ରାୟଗଡା

୫ଶହ କେଜି ଗଞ୍ଜେଇ ଜବତ

୫ଶହ କେଜି ଗଞ୍ଜେଇ ଜବତ

ବାଲିମେଳା,୩୦ା୪(ଡି.ଏନ.ଏ.)-ମାଲକାନଗିରି ଜିଲା କୋରକୋଣ୍ଡା ବ୍ଲକ ଅନ୍ତର୍ଗତ ନିଳାକାମ୍ବେରୁ ପଞ୍ଚାୟତର ଗମ୍ପାକୋଣ୍ଡାର ମୁଖ୍ୟ କେନାଲ ରାସ୍ତାର ଏମଭି-୧୨୦ ଗ୍ରାମ ନିକଟରୁ ୫ଶହ କେଜି ଗଞ୍ଜେଇ ଜବତ ହୋଇଛି। ଏଥିରେ ସମ୍ପୃକ୍ତ ୨ଜଣଙ୍କୁ ଗିରଫ କରାଯାଇଛି। ଶନିବାର ରାତି ସାଢେ ୭ଟାରେ ପୋଲିସ ଏମଭି-୧୨୦ ଗ୍ରାମ ନିକଟରେ ପାଟ୍ରୋଲିଂ କରୁଥିବା ବେଳେ ଆସୁଥିବା ଏକ ଟ୍ରକକୁ ସନ୍ଦେହ କରି ଅଟକାଇଥିଲେ। ଏହାକୁ ଯାଞ୍ଚ କରିବାରୁ ଟ୍ରକ ଉପର କେବିନରେ ଗଞ୍ଜେଇ ଚୋରା ଚାଲାଣ ହେଉଥିବା ଧରାପଡିଥିଲା। ୧୯ଟି ପ୍ୟାକେଟରେ ୫୦୫ କେଜି ଗଞ୍ଜେଇ ଜବତ କରାଯାଇଥିଲା।

ମେ ପହିଲାରୁ ଅମଲାଙ୍କ କାର୍ଯ୍ୟବନ୍ଦ

କୋରାପୁଟ,୩୦ା୪(ସ୍ବ.ପ୍ର)- ମେ ପହିଲାରୁ କୋରାପୁଟ ଜିଲାର ସମସ୍ତ ୩୭୩ ଜଣ ରାଜସ୍ବ ଅମଲା ସମୂହ କାର୍ଯ୍ୟବନ୍ଦ ଆନ୍ଦୋଳନ କରିବେ। ସ୍ଥାନୀୟ ଶକ୍ତିଭବନଠାରେ ଜିଲା ରାଜସ୍ବ ଅମଲା ସଂଘର ଉପସଭାପତି ଭବାନୀ ଶଙ୍କର ଅଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏହି ନିଷ୍ପତ୍ତି ନିଆଯାଇଛି। ସଂଘ ସମ୍ପାଦକ ନିତ୍ୟାନନ୍ଦ ଭତ୍ରା, ସମରେନ୍ଦ୍ର ବେହେରା, ଗୋବର୍ଦ୍ଧନ ଅମାନାତ୍ୟ, ଧ୍ରୁବଚରଣ ଦାସ, ସଞ୍ଜୟ କନ୍ଦପାନ, ଏମ.ମୁରଲି, ଅନୁପମ ମହାରଣା, ଦୁର୍ଗା ପ୍ରସାଦ ଶବର ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ। ସରକାରଙ୍କ ନିକଟରେ ସେମାନେ ଉପସ୍ଥାପିତ କରିଥିବା ଦାବି ପୂରଣ କରାଯିବା ପରିବର୍ତ୍ତେ ଟାଳଟୁନ ନୀତି ଅବଲମ୍ବନ କରାଯାଉଥିବା ସେମାନେ ଅଭିଯୋଗ କରିଥିଲେ।

ପୋଖରୀରୁ ଅଚିହ୍ନା ବ୍ୟକ୍ତିଙ୍କ ମୃତଦେହ ଉଦ୍ଧାର

ପୋଖରୀରୁ ଅଚିହ୍ନା ବ୍ୟକ୍ତିଙ୍କ ମୃତଦେହ ଉଦ୍ଧାର

ମାଥିଲି,୩୦।୪(ଡି.ଏନ୍‌.ଏ.): ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ଭେଜାଗୁଡା ହାଟ ନିକଟ ପୋଖରୀରୁ ଭାସୁଥିବା ଅବସ୍ଥାରେ ଜଣେ ଅଚିହ୍ନା ବ୍ୟକ୍ତିଙ୍କ ମୃତଦେହ ସୋମବାର ଉଦ୍ଧାର କରାଯାଇଛି। ମାଲକାନଗିରି ପୋଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି।

ସଚେତନତା ଦେବ ସୁରକ୍ଷା

ସଚେତନତା ଦେବ ସୁରକ୍ଷା

ମାଲକାନଗରି,୩୦ା୪(ଡି.ଏନ.ଏ)- ମାଲକାନଗିରି ଜିଲାର ବିଭିନ୍ନ ଗଣମାଧ୍ୟମ ପ୍ରତିନିଧିମାନେ ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହର ସୋମବାର ଶେଷ ଦିବସରେ ସଡ଼କ ସୁରକ୍ଷା ଜୀବନ ରକ୍ଷାର ବର୍ତ୍ତା ଦେଇଛନ୍ତି। ଏହି ଅବସରରେ ଜିଲା ସଦର ମହକୁମାରେ ଥିବା ୫୦ରୁ ଉର୍ଦ୍ଧ୍ୱ ପ୍ରତିନିଧିମାନେ ଜିଲା ସଦର ମହକୁମାସ୍ଥିତ ସଡ଼କ ଏବଂ ପରିବହନ କାର୍ଯ୍ୟାଳୟ ପରିସରରୁ ଏକ ଶୋଭାଯାତ୍ରାରେ ବାହାରିଥିଲେ। ଜିଲା ପରିବହନ ଅଧିକାରୀ ପ୍ରହଲ୍ଲାଦ ବେହେରା ଶୋଭାଯାତ୍ରାକୁ ଉଦ୍‌ଘାଟନ କରିଥିଲେ। ଏମ.ଭି.ଆଇ ସକିଲ କୁମାର ସେଠୀ ଏବଂ ପରିବହନ ବିଭାଗର କର୍ମଚାରୀମାନେ ଉପସ୍ଥିତ ରହି ଶୋଭାଯାତ୍ରାରେ ସାମିଲ ହୋଇଥିଲେ। ସଚେତନତା ରଥ ଏବଂ ଶୋଭାଯାତ୍ରା ପରିବହନ କାର୍ଯ୍ୟାଳୟରୁ ବାହାରି କଲେଜ ଛକ, ମେଡିକାଲଛକ, ସୁବାସ ବୋଷ ଛକ, ବସଷ୍ଟାଣ୍ଡ ଦେଇ ସଂସ୍କୃତି ଭବନରେ ପହଞ୍ଚତ୍ଥିଲା। ରାସ୍ତାରେ ସଡ଼କ ସୁରକ୍ଷା ସମ୍ବନ୍ଧରେ ଶୋଭାଯାତ୍ରାକାରୀମାନେ ସଡ଼କ ସୁରକ୍ଷା ସମ୍ବନ୍ଧୀୟ ବିଭିନ୍ନ ବର୍ତ୍ତା ପ୍ରଚାର କରିଥିଲେ।

୮ମ ଦିନରେ ଇମ୍ଫା ଠିକା କର୍ମଚାରୀଙ୍କ ଧାରଣା

୮ମ ଦିନରେ ଇମ୍ଫା ଠିକା କର୍ମଚାରୀଙ୍କ ଧାରଣା

ରାୟଗଡ଼ା ଅଫିସ,୩୦।୪: ଇମ୍ଫା କମ୍ପାନୀ ଆଗରେ ଠିକା କର୍ମଚାରୀ ଓ ଅଞ୍ଚଳବାସୀଙ୍କ ଧାରଣା ସୋମବାର ୮ମ ଦିନରେ ପହଞ୍ଚିଛି। ୯ ଦଫା ଦାବି ନେଇ ବିକ୍ଷୋଭକାରୀ ଧାରଣା ଦେଇଛନ୍ତି।

ସଡ଼କ ସୁରକ୍ଷା ସପ୍ତାହ: ଶେଷ ଦିନରେ ସଚେତନତା ବାର୍ତ୍ତାଦେଲେ ଗଣମାଧ୍ୟମ ପ୍ରତିନିଧି

ସଡ଼କ ସୁରକ୍ଷା ସପ୍ତାହ: ଶେଷ ଦିନରେ ସଚେତନତା ବାର୍ତ୍ତାଦେଲେ ଗଣମାଧ୍ୟମ ପ୍ରତିନିଧି

ମାଲକାନଗିରି,୩୦।୪(ଡି.ଏନ୍‌.ଏ.): ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ଶେଷ ଦିନରେ ସୋମବାର ମାଲକାନଗିରି ଜିଲା ସଦର ମହକୁମାର ବିଭିନ୍ନ ଗଣମାଧ୍ୟମ ପ୍ରତିନିଧିମାନେ ସଚେତନତା ବାର୍ତ୍ତା ଦେଇଛନ୍ତି। ଏହି ଅବସରରେ ଉଭୟ ଛାପା ଓ ବୈଦ୍ୟୁତିକ ଗଣମାଧ୍ୟମର ପ୍ରତିନିଧିମାନେ ସଡ଼କ ଓ ପରିବହନ କାର୍ଯ୍ୟାଳୟରୁ ସଂସ୍କୃତି ଭବନ ପର୍ଯ୍ୟନ୍ତ ଏକ ଶୋଭାଯାତ୍ରାରେ ଯାଇଥିଲେ।

ବିଷ ପିଇ ବୃଦ୍ଧଙ୍କ ଆତ୍ମହତ୍ୟା

ବିଷ ପିଇ ବୃଦ୍ଧଙ୍କ ଆତ୍ମହତ୍ୟା

କୋଲାବନଗର,୨୯।୪(ଡି.ଏନ୍‌.ଏ.): କୋରାପୁଟ ସଦର ଥାନା ଅନ୍ତର୍ଗତ ଦେବୀଘାଟ ପଞ୍ଚାୟତ ସଦର ଗ୍ରାମର ବାସିନ୍ଦା କାମନେଷୁ ବେନିଆ (୬୫) ବିଷ ପିଇ ଆତ୍ମହତ୍ୟା କରିଛନ୍ତି। ବାପାଙ୍କ ପାଟିରୁ ଫେଣ ବାହାରୁଥିବା ଓ ସଂଜ୍ଞାହୀନ ହୋଇଥିବା ଦେଖିବାକୁ ପାଇଥିଲେ ଦୁଇପୁଅ ଆପିନ କୁମାର ବେନିଆ (୨୫) ଓ ସାନିଦ୍ରାଭିଜ ବେନିଆ (୨୧)। ସେମାନେ ତତ୍‌କ୍ଷଣାତ୍‌ କାମନେଷୁଙ୍କୁ ସ୍ଥାନୀୟ କୋରାପୁଟ ମେଡିକାଲ ନେଇଯାଇଥିଲେ।

ସପ୍ତମ ଦିନରେ ଇମ୍ଫା କର୍ମଚାରୀଙ୍କ ଧାରଣା:କମ୍ପାନୀ ସମ୍ମୁଖ ମୁଖ୍ୟରାସ୍ତାକୁ ଅବରୋଧ

ସପ୍ତମ ଦିନରେ ଇମ୍ଫା କର୍ମଚାରୀଙ୍କ ଧାରଣା:କମ୍ପାନୀ ସମ୍ମୁଖ ମୁଖ୍ୟରାସ୍ତାକୁ ଅବରୋଧ

ରାୟଗଡା ଅଫିସ୍‌, ୨୯। ୪- ଥେରୁବାଲିସ୍ଥିତ ଇମ୍ଫା କମ୍ପାନୀ ଠିକା କର୍ମଚାରୀ ଓ ଅଞ୍ଚଳବାସୀ କମ୍ପାନୀର ମନମୁଖି କାର୍ଯ୍ୟକୁ ବିରୋଧକରି କାରଖାନା ସମ୍ମୁଖରେ ଧାରଣା ଦେଉଛନ୍ତି। ରବିବାର ଏହି ଧାରଣା ସପ୍ତମ ଦିନରେ ପହଞ୍ଚିଛି। ଆନ୍ଦୋଳନକାରୀମାନେ କମ୍ପାନୀ ସମ୍ମୁଖ ମୁଖ୍ୟରାସ୍ତାକୁ ଅବରୋଧ କରି ରଖିଛନ୍ତି। ଧାରଣା ହେତୁ କମ୍ପାନୀକୁ ବିଭିନ୍ନ ସାମଗ୍ରୀ ନେଇ ଆସୁଥିବା ଟ୍ରକଗୁଡିକ କମ୍ପାନୀ ମଧ୍ୟକୁ ପ୍ରବେଶ କରି ନ ପାରି ବାହାରେ ରହିଛି।

ଆଇନ ସାକ୍ଷରତା କ୍ଲବ ମଧ୍ୟରେ ବିଭିନ୍ନ ପ୍ରତିଯୋଗିତା

ଆଇନ ସାକ୍ଷରତା କ୍ଲବ ମଧ୍ୟରେ ବିଭିନ୍ନ ପ୍ରତିଯୋଗିତା

ଜୟପୁର,୨୯।୪(ଡି.ଏନ୍‌.ଏ.): ଜିଲା ଆଇନ ସେବା ପ୍ରାଧିକରଣ ପକ୍ଷରୁ କୋରାପୁଟ ଜିଲାର ୧୨ଟି ବିଦ୍ୟାଳୟକୁ ନେଇ ଆଇନ ସାକ୍ଷରତା କ୍ଲବ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଛି। ଏଥିରେ ପ୍ରବନ୍ଧ, ବକ୍ତୃତା, ଚିତ୍ରାଙ୍କନ ଏବଂ କ୍ଷୁଦ୍ର ନାଟକ ପ୍ରତିଯୋଗିତା ଆୟୋଜନ କରାଯାଇଥିଲା। ଜିଲା କୋର୍ଟ ପରିସରରେ ପ୍ରାଧିକରଣର ଭବନ ଠାରେ ଅନୁଷ୍ଠିତ କ୍ଷୁଦ୍ର ନାଟକରେ ଜୟପୁର ସିଟି ହାଇସ୍କୁଲର ଛାତ୍ରୀ ଛାତ୍ର ପ୍ରଥମ ହୋଇଥିଲେ। ପ୍ରବନ୍ଧରେ ଶାଶ୍ୱତୀ ସାହୁ, ବକ୍ତୃତାରେ ଶ୍ରଦ୍ଧା ମିଶ୍ର, ଚିତ୍ରାଙ୍କନରେ ଆଦିତି ବିଶୋୟୀ ପ୍ରଥମସ୍ଥାନ ହାସଲ କରିବା ସହିତ ପୁରସ୍କୃତ ହୋଇଥିଲେ । ଜିଲାସ୍ତରୀୟ ପ୍ରତିଯୋଗିତାରେ କୃତକାଯର୍ର୍‌ୟ ଛାତ୍ରୀଛାତ୍ର ଆଞ୍ଚଳିକ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ ।

ନବୋଦୟ ବିଦ୍ୟାଳୟର ବାର୍ଷିକ ଉସତ୍ବ: ଦର୍ଶକଙ୍କ ମନ ମୋହିଲା ସମ୍ବଲପୁରୀ ନୃତ୍ୟ

ନବୋଦୟ ବିଦ୍ୟାଳୟର ବାର୍ଷିକ ଉସତ୍ବ: ଦର୍ଶକଙ୍କ ମନ ମୋହିଲା ସମ୍ବଲପୁରୀ ନୃତ୍ୟ

ମାଲକାନଗରି, ୨୯।୪ (ଡି.ଏନ.ଏ)- ମାଲକାନଗିରି ଜିଲା ସଦର ମହକୁମା ଜବାହର ନବୋଦୟ ବିଦ୍ୟାଳୟର ବାର୍ଷିକ ଉସତ୍ବ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଅଧ୍ୟକ୍ଷ ଟି.ଭି.ଏସ ପ୍ରକାଶ ରାଓଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାଲକାନଗିରି ଜିଲାପାଳ ମନୀଷ ଅଗ୍ରୱାଲ, ମୁଖ୍ୟବକ୍ତା ଜିଲା ମୁଖ୍ୟ ବିଚାରପତି ଡଃ.ଅନୀଲ କୁମାର ଦତ, ଏକଲବ୍ୟ ବିଦ୍ୟାଳୟର ଅଧ୍ୟକ୍ଷ ପ୍ରମୋଦ କୁମାର ପଣ୍ଡା, ଜବାହର ନବୋଦୟ ବିଦ୍ୟାଳୟ-୨ର ଅଧ୍ୟକ୍ଷ ଯୋଗ ଦେଇଥିଲେ।। ଛାତ୍ରଛାତ୍ରୀଙ୍କ ଦ୍ୱାରା ସମ୍ବଲପୁରୀ ନୃତ୍ୟ ଦର୍ଶକମାନଙ୍କୁ ଆକୃଷ୍ଟ କରିଥିଲା। ଅଧ୍ୟାପକ ଡ଼ଃ. ଆର.କେ ଶର୍ମା ଧନ୍ୟବାଦ ଅର୍ପଣ କରିଥିଲେ।

ଅନୁସୂଚିତ ଜାତି, ଜନଜାତି ସଂଘ ବୈଠକ:  ନାରୀ ଶିକ୍ଷାକୁ ଗୁରୁତ୍ୱ

ଅନୁସୂଚିତ ଜାତି, ଜନଜାତି ସଂଘ ବୈଠକ: ନାରୀ ଶିକ୍ଷାକୁ ଗୁରୁତ୍ୱ

ଚନ୍ଦାହାଣ୍ଡି,୨୯।୪(ଡି.ଏନ.ଏ)-ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଳକ ପାଟଖଲିଆ ଲାଖ ପ୍ରୋସେସିଂ ସେଣ୍ଟର ଠାରେ ରବିବାର ସ୍ଥାନୀୟ ସଭାପତି କୈବଲ୍ୟ ମାଝିଙ୍କ ଅଧ୍ୟକ୍ଷତାରେ ବ୍ଲକସ୍ତରୀୟ ଅନୁସୂଚିତ ଜାତି, ଜନଜାତି ସଂଘର ବୈଠକ ଅନୁଷ୍ଠିତ ହୋଇଯାଇଛି। ସାମାଜିକ କର୍ମୀ ଯୁବରାଜ ଜଗତ ବୈଠକ ପରିଚାଳନା କରିଥିବା ବେଳେ ସଂଘ ସମ୍ପାଦକ ଚନ୍ଦ୍ରଧ୍ୱଜ ଡଙ୍ଗରୀ ପୂର୍ବ ବୈଠକର ବିବରଣୀ ପାଠ କରିଥିଲେ। ଏଥିରେ ମୁଖ୍ୟଅତିଥି ଭାବେ ଭତ୍ରା ସମାଜ ସଭାପତି ତଥା ଜିଲା ପରିଷଦ ସଭ୍ୟ ସନିନ୍ଦ୍ର ଶୋରୀ ଯୋଗ ଦେଇଥିଲେ। ସମ୍ମାନିତ ଅତିଥି ଭାବେ ବିଭିନ୍ନ ସମାଜରୁ ଜଳନ୍ଧର ମାଝି, ମନଧର ଧୁରୁଆ, ଦଶରଥ ଧୁରୁଆ, ଡମ୍ବରୁ ମାଝି, ଦିଲିପ କୁମାର ଦାସ, ହରପୂଜାରୀ, ଧନେଶ୍ୱର ମାରୀ, ଟଙ୍କଧର ପୁଜାରୀ, ଜଗଦୀଶ ମେହର, ଲଛମନ ମାଝି, ହୃଷିକେଶ ସୁନାନୀ, ସନ୍ତୋଷ ଖମାରୀ, ଭିଷ୍ମ ସୁନା, ବାସୁଦେବ ସୁନା, ଗୌତମ କଚିମ, ରୁଦ୍ରାଶ ସୁନା, ଶେଷମଲ ହରପାଲ, ନୃଶିଂହ ମାଝି, କୃଷ୍ଣ ଶୋରୀ, ସହଦେବ ସୁନା, ନିମନ ଧୁରୁଆ, ଲକ୍ଷ୍ମୀଧର ମାଝି ପ୍ରମୁଖ ଯୋଗ ଦେଇଥିଲେ

୧ ସମୂହ ଛୁଟିରେ ଯିବେ ରାଜସ୍ବ ଅମଲା କର୍ମଚାରୀ

୧ ସମୂହ ଛୁଟିରେ ଯିବେ ରାଜସ୍ବ ଅମଲା କର୍ମଚାରୀ

ଗୁଣପୁର,୨୯ା୪(ଡି.ଏନ୍‌.ଏ.): ରାୟଗଡ଼ା ଜିଲା ରାଜସ୍ବ ଅମଲା ସଂଘ ପକ୍ଷରୁ ଏକ ବୈଠକ ରବିବାର ଗୁଣପୁରଠାରେ ଅନୁଷ୍ଠିତ ହୋଇଛି। ୮ ଦଫା ଦାବି ନେଇ ଆଗାମୀ ୧ରୁ ରାଜସ୍ବ ଅମଲା କର୍ମଚାରୀମାନେ ସମୂହ ଛୁଟିରେ ଯିବେ। ଏେନେଇ ବୈଠକରେ ବିସ୍ତୃତ ଆଲୋଚନା କରାଯିବା ସହ ଆଗାମୀ କାର୍ଯ୍ୟପନ୍ଥ ବାବଦରେ ନିଷ୍ପତ୍ତି ହୋଇଥିଲା।

ରେଳ ଧାରଣାରୁ ମିଳିଲା ଯୁବକଙ୍କ ବିଖଣ୍ଡିତ ମୃତଦେହ

ରେଳ ଧାରଣାରୁ ମିଳିଲା ଯୁବକଙ୍କ ବିଖଣ୍ଡିତ ମୃତଦେହ

ଗୁଣପୁର,୨୯ା୪(ଡି.ଏନ୍‌.ଏ.): ରାୟଗଡ଼ା ଜିଲା ଗୁଣପୁରରେ ଜଣେ ଯୁବକଙ୍କ ବିଖଣ୍ଡିତ ମୃତଦେହ ରବିବାର ଉଦ୍ଧାର କରାଯାଇଛି। ମୃତ ଯୁବକ ଜଣଙ୍କ ହେଲେ ତୁଷାର ରତ୍ନାଲୁ (୨୭)। ରାମନଗୁଡ଼ାରେ ତାଙ୍କ ନିଜଘର ହୋଇଥିବା ବେଳେ ସେ ବର୍ତ୍ତମାନ ଗୁଣପୁର ସହରର ବଲରାମ ନଗରରେ ରହିଆସୁଥିଲେ। ରବିବାର କିନ୍ତୁ ଗୁଣପୁରଠାରୁ ୨ କିମି ଦୂର ରେଳ ଧାରଣାରେ ତୁଷାରଙ୍କ ମୃତଦେହ ଠାବ କରାଯାଇଥିଲା।

ଆମ ପୋଲିସ ସମିତି ବୈଠକ

ଆମ ପୋଲିସ ସମିତି ବୈଠକ

ସୁନାବେଡା,୨୯।୪(ଡି.ଏନ.ଏ)- କୋରାପୁଟ ଜିଲା ସୁନାବେଡା ଥାନା ପକ୍ଷରୁ ରବିବାର ଆମ ପୋଲିସ ସମିତିର ଏକ ବୈଠକ ଅନୁଷ୍ଠିତ ହୋଇଯାଇଛି। ଆଇଆଇସି ଶଶ୍ମିତା ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଏସଡିପିଓ ନରହରି ନାୟକ ମୁଖ୍ୟଅତିଥି ଭାବେ ଯୋଗ ଦେଇଥିଲେ। ସ୍ଥାନୀୟ ଜନପ୍ରତିନିଧି ଓ ସହରବାସୀଙ୍କ ସହଯୋଗ ଦ୍ୱାରା ଅଞ୍ଚଳରେ ପୋଲିସ ଶାନ୍ତିଶୃଙ୍ଖଳା ରକ୍ଷା କରିପାରିବ ବୋଲି ଏସଡିପିଓ କହିଥିଲେ।

ଜାତୀୟ ସଡକ ସୁରକ୍ଷା ସଚେତନତା ଶୋଭାଯାତ୍ରା

ଜାତୀୟ ସଡକ ସୁରକ୍ଷା ସଚେତନତା ଶୋଭାଯାତ୍ରା

ନବରଙ୍ଗପୁର,୨୯।୪(ବି.ପ୍ର)- ଜାତୀୟ ସଡକ ସୁରକ୍ଷା ସପ୍ତାହ ଅବସରରେ ନବରଙ୍ଗପୁର ପୋଲିସ ବିଭାଗ ପକ୍ଷରୁ ଏକ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏଥିରେ ଗାଡି ଚଲାଇବା ବେଳେ ହେଲମେଟ ପିନ୍ଧିବା, ମୋବାଇଲରେ କଥା ନ ହେବା ଆଦି ସମ୍ପର୍କରେ ଲୋକମାନଙ୍କୁ ସଚେତନ କରାଯାଇଥିଲା। ଏଥିରେ ବିଧାୟକ ମନୋହର ରନ୍ଧାରୀ, ଜିଲାପାଳ ଡଃ ଅଜିତ କୁମାର ମିଶ୍ର, ଏସପି ବିବେକାନନ୍ଦ ଶର୍ମା, ଏସଡିପିଓ ଏବଂ ପୋଲିସ କର୍ମଚାରୀ ଯୋଗ ଦେଇଥିଲେ।

୩୦ ଲକ୍ଷ ଟଙ୍କାର ଗଞ୍ଜେଇ ସହ ଗାଡ଼ି ଜବତ:୨ ଗିରଫ

୩୦ ଲକ୍ଷ ଟଙ୍କାର ଗଞ୍ଜେଇ ସହ ଗାଡ଼ି ଜବତ:୨ ଗିରଫ

ମାଲକାନଗରି, ୨୯।୪(ଡି.ଏନ.ଏ)- ମାଲକାନଗିରି ଜିଲାରୁ ଚୋରାରେ ପଡୋଶୀ ଛତିଶଗଡ଼ ରାଜ୍ୟକୁ ଗଞ୍ଜେଇ ଚୋରାଚାଲାଣ ହୋଇଥିବା ବେଳେ ସୀମାନ୍ତ ଛତିଶଗଡ଼ ପୋଲିସ ଚଢାଉ କରି ଗଞ୍ଜେଇ ସହ ଗାଡ଼ି ଜବତ କରିଛି। ଏଥିସହ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଛତିଶଗଡ଼ ମୋନହନଗର ପୋଲିସ ଏବଂ କ୍ରାଇମବ୍ରାଞ୍ଚ ପକ୍ଷରୁ ବାପନାଟୁଲ ପ୍ଲାଜା ନିକଟରେ ଗାଡ଼ି ଯାଞ୍ଚ କରାଯାଉଥିଲା। ଏହି ସମୟରେ ୪୦୭ ଗାଡ଼ି( ନଂ.ସିଜି୦୪ଜେବି୮୩୦୩ )ରେ ଗଞ୍ଜେଇ ଥିତ୍ବା ଦେଖିବାକୁ ପାଇଥିଲେ। ଉକ୍ତ ଗାଡି଼ରେ ୧୦ କେଜିର ୪୬ ପ୍ୟାକେଟ୍‌, ୫ କେଜି ୪୮ ପ୍ୟାକେଟ୍‌ ଓ ୩ କେଜିର ୨୩୭ ପ୍ୟାକେଟ ଗଞ୍ଜେଇ ମୋଟ ୧୦ କୁଇଣ୍ଟାଲ ୮୯ କେଜି ଗଞ୍ଜେଇ ଥିଲା।

ଅର୍ଥ ବାଧକ : ଚିକିତ୍ସିତ ହୋଇପାରୁନାହାନ୍ତି ସିକିଲିନରେ ଆକ୍ରାନ୍ତ ଯୁବତୀ

ଅର୍ଥ ବାଧକ : ଚିକିତ୍ସିତ ହୋଇପାରୁନାହାନ୍ତି ସିକିଲିନରେ ଆକ୍ରାନ୍ତ ଯୁବତୀ

ଡାବୁଗାଁ,୨୯।୪ (ଡି.ଏନ.ଏ.)- ଅର୍ଥ ଅଭାବରୁ ଜଣେ ଯୁବତୀ ସିକିଲିନ ରୋଗରେ ଆକ୍ରାନ୍ତ ହୋଇ ଚିକିତ୍ସିତ ହୋଇପାରୁ ନାହାନ୍ତି। ୨ ବର୍ଷ ହେଲା ଉକ୍ତ ରୋଗରେ ଆକ୍ରାନ୍ତ ହୋଇ ଭାଗ୍ୟକୁ ଆଦରି ଘରେ ପଡି ରହିଛନ୍ତି ନବରଙ୍ଗପୁର ଜିଲା ଡାବୁଗାଁ ବ୍ଲକର ଡ଼ଙ୍ଗରିଗୁଡା ପଞ୍ଚାୟତ ଅଧୀନ ବୋରିପଦର ଗ୍ରାମର ବାସନ୍ତୀ ଛତ୍ରିଆ (୨୧) । ବୋରିପଦର ଗ୍ରାମର ଜୟନ୍ତୀ ଛତ୍ରିଆ ଓ ପଦ୍ମନ ଛତ୍ରିଆଙ୍କ ଝିଅ ବାସନ୍ତୀ । ଗତ ୨ ବର୍ଷ ତଳେ ପ୍ରଥମେ ତାଙ୍କୁ ଜ୍ୱର ହୋଇଥିଲା । ଔଷଧ ଖାଇବା ପରେ ଭଲ ହୋଇଯାଇଥିଲା। ପୁଣି ଜ୍ୱର ହୋଇ ଧୀରେ ଧୀରେ ବାସନ୍ତୀ ଚଲାବୁଲା କରିପାରି ନ ଥିଲେ । ଶଯ୍ୟାଶାୟୀ ହୋଇ ଘରେ ପଡି ରହିଛନ୍ତି। ମାତାପିତା ପ୍ରଥମେ ଡାବୁଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପରେ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସା କରାଇଥିଲେ । କିନ୍ତୁ ବାସନ୍ତୀଙ୍କ ରୋଗ ଭଲ ନହୋଇ ଅଧିକ ହୋଇଥିଲା। ଡାକ୍ତର ବାସନ୍ତୀଙ୍କୁ ବଡଡାକ୍ତରଖନାରେ ଚିକିତ୍ସା କରାଇବାକୁ ପରାମର୍ଶ ଦେଉଛନ୍ତି । ପଦ୍ମନ ଜଣେ ଗରିବ ଦିନମଜୁରିଆ ହୋଇଥିବାରୁ ଝିଅକୁ ବଡମେଡିକାଲକୁ ନେଇ ଚିକିତ୍ସା କରାଇବା ସମ୍ଭବ ହେଉନାହିଁ।

ପାଇଖାନା ଟାଙ୍କି ନିର୍ମାଣରେ ଶିଶୁ ଶ୍ରମିକ ନିୟୋଜିତ

ପାଇଖାନା ଟାଙ୍କି ନିର୍ମାଣରେ ଶିଶୁ ଶ୍ରମିକ ନିୟୋଜିତ

ଚନ୍ଦାହାଣ୍ଡି, ୨୯।୪(ଡି.ଏନ.ଏ.)-ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ଧୁରୁଆପଡା ପାଖରେ କରାଯାଉଥିବା ନୂତନ ମଡେଲ ସ୍ବାସ୍ଥ୍ୟକେନ୍ଦ୍ର ପରିସରରେ ନିର୍ମାଣାଧୀନ ପାଇଖାନା ଟାଙ୍କି କାର୍ଯ୍ୟରେ ଶିଶୁ ଶ୍ରମିକମାନେ ନିୟୋଜିତ କରାଯାଇଥିବା ଦେଖିବାକୁ ମିଳିଛି। ଉମରକୋଟର ଜଣେ ଠିକାଦାରଙ୍କ ଦ୍ୱାରା ଏହି ପାଇଖାନା ଟାଙ୍କି ନିର୍ମାଣ କରାଯାଉଛି। ଉମରକୋଟ ବ୍ଲକର ବୁର୍ଜା, ଖତି ଗ୍ରାମରୁ ଶିଶୁଶ୍ରମିକଙ୍କୁ କମ ମଜୁରିରେ ଆଣି ନିର୍ମାଣ କାର୍ଯ୍ୟରେ ନିୟୋଜିତ କରୁଛନ୍ତି। ୧ କୋଟିରୁ ଅଧିକ ବ୍ୟୟ ଅଟକଳରେ ନୂତନ ମଡେଲ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନିର୍ମାଣାଧୀନ ଚାଲିଛି। ଉକ୍ତ ସ୍ବାସ୍ଥ୍ୟକେନ୍ଦ୍ର ପାଇଁ ପାଖାପାଖି ୨୦ରୁ ଊର୍ଦ୍ଧ୍ୱ ପାଇଖାନା ଟାଙ୍କି ନିର୍ମାଣ ଚାଲିଛି।

ମହିଳା, ଯୁବକଙ୍କୁ ମାଡ ମାରିବା ଘଟଣା :୩ କୋର୍ଟ ଚାଲାଣ

ଉମରକୋଟ/ଧୋଡ୍ରା,୨୯।୪(ଡି.ଏନ.ଏ)- ନବରଙ୍ଗପୁର ଜିଲା ଉମରକୋଟ ଥାନା ଅଧୀନ ଏକ ଗ୍ରାମରେ ଶୁକ୍ରବାର ଜଣେ ମହିଳା ଓ ଯୁବକଙ୍କୁ ଅନୈତିକ ସମ୍ପର୍କ ରଖିଥିବା ସନ୍ଦେହରେ ଗ୍ରାମବାସୀ ମାଡ ମାରିବା ଘଟଣାରେ ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ମହିଳାଙ୍କ ସ୍ବାମୀ ଓ ତାଙ୍କ ସାଥୀ ଜୀବନ କଚିମ ଓ ପରମାନନ୍ଦ ବାଘ।

ଆଦର୍ଶ ବିଦ୍ୟାଳୟ ନାମଲେଖାରୁ ବଞ୍ଚତ୍ତ ହେବା ନେଇ କୋର୍ଟର ଦ୍ୱାରସ୍ଥ ହେବେ ଅଭିଭାବକ

ରାଇଘର,୨୯।୪(ଡି.ଏନ.ଏ)-ନବରଙ୍ଗପୁର ଜିଲା ରାଇଘର ବ୍ଲକ ଗଞ୍ଜାପଡା ଆଦର୍ଶ ବିଦ୍ୟାଳୟରେ ୫ ଛାତ୍ରୀଛାତ୍ର ନାମଲେଖାରୁ ବଞ୍ଚିତ ହୋଇ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଆଗରେ ଅଭିଭାବକଙ୍କ ସହ ଶୁକ୍ରବାର ଠାରୁ ଧାରଣାରେ ବସିଛନ୍ତି। ରବିବାର ଧାରଣାର ତଅତୀୟ ଦିନ ହୋଇଥିଲେ ମଧ୍ୟ ଏହାର କୌଣସି ସମାଧାନ ହୋଇପାରି ନାହିଁ। ନ୍ୟାୟ ନ ମିଳିଲେ କୋର୍ଟର ଆଶ୍ରୟ ନେବୁ ବୋଲି ଅଭିଭାବକମାନେ କହିଛନ୍ତି।

ପ୍ରଶଂସା ସାଉଣ୍ଟିଲେ ଗଜପତିର କଳାକାର

ପ୍ରଶଂସା ସାଉଣ୍ଟିଲେ ଗଜପତିର କଳାକାର

ପାରଳାଖେମୁଣ୍ଡି, ୨୯।୪(ସ୍ବ.ପ୍ର.): ଗଜପତି ଜିଲା ପାରଳାଖେମୁଣ୍ଡି ସହରସ୍ଥ ସଙ୍ଗୀତ ସଂସଦର କଳାକାରମାନେ ଭୁବନେଶ୍ୱର ଭଞ୍ଜକଳା ମଣ୍ଡପରେ ସଙ୍ଗୀତ ସୁଧାକର ବାଳକୃଷ୍ଣ ଦାସ ଫାଉଣ୍ଡେସନ ପକ୍ଷରୁ ଆୟୋଜିତ ‘ଓଡିଶୀ ସଙ୍ଗୀତ ମହୋତ୍ସବ- ୨୦୧୮’ରେ ଉଚ୍ଚକୋଟୀର ସଙ୍ଗୀତ ପରିବେଷଣ କରି ପ୍ରଶଂସା ସାଉଣ୍ଟିଛନ୍ତି।

ଆଇନ ସଚେତନ ହେଲେ ଜେଲ୍‌ ଅନ୍ତେବାସୀ

ଆଇନ ସଚେତନ ହେଲେ ଜେଲ୍‌ ଅନ୍ତେବାସୀ

ପାରଳାଖେମୁଣ୍ଡି,୨୯।୪(ସ୍ବ.ପ୍ର.): ଗଜପତି ଜିଲା ଆଇନସେବା ପ୍ରାଧିକରଣ ପକ୍ଷରୁ ପାରଳାଖେମୁଣ୍ଡି ଉପକାରାଗାରରେ ଅନ୍ତେବାସୀମାନଙ୍କ ପାଇଁ ଏକ ଆଇନ ସଚେତନତା ଶିବିର ଆୟୋଜିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ଜିଲା କୋର୍ଟ ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟ ରାଜେଶ ଦାସ ଯୋଗଦେଇ ଜେଲ୍‌ ଅନ୍ତେବାସୀଙ୍କ ପାଇଁ ରହିଥିବା ବିଭିନ୍ନ ଆଇନ ଓ ଯୋଜନା ସମ୍ପର୍କରେ ଆଲୋକପାତ କରିଥିଲେ। ପ୍ରତ୍ୟେକ ବିଚାରାଧୀନ ବନ୍ଦୀ ସମାନ ଭାବେ ଆଇନ ସୁବିଧା ସୁଯୋଗ ପାଇପାରିବେ ସେ କହିଥିଲେ।

ଅବସରର ୬ ବର୍ଷ ପରେ ବି ଶିକ୍ଷକଙ୍କୁ ମିଳୁନି ପେନସନ

ମାଲକାନଗରି,୨୯।୪(ଡି.ଏନ.ଏ): ଜଣେ ଶିକ୍ଷକ ତାଙ୍କର ଚାକିରି କାଳ ମଧ୍ୟରେ ଛାତ୍ରୀଛାତ୍ରମାନଙ୍କୁ ଶିକ୍ଷାଦାନ କରି ସୁନାଗରିକ ଗଠନ କରିବାରେ ପ୍ରମୁଖ ଭୂମିକା ଗ୍ରହଣ କରିଥାଏ। ଜୀବନକାଳ ମଧ୍ୟରେ ଶିକ୍ଷକତା କରି ନିଜ ଅବସରକାଳୀନ ପ୍ରାପ୍ୟ ଗଣ୍ଡାକ ପାଇବା ପାଇଁ କିପରି ହଇରାଣ ହୋଇଥାନ୍ତି ତାର ନଜିର ମାଲକାନଗିରି ଜିଲାରେ ଦେଖିବାକୁ ମିଳିଛି। ଜିଲାରେ ଦୀର୍ଘ ୩୮ ବର୍ଷ ଶିକ୍ଷକତା କରି ଗତ ୩୦।୬।୨୦୧୨ରେ ଅବସର ନେଇଥିବା ଜଣେ ଶିକ୍ଷକ କିପରି ପେନଶନ ଗଣ୍ଡାକ ପାଇଁ ଆସି ମାଲକାନଗିରି ବସଷ୍ଟାଣ୍ଡ ପରିସରରେ ଥିବା ଶ୍ରମିକ ବିଶ୍ରାମଗାରରେ ନିଜ ବୃଦ୍ଧା ସ୍ତ୍ରୀ ରେବତୀଙ୍କୁ ଧରି ଦୀର୍ଘ ୧୦ ଦିନ ହେଲା ପଡ଼ି ରହିଛନ୍ତି ଏବଂ ଆହାର କେନ୍ଦ୍ରରେ ଦୁଇ ପ୍ରହରେ ଲାଇନରେ ଠିଆ ହୋଇ ଖାଦ୍ୟ ଖାଇବା ପାଇଁ ଅପେକ୍ଷା କରିଥାନ୍ତି ତାହା ଦେଖିବାକୁ ମିଳିଛି। ଏହି ଅବସର ପ୍ରାପ୍ତ ଶିକ୍ଷକ ଜଣକ ହେଉଛନ୍ତି ନଟବର କାର୍ଜି। ତାଙ୍କ ନିଜ ଘର ଗଜପତି ଜିଲା ସରଳାପଦର ଗ୍ରାମରେ। ୨୦୦୬ରେ ମାଲକାନଗିରି ଜିଲା କେନ୍ଦୁଗୁଡ଼ା ବିଦ୍ୟାଳୟରେ ସେ ଶିକ୍ଷାଦାନ କରି ଅବସର ନେଇଥିଲେ। ଅବସର ପରେ ସେ ସମ୍ପୂର୍ଣ୍ଣ ସରକାରୀ ନଥିପତ୍ର ଭାରର୍ପଣ କରି ନ ଥିବାରୁ ତାଙ୍କୁ କେବଳ ପ୍ରୋଭିଜିନାଲ ପେନସନ ମିଳିଥିଲା

ପାଠ ପଢ଼ିବାକୁ ଯାଇ ବଣ୍ଡା ଛାତ୍ର ନିଖୋଜ ଘଟଣାରେ ଥାନାରେ ଏତଲା

ମାଲକାନଗିର,୨୯।୪ (ଡି.ଏନ.ଏ): ମାଲାକନଗିରି ଜିଲାର ଖଇରପୁଟ ବ୍ଲକ ଅନ୍ତର୍ଗତ ମୁଦୁଲିପଡା ପଚାୟତର ଦାନ୍ତିପଡା ଗ୍ରାମର ବଣ୍ଡା ଛାତ୍ର କିସରେ ପାଠ ପଢ଼ିବାକୁ ଯାଇ ନିଖୋଜ ହେବାର ୩ ବର୍ଷ ବିତି ଯାଇଥିଲେ ମଧ୍ୟ କୌଣସି ଖବର ନ ମିଳିବାରୁ ଶନିବାର ତାଙ୍କ ବାପା ବୁଦାର ମାନ୍ଦ୍ରା ମୁଦୁଲିପଡ଼ା ଥାନାରେ ଏତଲା ଦେଇଛନ୍ତି। ଏତଲାରେ ତାଙ୍କ ସାନପୁଅ ରାମଚନ୍ଦ୍ର ମାନ୍ଦ୍ରା ୨୦୧୨ରେ ୫ମ ଶ୍ରେଣୀ ପାସ ହେବା ପରେ ଭୁବନେଶ୍ୱରସ୍ଥିତ କିସକୁ ପଠାଇଥିଲୁ । ପ୍ରତ୍ୟେକ ବର୍ଷ ସେ ଖରା ଛୁଟିରେ ଘରକୁ ଆସୁଥିଲା । କିନ୍ତୁ ଗତ ୨୦୧୫ରେ ନବମ ଶ୍ରେଣୀରେ ପାଠ ପଢ଼ୁଥିବା ବେଳେ ଗୋଟିଏ ପରୀକ୍ଷା ନ ଦେଇ କୁଆଡ଼େ ଚାଲିଯାଇଥିଲେ ।