ରାୟଗଡା

କପି କରି ଧରାପଡିଲେ ୩ ଛାତ୍ର

କପି କରି ଧରାପଡିଲେ ୩ ଛାତ୍ର

ରାୟଗଡା ଅଫିସ୍‌, ୨୫।୨- ସୋମବାର ମାଟ୍ରିକ୍‌ ପରୀକ୍ଷାର ଦ୍ୱିତୀୟ ଦିନରେ ଇଂରାଜୀ ପରୀକ୍ଷାରେ କପି କରି ୩ ଛାତ୍ର ଧରାପଡିଛନ୍ତି। କାଶୀପୁର ବ୍ଲକ୍‌ ତଳଝିରି ଉଚ୍ଚ ବିଦ୍ୟାଳୟରେ ୨ ଓ କାଶୀପୁର ଉଚ୍ଚ ବିଦ୍ୟାଳୟରେ ଜଣେ ଛାତ୍ର  ଧରା ପଡିଛନ୍ତି। ଜିଲା ଶିକ୍ଷାଧିକାରୀଙ୍କ ନେତୃତ୍ୱରେ ଗଠିତ  ସ୍କ୍ବାର୍ଡ ଅନୁଧ୍ୟାନ କରି ଉକ୍ତ ୩ ଜଣଙ୍କୁ ଧରିଥିଲେ। ସେମାନଙ୍କୁ ମାଲ ପ୍ରାକ୍ଟିସ  କରାଯାଇଥିବା ଜିଲା ଶିକ୍ଷାଧିକାରୀ ପୂର୍ଣ୍ଣଚନ୍ଦ୍ର ବରିହା କହିଛନ୍ତି। 

ବିପଦସଙ୍କୁଳ ଅବସ୍ଥାରେ ପୁକି ବିଦ୍ୟାଳୟ

ବିପଦସଙ୍କୁଳ ଅବସ୍ଥାରେ ପୁକି ବିଦ୍ୟାଳୟ

କୋଲାବନଗର,୨୫।୨(ଡି.ଏନ୍‌.ଏ.): କୋରାପୁଟ ସଦର ବ୍ଲକ ଅନ୍ତର୍ଗତ ବଡ଼କେରେଙ୍ଗା ପଞ୍ଚାୟତରେ ରହିଛି ପୁକି  ଉ.ପ୍ରା. ବିଦ୍ୟାଳୟ । ଏଠାରେ ୧ରୁ ୫ମ ପର୍ଯ୍ୟନ୍ତ ୪୦ ଜଣ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି । ୨୦୦୩ରେ  ୬,୬୦,୦୦୦ ଟଙ୍କା ବ୍ୟୟରେ ଏହି ବିଦ୍ୟାଳୟ ନିର୍ମାଣ କରାଯାଇଥିଲା। ଇତି ମଧ୍ୟରେ ୧୬ ବର୍ଷ ବିତି ଗଲାଣି। ମରାମତି ଅଭାବରୁ ବିଦ୍ୟାଳୟଟି ବିପଦସଙ୍କୁଳ ଅବସ୍ଥାରେ ରହିଛି। ବର୍ତ୍ତମାନ ଗୃହର କାନ୍ଥଗୁଡିକ ଫାଟିଗଲାଣି, ଛାତରୁ ପାଣି ଗଳୁଛି । ଏଥିସହ ଛାତରୁ ସ୍ଲାପ୍‌ ଖସିବା ସହ ଭିତର କାନ୍ଥରୁ ସିମେଣ୍ଟ ପ୍ଲାଷ୍ଟର ଖଣ୍ଡ ଖଣ୍ଡ ହୋଇ ପଡ଼ୁଛି । ଫଳରେ ଛାତ୍ରୀଛାତ୍ର ଭୟଭୀତ ହୋଇପଡ଼ିଛନ୍ତି ।  ଏହାକୁ ନେଇ ଅଭିଭାବକ ମହଲରେ ଅସନ୍ତୋଷ ଦେଖାଦେଇଛି।

ଆବାସ ଗୃହ ଯୋଗାଇବା ଦାବି

ଆବାସ ଗୃହ ଯୋଗାଇବା ଦାବି

ଦଶମନ୍ତପୁର,୨୫।୨(ଡି.ଏନ୍‌.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଗିର୍ଲିଗୁମ୍ମା ପଞ୍ଚାୟତ ବିଜମରା  ଗ୍ରାମର ଡମୁନାଥ ମୁଦୁଲି । ପରିବାର କହିଲେ ତାଙ୍କ ସ୍ତ୍ରୀ ମଇନା ମୁଦୁଲି ଏବଂ ୨ ଝିଅ। ଅନ୍ୟ ଘରେ କାମ କରି ଯାହା ଆଣନ୍ତି ସେଥିରେ ତାଙ୍କର ପରିବାର ଚଳେ। ମୁଣ୍ଡ ଗୁଞ୍ଜିବା ପାଇଁ ତାଙ୍କର ଘର ଖଣ୍ଡିଏ ନ ଥିବା ବେଳେ ଚାଷ କରିବାକୁ ଜମି ମଧ୍ୟ ନାହିଁ । ଛଣ ଛପର କୁଡିଆରେ ୪ ପ୍ରାଣୀ ରହୁଛନ୍ତି।  ଜରାଜୀର୍ଣ୍ଣ ହୋଇ ପଡିଥିବା ଗୃହ  ମରାମତି କରିବା ପାଇଁ ମଧ୍ୟ ତାଙ୍କ ପାଖରେ ଅର୍ଥ ନ ଥିବା କହିଛନ୍ତି ।  ଆବାସ ଗୃହ  ଖଣ୍ଡେ ପାଇବା ପାଇଁ ବାରମ୍ବାର ପଞ୍ଚାୟତଠାରୁ ଆରମ୍ଭ କରି  ଜିଲାପାଳଙ୍କ ଅଭିଯୋଗ ଶୁଣାଣିରେ   ଗୁହାରି କରିଥିଲେ ମଧ୍ୟ ଆମ କଥା କେହି ଶୁଣୁ ନାହାନ୍ତି ।  ଘର ଖଣ୍ଡେ ପାଇଁ ଗାଡି ଭଡାରେ ମଧ୍ୟ ବହୁ ଖର୍ଚ୍ଚ କରିଲୁଣି। ତଥାପି କିଛି ସୁଫଳ ମିଳିନାହିଁ ।

ଜୟପୁର ବନଖଣ୍ଡରେ ଭାଲୁ-ମଣିଷ ମୁହାଁମୁହିଁ: ୮ ବର୍ଷରେ୨୬ ମଣିଷ ,୩୨ ଭାଲୁ ମୃତ

ଜୟପୁର ବନଖଣ୍ଡରେ ଭାଲୁ-ମଣିଷ ମୁହାଁମୁହିଁ: ୮ ବର୍ଷରେ୨୬ ମଣିଷ ,୩୨ ଭାଲୁ ମୃତ

ଜୟପୁର,୨୫ା୨(ନି.ପ୍ର.): କୋରାପୁଟ ଜିଲାରେ ବଣ ପାହାଡ ମୁଲକରେ ଭାଲୁ ଓ ମଣିଷ ମୁହାଁମୁହିଁ ହେବା କିଛି ନୂଆ କଥା ନୁହେଁ । କ୍ରମାଗତ ଜଙ୍ଗଲ ଧ୍ୱଂସ ଓ ଖାଦ୍ୟ ଅଭାବ କାରଣରୁ ଭାଲୁ ଭଳି ହିଂସ୍ର ଜନ୍ତୁ ଜନ ବସତି ମୁହାଁ ହେଉଛନ୍ତି। ଫଳରେ  ମଣିଷ-ଭାଲୁ  ସଂଘର୍ଷ ହୋଇ ଆତଙ୍କର ବାତାବରଣ ସୃଷ୍ଟି ହୋଇଛି।  ଜିଲାର ଜୟପୁର, ବୈପାରୀଗୁଡା, ଲମତାପୁଟ,କୁନ୍ଦୁରା, କୋଟପାଡ ଅଞ୍ଚଳରେ ଆଖୁ ଚାଷ ସହ ପଣସ,  କାଜୁ ଗଛ ବହୁ ପରିମାଣରେ ଥିବା ବେଳେ  ଲକ୍ଷ୍ମୀପୁର, ଦଶମନ୍ତପୁର, ନନ୍ଦପୁର, ପାଡୁଆ, ଚାଟୁଆ, ପଟାଙ୍ଗି ଆଦି ଅଞ୍ଚଳରେ ପଣସ ସହ କଦଳୀର ଫସଲ ରହିଛି। ଏହା ଖାଇବା ପାଇଁ ବହୁ ସଂଖ୍ୟାରେ ଭାଲୁ ଗାଁ ମୁହାଁ ହେଉଥିବା ବେଳେ ଗାଁ ଗହଳି ର ଅଧିକାଂଶ ଲୋକ ଭାଲୁ ଆକ୍ରମଣର ଶିକାର ହେଉଛନ୍ତି । ଜୟପୁର ବନଖଣ୍ଡ ଅନ୍ତର୍ଗତ ଜୟପୁର, ବୋରିଗୁମ୍ମା, କୋଟପାଡ, କୁନ୍ଦୁରା, ବୈପାରିଗୁଡା ରେଞ୍ଜ ଅଧୀନରେ ୨୦୧୧-୧୨ ଠାରୁ ୨୦୧୮-୧୯ ଆର୍ଥିକ ବର୍ଷ ମଧ୍ୟରେ ଭାଲୁ ମଣିଷ ଲଢେଇରେ ୨୬ ମଣିଷଙ୍କ ଜୀବନ ଯାଇଥିବା ବେଳେ  ୩୨ଟି ଭାଲୁ ମୃତ୍ୟୁ ବରଣ କରିଛନ୍ତି ା 

ଘୁଞ୍ଚତ୍ଲା ମାଥିଲି ଲ୍ୟାମ୍ପ୍‌ସ ଏମ୍‌ଡି ନିଯୁକ୍ତି

ଘୁଞ୍ଚତ୍ଲା ମାଥିଲି ଲ୍ୟାମ୍ପ୍‌ସ ଏମ୍‌ଡି ନିଯୁକ୍ତି

ମାଥିଲି, ୨୫।୨ (ସ୍ବ.ପ୍ର.) -  ମାଲକାନଗିରି ଜିଲା ମାଥିଲି ଲ୍ୟାମ୍ପ୍‌ସରେ ଏମ୍‌ଡି ନିଯୁକ୍ତି ନେଇ ଏବେ ମଧ୍ୟ ଅନିଶ୍ଚିତତା ଲାଗି ରହିଛି । ଏ ସମ୍ପର୍କିତ ଏକ ଖବର ଧରିତ୍ରୀରେ ପ୍ରକାଶ ପାଇବା ପରେ ଲ୍ୟାମ୍ପ୍‌ସ ସଭାପତି ଡମୁ ନାୟକଙ୍କ ନିର୍ଦ୍ଦେଶରେ ଲ୍ୟାମ୍ପ୍‌ସ ଭାରପ୍ରାପ୍ତ ପରିଚାଳନା ନିର୍ଦ୍ଦେଶକ ପ୍ରଶାନ୍ତ କୁମାର ନାୟକ ଏକ ବୋର୍ଡ ରେଜୁଲେଶନ ଚିଠି ଏସଆରସିଏସ ସୁଦର୍ଶନ ନାୟକଙ୍କ ନିକଟକୁ ପଠାଇଥିଲେ। 

 ଆଇନ  ସଚେତନତା ସମ୍ମିଳନୀ:୧୦ ହଜାରରୁ ଊର୍ଦ୍ଧ୍ୱ  ହିତାଧିକାରୀ  ସାମିଲ

ଆଇନ ସଚେତନତା ସମ୍ମିଳନୀ:୧୦ ହଜାରରୁ ଊର୍ଦ୍ଧ୍ୱ ହିତାଧିକାରୀ ସାମିଲ

 ମାଲକାନଗିରି,୨୪ା୨ (ଡି.ଏନ.ଏ.) - ମାଲକାନଗିରି ଜିଲା  ସଦର ମହକୁମାରେ ଜିଲା ଆଇନ ସେବା ପ୍ରାଧିକରଣ ପକ୍ଷରୁ ରବିବାର  ଏକ ଆଇନ ସଚେତନତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ୧୦ ହଜାରରୁ ଊର୍ଦ୍ଧ୍ୱ ହିତାଧିକାରୀ   ଅଂଶଗ୍ରହଣ କରି   ଆଇନ ସେବା  ଏବଂ  ଗରିବ ଲୋକଙ୍କ ପାଇଁ  କି ବ୍ୟବସ୍ଥା ସବୁ ରହିଛି ସେ ନେଇ ଜ୍ଞାନ ଆହରଣ କରିଛନ୍ତି। 

ମାସକର ଘଟଣା, ଏବେ ଖୋଲିଛି ଗୁମର:  ଛାତ୍ରଙ୍କ ହାତରେ ଚୂନ ମରାଇ ଅଡୁଆରେ ପ୍ରଧାନଶିକ୍ଷକ

ମାସକର ଘଟଣା, ଏବେ ଖୋଲିଛି ଗୁମର: ଛାତ୍ରଙ୍କ ହାତରେ ଚୂନ ମରାଇ ଅଡୁଆରେ ପ୍ରଧାନଶିକ୍ଷକ

 ମାଥିଲି,  ୨୪।୨ (ସ୍ବ.ପ୍ର.) -  ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ କଂସାରିପୁଟ ବିଦ୍ୟାଳୟରେ ପ୍ରଧାନଶିକ୍ଷକ ଛାତ୍ରମାନଙ୍କ ଦ୍ୱାରା ଚୂନ ମରାଇ ଏବେ ଅଡୁଆରେ ପଡିଛନ୍ତି। ଛାତ୍ରମାନଙ୍କୁ କାମ କରାଇବା ଫଟୋ ଏବେ ମୋବାଇଲକୁ ମୋବାଇଲ ଘୂରି ବୁଲୁଛି । ଏହା ପ୍ରଧାନଶିକ୍ଷକଙ୍କ ପାଇଁ ପ୍ରମାଣ ସ୍ବରୂପ କାମ କରୁଛି। 

କଲୋନୀ ରାସ୍ତା ମରାମତି ନ ହେଲେ ଭୋଟ୍‌ ବର୍ଜନ

କଲୋନୀ ରାସ୍ତା ମରାମତି ନ ହେଲେ ଭୋଟ୍‌ ବର୍ଜନ


କୋଲାବନଗର,୨୪।୨(ଡି.ଏନ୍‌.ଏ.): କୋରାପୁଟ ସଦର ଅନ୍ତର୍ଗତ କୋଲାବନଗର ଅପର କୋଲାବ ଯୋଜନା ଅଧୀନ ସ୍ଥାୟୀ କଲୋନୀର ରାସ୍ତା ଶୋଚନୀୟ ଅବସ୍ଥାରେ ରହିଛି। ୧୯୭୯ରେ ଯୋଜନା ଅନ୍ତର୍ଗତ କର୍ମଚାରୀଙ୍କ ପାଇଁ କଲୋନୀ ନିର୍ମାଣ କରାଯାଇଥିଲା। ସେହି ସମୟରେ ନିର୍ମିତ ପିଚୁରାସ୍ତାରୁ ଏବେ ପିଚୁ ଓ ପଥର ବାହାରି ଖାଲ ସୃଷ୍ଟି ହେଲାଣି। ଚନ୍ଦ୍ର ମଣ୍ଡଳ କଲୋନି, ମାଣିକପାଟଣା କଲୋନି ଓ ଭୂତନଗର କଲୋନି ରାସ୍ତାରେ ଏବେ ଯାତାୟତ ଅସହ୍ୟ ସମସ୍ୟା ସୃଷ୍ଟି କରୁଛି।

ପରିଷଦର ଲକ୍ଷାଧିକ ଟଙ୍କା ପାଣିରେ ପଡୁଛି: ପରିମଳ ବ୍ୟବସ୍ଥା ଫେଲ୍‌

ପରିଷଦର ଲକ୍ଷାଧିକ ଟଙ୍କା ପାଣିରେ ପଡୁଛି: ପରିମଳ ବ୍ୟବସ୍ଥା ଫେଲ୍‌

କୋଟପାଡ଼,୨୪।୨(ଡି.ଏନ୍‌.ଏ.)-କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦର କାଉନସିଲ ବଡି ଭାଙ୍ଗିବା ପରେ କେବଳ ପରିଷଦର କର୍ମଚାରୀ ସର୍ବେସର୍ବା ଭଳି କାର୍ଯ୍ୟ କରୁଛନ୍ତି। ପରିଷଦ ତରଫରୁ ଲକ୍ଷାଧିକ ଟଙ୍କା ଖର୍ଚ୍ଚକରି ସହର ସଫେଇ ପାଇଁ ନୂଆ ଆବର୍ଜନା ବୁହା ଗାଡ଼ି କିଣାଯାଇଛି। ଗୋଟିଏ କିମ୍ବା ଦୁଇଟି ଆବର୍ଜନା ବୁହା ଗାଡ଼ି ସାହି ଅଞ୍ଚଳ ବୁଲି ଆବର୍ଜନା ଉଠାଉଛି। କିନ୍ତୁ ଅନ୍ୟ ୩/୪ଟି ଗାଡ଼ି ଅଫିସ୍‌ ପରିସରରେ ପଡ଼ିଛି। କିଛିଦିନ ତଳେ ସେହି ଗାଡ଼ିରେ ପନିପରିବା ବୋହିବା ପାଇଁ ଭଡ଼ାରେ ଦିଆଯାଇଥିବା ବେଳର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା

୨୬ରେ ସମ୍ବିଧାନ ବଞ୍ଚାଅ ସଂଘର୍ଷ ସମିତିର ଜେଲଭରୋ ଆନ୍ଦୋଳନ

୨୬ରେ ସମ୍ବିଧାନ ବଞ୍ଚାଅ ସଂଘର୍ଷ ସମିତିର ଜେଲଭରୋ ଆନ୍ଦୋଳନ

ନବରଙ୍ଗପୁର,୨୪।୨(ବି.ପ୍ର.)- ଆସନ୍ତା ୨୬ରେ ନବରଙ୍ଗପୁର ଠାରେ ଜେଲଭରୋ ଆନ୍ଦୋଳନ କରାଯିବ ବୋଲି ବହୁଜନ କ୍ରାନ୍ତି ମୋର୍ଚ୍ଚା ପକ୍ଷରୁ ସ୍ଥାନୀୟ ଦଳିତ ପାଠାଗାରରେ  ଆହୁତ ଖବରଦାତା ସମ୍ବିଳନୀରେ ଜିଲା ସଂଯୋଜକ ନରହରି ନାୟକ ଏ ସମ୍ପର୍କରେ ସୂଚନା ପ୍ରଦାନ କରିଛନ୍ତି । ରାଷ୍ଟ୍ରୀୟ  ସଂଯୋଜକ ବାମନ ମେଶ୍ରାମଙ୍କ ନେତୃତ୍ୱରେ ସମ୍ବିଧାନ ବଞ୍ଚାଅ ସଂଘର୍ଷ ସମିତି ସାରା ଭାରତର ୩୧ଟି ରାଜ୍ୟ, ୫୫୦ ଜିଲା ଓ ୪ ହଜାର ତହସିଲରେ ଏହି ଜେଲଭରୋ ଆନ୍ଦୋଳନ ହେବ।

ଜନସ୍ବାସ୍ଥ୍ୟ ବିଭାଗର ନିଘା ନାହିଁ:ପାଇପ ଫାଟି ପାନୀୟ ଜଳରେ ମିଶୁଛି ଆବର୍ଜନା

ଜନସ୍ବାସ୍ଥ୍ୟ ବିଭାଗର ନିଘା ନାହିଁ:ପାଇପ ଫାଟି ପାନୀୟ ଜଳରେ ମିଶୁଛି ଆବର୍ଜନା


ନବରଙ୍ଗପୁର,୨୪।୨(ବି.ପ୍ର.)- ପାନୀୟ ଜଳ ଯୋଗାଣ ପାଇଁ ବିଛାଯାଇଥିବା ପାଇପ ଫାଟିଛି। ବାହାରର ଆବର୍ଜନା ପାନୀୟ ଜଳରେ ମିଶି ଦୂଷିତ ହେଉଛି। ଏଥିପ୍ରତି ଜନସ୍ବାସ୍ଥ୍ୟ ବିଭାଗର ନିଘା ନାହିଁ। ନବରଙ୍ଗପୁର ସହରର ଜଗନ୍ନାଥ ମନ୍ଦିର ଛକ ମଧୁବାବୁ ପାର୍କ ସମ୍ମୁଖରେ ଏପରି ଅବସ୍ଥା।

 ପ୍ରଶ୍ନପତ୍ର ପ୍ରଘଟ ଘଟଣା: ଥାନାରେ ଏତଲା

ପ୍ରଶ୍ନପତ୍ର ପ୍ରଘଟ ଘଟଣା: ଥାନାରେ ଏତଲା

କୋରାପୁଟ,୨୪।୨(ସ୍ବ.ପ୍ର): କୋରାପୁଟ ଜିଲାର ବନ୍ଧୁଗଁ।  ଠାରେ ହୋଇଥିବା ପ୍ରଶ୍ନପତ୍ର ପ୍ରଘଟ ଘଟଣାରେ ରବିବାର ବନ୍ଧୁଗଁ।  ପୋଲିସ ଥାନାରେ ଏତଲା ହୋଇଛି।

ପଦ୍ମପୁରରେ ବିଗୁଡିଛି ପରିମଳ ବ୍ୟବସ୍ଥା, ସ୍ବାସ୍ଥ୍ୟସେବା

ପଦ୍ମପୁରରେ ବିଗୁଡିଛି ପରିମଳ ବ୍ୟବସ୍ଥା, ସ୍ବାସ୍ଥ୍ୟସେବା

ପଦ୍ମପୁର,୨୪।୨(ଡି.ଏନ୍‌.ଏ.)- ରାୟଗଡ଼ା ଜିଲା  ପଦ୍ମପୁର ଅଞ୍ଚଳରେ ଦିନକୁ ଦିନ ପରିମଳ ବ୍ୟବସ୍ଥା ଓ ସ୍ବାସ୍ଥ୍ୟ ସେବା ବିଗିଡିବାରେ ଲାଗିଛି। ପରିମଳ ବ୍ୟବସ୍ଥା ଠିକ୍‌ ନ ଥିବାରୁ ସହରସାରା ପୂତି ଗନ୍ଧମୟ ପରିବେଶ ସୃଷ୍ଟି ହେଉଛି। 

ବାତ୍ୟା କ୍ଷତିଗ୍ରସ୍ତ ଦିବ୍ୟାଙ୍ଗଙ୍କ ଉଚିତ ଥଇଥାନ ପାଇଁ ଦାବି

ବାତ୍ୟା କ୍ଷତିଗ୍ରସ୍ତ ଦିବ୍ୟାଙ୍ଗଙ୍କ ଉଚିତ ଥଇଥାନ ପାଇଁ ଦାବି

ପାରଳାଖେମୁଣ୍ଡି, ୨୩ା୨(ସ୍ବ.ପ୍ର.):ଗଜପତି ଜିଲା ପାରଳାଖେମୁଣ୍ଡିସ୍ଥିତ ହୋମ୍‌ଗାର୍ଡ ପଡିଆରେ ଶନିବାର ସାମର୍ଥ ଅନୁଷ୍ଠାନ ପକ୍ଷରୁ ଏକ ଖବରଦାତା ସମ୍ମିଳନୀରେ ତିତ୍‌ଲି ବାତ୍ୟା କ୍ଷତିଗ୍ରସ୍ତ ଦିବ୍ୟାଙ୍ଗମାନଙ୍କ ଉଚିତ ଥଇଥାନ ପାଇଁ ଦାବି କରାଯାଇଛି ା 

ରାସ୍ତାରେ ଛିଣ୍ଡିପଡ଼ିଛି ବିଦ୍ୟୁତ ତାର

ରାସ୍ତାରେ ଛିଣ୍ଡିପଡ଼ିଛି ବିଦ୍ୟୁତ ତାର

ପାରଳାଖେମୁଣ୍ଡି, ୨୩ା୨(ସ୍ବ.ପ୍ର.):ଗଜପତି ଜିଲା ପାରଳାଖେମୁଣ୍ଡି ସହର ଉପକଣ୍ଠ ବେତାଗୁଡା ମୁଖ୍ୟରାସ୍ତାରେ ଦୀର୍ଘଦିନ ହେଲା ଏକ ବିଦ୍ୟୁତ ତାର ଛିଣ୍ଡି ପଡ଼ିରହିଛି ା

ଆଦିବାସୀଙ୍କ ନିଆରା ପର୍ବ ଟୋକିମରା

ଆଦିବାସୀଙ୍କ ନିଆରା ପର୍ବ ଟୋକିମରା

ଟିକିରି,୨୩ା୨(ଡ଼ି.ଏନ.ଏ)- ରାୟଗଡ଼ା ଜିଲା କାଶୀପୁର ବ୍ଲକ ନକଟିଗୁଡା ପଞ୍ଚାୟତ ସଦରସ୍ଥିତ ଉପରସାହିଠାରେ ଶୁକ୍ରବାର ଆଦିବାସୀଙ୍କ ନିଆରା  ଟୋକିମରା ପର୍ବ ପାଳିତ ହୋଇଯାଇଛି ା 

ମାଘ ମଣ୍ଡେଇ ଯାତ୍ରା ପାଇଁ କୋଷାଗୁମୁଡା ଉତ୍ସବମୁଖର

ମାଘ ମଣ୍ଡେଇ ଯାତ୍ରା ପାଇଁ କୋଷାଗୁମୁଡା ଉତ୍ସବମୁଖର

କୋଷାଗୁମୁଡା, ୨୩।୨(ଡି.ଏନ୍‌.ଏ.)- ନବରଙ୍ଗପୁର ଜିଲା କୋଷାଗୁମୁଡା ସଦର ମହକୁମାରେ ଶୁକ୍ରବାରଠାରୁ ମାଘ ମଣ୍ଡେଇ ଯାତ୍ରା ଆରମ୍ଭ ହୋଇଛି। ଏହି ଯାତ୍ରା ୩ଦିନ ଧରି ଚାଲିବ। 

୨୫ରେ ମାଲକାନଗିରି, ବାଲିମେଳା ସହରବାସୀଙ୍କୁ ପଟ୍ଟା ମିଳିବ

୨୫ରେ ମାଲକାନଗିରି, ବାଲିମେଳା ସହରବାସୀଙ୍କୁ ପଟ୍ଟା ମିଳିବ

ମାଲକାନଗିରି, ୨୩ା୨(ଡି.ଏନ୍‌.ଏ.)- ମାଲକାନଗିରି ପୌରପରିଷଦ ଏବଂ ବାଲିମେଳା ବିଜ୍ଞାପିତ ଅଞ୍ଚଳ ପରିଷଦ ଅଞ୍ଚଳରେ ସରକାରୀ ଜାଗାରେ ଘର କରି ବର୍ଷ ବର୍ଷ ଧରି ରହିଥିବା ଲୋକଙ୍କୁ ଆସନ୍ତା ୨୫ ତାରିଖରେ ପ୍ରଥମ ପର୍ଯ୍ୟାୟ ପଟ୍ଟା ପ୍ରଦାନ କରାଯିବ। 

ମାଲକାନଗିରିରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ: ଗର୍ଭବତୀଙ୍କ ପରେ ଏବେ ଖଟିଆରେ ବୁହାହେଲେ ଗୁରୁତର ରୋଗୀ

ମାଲକାନଗିରିରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ: ଗର୍ଭବତୀଙ୍କ ପରେ ଏବେ ଖଟିଆରେ ବୁହାହେଲେ ଗୁରୁତର ରୋଗୀ

ଚିତ୍ରକୋଣ୍ଡା,୨୩।୨(ଡି.ଏନ୍‌.ଏ.): ରାଜ୍ୟ ସରକାର ଗରିବ ଲୋକଙ୍କ ନିକଟରେ ସ୍ବାସ୍ଥ୍ୟସେବା ପହଞ୍ଚାଇବା ଲାଗି ବିଭିନ୍ନ ବ୍ୟବସ୍ଥା କରୁଛନ୍ତି। ଗର୍ଭବତୀ ମହିଳାଙ୍କ ପାଇଁ ୧୦୨ ଓ ରୋଗୀଙ୍କ ପାଇଁ ୧୦୮ ଆମ୍ବୁଲାନ୍ସର ବ୍ୟବସ୍ଥା କରାଯାଇଛି। ମାତ୍ର ମାଲକାନଗିରି ଜିଲାରେ ଏଭଳି ସୁବିଧା ସାଧାରଣ ଲୋକଙ୍କ ନିକଟରେ ପହଞ୍ଚି ପାରୁନାହିଁ। 

ରାଜ୍ୟ, ଜାତୀୟ କ୍ରୀଡ଼ାରେ କିଶୋରଙ୍କ କୃତିତ୍ୱ

ରାଜ୍ୟ, ଜାତୀୟ କ୍ରୀଡ଼ାରେ କିଶୋରଙ୍କ କୃତିତ୍ୱ

ପାରଳାଖେମୁଣ୍ଡି,୨୩।୨(ସ୍ବ.ପ୍ର.):ରାଜ୍ୟ ଓ ଜାତୀୟ ସ୍ତରରେ କ୍ରୀଡ଼ାରେ ଗଜପତି ଜିଲା ଅବକାରୀ ବିଭାଗର ଏଏସ୍‌ଆଇ କିଶୋର ଚନ୍ଦ୍ର ରଥଙ୍କୁ ସଫଳତା ମିଳିଛି ା ଛତିଶଗଡର ରାୟପୁରରେ ଅନୁଷ୍ଠିତ ଦୌଡକୁଦ ପ୍ରତିଯୋଗିତାରେ ୫୦ରୁ ଊର୍ଦ୍ଧ୍ୱ ବୟସର ୧୦୦ ମିଟର ଦୌଡରେ ରଥ ଭାଗନେଇ ବ୍ରୋଞ୍ଜ ପଦକ ଜିତିଛନ୍ତି ା ସେହିପରି ଓଡିଶା ମାଷ୍ଟର ଆଥଲେଟ୍‌ ପକ୍ଷରୁ ଆନ୍ଧ୍ରପ୍ରଦେଶର ଗୁଣ୍ଟୁରରେ ଟ୍ରିପଲ ଜମ୍ପ ପ୍ରତିଯୋଗିତାରେ ସେ ରୌପ୍ୟ ଓ ଲମ୍ବଡିଆଁରେ ବ୍ରୋଞ୍ଜ ପଦକ ପାଇଛନ୍ତି। 

ପାଗଳା ଗାଈ କ୍ଷୀର ଖାଇ ଅସୁସ୍ଥ ହେବା ଡର: ପ୍ରତିଷେଧକ ଟିକା ନେଲେ ୫ଶହ ଲୋକ

ପାଗଳା ଗାଈ କ୍ଷୀର ଖାଇ ଅସୁସ୍ଥ ହେବା ଡର: ପ୍ରତିଷେଧକ ଟିକା ନେଲେ ୫ଶହ ଲୋକ

କାଲିମେଳା,୨୨ା୨(ଡି.ଏନ.ଏ)-ଗାଈକୁ ପାଗଳ କୁକୁର କାମୁଡ଼ିଛି। ଗାଈ ବି ପାଗଳା ହୋଇଯାଇଛି। ଗାଈକୁ ପରୀକ୍ଷା କରିବା ପରେ ଡାକ୍ତର ଏପରି କହିଛନ୍ତି। ଉକ୍ତ ଗାଈକ୍ଷୀରରେ ପ୍ରସ୍ତୁତ ଖାଦ୍ୟ ଦୁଇ ଗାଁର ଲୋକେ ଖାଇଛନ୍ତି।   ସେମାନେ ପ୍ରତିଷେଧକ ଇଞ୍ଜେକ୍ସନ ନେବାକୁ ଡାକ୍ତର ପରାମର୍ଶ ଦେବା ପରେ ମାଲକାନଗିରି ଜିଲା କାଲିମେଳା ବ୍ଲକ୍‌ ଅନ୍ତର୍ଗତ ଗୁମୁକା ପଞ୍ଚାୟତର ଏମଭି-୬୫ ଓ ଏମପିଭି-୧୧ ଗ୍ରାମର ପ୍ରାୟ ୫ ଶହରୁ ଊର୍ଦ୍ଧ୍ୱ ଲୋକ ଶୁକ୍ରବାର ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କୁକୁର କାମୁଡ଼ା ପ୍ରତିଷେଧକ ଇଞ୍ଜେକ୍ସନ ନେଇଛନ୍ତି।  ଏମାନଙ୍କ ମଧ୍ୟରେ ଶତାଧିକ ସ୍କୁଲ ଛାତ୍ରୀଛାତ୍ର ଅଛନ୍ତି। 

ବନ୍ଧୁଗାଁ କେନ୍ଦ୍ରରେ ପ୍ରଶ୍ନପତ୍ର ପ୍ରଘଟ: ସୁପରିଣ୍ଟେଣ୍ଡେଣ୍ଟ, ପରିଦର୍ଶକ ନିଲମ୍ବିତ

କୋରାପୁଟ,୨୨।୨(ସ୍ବ.ପ୍ର.): ମାଟ୍ରିକ ପରୀକ୍ଷାର ପ୍ରଥମଦିନରେ ଶୁକ୍ରବାର ଓଡ଼ିଆ ବିଷୟର ପରୀକ୍ଷା ଚାଲିଥିବା ବେଳେ ଅବ୍ୟବସ୍ଥା ସାମ୍ନାକୁ ଆସିଛି। କୋରାପୁଟ ଜିଲା ବନ୍ଧୁଗାଁ ସଦର ସ୍ଥିତ ସରକାରୀ ଉଚ୍ଚବିଦ୍ୟାଳୟ କେନ୍ଦ୍ରରେ ପରୀକ୍ଷା ଆରମ୍ଭ ହେବାର ୨୦ ମିନିଟ୍‌ ପରେ ପ୍ରଶ୍ନପତ୍ର ପ୍ରଘଟ ହୋଇଛି। ଏହି ଘଟଣାରେ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ କେନ୍ଦ୍ର ସୁପରିଣ୍ଟେଣ୍ଡେଣ୍ଟ ନଗେନ୍ଦ୍ର କୁମାର ଜେନା ଓ ପରିଦର୍ଶକ ଉମେଶ ଚନ୍ଦ୍ର ବେହେରାଙ୍କୁ ଜିଲା ଶିକ୍ଷାଧିକାରୀ ନିଲମ୍ବନ କରିଛନ୍ତି।

ପାରିବାରିକ କଳହର ପରିଣତି : ଶ୍ୱଶୁରଙ୍କୁ ହତ୍ୟାକଲା ବୋହୂ

ଜୟପୁର,୨୨।୨(ଡି.ଏନ୍‌.ଏ./ନି.ପ୍ର.): କୋରାପୁଟ ଜିଲା ଜୟପୁର ସଦରଥାନା ବାଟ ଜଗନ୍ନାଥପୁର ଗ୍ରାମର ଜଣେ ମହିଳା ଶ୍ୱଶୁରଙ୍କ ମୁଣ୍ଡରେ ଶାବଳ ମାଡ଼କରି ହତ୍ୟା କରିଛନ୍ତି। ଖବରପାଇ ସଦରଥାନା ପୋଲିସ ଘଟଣାସ୍ଥଳରେ ପହଞ୍ଚତ୍ ଅଭିଯୁକ୍ତ ବୋହୂଙ୍କୁ ଗିରଫ କରିବା ସହ ମୃତଦେହ ବ୍ୟବଚ୍ଛେଦ ପାଇଁ ଜୟପୁର ସ୍ଥିତ ଜିଲା ଚିକିତ୍ସାଳୟକୁ ପଠାଇଛି। ପୂର୍ବରୁ ସ୍ବାମୀଙ୍କ ମୃତ୍ୟୁ ହୋଇଥିବା ବେଳେ ଏବେ ଅଭିଯୁକ୍ତ ମହିଳା କୋର୍ଟ ଯିବା ପରେ ତାଙ୍କର ୩ ଶିଶୁ ଏବେ ବେସାହାରା ହୋଇପଡ଼ିଛନ୍ତି। 

୩ ଜିଲାରୁ ୧.୭ ଟନ୍‌ ଗଞ୍ଜେଇ ଜବତ: ୧୦ ଗିରଫ, ୫ ଗାଡ଼ି ଜବତ

୩ ଜିଲାରୁ ୧.୭ ଟନ୍‌ ଗଞ୍ଜେଇ ଜବତ: ୧୦ ଗିରଫ, ୫ ଗାଡ଼ି ଜବତ

କୋରାପୁଟ,୨୨।୨(ସ୍ବ.ପ୍ର.): ସାଧାରଣ ନିର୍ବାଚନ ପୂର୍ବରୁ ଗଞ୍ଜେଇ କାରବାର ରୋକିବା ପାଇଁ ପୋଲିସ ତତ୍ପର ହୋଇପଡ଼ିଛି। ଦକ୍ଷିଣ ପଶ୍ଚିମାଞ୍ଚଳ ରେଞ୍ଜ ଅନ୍ତର୍ଗତ କୋରାପୁଟ, ମାଲକାନଗିରି ଓ ରାୟଗଡ଼ା ଜିଲାରୁ ଗତ ଗୋଟିଏ ଦିନରେ ୧୭୦୯ କେଜି ଗଞ୍ଜେଇ ଜବତ ହୋଇଛି। ଏଥିରେ ବ୍ୟବହାର ହୋଇଥିବା ୫ଟି ଗାଡ଼ି ଜବତ କରାଯାଇଥିବା ବେଳେ ୧୦ ଜଣଙ୍କୁ ଗିରଫ କରିଛି ପୋଲିସ।