ରାୟଗଡା

ଗଞ୍ଜେଇ ଜବତ, ଜଣେ ଗିରଫ

ବାଇକରେ ଗଞ୍ଜେଇ ନେଇ ଯାଉଥିବା ବେଳେ ମାଲକାନଗିରି ଓର୍‌କେଲ ଥାନା ପୋଲିସ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେ ହେଲେ ଏମ୍‌ଭି-୩୪ ଗ୍ରାମର ମଣ୍ଟୁ ବିଶ୍ୱାସ। ନିଳାଦ୍ରୀଗିରି ପଞ୍ଚାୟତ ସୋଲକୁଣ୍ଡା ବ୍ୟାରେଜରେ ଏସ୍‌ଆଇ ସନ୍ତୋଷୀ ବାରିକଙ୍କ ନେତୃତ୍ୱରେ ପୋଲିସ ଗାଡି ଯାଞ୍ଚ କରୁଥିବା ସମୟରେ ଏମ୍‌ଭି-୧୨୦ଗ୍ରାମ ପଟୁ ଏକ ବାଇକ(ଓଆର୍‌-୧୦ଏଫ୍‌-୯୯୭୪)ରେ ମଣ୍ଟୁ ଗଞ୍ଜେଇ ନେଇ ଯାଉଥିଲେ। ପୋଲିସର ସନ୍ଦେହ ହେବାରୁ ଗାଡିକୁ ଅଟକାଇ ଯାଞ୍ଚ କରିଥିଲେ। ପୋଲିସ ତାଙ୍କଠାରୁ ୨୧ କେଜି ଗଞ୍ଜେଇ ଜବତ କରିଥିଲେ। ମଣ୍ଟୁ ମାଲକାନଗିରି ଥାନା ପଦ୍ମଗିରି ଗ୍ରାମକୁ ଗଞ୍ଜେଇ ନେଇ ଯାଉଥିବା ତଦନ୍ତକାରୀ ଅଫିସର ସରୋଜ ସେଠୀ କହିଛନ୍ତି।

ଆମ ଗାଁ ଆମ ବିକାଶ ପାଇଁ ପ୍ରସ୍ତୁତି

ଆମ ଗାଁ ଆମ ବିକାଶ ପାଇଁ ପ୍ରସ୍ତୁତି

ଖଇରପୁଟ, ୮।୬(ଡି.ଏନ.ଏ.): ଆମ ଗାଁ ଆମ ବିକାଶ ବ୍ଲକସ୍ତରୀୟ କାର୍ଯ୍ୟକ୍ରମ ଲାଗି ଗୁରୁବାର ମାଲକାନଗିରି ଜିଲା ଖଇରପୁଟ ବ୍ଲକ କାର୍ଯ୍ୟାଳୟରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଜିଲାର ଏହା ପ୍ରଥମ ବ୍ଲକସ୍ତରୀୟ କାର୍ଯ୍ୟକ୍ରମ ହୋଇଥିବାରୁ ପ୍ରଶାସନ ତରଫରୁ ତତ୍ପରତା ପ୍ରକାଶ ପାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନ୍‌ଫରେନ୍ସ ମାଧ୍ୟମରେ ସିଧାସଳଖ ବ୍ଲକର ସମସ୍ତ ସରପଞ୍ଚ ଓ ଲୋକ ପ୍ରତିନିଧିମାନଙ୍କ ସହ ଉନ୍ନୟନ ସମ୍ପର୍କିତ ଆଲୋଚନା କରିବେ। ଚିତ୍ରକୋଣ୍ଡା ବିଧାୟକ ଡମ୍ବରୁ ଶିଶାଙ୍କ ସହ ଜିଲାସ୍ତରୀୟ ଅଧିକାରୀ ପିଡି ଡିଆରଡିଏ ପରାଗ ହର୍ଷଦ ଗାଭାଲି, ପିଏ ଆଇଟିଡିଏ ରାମକୃଷ୍ଣ ଗଣ୍ଡ, ଆରଡି ଏକ୍‌ଜିକ୍ୟୁଟିଭ ଇଞ୍ଜିନିୟର କେ. ବରାପ୍ରସାଦ ରାଓ, ବିଡିଓ ଡମ୍ବରୁଧର ମଲ୍ଲିକ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିଥିଲେ।

ଚାଷୀ ସମବାୟ ସମିତିର ବାର୍ଷିକ ସଭା

ଚାଷୀ ସମବାୟ ସମିତିର ବାର୍ଷିକ ସଭା

ଜୟପୁର,୮।୬(ନି.ପ୍ର.): ପାଟଣେଶ୍ୱରୀ ଚାଷୀ ସମବାୟ ସମିତି ଲିଃର ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇଛି। ସ୍ଥାନୀୟ କଲ୍ୟାଣ ମଣ୍ଡପରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ ନାବାର୍ଡ ଏଜିଏମ ମୁରଲି ମିଶ୍ର, ମୁଖ୍ୟବକ୍ତା ଭାବେ ଆସିଷ୍ଟାଣ୍ଟ ଏଆରସିଏସ ଅଶୋକ କୁମାର ଭଟ୍ଟ ମିଶ୍ର ଯୋଗ ଦେଇଥିଲେ। ଅନ୍ୟ ଅତିଥିଙ୍କ ମଧ୍ୟରେ ସିଣ୍ଡିକେଟ ବ୍ୟାଙ୍କର ଶାଖା ପରିଚାଳକ କେ. ସୁରେଶ ରେଡ୍ଡୀ, ସହକାରୀ ଶାଖା ପରିଚାଳକ ରଞ୍ଜିତ କୁମାର ଦାସ, ଆକ୍ସିସ ବ୍ୟାଙ୍କର ଡିଏସଏମ୍‌ ସାର୍ଥକ ସବ୍ୟସାଚୀ ନାୟକ ଯୋଗ ଦେଇଥିଲେ। ଏହି ଅବସରରେ ୨୦୧୭-୧୮ ବର୍ଷର ଆୟ ଓ ବ୍ୟୟ ଉପସ୍ଥାପନ କରାଯାଇଥିଲା।

ନଳକୂପ ଓ ପାଣି ଟାଙ୍କି ଭାଙ୍ଗିବା ଘଟଣା: ୧୮ଜଣଙ୍କ ନାମରେ ଏତଲା

ଚନ୍ଦାହାଣ୍ଡି,୮।୬(ଡି.ଏନ.ଏ.): ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ କାର୍ଯ୍ୟାଳୟ ଆଗରେ ଲୋକମାନେ ଧାରଣାରେ ବସିଥିବା ବେଳେ ହଠାତ ଉତ୍ତ୍ୟକ୍ତ ହୋଇ ସରକାରୀ ସମ୍ପତ୍ତି ଭଙ୍ଗାରୁଜା କରିବା ଘଟଣାରେ ବିଡିଓ ତାପସ କୁମାର ଭୋଇ ଚନ୍ଦାହାଣ୍ଡି ଥାନାରେ ୧୮ ଜଣଙ୍କ ନାମରେ ଏତଲା ଦେଇଛନ୍ତି। ଚନ୍ଦାହାଣ୍ଡି ବ୍ଲକ ପାଟଖଲିଆ ପଞ୍ଚାୟତର ଗୋପିସାହି ଏବଂ ଫଟକି ପଞ୍ଚାୟତର ଚଚରାଘାଟି ଗ୍ରାମବାସୀ ଦୁଇ ଦିନ ଧରି ବ୍ଲକ କାର୍ଯ୍ୟାଳୟ ଆଗରେ ନଳକୂପ ପାଇଁ ଧାରଣା ଦେଇ ବିକ୍ଷୋଭ ପ୍ରଦର୍ଶନ କରିଥିଲେ। ପ୍ରଥମ ଦିନରେ ଚନ୍ଦାହାଣ୍ଡି ବ୍ଲକ କଂଗ୍ରେସର କେତେ ଜଣ ନେତା ଏଥିରେ ସାମିଲ ହୋଇଥିଲେ।

ରକ୍ତଦାନ ଶିବିର: ୩୪ ୟୁନିଟ ରକ୍ତ ସଂଗ୍ରହ

ରକ୍ତଦାନ ଶିବିର: ୩୪ ୟୁନିଟ ରକ୍ତ ସଂଗ୍ରହ

ନବରଙ୍ଗପୁର, ୮।୬(ବି.ପ୍ର.): ନବରଙ୍ଗପୁର ଜିଲା ପାପଡାହାଣ୍ଡି ଶିରିଡି ସାଇ ସେବା ଟ୍ରଷ୍ଟ ପକ୍ଷରୁ ସ୍ବେଚ୍ଛାକୃତ ରକ୍ତ ଦାନ ଶିବିର ମନ୍ଦିର ପରିସରରେ ଅନୁଷ୍ଠିତ ହୋଇ ଯାଇଛି। ଅତିରିକ୍ତ ଜିଲାପାଳ ପରିକ୍ଷିତ ସେଠୀ ମୁଖ୍ୟ ଅତିଥି ଭାବେ ଯୋଗ ଦେଇ ଶିବିରକୁ ଉଦଘାଟନ କରିଥିଲେ। ନବରଙ୍ଗପୁର ଜିଲା ସଦର ମହକୁମା ଡାକ୍ତରଖାନାରେ ରକ୍ତ ଭଣ୍ଡାରରେ ରକ୍ତର ଅଭାବ ଓ ଜରୁରୀ କାଳୀନ ପରିସ୍ଥିତିରେ ରୋଗୀ ରକ୍ତ ପାଇଁ ବିଭିନ୍ନ ସମସ୍ୟାର ସମ୍ମୁଖିନ ହେଉଛନ୍ତି।

ପଞ୍ଚାୟତ ସମିତି ବୈଠକ: ପାନୀୟ ଜଳ ସମସ୍ୟା ନେଇ ଆଲୋଚନା

ପଞ୍ଚାୟତ ସମିତି ବୈଠକ: ପାନୀୟ ଜଳ ସମସ୍ୟା ନେଇ ଆଲୋଚନା

ଚନ୍ଦ୍ରପୁର,୮।୬(ଡି.ଏନ.ଏ): ରାୟଗଡ଼ା ଜିଲା ଚନ୍ଦ୍ରପୁର ବ୍ଲକର ସଭାଗୃହ ପରିସରରେ ଗୁରୁବାର ଚନ୍ଦ୍ରପୁର ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଗୁଣପୁର ବିଧାୟକ ତ୍ରିନାଥ ଗମାଙ୍ଗ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷା ସଙ୍ଗୀତା ପ୍ରଟିଙ୍ଗା, ଗୋଷ୍ଠୀ ଉନ୍ନୟନ ଅଧିକାରୀ ଜର୍ଜ ଡ଼ୁଙ୍ଗଡ଼ୁଙ୍ଗ, ଏପିଓ ବିନୟ କୁମାର ପାଣି ଯୋଗ ଦେଇଥିଲେ। ବୈଠକରେ ଚନ୍ଦ୍ରପୁର ନିକଟସ୍ଥ କାରାଦୁଆ, ବନ୍ଦିରି, ବିଜାପୁର ପଞ୍ଚାୟତର କାମିପଦର, ଗିରିପୁର ପ୍ରଭୃତି ଗ୍ରାମରେ ପାନୀୟ ଜଳ ସମସ୍ୟାକୁ ନେଇ ଆଲୋଚନା ହୋଇଥିଲା।

ବର୍ଷେ ହେବ ହୋଇପାରୁନି ପୋଲ କାମ

ବର୍ଷେ ହେବ ହୋଇପାରୁନି ପୋଲ କାମ

ରାମନାଗୁଡ଼ା,୮।୬(ଡି.ଏନ୍‌.ଏ.): ରାୟଗଡା ଜିଲା ରାମନାଗୁଡା ବ୍ଲକ ସୁଣ୍ଡିଧାମୁଣୀ ପଞ୍ଚାୟତ ଅଧୀନ ରଙ୍ଗମାଟି ଏକ ରାଜସ୍ବ ଗ୍ରାମ। ଏହି ଗ୍ରାମକୁ ଯୋଗାଯୋଗ କରୁଥିବା ଏକମାତ୍ର ପୋଲ ଗତ ଜୁଲାଇରେ ହୋଇଥିବା ପ୍ରବଳ ବର୍ଷାରେ ଧୋଇ ହୋଇଛି। ଫଳରେ ଲୋକେ ରାଶନ ସାମଗ୍ରୀ ସହ ଅନ୍ୟାନ୍ୟ ଜିନିଷପତ୍ର ଆଣିବା ପାଇଁ ଯିବାକୁ ଅସୁବିଧା ଭୋଗିଲେ। ଏମିତି କି ପିଲାମାନେ ସ୍କୁଲ, କଲେଜ ଯାଇ ନ ପାରି ଘରେ ରହିଲେ। କିନ୍ତୁ ପରବର୍ତ୍ତୀ ସମୟରେ ନାଳରୁ ପାଣି କମିବା ପରେ ଲୋକେ ତାହା ଭିତରେ ପଶି ଯିବା ଆସିବା କରିଲେ। ପରେ ଏଠାରେ ଏକ ପୋଲର ଆବଶ୍ୟକତା ଥିବା କଥାକୁ ସମସ୍ତେ ଭୁଲିଗଲେ। ଏନେଇ ଗ୍ରାମବାସୀ ବାରମ୍ବାର ଜିଲା ପ୍ରଶାସନର ଦ୍ୱାରସ୍ଥ ହେଲେ।

ପୋଲିସ ଜୁଲମ ବିରୋଧରେ ଜିଲାପାଳଙ୍କ ଦ୍ୱାରସ୍ଥ ମହିଳା

ପୋଲିସ ଜୁଲମ ବିରୋଧରେ ଜିଲାପାଳଙ୍କ ଦ୍ୱାରସ୍ଥ ମହିଳା

ପାରଳାଖେମୁଣ୍ଡି, ୮।୬(ସ୍ବ.ପ୍ର.): ଗଜପତି ଜିଲା କାଶୀନଗର ବ୍ଲକ ହାଡୁଭାଙ୍ଗି ଗ୍ରାମର ପାଲା ପାର୍ବତୀ ତାଙ୍କ ପରିବାର ଉପରେ ପୋଲିସ ନାନା ପ୍ରକାର ଜୁଲମ କରୁଥିବା ଅଭିଯୋଗ ଆଣି ନ୍ୟାୟ ପାଇଁ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ତାଙ୍କ ଅଭିଯୋଗ ଅନୁଯାୟୀ, କିଛି ସପ୍ତାହ ତଳେ ସେ ତାଙ୍କ ପରିବାରବର୍ଗଙ୍କ ସହ ଜିଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଥିଲେ। ତେବେ ଏହି ସମୟରେ କିଛି ବ୍ୟକ୍ତି ଚକ୍ରାନ୍ତ କରି ହାଡୁଭାଙ୍ଗିସ୍ଥିତ ତାଙ୍କ ଦୋକାନ ଗୃହ ଭାଙ୍ଗିଦେବା ସହ ପ୍ରାୟ ୨ଲକ୍ଷଟଙ୍କାର ବିଭିନ୍ନ ଜିନିଷ ନଷ୍ଟ କରିଦେଇଥିଲେ। ଉକ୍ତ ଜାଗା ଉପରେ ସେହି ଅଞ୍ଚଳର କିଛି ପ୍ରଭାବଶାଳୀ ବ୍ୟକ୍ତି ଜୋରଜବରଦସ୍ତ ନିଜ ହକ ଜାହିର କରୁଛନ୍ତି।

ରାସ୍ତା ପାଇଁ ଦାବି ଜଣାଇଲେ ଗ୍ରାମବାସୀ

ରାସ୍ତା ପାଇଁ ଦାବି ଜଣାଇଲେ ଗ୍ରାମବାସୀ

ପାରଳାଖେମୁଣ୍ଡି, ୮।୬(ସ୍ବ.ପ୍ର.): ଗଜପତି ଜିଲା ରାୟଗଡ ବ୍ଲକ ଅନ୍ତର୍ଗତ ଲାଇଲାଇ ଗ୍ରାମପଞ୍ଚାୟତ ସାନଲୋବା ଗ୍ରାମର ବାସିନ୍ଦା ରାସ୍ତା ସମସ୍ୟା ନେଇ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ଏ ନେଇ ସେମାନେ ଜିଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଛନ୍ତି।

୮ଦିନ ହେଲା ୨ ଅପରେଟର  ଫସି ରହିବା ଘଟଣା: ଉଦ୍ଧାର ପାଇଁ କ୍ୱାରିରେ ବ୍ଲାଷ୍ଟିଂ

୮ଦିନ ହେଲା ୨ ଅପରେଟର ଫସି ରହିବା ଘଟଣା: ଉଦ୍ଧାର ପାଇଁ କ୍ୱାରିରେ ବ୍ଲାଷ୍ଟିଂ

ବୋରିଗୁମ୍ମା, ୮।୬(ଡି.ଏନ୍‌.ଏ.) ବରିପୁଟ ନିକଟସ୍ଥ ପଥର କ୍ୱାରିରେ ୮ଦିନ ହେଲା ଫସିଥିବା ୨ ଅପରେଟରଙ୍କୁ ଉଦ୍ଧାର କରିବା ପାଇଁ ଶେଷ ପନ୍ଥାକୁ ଆପଣାଇଛି କୋରାପୁଟ ଜିଲା ପ୍ରଶାସନ। ବୁଧବାର ରାଞ୍ଚତ୍ରୁ ଆସିଥିବା ସେନାର ୫ ଜଣିଆ ବିଶେଷଜ୍ଞ ଟିମ୍‌ ସହ ଆଲୋଚନା କରିଥିଲେ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଓ ଏସ୍‌ପି କନଓ୍ବର ବିଶାଳ ସିଂ। ଉଦ୍ଧାର କାର୍ଯ୍ୟ ପାଇଁ ବ୍ଲାଷ୍ଟିଂ କରିବା ପାଇଁ ଯୋଜନା ଓ ପ୍ରସ୍ତୁତି ପରେ ବ୍ଲାଷ୍ଟିଂ କରାଯାଇଛି। ଶୁକ୍ରବାର ସକାଳେ ଆଉ କେତୋଟି ବ୍ଲାଷ୍ଟିଂ କରାଯିବା ସହ ଉଦ୍ଧାର କାର୍ଯ୍ୟ ତ୍ୱରାନ୍ବିତ କରାଯାଇଛି ।

ଟେଲିଫୋନ ଟାୱାର ମରାମତି ଦାବି

ପାରଳାଖେମୁଣ୍ଡି, ୮ା୬(ସ୍ବ.ପ୍ର.)-ଗଜପତି ଜିଲା ଗୋଷାଣୀ ବ୍ଲକ ଅନ୍ତର୍ଗତ ଗୁରାଣ୍ଡି ଓ ଗାରାବନ୍ଧ ଅଞ୍ଚଳରେ ୨୦ଦିନ ଧରି ଟେଲିଫୋନ ସେବା ବାଧାପ୍ରାପ୍ତ ହୋଇଛି ା ୨୦ଦିନ ତଳେ ଝଡ଼ବର୍ଷାରେ ଟେଲିଫୋନ ଟାୱାର ଭାଙ୍ଗିପଡ଼ିଥିବାରୁ ଏଭଳି ସମସ୍ୟା ଉପୁଜିଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଫଳରେ ଜନସାଧାରଣ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ତୁରନ୍ତ ଟାଓ୍ବାର ମରାମତି କରି ଟେଲିଫୋନ ସେବା ଯୋଗାଇବା ପାଇଁ ଅଞ୍ଚଳବାସୀଙ୍କ ପକ୍ଷରୁ ଚିନ୍ମୟ କୁମାର ପାତ୍ର, ସଞ୍ଜୟ କୁମାର ଜେନା, ଉମାଶଙ୍କର ପାତ୍ର ପ୍ରମୁଖ ଦାବି କରିଛନ୍ତି ା

ଭଙ୍ଗା ସ୍ଲାବ ଯୋଗୁ ଅସନ୍ତୋଷ

ଭଙ୍ଗା ସ୍ଲାବ ଯୋଗୁ ଅସନ୍ତୋଷ

ପାରଳାଖେମୁଣ୍ଡି,୮ା୬(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡିସ୍ଥିତ ଜଗନ୍ନାଥ ମନ୍ଦିରର ମୁଖ୍ୟ ପ୍ରବେଶ ପଥରେ ସ୍ଲାପ ଭାଙ୍ଗି ପଡିଛି। ଜଗନ୍ନାଥ ମନ୍ଦିରକୁ ଶ୍ରଦ୍ଧାଳୁମାନେ ଏହି ସ୍ଲାପ ଦେଇ ଯାତାୟାତ କରିଥାନ୍ତି। ବର୍ତ୍ତମାନ ଭଙ୍ଗା ସ୍ଲାବରେ ଶ୍ରଦ୍ଧାଳୁମାନେ ଚଢି ବିପଦଶଙ୍କୁଳ ଅବସ୍ଥାରେ ଠାକୁରଙ୍କ ଦର୍ଶନ ପାଇଁ ଯାଉଛନ୍ତି। ଆଗକୁ ରଥଯାତ୍ରା ଆସୁଥିବାରୁ ତୁରନ୍ତ ଏହି ସ୍ଥାନ ମରାମତି କରାଯିବାକୁ ଦାବି ହେଉଛି।

ରାସ୍ତାରେ ପଡ଼ିରହିଛି ଆବର୍ଜନା

ପାରଳାଖେମୁଣ୍ଡି, ୮ା୬(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ସହରର ବିଭିନ୍ନ ରାସ୍ତା ଓ ଡ୍ରେନ୍‌ରେ ଜରି, ପଲିଥିନ, ଭଙ୍ଗା ପ୍ଲାଷ୍ଟିକ, ଛିଣ୍ଡାକାଗଜ ଆଦି ଅଳିଆ ଆବର୍ଜନା ପଡିରହିଛି। ଏଗୁଡିକୁ ପୌର ପରିଷଦ ପକ୍ଷରୁ ସଫେଇ କରାଯାଉନାହିଁ। ଫଳରେ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି। ରାସ୍ତାରେ ପଡ଼ିଥିବା ଆବର୍ଜନାକୁ ବୁଲା ଗୋରୁ, ଷଣ୍ଢ, କୁକୁର ଖେଳାଇ ଦେଉଛନ୍ତି। ତାହା ବିକ୍ଷିପ୍ତ ଭାବେ ଏଣେତେଣେ ପଡ଼ୁଛି। ସେହିପରି ଜୋର୍‌ ବର୍ଷା ହେଲେ ଡ୍ରେନ୍‌ରୁ ମଇଳା ପାଣି ଉଦ୍‌ବୃତ୍ତ ହୋଇ ରାସ୍ତା ଉପରକୁ ବୋହିଆସୁଛି। ଏଥିଯୋଗୁ ଯାତାୟାତ କରିବା କଷ୍ଟକର ହୋଇପଡୁଛି। ସ୍ବଚ୍ଛ ପରିମଳ ଓ ପରିବେଶ ସମ୍ପର୍କରେ ପ୍ରଶାସନ ପକ୍ଷରୁ ସଚେତନତା ସୃଷ୍ଟି କରାଯାଉଛି। ମାତ୍ର ପ୍ରଶାସନ ସ୍ବତଃ ସଚେତନ ନୁହଁ ବୋଲି ସାଧାରଣରେ ଚର୍ଚ୍ଚା ଚାଲିଛି। ଏଣିକି ନିୟମିତ ଭାବେ ସହର ସଫେଇ କରାଯିବାକୁ ଦାବି ହେଉଛି।

ଗୁମୁଡା ବଡଦାଣ୍ଡ ନିର୍ମାଣ ଦାବି

ଗୁଣପୁର,୮ା୬(ଡ.ିଏନ.ଏ)-ରାୟଗଡା ଜିଲା ରାମନାଗୁଡା ବ୍ଲକ ଗୁମୁଡା ଜଗନ୍ନାଥ ମନ୍ଦିର ବଡଦାଣ୍ଡ ତୁରନ୍ତ ନିର୍ମାଣ ନେଇ ଦାବି ହୋଇଛି ା ସେଠାରେ ଜାତୀୟ ରାଜପଥ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ହୋଇଛି ା ହେଲେ ଏହି କାର୍ଯ୍ୟ ମନ୍ଥର ଗତିରେ ଚାଲିଥିବାରୁ ସେଠାକାର ବାସିନ୍ଦାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ା ପାବନ ଶ୍ରୀକ୍ଷେତ୍ର ଗୁମୁଡାରେ ଥିବା ଜଗନ୍ନାଥ ମନ୍ଦିର ପାଇଁ ଘୋଷଯାତ୍ରା ଏହି ରାସ୍ତା ଉପରେ ହୁଏ ା ଆଗାମୀ ରଥଯାତ୍ରାକୁ ଦୃଷ୍ଟିରେ ରଖି ଉକ୍ତ ରାସ୍ତା ନିର୍ମାଣ କାର୍ଯ୍ୟ ଯଥାଶୀଘ୍ର ଶେଷ କରାଯାଉ ବୋଲି ସ୍ଥାନୀୟ ଲୋକେ ଦାବି କରିଛନ୍ତି ା

ବିଦ୍ୟୁତ୍‌ ଆଘାତରେ ଯୁବକଙ୍କ ମୃତ୍ୟୁ

ବିଦ୍ୟୁତ୍‌ ଆଘାତରେ ଯୁବକଙ୍କ ମୃତ୍ୟୁ

ଝରିଗାଁ,୭।୬(ସ୍ବ.ପ୍ର)- ନବରଙ୍ଗପୁର ଜିଲା ଝରିଗାଁ ସଦରମହକୁମା ନିକଟସ୍ଥ ବନ୍ଦିଗୁଡା ଗ୍ରାମରେ ଗୁରୁବାର ସଂନ୍ଧ୍ୟାରେ ଭାଗିରଥି ଦାସଙ୍କ ପୁଅ ପବିତ୍ର ଦାସ ବିଦ୍ୟୁତ୍‌ ଆଘାତରେ ମୃତ୍ୟୁ ଘଟିଛି। ପ୍ରାପ୍ତ ଖବରରୁ ଜଣାପଡିଛି ଯେ ବୁଧବାର ରାତିରେ ବନ୍ଦିଗୁଡା ଗ୍ରାମ ନିକଟ ଗ୍ରାମରେ ପିଲା ଚୋରୀ ନେଇ ଗୁଜବ ସୃଷ୍ଟି ହୋଇଥିଲା। ପବିତ୍ର ଦାସ ନିଜ ଘର ଚାରିପଟେ ରହିଥିବା ଲୁହା ତାର ବାଡରେ ବିିଦ୍ୟୁତ୍‌ ସଂଯୋଗ କରୁଥିବା ସମୟରେ ଅସାବଧାନତା ଯୋଗୁଁ ସେଠାରେ ତାଙ୍କର ମୃତ୍ୟୁ ହୋଇଥିଲା।

କନଷ୍ଟେବଳଙ୍କ ନାଁରେ ବଳାତ୍କାର ଅଭିଯୋଗ

କାଶୀନଗର, ୭ା୬(ଡି.ଏନ.ଏ.)- ଗଜପତି ଜିଲା ରିଜର୍ଭ ପୋଲିସରେ କାର୍ଯ୍ୟରତ ଜଣେ କନଷ୍ଟେବଳଙ୍କ ନାମରେ ବଳାତ୍କାର ଭଳି ସଙ୍ଗୀନ ଅଭିଯୋଗ ଆସିଛି। ଏ ସଂକ୍ରାନ୍ତରେ ପୀଡ଼ିତାଙ୍କ ପରିବାର ପକ୍ଷରୁ ବୁଧବାର କାଶୀନଗର ଥାନାରେ ଏକ ଏତଲା ଦିଆଯାଇଛି। ପୋଲିସ ଏନେଇ ୩୭୬, ୪୫୧, ୫୦୬ ଦଫାରେ କେସ୍‌ ନଂ. ୪୦/୧୮ ରୁଜୁ କରି ତଦନ୍ତ ଜାରି ରଖିଛି। ପୀଡ଼ିତାଙ୍କ ଡାକ୍ତରୀ ମାଇନା କରାଯିବା ପରେ ତାଙ୍କୁ ଘରକୁ ପଠାଇ ଦିଆଯାଇଛି। ଅଭିଯୁକ୍ତ ଅରୁଣ ଚାନ୍ଦ ଗୁରୁ ଫେରାର ଥିବାବେଳେ ତାଙ୍କୁ ଗିରଫ କରିବା ପାଇଁ ଉଦ୍ୟମ ଚାଲିଛି ବୋଲି ଗୁରୁବାର କାଶୀନଗର ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର ସୂଚନା ଦେଇଛନ୍ତି।

କାଲିମେଳା ଅଟୋ,ଟ୍ୟାକ୍ସି ଚାଳକଙ୍କ ଧର୍ମଘଟ:  ସ୍ବତନ୍ତ୍ର ନୀତି ପ୍ରଣୟନ ଦାବି

କାଲିମେଳା ଅଟୋ,ଟ୍ୟାକ୍ସି ଚାଳକଙ୍କ ଧର୍ମଘଟ: ସ୍ବତନ୍ତ୍ର ନୀତି ପ୍ରଣୟନ ଦାବି

କାଲିମେଳା,୭ା୬(ଡି.ଏନ.ଏ.)- ନିଖିଳ ଓଡିଶା ଅଟୋ ଓ ଟ୍ୟାକ୍ସି ସଂଘ ନିଷ୍ପତ୍ତିକ୍ରମେ ସାରା ରାଜ୍ୟରେ ଅଟୋ ଓ ଟ୍ୟାକ୍ସି ଚଳାଚଳ ବନ୍ଦ ରହିଛି। ଏହାର ପ୍ରଭାବ ମାଲକାନଗିରି ଜିଲା କାଲିମେଳା ଅଞ୍ଚଳରେ ପଡିଛି ା କାଲିମେଳା ଜୟ ମା’ ଦୁର୍ଗା ଅଟୋ ସଂଘ ପକ୍ଷରୁ ଗୁରୁବାର ସକାଳ ୬ଟାରୁ ସନ୍ଧ୍ୟା ୬ଟା ଯାଏ ୧୨ ଘଣ୍ଟିଆ ବନ୍ଦ ପାଳନ କରାଯାଇଥିଲା।

୪ ମାଓବାଦୀ ଗିରଫ:୨ ଟିଫିନ୍‌ ବୋମା, ଡିଟୋନେଟର ଜବତ

୪ ମାଓବାଦୀ ଗିରଫ:୨ ଟିଫିନ୍‌ ବୋମା, ଡିଟୋନେଟର ଜବତ

ମାଲକାନଗିରି,୭ା୬(ସ୍ବ.ପ୍ର.)- ଦନ୍ତେବାଡ଼ା ଜିଲା ଚେଲନାରଠାରେ ହୋଇଥିବା ଲ୍ୟାଣ୍ଡମାଇନ ବିସ୍ଫୋରଣ ଘଟଣାରେ ସମ୍ପୃକ୍ତ ଥିବା ୪ ଜଣ ମାଓବାଦୀଙ୍କୁ ଗୁରୁବାର ଦନ୍ତଓ୍ବୋଡା ଜିଲା ପୋଲିସ କିରଣ୍ଡୁଲ ଥାନା ପେରପା ଗ୍ରାମ ଜଙ୍ଗଲରୁ ଗିରଫ କରଛି।

ପୌରାଞ୍ଚଳରେ ଡ୍ରୋନ୍‌ ସର୍ଭେ

ପୌରାଞ୍ଚଳରେ ଡ୍ରୋନ୍‌ ସର୍ଭେ

ଜୟପୁର,୭।୬(ଡି.ଏନ୍‌.ଏ./ନି.ପ୍ର.) ବସ୍ତି ବାସିନ୍ଦାଙ୍କୁ ଘରବାରି ଜମିପଟ୍ଟା ଦେବା ପାଇଁ ରାଜ୍ୟ ସରକାର କାର୍ଯ୍ୟକ୍ରମ ଆରମ୍ଭ କରିଛନ୍ତି। ଏହି କ୍ରମରେ ଜୟପୁର ପୌରାଞ୍ଚଳର ୧୧ଟି ବସ୍ତିରେ ଡ୍ରୋନ୍‌ ଦ୍ୱାରା ସର୍ଭେ ଆରମ୍ଭ ହୋଇଛି। ହାଟପଦା, ବନ୍ଧହୁଡାଗୁଡ଼ା, ମଣିଗୁଡ଼ା, ଡଙ୍ଗାଗୁଡ଼ା, କୁନ୍ଦାରିଗୁଡ଼ା, ଝାଡୁଦାର କଲୋନୀ, ଗୋପବନ୍ଧୁ ନଗର, ମାଣ୍ଡିଆଭଟ୍ଟା, ୧ ନଂ, ୨ନଂ, ଲେବର କଲୋନୀ ୧ନଂ ଓ ୨ନଂରେ ଏହି ସର୍ଭେ କରାଯାଉଛି। ଭୁବନେଶ୍ୱରସ୍ଥିତ ଏକ ଠିକାସଂସ୍ଥା ଏହି କାର୍ଯ୍ୟ ଆରମ୍ଭ କରିଛି।

‘ମୋ ସ୍କୁଲ ଅଭିଯାନ’ବୈଠକ

‘ମୋ ସ୍କୁଲ ଅଭିଯାନ’ବୈଠକ

କାଶୀପୁର, ୭।୬(ଡି.ଏନ୍‌.ଏ.): ସ୍ଥାନୀୟ ସରକାରି ନୋଡାଲ ହାଇସ୍କୁଲରେ ‘ମୋ ସ୍କୁଲ ଅଭିଯାନ’ର ଦ୍ୱିତୀୟ ପର୍ଯ୍ୟାୟ ବୈଠକ ଅନୁଷ୍ଠିତ ହୋଇଛି। ବୈଠକରେ ଅତିଥି ଭାବେ ସମନ୍ବିତ ଆଦିବାସୀ ଉନ୍ନୟନ ପ୍ରକଳ୍ପ ପ୍ରଶାସକ ଅଜୟ ପତି ଓ ବିଇଓ ଜଗଦୀଶ ସିଂ ଯୋଗଦେଇ ଥିଲେ। ସ୍କୁଲ ପାଇଁ ଆର୍ଥିକ ସାହାର୍ଯ୍ୟ,ଉପକରଣ,ସେବା ଓ ସମୟ ପ୍ରଦାନ କରିବାକୁ ଅତିଥିମାନେ ନିବେଦନ କରିଥିଲେ। ପରବର୍ତ୍ତୀ ବୈଠକ ଆସନ୍ତା ୨୧ ତାରିଖରେ ଅନୁଷ୍ଠିତ ହେବ ବୋଲି ପ୍ରଧାନ ଶିକ୍ଷକ ସୂଚନା ଦେଇଛନ୍ତି।

ମାଲକାନଗିରିରି: ଚାଉଳରେ ଅପ୍ରମିଶ୍ରଣ

ମାଲକାନଗିରିରି: ଚାଉଳରେ ଅପ୍ରମିଶ୍ରଣ

ମାଲକାନଗିରି,୭।୬(ଡି.ଏନ.ଏ.)- ବଜାରରେ ବତ୍ତର୍ର୍ମାନ ନକଲି ସାମଗ୍ରୀକୁ ନେଇ ଖାଉଟି ଭୟଭିତ ହୋଇପଡିଛନ୍ତି। ଏବେ ବଜାରକୁ ନକଲି ଚାଉଳ ଆସିଛି। ଏହାକୁ ନେଇ ଚର୍ଚ୍ଚା ଜୋର ଧରିଛି ା ରାଜ୍ୟର ବିଭିନ୍ନ ଅଞ୍ଚଳକୁ ପ୍ରଥମେ ପ୍ଲାଷ୍ଟିକ ଅଣ୍ଡା, ନକଲି ଅଟା ଆସିଥିଲା। ବର୍ତ୍ତମାନ ଚାଉଳ ଅପମିଶ୍ରଣ କରାଯାଇ ନକଲି ଚାଉଳ ମାଲାକନଗିରି ଜିଲା ସମେତ ପଡ଼ୋଶୀ ଛତିଶଗଡରେ ବ୍ୟବହାର ହେଉଥିବା ନେଇ ଭାଗବତୀ ଚାଉଳ ମିଲ୍‌ ମାଲିକ ରାଜୁ ଅଗ୍ରୱାଲ ଅଭିଯୋଗ କରିଛନ୍ତି । ସେ କହିଛନ୍ତି ଯେ, ମୁମତାଜ ଚାଉଳର ନକଲି ପ୍ୟାକେଟ କରି ୨୫ କେଜି ବଦଳରେ ୨୪ କେଜିର ପ୍ୟାକେଟ କରିଯିବା ସହ ଏହି ଚାଉଳ ପ୍ୟାକେଟର ସମ୍ପୂର୍ଣ୍ଣ ନକଲି କରି ବଜାରରେ ବିକ୍ରି ହେଉଛି।

ପାଣି ପାଇଁ ତାତିଲେ ଲୋକେ

ପାଣି ପାଇଁ ତାତିଲେ ଲୋକେ

ଚନ୍ଦାହାଣ୍ଡି, ୭।୬(ଡି.ଏନ.ଏ.)-ପାନୀୟ ଜଳ ସମସ୍ୟା ନେଇ ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ପାଟଖଲିଆ ପଞ୍ଚାୟତ ଅନ୍ତର୍ଗତ ଗୋପୀସାହିର ମହିଳା ଏବଂ ପୁରୁଷମାନେ ମାଟିହାଣ୍ଡି ଧରି ବ୍ଲକ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିବା ସହ ଧାରଣା ଦେଇଥିଲେ। ଗ୍ରାମବାସୀଙ୍କ ସହ ବ୍ଲକ କଂଗ୍ରେସ ସଭାପତି ଗଗନେଶ୍ୱର ଚୌହାନ, ହେମରାଜ ବାଘ, ମଣିରାମ ମାଝି, ଜଗଦୀଶ ବାଘ, ଜବାର ଅଲ୍ଲୀ ସାମିଲ ହୋଇଥିଲେ। ବିଡିଓ ତାପସ କୁମାର ଭୋଇ ସାହିବାସିନ୍ଦାକୁ ବୁଝାସୁଝା କରିଥିଲେ। କିନ୍ତୁ ସେମାନେ ଶୁଣି ନ ଥିଲେ। ରାତି ସାରା ଧାରଣାରେ ବସି ରହିଥିଲେ।

ଦିବ୍ୟାଙ୍ଗଙ୍କୁ ନେଇ ଶୋଭାଯାତ୍ରା

ଦିବ୍ୟାଙ୍ଗଙ୍କୁ ନେଇ ଶୋଭାଯାତ୍ରା

ମାଲକାନଗିରି,୭।୬(ଡି.ଏନ.ଏ.)- ମାଲକାନଗିରି ଜିଲା ସଦର ମହକୁମା ଜିଲାପାଳଙ୍କ କାର୍ଯ୍ୟାଳୟ ପରିସରରେ ଦିବ୍ୟାଙ୍ଗଙ୍କ ଅଧିକାର ଏବଂ ଅଧିନିୟମ ସମ୍ବନ୍ଧରେ ଏକ ସଚେତନତା ଶୋଭାଯାତ୍ରା ଓ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଜିଲା ଭିନ୍ନକ୍ଷମ ଏବଂ ସଶକ୍ତୀକରଣ ବିଭାଗ ସହାୟତାରେ ଭୁବନେଶ୍ୱରର ସ୍ବାଭିମାନ ଏବଂ ଶକ୍ତି ଅନୁଷ୍ଠାନ ପକ୍ଷରୁ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ଜିଲାର ବିଭିନ୍ନ ଅଞ୍ଚଳରୁ ଆସିଥିବା ୩ଶହରୁ ଊର୍ଦ୍ଧ୍ୱ ଦିବ୍ୟାଙ୍ଗ ମହିଳା ପୁରୁଷ ଏଥିରେ ଅଂଶଗ୍ରହଣ କରିଥିଲେ । ଅତିରିକ୍ତ ଜିଲାପାଳ ରଘୁମଣି ଗମାଙ୍ଗ ଶୋଭାଯାତ୍ରାକୁ ଉଦ୍‌ଘାଟନ କରିଥିଲେ । ଶୋଭାଯାତ୍ରା ମାଲକାନଗିରି ସହର ପରିକ୍ରମା କରି ସଂସ୍କୃତି ଭବନଠାରେ ପହଞ୍ଚତ୍ବା ପରେ ସେଠାରେ ଏକ ସଭା ହୋଇଥିଲା। ସ୍ବାଭିମାନ ଅନୁଷ୍ଠାନର ଅଧ୍ୟକ୍ଷା ଡ. ଶ୍ରୁତି ମହାପାତ୍ର, ମିହିର ମହାନ୍ତ, ଅତିରିକ୍ତ ଜିଲାପାଳ ଗମାଙ୍ଗ, ଅତିରିକ୍ତ ଜିଲା ମୁଖ୍ୟ ଚିକିସତ୍। ଅଧିକାରୀ ଡକ୍ତର ଅମରେନ୍ଦ୍ର ମହାନ୍ତି, ଜିଲା ଶିଶୁ କଲ୍ୟାଣ ଅଧିକାରୀ ସ୍ବର୍ଣ୍ଣଲତା ବିଶ୍ୱାସ, ଜିଲା ସାମାଜିକ ଭିନ୍ନକ୍ଷମ ସଶକ୍ତୀକରଣ ଅଧିକାରୀ ରାଧାମଣି ଦଳେଇ, ପରିବର୍ତ୍ତନର ଅଧ୍ୟକ୍ଷ ସନ୍ତୋଷ ସୁକଲା ପ୍ରମୁଖ ଉପସ୍ଥିତ ଥିଲେ।

କନ୍ୟା କିରଣ କାର୍ଯ୍ୟକ୍ରମ

କନ୍ୟା କିରଣ କାର୍ଯ୍ୟକ୍ରମ

ଡାବୁଗାଁ,୭।୬(ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ବୋରିଗାଁ ପାଞ୍ଚାୟତ ଅଧୀନ ପାରିଆବେଢା ଗ୍ରାମରେ ଭୁବନେଶ୍‌ର କିସ୍‌ ତରଫରୁ କନ୍ୟା କିରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଛାତ୍ରୀଛାତ୍ର ମାନଙ୍କୁ ନେଇ ଏକ ଶୋଭାଯାତ୍ରାରେ କନ୍ୟା ସନ୍ତାନ ନିର୍ଯାତନା ବିରୋଧରେ ବିଭିନ୍ନ ସ୍ଲୋଗାନ ଦେଇ ଗ୍ରାମ ପରିକ୍ରମା କରି ସଭା ସ୍ଥଳରେ ପହଞ୍ଚିଥିଲେ । ପରେ ସଭାରେ ଅତିଥିମାନେ କନ୍ୟାଟିଏ ଜନ୍ମ ନେବା ପରେ ସମାଜରେ ତାର ମହତ୍ୱ, ଗୁରୁତ୍ୱ ଓ ଭୂମିକା ଉପରେ ଆଲୋଚନା କରିଥିଲେ। ମହିଳା ଓ କନ୍ୟା ସନ୍ତାନଙ୍କ ଉପରେ ହେଉଥିବା ନିର୍ଯ୍ୟାତନା ବିରୋଧରେ ସଚେତନ କରାଯାଇଥିଲା ।