ରାୟଗଡା

ସୁନୀଲ ସାହୁଙ୍କ ଅପହରଣ ଘଟଣା: ତନାଘନା ଆରମ୍ଭ

ସୁନୀଲ ସାହୁଙ୍କ ଅପହରଣ ଘଟଣା: ତନାଘନା ଆରମ୍ଭ

ନବରଙ୍ଗପୁର,୯।୧୧(ବି.ପ୍ର.)- ନବରଙ୍ଗପୁର ଜିଲାର ପ୍ରତିଷ୍ଠିତ ବ୍ୟବସାୟୀ ତଥା ନନ୍ଦାହାଣ୍ଡି ବ୍ଲକର ଏମପିଙ୍କ ପ୍ରତିନିଧି ସଦାଶିବ ସାହୁ(ସୁନୀଲ ସାହୁ)ଙ୍କୁ ଗୁରୁବାର ସନ୍ଧ୍ୟାରେ କେତେକ ଦୁର୍ବୃତ୍ତ ଅପହରଣ କରି ନେବାର ୨୪ ଘଣ୍ଟା ବିତିଲାଣି, ତଥାପି ପୋଲିସ ହାତ ଖାଲି।  ଅନ୍ଧାରରେ ବାଡ଼ି ବୁଲାଇବାପରି ପୋଲିସ କେତେଜଣଙ୍କୁ ପଚରାଉଚରା କରିଥିଲେ ମଧ୍ୟ ଦୁର୍ବୃତ୍ତଙ୍କ ପତ୍ତାପାଇ ନାହିଁ। ସେମାନଙ୍କ ଟେର୍‌ ପାଇବାରେ ପୋଲିସ ବିଫଳ ବୋଲି ଅଭିଯୋଗ ହୋଇଛି। 

ଜନଜାତି ସଂଗ୍ରହାଳୟ ଭିତ୍ତିପ୍ରସ୍ତର ସ୍ଥାପନ

ଜନଜାତି ସଂଗ୍ରହାଳୟ ଭିତ୍ତିପ୍ରସ୍ତର ସ୍ଥାପନ

ପାପଡାହାଣ୍ଡି, ୯।୧୧- (ଡି.ଏନ୍‌.ଏ.)-ନବରଙ୍ଗପୁର ଜିଲା ପାପଡାହାଣ୍ଡି ଚମ୍ପା ଉଦ୍ୟାନ ନିକଟରେ ଶୁକ୍ରବାର ସ୍ବତନ୍ତ୍ର ଆଦିବାସୀ ବିକାଶ ପରିଷଦ ଆନୁକୂଲ୍ୟରେ ଜନଜାତି ସଂଗ୍ରହାଳୟ ତଥା ଗୋଷ୍ଠୀ କେନ୍ଦ୍ର ନିମନ୍ତେ ଭିତ୍ତିପ୍ରସ୍ତର ସ୍ଥାପନ ହୋଇଛି। ଜିଲା ଆଦିବାସୀ ବିକାଶ ପରିଷଦ ଅଧ୍ୟକ୍ଷ ମୋତିରାମ ନାୟକଙ୍କ ସଭାପତିତ୍ୱରେ ଆୟୋଜିତ ଉତ୍ସବରେ ମୁଖ୍ୟ ଅତିଥିଭାବେ ମନ୍ତ୍ରୀ ରମେଶ ଚନ୍ଦ୍ର ମାଝି, ଏମ୍‌ପି ବଳଭଦ୍ର ମାଝି, ଜିଲା ଯୋଜନା ବୋର୍ଡ ଅଧ୍ୟକ୍ଷ ମନୋହର ରନ୍ଧାରୀ, ଡାବୁଗଁା ବିଧାୟକ ଭୂଜବଳ ମାଝି, ଜିଲା ଆଦିବାସୀ ବିକାଶ ପରିଷଦ ଉପାଧ୍ୟକ୍ଷା ମଞ୍ଜୁଳା ମାଝି, ଜିଲା ପରିଷଦ ଅଧ୍ୟକ୍ଷା ଭଗବତୀ  ଭତ୍ରା, ଜିଲାପାଳ ଅଜିତ କୁମାର ମିଶ୍ର, ପିଏ ଆଇଟିଡିଏ ଅଣାକାର ଠାକୁର, ପୂର୍ବତନ ବ୍ଲକ ଅଧ୍ୟକ୍ଷ ସୋମନାଥ ବିଶୋଇ ପ୍ରମୁଖ ଯୋଗଦେଇଥିଲେ।

 ଆଇନ ସେବା ସଚେତନତା ଶୋଭାଯାତ୍ରା

ଆଇନ ସେବା ସଚେତନତା ଶୋଭାଯାତ୍ରା

ନବରଙ୍ଗପୁର,୯।୧୧(ବି.ପ୍ର. )- ଜିଲା ଆଇନ ସେବା ପ୍ରାଧିକରଣ ପକ୍ଷରୁ ଜାତୀୟ ଆଇନସେବା ଦିବସ ପାଳିତ ହୋଇଯାଇଛି ।ଏନେଇ ସ୍ଥାନୀୟ ପୌରସଂସ୍ଥା କାର୍ଯ୍ୟାଳୟ ନିକଟରୁ ଏକ ସଚେତନତା ଶୋଭାଯାତ୍ରା ବାହାରି ପୋଲିସ (ମଣ୍ଡେଇ ପଡ଼ିଆ)ରେ ପହଞ୍ଚିଥିଲା । 

‘ଆମ ଗଁ। , ଆମ ବିକାଶ’ କାର୍ଯ୍ୟକ୍ରମ

‘ଆମ ଗଁ। , ଆମ ବିକାଶ’ କାର୍ଯ୍ୟକ୍ରମ

ରାଇଘର, ୯।୧୧- ନବରଙ୍ଗପୁର ଜିଲା ରାଇଘର ବ୍ଲକ୍‌ଠାରେ ଶୁକ୍ରବାର ରାଜ୍ୟ ‘ଆମ ଗଁା, ଆମ ବିକାଶ’ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ରାଇଘର ସଦର ମହକୁମାସ୍ଥିତ ତହସିଲ ଅଫିସ ପଛପଟ ପଡ଼ିଆଠାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡ଼ିଓ କନ୍‌ଫେରେନ୍ସିଂ ଜରିଆର ସିଧାସଳଖ ସାଧାରଣ ଲୋକଙ୍କ ସହ ଆଲୋଚନା କରିବା ସହିତ ୨୬ ପଞ୍ଚାୟତର ବିକାଶ ନିମନ୍ତେ ୩୪୯ ପ୍ରକଳ୍ପ ପାଇଁ ୭ କୋଟି ୯୦ ଲକ୍ଷ ୮୦ ହଜାର ଟଙ୍କା  ମଞ୍ଜୁର କରିଛନ୍ତି।

ତହସିଲ ଅଫିସ ଘେରିଲା ସିପିଆଇ(ଏମ୍‌ଏଲ୍‌)

ତହସିଲ ଅଫିସ ଘେରିଲା ସିପିଆଇ(ଏମ୍‌ଏଲ୍‌)

ପଦ୍ମପୁର, ୯ା୧୧(ଡି.ଏନ୍‌.ଏ.)-ରାୟଗଡା ଜିଲା ପଦ୍ମପୁର ବ୍ଲକର ଆଦିବାସୀ ଓ ହରିଜନମାନଙ୍କ ଦଖଲରେ ଥିବା ଜଙ୍ଗଲ ଜମି, ସିଲିଂ ବର୍ହିଭୁକ୍ତ ଜମିର ପଟ୍ଟା ପ୍ରଦାନ ସହ ବିଭିନ୍ନ ଦାବି ନେଇ  ଶୁକ୍ରବାର  ସିପିଆଇ(ଏମ୍‌ଏଲ୍‌) ଲିବରେଶନ ଓ ଜଙ୍ଗଲ ଅଧିକାର ସମିତି ତରଫରୁ ଗୁଣପୁର ଉପଜିଲାପାଳ ବି.ଏସ୍‌ ବଳିରାମଙ୍କୁ ଏକ ଦାବିପତ୍ର  ଦିଆଯାଇଛି। ଏହି ଦାବିପତ୍ର ପ୍ରଦାନ ବେଳେ ପଦ୍ମପୁର ଭାରପ୍ରାପ୍ତ ତହସିଲଦାର ଅଗସ୍ତୀ ପ୍ରଧାନ ଉପସ୍ଥିତ ଥିଲେ।  ସିପିଆଇ(ଏମଏଲ) ଲିବରେଶନ ଜିଲା ସମ୍ପାଦକ ତ୍ରିପତି ଗମାଙ୍ଗଙ୍କ  ନେତୃତ୍ୱରେ ଶତାଧିକ  କର୍ମୀ ଏକ ଶୋଭାଯାତ୍ରାରେ ବାହାରି ପଦ୍ମପୁର ତହସିଲ କାର୍ଯ୍ୟାଳୟରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। 

କୋର୍ଟ ମୁଖ୍ୟ ଫାଟକରେ ତାଲା ପକାଇଲେ ଓକିଲ

କୋର୍ଟ ମୁଖ୍ୟ ଫାଟକରେ ତାଲା ପକାଇଲେ ଓକିଲ

ରାୟଗଡା ଅଫିସ୍‌, ୯।୧୧- କଟକ ବାର କାଉନ୍‌ସିଲକୁ ସମର୍ଥନ କରି ରାୟଗଡା ଓକିଲ ସଂଘ ଗତ ୫ତାରିଖରୁ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଛି। କିନ୍ତୁ  ୫ତାରିଖରେ ଜେଲ୍‌ରେ  ଥିବା କିଛି ବିଚାରଧିନ କଏଦୀଙ୍କୁ ଜାମିନ ପରେ ଛଡାଯାଇଥିଲା। ସେହିଭଳି ଗୁରୁବାର ମଧ୍ୟ କିଛି କଏଦୀଙ୍କୁ ଜାମିନରେ ଛଡାଯାଇଥିଲା। ଏହି ଘଟଣାକୁ କେନ୍ଦ୍ରକରି ଶୁକ୍ରବାର ଆଇନଜୀବୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିବା ବେଳେ ଅଦାଲତ ଫାଟକରେ ତାଲା ପକାଇ ଏହାର ପ୍ରତିବାଦ କରିଥିଲେ। ଦୀର୍ଘ ୧ଘଣ୍ଟା ସମୟ ଅଦାଲତ ଫାଟକରେ ତାଲା ଠୁଙ୍କି ଆଇନ୍‌ଜୀବୀମାନେ ଆନ୍ଦୋଳନ କରିଥିଲେ।

ନାବାଳିକାଙ୍କୁ ଅପହରଣ ଅଭିଯୋଗ, ୩ ଯୁବକ ଅଟକ

ଝରିଗାଁ,  ୯।୧୧(ସ୍ବ.ପ୍ର): ନବରଙ୍ଗପୁର ଜିଲା ଝରିଗାଁ ଥାନା ଅଞ୍ଚଳର ଜଣେ ନାବାଳିକାଙ୍କୁ ଅପହରଣ ଅଭିଯୋଗରେ ସ୍ଥାନୀୟ ପୋଲିସ ୩ ଜଣଙ୍କୁ ଅଟକ ରଖି ତଦନ୍ତ ଚଳାଇଛି। ନାବାଳିକାଙ୍କ ପରିବାର ଲୋକେ ତାଙ୍କୁ ଉଦ୍ଧାର କରି ଝରିଗାଁ ଥାନାରେ ଏତଲା ଦେଇଥିଲେ।

ଟ୍ରକ-ବାଇକ୍‌ ଧକ୍କାରେ ନାବାଳିକା ମୃତ ଘଟଣା: କ୍ଷତିପୂରଣ ପ୍ରତିଶ୍ରୁତି ପରେ ହଟିଲା  ଅବରୋଧ

ଟ୍ରକ-ବାଇକ୍‌ ଧକ୍କାରେ ନାବାଳିକା ମୃତ ଘଟଣା: କ୍ଷତିପୂରଣ ପ୍ରତିଶ୍ରୁତି ପରେ ହଟିଲା ଅବରୋଧ

ଟିକିରି, ୯ା୧୧ (ଡି.ଏନ୍‌.ଏ.): ଗୁରୁବାର ରାୟଗଡ଼ା ଜିଲା କାଶିପୁର ବ୍ଲକ ଟିକିରି ଥାନା ଅଧୀନ  ଓଷାପଡା ଟାଉନଶିପ୍‌ ଛକରେ ଏକ ଟ୍ରକ-ବାଇକ୍‌ ଧକ୍କାରେ ଜଣେ ନାବାଳିକା ପ୍ରାଣ ହରାଇଥିବା ବେଳେ ୨ ଜଣ ଆହତ ହୋଇଥିଲେ। ନାବାଳିକାଙ୍କ ପରିବାରକୁ କ୍ଷତିପୂରଣ ସହ ଆହତଙ୍କ ଚିକିତ୍ସା ଖର୍ଚ୍ଚ ଦାବି କରି ସ୍ଥାନୀୟ ଲୋକେ ଓ ମୃତକଙ୍କ ସମ୍ପର୍କୀୟ ସେଠାରେ ଆନ୍ଦୋଳନ ପୂର୍ବକ ରାସ୍ତାରୋକୋ କରିଥିଲେ। ଶୁକ୍ରବାର ଜିଲା ପ୍ରଶାସନର ଅଧିକାରୀମାନେ ସେଠାରେ ପହଞ୍ଚି ମୃତକଙ୍କ ପରିବାର ସହ ଆଲୋଚନା କରି କ୍ଷତିପୂରଣ ମିଳିବା ପ୍ରତିଶ୍ରୁତି ଦେବାପରେ ଆନ୍ଦୋଳନକାରୀମାନେ ରାସ୍ତାରୋକୋ ହଟାଇ ଥିଲେ। 

ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ

ଟିକିରି, ୯।୧୧(ଡି.ଏନ୍‌.ଏ.)-ବାଇକରୁ ପଡି  ଗୁରୁତର ହୋଇ ବିଶାଖାପାଟଣାରେ ଚିକିତ୍ସିତ ହେଉଥିବା ଜଣେ ଯୁବକଙ୍କ ଗୁରୁବାର ରାତିରେ ମୃତ୍ୟୁ ହୋଇଛି। ସେ ହେଲେ କାଶୀପୁର ବ୍ଲକ ଟିକିରି ଥାନା ଅଧୀନ ହାଡିଗୁଡା ପଞ୍ଚାୟତ କୁମୁପୁଟ ଗ୍ରାମର ନବ କୁମାର ନାୟକ(୨୫)। 

ନାବାଳିକାଙ୍କୁ ଅପହରଣ ଅଭିଯୋଗ: ୩ ଯୁବକ ଅଟକ

ନାବାଳିକାଙ୍କୁ ଅପହରଣ ଅଭିଯୋଗ: ୩ ଯୁବକ ଅଟକ

ଝରିଗାଁ ,୯।୧୧(ସ୍ବ. ପ୍ର.) :- ନବରଙ୍ଗପୁର ଜିଲା ଝରିଗାଁ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ଅପହରଣ ଅଭିଯୋଗରେ ସ୍ଥାନୀୟ ପୋଲିସ ୩ ଜଣଙ୍କୁ ଅଟକ ରଖି ପଚରାଉଚରା କରିଛି। ପ୍ରାପ୍ତ ଖବରରୁ ଜଣାପଡ଼ି ଅଛି ଯେ,  କାଠବେଡ଼ା ଗ୍ରାମର ଜଣେ ନାବାଳିକା ଦୀପାବଳି ଛୁଟିରେ ନିଜ ଘରକୁ ଆସିଥିଲେ । ସେଦିନ ସାଂରେ ବାଣ ଫୁଟାଇବା ସମୟରେ ଚଚରାଗୁଡା ଗ୍ରାମର  ଜଣେ ଯୁବକ ତାଙ୍କୁ ଡାକ କହିଲା ମୋତେ ବାହା ହେବୁ କି ନାହିଁ ।ଏହାପରେ ସେହି ଯୁବକଙ୍କ ସହ ଅନ୍ୟ ଏକ ସାଥି ସମ୍ପୃକ୍ତ ନାବାଳିକାଙ୍କୁ ବାଇକରେ ବସେ, ନଚେତ ମାରିଦେବୁ କହି ତାଙ୍କୁ ଜୋର ଜବରଦସ୍ତ ହାତୀବାଡ଼ି ଗ୍ରାମ ନିକଟକୁ ନେଇଥିଲେ। ସେଠାରେ ଅନ୍ୟ ଜଣ ଯୁବକଙ୍କ ସହ ତାଙ୍କୁ ବାଇକରେ ବସାଇ ଚନ୍ଦାହାଣ୍ଡି ଥାନା ହଳଦୀ ଗ୍ରାମ ଖଲିଆପରା ଗ୍ରାମକୁ ନେଇଥିଲେ । 

ବଡକେରେଙ୍ଗା ପଞ୍ଚାୟତରେ କୁଢକୁଢ ଅଳିଆ

ବଡକେରେଙ୍ଗା ପଞ୍ଚାୟତରେ କୁଢକୁଢ ଅଳିଆ

କୋଲାବନଗର, ୯।୧୧(ଡି.ଏନ୍‌.ଏ): ସବୁ ଆଡେ ଖାଲି କୁଢ କୁଢ ଅଳିଆ।  ପଲିଥିନ, କାଗଜ ଓ ପରିବା ଚୋପାରେ ସୃଷ୍ଟି ହୋଇଛି ଅଳିଆ ପାହାଡ। ସତେ ଯେମିତି ସରକାରଙ୍କ ସ୍ବଚ୍ଛ ଭାରତ ଅଭିଯାନର ନାରା କୋରାପୁଟ ସଦର କୋଲାବନଗର ବଡକେରେଙ୍ଗା ପଞ୍ଚାୟତରେ ପହଞ୍ଚି ପାରୁନାହିଁ । ଏଠାରେ ବସବାସ କରୁଥିବା ଲୋକଙ୍କ ମଧ୍ୟରୁ ପ୍ରାୟ ୭୦ ପ୍ରତିଶତ ସରକାରୀ ଚାକିରିଆ ।

ଦାମନଯୋଡ଼ିରେ କାଳୀପୂଜା

ଦାମନଯୋଡ଼ିରେ କାଳୀପୂଜା

ଦାମନଯୋଡି,୯।୧୧(ଡି.ଏନ୍‌.ଏ)-ଦୀପାବଳି ଅମାବାସ୍ୟା, ପୟା ଶ୍ରାଦ୍ଧ ଓ ମା ଶ୍ୟାମାକାଳୀଙ୍କ ପୂଜା ଦାମନଯୋଡିରେ ପାଳିତ ହୋଇଯାଇଛି । ବାସିନ୍ଦା ଦୀପାବଳି ଉପଲକ୍ଷେ ଆତସବାଜିର ମଜା ନେଇଥିଲେ। ସେହିପରି ବହୁ ଲୋକ ପୟାଶ୍ରାଦ୍ଧ ଉପଲକ୍ଷେ ବଡବଡିଆଙ୍କୁ ପୂଜାର୍ଚ୍ଚନା କରିଥିଲେ। ମଙ୍ଗଳବାର  ମା କାଳୀଙ୍କ ପୂଜା ମଣ୍ଡପରେ  ପୂଜାର୍ଚ୍ଚନା କରାଯାଇଥିଲା। ସ୍ଥାନୀୟ ଆରାଧ୍ୟା ଦେବୀ ମା କଣ୍ଟାବାଉଁଶୁଣୀଙ୍କଠାରେ ମଧ୍ୟ ଶ୍ରଦ୍ଧାଳୁଙ୍କ ଗହଳି ଦେଖାଯାଇଥିଲା ।

ସେମିଳିଗୁଡ଼ାରେ ପାଣି ସଙ୍କଟ

ସେମିଳିଗୁଡ଼ା,୯ା୧୧(ସ୍ବ.ପ୍ର.)-କୋରାପୁଟ ଜିଲା ସେମିଳିଗୁଡ଼ା ପୌରସଂସ୍ଥା ଅଧୀନ ତଳସାହି, ଉପରସାହି, ଗୋପବନ୍ଧୁନଗର, ଗାନ୍ଧୀନଗରରେ ପାଣି ସଙ୍କଟ ଦେଖାଦେଇଛି। ୩ ଦିନ ହେଲାଣି ଲୋକେ ପାଣି ପାଇଁ ଡ଼ହଳବିକଳ ହେଉଛନ୍ତି।  

ନାମକୁ ମାତ୍ର ଉପଖଣ୍ଡ ମେଡିକାଲର ମାନ୍ୟତା: ବର୍ଷେ ବିତିଲାଣି ମିଳୁନି କୌଣସି ସୁବିଧା

ନାମକୁ ମାତ୍ର ଉପଖଣ୍ଡ ମେଡିକାଲର ମାନ୍ୟତା: ବର୍ଷେ ବିତିଲାଣି ମିଳୁନି କୌଣସି ସୁବିଧା

ଚିତ୍ରକୋଣ୍ଡା,୯ା୧୧- ମାଲକାନଗିରି ଜିଲା ଚିତ୍ରକୋଣ୍ଡା ପଞ୍ଚାୟତ ସମିତି ଅନ୍ତର୍ଗତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଉପରେ ୧୫ଟି ପଞ୍ଚାୟତର ଲୋକେ ନିର୍ଭର କରନ୍ତି।  ୨୦୧୧ରେ ଏହାକୁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ମାନ୍ୟତା ମିଳିଥିଲା।

ମୋଦୀଙ୍କ ଗସ୍ତ ପୂର୍ବରୁ ଛତିଶଗଡରେ ମାଓବାଦୀ ହିଂସା,   ଜଣେ ଯବାନ ସମେତ ୫ ମୃତ

ମୋଦୀଙ୍କ ଗସ୍ତ ପୂର୍ବରୁ ଛତିଶଗଡରେ ମାଓବାଦୀ ହିଂସା, ଜଣେ ଯବାନ ସମେତ ୫ ମୃତ

ମାଲକାନଗିରି,୮ା୧୧ (ଡି.ଏନ୍‌.ଏ.)- ମାଲକାନଗିରି ଜିଲା  ସୀମାନ୍ତ ଛତିଶଗଡ ସୁକୁମା ଏବଂ ଦାନ୍ତେବାଡା ଜିଲାରେ ମାଓବାଦୀ ମାନେ ଭିଆଇଛନ୍ତି ତାଣ୍ଡବଲୀଳା । ଛତିଶଗଡ ବିଧାନସଭା ନିର୍ବାଚନ ଆଉ ୪ ଦିନ ବାକି ଥିଲା ବେଳେ ମାଓବାଦୀମାନେ ସୁରକ୍ଷା କର୍ମୀ ଏବଂ ପ୍ରାର୍ଥୀମାନଙ୍କୁ ଟାର୍ଗେଟ କରି ବିସ୍ଫୋରଣ ଏବଂ ହତ୍ୟା ଭଳି ହିଂସା ଘଟାଇଛନ୍ତି।  ଗତ ୨୫ ତାରିଖ ଦିନ ପୋଲିସ ଗୁଳିରେ ଜଣେ ଦୂରଦର୍ଶନ ସାମ୍ବାଦିକ ଅଚୁତାନନ୍ଦ ସାହୁଙ୍କ ମୃତ୍ୟୁ ଘଟିଥିବା ବେଳେ ଏଥିରେ ଅନ୍ୟ ଦୁଇଜଣ ଜବାନଙ୍କ ମୃତ୍ୟୁ ମଧ୍ୟ ଘଟିଥିଲା । 

ଦୋକାନ ଗୃହ ବିଲ୍‌ ପାସ ପାଇଁ ଲାଞ୍ଚ ନେଉଥିଲେ କନିଷ୍ଠ ଯନ୍ତ୍ରୀ, ଭିଡିଓ ଭାଇରାଲ

କାଲିମେଳା,୮।୧୧(ଡି.ଏନ.ଏ.)-ରାଜ୍ୟ ସରକାର ପିସି କାରବାରକୁ ସମ୍ପୂର୍ଣ୍ଣ ରୂପେ ବନ୍ଦ କରିବାକୁ ନିଷ୍ପତ୍ତି ନେଇ ଜିଲାର ଜିଲାପାଳଙ୍କୁ ଏହା ଉପରେ ନଜର ରଖିବାକୁ କହିଥିଲେ। ତେବେ ଗ୍ରାମାଞ୍ଚଳରେ ଏହି ପିସି କାରବାର ଚାଲିଥିବା ଜଣାପଡିଛି । ଏପରି ଏକ ଘଟଣା ମାଲକାନଗିରି ଜିଲା କାଲିମେଳା ବ୍ଲକରେ ଦେଖିବାକୁ ମିଳିଛି । ହାତ ଗୁଞ୍ଜା ନ ଦେଲେ ଏଠାରେ ବିଲ୍‌ ପାସ ହେଉନି । କଲିମେଳା ବ୍ଲକର ଜଣେ କନିଷ୍ଠଯନ୍ତ୍ରୀ ଲାଞ୍ଚ ନେଉଥିବା ସମୟର ଏକ ଭିଡିଓ ଭାଇରାଲ ହେବା ପରେ ଘଟଣା ପଦାକୁ ଆସିଛି। 

ପୂର୍ବତନ ସରପଞ୍ଚଙ୍କୁ ଗଳାକାଟି ହତ୍ୟା

ମାଲକାନଗିରି,୮ା୧୧(ଡି.ଏନ.ଏ.): ଗୁରୁବାର  ସୀମାନ୍ତ ସୁକୁମା ଜିଲା ବଡକୋ ପଞ୍ଚାୟତର ଜଣେ ପୂର୍ବତନ ସରପଞ୍ଚ କଲମୁ ଦୁରଙ୍କୁ ଗଳାକାଟି ହତ୍ୟା କରିଛନ୍ତି। ବୁଧବାର ବିଳମ୍ବିତ ରାତିରେ ମାଓବାଦୀମାନେ ତାଙ୍କୁ ଘରୁ ଡାକିନେଇ ଗାଁ ମୁଣ୍ଡରେ ଅତି ନିକଟରୁ ତାଙ୍କ ଗଳାକାଟି ହତ୍ୟା କରିଥିଲେ। ବିଭିନ୍ନ ସ୍ଥାନରେ ମାଓବାଦୀମାନେ ବ୍ୟାନର ଓ ପୋଷ୍ଟର ଲଗାଇ ନିର୍ବାଚନକୁ ବର୍ଜନ କରିବା ପାଇଁ କହିଥିବା ବେଳେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀଙ୍କୁ ପ୍ରଜାକୋର୍ଟରେ ହତ୍ୟା କରିବା ମଧ୍ୟ ଧମକ ଦେଇଛନ୍ତି। ଫଳରେ ଅବାଧ ଓ ହିଂସାମୁକ୍ତ ନିର୍ବାଚନ ଛତିଶଗଡ ପୋଲିସ ପାଇଁ ଏକ ଚାଲେଞ୍ଜ ସଦୃଶ ହୋଇଛି।

ମୋବାଇଲ ବ୍ୟାଟେରି ଫାଟି ଛାତ୍ର ଗୁରୁତର

ମୋବାଇଲ ବ୍ୟାଟେରି ଫାଟି ଛାତ୍ର ଗୁରୁତର

ନବରଙ୍ଗପୁର,୮। ୧୧(ବି.ପ୍ର.)- ମୋବାଇଲ ବ୍ୟାଟେରି ଫାଟି  ନବରଙ୍ଗପୁର ଜିଲା ଝରିଗାଁ ବ୍ଲକ ଫୁପୁଗାଁ ପଞ୍ଚାୟତ ଅଧିନ ବରାଗୁଡା ଗାଁର ସନାଧର ଭତ୍ରା ଗୁରୁତର ହୋଇଛନ୍ତି। ବରାଗୁଡା ଗାଁର ଦଶରୁ ଭତ୍ରାଙ୍କ ପୁଅ ସନାଧର  ଅଦରକାରୀ  ମୋବାଇଲ ବ୍ୟାଟେରି ଧରି ଖେଳୁଥିଲେ।  ସେହି ସମୟରେ ହଠାତ ବ୍ୟାଟେରି  ଫାଟି ଯିବାରୁ  ଜଙ୍ଘ ଓ ଡାହାଣ ହାତରେ  ଆଘାତ ଲାଗିଥିଲା।  ପରିବାର ଲୋକ ତାଙ୍କୁ  ଉମରକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ନବରଙ୍ଗପୁର ସଦର ମହକୁମା ଡାକ୍ତରଖାନାରେ ଭର୍ତ୍ତି କରାଯାଇଛି। ସୁନାଧର ୬ଷ୍ଠ ଶ୍ରେଣୀରେ ପାଠ ପଢୁଛନ୍ତି। 

ହାତୀମୁଣ୍ଡାରେ ସିଆରସିସି ନିଲମ୍ବିତ, ୫ଜଣଙ୍କ ଦରମା ବନ୍ଦ

ଦାରିଙ୍ଗବାଡ଼ି,୮।୧୧(ଡି.ଏନ.ଏ)- କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ହାତୀମୁଣ୍ଡା ପଞ୍ଚାୟତ ଅଞ୍ଚଳରେ ଶନିବାର ସକାଳ ୯ରୁ ବିଦ୍ୟାଳୟ  ବନ୍ଦ କରିବା ଘଟଣାରେ କନ୍ଧମାଳ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ହାତୀମୁଣ୍ଡା ସିଆରସିସି ଅଜୟ ବଳିଆର ସିଂଙ୍କୁ ବିଇଓ ପୁରେନ୍ଦ୍ର ବେହେରା ନିଲମ୍ବନ କରିଛନ୍ତି। ଏହା ସହ ୫ ଜଣ ଶିକ୍ଷକଙ୍କ ଦରମା ବନ୍ଦ କରାଯାଇଥିବା ଗୁରୁବାର ବିଇଓ ବେହେରା ସୂଚନା ଦେଇଛନ୍ତି।  

ତାଜୁଙ୍ଗିଆ ପଞ୍ଚାୟତବାସୀଙ୍କ ୧୧ ଘଣ୍ଟା ରାସ୍ତାରୋକ

ତାଜୁଙ୍ଗିଆ ପଞ୍ଚାୟତବାସୀଙ୍କ ୧୧ ଘଣ୍ଟା ରାସ୍ତାରୋକ

ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୮।୧୧(ଡି.ଏନ.ଏ)- କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ତାଜୁଙ୍ଗିଆ ପଞ୍ଚାୟତବାସୀ ବିଭିନ୍ନ ଦାବି ନେଇ  ପୂର୍ତ୍ତ ବିଭାଗ ରାସ୍ତାର ମହାଗୁଡ଼ିଠାରେ ରାସ୍ତାରୋକ କରିଥିଲେ। ପଞ୍ଚାୟତବାସୀ ଦାରିଙ୍ଗବାଡ଼ି ଭାୟା ବ୍ରାହ୍ମଣୀଗାଁ ଦେଇ ବ୍ରହ୍ମପୁରକୁ ଲମ୍ବିଥିବା ରାସ୍ତାକୁ  ସକାଳ ୫ରୁ ଅପରାହ୍ନ ସାଢ଼େ ୩ ପର୍ଯ୍ୟନ୍ତ ଅବରୋଧ କରିଥିଲେ।

ପାଣି ଅଭାବରୁ ଫସଲ ନଷ୍ଟ: ଜିଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ

ପାଣି ଅଭାବରୁ ଫସଲ ନଷ୍ଟ: ଜିଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ

କୋରାପୁଟ,୮।୧୧(ସ୍ବ.ପ୍ର)- କୋରାପୁଟ ଜିଲା ଅନ୍ତର୍ଗତ କୋଟପାଡ ବ୍ଲକସ୍ଥିତ ବୁଡି ଅଞ୍ଚଳରେ ଏକର ଏକର ଫସଲ ପାଣି ଅଭାବରୁ ନଷ୍ଟ ହୋଇଯାଇଛି । ଖାଦ୍ୟ ଅଧିକାର ପାଇବା  ନେଇ ଗ୍ରାମବାସୀ ଜିଲାପାଳ କେ.ସୁଦର୍ଶନ ଚକ୍ରବର୍ତ୍ତୀଙ୍କ ଦ୍ୱାରସ୍ଥ ହୋଇଛନ୍ତି। ଏହି ସମସ୍ୟାର ତୁରନ୍ତ ସମାଧାନ ନ ହେଲେ ବାଧ୍ୟ ହୋଇ ସେମାନେ ଦାଦନ ଖଟିବାକୁ ବାହାର ରାଜ୍ୟକୁ ଯିବାକୁ ନିଷ୍ପତ୍ତି ନେଇଥିବା ଗ୍ରାମର ସୋନି ବୁରୁଡି ପ୍ରକାଶ କରିଛନ୍ତି।

 ରାଜନଅର ଗୁଳିକାଣ୍ଡ ଘଟଣା: ପଶ୍ଚିମବଙ୍ଗରୁ ମୁଖ୍ୟ ଅଭିଯୁକ୍ତ ଗିରଫ

ରାଜନଅର ଗୁଳିକାଣ୍ଡ ଘଟଣା: ପଶ୍ଚିମବଙ୍ଗରୁ ମୁଖ୍ୟ ଅଭିଯୁକ୍ତ ଗିରଫ

ଜୟପୁର,୮।୧୧(ନି.ପ୍ର.): ଗତ ସେପ୍ଟେମ୍ବର ୨୫ ତାରିଖରେ କୋରାପୁଟ ଜିଲା ଜୟପୁର ସହର ମୁଖ୍ୟରାସ୍ତା ରାଜନାହାରଠାରେ ହୋଇଥିବା ଗୁଳିକାଣ୍ଡ ଘଟଣାରେ ମୁଖ୍ୟ ଅପରାଧିଙ୍କୁ ଟାଉନ ଥାନା ପୋଲିସ ଗିରଫ କରିଛି। ଦୀର୍ଘ ୪୦ ଦିନ ପରେ ଅଭିଯୁକ୍ତ ବିକାଶ ପାତ୍ରଙ୍କୁ ଧରିବାରେ ପୋଲିସ ସଫଳ ହୋଇଛି।

ଆଲୋକର ପର୍ବରେ କୋରାପୁଟ ସହର ଚଳଚଞ୍ଚଳ

ଆଲୋକର ପର୍ବରେ କୋରାପୁଟ ସହର ଚଳଚଞ୍ଚଳ

କୋରାପୁଟ,୭।୧୧(ସ୍ବ.ପ୍ର.): ଆଲୋକର ପର୍ବ ଦିପାବଳୀ ଓ କାଳୀପୂଜା  ପାଇଁ କୋରାପୁଟ ସହର ଚଳଚଞ୍ଚଳ ହୋଇଛି । ଚଳିତ ବର୍ଷ ସହରର ଡିଏନ୍‌କେସ୍ଥିତ ରବୀନ୍ଦ୍ର ମଣ୍ଡପ, ଫରେଷ୍ଟ କଲୋନି ଭଳି ୪ଟି ସ୍ଥାନରେ କାଳୀପୂଜା ହୋଇଛି ।

ପିକ୍‌ଅପ୍‌ ଓଲଟିଲା: ଜଣେ ମୃତ, ୫ ଗୁରୁତର

ପିକ୍‌ଅପ୍‌ ଓଲଟିଲା: ଜଣେ ମୃତ, ୫ ଗୁରୁତର

ମାଲକାନଗିରି,୭।୧୧(ଡି.ଏନ୍‌.ଏ.): ମାଲକାନଗିରି ଜିଲାରେ ବୁଧବାର ସଡ଼କ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଗୁରୁତର ହୋଇଛନ୍ତି।