ରାୟଗଡା

ଆଇନ ସଚେତନତା ଶିବିର

ଆଇନ ସଚେତନତା ଶିବିର

ଚାନ୍ଦିଲି(କୋଟପାଡ), ୧୯।୮(ଡି.ଏନ୍‌.ଏ.): କୋରାପୁଟ ଜିଲା କୋଟପାଡ ତାଲୁକ ଆଇନ ସହାୟତା ସମିତି ପକ୍ଷରୁ କୋଟପାଡ ସରକାରୀ ଉଚ୍ଚ ବିଦ୍ୟାଳୟରେ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି।

ଦାମନଯୋଡିରେ ‘ମିଶନ ଇନ୍ଦ୍ରଧନୁଷ’ କାର୍ଯ୍ୟକ୍ରମ

ଦାମନଯୋଡିରେ ‘ମିଶନ ଇନ୍ଦ୍ରଧନୁଷ’ କାର୍ଯ୍ୟକ୍ରମ

ଦାମନଯୋଡି, ୧୯।୭(ଡି.ଏନ୍‌.ଏ.): କୋରାପୁଟ ବ୍ଲକ ମାଥଲପୁଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ ସ୍ବତନ୍ତ୍ର ମିଶନ ଇନ୍ଦ୍ର ଧନୁଷ କାର୍ଯ୍ୟକ୍ରମ ଉଦ୍‌ଘାଟିତ ହୋଇଛି। ମାଥଲପୁଟ ଗଜପତି କଲୋନୀ ଅଙ୍ଗନଓ୍ବାଡି କେନ୍ଦ୍ରରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ଡା. ମାର୍ଶାଲିନ ବିଶ୍ୱାଳ ଉଦ୍‌ଘାଟନ କରିଥିଲେ।

ରାମସିଂ ଦୁରୁଆଙ୍କ ଚିକିତ୍ସାରେ ବିଳମ୍ବ

ବୈପାରିଗୁଡା,୧୯।୭ ବୈପାରୀଗୁଡା ବ୍ଲକ ଗୁପ୍ତେଶ୍ୱର ପଞ୍ଚାୟତ ତାଲୁର ଗ୍ରାମର ଆଦିବାସୀ ବାଳକ ରାମସିଂ ଦୁରିଆ (୧୨)ଙ୍କ ଚିକିତ୍ସା ଦାୟିତ୍ୱ ସ୍ବାସ୍ଥ୍ୟ ବିଭାଗ ନେଇଛି। କିନ୍ତୁ ଏବେ ସେ ସ୍ବାସ୍ଥ୍ୟ ବିଭାଗର ବିଧିବ୍ୟବସ୍ଥାରେ ଛନ୍ଦି ହୋଇପଡୁଥିବାରୁ ଶୀଘ୍ର ଚିକିତ୍ସା ପାଇବାରୁ ବଞ୍ଚିତ ହେଉଛନ୍ତି । ଦିଶାରୀଙ୍କ ତ୍ରୁଟିପୂର୍ଣ୍ଣ ଚିକିତ୍ସା ପରିଣାମରେ ରାମସିଂଙ୍କ ଡାହାଣପଟ ଆଣ୍ଠୁ ଅସ୍ବାଭାବିକ ଭାବେ ଫୁଲିଯିବା ସହ ଅସହ୍ୟ ଯନ୍ତ୍ରଣା ହେଉଥିଲା। ଗତ ୭ମାସ ହେବ ରାମସିଂ ଶଯ୍ୟାଶାୟୀ ଥିବାରୁ ବିଦ୍ୟାଳୟ ଯିବା ବନ୍ଦ କରିଦେଇଥିଲା । ଏ ସମ୍ପର୍କରେ ଏକ ଖବର ଗତ ୧୧ତାରିଖ ‘ଧରିତ୍ରୀ’ରେ ପ୍ରକାଶ ପାଇବା ପରେ ସ୍ବାସ୍ଥ୍ୟ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଥିଲା। ସିଡିଏମଓଙ୍କ ନିର୍ଦ୍ଦେଶକ୍ରମେ ସ୍ଥାନୀୟ ରାଷ୍ଟ୍ରୀୟ ବାଳ ସ୍ବାସ୍ଥ୍ୟ କାର୍ଯ୍ୟକ୍ରମରେ ନିୟୋଜିତ ଡାକ୍ତର ପ୍ରତାପ ଚନ୍ଦ୍ର ତ୍ରିପାଠୀ ଉକ୍ତ ଗ୍ରାମକୁ ଯାଇ ରାମସିଂଙ୍କୁ ବୈପାରିଗୁଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ । ଶୁକ୍ରବାର ଏଠାରୁ ୧୦୮ ଗାଡିରେ ଜୟପୁର ସବଡିଭିଜନ ମେଡିକାଲକୁ ପଠାଯାଇଥିଲା । ଶନିବାର ପୁଣି ସେଠାରୁ କୋରାପୁଟ ମୁଖ୍ୟ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଥିଲା। ତେବେ ରାମସିଂଙ୍କ ସମସ୍ତ ଚିକିତ୍ସା ଦାୟିତ୍ୱ ସ୍ବାସ୍ଥ୍ୟ ବିଭାଗ ନେଇଥିବା ଏବଂ ଆରବିଏସକେ ଫଣ୍ଡରୁ ଭରଣା କରାଯିବ ବୋଲି ଡଃ ତ୍ରିପାଠୀ କହିଥିଲେ ।

କାଗଜକଳ ଶ୍ରମିକ ଅଶାନ୍ତି : ଆଲୋଚନା ବିଫଳ

କାଗଜକଳ ଶ୍ରମିକ ଅଶାନ୍ତି : ଆଲୋଚନା ବିଫଳ

ଜୟପୁର,୧୯।ା୭(ଡି.ଏନ.ଏ ) କୋରାପୁଟ ଜିଲା ଜୟପୁର ନିକଟସ୍ଥ ଗାଗନାପୁର କାଗଜକଳ ଶ୍ରମିକ ଅଶାନ୍ତିର ସମାଧାନ ପାଇଁ ଅନୁଷ୍ଠିତ ଆଲୋଚନା ବିଫଳ ହୋଇଛି। ଗତ ଶୁକ୍ରବାରଠାରୁ କାଗଜକଳର ଉପତ୍ାଦନ ବନ୍ଦରହିଛି । ଶ୍ରମିକମାନଙ୍କ ବିଭିନ୍ନ ଦାବି ନେଇ ୫୫ଦିନ ଧାରଣାପରେ ଗତ ମଙ୍ଗଳବାରଠାରୁ ୫ ଜଣ ଶ୍ରମିକ ଖାଦ୍ୟ ବର୍ଜନ କରିବା ସହିତ ଆମରଣ ଅନଶନ ସହ ଧାରଣାରେ ବସିଛନ୍ତି । ଏହି ସମସ୍ୟାକୁ ନେଇ ଜିଲାପ୍ରଶାସନର ନିର୍ଦ୍ଦେଶକ୍ରମେ ପ୍ରଶାସନ, ପୋଲିସ ଏବଂ ଶ୍ରମ ଅଧିକାରୀଙ୍କ ମଧ୍ୟସ୍ଥାରେ ଆନ୍ଦୋଳନକାରୀ ଶ୍ରମିକ ପ୍ରତିନିଧି ଏବଂ କାଗଜକଳର ସ୍ଥାନୀୟ କର୍ତ୍ତୃପକ୍ଷଙ୍କ ମଧ୍ୟରେ ଜୟପୁର ଉପଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷଠାରେ ଆଲୋଚନା ଅନୁଷ୍ଠିତ ହୋଇଥିଲା । ଏହିପରି ଉଭୟ ଉଭୟଙ୍କୁ ସର୍ତ୍ତ ରଖିବା ସହିତ ଜିଦରେ ଅଟଳ ରହିବା ଯୋଗଁୁ ଆଲୋଚନା ବିଫଳ ହୋଇଛି ।

ଭାଙ୍ଗିଗଲା ବିଦ୍ୟାଳୟ ବାରଣ୍ଡାର ୨ ଖମ୍ବ

ଭାଙ୍ଗିଗଲା ବିଦ୍ୟାଳୟ ବାରଣ୍ଡାର ୨ ଖମ୍ବ

ଜୟପୁର,୧୯।୭(ଡି.ଏନ.ଏ ) କୋରାପୁଟ ଜିଲା ଜୟପୁର ବ୍ଲକର ଛେତ୍ରୀପୁଟ ଗ୍ରାମର ପ୍ରାଥମିକ ବିଦ୍ୟାଳୟର ବାରଣ୍ଡାର ଦୁଇ କଙ୍କ୍ରିଟ ଖମ୍ବ ଏବଂ ବିମ୍‌ ଭାଙ୍ଗି ପଡିଛି। ଏହା ଭାଙ୍ଗିଥିବା ଯୋଗଁୁ ଏକ ବଡ ଅଘଟଣରୁ ବିଦ୍ୟାଳୟର ଛାତ୍ରୀଛାତ୍ର ବର୍ତ୍ତିଯାଇଛନ୍ତି । ପୂର୍ବାହ୍ନରେ ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀ ପହଞ୍ଚି ଘଟଣା ସମ୍ପର୍କରେ ବିଭାଗୀୟ କର୍ତ୍ତୃପକ୍ଷଙ୍କୁ ଅବଗତ କରାଇଛନ୍ତି । ତୁରନ୍ତ ସିଆରସିସି ବାଲ୍ୟ ପ୍ରସାଦ ଭଟ୍ଟମିଶ୍ର ପହଞ୍ଚି ବିଦ୍ୟାଳୟର ସମସ୍ତ ସାମଗ୍ରୀ ବାହାର କରିବାକୁ ନିର୍ଦ୍ଦେଶ ଦେଇଥିଲେ। ସ୍ଥାନୀୟ ଛେତ୍ରୀପୁଟ ଗ୍ରାମର ବାସିନ୍ଦା ମଦନ ଗାଦବା ନିଜ ଗୃହରେ ବିଦ୍ୟାଳୟ ପରିଚାଳନା କରିବା ଶିକ୍ଷକ ଏବଂ ସିଆରସିସିଙ୍କୁ ନିଜ ଗୃହର କକ୍ଷ ପ୍ରଦାନ କରିବା ପରେ ସେଠାରେ ବିଦ୍ୟାଳୟର ପାଠପଢା ହୋଇଛି।

ବ୍ୟାଙ୍କର ସୁରକ୍ଷା ନେଇ  ସଚେତନତା କାର୍ଯ୍ୟକ୍ରମ

ବ୍ୟାଙ୍କର ସୁରକ୍ଷା ନେଇ ସଚେତନତା କାର୍ଯ୍ୟକ୍ରମ

ଜୟପୁର,୧୯।୭(ଡି.ଏନ.ଏ ) ରାଜ୍ୟର ବିଭିନ୍ନ ସହରରେ ବ୍ୟାଙ୍କ ଗୁଡିକରୁ ଦିବାଲୋକରେ ଡକାୟତି ଘଟୁଥିବା ନେଇ ପୋଲିସ୍‌ ପକ୍ଷରୁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଜିଲାର ବିଭିନ୍ନ ଥାନାରେ ପୋଲିସ ପକ୍ଷରୁ ବ୍ୟାଙ୍କ ଅଧିକାରୀଙ୍କୁ ନେଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ବ୍ୟାଙ୍କ ସୁରକ୍ଷା ନେଇ ଉଚିତ ପଦକ୍ଷପ ଗ୍ରହଣ କରିବାକୁ ଏଥିରେ ମତପ୍ରକାଶ ପାଇଛି। ସୁରକ୍ଷା ତଦାରଖ କୌଶଳ ପ୍ରଶିକ୍ଷଣ ନିମନ୍ତେ ମକଡ୍ରିଲ କରାଯିବ ବୋଲି ଗତ ସପ୍ତାହରେ ସୂଚନା ଦିଆଯାଇଥିଲା । ଏଥିନେଇ ବୁଧବାର ପୂର୍ବାହ୍ନ ୧୨ଟାେରେ ଜୟପୁର ଟାଉନଥାନା ପୋଲିସ ପକ୍ଷରୁ ମକଡ୍ରିଲ ସ୍ବରୁପ ୧୦ଜଣ ପୋଲିସ କର୍ମଚାରୀ ହେଲମେଟ ଏବଂ ମୁଖାପିନ୍ଧି ପ୍ରଥମ ଜୟପୁର ବେଲ ରୋଡସ୍ଥିତ ଗାନ୍ଧିଛକ ଭାରତୀୟ ଷ୍ଟେଟ ବ୍ୟାଙ୍କରେ ପ୍ରବେଶ କରିଥିଲେ । ଏହିପରି ବ୍ୟାଙ୍କଲୁଟେରା ଭାବେ ପ୍ରତୀକ ମକଡ୍ରିଲ କରିବା ସହିତ କର୍ମଚାରୀ ଏବଂ ଗ୍ରାହକଙ୍କୁ ଭୟଭୀତ କରିଥିଲେ ।

ହୋମିଓପାଥିକ ଚିକିତ୍ସା କେନ୍ଦ୍ର ଭଡ଼ାସୂତ୍ରରେ ଦେବାକୁ ବିରୋଧ

ଜୟପୁର୧୯।୭(ନି.ପ୍ର): ବାବା ସାହେବ ହୋମିଓପାଥିକ ଚିକିତ୍ସା ଏବଂ ଦାତବ୍ୟ କେନ୍ଦ୍ରର ଗୃହକୁ ଭଡ଼ାସୂତ୍ରରେ ଦେବାକୁ ନିଷ୍ପତ୍ତି ହୋଇଛି। ଏହାକୁ ଜୟପୁର ନାଗରିକ ପରିଷଦ ବିରୋଧ କରିଛି। ଏହି ନିଷ୍ପତ୍ତିରୁ ଓହରିଯିବାକୁ ପୌର ନିର୍ବାହୀ ଅଧିକାରୀଙ୍କୁ ପତ୍ରଲେଖି ପ୍ରତିବାଦ ଜଣାଇଛି ନାଗରିକ ପରିଷଦ । ଏପରି ନହେଲେ ଆନ୍ଦୋଳନ କରିବାକୁ ଚେତାବନୀ ଦେଇଛି।

ଭାଜପାର ପ୍ରାକ୍‌ ନିର୍ବାଚନ ପ୍ରସ୍ତୁତି

ଭାଜପାର ପ୍ରାକ୍‌ ନିର୍ବାଚନ ପ୍ରସ୍ତୁତି

ମାଲକାନଗିରି, ୧୯।୭(ଡି.ଏନ.ଏ) - ମାଲକାନଗିରି ଜିଲା ସଦର ମହକୁମାସ୍ଥିତ ସ୍ଥାନୀୟ ଏକ ଲଜ୍‌ରେ ଭାରତୀୟ ଜନତା ପାର୍ଟି ପକ୍ଷରୁ ନବରଙ୍ଗପୁର ସଂସଦୀୟ କ୍ଷେତ୍ର ଅନ୍ତର୍ଗତ ମାଲକାନଗିରି ଓ ଚିତ୍ରକୋଣ୍ଡା ନିର୍ବାଚନ ମଣ୍ଡଳି ପାଇଁ ଆଗାମୀ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଟିତ ହୋଇଯାଇଛି । ପୂର୍ବତନ ଜିଲା ସଭାପତି ଆଦିତ୍ୟ ମାଢିଙ୍କ ସଭାପତିତ୍ୱରେ ହୋଇଥିବା ଏହି ବୈଠକରେ ପୂର୍ବତନ ଉପବାଚସ୍ପତି ପ୍ରହ୍ଲାଦ ଦୋରା, ରାଜ୍ୟ କାର୍ଯ୍ୟକାରୀ ସଦସ୍ୟ ଡ.କାମରାଜ କବାସି, ଶ୍ୟାମଲ ସୁନାନି, ଅକ୍ଷୟ ବିଶୋୟୀ ପ୍ରମୁଖ ଯୋଗ ଦେଇଥିଲେ । ତେବେ ଆଗାମୀ ୨୦୧୯ ନିର୍ବାଚନ ନେଇ ସଙ୍ଗଠନ କିପରି ମଜବୁତ୍‌ ହେବ ଉଭୟ ନିର୍ବାଚନ ମଣ୍ଡଳୀରେ ଭାଜପା ପ୍ରାର୍ଥୀ ଚୟନ ଓ ନିର୍ବାଚନରେ କିଭଳି ଦଳ ଭଲ ପ୍ରଦର୍ଶନ କରି ବିଜୟୀ ହେବ ସେନେଇ ଆଲୋଚନା ହୋଇଥିଲା । ରାଜ୍ୟ ସରକାରଙ୍କ ବିଫଳତା ଓ ମୋଦି ସରକାରଙ୍କ ଗତ ୪ ବର୍ଷର ବିଭିନ୍ନ ଉନ୍ନୟନମୂଳକ ଯୋଜନା ଲୋକଙ୍କ ନିକଟରେ ପହଁଚାଇବା, କେନ୍ଦ୍ର ସରକାରଙ୍କ ଲୋକାଭିମୁଖୀ କାର୍ଯ୍ୟର ସଚେତନତା ସହ ଏହି ୨ଟି ନିର୍ବାଚନ ମଣ୍ଡଳୀରେ ବିଧାୟକ ପ୍ରାର୍ଥୀ ଚୟନ ନେଇ ଆଲୋଚନା ହୋଇଥିଲା । ଗତ ନିର୍ବାଚନରେ ମାଲକାନଗିରି ନିର୍ବାଚନ ମଣ୍ଡଳୀରେ ଆଦିତ୍ୟ ମାଢିଙ୍କୁ ଭାଜପା ପାର୍ଥୀ କରିଥିଲା।

ବଦଳିବ ଏମ.ଭି ଗ୍ରାମର ନାମ: ବସୁନ୍ଧରା ଯୋଜନା କାର୍ଯ୍ୟକାରୀ ନେଇ ପକ୍ରିୟା ଆରମ୍ଭ

ମାଲକାନଗିରି, ୧୯।୭ (ଡି.ଏନ.ଏ)- ମାଲକାନଗିରି ଜିଲାର ଗ୍ରାମର ଭୂମିହୀନ ଗରିବ ଆଦିବାସୀଙ୍କୁ ବସୁନ୍ଧରା ଯୋଜନାରେ ପଟ୍ଟା ପ୍ରଦାନ ସହ ଦଣ୍ଡକାରଣ୍ୟ ପ୍ରକଳ୍ପ ସମୟରେ ଥଇଥାନ କରାଯାଇଥିବା ବଙ୍ଗୀୟ ଗ୍ରାମଗୁଡିକର ନାମ ପରିବର୍ତ୍ତନ ପକ୍ରିୟା ଆରମ୍ଭ ହୋଇଛି ବୋଲି ମାଲକାନଗିରି ବିଧାୟକ ମାନସ ମାଡକାମି କହିଛନ୍ତି। ଜିଲ୍ଲା ସଦର ମହକୁମାରେ ଦୀର୍ଘ ଦିନ ଧରି ରହିଥିବା ରାମକଣ୍ଠପୁରମ କିସମରେ ବତ୍ତର୍ର୍ମାନ ସୁଦ୍ଧା ୪୮୦ ଜଣଙ୍କୁ ସ୍ଥାୟୀ ପଟ୍ଟା ପ୍ରଦାନ କରାଯାଇଛି। ଆଉ ୩୫ ଜଣଙ୍କୁ ପଟ୍ଟା ପ୍ରଦାନ ପାଇଁ ସମସ୍ତ ପ୍ରକ୍ରିୟା ଶେଷ ହୋଇଛି । ଯେଉଁ ଲୋକମାନଙ୍କର ଅତିରିକ୍ତ ସ୍ଥାନ ରହିଛି ଆଗାମୀ ଦିନରେ ସେହି ସବୁ ସ୍ଥାନର ପଟ୍ଟାପ୍ରଦାନ କରାଯିବା ପାଇଁ ସରକାରୀ ସ୍ତରରେ ନିଷ୍ପତ୍ତି ହୋଇଥିବା ଲାଠିଆଗୁଡ଼ାସ୍ଥିତ ବିଧାୟକଙ୍କ ବାସଭବନଠାରେ ଆୟୋଜିତ ଏକ ଖବରଦାତା ସମ୍ମିଳନୀରେ ସେ କହିଛନ୍ତି।

ଷ୍ଟେଟ ବ୍ୟାଙ୍କରେ ପୋଲିସର ମକଡ଼ିଲ୍‌

ମାଲକାନଗିରି,୧୯।୭(ସ୍ବ.ପ୍ର) ମାଲକାନଗିରି ଜିଲା ବାଲିମେଳା ବିଜ୍ଞାପିତ ଅଞ୍ଚଳ ପରିଷଦରେ ଥିବା ଭାରତୀୟ ଷ୍ଟେଟବ୍ୟାଙ୍କରେ ଏସଡିପିଓ ମାନସ ରାଉତଙ୍କ ନେତୃତ୍ୱରେ ଏକ ପୋଲିସ ମକଡ଼ିଲ କାର୍ଯ୍ୟକ୍ରମ ଅନୁଷ୍ଠତ ହୋଇଯାଇଛି। ବ୍ୟାଙ୍କରେ ଡକାୟତି କରିବାକୁ ଡକାୟତ ପଶିଲେ ବ୍ୟାଙ୍କ ତରଫରୁ କଣ ସୁରକ୍ଷା ବ୍ୟବସ୍ଥା ରହିଛି ଏହା ପରୀକ୍ଷା କରାଯିବା ଲାଗି ଏହି ମକଡ୍ରିଲ ହୋଇଥିଲା। ବ୍ୟାଙ୍କ ଆଗରେ କିଛି ପୋଲିସ ରହି କିଛି ପୋଲିସ କର୍ମଚାରୀଙ୍କୁ ମୁହଁରେ କପଡ଼ା ବାନ୍ଧି ଡକାୟତ ବେଶରେ ପଶିଥିଲେ। ଭିତରେ ବ୍ୟାଙ୍କ କର୍ମଚାରୀ ଡରି ସମସ୍ତ ଟଙ୍କା ନେଇ ଯିବାକୁ ଡକାୟତଙ୍କୁ କହିଥିଲେ। ବ୍ୟାଙ୍କ ପକ୍ଷରୁ ଏହି ସମୟରେ ସାଇରନ ବାଜି ନ ଥିଲା କିମ୍ବା ପୋଲିସକୁ ଫୋନ କରାଯାଇନ ଥିଲା। ୫ମିନିଟ ପରେ ବାହାରେ ଥିବା ପୋଲିସ ବ୍ୟାଙ୍କରେ ପଶିଥିଲେ। ବ୍ୟାଙ୍କରେ ଯେଉଁ ଗ୍ରାହକ ଥିଲେ ସେମାନଙ୍କୁ ନ ଡରିବାକୁ କହିବା ସହ ବ୍ୟାଙ୍କ ମେନେଜରଙ୍କୁ ସେମାନଙ୍କ ଏହା ଏକ ମକଡ଼ିଲ ଥିଲା ବୋଲି କହିଥିଲେ।

ବିଭିନ୍ନ ସମସ୍ୟା ପଚାରି ବୁଝିଲେ ବିଧାୟକ

ବିଭିନ୍ନ ସମସ୍ୟା ପଚାରି ବୁଝିଲେ ବିଧାୟକ

କାଲିମେଳା,୧୯।୭(ଡି.ଏନ.ଏ)- ମାଲକାନଗିରି ଜିଲା କାଲିମେଳା ବ୍ଲକର ଦୁର୍ଗମ ମହାରାଜପାଲି ଓ ଲୁଗେଲ ପଞ୍ଚାୟତକୁ ମାଲକାନଗିରି ବିଧାୟକ ମାନସ ମାଡକାମି ପରିଦର୍ଶନ କରିଛନ୍ତି। ପୂର୍ବାହ୍ନରେ ସେ ପ୍ରଥମେ ଲୁଗେଲ ପଞ୍ଚାୟତ ଗସ୍ତ କରି ସେଠାରେ ଜନସାଧାରଣଙ୍କ ସହ ବୈଠକ କରି ବିଭିନ୍ନ ଅସୁବିଧା ସବିଧା ସମ୍ପର୍କରେ ପଚାରି ବୁଝିଥିଲେ। ରାଶନ କାର୍ଡଠାରୁ ଆରମ୍ଭ କରି ବୃଦ୍ଧାବୃଦ୍ଧଙ୍କୁ ଭତ୍ତା,ପ୍ରଧାନମନ୍ତ୍ରୀ ଆବାସ ଯୋଜନାରେ ଘର, ରସ୍ତାଘାଟ ଆଦି ବିଭିନ୍ନ ସମସ୍ୟା ରହିଥିବା ଗ୍ରାମବାସୀ ବିଧାୟକଙ୍କ ନିକଟରେ ପ୍ରକାଶ କରିଥିଲେ ।

ଗୋଷ୍ଠୀ ବିବାଦ ଯୋଗୁ ଉକୁମ୍ବା ଗାଁ ଅଶାନ୍ତ

ଗୋଷ୍ଠୀ ବିବାଦ ଯୋଗୁ ଉକୁମ୍ବା ଗାଁ ଅଶାନ୍ତ

ଗୁଣପୁର,୧୯।୭(ଡି.ଏନ.ଏ)- ରାୟଗଡା ଜିଲା ରାମନାଗୁଡା ବ୍ଲକ ଉକୁମ୍ବାଠାରେ ଗୋଷ୍ଠୀ ବିବାଦ ଯୋଗୁ ପରିସ୍ଥିତି ଅଶାନ୍ତ ହେବାରେ ଲାଗିଛି। ଗୋଟିଏ ଗୋଷ୍ଠୀ ତଥା ମହିଳାମାନେ ମଦକୁ ବିରୋଧ କରି ମଙ୍ଗଳବାର ପ୍ରଶାସନକୁ ଦାବିପତ୍ର ଦେଇଥିବା ବେଳେ ଅନ୍ୟ ଏକ ଗୋଷ୍ଠୀ ବିରୋଧୀ ବିଶୃଙ୍ଖଳା ପରିସ୍ଥିତି ସୃଷ୍ଟି କରୁଥିବା ଅଭିଯୋଗ ଆଣି କାର୍ଯ୍ୟାନୁଷ୍ଠାନ ଦାବିରେ ପ୍ରଶାସନ ଉଦ୍ଦେଶ୍ୟରେ ଦାବିପତ୍ର ଦେଇଛନ୍ତି। ଯାହା ଉକୁମ୍ବା ପରିସ୍ଥିତିକୁ ବିଗିଡିବା ଆଶଙ୍କା ସୃଷ୍ଟି କରିଛି। ବେଳ ଥାଉଣୁ ପୋଲିସ ପ୍ରଶାସନ ପଦକ୍ଷେପ ନ ନେଲେ ସେଠାରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ପ୍ରକାଶ ଯେ, ଦଳିତ ବର୍ଗର ମହିଳାମାନେ ମଦକୁ ବିରୋଧ କରିବା ସହ ଜାତିଭେଦ କରି ଗ୍ରାମରେ ସେମାନଙ୍କୁ ବାସନ୍ଦ କରାଯାଉଥିବା ଅଭିଯୋଗ କରିଥିଲେ।

ସମବାୟ ବ୍ୟାଙ୍କ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ସମବାୟ ବ୍ୟାଙ୍କ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ଚନ୍ଦ୍ରପୁର, ୧୯।୭ (ଡି.ଏନ୍‌.ଏ.)- ରାୟଗଡ଼ା ଜିଲା ଚନ୍ଦ୍ରପୁର ବ୍ଲକର ହନୁମନ୍ତପୁର ପଞ୍ଚାୟତ ରାଜୀବ ଗାନ୍ଧୀ ସେବାକେନ୍ଦ୍ର ସଭାଗୃହରେ ଚନ୍ଦ୍ରପୁର ଲ୍ୟାମ୍ପ୍‌ସ ତରଫରୁ ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ସମବାୟ ବ୍ୟାଙ୍କ ତରଫରୁ ଚାଷୀମାନଙ୍କ ମଧ୍ୟରେ ଉତ୍ତମ ସମ୍ପର୍କ ସ୍ଥାପନ, ସମବାୟରେ ରହିଥିବା ବିଭିନ୍ନ ସୁବିଧା, ସମବାୟ ସମିତିର ସଭ୍ୟ ହେବା, ନିଜ ନାମ ପଞ୍ଜିକୃତ, ପ୍ରଧାନମନ୍ତ୍ରୀ ଫସଲବୀମା, ଖରିଫ ଚାଷ, କୃଷି ଯନ୍ତ୍ରପାତିରେ ରହିଥିବା ରିହାତି, ସମିତି ସ୍ତରରେ ମିଳୁଥିବା ସୁବିଧା ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇଥିଲା। ଏଥିରେ ମୁଖ୍ୟଅତିଥି ଭାବେ ଗୁଣପୁର ସମବାୟ ବିଭାଗର ସହକାରୀ ନିବନ୍ଧକ ସୀତାପତି କରୁଣାକର ମାଝି ଯୋଗଦେଇ ଥିଲେ।

ପୋଲିସ ଦ୍ୱାରା ବିଭିନ୍ନ ବ୍ୟାଙ୍କ ଯାଞ୍ଚ୍‌

ପୋଲିସ ଦ୍ୱାରା ବିଭିନ୍ନ ବ୍ୟାଙ୍କ ଯାଞ୍ଚ୍‌

ମୁନିଗୁଡା, ୧୯।୭ (ଡି.ଏନ୍‌.ଏ.)- ରାଜ୍ୟରେ ଏବେ ବ୍ୟାଙ୍କ ଲୁଟ୍‌ ଘଟଣା ଅଧିକ ହେଉଥିବାରୁ ରାୟଗଡ଼ା ଏସ୍‌ପି ରାହୁଲ ପି.ଆର.ଙ୍କ ନିର୍ଦ୍ଦେଶ କ୍ରମେ ମୁନିଗୁଡାଠାରେ ଏସ୍‌ଡିପିଓ ଚନ୍ଦ୍ରଶେଖର ହୋତା ଓ ଥାନାଧିକାରୀ ଯଶବନ୍ତ ହିଆଲଙ୍କ ମିଳିତ ନେତୃତ୍ୱରେ ଏକ ଟିମ୍‌ ସହରର ବିଭିନ୍ନ ବ୍ୟାଙ୍କର ସୁରକ୍ଷା ବ୍ୟବସ୍ଥା ଯାଞ୍ଚ କରିଥିଲେ। ଏସ୍‌ଆଇ ତପନ କୁମାର ମାହାଲି, ଶ୍ୱେତ ପଦ୍ମା ସେଠ୍‌, ସର୍ବେଶ୍ୱର ଖାଡ଼ାଙ୍ଗା, କନଷ୍ଟେବଲ କୃତିବାସ ସାହୁଙ୍କ ସମେତ ଅନ୍ୟ କର୍ମଚାରୀମାନେ ମୁନିଗୁଡାର ଭାରତୀୟ ଷ୍ଟେଟ୍‌ବ୍ୟାଙ୍କ, ଆଇସିଆଇସିଆଇ ବ୍ୟାଙ୍କ, ୟୁନିୟନ ବ୍ୟାଙ୍କ, ଉତ୍କଳ ଗ୍ରାମ୍ୟ ବ୍ୟାଙ୍କରେ ପହଞ୍ଚି ବ୍ୟାଙ୍କରେ ଲାଗିଥିବା ସିସି କ୍ୟାମେରା, ଜରୁରୀକାଳୀନ ସାଇରନ୍‌ ସହ ଅନ୍ୟ ସୁବିଧା ଅସୁବିଧା ସମ୍ପର୍କରେ ଯାଞ୍ଚ କରିଥିଲେ।

 ହିତାଧିକାରୀଙ୍କୁ ଭତ୍ତା, କାର୍ଯ୍ୟାଦେଶ ପ୍ରଦାନ

ହିତାଧିକାରୀଙ୍କୁ ଭତ୍ତା, କାର୍ଯ୍ୟାଦେଶ ପ୍ରଦାନ

କଲ୍ୟାଣସିଂହପୁର, ୧୯।୭ (ଡି.ଏନ୍‌.ଏ.)- ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ କାର୍ଯ୍ୟାଳୟ ପରିସରରେ ହିତାଧିକାରୀମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟାଦେଶ ଓ ଭତ୍ତା ପ୍ରଦାନ କରାଯାଇଥିଲା। ବିଷମକଟକ ବିଧାୟକ ଜଗନ୍ନାଥ ସାରକା ମୁଖ୍ୟଅତିଥି, ବ୍ଲକ ଚେୟାରମ୍ୟାନ୍‌ ଯୋଗେନ୍ଦ୍ର ଓ୍ବାଡ୍‌କା, ଭାଇସ୍‌ ଚେୟାରମ୍ୟାନ୍‌ ସୁମିତ୍ରା ଓ୍ବାଡ୍‌କା, ବିଡ଼ିଓ ଅନୁପ ପଣ୍ଡା, ଏବିଡ଼ିଓ ଭଗବାନ ଗୌଡ଼ ସମ୍ମାନିତ ଅତିଥିଭାବେ ଯୋଗ ଦେଇଥିଲେ।

 ସଦ୍‌ଗୁରୁ ଅର୍ଜୁନଙ୍କ  ଜୟନ୍ତୀ

ସଦ୍‌ଗୁରୁ ଅର୍ଜୁନଙ୍କ ଜୟନ୍ତୀ

ରାୟଗଡା ଅଫିସ୍‌, ୧୯।୭- ରାୟଗଡା ସହରର ରିଙ୍ଗରୋଡସ୍ଥିତ ଦିବ୍ୟଦର୍ଶନ ସଂଘ ରାୟଗଡା ଶାଖା ପରିସରରେ ସଂଘର ପ୍ରତିଷ୍ଠାତା ସଦ୍‌ଗୁରୁ ଅର୍ଜୁନଙ୍କ ୮୬ତମ ଜୟନ୍ତୀ ମହୋତ୍ସବ ପାଳିତ ହୋଇଯାଇଛି। ଏହି ଉପଲକ୍ଷେ ଦିବ୍ୟ ଦର୍ଶନ ଚାରିଟେବୁଲ ଟ୍ରଷ୍ଟ ପକ୍ଷରୁ ଶାଖା ପରିସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ରୂପେ ରାୟଗଡା ବିଧାୟକ ତଥା ଜିଲା ଯୋଜନା କମିଟି ଅଧ୍ୟକ୍ଷ ଲାଲ୍‌ବିହାରୀ ହିମିରିକା, ଅତିରିକ୍ତ ଜିଲାପାଳ ସୁଧାକର ଶବର ପ୍ରମୁଖ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।

 ନିଆରା ପରମ୍ପରା : ମାନସିକ ପୂରଣ ପାଇଁ ଲଣ୍ଡା ହେଲେ ଶ୍ରଦ୍ଧାଳୁ

ନିଆରା ପରମ୍ପରା : ମାନସିକ ପୂରଣ ପାଇଁ ଲଣ୍ଡା ହେଲେ ଶ୍ରଦ୍ଧାଳୁ

ପାରଳାଖେମୁଣ୍ଡି,୧୯।୭(ସ୍ବ.ପ୍ର.)- ଗଜପତି ଜିଲା ରାୟଗଡ ବ୍ଲକ ମହେନ୍ଦ୍ରଗିରି ପାଦ ଦେଶରେ ଥିବା ଜିରାଙ୍ଗ ଗ୍ରାମରେ ରଥଯାତ୍ରା ଅବସରରେ ପବିତ୍ର ହେରାପଞ୍ଚମୀରେ ଏକ ନିଆରା ପରମ୍ପରା ରହିଛି। ଶ୍ରଦ୍ଧାଳୁମାନେ ନିଜ ମନୋସ୍କାମନା ବା ମାନସିକ ପୂରଣ ନିମନ୍ତେ ସ୍ଥାନୀୟ ଗୁଣ୍ଡିଚା ବାଡି ପରିସରରେ ଲଣ୍ଡା ହୋଇଥାନ୍ତି। ହେରା ପଞ୍ଚମୀରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା। ଶତାଧିକ ଶ୍ରଦ୍ଧାଳୁ ଦୂରଦୂରାନ୍ତରୁ ପରିବାର ସହ ଆସି ଏଠାରେ ଲମ୍ବା ଧାଡ଼ିରେ ଘଣ୍ଟା ଘଣ୍ଟା ଧରି ଠିଆ ହୋଇ ରହିଥିଲେ। ନିଜର କ୍ରମିକ ନମ୍ବର ଆସିବା ମାତ୍ରେ ସେମାନେ ଖୁସିମନରେ ଲଣ୍ଡା ହେବାକୁ ବସିପଡୁଥିଲେ। ଶ୍ରଦ୍ଧାଳୁମାନଙ୍କ କହିବା ଅନୁଯାୟୀ, ସନ୍ତାନ ଲାଭ ପାଇଁ କିମ୍ବା କିଛି ସମସ୍ୟା ଥିଲେ ତାହା ଦୂର ପାଇଁ ମାନସିକ ରଖିଥାନ୍ତି। ମାନସିକ ପୁରଣ ହେବା ପରେ ପରିବାର ସହ ଏଠାକୁ ଆସି ଲଣ୍ଡା ହୋଇଥାନ୍ତି।

ଓରମାସ୍‌ ପକ୍ଷରୁ ଅଭିଭାବକ ବୈଠକ

ପାରଳାଖେମୁଣ୍ଡି,୧୯।୭(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ସହର ଉପକଣ୍ଠସ୍ଥ ସେଞ୍ଚୁରିୟନ ବିଶ୍ୱବିଦ୍ୟାଲୟ ପରିସରସ୍ଥ ଗ୍ରାମତରଙ୍ଗ ରୋଜଗାର ତାଲିମ କେନ୍ଦ୍ର ପରିସରରେ ଓରମାସ ପକ୍ଷରୁ ଅଭିଭାବକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନାରେ ବିଭିନ୍ନ ବିଭାଗରେ ତାଲିମ ପାଇ ଚାକିରି କରିଥିବା ୨୫ଜଣ ଯୁବକଙ୍କ ଅଭିଭାବକ ଯୋଗ ଦେଇଥିଲେ । ସେମାନେ ନିଜ ପିଲାମାନଙ୍କ ସୁବିଧା ଓ ଅସୁବିଧା ବିଷୟରେ ଆଲୋଚନା କରିଥିଲେ । ଚାକିରି କରି ଘରକୁ ଫେରିଥିବା ୮ ଜଣ ଯୁବକ ମଧ୍ୟ ଉପସ୍ଥିତ ଥିଲେ।

ମାଗଣା ସ୍ବାସ୍ଥ୍ୟ ଶିବିର

ମାଗଣା ସ୍ବାସ୍ଥ୍ୟ ଶିବିର

ଗୁମ୍ମା, ୧୯।୭(ଡି.ଏନ.ଏ)- ଗଜପତି ଜିଲା ଗୁମ୍ମା ବ୍ଲକ ଅନ୍ତର୍ଗତ ଅଜୟଗଡ ପଞ୍ଚାୟତର ବନ୍ତିଲିଡାସ୍ଥିତ ଶିକ୍ଷାସୌଧ ପରିସରରେ ମାଗଣା ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ଲାଞ୍ଜିଆ ସଉରା ଉନ୍ନୟନର ସ୍ବତନ୍ତ୍ର ଅଧିକାରୀ ପ୍ରସନ୍ନ କୁମାର ଦାସ ଯୋଗଦେଇ ଉଦଘାଟନ କରିଥିଲେ। ଗୁମ୍ମା ସ୍ବାସ୍ଥ୍ୟକେନ୍ଦ୍ରର ଡାକ୍ତର ସମରେନ୍ଦ୍ର ପ୍ରସାଦ ଦାଶ, ଡାକ୍ତର ସଚ୍ଚିକାନ୍ତ ମହାପାତ୍ର ଏବଂ ଏଏନଏମ ଡି.ଶାରଦା ଯୋଗଦେଇ ୨୦୦ରୁ ଊର୍ଦ୍ଧ୍ୱ ଲୋକଙ୍କୁ ମାଗଣାରେ ଚିକିତ୍ସା କରି ଔଷଧ ଦେଇଥିଲେ।

ତେଲୁଗୁ ନ ପଢ଼ି ତେଲୁଗୁ ଶିକ୍ଷକ

ରାୟଗଡା ଅଫିସ୍‌, ୧୯।୭- ରାୟଗଡା ଜିଲାରେ ଶିକ୍ଷା ବିଭାଗ ସର୍ବଦା ବେଆଇନ୍‌ କାର୍ଯ୍ୟକୁ ନେଇ ଚର୍ଚ୍ଚାର ପରିଧିକୁ ଆସୁଛି। ରାୟଗଡା ଉପଖଣ୍ଡର ବିଭିନ୍ନ ଗଁା ବିଦ୍ୟାଳୟରେ ନିଯୁକ୍ତି ପାଇଥିବା ୨୦ଜଣ ଶିକ୍ଷୟିତ୍ରୀଶିକ୍ଷକଙ୍କୁ ତେଲୁଗୁ ଶିକ୍ଷା ନାମରେ ରାୟଗଡା ସହର ଓ ସହର ନିକଟ ବିଦ୍ୟାଳୟକୁ ଡେପୁଟେଶନରେ ଅଣାଯିବା ଘଟଣାରେ ବ୍ୟାପକ ଦୁର୍ନୀତି ହୋଇଥିବା ଏବେ ପଦାକୁ ଆସିଛି। ତେଲୁଗୁ ପିଲାଙ୍କୁ ଶିକ୍ଷାଦାନ ନାମରେ ଓଡ଼ିଆ ମାଧ୍ୟମ ଶିକ୍ଷୟିତ୍ରୀଶିକ୍ଷକଙ୍କୁ ମଧ୍ୟ ପାର କରି ଦିଆଯାଇଥିବା କଥା ଶିକ୍ଷା ବିଭାଗରେ ଖୁବ ଆଲୋଡନ ସୃଷ୍ଟି କରିଛି। ଗୋଟିଏପଟେ ଶିକ୍ଷାର ମାନକୁ ସୁଦୃଢ଼ କରିବାକୁ ଅହରହ ଉଦ୍ୟମ ଚାଲିଥିବା ବେଳେ ସହରକୁ ଆସିବା ପାଇଁ ଶିକ୍ଷୟିତ୍ରୀଶିକ୍ଷକଙ୍କ ଦୌଡରେ କେତେକ ମଧ୍ୟସ୍ଥି ଏହି ବେଆଇନ ଡେପୁଟେଶନ କରାଇ ଲକ୍ଷ ଲକ୍ଷ ଟଙ୍କାର କାରବାର କରିଥିବା ଘଟଣା ସାରା ଜିଲାରେ ଦାଣ୍ଡରେ ପଡି ହାଟରେ ଗଡୁଛି।

ସମବାୟ ଆପଣଙ୍କ ଦ୍ୱାରରେ

ସମବାୟ ଆପଣଙ୍କ ଦ୍ୱାରରେ

କୋଡିଙ୍ଗା,୧୯।୭(ଡି.ଏନ.ଏ)- ନବରଙ୍ଗପୁର ଜିଲା କୋଷାଗୁମୁଡା ବ୍ଲକ କୋଡିଙ୍ଗାା ଲ୍ୟାମ୍ପସ ଦ୍ୱାରା ବି.ଏମ ସେମଳା ପଞ୍ଚାୟତରେ ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କୋଡିଙ୍ଗା ଳ୍ୟାମ୍ପସ ସଭାପତି ଗୋବର୍ଦ୍ଧନ ଭତ୍ରାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମଞ୍ଚାସୀନ ଅତିଥିମାନେ ସରକାରଙ୍କ ଦ୍ୱାରା ପ୍ରଦତ ଚାଷୀମାନଙ୍କ ପାଇଁ ଉର୍ଦ୍ଦିଷ୍ଟ ସମସ୍ତ ଯୋଜନା ବିଷୟରେ ବୁଝାଇବା ସହ ଚାଷୀମାନେ କିଭଳି ଲାଭବାନ ହୋଇପାରିବେ ସେ ବିଷୟରେ ଆଲୋଚନା କରିଥିଲେ। କୃଷକ ବୀମା, ଫସଲ ବୀମା, କୃଷି ଋଣ ସମ୍ବନ୍ଧରେ ଆଲୋଚନାରେ ହୋଇଥିଲେ।

ସମବାୟ ଆପଣଙ୍କ ଦ୍ୱାରରେ

ସମବାୟ ଆପଣଙ୍କ ଦ୍ୱାରରେ

କୋଡିଙ୍ଗା,୧୯।୭(ଡି.ଏନ.ଏ)- ନବରଙ୍ଗପୁର ଜିଲା କୋଷାଗୁମୁଡା ବ୍ଲକ କୋଡିଙ୍ଗାା ଲ୍ୟାମ୍ପସ ଦ୍ୱାରା ବି.ଏମ ସେମଳା ପଞ୍ଚାୟତରେ ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କୋଡିଙ୍ଗା ଳ୍ୟାମ୍ପସ ସଭାପତି ଗୋବର୍ଦ୍ଧନ ଭତ୍ରାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମଞ୍ଚାସୀନ ଅତିଥିମାନେ ସରକାରଙ୍କ ଦ୍ୱାରା ପ୍ରଦତ ଚାଷୀମାନଙ୍କ ପାଇଁ ଉର୍ଦ୍ଦିଷ୍ଟ ସମସ୍ତ ଯୋଜନା ବିଷୟରେ ବୁଝାଇବା ସହ ଚାଷୀମାନେ କିଭଳି ଲାଭବାନ ହୋଇପାରିବେ ସେ ବିଷୟରେ ଆଲୋଚନା କରିଥିଲେ। କୃଷକ ବୀମା, ଫସଲ ବୀମା, କୃଷି ଋଣ ସମ୍ବନ୍ଧରେ ଆଲୋଚନାରେ ହୋଇଥିଲେ।

ପଞ୍ଚାୟତ ସମିତି ସଭ୍ୟ ସଂଘ ଗଠିତ

ପଞ୍ଚାୟତ ସମିତି ସଭ୍ୟ ସଂଘ ଗଠିତ

ତେନ୍ତୁଳିଖୁଣ୍ଟି,୧୯।୭(ଡି.ଏନ.ଏ)- ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକରେ ସମିତି ସଭ୍ୟମାନଙ୍କ ଏକ ସଂଘ ଗଠିତ ହୋଇଛି। ଏଥିରେ ସର୍ବସମ୍ମତିକ୍ରମେ ସଭାପତି ଭାବେ ବ୍ଲକ ଉପାଧ୍ୟକ୍ଷ ମନୋନୀତ ହୋଇଥିଲେ। ସମ୍ପାଦକ ଭାବେ ଦିିଗି ସମିତି ସଭ୍ୟ ଟୁନା ଭତ୍ରା, ଅଂଳା ଭଟ୍ଟା ସମିତି ସଭ୍ୟ ସୁଶାନ୍ତ କୁମାର ହିଆଲ ଉପସଭାପତି ଭାବେ ନିର୍ବାଚିତ ହୋଇଥିଲେ। ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥାରେ ସମିତି ସଭ୍ୟଙ୍କୁ ଉଚିତ ଅଧିକାର ମିଳୁ ନ ଥିବା , ପଞ୍ଚାୟତ ତଥା ବ୍ଲକରେ ସମିତି ସଭ୍ୟଙ୍କୁ ପାଇଁ ସ୍ବତନ୍ତ୍ର ବ୍ୟବସ୍ଥା କରିବା, ଦରମା ହାର ବୃଦ୍ଧି ତଥା ହାତ ପାଣ୍ଠି ବ୍ୟବସ୍ଥା ଆଦି କରିବାକୁ ଦାବି କରିବା ପାଇଁ ନିଷ୍ପତ୍ତି ନିଆଯାଇଥିଲା।

ଡଙ୍ଗରିଆଙ୍କ ଶାଲକୁ ବିଦେଶରେ ପ୍ରତିଷ୍ଠିତ କରାଇବା ନେଇ ବୈଠକ

ବିଷମକଟକ,୧୯।୭(ଡି.ଏନ୍‌.ଏ.)- ବିଷମକଟକ ବ୍ଲକ ନିୟମଗିରି ପାହାଡରେ ବସବାସ କରୁଥିବା ଡଙ୍ଗରିଆ ଆଦିବାସୀଙ୍କ ଦ୍ୱାରା ପ୍ରସ୍ତୁତ କପଡାଗୁନ୍ଦା ଶାଲ୍‌ର ଉପତ୍ାଦନ ସହ ଏହାର ବିକ୍ରିବଟା ପାଇଁ ପ୍ରଶାସନିକସ୍ତରରେ ଜୋରଦାର ଉଦ୍ୟମ ଆରମ୍ଭ ହୋଇଛି। ଏ ନେଇ ଚାଟିକୋଣାସ୍ଥିତ ଆଦିବାସୀ ହସ୍ତଶିଳ୍ପ ବିକାଶ କେନ୍ଦ୍ରରେ ପ୍ରଶାସନିକ ଅଧିକାରୀଙ୍କର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି । ଜିଲାପାଳ ଗୁହା ପୁନମ ତାପସ କୁମାର ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଗୁଣପୁର ପିଏ ଆଇଟିଡିଏ ଗୋରାଚାନ୍ଦ ଗମାଙ୍ଗ, ରାୟଗଡା ପି.ଏ ଆଟିଡିଏ ପ୍ରବୀର ନାୟକ, ଜିଲା ଶିଳ୍ପ କେନ୍ଦ୍ର ଆଞ୍ଚଳିକ ପରିଚାଳକ ବୀରେନ୍ଦ୍ର କର୍କରା, ଡିକେଡିଏ ସ୍ବତନ୍ତ୍ର ଅଧିକାରୀ ଶୋଭାଭୂଷଣ ଶବର, ଓଡିଶା ଜିବୀକା ମିଶନ ଅଧିକାରୀଙ୍କ ସମେତ ସ୍ବତନ୍ତ୍ର ବିକାଶ ପରିଷଦର ଅଧ୍ୟକ୍ଷ ଜଗନ୍ନାଥ ନୁଣ୍ଡୃକା, ସଦସ୍ୟ ଜିତୁ ଜାକେସିକା, ଡମ୍ବରୁ ଚୌଧୁରୀ, କୁର୍ଲୀ ସରପଞ୍ଚ ଡ୍ରିଞ୍ଜ ଜାକାସିକା ପ୍ରମୁଖ ଉପସ୍ଥିତ ଥିଲେ।