ସମ୍ବଲପୁର

କୋଇଲା ଖଣିରେ ଟ୍ରକ୍‌ ଧକ୍କାରେ କର୍ମଚାରୀ ମୃତ, କ୍ଷତିପୂରଣ ଦାବିରେ କାର୍ଯ୍ୟବନ୍ଦ ଆନ୍ଦୋଳନ

କୋଇଲା ଖଣିରେ ଟ୍ରକ୍‌ ଧକ୍କାରେ କର୍ମଚାରୀ ମୃତ, କ୍ଷତିପୂରଣ ଦାବିରେ କାର୍ଯ୍ୟବନ୍ଦ ଆନ୍ଦୋଳନ

ଲଖନପୁର, ୨୦।୬(ଡି.ଏନ୍‌.ଏ)- ମହାନଦୀ କୋଲ୍‌ଫିଲ୍ଡ ଲିମିଟେଡ୍‌ (ଏମ୍‌ସିଏଲ୍‌) ଲଖନପୁର କୋଇଲା ଖଣି ପ୍ରୋଜେକ୍ଟ ଅଫିସ୍‌ ନିକଟ ଚର୍ତ୍ତୃମୂଖୀ ଛକରେ ବୁଧବାର ସକାଳ ପ୍ରାୟ ୬ଟା ୪୦ରେ ଏକ ୧୦ଚକିଆ ଖାଲିଟ୍ରକ୍‌ ଏକ ବାଇକ୍‌ ଉପରେ ମାଡିଯାଇଛି। ଫଳରେ ବାଇକ୍‌ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି।

ବ୍ରାହ୍ମଣୀ ନଦୀରେ ବୁଡ଼ି ୨ ନାବାଳକ ନିଖୋଜ

ବ୍ରାହ୍ମଣୀ ନଦୀରେ ବୁଡ଼ି ୨ ନାବାଳକ ନିଖୋଜ

ଲହୁଣୀପଡ଼ା, ୨୦।୬(ଡି.ଏନ୍‌.ଏ.) ବୁଧବାର ପୂର୍ବାହ୍ନରେ ସୁନ୍ଦରଗଡ଼ ଜିଲା ଲହୁଣୀପଡ଼ା ବ୍ଲକ ଅନ୍ତର୍ଗତ ବ୍ରାହ୍ମଣୀନଦୀର ତୁମକଳା ଘାଟରେ ବୁଡ଼ିଯାଇ ୨ ନାବାଳକ ନିଖୋଜ ହୋଇଛନ୍ତି। ସେମାନେ ହେଲେ ଲହୁଣୀପଡ଼ାର ଶୁଭମ କୁମାର ରାୟ ଓ ସୌରଭ ଜୟସ୍ବାଲ। ଉଭୟ ୧୦ମ ଶ୍ରେଣୀର ଛାତ୍ର। ବୟସ ୧୪/୧୫ ମଧ୍ୟରେ ହେବ ବୋଲି କୁହାଯାଉଛି।

ଓଡ୍ରାଫ ଟିମ୍‌ ପକ୍ଷରୁ ପ୍ରାକୃତିକ ବିପର୍ଯ୍ୟୟ ନିରାପତ୍ତା ସଚେତନତା କାର୍ଯ୍ୟକ୍ରମ

ଓଡ୍ରାଫ ଟିମ୍‌ ପକ୍ଷରୁ ପ୍ରାକୃତିକ ବିପର୍ଯ୍ୟୟ ନିରାପତ୍ତା ସଚେତନତା କାର୍ଯ୍ୟକ୍ରମ

କୁଆଁରମୁଣ୍ଡା,୨୦।୬(ଡି.ଏନ.ଏ.)-ବିଭିନ୍ନ ପ୍ରାକୃତିକ ବିପର୍ଯ୍ୟୟ ବିଶେଷ କରି ଭୂମିକମ୍ପ, ଝଡ଼ ତୋଫାନ, ଅଂଶୁଘାତ ଏପରିକି ରାସ୍ତା ଦୁର୍ଘଟଣାରେ ଆହତ ବ୍ୟକ୍ତିମାନଙ୍କୁ କିଭଳି ଜଣେ ବ୍ୟକ୍ତି ପ୍ରାଥମିକ ସହାୟତା ଓ ଚିକିତ୍ସା ଯୋଗାଇ ପାରିବ ସେ ନେଇ ଓଡ୍ରାଫ ଟିମ୍‌ ପକ୍ଷରୁ ବିଭିନ୍ନ ଅଞ୍ଚଳରେ ସଚେତନତା ସୃଷ୍ଟି କରାଯାଉଛି।

ଦିବ୍ୟାଙ୍ଗ ଛୁଆକର ଚିନ୍‌ତାରେ ବିଧବା ମା’

ଦିବ୍ୟାଙ୍ଗ ଛୁଆକର ଚିନ୍‌ତାରେ ବିଧବା ମା’

ସିଂଘିଯୁବା,୨୦ା୧୬(ଡି.ଏନ୍‌.ଏ): କେନ୍ଦ୍ର ଆର୍‌ ରାଏଜ୍‌ ସରକାର ଲୁକ୍‌କର ଲାଗି ଭିନେ ଭିନେ ପର୍‌କାର ଜନହିତ୍‌କର ଯୋଜ୍‌ନା କାଯ୍‌କାରୀ କରୁଛନ୍‌। ଛୁଆ ଜନମ୍‌ ହେବାର ଆଗ୍‌ରୁ ମୂଲ୍‌ କରି ପରିବାର୍‌ର କିଏ ମରିଗଲେ ବି ଭିନେ ଭିନେ ଯୋଜ୍‌ନାରେ ସରକାର ଟଁକା ଯୁଗେଇ ଦେଉଛନ୍‌। ସେନ୍‌ତା ଦିବ୍ୟାଙ୍ଗ ମାନ୍‌କର ଲାଗି ଭତା, ରାସନ୍‌ କାର୍ଡ, ଦର୍‌କାର ହିସାବେ ପକ୍କାଘର ଯୁଗେଇ ଦେଉଛନ୍‌ ସରକାର। ଇତାର ବାହାରେ ଦିବ୍ୟାଙ୍ଗ ଯୁବତୀ ଯୁବକ୍‌ମାନ୍‌କର ଲାଗି ସରକାର ଭିନେ ଭିନେ ତାଲିମ୍‌ ଦେଇ ଜିଁବାର ଖାଏବାର ରାସ୍‌ତା ଦେଖଉଛନ୍‌। ତାଲିମ୍‌ ସାଏଲେ ବ୍ୟାଙ୍କରୁ ଲୋନ୍‌ ଯୁଗେଇ ଦେବାର ବେବସ୍‌ତା ବି କରୁଛନ୍‌। ହେଲେ ଇ ସବୁ ସରକାରୀ ଯୋଜ୍‌ନାର ଲାଭ୍‌ ଉଠେଇ ଝନେ ଜିଁବାର ଖାଏବାର ଲାଗି ସକ୍ଷମ୍‌ ଥିବାର ଦର୍‌କାର। ଏନ୍‌ତା ବି ବହୁତ୍‌ଟେ ଭିନ୍ନକ୍ଷମ୍‌ ଅଛନ୍‌ ଯେନ୍‌ମାନେ କି କେହେନ୍‌ସି ପର୍‌କାର କାମ୍‌କାଯ୍‌ କର୍‌ବାର ଲାଗି ସକ୍ଷମ୍‌ ନୁହଁନ୍‌, ପର୍‌ଆଶ୍‌ରି ହେଇ ଜୀବନ୍‌ ବିତାବାକେ ବାଧ୍ୟ ହେଉଛନ୍‌। ସେମାନ୍‌କର ଲାଗି ଇ ସବୁ ସରକାରୀ ଯୋଜ୍‌ନା ନଁାକେ ଖାଲି।

ସରିଲା ଶୀତଳଷଷ୍ଠୀ ଯାତ୍ରା: ମନ୍ଦିରକୁ ଫେରିଲେ ଦେବଦମ୍ପତି

ସରିଲା ଶୀତଳଷଷ୍ଠୀ ଯାତ୍ରା: ମନ୍ଦିରକୁ ଫେରିଲେ ଦେବଦମ୍ପତି

ସୋନପୁର,୨୦।୬(ନି.ପ୍ର.):ଚଳିତ ବର୍ଷ ସୁବର୍ଣ୍ଣପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା ମଙ୍ଗଳବାର ଶେଷ ହୋଇଛି। ଶିବପାର୍ବତୀଙ୍କ ଲୌକିକ ବିବାହ, ଯୁଗଳ ଦର୍ଶନ ଯାତ୍ରା ଓ ନଗର ପରିକ୍ରମା ପରେ ସ୍ବମନ୍ଦିରକୁ ଫେରିଛନ୍ତି ଦେବଦମ୍ପତି। ଲୋକସଂସ୍କୃତି ଓ ଆଧ୍ୟାତ୍ମିକ ପର୍ବ ଶୀତଳଷଷ୍ଠୀ ପାରମ୍ପରିକ ରୀତି ନୀତିରେ ସମ୍ପନ୍ନ ହୋଇଛି। ରାଜାରାଜୁଡା ଅମଳରୁ ଚାଲି ଆସିଥିବା ଶତାଧିକ ବର୍ଷର ପୁରୁଣା ଏହି ପରମ୍ପରା।

ଶୃଙ୍ଖଳିତ ରଥଯାତ୍ରା ଉପରେ ଗୁରୁତ୍ୱ

ଶୃଙ୍ଖଳିତ ରଥଯାତ୍ରା ଉପରେ ଗୁରୁତ୍ୱ

ସୋନପୁର,୨୦।୬(ନି.ପ୍ର.):ଚଳିତ ରଥଯାତ୍ରା ସକାଶେ ମଙ୍ଗଳବାର ଏକ ପ୍ରସ୍ତୁତି ବୈଠକ ସୁବର୍ଣ୍ଣପୁର ଜିଲାପାଳଙ୍କ ସଭାଗୃହରେ ଅନୁଷ୍ଠିତ ହୋଇଯାଇଛି। ସୋନପୁର ଉପଜିଲାପାଳ ତଥା ଦେବୋତ୍ତର ଅଧିକାରୀ ବଳରାମ ମଲ୍ଳିକଙ୍କ ଆବାହକତ୍ୱରେ ଅନୁଷ୍ଠିତ ବୈଠକରେ ଚଳିତ ରଥଯାତ୍ରାକୁ ଅଧିକ ସୁନ୍ଦର ଓ ଶୃଙ୍ଖଳିତ କରିବା ପାଇଁ ଆଲୋଚନା ହୋଇଥିଲା। ଜିଲାପାଳ ଦାଶରଥି ଶତପଥୀ ବୈଠକରେ ଅଧ୍ୟକ୍ଷତା କରିଥିଲେ। ରଥ ନିର୍ମାଣ, ରତ କାଠ, ପହଣ୍ଡି, ଛେରାପହଁରା, ଅବତାର, ବାହୁଡା ଯାତ୍ରା ଓ ସହରର ପରିମଳ ବ୍ୟବସ୍ଥା ବ୍ୟବସ୍ଥା ସମ୍ପର୍କରେ ବ୍ୟାପକ ଚର୍ଚ୍ଚା ହୋଇଥିଲା। ପୁରାତନ ଗଡଜାତ ରାଜ୍ୟ ସୋନପୁରର ରଥଯାତ୍ରା ସ୍ବତନ୍ତ୍ର। ରାଜାରାଜୁଡା ଅମଳରୁ ଏହି ରଥଯାତ୍ରା ପାଳନ ହୋଇଆସୁଛି।

ଉଲୁଣ୍ଡା ପ୍ରିମିୟର ଲିଗ୍‌ : ରାଇଜିଂ ଷ୍ଟାର ଚାମ୍ପିୟନ

ଉଲୁଣ୍ଡା ପ୍ରିମିୟର ଲିଗ୍‌ : ରାଇଜିଂ ଷ୍ଟାର ଚାମ୍ପିୟନ

ଉଲୁଣ୍ଡା, ୨୦ା୬(ଡି.ଏନ.ଏ.):ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ କ୍ରିକେଟ ଆସୋସିଏଶନ୍‌ ପକ୍ଷରୁ ଆୟୋଜିତ ପଞ୍ଚମ ଉଲୁଣ୍ଡା ପ୍ରିମିୟର ଲିଗ୍‌ କ୍ରିକେଟ ଟୁର୍ନାମେଣ୍ଟ ଉଦ୍‌ଯାପିତ ହୋଇଯାଇଛି। ମଙ୍ଗଳବାର ଖେଳା ଯାଇଥିବା ଫାଇନାଲ ମ୍ୟାଚରେ ରାଇଜିଂ ଷ୍ଟାର ପୁଟୁରୁପାଲି ଦଳ ଗଣ୍ଡାବାହାଲ ୱାରିଅର୍ସକୁ ୫ଉଇକେଟରେ ପରାସ୍ତ କରି ଚାମ୍ପିୟନ ହୋଇଛି। ଟସ୍‌ ଜିଣି ପ୍ରଥମେ ବ୍ୟାଟିଂ କରି ୱାରିଅର୍ସ ଦଳ ନିର୍ଦ୍ଧାରିତ ୧୦ଓଭରରେ ୫ ଉଇକେଟ ବିନିମୟରେ ୬୫ ରନ କରିଥିଲା। ଦଳ ପକ୍ଷରୁ ପାର୍ଥ ଦାସ ୧୭ ରନ ସଂଗ୍ରହ କରିଥିଲେ। ଜବାବରେ ରାଇଜିଂ ଷ୍ଟାର ୯.୨ ଓଭରରେ ୫ ଉଇକେଟ ବିନିମୟରେ ୬୬ରନ ହାସଲ କରିନେଇ ବିଜୟୀ ହୋଇଥିଲା। ଦଳ ପକ୍ଷରୁ ଭାଗିରଥି ଦନ୍ତା ସର୍ବାଧିକ ୨୬ରନ ସଂଗ୍ରହ କରିଥିଲେ । ଖେଳକୁ ଅନୀଲ କୁମାର ପଣ୍ଡା ଓ ବିଜୟ ମହାକୁର ପରିଚାଳନା କରିଥିଲେ।

ଲୋୟର ସୁକ୍‌ତେଲ:  ଆରମ୍ଭ ହେଲା ଅଭିଯୋଗ ଶୁଣାଣି

ଲୋୟର ସୁକ୍‌ତେଲ: ଆରମ୍ଭ ହେଲା ଅଭିଯୋଗ ଶୁଣାଣି

ବଲାଙ୍ଗୀର ଅଫିସ, ୨୦ା୬:ବହୁ ପ୍ରତୀକ୍ଷିତ ଲୋୟର ସୁକ୍‌ତେଲ ଜଳସେଚନ ପ୍ରକଳ୍ପ ଅଗ୍ରଗତି ଦିଗରେ ଜିଲା ପ୍ରଶାସନ ଦୀର୍ଘଦିନ ପରେ ଏକ ନୂଆ ପ୍ରୟାସ ଆରମ୍ଭ କରିଛି। ମଙ୍ଗଳବାର ଜିଲା ପ୍ରଶାସନ ତରଫରୁ ପ୍ରଥମ ଥର ପାଇଁ ଲୋୟର ସୁକ୍‌ତେଲ ବୁଡି ଅଞ୍ଚଳବାସୀଙ୍କ ଅଭିଯୋଗ ସିଧାସଳଖ ଜିଲାପାଳ ଶୁଣିଛନ୍ତି ା ବୁଡିଅଞ୍ଚଳର ପ୍ରକଳ୍ପ ପ୍ରଭାବିତ ୨୯ ଖଣ୍ଡ ଗ୍ରାମର ଲୋକ ଏହି ଅଭିଯୋଗ ଶୁଣାଣିକୁ ଆସି ସିଧାସଳଖ ଜିଲାପାଳ ଅରିନ୍ଦମ ଡାକୁଆଙ୍କୁ ନିଜ ବ୍ୟକ୍ତିଗତ ଓ ସାମୂହିକ ଅଭିଯୋଗ ସମ୍ପର୍କରେ କହିଥିଲେ ା ଜିଲାପାଳଙ୍କ ଏଭଳି ଉଦ୍ୟମକୁ ବୁଡି ଅଞ୍ଚଳବାସୀ ସ୍ବାଗତ କରିଛନ୍ତି ା ତେବେ ଗୋଟିଏ ଦିନ ଧାର୍ଯ୍ୟ ହୋଇଥିବାରୁ ଓ ସମସ୍ତ ଗ୍ରାମରୁ ଏକାସଙ୍ଗରେ ଲୋକେ ଆସିଥିବାରୁ ଅଭିଯୋଗ ଶୁଣାଣି ସୁଚାରୂରୂପେ ସମ୍ପାଦିତ ହୋଇ ନ ଥିବା କେତେକ ଲୋକ ଅଭିଯୋଗ କରିଥିଲେ।

ଶିକ୍ଷା, ବୃତ୍ତିଗତ ସଚେତନତା ଶିବିର: ୩ ଶହ ଛାତ୍ରୀଛାତ୍ରଙ୍କ ଅଂଶଗ୍ରହଣ

ଶିକ୍ଷା, ବୃତ୍ତିଗତ ସଚେତନତା ଶିବିର: ୩ ଶହ ଛାତ୍ରୀଛାତ୍ରଙ୍କ ଅଂଶଗ୍ରହଣ

କୋକସରା,୨୦।୬(ଡି.ଏନ.ଏ.)- କଳାହାଣ୍ଡି ଜିଲା କୋକସରା ବ୍ଲକ ଟେମରା ମଣ୍ଡି ପରିସରରେ ଜିଲା ଭତରା ଜନ କଲ୍ୟାଣ ସମିତିର ଏକ ଚିନ୍ତନ ସଭା ମଙ୍ଗଳବାର ଅନୁଷ୍ଠିତ ହୋଇଯାଇଛି। ଅନୁଷ୍ଠିତ ଚିନ୍ତନ ସଭାରେ ଯୋଗଦେଇଥିବା ଅତିଥି ଓ ବକ୍ତାମାନେ ଶିକ୍ଷା ହିଁ ବିକାଶର ମୂଳମନ୍ତ୍ର ବୋଲି କହିଥିଲେ। ସେହିପରି ଭତରା ସମାଜରେ ଥିବା ସମସ୍ତ ଛାତ୍ରୀଛାତ୍ର ଉଚ୍ଚ ଶିକ୍ଷିତ ହୋଇ ସମାଜର ବିକାଶ ଧାରାକୁ ଅଗକୁ ନେବାକୁ ପଡିବ ବୋଲି ଏଥିରେ ଗୁରୁତ୍ୱ ଦିଆଯାଇଥିଲା।

ଲଖନା-ବାବୁପାଲି ରାସ୍ତା ୫ ଘଣ୍ଟା ଜାମ ହେଲା: କଂଗ୍ରେସ ନେତୃତ୍ୱରେ ରାସ୍ତାରୋକୋ: ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହୃତ

ଲଖନା-ବାବୁପାଲି ରାସ୍ତା ୫ ଘଣ୍ଟା ଜାମ ହେଲା: କଂଗ୍ରେସ ନେତୃତ୍ୱରେ ରାସ୍ତାରୋକୋ: ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହୃତ

ନୂଆପଡା ଅଫିସ,୨୦।୬- ନୂଆପଡା ଜିଲା କୋମନା ବ୍ଲକ ଅନ୍ତର୍ଗତ ବାବୁପାଲିଠାରୁ ଲଖନା ଏବଂ ସୁକଲିମୁଣ୍ଡି ଛକ ରାସ୍ତା ଅବସ୍ତା ଶୋଚନୀୟ ହୋଇପଡିଥି ବାବେଳେ ଗ୍ରାମ୍ୟ ନିର୍ମାଣ ବିଭାଗ ତରଫରୁ ଅବହେଳା କରାଯାଇଥିବା ଅଭିଯୋଗ ନେଇ କଂଗ୍ରେସ ତରଫରୁ ମଙ୍ଗଳବାର ଲଖନା -ବାବୁପାଲି ରାସ୍ତାରୋକୋ କରାଯାଇଛି । ଏହାର ତଦନ୍ତ କରିବା ସହ ପୁନ ରାସ୍ତା ନିର୍ମାଣ କରିବାକୁ ଦାବି କରାଯାଇଛି ।

ମନ୍ଦିର ପ୍ରବେଶ କଲେ ଦେବ ଦମ୍ପତି

ମନ୍ଦିର ପ୍ରବେଶ କଲେ ଦେବ ଦମ୍ପତି

ସମ୍ବଲପୁର,୨୦।୬ (ବ୍ୟୁରୋ) ସରିଛି ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା। ବିବାହ ପରେ ମା’ ପାର୍ବତୀଙ୍କୁ ସାଙ୍ଗରେ ଧରି ସ୍ବ ମନ୍ଦିରକୁ ପ୍ରତ୍ୟାବର୍ତ୍ତନ କରିଛନ୍ତି ଦେବ ଦେବ ମହାଦେବ। କନ୍ୟା ଘରୁ ମନ୍ଦିରକୁ ଫେରିବା ଅବସରରେ ୨ ଦିନ ଧରି ଚାଲିଥିବା ନଗର ପରିକ୍ରମା ତଥା ଶୋଭାଯାତ୍ରା ବି ଶେଷ ହୋଇଛି।

ଚାଷ ଜମିକୁ ପାଣି ନାହିଁ, ଠିକାଦାରଙ୍କ ବେଳକୁ ଅଛି: ପାଣି ଛାଡୁନି ଜଳ ସେଚନ ବିଭାଗ

ଚାଷ ଜମିକୁ ପାଣି ନାହିଁ, ଠିକାଦାରଙ୍କ ବେଳକୁ ଅଛି: ପାଣି ଛାଡୁନି ଜଳ ସେଚନ ବିଭାଗ

ସମ୍ବଲପୁର,୨୦।୬(ବ୍ୟୁରୋ)-ସମ୍ବଲପୁର ଶାସନ କେନାଲ ହୁମା ଟେଲରେ ପାଣି ଛାଡିବାରେ ଜଳ ସେଚନ ବିଭାଗ ବିଳମ୍ବ କରୁଥିବା ଅଭିଯୋଗ ହେଉଛି । ଶାସନ କେନାଲ ହୁମା ଟେଲ ଚାଷୀମାନେ ଏହି ଅଭିଯୋଗ ଆଣିଛନ୍ତି। କେନାଲର କେତେକ ସ୍ଥାନରେ ମରାମତି କାମ ଚାଲିଛି।

ବ୍ୟାଙ୍କ ଓ ଲ୍ୟାମ୍ପସରେ ତାଲା ପକାଇଲେ ଚାଷୀ

ବ୍ୟାଙ୍କ ଓ ଲ୍ୟାମ୍ପସରେ ତାଲା ପକାଇଲେ ଚାଷୀ

ବାମରା, ୨୦।୬ (ସ୍ବ.ପ୍ର.) ସମ୍ବଲପୁର ଜିଲା ବାମରା ବ୍ଲକରେ ଥିବା ଜୟ କିଷାନ ଆଦିମ କୃଷକ ସୁରକ୍ଷା ସଂଗଠନର ଆହ୍ବାନକ୍ରମେ ମଙ୍ଗଳବାର ବ୍ଲକର ସମସ୍ତ ବ୍ୟାଙ୍କ ଓ ଲ୍ୟାମ୍ପସ୍‌ରେ ତାଲା ପକାଇ ଦିଆଯାଇଛି। ଫଳ ସ୍ବରୂପ ବ୍ୟାଙ୍କିଙ୍ଗ ଓ ଚାଷ ସମ୍ପର୍କିତ ସମସ୍ତ କମଧନ୍ଦା ସଂପୂର୍ଣ୍ଣ ଠପ୍‌ ହୋଇ ପଡିବା ସହିତ ବହୁ ଅସୁବିଧା ଦେଖା ଦେଇଥିଲା ।

ବ୍ରୁକ୍ସହିଲ୍‌ ଡ୍ରେନ୍‌ରୁ ମୃତ ଦେହ ଉଦ୍ଧାର

ବ୍ରୁକ୍ସହିଲ୍‌ ଡ୍ରେନ୍‌ରୁ ମୃତ ଦେହ ଉଦ୍ଧାର

ସମ୍ବଲପୁର,୨୦।୬(ବ୍ୟୁରୋ)-ସମ୍ବଲପୁର ଧନୁପାଲି ଥାନା ବ୍ରୁକ୍ସହିଲ ନିକଟରେ ମଙ୍ଗଳବାର ସନ୍ଧ୍ୟାରେ ଏକ ଅଜଣା ମୃତଦେହ ପୋଲିସ ଉଦ୍ଧାର କେରିଛି। ମୃତକଙ୍କ ବୟସ ଅନୁମାନିକ ୨୫ ବର୍ଷ ଭିତରେ ହେବ ବୋଲି ପୋଲିସ କହିଛି। ହେଲେ ପରିଚୟ ମିଳିନି। ଯୁବକଙ୍କ ମୁଣ୍ଡ ଓ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି ।

ଟ୍ୟାଙ୍କର ପାଣିରେ ତୃଷା ମେଣ୍ଟୁନି, ସ୍ଥାୟୀ ସମାଧାନ ଦାବି: ଓପିଜିସି କର୍ତ୍ତୃପକ୍ଷଙ୍କୁ ଭେଟିଲେ ଗ୍ରାମର ମହିଳା

ଟ୍ୟାଙ୍କର ପାଣିରେ ତୃଷା ମେଣ୍ଟୁନି, ସ୍ଥାୟୀ ସମାଧାନ ଦାବି: ଓପିଜିସି କର୍ତ୍ତୃପକ୍ଷଙ୍କୁ ଭେଟିଲେ ଗ୍ରାମର ମହିଳା

ଲଖନପୁର,୨୦।୬(ଡି.ଏନ୍‌.ଏ.) ଝାରସୁଗୁଡ଼ା ଜିଲା ଲଖନପୁର ବ୍ଲକ୍‌ ଅଧୀନ କୁମ୍ଭାରବନ୍ଧ ଗ୍ରାମରେ ପାନୀୟ ଜଳ ସମସ୍ୟା ଉତ୍କଟ ରୂପ ଧାରଣ କରିଛି। ଗ୍ରାମବାସୀ ପାଣି ପାଇଁ ଦହଗଞ୍ଜ ହେଉଛନ୍ତି। ଏହାକୁ ଦୃଷ୍ଟିରେ ରଖି ଓପିଜିସି କମ୍ପାନୀ ପକ୍ଷରୁ ଖରାଦିନେ ଗ୍ରାମକୁ ଟ୍ୟାଙ୍କର ଯୋଗେ ପାନୀୟଜଳ ଯୋଗାଇ ଦିଆଯାଉଥିଲା। ଏବେ ସୁଦ୍ଧା ଏହା ଜାରି ରହିଛି ।

ଜନଜାଗରଣ ମଞ୍ଚ ଆଣିଲା ଅଭିଯୋଗ: ଜଙ୍ଗଲ ଜମି ହାତେଇଛି ବେଦାନ୍ତ: ସିବିଆଇ ତଦନ୍ତ ଦାବି, ଜନଆନ୍ଦୋଳନ ଚେତାବନୀ

ଜନଜାଗରଣ ମଞ୍ଚ ଆଣିଲା ଅଭିଯୋଗ: ଜଙ୍ଗଲ ଜମି ହାତେଇଛି ବେଦାନ୍ତ: ସିବିଆଇ ତଦନ୍ତ ଦାବି, ଜନଆନ୍ଦୋଳନ ଚେତାବନୀ

ଝାରସୁଗୁଡ଼ା ଅଫିସ୍‌ / ଲଖନପୁର,୨୦।୬(ଡି.ଏନ୍‌.ଏ.) ଜମି ଅଧିଗ୍ରହଣରେ ଜାଲିଆତି ହୋଇଛି। ରାଜନୈତିକ ପତିଆରା ଥିବା ବ୍ୟକ୍ତିବିଶେଷ ଓ ପ୍ରଶାସନିକ ଅଧିକାରୀଙ୍କୁ ହାତ କରି ଝାରସୁଗୁଡ଼ା ଭୂର୍କାମୁଣ୍ଡାଠାରେ ବେଦାନ୍ତ କମ୍ପାନୀ ପ୍ରକଳ୍ପ ନିର୍ମାଣ କରିବା ସମୟରେ ଜଙ୍ଗଲ ଜମିକୁ ପତିତ କିସମ କରି ଲିଜ୍‌ ସୂତ୍ରରେ ହାତେଇ ନେଇଛି ।

ଗଡପୋଷ ଛକଠାରେ ଏମ୍‌ଆର ଉଦ୍ୟୋଗର ପାଚେରି ନିର୍ମାଣ ବିବାଦ: ଗ୍ରାମବାସୀ-ପେସା ସମର୍ଥକଙ୍କ ସଂଘର୍ଷ: ପେସାସମର୍ଥଙ୍କ ଦ୍ୱାରା ୯ଘଣ୍ଟା ରାସ୍ତାରୋକୋ

ଗଡପୋଷ ଛକଠାରେ ଏମ୍‌ଆର ଉଦ୍ୟୋଗର ପାଚେରି ନିର୍ମାଣ ବିବାଦ: ଗ୍ରାମବାସୀ-ପେସା ସମର୍ଥକଙ୍କ ସଂଘର୍ଷ: ପେସାସମର୍ଥଙ୍କ ଦ୍ୱାରା ୯ଘଣ୍ଟା ରାସ୍ତାରୋକୋ

କୁତ୍ରା, ୨୦।୬ (ଡି.ଏନ.ଏ)- ସୁନ୍ଦରଗଡ ଜିଲା କୁତ୍ରା ଥାନା ଅଧିନ ବିରିଙ୍ଗଟୋଲି ଗ୍ରାମ ପଞ୍ଚାୟତର ଗଡପୋଷ ଛକଠାରେ ରାଜଗାଙ୍ଗପୁର ଏମଆର ଉଦ୍ୟୋଗର ପାଚେରି ନିର୍ମାଣ ବିବାଦ ବଢ଼ିବାରେ ଲାଗିଛି। ମଙ୍ଗଳବାର ପାଚେରି ନିର୍ମାଣକୁ ନେଇ ବୁଢ଼ାକଟା ଗ୍ରାମର କିଛି ଏସଏଚଜି ଗ୍ରୁପ ସଦସ୍ୟ, କେତେଜଣ ଗ୍ରାମବାସୀଙ୍କ ସହିତ ପେସା ସମର୍ଥକଙ୍କ ମଧ୍ୟରେ ଗଣ୍ଡଗୋଳ ହୋଇ ଉଭୟ ଗୋଷ୍ଠୀରୁ କେତେଜଣ ସମର୍ଥକ ଆହତ ହୋଇଛନ୍ତି।

ସରିଲା ସୁନ୍ଦରଗଡ଼ର ଶୀତଳଷଷ୍ଠୀ ଯାତ୍ରା: ଶୋଭାଯାତ୍ରାରେ ଗଣ୍ଡଗୋଳକୁ ନେଇ ଉତ୍ତେଜନା

ସରିଲା ସୁନ୍ଦରଗଡ଼ର ଶୀତଳଷଷ୍ଠୀ ଯାତ୍ରା: ଶୋଭାଯାତ୍ରାରେ ଗଣ୍ଡଗୋଳକୁ ନେଇ ଉତ୍ତେଜନା

ସୁନ୍ଦରଗଡ଼,୨୦।୬(ଡି.ଏନ୍‌.ଏ.) ସୁନ୍ଦରଗଡ଼ରେ ଦେବ ଦେବ ମହାଦେବ ଓ ମାତା ପାର୍ବତୀଙ୍କ ବିବାହୋତ୍ସବ (ଶୀତଳ ଷଷ୍ଠୀ ଯାତ୍ରା) ସୁରୁଖୁରୁରେ ସମ୍ପନ୍ନ ହୋଇଛି। ମହାନ୍ତିପଡ଼ା ବାବା ସିଦ୍ଧେଶ୍ୱର ବିବାହ ପରେ ମାତା ପାର୍ବତୀଙ୍କ ସହ କନ୍ୟାପିତାଙ୍କ ଘରୁ ବର୍ଣ୍ଣାଢ୍ୟ ଶୋଭାଯାତ୍ରାରେ ନଗର ପରିକ୍ରମାରେ ବାହାରିଥିଲେ। ମଙ୍ଗଳବାର ମଧ୍ୟାହ୍ନ ୨ଟାରେ ସ୍ବମନ୍ଦିରରେ ପ୍ରବେଶ କରିଥିଲେ।

ବେଦବ୍ୟାସ ଅଞ୍ଚଳର ପରିମଳ ବ୍ୟବସ୍ଥା ବିପର୍ଯ୍ୟସ୍ତ : ଆରଏମସି କମିଶନରଙ୍କୁ ଦାବିପତ୍ର

ବେଦବ୍ୟାସ ଅଞ୍ଚଳର ପରିମଳ ବ୍ୟବସ୍ଥା ବିପର୍ଯ୍ୟସ୍ତ : ଆରଏମସି କମିଶନରଙ୍କୁ ଦାବିପତ୍ର

ରାଉରକେଲା ଅଫିସ/ ବେଦବ୍ୟାସ, (ଡି.ଏନ.ଏ.)୨୦।୬- ମହାନଗର ଅନ୍ତର୍ଗତ ବେଦବ୍ୟାସ ଅଞ୍ଚଳର ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି। ଏନେଇ ଜନଅସନ୍ତୋଷ ପ୍ରକାଶ ପାଇଛି। ମଙ୍ଗଳବାର ଏକ ପ୍ରତିନିଧି ଦଳ ଆରଏମ୍‌ସି କମିଶନରଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି। ଏଥିରେ କୁହାଯାଇଛି ଯେ, ଗତ କିଛି ଦିନ ହେବ ବେଦବ୍ୟାସ ଅଞ୍ଚଳର ପରିମଳ ବ୍ୟବସ୍ଥା ପ୍ରତି ଧ୍ୟାନ ଦିଆଯାଉନି।

ଆହେ ନୀଳଶୈଳ ଗୀତକୁ ବିକୃତ ଢଙ୍ଗରେ ଗାଇବା ଘଟଣା: ଜଗନ୍ନାଥ ସଂସ୍କୃତି ଜାଗରଣ ମଞ୍ଚର ଅସନ୍ତୋଷ

ରାଉରକେଲା ଅଫିସ,୨୦।୬-ଜଗନ୍ନାଥ ସଂସ୍କୃତିର ମୂଳତତ୍ତ୍ୱ ନ ଜାଣି କିଛି ଗାୟକ ଅନେକ ସମୟରେ ଭିନ୍ନ ଢଙ୍ଗରେ ଏହାକୁ ପରଶି ସାଧାରଣରେ ନିନ୍ଦାର ପାତ୍ର ସାଜୁଛନ୍ତି। ଏବେ ଓଡ଼ିଆ ଗାୟିକା ସୋନା ମହାପାତ୍ର ଆହେ ନୀଳ ଶୈଳ ଭଳି ଭକ୍ତିଭରା ଜଣାଣକୁ ବିକୃତ ଢଙ୍ଗରେ ଗାଇ ନିଜ ଅଜ୍ଞତାର ପରିଚୟ ଦେଇଛନ୍ତି ବୋଲି ବିଭିନ୍ନ ସଙ୍ଗଠନ କହିଛନ୍ତି।

ଦେଓଗଁ।  -ସାରନା ଛକ ରାସ୍ତା ଖୋଲାଯିବା ନେଇ ଆଲୋଚନା

ଦେଓଗଁ। -ସାରନା ଛକ ରାସ୍ତା ଖୋଲାଯିବା ନେଇ ଆଲୋଚନା

ରାଉରକେଲା ଅଫିସ, ୨୦।୬-ଗତ ୯ରୁ ଦେଓଗଁ। ସାରନା ଛକ ରାସ୍ତା ବନ୍ଦ ରହିଛି। ଏହାକୁ ଖୋଲାଯିବା ନେଇ ରଘୁନାଥପାଲ୍ଲୀ ବିଧାୟକ ସୁବ୍ରତ ତରାଇ ମଙ୍ଗଳବାର ଆରଏସ୍‌ପି ସହର ସେବା ପ୍ରଶାସକ ନିରୋଦ ସାମନ୍ତରାୟଙ୍କ ସହ ଆଲୋଚନା କରିଛନ୍ତି।

ନଦୀପଠାରେ ନାବାଳିକାଙ୍କୁ ବଳାତ୍କାର: ଗୁରୁତର ଅବସ୍ଥାରେ ବଣାଇଁ ଡ଼ାକ୍ତରଖାନାରେ ଭର୍ତ୍ତି

ନଦୀପଠାରେ ନାବାଳିକାଙ୍କୁ ବଳାତ୍କାର: ଗୁରୁତର ଅବସ୍ଥାରେ ବଣାଇଁ ଡ଼ାକ୍ତରଖାନାରେ ଭର୍ତ୍ତି

ବଣାଇଁ,୧୯।୬(ସ୍ବ.ପ୍ର.)-ସୁନ୍ଦରଗଡ଼ ଜିଲା ବଣାଇଁ ଥାନା ଅନ୍ତର୍ଗତ ଶୁଣ୍ଢିକୋଣ ନିକଟସ୍ଥ ବ୍ରାହ୍ମଣୀ ନଦୀପଠାରେ ମଙ୍ଗଳବାର ସନ୍ଧ୍ୟାରେ ଜନୈକା ୭ ବର୍ଷର ନାବାଳିକାଙ୍କୁ ବଳାତ୍କାର କରାଯାଇଛି। ତାଙ୍କ ଅବସ୍ଥା ଗୁରୁତର ଥିବାରୁ ଚିକିତ୍ସା ପାଇଁ ବଣାଇଁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ପୋଲିସ ଅଭିଯୁକ୍ତ ନାବାଳକଙ୍କୁ ଅଟକ ରଖି ଘଟଣାର ତଦନ୍ତ କରୁଛି।

କୁଆଁରମୁଣ୍ଡାରେ ବନ୍ଧୁକ ଦେଖାଇ ବ୍ୟାଙ୍କ ଅଫ ବରୋଦା କ୍ୟାଶିୟରଙ୍କଠାରୁ ୪ଲକ୍ଷ ଟଙ୍କା ଲୁଟ୍‌ : ୩ ଲୁଟେରା ଫେରାର୍‌

କୁଆଁରମୁଣ୍ଡାରେ ବନ୍ଧୁକ ଦେଖାଇ ବ୍ୟାଙ୍କ ଅଫ ବରୋଦା କ୍ୟାଶିୟରଙ୍କଠାରୁ ୪ଲକ୍ଷ ଟଙ୍କା ଲୁଟ୍‌ : ୩ ଲୁଟେରା ଫେରାର୍‌

କୁଆଁରମୁଣ୍ଡା,୧୯।୬(ଡି.ଏନ.ଏ.)-ମଙ୍ଗଳବାର ରାଉରକେଲାସ୍ଥିତ ଇଣ୍ଡିଆନ ଓଭରସିଜ ବ୍ୟାଙ୍କରୁ ୪୫ ଲକ୍ଷ ଟଙ୍କା ଲୁଟ୍‌ ହେବାର ଘଣ୍ଟାଏ ମଧ୍ୟରେ ରାଉରକେଲାଠାରୁ ୧୮ କି.ମି. ଦୂର କୁଆଁରମୁଣ୍ଡା ଫାଣ୍ଡି ଅନ୍ତର୍ଗତ ପସରାଛକ ନିକଟରେ ରାସ୍ତାରେ ଯାଉଥିବା ବ୍ୟାଙ୍କ ଅଫ୍‌ ବରୋଦାର କ୍ୟାଶିୟରକୁ ବନ୍ଧୁକ ଦେଖାଇ ଲୁଟ୍‌ ହୋଇଛି। ୩ ଦୁବୃର୍ତ୍ତ କ୍ୟାଶିୟର ପ୍ରବୀଣ ଟିଗ୍‌ଗାଙ୍କ ନିକଟରୁ ୪ଲକ୍ଷ ଟଙ୍କା ଲୁଟ୍‌ କରି ଫେରାର୍‌ ହୋଇଯାଇଛନ୍ତି।

ଇଣ୍ଡିଆନ ଓଭରସିଜ ବ୍ୟାଙ୍କରୁ ୪୫ଲକ୍ଷ ଲୁଟ୍‌: ବନ୍ଧୁକ ମୁନରେ କର୍ମଚାରୀଙ୍କୁ ଆଣ୍ଠେଇଲେ : ମହିଳା କର୍ମଚାରୀଙ୍କ ସୁନା ଚେନ, ମୋବାଇଲ ଲୁଟିଲେ

ଇଣ୍ଡିଆନ ଓଭରସିଜ ବ୍ୟାଙ୍କରୁ ୪୫ଲକ୍ଷ ଲୁଟ୍‌: ବନ୍ଧୁକ ମୁନରେ କର୍ମଚାରୀଙ୍କୁ ଆଣ୍ଠେଇଲେ : ମହିଳା କର୍ମଚାରୀଙ୍କ ସୁନା ଚେନ, ମୋବାଇଲ ଲୁଟିଲେ

ରାଉରକେଲା ଅଫିସ, ୧୯। ୬-ରାଉରକେଲା ରେଳ ଷ୍ଟେଶନଠାରୁ ମାତ୍ର ୫ଶହ ମିଟର ଦୂର ମଧୁସୂଦନ ମାର୍ଗ ମୁଖ୍ୟ ରାସ୍ତା ପାର୍ଶ୍ୱ ଉପର ମହଲାରେ ଥିବା ଇଣ୍ଡିଆନ ଓଭରସିଜ ବ୍ୟାଙ୍କ ବଜାର ଶାଖାରୁ ମଙ୍ଗଳବାର ସକାଳ ୧୦ଟା ବେଳେ ଏକ ବଡ ଧରଣର ଡକାୟତି ଘଟଣା ଘଟିଛି। ବନ୍ଧୁକ ମୁନରେ ଡକାୟତ ଦଳ ପ୍ରାୟ ୪୫ଲକ୍ଷ ଲୁଟ କରି ନିର୍ବିଗ୍ନରେ ଖସି ଚାଲିଯାଇଛନ୍ତି।