ରାୟଗଡା

ସ୍କୁଲ ଛାତ୍ରୀଛାତ୍ରଙ୍କୁ ଯିବାଆସିବା ପରିବହନ ଖର୍ଚ୍ଚ ଦେବେ ସରକାର

ସ୍କୁଲ ଛାତ୍ରୀଛାତ୍ରଙ୍କୁ ଯିବାଆସିବା ପରିବହନ ଖର୍ଚ୍ଚ ଦେବେ ସରକାର

ମାଲକାନଗିରି/ଗୋବିନ୍ଦପାଲି,୪ା୩(ଡି.ଏନ.ଏ.)- ଗ୍ରାମାଞ୍ଚଳର ଅପହଞ୍ଚ ଇଲାକା ଓ ଉପାନ୍ତ ଅଞ୍ଚଳର ଛାତ୍ରୀଛାତ୍ରଙ୍କୁ ସ୍କୁଲ ଯିବାକୁ ପ୍ରୋତ୍ସାହିତ କରିବା ପାଇଁ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଛାତ୍ରୀଛାତ୍ରଙ୍କ ବିଦ୍ୟାଳୟକୁ ଯାତାୟାତ ଲାଗି ପରିବହନ ଖର୍ଚ୍ଚ ସରକାର ବହନ କରିବେ। ଏ ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। 

ନିର୍ବାଚନ ବର୍ଜନ କରିବେ ଗ୍ରାମବାସୀ

ନିର୍ବାଚନ ବର୍ଜନ କରିବେ ଗ୍ରାମବାସୀ

କୋରକୋଣ୍ଡା,୪ା୩(ଡି.ଏନ୍‌.ଏ.)-ମାଲକାନଗିରି ଜିଲା କୋରକୋଣ୍ଡା ବ୍ଲକ ଅନ୍ତର୍ଗତ ତାର୍ଲାକୋଟା ପଞ୍ଚାୟତର ଦାମୁଗୁଡା ଗ୍ରାମବାସୀ ଆଗାମୀ ସାଧାରଣ ନିର୍ବାଚନ ବର୍ଜନ କରିବାକୁ ନିଷ୍ପତି  ନେଇଛନ୍ତି। ଗ୍ରାମକୁ ସରକାରୀ ଅବହେଳାର ପ୍ରତିବାଦରେ ସେମାନେ ଏପରି ନିଷ୍ପତ୍ତି ନେଇଥିବା ଜଣାପଡିଛି। ଗ୍ରାମରେ ମୋଟ ୧୭ଟି ପରିବାରର ୮୮ ଜଣ ବସବାସ କରନ୍ତି ।

ହୋଟେଲ ପୂଜା ଇନକୁ ସିଲ କଲା ପ୍ରଶାସନ

ନବରଙ୍ଗପୁର,୪।୩(ବି.ପ୍ର)-ଫୁଡ ଲାଇସେନ୍ସ ନବୀକରଣ ହୋଇ ନ  ଥିବା ଅଭିଯୋଗରେ ନବରଙ୍ଗପୁରସ୍ଥିତ ହୋଟେଲ ପୂଜା ଇନକୁ  ଜିଲା ପ୍ରଶାସନ ପକ୍ଷରୁ ରବିବାର ସିଲ କରାଯାଇଛି। ଖାଦ୍ୟ ସୁରକ୍ଷା ଅଧିକାରୀ ଡା. ଦେବବତ୍ତ ଡାକୁଆଙ୍କ ନେତୃତ୍ୱରେ ହୋଇଥିବା ଏହି ଚଢାଉରେ ପୌର ପରିଷଦ କାର୍ଯ୍ୟନିର୍ବାହୀ ଅଧିକାରୀ ବିନୟ କୁମାର ସାମଲ, ଅତିରିକ୍ତ ମାଜିଷ୍ଟ୍ରେଟ ତଥା ସହକାରୀ ଜିଲାପାଳ ଚଇନୁ ଗଣ୍ଡ ଓ ନବରଙ୍ଗପୁର ପୋଲିସ  ସାମିଲ ହୋଇଥିଲେ ।

ମେସିନ  କରୁଛି  ରାସ୍ତା କାମ: ଗ୍ରାମବାସୀଙ୍କ ବିରୋଧ,ମେଶିନ ଜବତ

ମେସିନ କରୁଛି ରାସ୍ତା କାମ: ଗ୍ରାମବାସୀଙ୍କ ବିରୋଧ,ମେଶିନ ଜବତ

ପଟ୍ଟାଙ୍ଗି,୪।୩(ଡ଼ି.ଏନ.ଏ)-  ସରକାର ଏମଜିଏନଆରଇଜିଏସ ମାଧ୍ୟମରେ ଜଣେ ଶ୍ରମିକଙ୍କୁ କାମ ଯୋଗାଇ ଦେବା ନିମନ୍ତେ ନିୟମ କରିଛନ୍ତି । ହେଲେ ପ୍ରତ୍ୟେକ କାମକୁ ମେଶିନ ସାହାଯ୍ୟରେ କରାଯାଉଥିବାରୁ ଗାଁ ଗହଳିର ଶ୍ରମିକମାନେ କାମ ନ ପାଇ ବାହାର ରାଜ୍ୟକୁ ଦାଦନ ଖଟିବାକୁ ଯିବା ପାଇଁ ବାଧ୍ୟ ହେଉଛି। 

ବିପଦସଙ୍କୁଳ ଅବସ୍ଥାରେ ଚାଉଳଧୁଆ ପୋଲ

ବିପଦସଙ୍କୁଳ ଅବସ୍ଥାରେ ଚାଉଳଧୁଆ ପୋଲ

ଚନ୍ଦ୍ରପୁର, ୪।୩(ଡି.ଏନ୍‌.ଏ.)- ରାୟଗଡ଼ା ଜିଲା ଚନ୍ଦ୍ରପୁର ବ୍ଲକ ହନୁମନ୍ତପୁର ଗ୍ରାମ ନିକଟରେ ରହିଥିବା ଚାଉଳଧୁଆ ପୋଲ ବିପଦସଙ୍କୁଳ ଅବସ୍ଥାରେ ରହିଛି। ନିର୍ମାଣର ୪୦ ବର୍ଷ ବିତି ଯାଇଥିଲେ ମଧ୍ୟ ରକ୍ଷଣାବେକ୍ଷଣା ଅଭାବରୁ ଏହା ନଷ୍ଟ ହେବାକୁ ଯାଉଛି ବୋଲି ଚନ୍ଦ୍ରପୁର ପୂର୍ବତନ ବ୍ଲକ ଅଧ୍ୟକ୍ଷ ଭୀମ ଗଗେରେଙ୍ଗା ଅଭିଯୋଗ କରିଛନ୍ତି। 

ମହେନ୍ଦ୍ରଗିରିରେ ଦିନକ ପୂର୍ବରୁ ଜାଗର ଯାତ୍ରା: ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ

ମହେନ୍ଦ୍ରଗିରିରେ ଦିନକ ପୂର୍ବରୁ ଜାଗର ଯାତ୍ରା: ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ

ରାୟଗଡ (ଗଜପତି), ୩ା୩ (ଡି.ଏନ.ଏ.): ଓଡ଼ିଶା- ଆନ୍ଧ୍ର ସୀମାନ୍ତ ମହେନ୍ଦ୍ର ପର୍ବତମାଳାରେ ରହିଛି ଦକ୍ଷିଣ ଓଡ଼ିଶାର ଅନ୍ୟତମ ପ୍ରସିଦ୍ଧ ଶୈବପୀଠ ମହେନ୍ଦ୍ରଗିରି। ଗଜପତି ଜିଲା ରାୟଗଡ ବ୍ଲକରେ ଥିବା ଏହି ପ୍ରାକୃତିକ ସବୁଜିମାଭରା ପୀଠ ଉଭୟ ଓଡ଼ିଶା ଓ ଆନ୍ଧ୍ରର ଶ୍ରଦ୍ଧାଳୁଙ୍କୁ ଏଠାକୁ ଆକର୍ଷିତ କରିଥାଏ। ଜାଗର ଯାତ୍ରା ପାଇଁ ମହେନ୍ଦ୍ରଗିରି ଶୈବପୀଠ ଚଳଚଞ୍ଚଳ ହୋଇଉଠିଛି। ଏଠାକାର ସ୍ବତନ୍ତ୍ରତା ହେଉଛି, ମହାଶିବରାତ୍ରିର ଦିନକ ପୂର୍ବରୁ ଏଠାରେ ଜାଗର ଯାତ୍ରା ଅନୁଷ୍ଠିତ ହୁଏ। ତେଣୁ ରବିବାର ମହେନ୍ଦ୍ରଗିରିରେ ୫୦ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ ହୋଇଛି। ସେମାନେ ରାତି ଉଜାଗର ରହି ଜାଗର ଦୀପ ଜାଳିଛନ୍ତି। ସୋମବାର ଭୋରୁ ଶ୍ରଦ୍ଧାଳୁମାନେ ସୂର୍ଯ୍ୟୋଦୟ ଦର୍ଶନ ସହ ପୂଜାର୍ଚ୍ଚନା ସାରି ସନ୍ଧ୍ୟା ପୂର୍ବରୁ ଫେରିଆସିବେ।  

ପ୍ରେମରେ ପ୍ରତାରଣା: ପ୍ରତାରକ ପ୍ରେମିକ ଥାନାରେ ଅଟକ

ପ୍ରେମରେ ପ୍ରତାରଣା: ପ୍ରତାରକ ପ୍ରେମିକ ଥାନାରେ ଅଟକ

ଟିକିରି, ୩।୩ (ଡି.ଏନ୍‌.ଏ): ପ୍ରଥମେ ପ୍ରେମ ଜାଲରେ ଫସାଇଲେ। ପରେ ବିଭିନ୍ନ ପ୍ରଲୋଭନ ଦେଖାଇ ପ୍ରେମିକାଙ୍କୁ ଘରୁ ନେଇ ତାଙ୍କ ସହ ଶାରୀରିକ ସମ୍ପର୍କ ରଖିଲେ। ଏବେ କିନ୍ତୁ ବିବାହ କରିବାକୁ ମନା କରୁଛନ୍ତି ପ୍ରେମିକ। ଏ ନେଇ ପୀଡିତା ଜଣଙ୍କ ଟିକିରି ଥାନାର ଦ୍ୱାରସ୍ଥ ହୋଇଛନ୍ତି। ତାଙ୍କ ଏତଲାକୁ ଭିତ୍ତି କରି ପୋଲିସ ପ୍ରତାରକ ପ୍ରେମିକଙ୍କୁ ଅଟକ ରଖି ପଚରା ଉଚରା କରୁଛି। ଘଟଣାଟି ଘଟିଛି ରାୟଗଡ଼ା ଜିଲା କାଶୀପୁର ବ୍ଲକ ଟିକିରି ପଞ୍ଚାୟତ ଅଧୀନରେ। 

ମାଟ୍ରିକ ପରୀକ୍ଷା ଉତ୍ତର ଖାତା ଗାଏବ

ମାଟ୍ରିକ ପରୀକ୍ଷା ଉତ୍ତର ଖାତା ଗାଏବ

ମାଲକାନଗିରି,୩।୩(ଡି.ଏନ.ଏ)- ମାଲକାନଗିରି ଜିଲା ପଡ଼ିଆସ୍ଥିତ ସରକାରୀ  ଉଚ୍ଚ ବିଦ୍ୟାଳୟର ମାଟ୍ରିକ ପରୀକ୍ଷାର ଗଣିତ ଉତ୍ତର ଖାତା ଗାଏବ ହୋଇଥିବା ଜଣାପଡ଼ିଛି।  ପରୀକ୍ଷା ଶେଷ ହେବା ପରେ ଖାତାଗୁଡ଼ିକୁ ସିଲ କରାଯାଇ ଥାନାରେ ଦିଆଯିବାର ନିୟମ ରହିଛି।  କିନ୍ତୁ ଶନିବାର ସନ୍ଧ୍ୟା ସୁଦ୍ଧା ଜିମା ଦିଆନଯିବାରୁ ରବିବାର ପଡ଼ିଆ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।  ଏହି ଘଟଣା ଜଣାପଡ଼ିବା ପରେ ମାଲକାନଗିରି ଆରକ୍ଷୀ ଅଧିକ୍ଷକ ଜଗମୋହନ ମୀନା ଜଣେ ଅତିରିକ୍ତ ଆରକ୍ଷୀ ଅଧିକ୍ଷକଙ୍କୁ ତଦନ୍ତ ଦାୟିତ୍ୱ ଦେଇଛନ୍ତିି।  ଉପଜିଲାପାଳ ରାମେଶ୍ୱର ପ୍ରଧାନ, ଜିଲା ଶିକ୍ଷା ଅଧିକାରୀ ରମେଶ ଚନ୍ଦ୍ର ସେଠୀ, ଅତିରିକ୍ତ ଏସପି ଓ ପଡ଼ିଆ ଥାନା ଭାରପ୍ରାପ୍ତ ନିରୀକ୍ଷକ ପହଞ୍ଚି ତଦନ୍ତ ଆରମ୍ଭ କରିଛନ୍ତିି।

ଚନ୍ଦ୍ରପୁର ମୁଖ୍ୟରାସ୍ତାରେ ଯାତାୟାତ ସମସ୍ୟା

ଚନ୍ଦ୍ରପୁର ମୁଖ୍ୟରାସ୍ତାରେ ଯାତାୟାତ ସମସ୍ୟା

ଚନ୍ଦ୍ରପୁର,୩।୩(ଡ଼ି.ଏନ.ଏ)- ରାୟଗଡା ଜିଲା ଚନ୍ଦ୍ରପୁର ପଞ୍ଚାୟତ ସମିତିକୁ ସଂଯୋଗ କରୁଥିବା ପୂର୍ତ୍ତ ବିଭାଗର ମୁଖ୍ୟରାସ୍ତା ପାର୍ଶ୍ୱରେ ୨/୩ ଫୁଟ୍‌ ଖୋଳାଯାଇଛି । ଟେଲିଫୋନ ସେବା ଯୋଗାଇବା ନେଇ ଏହା ଖୋଳାଯାଇଥିବା ଜଣାଯାଇଛି ।  କେବୁଲ ଗର୍ତ୍ତରେ ପକାଯିବା ପରେ ମଧ୍ୟ ତାହା ପୋତା ଯାଉନାହିଁ ।  ରାସ୍ତାକଡ଼ରେ ମାଟି ଜମି ରହିବାରୁ ଯାନବାହନ ଚଳାଚଳ କରିବାରେ ବହୁ ଅସୁବିଧା ହେଉଛି । 

୬ ରୁ ସମୂହ ଛୁଟିରେ ଯିବେ ଅମିନ

୬ ରୁ ସମୂହ ଛୁଟିରେ ଯିବେ ଅମିନ

ନବରଙ୍ଗପୁର,୩।୩(ଡି.ଏନ.ଏ.)-  ରାଜ୍ୟ ଅମିନ ସଂଘ ଦ୍ୱାରା ଉପସ୍ଥାପିତ କରାଯାଇଥିବା ଦାବି ଗୁଡିକର ପୂରଣ ନିମନ୍ତେ  ଜିଲା ଅମିନ ସଂଘ ପକ୍ଷରୁ ୧ ତାରିଖରୁ ୩ ତାରିଖ ପର୍ଯ୍ୟନ୍ତ କଳାବ୍ୟାଜ ପରିଧାନ  କରିଛନ୍ତି। ଆସନ୍ତା ୬ ତାରିଖରୁ ସାମୂହିକ ଛୁଟିରେ ଯାଇ ଭୁବନେଶ୍ୱରଠାରେ ଅୟୋଜିତ ବିଶାଳ ସମାବେଶରେ ଯୋଗ ଦେବାକୁ  ନିଷ୍ପତି ନିଆଯାଇଛି । ଏସମ୍ପର୍କରେ ଅତିରିକ୍ତ ଜିଲାପାଳଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି ।

୫ରେ ସମ୍ବିଧାନ ବଞ୍ଚାଅ ସଂଘର୍ଷ ସମିତି ପକ୍ଷରୁ ନବରଙ୍ଗପୁର ବନ୍ଦ

୫ରେ ସମ୍ବିଧାନ ବଞ୍ଚାଅ ସଂଘର୍ଷ ସମିତି ପକ୍ଷରୁ ନବରଙ୍ଗପୁର ବନ୍ଦ


ନବରଙ୍ଗପୁର,୩।୩(ବି.ପ୍ର.)-ସମ୍ବିଧାନ ବଞ୍ଚାଅ ସଂଘର୍ଷ ସମିତି ପକ୍ଷରୁ ସମ୍ବିଧାନ ସମ୍ମାନାର୍ଥେ ଆସନ୍ତା ୫ ତାରିଖରେ ଭାରତ ବନ୍ଦ  ସହ ରାଷ୍ଟ୍ର ବ୍ୟାପି ଆନ୍ଦୋଳନ କରାଯିବ। ନବରଙ୍ଗପୁର ଜିଲାରେ   ଏହି ବନ୍ଦକୁ ସଫଳ କରିବାକୁ ବହୁଜନ କ୍ରାନ୍ତି ମୋର୍ଚ୍ଚା ପକ୍ଷରୁ ସ୍ଥାନୀୟ ଦଳିତ ପାଠାଗାରରେ  ଆହୁତ ଖବରଦାତା ସମ୍ବିଳନୀରେ ଜିଲା ସଂଯୋଜକ ନରହରି ନାୟକ ସୂଚନା ପ୍ରଦାନ କରିଛନ୍ତି ।

ଜଙ୍ଗଲ ଜମିକୁ ନେଇ ବିବାଦ

ଜଙ୍ଗଲ ଜମିକୁ ନେଇ ବିବାଦ

ରାଇଘର,୩।୩(ଡି.ଏନ.ଏ)-ନବରଙ୍ଗପୁର ଜିଲା ରାଇଘର ବ୍ଲକ ଗୋନା, ଭାରସୁଣ୍ଡି ସଂରକ୍ଷିତ ଜଙ୍ଗଲକୁ ନେଇ ଗୋନା ଓ ଗୁଛାଗୁଡା ମଧ୍ୟରେ ଦେଖାଯାଇଛି ବିବାଦ । ଜଙ୍ଗଲ ଜମି ଏବଂ ଗ୍ରାମ୍ୟ ଜଙ୍ଗଲ ମଧ୍ୟରେ ବନବିଭାଗ ପକ୍ଷରୁ ସୀମା  ଚିହ୍ନଟ ହୋଇ ପାରି ନ ଥିବାରୁ ଏହି ବିବାଦ ବାରମ୍ବାର ଦେଖା ଦେଉଛି। ସୀମା ଚିହ୍ନଟ ଦାବି  କରି ଗୁଛାଗୁଡା ଓ ଗୋନା ଗ୍ରାମବାସୀ ଶନିବାର ଜଙ୍ଗଲ ମଧ୍ୟରେ ବସି ରହିଥିଲେ। କିନ୍ତୁ ଜଙ୍ଗଲ ବିଭାଗର କୌଣସି କର୍ମଚାରୀ ପହଞ୍ଚି ନ ଥିଲେ। 

ଜୟପୁରର ବିଭିନ୍ନ ସ୍ଥାନରେ ଚଢ଼ାଉ: ୩୫୦ ମଦ ବୋତଲ ଜବତ, ୫ ଗିରଫ

ଜୟପୁରର ବିଭିନ୍ନ ସ୍ଥାନରେ ଚଢ଼ାଉ: ୩୫୦ ମଦ ବୋତଲ ଜବତ, ୫ ଗିରଫ

ଜୟପୁର,୩।୩(ଡି.ଏନ୍‌.ଏ.): କୋରାପୁଟ ଜିଲା ଜୟପୁର ଅଞ୍ଚଳରେ ବେଆଇନ ମଦ ବ୍ୟବସାୟ ଉପରେ ରୋକ ଲଗାଇବା ପାଇଁ ଶନିବାରଠାରୁ ଜୟପୁର ଟାଉନ ପୋଲିସ ଏବଂ ସଦର ପୋଲିସ ମିଳିତ ଭାବେ ସହରରେ ଥିବା ବିଭିନ୍ନ ସ୍ଥାନରେ ଚଢ଼ାଉ କରିଛି। 

୪ରେ ତାମିଲନାଡୁରୁ ଫେରିବେ ୨୫ ଦାଦନ ଶ୍ରମିକ

କୁନ୍ଦୁରା,୩ା୩(ଡି.ଏନ୍‌.ଏ.)କୋରାପୁଟ ଜିଲା କୁନ୍ଦୁରା ବ୍ଲକ ଅନ୍ତର୍ଗତ ୧୬ଟି ପଞ୍ଚାୟତରୁ ଲୋକେ ପ୍ରତିବର୍ଷ ପେଟପାଟଣା ପାଇଁ ଦକ୍ଷିଣ ଭାରତ କାମ କରିବାକୁ ଯାଉଛନ୍ତି। କିନ୍ତୁ ସେମାନଙ୍କ ମଧ୍ୟରୁ ଅଧିକାଂଶ ନିର୍ଯାତନାର ଶିକାର ହୋଇ ଭିଟାମାଟିକୁ ଫେରିପାରୁ ନାହାନ୍ତି। ଠିକାଦାର ଟଙ୍କା ନଦେଇ ଅଧିକ ସମୟ ଖଟାଉଛନ୍ତି। ଦକ୍ଷିଣ ଭାରତରେ ଘରକାମ ପାଇଁ ମିସ୍ତ୍ରି ଓ କୁଶଳୀ ଶ୍ରମିକଙ୍କୁ ଦୈନିକ ୮୦୦ରୁ ୧ ହଜାର ଟଙ୍କା ମିଳିବା ଆଶାରେ ଶହ ଶହ ଯୁବକ ଦଲାଲ ହାବୁଡ଼ରେ ପଡୁଛନ୍ତି। ସେଠାରେ ଶ୍ରମିକମାନେ ନଖାଇ ନପିଇ ଦୟନୀୟ ଅବସ୍ଥାରେ ରହୁଛନ୍ତି।

ଡାକ୍ତରଙ୍କ ଦେଖା ମିଳୁନି, ପ୍ରାୟ ସମୟ ଡାକ୍ତରଖାନାରେ ତାଲା

ଡାକ୍ତରଙ୍କ ଦେଖା ମିଳୁନି, ପ୍ରାୟ ସମୟ ଡାକ୍ତରଖାନାରେ ତାଲା

ସେମିଳିଗୁଡ଼ା,୨ା୩(ସ୍ବ.ପ୍ର.): ସମୟ ପୂର୍ବରୁ ସ୍ବାସ୍ଥ୍ୟକେନ୍ଦ୍ର ବନ୍ଦ ରହୁଛି। ମେଡିକାଲରେ ନିଯୁକ୍ତ ଥିବା ମହିଳା ଡାକ୍ତରଙ୍କ ଦେଖା ମିଳୁନାହିଁ। ସେମିଲିଗୁଡ଼ା ବ୍ଳକ କୁନ୍ଦୁଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧୀନସ୍ଥ କଙ୍କଡ଼ାଆମ୍ବ ନୂତନ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଏଭଳି ଚାଲିଛି ସ୍ବାସ୍ଥ୍ୟସେବା।

ପିଏମ୍‌ଜିଏସ୍‌ଓ୍ବାଇରେ ସାମିଲ ହେଉନି ତାଲଗୁଡ଼ା

ପିଏମ୍‌ଜିଏସ୍‌ଓ୍ବାଇରେ ସାମିଲ ହେଉନି ତାଲଗୁଡ଼ା

ଦଶମନ୍ତପୁର,୨ା୩(ଡି.ଏନ୍‌.ଏ.): ଗିର୍ଲିଗୁମ୍ମା ପଞ୍ଚାୟତ ତାଲଗୁଡ଼ା ଗ୍ରାମ ଦଶମନ୍ତପୁର ବ୍ଲକ କାର୍ଯ୍ୟାଳୟ ନିକଟରେ ଥିଲେ ମଧ୍ୟ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା (ପିଏମ୍‌ଜିଏସ୍‌ଓ୍ବାଇ) ଅଧୀନରେ ଏଠାକୁ ରାସ୍ତା ସଂଯୋଗ ହୋଇପାରୁ ନାହିଁ। ଅଞ୍ଚଳର ଦୀର୍ଘଦିନର ଏହି ଦାବି ନେଇ ସ୍ଥାନୀୟ ଲୋକେ ଶନିବାର ବିଡିଓଙ୍କ ଅନୁପସ୍ଥିତିରେ ଏବିଡିଓ ରଜନୀକାନ୍ତ ଦାଶଙ୍କୁ ଦାବିପତ୍ର ଦେଇଛନ୍ତି। 

ଗଛ କାଟିବା ବେଳେ ଯୁବକଙ୍କ ଜୀବନ ଗଲା

ଗଛ କାଟିବା ବେଳେ ଯୁବକଙ୍କ ଜୀବନ ଗଲା

ନବରଙ୍ଗପୁର,୨ା୩(ବି.ପ୍ର.)-ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧିନ ଦରଗୁଲା ଗ୍ରାମର ଜଣେ ଯୁବକ ଶନିବାର ଏକ ଗଛ କାଟିବାବେଳେ ଗଛଟି ତାଙ୍କ ଉପରେ ପଡ଼ିଯିବାରୁ ପ୍ରାଣ ହରାଇଛନ୍ତି। ସେ ହେଲେ ରତି ହରିଜନଙ୍କ ପୁଅ ସଚିନ୍ତା ହରିଜନ (୩୦)। 

୮ରେ ଜୟପୁର ଆସିବେ ରାହୁଲ ଗାନ୍ଧୀ

୮ରେ ଜୟପୁର ଆସିବେ ରାହୁଲ ଗାନ୍ଧୀ

ଜୟପୁର,୨।୩(ନି.ପ୍ର./ଡି.ଏନ୍‌.ଏ.): ଆସନ୍ତା ୮ରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କୋରାପୁଟ ଗସ୍ତରେ ଆସୁଛନ୍ତି। ଏନେଇ ଜୟପୁର ସ୍ଥିତ ଜିଲା କଂଗ୍ରେସ ଭବନରେ ସଭାନେତ୍ରୀ ମିନାକ୍ଷୀ ବାହୀନିପତିଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ହୋଇଛି। ଏଥିରେ ଜୟପୁର ବିଧାୟକ ତାରାପ୍ରସାଦ ବାହିନୀପତି, କୋଟପାଡ଼ ବିଧାୟକ ଚନ୍ଦ୍ରଶେଖର ମାଝି, ପଟ୍ଟାଙ୍ଗି ପୂର୍ବତନ ବିଧାୟକ ରାମଚନ୍ଦ୍ର କାଡାମ ଉପସ୍ଥିତ ଥିଲେ। 

ସ୍ମୃତିଶକ୍ତି ଫେରିପାଇଲେ ଷ୍ଟେହୋମ୍‌ରେ ଥିବା ରୁବି

ସ୍ମୃତିଶକ୍ତି ଫେରିପାଇଲେ ଷ୍ଟେହୋମ୍‌ରେ ଥିବା ରୁବି

କୋରାପୁଟ,୨।୩(ସ୍ବ.ପ୍ର.): ୩ ବର୍ଷ ତଳେ ମାନସିକ ବିକାରଗସ୍ତ ଥାଇ କୋରାପୁଟ ଜିଲାର ବିଭିନ୍ନ ସ୍ଥାନରେ ବୁଲୁଥିବା ରୁବି ନିଜ ପୂର୍ବସ୍ମୃତି ଫେରି ପାଇବା ପରେ ଗ୍ରାମ ଯିବାକୁ ମନ ବଳାଇଛନ୍ତି। ସେ ଅସହାୟ ଭାବେ ଘୂରି ବୁଲୁଥିବା ବେଳେ ୨୦୧୬ ଅଗଷ୍ଟ ୧୬ରେ ଜିଲା ଶିଶୁ ମଙ୍ଗଳ କମିଟି ତାଙ୍କୁ ଉଦ୍ଧାର କରିଥିଲା। ପରେ ଚିକିତ୍ସା କରାଯାଇ ତାଙ୍କୁ ସ୍ଥାନୀୟ ଷ୍ଟେ ହୋମରେ ରଖାଯାଇଥିଲା । ବର୍ତ୍ତମାନ ତାଙ୍କର ସ୍ମୃତିଶକ୍ତି ଫେରି ଆସିବା ପରେ ସେ ନିଜ ପରିଚୟ ଦେଇଛନ୍ତି। 

ବଢୁଛି ଚୋରା ମଦ କାରବାର: ଚୁପ୍‌ ବସିଛି ଅବକାରୀ ବିଭାଗ

ରାୟଗଡ (ଗଜପତି), ୨ା୩(ଡି.ଏନ.ଏ)ଗଜପତି ଜିଲା ରାୟଗଡ ବ୍ଲକରେ ବେଆଇନ ମଦ କାରବାର ବୃଦ୍ଧି ପାଇବାରେ ଲାଗିଛି। ଦେଶୀ ମଦ ରନ୍ଧାଯାଇ ଅନ୍ୟ ସ୍ଥାନକୁ ଚାଲାଣ କରାଯାଉଛି। ମଦ କାରବାର ରୋକିବାକୁ ସ୍ବୟଂ ସହାୟିକା ଗୋଷ୍ଠୀର ସଦସ୍ୟାମାନେ ଅଣ୍ଟା ଭିଡ଼ିଛନ୍ତି। ସେମାନେ ଦେଶୀ ମଦ ଭାଟି ଉପରେ ଚଢାଉ କରି ମଦ ପ୍ରସ୍ତୁତ ସାମଗ୍ରୀ ନଷ୍ଟ କରୁଥିବାବେଳେ ଅବକାରୀ ବିଭାଗ ଚୁପ୍‌ ବସିଛି। ଏଥିଯୋଗୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। 

ଗଞ୍ଜେଇ ଚୋରା ଚାଲାଣ ବେଳେ ୨ ଗିରଫ

ଗଞ୍ଜେଇ ଚୋରା ଚାଲାଣ ବେଳେ ୨ ଗିରଫ

ମାଲକାନଗିରି,୧ା୩ (ଡି.ଏନ.ଏ.): ଗଞ୍ଜେଇ ଚୋରା ଚାଲାଣ ବେଳେ ମାଲକାନଗିରି ଜିଲା ଅବକାରୀ ବିଭାଗ ଏହାକୁ ଜବତ କରି ୨ଜଣଙ୍କୁ ଗିରଫ କରିଛି। ଏଥିରେ ଜଡିତ ଜଣେ ମହିଳା ଓ  ଜଣେ ପୁରୁଷଙ୍କୁ  ଗିରଫ କରି   କୋର୍ଟଚାଲାଣ କରାଯାଇଛି।   ସେମାନେ ହେଲେ ବିଶ୍ୱଜିତ୍‌ ଶିଲ୍‌ (୨୨) ଏବଂ   ଅଳ୍ପନା ରାୟ (୪୪) । 

ଚନ୍ଦ୍ରପୁରର ୩ ଛାତ୍ରଙ୍କୁ  ରାଜ୍ୟସ୍ତରୀୟ ମେଧାବୃତ୍ତି

ଚନ୍ଦ୍ରପୁରର ୩ ଛାତ୍ରଙ୍କୁ ରାଜ୍ୟସ୍ତରୀୟ ମେଧାବୃତ୍ତି

ଚନ୍ଦ୍ରପୁର,୧।୩(ଡି.ଏନ୍‌.ଏ.): ରାଜ୍ୟସ୍ତରୀୟ ପଠାଣୀ ସାମନ୍ତ ଗଣିତ ମେଧାବୃତ୍ତି ପରୀକ୍ଷାରେ ରାୟଗଡ଼ା ଜିଲା ଚନ୍ଦ୍ରପୁର ବ୍ଲକ ଏସ୍‌ଏସ୍‌ଡି ସରକାରୀ ଉଚ୍ଚ ବିଦ୍ୟାଳୟର ୩ଜଣ ଛାତ୍ର ଉତ୍ତୀର୍ଣ୍ଣ ହୋଇ ମେଧାବୃତ୍ତି ପାଇବା ପାଇଁ ଯୋଗ୍ୟ ବିବେଚିତ ହୋଇଛନ୍ତି। ସେମାନେ ହେଲେ ଚନ୍ଦ୍ରପୁର ବ୍ଲକ ଏସ୍‌ଏସ୍‌ଡି ସରକାରୀ ଉଚ୍ଚ ବିଦ୍ୟାଳୟର ମାଧବ ପ୍ରଟିଙ୍ଗା, ମିଶାଏଲ ଟାଙ୍ଗାରାଙ୍ଗା, ଥିପାନ ଟାଙ୍ଗାରାଙ୍ଗା।

ତେଲେଙ୍ଗାନାରେ ୧୩ ଦାଦନ ଶ୍ରମିକ ବନ୍ଧକ ଘଟଣା: ଶ୍ରମ ଆୟୁକ୍ତଙ୍କ ଚିଠିର ଉତ୍ତର ଅପେକ୍ଷାରେ ଜିଲା ଶ୍ରମ ବିଭାଗ

ତେଲେଙ୍ଗାନାରେ ୧୩ ଦାଦନ ଶ୍ରମିକ ବନ୍ଧକ ଘଟଣା: ଶ୍ରମ ଆୟୁକ୍ତଙ୍କ ଚିଠିର ଉତ୍ତର ଅପେକ୍ଷାରେ ଜିଲା ଶ୍ରମ ବିଭାଗ

ନବରଙ୍ଗପୁର,୧।୩(ବି.ପ୍ର.): ନବରଙ୍ଗପୁର ଜିଲାରୁ ଦାଦନ ଖଟିବାକୁ ନିୟମିତ ବ୍ୟବଧାନରେ ଆନ୍ଧ୍ର, ଛତିଶଗଡ, ତେଲେଙ୍ଗାନା, ତାମିଲନାଡୁ ଭଳି ରାଜ୍ୟକୁ ଶ୍ରମିକମାନେ ଯାଉଛନ୍ତି। ଏଥିପାଇଁ ଦଲାଲ ସକ୍ରୀୟ ରହିଛନ୍ତି। ଏହାକୁ ରୋକାଯାଇପାରୁନାହିଁ। ଦାଦନ ସମସ୍ୟାକୁ ନେଇ ବିରୋଧି ଦଳ ପ୍ରତ୍ୟେକ ସମୟରେ ସ୍ବର ଉତ୍ତୋଳନ କରୁଛନ୍ତି। ତଥାପି ସରକାର ଓ ପ୍ରଶାସନର ନିଦ ଭାଙ୍ଗୁନାହିଁ। ନବରଙ୍ଗପୁର ବ୍ଲକ ଭାଟିଗାଁର ୧୩ ଜଣ ଶ୍ରମିକ ତେଲେଙ୍ଗନାର ଏକ ଇଟାଭାଟିରେ କାମ କରିବାକୁ ଯାଇ ବନ୍ଧକ ରହିଛନ୍ତି। ଭାଟିଗାଁ ହେଉଛି ନବରଙ୍ଗପୁର ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ମନୋହର ରନ୍ଧାରୀଙ୍କ ନିଜ ଗାଁ ।

ବଡ଼ନାଳ ପ୍ରୋଜେକ୍ଟ ପାଣି ପଞ୍ଚାୟତରେ ଅଚଳାବସ୍ଥା: ୫ ବର୍ଷ ହେଲା ହାଇକୋର୍ଟଙ୍କ ରହିତାଦେଶ

ବଡ଼ନାଳ ପ୍ରୋଜେକ୍ଟ ପାଣି ପଞ୍ଚାୟତରେ ଅଚଳାବସ୍ଥା: ୫ ବର୍ଷ ହେଲା ହାଇକୋର୍ଟଙ୍କ ରହିତାଦେଶ

ପଦ୍ମପୁର,୧।୩(ଡି.ଏନ୍‌.ଏ.): କ୍ଷେତକୁ ପାଣି ଯୋଗାଇବାରେ ଥିବା ସମସ୍ୟାର ନିରାକରଣ ସହ ପାଣି ଯୋଗାଣର ସୁବନ୍ଦୋବସ୍ତ କରିବା ଲକ୍ଷ୍ୟରେ ସରକାର ପାଣି ପଞ୍ଚାୟତ ଗଠନ କରିଛନ୍ତି।