ରାୟଗଡା

ବ୍ଲକସ୍ତରୀୟ ଜନଶୁଣାଣି ଶିବିର

ବ୍ଲକସ୍ତରୀୟ ଜନଶୁଣାଣି ଶିବିର

ଚନ୍ଦାହାଣ୍ଡି,୨୮।୯(ଡି.ଏନ.ଏ.)-ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ସଭାଗୃହଠାରେ ବ୍ଲକସ୍ତରୀୟ ଜନଶୁଣାଣି ଶିବିର ଅନୁଷ୍ଠିତ ହୋଇଛି । ଏଥିରେ ମୁଖ୍ୟଅତିଥି ଭାବେ ବ୍ଲକ ଅଧ୍ୟକ୍ଷ ଟିକମ ସିଂ ନାୟକ, ସମ୍ମାନିତ ଅତିଥି  ଏମପି ପ୍ରତିନିଧି ପ୍ରଶାନ୍ତ ପାରୀ, ସମିତିସଭ୍ୟା ସାରାଣୀ ନାୟକ ଯୋଗ ଦେଇଥିଲେ।  ବିଡିଓ ପ୍ରଫୁଲ୍ଲ ଚନ୍ଦ୍ର କହଁର ସଭାପତିତ୍ୱ କରିଥିଲେ ।

ଆଇନଜୀବୀ ପ୍ରତିନିଧି ଦଳ ଜିଲା ଯୋଗାଣ ବିଭାଗ ପରିଦର୍ଶନ

ଆଇନଜୀବୀ ପ୍ରତିନିଧି ଦଳ ଜିଲା ଯୋଗାଣ ବିଭାଗ ପରିଦର୍ଶନ

ନବରଙ୍ଗପୁର,୨୮।୯(ଡି.ଏନ୍‌.ଏ.)-ଜିଲା ଆଇନଜୀବୀ ସଂଘ ତରଫରୁ ସଭାପତି ନରସିଂହ ତ୍ରିପାଠୀ ଓ ସମ୍ପାଦକ ରାମ ପ୍ରସାଦ ପାତ୍ରଙ୍କ ନେତୃତ୍ୱରେ ଏକ ୧୫ ଜଣିଆ ପ୍ରତିନିଧି ଦଳ ଜିଲା ଯୋଗାଣ ବିଭାଗ ପରିଦର୍ଶନ କରି ସରକାରଙ୍କ ବିଭିନ୍ନ ଯୋଜନା ଓ ସେଗୁଡିକର ସଫଳ ରୂପାୟନ ସମ୍ବନ୍ଧରେ ଆଲୋଚନା କରିଥିଲେ । ବରିଷ୍ଠ ନାଗରିକମାନଙ୍କ ପାଇଁ ରହିଥିବା ରାସନ କାର୍ଡ ଜିଲାର ଅନେକ ବରିଷ୍ଠ ନାଗରିକ ପାଇ  ନ ଥିବାର ଅଭିଯୋଗ ସମ୍ପର୍କରେ ପଚାରି ବୁଝିଥିଲେ।  ଯୋଗାଣ ଅଧିକାରୀ କହିଥିଲେ ଯେ, ଏଥିପାଇଁ ସରକାରଙ୍କ ତରଫରୁ କାର୍ଡ ଯୋଗାଣ ପାଇଁ ଅଗଷ୍ଟ ୩ରୁ ସେପ୍ଟେମ୍ବର ୩ ପର୍ଯ୍ୟନ୍ତ ଦିନ ଧାର୍ଯ୍ୟ ଥିଲା । ଅନେକ ନାଗରିକ ଏହି ସୁବିଧା ପାଇ  ନ ଥିବାରୁ ସରକାର ପୁଣି ଏହାକୁ ସେପ୍ଟେମ୍ବର ୧୦ ପର୍ଯ୍ୟନ୍ତ ବୃଦ୍ଧି କରିଥିଲେ। ଯଦି ଏହି ସୁବିଧାରୁ ବଞ୍ଚତ୍ତ ହୋଇ ଜିଲାର କେହି ବ୍ୟକ୍ତି ଥାଆନ୍ତି ତା’ହେଲେ ସେମାନେ ପିଡି ଡିଆରଡିଏ ତଥା ନୋଡାଲ ଅଫିସରଙ୍କୁ ଅଭିଯୋଗ କଲେ ସେମାନଙ୍କୁ କାର୍ଡ ଯୋଗାଣ କରାଯିବ । 

ଆମ ଗାଁ ଆମ ବିକାଶ କାର୍ଯ୍ୟକ୍ରମ : ୧୩୪ ପ୍ରକଳ୍ପ ପାଇଁ ୩ କୋଟି ଅନୁମୋଦିତ

ଆମ ଗାଁ ଆମ ବିକାଶ କାର୍ଯ୍ୟକ୍ରମ : ୧୩୪ ପ୍ରକଳ୍ପ ପାଇଁ ୩ କୋଟି ଅନୁମୋଦିତ

ଡାବୁଗାଁ,୨୮।୯(ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ ଭୈରବ ମନ୍ଦିର ପଡିଆରେ  ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସି ଜରିଆରେ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ବ୍ଲକର ୧୩୪ ଟି ପ୍ରକଳ୍ପ ପାଇଁ ୩ କୋଟି ଟଙ୍କା ଅନୁମୋଦନ କରିଥିଲେ । କାର୍ଯ୍ୟକ୍ରମରେ ୧୨ଟି ପଞ୍ଚାୟତର ଜନସାଧାରଣ ଯୋଗ ଦେଇଥିଲେ । ଏଲସିଡି ମାଧ୍ୟମରେ ରାଜ୍ୟ ସରକାରଙ୍କ ନବରଙ୍ଗପୁର ଜିଲା ଡାବୁଗାଁ ବ୍ଲକ୍‌ରେ ବିଭିନ୍ନ ଜନହିତକର ଯୋଜନାକୁ ପ୍ରଦର୍ଶିତ କରାଯାଇଥିଲା । ଗୋଷ୍ଠୀ ଉନ୍ନୟନ ଅଧିକାରୀ ଗୌରହରି ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅନୁସୂଚିତ ଜାତି ଓ ଜନଜାତି, ସଂଖ୍ୟାଲଘୁ ପଛୁଆବର୍ଗ ବିକାଶ ମନ୍ତ୍ରୀ ରମେଶ ଚନ୍ଦ୍ର ମାଝୀ, ସମ୍ମାନିତ ଅତିଥି ଏମପି ବଳଭଦ୍ର ମାଝୀ ଯୋଗ ଦେଇ ରାସ୍ତା, ପାନୀୟଜଳ ,ସ୍ବାସ୍ଥ୍ୟ , ଶିକ୍ଷା ଭଳି ଯୋଜନା ଉପରେ କହିଥିଲେ ।

ଆଇନ ବ୍ୟବସ୍ଥା ନେଇ ମହିଳା କମିଶନ ପକ୍ଷରୁ ବୈଠକ

ଆଇନ ବ୍ୟବସ୍ଥା ନେଇ ମହିଳା କମିଶନ ପକ୍ଷରୁ ବୈଠକ

ନବରଙ୍ଗପୁର,୨୮।୯(ବି.ପ୍ର.)- ସ୍ଥାନୀୟ ମିଶନଶକ୍ତି ବୈଠକ ଗୃହରେ  ଓଡିଶା ମହିଳା କମିଶନ ଅଧ୍ୟକ୍ଷା ଲୋପାମୁଦ୍ରା ବକ୍ସିପାତ୍ରଙ୍କ ଅଧ୍ୟକ୍ଷତାରେ ଆମେ କେତେ ଆଇନ ଜାଣିଛେ ଏହି ଉଦ୍ଦେଶ୍ୟରେ ପୋଲିସ ଓ   ବିଭିନ୍ନ ବିଭାଗକୁ ନେଇ ଏକ ବୈଠକ ଅନୁଷ୍ଠିତ  ହୋଇଛି ।  ଜିଲାରେ ଚେଙ୍କ ଚିକିତ୍ସାକୁ ବନ୍ଦ କରିବା ନେଇ ସଚେତନତା ଉପରେ ଗୁରୁତ୍ୱାରୋପ କରାଯାଇଥିଲା । ୪ ହଜାର ୪ଶହ ଦିଶାରିଙ୍କୁ ଜ୍ୟୋତି ସଚେତନତା କାର୍ଯ୍ୟକ୍ରମ ମାଧ୍ୟମରେ ସଚେତନ କରାଯାଇଛି । ବ୍ଲକ ଓ ପଞ୍ଚାୟତ ସ୍ତରରେ ଆଞ୍ଚଳିକ ଭାଷାରେ ସଚେତନ କରାଯିବା ସହ ସଂକ୍ଷିପ୍ତ ଭିଡିଓ ମାଧ୍ୟମରେ ମଧ୍ୟ ସଚେତନ କରାଯାଇଛି ବୋଲି ସୂଚନା ଦିଆଯାଇଥିଲା ।ତେବେ ଅଙ୍ଗନୱାଡି ଓ ଆଶମାନଙ୍କୁ ମଧ୍ୟ ସଚେତନ କରାଯିବାକୁ କୁହାଯାଇଛି।  ବଳାତ୍କାର ଘଟଣାରେ ପୀଡୀତାଙ୍କୁ ସହାୟତା ପୂର୍ବରୁ ୩ ଲକ୍ଷ ଟଙ୍କା ରହିଥିଲା ।

ଦେବେନ୍ଦ୍ର ଜଣେ ବିଶିଷ୍ଟ ବାଦ୍ୟଶିଳ୍ପୀ ଭାବେ ବେଶ ପରିଚିତ

ଦେବେନ୍ଦ୍ର ଜଣେ ବିଶିଷ୍ଟ ବାଦ୍ୟଶିଳ୍ପୀ ଭାବେ ବେଶ ପରିଚିତ

ପାରଳାଖେମୁଣ୍ଡି,୨୮।୯(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ସହରର ସୁପରିଚିତ କଳାକାର ତଥା ବାଦ୍ୟଯନ୍ତ୍ର ବାଦକ ଦେବେନ୍ଦ୍ର ପ୍ରଧାନଙ୍କ ବିୟୋଗରେ କରଣସାହିସ୍ଥିତ ବିଜୟ କ୍ଲବ ପରିସରରେ ଏକ ଶୋକସଭା ଆୟୋଜିତ ହୋଇଯାଇଛି ।

ଲକ୍ଷ୍ମୀପୂଜା ପାଇଁ ଶୁଭଖୁଣ୍ଟି ସ୍ଥାପନ

ଲକ୍ଷ୍ମୀପୂଜା ପାଇଁ ଶୁଭଖୁଣ୍ଟି ସ୍ଥାପନ

ପାରଳାଖେମୁଣ୍ଡି,୨୮।୯(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ପୌରପରିଷଦ ଅନ୍ତର୍ଗତ ଓଡିଆ ଭଣ୍ଡାରୀ ସାହି ଲକ୍ଷ୍ମୀ ପୂଜା କମିଟି ପକ୍ଷରୁ ଚଳିତ ବର୍ଷ ପୂଜା ପାଇଁ ଶୁଭଖୁଣ୍ଟି ସ୍ଥାପନ କରାଯିବା ସହ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଇଛି । 

ବିଶ୍ୱ ପର୍ଯ୍ୟଟନ ଦିବସରେ ପଦଯାତ୍ରା

ବିଶ୍ୱ ପର୍ଯ୍ୟଟନ ଦିବସରେ ପଦଯାତ୍ରା

ପାରଳାଖେମୁଣ୍ଡି, ୨୮।୯(ସ୍ବ.ପ୍ର.)-ଗଜପତି ଜିଲା ପର୍ଯ୍ୟଟନ ବିଭାଗ ପକ୍ଷରୁ ପାରଳାଖେମୁଣ୍ଠିଠାରେ ବିଶ୍ୱ ପର୍ଯ୍ୟଟନ ଦିବସ ପାଳିତ ହୋଇଯାଇଛି। ଏହି ଅବସରରେ ସଚେତନତା ପଦଯାତ୍ରା, ସାଇକେଲ ଶୋଭାଯାତ୍ରା ଓ ସ୍ବଚ୍ଛ ଭାରତ ସହ ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଜିଲାପାଳ ଅନୁପମ ଶାହା ପତାକା ଦେଖାଇ ପଦଯାତ୍ରା ଓ ଶୋଭାଯାତ୍ରାର ଶୁଭାରମ୍ଭ କରିଥିଲେ। ଛାତ୍ରୀଛାତ୍ରଙ୍କୁ ଐତିହ୍ୟ ସମ୍ପନ୍ନ ପାରଳା ମହାରାଜାଙ୍କ ନିବାସ ଓ ବସନ୍ତ ନିବାସ ପ୍ରଭୃତି ଦେଖାଯାଇ ପର୍ଯ୍ୟଟନ ଉପରେ ସଚେତନତା ସୃଷ୍ଟି କରାଯାଇଥିଲା। 

ଜିଲାପାଳଙ୍କ ଦ୍ୱାରସ୍ଥ ହେଲେ ୬ ଗାଁର ବାସିନ୍ଦା

ପାରଳାଖେମୁଣ୍ଡି,୨୮।୯(ସ୍ବ.ପ୍ର.)-ଗଜପତି ଜିଲା ନୂଆଗଡ ବ୍ଲକ ଅଧୀନ ୬ଟି ଗ୍ରାମ ଆଟିଲିମ୍ମା, ପାଇକପଦା, ଚାଞ୍ଚଡାସାହି, ଡେକାପଲ୍ଲୀ, ବୁର୍କାପେଟା, ରାମଗିରିର ୧୩୦ରୁ ଊର୍ଦ୍ଧ୍ୱ ପରିବାର ନିଜ ପଞ୍ଚାୟତ ପରିବର୍ତ୍ତନ ଦାବିରେ  ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ସେମାନଙ୍କ ଗ୍ରାମଗୁଡ଼ିକଠାରୁ ନୂତନ ସୁନ୍ଦରଡାଙ୍ଗ ପଞ୍ଚାୟତ କାର୍ଯ୍ୟାଳୟ ପ୍ରାୟ ୨୦କି.ମି ଦୂର ହୋଇଥିବାରୁ ବିଭିନ୍ନ କାମରେ ସେଠାକୁ ଯିବା ପାଇଁ ହଇରାଣ ହେବାକୁ ପଡୁଛି।

ଔଦ୍ୟୋଗିକ ବିକାଶ ତାଲିମ ଶିବିର

ଔଦ୍ୟୋଗିକ ବିକାଶ ତାଲିମ ଶିବିର

ପାରଳାଖେମୁଣ୍ଡି, ୨୮।୯(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡିସ୍ଥିତ ଆନ୍ଧ୍ରବ୍ୟାଙ୍କ ଗ୍ରାମୀଣ ଆତ୍ମନିଯୁକ୍ତି ତାଲିମ କେନ୍ଦ୍ରରେ  ଔଦ୍ୟୋଗିକ ବିକାଶ ସଂକ୍ରାନ୍ତ ତାଲିମ ଶିବିର ଆରମ୍ଭ ହୋଇଛି। ଶିବିରକୁ ଜିଲା ଅଗ୍ରଣୀ ବ୍ୟାଙ୍କ ପରିଚାଳକ ଦାମୋଦର ଉଗୁର୍‌ସାଣ୍ଡି ଓ ଜିଲା ଶିଳ୍ପକେନ୍ଦ୍ର ନିରୀକ୍ଷକ ମନୋଜ ମହାପାତ୍ର ଉଦଘାଟନ କରିଥିଲେ। ଏହା ୧୦ଦିନ ଧରି ଚାଲିବ। ଏଥିରେ ଜିଲାର ବିଭିନ୍ନ ପ୍ରାନ୍ତରୁ ୧୨ଜଣ ହିତାଧିକାରୀ ଯୋଗଦେଇଛନ୍ତି।

ବ୍ଲକ କୃଷକ ପରାମର୍ଶ କମିଟି ବୈଠକ

ବ୍ଲକ କୃଷକ ପରାମର୍ଶ କମିଟି ବୈଠକ

ଡାବୁଗାଁ,୨୮।୯(ଡି.ଏନ୍‌.ଏ.): ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା କୃଷି ସୂଚନା ଓ ପରାମର୍ଶ କେନ୍ଦ୍ରଠାରେ ବ୍ଲକ କୃଷକ ପରାମର୍ଶ କମିଟିର ବୈଠକ ଗୁରୁବାର ଅନୁଷ୍ଠିତ ହୋଇଯାଇଛି। 

ଅସହାୟ ବୃଦ୍ଧଙ୍କୁ ନୂଆ ଜୀବନ ଦେଲେ  ଆମ୍ବୁଲାନ୍ସ ଡ୍ରାଇଭର

ଅସହାୟ ବୃଦ୍ଧଙ୍କୁ ନୂଆ ଜୀବନ ଦେଲେ ଆମ୍ବୁଲାନ୍ସ ଡ୍ରାଇଭର

ମାଥିଲି, ୨୮।୯ (ଡି.ଏନ.ଏ.) - ମାଲକାନଗିରି ଜିଲା ମାଥିଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ୧୦୮ ଆମ୍ବୁଲାନ୍ସ ଡ୍ରାଇଭର ପୁଣି ଜଣଙ୍କ ଜୀବନ ରକ୍ଷା କରି ସ୍ଥାନୀୟ ଅଞ୍ଚଳରେ ଉଦାହରଣ ପାଲଟିଛନ୍ତି ।  ଅସହାୟ ବୃଦ୍ଧଙ୍କ ପାଇଁ ରକ୍ତ ଯୋଗାଡ କରି ତାଙ୍କୁ ନୂଆ ଜୀବନ ଦେଇଛନ୍ତି । ୧୦୮ ଆମ୍ବୁଲାନ୍ସ ଡ୍ରାଇଭର ଏ. କ୍ରିଷ୍ଣା ରାଓ ପୂର୍ବରୁ ପ୍ରଥମେ ଜଣେ ଅସହାୟ ମହିଳାଙ୍କୁ ନିଜ ରକ୍ତ ଦେଇ ତାଙ୍କ ଜୀବନ ବଞ୍ଚାଇଥିଲେ। ଏବେ ଜଣେ ଉପାନ୍ତ ଗାଁର ଅସହାୟ ବୃଦ୍ଧଙ୍କ ପାଇଁ ରକ୍ତ ଯୋଗାଡ କରି ତାଙ୍କ  ଜୀବନଦାତା ପାଲଟିଛନ୍ତି। 

ଛାତ୍ରୀମାନେ ଆତ୍ମରକ୍ଷା କୌଶଳ ଶିଖିବା ଜରୁରୀ

ଛାତ୍ରୀମାନେ ଆତ୍ମରକ୍ଷା କୌଶଳ ଶିଖିବା ଜରୁରୀ

ଲମତାପୁଟ,୨୮ା୯(ଡି.ଏନ୍‌.ଏ): କୋରାପୁଟ ଜିଲା ଲମତାପୁଟ ବ୍ଲକ୍‌ ଡ. ଭୀମରାଓ ଆମ୍ବେଦକର ଜୁନିଅର କଲେଜରେ ଆତ୍ମରକ୍ଷା ତାଲିମ୍‌ ଶିବିର ଅନୁଷ୍ଠିତ ହୋଇଛି। ଶିବିରରେ କୋରାପୁଟ ଡିଏଲ୍‌ସି ରବିନାରାୟଣ ସୂତାର, ଆତ୍ମରକ୍ଷା ଶିବିରର ଜିଲା ସଂଯୋଜକ ବିଶ୍ୱଜିତ ପ୍ରଧାନ ଅତିଥିଭାବେ ଯୋଗଦେଇ ଛାତ୍ରୀମାନେ ଆତ୍ମରକ୍ଷା ନିମନ୍ତେ ତାଲିମ୍‌ ନେବା ଆବାଶ୍ୟକ ବୋଲି ମତବ୍ୟକ୍ତ କରିଛନ୍ତି।  ଝିଅ ଏବଂ ମହିଳାଙ୍କୁ ସମ୍ମାନ ଦେବା ସମସ୍ତଙ୍କ କର୍ତ୍ତବ୍ୟ । ସେମାନଙ୍କ ଉପରେ ହେଉଥିବା ଅତ୍ୟାଚାର ରୋକିବା ଆମର ଦାୟିତ୍ୱ । ଆତ୍ମରକ୍ଷା କୌଶଳ ଶିକ୍ଷିବା ଦ୍ୱାରା ମାନସିକ ସ୍ଥିର ରହିଥାଏ। 

ଲଗାଣ ବର୍ଷା ପ୍ରଭାବ:ଭାଙ୍ଗିଲା ଘର , ଭୁଶୁଡ଼ିଲା ଫାର୍ମ ହାଉସ୍‌

ଲଗାଣ ବର୍ଷା ପ୍ରଭାବ:ଭାଙ୍ଗିଲା ଘର , ଭୁଶୁଡ଼ିଲା ଫାର୍ମ ହାଉସ୍‌

କୁନ୍ଦୁରା,୨୮ା୯(ଡି.ଏନ୍‌.ଏ):  କୁନ୍ଦୁରା ବ୍ଲକ୍‌ ଘୁମୁରା ପଞ୍ଚାୟତ ସଦରର ଅବସରପ୍ରାପ୍ତ ଶିକ୍ଷକ ବିଜୟ ପଟ୍ଟନାୟକଙ୍କ ଘର ଭାଙ୍ଗିଯାଇଛି। ଲଗାଣ ବର୍ଷାରେ ଘର ନିକଟରେ ପାଣି ଜମି ସନ୍ତସନ୍ତିଆ ହୋଇଥିଲା। ବର୍ଷା ଛାଡିବା ପରେ  କାନ୍ଥ ଦୁର୍ବଳ ହୋଇପଡ଼ିବାରୁ ଘର ଭାଙ୍ଗିପଡ଼ିଛି। ସେହପିରି ଅନିଲ ପଟ୍ଟନାୟକଙ୍କ ଘର ନିକଟସ୍ଥ ଗୁହାଳ ଓ ଫାର୍ମ ହାଉସ୍‌ ଭୁଶୁଡ଼ି ପଡ଼ିଛି। ସରକାର ସହାୟତା ଘୋଷଣା କରିବା ପାଇଁ ଦାବି ହୋଇଛି। ଫାର୍ମ ହାଉସ ଭୁଶୁଡ଼ି ପଡ଼ିବା ଫଳରେ ପରିବାରର ଗୁଜୁରାଣ ମେଣ୍ଟାଇବା କଷ୍ଟ ହୋଇପଡୁଥିବା ଅନିଲ କହିଛନ୍ତି।

‘ସ୍ବଗର୍ତ ରାଜେନ୍ଦ୍ର ସିଂହ ପରୋପକାରୀ ଥିଲେ’

‘ସ୍ବଗର୍ତ ରାଜେନ୍ଦ୍ର ସିଂହ ପରୋପକାରୀ ଥିଲେ’

ସେମିଳିଗୁଡ଼ା,୨୮ା୯ (ସ୍ବ.ପ୍ର)-କୋରାପୁଟ ଜିଲା ସେମିଳିଗୁଡ଼ା ଶ୍ରୀ ଅରବିନ୍ଦ ପାଠାଗାରରେ ସ୍ବଗର୍ତ ରାଜେନ୍ଦ୍ର ସିଂହଙ୍କ ବିୟୋଗରେ ଏକ ସ୍ମୃତି ସଭା ଅନୁଷ୍ଠିତ ହୋଇଯାଇଛି। ୧୯୮୩ ବ୍ୟାଚ୍‌ର ଛାତ୍ର ରାଜେନ୍ଦ୍ର ଦୀର୍ଘ ଦିନ ଅସୁସ୍ଥ ରହିବା ପରେ ମୃତ୍ୟୁବରଣ କରିଥିଲେ। କାର୍ଯ୍ୟକ୍ରମରେ ସହପାଠୀ ଝାନ୍‌ସୀ ସିଂହ ପରିଚାଳନା କରି ବାଲ୍ୟ ବନ୍ଧୁତାର ମଧୂର ସମ୍ପର୍କ ବିଷୟରେ ଆଲୋକପାତ କରିଥିଲେ। ଅତିଥିଭାବେ ଅବସରପ୍ରାପ୍ତ ଶିକ୍ଷକ ତଥା ପାଠାଗାର ସଭାପତି କୈଳାସ ପଣ୍ଡା ସ୍ବଗର୍ତ ରାଜନ୍ଦ୍ର ଜଣେ ପରୋପକାରୀ ମଣିଷ ଥିଲେ ବୋଲି କହିଥିଲେ। ସଭାରେ  ସହପାଠୀ  ସୁରେନ୍ଦ୍ର ରାଉତ, ଏସ୍‌ ସିଂହ, ଈଶ୍ୱର ରାଓ, ପ୍ରମୋଦ ସ୍ବାଇଁ ପ୍ରମୁଖ ଯୋଗଦେଇଥିଲେ।  

ଲକ୍ଷ୍ମୀପୁର ବିଧାୟକଙ୍କ ଦଶମନ୍ତପୁର ବ୍ଲକ ଗସ୍ତ , କାର୍ଯ୍ୟ ସମୀକ୍ଷା

ଲକ୍ଷ୍ମୀପୁର ବିଧାୟକଙ୍କ ଦଶମନ୍ତପୁର ବ୍ଲକ ଗସ୍ତ , କାର୍ଯ୍ୟ ସମୀକ୍ଷା

ଦଶମନ୍ତପୁର,୨୮ା୯(ଡି.ଏନ୍‌.ଏ): ଦଶମନ୍ତପୁର ବ୍ଲକକୁ ଲକ୍ଷ୍ମୀପୁର ବିଧାୟକ  କୈଳାସ ଚନ୍ଦ୍ର କୁଲେସିକା ଏବଂ ଜିଲା କାର୍ଯ୍ୟକାରୀ ସଭାପତି ରୁପକ ତୁରୁକ ଅଚାନକ ଗସ୍ତ କରିଛନ୍ତି। ବିଡିଓ ଧମ୍ବୁରଧର ମଲ୍ଲିକ ଏବଂ ଜନ ସାଧାରଣଙ୍କୁ ନେଇ ଉନ୍ନୟନମୂଳକ କାର୍ଯ୍ୟଗୁଡ଼ିକର ସମୀକ୍ଷା କରିଛନ୍ତି।  ଏଥିସହ ଅଟକି ରହିଥିବା ପ୍ରକଳ୍ପ ଗୁଡ଼ିକର କାର୍ଯ୍ୟ ତ୍ୱାରାନିତ୍ୱ କରିବା ପାଇଁ ବିଡିଓଙ୍କୁ ନିର୍ଦ୍ଦେଶ ଦେଇଛନ୍ତି। ମାଣ୍ଡିଆଗୁଡ଼ା ଗ୍ରାମ ରାସ୍ତା , ପୋଲ, ଷ୍ଟ୍ରୀଟ ଲାଇଟ୍‌ ମରାମତି ପାଇଁ ବିଡିଓଙ୍କୁ ନିର୍ଦ୍ଦେଶ ଦିଆଯାଇଛି।

ରୋଡ୍‌ ରୋମିଓଙ୍କୁ ସାବାଡ଼ କରିବାକୁ ଅଣ୍ଟା ଭିଡ଼ିଲେ ଆଇପିଏସ୍‌ ସାଗରିକା

ରୋଡ୍‌ ରୋମିଓଙ୍କୁ ସାବାଡ଼ କରିବାକୁ ଅଣ୍ଟା ଭିଡ଼ିଲେ ଆଇପିଏସ୍‌ ସାଗରିକା

ଜୟପୁର,୨୭ା୯(ଡି.ଏନ୍‌.ଏ./ନି.ପ୍ର.): ଜୟପୁର ସହରରେ ରୋଡ ରୋମିଓଙ୍କୁ ସାବାଡ଼ କରିବା ପାଇଁ ଅଭିଯାନ ଆରମ୍ଭ କରିଛି ଜିଲା ପୋଲିସ। ଯୁବ ଆଇପିଏସ୍‌ ଅଧିକାରୀ ତଥା ସହକାରୀ ଏସ୍‌ପି ସାଗରିକା ନାଥଙ୍କ ନେତୃତ୍ୱରେ ପୋଲିସର ଏକ ସ୍ବତନ୍ତ୍ର ଟିମ୍‌ ବୁଧବାର ବିକ୍ରମଦେବ ସ୍ବୟଂଶାସିତ ମହାବିଦ୍ୟାଳୟ ନିକଟ ୨୬ ନମ୍ବର ଜାତୀୟ ରାଜପଥରେ ଏହି ଅଭିଯାନ ଆରମ୍ଭ କରିଛି।

ପହଞ୍ଚତ୍ଲା ୩,୫୫୫ ନୂତନ ଖାଉଟି କାର୍ଡ଼

ଜୟପୁର,୨୭ା୯(ଡି.ଏନ୍‌.ଏ.): ଜାତୀୟ ଖାଦ୍ୟ ସୁରକ୍ଷା ଆଇନ ଯୋଜନାରେ କୋରାପୁଟ ଜିଲାର ୮ଟି ବ୍ଲକ, ଦୁଇଟି ପୌରାଞ୍ଚଳ ଓ ଗୋଟିଏ ଏନ୍‌ଏସି ପାଇଁ ନୂତନ ହିତାଧିକାରୀଙ୍କ ଲାଗି ୩୫୫୫ କାର୍ଡ଼ ପହଞ୍ଚତ୍ଛି।

ଖୁସି ତାଲିମ ଶିବିର

ଖୁସି ତାଲିମ ଶିବିର

ଚନ୍ଦାହାଣ୍ଡି,୨୭।୯(ଡ଼ି.ଏନ.ଏ)-ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ସଭାଗୃହରେ ବ୍ଲକର ବିଭିନ୍ନ ବିଦ୍ୟାଳୟର ୫୭ ଜଣ ଶିକ୍ଷୟିତ୍ରୀମାନଙ୍କୁ ନେଇ ଖୁସି ତାଲିମ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ବ୍ଲକ ଶିକ୍ଷାଧିକାରୀ ଭଜନଲାଲ ମାଝି  ଅଧ୍ୟକ୍ଷତା କରିଥିଲେ। ଏହି ଉତ୍ସବରେ ବିଡ଼ିଓ ପ୍ରଫୁଲ୍ଲ କୁମାର କହଁର ମୁଖ୍ୟଅତିଥି, ମଙ୍ଗଳ ଅଧିକାରୀ ଅଜୟ କୁମାର ମଲ୍ଲିକ, ଅତିରିକ୍ତ ବ୍ଲକ ଶିକ୍ଷାଧିକରୀ ଶୁଶିଳା ଯୋଦ୍ଧାର, ପୁରୁଷୋତ୍ତମ ପାରୀ,ଜିଲା ବାଳିକା ସଂଯୋଜିକା ରାଜଲକ୍ଷ୍ମୀ ପଣ୍ଡା ସମ୍ମାନିତ ଅତିଥି ଭାବେ ଯୋଗ ଦେଇ ଖୁସି କାର୍ଯ୍ୟକ୍ରମ ସମ୍ପର୍କରେ କହିଥିଲେ ।

ଛାତ୍ରଛାତ୍ରୀଙ୍କ ସଚେତନତା ଶୋଭାଯାତ୍ରା: ପଯର୍‌ୟଟକଙ୍କୁ ଫୁଲ, ଚକୋଲେଟ ଦେଇ ସ୍ବାଗତ

ଛାତ୍ରଛାତ୍ରୀଙ୍କ ସଚେତନତା ଶୋଭାଯାତ୍ରା: ପଯର୍‌ୟଟକଙ୍କୁ ଫୁଲ, ଚକୋଲେଟ ଦେଇ ସ୍ବାଗତ

କୋରାପୁଟ,୨୭।୯(ସ୍ବ.ପ୍ର)- ୩୮ତମ ବିଶ୍ୱ ପର୍ଯ୍ୟଟନ ଦିବସ ଅବସରରେ  ଗୁରବାର କୋରାପୁଟ ଜିଲା ପ୍ରଶାସନ ପକ୍ଷରୁ ଛାତ୍ରଛାତ୍ରୀମାନଙ୍କ ଦ୍ୱାରା ଏକ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ଅବସରରେ ସ୍ଥାନୀୟ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରୁ  ଏକ ଶେଭାଯାତ୍ରା ବାହାରିଥିଲା।  ଜିଲାପାଳ କେ.ସୁଦର୍ଶନ ଚକ୍ରବର୍ତ୍ତୀ ମୁଖ୍ୟ ଅତିଥି ଓ ଡିଆରଡିଏର ପ୍ରକଳ୍ପ ନିର୍ଦ୍ଦେଶକ ଦେବେନ ପ୍ରଧାନ ସମ୍ମାନିତ ଅତିଥି ଭାବେ  ଯୋଗ ଦେଇ ସବୁଜ ପତକା ଦେଖାଇ ଏହାର ଶୁଭାରମ୍ଭ କରିଥିଲେ। ଏଥିସହିତ ପର୍ଯ୍ୟଟନ ଦିବସର ମୁଖ୍ୟ ଉଦେଶ୍ୟ ସମ୍ପର୍କରେ ଆଲୋକପାତ କରିଥିଲେ ।

ରାୟଗଡାରେ ଜ୍ଞାନ ସଂଯୋଗ କାର୍ଯ୍ୟକ୍ରମ

ରାୟଗଡାରେ ଜ୍ଞାନ ସଂଯୋଗ କାର୍ଯ୍ୟକ୍ରମ

ରାୟଗଡା ଅଫିସ୍‌, ୨୭।୯- ସ୍ଥାନୀୟ ବଂଶୀକ୍ରିଷ୍ଣା ସମ୍ମିଳନୀ କକ୍ଷରେ ରାୟଗଡା ଜିଲା ପ୍ରଶାସନ, ୟୁନିସେଫ୍‌ ଓଡ଼ିଶାର ମିଳିତ ସହଯୋଗରେ ଜ୍ଞାନ ସଂଯୋଗ କାର୍ଯ୍ୟକ୍ରମ ଶୁଭାରମ୍ଭ କରାଯାଇଛି। ଜିଲାପାଳ ଗୁହାପୁନମ ତାପସ କୁମାରଙ୍କ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ  ରାଜ୍ୟସଭା ଏମ୍‌ପି ଏନ୍‌.ଭାସ୍କର ରାଓ ମୁଖ୍ୟ ଅତିଥି,   ବିଧାୟକ ଲାଲ୍‌ବିହାରୀ ହିମିରିକା ସମ୍ମାନିତ ଅତିଥି ଓ  ଜଗନ୍ନାଥ ନୁଣ୍ଡ୍ରୁକା ମୁଖ୍ୟବକ୍ତା ଭାବେ ଯୋଗ ଦେଇଥିଲେ। ୟୁନିସେଫ୍‌ର ଏଜୁକେଶନ ସ୍ପେଶାଲିଷ୍ଟ ଲଳିତା ପଟ୍ଟନାୟକ ମଧ୍ୟ ଏଥିରେ ଉପସ୍ଥିତ ଥିଲେ। ରାୟଗଡା ଜିଲାରେ ଶିକ୍ଷା ଓ ଶିଶୁ ସୁରକ୍ଷାର ମାନ ସୁଦୃଢ଼ କରିବା ସହ ସବୁ ପିଲା ଯେମିତି ବିଦ୍ୟାଳୟ ଯିବା ସହ ଗୁଣାତ୍ମକ ଶିକ୍ଷା ପାଇପାରିବେ ସେଥିପାଇଁ ଆଲୋଚନା ହୋଇଥିଲା।  

ଅଭିଭାବକ,  ଶିକ୍ଷକ ସଂଘ ବୈଠକ

ଅଭିଭାବକ, ଶିକ୍ଷକ ସଂଘ ବୈଠକ

  ରାୟଗଡା ଅଫିସ୍‌/ଜେକେପୁର, ୨୭।୯(ଡି.ଏନ୍‌.ଏ)- ରାୟଗଡା ଜିଲା କୋଲନରା ବ୍ଲକ ଅଣ୍ଟାମୋଡା ଉଚ୍ଚ ବିଦ୍ୟାଳୟରେ  ଅଭିଭାବକ ଓ ଶିକ୍ଷକ ସଂଘ ବୈଠକ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସୁଲତା ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ  ବିଷମକଟକ ବିଧାୟକ ଜଗନ୍ନାଥ ସାରକା, କୋଲନରା ଜିଲା ପରିଷଦ ଏ ଜୋନ ସଭ୍ୟା  ସୋମୀ ହିମିରିକା, ଦୁନ୍ଦୁଲି   ସରପଞ୍ଚ ଅଭି ହିମିରିକାଙ୍କ ସମେତ ବହୁ ଅଭିଭାବକ, ଭଦ୍ରବ୍ୟକ୍ତି ଉପସ୍ଥିତ ଥିଲେ। 

କାମରେ ଆସୁନି ଭ୍ରାମ୍ୟମାଣ ବ୍ୟାଙ୍କ

କାମରେ ଆସୁନି ଭ୍ରାମ୍ୟମାଣ ବ୍ୟାଙ୍କ

ଟିକିରି, ୨୭।୯ (ଡି.ଏନ୍‌.ଏ.)-ରାୟଗଡ଼ା ଜିଲା କାଶୀପୁର ବ୍ଲକ ଟିକିରି ଅଞ୍ଚଳର ଚାଷୀଙ୍କ ପାଇଁ ରହିଥିବା  ସମବାୟ ସମିତିର ଭ୍ରାମ୍ୟମାଣ ବ୍ୟାଙ୍କ ଗାଡି କାମରେ ଆସୁନି। ଗାଡିର ଠିକଣା ପାଲଟିଛି ଟିକିରି ଲ୍ୟାମ୍ପ୍‌ସ ଗୋଦାମ ଗୃହ। ଅନ୍ୟପକ୍ଷେ ଭ୍ରାମ୍ୟମାଣ ବ୍ୟାଙ୍କ ସେବା ପାଇବାରୁ ବଞ୍ଚିତ ହେଉଛନ୍ତି ଦୁର୍ଗମ ଅଞ୍ଚଳବାସୀ। ଏ ନେଇ ଚାଷୀଙ୍କ ମହଲରେ ଅସନ୍ତୋଷ ବଢ଼ିବାରେ ଲାଗିଛି।

ଏମ୍‌ବିଏ ବିଭାଗରେ ଦିନିକିଆ ଆଲୋଚନାଚକ୍ର

ଏମ୍‌ବିଏ ବିଭାଗରେ ଦିନିକିଆ ଆଲୋଚନାଚକ୍ର

ଗୁଣପୁର,୨୭।୯(ଡି.ଏନ୍‌.ଏ.):ରାୟଗଡା  ଜିଲା ଗୁଣପୁର  ଜିଆଇଇଟି  ଟୋନମସ କଲେଜ    ଏମ୍‌ବିଏ ବିଭାଗର ଦିନିକିଆ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି।  ଏହି ଅବସରରେ ବ୍ରହ୍ମପୁର ବିଶ୍ୱବିଦ୍ୟାଳୟ କୁଳପତି ପ୍ରଫେସର ରାଜେନ୍ଦ୍ର ପ୍ରସାଦ ଦାସ ମୁଖ୍ୟ ଅତିଥି ଭାବେ ଯୋଗଦେଇ କର୍ମଶାଳାକୁ ଉଦ୍‌ଘାଟନ କରିଥିଲେ। ଅନୁଷ୍ଠାନ  ଅଧ୍ୟକ୍ଷ କେ.ସେନ୍ଥିଲ କୁମାର ସମ୍ମାନିତ ଅତିଥିଭାବେ ଯୋଗଦେଇ କର୍ମଶାଳାର ଆବଶ୍ୟକତା ସମ୍ବନ୍ଧରେ ଆଲୋକପାତ କରିଥିଲେ। 

ସମସ୍ୟା ସମାଧାନ ପାଇଁ  ଦାବିପତ୍ର

ସମସ୍ୟା ସମାଧାନ ପାଇଁ ଦାବିପତ୍ର

ଗୁଣପୁର,୨୭।୯(ଡି.ଏନ୍‌.ଏ.)-ରାୟଗଡା ଜିଲା ଗୁଣପୁର ଯୁବ ଉନ୍ନୟନ ସଂଗଠନ ପକ୍ଷରୁ ସ୍ବଚ୍ଛତା ସମ୍ପର୍କିତ ବିଭିନ୍ନ ସମସ୍ୟା ନେଇ ଉପଜିଲାପାଳ ଅମ୍ରିତ ଋତୁରାଜ ଏବଂ ପୌର ପରିଷଦର ନିର୍ବାହୀ ଅଧିକାରୀ ଭାବଗ୍ରାହୀ ସାହୁଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି।  ସହରର ବିଭିନ୍ନ ସ୍ଥାନରେ   ଛତୁ ଫୁଟିଲା ପରି ହୋଟେଲ, ଉଠାଦୋକାନ, ଠେଲା ଦୋକାନ ଗଢି ଉଠୁଛି। ଏଥିରେ ଫାଷ୍ଟଫୁଡ ଭଳି ଓ ବିଭିନ୍ନ ରନ୍ଧାଖାଦ୍ୟ ବିକ୍ରି ହେଉଛି। କିନ୍ତୁ ସେଗୁଡିକର ମାନ ଯାଞ୍ଚ କରାଯାଉ ନାହିଁ। ଏହାଛଡା  ଅସ୍ବାସ୍ଥ୍ୟକର ପରିବେଶରେ ଖାଦ୍ୟ ବିକ୍ରି କରାଯାଉଛି।