ରାୟଗଡା

ଭତ୍ତା, ଆବାସ କାର୍ଯ୍ୟାଦେଶ ବାଣ୍ଟିଲେ ବିଧାୟକ

ଭତ୍ତା, ଆବାସ କାର୍ଯ୍ୟାଦେଶ ବାଣ୍ଟିଲେ ବିଧାୟକ

ପଟ୍ଟାଙ୍ଗି,୨୬।୯(ଡି.ଏନ୍‌.ଏ.): ପଟ୍ଟାଙ୍ଗି ବ୍ଲକ କାର୍ଯ୍ୟାଳୟରେ ଏବିଡିଓ ପଦ୍ମନାଭ ତ୍ରିପାଠୀଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଭତ୍ତା ଓ କାର୍ଯ୍ୟାଦେଶ ବାଣ୍ଟିଛନ୍ତି ସ୍ଥାନୀୟ ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ପ୍ରଫୁଲ୍ଲ ପାଙ୍ଗି। ବ୍ଲକର ଗାଙ୍ଗରାଜପୁର, ମାଳିପୁଟ, ପଟ୍ଟାଙ୍ଗି, ରାଲେଗଡ଼ା, ସୁଙ୍କି, ଚନ୍ଦକା ଓ ସମ୍ବାଇ ପଞ୍ଚାୟତର ୧୨୭ ଜଣ ହିତାଧିକାରୀଙ୍କୁ ନୂତନ ଭାବେ ବାର୍ଦ୍ଧକ୍ୟ ଭତ୍ତା ଦିଆଯାଇଛି। 

ଅନଶନରେ ଗ୍ରାମୀଣ ଡାକସେବକ

ଅନଶନରେ ଗ୍ରାମୀଣ ଡାକସେବକ

ଜୟପୁର,୨୬।୯(ନି.ପ୍ର.): ଜୟପୁର ଡିଭିଜନ କାର୍ଯ୍ୟାଳୟ ଆଗରେ ଗ୍ରାମୀଣ ଡାକ ସେବକ ସଂଘ ଦିନିକିଆ ଅନଶନରେ ବସିଛି। ଆଇପିପିବି କାର୍ଯ୍ୟକୁ କମିଶନ ଆକାରରେ ନନେଇ କାର୍ଯ୍ୟ ସମୟ ସୀମାକୁ ୮ ଘଣ୍ଟା କରିବା, ଜିଡିଏସ୍‌ କମିଟି ରିପୋର୍ଟକୁ ସମ୍ପୂର୍ଣ୍ଣ ଭାବେ ଗ୍ରହଣ କରି ୨୦୧୬ରୁ ପିଛିଲା ଭାବେ ଲାଗୁ କରିବା, ଏରିୟର ପୁନର୍ବାର ନିର୍ଦ୍ଧାରଣ, ଚାକିରି କାଳ ୧୨, ୨୪, ୩୬ ବର୍ଷ ଅନୁସାରେ ପଦୋନ୍ନତି, ପିଲାଙ୍କ ଶିକ୍ଷା ବାବଦକୁ ୬ ହଜାର ଲାଗୁ, ଗ୍ରାଚ୍ୟୁଇଟି ବୃଦ୍ଧିକରି ୫ ଲକ୍ଷ କରିବା, ମାସର ଶେଷ ଦିନରେ ଅବସର, ସ୍ବେଚ୍ଛାକୃତ ଅବସରକୁ ଜିଡିଏସ୍‌ଙ୍କୁ ଲାଗୁ କରିବା ଭଳି ୧୫ ଦଫା ଦାବି ନେଇ ସେମାନେ ଅନଶନରେ ବସିଛନ୍ତି।

ଅସଜଡ଼ା ଟ୍ରାଫିକ: ପଦକ୍ଷେପ ନେଉନି ପୌରସଂସ୍ଥା

ଅସଜଡ଼ା ଟ୍ରାଫିକ: ପଦକ୍ଷେପ ନେଉନି ପୌରସଂସ୍ଥା

ଜୟପୁର,୨୬।୯(ଡି.ଏନ୍‌.ଏ./ନି.ପ୍ର.): ଜୟପୁର ସହରର ମୁଖ୍ୟରାସ୍ତାରେ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି। ପୌରସଂସ୍ଥା ଏ ଦିଗରେ ପଦକ୍ଷେପ ନନେଇ ପୋଲିସ ଉପରେ ନିର୍ଭର କରୁଛି। ଜୟପୁର ସଚେତନ କମିଟି ଏଭଳି ଅବ୍ୟବସ୍ଥା ପାଇଁ କାର୍ଯ୍ୟନିର୍ବାହୀ ଅଧିକାରୀଙ୍କୁ ଭେଟି ଦାବିପତ୍ର ଦେଇଛି। 

 ଅଣନିଯୁକ୍ତି ତାଲିମପ୍ରାପ୍ତ ମହିଳା ସ୍ବାସ୍ଥ୍ୟକର୍ମୀ ସଂଘର ଦାବିପତ୍ର

ଅଣନିଯୁକ୍ତି ତାଲିମପ୍ରାପ୍ତ ମହିଳା ସ୍ବାସ୍ଥ୍ୟକର୍ମୀ ସଂଘର ଦାବିପତ୍ର

କୋରାପୁଟ,୨୬।୯(ସ୍ବ.ପ୍ର.): ନିଖିଳ ଓଡିଶା ଅଣନିଯୁକ୍ତି ତାଲିମପ୍ରାପ୍ତ ମହିଳା ସ୍ବାସ୍ଥ୍ୟକର୍ମୀ ସଂଘର କୋରାପୁଟ ଜିଲା ଶାଖା ଜିଲାପାଳଙ୍କୁ ଏକ ଦାବିପତ୍ର ଦେଇଛି। ସ୍ଥାୟୀ ନିଯୁକ୍ତି, ନିଯୁକ୍ତି ନ ମିଳିବା ଯାଏଁ ସମସ୍ତ ତାଲିମପ୍ରାପ୍ତ ଏଏନ୍‌ଏମ୍‌ଙ୍କୁ ମାସିକ ୫ ହଜାର ପ୍ରଦାନ, ନିଯୁକ୍ତିକୁ ରାଜ୍ୟସ୍ତରୀୟ ବଦଳରେ ଜିଲାସ୍ତରୀୟ କରିବା, ସମସ୍ତ ଏଏନଏମ ପଦବୀ ପୂରଣ କରିବା ଆଦି ୯ ଦଫା ଦାବି ରଖିଛି ସଂଘ।

କଂଗ୍ରେସ ଛାଡି ବିଜେଡିରେ ସାମିଲ ହେଲେ କର୍ମୀ

କଂଗ୍ରେସ ଛାଡି ବିଜେଡିରେ ସାମିଲ ହେଲେ କର୍ମୀ

ମାଥିଲି, ୨୫।୯ (ଡି.ଏନ.ଏ) - ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ସାଲିମିଠାରେ ମଙ୍ଗଳବାର ଅନୁଷ୍ଠିତ ବିଜେଡିର ଏକ ସମ୍ମିଳନୀରେ କେତେକ କଂଗ୍ରେସ କର୍ମୀ ନିଜ ଦଳ ଛାଡି ବିଜେଡିରେ ଯୋଗଦେଇଛନ୍ତି। ଚିତ୍ରକୋଣ୍ତା ବିଧାୟକ ଡମ୍ବରୁ ଶିଶାଙ୍କ ଲୋକପ୍ରିୟତା ଏବଂ ବିଜେଡି ଆଦର୍ଶରେ ଅନୁପ୍ରାଣିତ ହୋଇ ସେମାନେ ବିଜେଡିରେ ସାମିଲ ହୋଇଥିବା କହିଛନ୍ତି। 

ବିଜେଡିର କର୍ମୀ ସମ୍ମିଳନୀ

ବିଜେଡିର କର୍ମୀ ସମ୍ମିଳନୀ

ଖଇରପୁଟ, ୨୫ା୯ (ଡି.ଏନ୍‌.ଏ.)-ମାଲକାନଗିରି ଜିଲା  ଖଇରପୁଟ ବ୍ଲକ ଗୋବିନ୍ଦପାଲ୍ଲିସ୍ଥିତ  ଝାଡେଶ୍ୱରୀ ମନ୍ଦିର ପ୍ରାଙ୍ଗଣରେ ପଞ୍ଚାୟତସ୍ତରୀୟ ବିଜୁ ଜନତା ଦଳ ପକ୍ଷରୁ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ଚିତ୍ରକୋଣ୍ଡା ବିଧାୟକ ଡମ୍ବରୁ ଶିଶା ଯୋଗଦେଇ ନବୀନ ସରକାରଙ୍କ ସୁଶାସନ ତଥା ଜନହିତକର କାର୍ଯ୍ୟଗୁଡିକ କିଭଳି ସବୁ ଲୋକଙ୍କ ପାଖରେ ପହଞ୍ଚତ୍ ପାରିବ ସେନେଇ ଗୁରୁତ୍ୱାରୋପ କରିଥିଲେ। 

ବଜ୍ରପାତରେ ବାଳକ ମୃତ

ବଜ୍ରପାତରେ ବାଳକ ମୃତ

ପାପଡାହାଣ୍ଡି,୨୫।୯(ଡି.ଏନ.ଏ)-ନବରଙ୍ଗପୁର ଜିଲା ପାପଡାହାଣ୍ଡି  ବ୍ଲକ ତୁମ୍ବର୍ଲା ପଞ୍ଚାୟତ ରଜାମାଟୁ ଗ୍ରାମର ବାଳକ ଚନ୍ଦ୍ର ଜାନୀଙ୍କ ବଜ୍ରପାତରେ ମଙ୍ଗଳବାର ମୃତ୍ୟୁ ଘଟିଛି। ସେ ନିକଟସ୍ଥ କାଜୁବାଡରେ ଗାଈ ଚରାଇବାକୁ ଯାଇଥିଲେ। ଏହି ସମୟରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା। ବଜ୍ରପାତରେ ସେ ଅଚେତ ହୋଇଯାଇଥିଲେ। ପରିବାର ଲୋକ ତାଙ୍କୁ ଉଦ୍ଧାର କରି ଘରକୁ ଆଣିଥିଲେ। ପରେ ପାପଡାହାଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ । ସେଠାରେ  ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। 

ଗାଡିମୋଟର ଯାଞ୍ଚ: ଜରିମାନା ଆଦାୟ

ଗାଡିମୋଟର ଯାଞ୍ଚ: ଜରିମାନା ଆଦାୟ

ରାୟଗଡା ଅଫିସ, ୨୫।୯(ଡି.ଏନ୍‌.ଏ.) ରାୟଗଡା ଜିଲା ଏସ୍‌ପି ରାହୁଲ ପିଆର୍‌ଙ୍କ ନିର୍ଦ୍ଦେଶ କ୍ରମେ ଆଞ୍ଚଳିକ ପରିବହନ ବିଭାଗ ଓ ପୋଲିସ ପ୍ରଶାସନ ପକ୍ଷରୁ ସୋମବାରଠାରୁ ସହରରେ ଯାନ ବାହାନ ଯାଞ୍ଚ କରାଯାଉଛି।  ସହରର କୋରାପୁଟ ଛକ, ସାଇ ଇଣ୍ଟର ନ୍ୟାସନାଲ ଛକ, ପି.ଡବ୍ଲ୍ୟୁଡି ଛକ, ଆମ୍ବେଡକର ଆଦି ଛକରେ ମଙ୍ଗଳବାର ଗାଡି ମୋଟର ଯାଞ୍ଚ କରାଯାଇଛି। 

ଦିନ ଦୟାଲ ଉପାଧ୍ୟାଙ୍କ ଜୟନ୍ତୀ ପାଳିତ

ଦିନ ଦୟାଲ ଉପାଧ୍ୟାଙ୍କ ଜୟନ୍ତୀ ପାଳିତ

ମୁନିଗୁଡା, ୨୫।୯(ଡି.ଏନ୍‌.ଏ.)-ରାୟଗଡା ଜିଲା ମୁନିଗୁଡା ପଞ୍ଚାୟତ କାର୍ଯ୍ୟାଳୟ ସଭାଗୃହରେ ନେହେରୁ ଯୁବ କେନ୍ଦ୍ର ସଙ୍ଗଠନ ଓ ଗୁଣ୍ଡିଚା ନଗରସ୍ଥିତ ଡକ୍ଟର ଏପିଜେ ଅବ୍‌ଦୁଲ କଲାମ କ୍ରୀଡା ଏବଂ ସାମାଜିକ ଯୁବ କ୍ଲବ ମିଳିତ ଆନୁକୂଲ୍ୟରେ ଦୀନ ଦୟାଲ ଉପାଧ୍ୟାୟଙ୍କ ୧୦୩ ତମ ଜୟନ୍ତୀ ପାଳିତ ହୋଇଯାଇଛି। 

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ:  ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ: ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

କୋରାପୁଟ, ୨୫।୯(ସ୍ବ.ପ୍ର./ଡି.ଏନ୍‌.ଏ.)-ଜଣେ ଗର୍ଭବତୀଙ୍କ ମୃତ୍ୟୁକୁ ନେଇ କୋରାପୁଟ ଜିଲାମୁଖ୍ୟ ଚିକିତ୍ସାଳୟରେ ମଙ୍ଗଳବାର ଉତ୍ତେଜନା ଦେଖାଦେଇଛି। ମୃତକ ଜଣଙ୍କ ହେଲେ ସ୍ଥାନୀୟ ମର୍ଶିପୁଟ ଗ୍ରାମର ସୁନିଆ ଭୋଇଙ୍କ ସ୍ତ୍ରୀ ସାବି  (୨୦)। ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ କରି ମୃତକଙ୍କ ସମ୍ପର୍କିୟମାନେ ଜିଲା ମୁଖ୍ୟ ଚିକିତ୍ସାଳୟର ମହିଳା ଓ ଶିଶୁ ବିଭାଗ ମୁଖ୍ୟ ଫାଟକ ବନ୍ଦ କରି ତା ଆଗରେ ଧାରଣା ଦେଇଛନ୍ତି। 

ତୈଳଦର ହ୍ରାସ ଦାବିରେ ଅଟୋ ଚାଳକ ସଂଘର ୨ ଦିନିଆ ଧାରଣା

ତୈଳଦର ହ୍ରାସ ଦାବିରେ ଅଟୋ ଚାଳକ ସଂଘର ୨ ଦିନିଆ ଧାରଣା

ମାଲକାନଗିରି, ୨୫।୯(ଡି.ଏନ୍‌.ଏ.)-ମାଲକାନଗିରି ଅଟୋ ଚାଳକ ସଂଘ ପକ୍ଷରୁ ମଙ୍ଗଳବାରଠାରୁ ୨ ଦିନିଆ ବନ୍ଦ ଡାକରା ଦିଆଯାଇଛି। ତୈଳ ଦର ହ୍ରାସ କରିବା ଦାବିରେ ସେମାନେ ଧାରଣାରେ ବସିଛନ୍ତି। ଡିଜେଲ, ପେଟ୍ରୋଲ ଦର ବୃଦ୍ଧି ଯୋଗୁ ଯାତ୍ରୀ ଅଧିକ ଟଙ୍କା ଦେଇ ଯାତାୟତ କରିବାକୁ ଚାହୁଁ ନ ଥିବା ବେଳେ ବହୁ କ୍ଷତି ସହି ଗାଡି ଚଳାଇବାକୁ ପଡୁଛି ବୋଲି ସଂଘ ସଦସ୍ୟମାନେ କହିଛନ୍ତି। ରାଜ୍ୟ ଓ କେନ୍ଦ୍ର ସରକାର ଏଥିପ୍ରତି ଗୁରୁତ୍ୱ ଦେଇ ଲୋକଙ୍କ ହିତ ପାଇଁ ତୈଳଦର ହ୍ରାସ କରନ୍ତୁ ବୋଲି ସେମାନେ କହିଛନ୍ତି।

ଶହୀଦ ପ୍ରଶାନ୍ତଙ୍କ  ଶ୍ରାଦ୍ଧଦିବସ ପାଳିତ

ଶହୀଦ ପ୍ରଶାନ୍ତଙ୍କ ଶ୍ରାଦ୍ଧଦିବସ ପାଳିତ

କୋଷାଗୁମୁଡା,୨୫।୯(ଡି.ଏନ.ଏ.): ନବରଙ୍ଗପୁର ଜିଲା କୋଷାଗୁମୁଡା ବସଷ୍ଟାଣ୍ଡଠାରେ ସୋମବାର ଶହୀଦ ପ୍ରଶାନ୍ତ ପାତ୍ରଙ୍କ ଶ୍ରାଦ୍ଧଦିବସ ପାଳନ କରାଯାଇଥିଲା । ସମସ୍ତ ଅତିଥି ଏବଂ ଗ୍ରାମବାସୀ ପ୍ରଶାନ୍ତଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ସ୍ମୃତିଚାରଣ କରିଥିଲେ। କାର୍ଯ୍ୟକ୍ରମରେ ରାଜ୍ୟ ଶହୀଦ ସ୍ମୃତି ସଂସଦ ଅଧ୍ୟକ୍ଷ ମୁନା ତ୍ରିପାଠୀ ସଭାପତିତ୍ୱ କରିଥିବାବେଳେ ମୁଖ୍ୟଅତିଥି ଭାବେ ଡାବୁଗାଁ ବିଧାୟକ ଭୁଜବଳ ମାଝି, ଏପିଡି ରତ୍ନାକର ସାହୁ, ଡିପିଓ ବସନ୍ତ କୁମାର ପାତ୍ର, ବ୍ଲକ ଅଧ୍ୟକ୍ଷା ଗୀତାମଣି ସମରଥ, ଉପାଧ୍ୟକ୍ଷ ପଦମସାଏ ମାଳି, ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ କୁଞ୍ଜବିହାରୀ ଦାସ, ଜିଲା ପରିଷଦ ସଭ୍ୟ ଯୁଗଧର ହରିଜନ, ସଭ୍ୟା କାମିନୀ ହରିଜନ, ପ୍ରଦେଶ କଂଗ୍ରେସ ସଭ୍ୟ ଧରମ ସିଂ, ବ୍ଲକ କଂଗ୍ରେସ ସଭାପତି ସଞ୍ଜିବ ବିଶୋୟୀ, ଡିଏସପି ଗୋବିନ୍ଦ ଚନ୍ଦ୍ର ବୁରୁଦା, ସବଇନ୍ସପେକ୍ଟର ଆର.ଏନ. ସାହୁ, ଜିଲା ପୋଲିସ ସଂଘ ସଭାପତି ଗୋରୀ ମାଝି ଅତିଥିଭାବେ ଯୋଗ ଦେଇଥିଲେ। 

ସୁଷମ ଖାଦ୍ୟରେ ପୋକ ବାହାରିବା ଘଟଣାର ତଦନ୍ତ

ତେନ୍ତୁଳିଖୁଣ୍ଟି, ୨୫।୯(ଡି.ଏନ.ଏ.)-ନବରଙ୍ଗପୁର ଜିଲା ମଞ୍ଚାଗାଁ ପଞ୍ଚାୟତ ବଙ୍ଗଳାଗୁଡା ଗ୍ରାମର ଅଙ୍ଗନଓ୍ବାଡି କେନ୍ଦ୍ରରେ ୧୫ତାରିଖରେ ହିତାଧିକାରୀଙ୍କୁ  ଦିଆଯାଇଥିବା ସୁଷମ ଖାଦ୍ୟ ସୁଜି ଓ ବାଦାମ ଲଡୁରୁ ପୋକ ବାହାରିବା ଘଟଣାର  ତଦନ୍ତ କରାଯାଇଛି। ଜିଲା ସମାଜ ମଙ୍ଗଳ ଅଧିକାରୀ ନିମାଇଁ ଚରଣ ସ୍ବର୍ଣ୍ଣକାର ଓ ଶିଶୁବିକାଶ ପ୍ରକଳ୍ପ ଅଧିକାରୀ ବିନୋଦିନୀ ପଟ୍ଟନନାୟକ ବଙ୍ଗଳାଗୁଡାର ବିଭିନ୍ନ ଅଙ୍ଗନଓ୍ବାଡି କେନ୍ଦ୍ର ଯାଇ ହିତାଧିକାରୀଙ୍କୁ ଯୋଗାଇ ଦିଆଯାଇଥିବା ଲଡୁ ,ସୁଜି ଏବଂ ଛତୁଆ ଯାଞ୍ଚ କରିଥିଲେ। 

ବରିଷ୍ଠ ନାଗରିକ କାର୍ଯ୍ୟକାରିଣୀ ବୈଠକ

ନବରଙ୍ଗପୁର,୨୫।୯(ବି.ପ୍ର.)-  ବରିଷ୍ଠ ନାଗରିକ କମିଟିର ଏକ କାର୍ଯ୍ୟାକାରିଣୀ ବୈଠକ ଅନୁଷ୍ଠିତ ହୋଇ ଯାଇଛି । କମିଟିର ସଭାପତି ଡଃ. ରାଧାନାଥ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସାଧାରଣ ସମ୍ପାଦକ ବି. ରାମମୂର୍ତ୍ତି ପଟ୍ଟନାୟକ ପୂର୍ବ ବୈଠକର ବିବରଣି ପାଠ କରିଥିଲେ । ଆଗାମି ଦିନରେ ଲୋକ ତଥା  ସମାଜ କଲ୍ୟାଣ ପାଇଁ ପଦକ୍ଷେପ ଗ୍ରହଣ କରିବାକୁ ନିଷ୍ପତ୍ତି ନିଆଯାଇଛି।

ରାଜ୍ୟସ୍ତରୀୟ ବିଦ୍ୟାଳୟ ସମୂହ କବାଡି ପ୍ରତିଯୋଗିତା: ଚାମ୍ପିୟନଶିପ ନବରଙ୍ଗପୁର ଦଳକୁ ସମ୍ବର୍ଦ୍ଧନା

ରାଜ୍ୟସ୍ତରୀୟ ବିଦ୍ୟାଳୟ ସମୂହ କବାଡି ପ୍ରତିଯୋଗିତା: ଚାମ୍ପିୟନଶିପ ନବରଙ୍ଗପୁର ଦଳକୁ ସମ୍ବର୍ଦ୍ଧନା

ନବରଙ୍ଗପୁର,୨୫।୯(ବି.ପ୍ର.)- ୧୭ ବର୍ଷରୁ କମ ବାଳିକା ବିଭାଗ କବାଡି ପ୍ରତିଯୋଗିତାରେ ନବରଙ୍ଗପୁର ଜିଲାର ଦଳ ଚାମ୍ପିୟାନସିପ ହୋଇଛି । ୬୪ ତମ ରାଜ୍ୟସ୍ତରୀୟ ବିଦ୍ୟାଳୟ ସମୂହ କବାଡି ପ୍ରତିଯୋଗୀତା ବରଗଡ ଜର୍ଜ ଉଚ୍ଚ ବିଦ୍ୟାଳୟ ପରିସରରେ ୨୧ ରୁ ୨୩ ତାରିଖ ପର୍ଯ୍ୟନ୍ତ ହୋଇଥିଲା ।ରବିବାର ଉଦଯାପନୀ ଦିବସରେ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନି ଛୁରିଆ ମୁଖ୍ୟ ଅତିଥି ଭାବେ ଯୋଗ ଦେଇ ସିଲ୍ଡ ସହ ମାନପତ୍ର ପ୍ରଦାନ କରିଥିଲେ । ନବରଙ୍ଗପୁରରେ ଦଳ ପହଞ୍ଚିବା ପରେ ଜିଲା ମଙ୍ଗଳ ଅଧିକାରୀ ପବିତ୍ର ମୋହନ ପ୍ରଧାନ ଓ ଖେଳ ପ୍ରଶିକ୍ଷକ କାଳିକିଙ୍କର  ପଟ୍ଟନାୟକ,  ଭାରପ୍ରାପ୍ତ ଶାରିରିକ ଶିକ୍ଷା ନିରିକ୍ଷକ ମନରଞ୍ଜନ ପ୍ରହରାଜ ପ୍ରମୁଖ ଖେଳାଳିମାନଙ୍କୁ ନେଇ ଜିଲାପାଳଙ୍କ ସହ ସାକ୍ଷାତ କରାଇଥିଲେ । ଜିଳାପାଳ ଡଃ. ଅଜିତ କୁମାର ମିଶ୍ର ଦଳକୁ ସମ୍ବର୍ଦ୍ଧିତ କରିଥିଲେ । 

ମା’ ଘର ଶାନ୍ତିସେନା ପକ୍ଷରୁ ନିଶାମୁକ୍ତ ଓଡ଼ିଶା ପଦଯାତ୍ରା

ମା’ ଘର ଶାନ୍ତିସେନା ପକ୍ଷରୁ ନିଶାମୁକ୍ତ ଓଡ଼ିଶା ପଦଯାତ୍ରା

ମାଲକାନଗିର, ୨୫।୯ (ଡି.ଏନ୍‌.ଏ.): ମା’ ଘର ଶାନ୍ତି ସେନା ମାଲକାନଗିରି ଜିଲା ଶାଖା ପକ୍ଷରୁ ନିଶାମୁକ୍ତ ଓଡ଼ିଶା ପଦଯାତ୍ରା ସୋମବାର ଅନୁଷ୍ଠିତ ହୋଇଯାଇଛି । ସଭାନେତ୍ରୀ ପ୍ରଶାନ୍ତିଲତା ବିଷୋୟୀଙ୍କ ନେତୃତ୍ୱରେ ହୋଇଥିବା ଏହି ପଦଯାତ୍ରା ସ୍ଥାନୀୟ ମା’ ଘର କାର୍ଯ୍ୟାଳୟରୁ ବାହାରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚତ୍ଥିଲା । ବିଭିନ୍ନ ଯୋଜନା ସତ୍ୱେ ମହିଳା ଓ ଶିଶୁଙ୍କ ପ୍ରତି ବଢ଼ି ଚାଲିଥିବା ହିସାଂର ମୁଖ୍ୟ କାରଣ ନିଶାଦ୍ରବ୍ୟ ସେବନ । ଯାହା କି ରାଜ୍ୟରେ ବୃଦ୍ଧି ପାଇବାରେ ଲାଗିଛି।

କଳାବ୍ୟାଜ ପିନ୍ଧି ପଢ଼ାଇଲେ ଶିକ୍ଷକ

କଳାବ୍ୟାଜ ପିନ୍ଧି ପଢ଼ାଇଲେ ଶିକ୍ଷକ

ମୁନିଗୁଡ଼ା,୨୫।୯(ଡ଼ି.ଏନ.ଏ): ରାୟଗଡ଼ା ଜିଲା ମୁନିଗୁଡ଼ାଠାରେ ବ୍ଲକ ଶିକ୍ଷକ, ଅଧ୍ୟାପକ, କର୍ମଚାରୀ ସଂଘର ସମସ୍ତ ଶିକ୍ଷକ, ଅଧ୍ୟାପକ ଓ କର୍ମଚାରୀମାନେ ସୋମବାରଠାରୁ କଳାବ୍ୟାଜ ପିନ୍ଧି କାର୍ଯ୍ୟରେ ଯୋଗ ଦେଇଛନ୍ତି। ମୁନିଗୁଡ଼ା ମହାବିଦ୍ୟାଳୟର ଅଧ୍ୟାପକ ଓ କର୍ମଚାରୀ, କୁମୁଡ଼ାବାଲି ଉଚ୍ଚ ବିଦ୍ୟାଳୟ, ମାଣିକେଶ୍ୱରୀ ବିଦ୍ୟାପୀଠ, ବୃନ୍ଦାବନ ବିଦ୍ୟାପୀଠ, ବନମାଳୀ ଶିକ୍ଷା ନିକେତନ,ଇନ୍ଦିରାଗାନ୍ଧୀ ଉଚ୍ଚ ବିଦ୍ୟାଳୟର ଶିକ୍ଷକ ଓ କର୍ମଚାରୀମାନେ କଳାବ୍ୟାଜ ପିନ୍ଧି ନିଜ ନିଜ ସ୍କୁଲରେ ପିଲାମାନଙ୍କୁ ପାଠ ପଢାଇଛନ୍ତି । 

ସେବା କାର୍ଯ୍ୟରେ ସାମିଲ ହେଲେ ବ୍ୟକ୍ତିତ୍ୱ ହେବ ବିକାଶ

ସେବା କାର୍ଯ୍ୟରେ ସାମିଲ ହେଲେ ବ୍ୟକ୍ତିତ୍ୱ ହେବ ବିକାଶ

ଗୁଣପୁର,୨୫।୯(ଡି.ଏନ.ଏ): ରାୟଗଡା ଜିଲା ଗୁଣପୁର କଲେଜଠାରେ ସୋମବାର ଏନ୍‌ଏସ୍‌ଏସ୍‌ ତଥା ଜାତୀୟ ସେବା ଯୋଜନା ଦିବସ ପାଳିତ ହୋଇଯାଇଛି। କଲେଜ ଅଧ୍ୟକ୍ଷ ଡ.ବାମଦେବ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଅବସରପ୍ରାପ୍ତ ଅଧ୍ୟକ୍ଷ ମୋହନଚନ୍ଦ୍ର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଏନଏସଏସ ସ୍ବେଚ୍ଛାସେବୀଙ୍କ କାର୍ଯ୍ୟ। ଏହି ଦିବସର ମହାନତା ଉପରେ ମତବ୍ୟକ୍ତ କରିବା ସହ ଏପରି କାର୍ଯ୍ୟରେ ନିୟୋଜିତ ହୋଇ ବ୍ୟକ୍ତିତ୍ୱ ବିକାଶ କରିପାରିବେ ବୋଲି ଛାତ୍ରୀଛାତ୍ରଙ୍କୁ ଆହ୍ବାନ କରିଥିଲେ। 

ମେଗା ରକ୍ତଦାନ ଶିବିର

ମେଗା ରକ୍ତଦାନ ଶିବିର

ଗୁଣପୁର,୨୫।୯(ଡି.ଏନ.ଏ):ରାୟଗଡା ଜିଲା ଗୁଣପୁର ଜିଆଇଇଟି ଅଟୋନମସ କଲେଜଠାରେ ଏନଏସଏସ ଦିବସ ପାଳନ ଅବସରରେ ସୋମବାର ସ୍ବେଚ୍ଛାକୃତ ମେଗା ରକ୍ତଦାନ ଶିବିର ଅନଷ୍ଠିତ ହୋଇଯାଇଛି । ଏହି ଅବସରରେ ବ୍ରହ୍ମପୁର ବିଶ୍ୱବିଦ୍ୟାଳୟ କୁଳପତି ପ୍ରଫେସର ଡ. ରାଜେନ୍ଦ୍ର ପ୍ରସାଦ ଦାସ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭ ଉଦ୍‌ଘାଟନ କରିଥିଲେ।  

ବିବେକାନନ୍ଦ ଶିକ୍ଷାକେନ୍ଦ୍ରର ପରିଚାଳନା କମିଟି ଗଠିତ

ମୁନିଗୁଡ଼ା,୨୫।୯(ଡ଼ି.ଏନ.ଏ): ରାୟଗଡ଼ା ଜିଲା ମୁନିଗୁଡ଼ାସ୍ଥିତ ବିବେକାନନ୍ଦ ଶିକ୍ଷାକେନ୍ଦ୍ରର ନୂତନ ପରିଚାଳନା କମିଟି  ଗଠନ କରାଯାଇଛି। ପୂର୍ବତନ ସଭାପତି ରାମଚନ୍ଦ୍ର ବେହେରା ଅଧ୍ୟକ୍ଷତା କରିଥିଲେ । ଏଥିରେ କେଶବ ଚନ୍ଦ୍ର ସାହୁକାର ସଭାପତି, ନଳିନୀପ୍ରଭା ଦାଶ ଉପସଭାନେତ୍ରୀ, ରାଜେନ୍ଦ୍ର କୁମାର ସାହୁ ସମ୍ପାଦକ, ମନୋଜ କୁମାର ପାଢୀ ଯୁଗ୍ମ ସମ୍ପାଦକ ରୂପେ ମନୋନୀତ କରାଯାଇଛି । 

ନଗରଭବନ ଭଙ୍ଗା ନିଷ୍ପତ୍ତି ବିରୋଧ:ଅତିରିକ୍ତ ଜିଲାପାଳଙ୍କୁ ଦାବିପତ୍ର

ନଗରଭବନ ଭଙ୍ଗା ନିଷ୍ପତ୍ତି ବିରୋଧ:ଅତିରିକ୍ତ ଜିଲାପାଳଙ୍କୁ ଦାବିପତ୍ର

ରାୟଗଡା ଅଫିସ୍‌, ୨୫।୯: ସ୍ବର୍ଗତ କୃଷ୍ଣଚନ୍ଦ୍ର ବକ୍ସିପାତ୍ରଙ୍କ ସ୍ମୃତି ଉଦ୍ଦେଶ୍ୟରେ ହୋଇଥିବା ରାୟଗଡା ନଗର ଭବନକୁ ଭାଙ୍ଗି ସେଠାରେ ବିଜୁ ପଟ୍ଟନାୟକଙ୍କ ନାମରେ ଏକ ଅଡ଼ିଟୋରିୟମ ନିର୍ମାଣ କରାଯିବ। ଏହାକୁ ରାୟଗଡ଼ା ଯୁବ ବିକାଶ ପରିଷଦ ବିରୋଧ କରି  ଅତିରିକ୍ତ ଜିଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛି। ପରିଷଦର ଜିଲା ସଭାପତି ଶିବାଜୀ ଦାଶ, ପରିଷଦର ସଦସ୍ୟ କୃଷ୍ଣପ୍ରସାଦ ମିଶ୍ର, ଟି.ଗୌଡ, ଦିବାକର ଗୌଡ, ପିୟୁଲୁ ଗୌଡ ଓ ଅନ୍ୟ ସଦସ୍ୟମାନେ ସୋମବାର ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚତ୍ ଜିଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲାପାଳ ସୁଧାକର ଶବରଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଉକ୍ତ ଦାବିପତ୍ର ପ୍ରଦାନ କରିଛନ୍ତି ।

ଜବରଦସ୍ତ  ବିବାହ କରିବା ଘଟଣାରେ ନାବାଳିକାଙ୍କ ସ୍ବାମୀ ଗିରଫ

ଜବରଦସ୍ତ ବିବାହ କରିବା ଘଟଣାରେ ନାବାଳିକାଙ୍କ ସ୍ବାମୀ ଗିରଫ

ରାୟଗଡା ଅଫିସ୍‌, ୨୫।୯- ରାୟଗଡା ବ୍ଲକ୍‌ ନାକଟି ପଞ୍ଚାୟତ ଅଞ୍ଚଳର ଜଣେ ନାବାଳିକାଙ୍କୁ ତାଙ୍କର ପାଳିତା ମା’ ଜୋର ଜବରଦସ୍ତ ବିବାହ କରି ଦେଇଥିଲେ । ଏହି ଘଟଣାରେ ପୋଲିସ ନାବାଳିକାଙ୍କ ସ୍ବାମୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକ ଜଣକ ହେଲେ ଜେକେପୁର ହଳଦୀପଡା ଗ୍ରାମର ବିନୋଦ ଖରା(୨୪) ।  ପରେ ପୋଲିସ ନାବାଳିକା ଏବଂ ବିନୋଦଙ୍କ ଡାକ୍ତରୀମାଇନା କରିଛି ।

ଦୁର୍ଗୀରେ ମହିଳା ସମାବେଶ

ଦୁର୍ଗୀରେ ମହିଳା ସମାବେଶ

ବିଷମକଟକ,୨୫ା୯(ଡି.ଏନ୍‌.ଏ.)

ବିଷମକଟକ ବ୍ଲକର ଦୁର୍ଗୀ ପଞ୍ଚାୟତରେ ପାପଡାମ୍ବୁ ଗ୍ରାମର ମା’ ଧରଣୀ ମହିଳା ମହାସଂଘର ପ୍ରତିଷ୍ଠା ଦିବସ ଅବସରରେ ସ୍ଥାନୀୟ କଲ୍ୟାଣ ମଣ୍ଡପଠାରେ ଏକ ମହିଳା ସମାବେଶ ଅନୁଷ୍ଠିତ ହୋଇଯାଇଛି । ଏଥିରେ ୧୫୦ରୁ ଊର୍ଦ୍ଧ୍ୱ ଏସ୍‌ଏସ୍‌ଜି ଗ୍ରୁପର ପ୍ରାୟ ୧୫ ଶହରୁ ଊର୍ଦ୍ଧ୍ୱ ମହିଳା  ଯୋଗ ଦେଇଥିଲେ । 

ଅପହୃତା ନାବାଳିକା ଉଦ୍ଧାର: ଅଭିଯୁକ୍ତ ଗିରଫ

ଅପହୃତା ନାବାଳିକା ଉଦ୍ଧାର: ଅଭିଯୁକ୍ତ ଗିରଫ

ପାରଳାଖେମୁଣ୍ଡି, ୨୫।୯(ସ୍ବ.ପ୍ର.)-ଗଜପତି ଜିଲା ଆର୍‌.ଉଦୟଗିରି ଥାନା ଅଞ୍ଚଳର ଜଣେ ଅପହୃତା ନାବାଳିକା(୧୫)ଙ୍କୁ ପୋଲିସ ଉଦ୍ଧାର କରି ଜିଲା ଶିଶୁ କଲ୍ୟାଣ ସମିତି ଜିମା ଦେଇଛି। ବର୍ତ୍ତମାନ ତାଙ୍କୁ ପାରଳାଖେମୁଣ୍ଡିସ୍ଥିତ ‘ସୁପୁତ୍ର’ ଆଶ୍ରୟସ୍ଥଳରେ ରଖାଯାଇଛି। ସେହିପରି ଅଭିଯୁକ୍ତଙ୍କୁ ଆର୍‌.ଉଦୟଗିରି ପୋଲିସ ଗିରଫ କରିଥିବା ସୋମବାର ଜିଲା ଶିଶୁ କଲ୍ୟାଣ ସମିତି ଅଧ୍ୟକ୍ଷ ବିନୋଦ ଚନ୍ଦ୍ର ଜେନା ସୂଚନା ଦେଇଛନ୍ତି।