମୃତ୍ୟୁ ଘଟିଛି। ମିଳିଥିବା ସୂଚନା ମୁତାବକ, ସୋମବାର ରାତିରେ କିଆଫୁଲ ଘରେ ଥିବା ବେଳେ କୋଣସି କାରଣକୁ କେନ୍ଦ୍ର କରି ସ୍ବାମୀ ବାଳକୃଷ୍ଣ ବରିହା ଏକ ଟାଙ୍ଗିଆରେ ସ୍ତ୍ରୀ କିଆଫୁଲଙ୍କୁ ଆକ୍ରମଣ କରିଥିଲେ। ଫଳରେ କିଆଫୁଲଙ୍କ ବେକରେ ଗଭୀର ଆଘାତ ଲାଗି ପ୍ରବଳ ରକ୍ତ ସ୍ରାବ ହୋଇ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।

କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ସ୍ମାରକପତ୍ର: ଦାବି ପୂରଣ ନ ହେଲେ ଆନ୍ଦୋଳନ

କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ସ୍ମାରକପତ୍ର: ଦାବି ପୂରଣ ନ ହେଲେ ଆନ୍ଦୋଳନ

ଝାରସୁଗୁଡ଼ା ଅଫିସ୍‌/ଲଖନପୁର,୧୭।୭(ଡି.ଏନ୍‌.ଏ)- ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘ ନିର୍ଦ୍ଦେଶ କ୍ରମେ ଝାରସୁଗୁଡ଼ା କେନ୍ଦୁପତ୍ର ଡିଭିଜନ ପକ୍ଷରୁ ସମ୍ପାଦକ ଦୀନବନ୍ଧୁ ବେହେରାଙ୍କ ନେତୃତ୍ୱରେ ଏକ ସ୍ମାରକପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଡିଏଫ୍‌ଓ ସୁଶାନ୍ତ କୁମାରଙ୍କୁ ପ୍ରଦାନ କରାଯାଇଛି। ଏଥିରେ ଦର୍ଶାଯାଇଛି, କାର୍ଯ୍ୟରତ ଜଗୁଆଳି(ଓାଚରମ୍ୟାନ୍‌)ମାନେ ଦୀର୍ଘବର୍ଷ ହେଲାଣି ଗୋଦାମ ଜଗିବା ସାଙ୍ଗକୁ ପତ୍ରକିଣା ମୂଲ୍ୟାଙ୍କନ କାମ ସୁଚାରୁ ରୂପେ କରିଆସୁଛନ୍ତି। ସେମାନଙ୍କ ମଧ୍ୟରୁ କେତେକ କର୍ମଚାରୀ ସ୍ଥାୟୀ ଭାବେ କାର୍ଯ୍ୟରତ ଥିବା ବେଳେ ଆଉ କେତେଜଣଙ୍କୁ ଦିନମଜୁରିଆଭାବେ ନିୟୋଜିତ କରାଯାଇଛି।

ଆଦିବାସୀ ଶାସନ ପାଇଁ ଆହ୍ବାନ: ୨୨ରେ‘ରାଜୀ ପାଡ୍‌ହା’ପକ୍ଷରୁ ଗଣ ବିକ୍ଷୋଭ

ରାଉରକେଲା ଅଫିସ୧୭।୭ - ପାରମ୍ପରିକ ସାମାଜିକ, ଧାର୍ମିକ ଓ ନ୍ୟାୟିକ ସଙ୍ଗଠନ ରାଜୀ ପାଡ୍‌ହା, ଭାରତର ତତ୍ତ୍ୱାବଧାନରେ ଅଣ ଆଦିବାସୀମାନଙ୍କ ଦ୍ୱାରା ଦଖଲ କରାଯାଇଥିବା ଆଦିବାସୀ ଜମିକୁ ଫେରାଇ ଆଣିବା ଓ ସମ୍ବିଧାନର ପଞ୍ଚମ ଅନୁସୂଚୀର ଧାରା୨୪୪(୧) ଅନୁସାରେ ଆଦିବାସୀ ବହୁଳ ଅଞ୍ଚଳ ସୁନ୍ଦରଗଡ଼ ଜିଲାରେ ଆଦିବାସୀ ଶାସନ ବ୍ୟବସ୍ଥା ପ୍ରଚଳନ ପାଇଁ ଦାବି କରାଯାଇଛି। ଏ ନେଇ ରାଉରକେଲାରେ ଆସନ୍ତା ୨୨ ତାରିଖରେ ବିଶାଳ ଶୋଭାଯାତ୍ରା ବାହାରିବ। ଏଥିସହିତ ଗଣବିକ୍ଷୋଭ ଅନୁଷ୍ଠିତ ହେବ ବୋଲି ଚେତାବନୀ ଦିଆଯାଇଛି।

୯ମ,୧୦ମ ଶ୍ରେଣୀ ଛାତ୍ରୀଛାତ୍ରଙ୍କ ପାଇଁ ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ଆରମ୍ଭ

୯ମ,୧୦ମ ଶ୍ରେଣୀ ଛାତ୍ରୀଛାତ୍ରଙ୍କ ପାଇଁ ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ଆରମ୍ଭ

ଲଖନପୁର,୧୭।୭(ଡି.ଏନ୍‌.ଏ.)- ସରକାରଙ୍କ ପକ୍ଷରୁ ପ୍ରଥମରୁ ଅଷ୍ଟମଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନ(ଏମ୍‌ଡିଏମ୍‌) ଦିଆଯାଉଛି । ଏହି ଯୋଜନାରୁ ନବମ ଓ ଦଶମଶ୍ରେଣୀର ଛାତ୍ରୀଛାତ୍ର ବାଦ ପଡୁଥିଲେ ା ଏବେ ସେହି ଶ୍ରେଣୀର ଛାତ୍ରୀଛାତ୍ରଙ୍କୁ ଏଥିରେ ସାମିଲ କରାଯାଇଛି। ଏହି ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନ ଜିଲା ଖଣିଜ ପାଣ୍ଠିରୁ ଦିଆଯିବାପାଇଁ ନିଷ୍ପତ୍ତି ହୋଇଛି।

ବଗାଡ ଗ୍ରାମରେ ଝାଡ଼ାବାନ୍ତି ଆତଙ୍କ

ବଗାଡ ଗ୍ରାମରେ ଝାଡ଼ାବାନ୍ତି ଆତଙ୍କ

ଧର୍ମଗଡ,୧୭।୭(ଡି.ଏନ୍‌.ଏ.)- କଳାହାଣ୍ଡି ଜିଲା ଧର୍ମଗଡ ବ୍ଲକ ଅଧୀନ ବଗାଡ ଗ୍ରାମରେ ଝାଡ଼ାବାନ୍ତି ଦେଖାଦେଇଛି । ୧୦ ଜଣ ଆକ୍ରାନ୍ତ ହୋଇ ଧର୍ମଗଡ ଉପଖଣ୍ଡ ଚିକିତ୍ସାଳୟରେ ଚିକିତ୍ସତ ହେଉଥିବା ବେଳେ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ଡାକ୍ତରଖାନାରେ ଚିକିତ୍ସିତ ହେଉଥିବା ୧୦ ଜଣଙ୍କ ସ୍ବାସ୍ଥ୍ୟବସ୍ଥାରେ ଉନ୍ନତି ପରିଲିକ୍ଷିତ ହେଉଥିବା ଧର୍ମଗଡ ଉପଖଣ୍ଡ ଚିକିତ୍ସାଧିକାରୀ ଡାକ୍ତର ଅଶୋକ ପୁରୋହିତଙ୍କଠାରୁ ପ୍ରକାଶ। ଜଳରେ ବ୍ୟାକ୍ଟେରିଆ ଜନିତ କାରଣରୁ ଏହା ହୋଇଥିବା ଅନୁମାନ କରାଯାଇଛି ।

ଡାକ୍ତର ପଦବି ପୂରଣ ଦାବି, ଆନ୍ଦୋଳନ ଚେତାବନୀ

ଡାକ୍ତର ପଦବି ପୂରଣ ଦାବି, ଆନ୍ଦୋଳନ ଚେତାବନୀ

ଖଡ଼ିଆଳ,୧୭।୭ (ଡି.ଏନ୍‌.ଏ.)- ନୂଆପଡ଼ା ଜିଲା ଖଡ଼ିଆଳସ୍ଥିତ ଉନ୍ନୀତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଅଭାବ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହା ଉପଖଣ୍ଡସ୍ତରୀୟ ସ୍ବାସ୍ଥ୍ୟକେନ୍ଦ୍ରର ମାନ୍ୟତା ପାଇଥିଲେ ମଧ୍ୟ ଆବଶ୍ୟକ ସଂଖ୍ୟକ ଡାକ୍ତର ପଦବୀ ଖାଲି ପଡ଼ିଛି। ବିଭିନ୍ନ ବିଭାଗରେ ବିଶେଷଜ୍ଞ ନ ଥିବାରୁ ଜରୁରୀକାଳୀନ ଚିକିତ୍ସା ଓ ଅସ୍ତ୍ରୋପଚାରରେ ସମସ୍ୟା ଦେଖାଦେଇଛି। ରୋଗୀମାନେ ଉପଯୁକ୍ତ ଚିକିତ୍ସାରୁ ବଞ୍ଚିତ ହେଉଛନ୍ତି। ଡାକ୍ତରଙ୍କ ଅଭାବରୁ ବିଭିନ୍ନ ସମସ୍ୟା ଦେଇ ସ୍ବାସ୍ଥ୍ୟକେନ୍ଦ୍ର ଗତି କରୁଛି। ବିଭିନ୍ନ ଅନୁଷ୍ଠାନ, ରାଜନୈତିକ ଦଳ ପକ୍ଷରୁ ଡାକ୍ତର ନିଯୁକ୍ତି ନେଇ ବାରମ୍ବାର ଦାବି ଓ ଅଭିଯୋଗ ହୋଇଆସୁଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ।

ସଙ୍କୁଳସ୍ତରୀୟ ଦଳଗତ ଖେଳକୁଦ ପ୍ରତିଯୋଗିତା

ସଙ୍କୁଳସ୍ତରୀୟ ଦଳଗତ ଖେଳକୁଦ ପ୍ରତିଯୋଗିତା

ସିନାପାଲି,୧୭।୭(ଡି.ଏନ.ଏ.)- ନୂଆପଡ଼ା ଜିଲା ସିନାପାଲି ବ୍ଲକ ସିଙ୍ଗଝର ସରସ୍ବତୀ ଶିଶୁ ମନ୍ଦିରଠାରେ ସଙ୍କୁଳସ୍ତରୀୟ ଦଳଗତ କବାଡି ଓ ଖୋକୋ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଉଦ୍‌ଘାଟନୀ ଉତ୍ସବରେ ମୁଖ୍ୟଅତିଥି ଭାବେ ପଶ୍ଚିମ ଓଡ଼ିଶା ବିକାଶ ପରିଷଦ ସଦସ୍ୟ ତଥା ଜିଲା ପରିଷଦ ସଦସ୍ୟ ଲମ୍ବୋଦର ନିଆଲ, ସମ୍ମାନିତ ଅତିଥି ଭାବେ ଜିଲା ପରିଷଦ ସଦସ୍ୟ ପ୍ରିୟରଞ୍ଜନ ମେହେର, ନୂଆପଡ଼ା ଜିଲା ଯୋଜନା ବୋର୍ଡ ବିଶେଷଜ୍ଞ ସଦସ୍ୟ ରମେଶ ତିୱାରୀ, ସିଙ୍ଗଝର ଉଚ୍ଚ ବିଦ୍ୟାଳୟ ପୂର୍ବତନ ପ୍ରଧାନଶିକ୍ଷକ ଚନ୍ଦ୍ରଭାନୁ କଶ୍ୟପ, ସଙ୍କୁଳ ପ୍ରମୁଖ ଉଦୟନାଥ ପଣ୍ଡା, ଶିଶୁ ମନ୍ଦିର ସଭାପତି ଶତ୍ରୁଘ୍ନ ପ୍ରଧାନ, ସମ୍ପାଦକ କଳିଙ୍ଗ ବୈଠାରୁ, ରମେଶ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ।

ଉଦନ୍ତୀ ନଦୀରେ ପ୍ରଥମ ବନ୍ୟା: ଟାପୁରେ ଫସିଲେ ୫୦ରୁ ଊର୍ଦ୍ଧ୍ୱ

ଉଦନ୍ତୀ ନଦୀରେ ପ୍ରଥମ ବନ୍ୟା: ଟାପୁରେ ଫସିଲେ ୫୦ରୁ ଊର୍ଦ୍ଧ୍ୱ

ସିନାପାଲି,୧୭।୭(ଡି.ଏନ.ଏ.)- ଲଗାଣ ବର୍ଷା ଯୋଗୁ ଉଦନ୍ତୀ ନଦୀରେ ବନ୍ୟା ପରସ୍ଥିତି ଦେଖାଦେଇଛି । ବନ୍ୟା ଯୋଗୁ ଜୀବନ ଯାତ୍ରା ବ୍ୟାହତ ହୋଇଥିବା ବେଳେ ୫୦ରୁ ଊର୍ଦ୍ଧ୍ୱ ଗାଈଗୋରୁ ପାଣି ସୁଅ ମୁହଁରୁ ଅଳ୍ପକେ ବର୍ତ୍ତି ଯାଇଛନ୍ତି । ଉଦନ୍ତୀ ନଦୀରେ ହଠାତ୍‌ ବନ୍ୟା ଜଳ ମାଡି ଆସିଥିଲା। ଏହା ପୂର୍ବରୁ ସିନାପାଲି ବ୍ଲକ୍‌ ଚଲନା ଗ୍ରାମଠାରେ ନଦୀ ଗର୍ଭସ୍ଥ ଉଚୁକୁଭଟା ଟାପୁକୁ ଚରିବାକୁ ଯାଇଥିବା ୫୦ରୁ ଊର୍ଦ୍ଧ୍ୱ ଗୋରୁ ଦୀର୍ଘ ସମୟ ଧରି ଫସି ରହିଥିଲେ। ପରେ ଗ୍ରାମବାସୀ ସ୍ଥାନୀୟ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ। ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ଗୋରୁଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ। ହେଲେ ଆବଶ୍ୟକ ଉଦ୍ଧାର ସାମଗ୍ରୀ ନ ଥିବାରୁ ଉଦ୍ଧାର କାର୍ଯ୍ୟରେ ବିଳମ୍ବ ପରିଲକ୍ଷିତ ହୋଇଥିଲା। ପରବର୍ତ୍ତୀ ସମୟରେ ଉଦନ୍ତୀ ନଦୀର ଶାଖା ନାଳ ଦେଇ ବନ୍ୟା ଜଳ କମିବା ପରେ ଗୋରୁଙ୍କୁ ଉଦ୍ଧାର କରାଯାଇଥିଲା

ବଜ୍ରଘାତରେ ଚାଷୀଙ୍କ ମୃତ୍ୟୁ

ବଜ୍ରଘାତରେ ଚାଷୀଙ୍କ ମୃତ୍ୟୁ

ହୀରାକୁଦ,୧୭।୭(ଡି.ଏନ.ଏ)- ବଜ୍ରପାତ ଘଟି ସମ୍ବଲପୁର ମହାନଗର ଅଧୀନ ୧୩ ନମ୍ବର ୱାର୍ଡର ସାପଲହରା ଗ୍ରାମର ରବି ମିର୍ଦ୍ଧା ନାମକ ଜଣେ ଚାଷୀଙ୍କ ମୃତ୍ୟୁ ଘଟିଛି। ମିଳିଥିବା ସୂଚନା ମୁତାବକ, ରବି ବିଲକୁ ଯାଇଥିବା ବେଳେ ଘଡଘଡି ସହ ବର୍ଷା ହୋଇ ବଜ୍ରପାତ ଘଟିଥିଲା। ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ହୀରାକୁଦ ଥାନା ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏନେଇ ହୀରାକୁଦ ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି।

ଜନଅଭିଯୋଗ ଶୁଣାଣି ଶିବିର: ୧୫୨ ଅଭିଯୋଗ ଦାଖଲ

ଜନଅଭିଯୋଗ ଶୁଣାଣି ଶିବିର: ୧୫୨ ଅଭିଯୋଗ ଦାଖଲ

ନାକଟିଦେଉଳ,୧୭।୭(ଡି.ଏନ୍‌.ଏ.)- ସମ୍ବଲପୁର ଜିଲା ନାକଟିଦେଉଳ ବ୍ଲକ କାର୍ଯ୍ୟାଳୟ ରାଜୀବଗାନ୍ଧୀ ସେବା କେନ୍ଦ୍ରଠାରେ ଜିଲା ପ୍ରଶାସନ ପକ୍ଷରୁ ଏକ ମିଳିତ ଜନଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଶିବିରରେ ସମୁଦାୟ ୧୫୨ଟି ଅଭିଯୋଗ ଦାଖଲ ହୋଇଥିଲା। ୧୩୮ଟି ବ୍ୟକ୍ତିଗତ ଅଭିଯୋଗ ହୋଇଥିବା ବେଳେ ୧୪ଟି ଗୋଷ୍ଠୀଗତ ଅଭିଯୋଗ ଦାଖଲ ହୋଇଥିଲା। ଏଥିରେ ବିଜୁ ପକ୍କାଘର ବଣ୍ଟନରେ ଅନିୟମିତତା ହିତାଧିକାରୀଙ୍କ ଆଧାର ପରିଚୟପତ୍ରରେ ଭୁଲ ଥିବାରୁ ସାମାଜିକ ସୁରକ୍ଷା ଯୋଜନାରେ ଭତ୍ତା ପାଇବାରେ ବଞ୍ଚିତ ହେଉଥିବା, ବୟସ ହୋଇଥିଲେ ସୁଦ୍ଧା ଶିମିଳିପାଳ ପଞ୍ଚାୟତରେ ଆବେଦନକାରୀଙ୍କୁ ବାର୍ଦ୍ଧକ୍ୟ ଭତ୍ତା ନ ମିଳିବା, ରାଶନକାର୍ଡ ନ ଥିବାରୁ ଗରିବ ଜନସାଧାରଣ ଚାଉଳ ପାଇବାରୁ ବଞ୍ଚତ୍ତ ହେଉଥିବା ସମ୍ପର୍କରେ ଅଭିଯୋଗ ହୋଇଥିଲା।

ଧନକଉଡା ବିଇଓ ଅଫିସରରେ ସମ୍ବର୍ଦ୍ଧନା ସଭା

ଧନକଉଡା ବିଇଓ ଅଫିସରରେ ସମ୍ବର୍ଦ୍ଧନା ସଭା

ସମ୍ବଲପୁର, ୧୭।୭ (ବ୍ୟୁରୋ)- ସମ୍ବଲପୁର ଜିଲା ପ୍ରାଥମିକ ଶିକ୍ଷକ ସଂଘ ପକ୍ଷରୁ ସ୍ବାଗତ ସମ୍ବର୍ଦ୍ଧନା ସଭା ସୋମବାର ଧନକଉଡା ଗୋଷ୍ଠୀ ଶିକ୍ଷା ଅଧିକାରୀ(ବିଇଓ)ଙ୍କ ଅଫିସ ପରିସରରେ ଅନୁଷ୍ଠିତ ହୋଇଯାଇଛି । ନୂତନ ଭାବେ ଯୋଗଦେଇଥିବା ବିଇଓ ମୁରଲୀଧର ବେହେରାଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରାଯାଇଥିଲା। ସେହିପରି ସୁଧାଂଶୁ ଶେଖର ମିଶ୍ରଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଥିଲା ।

କତରବଗା ଚାଷୀ ଜିଲାପାଳଙ୍କ ଦ୍ୱାରସ୍ଥ

କତରବଗା ଚାଷୀ ଜିଲାପାଳଙ୍କ ଦ୍ୱାରସ୍ଥ

ସମ୍ବଲପୁର, ୧୭।୭ (ବ୍ୟୁରୋ)- ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ସାମିଲ କରିବାକୁ ସମ୍ବଲପୁର ଜିଲା କତରବଗା ଚାଷୀମାନେ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି । ସେମାନେ ଜିଲାପାଳ ସମର୍ଥ ବର୍ମାଙ୍କୁ ୮ଦଫା ଦାବିପତ୍ର ପ୍ରଦାନ କରିଛନ୍ତି । ୨୦୧୭-୧୮ ବର୍ଷ ଖରିଫ ଋତୁରେ କତରବଗା ଚାଷୀମାନେ ଧାନ ଫସଲ କରିଥିଲେ । ଚାଷ ଲାଗି ଆବଶ୍ୟକ ଖର୍ଚ୍ଚ ତୁଳାଇବାକୁ ସମବାୟ ଓ ଅନ୍ୟାନ୍ୟ ସଂସ୍ଥାରୁ ଧାରକରଜ କରିଥିଲେ । ଚକଡା ପୋକ ଯୋଗୁ ଧାନ ଫସଲ ନଷ୍ଟ ହୋଇଛି । ଯଦ୍ଦ୍ବାରା ସେମାନଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ପଡିଛି ।

ପ୍ରଧାନମନ୍ତ୍ରୀ ଶସ୍ୟବୀମା ଯୋଜନାରେ ଅନିୟମିତତା

ପ୍ରଧାନମନ୍ତ୍ରୀ ଶସ୍ୟବୀମା ଯୋଜନାରେ ଅନିୟମିତତା

ସମ୍ବଲପୁର,୧୭।୭(ବ୍ୟୁରୋ)- ପ୍ରଧାନମନ୍ତ୍ରୀ ଶସ୍ୟବୀମା ଯୋଜନାରେ ଅନିୟମିତତା ହୋଇଥିବା ଅଭିଯୋଗ ହୋଇଛି। ସମ୍ବଲପୁର ଜିଲା ମାନେଶ୍ୱର ବ୍ଲକ ବତେମୁରା ଓ ତବଲା, ରେଙ୍ଗାଲି ବ୍ଲକର ଜମଲା, କତରବଗା, ରେଙ୍ଗଲୋଇ, ନିଶାନଭଙ୍ଗା, ଠେଲକୋଲଇ, ଝାଙ୍କରପାଲି, ଲଇଡା, ଧନକଉଡା ବ୍ଳକର ବିଶାଲଖିଣ୍ଡା ଓ କିଲାସମା ପଞ୍ଚାୟତବାସୀ ଗତ ଖରିଫ ଋତୁରେ ପ୍ରଧାନମନ୍ତ୍ରୀ ଶସ୍ୟବୀମା କରିଥିଲେ। କିନ୍ତୁ ସମ୍ବଲପୁର ଜିଲା ରେଙ୍ଗାଲି ନିର୍ବାଚନ ମଣ୍ଡଳୀର ୧୧ଟି ପଞ୍ଚାୟତ ବୀମା ପାଇବାରୁ ବଞ୍ଚିତ ହୋଇଛନ୍ତି ।

ମା’କୋଳକୁ ଫେରିଲେ ନିଖୋଜ ସ୍କୁଲ ଛାତ୍ର

ମା’କୋଳକୁ ଫେରିଲେ ନିଖୋଜ ସ୍କୁଲ ଛାତ୍ର

ରେଢ଼ାଖୋଲ,୧୭।୭(ଡି.ଏନ୍‌.ଏ.)- ନିଖୋଜ ଥିବା ରେଢ଼ାଖୋଲ ସହର ନୂଆସାହିର ସ୍କୁଲ ଛାତ୍ର ରାକେଶ ମା’ କୋଳକୁ ଫେରିଛନ୍ତି। ସମ୍ବଲପୁର ଜିଲା ଶିଶୁ କଲ୍ୟାଣ ସମିତି ବରିଷ୍ଠ ସଭ୍ୟ ଯୋଗେନ୍ଦ୍ର ପାଟଯୋଶୀ ରାକେଶଙ୍କୁ ମା’ପାର୍ବତୀ ଅମାତଙ୍କ ନିକଟରେ ହସ୍ତାନ୍ତର କରିଛନ୍ତି। ସ୍ଥାନୀୟ ହରିଜନପଡ଼ା ପ୍ରାଥମିକ ବିଦ୍ୟାଳୟରେ ତୃତୀୟ ଶ୍ରେଣୀରେ ପଢୁଥିବା ରାକେଶ ଅମାତ(୮) ଶୁକ୍ରବାର ସ୍କୁଲରୁ ନିଖୋଜ ହୋଇଯାଇଥିଲେ। ପରିବାର ଲୋକେ ସନ୍ଧ୍ୟାରେ କାମ ସାରି ଘରକୁ ଫେରିଥିବା ବେଳେ ରାକେଶ ସ୍କୁଲରୁ ଘରକୁ ଫେରି ନ ଥିବା ଜାଣିବାକୁ ପାଇଥିଲେ।

ଜିଲା ପ୍ରଶାସନର ଯୁଗ୍ମ ଜନଶୁଣାଣି ଶିବିର

ଜିଲା ପ୍ରଶାସନର ଯୁଗ୍ମ ଜନଶୁଣାଣି ଶିବିର

ବୀରମହାରାଜପୁର, ୧୭।୭(ଡି.ଏନ.ଏ.) ସୁବର୍ଣ୍ଣପୁର ଜିଲା ପ୍ରଶାସନର ଯୁଗ୍ମ ଜନଶୁଣାଣି ଶିବିର ବୀରମହାରାଜପୁରଠାରେ ସୋମବାର ଅନୁଷ୍ଠିତ ହୋଇଯାଇଛି।

ସମ୍ବଲପୁରରେ ପ୍ରବଳ ବର୍ଷା

ସମ୍ବଲପୁରରେ ପ୍ରବଳ ବର୍ଷା

ସମ୍ବଲପୁର, ୧୭।୭ (ବ୍ୟୁରୋ) ଗତ ୩୬ ଘଣ୍ଟା ମଧ୍ୟରେ ଐତିହାସିକ ସମ୍ବଲପୁର ସହରରେ ୧୧୪ ମିଲିମିଟର ବର୍ଷା ହୋଇଥିବା ରେକର୍ଡ କରାଯାଇଛି । ପ୍ରବଳ ବର୍ଷା ଯୋଗୁ ସମ୍ବଲପୁର ସହର ତଳି ଅଞ୍ଚଳରେ ବନ୍ୟା ପରିସ୍ଥିତି ଦେଖାଦେଇଛି।

ପିଲାସଂଖ୍ୟା ହ୍ରାସ: ନୂଆପଡା ଜିଲାର ୫୩ ସ୍କୁଲରେ ତାଲା

ପିଲାସଂଖ୍ୟା ହ୍ରାସ: ନୂଆପଡା ଜିଲାର ୫୩ ସ୍କୁଲରେ ତାଲା

ନୂଆପଡା ଅଫିସ,୧୭ା୭- ସରକାର ପ୍ରତ୍ୟକ ଗାଁରେ ପ୍ରାଥମିକ ଶିକ୍ଷାକୁ ସାର୍ବଜନୀନ କରିବାକୁ ବିଦ୍ୟାଳୟଗୁଡିକ ସ୍ଥାପନ କଲେ। ହେଲେ ବହୁ ଚେଷ୍ଟା ସତ୍ତ୍ୱେ ବିଦ୍ୟାଳୟଗୁଡିକରେ ପିଲା ସଂଖ୍ୟା ହ୍ରାସ ପାଇବାରେ ଲାଗିଲା।

ସ୍କୁଲ ଜଳବନ୍ଦୀ, ପାଠପଢା ବ୍ୟାହତ

ସ୍କୁଲ ଜଳବନ୍ଦୀ, ପାଠପଢା ବ୍ୟାହତ

ପଦ୍ମପୁର, ୧୭।୭ (ଡି.ଏନ.ଏ) ଲଘୁଚାପ ଯୋଗୁ ଗତ ୨ଦିନ ଧରି ହୋଇଥିବା ବୃଷ୍ଟିପାତରେ ପଦ୍ମପୁର ସହରର ଅଧିକାଂଶ ସ୍ଥାନରେ କୃତ୍ରିମ ଜଳାଶୟ ସୃଷ୍ଟି ହୋଇଥିବା ଦେଖିବାକୁ ମିଳିଛି । ଏହି ବର୍ଷାରେ ଲାଲବାହାଦୁର ଶାସ୍ତ୍ରୀ ଉପ୍ରା ବିଦ୍ୟାଳୟରେ ମଧ୍ୟ ଆଣ୍ଠୁଏ ପାଣି ପଶିିଥିଲା ।

ରୁକୁଡା ଜଙ୍ଗଲରେ ମାଓବାଦୀ କ୍ୟାମ୍ପ ଠାବ

ରୁକୁଡା ଜଙ୍ଗଲରେ ମାଓବାଦୀ କ୍ୟାମ୍ପ ଠାବ

ଦେବଗଡ଼,୧୭।୭(ସ୍ବ.ପ୍ର.): ଦୀର୍ଘଦିନର ନୀରବତା ପରେ ଦେବଗଡ ଜିଲାରେ ମାଓବାଦୀଙ୍କ ଗତିବିଧି ପୁନଃ ପରିଲକ୍ଷିତ ହୋଇଛି। ଗତ ୧୪ତାରିଖରୁ ଦୁଇଦିନ ଧରି ପୋଲିସ୍‌ର ଡିଭିଏଫ୍‌ ଏବଂ ଏସ୍‌ଓଜି ଟିମ୍‌ ଜିଲାର ତିଲେଇବଣି ବ୍ଲକ ଅଧୀନ ଲଇମୁରା ସଂରକ୍ଷିତ ଜଙ୍ଗଲ ଓ ପାରପୋଷି ପଞ୍ଚାୟତର ରୁକୁଡା ଗ୍ରାମରେ ଛାନଭିନ୍‌ ଚଳାଇଥିଲେ।

ପାଣି ଘେରରେ ସ୍କୁଲ, ପାଠପଢା ବ୍ୟାହତ

ପାଣି ଘେରରେ ସ୍କୁଲ, ପାଠପଢା ବ୍ୟାହତ

ପଦ୍ମପୁର, ୧୬।୭ (ଡି.ଏନ.ଏ): ଲଘୁଚାପ ଯୋଗୁ ିଗତ ୨ଦିନ ଧରି ହୋଇଥିବା ବୃଷ୍ଟିପାତରେ ପଦ୍ମପୁର ସହରର ଅଧିକାଂଶ ସ୍ଥାନରେ କୃତ୍ରିମ ଜଳାଶୟ ସୃଷ୍ଟି ହୋଇଥିବା ଦେଖିବାକୁ ମିଳିଛି ।