ରାୟଗଡା

ଟାଙ୍କୁବେଡ଼ା ପାଇଁ ପେନସନ ଯୋଜନା ଅପହଞ୍ଚ

ଟାଙ୍କୁବେଡ଼ା ପାଇଁ ପେନସନ ଯୋଜନା ଅପହଞ୍ଚ

ସେମିଳିଗୁଡ଼ା,୧୦।୩(ସ୍ବ.ପ୍ର.)ସରକାରଙ୍କ ମଧୁବାବୁ ପେନସନ ଯୋଜନା ୨୦୦୮ରେ ରାଜ୍ୟରେ ଆରମ୍ଭ ହୋଇଥିଲା। ଏଥିରେ ୬୦ରୁ ୭୦ ବର୍ଷ ବୟସ ଭିତରେ ୩୦୦ ଟଙ୍କା ଓ ୮୦ ବର୍ଷରୁ ଊର୍ଦ୍ଧ୍ୱ ବୟସ୍କ ବ୍ୟକ୍ତିଙ୍କୁ ୫୦୦ ଟଙ୍କା ବାର୍ଦ୍ଧକ୍ୟ ଭତ୍ତା ମିଳୁଥିଲା। ୨୦୧୫-୧୬ ସୁଦ୍ଧା ୧୯,୮୫୦୨୪ ହିତାଧିକାରୀ ଯୋଜନାରେ ସାମିଲ ହୋଇଛନ୍ତି। ଆଗକୁ ଏହି ଭତ୍ତା ବୃଦ୍ଧି ହେବ ବୋଲି କୁହାଯାଉଥିବା ବେଳେ ଅନ୍ୟପକ୍ଷରେ କୋରାପୁଟ ଜିଲାରେ ହିତାଧିକାରୀଙ୍କ ପାଖରେ ପହଞ୍ଚୁନାହିଁ ଏହି ଯୋଜନାର ଲାଭ। 

କୋରାପୁଟ ଜିଲାରେ ୪୬୪ ନଳକୂପ, ୯ ଜଳ ପ୍ରକଳ୍ପ ଅଚଳ

କୋରାପୁଟ ଜିଲାରେ ୪୬୪ ନଳକୂପ, ୯ ଜଳ ପ୍ରକଳ୍ପ ଅଚଳ


କୋରାପୁଟ,୧୦।୩(ସ୍ବ.ପ୍ର.)  

ମାର୍ଚ୍ଚ ପ୍ରଥମ ସପ୍ତାହରୁ ରାଜ୍ୟରେ ଗ୍ରୀଷ୍ମ ପ୍ରବାହ ଆରମ୍ଭ ହୋଇଯାଇଥିବା ବେଳେ ବିଭିନ୍ନ ଜିଲାରେ ତାପମାତ୍ରା ବୃଦ୍ଧି ପାଇ ୩୫ରୁ ୪୦ ଡିଗ୍ରୀ ଛୁଇଁଲାଣି। ଏବେଠାରୁ ପାନୀୟ ଜଳ ସଙ୍କଟ ଦେଖାଗଲାଣି। କୋରାପୁଟ ଜିଲାରେ ଏବେ ୪୬୪ଟି ନଳକୂପ ଅଚଳ ଥିବାବେଳେ ୯ଟି ପାଇପ ଜଳ ଯୋଗାଣ ପ୍ରକଳ୍ପ ବନ୍ଦ ରହିଛି।

 ଗାଁ ବିକାଶରେ ରାସ୍ତା ବାଧକ

ଗାଁ ବିକାଶରେ ରାସ୍ତା ବାଧକ

ମାଲକାନଗିରି, ୧୦।୩ (ଡି.ଏନ୍‌.ଏ.)-ମାଲକାନଗିରି ଜିଲା କାଲିମେଳା ବ୍ଲକ ଭୁବନପାଲି ପଞ୍ଚାୟତ  ଗିନୀପଲି ଗ୍ରାମ। ଏଠାରେ କୋୟା ସମ୍ପ୍ରଦାୟର ୨୦ଟି ପରିବାର ବସବାସ କରୁଛନ୍ତି। କିନ୍ତୁ ଗାଁକୁ ଯିବାକୁ ପକ୍କା ରାସ୍ତାଟିଏ ନ ଥିବାରୁ ଏଠାରେ ବିକାଶ ଏବେବି ଅପହଞ୍ଚ। କେବଳ ରାସ୍ତା ନୁହେଁ ଏଠାକାର ଲୋକେ ଶିକ୍ଷା, ସ୍ବାସ୍ଥ୍ୟ ଓ ପାନୀୟ ଜଳ  ସମସ୍ୟାରେ ସନ୍ତୁଳି ହେଉଛନ୍ତି। ଗାଁର ଅଧିକାଂଶ ଲୋକ  ମହୁଲ, ଟୋଲା ସଂଗ୍ରହ କରି କିମ୍ବା କୁଲି କାମ କରି ଜୀବିକା ନିର୍ବାହ କରୁଛନ୍ତି। ଗାଁକୁ ରାସ୍ତା ଟିଏ ନ ଥିବାରୁ ଦୀର୍ଘ ୩ କିମି ଜଙ୍ଗଲ ଏବଂ ଜମି ଦେଇ ଲୋକେ କାନ୍ଦିଗୁଡ଼ା ଗାଁ ପର୍ଯ୍ୟନ୍ତ ଯାତାୟାତ କରୁଛନ୍ତି।

ମଧ୍ୟାହ୍ନ ଭୋଜନରେ ପିଲାଙ୍କୁ ମିଳୁନି ଅଣ୍ଡା

ମଧ୍ୟାହ୍ନ ଭୋଜନରେ ପିଲାଙ୍କୁ ମିଳୁନି ଅଣ୍ଡା

ରାୟଗଡ (ଗଜପତି), ୧୦।୩ (ଡି.ଏନ.ଏ.)-କୁନି କୁନି ପିଲାଙ୍କୁ ବିଦ୍ୟାଳୟମୁହାଁ କରିବା ସହ ଉପସ୍ଥାନ ବୃଦ୍ଧି ଉଦ୍ଦେଶ୍ୟରେ ସରକାର ବିଭିନ୍ନ ଯୋଜନା କାର୍ଯ୍ୟକାରୀ କରିଛନ୍ତି। ସେଥିମଧ୍ୟରୁ ମଧ୍ୟାହ୍ନ ଭୋଜନ ଯୋଜନା ଅନ୍ୟତମ। ଏହି ଯୋଜନାରେ ବିଦ୍ୟାଳୟଗୁଡ଼ିକୁ ଆବଶ୍ୟକ ଅର୍ଥ ଯୋଗାଇ ଦିଆଯାଉଛି। ଛାତ୍ରୀଛାତ୍ରଙ୍କୁ ଭାତ ଡାଲମା ସହ ପ୍ରତି ସପ୍ତାହରେ ଦୁଇଥର ଅଣ୍ଡା ଦେବାର ନିୟମ ରହିଛି। ମାତ୍ର ଗଜପତି ଜିଲା ରାୟଗଡ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ପରିସରସ୍ଥ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଏହାର ବ୍ୟତିକ୍ରମ ଘଟିଛି। ମଧ୍ୟାହ୍ନ ଭୋଜନରେ ଅଣ୍ଡା ଦିଆଯାଉନାହିଁ। ଏନେଇ ଛାତ୍ରୀଛାତ୍ର ଏବଂ ଅଭିଭାବକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ତୁରନ୍ତ ପଦକ୍ଷେପ ନିଆ ନ ଗଲେ ବିଇଓ କାର୍ଯ୍ୟାଳୟରେ ତାଲା ପକାଇବାକୁ ସେମାନେ ଚେତାବନୀ ଦେଇଛନ୍ତି।

ଏପ୍ରିଲ ୧୬ରେ ରାଇଘରରେ କଳସୀ ମଣ୍ଡେଇ

ଏପ୍ରିଲ ୧୬ରେ ରାଇଘରରେ କଳସୀ ମଣ୍ଡେଇ

ରାଇଘର, (ଡି.ଏନ.ଏ)  ୧୦।୩ - ନବରଙ୍ଗପୁର ଜିଲା ରାଇଘରଠାରେ ପ୍ରତି ବର୍ଷ ଭଳି ଚଳିତ ବର୍ଷ ମଣ୍ଡେଇ ପ୍ରସ୍ତୁତି ବୈଠକ କଳସୀ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ରାଇଘରର ଗାଉଁଟିଆ (ସାତପାଲିର ମୂଖିଆ) କମଳ ସିଂ ରାଜପୁତଙ୍କ ଅଧ୍ୟକ୍ଷତାରେ ବୈଠକ ଆୟୋଜନ ହୋଇଥିଲା । ମଣ୍ଡେଇକୁ ସୁପରିଚାଳନା କରିବା ପାଇଁ ଏକ କମିଟି ଗଠନ ହୋଇଥିଲା। 

ଜେଲ୍‌ କାନ୍ଥଦେଇ ଫେରାର କଏଦୀଙ୍କୁ ଗିରଫ

ଜେଲ୍‌ କାନ୍ଥଦେଇ ଫେରାର କଏଦୀଙ୍କୁ ଗିରଫ

ମାଲକାନଗିରି,୧୦।୩(ଡି.ଏନ୍‌.ଏ.): ମାଲକାନଗିରି ଜିଲା ମୁଖ୍ୟ ଜେଲ୍‌ରୁ ଗତ ୫ ତାରିଖରେ ଜଣେ କଏଦୀ ଫେରାର ହୋଇଯାଇଥିଲେ। ତେବେ ଶନିବାର ବିଳମ୍ବିତ ରାତିରେ ଜେଲ୍‌ କର୍ମଚାରୀ  ଓ ଓଏସ୍‌ଏପି ବାହିନୀର ମିଳିତ ଉଦ୍ୟମରେ ଫେରାର କଏଦୀଙ୍କୁ ଏମ୍‌ଭି ୪୧ ଗ୍ରାମ ନିକଟରେ ଥିବା ଏକ ଜଙ୍ଗଲରୁ ଗିରଫ କରାଯାଇଛି । 

କୂଳ ଖାଉଛିି ଇନ୍ଦ୍ରାବତୀ: ଜମିକୁ ନେଇ ତୁଟୁନି  ବିବାଦ

କୂଳ ଖାଉଛିି ଇନ୍ଦ୍ରାବତୀ: ଜମିକୁ ନେଇ ତୁଟୁନି ବିବାଦ

ନବରଙ୍ଗପୁର,୧୦ା୩(ବି.ପ୍ର.)- ଇନ୍ଦ୍ରାବତୀ ନଦୀ କୂଳ ଖାଉଛି  ଚାଷ ଜମି ହେଉଛି ନଦୀ ଗର୍ଭରେ ଲୀନ ଚାଷୀ ହରାଉଛନ୍ତି ଜୀବିକା ଜମିର ସୀମା ଜଣାପଡୁ ନାହିଁ।

 ସଡ଼କ ଦୁର୍ଘଟଣାରେ ଜଣେ ମୃତ, ୨ ଗୁରୁତର

ସଡ଼କ ଦୁର୍ଘଟଣାରେ ଜଣେ ମୃତ, ୨ ଗୁରୁତର

କୋଟପାଡ,୯।୩(ଡି.ଏନ.ଏ.)-କୋରାପୁଟ ଜିଲା କୋଟପାଡ ବ୍ଲକ ଅଧୀନ ସର୍ଗୀଗୁଡା ପଞ୍ଚାୟତର ଅଣ୍ଡରାମୁଣ୍ଡା ନିକଟ ୬୩ ନମ୍ବର ଜାତୀୟ ରାଜପଥରେ ଶୁକ୍ରବାର ରାତିରେ ଏକ ଡିଜେ ଗାଡ଼ି ଓ କାର୍‌ ମଧ୍ୟରେ ଧକ୍କା ଘଟିଛି। ଏଥିରେ ଜଣେ ପ୍ରାଣ ହରାଇଥିବାବେଳେ ୨ଜଣ ଗୁରୁତର ଆହତ ହୋଇଛନ୍ତି। ସୂଚନା ଅନୁଯାୟୀ, ଶୁକ୍ରବାର କୋଟପାଡ ଅଞ୍ଚଳରେ ଏକ ବାହାଘର ପ୍ରୋସେଶନ ସକାଶେ ଡିଜେ ଗାଡ଼ି ଆସି ରାତି ପ୍ରାୟ ୧୧ଟାରେ ଫେରୁଥିଲା। 

ପ୍ରେମିକାଙ୍କ ଘରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର

ପ୍ରେମିକାଙ୍କ ଘରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର

ଉମରକୋଟ,୯।୩(ଡି.ଏନ.ଏ.)-ନବରଙ୍ଗପୁର ଜିଲା ଉମରକୋଟ ଥାନା ଅଧୀନ ହୀରାପୁର ପଞ୍ଚାୟତର ନୂଆଗୁଡା ଗ୍ରାମରେ ପ୍ରେମିକାଙ୍କ ବନ୍ଦ ଘରୁ ଝୁଲନ୍ତା ଅବସ୍ଥାରେ ପ୍ରେମୀଯୁଗଳଙ୍କ ମୃତଦେହ ଉଦ୍ଧାର କରାଯାଇଛି। ମୃତକ ଦ୍ୱୟ ହେଲେ ଭଗବତୀ କଲାର (୧୯) ଓ ତାଙ୍କ ପ୍ରେମିକ ସନପତ ଭତରା (୨୧)। ଖବର ପାଇ ପୋଲିସ ପହଞ୍ଚତ୍ ମୃତଦେହ ଜବତ କରି ତଦନ୍ତ ଚଳାଇଛି।

ଅବସରପ୍ରାପ୍ତ  ପୋଲିସ ଦମ୍ପତିଙ୍କୁ ହତ୍ୟାକରି ଟଙ୍କା, ସୁନା ଅଳଙ୍କାର ଚୋରିକଲେ ଦୁର୍ବୃତ୍ତ

ଅବସରପ୍ରାପ୍ତ ପୋଲିସ ଦମ୍ପତିଙ୍କୁ ହତ୍ୟାକରି ଟଙ୍କା, ସୁନା ଅଳଙ୍କାର ଚୋରିକଲେ ଦୁର୍ବୃତ୍ତ

ଜୟପୁର,୯।୩(ଡି.ଏନ୍‌.ଏ.): କୋରାପୁଟ ଜିଲା ଜୟନଗରଠାରେ ଅବସରପ୍ରାପ୍ତ  ପୋଲିସ ଦମ୍ପତିଙ୍କୁ ଶୁକ୍ରବାର ବିଳମ୍ବିତ ରାତିରେ କେହି ଦୁର୍ବୃତ୍ତ ଘରେ ପଶି ହତ୍ୟା କରିବା ସହ ଘରୁ ଟଙ୍କା ଓ ସୁନା ଅଳଙ୍କାର ଚୋରି କରିନେଇଛନ୍ତି। 

ବଡଯାତ୍ରା: ଠାକରଙ୍କୁ ଆଣିବା ପାଇଁ ପାଟ ପୂଜାରୀଙ୍କ ମାନ୍ୟମକୋଣ୍ଡା ଗସ୍ତ

ବଡଯାତ୍ରା: ଠାକରଙ୍କୁ ଆଣିବା ପାଇଁ ପାଟ ପୂଜାରୀଙ୍କ ମାନ୍ୟମକୋଣ୍ଡା ଗସ୍ତ

ମାଲକାନଗିରି,୯।୩(ଡି.ଏନ.ଏ.)- ମାଲକାନଗିରି ଜିଲାର ଗଣପର୍ବ ପ୍ରସିଦ୍ଧ ବଡ଼ଯାତ୍ରା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ତିନି ଠାକୁର ଶ୍ରୀ କାନାମରାଜୁ, ବାଲରାଜୁ, ପୋତରାଜୁ ଓ ଦେବୀ ମତ୍ୟୁଲୁମ୍ମାଙ୍କ ପ୍ରତିମା ନିର୍ମାଣ ଇତି ମଧ୍ୟରେ ଶେଷ ହୋଇଛି ।

ଚିତ୍ରକୋଣ୍ଡା ଡ୍ୟାମ ଅଞ୍ଚଳରେ ସୁଧୁରିଲା ବିଦ୍ୟୁତ ବ୍ୟବସ୍ଥା

ଚିତ୍ରକୋଣ୍ଡା ଡ୍ୟାମ ଅଞ୍ଚଳରେ ସୁଧୁରିଲା ବିଦ୍ୟୁତ ବ୍ୟବସ୍ଥା

ଚିତ୍ରକୋଣ୍ଡା,୯ା୩(ଡି.ଏନ.ଏ.)-ମାଲକାନଗିରି-ଚିତ୍ରକୋଣ୍ଡାର ସିଲେରୁ ନଦୀ ଡ୍ୟାମ ଉପରେ   ବହୁ ଦିନ ଧରି ୧୮ଟି ଷ୍ଟିଟ ଲାଇଟ ଅଚଳ ହୋଇପଡିଥିଲା। କେବଳ ଡ୍ୟାମର ଦୁଇ ପାର୍ଶ୍ୱରେ କିଛି ଲାଇଟ ଜଳୁଥିଲା। ଫଳରେ ଡ୍ୟାମ ଅନ୍ଧାରରେ ରହିବା ସହ ଲୋକେ ଯାତାୟାତରେ ଅସୁବିଧା ଭୋଗୁଥିଲେ। ଏବେ ସବୁ ବିଦ୍ୟୁତ୍‌ ଖୁଣ୍ଟରେ ନୂଆ ଲାଇଟ ଲଗାଯାଇଛି।  ଚିତ୍ରକୋଣ୍ଡା -ବାଲିମେଳା ଜଳଭଣ୍ଡାର ପ୍ରକଳ୍ପ ପକ୍ଷରୁ ଏହି ଆଲୋକୀକରଣ ବ୍ୟବସ୍ଥା କରାଯାଇଛି।

ଜୟପୁର ସମାବେଶରେ ରାହୁଲ ଗାନ୍ଧୀ

ଜୟପୁର ସମାବେଶରେ ରାହୁଲ ଗାନ୍ଧୀ

ଜୟପୁର,୮ା୩(ଡି.ଏନ୍‌.ଏ./ନି.ପ୍ର.): ଓଡ଼ିଶାରେ ମୁଖ୍ୟମନ୍ତ୍ରୀ ଶାସନ କରୁନାହାନ୍ତି। ବରଂ ୪ରୁ ୫ ଜଣ ଅଫିସରଙ୍କ ଦ୍ୱାରା ପରିଚାଳିତ ହେଉଛନ୍ତି ରାଜ୍ୟ ସରକାର। ରାଫାଲ ପ୍ରସଙ୍ଗରେ ମୋଦି ସରକାର ସୁନାବେଡ଼ା ସ୍ଥିତ ହାଲ୍‌ ବଦଳରେ ଅମ୍ବାନୀଙ୍କୁ ଅନୁକମ୍ପା ଦେଖାଇ ସ୍ଥାନୀୟ ଯୁବତୀ ଯୁବକଙ୍କୁ ବେକାର କରିଛନ୍ତି। କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କୋରାପୁଟ ଜିଲା ଜୟପୁର ସମାବେଶକୁ ଶୁକ୍ରବାର ସମ୍ବୋଧିତ କରି ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କୁ ଏହିଭଳି କହି ଟାର୍ଗେଟ୍‌ କରିଛନ୍ତି। ଏହାସହ ମହିଳା ଭୋଟରଙ୍କୁ ନିଜ ଫୋକସରେ ରଖି ସେମାନଙ୍କ ପାଇଁ ବିଭିନ୍ନ ପ୍ରତିଶ୍ରୁତି ମଧ୍ୟ ବାଢ଼ିଛନ୍ତି। କ୍ଷମତାକୁ ଆସିଲେ ମହିଳା ସଂରକ୍ଷଣ ବିଲ୍‌ ସଂସଦରେ ପାରିତ କରିବା, ଓଡ଼ିଶାରେ ଯୁବତୀଙ୍କୁ ମାଗଣା ଉଚ୍ଚଶିକ୍ଷା, ସ୍ବୟଂ ସହାୟକ ଗୋଷ୍ଠୀଙ୍କୁ ସର୍ବାଧିକ ବ୍ୟାଙ୍କ ଋଣ, କ୍ଷୁଦ୍ର ମହିଳା ଉଦ୍ୟୋଗୀଙ୍କ ପାଇଁ ସ୍ବତନ୍ତ୍ର ଅର୍ଥ ନିଗମ ଭଳି ପ୍ରତିଶ୍ରୁତି ଦେଇଛନ୍ତି ରାହୁଲ।

କଲ୍‌ଭର୍ଟ ତଳୁ ୨ ଟିଫିନ୍‌ ବୋମା ଉଦ୍ଧାର

କଲ୍‌ଭର୍ଟ ତଳୁ ୨ ଟିଫିନ୍‌ ବୋମା ଉଦ୍ଧାର

ବିଷମକଟକ,୮।୩- ରାୟଗଡା ଜିଲା ବିଷମକଟକ ସଦର ମହକୁମାସ୍ଥିତ ଡଙ୍ଗରବାଙ୍କ ନିକଟ ମୁଖ୍ୟ ରାସ୍ତାରେ ଥିବା  କଲଭର୍ଟ ତଳେ ଖଞ୍ଜାଯାଇଥିବା ୨ଟି ଟିଫିନ୍‌ ବୋମାକୁ ଶୁକ୍ରବାର ସିଆରପିଏଫ ଯବାନ ଉଦ୍ଧାର କରିଛନ୍ତି। ପରେ ତାହାକୁ  ନିଷ୍କ୍ରିୟ କରିଛନ୍ତି । ଉକ୍ତ ରାସ୍ତାରେ ଯାନବାହନ ଚଳାଚଳ କିଛି ସମୟ ଧରି ବନ୍ଦ ରଖାଯାଇଥିଲା।

ଲାଲଗଡରେ ମାଓବାଦୀ ପୋଷ୍ଟର : ଟାର୍ଗେଟରେ ପ୍ରଧାନମନ୍ତ୍ରୀ

ଲାଲଗଡରେ ମାଓବାଦୀ ପୋଷ୍ଟର : ଟାର୍ଗେଟରେ ପ୍ରଧାନମନ୍ତ୍ରୀ

ମାଲକାନଗିରି,୮ା୩(ସ୍ବ.ପ୍ର.)- ଲାଲଗଡରେ ପୁଣି ଦେଖିବାକୁ ମିଳିଛି ମାଓବାଦୀ ପୋଷ୍ଟର । ମାତ୍ର ମାଓବାଦୀମାନେ  ଏଥର ପୋଲିସବାହିନୀକୁ  ଟାର୍ଗେଟ କରିନାହାନ୍ତି। ସେମାନେ ସିଧାସଳଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଥିବା ଜଣାପଡିଛି। ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ମହୁପଦର ଅଞ୍ଚଳରେ ଏହି ପୋଷ୍ଟର ଦେଖିବାକୁ ମିଳିଛି। 

ଡିବିରି ନିଆଁ ଲାଗି ଜଳିଗଲେ ବୃଦ୍ଧା

ଡିବିରି ନିଆଁ ଲାଗି ଜଳିଗଲେ ବୃଦ୍ଧା

ରାଇଘର, ୮ା୩(ଡି.ଏନ.ଏ.): ନବରଙ୍ଗପୁର ଜିଲା ରାଇଘର ବ୍ଲକ ସଦର ମହକୁମାର ଶିବ ମନ୍ଦିର ସାହିରେ ଜଣେ ବୃଦ୍ଧା ଡିବିରି ନିଆଁ ସଂସ୍ପର୍ଶରେ ଆସି ସମ୍ପୂର୍ଣ୍ଣ ଭାବେ ଜଳିଯାଇଛନ୍ତି। ତାଙ୍କ ନାମ ରାଧା ଗଣ୍ଡ (୮୨)। 

ଜଙ୍ଗଲ ଉଚ୍ଛେଦ ଆଇନ ବାତିିଲ  ଦାବି : ଉପଜିଲାପାଳଙ୍କୁ ସ୍ମାରକପତ୍ର

ଜଙ୍ଗଲ ଉଚ୍ଛେଦ ଆଇନ ବାତିିଲ ଦାବି : ଉପଜିଲାପାଳଙ୍କୁ ସ୍ମାରକପତ୍ର

ଗୁଣପୁର,୮।୩(ଡି.ଏନ.ଏ)-ରାୟଗଡା ଜିଲା ଗୁଣପୁରଠାରେ ସିପିଆଇ(ଏମଏଲ) ଶାଖା ପକ୍ଷରୁ ୫ ଦଫା ଦାବି ନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଉପଜିଲାପାଳ ଡ.ସିଦ୍ଧେଶ୍ୱର ବଳିରାମ ବନ୍ଦରଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି । 

ପାଇପ ଲାଇନରେ ଜଳ ଯୋଗାଣ ଦାବି

ପାଇପ ଲାଇନରେ ଜଳ ଯୋଗାଣ ଦାବି

ଗୁଣପୁର,୮।୩(ଡି.ଏନ.ଏ)-ରାୟଗଡା ଜିଲା ଗୁଣପୁର ସହରର ୨ ନଂ ୱାର୍ଡର ଲକ୍ଷ୍ମଣ ଢେପ ଅଞ୍ଚଳକୁ ପାଇପ ଲାଇନରେ ଜଳଯୋଗାଣ ନେଇ ଦାବି ହୋଇଛି । ଏନେଇ ଓ୍ବାର୍ଡ଼ବାସୀ  ଉପଜିଲାପାଳ ଡ.ସିଦ୍ଧେଶ୍ୱର ବଳିରାମ ବନ୍ଦରଙ୍କୁ ଭେଟି ଦାବି ଜଣାଇଛନ୍ତି । ଲକ୍ଷ୍ଣଣ ଢେପ ଅଞ୍ଚଳରେ ଜଳଯୋଗାଣ କରାଯିବା ନେଇ ଗତ କିଛି ମାସ ତଳେ ପାଇପ ରଖାଯାଇଥିଲା । 

ଚିଟ୍‌ଫଣ୍ଡ ଠକେଇ ମାମଲା : ଅଭିଯୁକ୍ତଙ୍କୁ ସାଢେ ୪ ବର୍ଷ କାରାଦଣ୍ଡ

ରାୟଗଡା ଅଫିସ୍‌, ୮।୩- ରାୟଗଡା ସିଜେଏମ୍‌ ଜ୍ଞାନେନ୍ଦ୍ର କୁମାର ବାରିକ   ଏକ ଠକେଇ ମାମଲାର ବିଚାର କରି ଜେକେପୁରର ବି.ଗୌରେଶ୍ୱର ରାଓଙ୍କୁ ସାଢ଼େ ୪ ବର୍ଷ କାରାଦଣ୍ଡାଦେଶ ଶୁଣାଇଛନ୍ତି । ଏଥିସହ ୫୨ହଜାର ଟଙ୍କା ଜରିମାନା କରିଛନ୍ତି । ଜରିମାନା ଅନାଦୟ ହେଲେ ଅଧିକ ୬ ମାସ କାରାଦଣ୍ଡ ଭୋଗିବେ  ।

ଆଜି ଜୟପୁର ଆସିବେ ରାହୁଲ ଗାନ୍ଧୀ

ଜୟପୁର,୮।୩(ନି.ପ୍ର.)- କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଶୁକ୍ରବାର କୋରାପୁଟ ଜିଲା ଜୟପୁର ଗସ୍ତରେ ଆସୁଛନ୍ତି। ଜୟପୁର ନିକଟସ୍ଥ ଏକମ୍ବା ପଡ଼ିଆରେ ହେବାକୁ ଥିବା ପରିବର୍ତ୍ତନ ସମାବେଶ ଓ ଆଦିବାସୀ ବିକାଶ କାର୍ଯ୍ୟକ୍ରମରେ ଯୋଗଦେବେ ରାହୁଲ| ଏ

ମହିଳା ସଶକ୍ତୀକରଣର ବାସ୍ତବ ଚିତ୍ର: ଅଭାବରେ ବୈପାରୀଗୁଡ଼ା ବ୍ଲକ ପ୍ରଥମ ମହିଳା ଅଧ୍ୟକ୍ଷା

ବୈପାରୀଗୁଡ଼ା,୮|୩(ଡି.ଏନ୍‌.ଏ.)- ଦିନ ଥିଲା, ସେ ଥିଲେ ବୈପାରୀଗୁଡ଼ା ବ୍ଲକର ଚର୍ଚ୍ଚିତ ଚେହେରା ା ସଭା ସମିତିରେ ମୁଖ୍ୟ ଆସନ ମଣ୍ଡନ କରୁଥିଲେ। ମୁଖ୍ୟ ଅତିଥି ଭାବେ ଭିତ୍ତିପ୍ରସ୍ତର ନାମ ଫଳକରେ ତାଙ୍କ ନାମ ରହୁଥିଲା| ଏବେ କିନ୍ତୁ ସମୟ ଓ ସରକାରୀ କଳ ତାଙ୍କୁ ଭୁଲିଯାଇଛି। 

କଏଦୀ ଚମ୍ପଟ୍‌ ଘଟଣାରେ କାରାରକ୍ଷୀ ନିଲମ୍ବିତ

 ମାଲକାନଗିରି,୭ା୩(ସ୍ବ.ପ୍ର.)

ମାଲକାନଗିରି ଜିଲା ଉପ କାରାଗାରରୁ ମଙ୍ଗଳବାର ଅଜିତ୍‌ ଡାକୁଆ ନାମକ ଜଣେ କଏଦୀ ଫେରାର ହୋଇଯାଇଥିଲେ। ଏହି ଘଟଣାରେ ବୁଧବାର ଉପକାରାଗାରର କାରାରକ୍ଷୀ ବିଶ୍ୱେଶ୍ୱର ମୁର୍ମୁଙ୍କୁ ନିଲମ୍ବିତ କରାଯାଇଛି।

ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀଙ୍କ ବଦଳି ଦାବିରେ ଧାରଣା

ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀଙ୍କ ବଦଳି ଦାବିରେ ଧାରଣା

କାଶୀନଗର, ୭।୩(ଡି.ଏନ.ଏ.)କାଶୀନଗର ଏନ୍‌ଏସିର କାର୍ଯ୍ୟନିର୍ବାହୀ ଅଧିକାରୀ ପ୍ରଭାତ କୁମାର ମାସନ୍ତଙ୍କ ବିରୋଧରେ ନାନା ଅଭିଯୋଗ ଆଣି ତାଙ୍କର ବଦଳି ଦାବି କରିଛନ୍ତି ପୂର୍ବତନ କାଉନସିଲର ଏମ୍‌. ପ୍ରବୀଣ କୁମାରଙ୍କ ସମେତ ସ୍ଥାନୀୟ କେତେକ ଜନତା। ଏନେଇ ସେମାନେ  ଏନ୍‌ଏସି କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। 

ସଂସ୍କୃତି ଭବନ ନିର୍ମାଣ ପାଇଁ ଦାବିପତ୍ର

ପାରଳାଖେମୁଣ୍ଡି,୭।୩(ସ୍ବ.ପ୍ର.)ଗଜପତି ଜିଲା ସଦର ମହକୁମା ପାରଳାଖେମୁଣ୍ଡି ସହରରେ ସଂସ୍କୃତି ଭବନ ନିର୍ମାଣ ପାଇଁ ବିଭିନ୍ନ ସାଂସ୍କୃତିକ ସଙ୍ଗଠନ ପକ୍ଷରୁ ଦାବି ହୋଇଛି। ଏ ନେଇ  ସଂସ୍କୃତି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡାଙ୍କ ଉଦ୍ଦେଶ୍ୟରେ ସଂସ୍କୃତି ବିଭାଗ ପ୍ରମୁଖ ଶାସନ ସଚିବ ମନୋରଞ୍ଜନ ପାଣିଗ୍ରାହୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।